رواية كسرة قلب الفصل الثلاثون 30 - بقلم نور الشمس

احس وشه قويه صارت بأذني ماادري شلون وصلت غرفتي مو واعي الكلشي مااتذكر شلون وصلت وعيت على روحي وانه گاعد على چربايتي وعكازتي مشموره مسافه عني يمكن طايحه
لحظات انعاد كلشي بذاكرتي زفتها ووجع گلبي
شغله عزت عليه وظلت بخاطري ماسمعت معارضه وگايله مااريد يمكن لو گايله ابوها مايجبرها گبل چنت عاذرها بعيده عني اتخيلتها مثلي تمثل النسيان وبيها شي يحن الي لحظات شفتها بدون تركيز بس بيهن خدودها موورده مرتاحه مبيينه
وانه هم مرتاح بس ياراحه هاي حته بونستي تمر عليه نسمة هوه بارد الروحي المتوجره
واتذكرها اتذكر ايامي وياها شجابها وشتريد اجت هوه انه اريد انسى
افكر ساعات واندگ الباب گلت فووت اكيد امي جايه تشوفني
فاتت علي رفعت راسي مو امي هاي
احس بيه بركان اريدها ومشتاق الها وشوفتها نبهتني على هواي اشياء مامفكر بيها عبالك صحتني وذكرتني هيه ليش مارفضت الزواج ليش ماگالت مااتزوج
رفعت راسي الها وانه اتضاهر بالبرود والبيه بركان من الشوك واللهفه والحنين والعتب عيوني عاتبنها ومنتظرها شتريد تگول
ظليت صافن عليها مكياجها المبالغ بي ذهبها التارس اديها وصدرها بس عيونها بيهن حچي وصرت ماافهم لغة العيون صرت ماافهم كلشي اريد توضيح اريد السانها ينطق وبداخلي اتذكر مواقف تجي ابالي اول مره واحضر الروحي اعذار واحاول اصدگ اعذاري هيه اتزوجت وابنيه وماتكدر ترفض ولا تواجه شني الفايده من رفضها شتحصل غير كسرة الخاطر  اتمنالها حياة سعيده وربي يسعدها
بعد ماطولت بالصفنه وهيه تتنوعلي من شافتني ساكت وانتظرها شتحچي كالت

..شلونك كرم

..شتشوفين انتي گلتها وتحسرت حسيت الوجع شگ صدري

..اشوفك زين ويارب دومك بخير

..ماادري ليش جوابها استفزني گتلهاالحمدلله ..وانتي اشوفچ مرتاحه والفراگ لايگلچ حليانه احد گالچ لو بس انه انتبهت
ابتسمت وگالت لا هواي گالوو حليانه
كرم انه وانت زغار وانت الطريق گدامك الولد فرصته اكثر من البنيه وكدامه مشوار طويل انت بعدك الي بعمرك مايفكرون يرتبطون بس اني اتزوجت وراح اصير ام وزوجي يحبني ويحترمني وغصبا عني احترمه والماضي مهما كان حلوو خليته بظهري اليوم انت اخوي وابن عمي اجيت متعمده حته اشوفك وتشوفني واسمعك هذا الحچي صار ايام ارتبله اريدك تبقى قوي مثل ماانت وربي يرزقك بلي تعوضك وتكون احسن مني واحلى

.. خيبة امل قويه حسيت بيها ماجنت منتظرها تكول انت تبقى حبيبي وحبي الك ماله بديل بس لو باقيه ساكته هواي احسن الي.. جاوبتها  خلصتي حچيچ

..لا منتظرتك تحچي واحاچيك

..ماعندي حچي بعد الگلتي ماينضاف علي شي  شغله وحده خليها ابالچ انه قوي طول عمري وغيابچ ماكسرني حته تجين تگليلي خليك قوي مامنتظر منچ مسانده لو تنبيه
ثاني شي انه وانتي مو اخوه ومااصير اخوچ ابد ايام وانه اشوفچ غير اتزوجتي الله يسعدچ ويهنيچ ولامره ذكرتج مادعيت الچ بس حچيچ هذا يدل انتي محابتني مثل ماحبيتچ انتي ماحابه اصلا يمكن چنت عاجبچ هسه شنو العاجبج مااعرف شكلي يجوز جي  ابن عمج اهتمامي يمكن هوه العاجبج بس حب ماحابتني لو حابتني ربع حبي الج مااجيتي تتمنطقين علي وتگليلي انت اخوي والبعمرك مامفكر يرتبط علا صوتي شويه هذا الأنشاء الي گلتي مني كاتبه الج منو گلج احفظي والقي بدون ماتفكرين  ولچ ايام وليالي انام والمخده تشهد على دموعي هسه انتي جايه تسولفين علي انتي اصلا شجابج المن اجيتي مو اريد انسى انه والله اريد انسى
شجابچ النه
..حبيتك والله بس كلشي خلص ليش تربط نفسك وياي وانه اصلا بديت حياة جديده ومرتاحه بيها ليش انت تتعذب

..يابه الله يريحچ دوم مو يوم وربي يديم سعادتچ وهسه عوفيني واطلعي ومااريد اشوفچ ابد
مريم اذا بيوم من الأيام صدگ حبيتيني لاتبقين اطلعي ولاتشوفيني وجهچ ابد للموت مااريد اشوفچ .
طلعت بدون ماتحچي وبطلعتها طلعت روحي
ولك كرم هاي الغاليه شلون هيچ تحاچيها شحچت هيه شگالت
خلتني بصراع روحي وي روحي بيه شي يتهمها وشي يدافع الها شويه وصاحوو صبو الغده ولازم اطلع وي ابوي مااخلي وحيد بعد الصار ابوي حس اخوانه ماينحسبون عليه

طلعت وماردت افوت من المطبخ خاف هيه موجوده
رحت من الصاله واطلع بره وديوان ابوي معزول عن البيت
طلعت وصارت هيه بوجهي باوعتلها بخزره وعفتها وطلعت صاحت كرم

بقيت واگف بمكاني مادرتلها مااريد اشوفها واضعف
كالت والله الخاطر عمتي ظليت شاهين يبچي اليوم وهيه يمها هوسه وعدها شغل هواي وماسكت يم غيري هيه گالت ظلي
طلعت وبدون مااحاچيها طبيت للديوان وانه استند ع العكازه فاجئني جواد من گام سلم علي طول الگعده احس روحي مخنوگ وعيني تتفحصه
هنا نامت على متونك وهنا ايدك لمست شعرها وفلته
اتعوذ من الشيطان وارجع الگاها ابالي يارب شينسيني شلون انسى

صوت ابوي گطع صفنتي نقذني من گال كرم بويه روح اشرب دواك وارتاح باجر وراك جلسه
ابوي حس بيه وحس محمل روحي ازيد من طاقتي وانه گاعد وي الذبحوني كلهم داير مادايري
ترخصت وگمت ونظره فريت بيها الديوان واصرار بداخلي يگول والله والله الا اخليكم تندمون انتوو الضيعتوني وللأبد انتو الخسرتوني كرم الماعاجبكم وماتردونه البناتكم تخافون عليهن منه خاف تظلموهن وياي الا اخلي زواجي من بناتكم حسره بگلبكم
گمت وانه اتوعد وافكر شبيك كرم هاي مو اخلاقك
انت اكبر من هالشي الحقد مايرفع احد والزعل مايكبر ابن ادم
بس اني اثبت نفسي وماالي غير الدراسه اذا فعلا عاجز وهالأحتمال مااريد افكر بي واذا عقيم وهم صعبه بس ذني الاثنين صعبات وماالي غير شهادتي هيه الترفعني رجعت الغرفتي وكلي اصرار اكمل حل المسائل الي اتعاحزت منهن وانتظرت المدرس هوه يشرحلي جربت اكثر من حل وطريقه وحليتهن. ومرت الءيام وانه عيج ملما اختنك واحس روحي ضايع اقره واتفوق اكثر واكثر
بيوم خلص صگر امتحاناته واجه واول مره اشوفه هيچ ملهوف ركض الأبنه بعد ماسلم علينه وشاله ظل يشمه من كل مان يشيل ايده الناعمه يبوسها
من شفته حسيت احساس حلوو يارب معقوله بعد وراي حرمان معقوله انحرم من الاطفال
ومااحس بهذا الشعور
حاچتني امي وعبالك هيه تقراني
..كرم يمه شيل لوله واخذها يمك مادام صگر اتكفل ابنه نييم لوله الضهر يمك وانطيك حليبها انت سويلها ابوكم تعبان وخلوو اليوم يرتاح من هوسة الجهال
صاح ابوي ياالله هاي ياهي النطقت شيخه لو مبدلينها صابر عليچ ايام اريد اشوف شوكت تردين الي وتنتبهيلي هسه لبوة ابوها تشبع وتنام بحضني شمحلاها الا هذا الملعب ماينام الا على صدرچ ادري شخصلنه من ابوو يلله منه

صگر..چني انقصفت وهذا الموضوع راح يجر مواضيع شيخ حگك علي وانه ماخذ الفاسد ابن الفاسد هذا ورايح الغرفتي بس انطوني حليب ااه الا اخليكم بحسرة شوفته هههه

فهد..سبع اذا خليته يوم يمك ولك ماينحمل لوينه امك مدري شلون حاملته

صگر..شيخ مبيين تغار من شاهين گول گول اعذرك

..انجب وبلا لغوه وهاي سوالفك ماتشفعلك روح ارتاح والعصر نسولف اريد اشوف شني تاليها وياك

..لا يالله وانه اگدر انام بعد هذا التهديد گول شيخ بس لاتگلي على نبأ

..واكو غيرها بس گلي انه شلون اخلص منها ومن اهلها
وانت لشوكت اظل شايل همك وجنك جاهل انام واكعد وافكر بيك

..كمت رجعت شاهين الكاروكه ورجعت گعدت خليت ايدي على راسي افرك بي بعدني بهدومي مامبدل وانفتح الموضوع گتله من تبطل تعاملني جني جاهل انت راح تقتنع انه كبرت ومايحتاج تفكر بيه

..ولك صگر والله وروح ابوي ظهرك اكسره خاف عبالك كبرت وصرت ابو وادور احترامات لمن تحترم نفسك انت وتحترم اخوك واهلك وعمامك بذاك الوكت احترمك

شيخه..ابو كرم صلي على محمد واهدأ شني ااسالفه بعده مامغسل وجهه شبيك وياه

فهد..محد.طلع عينه وكبر راسه غيرج

شيخه..اي غير اعرف شمسوي حته هيج انت معصب وشمسوي وليدي ماتگلي شمسوي

صگر ..عوفي يمه خل افهم حته احچي شيخ انت شني المضوجك موضوع حاجين بي الف مره والله تعبان ومالي خلك وصار شگد ماضاحك هسه گعدت يمكم ردت اضحك وفرحان بشاهين الضاهر هم هاي الكعده هواي عليه گلي انت شتريد تريد تضايقك.شوفتي اطلع والله وحته لو كتلي اي ادري بيك تحبني وتخاف علي ماازعل بس ريح روحك وريحني تعبت وتعبتني تعبت وانت تفكر بيه وتعبت وانه احاول شلون ارضيك رسيني على بر

..ولك تسألني تسوي روحك ماتدري انت شلون تخطب نبأ وتريد تتزوحها تايه انت مالك اهل
مو احترمتك انه وردت انسولف ابيناتنه بس انت مو محترم روحك وتريد تناسب هالمله انه احترمك ليش
وانت مامحترم روحك ولامحترمني ولامحترم صيت اهلك

..لحظه لحظه خل احچي اسمعني هسه غير تسمع درت وجهي على كرم وامي هسه شلون افهمه انه واحچي وهوه ماينطي مجال سكتت ودنگت خليته يحچي الي بگلبه حسيت بقهره والحرگه البي حقه فهد.رباني وينتظر مني اجازي وانه الخاطره مامفكر بيها اصلا حته من اريد تفكر اترك كلشي مقييد روحي الابعد حد بس حته ارضي سكت اخر شي
كتله تخليني احچي لو بعد عندك حچي

..احچي بدون اعذار وگبل لاتحچي تحلم تتزوجها وانت منه انطيك ورقتك وتروح وين ماتريد وروح وياهم اشتغل شغلتهم عود

..حچايته حيل جرحتني اختنگت كلش كتله ماتقصر بس الحچي الوصلك مو صحيح انه وهيه اتفقنه مانتزوج اصلغ والبنيه تدري وكتلها انه ابن عشاير حچاية الناس تهمني وماافكر بالزواج اصلا وكلشي بيناتنه انتها
بس الحچي الگلته ابد مامتوقع اسمعه منك مو انه الي تساويني وي لميعه وتشوفني مناسب الشغلتهم يمكن نسيت انه تربيتك وامي شيخه الربتني ولي ردت توصله الي وصلني  انت ماكول ناوي تتبره مني براحتك من اليوم انساني ولاتفكر بيه يطبني طوب شيصير بيه خل يصير ومن اليوم بلغ الكل صگر مو ابني ولا اخوب ولا الي علاقه بي كلهم ولد عاق وطالع عن سيطرتي وانه مولي والبيت هذا بعد ماادخله لحظات وگف بعيني ابني وبس نزلت دموعي وانه اباوعله انت شجابك الدنيا غلط دنيا مابيها احد مرتاح الي مستقرين اهلهم مامرتاحين شجابك وانه ابوك اصلا مالاكي راحه
صعدت بسرعه لميت غراضي وجبتلي فلوس من كنتوري وطلعت وجنط.الدوام بيدي امي تبچي وفهد ماهو ماادري وين رايح كرم گال اوكف صگر وين رايح شبيك انت ماتعرف ابوي ماتعودت علي
..ابوك هوه المايعرفني تعبت كرم لشوكت انه اضل هيچ انه هم بشر هم اريد ارتاح اريد الروحي خصوصيه كافي مو هيچ ومع هذا انه عاذره واريد اريحه فد مره انه طالع
درت على امي يمه فدوه اروحلچ فدوه لاتبچين شاهين امانتچ يمه شوفيني بي وفتره بس ارتب وضعي اخذه وياي مااخلي بعد مااريد اتعبكم انه الضاهر كل مااكبر همي يكبر وياي

شيخه..
طلع صگر وحسيته اخذ گلبي وراح اول مره ابچي هيچ بحرگه واحقد على فهد ساعات وساعات اعذره لأن بعد ماعاتبته افتهمت رجل ام نبأ جاي هوه وگايله استعجلوو واخطبوها رسمي وبالگهوه محاجي بالولايه ومسوي روحه هوه ابو الراهي وفهد طارده وكايله تحلم صكر يناسبكم وگال من اجه گوه صبرت روحي ردت احجي بيناتنه وانه نار بيه تفور بس هوه وازاني وخلاني احجي كدامكم
الحد الليل احنه متوترين صكر  غلق تليفونه وحته ماعرفنه هوه وين وهاي اول يوم عطله اله وبعدله سنه وحده ويتخرج حرامات تالي تعبنه نطلعه زعلان ليش جنت متمنيه يطلع بس مو هسه يطلع متزوج ومستقر ويريدله استقرار مو حاير بروحه
بالليل ردت اعاتب فهد ردود حاچاني وعيونه تلمع بيهن دموع متجمعه حابسهن ويكابر حته مايطيحن دموعه گال ماخابرتوو ماشفتوو وين هذا وين راح ماخليت واحد ماخابرته من ربعه ومن گرايبنه حته الي بالبصره وبغداد مارايح الأحد وين وله انه وين الگاه
كتله ماجاي نحصله وماندري لبس هدومه وطلع

..وين طالع بهالليل

..ماادري وين اولي بس مااكدر اگعد هيچ خل ادور اشوفه وين راح هذا خاف شو شسوه بروحه شكل الروحي انه لو صارله حادث والله والله لو صار شي عليه محد يخلص لميعه ورحلها وعشايرهم مني والله افنيهم فني حرگوو گلبي بي عرفوو منين يلوون ايدي عرفوو غلاته عندي وانه الهسه يلله عرفت صگر اغلى حته من ولدي
انه كالع وشتسمعين خابريني ماارجع الا وبالي مطمن

صار الفجر وانه على گعدتي والولد كلهم التليفوانات ماسكتت وخاف محد يدري هسه الكل دره اكو مشكله صايره وصگر طالع

الساعه بالسته الصبح وفهد ماكوو وخوفي صار ع الاثنين
سته ونص دك تليفةن كرم جاوب

..الوو

..ولك صگر صدگ تحچي ليش هيچ ابوي راد ينجلط والله طالع من البارحه وماندري وين وانت تدري گلبه تعبان صگر مو هيچ تعاقبه

..خابروه كلوله مابي شي انه بأربيل وماانطيكم العنوان ومااريد احد يلحگني بس انه زين سلم على امي والولد
كرم شاهين فدوه دير بالك علي واذا تعبت امي انت ساعدها بس ادبر روحي اخذه

..انت شتخربط شبيك وين تاخذه انت تجي ارتاح فتره وتعال الخاطرنه احنه عوف ابوي

..الله كريم كرم مااكدر بعد والله هيچ احسن هوه تعب وانه تعبت انه اشفت من عمري ماتكلي يوميه اريد اخيطلي جرح ينفتح اكبر منه اريد ابعد اريد اعيش بديره محد  بيها يعرفني اسوي اليعجبني انام اكعد اطلع محد اله شي عندي
خابر ابوك ولو اجه طمني وخابرني وانتبهله خل يشرب دواه مااريد يصير بي شي من وراي وبالي راح يظل يمه

شيخه..
خابرنه فهد وكلناله اجه بس تعبان ماحچه شي ومرت ايام وهذا الموضوع ماانفتح بس چان يوميه يسأل كرم على صكر واخباره وگله اسأله اذا محتاج افلوس نحووله وگله من فلوسك محد متفضل علي لايرفض
كرم بلغ صگر وجاوبه من احتاج اگلك
جان يطلب من كرم يفتح كامره ويشوفه شاهين وحته احنه نشوفه بس فهد من يسمعه يگوم يطلع ماادري مايريد يسمع اخباره وبعده زعلان لو ينقهر علي
لمن صار شهرين ونص صگر ماشفناه وخواته واخوانه يلومون بفهد كلهم يحچون وراه وحته الي ماله غرض بي صار حنين وگام الحچي يوصل الفهد وبده يضوج بس يكتم بداخله ومايحچي ظل كل هالفتره مامرتاح وقربت امتحانات كرم وبده يمتحن بهاي الفتره غلق تليفونه وبس بالوكت الي يخابر صگر بي يفتحه وحته صکر قلت اتصالاته  وصار يتصل كل اسبوع وكرم ذب روحه ع القرايه مانشوفه بس لو طلع للحمام وحته غداه للغرفه يوصله ومرات يطلب اسويله لفات اسرع اله يكول مااريد وكتي يضيع جنت احجي علي وخفت علي يتأذه من كد مايضغط على نفسه

صگر..

چنت متلهف حيل الاهلي ومشتاق الأبني وحجي فهد دمرني دمر كلشي بيه حسيت روحي عاله علي
ضغوكات هواي صارت علي مااكدر اتحمل كلشي طلعت وقررت ماارجع واحاول ارتب افكاري وافتحلي مشروع واشتري بيت بعيد عن مخافظتنه كلها واستقر واجيب ابني يمي
چنت اخابرهم كل فتره اشتاقلهم حته الفهد مشتاقله هواي اشتاقله مرات اتخيل نبرة صوته وهوه يصيحني الي بينه وبينه مو علاقة اب بابنه ولا علاقة اخ واخو بس شي اكبر من هذا حنان مختلط بين حنان الاب ووكفة الاخ الي تحسه سند الك ومرات اعتبره صديق بس وصلنه مرحله ماكو تفاهم بينه وهوه يبقى اخوي وجبيري وجبير العشيره كلها صعب يوميه انه واكفله وارادد بي اختاريت الحل الاصلح الي واله هوه الأبتعاد وحته نبأ بعد ماعرفت بالمشكله الصارتلي هيه انسحبت وكسرت خطها واميلها الي اراسلها من خلاله وقفته وانگطعت اخبارها اشتاقلها مرات واتمنى اعرف هيه بخير وكدرت تتغلب على خططهم
بيوم طگت روحي على شاهين بعد ماوصلتني صورته وهوه عمره صاير اربع اشهر تقريبا توه بادي يدنفش اتمنيت هاي الايام انه وياه ومتعلم عليه
خابرت كرم واترجيته يفتح كامره
كتله خلي امي تحلله واريد اشوفه وهوه يفرفر
صدگ بعد ماحاچيت اني وسلمت عليها وحاولت تقنعني ارجع وانه ارفض واتعذرتها هواي وجهوو الكامره على شاهين چان يخبل مدنفش ويحرك بأيده لحظات تخيلته يمي حاچيته

..بابا حبيبي فدوه اروح الهالوجه مشتاقلك
ويوميه انام واخر واحد اشوفه انت اكلب بصورك واشتاقلك اكثر حبيبي هم تذكرني تعرفني
جريت حسره بصوت عالي نسيت الكل يسمع ونسيت كلشي اصلا عبالك جبير ويفهمني
صحت يمه فدوه خو مايتمرض ذاك اليوم كرم گال صدره ملتهب فدوه يمه ديري بالچ علي وبوسيلي لوله
طمنتني وردت اسده كتلها راح اروح كرم خاف عنده امتحان واشغله انه باجر اخابر على علي وخل هوه يفتحلي كامره يمه فدوه وجهيها عليه وشميلياه بمكاني
گاعد احچي وحسيت التليفون انسحب الكامره ماثبتت بس شفت فهد بعد ماثبتها عليه وهوه يباوعلي وشفت دمعه لمعت بعينه ونزلت مسحها بخفه وکال
ولك ليش هيچ گلبك اسود ليش هيچ تعاقبني
تدري بگلبي شلونه عليك هسه مثل گلبك على ابنك
صح يمكن جرت عليك بس هذا من خوفي لو ماغالي علي ماالي علاقه بيك بس انت غير كايلها الك گبل والله مامعتبرك اخ وبس من باچر تجي الك مهله للعصر اذا مااجيت انه اجيك والله وخاف عبالك مااندلك ادري انت وين وبياغرفه هم مو عبالك اسكت شهرين واكثر وماادري انت وين ولك مو بيدي والله غير انت امانة الغالؤه عندي اخر وصيه من امي الي انت ماحاچت ابوي ولا احد حاجتني انه وحاجت شيخه ماردت منك شي بس ماردتك تناسب ناس مو من ثوبك النظيف مهما كانت نظافته من تخلي يم الشي الوصخ ياخذ
سمعتني

..نزلت دموعي واحس كلشي خططتله ورددته بدماغي محد اله سلكه عليه وانه لازم ابعد وووو كلهن اتبخرن من سمعت نبرة صوته وحسيته ملهوف
ضحكت وعيوني تدمع مو انه اگول فهد بطل هواية الاستخبارات لو لعتزل لو ايس مني وتركني حبيبي ابو كرم مشتاقلك والله وطاك گلبي عليك وغليكم كلكم بس السويته احسن الك والي وماارجع الا تگلي مااصدگ اي حچايه تنگال عنك الا بعد ماافهم منك

..الي تريده يجرالك بس تعال ابنك خطيه يحتاجك امك زعلت وحته من رضيتها مو من گلبها رضت

..ماتزعل امي گلبها طييب اجيكم والله بس يومين ارتب اموري وهم كرم يخلص اخر يوم امتحان حته مااشغله

..براحتك حبيبي

مرن ليومين ورجعت الهم طبيتهم الضحى حيل مشتاقلهم مالكيت فهد جان طالع بمشيه
لكيت امي والولد وكرم رايح يمتحن اخر امتحان اله
شفت شاهين ومااطاح من ايدي الحد مااجه فهد الضهر عفت شاهين ورحت بست راسه وهوه حاضني وفهمني كلشي من هذا اليوم فهد گال بعد تطلع وياي انت وتگعد مشيات حسيته يريد يبينلي هوه معتبرني جبير وحته ياخذبرايي مرات بديت ارجع طبيعي
ايام مرت وصار وقت اعلان النتائج الكل متوتر وكرم حته اكل ماماكل بيومها يفتر ويريد يعرف النتيجه
اضحك وياه گتله خايب ماتگلي شبيك ادري يعني ماتجيب معدل ستين تروح معهد مثل الورد شبيك خايف هيج

..شوف هذا شبيك صگر اريد طبيه انه

..ضحكت بصوت عالي بالله ياهوو من عمامك مطلع طبيه وناوي تقلده

..ضحك گال محد بس انه اريد اطلع

..دگعد اكعد حملت الرابط هسه يطلع اباوع الأمي شبيچ يمه ينجح والله لاتخافين

..شوف هذا راح ادفرك والله انسه انت عمي خاف تگول يانجاح معدل اريد

..دسكت يخوي ها اها طلعت هذاك اسمك

..لك كلي بالدرحات ماحاي اركز

..ضحكت مبروك ولك طبيه والله ميه بالميه طبيه تجيب

يتبع ..