رواية كسرة قلب الفصل الحادي والثلاثون 31 - بقلم نور الشمس

..ولك طبيه معدلك يطلع اكثر من ثمانيه وتسعين

كرم ..ظليت اتنوعلهم اريد اصدگ فرحان ومامصدگ حلمي اتحقق اول حچايه نطقتها يا رب الف الحمدلله
لحظات وانه بعدني گاعد اريد اگوم مااكدر الكومه ماتكفيني ودي اطفر ودي اطير بس رجلي بعدها تاذيني صحتني فززتني هلاهل امي شفت دموعها التنزل دموع الفرح
صگر حضني واخواني التموو عليه
صاحت عليهم اني وخروو ولكم خنگتوو
كرم يمه خابر ابوك لو خليها لمن يجي يعرف منك احسن

صگر..لايمه النتائج طالعه بالأنترنت والعالم كلها راح تشوفه خاف يخابرونه يتباركوله ويدري من الغريب هم يكول ليش مو منكم دريت

شيخه..يا اذا هيچ خابروه انتم بس اتمنيت اشوفه وهوه فرحان من يعرف البترحه هوه يوصيني ضماتطلع نتيجته لتضوجون يمه وتبينوله ماراضين شيطلع شجعووه وهنوه وافرحوله مامتوقع اطلع هيچ

كرم ..وانه هذا الردته ردت شي محد متوقعه
كمت الحيلي وطلعت بالحوش بره احس الدنيا ضحكتلي صحت بصوت عالي
الف الحمدلله مشواري الجاي الشهاده وبعدها اختصاص الا افتح عياده هنا بأسم الدكتور كرم زامل
ضحكت وعيني على امي وصگر واخواني وشفت لوله بيد اني وشاهين بيد صگر ركضت عليهم بوستهم
حلوو موو تكيرون تلگون اخوكم دكتور

صگر..بس كون تطلع دكتور بيك خير اكوو بس لسم وحشه الشسمه منهم مسفطين وگاعدين انه اخاف تاليتك هيجي

..فرحان اليوم افوتها الك.

..ضحكتله يارب ادوم فرحتك شويه واتصل كرم بفهد.سأله بويه انت وين گله قريب الكم اريد اوصل
خو ماكو شي گله لا ماكو شي
من وصل كلنه نباوع الكرم يگله وهوه ساكت بس مبتسم گتله ادري تمزمز وواگف طگيت مرارتي خاطبينك اليوم وماندري لو هذا الحيا للمعدل
ضحكت اني وفهد يتنوعلنه شبيكم شوكلكم مبتسمين شكوو وراكم خبر لو مصيبه جماعيه

شيخه ..اسم الله من المصايب ابو كرم مبروك كرم طلع معدل ٩٨

..لا لا صدگ تحچين والله لو تناصبين علي هوه صدگ النتايج اليوم شنساني كرم بويه صدگ هيج مطلع ماتحجون شبيكم

كرم ..اي بويه صدگ وابنك راح يدرس طب وان شاءالله اصير طبيب وطبيب شاطر هم وادرس اختصاص انه هاوي ورايده
شفت ابوي جاجاي وهوه فاتح ايده حضني بقوه حسيت روحي طفل وانه بحضنه
بعد عني لزم وجهي وباس راسي

..فدوه الأبني وجبيري الماخييب ضني ماجذبت من سميتك عگال الراس
بيومها الفرح والهلاهل ترست البيت اجوو خوال امي وابوي وي حبوبتي من خابرتها امي وهيه ابيت اخوها الي  ماتفارگ بيته ابو ريسان جابها ريسان هوه ومرته واجه وياهم خواتهم عبالك عرس مو نجاح
طبت حبوبتي وهيه تگول وتهوس بعباتها

توهن طربن شيباتي وهذي فرحتي ومناتي

وخضرت دار الحنين امشنه نشرب دارسين

جنت اضحك والفرحه ماسايعتني وانه اتنوع الامي وحبوبتي وهنه يهوسن ندسني صگر وهوه يضحك

..ولك حته وانت الناجح الگفلات الفهد ادري قاري كاتب ممتحن بمكانك
ضحكت وانه اشرله على ايدي
..اسكت صگر شوف ايدي شلون ترجف من الفرحه
..الله يديمها كروم  تستاهل

شويه وطبن عماتي واصلهن خبر هرجن البيت بالهلاهل ودموعهن تصب وهنه يتنوعن الابوي الي بعده زعلان منهن رغم هنه مالهن علاقه بس جي ساندن عمي محمد كايلاتله خليها تتوكل لاتوكف بقسمتها وخاف تشيل خطيتها لو طلع كرم مريض بس يمكن بوكتها جان متوقع يسندنه ويطيبن خاطره حته لو بحچايه 
انه من شفتهن فرحت ونسيت كلشي عماتي احبهن وصار هواي فاقهدن وفاقد جمعتهن وي امي وهنه ساعه يگصن بالناس وساعه يستغفرن
ضحكت وانه اتذكر سوالفهن.. ظلن هنه يهوسن وحبوبتي تهوسلهن

صگر شايل شاهين ويهز بي وياهن گالهن ولچن بس انه من نجحت ورحت جامعه ماخليتن وصيه  ماكلتلنها الي ولاوحده منجن گفلتلي
وفرحتني دروحن هم خوات انتن
عمتي وفاءگالتله هاي الهوسه الك

..ذبت عبايتها وهيه تهوس بالنص

بس كون سالم يالولي يوميه ازفنلك مره 👏👏💃

صكر..لو ساكته احسلچ ارجعن هوسن ع الحنين بطلت مااريد هوسه مفرحتني يوميه بمره

بدت الزلم تجي تبارك عمامنه ومعارفنه ابوي كالهن بعد مااريد صوت وبده شغلهن يردن يلحگن وهنه يحضرن كهوه وجاي وعصاير وچكليت
الله يسلمهم نقدم الگهوه يكولون نريد چاي
نقدم الجاي گالو اليوم فرح نريد عصاير وجكليت
هاي بكل الاعياد والمناسبات كمنه نحضرهن كلهن
الفرح دخل گلوبنه وببيوتنه الحمدلله

اسبوع والعالم هواي تبارك وحته هدايا جابوو
ابوي ذبح الوجه الله فده ووزعه ع الفقره
عمامي رغم الصار وزعل ابوي بس ابد ماگطعوو
وعماتي اجاهن الفرج من ابوي حبهن براسهن وحضنهن بيوم نجاحي من باركله وهنه يبجن رجعن يتواصلن ويجن الامي ويكعدن ويضحكن
اما امي ام گلب الطييب ابد ماتزعل وتخلق الاعذار للي اتحبهم بس حته تتجنب الزعل
وبنفس الوكت ماتنزل نفسها ابد بس من يعتذرون منها رأسا توافق وتگول السماح نوع من الكرم

مرت اشهر وصگر صار اخر سنه اله وبهاي الاشهر مايفارگ ابنه ليل ونهار بس من يروح وي ابوي مشيات ومن ياخذني للطبيب مراجعه
رجلي تحسنت واستغنيت عن العكازه بس ظلت بيها خزه خفيفه والطبيب كال بمرور الوقت تروح منك
وجان كل تفكيره يم ابنه. شلون يفاركه وهوه حته بالليل ينومه يمه
وبديت انه اقدم وطلع قبولي طب ابغداد جنت بگد مافرحان متخووف 
خايف من المكان والي بي ولامره رايح البغداد اصلا اندل بيها شي
جنت قلق بس احاول اثبت روحي
ابوي گال هديتك سياره بس مو هسه تتعود ع المكان وتحفظ الطرق زين يلله تجيك يعني الي فهمته مو قبل الشهرين تجيني رجع صگر للدوام
واول يومين ابنه يبجي باستمرار بعدين تعوود على غيابه
وانه واصدقائي وياي هم نفس ابغداد اتفقنه نروح سوه
گبل اسبوع امي ماخلت شي ماسوته  كليچه ووطبخت وجمدت وخبزت هواي اشوفها فرحانه ومن اذكر الروحه تضوج بس تحاول ماتبينلي وانه هم مثلها ضايج فراگهم بس فرحان احقق حلمي
طلعت وابوي اصر هوه يوصلنه
رحنه للأقسام واخذنه غرفه رتبناها وخلينه كلشي بيها ابوي وصه جماعتي ووصاني عليهم اتكاتفوو ظلوو طيبين اعرفوو شلون تصاحبون ابتعدوو عن السوالف الي تلهيكم عن دراستكم اتذكروو زين جايين ادرسون وتحددون مستقبلكم خلو هدفكم هذا وانتبهوو على اعراض الناس ودير بالكم تره الاعراض كلشي دين خلو اعراضكم كدام عينكم
سمعناه وكلناله ان شاءالله لايظل بالكم
بدينه اول يوم تعب ووحشه الوحشه البينه مو طبيعيه كل اشويه  احس اسمع صوت امي وهيه تصيحني اشتاقيت ال لوله حبيبه فدوه الوجهه اشتاقيت لخواني الكلشي اخابرهم احن اكثر
ثاني يوم الصبح گعدت كلي لهفه وخوف المغاسل عليها سره والحمامات اريد اغسل حته ابدل ماكو مدافع وعبالك جهال بالبدايه حيل ضجت وجنت اشوف روحي مو مال هيج ادافع اتانيهم يخلصون يلله من اول يوم تأخرت وانه جديد ومثل الاطرش بالزفه حسيت روحي حته جماعتي عايفيني وطالعين
رحت متأخر ودخلت المحاضره متأخر اول يوم تعريف وچنه انعرف على نفسنه چانت لهجتي تختلف  ومبيين ذاك ويني مو منا ومبيين ابن عرب لاحظت اول مابديت اعرف عن نفسي گلت

..انه كرم فهد زامل
اكوو بنات ضحكن بصوت عالي وولد هواي ضحكوو
لحظات احسروحي فارت بس ماردتهم يستفزني وماردت ابيين مهتم الهم كملت وگعدت وانه اراقبهم وبدوو يعرفون نفسهم
عرفت اسمائهم انس وبكر وحسن
والبنات رفل ولبنى وقمر همه چانوو گروب
نظراتهم وضحكهم اخذت مني وكت وانه افكر عليش يضحكون انه حالي من حالهم بشر وابن بلدهم ومابيه شي يعيبني لاملابسي ولاشكلي چنت مهتم بنفسي واختاريت ملابسي بعنايه حته تسريحة شعري رغم ماتهمني المضاهر بس جنت اعرف باجامعه مريود المضهر والترتيب والاناقه
وكلهن اهتميت بيهن اذا غلى لهجتي هاي لهجتنه وهذا حجينه اعتز بي واكدر اتصنع واغيره بس التصنع مايدوم وانه مااحب التصنع احب كلشي ع الطبيعه
التفكير اخذني وهذا اول يوم
گطع افكاري صوت التليفوون جان صگر

..الوو

..هلا صگر

..هلا كرم حبيبي شلونك اليوم شلون المعنويات

..والله يعني

..يعني شني ولك عبالي تكول عال العال ابغداد انت ويعني احووو كون اطيرلك هسه

..ضحكت انت ماتمل مااتوب

..باب التوبه مفتوح بعد مو هسه شويه وانوب امل واتوب

..ذاك باب الله باب فهد ماينفتح

..ههههههه فهد ويلي يربي ماعنده غيري خل ينتبهلك انوب

..صگر الله عليك سمعت بيك راجع باچر علمود شاهين سلملي على امي وبوسلي شاهين ولبوه
مشتاقلها لوله
بعدني جاي احچي وسمعت ضحكه بصوت عالي
حديقة حيوانات متگلي
تنوعتلها شفتها هيه وبنات اثنين واتوجهت النفس الولد الي همه كروب عرفت اسملئهم مساع وحفظتهن
ظل صكر يحجي وانه مو مركز بالي يمهم وكارهم وكاره حته روحي بوكتها
سمعت صكر صاح بعد السماعه من علوو صوته

..حييهووم وينك يمعوود

..ولك وين انت بالحوش وتصيح هيج شبيك يمعود سالفه احت ابالي گلي ابوي شراد منك امس

..ابوك حاجاني علمود شاهين گال يريدك بس احس وراه سالفه مو خالي يخليني اعوف امتحاني وارجع لازم وراه شي

..وانه هم هيج اگول

..باجر اعرف وانطيك خبر

رجعت من الدوام للقسم تعبان رحت اغسل الحمام صاير هوسه وكلشي مدافع وضحك
ذكروني بالأبتدائيه
رجعت تانيتهم يخفون طلعت الأكل احمي لگيت علاليگ ماخوذه
صاح ولد ابو الشباب تره اخذنه منك ماجايبين ويانه وهاي المجمده مشتركه بعد اخذنه منك ماترضاها نموت جوع

..كتله الف عافيه
حميت واجوو جماعتي وياي جدد ومااعرفهم ولد من اهل ديالى اسمه قتيبه
وولد من البصره اسمه سجاد
وانه وكالوو اكو بعد بس ماجايين اليوم
الولد خوش ولد من حميت الاكل وطبخت تمن وطلع معجن طبعا
اكلوو وهم واتشكروو وكالوو اليوم عليك باجر واحد منه هوه اليحمي وكامو واحد غسل المواعين وواحد نظف المكان ورتبه
سولفنه وضحكنه وشويه ارتاحيت بس من صار الغروب اختنگت مامتعود هيج انه اريد هوانه واريد اهلي واخواني مشتاقلهم مشتاق المنطقتنه
طلعت للحمام اسبح ادور ماكو شي البسه برجلي وين چان خليته هنا ضحكوو وكالوو انوخذ
قتيبه گال مبيين انت على نيتك ماكو شي يتخله هنا هيج غراضك ضمها الولد بيهم حته للضحك ياخذون كلشي شاحنتك اني ضميتها قبل شويه لو شايفيها ياخذوها
صفنت هاي هم الشغله مو ابالي

ثاني يوم خابرت صگر تلث مرات مارد
خابرت امي
كتلها صگر وصلكم يمه شو مايرد

..سوده عليه مشلوع گلبه اجه وشبع حرگه وراح وهسه ماندري شسوه ابوك لحگه راح يعارك ابو دعاء هاي السخيفه بعد مااتزوجت بشهر هسه جايه الاهلها تشوفهم اسبوع وتريد شاهين يمها يبقى هذا الأسبوع مدري تريد تاخذه مافهمت هوه سمع واتخبل
هسه ابوك وعمامك لحگوه

..شلون لحگوه يعني ليش ماعطلوه من الأول

..ماجانوو هنا كرار اخوك سولفله وهوه اتخبل

..لا ياارعن ومن يمته يسولف كبل لايحجي ابوي طاح  حظه هيه هاي سالفه يمه خابري ابوي وافهمي منهم وفهميني

شيخه..خابرت فهد

..الوو

..ها ام كرم

..صگر لحگتوو عليه

..لا والله بعد خابرت ولد عمي قريب الشغلهم بيتهم كتله اوكفوله ع الشارع وعطلوه بين مانجيكم
راح نوصلهم بس الهسه ماخابرونه وخاف راح من غير درب فاتتني
روحي خل اخابرهم يخلون واحد اثنين من الشارع الثاني اليطلع على شارعهم

سديته وانه ميته خوف من سمع جايه تريد شاهين عيونه گامت تجدح خفت يصير بي شي
ظليت نص ساعه ومحد مخابرني
وذوله اثنينهم يتباجون يمي احتاريت اسكتمن وانه من اخاف ارتبك مااكدر اسوي كلشي
خابرت اردود
ماجاوب رجعت اتصلت اردود الحد مارد
سمعت صوت عالي وصوت رمي

..صاح يامره لاتلحين كافي خليني اشوف دربي واخابر غيرج
صوته جان عالي ومعصب حيل سديته بدون ماانطق وانه عظامي ترجف من صوت الرمي

يتبع ..

حبايبي كوه اكتبت هالبارت بس حته مااخلف وعدي وياكم مشغوله كلش والله