رواية قصص رومانسيه الفصل الحادي والأربعون 41 - بقلم الحساب مغلق

سلام حبايبي اني تمارة بالغه من العمر 18سنة تاركة دراسه صارلي سنة حالتنه الماديه تعبانه بشكل بابا يشتغل عمالة والعيشه صعبه اني الوحيدة لهلي معندي اخ ولا اخت والدتي مقعده بالبيت بسبب حادث صار وياها قبل 10سنوات اني مواصفاتي حلوة ومرتبه ماكوللكم كشخه لان معندي افلوس اكشخ بيهن يعني ملابسي عاديه بس شكلي يجذب وحلوو ورموشي شقرات وشعري اشقر فاتح وبيضه جدا
الساعه 7صباحا
اني/ هاي شنو بس لا اتاخرت ع بابا خل اروح اشوفه
اهووو هم طالع للمسطر بدون ميكعدني اسويله الريوگ سودة عليه بابا يستخطيني بكعدت الصبح ربي يرزقه ان شالله
ماما/تمارة لج تمارة ماما وينج
اني/ي ماما جايه
ها ماما خير 😳
ماما/ بنتي تعاي سؤيلي ريوك وانطيني دواية
اني/حاضر من عيوني سويت الماما جبن عرب وجاي وتريكت ونطيتها دواها ونامت اني نفس روتيني نضفت البيت والمطبخ طلعت نضفت الطرمة واسمع صوت ونين وشخص خايف 😰 خفت مانداريت
كعدت انضف ورجع نفس الصوت انداريت وجان اعييييط يممممة 😱😱😱

اني/عيططت يمممة منو انت وشتسؤي هنا ببيتنه
صلاح/روحي منا روحي رووحي انتي اكيد راح اتكليلهم ع مكاني وتخليهم يلزموني
اني/شنوو شكاعد تلغي انتي منو والمن اكول ع مكانك احجي وشايله الماسحه اريد اضربه واهدد بي
صلاح/حبابة لتكوليلهم عليه اني هنا والله يلزموني ويرجعون يعذبون بيه حبابه اسكتي
اني/انت لبش خايف ومن منو خايف
صلاح/حبابة تعبان وجوعان ماكدر احجي
اني/بكلبي هذا شسؤيله اشلون ادخله البيتنه رجال غريب شكول للناس بس يلا قابل اخاف من كلام ناس وماخاف من الله خطيه هو مبين مسكين ومخبل اكسب بي اجر ومن يعمل مثقال ذرة خيرا يرا
دتعال اسؤيلك ريوك ونتريك اني وياك
شفته فرح وراد يوكع من الجوع سؤيتله بيض عيون وجبن جاي وكعدنه ناكل ووكلته شفته يوسخ نفسه خطيه قهرني الئ ان شبع اني/انت شسمك
صلاح/اني صلاح وانتي
اني/اني اسمي تمارة
صلاح/الله اسمج يجنن
اني/شوكرا ☺خجلتني
صلاح/انتي حلووة وحبابة بس هدومج ليش هيج عتيگات
اني/دنكت راسي كتله والله ياصلاح حالتنه تعبانه وكعدت اسؤلفله ع عيشتنه وع امي وابويه وابجي اشو هذا حط واسك وابجي ويايه خطيه اشكد حنين
ليش تبجي صلوحي
صلاح/انتي خطيه واهلج خطيه وحته اني خطيه 😭
تمارة/يلا الحمدلله ع كول حال
شفته يفرك بعيونة كتله شنو نعسان
صلاح/ي نعيان صار ثنين يوم مانايم اني
اني/ليش ليش منايم
صلاح/ انهزمت من البيت وخايف لا صادق يكمشني
اني/صادق منو
صلاح/اخوية صادق بس هو مو خوش ومو حباب يجيبلي دكاترة يضربوني ابر وينطوني كهرباء ويغمة عليه ويشمرونس بغرفتي ويروحون
اني/لك لك لك هذا مو اخ هذا عدوو همزين معندي اخوان لعد
ديلا كوم كوم نام ويحلها ربك
رتبتله غرفه صغيرة بيها افراش مالتنه وفرشتله بالكاع وغطيته ونومته وغنيتله اغنيه احبها هلاسمر اللون هلاسمراني تعبان ياكلب خيوو وهواه رماني
هو نام عفته وطلعت
نضفت المطبخ كعدت امي رحتلها وحجيتلها كولشي بس مكتلها ع اخو الولد بس كتلها عليه جوعان وتعبان ومخبل
ماما/يمة صح كوا اسمة رجال غريب وميصير يجي البيتنه وندخله بس ع كولتج مخبل نكسب بي اجر
رحت عجنت للغده وحضرت الحمام لبابا اجه بابا ب1لكاني خابزة ومسؤيه غدا دخل للحمام وسبح وطلع وصبيتله غده اتغده حجيتله ع الولد وماما هم حجتله بابا رجال مسالم وكال عفيه بنتي لتشوفين شخص محتاج مساعده وتعوفي سؤي اليملي عليه ضميرج

بعد ماسمعت تشجيع بابا اليه فرحت لان هو دائما يحثني ع فعل الخير وايكولي سمعي كلبج لان هو الوحيد النضيف بالبشر ومابي دغش وميفكر بطمع
اخذت بابا ورحت شوفته الولد خطيه يقهر بس نومتة تجنن. بابا شافه حبه كال مبين ابن اوادم يلا خل نطلع خاف يفز طلعنه وعفنه ملاك نايم صارت ب6المغرب ماما كالتلي روحي كعدي الولد شو هذا من زمان نايم خااف بي شي رحت كعدته جان يفز بيدي كال صادق ساعدني صاادق لتعوفني يكهربوني وفز حضني اني من حضني حسيت بي مقهور وخايف من شي وهذا صادق الله لا يرضه عليه مخوف الولد هيج ضليت اهدي بي واكوله لتخاف لتخاف اني يمك واحميك هو اشويه هدء اخذته سوينه عشه واهلي مكيفين بي محرومين من الولد والخلفه لان مخلفو بس اني فرحنه بي كولش سؤالفه حلوة ضل عدنه شهرين ماحسينه بس بالسعاده وبابا اجته شغلات حسينه هو من وراه الله رزقنه وبابا حبه كولش كال كصته خير جابتلنه رزق وبابا فتح اسؤاق وصرنه نسترزق منها لان بابا كبر ومو حمل مسطر وعماله. وصار ياخذ صلاح وياه للشورجه وبابا كال لازم اودي الدكتور وافهم شنو علته بلكت نعالجه ويصير يفتهم خصوصا بابا شافه ذكي من الشغل وياه وحساباته بالفلوس قوية وثكيل وبابا صار ياخذه بالاسواق يبيع وياه. شاف كصته خير من يدخل للاسواق يجينه رزق ربنا اكرمنة بسبب اوينا للولد والحمدلله.

الولد جان حباب ويجي ويه بابا يتغدون ويضل يسؤلف شصار وياهم ونضحك عليه وهو يضحك والله اتونسنه بوجودة صار قطعه من كلبنه ومرة كال اني مشتهي نستله اروح اشتري واجي كتله ماشي دير بالك ع روحك اشو هذا راح واسمع جهال يصيحون هيي هييي مخبل واسمع صلاح يعيط ويكوللهم اني مو مخبل مو مخبل اني طلعت عيطت عليهم ودخلته كام يبجي ايكولي شفتيهم اشلون يقلدون عليه كتله لتخاف حبيبي هم مخابيل هو رفع راسه كال اني حبيبج 😃 كتله اي حبيبي واخويه وقطعه من كلبي يلا تعال نسؤي اندومي وناكول جوعانه انت مجوعان هو كال الله اندومي احب الاندومي احبه كتله شنو اتحبه واني متحبني كال احبج تمارة اموت عليج ضحكنه ودخلنه للمطبخ سؤيت اندومي5اكياس واكلناهن كولهن ورحت سويت عصريه الماما ونطيتها دواها وهو يباوع عليه كلي تمارة كتله نعم كال ليش مازوجتي لحد الان كتله محد اتقدملي كال ليش كتله مو جكمة كال شنو جكمه كتله يعني مو حلوة بشعه كال لا انتي حلوووة تخبلين واذا مازوجتي اني ازوجج ضحكت كلت شر البليه مايضحك هو شافني اضحك كال ها اشبيج لان مخبل متزوجيني انقهرت عليه كتله لا صلوحي لتكول هيج انت عاقل كال ما ما لتبررين انتي متحبيني عوفيني وراح للغزفه وقفل الباب اني انقهرت من تصرفي ليش هيج سؤيت كبر طمني هسه اشلون اصالحه
بابا/تمارة بنتي تمارة وينج
اني/نعم بابا اجيتت
بابا/بنتي حضري صلاح خل اخذه للدكتور
اني/ماشي بابا
رحت دكيت الباب ماقبل يفتحلي ضليت اتوسل وهو ميقبل بلاخير كلي تزوجيني كتله اي ازوجك جان يفتح الباب كلي اشوكت كتله سؤيلنه بيت حته نعيش وحدنه كال ماشي راح ابدي اطلب من ابوج افلوس حته اجمع البيتنه 😃
كتله ماشي زوجي المستقبلي انت تحبني موو
كال اي احبج
كتله يعني شطلب منك توافق
كال طلبي
كتله بدل وروح ويه بابا للدكتور
هو ضاج وخاف كال ماريد دكاترة ماريد اخاف منهم ياذوني
كتله لتخاف انت مو تحبني كال اي كتله لعد ماجول اني وياك لتخاف ماخلي واحد ياذيك يلا البس وروح وبابا وياك لتخاف خطيه لبس وراح بابا اخذه الدكتور نفسي وكعد وياه وافتهم منه بالبيت عدهم ياذوو ومينطو مجال ونفسيه زفت كتبله علاجات وكال البابا لتخاف ابد يرجع الحالتة واحسن لان عن كبر هيج صاير بي
خل اعرفكم بصلاح هسه وقصته ابيت اهله شنوو
صلاح/عمرة25سنة خريج بكلوريوس تجارة شاطر محد يلحكه شاب وسيم انيق ميحب البنات ولا السوالف التعبانه عنده اخ واخت اخو صادق واخته ميادة ابو وامه ميتين قبل سنتين من تخرجه ابو شافه ولد مطيع وخله املاكه باسمه صادق شاب نسونجي عرگجي صاحب سوابق بس يطلع مثل الشعرة من العجين عنده معارف بكل مكان مياده كلبها ابيض بس تخاف من صادق وشيطلب منها تسؤي
صادق اتخبل لان املاك ابو باسم صلاح وحب يجرجرة بكل الطرق من نسوان ومن حبوب كبسله ومن كولشي مجاب نتيجه لان مثل مذكرت صلاح جان مؤدب وماله بهذي الدرروب بقت بس طريقه وحده يخلي صلاح يتنازل عن الاملاك وهو ان يجعله مخبل بس ميكدر يخلي احد يدري بي مخبل حته القانون ميكول عليه مجنون ومنسبون املاكه الصادق لان يريد يخلي يوقع ع اوراق الملكيه
لذالك صار يجيبله دكاترة وينطون صاعقات كهربائه وحبوب ومن هاي الشغلات الئ ان تلفت اعصاب صلاح  وصار يضربه وياذي وجان صلاح دائما يطلب مساعدتخ ويكوله صادق لتخليهم ياذوني وصادق يكعود ويخلي رجل ع رجل ويضحك ويكوله انت الي ابويه فضلك عليه دشوف مصيرك وين حيصير ع ايدي ومرة من المرات اتفق واحد من الخدم يهرب صلاح لان يعزة بمعزة والده وهربة وكله روح وين ماعند الله كاع واولاد الرحم هواي وهربه وبعد تعرفون التكمله وهسه صادق يدور عليه بكل مكان

بدة حالة صلاح تتحسن وميبجي ع اتفه الاسباب وبابا صار ينتبه عليه يباوعلي ويندمج ويايه وميكعد بس بصفي واني مينام اذا ميكولي غنيلي بليل وغنيتله مرة اغنية فيروز اكتب اسمك ياحبيبي بالحي العتيق
هو كام ع حيله كال تمارة تمارة
اني/عيونها
صلاح/غنيلي اغنية اليسا
اني/ياهيه منهن
صلاح/ع بالي حبيبي 😍
اني/اممممم شجابها ع بالك ؟؟
صلاح/اريد اهديها الحبيبتي
اني/ومنو حبيبتك بلا 😡
مادري ضجت كولش من كال حبيبتي صدوك اتعلقت بي وبعد ماحس روحي دامشي بكذبه حته يستعيد عافيته صرت احسه جزء لا يتجزء مني ومااقبل يباوع ع غيري
صلاح/انتي غير اكو غيرج بكلبي
اني/😍صدووك
صلاح/ي احبج وانتي ؟
اني/ ☺ احبك
صلاح/يلا غنيلي
ع بالي حبيبي
ع بالي حبيبي اغمرك مااتركك
اسرئك مارجعك احبسك ماطلعك
من ئلبي ولا يوم
ع بالي تكملني واسمك تحملني
بلمسي حنوني بغمرا مجنوني
وماغمض عيوني اله وانا وياك ع بالي حبيبي
ليلة الالبسلك الابيض
وصير ملكك والدني تشهد وشيب لما تشيب
عمري يغيب لما تغيب
ع باليييي حبيبي
هنا صلاح اخذ ايدي وباسها كال اتمنه تنسين مرضي وتحبيني من كول كلبج تزا ادري كاعد تسايسني عمود العلاج بس ترا داطيب اني والدليل صرت اميز من تحجين ويايه بشقه او بالجد
بعد مرور سنة ع وجود صلاح ابيت اهل تمارة ~~~~~~~~~~
تمارة/صلاح صار يفهم هواي شغلات ونشط لذالك بسرعه صار يتعالج والعلاج ينجح وياه بابا صار يمنعني انزع حجابي كدامة لان صار واعي وحرام اطلع مفرعه كدامة وصار يمنعني انضل وحدنه بمكان وخصوصا بالغرفه من ينام ايكول عقله براسه ومو ذاك المجنون الي عرفناه وشيطان ثالثكم اني بدون ماعارض اهلي وافقت وهو بحكم عقله ديرجعله صار يفهم عيب نبقه سوة ومن شافني ماكدر مثل قبل اضل وياه 👇👇
صلاح/اني مشتهي اليوم ع العشه كباب شوي
ابو تمارة /اي ابني اجيبلك تؤمر
صلاح/لا يابة اني اروح اجيب لتخاف عليه براس الشارع ابو الكباب
ابو تمارة/ماشي ابني بس انتبه ع نفسك
صلاح/ ماشي يابة ليضل بالك عليه
تمارة راح صلاح وضل بالي عليه اتاخر مرة ساعه وثنين واربع ساعات ماكو ضليت خايفه عليه وقلقت كولش وين صار دزيت بابا عليه مالكاه ياربي دخيلك وين صار ربي ردة اليه سالم
صلاح/هواي سمعتو عني وغرفتو مواصفاتي وعمري بس ليش مكلتو انريد نسمع كلام صلاح وشنو شعور بهاي مصايبه شكد نحسات بس تستمعن التمارة شتحجي مووو بعد اقرن كلامي هسه لضلن طائفيات ترا اني حلو 😒😒
عرفتو اني ليش صرت مخبل خل ابديلكم من انهزمت من بيت اهلي الئ ان شفت القمر مالي تمارة
اني هربني احد الخدم واني متاكد هسه متعاقب بس هو كلي اتحمل كولشي الخاطرك انهزمت 3ايام اني انام بالشارع واركض وبدون اكل ويشوفوني صادق وجماعتة وانهزم منهم الئ ان مرة شفت باب بيت تمارة مفتوح دخلت ختلت ورة نخله جنت خايف ومن التعب ضليت اون شفت وحده حلووة وذات محاسن مليكانات كدامي تنضف بس هي شافتني وضلت خايفه مني وبعدين احتووني وخلوني فرد منهم وودوني عالجوني واني اتعلقت بتمارة كولش وماانام اله اذا غنتلي صرت احبها مو بس احبها وانما اعشقها واعشق حروف اسمها

صرت اشتغل ويه ابو تمارة وصرت اناديله يابة لان ماعنده ولد وايكولي انت ابني هو رجال حنون وكبير بالعمر ام تمارة صرت اناديها امي هي مقعده وهم ناس طيبين بشكل لوما الله وهم جان اني هسه بعدني مخبل صرت اشوف اهل تمارة يمنعوها مني لان ديرجعلي عقلي وضجت واختنكت بس ضليت متفهم هم ناس مستورين ويحبون الستر مرة كتلهم راح اجيبلكم كباب شوي رحت داحجي ويه ابو الكباب مااحس اله مخدر صار بخشمي ونومني فزيت لكيت روحي ابيتنا الي انهزمت منة وصادق وميادة وكم حارس شخصي واكفين كدامي وميادة تبجي اتكولي سامحني ياخوية ترا انجبرت والله وصادق ايكولها ليش تعتذرين منة بعد كم يوم اخوذ الاملاك كولهن اليه وتتوسليني انطيج ربع دينار
ميادة/ماريد منك شي بس اكفيني شرك انت ميهمك اخوك لو اختك اهم شي لفلوس عاميتك
صادق/انجبي لجججججج السانج طولان ينرادله گص
ميادة/موتني احسلي من هلعيشه البيها واحد مثلك يهدم حياة شاب برئ الخاطر لفلوس وانت لو ماشي بطريق عدل جان هسه لورث كوله الك
صادق/حراس
اخذوها من كدامي
اي استاذ صلاح احجيلي وين جنت هاي السنه كولها خليتني حته خارج العراق ادور عليك وين جنت هااا طرراااااخ
(انضرب صلاح راشدي من قبل صادق)
صلاح/معليك بيه وين جنت(بالمناسبة مابينتلهم اني متشافي من الجنون وماكتلهم ع بيت تمارة ماريدهم ياذونها)
صادق كولي شتريد مني افلوس مو انت واحد مو زين ماحبك
صادق/😏 همزين بعدك مخبل مامتغير شي بيك حضر نفسك اليوم سبت وباجر عندي شغل بعد يومين نروح تنقل الاملاك كولها ابأسمي فاهم
صلاح/واذا انققلهن الك شتسؤيلي بعدين
صلاح/هههههاي اذبك بمشفئ المجانين وراها
صادق/ماشي اهم شي اطلع من امرتك
نرجع البيت تمارة <<<<<<
تمارة /بابا ضل بالي ع صلاح فدووة اتصل بالشرطة
بابا/خابرتهم بنتي يكلون اله يعبر ع اختفائة 24ساعه يلا يعتبرو مفقود او مخطوف
تمارة/اشلون هسه بابا كلبي نار عليه
والله اشتاقيتله معقولة اليله انام بدون ماغنيله وماشوفه ربي سترك ردة اليه اتعلقت بي احبه ماريد اعوفه نذرا عليه اتعنالك يلعباس بس ردة اليه دخيلك يابو فاضل ردة
اني وكاعد ابجي واذكر مرة سئلته ع بيتهم كال بالغزاليه بيتنه جنه قصر وبي حراس هواي بس طبي للغزاليه وسئلي ع بيت ابو صادق العالي يدلونج ابيتنه ورحت كلت البابا المواصفات لان اني ماندل لان مطالعه بس بابا من شرحتله كبل عرف وانتضرنه ثاني يوم ورحنه للشرطه واني رحت وياهم بابا كلي رجعي بنتي الموضوع احتمال يوصل اطلاقات ناريه كتله لا بابا اروح وياكم مااتحمل اضل كاعده ورحت وياهم وع الوصف وسئلنه كدرنه نوصل البيت صلاح نفس مواصفاته اليه بيت فخم قصر مو بيت مليان حراس برة نافورات يجنن الشرطة داهمت البيت فتشو الغرف مالكو شي نزلو لكو سرداب وبي صلاح واخته ميادة اني ركضت حضنت صلاح جان مضروب هواي ومغمئ عليه وميادة اتكولي فدوة نقذي اخويه صلاح فدوة نقذي هذا الجشع موته كتل مو عبالك اخوته احنه
فتحنه الحبل منهم وركضنه بي بالمشفئ والقو القبض ع صادق وجماعته والدكاترة اللي متفق وياهم يصعقون صلاح اعترفو بكولشي وتم تخفيف الحكم عنهم وصادق انحكم مؤبد لان عليه جرائم كثيرة

حبيبي صلاح فتح عيونك الله يخليك فتحهن هياني يمك كسر الايدة المدهن عليك كوم حبيبي كوم مو وعدتني نسؤي بيت ونزوج بي وحدنة نعيش كوم الله عليك لتعوفني وحدي اتعودت عليك وابجي واصارخ بس اريد صلاح يباوعلي ماكو داخل غيبوبه من الكتل
ابو تمارة/اتفاجاة من سمعت كلام تمارة كلت هاي من شوكت اطورت علاقتهم بس حسيتها متعلقه بي كلت لان ماعدها احد ومشايفه احد لذالك اتعلقت بصلاح بس قهرتني من تبجي تبجي من كول كلبها عليه سودة عليه وليدي متستاهل
ميادة/صادق موته كتل الصلاح بلاخير اغمه عليه ووجه ورم من الكتل وضليت اعيط عليه اكوله عوفه الله ينتقم منك وهو يكتل بي ايكوله وين جنت احجي منو درة بيك انت مخبل غيرنه ويضري ويضرب الئ ان حسينه الولد راح يروح من ادينه كتله لاتضل تكتل بي بعد اشلون اتسجل املاكة الك يلا اقتنع وعافه وراح ضليت ابجي ع صلاح عمود لفلوس ادمرت حياته هيج سودة عليه خويه متستاهل والله اني هم خفت بالبدايه وخليتك تصير مجنون من ورة الخوف مالتي الله ياخذني ومن لزمت الشرطه صادق اخذنا صلاح للمشفئ وتمارة هدت حيلي بالبجي عرفت من كلامها صلتح جان يمهم وضلت تبجي وتكوله كوم نزوج كوم سؤيلنه بيت نسكن بي واني انفجرن بالبجي واكوله كوم هذي تمارة زوجتك المستقبليه كرم اخويه الغالي اريد افرح بيك حبيبي لتعوفني
الدكاترة طلعونه من الغرفه كالو ميصير تضلون ياثر ع المريض
صلاح/ احس تمارة وابوية ومياده يبجون يمي بس مابيه حيل احجي واحرك نفسي جسمي ثكيل كولش واسمع تمارة حجيها يبجي الصخر اتحبني اكيد تحبني مو لان مجنون لا اتاكدت تحبني واني صاحي مو لان مليونير هي بنضرها معندي ولا فلس اتحبني بجنوني وبعقلي ورة 4ايام كدرت افتح عيوني واشوف حبيبتي كدامي تمارة
تمارة/نايمة بصف سرير صلاح وحسيت اكو حركة رفعت راسي واشوف عيونة الحلوة مفتوحات وضحكلي اني الفرحه مشالتني بعد ردت اروح اكعدهم بس لزم ايدي وكلي عوفيهم تعاي اكعدي يمي خليني اشبع بيج شوف اني ضليت اضحك وابجي ممصدكة والله عيوني ممصدكة داشوفك كدامي وتحجي وتضحك ويايه واني دموعي عشرة عشرة رفع اصابيعه ومسح دموعي كلي مدام خشمي يشم الهوئ ماريد دمعه من عيونك الحلوة هذي
اني كتله شنو هاي نمت كعدت رومانسي ههههه
صلاح/تمارة
تمارة/عيونها
صلاح/تزوجيني
تمارة/☺اشوف اهلي واردلك خبر
صلاح/يبت كلبي 😉احبج
تمارة/وين سمعت هاي الاغنيه بلا 😠
صلاح/من انخطفت وحدة من جماعة صادق صارت تغنيلي ياابن كلبي وتحضن وتبوس بيه 😏
تمارة/صدووك 😱😳
صلاح/انتي ليش مسكتين هاي بس اني انخطف يغنولي ويدلعوني لعد هاي الرضوض شنو من الفرحه صارن بيه 😠
تمارة/😂😂😂 ضحكتني وربي
صلاح/فديت الضحكه الحلووة هذي ربي يديمها
تمارة/بوجودك
ابو تمارة/والله منايم وكاعد اسمع كلامهم عصافير ويسولفون ربي يفرحهم يارب

طلعنه من المشفئ وميادة كالت تعالو البيتنه اني رفضت كتلها صلاح ميروح من بيتنه الئ يتعافه وبعدها هو يختار ورحنه البيتنه داريته وخليته بعيوني مخليته يعتاز شي ورجعت انومة بليل واغنيله حنينخ الهذيج الايام
صلاح/تمارة
تمارة/بعد روح وكلب تمارة
صلاح/غنيلي
تمارة/شغنيلك
صلاح/ابكيفج
تمارة/اغنيلك مجنوني مال وليد الشامي 😍
صلاح/اهووو هم جنون 😠
تمارة/دسمعها واحكم
صلاح/يلا بس ضلي لعبي بشعري اريد انام
بديت اغنيله مجنوني والعب بشعرة الئ ان حسيت بي نام غطيته داكوم من يمة جان يلزم ايدي كلي احبج كتله اعشق جنونك
بسته ورحت نمت
بعد مرور شهر >>>>>>>
تمارة اندكت الباب منوو اني ميادة
دخلتها ورحت صحت صلاح اجه حضنته وحضنها صارو يبجون اني بجيت وياهم صلاح انتبهلي حب يلطف الجوو كال اي تمارة بكل عزة لطامه كتله ليش عيني 😠 كال حسرة تشوفين واحد يبجي تشاركي اللحضه وتضلين تبجين كتله مو صوجك صوجي اني الماتحمل دمعتك 😒 خل اروح اسؤي جاي اشرفلي من كلامك 😌
صلاح/ي وسويلي كبجينو وكوفي وتي 😌
تمارة/ اكولك متسكوت حروح اجيب جاي واجي بلا هلسوالف كربجينو ومدري شنو منين تجيب هلكلام 😠😥
صلاح/😂😂 كربجينو دروحي شتسؤين سؤي بنتي
تمارة/بنتك 😡 ي ابكد ابويه انت حقك 😭
صلاح ها بدت تعيرني بعمري بعد مازوجتها 😪
تمارة /مازوجك بطلت شوفلك غيري 😏
صلاح/لا ليش حبيبي 😭😭😢والله احبج ليش هيج بطلتي
تمارة/من ورة عمايلك استلم 😌
ميادة /اباوع عليهم يموتون ضحك والله خربوني ضحك شنو ذوله تصنيف ومن سوالفهم مبينين ماخذين ع بعض من زمان اشويه وطبت ام تمارة
واسمع صلاح يكوللها هلا بامي هلا وباس ايدها موقف جميل رف كلبي اني هم رحت وبست ايدها مبينين عائله حلوووة عجبوني هنياله صلاح عليهم
ام تمارة /هلا بيج عيوني شلونج شخبارج نورتي بيتنه. زارتنه البركة
ميادة /اجيت اخوذ اخويه ينور بيتنه من زمان مامنورنه
تمارة/شنو بس صلاح بعدة ممتعافي 😥
صلاح / لا تعافيت اني تمارة واملاك بابا امانة بركبتي ولازم ارجع اديرهن
تمارة/ ابراحتك 😡 اروح اخلص تنضيف
صلاح/ادري انقهرت مني اني مرحت الة انتضرت ابويه يجي للبيت وحجيت ويا ورجعت البيتي
وسلمت ع امي وتمارة سلمت عليها بس من ورة خشمها ترد عليه
ابو تمارة/اجه سلم عليه صلاح واخذني ع انفراد وطلب ايد تمارة مني واني وافقت بس كتله اسمع الموافقه منها
بنتي تمارة تعالي عندي حجي وياج
تمارة/نعم بابا اتفضل خير
ابو تمارة/بنتي اجوج خطابة واني قبلت انتي شتكولين
تمارة/شنو بابا شدتحجي ليش وافقت اني مموافقه ماريد ازوج
ابو تمارة ع راحتج بنتي راح ارجع خبر الصلاح انتي رافضه الزواج منة 😒
تمارة/هاا شنو شكلت صلاح لا بابا كوله موافقه
ابو تمارة / هههه تعاي مبروك بنتي
تمارة/الله يبارك بيك باباتي
ورة يومين رجعت خبر الصلاح وصارت الخطوبة. وعاشت تمارة ابيت فخم وخدم وحشم وصارت احلا عرووسة بالدنيا وصار عدهم اطفال5 ثنين بنات3ولد رادو يخلفون هواي لان تمارة انحرمت من الاخوان وصلاح يوميه يعشق تمارة اكثر واكثر وصلاح ماقبل نعيش وحدنة اخذنه وياه للفلا مالتهم وخله تمارة تكمل حته جامعه ودخلها وياه بالشركة مالته وسجللها املاك باسمها واباسم امها واني هم سوالي اسواق كبيرة لان مقبلت اضل كاعد بالبيت ودلللنه احلا دلال عاملنه مثل اهله واخته ميادة ازوجت محامي الشركة واستقرت حياتهم وصادق انتحر بلسجن
نصيحه/شتزرع تحصد ازرع طيب تحصد طيب سوي زين لتفكر باحد فكر بربك لان من تفكر بي راح يفكر بيك وينطيك ع كد نيتك مثل تمارة مسوت وساعدت صلاح بلاخير عاشت احلا عيشه
ودمتم سالمين 😘