رواية قصص رومانسيه الفصل الثاني والأربعون 42 - بقلم الحساب مغلق

هلاو اني اسمي رفل مواليدي 1990
طويله وجسمي تارس
وشعري قصير
طبعي ابجي بسرعه ومااسيطر على دموعي
والدي موظف بشركه
والدتي ربه بيت
عندي اخو احمد اكبر مني
واسراء اصغر مني
اني شاطره بالمدرسه كلش
وجبته من الاول ابتدائي للسادس كله تفوق
وابد مايهمني شي قويه بمعنى الكلمه
توفت ام ابويه وهي الي شايلته وربتنه وانكسرت من بعد موته بس ابد ماتاثرت بالدراسه
اسراء صندوق اسراري الي مااضم عليه شي
واحمد السند الي حاميني من اي شي
الله يخليهم الي
ابوي مااشوفه هواي بالبيت دائما بالخارج
ومرات يجي يشوفنه بالعيد وبالمناسبات
وامي هي الي تصرف علينه جانت
تسوي اكل وتبيع
وابد مانقصتنه بشي رغم جانت قاسيه ويانه وكلمته مسموعه
سيف ابن خالتي الي احبه من الطفوله اكبر مني بسنتين
حبيته هوواي وهو هم
ومحد فركنه وبقينه مستمرين بحبه لحد ما امه درت واهله كلهم
خابرني مره
:رفوله وينج صارلي ساعه اخابر
:شكو حبيبي
:حجيت وياه امي وهسه حتجي وتحجي وياه امج علمود اخطبج اريدج
تكعدين وياهم علمود خاف امج مااقتنعت انتي احجي وياها
:لايمعود استحي وين اكعد يمهم
:لج شتستحين هي امج وخالتج
:لا يابه خلي تحجي وياه امي واذا ماقبلت اني اكعد وياه امي واحجي وياها
اجت خالتي وحجت وياه امي
ومااعرف شنو حجو
بعده خابرني سيف وكلي امج طلعت الف عذر وحجه علمود متصيرين الي
كالت بعده صغيره مو مال زواج وهي تريد تكمل دراسته يلا تزوج
ومانطيه الا واحد متعلم وفاهم وعنده شهاده
.....
اني كتله اصبر اتخرج السادس ومحد يحجي وياي
ومستحيل اخذ غيرك
وهمين هو وعدني ينتظرني ومايعوفني
وضلينه بعلاقتنه
هواي اجوني خطابه
بس امي ماتقبل
الحمدلله تخرجت السادس وطلعت معدل هندسه معماريه
والكل فرح بيه
وامي ضلت تفتخر بيه الرايح والجاي تكله بنتي مهندسه
وسيف هواي فرح وجابلي هديه كلاده ذهب ع شكل قفل ومفتاح ناعمه كلش حلوه لسه اذكر خليته بركبتي ومانزعته الا من اجه ذاك اليوم

بالعطله هواي طلعت ورحت مولات ومطاعم ومااخابر سيف الا من ارجع للبيت
بهاي الفتره علاقتنه صارت زفت
رحنه لمنطقه سياحيه يمه شط وشجر والجو يخبل وراحو ويانه صديقه امي وعائلته
صديقه امي ام حسين
عده حسين وعلياء
بوكته ضلينه نمشي يم الشط اني واسراء وعلياء
وحسين اجه ويانه
وجان حاط عينه عليه كلما اباوعله الكاه صافن عليه
اني مااهتميت اله
ومرت ايام كلما نطلع هما ويانه
ورحنه لاربيل وتنوسنه هناك
سوالف حسين ولاينشبع منه تخبل
وعلياء نسخه منه بس يصنفون
ويضحكون
ابويه جان ويانه
اول مره نطلع وياه ابويه
تونسنه هواي
وهواي حبينه ام حسين سبورتيه
المهم رجعنا
وسيف ضل يصيح عليه ويعيط
اذكر ذاك اليوم راد يضربني
واني زعلت منه وكتله كلشي انتهى
هواي بجيت بذاك اليوم
ومااكلت وضليت يومين حابسه روحي
فوني غلقته
ضل يراسلني من فون اسراء
كتله حضريه خلي يولي
ماضيت راح اعوفه كل هالفتره
10 اشهر واني مطنشته
كلت اني اسبوع وارجع احجي وياه
بده دوامي بالجامعه
والكليه عالم ثاني ومختلف كلش
وعلياء جانت وياي بالكليه بس بغير قسم
ضل يودينه ويرجعنه حسين
ونضرات حسين تهجم بيوت
تعلقت بيه من وراء عيونه
مره اجه عليه وحده
:هلاو .... شنو وين علياء
ضحك : علياء مريضه وكالت مراح اروح
:لعد ليش تضحك
اندار عليه وضحك
:فرصه حلوه مااجتي علمود احجي وياج
:شنو تحجي
: حاولي اطلعين من وكت علمود نروح لمكان ونكعد بيه ونسولف
اني استغربت كتله ماشي
خلصت محاضراتي واتصل عليه
:ها خلصتي
:يي جايه
.......
كعده بمطعم
:شنو تاكلين
:ماريد مااشتهي
ضحك : قصدج اني اطلب
ابتسمت :لا بس احجي مو ضلت حسره بكلبي لازم اعرف شكو
ضحك :لا ماكو شي بس حبيت نكعد ونسولف
: بسسسسس
: يي بس
صفن بوجهي
رفل
:عيونها
:رفل اني احبج
:اني هم احبك وربي
:رفل 😠
😌اني احبج واريد اتقدملج
:😟😟 كوم
:وين
اخذت جنطتي وكمت طلعت برا المطعم
صاح رفل وين رايحه
:هسه ترجعني للبيت
:اي هسه ارجعج بس اعصابج
ركبت السياره وصلني للبيت
كتله بعد لاتجي عليه اخلي احمد يوديني ونزلت السياره
رحت للغرفه ابجي مااعرف ليش
اشتاقيت لسيف
ااي مااعرف ليش اشتاقيتله
اخذت موبايل اسراء وخابرتله
:الو
:سيف 😭
:رفل ..... شكو
:سيف اني احبك
:واني اموت عليج بس كليلي منو وياج
اني بس ابجي
:رفل صاير شي اكو احد مضوجج شبيج ماتحجين
: لا بس اشتاقيتلك اريد اشوفك
:اوك هسه جاي
سديت الخط وحسيت روحي ارتاحيت بس ليش
ليش اشتاقيت لسيف
ليش هيج سويت وياه حسين
صار العصر وطبت خالتي وسيف
كعدوو بالاستقبال
وضلو يحجون
احمد جان موجود
ضل يسولف وياه سيف
واني فرحانه لان شفته
6 اشهر مشايفته 😔
شويه واحمد طلع خابرله صديقه
واني كاعده اباوع لسيف واباوع لعيونه
كال : خاله امي اجت العام وحجت وياج علمود رفل تصير الي وكلتلج سيف يحب رفل
كتيله بعده صغيره واهم شي دراسته
واني هسه اجيت احجي وياج واريدج اتسمعيني
رفل احبه والله واريجه تصير الي وصدكي مراح اقصر وياها بشي
واخليه تكمل دراسته
:سيف بدون متكمل لو بيدي جان انطيته الك خوش ولد ومناقصك شي بس رفل محجوزه لابن صديقتي
وهي كالت رفل لحسين من جانو صغار
واني وافقت وكتله خوش
لهيج ماوافقت عليك
........

الجزء الثالث
#ذكريات_انتهت

اني انصدمت
حسيييين
لامستحيل
كتله بعصبيه وعيوني يصبن
: يوم ترا انتي مو بكيفج تقررين هاي حياتي اني والي اريده يصير الي مو انتي تختارين
:سدي حلكج انتي اخر وحده تحجي بالموضوع صوتج نصيه واحترمي
:شنو اخر وحده احجي بالموضوع
شنو حياتج هيه فهميني
:لا بس مصلحتج اني مختارته
ضحكت :مو عيب خالتي يمج
يعني مصلحتي مو وياه سيف هيج قصدج
شبيه سيف ?
شناقصه ?
دفعتني :روحي لغرفتج وحسابي وياج بعدين
رحت للغرفه ابجي واسمعه تصيح وتكول اموته ع ايده وماانطيه
وخالتي همين تصيح عليه
شنو ماكو بنيه بس بنتج
امشي سيف امشي شلون اخت تحجي وياه اخته هيج
ضليت افكر ليش هيج صار وياي ليش هيج حظي
كلساع ابجي واغفى ولا ادري بالوقت
دكت الباب اسراء
:رفل ...رفل فتحي الباب
:شكووو
:تعااي تعشي
:مااريد زغنبوت
:رفل ميصير هيج ربك يحله
:روحي اسراء روحي خليني بضيمي احسن
حسيته راحت
فتحت جهازي لكيته بدون شريحه
طلعت روحي اكيد امي ماخذتها
فتحت الباب وضليت اصيح
: وربي لو اموت مااخذ حسين
وحتة لو اخذتي الشريحه عبالج تفرقينه اني وحبيبي
صعدتني وخلصتني ضرب وكتل وتغلط عليه وع تربيتي
......
صار 15 يوم محبوسه بالبيت
كليه ماروح
امي كايله لحسين مريضه
كاعده بغرفتي واجتي اسراء
شايلهه الفون مالته بايدها
:رايدينج
:منو
خلت السماعه ع اذني
واسمع صوت

حسين
شيريد هذا اني خربت حياتي من وراء
اسراء : شوفي شيريد منج ولاتستعجلين بقراراتج
جاووبت نعم
: رفل لاتعذبيني
: شتريد احجي
:رايدج الج وربي نيته صافيه
رفل اني حجيت وياه امج وهيه قابله وكالت بس احجي وياه بنتي وارد خبر
ضحكت : يي وهسه شنو جاي تتوسل اقبل مو
: عيب تحجين هالحجي شنو طلعت اتوسل لان خابرتج وكتلج حجيت وياه امج
:مستحيل تصير الي وخلي هالحجي ابالك
سديت الخط وبجيت
اسراء ضلت تسكت بيه وتقنعني
حسين يفيدج خوش ولد وامه تحبج
وانتي تعرفيهم سبورتيه ويقضون مطلباتج
اذا ازوجتني سيف منين راح يصرف عليج
تعرفين بروحج اذا مااخذتي الشي الي بنفسج تكلبين الامه
: يي صحيح واني اريد سيف
فدوه احجي وياه امي
: طلع الحجي وياج ميفيد
طلعت من الغرفه وراء ساعه اجتي
كلتني راح يجون باجر يتفقون ع خطوبتج
رحت لامي ابجي
يمه فدوه ليش هيج تسوين ابنتج
والله احبه لاتخليني نفترق
.....
امي حجيه كله صياح بعياط
وهدتتني اذا حجيت باجر من يجون او ارفض
جبرتني اوافق علمود ازوج ابن صديقته
ميفيد لا بجي ولا حجي
ردت اي فرصه اشوف سيف او احجي وياه لازم يعرف بالموضوع
بس ماكدرت
انسدتت كل البيبان بوجهي
وضليت بحسرتي وضيمي وقهري
ابجي وابجي ومحد يحس بيه
صار اليوم النحس
واجوي اهل حسين
وابو حسين وياهم
امي واسراء مسوين حلويات واكل واني ماادري
نزلت واني ميته قهر
مااكدر احجي
كعدت بالهول جانت هي ضيافه وهي اتفاق ع خطوبتي وياه حسين
ابو حسين يصنف عليه عائلة كومديه
واني اضحك بس بداخلي حسره
وشوق لسيف
ابويه كعد وياهم واحمد همين
وضلو يحجون
وكلما جابو اسمي واسم حسين
يباوعلي ويضحك
عباله اني موافقه ميدري مجبوره
اتفقوا ع المهر وقروا الفاتحه
كالو بعد 3 ايام نعقد ونسوي حفله بالقاعه
صبينه الكل واكلنه
وحسين مابطل يباوعلي
الكل انتبهى ويضحكون
اني كمت اغسل وهوا اجه وراء
:رفل فدوه لعيونج الي ماينشبع منهن مشتهي جاي من ايدج
: ماشي
مشيت من يمه وسمعته يكول بس ماشي
خلص اليوم وراحو
وامي ضلت تلكلك اليوم بنيتي رفعت راسي وسمعت حجايتي
وضلت تبوس بيه
انشاءالله اشوف احفادج وتضحك
واحمد يضحك يمه تضلين كاعده ع كلوبنه
: اي يمه لعد منو الي يجمعكم اذا مو اني
تباوعلي وتضحك اني اريد مصلحتكم واريد حياتكم حلوه
علمود من الله ياخذ عمري اني مرتاحه بقبري
احمد: اسم الله عليج عمرج طويل يمه

مرت 3 ايام بسرعه
روحات للسوق ومشترى وملابس
واشتريت ذهب وحلقه
كلشي اطلب يجيبه الي
واني اتعمدت هيج اسوي علمود يكولون صرافه ويبطلون
يباوع ويضحك وبحجه راح اصير خطيبته جابلي كلاده وبيه اسمي
وكلي نزعي هاي الي بركبتج ولبسي هاي
كتله مستحيل انزعه هاي
رحت للغرفه ابجي
اكول هاي مال سيف مال حبيبي
اجتي امي تصيح عليه من بعد ماراحو
حسين راح يصير خطيبج
تنسين الي اسمه سيف
جرت الكلاده من ركبتي وشمرت عليه كلاده حسين
كالت اذا اشوفج مالابسه هاي الكلاده موتج تصير على ايدي
طلعت الغرفه وسدت الباب واني اصيح خلي اموت ارتاح من هاي الدنيا
........
صار يوم الخطوبه ورحت للصالون رغم مالي خلك بس علياء ونستني وضحكتني
كلت خلي استسلم للي دايصير
واقتنع بحياتي والي كتبه ربي الي
وع مر الوقت حسين راح يخليني انسى سيف
خلصت وباوعت لروحي اخبل
من مكياج من بدله من تسريحه
اجه علينه احمد ورجعنه للبيت
طبيت جان بالبيت بس عمتي ومرت عمي واسراء
وشويه اجه السيد وحسين وابو حسين وابويه
كعد احسين يمي
وعقد علينه السيد
بلكوه طلعته الحجايه وكلت نعم
طلعو الكل وحسين شال القبوش من راسي وباسه
كلي الله يخليج الي وميحرمني منج
حضرت روحي وطلعت بالسياره علمود نروح للقاعه
خابرتني امي
واطمنت عليه وحجت كم احجايه حلوه عباله راح ارفض وادنك راسه
وصلت القاعه
اباوع القاعه شكبره والناس شكد
كله تهلهل
وحسين فرحان
واني بلكوه ابتسم
كعده شويه وبعده لبسني الحلقه وكصينه الكيكه
وطلع
واسراء وعلياء يجرن بيه اركص
ركصت شويه ورجعت لمكاني
......
راحت الناس واحنا رجعنه للبيت
سبحت ومنعت روحي ابجي بس ماكدرت
تعجبت سيف اكيد دره بخطوبتي ليش مااتصل ليش ماسوه شي
داامشط بشعري واجتي اسراء
: حسين اجه
:عاااا شيريد
:يكول حضري روحج علموج تطلعون
: هاي الناقصه
بدلت ملابسي وطلعت لكيته ابحده
ضل يباوع عليه من فوك ليجوه ويضحك
: صرتي الي اااااالله
: وين حنروح
: وين يعجبج نروح اني اوديج
بس كولي
:اني مالي خلك اطلع بس مردت اكسر واهسك
:رفل شبيج شو طول الحفله وانتي ماده بوزج
: باده بوزي شنو .....شنو هالحجي
:كافي رفل كافي اذليني لان احبج قدري مشاعري

رحنه للمول وافريناه كله
وضحك وشقه وتقبلت الامر
حسين صار الي
وبديت اتعلق بيه
كل طلعه وكل حجي افكر بيه واعيده الف مره
تخبل سوالفه ارجع احجي لاسراء وتضحك علينه وع خبالنه
نسيت سيف وبديت اتعلف بحسين
صرت اذا مر يوم ومااحجيت وياه اتخبل
مرت 5 اشهر ع خطوبتنه
وسيف ماسمعت عنه اي شي اصلا بيت خالتي كطعنه عنهم
وحسين شنو اريده يجيبه الي
وعلاقتي باامي حلوه لان دريت صدك ردت مصلحتي وتريدني سعيده

مرت 3 ايام بسرعه
روحات للسوق ومشترى وملابس
واشتريت ذهب وحلقه
كلشي اطلب يجيبه الي
واني اتعمدت هيج اسوي علمود يكولون صرافه ويبطلون
يباوع ويضحك وبحجه راح اصير خطيبته جابلي كلاده وبيه اسمي
وكلي نزعي هاي الي بركبتج ولبسي هاي
كتله مستحيل انزعه هاي
رحت للغرفه ابجي
اكول هاي مال سيف مال حبيبي
اجتي امي تصيح عليه من بعد ماراحو
حسين راح يصير خطيبج
تنسين الي اسمه سيف
جرت الكلاده من ركبتي وشمرت عليه كلاده حسين
كالت اذا اشوفج مالابسه هاي الكلاده موتج تصير على ايدي
طلعت الغرفه وسدت الباب واني اصيح خلي اموت ارتاح من هاي الدنيا
........
صار يوم الخطوبه ورحت للصالون رغم مالي خلك بس علياء ونستني وضحكتني
كلت خلي استسلم للي دايصير
واقتنع بحياتي والي كتبه ربي الي
وع مر الوقت حسين راح يخليني انسى سيف
خلصت وباوعت لروحي اخبل
من مكياج من بدله من تسريحه
اجه علينه احمد ورجعنه للبيت
طبيت جان بالبيت بس عمتي ومرت عمي واسراء
وشويه اجه السيد وحسين وابو حسين وابويه
كعد احسين يمي
وعقد علينه السيد
بلكوه طلعته الحجايه وكلت نعم
طلعو الكل وحسين شال القبوش من راسي وباسه
كلي الله يخليج الي وميحرمني منج
حضرت روحي وطلعت بالسياره علمود نروح للقاعه
خابرتني امي
واطمنت عليه وحجت كم احجايه حلوه عباله راح ارفض وادنك راسه
وصلت القاعه
اباوع القاعه شكبره والناس شكد
كله تهلهل
وحسين فرحان
واني بلكوه ابتسم
كعده شويه وبعده لبسني الحلقه وكصينه الكيكه
وطلع
واسراء وعلياء يجرن بيه اركص
ركصت شويه ورجعت لمكاني
......
راحت الناس واحنا رجعنه للبيت
سبحت ومنعت روحي ابجي بس ماكدرت
تعجبت سيف اكيد دره بخطوبتي ليش مااتصل ليش ماسوه شي
داامشط بشعري واجتي اسراء
: حسين اجه
:عاااا شيريد
:يكول حضري روحج علموج تطلعون
: هاي الناقصه
بدلت ملابسي وطلعت لكيته ابحده
ضل يباوع عليه من فوك ليجوه ويضحك
: صرتي الي اااااالله
: وين حنروح
: وين يعجبج نروح اني اوديج
بس كولي
:اني مالي خلك اطلع بس مردت اكسر واهسك
:رفل شبيج شو طول الحفله وانتي ماده بوزج
: باده بوزي شنو .....شنو هالحجي
:كافي رفل كافي اذليني لان احبج قدري مشاعري

رحنه للمول وافريناه كله
وضحك وشقه وتقبلت الامر
حسين صار الي
وبديت اتعلق بيه
كل طلعه وكل حجي افكر بيه واعيده الف مره
تخبل سوالفه ارجع احجي لاسراء وتضحك علينه وع خبالنه
نسيت سيف وبديت اتعلف بحسين
صرت اذا مر يوم ومااحجيت وياه اتخبل
مرت 5 اشهر ع خطوبتنه
وسيف ماسمعت عنه اي شي اصلا بيت خالتي كطعنه عنهم
وحسين شنو اريده يجيبه الي
وعلاقتي باامي حلوه لان دريت صدك ردت مصلحتي وتريدني سعيده

ازوجنه اني وحسين احلى عرس واحلى يوم بحياتي
مراح انسى هذا اليوم الي صار بيه حسين حلالي ودنيتي كله
مانسى هذا اليوم الي ضحكت عليه لان وكع الشوكه على بدلته من راد يوكلني كيكه
ولا راح انسى من اجتمعت وياه ابيت واحد وغرفه وحده
وكلشي مشترك بينه
صرنه روح وحده بجسمين
ناكل ونطلع والسعاده ابد مافاركتني
صحيح نتعارك مرات بس بنفس الوقت نتصالح
لسه اذكر المفاجاه بيوم عيد ميلادي
الي حضره الي بمطعم وعزم كل صديقاتي وقرايبي
وسوينه حفله تخبل
واحلى هديه منه مجموعه من روايات عبير
يدري بيه اعشق روايتها
.......
مر ع زواجنه سنه وطفل ماكو
هواي راجعنه دكاتره والسبب منه
اذكر بذاك اليوم كاعد ع الدرج ويبجي
وعيونه حمر واني حاضتنه
يكلي رفل ماافيدج اني
ميصير عندي جهاال
واني احجي وياه وابوسه من راسه مو مهم الجهاال
المهم يمي انته
انته طفلي واني طفلتك
....
ماسكتنه ع الموضوع استمرينه بالمعالجه نريد حل للموضوع حتى لو طفل انابيب
بس ماكو الدكاتره يكولون اذا طفل انابيب اتموتين لان نسبه حسين صفر
رحنه للكربلاء واندعينه ابو الفضل وابوعبدلله يصير عدنه طفل
ونذرت نذر بس يصير عندي طفل امشي من النجف لكربلاء بالاربعينه
حسين كلي كافي
ربج مايظلم عبده وانشاءالله يعوضنه بهذا التعب
بطفل بس لاتتايسين
.......     

اجه يوم جنه كاعدين اني وحسين نباوع تلفزيون اذكر ساعه 11 بالليل
اندك علينه الباب
احنا استغربنه منو يجي بهالوكت
فتح الباب حسين
وضل يحجي وياه واحد
اسمع الصوت هذا صوت سيف
دنكت راسي من جوه اريد اباوع اذا هذا سيف
بس ماكدرت
بعده سمعت حسين يصيح تروح منا لا اشتكي عليك
اني مدنكه راسي واباوع حسين اندفع ووكع ع الارض
باوعت بالباب هذا سيف 😱

صحت سيييييييف رحت عليه ودفعته واصيح عليه
انت ليش تدفع حسين
هذا تاج راسك ياحقيررر
لزمني حسين من وراء ويدفع بيه يريدني ادخل
حسين عوفني هذا يريد يريد يخرب حياته
يريد يفرقنه
هو يدفعني واني اتوسل بيه ومااخذ حجي
طلع وقفل الباب وراء
ضليت ادك بلباب افتح حسين فدوه افتح
لك والله اجه يريد يفرقنه
مجان بيدي شي اسمع صوته وكتل وبالليل محد بالشارع والجيران نايمه
اني كلت راح حسين
رحت بسرعه خابرت لامي
ادك ادك ماكو امي تنام من وكت
خابرت لاسراء شويه وجاوبت
:اسراء فدوه كعدي ابي واحمد خلي يجون بسرعه
:شكو رفل شبيج
:لج حسين راح يموت بسرعه فدوه خلي يجون
:شتحجين انتي
:لج بسرعه بدون حجي
:خوش .........واسمعه تصيح بابا بابا لك احمد
وانقطع الخط
رحت يم الباب ماكو صوت معقوله راحو بغير مكان
كمت ادك والطم وادعي ربي كلشي اخذ مني الدلال والعز
ولاتاخذ حسين
ضليت  ربع ساعه ابجي وادعي لا حس اهلي ولا حسين
اختنكت بلكوه اتنفس .......شويه واسمع صوت احمد
كمت على حيلي .....احمد الباب مقفول
ظل يدفع بالباب يريد يفتحه مافاد
ظل يطك ع القفل وكسره ودخل
حضنته كلي بيج شي
كتله لا حسين
:وينه حسين
بلكوه احجي اشرتله برا
ابويه كال شنو صار
:بابا اجه سيف ابن خالتي وضلو يتعاركون
طلعو بالشارع يدورون عليه
اني كعدتني امي ع الطبله وغسلت وجهي وشربت مي
بعده سولفت الي صار

دخل ابوي واحمد عركانين  وايد احمد كله دم
اني كمت اباوعلهم اريدهم يحجون
احمد راح غسل ايديه
واباوع لوجوهم ماينعرف لونهن
حضني ابوي
وضل يبجي كلي حسين ماتت مدجوج بسجينه
:لا بابا صدك تحجي
دفعته من حضني واباوع عيونه مليانه دمع
:بابا حسين مايعوفني
هذا سيف اخذه
كمت اصرخ يي سيف اخذه الله ياخذك وينتقم منك
امي واحمد لازميني لان اريد اطلع للشارع
وبعده ماحسيت بروحي
لكيت روحي بالمستشفى
صار عندي انهيار عصبي و3 ايام بالمستشفى اني
طلعت للبيت واصيح عليهم لان ماخلوني احضر العزا
ولا رحت وياه من دفنوه
خسرت حسين
بس روحه بعدها وياي .....اتخيله بكل مكان
بكل زاويه
حتى مرات احجي وياه
مخبله مسوده يي من راح هوا هيج صار بيه
وراء شهر طلعت حامل
راح يجي طفل وحسين مو يمي
محد عايشه  الي عشته بس الاغلبيه
وراح يحسون بالواحد من يخسر شخص عزيز عليه
هسه اني بشهري
اندعلي اجيب بالسلامه وتجي مريم تشبه ابوها

النهايه