رواية قصص رومانسيه الفصل الخمسون 50 - بقلم الحساب مغلق

بيوم تخرجي كنت فرحانه وسعيده رغم حزني على فراك جماعتي وكليتي واساتذتي..حياة الجامعه حلوه بكل تفاصيلها...

المهم هذي الدنيا تنقلنا كل يوم من حال الحال...

اهلي كلهم موجودين ماعدا مازن اخويه جان مسافر...

رجعنا للبيت امي هدتلي سوار ذهب وابويه انطاني فلوس...اني اخر العنكود وكلها مهتمه بيه...

اخويه مهند واختي حنين هم انطوني هداياهم...

بقت علاقتي بصديقاتي ..طلعاتنه سوه ...

حياتي جانت حلوه..وسط اهلي .. اهلي وضعهم المادي زين...والدي مدرس وامي معلمه..

واني تخرجت من قسم علم النفس...

وره فتره طلع تعييني بوحده من المحاكم التابعه الوزارة العدل ....واستلمت وظيفتي...

بالبدايه ماكنت متعلمه عالدوام واخذت وقت الى ان تعلمت...المحاكم بيها مراجعات هوايه وناس هوايه...

اني طبعي مرحه اتشاقه واضحك ومن جنت بالكليه هوايه رادوني بس كلبي مو يمهم...

تعلمت عالدوام وصرت شاطره ومديري يعتمد عليه ...

مره كاعدين بغرفتنا دخل شاب مرتب وحلو لابس قاط وانيق...وسالني على موظف ...كتله امشي ويايه اوديك الغرفته...اني جنت صدفه دااطلع للغرفه اللي بصف غرفة هذا الموظف..

هو يمشي ويكولي تعبتج ... كتله لا بالعكس...

وديته عالموظف اللي سال عليه...وكفت سلمت عليه وتشاقيت ويا هو ظل يباوع عليه...

رجعت الغرفتي...وره شويه اجا عليه مره لخ...اتشكر مني كلي ان شاءالله نتشاوف هوايه لان شغلي هم صار هنا...

سالته شنو تشتغل كال محامي..

كمت اشوفه هوايه بالمحكمه...وابقى اسولف ويا...وتعلقت بي كلش...وهو هم كام يجي يوميه اول مايفوت للمحكمه يجي يسلم عليه..

عرفت انه مصارله هوايه من متخرج...واشتغل ويه محامي وهسه بده هو يشتغل...

صارت بيناتنه علاقه قويه وحبيته كلش.. كمنا نتخابر ونسولف...وجنت احجي الاختي عليه..

اختي بهالفتره انخطبت واني هم جانو يخطبوني بس كلبي يم صفاء حبيته وصار جزء من حياتي وعايش ويايه بكل لحظه...

فد يوم خابرته...جنا متفقين على وقت اخابره ...هذا قبل الموبايل..جاوبتني مره ...سالتها على صفاء ...كالتلي نايم منو انت؟ ؟ ؟

كلتلها اني وسن...كالتلي انت وسن ؟ ؟ ؟

كلتلها اي اني..

كالت شوفي حبابه.. اذا مفكره فد يوم ابني ياخذج انسي...وهاي لعبتج لعبيها على غيرنا...احنا مثلج وحده مانطبب البيتنا...وطبكت التليفون..

اني ظليت ارجف...حتى التليفون مااكدر الزمه...وكعدت بجيت ومااعرف شنو القصه...

وره ساعه دك التليفون..كلتلها الحنين انت جاوبي اني مجاوبته...وظل يدك مجاوبت ..مااعرف ليش..يعني ليش هالاهانه...

ثاني يوم شفته بالمحكمه...سالني شبيج وسن البارحه ليش مجاوبتيني...حجيتله عالرزاله اللي اكلتها من امه...هو عصب وانقهر كال ماعليج بامي ...

بيومها بعد ماشفته بالمحكمه وسالت عليه كالو طلع...استغربت ليش مامر عليه وسلم...

رجعت للبيت ضايجه وتعبانه...سبحت وكعدت عالغده ويه اهلي ...انتبهو عليه شبيج ضايجه سونه...كلتلهم مابيه..

دخلت الغرفتي داانام دك التليفون...

هلو صفاء...هلو حبيبتي وسن مشتاقلج..لهجته تغيرت ...كتله اني ضايجه لان طلعت بدون ماتسلم عليه..

كال وخابرتج هسه حتى اسلم عليج...

كتله وحجيت ويه امك عالبارحه...

كلي وسن اني عن قريب اجي اخطبج...

اني طرت من الفرح...وكلبي يدك وعيوني دمعت...حبيبي صفاوي تحجي صدك؟ ؟ ؟

كال اتفقت ويه ابويه اليوم على كلشي...

كتله وامك؟ ؟

كال الموضوع بيد ابويه...

اهل صفاء عائله راقيه...ابو مهندس معماري وعنده مكتب هندسه ومقاولات... وامه صيدلانيه...وعنده اخت وحده تدرس صيدله..واخ يدرس طب اسنان..وهو اكبرهم..جان دائما يكولي اني ماحب الطب...واختاريت هذي المهنه لان احبها...

مرت ايام...واني و صفاء حبنا يزيد ويزيد...وعلاقتنا تقوه ومااكدر على فراكه ...

فد يوم كلي سونه بابا يريد يشوفج...كتله شلون او وين..كلي اليوم عازمنا عالغده..

ورحنا للمطعم واجا هو يشبه صفاء ...شخصيه تخبل وهيبه وكشخه...من شافني استقبلني حلو .... كلي صفاء ماوصفج زين النا...انت احلى من الوصف وسن...اني خجلت كتله عمو ذوقك الحلو..

طلبنا الغده ...وظلينا نسولف ...عجبتني الكعده وياهم...او وره ماكملنا الغده...كلي شوفي وسن...اني مااكذب عليج...رغم ثقتي باختيار صفاء بس اني حبيت اشوفج حتى اطمئن اكثر على مستقبل ابني...وهسه اطمئنيت...بس اكو عقبه جبيره كدامكم وهي ام صفاء...ام صفاء رايده بنت اختها الصفاء ومن عرفت بيج.. رافضه الموضوع تماما..اللي علينا نسوي والباقي على الله..

حسيت بقهره او وجع بكلبي...جنت ادري شغلتنه صعبه واعرف امه ماراح ترضى بس هو كلي ماعوفج لو اموت سونه...

اهلي بدو يضغطون عليه ...لان عرسان هوايه رفضت ومايعرفون ليش...

وكتله الصفاء اني وياك لازم ناخذ قرار وينتهي الموضوع اما نستمر او كلمن يروح لطريقه...

وره 5 ايام ..جان يوم اربعاء شفت صفاء الصبح جان فرحان او وجهه يضحك..كتله اليوم منور صفاوي... كلي الجمعه جايين يمكم...اني طرت من الفرح...عرفت صفاء شخصيته قويه ومايتنازل عني...كتله شنو يعني حبيبي...

كلي راح تصيرين مرتي