رواية قصص رومانسيه الفصل التاسع والأربعون 49 - بقلم الحساب مغلق

اسمي سمر عمري 17 خامس علمي سمرة عيوني كبار شعري اسود قصير مو كلش لنصف كتفي طولي 149 عائلتي متكونه من 3بنات اني الصغيرة و2ولد اخواتي تبارك وحنان واخواني علي واركان .. والدي سايق تكسي والدتي مدرسه وحالتنا الماديه زينه يعني منطلب شي اذا منلكا اهلي مدللينا وعايشين بيت ملك اخواتي احلى مني واني سمرة وهنا بيض على ماما واني على عماتي كلهن سمر بس ماما جانت تكلي ملامحج تخبل ودمج يلعب .. بابا يحبني والمفضله عندة لان اني حنينه وشعنونه مسويه روح للبيت .. جيرانه الي بضهر بيتنه جانت عدهم بنيه جميله ملكة جمال بس جانو يكولون عنها مو راحه اني غرفتي جانت مطله على الترك وعلى بيتهم وغرفتها جنت احب اباوع عليها وهي نوبات تشوفني تسلم عليه وبمرة شفتها بلغرفه هي وشاب شفته يحضن بيها سديت شباكي وكعدت اقرا وسمعت عياط وهوسه وضرب رحت اشوف شكو شفت اخوانها مجمعين على الشاب ويضربون بي كلبي نمرد علي بس مجان ينطي بنفسه رغم ماجان وحدة بعدين طلعو وقفلو الغرفه عليه و.سكت خفت يكون مات من الضرب ضليت كلسااع امد راسي الى ان سمعته صاح يابنيه عفيه ساعديني راح يموتوني .. كتله شسويلك كال اتصلي باحد كتله ماعندي فون كال تصرفي ... كتله باع راح اعبر السياج وافتحلك الباب وانت افلت اني من جنت صغيرة كليوم اعبر عليهم متعودة . عبرت لكيت باب الترك مفتوح والغرفه قافليها من برة فتحتها وطلعته راد يروح من بابهم ... كتله وين تعال اطلعك من بيتنا واخذته كتله اوكف هنا اشوفلك الطريق .. رحت لكيت ماما بلمطبخ.بيومها جنا بس اني وياها بلبيت .. رجعت كتله خلي ماما تدخل جوة واطلعك كال انتي شسمج .. كتله سمر . كال اني مديونلج بحياتي وسمعت .. كتله شعدك هنا بله متخاف لوما اني فضوليه جان سحلوك والله هو وجه ممبين منه شي كله دم وارم كال اني اسمي .. فرات رحت لماما اشوفها بعدها جبتله مي وقطعه انظف وجه نطيته كتله تريد شي كال لاشكرا وبعدين طلعته من البيت وخلصت والحمد لله بعد مطلعته بنص ساعه كبت عيطتهم عرفو مهزوم مرت ايام وهو ميروح من بالي افكر تصرفي كان صح او خطاء

فرات عمري 25 سنه طولي 180 ابيض عيوني جوزي وساع صاحب لحيه شعري اسود اني احب اهتم بنفسي ومرتاح ماديا عندي بوتيك تجهيزات نسائيه عطور مكياج ملابس داخليه وبحكم عملي هواي عندي علاقات ولان اني وسيم فيزحفولي هوايه بنات ماذكر فديوم زحفت ابد يجوني على الجاهز عندي الي اصرف عليها والي انام وياها والي مخلصها وياها حبيات وبوس وتعرفت على وحدة جنت اروحلها للبيت من يطلعون اهلها هي جانت منفصله وبيوم لكفونه اخوانها وتضاربنا واخذوها برة وعافوني. بلغرفه ونسو يسدون الشباك فلمحت بنيه تمد راسها كل شويه استنجدت بيها توقعت ترفض او تنهزم اشو هاي راسا عبرت السياج وفتحتلي الباب وطلعتني وظليت فترة بيتهم وبعدين هزمتني سيارتي اني اوكفها بعيد عن بيت اهلها اخذت سيارتي وفلتت رجعت للبيت اني عايش ويا امي وعندي اخت وحدة واني الجبير امي ... تخبلت من شافتني .. هاي شبيك ..فرات ..ماكو تعاركت لاتخافين . رحت لغرفتي افكر بسمر شنو من بنيه مرت ايام تحسنت وسمر متفارك خيالي ومكدرت اصبر اريد اشوفها اخاف حاسين اهلها بيها رحت لبست نظارات شمسيه وكاسكيت ولفيت وجي بيشماغ واخذت سيارة صديقي وكفت براس.شارعهم من الصبح كلت بلكي داوم مدرسه .. وشفت بنات طلعو بس هي موياهم ورا ربع ساعه شفتها طلعت وحدها .. لحكتها صحت عليها سمر...سمر ..ملتفتت اوكفي شبيج اني فرات نزلت اندارت.تفاجات و كالت اشلونك كتلها الحمد لله اصعدي اريد احجي وياج ... كالت روح لاحد يشوفك شيكولون اني ساعدتك وشكرتني روح الله وياك تركتني وراحت سمر ... طلعت للدوام حسيت سيارة تلحكني وتخفف وبعدين كال اني فرات فرحت هو بخير وبعدين ضجت من كال اصعدي ويايه هذا شمتخيلني بس حقه شاف بنيه عبرت سياج ودخلته لبيتهم بدون علم اهلها اكيد فكر بيه رخيصه تركته ورحت رجعت للبيت افكر بي ومالي خلك دراسه وصافنه اختفى اسبوع ورجع بس هلمرة ممتخفي لان اهل دلال بعد الي صار تحولو لغير بيت وكف كدام مدرستي كال تصعدين لو انزل اسحبج كدام العالم كتله روح بلفرع والحكك ولحكته وصعدت .. كال واخيرا شنو الى بلتهديد .. كتله شتريد فرات هاي جزاتي انت متصور لان تصرفت وياك بلهشكل اني وحدة رخيصه بس ردت اساعدك وبس ... فرات ... لا والله ممفكر بيج لحضه هيج بس ردت احاجيج وانتي منطيتيني مجال اسف سمر احجي شتريد ... لو عايفتهم يقتلوك اشرفلي عدي امتحان اليوم راح ارسب ... من وراك ... فرات اخذلج اجازة ... والله وبصفتك شنو ينطوك تريد تذبني بلوة انته... فرات ...مردت اتسببلج بكل هذا بس ماعرف شصار بيه من شفتج شاغله بالي 🎵🎵🎵🎵سويت نفسي اعزف هو مات ضحك 😂😂😂هاي شدسوين كتله اعزفلك مو تغنيلي بابه هذني كلهن طاكات جوة رجليه روح العب على غيري فرات .. ههه لا صدكي احب نكون اصدقاء بس موبالي غير شي اني ارتاحيتلج حيل كال هذا رقمي وهذا جهاز فون اتصلي بيه ... 😲😲😲هاي شنو لا عيني اني لو اريد بابا يجيبلي ماخذة .. فرات ..هذا تعبير عن شكري سمر .. كتلك لا ويله رجعني يم المدرسه خلي اشوفلي صرفه .. كال بعد متكدرين ترحين ساعه 10 شنو عزة العزاني ضليت ابجي ... فرات لا عفيه لاتبجين شسوي هسا كتله ماعرف هسا يبلغون اهلي كتله انطيني فونك ..دكيت على تبارك الو تكدرين تجيني للمدرسه هسا .. تبارك ..ليش شكو ..سمر تعاي واحجيلج .. تبارك صار جايتج تبارك

تبارك .. اخت سمر الكبيرة مرحله ثالثه كليه قانون اليوم جان عطلتي من الكليه وانظف بلبيت اتصلت سمر ورحتلها للمدرسه وصلت اجتني من فرع ومداخله للدوام هاي شنو وين جنتي كالت بعدين احجيلج بس تعالي اخذيلي اجازة وعندي امتحان اترخصيلي حتنظرج هنا ..تبارك ماتحرك اذا متحجين ..سمر والله احجيلج بس ساعديني محسيت الى ضربتها راشدي✋✋✋ ودفعتها ورحت دخلت للادارة جبتلها اجازة

سمر ضربتني تبارك .. وابجي😢😢😢 اجه وكف كال اسف والله ليش ضربتج كتله ولي منا فرات لاتجي تشوفك .. فرات حتكليلها سمر .. اي .

فرات خليني اني احجيلها اخاف تضربج .

سمر روح عفيه كافي الي صار طلعت تبارك شافته كلتله تفضل ... اني فرات ..الي صار.لان بسببي هي مداومت .😠😠😠تبارك ها دكومي كدامي اني اعرف شسوي حاول يحجي منطته مجال واني ابجي وصلنا للبيت كالت احجي ... حجيتلها كل الي صار .👂يومه منج عبرتي السياج ودخلتي للبيت ولج ماخفتي ..سمر رادو يموتو خطيه انقهرت عليه وساعدته .تبارك وشعرفتي عنه هو اليعرف دلال شتتوقعين يكون وصخ مثلها اني ماحجي على اعراض الناس بس هاي ريحتها فايحه لج لزمج وسوالج شي شنحجي شنكول ...سمر شسوي همه كسرو تكسير تبارك ..كله يطلع منج اني بلكليه ولهسه استحي احجي ويا زملائي وانتي مدخلته للبيت وباسبوع واحد ومهزومه من الدوام وتفرفين ويا بلفروع جرتني من شعري وضربتي انتي مينسكت عليج حكل لماما وتتصرف وياج .. سمر ..لا عفيه لاتكليلهم والله ماعيدها اوعدج كالت شوفي اني مراح احجي بس مراقبتج اذا عرفت بيج محاجيته لو طالعه ويا اكل لبابا افتهمتي دفعتني وطلعت بقيت ابجي استاهل شكو خليت نفسي بهل الموقف الكل رجع من دوامه بابا وين سمورتي ليش متتغدة اجيت شاف وجي احمر وعيوني منفخه .. خير بابا شبيج .. تبارك مريضه وخابرو من المدرسه ورحت اخذتلها اجازة وجبتها .. بابا اوديج دكتور ..سمر لابابا انام وارتاح مبيه شي ماماتي حبيبتي شيوجعج امي سمر راسي ..كملي غدة وانطيج مسكن ونامي تبارك بابا اريد اسجل سمر بخط اخو صديقتي .. الاب كيفج بابا تبارك اتصل بي من باجر يجيها ..سمر سكتت ماكدر احجي كام الخط يوديني ويجيبني تبارك تحسب انفاسي تتصل بلولد تتاكد دخلت لولا ومرات المح فرات واكف وبيوم كاعدة اجتي بنيه وكالت ممكن كلمه تفضلي كالت فرات دزلج هذا الفون وكال ضروري تتصلين بي وتركتني وراحت .. صحت وارها يابنيه تعالي ابد ولارجعت وشكد دورت ماكو شلون يارب شسوي ..😩😩😩🙆🙆 ضميته ورجعت للبيت اول مدخلت فتحته اتصل ..

فرات ... اشلونج سمر ..الحمد لله فرات هوايه دتحرجني وتاذيني منو هاي الي دزيت الفون بايدها .. .فرات وحدة شعليج .. عوفيها طمنيني عليج اذتج اختج ..سمر ..لا بس عفيه دزها تاخذة باجر لاتشوفه تبارك تكل لبابا .فرات ..ضمي لاتخليها تشوفه واني ماتصل انتي شوكت ميصيرلج مجال اتصلي بس طمنيني عنج ماريد شي سمر .. فرات انته شتريد مني

فرات ..تصدكين اذا اكلج اني ماعرف بس احسج مسؤله مني واحب احجي وياج واشوفج تفكيري محصور بيج اخاف احد ياذيج بسببي .. سمر ..اني فعلا تأذيت بسببك وخسرت ثقت اختي وانته متعرف تبارك شنو اذا حطت احد بالها سودت عيشتي وبعد وبعد كال شنو الي يريحج اسوي حتى مستعد اتقدملج سمر ..شتحجي انته فرات اني مافكر بلزواج وعندي اخوات اكبر مني ممزوجات واصلا اهلي ميوافقون بس اتركني الله يخليك

فرات مستعد لكلشي الى هذا الطلب ماكدر اعذريني .سمر ..والله لوعايفتهم يقتلوك وخلاصنه منك ..

فرات ...😞😞😞ينطيج كلبج

سمر ...لا 😡😡😡😡

فرات ...متكدرين تفلتين من المدرسه اشوفج

سمر ...لا ماكدر وماسويها لان المدرسات كلهم يعرفون ماما وبس اغيب يتصلون ..

فرات ...لا هاي مو خوش شغله زين تعاي للمحل العصر

سمر ماطلع لوحدي ميقبلون ..

فرات اي تعالي انتي وامج واختج .. بس اشوفج وشلون مجهزلج تشكيله عطوراات ومكياج كله ماركه ..

سمر ..شكرا ماريد . وماجي .

فرات راح ادزلح العنوان بمسج وحاولي ..

سمر يله فرات اروح باي .

الله وياج عيني عفيه اتصلي كلما تكدرين ...

دزلي العنوان قريب مو بعيد

بقيت افكر بكلامه وكلما تصيرلي فرصه اتصل وهوايه لح اروحله للمحل وقنعت ماما محتاجه شغلات واخذتني اني وحنان ودخلت للمحل مالته جان منتظرني ضحك من شافني محله جان جبير وعندة عمال بس اجه اهتم بينا بنفسه ..فرات .. تفضلو .. امي البنات محتاجات شغلات يتفرجون ويختارون .. اي تفضلو المحل كدامكم اني اخذت عطور ومكياج واجه .. كال نور تينا وهديتج موجودة ..سمر ..لا فرات ينتبهون ماريد .. وروح لاتحاجيني ماما خلصتو بنات .. اي ماما يله .. فرات جنت متفق تجيني للمحل وفرحت من شفتها بس بسرعه طلعو مشاعري اكيد مو طبيعيه تجاهها مافكر بغيرها واني الي جنت صاحب علاقات وابد متنملي عيني بعد مطلعت بنص ساعه اتصلت .. هلو حبي اشتاقيتيلي .. .سمر .. مو كتلك لاتخلي الهديه ليش مخليها ضمن اغراضي ماما انتبهت وكتلها يمكن غلطان وحترجعهم الك باجر من تجيك كول غلطت اويلي فرات اذا مسويتلي مشكله مترتاح فرات ... على كيفج عيني اكلتيني بكشوري . صار اكلها وحخليهم يمي الج .. سمر ماريد وبعد لااتصل ولااجي جنت احجي ويا والضاهر نسيت اقفل الباب ماحس الى انسحب الفون مني وتبارك على راسي انتي متوبين .. ومتواعدة ويا وساحبه امي وياج لج شكد صلفه انتي بس صدك مينسكت عليج بعد عرفت نهايتي هاي لان تبارك متهدد بلاش سحبتني ودتني لبابا وحجتلهم كلشي معرفت شكول وشلون ابرر مراح يصدكون شحجي بابا وماما ضربوني وأخذو مني الفون وقررو بعد ماكو مدرسه ولا طلعه وانحبست بغرفتي بس الولد معرفو بلموضوع .. فرات داحجي وياها وانغلق الفون ... ضليت دايخ اكيد احد دخل وغلقته بس خاف لازميها رحت يم المدرسه مجتي وماكدر اتصل ضليت اسبوع مرابط ماكو عرفت مداوم من البنيه الي دزيت الفون لسمر بايدها رجعت للبيت وحجيت الي صار لامي .. وطلبت منها تروح تطلبها الي .. وفعلا رحنا الهم واستقبلنه اخوها ودخلنا اني والدتي للبيت واجه ابوها رحب بينه والدتي فتحت الموضوع ويا . كال البنيه صغيرة وبعدها تدرس وممفكر ازوجها هسا ... كتله عمو اني اخليها تكمل واتعهدلك بها الشي واني بس اني والدتي واختي ماعدنه احد وان شاء الله ادللها الاب اشاور العائله وارجعلكم جواب .. دنطلع لمحت تبارك تباوع عليه ... بنظرة غريبه 👀👀عرفت حتكل لاابوها عليه .. تبارك بابا هاذا شيريد ... الاب متقدم لسمر .. بابا هذا الي تحجي ويا سمر الاب شنو .. هو هذا وجاي بكل وقاحه يخطبها اني اعلمه اتصل بيهم شوف ابني مالك قسمه يمنا روح دور غيرنا تتستغفلني ومتكلي انت منو عبالك ماعرف بقصتك .😡😡😡فرات اجاني اتصال من والدها عرفت اكو شي صاير وتبارك كايلتله ورجعت رحتلهم مجان نفس الاستقبال بس حاولت افهمه لابوها بس مكدرت ... شوف ابني الوضع الي خلصتك منه بنتي ميشرف ولاتصور بعد الي عرفته عنك انطيك بنتي وبعدين تلتقي بيها وعلاقه وجاييلها فون بدون علمنه كل هذا سوته .. بنتي طفله وانته وعيتها على شغلات موزينه ولذلك تفضل اطلع وبعد لاترجع لان ردي راح يكون نفسه 😠😠😠

سمر .. بقيت محبوسه بلغرفه وبدون اكل لان ماكدر اكل وبديت اتعب وجي شحب وعرفت انو ماما ناقلتني لمدرستها حتى اكون تحت عينها وارتاحيت لان حرجع لدوامي اخلص من نظراتهم واتهامهم لان كرهت نفسي وفرات معرفت عنه شي ولاشفته بعد ورجعت اداوم وياماما ومن نرجع كبل لغرفتي واكلي قليل و ومالتقي باحد كاني مصابه بمرض معدي واذا شافني احد يسمعني كلام علي واركان مجانو يعرفون ووتعاملهم عادي بس حسو اكو شي بس مفتهمو ماما كلتلهم دراستها صعبه ومتفتهم بمدرستها ومتراجعه بلدراسه لذلك عاقبناها وبيوم ماما جانت مريضه ومكدرت داوم ومقبلت اروح وحدي بس جان عندي امتحان ... كالت ترحين ومخليه عليج مراقبه اذا سويتي شي وبس نزلت من الخط انسحبت .. شفت فرات ... سمر عزة شسوي فرات كال مشتاقلج راح اموت يوميه اجي اباوع من بعيد مصدكت شفتج وحدج اليوم ماضيع الفرصه تعالي نطلع ... لاداومين ... سمر انته ناوي تخليهم يموتوني يمعود مخلين مراقبه عليه عوفني ... بس اتاخر يوصل خبر لماما فرات شلون اتواصل وياج لعد ... سمر ماعرف خلي اروح ... فرات اني هم حدز ناس الى ان يوافق ابوج ... سمر ياناس وعلى شنو يوافق .. فرات على خطوبتنا غير دزيتله امة الثقلين وبعده قافل سمر ..يعني داز تخطبني .. فرحت ماعايفني انت فرات ...شلون اعوفج واني الي خليتج بهذا الوضع ... كتله اكو شخص يخلي بابا يوافق روحله .. روح لجدو ابو ماما واذا قنعته محد يكدر يعارضه يله اروح اني ... رحت لكيت الجرس داك والكل يسئل على ماما وكتلهم مريضه وبقيت الدوام كله اصفن جاي عليه ومحد بلغني بس اذا قنع جدو وافق محد يرفضه فرات نطتني سمر العنوان وبوجي على بيت جدها وقابلته وحجيتله الي صار رفض بلبدايه بس اني كتله متغير واحبها وخليها تكمل واي ضمان تطلبو حاضر .. كال اسئل عليك واذا تناسبنه مبيها شي نطيته عنواني ورقمي وظليت منتظر اتصاله واسبوع وماكو مليت رحتلهم للبيت .. هاحجي اشو مرجعتلي خبر .. كال ههه هاي شبيك مستعجل ابني ان شاء الله خير بس داقنع باهلها وباجر تجيني ونروح اني وياك الهم عدهم شروط ..كتله يعني وافقو ..كال لا بعد بس ان شاء الله خير كمت عليه بسته من راسه وايدة ويضحك عليه كتله مانساها الك هاي حجي وثاني اخذني ورحنا وافق ابوها على مضض وبشروط تعجيزيه وافقت المهر خيالي وحاضر وغايب وماكو زواج الى ان تكمل سادس وعهد تكمل كليه كلشي وافقت علي وحددنه بعد اسبوع الخطوبه وعقد سيد وجنت ممصدك وطلعنا اشترينا ذهب احتياجات الخطوبه والمهر

سمر مصدكت اهلي وافقو بس كلولي اختيارج وتتحملين كلشي .. ولاتجين تشتكين .تبارك حاولت تخربها ماعرف ليش ماخذ موقف ضدي بس بعد كلمت جدو محد حجه واجه يوم المشيه مالتي ورحت صالون ولبست فستان ابيض قصير وصدرة مفتوح شعري بهلفترة طول كلش وسرحته وشلته بس من كدام طلعت حلوة 👰👰👰👍👍وعقدالسيد واشتغل الردح والهلاهل وبعدين دخل فرات جان لابس قاط اسود وقميص ماوي يجنن طالع وجه احمر عركان ومستحي لزم ايدي اول مكعد وسحبني يمه باسني من راسي كال مبرووك حياتي .. سمر الله يبارك بيك فرات .. شنو هذا الشعر الحلو ملكه وربي .. هاي كله الي ممصدك اني خجلت ودنكت كال اموت عليج من تخجلين وخدودج تحمر طفلتي .. لبسني الذهب ورجع باسني من راسي ومن خدودي .. اويلي ولج بيج عضه هسا ... شاورني ضحكت .. لابسه ابيض وعقدنا هسا مال اخذج وافلت واخلي ابوج يشيش علينا هههه شكلتي .. كتله يله موافقه .. خلصت الحفله وخلصها فرات يكرص ويعض بشفته متت ضحك ومن راد يطلع نطاني فون حديث وفلوس .وكال سيفت رقمي بس اوصل اخابرج ... تمام ..سمر تمام انتضرك .. اخذي صور ودزيلياهم راح ورا🕓اتصل هلو حبي .. سمر هلو ..اشلونك .. فرات موزين انضربت عين عليج كرايبنا كلهم حسدوني سمر ..صدوك شبيك .فرات مبيه شي حبي جرح بسيط انكسر زجاج ودخل بايدي .سمر تاذيت حبيبي .. فرات لا من كلتي حبي طابت مبيها شي خفتي عليه حبي .. سمر اي والله حتى قلبي وجعني .اسم الله على قلبح ..حبي بعد باجر نعقد محكمه امرلج الصبح تمام عيني ..سمر .. طيب براحتك وضلينا نسولف للصبح وثاني يوم مداومت بقيت نايمه .. وماما اخذتلنه اجازة ونظفنا وللعصر اجه فرات اتفق ويا بابا على المحكمه . فرات باجر نسوي تحاليل عمو وبعدها نعقد ..بابا👴 طيب روحي باجر وحدكم وبلعقد نروح احنا وياكم فرحت لمن بابا كال اروح وياج لان علاقتنا بعدها متكهربه 💔💔 بقى فرات تعشا يمنا ولو بيدة يبات وميطلع بس منفردنا بعض 👨..🙅وثاني يوم من الصبح اجه فطر ويانا اني ماأكلت كلش جبانه وشايله هم للجكه لبست بنطرون جينز وقميص طويل وردي وحذا وجنطه وردي وحجاب اول مصعدت السيارة ..كتله فرات .. توجع .. كال شنيه ولج التوجع كتله الجكه هاي شبيك فرات مات ..ضحك لا متوجع حبي واني يمج اذا اذتج ابوسها 😚😚😚 موتعوفني لوحدي عفيه .. كال ..شلون اعوفج مخبله ..وصلنا نزلت وجلبت بي . لزم ايدي وقدمنا وكالو انتظرو صاحو اسمائنا اني متت خوف .. .. دخلونا يسحبون دم وفرات عرف المحلله زبونه عندة رحبت بي وكالت يله عروس تعالي واني مجلبه بفرات .نطيتها ايدي وابجي كل عقلي وفرات يضحك ضربته لاتضحك عليه مكروه سحبت مني دم عطت وحضنته وراسي جواة .. المحلله كالت هاي شلون حتحبلين وجيبين عيني جكه متحملتي 😭😢😢 سحبت منه يسولف ويضحك ولاعبالك كلتله كملت عيني طلعنا اخذني شربني عصير وريكني فرات .. انتي شو جبانه متوقعتج هيج .. الي تعبر السياج وتنقذ واحد متعرفه ومخافت كلت هاي موبنيه اعتياديه اشو اليوم ..ههههه صدمتيني .سمر ...اهووو .حيضل يصنف ويضحك ..ما ..رجعني للبيت .فرات ..هاي شبيج ههههه والله ضحكتيني كملي اكلج وارجعج ..ما ..ماريد ضوجتني شنو مشايف واحد يخاف فرات لج مو مثلج فضحتينا سمر خاف استحيت من هاي المحلله جانت عدك علاقه بيها .. فرات لا هاي زبونه محترمه ماعندي شي بعدين شنو تغارين اموت على اليغارن .اي اغار ..شنو مو حقي رجعنا للبيت وعقدنا محكمه ثاني يوم وتم كلشي على خير

فرات ..خطبتها وممصدك صارت حلالي وعقدت عليها سيد ومحكمه قررت اترك كل سوالفي المخربطه بس ارتبط بيها ابتعدت عن اصدقائي التعبانين بقى شغلة الشرب اني اشرب بس مو مدمن يعني كعدات وكيف سمر دزت عليه ماما بعد الخطوبه.. ماما لاتخلين الخطوبه تأثر على دراستج .. مكالمات بليل ماكو وطلعات بس جمعه وسبت يجيج واذا حسيت.تتاثرين حتى هذا الشي امنعه افتهمتي .. سمر ..نعم ماما داومت والكل باركلي البنات والمدرسات وتعرفت على بنيه جديدة وصرنا صديقات اسمها حلا حبابه كلش وارتاحيتلها ماما تاخذ مني الفون وبلفرصه اروح اخذة منها وشوفت للبنات صور خطوبتي كلهم كالو تجنين وتخبلو على فرات وبنات عرفو كالو هذا صاحب بوتيك سيدتي جان مشهور بمدرستي ابو البنات وتندمت شوفتهم الصور لان كليوم تجيني وحدة تتفرج عليه واكو يسمعوني كلام ومرة وحدة جتني كالت انتي خطيبه فرات .. كتلها نعم تفضلي .. كالت لا هيج وراحت .. رجعت للبيت وجان خميس.سموحلي اتصل اول مدخلت رحت خذت الفون من ماما .. على كيفج اتغدي غسلي شنو حالفه ... سمر ..انتي موكلتي بلعطله احجي بكيفج اتصلت .. هلو فرات

فرات .. واخيرا ..شنو وين انتي اتصل كله مغلق ..

سمر .. ماما متقبل واخذته مني بس بلعطله احجي وياك .. فرات شنو يعني ممنوع سمر ..اي حبيبي شسوي ماكدر اعارضهم بعدين تعال شنو انت مصادق نص بنات المدرسه كلهم يعرفوك .😒😒😒

فرات ..لا اكيد يعرفوني لان اغلبهم زبائن عندي

سمر ... اكيد ..

فرات .. اكيد شنو اليوم نطلع امرلج العصر

سمر مادري اكل لماما

فرات يله حبي شوفيها توافق .. سمر .ماما فرات يريد يجي ياخذني ونطلع شكله .. الام ميخالف ماما بس لاتتاخرون سمر .. حبي تكول ماما اطلعو بس لاتتاخرون .. كال يله حبي جهزي نفسج ساعه اني يمج . لبست بدي زيتوني وعلي قميص طويل بلونه مفتوح وبنطرون اسود وشال اسود ومكيجت خفيف واجه فرات سلم وطلعنا كال شنو هاالجمال كتله عيني انت تجنن شطالع اليوم ..جان لابس قميص ابيض وبي نقشه سودة وبنطرون اسود والعطر مالي السيارة ومخفف لحيته كلش فرات وين حابه ترحين .. سمر كيفك حبي ..فرات اوكي اخذج نتعشا كعدنا وطلب عشا فرات ..مشتاقلج والله ..سمر اني اكثر حبي .

كال شنو هذا القرار الجديد ..

سمر ... يخافون تتاثردراستي واذا حسو بتراجع حتى من هذا اللقاء يحرمونه .

فرات ..صدك تحجين .سمر والله هاي شبيك . عشاني و فترينا بلسيارة وماما اتصلت عليه ورجعني . كال باجر والسبت هم اطلعج سمر ..اخاف ميقبلون فرات اهووو هاي شطلعت .. سمر لا تضوج عيني انت تدري بيهم مموافقين ويدورن حجه يفسخون الخطبه لاتنطيهم عذر عيني انت .. شنو يفسخون مرتي انتي 😠😠😠 يله فرات لاتضوج بداعتي يله رايح اخابرج من اوصل .للبيت .🏠🏠🏠 باي

راح فرات مضايق بس شبيدي اني .😯😯.

وماما استلمتني رزاله ..اني مو كتلج لاتتاخرين .سمر ماما بس تعشينا ورجعنا .. وباجر يريد نطلع ..كالت .لا ماكو طلعه يريد يجي السبت وبلبيت متطلعون ..مكدرت اعترض ..اتصل فرات وبلغته ..هاي شطلعت ويا اهلج ماكو هيج شي ترى .. هاي راح يخلصوها وياي هيج روحي سمر . وسدة .. ضليت اتصل ميرد .. تعبت ونمت الفون دك باوعت الساعه .. 3 رقم فرات ..الو ..فرات نايمه مو اي شعليج خلي حركان الدم عليه بنت الكلب العب بيكم خلقه اليوم سمر هاي شبيك فرات شنو هاالاسلوب

فرات ..اجي اكسر راسج وراس الخلفج شنو اني تلعبون عليه لان احبج تسون بيه هيج 😩😩

سمر ..فرات شبيك اسلوبك غريب تخبلت 😢😢

فرات اني برة اطلعيلي لا اكسر بيتكم .

سمر عزة وين برة 😲😲😲

فرات .بابكم .اطلعي ...سمر اتسحبت بسكوت وطلعت لكيته برة وضعه غريب عيونه حمرة 😳😳😳وجه ماعرف مشايفه هيج حاله .سحبني وصعدني للسيارة ..احبج والله اموت عليج ماتحمل ويحاول يحضني .. سمر ..فرات تخبلت احنا بلشارع واحد يشوفني يمعود صار فوكايه بلسيارة ويبوس واحاول اوخرة ماكو دفعته حيل ونزلت ودخلت للبيت 🏩🏩🏩واني الهث يومه 🙅🙅🙅🙅 ضل يتصل ماجاوب وضليت للصبح كاعدة اتصل مرديت بعدين غلقت الفون .. .. اجه العصر للبيت مكدرت ابين لااهلي شي شكلهم .. تركونا وحدنا اتقرب اني طفرت وكتله اطلع لاتبقى اتحجج باي شي ترى هسا ابلغهم بكلشي كال شبيج سمر تسئلني شوف حضرتك شسويت البارحه فرات .. اني شسويت بعدين حط ايدة على راسه وطلع احسن ماريد اشوفه ماما ..شبي خطيبج ..سمرماكو اتصلو بي على شغل رجعت للدوام وحجيت لحلا علي كلشي .. حلا لج هذا شارب سمر شنو شارب .. لج انتي غير فطيرة متعرفين اشارب مشفتي تحول وانوب ميذكر شصار 👭سمر ..يا عزة انوب فرات يشرب .. شسوي دبريني حلا . لازم تخلي يبطل ..اشلون .. ازعلي علي خيري بينج وبين الشرب المهم قبل الزواج يتركه. ضليت دايخه ومحتارة شسوي وفرات ميتصل ولايجي عفته بيوم الجمعه بعد اسبوعين اتصل .. الو حبي اشلونج .مشتاقلج ..

سمر .هلو فرات .. الحمد لله .فرات ..انت تشرب ..

فرات ..اعتذر بس انغثيت من تصرفات اهلج وشربت بس متنعاد اذيتج حبي ماتذكر بس طيف يجي بالي سمر ..اي اذيتني هوايه عبالك مو انت فرات خفت منك ويجيت ..😢😢😢😢

فرات ..لاتبجين عيني ابد بعد متنعاد خوما ضربتج ..لاحبي بس سبيتني وحاولت 💏

فرات .. هاي متندم لان ماتذكرها بس ممتندم عليها لان حتى واني صاحي ناوي اسويها

سمر .. لاتخوفني ترى بعد مابقى وياك وحدنا

فرات اريد اشوفج . باجر اجي

سمر بس نبقى بلبيت منطلع ..فرات مارتاح .بس ميخالف المهم اشوفج واجه ثاني يوم ولبست تراك احمر ورصاصي ومكيجت لمن دخل ردت احضنه هلكد ممشتاقتله فدوة لعينه يجنن صاير💑 بقينا لوحدنا جرني وحضني ويشم بيه لج مشتاقلج كومه اويلي شوكت تخلصين امتحانات بسته من خدة وحضنته حيل فديتك حبي اني اكثر كعدنا جان جايبلي تشكيله عطورات ومكياج وللبنات ولماما حتى لبابا والولد كعدنا نسولف واني مندحجه بي اني ابرد بلشتا والاكعد يمه الى اندحج بي كال شبيج كتله بردانه اجت ماما جابتله عصير وكيك اني موخرت منه هو استحه كلتله ماما .. لزكتلك هاي موتتني بكعدتها هاي خلصت منها اليوم اشو هو اخذ راحته من شاف ماما تضحك خله ايدة على جتفي كلها اتمنى العمر كله اخلصج منها ضحكت وطلعت .. بقى فرات بس بلعطل يجي ونتصل وبيوم بلدوام اجتي وحدة كالت انتي خطيبت فرات .. كتلها اي اني .. كالت شوفي ترى ميفيدج يدور بنات .. كتلها المطلوب ..كالت شوفي ترى لهسه علاقاته وحتى ويانا وحدة بعده وياها .. وشوفتني نفس الي سئلتني قبل عليه فترة

كتلها ارجع اكلج المطلوب شنو .. كالت اني علمودج لايضل مستغفلج ويلعب هاج شوفي الصور ..جانت صورته بلمول يضحك وياها مخليه ايدها على جتفه كتلها زبونه عادي يتصرف وياها هلشكل طلعتي صورة صاعدة ويا بلسيارة وصورة سلفي الهم حلا كالت يغارن منج لاتهتمين بقيت ابجي طول الدوام وماما اجت سئلتني كتلها اريد اروح للبيت اخذتني ماما ورجعنا وغلقت فوني ومن يجي كمت اتحجج مريضه وماشوفه الى ان بيوم طلعنا اني وماما لكينا واكف باب المدرسه وصلنا للبيت كلها خاله اريد اخذها احجي وياها.ماما حست اكو شي بينا كلتله هسا ادخلو تغدو وبدلو وراها اطلعو وافق فرات وبس دخلنا للبيت رحت لغرفتي ومطلعت ابد هو مل وراح 🙏💃💃 ثاني يوم .. رحنا للدوام وبلباب ماما فاتت قبلي داسلم على بنات وماحس الى انسحبت شفته فرات كال اصعدي كدامي للسيارة لاتخليني اتصرف غير تصرف . كتله ماصعد ولي منا سحبني حيل وصعدني للسيارة وقفلها واتصل على ماما كلها اخذتها نتفاهم وساق سريع وكال اني اعلمج من الي يولي وكفنه يم عمارة نزلني جر واني ابجي واعيط وخايفه منه 😭😭😭 فتح باب شقه ودخلني بيها اني تخبلت ..هاي شنو وين جايبني ..فرات شقه صديقي اتفاهم وياج سمر ..منتفاهم .عوفني اروح كوة يأخي راح جابلي كلاص مي ..ماخذته لح لزمته وكسرته هو خزرني كال شبيج انكلبتي فجأءة كتله اسئل نفسك يوميه وحدة جايتني بلمدرسه اني وفرات عدنه علاقه..فرات وهاي انتي منو تجيج تصدكيها وتزعلين ..سمر ..لا بس الي تجي تكلي مستغفليج وتشوفني صور انته وياها مجبورة اصدك .. فرات قبل لااعرفج مانكر بس من خطبتج اني تركت الكل لان موبعيني غيرج حبيبتي 💕💟 كتله كذاب سمر اني فرات اكذب عليج منو هاي مكلتلج اسمها .. سمر .لا لعد شوفينياها اله ادفنها بربي كتله شنو تدفنها وين كاعدين ..فرات انتي شوفينياها واطلعي منها معليج سمر ..ماشوفكياها لعد ..فرات مو كيفج .كتله لا كيفي متجبرني .فرات ضل يعيط ويغلط واني ارجف خايفه منه وماقبل ادلي على البنيه اخير شي جرني من حجابي جان بي دنبوس من كد مجرة قوي دخل بركبتي ودفعني وكعت انوب جرني ونزلني ورجعنا للمدرسه ضل واكف بلباب بدو البنات يطلعون كال احجي منيه مقبلت عاط بيه احجي اني جفلت وبجيت لاتظلين تعوين وينها شفتها اشرتله عليه طلع فونه واتصل .. الو ..هلو اشلونج سحر .. اريد اشوفج .. هسا .. اي بنفس المكان اني حروح قبلج ربع ساعه انتظرج يله تمام ورجع اتصل على ماما .. اشلونج خاله اني سمر حنتاخر شويه اغديها وللعصر اجيبها صار بعيني لاتوصيني .. اخذني لمكان واجتي شافتني محجت شي كلها ها تحجين لوحدج لو تعرفين اني شكدر اسوي .. كالتله احجي هو تركني قبل لايعرفج والصور الي شفتيهم قديمه بس ردتكم تنفصلون وارجعله 😢😢😢سمر يعني كذب .

سحر اي اني دزيت صديقتي تحجي وياج وصورتي بلمول رحتله وحاولت ويا وطردني كلها بعد اذا تعرضتيلها متلومين الى نفسج زين سحر .يله ولي منا اخذني ورجعنا للشقه واني ابجي 😭😭 دخلني للحمام وغسلي وجي وفتح ربطتي شاف مكان الجرح . كال هاي شنو كتله انته من جربتي جرحتني .راح جاب معقم عقمه ومقهور ..كتله فرات من تعصب تتغير وتأذيني باسه للجرح وكال مو قصدي بس تخبلت من متحجين ويايه حضني كال انتي النفس الي اتنفسه ومن تبتعدين اختنك وانتي قيسي الي يريد الهوا شيسوي باس ركبتي ويمسح وجه بيها اني ضحكت كتله فرات اغار كال ومنا هم تغارين وباسني من شفتي واني ذبت بأيدة ومشتاقتله . بادلته الاحساس وخليت ايدي على ركبته واصابيعي تخللت شعرة وهو انجن من تفاعلي ويا محسينا الى بلكاع اني ويا كتله فرات كافي .كال ماكدر امنع نفسي .. لا عفيه فرات رجعني للبيت تاخرت طلعنا اشترالي غدة سفري ورجعني وصلني وراح 🚘

فرات .. سمر تغيرت عليه فجأة اروح تتحجج مريضه وفونها مغلق حاولت افهم منها ماكو انجنيت اضطريت اخذها من المدرسه لشقة صديقي لان حبيت نكون بمكان وحدنا عرفت انو وحدة محاوله تفرق وهي سامعه الها ومقبلت تكولي منو لذلك ضغطت عليها واذيتها بدون ماشعر اني عيبي من اصير عصبي ماشوف كدامي عرفت سحر الي حاجيه جانت عندي وياها علاقه قبل لااتعرف بسمر جانت تجي للمول ونطتني رقمها وبعدين صارت علاقه بينا وقبل الخطوبه نهيت كلشي وياها اتصلت بيها وضحت كلشي لسمر . ورجعتها جنت ناوي اعاقبها حتى متصدك ومن تعرف شي متجاهلني تواجهني بي بس شغت ركبتها مجروحه واني مأذيها انجنيت حبيبتي ترفه ونازكه متتحمل واني قسيت هوايه عليها 💔 بس من شفت ركبتها وتحجي ويايه بانكسار فقدت عليها شكد متقرب من بنات بس سمورتي غيررشكل برائه على اغراء عفوي ومن بادلتني المشاعر تماديت هوايه ولو ما هي بعدتني وخافت جان 😤😤راسا رجعتها لبيتهم ورحت لامي يوم روحي لااهل سمر حاجيهم نزوج هلشهر واي ضمان يردو انطيهم تكمل .الام .. حبيبي ابوها كال مو يومين وتجوني جان واضح بشروطه لاتخرب على نفسك حاولت امي تقنعني مقتنعت وثاني انتظرتهم باب المدرسه من طلعو وصعدو يمي .فرات اشلون صحتج خاله . الحمد لله يوم انت اشلونك خاله اريد احجي ويا عمو بموضوع تقريب موعد الزواج شتكولين يوافق .. الام .. والله ماعتقد ميوافق اصبر يوم مبقى شي هو كم شهر .فرات ..اريد سمر يمي وان شاء الله تكمل وماقصر بس اريدج تقنعين عمو كلتله اني ممقتنعه اشلون. اقنعه .فرات ..باجر اريد اخذها نروح نشوف غرفة نوم كتله اكل لاابوها بليل خابر عليها ترجعلك خبر بس يوم هاي زعطوطه شمفهما بلغرف اخذ والدتك سمر يعجبها الشكل . هسا تركض على التركي والماليزي واني اريدالها صاج عراقي .فرات تعالي ويانا خاله .. سمر ..ما معليه اريد تركي اني

الام انلصمي انتي ..

فرات ..لاتضوجين عيني اسويلج عراقي تصميم التركي حسكمها تسكام يم النجار بس اجيبلج كتلوك واختاري ..فرات .بقلبي ..تكنسلت الطلعه 😔😔 سمر .. وصلنا وماما جلبت بي للغدا تغدا ويانا تبارك بعدها مطيقه وتفشلني كدامه كلتلي كومي جمعي السفرة لج مو ممصدكه بي اني نهضمت وهو غلس سوة نفسه مسمع سويتله جاي ومستحيه خجلتني تبارك كعدت يمه كال اشو اليوم لسانج ضامته شكو .سمر ...ههههه ماكو شي شجاك على موعد الزواج اشو مكتلي .. فرات ..لج بعد ماستحمل احتركو اهلي من البارحه مشعوله صفحت الخلفني وهي تتمضحك 😂😂😂 اكلج اهلج مينامون سمر..لا مينامون وهسا بابا والولد يجون فرات 😠😠انتظر عمي احاجي ...سمر شبيك فرات لاتفتح الموضوع مدام ماما ممقتنعه بابا ميقبل

ومقتنع واجا بابا وفاتحه وانرفض رفض قاطع كله ابني احناأ تفقنا تشوف نفسك تريد تتزوج روح اخطب غيرها ونطلع بلمعروف تريد تنتظر براحتك فرات ..لا انتظر عمو وبعد هذا القرار تغير فرات وبدا يطلب طلبات ماكدر انفذها 😲😲

بدا حجايه والثانيه امشينا للشقه واني اخاف ويزعل هوايه واني ماتحمل زعله واخاف اخسرة لان باذني اسمع عبارات الحسد من البنات بلمدرسه من يجي ياخذنا او مرات يوصلنا وبيوم الخميس اجه عليه للمدرسه وكل لماما الغرفه كملت اريد اخذها تشوفها وماما ممانعت وصلناها وطلعنا حتى مخلاني اغير ملابسي

سمر .. شبيك فرات بس اغسل البس غير شي .. فرات .هسا هناك تغسلين .. اشو هذا اخذني للشقه من شفت المكان مقبلت انزل ...فرات يله انزلي .كتله لا مانزل ..فرات ..شنو خايفه مني لو ماعندج ثقه بيا كتله اثنينهم فرات .. صدوك تحجين ..دتعالي ياعيني عندي موضوع نتناقش بي وميصير احد يسمعه وماكو مكان افضل منا نزلت ويا واقدم رجل واأخر الاخ سحبني ويضحك عليه دخلنا لكيته مجهز غدا واجواء ومخليلي ملابس نوم بلغرفه انا رجليه ماتو . عرفت هو ناويلي غير نيه كتله هاي شنو فرات .. كال ماكو شي هو هذا الموضوع اريد احجي وياج بي احنا مبقى لزواجنا شي واهلج قافلين وانتي زوجتي شرعا وقانونا واني مداتحمل بعدج عني لو مااهلج جان هسا انتي حامل كتله المطلوب فرات طلع شريط مانع حمل من جيبه كال نتمم زواجنا وبراضاتج ماكو شي غصبن عنج بس اذا رفضتي كلمن يروح بطريقه ... كتله هاي نظرتك الي تساويني بصديقاتك الي جيبهم هنا كال لا ابد ..سمر شنو لا هذا اكبر دليل والي تفرط بنفسها قبل الزواج متستحق تعيش . حاول بعد مرة ويااهلي وهلمرة اني وياك ..كال ميوافقون تعبت كتله ممستعدة لاأخسرك ولاأخسر نفسي .. فرات .. يعني شنو قرارج كتله ميته بلحالتين بس ماكدر اطاوعك بلي تريدة تقرب مني كال طاوعيني تتوقعين.اغدر بيج اني ابتعد منه واحس لمسته صعقه تسري بجسمي كلما يلمسني افز خوف كتله اريد ارجع للبيت .

فرات .هذا اختيارج يعني .. كتله اي ورجعني للبيت من دانزل كال راح ادز والدتي تنهي كلشي محجيت ويا بس دخلت لغرفتي وبقيت ابجي لليل وسئلوني الكل محجيت مجنت ادخلهم بمشاكلي اتنظرت ام فرات تجي .. وتشرحلهم 😔😔😔 بقيت اسبوع وماكو خبر لاامه اجتي ولاهو اتصل واداوم عادي وحجيت لحلا علي كالت تصرفج صحيح لا تخافين اذا تركج هو يخسر .. اني بديت احن اله واشتاقله بس ماكدر اسايرة بلي يريدة صعبه روحي متتقبله صح هو زوجي وهذا الشي مو حرام بس يعتبر خيانه لثقة اهلي ولنفسي الكل بدا يلاحض غيابه ويسئل واني اجاوب يريدني اتفرغ لدراستي ماما .. اجتي تحجي ويايه ... شبيج انتي وخطيبج اكو شي .. لا ماما .. .

كالت ليش لايمر لايسئل جان مرابط باب المدرسه هو يتصل بيج ..سمر اي يتصل زين ماما اذا ردتي تحجين شي اني موجودة ... وبعد اسبوع ماما كالت اريد اروح للسوك واخذتنا وياها اني وتبارك وحنان ومرينا من يم البوتيك مالته شفت ويا وحدة دك ضحك وسوالف ولافارق علي شي واني نزلت نص وزني وكل الي يشوفني.يكلي متغيرة 😲😲😲

فرات بعد مرفضتني متحملت وحسيت هي متحبني وابتعدت عنها حبيت اخوفها كتلها والدتي تجي تنهي كلشي وشفتها دمعت عينها ضليت ماتصل ولااروحلهم عاملتني على اني صديقهاوراح اغدر بيها مو زوجها تخاف مني جنت اشتاقلها بس ادوس على نفسي وبيوم جنت اتعامل ويا زبونه جانت تزحفلي وضحكتني محاس الى سمر كدامي ..متغيرة ضعفانه وجها ذبلان وتباوع وتريد تبجي سلمو وامها كالت اشو ماكو .. فرات مشغول والله وماعندي مجال .. تبارك .. معرفنالكم هي تكول علمود الامتحانات وانت تكول مشغول نصدك منو بيكم عرفت هي مكايله شي لاأهلها ومدورتلي اعذار صغرتني كدام نفسي محبيت افشلها كدامهم كتلها اشلونج مشتاقلج وهي جاوبتني الحمد لله يله ماما خلصتي .. كتلها خاله كملتو شغلكم اوصلكم كالت لا بعدنا ماما سمورة تريد صدريه ومحتاجه شغلات وحنان هم زين خاله اجي وياكم لعد وطلعت وياهم اصحاب المحلات كلهم اصدقائي عجبتها صدريه وتحاجي امها اريدها كتلها وينها اتحارش بيها هي محجت كتلها ختولي رحت اختاريت غيرها واخذت قياسها كتلها قيسيها مقبلت .. مأ ..ماريدها كتلها لاتعاندين اجه صديقي صاحب المحل .. تفضل فرات منور وسلم كتله خطيبتي تقيس الصدريه اي كلها تفضلي رحت وياها وبقيت واكف باب القياس طلعت تجنن عليها كتله هذا هو ناخذها اخذتلها بدي وحجاب ابيض ورادت امها تدفع مقبلت .. شنو خاله غير زوجتي اني مسؤل عنها باوعتلي صفح .. همستلها عينج لاافكسها كتلها ماما ماريدهن واذا اخذتيهم مالبسهم كتلها خاله باجر جايكم الصبح واشوف منو الي ميلبسهم 😩😩😩 عيني اني طلعوني من نصكم واتفاهمو اصلا ماداوم باجر فرات اجيج الصبح . سمر خطيه زبونتك ليش عفتها وطلعت خاف تحتاج شي ..فرات لا خلصت واذا تحتاج شي رقمي يمها ارجعلها ركض سمر ..ليش تتصل روحلها هسا ..فرات ..لا متفقين على الفون .سمر .لاتجي ماداوم وهاي الملابس لو اموت مالبسهم راحت يم امها ... ههه طفله ياربي اموت عليها اخذتهم عشيتهم وهي مااكلت شطلبلج سمورة .. ماريد اكلي داكلج فضحتينا كافي خليتي الكل ينتبه .. كتلك ماريد وليش مدزيت والدتك مو كلت انهي كلشي بس اصبرلي فرات اول مارجع اني الي راح انهي الموضوع انت ولا هامك سممتني واكف تتمضحك ويا زبوناتك الله كريم .فرات بسيطه سمر الى اكصه لسانج هذا الطولان بس اصبريلي

رجعتهم للبيت مصعدت يمي راحت كعدت ورايه واخواتها وامها انتبهو حنان كلتلي شبيك وياها وتبارك من الله مطيقني ضلت تسمعنا كلام وصلنا نزلت كتلها اوكفي مسمعت عافتني ودخلت امها كالت عوفها ماما تغار شافتك تضحك ويا البنيه كتلها خاله شغلي هذا لازم اجامل الكل ..كالت ميخالف هي طفله اني اوعيها سمر ..اول مدخلنا للبيت ..رحت لبابا .. وكتله اريد افسخ الخطوبه .الاب شنو ليش بابا ..

سمر ..ماريدة .

الاب انطيني سبب مقنع .مو طبيتي وطلعتي وتخلصيلج 3ايام بلاسبوع ويا وهسا تكول.افسخ ماريدة ..

سمر ... بابا ماريدة كوة خوما كوة .بابا صاح على ماما تعالي اسمعي بنتج ..ماما ..عوفها هاي مخبله والله شافته يحجي ويا وحدة بمحله وتخبلت .. لج هذا شغله سمر .. ماريدة كتلكم اذا متفسخون اقتل نفسي بابا كام يعيط وضربني ماحس الى فرات يمي خلصني من بابا طول بالك عمو اتركها بابا كله هلااسبوع تتزوجون واشوف وحدة تعترض الى ادفنها بابا عصبي ومحد اعترض لا ماما ولافرات اني كتله مازوج هجم عليه وكوة فرات سكته واندار عليه امشي ولي لغرفتج لااكسر راسج كتله مالك حق تمد ايدك عليه وانت ليش تتدخل هاي شغله عائليه اندار على بابا كله من رخصتك عمو .. سحلني.حنان وين غرفتها دلته حنان دخلني وسد الباب .. كال اتخبلتي انتي شتردين حتموتين ابوج كتله ماريدك .. وعوفني لااطلع اكلهم السبب الحقيقي كال يله اطلعي تعالي اني وياج نكلهم وموتي ابوج هذا الاسبوع زواجنا واذا تنفستي اني ادفنج يله ولي واذا طلعتي من الغرفه طلع وقفل الباب عليه بقيت بغرفتي واجتي ماما حاجتني كالت بابا يكول هاذا الاسبوع تنزف وماريد اعتراض تبارك جانت واكفه كالت هم صدكتو هاي فلم مدسرته هي ويا حتى يزوجون كتلها هواي تحملتج اطلعي لا والله انسى انتي اختي الجبيرة محد طيح حضي غيرج لو عارفه راسبه ولامستنجدة بيج عود اختي هاذا هو ماما تنطوني وتخلصون مني بعد اني هم اروح واني ساكته 😢😢😢 بدو يجهزون للزواج وفرات اجه ياخذني اشتري فساتين للحنه والزواج مقبلت وماما جبرتني كتلها اروح بس هو ميجي وياينه وقشمرتني طلعت لكيته منتظر .. وداارجع ماما كلتلي يله ماما لاتسويلج على كلشي قصه فضيها ومختاريت اي شي بلاخير ماما وفرات ملو مني كال اني راح انتظر بلسيارة وخلي تختار براحتها جان محل صديقه والعامله بنيه شوفتني كل الموديلات ومعجبني شي اتصلت بي ..فرات.عيني خطيبتك معجبها شي اخذها للفرع الثاني كتلها عندج رقمه .كالت مو هو على طول يدزلي زبونات ويوصي عليهم طلعنا .. كتله ماروح للفرع. الثاني ماريد منهم

فرات ..ليش عدهم موديلات حلوة .. كتله اي تعرفهم مو دز حبيباتك عليهم ضحك ..لج بابا انتي .عقليش بينا شغل ماما ...شنو نخلص النهار هنا فضيها 100شغله ورايه لاتضلين تتنعوصين امشي فرات ودينا ..وفعلا جانت الموديلات خرافيه اختاريت للحنه فستانين تفاحي وهو اختار واحد ذهبي .. وللزفاف اخذته اوف وايت مدنفش وصدرة مفتو ازقي على الرقبه وليلو شغل ينزل ورد كبار ضاهرات للخارج خرافي وطرحه طويله كلش وتاج 👰👸 فرات محتاجه بعد شي . مجاوبته ..ماما كلتله اخذ شغلات للحنه ونرجع اخذلنه كلشي ورجعنا حجزلي يم اريدو وكل لماما ماريد تخصل شعرها او تصبغه واني عناد قفلت الى اسوي دانتيل احمر .. ماروني ومكدرتلي ماما وسويته وطلعت اكطع بلحنه لبست الفستان التفاحي ومكياج وتسريحه ورجعنا والكل فرحان اجتي حلا وباركتلي وكالت كافي لاتظلين قافله على الولد واجوي يحنوني دخلو امه واخواته وهو دخل لابس قاط ماروني ويلك اسود وقميص ابيض يكطع باوعلي خزرني عرفت على شعري وياشر لماما ليش . ماما تحسرت وتاشرله ماكدرلها باسني من راسي وحنوني وقطعنا الكيك ..كال كومي البسي الفستان الذهبي اشوفه عليج .. كتله ..ما تروح والبسه كال كومي بسرعه صاح على ماما وحنان كلهم سمر تريد تبدل حرجني كدام الناس رحت غيرت ذاك فاضح ضهرة كله مفتوح وصدرة وخفيف و قصير شافني ضحك وحضني وكال هذا نساني شعرج بس اليوم باجر احاسبج علي .🙅

خلصت الحنه. وضل يتصل مااجاوبه وتعمدت ماأغلق الجهازحتى يظل يتصل دز مسج بسيطه وين ترحين باجر .. ثاني يوم ماما جابتلي الفطور للسرير وبجينا اني والبنات وتبارك اعتذرتلي وكالت كل تصرف تصرفته من خوفي عليج .. ورحت للصالون وكملت رجعنا واجتي الزفه اني حسيت خلص اني رايحه بطريق مامنه رجوع وحاولت اقنع نفسي هذا فرات حبيبي الي تمنيته بس هو كسر شي بداخلي لان ساواني بلي جان يعرفهم وتصورني مثل غيري دخل فرات لابس قاط اسود ورباط ذهبي وحذاء ذهبي طالع صدك عريس لزم ايدي وطلعنا بابا واخواني باسوني ودعتهم وبجيت بابا كال لاتتصورين انتي رخيصه عندي او اني ماحبج ولوما اعرف فرات يحبج وخوش ولد ماافرط بيج وبيت ابوج مفتوحلج باي وقت وانت دير بالك عليها وطول وياها خلك ترى مخبله .فرات ..بعيني وباس ايد بابا وصعدني للسيارة ويايه ماما وخاله وصورنا ورحنا للقاعه وفرات ذبح نفسه بلركص واني متحركت باوعتله اشلون فرحان مكدرت ماضحك زفونا للفندق والكل راح من طلعت ماما وتبارك بجيت اجه فرات وحضني لاتبجين اصيحهم ترجعين وياهم ..ضحكت ...كال حيل شكد مشتاق لضحكتج انتي شكد قاسيه .كال مو كافي زعل .. شنو تردين تضيعين. ..ليلتنا سمر اذا بعدج تفكرين بتصرفي فجان نابع من حبي الج .وجنت اتمنى توافقين بس من رفضتي كبرتي بعيني بلبدايه فسرته عدم حب ولامبلاة بس من شفتج ضعفانه ومتغيرة عرفت شكد تحبيني وتغارين عليه ولمن ضربج ابوج بس ردت ابعدج لاتتاذين ماتحمل احد يمد ايدة عليج لو مقرر يزوجنا جان خطفتج يابا مبيها مجال بعد ... اي شكد تحبني ومشتاقلي تخيرني وتهددني تتركني ومتسئل ابد.فرات ... بربج انتي جبتي ماما واجيتي .. كتله لا جنا متفقين نطلع بس هي جابتنا للبوتيك

فرات .. فديتها خالتي ..

سمر ... شكد كذاب ..😕😕😕.. لج منو الكذاب ..انت لعد اني ... فرات اني اعلمج وشلون تغيرين لون شعرج اني شكتلج .سمر ..كيفي شعري وحرة بي فرات انتي كلج ملكي ماكو شي ميخصني حتى النفس من تتنفسي باذني واتقرب شنو ناويه تبقين بلبدله لعد المصايب الي اشتريتها شوكت تلبسيها وكفت . كتله مصايبك خليهم الك مالبسهم .. ها يعني تبقين بدون شي هم موافق سمر 😲😲😲 اني جوعانه ... فرات .. اني هم ...ويبوس بجتفي ابتعدت كتله ترى بعدني مزاعلتك لاتتقربلي ... كال تعاي اراضيج طلع قلادة ذهب اسمي واسمه ..الله فرات تجنن باع اسمي احلى من اسمك وانت اسمك مال واحد خبيث اني خبيث هسا اشوفج شكد اني خوش ولد بس لاتداهريني وطاوعيني وسلميني نفسج ..لا حباب اخاف وابجي .. كال صرت حباب هسا قبل شويه جنت خبيث تقرب يهمس كلام ذوبني وباسني برقه متحملت ذبت بايدة وصرنا اثينا بلكاع محسيت الى بدلتي بصفحه والطرحه بصفحه وصرت مرته وعشنا احلى ايام وبقينا يومين بلفندق وبعدها رحنا لاربيل اسبوعين وكملت دراسه وبقيت اغار علي وكل فترة اسويله كبسه للبوتيك وياويله اذا لكيته يضحك اسود عيشته اغار علي . وتوبته من كل المكسرات البنات والشرب .... واتمنى تعجبكم القصه ام غدير ...😘😘😘😘😙😙