رواية قصص رومانسيه الفصل الرابع 4 - بقلم الحساب مغلق

نبدي القصه

مرحبا بنات
اسمي جنان عمري 24سنة حبديلكم قصتي من جنت صغيرة الئ يومنا هذا
عائلتي متكونة من بابا وماما واخواني 3 واختي من بابا لان بابا جان مزوج قبل ماما عن حب بت عمته وجابتله طفله سمتها رؤئ وماتت بعد سنة من الولاده وورة 3سنوات بابا ازوج ماما بس جان ميحبها لان هو جان ايروح البيتهم عمرة 13سنة وماما اجتي للدنيا يعني اكبر منها وجان يلعبها بالكاروك
بابا جان صديق خوالي ومجان يتوقع حتكون ماما زوجتخ بيوم من الايام لان جان يلعبها طفله

... .
بابا ازوج ماما جان عمرها 16سنة خلصت ثالث متوسط وخطبوها اهل بابا وبابا جان رافظ زواجهم بس همه جبرو وكالوله لازم تزوج وحدة تربي بنتك محتاجه ام وغصبو واتزوج ماما لدرجه بابا ماخذ ماما اله بعد شهرين من الزواج ماما احتضنتة وحبته وحبت بنته رؤئ بس جانو اهل بابا قاسين ع الكناين وميرحمون وشغل 24ساعه

الكنه تكعد تشتغل بيتهم متصعد ل12الضهر ماما ربت رؤئ بحب بحنيه بس رؤئ كانت وكحه وتخبث اكثر من مرة انكتلت ماما من ورة رؤئ وجانت عمتي خبيثه الوسطانيه اسمها سماهر

اعرفكم بعماتي 4
1سميعه2سهير3سماهر4اسماء

بس سماهر اوكح وحده بيهن وجانن سماهر واسماء عدهن علاقات بالولد ويحبن بحيث ازوجن عن حب بعد علاقات قوية عمتي سماهر ادخن ومتخاف احد
ماما صارت حامل وهي حامل تشتغل وتشيل ثكل وميرحمنها عماتي وتكرب كراب مصاير تعبت بحياتها كولش ماما عدت الاشهر وبطنها تكبر والشغل ميخلص اجتي اقارب بيت جدي جانت حنينه ع ماما تحبها لكتها دتطلك وتغسل ملابس جانن الملابس بلايد قبل بسنة التسعينات
كالتلها كومي خاله ليش تشتغلين ومبين عليج اعراض ولاده كالتلها خاله ميقبلون اله اخلص شغلي ومحد تساعدني جنت بيت جدي الثانيه تخاف من عماتي
كالتلها كومي ويايه خاله ماما راحت وياها والحجيه اتعاركت ويه بيبي كالتلها ولكم ماتخافون الله ولكم ارحموها اشويه بيبتي كالتلها اشبيج خية شكو كالتلها البنت دتطلك وانتن تباعن تلفزيون وتعلفن سم بطنجن ليش حرام اتقو الله جانو بيت جدو يحترمون هذي المرة كولش
كالتلها بيبي لا يخيه احنه منقبل بس هنه ميتشاعدن بالشغل المهم اخذو ماما جابت ولد الولد خلو بالخدج

..................... ..

عشرة ايام
ماما مشايفه الطفل تسئل يكولولها زين
بس محتاج عناية طبيب
اتكوللهم خل اشوف شكلة... ..
ميقبلون لهناك وماما ضلت تعيط
اريد ابني اريد ارضعه بلاخير
كالولها الطفل من جبتي ثاني يوم مات
واحنه خفنه نكولج ماكوللكم ماما شنو صار بيها
حسب كلامها انهارت كولش وضلت تبجي وحسبت ع بيت جدي لان مرحموهن بالشغل ورة فترة ست شهور ماما طلعت حامل مطول
حملها 6شهور
وطرحت من الشغل
حشه القارئ مال زمايل
عيال. 12نفر بركبتها واختي رؤئ وكحة
... ..
ماما ماقصرت ويه عيالها
ولا ويه بابا
ولا ويه رؤئ
وجان جدو يموت ع ماما
ايكوللها ابوج جان صديقي الف رحمه عليه
من خلفج تربيه
طبعا ماما مربربه :*
بهذاك الوقت المربربه
وصاحبة ورك
تمشي اكثر من اليابسه ههههه
......
ماما حبلت باخويةالكبير
سامر وجابته عمليه وكالعادة
طول فترة الحمل ماما مركدت
وتعبت تعب مصاير
هلكت جابت اخويه عمليه يومين
اجتي لكت ملابس ومواعين
جوة السنگ كالتلها عمتي سماهر
يلا بلشي شغل البيت واكف ينتضرج
ماما محجت ونضفت
ومخلت شي وهي جايبه صارلها
يومين هنا جانت سماهر عدها
علاقه بواحد حبته ناوين ع زواج
بس بابا يعرفهم ناس صوتهم طالع
ورفض عاد سماهر كالت الماما باعي
ولج كولي الزوجج يوافق لا اخلي دمة بطولة
واخليج تترملين
ماما خافت وقنعت بابا
منا منا اقتنع كالتله لتوكف بطريقها
البنيه مكانها بيت زوجها
طبعا ماما انكرهت بسبب بابا لان صار يحبها ويموت عليها وصارت كلمتها عد بابا مسموعه لان محسسته هي طفله وازوجت حسسته هي واعيه وكبيرة

ازوجت سماهر...
ماما عبالها تخلص من شرها
وترتاح
وشويه يخف عنها الحمل
لان عمتي •اللّـہ̣̥ مايجرعها
بس انت كنت اضن وخاب ضني
صارت سماهر وزوجها يجون لعيال ماما
ياكلون ويشربون ولازم ينامون 

بغرفه من غرف عمامي

ولازم طبعا الكول تطلع من الغرفه
ويضطرون ينامون بلاستقبال
الئ ان تروح سماهر وزوجها
عيشه كسيفه ماما اتحملت كولشي
وصبرت ع كولشي م̷ـــِْن ضلم وعيشه
بسس الحمدلله ابويه جان يحبها وميزعلها
ويعرف بخواته شنو وشلون وكحات ومينجرعن
......
عمتي
سماهر حبلت
عبالك بس هيه حامل وهم بقت متحس بلبقيه
وصارت ام ومتغير طبعها
حته م̷ـــِْن شافت عذاب لحباله ولجيابه
بس •اللّـہ̣̥ ماينسه عبده

عمتي جابت سماهر ولد.
وراها
هم ورجعت حبلت
وماما هم حبلت
ومرة عمي الوسطاني هم وياهن حبلت
فرق اشهر عمتي سماهر جابت ولد
وماما جابت اني (جنان)
ومرة عمي جابت ولد.
ماما صارت تشتغل ويه بابا حته تسوي عيشه
لان احنه بعد صرنه عائله
ولازم مصرف اكثر م̷ـــِْن قبل

طبعا عماتي بعدين اسولفلجن عليهن
وع سواياتهم بينه دمرنة دمار
المهم نرجع الكلامنه
عماتي معافن بابا وماما بحالهم
اشيشتغلون اهلي يخربن شغلهم
عبالك مواخوهن
مايتمنن اله الخير
عبالهن يشتغل لامي غير النه كلنه
ومن صارو يبيعون طحين ياخذن كواني
ويخسرن البضاعه
بيبي جانت من يجن تحملهن
نرجع ع بيبي

......... .
بيبي من اهل جناينها يجيبون
اكل فواكة تاخذهن وتنطيهن قليل مثلا اذا اهل جنتها يجيبون تفاح صندوك
تاخوذ الصندوك وتنطيهن كول وحده نص تفاحه الها ولعائلتها حيل جانت
تطغي عليهن
بناتها طالعات عليها

..
مرة سنتين
ماما جابت اخوية اصغر مني
بسنتين تقريبا سمته سامح
...
وهم بقت نفس العيشه ويه بيت جدي
وعمتي هم زوجت ومتوب م̷ـــِْن سوالفها
بقن يحاربن عماتي

عبالك ماخذين رجولتهن

.
وبسنة الالفين
ماما جابت اخوية اخر العنقود سامي
ونسوان عمامي وحده جابت بنت
ووحده جابت ولد
والخ هم ولد والخ هم ولد نسوان عمامي 3جابن ولد ويه ماما ووحده جابت بنت
عشنه ومحسينه بالدنيا
شجابتلنه كولش تعبت ماما لهنا
بس قاومت الخاطرنة
وتحملت وضلت ويه بابا
ومكسرتله كلمة
بابا اخر شي استقر بشغل نجارة
واخواني من عمر 5سنوات
صارو بالعطله يشتغلون ويه بابا
ووقت الدراسه يدرسون
اختي رؤئ ثالث متوسط طلعته دفرات ههههه واخواني واني شاطرين

اني من دخلت للمدرسه اول يوم كان صعب عليه وماما مكدرت تجي ويايه مثل البنات شفت امهاتهن موحودات وياهن اني مجتي ويايه بس بت عمي جانت بالسادس ابتدائي ويايه نفس المدرسه فاني صرت ابجي واخاف من المعلمة جانت لازمة عودة خشنة وتخوف
فاني خفت وصرت ابجي المعلمة رادت تهديني بس ضليت ابجي كالتلي عدج اقارب بالمدرسه كوتلها بت عمي كالت صيحيها
اني طلعت صحتها ورجعت وياها للصف باب الصف وخفت ادخل المدرسه اتكولي باعي حبيبتي العودة شمرتها ماضربج والله بس دخلي ضليت اعيط واخاف
بت عمي كالت هاي معلمتي ومتخوف والله ومتضرب شوفي العودة شمرتها بعيد
اني هنا امنت بس ابد بلابتدائية منضربت وكوله اطلع اولئ ماما جانت ويايه وتقريني وصلت للرابع ابتدائي صارت حرب الامريكان وصارت نجاح فالتو وصلت للخامس ابتدائي صار الخطف وكعت بمادة المديرة كالت تعاي سجلي اسمج مخلاني بابا كال عيدي سنة وعدت سنة وصارت مشاكل ابيت جدي وبابا طلع من البيت رحنه بيت صديقه جان هيكل كعدنه بي وبابا وماما ايضلون كاعدين بليل يحرسونة رؤئ بطلت من الدراسه مقبلت تكمل وماما جانت معلمتها ع شغل البيت وصارت اختنه التحبنه وتشتغل بالبيت وتساعد ماما بتربايتنه ومقصرت بس جانت رؤئ عصبيه بابا كال بعد مترجعين للمدرسه لان صارت بعيدة وبطلني اني اقهرت لان احب المدرسه اجوي بيت عمي صارو يحجون ع بابا كلوله لتبطلها خطيه شنو ذنبها بابا مو متشدد بالدراسه بالعكس يحب البنت الدارسه وجان ايكولي صيري دكتورة بس الضروف حكمت علينه ايبطلني

لمهم بابا رجعني للدراسة صف خامس لان عدته صرت كسلانه هنا لان الضروف والمستوئ المعيشي كولشي متوفرلي طلعت ب4دروس مكملت رجعنه المنطقه بيت جدي لان اتوزع الورث وكولها طلعت فاشتركو بابا وعمي ياخذون البيت وينطون الورث
استقرينة ورتبنه البيت وعليناه لان جان من تطفح المجاري البيت يغرق

فبابا رتبه هو وعمي واستقرينة والحمدلله واني رجعت للمدرسه لان جانت كبال بيتنه المدرسة نجحت من رجعت للخامس بس شاطرة نار ماتن علينه المعلمات نجحت من الخامس ونجحت من السادس وجبت معدل 79 فرحت رحت للمتوسطه جانت المتوسطة شويه بعيده دخلت وتعرفت ع بنات جدد وصديقاتي ويايه نجحن طبعا نسيت اكوللكم جانت عندي صديقه روحي وعمري بس افترقنه اسمها هيفاء وابد مصار عندي حظ بالصديقات اتعرف عليهن منا تصير ضروف ونبتعد عن بعض وماشوفهن بعد ابد المهم نجحت من الاول متوسط درجاتي مو شاجرة بس نجاح ستينات وسبعينات وثمانينات جبت اعفاء بدرسين فقط بلاول متوسط الحمدلله مقبولة وبالثاني متوسط مجبت اعفائ بس كوله اول دور انجح وصلت للثالث متوسط هنا بدت حياتي الصعبه كولش اول دخولي للاول متوسط نسيت اكول اسفه هواي انسه ههههههه نسيت اكول اختي ازوجت بوقتها من رحت للثالث هي مزوجه قبل 4سنوات وصار عدها ولد سمته حمودي فديته مو كولش حلو بس اني جنت احب البنات ماخب الولد ولهذا ملعبته هواي بس من تجي اختي عصبيه من زوجها اتذب حركتها بيه واني مااقبل تضرب فاخذه احنه ممنوع نطلع بالشارع لا كبيرات فاخلي ع سياج يباوع ع ناس فرحان فديت روحه وكلبه اني من دخلت ثالث متوسط اجه عمامي كولهم علينه وصارت وجبه ع الغده وتونسنه وبوقتها اجه ابني عمي اسمه. جمال جنت ماحبه لان جلن سمين وخبيث ويايه ووكح مرة وكعني من الدرج جان كولش وكح نار بس من شفته اتخبلت شفته انسان ضعيف وحلو ومرتب جان راجع من المدرسه هو بصف سادس متوسط واني ثالث متوسط هو شافني شعري طويل وحليانه وحنطاويه بيضه وجسمي وسط وحلو يجذب النضر وبوقتها جنت حاطه كحله فقط بس طالعه حلووة كولش محسيت بي يباوع عليه بس. هو مات بس يباوع اجه دياخوذ مفتاح من امة لان امة قافله البيت وجاين عدنة جانت صدفه خير من الف ميعاد ورة اسبوع عزمونة عزيمة وعمي كاله جيب جنان وياك مو متجيبها لان متعودين من اهلي يطلعون مياخذوني وياهم بس همه يرحون فبابا كاله ميخالف اخذوني اني جنت ماحب اروحلهم لان ماعدهم بنات بس ولد 4 فاني اروح البيت عمي الاصغر من بابا عنده 3بنات واحبهن

هناك بالعزيمة وجان عمتي دنشيل صطمواهين انصب غده كالتلي تعالي عندج حبيب كوتلها شنو كالت سؤال عندج حبيب كوتلها لا والله معندي وحته اذا عندي قابل اكولج كالت لا بس انريد نخطبج الجمال اني عبالي تشاقه كوتلها لا عمه ضحكت كوتلها شسوي بالزواج خل انجح واتخرج عندي امتحانات وبكلوريا هاي السنه سكتت بس اباوع بلاوجوه ابن عمي اخو جمال يضحك اشبيك كال لا هيج اباوع ع عمي اسمعه ايكول الزوجته ها شكالتلج كالتله اتكول ماريد زواج اريد اكمل دراسه عافها وكعدنه ناكول وجان اتكول عمتي اوووف هاي المواعين شيغسلهن كوتلها لتخافين احب المطبخ امي هسه اخلصهن الج كالت اووف لو عندي هسه كنة جان اكلت البيت اكل واني انام وارتاح دذبلي بسمار بس اني مفتهمت شنو قصدها المهم خلصنه جان الاكل باجا فكالولي اوكلي كوتلهم لا ماحبها اتخبل منها خلصنه غده شلنه المواعين دنغسل بيهن اجاني عمي كال تعاي جنان كوتله عيوني عمو اامر كال اريد اخطبج الابني جمال شتكولين اني نصدمت وكولها تباوع عليه ماما وزوجة عمي وزوجاة عمامي البقيه ثنينهن وماما انصدمت واني خجلت كولش كوتله بابا اخواني موافقين كال اي معليج بيهم انتي شنو ردج اني مدري خوف مدري مستحه كوتله ابكيفكم وصارت الهلاهل وطبعا جمال ع اعصابه اضاهر كلوله بالبدايه مقبلت فضل ينتضر ردي والخطبه وقرايت الفاتحه صارت بيتهم ماما صاحتني ع صفحه كالت بنتي مقتنعه كوتلها والله ماما مامقتنعه اشلون اني كولت اي ووافقت وصرت ابجي بهاي الاثناء اجتي ام جمال كالت اشبيج ماما كالتلها من الفرحه خلتها تبجي وراحت ام جمال ماما كالتلي بتي هاهيه قسمتج هلي شتسوين
... .

واخواني ضلو يكفرون شنو ينطيج لان ابن اخو ومن هلكلام المهم سكتو ومن دريت ماكمل دراسه اتخبلت وضليت ابجي ومقبلو يكولولهم البنت رافضته عاد كوتلهم باعو اذا متكولولهم ترا من يجي عمي اني افتح الموضوع وياه وشيصير خل يصير ماما خافت وراحت كالت البابا البنت راح تخزينة حالفه اتكول العمها متريد ابنك كاللها صيحيها اليه صاحوني وبابا كلي شوفي بنتي هاي سنة الحياة ومصيرج تزوجين وايجوز ايكون الج سند وهو ابن عمج مو غريب واهله زينين وحيخلونج بعيونهم ضل يحجي ساعتين واني قافله بلاخير وافق وسلمت امري لربي صار نيشان جمال مات عليه وناس اتخبلو مشايفين بمكياج واني ضعيفه حلووة جسمي جان وزني59 وصاحبة خلفيه وافخاذ صراحة المهم صار نيشان وبت عمتي جانت تحب جمال مركصت كولها ركصصت اله هي اتخبلت وماتت عليه عماتي ضاجن ومرادلي الفرحه اليه رادني جمال البنت اختهنصار نيشان وركصنه وصار احلا نيشان بعشبرتنه واني اركص وجمال يكرصني اكعدي ولج ويلمسني من زندي بدون محد يدري فرحنه كولش اختي جانت حامل ببنتها ورة اسبوع اجه جمال ديشوفني ولكة اختي تبجي كال اشبيها كوتله مادري محبيت اكوله اسرار بيتناسكت هو واختي تبجي وتعيط وتكول طلكني عمود الساقطات طلع زوجها عنده بنات ويكتل بيها عمودهن لان من تعرف بعلاقته بيهن تخابرهن وترزلهن وهنه يكولله ويكتلها بلاخير طلكها وسحلها من شعرها وهي حامل سبع شهور واجتي زعلانه خابر بابا كاله بنتك طلكتها وتعال اخذها راح بابا جابها وذبو تهمه عود اختي عدها علاقه ويه حماها لان جانت ترتاحله وتشكيله من اخوه وهو يهديها ويكوللها اتحملي صارت شغله بيت اعيالها وابو زوجها صديق بابا فبابا مكدر يتحمل راحلهم وهمه شافو بابا معافهم كالوله انريد نرجع رؤئ ورجعت اني بالمدرسه كولش زينه ودخلت بكلوريا ونجحت وجمال دخل بكلوريا وطلع ب8مواد ورسب اتزوجنه بعد نجاحي بسبوعين

....................
اتزوجت عشت ويه زوجي بداية
زواج حلوة وجنت ماحبه
خلاني اتعلق بي بحيث صارت من ايكولي
خل نروح لهلج اكوله لا حبيبي
ماريد اريد اضل يمك
من حبه اليه صار يشسورلي لان شعري مو كولش سرح صراحة فصار يشسورلي
ويخليلي مكياج اشويه ونلعب لعب
حسؤلفلكم ع ليلة دخلتي جانت ليله تخوف اني كاعده يم ناس بيوم العرس اجتني زوجة خال جمال كالتلي خمن خايفه كوتلها طبعا اخاف كالت لتخافين هاج هاي هيل اكلي منهن من يدخل كوتلها ماشي طبعا زواجي بعمر ال17سنة بس اهلي مخلوني اختلط بناس هواي لهذا شيكولولي ناس اسوي وهي حجت ويايه المهم اختي كالت يلا نزفج. كوتلها لا حبابه خليني هنا خايفه ماريد اصعد الغرفتي كالتلي جبتلج حب منوم لتخافين تنامين ومتحسين بشي كوتلها لعد اوك ورحت وياها زفوني بيبية جمال ام امة كالت وين خلونة نشوفها اني كيفت كولت لختي اي يلا خليني كاعده يم بيبي كولهم ضحكو عليه درو خوفانه اختي كالت امشي فضحتينه صعدت كوتلها ولج وين المنوم كالت من يزفون العريس انطي الج زفو العريس كوتله بغمزة وين المنوم كالت جذبت عليج حته تصعدين اني هنا فقدت من الخوف شسوي طلعت اختي تضحك عليه دخلت عمتي ام البنيه لتحب جمال بدلتلنه الحلقات واني جلبت بيها عمه حبابه ابقي ضلت تضحك كالت ولج ليش ابقه كوتلها والله خايفه ممتوقعه اصير بهيج موقف كالت يلا متحسين جكة ابرة ههههه ضليت اصرخ ع الخفيف واكوللها حبابه لتعوفيني ومجلبه بيها عاد جمال جلب بيه لزمني وكاللها طلعي يووومة احس كلبي وكف وروحي طلعتجه حضني وباسني وكلي لتخافين صرتي حلالي ومصدكت نزوج اني وانتي وابويه جان معارض يكول خاف تصير بيناتكم مشاكل واخسر اخويه من وراك واني ضليت اتوسل بامي حته تقنعه بالمناسيه عمي شتكوله عمتي يقبل حته اذا يروح يوكف للباب ايكوللها تعالي ويايه واذا يروح للدكتور ياخوذها مثل ضله هههه جمال حب يهديني بس اني خايفه كولش وماسمعه وكلي تعاي حبيبتي كوتله شكو كال لتحافين ماسويلج شي تعاي اوكفي كدام المراية وكفت وكلي باعي بالمراية باوعت وحضني وضل يبوس بيه كلي باعي علينه بالمرايه شدنسوي حته بعد متخافين اني يبوس بيه. بس ماحس بالوسة لان خايفه كولش  سحبني نزعني البدله وصرت ارجف طبعا بيوم العرس نحسدت من الجمال اجنن. مكياج بنفسجي وحمرة وردي ع بنفسجي بدله بيضه والبحنه بدله ماروني طوخ تجننالمهم نزعني البدله وخفت منه طبعا هو نزع كول ملابسه ضل بس بالداخليات حته عود هو ممتوتر ورادني اشيل توتري اني ضليت ع خوفي وصلنه للستريج جنت لابسه ستريج جوة البدله حته تنرفع البدله وميطلع مني شي لهنا كوتله لان اني انزع الباقيات اندار كلي ماشي 

... .
ماغصبج اندار ونزعت حضني وفكلي تسريحه والماشات وكلي كول ماشه افتحها انطيج بوسة من ركبتج اني هنا بديت اخدر بس بخوف ضل يطلع ماشه وياخوذ بوسه من ركبتي راد يتقربلي اني خفت رجعت اعيط وكوتله وخر عني هو لبس ملابسه الداخليه التحتانيه بعد محاولات اكثر من 8مرات واني اعيط ويعوفني صاح امه كللها متقبل اخلص شغلتي اشلون شسويلها كالتله حبيبي عندك الليل بطوله مو اله هسه جابتلنه العشه هو اتعشه وصاحني كوتله ماريد ماشتهي ضل يلحك كوتله انجيني زنود ست وحده وماريد بعد لتجبرني نطاني ودزلي بوسه بالهوا اني خجلت خلص عشه وراح غسل ايده ورجعلي كلي نبلش كوتله والله خايفه كلي لتخافين مني حبيبتي اني ع كيفي ومااذيج جان جايب عصارة صغيرة دهن طلعها وعمل االازم ومن راد يتقربلي صرت اعيط وادفعه هو متحمل كلي ولج اذا متقبلين اخلص هسه اخابر اهلج اكوللهم مو بنيه ومتخليني اسوي وياها اني خفت لان كلي ايذبحوج خليته بس حسيت روحي مدري شصار بيه صرت اعيط هواي حط فانيلته بحلكي ونزلت العلامة اني مجنت اعرف عبالي سوة بيه شي كوتله ولك نزل مني دم وضليت اعيط كلييي حبيبتي مبروك هاي العلامه لازم تنزل وباسني وحضني كلي بعد ماتقربلج خليج ترتاحين كلي تعاي نامي بحضني جنت استحي اتقرب منه وحضني اووف ارتاحيت من حضنه وورة خمس ايام بديت احبه كولش ويتقربلي ويهديني وصار يتقربلي اكثر من مرة بليوم يعني لو اكوللكم 25مرة باليوم تكولون تكذب والله ماكذب ويمكن اكثر من حبة اليه واني خبلته بلبس والمكياج كولها كالت جنان الفيرة تطلع هيج مخبله الرجال جنت مالبس بناطير هو لبسني بس كلي حبيبتي جسمج يغري ولازم تلبسين عبايه اني موافقت بس جابني بالسياسه ولبسني عباية راس وصارن اقارباتي يضحكن عليه بس اجاوبهن منطوله ايحبني كولشي ايريد اسويلة وانطي روحي يوم ع يوم بديت احب جمال وصرت اعشقه ولو ينفع اعبده استغفر الله صار روحي وعمري امه جانت عصبيه كولش بحيث مرة شافتني دابوسه كالتلي هاي شغلات مو هنا عدكم غرفه وروحو بيها اني فشلت كدام جمال وهو ضل ساكت ومغلس مع العلم هو لح عليه يلا بسته بس فشلوني ضليت ساكته ودمعه بطرف عيني صرت اشتغل وميعجبهم واريد اطبخ ايكولولي طبخ اهلج مو طيب اتعلمي منه يلا طبخون. صرت اتعب ممنضمين يكعدون ب12ريوكهم ب4غداهم ب9عشاهم ماكو راحه موتوني ومن انام يرزلون شنو مكاعده مسويه ريوك صراحه عيالي جانو مو خبيثين بس يردون شغل وهمه كسلانين ضليت ماعندي اطفال بالبدايه زوجي كال اريد اكمل اخويه ازوج ورايه بشهر صار عنده بنات ثنين واني ماكو شي ضليت انقهر الورايه والكدامي صارتلهم خلفه واني لا هو كلي اريد اعيد السادس ضل يقرة سنتين وراها نجح راح قدم ع جامعه الامام الكاضم قانون كيفنه بعد ماتبهذلت من ورة دراسته للعلم زوجي ميشتغل عيشتنه بيت عمي يشترولي وممقصرين ويانه عمتي ترزلني ع اي شي متنصحني بتفاهم لا جانت تنصحني بعياط واني من واحد يعيط بوجهي كولشي ماافتهم صارت تعاملني مثل بتها بس تعصب تنسه نفسها طبعا عمتس وكحه ولسان وحته شقاها فشار ويه ولدها ومتعلمين منها هذا الشيماكتلكم اني بعد زواجي بشهر وشويه مرة عمي الصغير اتصير اخت ام زوجي فجابت بنت وهي عدها بنات ثنين ولان عمتي ماعدها بنات نطتها البنيه واني داريتها سميناها ايوتة حبيتها كولش وهي حبتني الطفله ربيتها وداريتها وماخليتها تبجي ابد متت عليها مدبدبه وشعرها سرح وحلو اسود وناعم حسبتها بنتي لان مصار عندي اطفال كبرت ايوته وكول متكبر احبها وتحبني ورة سنتين ونص ازوج حمايه وبيومها ردت افرش فرشة حمايه عمتي عاطت كالتلي لا لتفرشيها كوتلها ليش كالت هاا لا بس لتفرشيها اني عرفت السالفه لان ماعندي اطفال مخلتني افرش الفرشة لان العروسه تصير بت اختها وانقهرت ضليت ابجي ساعه كامله بيوم الحنة تخاصمنه اني وزوجي واني ضايجه من هاي شالفه كوتله شفت اليوم امك ومرة عمي االلخ شسوو بيه كال شسوو سولفتله كوتله لان ماعندي اطفال خافت لا بت اختها متحبل هيج بمعتقداتهم هو انقهر عليه كالل الله لينطيهن ليش هيج يفكرن هسه اروح اتعارك وياهم كوتله الخاطري لا سكت كال بس اله اندمهن ع هذا الكلام اشلون هيج يسون وياج وباسني وتصالحنه جان يغار عليه من الهوا وثاني يوم العرس صار العرس وركصنه ويباوع عليه ويغمزلي من بعيد طبعا جانت عمتي سماهر تجي زعلانه متعديلها سنة اذا مجتي زعلانة اخر شي عمي كاللها ابقي يمي ونطلكج اتخبلت متصرفلها تتطلك جان اتخابر صاحبتها وكلتلها تعالي وجيبي الشغل طلعت عمتي تشتغل بلسحورة اجتي صاحبتها وبحجة دتشوفها البيت ورشن بغرفة عمي شي خلن عمي يسكوت ورجعها بدون كلام

......

عمتي مقهورة عليه كالت اشوكت تحبلين انتي فاتتج كوتلها لا عمه مفاتتني كالت لا والله فاتتجاني حاسبتلج منا منا حسبنه طلعت صارلها شهر وشويه فايتتني جبروني احلل دم كوتلهم ماريد لان كول ماروح احلل يطلع وهمي واصير ابجي هلمرة كوتلهم لا ماروح جبروني رحت كمت ابجي كولت الزوجي احلل وارجع ماريد اسمع شي عن تحليل لان ادري مو حامل حللت والدكتورة كالت وره ساعه تعالو تطلع تحاليل الدكتورة شافتني مقهورة كولش وابجي انقهرت عمودي واني رجعت من القهر غسلت مواعين المطبخ لان جانت سبعه حمايه بوقتها غسلتهن وغسلت المطبخ كوله والبيت رجعت نصفنه ومرة حمايه تباوع عليه كوتلها لتتعجبين اني من اضوج اكوم انضف بدون وعي ورة اشويه راح زوجي ع تحليل مدرتله بال ادري مو حامل ومعندي عوارض حمل مجرد دورة اتاخرت شي عادي المزوجات يمرن بهيج شغلات راح زوجي ورجع اني بالمطبخ دانضف جان يجي فرحان ويصيح حامل وصدوك والله يوومة طلعت جنان حامل مثل مكلتيي وعمتي تهلهل وتعيط واني خفت اكول شنو هلعياط واطله والكاهم يبجون لا مايقارب 3سنوات ماعندي اطفال وهو ابنهم الكبير والله كلولي وصرت ابجي وعمتي تبجي ويباركولي طلعت حامل واخيرا واني مو مستوعبه الصار بس مخليت الحمل ياثر عليه صرت اشتغل هواي واشيل ثقل وخليتها ع الله وزوجة حمايه ورة اسبوعين جتها اعراض حمل راحت ويايه للدكتورة طلعت حامل تدرون ليش لان من بعد ارادة وب العالمين اني من فرشت من الفرشه مالتها جنت حامل وبهاي معتقدات الحامل وتفرش فرشه عريس تحبل العروس بسرعه وعمتي اذكرت الموقف وفشلت وتندمتالمهم اني وزوجة حمايه صرنه خوات وبيت عمي مفرقو بيناتنه ابد وحبونه سوة ويشترولنه سوة نفس اللبس بس الالوان مختلفه اني احب الاحمر وزوجة حمايه تحب البنفسجي فيجيبولنه ع النحبه صار موعد ولادتي اتعذبت من ال9بليل لل5الفجر صاح الله واكبر طلع ابني من بطني سمين ومنشنش اروحله فدووة بهاي الاثنائ زوجي قانون يداوم سنة اولئ ونهاية السنة مالته اني جبت جنت دائما اسمعه يكول الصديقه بتليفون اريد طفل بس ماريد اقهر زوجتي لان هي تنقهر بس مخلصتها ويه اختي تربيها ومعتبرتها بنتي وممقصرة وياها ايوتة حبيبتي رحتلها فدوة وصديقه ايكوله والله تلحك اني عندي 3شعوطة موتيني تلحك ع خبالهم ايكوله صارلي 3سنوات ماعندي طفل اشوكت اخلف المهم جبت ابني ورجعتبيوم الرجعت زوجي اجه ب1خلص دوام بس معبالك فرحان بابنه اللي جان ينتضرة عبالك عنده غيرة سكتت اتحمدلي سلامة اني نمت ساعتين وكعدت سبحت من الجيبوبه جبت طبيعي الحمدلله كمت من اول يوم افتر مكعدت ومنمت ابد بس افتر واكعود بيت عمي عمتي مخلتني اشتغل بس اني ورة خمس ايام متحملت كمت اشتغل وطول مدة الخمس ايام انام جوة زوجي ميخليني انام فوك بغرفتي ايكولي اخاف عليج وضلي هنا وامي تساعدج باببنه جنت اقتنع بكلامة من كد ثقتي بي وحبي اله وعمي جان ايكولي هسه يطلع مصادق عليج واني اكوله معليك عمو اني وزوجي مشاكلنه بيناتنه ماريد احد يدخل وواثقه منة ميحب عليه اني حبه الوحيد وجبتله ولد ميخوني ورة شهر جابت مرة حمايه بنت حلووة ضل زوجي يتغير يوم بعد يوم واني ساكته عبالي من الزوام وشغل وتعب صار يشتغل بمحل ابو فتحه اله اسواق ومتعوب سودة عليه عمر ابني شهر اتعارك زوجي وي ابو وطلع زعلان من البيت 4ايام روحي طارت وياه احبه كولش جنت اروح لهلي يوم وارجع ماطول كول شهر يوم. من حبي اله ومن رجع سويت روحي زعلانه منه وادلع عليه كوتله روح ماحبك ليش عفتني ضل يتعذر ومشتاقلج كولش واحبج ياعمري ويبووس ووووووووو صارت ليله من العمر طلعنه اشتياقنه كوله بيها رجعت حياتنه عادي صار عمر ابني سنة وزوجي بده يتغير للاسؤ تجاهي صار يهملني مع العلم ممقصرة وياه مكياج عبالك عروس معبالك صار 4سنوات مزوجين ولبس كشخه بالبيت تراكسودات ودشاديش قصيرة وضيقه صح محجبه بس بالبيت العب لعب وماستحي من حمويني البقيه

..

...
ابني 24ساعه نضيف وسمين ومدبدب ويجنن حنطاوي محبوب اروحله فدووة زوجي صار عمري ابني سنة ونص حيل حيل اتغير وبدو اهله يحسون ميحبني وصارت مشاكل ممتوقعه يجي يوم تصير من كد حبنه سوة ومنا ومنا مشت الحياة سنه كامله صار عمر ابني سنتين وكول مابي يحله بعد ربعد ويسمن ويصير مثل الدب صارت مشامل والكفه ويه بنات بالفيس ويعتذر ويكولي ماعيدها واسكوت ونصالح وررة شهر لكفته ويه وحده ثانيه اكوله مو وعدتني ايكول ي سامحيني ورة هم شهر لكفته وهنا بده يضربني ويكولي لتلعبين بجهاز بعد واني ماجوز الكفه ويه بنات شحجيلجن عليهن حته نازعات ملابسهن ويصورن جسمهن وهو ايكوللهن هذا حلو مالج وهذا يجنن وانتي كذا وكلام مينحجي صرت اموت مية مرة سكتت ثمن شهور وبعد حجيت وانكتلت بس مجنت اعرف ذني لا شيء بالنسبه للراح يجي بعدين طلعن ذني ارحم من الاجاني وراهن بعد الكتل الشفته منهن صرت اكول ياللهي لو ضاله ع ذني الساقطات حشه القارئاتغير زوجي كولش وهملني بشكل ع كد حاجته بليل وملابسه وبعد ماشوفه صرت اباوع ع زوجي من شباك اشوف زوجي يجي ب1من الجامعه ويوكف بالباب ورة ساعه او ساعتين يلا يدخل للبيت اباوعله من شباك يخابر تعبت شسؤي مليت بس احبه اضل اتحمل هو اليه ولا يمكن يصير الغيري ماخليهن ياخذنه بس لازم اجيبه بلسياسه لان الرجال عنده الممنوع مرغوب اجه من دوام كالعاده ساعتين بالب يخابر طب للبيت نزعته جواريبه وفركت رجله كوتله جمولي حبيبي كال ها شكو كوتله حبيبي ممكن سؤال كال كولي فضيها اريد انام كوتله بس ابداعت ابننه تجاوب حلفتك بعد كال شكو احجي كوتله انت تحب وحده غيري هو صفن كال بيج شي كوتله حلفتك اعتبرني صديقتك مو زوجتك كال صراحه اي اني هنا نقهرت ونمرد كلبي بس مبينتله شي كوتله منو هاي كال من البصرة كوتله اشلون تعرفت عليها كال بالفيس وبنيه شبه منفصله وعدها 3اطفال وتحبني واحبها وماعوفها كوتله واني كال جنان شاهد الله ماقصر بيناتجن بس خل ازوجها وحضني كال اموت بلياها اني من حبي اله كوتله ماشي ربي يسعدك بس طلكني واني سعادتي من سعادتك وشتريد يجرالك كال لا ماطلكج احبج واحبها كوتله لا متكدر تعدل بيناتنه كال اكدر لتعوفيني اني من هاي اللحضه فقدت الاكل اسبوع مماكله شي ع كد المي صرت كد النمله من القهر ووجهي نوميه صفرة راحت جنان اللي جانت متهتم للدنيا وكلام الناس اجتي جنان اللي بيها هم متحمله جبال شسظي ياربي ماريد اضل وياه شسؤي ورة اسبوع هو صار يحجي وياها كدامي ويشاقه وينام ويايه اذا تتصل عليه بليل يكطع نومة بيناتنه ويلبس دشداشه ويصعد بالسطح يحجي وياها صار يعشقها كولش اني اتخبلت ضليت ساكته كوتله اريد احجي وياها كال ليش كوتله اريد اتعرف ع حبيبة زوجي اني نطقتها ودموعي هشرة عشرة بس هو جان خالي من الاحساس كال بس لتجرحيها بكلمة كوتله اوك دك عليه كللها زوجتي اتريد تتعرف عليج هو راح يسبح كوتلها اشلون اتعرفتي عليه كالت بالغيس شخصيته جلوة جذبني دخلتله خاص وتعرفنه وكوتله احبك وماكدر بلياك واني حاليا علئ وشك طلاق بس مراح اخوذ زوجج منج لان انتي مبينه تحبي وتردين سعادتة اني بجيت كوتلها اموت عليه ديري بالج عليه وديري بالج ع ابني وزوجة حمايه صديقتي ديري بالج ععليها ترا ماقبل تاذيها وابجي كالت شنو هلعلاقه الحلوة بيناتجن كوتلها اختي وصديقتي واحبها وهمومنا سوة لتاذيها كالت لتخافين ماذي احد اني اصلا حنتحر احسلي ماريد ارجع الزوجي وابويه جابرني عليه وماريد ازوج زوجج احس بيج تحبي وهو اجه كالتله حبيبي جمال اني ماكدر اكمل وياك واحنه لازم نترك بعض وسدت تليفون صارت تبجي وهو اجاني راد يكتلني كال شكايله الحبيبتي كوتله مكايله شي كال لا كايلتلها دتكولي حوفك ومقهور ويحجي اله شؤيه يبجي كلي هسه تكوليلها لتعوفي ورجعيله وكوليلها اني حطلك منه وانتي اخذي اني صرت ابجي كوتله ماعوفك الها احبك افهم احبك كال ماريدج بعد روحي كوليلها حنطلك واذا مرجعتلي اعتبري نفسج جنازه اني خوفني خابرتها كوتلها هيج وهيج كالتلي لا اني حنتحر واعوفه خل شيسؤي خل يسوي كوتلها/

... .
ورة 4ايام زوجي كال راح اطلع كوتله ترا اني ادري انت دتروحلها كام يبلع بريگه كال المن اروح كوتله حبيبتك دتروحلها وتنام وياها كال لا ونكر اني سكتت بس كوتله يلا الشريفه متنراد والساقطات تموتون عليهن لو اني اصيح حبيبي وينام ويايه شتسؤي بلا اشو هذا سواني ذبيحه كتل كتل اله ردت اموت وهلمرة خنكني كال حبيبتي خط احمر داكولج بت النعال حبيبتي اشرف منج ومن امج ومن اهلي حبيبتي تاج ع راسج وراس الخلفج واعوفج انتي واهلي وماعوفها افتهمتي المهم هلمرة دمي بجولي صارطلع وعمي كشف طلعته ووكفله حضر رشاشه وكفله بالباب من اجه زوجي ب6الصبح اجه جمال عمي اتلكاه كله اطلع من بيتي يانجس دنست شرفي ليشوفك شيكول ابن ابو جمال ساقط منحط الله ياخذك متبري منك ماريدك وطرده من الباب اني باوعت من الشباك ع زوجي اخر مرة شفته بيها باوع ع ابوه وضل ساكت وراح واخذ روحي وياه بس مهتميت وشمتت بيه واخذت راحتي بالفيس اسولف واشاقه نسيت نفسي كوة نسيت روحي جمال طلعته من ذاكرتي اشويه اسبوع وماعرف اخبار جمال شنو اخابر ميجاوب ورة 10ايام خابرني كلي شتريدين ماحبج ولي عني كوتله خل نتسه الفات وارجع الخاطر ابنك كال مضلي احترام واله اندم ابويه ع هاي الطردة اشلون يطردني من وراج يادايحه ياساقطه ضل يفشر عليه وصرت ابجي ليش هيج يصير بيه ياربي اوووف وابجي مر اسبوعين ماعرف اخبار جمال خابرتة جاوب كلي ها يابلوة ها ياطركاعه شتردين كوتله ارجع كافي كال ماحبج كوتله لعد شنو حابسني طلكني اني عبالي ميقبل يطلك جان يكول سمعي جنان اني ماحبج وماريدج وروحي ازوجي غيري وخلصيني وانتي طالق طالق طالق انصدمت لا هذا مو جمال اللي جان يباوع عليه ويكول الف الحمدلله صرتي الي ومصرتي الغيري مو جمال نفسه اللي مينام اله يحضني واذا زعلانه يراضيني مو جمال هذا واحد ماعرفه اوووووف ياربي مماذيه احد ليش هلشي يصير بيه للعلم اكتب وابجي
جمال انت شدتكول لا لتكولها حباب كال لا واعيدها بعد وعادها 3مرات اني ضليت ساكته شكول شحجي اوووف ياربي. كولت الاهله انوب حبسوني ابيتهم كالو ميجوز هيج طلاق ممسموح لازم شهورطد ومخلوني اروح لهلي شهرين ونص مشايفه اهلي وبلاخير دزوني يومين وقبل لاروح كلولي ابداعت ابنج لتكولين لهلح بسواه جمال بيج اكيد نزوة وتعدي حلفتلهم ماكول شي رحت يومين ورجعوني الهم طبعا بيت عيالي ضليت مستمرة الحياة شغل من الصبح لليل عبالك بعده زوجي يمي مكالو زوجها مو يمها نعذرها خطيه متحمله بدون زوجها هاي الفترة ابددد ولا ابالهمابهاي الفترة صرت عصبيه واضرب ابني وااذي كولش بالكتل افقد من اضربة ومادري بنفسي واذي مرة من المرات نمت حسيت السرير صار يتحرك بيه باوعت ملكيت احد رجعت نمت هم السرير عبالك واحد ديصعد ينام ع سرير باوعت مرة ثانيه ملكيت احد اتخبلت بس رجعت العب لتليفون ومهتميت نمت كعدت لكيت ايدي بيها حنه ضليت مصدومة منين اجتي الحنه بايدي نزلت ع عمتي كوتلها عمه شنو هاي الحنه كالت مادري كوتلها عمه هذا الجني خلاها اليه صارو يضحكون عليه بالمناسبه اني صرت شكول يطلع صح واي حلم احلم بي يتحقق نفسه خابرت ماما كوتلها ماما الجني خلالي حنه البارحه واليوم يعرس عليه ضحكت كالت دنجبي عابتلج ضلينه نضحك نسينه سالفه اني صرت اكره زوجي واتمنه ميرجع صرت عدوانيه واتعارك ويه حمويني وخصوصا ردت اطلع من بيت عمي مخلوني حبسوني عدهم فصرت خبيثه واتعارك حتخ يودوني لهلي وهم ماكو فايدة بلاخير تهبو مني بيت عمي دزوني شهر لهلي هذا الحجي وجمال مرجع بعده للبيت رحت لهلي شهر مكيفه وماريد ارجع بعد بس ورة شهر بابا كلي يلا خل نرجعج كوتله بابا ماريد وضليت ابجي واعيط بالمناسبه طول الشهر الرحت بي لهلي اني مبطلت مكياج ويوميه اسبح واخلي مكياج وبابا يقلد عليه ايكولي جنج جني روحي مسحي واني اتخبل واحد يقلد ع شكلي كولشي ولا جمالي ينهان اني اتعارك واعيط ع بابا واروح اخلي مكياج طوخرجعني بابا كعدت عمتي كالتلي انتي من تكتلين ابنج ورة شويه تحضني وتصيرين تبجي عليه مو كوتلها اي اضربه وفقد ومن ارجع الوعي مالتي ابجي واحضنه كالت احنه من رحتي لهلج شفنه سيد وكال جمال ومرتة بيناتهم عمل وانتي بيج جني عاشق وهو صدوك خلالج حنه بيدج بليل لان هذا النوع من الجان من يحب وحده يخليلها حنه ويحس صارت ملكة وانتي سؤيتي مشاكل هو جان ينحشج علينة وتضربين ابنج هو يخليج تضربي

ومن يعوفج تصحين وتبجين عليه وابنج يشوفه ويصير يخاف ويبجي وميقبل يروح للغرفه وياج وزوجج وحده مسؤيتله عمل حته يطلكج وتاخذه طلعت حبيبته كاتله زوجها وزوجي صارله 6شهور يمها وتوكل بي سحورة عمتي صارت تجيب علاج للبيت شموع ومي ومدري شنو صارو يعالجون اول خطوة جنت احب النوم جابولي علاج الجني يحب نوم ومن اكعود يرجع ينومني ومن صرت اسبح بلعلاج صرت مانام وبس اشتغل رجعتلي حيويتي بس اكول حسبي الله ونعم الوكيل ع السوت سحر بيني وبين جمال لان جان يعشقني بجنون وصار يضربني لان مسحور وميدري بنفسه يضربنه هاي الكلبه حبيبته هي خربته عليه لان جانت تريد تسؤي علاقه وياه ويزوجها وهو مقابل وكايللها احب ابني وزوجتي وهي هيج سوتله سحر حته تاخذة لان رفضهاني اخذت العلاج واتعالجت والحمدلله صرت احن الزوجي وزوجي صرنه نحركله علاج ورة ست شهور رجع للبيت مشتاقلي نام يمي ليله من العمر اشو هذا من الفجر نزل كالب خلقته عليه وصار ينام بلاستقبال مينام يمي 4شهور ينام جوة ويعوفني عمتي كالت السيد يكول هاي جددتله السحر وهيج رجع عافج اتحملي اني هم كولت الخاجر الله وابني والخاطركم اتحمل ضلينه نعالج ونحطله بلاكل علاج رجع يحبني صعدلي ملهوف بليلتها هم اخذ القاسمة الله مني وسهرنة وسؤالف ضحك وكلي مشتاقلج جنونتي احبج وسؤالف واني سامحتة ونسيت السواه بيه والكتل الشفته كوتله المهم رجعتلي بلسلامة وعفتها كال ختولي هذي ساقطه متسوة اضفرج ثاني يوم نزلنه فرحانين وهذا انكلب عليه وشبعني كتل موتني كضا بيه توبه مرعدني خلاني وصله مشككة طلعت راجعخ مجددتله السحر ورجع ينام بس مو بلاستقبال صار ينام بالغرفه ويايه بس بالكاع وايكولي شوفي ولج اني مانام وياج مابيه حيل وماريدج فاريدج يوميه تسبحين الصبح ومتكولين لهلي اني ماتقربلج وتبينيلهم اني ممقصر وياج من هاي ناحيه وصار ينطيني باليوم الف اجيب حفاضات الابني وحلويات

ورجع يكتل بيه ومن يجي ينام حته ميشوفني ويكعد الصبح ب6يطلع ويجي يلكاني نايمه يعوفني وينام بلكاع مرة كوتله ماتحمل هيج وضع كال ولي شسؤيلج ولي الاهلج ماحبجوضلينه احنه نعالج بلسحر وهذيج تسؤيله سحر واثاري من الشغل الضهر يروح ياكول يمها وتنجي سحر بلاكل وهذا ايكون كولش قوي وضل ينام بلكاع 5شهور ووراها صادفت روحه لهلي رحت اني جنت ماخذه رقم حبيبته من تليفونه ورحت لهلي خابرتها سمعت صوتي وسدته رجعت اتصلت طلعلي رجال كال نعم كوتله اريد احجي ويه صاحب الرقم كال منو انتي كوتله معليك انطيني صاحبة الرقم كال شتردين منها كوتله باوع راح اكلك شي كال كولي كتله صاحبة الرقم مصادقه زوجي ومخربته عليه خل تعوفه وسديته بوجه عبالي كشفتها كدام اهلها اشو ماحس اله نفس اليوم بليل خابرني عمي وكال ليش جنان اتخابرين ولد مو عيب ورزلني كوتله عمي فهمني شكو كال هذا واحد ناشر رقمج بالشوارع ويكول وحده ساقطه تعاكس بيه واني اتخبلت كتله عمي هيج وهيج سالفه والله جذابين كال هذا زوجج ديكول هيج كتله زوجي ديشوه سمعتي واني مو من هنوع ماصدك كال باجر اكول الابوج عليج اني ضليت خايفه ومن خوفي لزمت بابا وحجيتله الصار كوله وبابا كال يصير خير ثاني يوم طلعو بابا وعمي سوة وعمي حجاله كولشي وبابا لان اني شرحتله الصار فكدر يدافع عني بس من رجع شاب نار وضل يصيح عليه ويتعارك ويايه وانتي متجوزين ليش من سمعتي ولد ماسديتي الخط ليش حجيتي ويه الولدكتله بابا جنت ناويه افضحها يم اهلها اشمدريني هذا منو طلعلي وهيج شوه سمعتي المهم عدت ع خير وبابا كايللهم جيبو جناسي وطلكوها اني كلت كالعادة اروح زعلانه وارجع اشو ورة اسبوع اني نايمة برمضان اندك الباب ب7الصبح طلعت ماما لان محد بالبيت بابا بفاتحه اقاربتنه مرة عمي ماتت وراحلهم عمي الصغير زوجته ماتت المهم اندك الباب طلعت ماما ورا اشويه اجتي صاحتني جنان جنان ماما اكعدي كوتلها ماما صايمه خليني نايمة كالت كومي واحد ايريدج بالباب اني فزيت شنو واحد ايريدج مو عيب كالت واحد ايكول اني محضر شرطي ايكول جبت ورقه طلاق جنان واريدها توقع اني هنا ضليت باهته وساكتة مبينت شي الماما بس كلبي اتكطع مية مرة لان فكني السحر وردت ارجعله بس هو جان السحر اقوة منة رحت للشرطي كوتله نهم كال انتي جنان كوتله اي كال هاذا بلاغ من جمال لازم تحضرين بعد عشرة ايام للمحكمه لان طلقج غيابي عند سيد وبشهود اني اريد اوقع وابصم ماكدر ارجف مردت اطلق مردت نهايتي هيج وحده ساقطه تاخوذ زوجي مني اووف يازمن بعد الحب والعشق هيج يصير بيه ليش ياربي احبه ماكدر انساه وقعت ورجعت حضنت ابني وبجيت اجتي ماما كالت لتبجيين كوتلها لا مابجي اخذوني للفاتحه ومن كد القهر ابجي والطم عباله ناس ع مرة عمي ابجي بس اني ابجي ع حضي ع طلاقي ع زوجي ع ابني ع الصارلي ابجي يادنيا ليش هيج حقيرة ويايه اتحملت كتل المطي ميتحمله وتالي يعوفني ربي رجعه اليه ماريد اعوفهالطم وابجي واعيط وخلصت الفاتحه رجعت للبيت منهارة بس اضحك كدامهم قوية كلبي. الخاطر ابني اجه موعد المحكمه رحنة اول يوم خفت رحت للباحثه كالت بعده مجاي ننتضر ماجه عاد بابا كاللها اخذي كلامها وخل نروح اخذت كلتمي ومن طلعنه هو اجه واخذت كلامة وطلع يدري بينه جايين لهذا ماجه اله طلعنه ورة اسبوع صارلي موعد ولازم يحضر امام القاضي وماجه و3مرة هم ماجه سقطت الدعوة ورجع قامها ومرتين وراها وماجه والقاضي كال تتعلق الئ ان يحضر طلع يصحه ويريد يطلك وهذيج تجدد السحر وتخلي يرجع

يجدد الدعوةالمحكمه حكمتلي نفقه اليه والابني واني لزمت عده وخلصت وهو مشفته ابد بعد وبابا قدملي خارجي سادس ونجحت نصف السنة وهسه داقرة النهاية السنه بابا ايريدني اكمل جامعه وحس يخطا من غصبني ع زواج من ابن اخوه ويريد يصحح الي سواه وابني يمي وادزه اله كول 3شهور يومين او 3 واستقرت حياتي بدون رجال ولحد الان اتمنه ارجع الزوجي وينفك السحر منه وينقلب السحر ع الساحر اتمنه تدعولي ارجعله لان احبه وابني يحن عليه وايكولي وديني البابا بس اني مابيدي شي يارب نرجع سوة وشكو واحد راد يفرقنه يوكع بشر اعماله بالمناسبه السحر اللي سوته حبيبة زوجي اله هو سحر قوي واقوة سحر بالعالم ويسمئ السفلي ويكون عبارة عن نكاح المرة من الدجال وحبيبة زوجي نايمة ويه ابو السحر والماده الطالعه منهم مسوين عليها سحر ومن شعرها وتراب ميت يعني مينفك اله زوجي يروح للسيد وزوجي ميقبل وهسه الساقطه صايرة ادز سحر للبيت ويه زوجي ومخربه وحاركة بيت عمي حرك وحته عمتي دتصير وياها مشاكل وتوصل للطلاك وترجع وزوجة حمايه هم لان تريد تجي للبيت متريد نسؤان بي اتريد البيت الها ادعو عليها يلي تقرون قصتي هاي قصتي خسرت زوجي ابسبب الميخافن الله الله ينتقم منهن ادعلي ارجع الزوجي الله يخليجن

... .

‏

النهايه