رواية قصص رومانسيه الفصل السابع عشر 17 - بقلم الحساب مغلق

بقلمي شيفون عبد الحميد الياسري

ماما حبيبتي اني جهزت الريوك والغدى من البارحه طبخته وهاي حبايه الضغط اخذيه… يارب يوفقج بحياتج يابنتي… امين يارب… يله ماما اني اروح للشغل… الله وياج حبيبتي… صباح الخير ابو تيسير… 😡ست حرير كل يوم هالتاخير ترى مايصير اني هواي اتساهلت وياج… ابو تيسير اني اسفه بس مثل ماتعرف ازدحام وبيتنا بعيد عن المول يعني اصعد مرتين بالباص يله اوصل… مخصوم منج ٣ أيام…بس هواي ٣أيام الراتب يادوب يكفي علاج لماما ومصاريف البيت 😡واني شنوا فاتح تكيه عاجبج ماعاجبج اكوا بنات كومه يحبن يشتغلن بمكانج بس اني صابر عليج لان يتيمه وظروفج تعبانه ويله امشي عالشغلج… صار تامر…. ها حرير حبيتي لايظل بالج هو هذا جلف وطبعه صعب اتحملي حبي ..اوووف ياغادة ليش هو اني شمصبرني اتحمل ابو تيسير غير ظروفي التعبانه بس شسوي حسبي الله ونعم الوكيل علي عمي فخري الي وصلنا لحال… اعرفكم بنفسي اني اسمي حرير صبري الجنابي عمري ٢٣ سنه عايشه اني وامي بمشتمل بسيط ناس الخيرة اجرته النا اني وماما حتي نعيش بيه اني ماكملت دراستي للصف الخامس الاعدادي وتركت المدرسه اني ماجانت ظروفي هالشكل بابا جان عايش وامورنا جانت الْحٍمَدٍ للـّہ والشكر بابا جان يشتغل بمصرف الرشيد نائب المدير وبيتنا جان ملك بابا جان الكل يشهد بنزاهته بس الشيطان شاطر عموا فخري بيوم اجه عالبابا وكله اني مهدد بالقتل اني وعائلتي عليه ديون ولازم اسددة واني كاتب كمبيلات وهسه ديهددوني بيه ..وانتي اخويه وتكدر اتساعدني اخذ المبلغ من خزنه المصرف واني اوعدك من ابيع بيتي ارجعلك المبلغ كامل .  وبابا سمع كلام عموا وصدكه واخذ المبلغ وانطاة لعموا… وثاني يوم عموا فص ملح وذاب هو وعائلته والي عرفناة عموا مداين مبالغ من غير ناس وجامع الفلوس كوله وسافر خارج العراق بابا مااتحمل الخبر وبلغ علي نفسه وانسجن بابا بتهمه الاختلاس المتعمد وفترة الحكم ٣٠ سنه بابا كمل ٤ بالسجن ومااتحمل العار والفضيحه وتوفى بابا بالسجن واني وماما حتي فلوس للكفن بابا ماجان عدنا الناس الخيرة ساعدونا وتكلفوا بدفن بابا بالنسبه لاقربائنا كلهم اتبروا منا اني اشتغل بسوبر ماركت كاشير… اني الوحيدة لاهلي وصديقتي غادة هي الي ساعدتني اشتغل بهذا السوبر ماركت اني شكلي وجهي مدور عيوني قزحيات يعني لونهم ممزوج الي هو يشبه الرصاصي شعري طويل ولونه بني اني انوثتي بارزه كولش وابو تيسير دائما يحاول يستغل ظروفي ويغريني بالمادة مقابل يسوي ويايه اشياء وسخه… بعض البنات الي،يشتغلن ويانا بالسوبر ماركت عدهم هذا فد شي عادي يعني بوسه حضن وغيرها من الاشياء المحلوة ديمارسهن ويا ابو تيسير مقابل كم فلس واكو بنيه اسمه رشا هي الي تغري البنات وجيبهم لابو تيسير يعني هي سمسارة جنس هذا شغله بالسوبر ماركت اني وغادة متتقرب علينا لان احنا حامين نفسنا وتعرف شلون نتصرف وياها وبيوم خابرني ابو تيسير العصر اني ابدي شغلي بالسوبر ماركت من ساعه ٧ الصبح لساعه2 الظهر… .ساعه 6 العصر اتصل عليه وهو ديصيح لج حرير هسه تجين اكوا مبلغ ماخوذ من القاصه مالتي هسه تحين وبسرعه اني جمعت كل البنات يحلفن بالقران واذا مااجيتي انتي متهمه بالسرقه… لبست وطلعت للسوبر ماركت وصلت مالكيت البنات بس رشا والبنات الي شفتهم يكون العصر يعني موا البنات الي يشتغلون ويايه الصبح . رشا كالت ابو تيسير منتظرج .. لعد وين البنات موا كال هو كلهم مجمعهم علي مود يحلفهم بالمصحف لان مشتبه بيهم… اي عيوني موجودات كلهم بالمكتب يم ابو تيسير ..اني ماارتاحيت للوضع بس شسوي مظطرة اروح ورحت للمكتب دكيت الباب .. ادخل . دخلت ماشفت البنات… جتي رشا دفعتني وقفلت الباب واجه ابو تيسير كمشني ويريد تقرب عليه اني صديته وظليت اعيط واضرب بيه… .شتتوقعون شنوا حايصير ويا حرير…

يله شباب وينكم صار اسبوع من دنجهز لهاي السفرة ومن اجه وكته تتاخرون… سيوفي حبيبي اليخت كوله جاهز اوكي حمودي يسلموو.. هسه غير يفضه بيتهوفن الا ياخذ DG… اجيت هاي شبيكم لعد شلون اذا ماكوا ميوزك واغاني تصير السفرة باهته… يله جاهزيين… يله حمودي حبيبي شغل اليخت .....هسه لو جايبين ويانا كم موزا حلوة موا جان الجو صار احلى .. اهووو  ايمن انت تعرف اني مااحب هاي السوالف يعني احنا شباب متخرجيين وحابين نفرح بتخرجنا بدون 💋 اوكي حبيبي سيوفي افتهمت ..لك علوش شغل DG يمعود هي سفرة لو عزاا… 💃وهاوها وها… ..شباب احلى ونسه وياكم وعمري كوله ماراح انسى هذا اليوم الحلووو .. اي سيوفي خلصت ايام كليه الشرطه والتدريب وكعدة الصبح… الْحٍمَدٍ للـّہ والشكر تعبنا ماراح عالفاضي كلنا تخرجنا دفعه وحدة .. اي بس كل واحد راح يتعيين بمركز شكل… شباب كل شهر نلتقي مرة ونجمع سويه ونطلع عاليخت شنوا رأيكم حلوو خوش اقتراح… يله شباب باي… بايات سيوفي… خرررب هاي شنوا… سيوفي شكوا دتعيط… شكوا سيف… دكوم يمعود… .لك ايمن شغل لايت… لك هاي شنوا .… جثه ..داقرب الضوة وافتح النايلون… هاي بنيه مبينه مضروبه… شباب بيه نفس ..خلينا ناخذة للمستشفي .  يله اوكي…..يمعود سيف هسه ليش تورطنا س\ج  لو تاركيين الجثه بمكانه موا احسن ..هاي شبيك ايمن الْحٍمَدٍ للـّہ من نقذنا البنيه وهي باخر انفاسه… اكلك سيف وانت شمدريك هاي مامسويه فد شي عار واكيد اهله متخلصيين منها انت ماشفت شلون وجهه مزورك وملابسه كوله دم..  سيف حتي لو مسويه شي موزين المهم كدرنا نرجعها للحياة…. ها دكتور طمنا ...حالته مستقرة بس البنيه متعرضه للاغتصاب واكيد جانت تقاوم المختصب لان الضرب والكدمات واضحه عالجسمه احنا كملنا الاجرأت الطبيه اللازمه واني كطبيب ومسوؤل عالمستشفى لازم ابلغ الشرطه انتم تعرفوة للبنيه .. سيف ..لا دكتور احنا جنا طالعين اني والشباب عاليخت ولكيناة عالحرف النهر ملفوفه بكيس نايلون ..اوكي هذا الكلام تحجوة لمحقق الشرطه… ها سيف ارتاحيت صار بيها تحقيق واكيد راح يتهمونا النا لان مجموعه شباب وبالليل وعلي يخت والتهمه واضحه علينا بااغتصاب البنيه… هاي شبيك ايمن لك بابا احنا لو نريد ناذيه ونفتصبه نجيبه للمستشفى وبعدين لاتقلق هسه اتصل عالبابا ويسوي االازم ..  مرحبا اعرفكم علي نفسي سيف ابراهيم الرماحي عمري ٢٦ سنه خريج كليه الشرطه عايش بغداد ويا بابا الي هو اللواء ابراهيم محمد الرماحي ..وماما الي هي سميه محسن محمود استاذة علم نفس ..اني الوحيد لاهلي اليوم اني واصدقائي احتفلنا بتخرجنا من كليه الشرطه علي طريقتنا اجرنا يخت واتونسنا واخذنا صور ومن كملت الحفله واني دانزل من اليخت اتعثرت وكعت ..وجوي عليه الشباب يشوفون شكوا وجان نلكى جثه ملفوفه بنايلون واخذنا الجثه وصلنا للنس

للمستشفى والحمدلله والشكر كدرنا نتقذ البنيه علي اخر نفس… 

سيف… الو بابا… سيف اشو اتاخرت انت وينك… بابا اني بالمستشفى… خيرك ابني خو مابيك شي ..لا بابا اني مابيه شئ بس من كملت الحفله لكيت جثه بنيه واخذته للمستشفي وهي هسه عايشه بس البنيه مغتصبيه وهسه الشرطه بدت تحقيق ويانا اني والشباب .. 😡وانت حضرتك ليش ادخل نفسك بمشاكل وانت شمعرفك ماتطلع وحدة من بنات الليل… بابا اسمعني اني من نقذت البنيه بدافع الانسانيه لااكثر ولا اقل… سيف اسمعني اني هسه اتصل بمعارفي الي بالداخليه واخلص الموضوع وانت وجماعتك احجوا الي شفتوا وخلص… اوكي بابا تمام ..… ها عيني ابو سيف داسمعك تحجي ويا سيف خو ماكوا شئ… .ابنج المحروس شايف جثه بنيه عالنهر وهو وجماعته ماخذيه للمسنشفي والبنيه عايشه بس التقرير الطبي اثبت البنيه مغتصبه…. معقوله ليش هالشكل ديصير احنا وين عايشين ياعيني الله يساعد اهله اكيد هسه دايدورن عليه… .واحنا شكوا كل واحد يتحمل نتيجه اغلاطه الله عالم شمسويه من مصيبه ومنتقمين منه اهله… .لاعيني ابو سيف علي بختك كول استفغر الله يجوز البنيه مظلومه ورب العالمين خلي سيف سبب حتي ينقذها… ام سيف انتي الظاهر دراسه علم النفس هواي مأثرة عليج تعالي شوفي المصايب الي تجينا بالداخليه واغلبها بنات دعارة وتهريب مخدرات وسرقه واكثر البلاوي تجي من ورى هيج شكولات اني راح اتصل علي ابو منقذ بلكن يشوف حل لهاي المصيبه 😡… الو تحياتي باشا اني ابو سيف واعتذر منك داتصل بهذا الوقت بس ابني سيف واكع بسوء فهم هو وجماعته ويا مركز شرطه بغداد الجديدة وووووووو…. اعتبر الموضوع منتهي ابو سيف…. اشكرك باشا افضالك علي راسي تحياتي لشخصكم….. ها عيني ابو سيف انحل الموضوع…  بلي الباشا مايقصر ويايه وابنح من يوصل للبيت اني اعرف شلون اتصرف ويا 😡…… لك سيف لعد ابوك شكد واصل وحلها للقضيه بدقيقه… حمودي ليش مادكول التسهيل من رب العالمين احنا جانت نيتنا سليمه حتي ننقذ البنيه ويجوز البنيه ضحيه ومظلومه…. سيوفي حبيبي اني حاروح للبيت اخذني وياك حمودي اني كولش تعبت… .اوكي روحوا انتم اني انتظر اريد اعرف شنوا ورى هاي البنيه… اهووووسيف بلا حركات المحقق كرومبوا تعال ويانا وعوفيه لباجر وربك يحله… .لا ابد الا اعرف شنوا الموضوع…. براحتك سيوفي من يومك عنيد والي تريدة تسويه…… قتلني فضولي واني بحكم وظيفتي المستقبليه بالداخليه حبيت اعرف التفاصيل من البنيه استذنت من الدكتور ودخلت لغرفه المريضه… .وجهه ازرك والضرب الي ماخذته كولش قوي خصوصا عالوجهه واثار اصابع علي ركبته وايدة من كد ماربطيه بسلك الزراك واضح بيهن حيل انقهرت عليه وانتبهت عليه وهي دتمتم بكلمات بصوت ضعيف واقتربت اريد اسمعه وجان 😳

وسمعته دتتمم بكلمات وصوته ضعيف موا واضح واقتربت عليه حتي اسمع شدتحجي…😳عزا سيف شدسوي موا عيب… ماما فزعتيني مامسوي شئ اني… لعد شكوا متقرب عالبنيه… ماما اني سمعته دتمتم كلمات وصوته ضعيف وردت اسمعه شدتحجي .وسمعته😡… .ماما ليش دتباوعين عليه هالشكل اني مامسوي شي وانتي تعرفيني اني شنوا… اوكي سيف هسه انت اطلع واني اظل ويا البنيه… اوكي مثل ماتحبين بس من تصحى البنيه اريد احجي وياها ..علي شنوا تحجي وياها… ماما اريد اعرف منوا الي اعتدى عليه… .ابني هذا شغل الشرطه وانت ماعليك بالبنيه الي عليك سويته… .ماما صدوك انتي شلون اجيتي وعرفتي اني بهاي المستشفى… اتصلت علي ايمن وانطاني عنوان المستشفى واني همات الفضول دفعني اريد اعرف شنوا القصه لاتنسى اني استاذة علم نفس ويهمني اعرف شنوا قصته… لا لا رشا… افتحي باب ..لا ابو تيسير حرام… لا… .ماما دتسمعين… اي يمكن بدت تنتبه... اة راسي اة ماما ..ماما… اني وين… حبيبتي انتي بالمستشفى… .انتي منوا اريد ماما… اي عيني جايه بالطريق بس انتي اهدئي ....😢اريد ماما داكلج اريد ماما… حبيبتي لاتخافين اني مثل امج اهدئي حبيبتي… سيف روح عالدكتور خليه يجي كوله انتبهت… الدكتور… الْحٍمَدٍ للـّہ عالسلامه… تذكرين اسمج… بلي… اني اسمي حرير… حرير انتي جابوج للمستشفى وانتي فاقدة الوعي تذكرين شصار وياج… لا كلشي مااتذكر .. اوكي عالعموم حالتج مستقرة وبعد شوي حايجي المحقق الشرطه يسمع افاتدج… ليش الشرطه اني مامسويه شي… لاحبيبتي يجي المحقق حتي يعرف منج منوا الي اعتدى عليج… اني مااتذكر كلشي،مااتذكر .. 😢لاتبجين حبيبتي اني وياج… المحقق الْحٍمَدٍ للـّہ عالسلامه عندي كم سوال احب اسمع منج الاجابه ولو سمحتوا تركونا حتي يكمل اجرأت التحقيق .. انتي شسمج… حرير ..عمرج ..٢٥سنه… سكنج… بغداد الجديده… اي حرير احجيلي شنوا الي صار وياج بالضبط… 😢مااتذكر… مامعقوله داتذكرين اسمج وعمرج والحادثه ماتذكرينه… 😢ماتذكر اي شئ ..انتي تعرفين متعرضه للاغتصاب… . 😢ماادري ماادري داكلك مااعرف مااعرف 😢… .اوكي اهدئي ويمتى ماحبيتي تحجين احنا موجوديين بخدمه الشعب… ام سيف ..حبيتي لاتبجين اسكتي اشربي مي وارتاحي ...انتي تعرفين عنوان بيتكم رقم اهلج هما اكيد بالهم عليج… بلي اعرف عنوان بيتنا وماما مريضه سكر وضغط واني مااعرف كم صار اني برا البيت واكيد هسه هي باله عليه اني اكدر اطلع اليوم مابيه شئ اكدر امشي… لاحبيتي شلون تطلعين وانتي جسمج كوله مامتوازن انطيني عنوان بيتكم واني اروح اجيب امج واهلج للمستشفي… اني ام سيف الي نقذج… ياريت مانقذني واعايفني اموت 😢 لاحبيبتي مايصير تحجين هالشكل خلي ايمانج بربج قوي ..يله عزيزتي انطيني العنوان واني اروح… اكتبي العنوان بغداد الجديدة……. صار حبيتي هسه اروح اني وسيف لاهلج ونجيب امج ونجي…  اشكرج خاله اني تعبتج ويايه ..لا عيني لاتعب ولاشئ….. يله ماما سيف انشي وصلني لهذا العنوان… ماما شكوا ياعنوان… حرير انطتني عنوان بيتهم بغداد الجديدة وخطيه ظل باله على امه دنروح نطمئن اهله ونجيب امه لهنا… اوكي يله ماما… حرير…. اني اتذكر كل شئ صار ويايه بس خجلت من الفضيحه ومن كل تفاصيل الحادث الي صار ويايه من هذا الحقير خلف ابو تيسير كان سكران وريحه الخمر لهسه اتذكر انفاسه العفنه وهو ديتقرب مني واني اصرخ واصرخ وماكوا واحد خلصني منه كان يتلذذ بتعذيبي ويكلي مسويه نفسج شريفه حرير خاتون اليوم الا انتهك عذريتج صار سنه مدوختني وشالعه ﮘلبي وحسيت بمرارة الظلم انفاسه وصوته العالي بالغلط والسب والفشار وصوت رشا الحقيرة وهي دتتفرج وضحكاته الخبيثه… .كلشي اتذكر ليش ماقتلوني ليش اني عايشه علمود شنوا ياربي اني ماعصيتك وكنت بارة بوالدتي ليش هذا الظلم اخذ روحي وخلصني… 😢… سيف ماما هي حرير ليش مدتحجي شنوا صار وياها بالضبط ..ماما اكيد البنيه تعبانه ومصدومه والاغتصاب فد شي يخجل وهي مبين عليه موا هذني البنات الي موا راحه اكيد كل الي تعرضت اله كان موا بيدة والدليل انطتني عنوان بيتهم حتي نخبر اهله بمكانه .. صح كلامج ماما بس المفروض تحجي حتي القانون ياخذ مجراة وتاخذ حقه من الي اعتدى عليه… لحظه سيف اي اوكف هذا العنوان خل نسال صاحب هذا المحل…   العفوا اخويه وين بيت ام حرير… استغفر الله لاجيب طاري هاي الوصخه… ليش اخي ماداعي للغلط احنا دنسال وانت جاوب بادب. ..عمي هاي الحقيرة بايكه فلوس صاحب السوبر ماركت الجانت تشتغل عندة وانهزمت ويا صاحبه للخارج وامه خطيه مريه جبيرة ومن سمعت بالي صار مااتحملت وماتت والرجال الخير ابو تيسير سوى العزى لامه وهو الي صرف فلوس منه وقام بالواجب الله ينتقم منج حرير موتي امج بحسرته… زين هاي الحادثه صار كم يوم… عمي صار 5 أيام

كثير من الأشياء يكدر الانسان يستغني عنه لفترة بس مايتنازل عنه للابد ..جانت هاي حكمه بابا الله يرحمه بالحياة واني اليوم راح استغني عن حقي بشكل مؤقت بس مااتنازل عنه… من سمعت من خاله ام سيف بالي صار ويا ماما والتهمه الي ملفقه عليه ام تيسير… الشئ الي جان يهمني بهاي الدنيا هي،ماما… وهسه ماما ماتت بحسرة والم وقهر مثل بابا من مات بنفس الظروف الي جبرة عليه عموا… سيف… حرير انتي لازم تحجيلنا الي صار وياج .. اني مامجبورة احجي وهذا شئ خاص بيه واذا انت الك عليه فضل لان نقذتني فاني اكدر اقدملك كلمه شكرا هذا الي اكدر اقدمه الك اني حاليا مااملك من حطام الدنيا الا نفسي الي يصعد وينزل وملابسي الي عليه والتهمه الوصخه الي لفقه الي ابو تيسير… هذا انتي كلتيه تهمه وصخه ليش ابو تيسير اتبلى عليج وهذا الي صار وياج موا فد شي سهل هاي جريمه… اعرف هي جريمه بس اني لاحول ولاقوة الي موكله امري لرب العالمين… ونعم بالله بنتي بس احنا حابين نساعدج وربج ياخذ وينطي بيه حكمه انتي وكعتي بيد سيف حتي ينقذج وتاخذين حقج من الي ظلمج… خاله اني مااريد ادخلهم بمشاكل انتم في غنى عنها حقي اني اخذة بيدي غصب حيله اني اخذة… حرير احنا ماعيشين بغابه والبلد بيه قانون وسيادة وانتي تكدرين تاخذيين حقج….. هههه قانون اي قانون هذا يحمي القوي ويظلم الضعيف احنا المستضعفيين مالنا حق وحقنا ناخذة بايدينا… شتقصديين يعني تعالحين جريمه بجريمه ثانيه… ابني هسه موا وكته هذا الحجي وخلي حرير ترتاح… حرير اني باجر امرلج واطمئن عليج… اشكرج خاله يله تصبحين علي خير…  طلعت خاله ام سيف وسيف واني بعد ماتحملت ظليت ابجي وانقهرت اكثر علي ماما الله يرحمه اتوضيت وصليت واندعيت من ربي ينطيني القوة والعزم حتي اخذ حقي من ابو تيسير الكلب… الله ينتقم منك عموا فخري انت السبب بكلشي صار ويايه وقررت اطلع من المستشفى قبل لاتجي خاله ام سيف وبديت اواجهه مصيري لوحدي… طلعت واني مااملك ربع دينار وجهي واضح عليه التعب والجوع اخذ مني ماخذ وظليت امشي بالشوارع واني مااعرف شسوي ومن وين ابتدي حياتي ماقطعت املي برب العالمين وصلت لكنيسه وسمعت صوت جرس الكنيسه مااعرف شنوا حسيت باامل براخه بهدوء بشعور ممزوج بطمائنيه وراحه داخليه وسمعت صوت راهبه .. الرب للجميع لايفرق بين احبائه وهم في امس الحاجه اليه العذراء… تسمع اماني ونداء محبيها اشعلي شمعه واذكري امنيتك بقلب سليم ونيه خالصه لرب…  اني مسلمه بس من سمعت كلام الراهبه ارتاحيت وفعلا دخلت للكنيسه وشعلت شمعه وحجيت للعذراء مريم… ياعذراء اني جنت طاهرة نقيه شريفه لكن ماكدرت احمي نفسي من الدنس استباحوا عذريتي بكل برود وقاحه واني جنت مااملك بهاي الدنيا الا شرفي ودعاء امي وحرموني الانجاس من هاي النعمه بحق طهارتك وعذريتك وبعزة ابنك المسيح طهريني من الذنوب اريد طريق نظيف اشق بيه حياتي ومااتلوث من جديد… بوركتي العذراء… تسمع لمحبيها… معكي الاخت ناريمان راهبه كنيسه العذراء اعذريني عالسؤال اني سمعت دعائك وانتي واضح من حجابك انتي مسلمه ودتطلبين من العذراء… مساعدتج اني هنا اكدر اساعدتج بالي تحتاجينه..  اني عانيت هواي الي اريدة سكن ياؤيني وعمل شريف اعيش منه… ياعذراء المجد ليسوع… اليوم كان اخر يوم نستقبل بيه حاضنه للاطفال الايتام وانتي الرب رحمك وارشدكي لهذة الكنيسه تكدرين تقوميين بهذا العمل… اكيد،اكدر واذا تريدين من اليوم ابدي ..لا تعالي اعرفج عالعاملات بالحضانه وطريقه عملنا ونظام الحضانه ومن بكرى تبلشين شغل بمساعدة الرب…

بديت اتعرف عالبنات كلهن ظروفهن تعبانه وظروف الحياة جبرتهن عالعمل بهاي الحضانه ناريمان الراهبه جانت تقريبا عمرة 50 سنه بس هي كتله من الانسانيه كدرت تحتويني بعطفه وسكنت بنفس الكنيسه ويا الراهبات كنت ابتدي دوامي بالحضانه من الساعه ٦ الصبح لحد الساعه 4 ماكنت احس بتعب بالعكس الاطفال حلويين وقتي كله متفرغه الهم واغلبهم اتعودي عليه حتي الاهالي من يجيبون اطفالهم الصبح يجون يشوفني من كد مااطفالهم متعلقيين بيه ثاري وحقي ابد مانسيته اخذة من ابو تيسير وعموا فخري… نرجع لعائله ابو سيف.. ماما اني سالت كل المستشفيات والمراكز وماكدرت اوصل خبر عن حرير .. والله ياماما هاي البنيه كولش مقهورة عليه لاتروح تسوي شئ بنفسه ظروفه خطيه كولش صعبه… اني همات بديت اقلق عليه خطيه حتي اهل ماعدة ولا اقارب زين هسه هي لويش انهزمت من المستشفى وشنوا الشئ الي مارادت نعرفه عنه ..مااعرف ياسيف الي علينا سويناة والباقي علي رب العالمين… سيف طبعا اني اتعينت بمركز شرطه قريب علي بيتنا وكل تفكيري بحرير وكولش متندم لان ماعرفت شنوا الي صار وياها بالظبط… لحظه اجاوب اتصال… الو هلاو بابا شلونك .. تمام اكلك سيف اليوم بيت ابو منقذ عازمينهم بالبيت عالغدى ياريت تضبط نفسك وتجي عالغدى لان مثل ماتعرف تمارة بنت ابو منقذ فرصه ماتتعوض اريدك تتعرف عالبنيه زين حتي اخطبه الك… بابا اني حاليا ماافكر ارتبط اني كل تفكيري شلون اطور نفسي بشغلي واترقى… وانت ليش تتعب وتنتظر سنين حتى تترقى خطوبتك علي تمارة ثاني تصير برتبه رائد… بابا اني ماعتمد علي احد اني اطور نفسي بنفسي وموضوع تمارة هذا حاليا موا علي بالي .. 😡سيف لاتجلطني وتخليني انقلك لابعد منطقه بالعراق اوامري تتنفذ وبالحرف الواحد واضح كلامي اسمع كلمه نعم منك… اوكي بابا ..داكلك اسمع كلمه نعم… نعم صار تامر سيادة اللواء اي اوامر ثانيه… هذا بابا من يوم ماوعيت عالدنيا كوله يصدر اوامر واني لازم انفذ افففف هسه هاي منين طلعتلي تمارة امري لله اروح واشوف تاليه… نرجع لحرير..  بديت اطور نفسي وبديت اكمل دراستي وبين دراستي وشغلي ماعندي وقت حتي لنفسي اتعودت اعيش ويا الراهبات جانوا ناس قمه بالانسانيه والاخلاق جنت احترم دينهم وهما يحترمون ديني جنت كل يوم ادعي علي الي ظلموني ..عموما اني افضل من هواي بنات عايشين بين اهلهم وناسهم ومع ذلك يرتكبون موبقات ومعاصي وهما ولاكانما هامهم شئ اني داعيش وحدي ويا ناس موا من ديني وكدرت اعيش واشتغل بشرف وبيوم جتي عليه الراهبه ناريمان وكالت جوي عليج ناس ابنهم من ضمن الاطفال الي بالحضانه وهذا الطفل كولش متعلق بيج واهله يريدون تصيريين مربيه خاصه اله الطفل يتيم امه متوفيه وعايش،ويا والدة وبيبته… اذا تقصديين مروان فاني همات كولش متعلقه بيه بس اني اخاف اروح لبيت ناس مااعرفهم .. واني تصوريين راح اعوفج لناس مانعرف عنهم شئ بالعكس ابو مروان محامي معروف ومشهور وبيبي مروان مريه كبيرة بالعمر وبيتهم فخم وجبير وهما ناس،معروفين ابا عن جد بمهنه المحاماة بالبلد واهما مسلمين ها شنوا رايج واني شرطت عليهم راح تشتغلين لمدة اسبوع عجبج الوضع تستمريين ماعجبج تتركين وترجعين تشتغليين هنا بالحضانه ومكانتج ومعزتج،محفوظه… اني موافقه ..من باجر اتصل عالاستاذ عماد وابلغه بالموافقه..

وبالليل صليت واندعيت ربي الهي سيدي ومولاي مثل مانصرت يوسف نبيك وهو غريب بارض الفراعنه تسندني بلطفك ورعايتك يتيمه وانت الي تبلغني مناي تسهله بوجهي وتبعد عني السوء بجاة حبيبك النبي كملت صلاتي وجهزت ملابسي وجتي عليه ناريمان الراهبه وهي مبتسمه وجهه كوله حنيه وانسانيه… حرير انتي بنتنا عشتي بينا بكل احترام واني نيابه عن قداسه الاب والراهبات اجتمعنا حتي نشتري الك ملابس تليق بيج واعتبري نفسج احنا مثل اهلج والاهل مايحبون لابنائهم الا شئ المميز ..😢اني اشكرج ناريمان وفضلكم ماراح انساة طول عمري .. لاتبكيين اريد اشوف حرير الي واجهت الظروف القاسيه والرب مانساة وكفنا بطريقج وانتي خلي بالج المراحل الي دتمريين بيه ماهي الا علامات من الرب الج حتي يبن ان حقج موجود وهو بااستطاعته برمش العين ترجع اعتبارج وكرامتج اي شئ تتعرضيين اله وانتي بيت استاذ عماد تتصليين عليه واني اساعدج ومكانج محفوظ يااطهر وانقى حرير يله الرب يحميج ونوم هادي وابواب الحياة مفتوحه امامج… تصبحين على خير.. وانتي من اهل الخير ناريمان… رشا سعدون هذا نتيجه التحليل… اكدر اعرف شنوا النتيجه… الدكتور يفهمج… مرحبا دكتور هاي نتائج التحليل طمني دكتور… انتي متزوجه… لا مامزوجه ..ناقله دم لجسمج من شخص غريب… لا دكتور نهائيا اني مااعاني فقر الدم… عدكم مريض بالعائله بيه نقص المناعه..  دكتور اني عايشه لوحدي وعائلتي اغلبهم صحتهم ممتازة ممكن اعرف ليش هالاسئله… رشا انتي مريضه بالايدز…. لا دكتور غلطان اني كولشي مابيه اي صحتي تمام بس انتم الاطباء تحبون تقلقون المريض… رشا اسمعيني لا الوقت ولا استهزائج بهذ المرض بصالحج انتي لازم تجاوبين ويانا وتبديين تاخذيين علاج وقائي حتي ماتعديين الاشخاص الي يعيشون وياج… العلاج خارج العراق صح مكلف بس هو بيه نتائج لاباس بيه…واذا حابه اكتب تقرير بحالتج وتحبين منظمات المجتمع المدني يساعدوج اني بالخدمه… لا دكتور ماتوصل لحد اني اكدي علاجي من هيج منظمات اني ظهري قوي ومن باجر اسافر للخارج اتعالج وارجع مثل قبل واحسن….نرجع لحرير.. كعدت الصبح صليت ولبست ملابسي وجهزت جنطتي ودعت زميلاتي بالحضانه وسلمت عالراهبات ..وشوي وجتي عليه سيارة دازها استاذ عماد حتى اروح للبيت علكت شمعه للعذراء واتشكرت منه وطلعت من الكنيسه وصعدت بالسيارة وكل الاطفال من عرفوا اني تركت الحضانه ظلوا يودعني وياشروني بايديهم مع السلامه كان منظر يثلج الصدرلان حب الاطفال فطري واني الحمدلله كدرت استمد قوتي من حبهم الي ومشت السيارة واني وجهي مندار عالكنيسه والاطفال وابتدئ المشوار…

واني بالسيارة كان السائق تقريبا بعمر بابا الله يرحمه ..بنتي ولو فضول مني بس انتي مبين عليج بت اوادم وجهج سمح وحسيتج مثل بنتي اشواق ..اشكرك عموا ..اسمعي بنتي ترى بيت ابو مروان بيه خطوط حمرا مثل مايسميه استاذ عماد… شوفي بنتي اولا والدته لاتقتربين منه هي خطيه مرأة جبيرة بالعمر بس خرفانه مامسموح اي واحد يحجي لو يوصل لغرفته ست انتصار هي مسؤؤله عنه وهي حيل عصبيه وماتحب واحد يدخل بشغله واستاذ عماد يثق بيه واذا كرهت واحد ومارضت عليه بس تنطي خبر لاستاذ عماد يفنشه من الشغل ..الباقيين سدج امين منهم كولهم ناس طيبين من ست فوزيه مسؤؤله المطبخ لحد اني عمج ابو اشواق وترى استاذ عماد ماجابج رحمه والدين لا خطي مروان الزغير من كثر مايلهج باسمج ومتعلق بيج الا دزني للكنيسه واتفاهم ويا ناريمان اكثر من مربيه مااتحملوا مروان ويابنتي الاستاذ طبعه شوي بارد وقاسي وهو يحب اليشتغل ويا يطبق قوانيين البيت انتي يابنتي نصحتج وخليتج علي بينه… اشكرك عموا ..العفوا بنتي ها وصلنا للبيت يله تفضلي…  وصلت للبيت كان فخم بكل مااوصف البيت مراح اوفيه حقه الحديقه الاماميه للبيت داشوف اكثر من فلاح ديشتغل بيه نزلت جنطتي وصلت لباب دكيت الجرس… صباح الخير اني حرير المربيه الجديدة… اي بنتي اتفضلي ..استاذ عماد بالمكتب انطي علم بوصلج اتفضلي بنتي .  شكرا ..اتفضلي ست حرير استاذ عماد ينتظرج… صباح الخير… اسمعي هذا البيت الا قوانيين وشروط واني مااحب اي شخص كأئن من يكون يجاوزة..  اولا الوالدةوغرفته خط احمر .. مكتبي وجناحي الخاص خط احمر ..انتي كل عملج ويا مروان اني جبت اكثر من مربيه من الخارج يتكلمون لغات بس الظاهر عرفتي شلون تاخذيين عقل مروان ويتعلق بيج ومايستقبل مربيه ثانيه مهله الاسبوع الي اتفقت ويانا ست ناريمان مازالت ساريه… راتبج بدايه كل شهر انطيج غرفه خاصه الج قريبه علي غرفه مروان… .اذا شفت اي اهمال بشغلج بدقيقه انهي خدماتج هذا مختصر لشغلج واني ماعندي وقت تكدريين تبلشين من اليوم ويا مروان لحظه انتظري ام نورس تعالي للمكتب…  نعم استاذ تفضل… ام نورس اخذيه للغرفته ومن اليوم تبلش ويا مروان… .صار استاذ تؤمر… يله بنتي تعالي ويايه… اني ام نورس مسؤؤله عن شغل البيت هنا… اني حرير ..ماشاء الله حرير واسمج عليج تخبلين ربي يحفظج… شكرا ام نورس.. يله عيني تعالي اخذج للغرفتج واشوفج غرفه مروان هي قريبه علي غرفتج خطي هالمروان هذا من يوم عمرة شهر وتوفت والدته وظل ياعيني كل يوم بحضن مربيه شكل وماارتاح الا وياكم بحضانه الكنيسه ومن يومها وهو متعلق بيج يسميج رحيح… هههه بلي اعرف هو كولش متعلق بيه واني همات احبه….. يله عيني تفضلي هاي غرفتج اعوفج اترتبين جنطتج ومن تخلصيين اني موجودة بالمطبخ… لا ماكوا داعي بعديين ارتب ملابسي اريد اشوف مروان صار يومين ماشايفته كولش مشتاقتله….. يله عيني لعد اخذج لغرفته… .هياته غرفه مروان…. رحيح… هههه حبيبي مروان مشتاقتلك😔حبس رحيح… ياروحي واني همات احبك.. رحيح. سوعان اليد بيض 🍳 عسون… ياروحي انتي هسه اسويلك بيض عيون وحليب… ناتل ورحيح.. اي حبيبي اني اكل وياك… بس بالاول تعال اسبحك وابدلك حتي تطلع حلو… سبحت مروان وبدلت ملابسه ونزلت للمطبخ اني ويا حتي اسويله ريوك هو يحب ياكل بيض عيون اني من كنت بالحضانه الاطفال كولهم يحبون بيض عيون ونزلت للمطبخ واتعرفت علي ست فوزيه الطباخه ..ام نورس مسؤؤله عن التزامات البيت وبلشت اسوي ريوك لمروان… وهستوني بلشت بالريوك واسمع صوت وعياط 😳عوفيني مااحبح انا اكرهج ابني اريد ابني اريد ارضعت ماحبج انا مااحبج.. انتي وتالي وياج ياعجوز الشؤم تمشين لغرفتج لا اعرف شغلي وياج ..مااريد اريد العب ويا ابني عماد شوفي دياكل بيض اريد بيض… اهوووو دتعالي… لحظه انتي شدتسويين موا حرام عليج مرأة جبيرة شلون تسحبينه من شعرة… 😡حرمت عليح عيشتج وانتي منوا حتى تعلميني بشغلي اسكتين لااجي اعلمج حدودج… .اني ماسكت عالباطل ليش دتعيطين عليه حرام… ام نورس سكتيه هاي التافه ترى اعصابي بعد مااتحمل… اسكتي عيني ست حرير وانتي ست انتصار شوفي شغلج عيني هاي المربيه الجديدة وماتعرف بالقوانيين ..😏اي والله ماظل عليه غير وحدة خدامه اتفهمني شغلي لج انتي امشي ياعجوز الشؤم…. ياعيني ياحرير ليش تجادليين وياها هاي ست انتصار والاستاذ مايرفضله طلب واكيد من يجي استاذ عماد هادكله عليج…. اني مامسويه شئ غلط حتي اخاف منه خليه ادكله… ماعليج بيه وانتي اهتمي بمروان الحلو فدوة لمروشتي… رحيح تعاي نلعب… يله حبيبي كمل الريوك ونلعب اني وياك…. الو استاذ عماد اني احب اشكرج لان كسبت القضيه لصالحنا واني ممنون منك وانت متفضل عليه… هذا واجبي استاذ فخري… .يمعود هسه لو اني بالعراق جان سويتلك احسن عزيمه… اشكرك استاذ فخري اني وقتي محدود وقضايا عندي كثيرة احجي وياك وقت ثاني… العفوا استاذ عماد اخذت من وقتك مع السلامه… مرحبا اعرفكم بنفسي عماد محمد عمري ٣٨ سنه اني محامي يلقبوني زملائي بالزعيم لان اني ماكوا اي قضيه تستعصي عليه اشهر رجال الاعمال هما من موكليني باملاكمهم داخل العراق اني طبعي احب الكل يمشي عالقانون طبعي لاابالي بغيري مهما كانت ظروفه اني افضل نفسي اولا واخيرا لهذا اني المشاعر ماخليته تعرقل عملي الي يهمني مهنتي وبس اني ارمل زوجتي بعد الولادة اتمرضت وتوفت وابني مروان عمرة 3 سنوات جربت ويا اكثر من مربيه ماقبل يتقبل الوضع نصحوني بحضانه خاصه بااحد الكنائس ومروان اتعلق بوحدة من المربيات واليوم باشرت عمله من حجيت وياها وابد ماانتبهت عالشكله واني طبعي الغرور يسيطر عليه شوي اشوف الناس كل واحد ومستواة الي جذب انتباهي من حجيت وياها بقوانيين البيت ماسمعت منه ولاكلمه فضولي يقتلني اعرف شنوا هاي البنيه بالنسبه لوالدتي هي مريضه بالزهايمر بمراحل متقدمه من المرض واني اثق باانتصار لهذا هي المسوؤله علي رعاية امي ومنطيها صلاحيات كثيرة بالبيت… ..الو خلف اريد احجي وياك انت وين داتصل عليك وماتجاوب… هلاو رشاوي شلونج يمعودة مشتاقيين شنوا جديدج اشو ماكوا صبايا جدد هالاسبوع .. خلف انت وين اريد اجي احجي وياك… اني موجود هستوني وصلت لسوبر ماركت… اوكي اني مسافه الطريق وجايتك… يتبع عين الظالم تنام وعين المظلوم لاتنام وعزتي وجلالي لانتصرن للمظلوم ولو بعد حين حديث قدسي…

ليش هالصوت العالي انتصار.. حرير . تعالوا للمكتب ..اسمع منج انتصار.. استاذ حرير اخذت مروان وباتت برا البيت وقبل شويه جتي وسالته ليش اخذتي مروان وطلعتي واتهجمت عليه… حرير جاوبي هذا الحجي صحيح… انت تعرف مروان البارحه جانت درجة حرارته كولش مرتفعه واني اخذته للطبيب وهي تعرف وحتي بوكته منعتني مااخذ مروان بس اني ماكدرت اشوف حاله مروان دتسوء ويتخربط اخذته للدكتور الاطفال وجان عندة التهاب حاد بالوزتين ودخلت بيه مستشفى لان حالته جانت صعبه وحتي عموا ابو اشواق هو الي وصلني لعيادة الدكتور ومن اخذته للمستشفى همات جان ويايه… انتصار روحي كملي شغلج… اوكي استاذ… حبيبي باباتي مروان درجة حرارته لسه مرتفعه ..اي بس اليوم حالته احسن البارحه جان يوم كولش صعب وخفت علي مروان خطيه يون من الصخونه والالم… حرير اني اشكرج ..العفوا استاذ اني ماسويت شي هذا واجبي ومروان امانه عندي واني لازم احافظ عليه… تسلميين حرير اني ممنون منج ..العفوا استاذ اني اخذ مروان شوي يرتاح ..اني اشيله عنج انتي اكيد تعبتي… لا عادي ماكوا تعب.. لعد اوكي اخذوا راحتكم ....عجبتني هالحرير لان دتهتم بمروان اها نسيت ماانطيته تكاليف علاج مروان….حرير اخذت مروان وبدلت ملابسه وهو حبيبي نام واني اتمددت شوي لان البارحه مانمت وغفيت من كثر التعب… عماد رحت عالغرفه مروان كلت اكيد حرير موجودة ويا لان ماتعوفه وحدة بالغرفه وهو ومريض دكيت الباب ..ماكوا ..دكيت الباب مرة ثانيه كلت يمكن راحت لغرفته لعد اني ادخل اشوف مروان ..وفتحت الباب وجان اشوف حرير نايمه ومروان نايم علي ايدة ماادري ليش منظرهم حرك فد احساس مااكدر اوصفله هالمروان وهو طفل توفت امه وانحرم من حنانه وعاطفته بس اليوم من شفت منظرهم هو وحرير وشلون واحد يكمل الثاني حرير دتنطي الحنان والاهتمام وهو ياعيني ديعوض شعور فقدان الحنان الي انحرم منه ويا حرير ادينته الزغار شلون محوطهن داير ماداير رقبه حرير غطيتهم وطلعت… واني دانزل سمعت صوت امي دتبجي وانتصار دتعيط عليه ركضت دافتح باب الغرفه وجان اشوف انتصار دتضرب بامي 😡ياحقيرة شدسويين ليش تضربيه وعطت بيه وضربته وطردته من البيت… الو عيوني خلف اني اليوم كولش مشتاقتلك ليش ماتجي لشقه مالتي… وعيونج رشا تعبان ومااصدك ارجع للبيت حتي انام ..هاي شنوا خلف الظاهر مانعجب موا اني جاهزة مثل العروس…. ههه اموت اني عالعروس ثواني رشاوي واني يمج . ..اني الك ياخلف الكلب تعال وشوف شلون انتقم منك ياحقير انت الي وصلتني لهاي الحاله وتمرضت بالايدز… واجه خلف وانتقمت منه بطريقتي الخاصه….سيف بابا اني اريد احجي وياك بموضوع… اسمعك احجي.. بابا اني وتمارة عالاسبوع الجاي زواجنا… والمطلوب مني شنوا… بابا احجي ويا عموا ابو منقذ حتي يوافق يزوج موا شرط تمارة تكمل دراسته وعد مني بعد الزواج تمارة تستمر بالدراسه… ان شاالله اني باجر احجي ويا… اوكي بابا اني منتظر عالنار… هههه هاعيني سيوفي مستعحل عالعرس… اي ماما لعد صار شهور من انخطبنا والصراحه اثنينا مستعحليين عالزواج… ان شاالله نفرح بيكم انت وتمارة نريد نشوف احفادنا ..ان شاالله ماما لاترس البيت كوله زعاطيط😂… ..الو حبيبي تمارة اني حجيت ويا بابا حتي يحجي ويا ابوج عالموضوعنا وانتي ياتوته همات احجي ويا ابوج موا مابيه بعد صبر… اوكي حبيبي مثل ماتريد اني احجي ويا بابا وهو مايرفضلي طلب… يله حبيبي اني اروح للكليه اتاخرت ..اوكي حبي باي… حرير ثاني اليوم الصبح كعدت وشفت نفسي نايمه عالسرير مروان وقسة حرارته مروان شفته تمام الحمدلله احسن من البارحه كعدت مروان وغسلته وبدلتله ونزلت اني ويا نتريك… وشفت استاذ عماد مارايح للشغل… صباح الخير… صباح الخير شلونه مروان ..تمام الحمدلله .

هلاو تمارة حبيبي مشتاقلج… واني همات مشتاقتلك اكثر ..حبي اليوم اني عازمج عالعشى ..اوكي حبي ..تمام ساعه 9 امرلج… بايوا حبيبي ..باي😘توته ..دتسمعون هاي تمارة الي اعترضت عليه بالبدايه من بابا فاتحني بموضوع الخطوبه والارتباط تصدكون اول ماشفت تمارة بالعزومه صار تجاذب بينا وهي انسانه جدا متواضعه ومتهتم بالمظاهر مع العلم ابوها مركزها مرموق وشخصيه معروفه الي حبيته بتمارة اخلاقه اني وتمارة مخطوبين من اسبوعيين وداعيش. وياها احلى ايامي… هلاو رشا يمعودة مشتاقيين هاي شبيج وجهج اصفر مريضه شنوا… لا عيوني خلف شوي نزله برد واصير زينه بس اني اجيت اليوم لان محتاجه مبلغ ٣ الاف دولار… ليش شتسويين بهذا المبلغ… اي محتاجته اريد اسافر واسوي عمليه تجميل شوي تظبيطات لجسمي ولوجهي حتي ارجع ذيج رشاوي كيكتك الي ماتستغني عنه… ها اي رشا بس اني حاليا تعرفين ماعندي سيوله وفلوسي كوله بالسوك اكدر اساعدتج مليون دينار عراقي هذا الي اكدر اساعدج بيه… ها لا عيوني خلف اني مااريد اكلفك يله عيوني امرلك للشقه بالليل… لا تجين رشا اني اليوم مشغول .. اوكي لعد باجر امرلك ..  حياتي رشاوي همات مشغول باجر اني اذا صار عندي مجال اتصل عليج… .بيبي خوخايتي هاي وين صرت… العفوا اني اجيت بوقت موا مناسب… لاعيوني انتي جكجانه تجين باي وقت… رشا اعرفج بجكجانه هي تشتغل بمكانج حاليا انتي من تتحسن صحتج اجازة مفتوحه الج… اي تمام ابو تيسير اني اروح… الله وياج عيوني… .الكلب الحقير لعد لو تعرف اني مريضه HAV لعد شسويت شبسرعه بعتني يانذل اني الك وجكجكانه هاي السمسيرة الجديدة. ياكلب… الو ناريمان شلونج… حرير حبيبي انت شلونج كلنا مشتاقين حتي نشوفج اني هم مشتاقه للكنيسه والاطفال والراهبات ناريمان اشعلي شمعه للعذراء لان مروان كولش مريض وحرارته مدتنزل… حبيبي الرب يشفيه… امين يارب يله ناريمان مع السلامه ..الرب يحفظج حرير…. عيني ست حرير استاذ عماد كل شوي متصل يسال علي مروان شلون صار . مثل مدتشوفين يافوزيه حرارته مدتنزل،اني لازم اخذة للدكتور مايصير هيج هذا طفل مايتحمل واذا ابوة مسافر يعني نظل نتفرج عليه.. يابنتي موا استاذ عماد مايقبل نتصل عالدكتور ولايقبل ناخذة للطبيب يكول اني من اجي اخذة وست انتصار هي الامر الناهي بالبيت ومراح تخليج تاخذيه… راح اخذة للدكتور والي يصير خل يصير يله عيني دزي علي ابو اشواق يجي ياخذنا بالسيارة… يابنتي ست انتصار ماتقبل واخاف من تعرف اني ساعدتج اتبطلني من شغلي ..اوكي لعد اني اتصرف… لحظه بنتي اخذي هاي فلوس وياج تحاتجينه… لا شكرا اني عندي الي مكفيني وزيادة لبست مروان ملابس ثخينه واخذت ونزلت اربد اخذة للطبيب…. وين عيني ست حرير ماخذة مروان… للطبيب عندج مانع… طبعا عندي مانع انتي موا بكيفج تتصرفيين انتي مجرد مربيه هنا وشغلج توكلين وتلبسين مروان وبس ويله جيبي،مروان واطلعي اخذي ملابسج من اليوم ماكوا الج شغل بهذا البيت… 😡انتصار وخري من دربي لا وحياة ماما وبابا اشوفج شئ عمرج ماشايفته يله وخري من وجهي الطفل دينازع من الصخونه وانتي لاابالي وخري عني… .دفعتي لانتصار ومعت عالوجهه. وشفت عموا ابو اشواق صعدت بالسيارة واخذت مروان للطبيب وشخص الدكتور حاله مروان التهاب حاد باللوزتين كتبلي دخوليه للمستشفى واخذت مروان ودخلت مستشفي الاطفال يوم واحد وتحسنت صحه مروان وطلعت واتصلت علي عموا ابو اشواق… الو صباح الخير عموا تعال اخذنا مروان صار زين وطلعت من المستشفى… يابنتي ماكدر اجي ست انتصار اخذت السويج مني ومااطلع بالسيارة الا بعلمه ..اوكي ماشي اني ادبر نفسي واخذت تكسي وصلت للبيت… شرفتي حضرتج ست حرير اني اتصلت علي استاذ عماد وهو اليوم علي وصول وراح يعرف شلون يتصرف وياج… انتصار اسمعيني اني مااتهدد ولا اخاف من اي واحد واذا علي استاذ عماد يحاسبني اني نقذت ابنه من المرض لو متاخريين شوي جان هسه مروان اسم الله عليه ميت… لج انتي خلك مربيه دجيبي للولد واطلعي برا يله… .😡والله عال علي اخر الزمن بيتي صار كوله عياط وصراخ مال نسوان ليش دتتعاركون ها احجي انتصار… استاذ هاي حرير صار يوم كامل ماخذة مروان برا البيت ومانعرف وين جانت واني من حرصي علي سلامه مروان داساله وهي تهجمت عليه … انما الاعمال بالنيات من يتقي الله يجعل له مخرجا ويرزقه من حيث يحتسب ومن حيث لايحتسب صدق الله العلي العظيم..  الرب مع احبائه

اخذت مروان ورحت للمطبخ داسوي ريوك بيض عيون وحليب لمروان ..صباح الخير.. صباح الخيرات… شنوا هلابتسامه الحلوة اليوم ست فوزيه انتي وام نورس ..لج عيني ليش اني لو جاي بيدي جان ركصت من الفرحه… ليش شصار.. انتصار البارحه استاذ عماذ شافه وهي دتضرب ام عماد جان يضربه ويطردة من الشغل الحمدلله هم وانزاح… الحمدلله علي كل حال اللهم لاشماته… لا عيني حرير اصلا هيج شكولات شايفه نفسه عالفاضي حيل بيه الشماته .. ام نورس كل انسان ويحصد نتيجه عمله واخطائه والغرور والتكبر ماياذي الا صاحبه ماطار طيرا وارتفع الا كما طار وقع لكل شي نهايه وانتصار الله يسامحها عاملت الكل بغرور ومارحمت بالحجيه وهي امانه بركبته ..يمعودة خلصينا من طاريه سوي ريوك لمروش واني داجهز ريوك استاذ عماد ..ليش هو اليوم ماراح للمكتب ..لاعيني هو اليوم حب يظل يم الحجيه ونشر اعلان حتى يشوفله ممرضه تهتم بيه ..اوكي لعد اني اكمل الريوك لمروش… سويت ريوك مروان واخذته وشفت استاذ عماد ديلعب ويا مروان انتبه عليه وعدل كعدته وترك مروان من ايدة وظل كاعد بمكانه اني جبت الريوك وبديت اوكل مروان ..باباشكوا ..بيض رحيح تيب. اتل ويايه تعاي بابا....ممم. صدوك كولش طيب… بالعافيه ..انتي سويته . بلي اني تحب اسويلك استاذ ..لا اخاف اتعبج ..لاعادي ماكوا تعب دقايق واجهزلك البيض… عفت مروان ويا ورحت المطبخ وشفت ام نورس مجهزة ريوك لاستاذ عماد ودتريد تاخذة للاستاذ ..لحضه ام نورس خلي اسوي بيض عيون للاستاذ لان اكل ويا مروان وعجبه البيض.  براحتج بنتي لعد من تكملين البيض اخذيه لريوك للاستاذ ولو تصير زحمه عليح… لا عادي اني اخذة ..كملت بيض عيون واخذت الريوك وقدمته للاستاذ عماد وسمعت صوت الحجيه خطيه .. جوعانه جوعانه عماد ركض استاذ عماد عالحجيه ونزله من الدرج وجابه وكعدة وياها عالريوك وبدا يوكل بيه… استاذ اني كمل ريوك اني اوكله ..اشكرح بس هاي امي واني ملزوم بخدمته… عادي الحجيه حالته خاصه واني شفت بالكنيسه اكثر من حاله دتتعالج بالمصحه الي بالكنيسه ..يعني عندج المام بمرض الزهايمر .. بلي اعرف شلون اتعامل ويا مريض الزهايمر هو مرض يتعلق بالذاكرة واذا مرحله متطورة من المرض المريض ينسي كل تفاصيل حياته واحيانا يرجع طبيعي لمدة ساعات وعالاغلب يستمر بحاله النسيان ويبدا ينسي كلشي استاذ عماد اني ابد ماجانت عاجبتني انتصار بتعامله ويا الحجيه وحجيت وياها اكثر من مرة بس للاسف ماسمعت كلامي… لعد ليش مااجيتي عليه وكلتي ..استاذ موا انت من اول يوك كلت امي وغرفته خط احمر لهذا اني ماادخلت بالموضوع..  بلي صحيح اتذكر كلامي اني جنت واثق باانتصار ومنطيه صلاحيات كثيرة بالبيت بس للاسف خانت الثقه والامانه… استاذ عماد موا كل شخص يستحق نفسحله مجال يدخل ويتحكم بحايتنا الشخصيه اكوا اشخاص موا كفؤا نخليهم بمسؤؤليه والتزامات وهما اصلا خايينين لنفسهم بالاول فكيف يلتزمون بتحمل هيج مسؤؤليه ..صح كلامج انتي وين واصله بالدراسه .. اني ظروفي ماسمحتلي اكمل دراستي اني حاليا دادرس خارجي سادس اعدادي… برافوا عليج اهم شى دراستج… استاذ عماد لاتشيل هم اني اداري الحجيه ..اني مااريد احملج اكثر من طاقتج ..لاعادي استاذ اني متعودة اشتغل باليوم اكثر من ٦ ساعات باليوم ..اني اشكرج حرير وراتب راح يزيد ضعفين ..لا اني مااهتم للماديات .. لا بالعكس اني مدانطيج اكثر من حقج لان انتي تستاهلين هذا المبلغ ولاتنسبن وراج دراسه وتحتاجيين مصاريف .. اوكي اشكرك استاذ ..لحظه اجاوب عالاتصال… حبيي استاذ فخري شخبارك .. مشتاقيين ابو مروان يمعود ليش ماتسال.. اني اعتذر منك بس مثل ماتعرف اني مشغول وحتي وقت ماعندي اشوف عائلتي .. لعد اسمع مني هذا الخبر اني جاي للعراق لاسبوع الجاي.. اخلى خبر سمعته لعد تدري شلون انت معزوم عندي من توصل بالسلامه لبغداد . اشكرك ابو مروان يمعود تصير زحمه… لا ليش هو كم استاذ فخري عدنا ..استاذ عماد اني جيتي لبغداد اريد اخلص موضوع واخلل ذمتي ومحتاح وكفتك ويايه بهذا الموضوع.   تامر استاذ فخري اني بخدمتك… اوكي لعد نتواصل اني وياك من اجي لبغداد مع السلامه حبيبي ...يله اني استلذن واشكرح حرير مرة ثانيه ..العفوا استاذ…. تمارة حبيبي واخيرا انجمعنا سويه بيت واحد توتايتي انتي الي اليوم وحدي ..سيوفي اخجل حباب… اموت اني عالخجلان دتعالي وووور… اتصلت عليه ناريمان وعرفت منه الكنيسه ومنظمات مجتمع مدني باجر يسوون احتفاليه خيريه حتي يجمعون تبرعات السوق الخيري لمرضي السرطان والايدز وكانت الاحتفاليه يحضرها مشاهير من الساحه الاعلاميه وفنانيين ومطربين حتي يكون ريع هذا الاحتفال للمرضى المصابين بفايروس HAV  وغيرها من الامراض المستعصيه الي مالها علاج بالعراق وطلبت مني اجي احظر هذا الاحتفال استاذنت من استاذ عماد واخذت ويايه مروان وعموا ابو اشواق وصلني للكنيسه والكل انجمعوا عليه الراهبات الاطفال المسنين الي بدار الرعايه الي بالكنيسه شعور حلو من يشوف الانسان مشاعر فطريه وعفويه يبادلك بيه ناس ماعشت وياهم الا ايام معدودة ولسه ديتذكرون العشرة ..طبعا حبيبي مروش خطيه اندمج ويا الاطفال ورحت للكنيسه وعلكت شمعه  للعذراء… وكملت الدعاء وطلعت اخذت مروش وكعدت بالحديقه اني وناريمان وشفت فد وحدة جتي عليه لابسه كمامه ..انتي حرير… بلي اني حرير انتي تعرفيني… بلي حق المعرفه… بس العفوا اني مااعرفج… حرير 😢ارجوج سامخيني اني جنت السبب بالي صار بيج اني رشا ..😳رشا معقوله..  اي بلي 😳رشا شوفي شصار بيه اني مريضه بالايدز وداعاني من المرض وابو تيسير الكلب اتبرئ مني وحتي فلوس علاج ماانطاني بس اني ماسكتت عاشرته وسببتله العدوى وهو حاليا حالته الصخيه تعبانه هو واني اثنينا مرضى بالايدز… حسبي الله ونعم الوكيل علي كل ظالم ليش الي سويتي ويايه قليل انتي السبب خليته يغتصبني ويضربني ويرميني بالنهر بس رب العالمين خلاني عايشه حتي اشوف بيكم هذا اليوم بسببكم ماما توفت وهي مقهورة عليه وشوهتوا سمعتي بين الناس روحي الله ينتقم منج دنيا واخرة وهذا الي صار وياكم نقطه بحر من عقوبات الهيه بحقكم الله عالم كم بنيه وكعت ضحيه بابيدكم… 😢حرير اني لاحول ولاقوه ارجوج سامحيني اتوسل بيج ابوس ايدج ارجوج.. رشا حتي اذا سامحتج اني عقوبه رب العالمين اكبر من كرهي الج… ناريمان ..حرير اعفي عنها وهي جتي تطلب من السماح وهسه هي مريضه والاسلام دينكم يكول اعفوا واصفحوا حتي تتعايشوا… صح كلامج ناريمان… روحي رشا اني كلبي مايشيل حقد والحمدلله ربي اخذلي حقي منكم بالدنيا وان شاالله بالاخرة اكثر ..😢حرير ادعيلي اني داموت ارجوج ..المشافي هو الله اني مابيدي شئ عليج…. وراحت رشا وهي هلكانه من المرض مع ذلك ماتشمتت بيه ليش لان احنا الناس الطيبه رب العلمين واضع بقلوبنا رحمه عالفطرة دنعيشه مانكتسبه الحمدلله الي شوفني يوم بااعدائي الي ظلموني واخذلي حقي ..اخذت مروان ورجعت للبيت وشفت خاله ام نورس،وفوزيه ديجهزون اكل الظاهر استاذ عماد مسوي عزيمه… اساعدكم.. لاحبيبتي بس اذا تحبين جهزي المائدة ورتبيه .. اخذت الصحون وبديت ارتبه ومروش ديلعب يمي وسمعت صوت استاذ عماد… اهلا وسهلا استاذ فخري اتفضل اني جنت منتظرك اشو اتاخرت.. اتاخرت بالطريق لان جان ازدحام الله يزيد ويبارك العراق مطور بس بكثرة السيارات وموديلاته الحديثه بس الوضع مثل ماهو البلد خرابه وتعبان..  😳عموا فخري معقوله… حرير بلغي ام نورس اجهز الاكل عالمائدة… حرير حرير دتسمعيني ..عموا فخري اكيد ناسيني اني حرير.. 😳حرير بت اخويه صبري .. انتي شدتسوين اهنا .. وانت هذا الي هامك… لا بس داسال… العفوا استاذ فخري انت تعرف حرير .. بلي بت اخويه… 😳شنوا حرير بت اخوك… بلي بت اخويه واني هذا الموضوع ابي احيت علمودة للعراق ..استاذ فخري فهمني شنوا الموضوع.. 😡اني افهمك استاذ عماد عموا كذب علي بابا وخلاها ياخذ مبلغ وقدرة من خزينه المصرف الي جان بابا يشتغل بيه وعمي اخذ المبلغ وسافر لخارج وبابا سلم نفسه للقضاء وانحكم بتهمه الاختلاس وبابا ظل 4 اشهر بالسجن ومات ومن بعد هذا كله اني وماما الناس الخيرة ساعدتنا وسكنا بمشتمل واني اشتغلت بسوبر ماركت وصاحب الشغل اغتصبني ولفني بجيس ورماني بدجله ورب العالمين سخرلي شباب ونقذوني وماما اتوفت من حسرته عليه لان صاحب الشغل شوة سمعتي وماما مااتحملت وتوفت واني عشت واشتغلت بكنيسه والناس المسيح الي هما موا من دينا احتوني وعاملوني بالحسنى… هاي قصتي واني داشتغل مربيه لابن استاذ عماد واني يوميه ادعي بصلاتي عليك انتقم منك والله جابك لحد عندي ليش سويت هاشكل حطمت عائله اخوك من ورى طمعك وجشعك .. كلامج كله صح واني من يوم الي سافرت لتركيا مامرتاح صح صارت عندي شركه بس زوجتي خانتني ويا عشيقه واخذت نص فلوسي وهربت ويا وبنتي ازل اندعمت بحادث سيارة وماظليت بس اني وابني عمر وانتي تعرفين وضعه الصحي وهو ديعاني من متلازمه داون.. اني كل هذا مايكفيني اريد ابري ذمه بابا من تهمه الاختلاس حتي ينام بقبرة مرتاح .. مااكدر حرير،لاتجبريني علي امور اني مااتحمله ارحميني لخاطر هالشيبه… لا مستحيل الي عندي حجيته… استاذ فخري انت اعترفت بجريمتك واني شاهد علي هذا الاعتراف واني بصفتي محامي وداطبق القانون مظطر اسلمك للسلطات المعنيه… ونحكم عمي بس الحكم جان مخفف لان عمرة جبير واني عملت بااصلي خليت استاذ عماد يسوي طلب لابن عمي عمر لان هذا انسان مريض وموا من حقي اظلمه عمر حاليا ديتعالج ويتعلم وهو عايش ويا الاطفال الي يعانون من نفس مرضه بالكنيسه ..اني كملت دراستي وحاليا دادرس حقوق ومروش كبر وصار عمرة ٨ سنوات والحجيه دتتعالج بالمصحه اني حاليا مرتبطه باستاذي اكيد عرفتوا ابو مروان واتفقت اني ويا اكمل دراستي ونتزوج هو عرف اني ضحيه بهذا المجتمع والظروف الي جعلتني قويه واخذ حقي وماستسلم بالنسبه لعنوان القصه .  سيف وحرير . كلمه سيف مامقصود بيه شخصيه سيف ..كنت اقصد الظروف الي مرت بيه حرير احد من السيف ومع ذلك استمرت وقاومت وكان امله بالرب عظيم واخذت حقه بالدعاء علي الظالم وانتصر المضلوم… ادعوني استجب لكم ..حديث قدسي
..تمت القصه دمتم سالمين…

شيفون عبد الحميد الياسري