رواية قصص رومانسيه الفصل السادس عشر 16 - بقلم الحساب مغلق

فرح : طلعت من الجامعه ورحت للشغل شغلي يبدي الساعه 2 للساعه 7 دخلت للكافي غيرت ملابسي للزي مال عمل وبديت اقدم الطلبات جانوا اكو شله شباب كاعدين ومبينين مطلطلين

احد الشباب : ولكم شوفو هاي الحاته

الثاني : اي والله صدوك حاته

الثالث : شوفو صيحو عليهه تاخذ طلباتنه

الاول : ماشي شوفو شلون راح ارقمهه صحت عليه يا بنيه ممكن نطلب

فرح : اووف اكيد راح يبدون بالواكه ما لكو غيري يصيحوله وكفت يم الطاوله مالتهم وكتلهم تفضلو شنو طلباتكم

الاول : اني اريدج

فرح : عفواً

الاول : شبيج هسه لا تبعين ثكل براسنه هاج هذا رقمي واحجي وياي ماشي

فرح : لا مو ماشي واحترم نفسك اني اشرف منك ومن اهلك افتهمت قليل الادب

الاول : لزمت ايدهه وحطيت الرقم بيدهه

فرح : هاي شدا تسوي هد ايدي ولا تخليني اتصرف وياك تصرف ما يعجبك يلا وخر

الاول : ما اكدر اهد ايدج ﻷن ناعمه وملمسهه حلوو

فرح بصراخ : هد ايدي حقير انت ما عندك خوات وتتصرف ويه بنات العالم بهاي الطريقه

مهند : جنت اني وفهد كاعدين بالكافيه وسمعت صوت بنيه تصيح باوعت لكيت شله شباب مطلطلين يتحارشون بيهه وواحد لازم ايدهه اتعصبت كمت دا اروح اطيح حضهم بس وكفني فهد

فهد : وين رايح مهند معليك بيهم ولا تسويلنه مشاكل

مهند : يمعود متشوف شلون دا يضايقون البنيه هذوله لازم واحد يوكفهم عند حدهم توجهت نحوهم قلت انت متستحي تسوي هيج ويه البنيه ويلا هد ايدهه لا اكسر ايدك هسه واحترم نفسك

الاول : وانت شعليك لازم انت الكبل مالتهه

مهند : لا انت صدوك تريد الاهانه لزمته من ياخته وضربته بوكسي ورمت عينه

فرح : صارت عركه بالكافيه التمو الناس وفكوهم الحقير اخذ الشله مالته وطلع شفت رحت للولد الي ساعدني وكتله ما اعرف شلون اشكرك واني اتأسف لأن تسببت الك بمشكله

مهند : لا عادي مصار شي وبعدين يستاهل هاي الكتله لأن واحد سافل وميعرف شنو معناة كلمه شرف للبنيه وماكو داعي للشكر هذا واجبي

فرح : شفت مدير الكافيه اجاني وهو عصبي

المدير : فرح انتي مطروده

فرح : ليش استاذ شنو سويت علمود تتطردني

المدير : اني ما احب واحد يسوي مشاكل بالكافيه مالتي وهسه تصير عليهه سمعه وبعد محد يطبلي

فرح : بس استاذ اني شنو ذنبي انت ما شفتهم همه بدوا يتحارشون بيه واني بالبدايه سكتت وبعدين واحد منهم تجاوز حدوده وياي شلون اكدر اسكت

المدير : فرح دائماً تصير مشاكل بسببج لذلك انتي مطروده ورجاء لا توجعين راسي

فرح : اوك استاذ خرجت من الكافي وجلست ابكي على احد المقاعد في الحديقه المجاوره

مهند : لحقت بها يجب ان اعتذر منها لقد طردت من عملها بسببي رأيتها تجلس اتجهت نحوها وجلست بجانبها قلت اني اسف انطردتي بسببي

فرح : ماكو داعي تتأسف انت مالك دخل هاي من اخلاقك انك وكفت وياي اصلا المدير واحد حقير يريدني اسكت حتى لو تحارشوا بيه الولد بس علمود لا تشوه سمعت الكافي مالته ما اعرف ليش ماخذين نضره مو زينه عالبنات الي يشتغلن

مهند : هذوله ناس متخلفين يلا اني استأذن لازم اروح واعتذر مره ثانيه

فرح : عادي مصار شي وشكرا الك

مهند : العفوا باي

فرح : باي شعرت بأنجذاب نحوه انه انسان في غايه النزاهه رجعت للبيت رأيت والدتي تعمل ببعض الاقمشه

السيده نهله : فرح اليوم شو اجيتي من وكت

فرح : اي ماما انطردت

السيده نهله : شنو طردوج ليش

فرح : لأن قلت لأمي عن كل شيء حدث معي

السبده نهله : يلا حبيبتي لا تضوجين انشالله تلكين شغل بمكان احسن منه

فرح : انطيني خل اساعدج اشتغلنا سوه لحد ما خلصنه

فهد : مهند يمعود وين صافن صار ساعه احجي وياك

مهند : تعرف اول مره اشوف بنيه بهاي الاخلاق والادب كل البنات بهذا الوكت مايعات وخاصه اليشتغلن بالكافيه وهيج بس هي غير عنهن تختلف

فهد : الظاهر اخونا انعجب بالبنيه

مهند : ما انكر اي انعجبت بيها وبأخلاقها

فهد : ما اصدك مهند الي عمره ما اهتم للبنات وأخيراً وكع بشباك وحده

مهند : ههههه هي غير عن البنات هاي البنيه بيه شي مميز خلاني انجذب الهه

فهد : اي عيني هسه انت معجب بيهه شنو الفائده

مهند : شنو قصدك

فهد : يعني لا اخذت رقمهه لا عرفت عنوان بيتهم ادري مدكلي انت شلون تتصرف

مهند : يعني شنو اكولهه اني انعجبت بيج واريد رقمج اكيد راح تأخذ عليه نضره مو حلوه وعبالهه اريد العب عليها يلا خليهه على الله اذا يريدني التقي بيهه فراح التقي بيهه تحت اي ظرف كان

" في اليوم التالي "

فرح : طلعت من الجامعه جنت محتاجه كم شغله من السوبر ماركت دخلت للسوبر اخذت سله وبديت اخذ الغراض المحتاجتهن التفت وشفته هو نفس الشخص الي ساعدني

مهند : جنت جوعان طلعت للسوبر ماركت اشتري المعلبات وشفتهه فرح

فرح : هلو

مهند : هلو اشلونج

فرح : تمام الحمد لله وانت

مهند : تمام بس شنو انتي بيتكم هنا

فرح : لا بيتنه مو هنا بس اني بالجامعه قربيه منا

مهند : هاا يعني انتي تدرسين وتشتغلين

فرح : اي وانت هم بالجامعه

مهند : لا اني بيتي هنا اني متخرج من 6 سنين بالمناسبة انتي لكيتي شغل لو لا

فرح : لا بعدني البارحه ما لحكت ادور هسه راح اروح ادور

مهند : شنو رأيج تشتغلين ويايه بالشركه

فرح : شنو تحجي صدوك

مهند : اي ليش اكو شي غريب بالموضوع خاف انتي متردين

فرح : لا شلون ما اريد بس ما اعرف انصدمت ما جنت متوقعه احصل على هيج شغل ما اعرف اشلون اشكرك

مهند : ما داعي للشكر هذا واجبي

فرح : تسلم

مهند : تعالي تفضلي ويايه للبيت وهم نتفاهم على الشغل

فرح : لا تسلم ما اريد ازعجك غير وقت

مهند : اي ازعاج تعالي تعالي

فرح : اوك طلعنا من السوبر ورحنا لبيته طبعاً مو بيت قصر كولش جبير وحلو الله يزيده انشالله وينطيني مثله

مهند : تفضلي فرح

فرح : زاد فضلك دخلت للبيت استغربت بيت شكبره شعرضه ما بيه احد بس شخص واحد انته عايش وحدك

مهند : اي عايش وحدي اهلي متوفين من واني صغير يعني حتى ما اذكرهم تربيت عند خالي هو الي درسني وكبرني لحد ما وصلت لهذه المرحله وبعدها توفى خالي وضليت وحيد

فرح : اها شفته الله يعينك دخل للمطبخ دخلت وراه جان يفتح المعلبات انت تاكل معلبات

مهند : اي عايش عليهن

فرح : بس تره ميصير اكل شي مفيد بالصحه شنو هذني

مهند : ما اعرف اطبخ شسوي هذا اسهل شي اكدر اسوي

فرح : شو وخر خل اني اسوي اكل شنو مشتهي اسويلك

مهند : لا شنو هالزحمه ما اريد اتعبج

فرح : لا بالعكس اني احب اطبخ ما اتعب يلا احجي شنو مشتهي وهسه اسويلك

مهند : تدرين صارلي هواي ما ماكل أكل بيت يعني لو معلبات لو بالمطعم ومشتهي دولمه كولش

فرح : اوك هسه اسوي انت اكعد عالميز واتعلم شلون اسويهه علمود من تشتهيهه تعرف شلون تسويهه

مهند : اوك جلست ارقبها وهي تعمل

فرح : انتهيت من الطبخ بعد اشويه وتستوي

مهند : تسلمين تعبتج

فرح : الله يسلمك لا بالعكس مسويت شي

مهند : شوفي فرح اني اشتغل بشركه حاسبات وانتي راح تكونين السكرتيره مالتي يعني كل عملج تنضمين المواعيد تجهزين الاجتماعات واكو بعد شغلات راح تعرفيهه من تبدين بالشغل

فرح : اوكي شكراً استاذ

مهند : هاي شنو استاذ شنو ماكو داعي لكلمه استاذ كولي مهند حاف

فرح : لا شلون ميصير

مهند : لا يصير تحسسيني شايب من تكوليلي استاذ

فرح : هههه لا بعدك شباب اوكي راح اصيحلك بس مهند

مهند : اي هيج

فرح : وهاي الدولمه خلصت سويت زلاطه وحطيتهه عالطوله يلا ضوكهه وكولي شنو رأيك

مهند : الله عاشت ايدج تخبل نفسج طيب بالاكل

فرح : بالعافيه يلا

مهند : ليش واكفه تعالي اكلي وياي

فرح : لا ما اريد شبعانه يلا اني لازم اروح

مهند : وين بعد وكت

فرح : لا تأخرت وشكرا على الضيافه يلا باي

مهند : باي اتذكرت اني ما عندي رقمهه فرح بس ممكن رقمج

فرح : اها نسيت انطيكيا سجل يمك 077....... باي

مهند : باي

فرح : يا الله ما اصدك حصلت على وضيفه ومحترمه اجمل شي بحياتي لقائي بهذا الملاك مو بشر ملاك ونازل من السماء رجعت للبيت واني طايره من الفرح دخلت للمطبخ لكيت ماما تسوي غده شبكتهه من وره اشلونج ماماتي

السيده نهله : هلو حبيبتي شايفتج فرحانه

فرح : اي وراح اموت من الفرح

السيده نهله : انشالله دومج هيج فرحانه بس شنو السبب

فرح : لكيت شغل بشركه مال حاسبات واني راح اكون السكرتيره

السيده نهله : الحمد لله والشكر ربج ما ينسى احد

فرح : والنعم بالله

السيده نهله : اي وشوكت تبدين شغل

فرح : باجر انشالله

مهند : بقيت افكر بفرح انها تجذبني اليها اكثر فاكثر لا اعلم لماذا اشعر بشعور جميل معها لم اشعره مع غيرها أبداً اعتقد انني بدأت احبها قررت ان اتصل بها

فرح : الوو

مهند : الو هلو فرح اني مهند

فرح : هلو مهند تفضل

مهند : اتصلت بيج علمود تعرفين هذا رقمي وتسيفي يمج

فرح : اوك تسلم مهند ما اعرف شلون اشكرك على هذا جميلك ويايه

مهند : يمكن هاي المره الالف تشكريني اني مسويت شي بس انطيتج وظيفه لا أكثر ولا أقل

فرح : ههههه شكد ما فرحانه اريد كل شويه اشكرك

مهند : دومج انشالله فرحانه

فرح : تسلم

مهند : الله يسلمج

فرح : مهند اني لازم اروح هسه باي

مهند : اوك اخذي راحتج باي

فرح : ياي وكفت وضليت اكمز على الجربايه مهند انت احلا شي صرت بحياتي سمعت صوت ماما تكول

السيده نهله : منو هذا الي صار احلى شي بحياتج عيني

فرح : هاا لا هيج ماما جنت احجي ويه روحي سويت مشهد رومانسي من الملل

السيجه نهله : الحمد لله والشكر اتخبلت بنتي يلا نامي وراج دوام باجر

فرح : ماما اني قررت اترك الجامعه منا لمن تتحسن اوضاعنه ارجع اداوم

السيده نهله : شنو لا بنتي اني كبرتج وتعبت عليج بس علمود تخلصين دارسه وتتوضفين بشهادتج

فرح : اي ماما اني وياج اني ما كتلج راح اعوفهه للأبد بس بين ما تتحسن اوضاعنه ارجع ادرس

السيده نهله : ماشي الي تريدي سوي

فرح : اموواح لا تضوجين حبيبتي

السيده نهله : يلا روحي نامي تصبحين على خير

فرح : وانتي من اهل الخير حبيبتي

" في اليوم التالي "

فرح : استيقضت صباحاً وانا في قمه النشاط غيرت ثيابي وذهبت الى الشركه دخلت الى مكتب مهند قلت صباح الخير

مهند : هلا صباح الورد ما توقعت تجين هيج من وكت وانتي عندج دوام بالكليه

فرح : اكيد اجي من وكت واني تركت الدراسه هاي السنه

مهند : شنو ليش

فرح : لحد ما تتحسن اوضاعنه ارجع ادرس هيج احسن

مهند : اوك براحتج

فرح : اكدر ابدي هسه شغل

مهند : اي طبعاً

فرح : خرجت من مكتبه ودخلت الى مكتبي الذي يكون بجواره بدأت اعمل حتى حان وقت الاستراحه

مهند : فرح

فرح : هاا

مهند : تكدرين تطلعين اذا تعبانه

فرح : لا متعبانه بالعكس متونسه بالشغل

مهند : ممكن اطلب طلب

فرح : اي اكيد تفضل

مهند : الصراحه اكلج عجبني كولش واريد تسوين اكله من ايدج اذا ماكو ازعاج

فرح : اي تدلل اي ازعاج غالي والطلب رخيص باجر راح اسويلك لزانيا

مهند : تسلمين

فرح : الله يسلمك عيوني

مهند : ابتسمت وخرجت

فرح : ثول شبيه اني استخفيت شنو اكله عيوني هسه شيكول عليه عابت لي ما ادري شيصير بيه بس احجي وياه

مهند : شبي اني تخبلت يعني ردت احجي وياهه امنت بالله بس انثولت مدري بشنو احجي اكوم واحجيلهه عالطبخ عمه بعيني هسه شتكول عليه كل همه بطنه بهاي الاثناء اتصل عليه فهد

فهد : هلا ابو الشباب اشلونك ضلعي

مهند : هلو فهودي اني بخير وانت

فهد : تمام اشلونك ويه الحب

مهند : يا حب متكلي واني مثل الاثول

فهد : شكو شبيك

مهند : اتوقع اريد احجي وياهه ما اعرف شحجي تعرف شنو كتلهه

فهد : شنو

مهند : كتلهه اكلج عجبني تكدرين تسويلي اكل من ايدج

فهد : ههههههه يلا انت دا تتغزل بيهه والمعنى بقلب الشاعر بس تعرف لو كايلهه شنو انت تحب تاكل بالضبط جان كامت تحبك هههههههه

فهد : انت تضحك وربي هههههه

مهند : ولك اسكت تضحك عليه انعل ابوك لابو شتعرف بيه اني مو كلش ويه البنات وشمعرفني بهاي السوالف

مهند : فهد تسكت لا اجي اسحلك فوك ما تعلمني

فهد : لا لا راح اسكت صارت بيهه سحل يعني انت تريد تحجي وياهه افتح وياهه موضوع مثلاً كولهه احجي عن نفسج شويه مثلاً كلهه نكدر نصير اصدقاء وهيج تتطور العلاقه وتكوم تحبك وبعدين نزفك ونخلص منك ونشوف جهالك

مهند : هاي هاي شبيك شنو جنت تتنبئ بالمستقبل اول شي صداقه وبعدين حب وراهه زفه وبعدهه جهال شبيك نجلبت خل اول مره اعرف احجي وياهه مثل الاودام

فهد : تعرف انت مو شكول نصايح روح روح اتفق وياهه تسويلك عشه هم بلكت تتزوجون

مهند : تعرف شنو امنيتي هسه اتمنى هسه انت يمي وتحجي هذا الحجي كدامي

فهد : هنودي حبيبي ان استأذن باي

مهند : باي جبان

فرح : رجعت للبيت واني متحمسه لباجر شوكت يجي علمود اشوف مهند دخلت للمطبخ وبديت احضر اللازانيا اعتنيت بيهه كولش خلصتهه وحطيتهه بالثلاجه وصعدت لغرفتي ارتاح

مهند : ضليت افكر اشلون ابتدي وياهه والله ما اعرف شسوي بهيج مواقف

فرح : سمعت صوت ماما تصيح عليه نزلت وحضنتهه من فرحتي قلت اشلونج ماماتي

السيده نهله : الحمدلله حبيبتي وانتي اشلونج اليوم ويه الشغل خوما اتعبين هواي

فرح : لا بالعكس اصلا فرحانه كولش ﻷني اشتغل بهيج شركه

السيده نهله : بالمناسبه هاي اللازانيا الي بثلاجه المن مسويتهه

فرح : لمهند ماما خطيه ما ماكل اكل بيت وضال بنفسه وهذيج المره ضاك طبخي وعجبه وطلب مني اطبخله

السيده نهله : مهند منو وشوكت ضاك طبخج تعالي كعدي وفهميني مو خالتني مثل الاطرش بالزفه

فرح : اصخام الخصمني اشسويت بروحي اني راح ادخل هسه للمحكمه قلت شبيج ماما هذا نفسه الي ساعدني وانطاني الوظيفه وهذاك اليوم صادفته بالسوبر ماركت وعزمني ببيته ﻷن قريب رحت وياه وسويتله دولمه عادي

السيده نهله : فرح اكو علاقه بينج وبينه

فرح : لا ماما شنو دا تحجين انتي

السيده نهله : متأكده اشو دا احس اكو شي واني ما اعرف بنتي احجيلي لا تضمين عليه شي

فرح : ماما بصراحه اني احب مهند حبيته من اول مره شفته بيهه بس ما اعرف اذا هو يحبني او لا

السيده نهله : فرح حبيبتي ديري بالج تكولين هذا الحجي لمهند ﻷن عيب بنيه تعترف للولد خلي مشاعرج بكلبج

فرح : ماشي ماما

" في اليوم التالي "

فرح : جنت كاعده بمكتبي وسمعت صوته

مهند : اشلونج فرح

فرح : هلو مهند اني تمام وانت

مهند : بخير تره هسه صار وكت الاستراحه كافي شغل

فرح : بقت بس كم شغله اريد اخلصهن

مهند : لا كافي يلا كومي ارتاحي شويه وتغدي

فرح : اوك بس احمي الاكل واجيك ﻷن سويتلك لزانيا

مهند : تسلمين فرح تعبتج

فرح : الله يسلمك تعبك راحه يلا انتظرني هسه اجي

مهند : بقيت انتظرها اتت بعد دقائق

فرح : وضعت الطعام على المكتب وقلت يلا تفضل اكل وانطيني رأيك

مهند : اخذت اول لقمه وتذوقتها حقاً طعمها لذيذ جداً قلت ممم عاشت ايدج طبعاً الطعم رؤؤعه

فرح : انت العايش بالعافيه بعد يوميه اني اسوي الغده ونغده هنا سوه اوك

مهند : الله يعني يوميه راح اكل من ايدج خوش فكره

اكول فرح شنو رايج نطلع اليوم

فرح : اي نطلع ليش لا بس وين

مهند : بلمكان الي يعجبج

فرح : الصراحه اني كولش حابه اروح لمرسى الجادريه ضاله بنفسي اشوفه

مهند : تدللين اليوم اخذج لهناك وشبعي منه شوف

فرح : فديتك شكد لطيف راح اموت من وره لطفه

مهند : واخيرا عرفت ادبرلي طلعه وياهه احسن من ما اضل اقترحلهه تسويلي اكل

فرح : خلصت شغل وبعدها بسرعه رحت للحمامات اعدل نفسي جددت الميك اب ورتبت شعري ورجعت للمكتب لكيت العسل هناك ينتظرني

مهند : ها خلصتي شغل مو

فرح : اي خلصت

مهند : اوك يلا امشينا

فرح : يلا طلعنا من الشركه فتحت الباب الخلفي للسياره

مهند : وين انسه فرح

فرح : دا اصعد هنا

مهند : تعالي كعدي ليكدام

فرح : لا هنا مرتاحه

مهند : يلا فرح تعالي هنا اضوج اكعد بوحدي تعالي كعدي يمي

فرح : ماشي صعدت بالمعقد الامامي وبدينه مشوارنه الجميل ما اصدك طالعه اني ويه هذا الحات اويلي عليه شكد حلوو

مهند : فرح احجيلي عن نفسج شويه

فرح : اني طالبه كليه مرحله رابعه والدي متوفي ووالدتي تشتغل بمعمل خياطه وهاي هيه

مهند : انتي مرتبطه يعني اكو واحد بحياتج

فرح : اني لا لا ماكو احد بحياتي بس انته فديتك وانت ماكو وحده بحياتك

مهند : اها الصراحه اي اكو بنيه بحياتي واني احبهه كولش وهي كولش حلوه ومؤدبه

فرح : شنو وهي تعرف انت تحبهه

مهند : لا متعرف ودا افكر اشلون اعترفلهه بهذا الشي شنو رايج تساعديني وتنطيني فكره

فرح : خرب بحضي طلع يحب والحلوه يريدني اساعده يعترفلهه قلت والله اني مو خبره بهاي السوالف ما اعرف شي

مهند : يلا نزلي وصلنا

فرح : المكان كولش حلوو

مهند : شنو رايج نصعد بالقارب

فرح : لا يمه اخاف من المي خاف نغرك

مهند : دمشي جبانه انتي كل عقلج نغرك ما غركت خاي الناس الي تصعد يلا تعالي جريتهه من ايدهه

فرح : لا حباب والله اخاف

مهند : صعدتهه وصعدت قلت شوفي شكد حلو اصلا يمكن تضلين تفترين بي

فرح : خل نشوف بدء يتحرك القارب شوي شوي زادت السرعه لزمت ايد مهند ودفنت وجهي بيهه قلت مهند رجعني اريد انزل

مهند : لا تخافين اني يمج رفعي راسج واستمتعي بالمنظر

فرح : افترينه بالقارب حولي عشر دقايق بس بالنسبه الي عشر ساعات من الخوف واخيرا نزلنا

مهند : ماشاء الله عليج قويه ولا تخافين من اي شي

فرح : ههه لعد شعبالك اعجبك

منهد : شعرت بالدوار قلت تعالي نكعد هنا

فرح : مهند بيك شي شو لونك تغير

مهند : لا ما بيه بس دايخ شويه اعتقد من الفر بالقارب

فرح : ههههه تستاهل كتلك لا تصعد متسمع الكلام جلسنا وتحدثنا كثيرا حتى شعرت ان الوقت قد تاخر

مهند : فرح يلا نروح تاخر الوقت وخاف امج يضل بالهه عليج

فرح : يلا ارجعني لى البيت قبل ان انزل من السياره قلت شكرا مهند جان يوم كولش حلو تونست هواي وخصوصي وياك

مهند : تدللين واي وقت تردين تطلعين بس كوليلي واني هم اتونست وياج هواي

فرح : تسلم باي

مهند : باي اه واخيرا اتصلت على فهد

فهد : هلو عيني وينك من الصبح ماكو واليوم حتى اتصال ما اتصلت عليه مو من عوايدك مهند يوم كامل ما تذكرني يا اخي اني صديقك اذكرني برساله على الاقل

مهند : هاي هاي شبيك استلمتني حاصل فاصل انطيني مجال احجي تعرف اليوم جنت طالع ويه فرح واخيرا عرفت ادبرلي طلعه وياهه

فهد : واني اكول الاخ ماكو طلع ملتهي ويه الحب والله هنودي مطور وصاير احوال

مهند : فهد اني احبهه واريد اعترفلهه بس شلون ما اعرف يله يالصديق ساعدني

فهد : حبيبي هو شنو علم الذره كلهه اني احبج وانتهى الموضوع شبيك تخاف تخطي اي خطوه تحسسني مو حب هذا تهريب مخدرات

مهند : اكلك انت ما منك نفع اني رايح للكوفي شوب لحكني مو تتاخر منتظرك

فهد : اوك يلا باي

فرح : دخلت الى البيت رايت امي جالسه وتنظرني عندما راتني نظرت الى الساعه بمعنى ان الوقت تاخر واين كنت

السيده نهله : وين جنتي فرح

فرح : هاا ماما انتي تعرفين اشكد جنت متشوقه اروح لمرسى الجادريه وجنا نحجي اني ومهند وكتله اشكد حابه اروح لهناك وهو خطيه اخذني واخذنا الوكت بالسوالف وما حسيت ان الوقت اتاخر

السيده نهله : فرح انتي ما حاسه على نفسج انو كثرانه طلعاتج ويا مهند وعلاقتج متطوره بي هواي

فرح : ماما احبه شسوي اتمنه اطلع ويا واحجي ويا واذا اجتني هيج فرصه مستحيل اضيعهه

السيده نهله : حبيبتي انتي ما شايفه احنه وين وهو وين يعني لازم تنسينه

فرح : ما اعرف بس اني احسه يحبني

السيده نهله : اذا يحبج يجي يخطبج ومن باجر تصرفي ويا رسمي حاله حال اي شخص عادي

فرح : انشاء الله ماما اني رايحه انام محتاجه شي

السيده نهله : لا روحي نامي حبيبتي

فرح : تصبحين على خير ذهبت الى غرفتي اسلقيت على السرير ان كلام امي صحيح يجب ان انساه واتعامل معه بشكل رسمي

مهند : قررت ان اتشجع و اعترف لها بحبي واتمنى ان تتقبلني غدا سوف اقول لها انني احبها اشعر ان رأسي يؤلمني اعتقد انني متعب سوف اخلد للنوم لكي ارتاح

فرح : ذهبت الى العمل وصادفته في طرقي ابتسم لي عندما رأني وقال

مهند : صباح الخير فرح

فرح : صباج النور وتركته وسرت الى مكتبي

مهند : ما بها لماذا منزعجه هكذا اكيد عندها ضروف

فرح : لا استطيع التعامل معه هكذا احسست انني اتجاهله وهذا محرج بدأت بعملي حتى اتى وقت الاستراحه سمعته صوتهه

مهند : سلام اجيت اخذج نتغدى سوه

فرح : وعليكم السلام اسفه ما اكدر عندي هواي شغل

مهند : فرح صاير شي شو اليوم مو على بعضج اذا تعبانه او عندج ظروف عادي تكدرين تأخذين اجازه

فرح : لا مصاير شي بس شوي راسي يوجعني من الشغل عادي

مهند : اي يلا لعد امشي نتغدى وارتاحي شوي من الشغل وماكو ما اكدر امشي يلا واذا رفضتي ازعل

فرح : هههه اوك يلا امشي ذهبنا الى مطعم قريب من الشركه

مهند : تناولنا الغداء وبعدها شعرت بالدوار قلت فرح يلا نرجع احس نفسي تعبان

فرح : مهند شبيك اخذك للدكتور

مهند : لا ما يحتاج لم اشعر بشيء لقد سقطت ارضا

فرح : مهند شبيك كوم الله يخليك احد يساعدنا رجاءا كنت ابكي واصرخ من غير وعي اتو بعض الاشخاص وساعدونا

مهند : استيقظت وجدت نفسي في المستشفى

فرح : مهند انت بخير يوجعك شي

مهند : ههه اني بخير لا تخافين وبعدين الشغله مو مستاهله علمود تخافين كل هالخوف واتجيبيني للمستشفى كله مجرد ارهاق يمكن هبط ضغطي شوي

فرح : شلون ما مستاهله وانت ما شفت نفسك من فقدت وعيك وهسه يلا رجعت لوعيك انت متعرف شسويت بيه موتتني خوف عليك

مهند : هلكد خفتي عليه

فرح : اشلون ما اخاف وانت .... صديقي

مهند : نهضت وارتديت سترتي

فرح : ها وين

مهند : يلا نطلع

فرح : وين نطلع ارتاح بالمستشفى فد ساعه عالاقل

مهند : خلص ارتاحيت يلا انتي انتضريني بره اروح للدكتور واطلعلج

فرح : اوكي خرجت انتضره بالخارج

مهند : ذهبت الى الدكتور قلت دكتور ممكن اعرف اني من شنو اعاني

الدكتور : احنه سوينالك تحاليل والنتيجه تطلع بعد يومين تكدر تجي وتاخذهه

مهند : ماشي دكتور شكرا خرجت من المستشفى وقلت يلا فرح خلينا نروح

فرح : يلا مهند معرفت انت من شنو تعاني

مهند : لا النتيجه مال تحاليل تطلع بعد يومين

فرح : انشاء الله خير

مهند : فرح تعبتج وياي اني اسف

فرح : تعبك راحه هذا واجبي

( بعد مرور يومين )

مهند : ذهبت الى المستشفى لأرى النتيجه ذهبت الى الدكتور لكي يعطيني النتيجه

الدكتور : مهند اني اسف لأن راح اكلك هذا الكلام انت مصاب بمرض

مهند : شنو دكتور احجي اني شطلع مرضي

الدكتور : انتي مصاب مرض السرطان بالدم

مهند : شنو عيد شكلج ما سمعتك زين

الدكتور : رجاءا سيطر على اعصابك

مهند : دكتور انت اكيد غلطان يمكن هاي مو تحاليلي او يمكن التحاليل غلط خليني اعيد التحاليل

الدكتور : التحاليل مضبوطه ومو غلط وحالتك جاي تتدهور شوي شوي

مهند : زين اكيد اكو علاج صح اني راح اتعالج واصير زين وارجع بصحتي صح دكتور

الدكتور : للأسف ماكو علاج وحتى الكيميائي ما يفيدك لانه سرطان بالدم والك فتره زمنيه محدوده انك تعيش انت لازم تضل بالمستشفى حتى نراقب حالتك ونغيرلك الدم بين فتره وفتره احنه راح ننطيك علاج يقاوم السرطان ويخليك تعيش مده اكثر

مهند : لا اصدق الذي اسمعه لماذا انا من بين اللاف الناس لقد تحطم كل شيء تحطمت كل احلامي رجعت الى البيت وانا مازلت لا استوعب الذي سمعته جلست على الارض اشعر ان رأسي سوف يتفجر من الأم اه اه وقفت من غير وعي وبدأت اكسر كل شيء امامي كنت ابكي بطريقه هستيريه ليش ليش جاي يصير كل هذا وياي لأن ابتديت حياة جديده لأن لكيت حب حياتي فرح شلون راح اعوفج اني لازم آمن عليج واشوفج تستقرين بحياتج قبل لا اموت لازم ابتعد عنها وما اخليهه تتعلق بيه اكثر

(بعد مرور اسبوع )

فرح : لقد مر اسبوع وانا لم اراه لم يأتي الى الشركه وان اتصلت عليهه لا يجب على اتصالاتي لقد قلقت عليه كثيرا اتمنى ان لم يحدث معه اي مكروه حسنا سوف اذهب الى بيته اخذت سياره اجره واوصلتني الى البيت طرقت الباب لم يفتح لي استمريت بالطرق بعد عدة محاولات فتح لي الباب رأيته كان بحاله سيئه جدا تجمعت الدموع في عيني لمجرد رؤيته بهذا الحال

مهند : فرح انت شسوين هنا ليش جايه

فرح ببكاء : مهند ليش انت بهاي الحاله شبيك شصاير وياك شوف حالتك انت كولش ضعفان وجهك تعبان احجي شصاير وياك الله يخليك قلقتني عليك ليش متجاوب على اتصالاتي وليش مجاي تداوم بالشركه

مهند : اشعر انني اختنق لا استطيع رؤيتها وهي تبكي امامي قلت روحي منا ما اريد اشوفج روحي اغلقت الباب وجلست خلفه ابكي بصمت واستمع الى شهقاتها وهي تبكي

فرح : مهند الله يخليك افتح الباب لا تسوي هيج بيه افتح الباب حباب اترجاك

مهند : كتلج روحي منا ما اريد اشوفج

فرح : لا ما اروح لأي مكان الا تسمعني وهاي كعده راح اضل كاعده بالباب الى ان تفتحه وتسمعني اريد اكلك شي كولش مهم

مهند : استمرت بجلوسها امام الباب لساعه ولم تيئس وتذهب فتحت لها الباب

فرح : وقفت بسرعه وعانقته وبكيت بألم اشعر انه ليس بخير قلبي يؤلمني عند رؤيته بهذا الحال

مهند : ابعدتها عني كنت اتمنى ان اضمها بقوه وابقيها بين احضاني

فرح : اني احبك من اول مره شفتك بيهه حبيتك وكل يوم يزداد حبي الك حاولت ان ابتعد عنك بس مكدرت وادري بيك انت هم

مهند : لا فرح الصراحه اني ما احبج اني اسف بس انتي فهمتيني غلط اني اعتبرج صديقه لا اكثر ولا اقل

فرح : بس انت اهتميت بيه اكثر من صديقه مجنت متوقعه هذا ردك

مهند : اسف بس انتي فاهمه الموضوع غلط وفسرتي اهتمامي بيج بطريقه غلط وبعدين اني احب وحده وراح اتقدملها عن قريب وهسه ممكن تخليني اريد ارتاح

فرح : لقد صدمني بكلامه انه يحب غيري وينوي ان يرتبط بها لماذا القدر غير منصف معي اشعر ان قلبي يعتصر ألما

مهند : اسف فرح ادري جرحتج بكلامي بس الي دا اسوي لمصلحتج ما اريدج تحبيني اكثر وتتعلقين بيه اكثر وبعدين تتدمرين بسببي اتصلت على فهد قلت فهد محتاجك تكدر تجيني

فهد : مهند حبيبي شبيك صوتك تعبان اني جايك بالطريق انتظرني قدت السياره الى بيته وصلت اليه طرقت الباب فتح لي

مهند : هلا بيك حبيب اشلونك

فهد : تمام بس انت مو على بعضك ومبين عليك مريض

مهند : تعال فوت واني احجيلك كل شي تشرب شي

فهد : لا تسلم بس احجيلي شصاير وياك شكلك ما يطمن

مهند : اول شي اريدك توعدني انك راح تنفذه اي شي اطلبه منك

فهد : بشنو اوعدك وليش مهند احجي تره خوفتني

مهند : اوعدني اول شي

فهد : ماشي اوعدك انفذ اي شي تطلبه مني احجي بسرعه وترت اعصابي

مهند : فهد اني مصاب بمرض السرطان بالدم وبعد فتره خلال شهر او شهرين ما اعتقد اضل وياكم اكثر من هيج

فهد : كافي لا تكمل ما اريد اسمع شي انت تشاقه تعرف ما احب هذا الشقه رجاءا كول انت جاي تشاقه

مهند : اني دا احجي صدك اتمنى لو اني بحلم بس للأسف هاي حقيقه ولازم اتقبلهه ولازم كل شخص يتقبلهه اريد اطلب منك طلب وانت وعدتني تنفذ اي طلب اطلبه

فهد : انت ما تطلب انت تأمر حبيب اكيد ما ارفض اي طلب تطلبه

مهند : اريدك تتزوج فرح

فهد : شنو انت شداتكول اطلب اي شي ثاني غير هذا الطلب لأن ما اكدر ازوجهه واني اعرف بيك تحبهه لا تعشقه مو تحبهه فرح الك مو لغيرك

مهند : انت وعدتني لا تخلف بوعدك الي اني عندي بس هذا الطلب وامنيتي الاخيره اشوفهه متزوجه ومرتاحه اريد اموت واني مأمن عليهه واعرف انت الوحيد الي راح تعتني بيهه واني راح اطمن عليهن وهي يمك

فهد : افترض اني وافقت اكيد هي مراح توافق

مهند : لا راح توافق اني جرحتهه بكلامي وكتلهه راح اخطب بنيه احبهه واكيد هي راح تنساني وتحاول تبدي حياتهه من جديد

فهد : مهند انت متأكد من هذا قرارك

مهند : اي متأكد شوكت تتقدملها

فهد : والله ما اعرف شكلك السالفه مدا تضبط وياي

مهند : لا ضبطهه وباجر روح اتقدملها ماشي

فهد : انشاء الله

(في اليوم التالي)

فرح : لم انم في الليله الماضيه كنت افكر بمهند والذي قاله لي قررت ان انساه ولا افكر فيه انه يعيش حياته طبيعيه من غير معاناة وانا التي تتألم انه لم يفكر بي قط سوف انساه وافتح صفحه جديده بحياتي سوف اقدم استقالتي واكمل دراستي غيرت ثيابي وذهبت الى الشركه لكي اقدم استقالتي

مهند : قررت ان اسجل ممتلكاتي لأسم فرح بما اني ليس لدي احد غيرها غيرت ثيابي وذهبت الى الشركه واستدعيت المحامي لكي يبدأ بالاجراءت بينما كنت اتكلم مع المحامي طرق الباب قلت تفضل

فرح : صباح الخير

مهند : صباح النور تفضلي

فرح : اني جيت اقدم استقالتي

مهند : شنو ليش

فرح : بعد ما اكدر اكمل شغل بهاي الشركه وممكن توقعلي على الاستقاله رجاءا

مهند : اوكي وقعت لها استقالتها

فرح : عندما خرجت من مكتبه استوقفني صوت فهد

فهد : صباح الخير فرح

فرح : صباح النور

فهد : اريد احجي وياج بموضوع ممكن اذا ماكو ازعاج

فرح : اي تفضل

مهند : رأيت فهد عندما تحدث معها وقفت خلف الباب استمع الى حديثهما

فهد : فرح اني اريد اتقدملج واتمنى توافقين اني شفتج بنيه مؤدبه وخلوقه لذلك كلت ماكو احسن منج اختارهه شريكة حياتي

فرح : نظرت الى مكتب مهند تمنيت لو كان مهند الذي طلب يدي رأيته يقف خلف الباب علمت انه يتسمع الى حديثنا قلت انت هم خوش ولد

فهد : يعني موافقه

فرح : تكدر تكول موافقه

فهد : اوكي اليوم احجي ويا امج اليوم اجي اتقدملج واتمنى العرس يصير خلال اسبوع

فرح : اوكي يلا اني رايحه باي

فهد : باي خرج مهند قلت ارتاحيت هسه

مهند : اي ارتاحيت زين سويت اني سجلت كل ممتلكاتي بأسم فرح واريدك انت تدير كل الشغل

فهد : مهند كافيةتسوي هيج كل يوم لازم توصيني وتذكرني انو انت الله يخليك تصرف طبيعي

مهند : اني ما بقالي وقت اعيش بس القليل

(بعد مرور اسبوع )

فرح : اليوم هو يوم زفافي لكني لست فرحه مثل اي عروس دخلت الى قاعه الزفاف رأيت مهند يقف بجانب فهد تمنيت ان يجلس مكانه ايضا لم اشعر بدموعي عندما هطلت تقدم نحوي فهد وامسك بيدي وجلسنا في مكاننا المخصص كنت انظر اليه اينما يذهب لم ازحزح نظري عنه

مهند : كنت اقف الى جانب فهد كانت تنظر الي وكأنها تعاتبني لا احتمل تلك النظرات المليئه بالعتب قررت ان اتجول في القاعه بعيدا عن ناظريها لكنها كانت تتبعني بنظرها اينما ذهبت شعرت بألم في كامل جسدي وكأنني لا استطيع الوقوف يجب ان اخرج من هنا قبل ان انزع كل شيء توجهت نحوهما لكي ابرك لهم واوعدهم الوداع الاخير ايضا تقربت الى فهد وقلت الف مبرؤك حبيبي واحتضنته ثم اردفت راح اشتاقلك ونظرت اليها

فرح : شعرت سكين وتغرز قلبي عندما قال هذه الكلمه لا اعلم اشعر انني اراه للمره الاخيره

مهند : مبروك فرح

فرح : الله يبارك بيك

فهد : مهند بيك شي اخذك للدكتور جنك تعبت

مهند : لا ميحتاج استردت كنت على وشك الذهاب لكنني هويت ارضا

فهد : ركضت اليه اردت حمله لأخذه الى المستشفى لكنه رفض

مهند : اوكف فهد ماكو داعي نروح لأي مكان نظرت اليها كانت واقفه تبدو عليها علامات الصدمه وعينها لم تتوقف عن همر الدموع

فرح : كان ممد على الارض يضع رأسه في حضن فهد وينظر اليه تقدمت نحوه وجلست الى جانبه قلت ببكاء ليش ليش سويت هيج ليش دمرتني

مهند : فهد دير بالك على فرح واريدك متخلي دموعها تنزل هاي اخر مره تنزل دموعها

فرح بصراخ : فهد شصاير ليش يحجي هيج ليش ساكتين واحد منكم يجاوبني

فهد : مهند مريض بي سرطان بالدم وما حب يكولج وكلي ازوجج حتى يأمن عليج وسجل كل ممتلكاته بأسمج لأن هو يحبج

فرح ببكاء ممزوج بالصراخ : انت شداتكول جذب مستحيل مهند انت كل شي مابيك صح ليش سويت بيه هيج ليش انت بدال ما تريحني عذبتني انت مستحيل تعوفني وتروح ولك احبك ليش ما فهمتني وجنت مستعده اعيش وياك الحلوه والمره حتى لو اعيش وياك بس لحظات ليش حرمتني من هاي اللحظات

مهند : اني اسف سامحيني الله يخليج مو بيدي الي سويته لمصلحتج صدكيني

فرح : يا مصلحه ياريت ما شفتك والتقيت بيك يا ريتك ما ساعدتني

مهند : لا تكولين هيج هذا حجيج يجرحني انتي احلا شي صار بحياتي اتمنى تعيشين بسعاده وخليني ذكرى حلوه بحياتي

فرح : امسكت بيده وقبلتها قلت احبك وراح اضل احبك وما انساك عمري كله

مهند : سالت الدموع من عيني من شدة الالم ألم الفراق وألم المرض قلت احبج فرح انتي احلى شي صار بحياتي توقف القلب الذي كان ينبض بالحياة

فرح ببكاء : مهند ليش سكتت احجي لا تسكت خليني اشبع من صوتك فهد ليش محيجي شي مهند الله يخليك كوم اختضنته وبكيت بحرقه لا تعوفني وتروح اخذني وياك مهند كوووم

فهد ببكاء : فرح كافي لتسوين بروحج هيج نسيتي شكال مهند بهل السرعه فرح رفعتها عن حضنه كانت فاقده الوعي

(بعد مرور ثمان سنوات)

مهند : ماما ماما اخذت عشره بالاملاء

فرح : عفيه عليك حبيبي

مهند : احنه شنو اتفقنه على كل عشره تاخذوني للسوبر ماركت واشتري كوومه حلويات ومتكولن هذا ممنوع وذاك ممنوع

فرح : حبيبي روح كول لبابا ياخذك

فهد : اي ليش لا انتي توعدينه وتتفقين ويا وتذبين البلاوي على راسي

فرح : يلا انت مبتلي مبتلي بلا حجي هاا واني هم ضايجه راح ابدل واجي وياكم

فهد : اوكي بس الج خمس دقايق اذا ما خلصتي اعوفج واروح

فرح : جهزت نفسي خلال نصف ساعه وخرجنا من البيت وصلنا الى السوبر ماركت وتبضعنا وبعدها خرجنا

فهد : حبيبتي شنو رأيج اليوم نتغدى بالمطعم

فرح : اي حبيبي صار هواي مطالعين غير لسوبر ماركت

فهد : بس بدون هذا المشعوذ غدا خاص اني وياج

مهند : ما ما اجي وياكم عبالكم تخلصون مني

فهد : امشي هو انت تخلينا امرنا لله

فرح : هذه هي حياتي عشتها بسعاده بسبب مهند لولاه لم اعش هذه الحياة مع هذا الانسان الجيد لقد احببت فهد كان يعتني بي وكأنني طفلته المدلله وبعدها ولدت مهند واملئ حياتي بالسعاده شكر لك مهند انت سبب سعادتي

النهاية