رواية قصص رومانسيه الفصل السابع والعشرون 27 - بقلم الحساب مغلق

احيانا كثيرة القدر يخبئ لنا ماهو جميل  .. نبقى ننتظر لكن لانعرف ماننتظر  ولاعما نبحث  حتى يصبح امامنا حينها نيقن ان هذا ماكنا  نبحث عنه ... اسمي همام اشقر  ضخم  صاحب عيون خضراء   يعني صاك  عشت حياتي والبناة تزحفلي من اني صغير   بس طبيعتي جدا ثكيل وابد ماعندي علاقات ولابحياتي عجبتني بنيه  احنا عائلتنا تتكون من 6نفرات والدي والدتي واثنين بناة  وئام واحلام  واثنين ولد اني  وسلام  احنا كلنا ملونين وشكران  لان امي وابويه اولاد عم   والدي قاضي والدتي مدرسه    بدت قصتي لمن طلعنا من بيت  جدي واشترينا بيت خاص بينا  بمنطقه شعبيه  جنا ضايجين لاع ان حنترك منطقتنا  واصدقائنا    بس باول يوم  نرتب بلغراض  وندكت الباب  طلعت شفت بنيه ناعمه   لابسه عباة راس  وبيدها صينية اكل  كالت اهلا وسهلا احنا جيرانكم   بيت ابو  محمد هياتنا الحايط على الحايط وهذا غداكم وشتحتاجون  صيحو من السياج او دكو للباب  اني انسطرت بحياتي  ممنشد لبنيه بهلشكل  ظليت ساكت واباع عليها شلون خلقه حنطيه وعيونها سود ملابسه ربطه جوة العبا والشعر نازل  اسود والركبه مرمر جانت لابسه كلادة ذهب عين بركبتها   كلت بنفسي حقج  اني بمكانج اشيل ام سبع عيون   هي خجلت  كالت تفضل  اخذت منها الاكل شكرا عيني ليش زحمتو نفسكم كالت لا عيني رحمه اترخص
دخلت الاكل  وكلتلهم هذا من الجوارين  امي جانت مضايقه من المنطقه لان اغلبها من غير طائفتنا 
الام والله هم يفتهمون بلاصول  
الاب شلج بهلحجي  بيت ابو محمد خوش ناس من جنت ارمم بلبيت متركوني وشحتاج يجيبولي
اني ضليت الوب شلون اشوفها   كلساع وكتلهم كملتو اكل دنرجع الماعين 
الام شبيك  هسا نكمل ورجعهم
رحت اخذتلي فرة بلبيت شفت غرفه بلطابق الثاني  تشرف على بيتهم  يعني اشوف كلشي الي يدخل الي يطلع حتى مطبخهم اشوفه 
همام يوم الغرفه  هاي اليه
الام كيفك حبيبي منو تعجبك رتب اشيائك بيها بعدين كتلهم هاي شنو ماكو مي
الام مكطوع والماطور ممشكلي بعد
همام ... لعد حشوف جيرانه اجيب منهم 
دكيت بابهم وادعي هي تفتحلي  وفعلا فتحته
همام مساء النور
ابتسمت مساء الخير تفضل
ماكو مي بلبيت
اي عيني  هسا  انطيكم الصوندة مال المي وخلصو شغلكم  ثواني كتلها لحضه انتي شسمج  كالت اني سناء  وطلع رجال كال شكو
سناء ماكو عمو بس  يردون مي
ابو محمد ديله انطيهم وطبي
سناء صار
بعدين اجتي امهم وجابت سناء وبعد بنيه اكبر منها مبينه واجو يم امي يساعدوها   اني لزكت بلبيت  هي تعرفت على خواتي وساعدتهم شلون نادرة وترتب  واريحيه  وكملت ويا البناة وراحت . بليل اجيت على وئام اكلج  هلو ..  صارت عندج صديقات
وئام بس سناء  ذيج منى محبيتها   همام ....ليش
وئام  مادري  تخبث على سناء خطيه
همام ... يله خوات غير عادي
وئام ...  ولك ياخوات  سناء جنتهم  مرت ابنهم

همام  انجنيت صار سنين مالي علاقه بلبناة والحب  ومن انعجب ببنيه تطلع مزوجه  لا وانوب طلعت مواليد اختي احلام اكبر مني ب6اشهر لان اصغر من اختي بشهور بس مولدين نفس السنه  حاولت ابعد نفسي عنها مالكه نفسي الى مرابط بشباك غرفتي واباعها  تغسل الطرمه لو ترتب  حديقتهم  وتعرفت على زوجها جان حباب بس  ماحبيته وحسدته جانو هواي متعبيها وتشتغل  ومرات اشوفها تكعد بلحديقه تبجي اموت قهر صارت هي وئام صديقات مرات يسولفن  من السياج واني اتفرج من الغرفه بلى ميحسن  وبقيت على هلوضع  سنتين وحبها بزيد مينقص اني جنت طالب اعداديه وجنت اريد ادخل كليه عسكريه  فالتهيت بلدراسه  الى ان صار  سقوط بغداد  وهما  تركو بيتهم وراحو يم اقاربهم  احنا ايضا  وبقينا فترة ماعرف عنها شي  الى ان  استقرت الاوضاع رجعنا لكيتهم راجعين قبلنا  وضليت الوب اريد اشوفها مشتاقلها  تحججت  اريد مي  ودكيت بابهم  طلعتلي  منى ومشفتها   بعدين رجعت لبرج المراقبه شفتها بلمطبخ  دتنظف فدوة لايدج ولطولج  بعدين اتغيرت الاوضاع بدو اقاربنا يكولون اطلعو من المنطقه لان انتو من طائفه ثانيه .بس مهتمينا وصلنا تهديد للبيت   لازم نترك المنطقه  والدي مقبل  كال هاي بلبله وزحزحه لامان الوطن لازم مننطيهم مجال   وامي تبجي متريد تبقى وعشنا برعب والجيران كلها رفضت احنا نطلع وكالو اذا يلزم الامر احنا ندافع عنكم
بس صار الي مو بلبال والدي انخطف من طلع من المحكمه ...  وبعدها بايام لكينا مقتول اني   حسيت الدنيا تحطمت انحرمت من سندي بلحياة  والدي الانسان الشريف  ينقتل وبطريقه  وحشيه وتعذيب   التمو الجوارين على امي واخواتي واني عيني على سناء تمنيت ابجي بحظنها  وهي جانت تباوعلي ومقهورة وتبجي   خلصت ايام عزا والدي بيت جدي ومقبلو نرجع للبيت ابد وعرضو للبيع  اني متحملت افقد اعز اثنين بنفس الوقت  بس عائلتي جانت محتاجتني  ورضخنا للامر وبعنا البيت واشترينا بمنطقه ثانيه ومنطقتنا الثانيه جان مجرد المرور من يمها انتحار  انقطعت اخبار سناء عني  ودمرت بهلفترة بس توجهت لدراستي  وطلعت كليه عسكريه وهنا والدتي عارضت  ورفضت رفص قاطع

والدتي كانت ناويه تترك العراق لان تخاف علينا
الام .. همام متدخل كليه عسكريه نسافر لسوريه وادخل اي كليه تعجبك
همام لو كليه عسكريه لو انسي ماكمل دراسه هذا حلمي وانتي تعرفين شنو الغيرج هسا
الام الوضع بلبلد العسكري  والقيادي مستهدف  واني ممستعدة اخسرك مثل ابوك
همام ... الاعمار بيد الله هاي الناس دتروح بلانفجارات  
الام ..لا يعني لا
همام طابت من عمامي وخوالي يدخلون وبصعوبه اقتنعت وقدمت وانقبلت   وتقريبا الاوضاع تحسنت وبديت اتردد على المنطقه   واتمنى المحها بس ابد وبيوم دكيت بابهم  فتحته سناء   فرحت كالت اشلونكم اخباركم والدتك والبناة كتلها كلنا بخير  انتي اشلونج
سناء الحمد لله عايشين
همام ..زوجج اشلونه
سناء جرت حسرة كالت على حطت ايدك  تفضل جوة اصيحلك الولد 
همام اي والله ولو شفت الي جاي اشوفه ابتسمت  ودخلت   وظليت فترة اتردد وماعرف شنو مصير هالعلاقه  وهي من طرف واحد لان سناء ابد موبالها انسانه وفيه ومحترمه    تخرجت  وتعينت وبعدني اتردد عليهم  الى ان بفترة سمعت انو محمد زوج سناء  مقتول  رحت اتاكد وفعلا جان  الخبر صحيح وجبت البناة ياخذون من خاطرها وصيت وئام جيب رقمها اني حجيت لوئام عن مشاعري  لان لفترة احتاجيت شخص احجيله  وفعلا جابته ... صح اني يمكن   حرام احجي هلشي لكن حياتي جانت بوفاة محمد  اني تغيرت وكبرت وزدت وسامه ومنصبي وضعي زاد   اهتمام بنات واشكال يجوني واقربائنا هنا يخطبن نفسهن لامي وامي بدت تلح بشغلة الزواج اخواتي احلام اتزوجت وئام انخطبت   واحتاريت اشلون اتواصل ويا سناء واعترف بمشاعري  وبمرة جنت افتر بلمنطقه كلعادة واني عندي اصدقاء واكف وياهم وشفت سناء طلعت من بيتهم وضعها مخربط وتبجي لحكتها بلسيارة
.همام ...سناء ..شبيج تعالي اصعدي ..صعدت بدون نقاش وتبجي

مرحبا ...اني سناء ..يمكن اتاخرت عن التعريف عن نفسي بس تركت همام يطلع الي بكلبه كوله
همام
غير انتي شلعتي كلبي  وموتيني حفيت وراج سنين 
سناء كافي ..لحكتني خلي احجي 
احجي يابا احجي
اسمي سناء مواليد 89  بشرتي حنطيه وعيوني سود  وشعري جوزي طويل   احنا عائله جبيرة واحنا 9بناة  و4ولد وجانت يابنيه تجي قسمتها ينطوها واني اجو عليه ناس من طرف وحدة من خواتي المزوجات  وزوجت وشفت الظيم اكرب وخدمه ومحد راضي  ومحمد الي هو زوجي طلع  عاجز   وسكتت لان  بدايه زواجي مافتهم شنو علاقه  ومن فهمت حجبت لامي مقبلت وكالت ارضي بقسمتج  وسكتي ماعندة بنيه تتطلك   وهو حباب مااذاني بشي بس ضعيف اهلى يمسحون بي الكاع مايحجي واني تعلمت شكيت مرة مرتين ماشفت تغير كمت اسكت وابلع ومرت سنين واني بديت  اكبر واحلى     واهله يعيروني بلخلفه  ولزمني مرة وكال كولي الصوج بيج متخلفين وفعلا كلت  وزادت عليه فوك الحسن شامه  موتوني العاجر الى ان نسيت اسمي  الى ان انقتل محمد واني صح اتاذيت علي عشرة سنين بس حسيت خلصت من سجنهم  واصرو اكمل العده يمهم وبعدها  اجوني
ابو محمد... سناء انتي بتنا وعرفتي ذبتنا ومانريد نخسرج  راح ناخذج لحماج   مازن  طبعا مازن مزوج ماصارله فترة ومرته حامل
عمو شنو ازوج مازن ماوافق  وبعدين هو مزوج
الاب ... الشرع حلله اربعه
سناء ... شنو هالتفكير لا اني مازوج 
الاب مو كيفج  .احنا راح نفاتح اهلج بلموضوع
سناء ... شوف لتتفاتحهم ولابطيخ  مو كلتو نخسر خدامه خليها تخدمنه  ونكفخ بيها ومتحجي  جربت عباتي وطلعت وامشي واشوف همام  بسيارة كال اصعدي سناء منو وياج  ..همام ارتاحله واحبه مثل اخويه لان هو بعمر اخويه الاصغر مني   صعدت ويا وابجي
همام شبيج احجي ..  والله احرك الدنيا  لاتكفريني صارساعه ساكت
سناء ... ولك حملت الضيم سنين  وساكته وادك بايدي على حلكي لاطلعه ولاطبه ومذله وتالي  لمن خلصت يريدون يرجعوني  للضيم
همام ..منو مافتهمج
سناء ... يردون يزوجوني  لمازن  والطم
همام وكفت السيارة وصافن شنو هلكلام اخسرها مرة لاخ  لا

.همام ...اذا اتقدملج توافقين سناوي
سناء ... المن  شتحجي همام انت اصغر مني اني حاسبتك مثل اخويه الصغير
همام ...  وهو معصب وصوته عالي  شنو اخوج الصغير شنو بعدني ارضع ممه لو العب طوبه بلشارع رجال ملازم أول  تكلي صغير 
سناء .. مترهم  تريد تضيعةعمرك علمود تساعدني
همام انداريت عليها .. منو اليريد يساعدج لج بابا احبج من اول لحضه شفتج لمن جيتينا للبيت  وهاي السنين كلها اني منتظرج واجي للمنطقه علمودج وعلاساعه انقتل اني ضايع  عمري من زمان    ظلت سناء مصدومه بكلام همام
همام ... اني بعد ماصبر  لازم نزوج  ماضيعج من ايدي واذا متحبيني  اني اخليج تحبيني بس وافقي   اني افضل من مازن وعيشتج يمهم  اني اخليج اميرة وبعيوني  سناء .. امري موبيدي  همام
همام اذا  تقدمولج رفضي صيري قويه واني هليومين اجيب امي  وين اوصلج هسا
سناء .. وديني لاهلي  
همام عندج فون
سناء  اي عندي 
همام لعد اتصل بيج    كالت   الله كريم ونزلت لاهلها
سناوي عيني طمنيني  لاتخليني بحيرة
سناء ..الله كريم شكرا تعبتك
همام رجعت للبيت وفاتحت الوالدة بلموضوع ورفضت رفض قاطع
الام ... انت انجنيت  تريد تاخذ هاي لك البنات تجي تخطبك وانت تريد ارمله ذوله القتلو لابوك  انت من دون اخوانك تعبتني ليش ماما شعايزك  منصب وجمال واصل وفصل  وجماله صاراها كومه مزوجه ومتخلف .
همام يجوز الصوج بلمرحوم  وبعدين حتى لوبيها ميهمني اني احبها
الام ..واني امشي على اليجوز والتكهنات  لا حبببي شيل الفكرة من راسك
همام مازوج لعد خليني اعزب طول عمري
الام وظل   قز القرط  بهددني همام افندي
همام والله حتى البيت اتركه ومتشوفين وجي
الام والله اذا انطبكت السما على الأرض ماخطبلكيها لو تبقى اخر مرة على وجه الارض ومو انت التطلع اني اطردك  اطلع  من بيتي
طلعت ورحت لعمامي واجهت نفس الرفض وخوالي كذلك اتصلت بسناء ... الو  هلو سناوي اشلونج
سناء ... الحمد لله انت اشلونك
همام  ... هسا من سمعت صوتج ردت روحي  ها شكلتي لااهلج  ..سناء ... اهلي عدهم علم بلي جان يصير بيه وبلغتهم ماوافق على مازن  بس محجيت بموضوعك  مو وكته وانت لاتستعجل
همام ليش ..انت رافضتني ..سناء اني اكبر منك
همام ..لج بابا هي 6اشهر شخبصتي الامه  قابل اكبرمنه بعشرين سنه
سناء ... حتى لو يوم صعبه 
همام انطينا فرصه  وتعرفي عليه  اذا محبيتيني اوعدج اتركج 
وفكرت اني هماتين احتاح وقت اقنع اهلي  ضلينا فترة على التلفونات    سناوي .راح انزل اريد اشوفج
سناء .. صعبه همام ماكدر اطلع
همام ...دبريها فدوة لعينج والله مشتاقلج  تدرين قبل اشوفج احسن
سناء ... هههه تريد ترجع ذيج الايام الله لايعيدها
همام ... ها عيني شكلتي   
سناء انت باجر نازل .. اشوف وارجعلك خبر 
همام ... اكيد حبي
سناء .. رجعت لبيت اهلي وحجيت لامي  وهي تعرف  والحمد لله  بلغتهم  برفضي  وتفهمو  وهمام متركني يتصل يوميه وتفاجاة بكلامه انو يحبني عمرة مجاوز ويايه او حسسني بحبه  احترم كوني أمراة متزوجه  وهذا كبره حيل بعيني وبديت اتعلق بي  وانتظر اتصالاته  لمن طلب يشوفني   وافقت لان حسيت اني الي محتاجه اشوفه   ودبرتها وطلعت واجه عليه فديته اني دائما جنت اشوفه حلو  بس عمري مباوعتله بغير نضرة  حتى جنت اتشاقه ويا اخواته واكلهن اخوجن صاك  
اشلونج حبي صايرة كمر تجنين
سناء .. شكرا  وهي مستحيه
همام  وين تردين نروح
سناء .. ماعرف بس ماتاخر ماكدر  عفيه همام  حبيبي
همام .. شنو شكلتي .
سناء ... ماتاخر  كال  لا الوراها
سناء شنو
همام كلتي حبيبي
سناء نصت بخجل  اهوووو همام  لاتخجلني
همام لج غير راح اموت اويلي يابا كلتلي حبيبي وين اروح وين انطي وجي  اريد احضنح  وسحبتها لحضني واشم بيها  اموت عليج سناوي   احارب الدنيا لااجلج
سناء ... دفعته ... صح ذبت بحضنه واول مرة انحضن   بحب بس محبيت نتجاوز بعلاقتنا  رجعني للبيت
همام اسف اندفعت بمشاعري  متتكرر 
سناء ...  اهلك مموافقين مو
همام .... شلون عرفتي
سناء ... اكيد  ميوافقون  انت كامل من كل الجهات واني  ارمله  واكبر منك
كال رجعت تكول اكبر منك .كالت شوف انت نفسك متواجه الامر لعد هما اشلون
همام خلص امشي ا ارجعج و فورتي لدمي  ورجعتها ومريت للبيت نطيت لاختي مصرف وسئلت عليهم ورجعت  وبعد فترة  سناء دنسولف بليل وفجاة انغلق جهازها واتصل عليها ماكو  الى ان بيوم   اتصل عليه رقم جاوبت  سناء .. مروان  الحكني اهلي حيزوجوني

همام انجنيت معرفت شتصرف خذت اجازة ونزلت ورحت عصبي لامي  وجانت على نفس موقفها لازايدة عناد  ورفض حاولت وياها  لكن عبث  طلعت عصبي و اتصلت بسناء تبجي 
همام صيري قويه وارفضي ولو اعرف  اخذج غصب  ماتركج  افتهمتي
سناء  همام اخاف  حتى ضرب ضربوني  بس ماوافق لو اعرف اقتل نفسي
همام  لاتأذين نفسج حبيبي والله ماعوفج  وفجاء حاوطتني سيارات ونزلو مسلحين  واخذوني
سناء ..   احجي ويا مروان ومحسيت اله اخويه ورايه  واخذ مني الجهاز وشبعني بسط   وشكد حاولو يعرفو.منو الي احجي ويا محجيت  بس بعدين قررو  يوافقون على مازن  اخذت جهاز مرت اخويه واتصلت علي  وبلغته يتصرف  وانجن حبيبي  شكد وفي واموت علي  قررت لو اله اصير لو اقتل نفسي  وخلال مكالمتي ويا  سمعت صياح  وناس تحجي ومروان يصيح بعدين انقلق جهازة   ومفتهمت شي  ضليت اتصل وماكو جواب  اهلي حابسيني وماعرف شصار بي  بقيت الطم وابجي وادعي لايارب لاناخذة مني  ماعيش بدونه اشلون ياربي المن احجي وشكول  اجت مرت اخويه جانت حبابه وساعدتني هوايه
حجيتلها كالت راح اكلهم اوديج دكتور تندلين بيت اهله  ونروح الهم  وفعلا  رحت   لكيت الدنيا مكلوبه يمهم بجي وعياط واني رجليه ماتو  لا لا مامات دخيلكم دخلت  لامه واعيط شبي مروان  وئام حضنتني  وكالت انخطف وطالبين فديه  بوقتها الخطف منتشر بس ماكو واحد انخطف ورجع ياخذون فديه ويقتلو  امه كامت تغلط عليه وطردتني  كل منج  انتي طلع معصب   بقينا يمهم اريد اطمئن وماكد ابقى  سهام مرت اخويه كالت تأخرنا نطيت رقم   سهام لاخته  وكتلها طمني  وطلعت وكلبي نار و3ايام  ماكو خبر من  همام عمامه اتفقو ويا الشرطه  واني ابجي وادعي الله لايحرمني منا  يارب بحق ال بيتك لاتضرني بي  وخليت امي تاخذني لباب الحوائج موسى ابن جعفر  وظليت لازمه الشباك واعيط وابجي وكتله اريد بشارة منك   قبل ماارجع لخاطر شبابه   وماقصر  باب الحوائج  اول مستلمت  الفون من الامانات اتصلت وئام كالت الشرطه قابضين عليهم وهمام  جايبي بس متاذي بلمستشفى   ضليت ابجي اضحك مثل المجنونه ورجعت للامام اتشكرت منا  ورجعت للبيت حاولت اروحله للمستشفى مكدرت  اتصلت وئأم  وكالت مروان يريدج
سناوي حبي 
سناء .. ردت روحي من سمعت صوت عبالك كلبي جان مينبض وهسا نبض    فديت صوتك عمري انت  اشونك وابجي 
همام لاتبجين  عمري  مبي شي والله انتي طمنيني  مشتاقلج
سناء .. اني مشتاقتلك ياعمري  احبك احبك والله 
همام ... اشلون تخليني اجيها للبيت هسا
سناء . هههه  علواة
همام ... حبي اهلج بعدهم يأذوج
سناء .... لا هددتهم انتحر سكتو مني
همام ...  اكيد لو تطمنيني
سناء   اي لايضل بالك بس اريد اشوفك  راح اموت على شوفتك بجيت   المفروض اكون يمك 
لاتبجين  ترى اطلع هسا  من المستشفى واجيج
سناء لاعيني ابقى  بلكي اكدر  أطلع واجيك  يله حبببي باي  دير بالك على نفسك   بقيت  يومين بلمستشفى وطلعت وسناء مكدرت تجي 
الام .. ماما همام . .. اني موافقه اخطبلك سناء
همام...  صدك  يوم 
الام ..نعم بس تصح نروح لان اني  قسمت اذا ترجع اخطبها الك  وماكسر بخاطرك بس انت تتحمل نتيجة اختيارك
همام ... اني صحيت مبي شي روحي اليوم  وئام تعالي جيبي الفون مالتي اتصلت بحبي وبشرتها طارت من الفرح .وبعد يومين راحتلهم امي واتفقو يسئلون ويجاوبون بقو 3ايام وماكو خبر  اتصلت بسناء  كالت مادري سكته حتى بينهم ميحجون  واني اخاف اسئل  ضلينا اسبوع على نار بعدين جاوبو موافقين  واتفقنا على كلشي  وطلعنا اني وياها اخذتلها ذهب  وسئلتها عن كلادتها ام العين كالت موجودة كتلها البسيها بلعرس  وجهزتها  جهاز كامل مكياج عطورات وملابس  واجه يوم خطوبتنا

سناء  اهلي بقو مترددين  ونشفو دمي الى ان وافقو    كلبي راد يوكف من الفرح   واتفقو حاضر وغايب وطلعنا اني وهمام وامه  واشترالي ذهب وملابس وكلشي يعجبني حبيبي مقصر امه مدخلت  ولااصلا وجهتلي كلام   وطلعت قبل الخطوبه اشتريت فستان   ذهبي خفيف من يم الصدر ومقسم ضيق  بدون ردن  وصدرة خفيف   ورحت  حجزت  صالون   وحفيت لان من وفاة  زوجي محافه ولامغيرة  بيوم الخطوبه   سويت تسريحة شلت كل شعري ونزلت خصل وتاج  ذهبي  طلعت حلوة  حسيت اول زوج الي وهو فعلا هيج لان ذاك  كلشي مخلوني اسوي  واجه السيد وعقدلنا وبعدين دخل حبيبي يمي  اويلي طالع يكطع وكل كرايبنا  بقو مصدومين لابس قاط زيتوني وقميص اخضر فاتح صاير ويا عيونه  ولحيه محددها  شكرة جنه شمس يجنن  يومه خفت لايحسدو بقيت اقرا المعوذات  كال مبرووك  صرتي حلالي  مرتي ممصدك
سناء الله يبارك بيك
همام  شطالعه اليوم  اويلي  شنو ملكه  كتله انت شطالع كال والله حلو عجبتج  كتله انت دومك حلو وعاجبني
همام الله الله اليوم تغردين حبي  خفي عليه وحدة وحدة هم طالعه تكتلين وهم  تتغزلين بي  ماتحمل ترى
جابو الذهب ولبسته الها و لبستني الحلقه واباع ممصدك  هي صارت حلالي   كلساع اجرها احضنها لو ابوس راسها  وكوة شلعوني من يمها  بستها  وطلعت  خابرتها بليل هلا بمرتي
هلابرجلي  اشلون. همام...اشلوني  موتيني اليوم  لوبيدي ازوج باجر  بس مابيدي اكلج اطلعيلي برة خلي اجيكم هسا 
سناء ... دخيلك اتخبلت شيجيبك اخاف عليك حبببي
مظل شي  عيني وننجمع سوة
مروان اي اسبوع الاخ نزوج بعد ماتحمل اريدج بحضني 
سناء .... كيفك 
همام باجر انروح للمحكمه ونتمم كلشي  ومن الصبح دك فوني وينج اني بلباب  
سناء ..ياباب
همام.. باب الشرجي .. بابكم غير 
عزة   بعدني ممجهزة نفسي  
همام انتظرج
سناء طلعت دخلته للبيت وكعدو ويا ابويه واخوتي ورحت  جهزت نفسي   وامي راحت ويايه و هو تمم كلشي بسرعه بحكم  منصبه ومعارفه  وبعدها بايام    وطلعنا اشترينا غرفه  بس هلمرة  قفل الى وحدنا
همام ... شنو من خطبت لليوم  متطلع الى تجيبلها حارس  سناء .. موحارس ياعيني بس هي تصدف
همام... مأ   زعلان والزعلان يراضو
سناء .. ايبا بيش نراضيك  عيني  هسا اشتريلك ساعه
همام... ماعايز لساعتج
سناء .... يا شتريد
جرني وحضني وباسني  كال هيج يراضون الزعلان 
اني ارتبكت وخحلت  ودفعته  كال شبيج ياعيني ليش تستحين  كتله لا  همام عفيه لاتصرف هيج خلي كلشي لوقته   مجانت عندي الجراءة ابلغه اني بنيه وبعمري ممارة بهل الحاله والمشاعر كلها جديدة عليه لان استحي منها وهم محمد الله يرحمه حلفني بلقران مافضح سرة  وبقيت محتارة شسوي  رجعنا وبقينا قبل الزواج يوميه نطلع اجرنا الفساتين وحجزنا قاعه  وهو كل طلعه يحاول ينفرد بيه  ومرة  كال  تعالي شوفي غرفة النوم   رحت ويا قبل الزواج بيومين  اول مدخلت للغرفه قفل الباب  وحضني 
سناء ... لاعفيه همام عيب شيكولون اهلك افتح الباب
همام ... ميكولون شنو زوجتي ...لج مشتاقلج والله
سناء ....افتح الباب ترى ازعل  ...
همام بس اضوك الشفايف وافتحه ..
سناء  ..عزة العزاك شضوك يومه  تخبلت ولك دفعني للسرير  وصار فوكي اريد اتحرك ميخليني ردت اعيط سد حلكي  فقد انجن عبالك غير شخص عيونه حمرة وعركان اني كمت ابجي  خفت منه حيل همام دخيلك فدوة بعد يومين نزوج  وكمت اضرب بي وعضيته  حيل  عاط وضريني راشدي   اني  ظليت مغطيه وجي كال ايا بنت الكلب الي يشوفج ميكول جانت مزوجه  لو بس اني حرام لو حنيتي لكلب ذاك الله يشعله بكبرة  كتله حرام عليك الميت مجوزله غير الرحمه   همام ... ها مستج الحجايه انقهرتي علي
كتله رجعني للبيت همام   افتح الباب لااسويلك مصيبه   عدل نفسه واني هم وفتح الباب ورجعني  حسيته ندم ويباوعلي  بس محجيت ويا   نزل ويايه اني دخلت وعفته وحدة  بعدين مل وراح اني رحت لامي
يوم ... اريد اروح للنجف لكبر محمد
الام  صخام  عرسج بعد يومين شصخمين يم محمد على السعادة الجان معيشجياها هو واهله
سناء ... لا يوم   فدوة هو جان محلفني ولازم اروح اتحلل منه  الام  ..ولج هو مات وكلشي مات ويا شتتحللين منه
سناء .فدوة يمه وبقيت ابجي وامي انقهرت عليه وطلعنا من الصبح زرنا الامير عليه السلام ورحنا للمقابر  وكعدت بجيت يم محمد  هو مااذني بيوم بس اذه نفسه وخطيه شاب   وانحرم  تحللت منه وكتله ابريني الذمه  ورجعنا لكيت همام  كاعد بلبيت  وجهال اخوتي تلكوني شجبتي من الزيارة كدامه  هو باوعلي وطلع بدون ميحجي  ويايه كلمه

همام  لمن خطبتها  بيوم الخطوبه متحملت كلش تحركت مشاعري تجاها حسيتها حلالي وطلع كبت السنين  كله صرت كلش جريئ وياها وبحكم هي مزوجه قبل هلشي مو غريب عليهة وتتقبلني خصوصا احنا نحب بعض  بديت اتقرب الها تصدني وبيوم اخذته تشوف الغرفه لمن دخلت متحملت قفلت عليها الباب وحاولت اتقرب منها  صدتني ومتجاوبت وياي وعضتني محسيت الى ضربتها راشدي  وغلطت عليها  حسيتها بعدها مناسيه زوجها ومن حجيت عليه اشو هاي انهارت وتبجي  وديته للبيت بس تندمت لان ضربتها  حاولت اصالحها مقبلت  وثاني يوم رحت كلت اصالحها اشتريتلها محبس ذهب   واشوفها شمحتاجه للزواج  مرت اخوها كالت طلعت تشتري   غراض ناقصاتها  كتلها وليش مكلتلي .. سهام .. ها اخاف تستحي منك  وميسون هنا على جيه اتصل عليها ماكو
بعدين اطفال اخوانها كالو عمه سناء راحت للنجف للزيارة  وهي دخلت مبين عليها تعبانه هي وامها رايحتله تزورة متحملت  اني عفتها وطلعت  ظلت تتصل ماجاوبها   وضليت اسوق بلسيارة ماعرف وين اروح
سناء  اجه يوم الحنه   وهو متصل  و سويت حفله حنه وبالي مو يمها  اتصلت بوئام اطمئن عليه  كالت  موجود اصدقائه مسويله حنه   بس منجيج نحنيج همام مقبل  حنوني وكملت حفلتي وثاني يوم من الصبح صالون  وتجهيز ورجعت للبيت واجه الزفه ودخل مروان جنه البخت يجنن وزعلان فديت الزعلان  ويباوعلي وكلبه مينطي  فستاني جان  فضيحه دلع وبدون ردن  لان مبدلي مجابولي نفس الي اجرته اني ويا  كال هاي شنو انزعي احسن  ليش مبدلته مو هو الي اختارينا اني وياج
دنكت وكتله مبدلي  كال خرسه محجيتي اروح احرك محله على راسه  هاي شلون بله وعرس بقاعه وجماعتي  ويعيط والناس تباع علي وصاح على  سها ماكو شي تغطيها بي جابولي  الرداء الي على الفستان وهم مقتنع جابوله فوطه بيضه وذبها  عليه  وطلعني لازم ايدي وكلساع يعدلها ويجرها خبلني  وبلقاعه متحرك ولاخلاني انزعها  وردت بس يزفونه اخلص  زفونه للفندق وماما  يومه كليله لاتظلين ساكته يروح ياذيج  
سناء الله كريم   وطلعو بقينا وحدنه  محاجاني  ابد دخل بدل ولف راسه ونام  اني هم دخلت للحمام وغسلت ولبست قميص نوم  وطلعت   كتله همام
كال سناء .. كافي تعبان اريد انام  . سناء .. فشلني خليت ونمت  وكعدت اصبح لكيت  يلبس كال يله غيري خلي نرجع للبيت  ورجعنا لبيتهم ذبحو جوة رجلي وهلاهل   وامي اجت جابت ريوك  كالت ها بشري
سناء ... يومه محاجاني  ولف راسه ونام 
الام  .. انتي احاجي
سناء حاجيته وسكتني   بعدة زعلان
الام ..صالحي شبيج ياحضي  ادلعي علي البسيله اليوم  واتحارشي بي وكليله
سناء صار يوم    رجعنا للغرفه  احاول احاجي يصدني البس يجاهلني بقه للسبعه ميحاجيني  سولي سبعه ولبست سبع فساتين ادخل ابدل واطلع وهو يباع ويدير وجه   خلصت الحفله  كلت اليوم اله اشوفه شبي 
سناء ... همام موكافي   زعل ليش هيج تعاقبني خليني اشرحلك  تصرفي ابررلك
همام ...  شتبررين  بعدج تحبين   زوجح    لو روحتج للنجف تزورين كبرة وبلى علمي شنو التبرير الي تكولي ويطفي ناري احجي
سناء ... اولا هو مو زوجي انته زوجي  وثانيا اني رحت فعلا زرت قبرة وبدون علمك بس مو مثل مانت تفكر  اني هو جان محلفني على شي  وردت اتحلل منه
همام .. شحلفج متزوجين غيرة وعتيتها حيل يمكن خلعت جتفها .سناء ... اي ايدي همام 
همام .. احجي بعدج تحبي  ودفعتها حيل ورجعت عتيتها  ردت اضربها ختلت بحضني وتبجي همام .. محمد جان  عاجز واني باكر  وحلفني ماحجي  لاحد ومن تقربتلي خفت منك لان اول مرة يتقربلي رجال

همام  بقيت زعلان  ومهموم للعرس متصلت بيها  وبلحفلة  مال الزوج بلزفه لكيت فستانها  فاضح يختلف عن  الي اختارينا  كتله انزعي احسن ليش لابسه   كالت مبدلي  ومكادرة تعترض ووالله لو كايله جان حركت محله   غطيتها وطلعنا  وممقتنع اخاف تتكشف متت بدمي وخليتهم يزفونا بسرعه بس  حيل مضايق منها شكد انتظرت هذا اليوم وحلمت بي بس حسيت بعدها تميل لزوجها متت غيرة وكرهت نفسي  حاولت تحجي اني خفت لاتكلي بعدني ممسعدة وهل كلام كتلها كافي تعبان وبقيت اتكلب للصبح اباعها نايمه يمي وماكدر اتقربلها وبكوة منعت نفسي  وصدكت طلع الصبح رجعنا للبيت   ظلت تلبس وتتحارش بس ابد منطيتها مجال ردت  اادبها  واخليها تنسا  وبقينا للسابع احنا  متزاعلين واباعها بلسبعه تلبس وتطلع كل مرة احلى من القبلها ملاك مو بشر   بعد الحفله اجتي عليه  وحاجتني كالت موكافي تعاقبني  وبدا النقاش بينا يسخن  وردت اضربها بس هي صدمتني  بلي متوقعته 
همام شنو عيدي الي كلتي
سناء .. تبجي  اني باكر واسفه مكتلك جنت اخاف واستحي وهو حلفني استر علي 
همام ... يعني هو مطاخج ابد لعد شلون جنت ويا كل هلسنين
سناء ... بلبدايه تزوجت صغيرة وماعرف شنو  علاقه مرة ورجال  وبعدين فهمت  كلت لامي  مقبلت اطلك وجنت اخاف من اهلي  وبقيت جارعه الضيم والذله
همام ... ابجي  واضحك ..  يعني حبيبي اني اول رجال بحياتج انتي حافظه نفسج الي  الله مخليج االيه  محد يلمسج غيري وابوس بايديها وخدودها ممصدك  وحضنتها حبيبي اريدج مأذيج   لاتخافين على كيفي وياج  وبدة يبوس بحنان اني ذبت بايدة  وتحملت الالم  وكمل وباسني  فرحان ممصدك  واني ابحي لاتبجين حبي اذيتج  حاولت والله ماذيج بس ارتاحي ماكو شي بخوف بعد  سبحنا ولكيته نازل مموجود وبعدين اجه يضحك
سناء .. شنو وين رحت
همام رحت لامي شوفتها نيشانج وحجيتلها كلشي  سناء
ليش همام فضحته  حرام
همام انتي تعرفين واني شي وبعدين وصيتها متحجي    تعاي عوفي هالحجي تعاي  اطلبج مال اسبوع  هههه
سناء .. ههه انت حرمت نفسك اني ردت اكلك وانت مقبلت ... همام .. غبي   لو مخليج تحجين ضليت اتكلب الليل كله وهاي الايام اتحرمص عليج     وعيشني احلى ايام عوضني الي شفته  وحنين حبيبي بس امه موتتني
اول مرجع للدوام استلمتني
يله عيني حاسبه نفسج عروس 
نعم خاله أمري  يله حبي شيلي الزوالي وغسليهم وجانت شتا وباردة  سناء صار    خلتني اترحم على بيت ابو محمد ههههه بس ماشتكي   لحبيبي يجي تعبان  وماحمله واني متعلمه على القهر  .همام  حبي مرتاحه احد يغوثج بلحجي كليلي
سناء .. لاحبيبي  ماكو شي   وداعتك    جان كل راتب يجبلي حاجه ذهب   اجه كال غمضي عينج وانطيني ايدج
لبسنياهم ..سناء  ...عااااا يخبلون  حبيببي  فديتك ليش تكلف نفسك وبسته من خدة
كال  بله بربج هاي الهديه تسوة بوسه من الخد كتله لا
همام ...مدام تعرفين ليش   لعد  حضنته   كتله مو انت طويل  مانوش   دنجلي   وشالني كال يله وضحت الرؤيه
سناء  ههههه واضحه كلش   .. وسمعنا عياط خالتي عليه مروان نزلني داروح اشوف خاالتي   مجانت تعرف هو جاي  ظلت  تغلط عليه وتسب وهو يسمع   طلع من الغرفه هي انصدمت   كال هايا على سناء كل هلمسبه ليش يوم   مو  أامنج عليها واروح كلتله ها حشتك عليه العجوز  ام الرجوله  كلها يوم لاتجاوزين عليها هي كلشي محجت اني سمعتج اني اهداء بي يدفعني  فدوة  همام  اسكت  همام عاط بيه انتي اسكتي ودخلي لغرفتج  كلتله تعال اضربني  لخاطرها  بس اني غسلت ايدي منك من ازوجتها
همام .. مواني الي امد ايدي على امي ولاراح اعاتبج  بس هاي فقيرة والي ياذيها الله ياخذ حقها منه
الام تدعي عليه 
همام .. لايوم بس اريدج مثل متعاملين بناتج تعامليها  اخاف عليج الله يحاسبج بيهن  اني جريته ودخلته للغرفه وهي تسب ويريد يطلع ماخلي  فدوة عيني انت لاتدخل اني  احلها وابوس بي واتوسل  ماريد امه تغضب علي لو تصير مشكله بسببي     كوة هديته وغسل ونام مقبل لاياكل ولايشرب  كعدته المغرب
هيمو حبي اكعد صار المغرب عيني  
همام   ... حيل شكد نمت تعبان 
نوم الوافي تاكل حبي 
همام ماشتهي 
سناء بداعتي  اني جوعانه ومماكله شي من الصبح
همام ... ديله خلي هاي افلامج موعليه هههه
سناء ثواني جبت الاكل هيمو حبيبي
همام الله يستر من كلتي هيمو  شكو
سناء ... روح اوكع على خاله وهاي سوالف نسوان حبيبي لاتدخل بيهن  جان يرفس الاكل اني مرة وادخل بسوالف  النسوان
كتله لاحبيبي حشاك والله افتهمتني غلط بس اني  اتحمل ومسيطرة  من اتعب اكلك الحكلي   اني متعلمه
لزمني قوي من ايدي
ميت مرة كتلج لاتقارنين حياتج هنا بحياتج السابقه خاف ذاك جان خركه استغفر الله ليش تخليني اسب الموته اني ماخلي احد يدوسلج طرف  ضليت ابجي ليش دائما تعيرني بي  وجيب سيرته  مصر متنسه ولاراح تنسه  اني مزوجه  قبلك اني شحجي وانت شفتهمت   عفت وطلعت من الغرفه  طلع باس راس خالهةواعتذر وجان جايبلها محبس لبسه اله وصالحهاةالحمد لله

بقت خالتي مثل ماهيه لا اسواء  تسمعني كلام  يسم  وامشي من اشوف همام انسى كل التعب  بعد زواجي ب6شهور  خطبو لحمايه  سلام  بنت خالته وشفت خالتي هي مهتمه بكلشي مو مثل زواجي  وهمام نقلو  لبغداد وصار نزوله يومي مو مثل قبل يطلع الصبح ويرجع العصر  وهذا احلى شي صار  من كلي متت حتى ركص ركصت   وقبل  الخطوبه اجتي الشهريه وجنت حيل موجوعه وتعبانه وماكدرت اكوم من فراشي   وخالتي ضلت تعيط  كتلها خاله ماكدر خابري على وئام واحلام يجوج يعاونوج  يمكن كفرت  ومادري  بناتي خدامات عندج ام الرجوله  خدامه  فلانه تقصد ام زوجي السابق   ومخلت اني مالي قابليه عفتها ورحت لغرفتي  وابجي من الالم والقهر  حجيهاةغثني  متقدر  همام اجه لكاني نايمه
كال شكو ليش امي تشتغل وحدها وانتي نايمه وتحجي  عليج  كتله يله هياني حكوم كال يله  .
سناء لمن وكفت تكطعت من الالم  وبجيت   همام شبيج واجه عليه كتله لابس الشهريه   بس  حيل دتاذيني  كال رجعي نامي حجيبلج مسكن    شربني مسكن بس زاد الالم عندي وحسيت نزف  موطبيعي   زدت بلبجي  همام  بس فهميني انتي كل شهر مو هلشكل شجاج 
سناء ... اخ همام ماعرف حموت دخيلك  كمت ادك على صدرة وايدي افرك بيهن حسيت روحي تنسحب  دخيلك همام اشتريني  حموت والله  همام انجن من كتله شالني وركض للمستشفى واخذوني هو خلاني بحضنه   طول  الطريق وبلمستشفى بلغو انو عندي اسقاط ودخلوني  كرتاج    لمن صحيت ماعرف شكو  الدكتورة كالت ماما غير تنتبهين    انتي بدايه حملج  والضاهر هواي  مشتغله او رجال هواي متقربلج لو شايله شي ثكيل      كتلها دكتورة اني كلهن مسويتهن   كالت  يله ماما الله يعوضج بس انتبهي  على نفسج   كالت بس ترتاحين تكدرون  طلعوها وراحه تامه واكل زين   بس طلعت الدكتورة اني كمت اشهك بلبجي  اجه همام وحضني وباس راسي    كتله ملحكنه نفرح بي   
همام ... ميخالف عيوني انتي ربج يعوضنا المهم انتي سالمه ماريد شي 
سناء ... همام وديني للبيت
همام ... صار ارتاحيتي  كتله اي بس طلعني  ورجعنا مقبل يخليني بكرسي هو شالني  واخو سلام ويانه  واخذ اجازة 3ايام ويداريني حبيبي حتى  للحمام يوديني  ويوكلني بايدة دللني فدوة لعينه  وكلما يلاكاني ابجي يضحكني .. باعي لو مخليتني اشتغل زين جان لزكته بأميري   سناء .... ههههه   همام    دصيري زينه وشوفي اشلون  اكثف جهودي واله توم و شكران وحلوين مثلي   كتله ليش عيني  موبناة  ويشبهوني  كال لاعيني اخلص عمري الحك ورا الزاحفين عليهن   ولدي  البناة تزحف عليهم مثل ابوهم     ماخاف عليهم    بيوم دوامه كعدت قبله سويتله فطور وكعدته هيمو حبيبي اكعد حتتأخر على دوامك 
همام ...اممم  ليش كاعدة حبي نامي
سناء ...لاحبي  الحمد لله زينه اليوم وسويتلك  ريوك
همام ...بربج ...ليش حبي موزين  عليج  راح اطلع ارجعي نامي واذا سمعت مشتغله متلومين اله نفسج  باسني براسي وطلع  وكلعادة استلمتني خالتي  طلعت حليب امي  والخطوبه  قربت  جلفت البيت كله وقبل لايجي همام  كملت وكعدت  اجوي البنات اخواته   احلام متحبني وخبيثه على امها  تسمعني كلام  كالت شبيج طفل معرفتي تحفظي  كتلها ممقسوملي  كالت لاوالله قسمت اخويه هاي   وئام شلج بهلحجي احلام البنيه مريضه روحي حبي لغرفتج احنا هنا  ...دخلت لغرفتي واجه حبيبي  .. هاحبي اشلون صرتي
سناء ....الحمد لله   همام اريد  فستان للخطوبه 
همام ... صار  العصر اخذج تشترين  كاعد على السرير كعدت بحضنه وبسته اموت عليك  كال ترى هذا يسمو تعذيب  اني ممنوع من المس وانتي تسوين حركات خباثه سناء .. هههه والله موخباثه
همام دكومي حبي  استري على نفسج  
سناء  خليتله غدا ورحنا اشترالي ملابس  وشحتاج لوازم  ورجعنا وحصلتلي جم حجايه من خاله واحلام عادي تعودت

بيوم الخطبه صبغت شعري احمر وفستاني احمر  وطلبت مكياج صارخ  طلعت اشررررد  اجه همام اخذني  ولبست صايه وتبوشت  كال اول منوصل بوجج للغرفه اول واحد اشوفج   شافني انجن دمرني يبوس ويحضن  كتله هههه حتخرب مكياجي وشعري كال اكلج شوكت ينفتح الحصار  كتله ههه قريبا افتحه عليك مو هسا والحفله كلها  يتحارش وتمت الخطوبه  وحددو الزواج  وزوج سلام    وجتي العروس اسمها مرح  تتجنبني  من الخطوبه  مبينه خاله موصيتها تركتها بس  الشغل كله عليه حتى اكل زوجها وملابسه مثل قبل اني مسؤله عن كلشي  بس كامت خاله من تسمعني حجي اضوج  لان جنا وحدنا  ماهتم بس هسا مرح موجودة  وخاله معاملتها تختلف  تكعد بكيفها وتنام ومتطلع ومتحاجيها بس اني اذا تأخرت تكلب الدنيا  بس قررت بعد ماسكت وكل حجايه كمت اردها  ماتحمل  صار البيت جحيم  وسلام مو مثل  همام  يهتم بمرح ولمن يشوفو معاملته وياي  يشدون ويايه اكثر ضيقو عليه  قررت احجي ويا خاله
سناء .. خاله حبيبتي ممكن احجي وياج
الام ..خير شعندج
سناء ... خاله اني احبج على حب همام  وماريد ازعلج  اعتبريني بنتج  اني قابله الي ميعجبج بشغلي حاسبيني  وكسري راي بس بيني وبينج  فدوة  مو كدام مرح
الام ...  انتي متستحين جاي تعلميني شلون اتصرف ..ومرح شمسويتلج خالتها بالج لان صغيرة وحلوة ومؤدبه  وبت عالم 
سناء ...واني شنو جبتوني من الشارع 
الام .. كلمن يعرف نفسه
سناء شتقصدين  
الام ... انتي تغارين من مرح لان  احنا رحنالها مو هي  ذبت نفسها علينه  واخذت واحد اصغر منها و ولد ممزوج
سناء ... اني مذبيت نفسي على احد وابنج هو الي اجاني   وانت بنفسج جيتي خطبتي  مواني جيتكم   حرام عليج حطي الله بين عيونج
على صوتنا واجاوزت بلغلط عليه  وهجمت عليه ضربتني  واني مرفعت ايدي  ملختني  ورفستني على بطني حسيت روحي طلعت دفعتها وكعت بلكاع ويا ودفعتي دخل همام  مفتهم وهي كامت تعيط وتبجي  وتكله مرتك ضربتني   لزمني من شعري  ملخني راشديات ورفس وطلعو مرح  وسلام سحبني منه عبالي يخلصني اشو هذا كمل عليه  صرت بينهم  مسلم وكع بين يهود  بس همام  من شاف سلام ضربني دفعه وغلط علي     واخذني .دخلني لغرفتي وسد الباب  واسمعهم يعيطون  سلام وخاله يكولوله متبقه بلبيت   فتح الباب وعيونه تجدح  كال  امشي اوديج لااهلج

   همام .. من زوج سلام اتحوا بيت جحيم  شوكت مارجع امي تشتكي وتحجي وملاحض سناء متسكت  مثل قبل وبيوم  صارت مشاكل بشغلي  وبسببها احتمال انقل لغير محافظه  وجنت كلش ضايج رجعت للبيت شفت سناء دفعت امي وكعتها للكاع متحملت وكعتلها ضرب  وهي تبجي وامي تبجي  معرفت شسوي  وسلام طلع من غرفته ومد ايدة على سناء انجنيت ردت اقتله   ضربته وصارت بينا مشادة  و قررت اوديها لااهلها   همام ... كومي اوديج لااهلج
سناء  وهي تبجي  ... ماروح
همام لاتخليني اسحلج اطلعي بكرامتج اني ماريدج طلعتي من عيني البنيه تمد ايدها على امي ماريدها
سناء ... والله مامديت ايدي هي ضربتني  ورفستي على بطني  وتوجعت دفعتها  جانت بطني زركت من الضربه شوف  مكان الضربه  طول النهار تغلط وتعايرني  قبل ماهتم بس كدام مرت اخوك اضوج    رحت احجي وياها كتلها خاله اني مثل بنتج  ومازعل من تعلميني بس بينا مو كدام العالم .. وحجيتله كلشي    عافاني وطلع من الغرفه  وبقيت بلغرفه  هو يطب ويطلع ميحاجيني  وبلبيت مقاطعيني واذا اطلع  يستلموني  بقيت بلغرفه لااكل ولاشرب   لو رايحه لاهلي اشرفلي   اتصلت بامي وحجيتلها ... كالت  حاجي زوجج لاتخلي زعلان منج صالحي  وفهمي  وانتظرته بليل  هو كلعادة ميحجي ويايه  .. سناء .. همام  اريد احاجيك
همام ....  ماريد احجي وياج
سناء لهلدرجه متريدني 
همام ..اي ماريدج وانتي بلى احساس 
سناء ... اني بلى احساس ...  لان مقبلت اروح  واكبر المشكله ..
همام ... شتكبريها ولج هي جبيرة  انتي شمتصورة  اهلي ميردوج  ...سناء وشنو الجديد من الاول ميردوني  اني اكلك شنو الجديد انت تغيرت   همام لاتتخلى عني مالي غيرك  اذا اخسرك اخسر كلشي والله مغلطت بيمن احلفلك تصدكني
همام .... اني شفتج بعيني 
سناء ... شفت .كولي شفت شفتني ادافع عن نفسي مشفتها وهي تضربني  وتكلي عجوز وتكلي ام الرجوله   شفتها وهي تفرق بيني وبين مرح  مشفتها سابع يوم زواجي خلتي اشيل زوالي البيت بعز البرد واغسل   مشفتها من وكعت ابنا  من ورى الكراب والشغل  كل هذا مشفته بس شفتني دفعتها   كل هذا ضميته لخاطرك حتى مازعلك 
همام ... ليش محجبتي   لو ضميتيهن وطلعتيهن  فد مرة
سناء ... الكلام وياك ضايع  ابقى على تفكيرك  كتله وديني لااهلي  كال يله ....سناء هههه هيج بايع ومنتظرها الله  يله عيني اليبيعني ماشتري   بس اذا طلعت منا تحلم ارجع   دا..اطلع حسيت دخت وافترت الدنيا بيه   مماكله صار 3ايام  كال شبيج  كتله مبيه شي بس اكعود شويه وارتاح  راح جابلي مي اختذته منه وارجف  كال ليش ترجفين    كتله  مماكله من يوم المشكله   همام ... اشتعل بليسج  ... ليش هلشكل
سناء ... بقيت بلغرفه احسن انتو متريدون تشوفوني  طلع جاب اكل ..اوكلي   كتله ماريد اروح لاأهلي واكل . همام .. خفت من كالت من اطلع مارجع  اعرفها عنوديه  ومن داخت  سويتها حجه ماخليها تروح
لا تصرين زينه واوديج  يله اوكلي  سناء  ..تبجي ..والله ماكل زين يله وديني  كافي مذله  .... همام  ماوديج اذا متاكلين  راحت لفت راسها ونامت واني الوب يروح يصير بيها شي  سناء .. كومي اوكلي    .سناء .. ما ..زين بس شربي عصير ... ما.. حلفت اني
همام اني ادفعلج كفارة  كومي   سناء اكلت وابجي     وهو يباوعلي  كافي بجي يله اوكلي ونامي   والله يحلها  يله عيني  انقلبت الايه كام همام يتوسل وسناء تتعزز

  سناء بقيت بلغرفه ماطلع وهمام يجيبلي الاكل  من برة  بس محد من عدنا تنازل للثاني  وبليل نايمهةحسيت بي يشم بشعري  وحاضني من ورة  وباس ركبتي اني سويت نفسي نايمه مشتاقتله موت  تمنيت اندار واحضنه وابوسه    كملت تمثيل وانداريت وضميت راسي بصدرة وحصنته  ونمت للصبح   حسيت نفسي تلعب   دخلت  للحمام  وتقيأت ويه طلعتي صار همام بوجي اني ذبيت نفسي علي  كال شبج عمري   وشالني  كتله يمكن تسممت من اكل البارحه  كال اكلت وياج اني   مبيه شي  اوديج للدكتور  كتله لامتسوة هسا انام  لعد ماروح للدوام  .. كتله لا روح شسويلي قابل  كال خابري اذا تعبتي  طلع ونمت بس ظلت لايبه روحي   ابرد واحتر وغثيان   نايمه وحسيته يلعب بشعري ويقيس حرارتي 
همام ... بشري حبي شلونج ..
سناء ... احسن  
همام  يله جبتلج غدة   كتله دخيلك ماريد تلعب نفسي 
همام ... شنو  مماكله شي  ميصير  يله حتى اخذج دكتور    اكلت بلغصب   وداني همام دكتور  وبلتحاليل بين عندي حمل   وهمام مصدك انجن     اخذني وكعدنا بمطعم  ويضحك ممصدك  كال مبروك حبي  احنا اليوم ننسى الي فات ونبدي من جديد عوفي الي صار اريدج تعتذرين لاامي   كتله اعتذر بس والله مضربتها وحملي
كال اعرف   بس لخاطري  وعموما اني انقلت لغير محافظه وحاخذج ويايه وناجر هناك  متبقين  بس نصفي النفوس ونطلع شكلتي  كتله تامر حبيبي  اعتذرت لخاله وبست راسها  وهي   دفعتني محجيت     وبلغهم بنقله   ونتقلنا اني ويا وداراني طول فترة حملي  وخالتي تعبت  وعرفت قيمتي من جربت  غيري  مرح متشتغل وكل كلمه توصلها لسلام  وسلام ميقبل تحجي وياها  ومشاكل  وبيوم دزت على همام وعليه واعتذرت وحجتله الصدك وطلبت ارجع وياها    بس اني ماكدر اترك همام  وصار عندي ولد   سمينا احمد  على اسم ابو همام الله يرحمه  وهمام حبه ماقل  ويزيد صح عله من يزعل   بس اموت علي   واحبه   ورجعنا ويا خالتي لان خطيه كبرت ومحد يداريها  لان سلام طلع بيت وحدة    واتمنى القصه تعجبكم