للكاتبه
مريم السعدي
تمر السنين ولاتعرف بما تحمله من عذاب مخبا بين اضلعها تمر الليالي كلمح البصر من مسيره اعمارنا فادي واجبك تجاه رب العباد فماهي الا دنيا زائفه زائله الامانه من اول صفات رسولنا الكريم ورد المعروف بالمعروف وكافل اليتيم محضوض من اتصف بواحده من صفاته واخذ حضه من الدنيا --- اليوم حسين ودارين من الحدباء حيسولفونا سالفتهم نستمع الهم بعيوننه اتمنى ان اكون وصلت احساس كل لحضه وكل موقف مرو بيه الكاتبه مريم السعدي
كان ياما كان دارين من الحدباء
عمري20سنه عائلتي مترابطين جدا اخوتي 2والدي ووالدتي الله يحفضهم الي بالدنيا كلها صف سادس ابتدائي وبطلت من المدرسه ام بيت ممتازه من دخلو داعش احوالنا تغيرت كمنا نخاف كلش والدي جان مرعوب من سالفه ياخذون بنته كدام عينه وينطوها للدواعش واخوتي صار بيهم قلق نفسي لدرجه انه حفر سرداب مربع وخله بيها كلشي موونه وخله مكان تواليت ومي كانما سرداب جوه الكع بس مو جبير 5مترات وبي تواليت على صفحه بغطه مثل البرده والدي بناء رتبه وخله بي بنكه واذا سده وخله فوكاه زوليه محد يعرف اكو سرداب ليجوه ترسه اكل وموونه كمت البس نقاب حسب اوامرهم وبيوم الاربعاء 30-7ساعه 3بلليل صار هجوم عالدواعش بس مو يمنا بعيد والدي لزم اخوتي كل واحد سلاح وكمنا نسمع اطلاق ناري وره ساعه اندكت الباب بصوره مريبه والدي ركض نزلني للسرداب ونقبني وسد الباب عليه
السلام وياكم حسين ابو مياده من اهالي الناصريه لبينا نداء المرجعيه والتحقت بالجيش عفت عائلتي وزوجتي وبناتي والتحق وصلنا الحدباء وسوينا هجوم على قطاع52 وكتلنا هواي منهم جننا 26جندي بس للاسف التفو علينه وصفونا بقينا اني واخويه انهزمنا وكدرنا ننهزم منهم عالبساتين جانت دنيا ليل وميبين شي مننا ختلت بس اخويه جان متصوب للاسف من وكف الاطلاق الناري التفتت عليه
عباس - راحو يمكن عبااااس اكعد لخاطر امك جسيت نبضه ماكو نبض فتح عينه واستشهد تدمرت اعصابي وضليت ابجي دفنته بيدي وخليت الخوذه مالتي علامه لقبره كعدت ارتاح واتذكر حياتي ويا هذا اخويه الاصغر مني وربايه ايدي عمره 20سنه جلب بيه الا يجي ويايه من ارجع شراح اكول لامي اذا رجعت عدي هو وبعد اخ واحد لخ وعدي خوات 2 متزوجات وحده منهم ارمله اني عدي محل حلاقه واشتغل بي بالناصريه طلع الفجر كمت امشي بسرعه اتهزم لكيت مثل الحديقه صغيره وبيها بيت جبير ماكو غير مكان بعد شوي امشي اوصل القطاع دكيت الباب الفجر ب3 فتحلي الباب رجال ستيني بالعمر ضل صافن عليه
ابو دارين- تفضل شتريد باوعت لبدلته وللدم البيها انت من الحشد
حسين- اي عمي ساعدوني اذا بيكم غيره عراقي
ابو دارين - تعالو يولد ويايه فوت ابني
حسين- تلكوني ولده وداووني ركض جنت متصوب بزندي الشباب خوش شباب يخبلون داووني ووكلوني اني بس صافن اخويه راح من ايدي
خويه كوم انزع هدومك البس هالدشداشه
حسين- هزيت راسي وفتت لاحمام غسلت ولبست الدشداشه طلعت خطيه صبو الاكل وكومه اكلت جانو بس صافنين عليه
الاب- اكو احد غيرك وياك
حسين- تنهدت اخويه دفنته بيدي وجيتكم
الاب- الله يرحمه شهيد هذا فخر الكم منين انت
حسين- من الناصريه
الاب- من الناصريه وجاي لجاي تدافع
حسين- لعد اعوف عرضي يروح بالرجلين
الاب- الف رحمه عالحليب الرضعته
بقيت يومين مسمعت عدهم صوت مره
دارين- طلعني والدي بعد ما تاكد انه اللي اجه مو من الدواعش
الاب- عمي عرضنا امانه بركبتكم خاف يصير بينا شي
حسين- باوعت للولد عمي شتقصد
الاب- تنهدت كلشي بوكته حلو بس ارد اسالك اذا شفت بنيه الدواعش ياخذوها تخليها وتنهزم
حسين- ههه لعد اني عليش طالع عمي انه طلعت في سبيل الله افدي روحي لخاطر ابن بلدي تريدني انهزم اذا شفت حره ياخذوها ولاد الحرام
الاب- الحمد لله خو ماقصرنا وياك عمي
حسين- حاشاكم من التقصير عمي كفيتو ووفيتو
الاب- ارتاح ياب هساع الولد يحرسون راحتك
حسين- مشكور عمي نمت نوعا ما مرتاح للصبح وسمعنا صوت السيارات بالمنطقه الكاعدين بيها ركض الولد دخلوني بسرداب اضلم وسدو الباب
الاب- اندكت الباب ياهو هذا اندفرت وجوه استغفر الله بريءه منهم محمد وامته
--
عدكم خونه روافض مهزومين هنا العالم بلغو
-منين عمي اني عدي بس هالويلاد وهاي مرتي عجوز
- فتشو البيت هاي شنو الملابس المن مال جيش لو مال شنو
- خله السلاح براسي تشاهدت صاح بيه وينه احجيييي
- ماكو عمي انهزم منا وج الصبح
- رجعو فتشو البيت بنفسهم شافو صور الائمه احنا صح سنه بس نامن بالله واهل البيت ومانفرق عدنا اقوال عن الائمه معلكيها بالصاله من صارت الهده مال دواعش ضميناها فوك الكنتور طلعوها شوفنياها هاي شنو انتو روافض
- لا عمي مانفرق كلنا عراقيين
- دارين- جنت هادئه بالسرداب لدرجه نفسي مينسمع وشفت اخوتي طببو الحشداوي للسرداب مشافني لان ضلمه اسمع نفسه السريع ودعاءه
- حسين- يربي استرهم يربي احفضهم يارب يارب احفضهم وجعلنا من بين ايديهم سدا ---- سمعت اطلاق ناري كثيف بداخل البيت بعدها صار هدوم تام كعدت بالكاع عرفت صفوهم
- دارين- من سمعت الطلق وكعت كمت اشهك بخنيك
- حسين- منو هنا منو اكو هنا همست
- دارين- مااكدر اجاوبه متحملت اختنكت ردت اصيح
- حسين- منو هنا ويايه منو تقربت على صوت النفس والشهكه
- دارين- صحت ياببببهخله ايده على وجهي حسين-اششش اذا لكفوج ترحين بالرجلين اسكتي ابوج راح دفاعا عن عرضج
- دارين- اختنكت وكعت محسيت بروحي بعد
- حسين- يارب كل هذا انت دتشوفه بعينك الرحيمه تلمست الحيطان لكيت بطاله مي ولكيت مثل الجداحه مال طباخ شغلتها شفت مكان البنيه وتاملت المكان كله موون وبنكه وحده ماكو ضوه لكيت مثل الشمعدان ركضت شغلته بالجداحه ورجعت عالبنيه
- خويه كومي رحمه على ابيج نطيتها مي بيدها منقبه تذكرت حجايه الحجي من كلي تعوفها وتنهزم جان يقصد بنته خايف على عرضه الله يساعدهم اوف ربي ضليت اهز بيها حست عليه ابتعدت خايفه تبجي
- حسين- اسمعيني اشش سكتي اهمس واحجي انتي امانه بركبتي هاج مي شربي ارتاحي شويه باعي خويه لازم تقوين روحج ابوج وصاني عليج بس نشوفلنا صرفه ونطلع منا اني اكفلج لتخافين اني ابن بلدج
- دارين- هزيت راسي ابجي واتخيل ابوي واخوتي وامي متكتلين
- حسين- لا حول ولازقوه الا بالله كم وحده هسه مثلج تنهدت ربي انت التعلم بالحال كعدت بالكع وراها تمددت نمت فارشين الارضيه كلها منادر تلمع وانه تعبت جريتها نومه والبنيه هم شفتها كنفدت ونامت مامبين منها شي وره كم ساعه كعدت
- دارين- حسيت وبقيت ابجي بخنيك شون حوكف بعد يمكن اهلي كلهم ماتو وين حروح بعد بيت خالاتي وعمومي مشو لبغداد وين انطي وجي ومن رحنا وصلنا لبزيبز ورجعونا يربي اني عرض اخذني يمك ولا تخلي احد يدنسني ويكربلي حس الولد فزيت
- حسين- لتخافين خويه شبيج استغفر الله
- دارين- كلشي مااحجي وساكته
- حسين- بقيت اباوع عليها بالم الله يعين كلبج رجال وطول بعرض وعمري 30سنه متحملت اشوف اخويه ميت تنهدت ---
- شكد عمرج خويه
- دارين20
- حسين- بالمدرسه بالكليه
- دارين- لا مكمله ابتدائي وابوي بطلني
- حسين- ها الله يسترعليج اووف ربي درت وجهي عنها صافن شون حتكضه نطلع لا --- خويه اني اسمي حسين ابو مياده متزوج ومرتي وبناتي منتضريني انتيدحالج حالك اختي متزوجه انتي
- دارين- لا مقريه فاتحتي لابن عمي بعين كاوه
- حسين-خويه اواعدج اذا ضليت عايش وكدرت اروحن لاهلي اسفرج بيدي لخطيبج
- دارين- هزيت واسي واثقه بي مااعرف منين جتي الثقه بس اللي يعوف مرته وابنه لخاطر بلده يستحق الثقه
- حسين- شسمج
- دارين
- عاشت الاسامي ابتسمت زين هسه انتي تعرفين هذا بيتكم منين نطلع من هالسرداب
- دارين- اكو باب من الحمام صغيره نكدر نطب بيها ونزحف لحد مانوصل لفتحه بره البستان على شارع عام
- حسين- خوش بليل نطلع كومي اكليلج لكمه
- دارين- وين نروح
- حسين- نحاول ننهزم
- دارين- يلكونا
- حسين- كولي يا الله جنت خايف اكثر منها فركت وجهي بايدي تنهدت تعاي اكليلج شي تقوي يجوز حنبقى ايام بله اكل
- دارين- هزيت راسي اي
- حسين- كامت طلعت من المون تعرفهن كليجه وبسكت با الجبن واحنا ناكل ومنلحق بعدين صليت لمحتها صلت ورايه وشربنا مي باوعت الساعه ب1بليل يله خويه امشينا طلعنا من وره البيت النفق الحافره الابوها عشر امتار وصلنا وطلعنا واحنا منصين نركض ونكعد نرتاح ونرجع نركض طلع الفجر واحنا بعدنا نركض
- دارين- تعبت حيل بس لازم اطيعه
- حسين- ارتاحي هنا خويه كعدي التفتت عليه تتنفس بصعوبه خلتها ترتاح عشر دقايق ورجعنا نركض وصلنا لبيت ببطن بستان ركضنا عليه طلعلنا فلاح توسلنا بي يوصلنا فد بعد 200كم ميتعرفون عليه لان عرفوني من الحشد
- الفلاح- عمي هسه يلكفوكم انه علمودكم اكو سيطرات كومه هساع يلكفوكم
- حسين- زين ماكو غير طرق عن طريق بستان شي
- الفلاح- اكدر اطلعكم بس باجر بنصاص الليل فد ب3الصبح مااكدر يشوفونا بليل يكونون طافين وهم لو بالهدف لو بالنجف
- حسين- باوعت للبنيه تنهدت صفنت تستحق المجازفه امني بيها ابوها لا اني الاكدر الاعوفها ولا انه المبقيها هنا اخاف عليها
- الفلاح- نورونا اليوم هنا اذا طبولنا نختلكم عدنا سرداب بداخل الكع بس يحوي بس نفرين احنه اهلنا طلعناهم لبغداد ىنص لكركوك مباقي غيري وغير اخوي نراعي الحلال حته ميدمرو
- حسين- رحمه الله والديك تنهدت تعاي خويه اكدر افوت للبيت ترتاح اختي
- الفلاح- بلي بلي فوت ماكو احد خل الحرمه تاخذ راحتها
- حسين- رحمه الله والديك مااعرف شون
- وثقت بي بس مالي غير حل طبت البنيه جوه فاتت الحمام نمت بالهول مالتهم غفيت لازم اشبع راحه ورايه تعب طلعت البنيه كمت هاخويه تعاي ارتاحي
- دارين- شون انام هنا مااكدر خاف يجون الزلم
- حسين- زين نامي وانه احرسج
- دارين- شكرا نمت وتغطيت وبنقابي بعدني الله ناطيني خلقه العالم تطمع بيها والدي وصاني مانزعه لحد مااوصل بر الامان وارد ارفع راس ابوي ماريد ينزل راسه بالاخره تذكرت كل اللحضات وشون حضنني قبل لاينزلني امي اخوتي ابجي بخنيك تعبت لحد ماغفيت
- حسين- كاعد صافن بحالي شون ارد لاهلي واكلهم عباس مات اوف ربي التفتت عليها سمعتها تون وتبجي بخنيك سكتت ماحاجيتها من الله يعينها اني واحد وكسر ضهري الله يساعدها اهلها كلهم بس والله لو غيرها جان ماتت سبعه بت الحدباء الله يستر عليها غفيت انه وكاعد ورجعت فزيت ورجعت نمت مكدرت بعد لليل سمعت نحنحه رجال فزيت دقيقه دقيقه خويه كمزت عليها خويه دارين خويه
- دارين- ها نعم كعدت عدل شفته فوك راسي واكف
- حسين- جوي اصحاب البيت كعدت عدل تفضل خويه طب الولد وجاب ويا صينيه خطيه و
- الفلاح- تفضل خال هاي العشا واعذروني من التقصير
- حسين- والله ثم والله ماانساها الكم
- الفلاح- تره انه مربط ماكو منكم انتو اهل الحشد كلمن عايف اهله ىجاي يدافع عن كاعي
- حسين- عيب هالحجي كله وطننا انت هسه هالوكفه الوكفتها الي كانما مقاتل وياي ترخص وطلع تقربت البنيه تاكل خطيه جوعانه --شون راح تاكلين وي نقابج خويه انتي من اول هذا نقابج
- دارين- لا همست انه ابوي وصاني الا اوصل بر الامان يله انزعه انه بس محجبه
- حسين- دنزعي هسه ماكو احد خلصي اكل ورجعي لبسي
- دارين- اي شلت النقاب
- حسين- نصيت اكل ممهتم اني عدي مريتي بالدنيا رفعت عيني وشفتها اللهم صل صلي على محمد وال محمد صحت خويه نزلي النقاب نزلي الف نعله على الشيطان نزلي بعد اخوج كمت سويتلي لفه وطلعت شون طركاعه مو حسن شايله مو حسن الا تشرك حقه ابوها يحفر السرداب ويبطلها من الابتدائيه اويلي يازينب شون ححميها وانه انبهرت بيها اعوذ باللله
- دارين/ جنت متوقعه يتفاجا بس موهالحد كام راح بعد مارجع شىن يربي جمالي نقمه علي استغفر الله ربي احميني كملت الاكل وكمت رجعت النقاب شلت الصينيه
- حسين- وين وين جيبي خويه كعدي بمكانج لخاطر الله للفجر وونروح لتكريت اهون منا مكان مايعرفوني بي تكريت ماصار بيها جهاد نكاح ماقبلو العشاير والدواعش خافو منهم لان ارتبطو سوه وصارو صوت واحد بس داخللهم داعش بدون مامسيطر والاتحاديه هم ماناطيتهم مجال اكل وافكر ابقه هناك لحد ماالله يفرجها رجعت دخلت للغرفه ولكيتها نايمه ومتغطايه صليت وارتاحيت نمت ساعتين وكعدت بال2اجه الفلاح تنحنح طلعتله وكالي ساعه ىنطلع واذا لزمونا نكولهم مريضه تتوجع موديها للمركز الطبي
- حسين- خوش حجي رجعت هالبنيه كومي خويه
- دارين- بلي
- حسين- كومي فوتي الحمام وتوضي وشربي مي دنطلع
- دارين- اي كمت سويت الكاله وطلعت وراه وصلنا لنقطع وكفونا
- الفلاح- الله يساعدكم ياابطال
- دواعش- هلا بيك من اين جاي ووين متجه
- الفلاح- جاي من منطقه مسلمه ورايح لمنطقه مسلمه عدي مريضه تتوجع
- حسين- وجهو الضوه علينه ضل يباوع علي الدشداشه والبنيه منقبه ماعدهم اشكال الهويات
- حسين- والله عمي طلعنا ركض موتتنا الحجيه من الوجع انخبصنا احنا من الموصل اخوانكم فتشو السياره وكلولنا طلعوا بس طلعنا مشينا فد ميت متر
- دارين- جنت ارجف وخانسه توترت لحد مااعصابي رادت تنهار
- بس طلعنا مشينا مسافه طكيتها ببجي مكدرت اسكت عله صوتي
- حسين- صبري خويه لا تبجين محد يكدر يتعرضلج
- دارين - سكتت روحي كووووه كملنا الطريق ساعتين وهم وكفونا وهم نفس الحجي واحد منهم كلهم شيلو النقاب
- حسين- خويه بعدها بعدتها ارمله وانت مسلم وتعرف مايصير --- اطلعو بعد دمار الاعصاب وصلنا تكريت
- حسين- عوفنا خويه هنا ننزل لكينا بستان راح الفلاح وركضت واخذتها للبستان لكيت بيت قديم حيل دكيت الباب ميت خوف ولازم البنيه من ساعدها ضاغط بله ماحس على روحي ارجف
- دارين- داحس بيده قويه اذتني ساكته دك الباب وره شوي فتحتها مره جبيره هايمه تفضلو
- حسين- خاله نكدر نبقى يمكم احنا تنهدت باوعت للبنيه خاله احنا مهزومين من داعش
- الحجيه/ يمه اني اخاف على ولدي عدي 2جهال ابوهم كتلو وراح بجيت والله يمه اخاف عليهم مااكدر ابقيكم هنا روحو
- حسين- خاله هنا ماكو زواج نكاح علمود هالشي جبت اختي هنا ماعدنا شي انداريت عالبستان انتي منين تعيشين من هالبستان
- الحجيه- اي يمه بس الفلاح اللازمها ماينطيني حقه دمرني ينطيني بالشهر 100وميقبل يكول ماكو شرايه
- حسين- خاله الزملج البستان واكعد هنا بهالغرفه بس اختي يمج تبات وجهالج يمي بالغرفه
- الحجيه- صفنت ماشي يمه بس اذا صار شي اطلعكم اني كلشي ولا ولدي
- حسين- ماشي خاله دخلتنا وطبينا تريكنا باوعت ولدها واحد عمره 12سنه والثاني 10 سنين ارتاحيت كلش باوعت للبنيه كومي بابا كومي اخذي واحتج هنا محد يجي يتعرضلج تنهدت خاله عدج ادوات حراثه شي
- الحجيه- اي عدي كلشي
حسين- اناملي ساعه واكعد ابلش بي كولي للفلاح بعد ليجي الا اكلبه جنه
الحجيه- الله يسمع منك بس مثل مكتلك تره اذا صار شي ترحون
حسين- بعيني خاله دارين بويه اخذي راحتج اني رايح للغرفه انام نزعي نقابج محد اكو هنا وبس تتحسن الاوضاع اوديج لخطيبج بعين كاوه
دارين- اي
فات نام واني نزعت المره خطيه ضلت صافنه عليه خاله اساعدج بشي
الحجيه- بكيفج يمه
حسين- كمنا نساعدهم بالبيت واني بلشت بالبستان حراثه وزراعه واني عديدخبره بيها بالزراعه كلبته البستان دارين كمت ماشوفها بس صدف المهم مرتاحه انام بالغرفه البره وبيها حمام الولد يجيبون الاكل ويساعدوني بالبستان بده الموسم مر3شهور على جيتنا وهالفتره كرلها مشفتها غير كم مره
داوين- انسجمت كلش وي المره خوش مره علمتني الاوصول الدينيه كلها من اكون وياها اتذكر امي حاولت مااتعلق بيها حتى من نطلع مااتاذه ماريد اتعلق باحد بعد
بيوم من الايام اختنكت حيل ضليت الوب نامت المره وفتحت الباب باوعت عالبستان فتحت باب المطبخ وطلعت مشيت يمكن عشر خطوات
حسين- منو بره كمزت لبست البجامه وطلعت
دارين- اني بصوت ناصي صار 3اشهر مشايفني غير من بعيد وصدف يسلم عليه وارجع اطب البيت
حسين- سمعتها كالت اني صفنت هاي شطلعها اول مره تسويها كمزت خاف بيها شي فتحت باب الغرفه جانت ضلمه اقتربت منها بيج شي ليش طالعه بصوت ناصي كلتها
دارين- لا خوي مبي شي بس اختنكت واختنكت بعبرتي
حسين- قوي روحج توصللي اخبار من بعيد انه ديشتغلون الجيش ماكاعدين والله اني هم كل يوم اموت شون ارجع لامي اكولها اخوي دفنته ورجعت مرتي وبناتي صار 5شهور ماشايفهم تنهدت اسف خويه ضوجتج بس داكولج تره كل احنه متاذايين صبري روحج
دارين- اي خويه الله ينطي الصبر ماتذكرت اي رقم من ارقامهم تتصل بيهم
حسين- ابد تنهدت بس تتحسن اروح وحدي واشوفهن
دارين- وانه المن تخليني لاتروح واذا رحت اخذني وياك
حسين- لتخافين ماعوفج امانه انتي واوصلج لخطيبج ابن عمج هو مو جان ممبين منها شي ضلمه بس صوتها صورتها مخزونه ببالي هيج وجه مستحيل ينسي
دارين- بلي ابن عمي
حسين- ماعدج معلومات عنه مكانه
دارين- اي عدي اسمه الكامل وعمله بشركه مال بناء وكاعد منطقه اسمها عين كاوه
حسين- ها خوش كلش زين تنهدت بابا دروحي نامي هسه
دارين- اي صار فتت للبيت صليت واندعيت اخلص من هالهم والخوف على غفله جاك الذيب وجاك الواوي عدت الايام على سلام دواعش ميوصلون لحدود تكريت مناطق فقيره شيسوون بيها بس اكو سيطره اذا عبرنا هالمنطقه بقينا محبوسين لا احنا الطالعين ولا الباقين مرت الايام بسرعه البستان شغله ابدع جنت اراقبه من يحرث وي الولد عضلات جسمه وسماره وشخصيته كلش حلوه الله يخلي لمرته وبناته
حسين- الكاع طلع زادها تمنيتاهلي هنا يشوفوني شداانتج حسيت احساس رهيب اني سويت انجاز كلما ارفع راسي اشوف البنيه تباوع من شباك المطبخ بنيت جوه الكاع حفره مثل السرداب هم جنت مرعوب من دخلتهم هالحفره تكفي نفرين بداخل غرفه البستان وغلفت فوكاها الكاع منبينه مخليها من يطكنا الدهر كلشي يصير مشت الايام واشوفها تراقبني دائما
دارين- كمت كلما ضجت اراقبه اصلا صار عدي ادمان مجرد اشوفه احس بامان مر 6اشهر على بقيتنا اركب من محصول البستان واخبز وره البيت ومن يجيب المسواك يخلي الصغير عمر يفوته للبيت ابد مداخل هو بيوم الحجيه تطلع تحجي وياه وتسولف وترجع تصب الجاي هو يسولف ويضحك ويصنف اسمعه من وره الباب او من الشباك
حسين- احب اضحكها اشتغل بالكاع واسولف وي ام بكر وانكت ىادري بيها دتسمعني شداكول وبليل من انام اتخيلها مامنه ونايمه وارجع اتذكر روى مرتي حبيبتي حب 3سنين يله نطوها الي تجيني اوقات اندم اني تطوعت بس ارجع واكول بيها اجر الي عدت اايام كامت تطلع وي الحجيه للبستان بس متقترب مني ولا اقترب منها من بعيد وبصراحه عيونها وجمالها ساااحر مااكدر اقترب منها الا انغوي وهاي امانه غير تفظ وارجعها لخطيبها وارجع اني لمرتي وبناتي مياده بنتي الجبيره هسه صارعمرها 14 ومهجه 11اوف امي مشتاقلج خويه محسن الصغير مشتاقله حييل اوف ربي الحمد لله والشكر مرت الايام الولد لزمتهم وعلمتهم على شغل البستان وعدهم 2جماعتهم هم عاونونا بموسم الحصاد
دارين- اليوم صبحت جسمي كلش مكسر تعبانه حيل اريد اشيل راسي مااكدر
الحجيه- يمه داري تصيحني داري شبيج
دارين- مادري خاله تعبانه
الحجيه - لزمت راسها واجه من الحراره ركضت سويت ورد ماوي ونطيتها رجعت ترجف وتصخن لحد ماكامت تهذي
دارين- يوم يابه وواشوف صورهم واني بغير عالم محاسه على روحي
الحجيه- لبستها حجابها وغطيتها وصحت على ابو مياده خفت عليها كلش
الحك عليه هاي داري مصخنه تهذي
حسين- لا يا الله شبيها حجيه فهميني شدتحس
الحجيه- يكلي شدتحس فير ماحاسه حواليها منو بس تصيح يوم وترجف وواجه من الحراره
حسين- ركضت فتت وصلت للغرفه البيها هي التفتت عالحجيه
لابسه الحجاب
اي لبسته الها فوت بس دبرني
طبيت شفتها ترجف-- دارين لزمت كصتها تجوي دارين حاجيني ملامحها مصفطه اول مره اكون هلكد قريب منها مشايف هيج خلقه شفافها كامت ترجف وتهذي يوم يوم يابه
حسين- ركضت جبت المي واخذت خاولي المغسله سويت كمادات ترجف من الصخونه كامت تهذي
حسين حسين لتعوفني حسين لتعوفني
حسين- جمدت ونشف الدم بجسمي هيج شايفتني الامان ماعوفج دارين والله ماعوفج على غفله سمعنا اطلاقات ناريه علكت وكف كلبي باوعت للمره الحكي طفي السركد مال كهرباء ركضت الحجيه وشلت دارين وفوتتها للغرفه ونزلتها السرداب اني جنت مدرب الولد اذا جوي عليهم يسوون روحهم مخابيل والمره متكدر تسوي شي طلعو الولد من الغرفه وركضو لامهم وسدو الباب وشغلو الكهرباء نزلت للسرداب وي دارين نزلتها من ايدي وسد ورايه عمر الباب مال سرداب وخله الزوالي ورجع كلشي مكانه نزلت دارين من ايدي جسمها جان يجوي من الصخونه جنت مخلي ضوه شحن بالسرداب كعدت وشغلته اخذت بطل مي درته بوجهه بس ردت تخفض الحراره اسمع سيارات فوك شحطت ونزلو منها كومه حسب الخطوات الدااسمعها دارين هالاثناء كامت ترجف من درت المي بوجهها قربتها حضنتها قصدي ادفيها
فتحت عينها دفعتني كعدتها -----
بردانه مو همست باذنها
دارين- شكو فوك وجسمي يرجف
حسين- مااعرف بعدني لتخافين بردانه
دارين- حموت برد
حسين- باوعتلها اصبري ميخالف هسه هسه اوف ربي شون كمزت ركضت بحضني تريد تحس بدفو
داوين- بقيت ارتعش بس ردت دفو تخيلته ابويه وركضت بحضنه احضني دفيني الله يخليك مثل ابوي انت
حسين- تعاي ضليت حاضنها بزنودي صارت مثل العصفور واني هواي ضخم ضاعت بحضني شوي وهدات من الرجفه باوعتلها نامت مدري اغمه عليها قربها من وجهي وجمالها بده ياثر بيه احححم
دارين شبيج حاسه
دارين- مم
حسين- كعدت بالكع وبعدها بحضني شوي شوي بعدتها جلبت بايدي بقيت ايدي بايدها ممدده بالكع هي فاتتني اطبب وياي بطانيه بقينا ساعه جنت انتضر الولد يفتحون الباب وره شوي صدك جوي فتحوها
عمر- حسين راحو اطلعو
حسين- عصرت ايد دارين حسستها
دارين- باوعت بعينه الجديه
حسين- يله همست راحو تكدرين توكفين تصعدين بس اربع درجات
دارين- ممم اكدر همست
حسين-عيونها جابتلي المرض يرجف جسمي من اخلي عيني بعينها ساعدتها تطلع ورجعت للبيت صارت احسن عالكمادات وعمر راح للصيدليه جاب خافض ومن سالته عليها كال لا احسن
حسين _اجيت انام اخترقت خيالي وفكري ضليت افكر بيها عيونها وسحر جمالها ليش داافكر بيها البنيه مخطوبه حسين انت متزوج اصحى بس يفك الحصار اوديها لخطيبها وكلشي ينتهي مااعلق روحي بيها ومرتي تنتضرني بالناصريه نمت واخيرا بعد عناء
وثاني يوم جنتا ملتهين باعمال البستان والري مالته والسواكي شفتها من شباك المطبخ تباوع عليه ابتسمت وسلمت عليها شلت ايدي هي هم شالت ايدها سلمت هي هم
دارين- مشفت برجولتك احد رزن وتتحمل الامانه باحسن وجه
الله يخليك لعائلتك احاجي روحي مرت الايام ومرت سنه كامله مااخفي بديت احبه بس بيني وبين روحي بهالسنه مصارت احداث هواي غير كم مره جوي دواعش ورجعنا طبينا للسرداب والولد سوو نفسهم مخابيل حسين كالعاده ماشوفه غير قليل بالهل سنه مرات تنعد عالاصابع ومجرد كم كلمه وهاهي ومن ندخل للسرداب --
حسين- بسرعه اطلعي من هالباب المشتركه مال مطبخ وفوتي لغرفتي
دارين- جوي
حسين- ايي فضيها
دارين- اي دخلت للباب وفوتنا عمر وسد باب السرداب علينا باوعت لحسين جان متوتر كلش
حسين- باوعت عليها تباوعلي مامنه مخايفه
- ابد
- ليش
- ابد
- ليش
- انت موجود
- تنهدت واثقه بيه لهالحد
- واكثر
- انشاء الله اكدر احميج بقيت اباوع بعينها صرت اتعود على حسن وجهه ومااتاثر مقنع روحي هاي اختي وامانه
- دارين احب اكون قريبه منه وكمت احب من يهجمون الدواعش لانه حيكون قريب مني واكدر اباوع بعينه تعبت من الوكفع كعدت بالكع بقه واكف يباوعلي مبتسم رفع عينه ليفوك تنهد يمكن راحو
- خلي عمر يفتح الباب يله لتستعجل
- اعرف باوعتلها هاز راسي تتوقعين خطيبج يكون ينتضرج لو عباله اخذوج
- مااعرف والله
- هو شايفج
- بالصور بس
- هاا بقيت اباوع عليها بداخلي محضوظ بيج اجه عمر فتح الباب وطلعنا بشر شحجو مثل كل مره
- عمر- سالونا منو يقوم بالبستان كلتلهم امي فلاح يجي الفجر ويروح ب3العصر اخذو كومه من الصناديك مخضر وفاكهه سم بكلبهم واحنا بقينا مسوين روحنا مجانين هههه
- حسين- هههه عاشت ايدك بس لتعيش الدور زايد يله دارين روحي يم خاله باوعتلها رجعتلي النضره بابتسامه
- دارين- بعد شهر من هالحادثه سمعنا انه بدت الانبار تتحرر والرمادي والرطبه اكيد احنا وراهم كمنا نسمع صوت هاونات قريبه وضرب هجوم حسين بهالوكت يفتر بالبيتان يلوب مثل الحامل العدها ولاده
- عمر- ابو علي شبيك متكلي
- حسين- ولك عمرو هسه جماعتي كلها تحارب وانه مجتف هنا لابي اوصل الهم يلزموني ولا بيه اكعد هنا الوب وهاي الامانه اللي بركبتي اللي لو ما اهلها ان انه ميت هسه شون بيه
- دارين- جنت اسمعه من يحجي مرت الايام وشهرين لخ تمر صار الي سنه و3شهور وحسين ملتحق قبل 3شهور يعني سنه وست شهور العلاقه قوت اكثر من قبل كمت مااخافزاكثر من قبل اطلع للبستان اطلعلهم الغده
- حسين- مشكور خويه
- دارين- العفو الف عافيه رجعت فتت للبيت
- حسين- يومي كله اذا شفتها مره وحده تكفيني واذا مشفتها احس شي ناقصني
والله عيب عليه رجال متزوج وعدي جهال ومرتي تنتضرني تاليها اخلي ببالي غيرها عدت الايام واليوم صبحنا الصبح طلعت للبستان وشفت السيارات مال جيش متقدمه بسرعه عالجسر القريب منا صفنت هاي جيشنا والله وجان عشره مسلحين لزموني ركض طلعو من البستان وجهًو السلاح عليه ضحكت من شفت هدومهم ومبيهم ريحه جايفه
الجندي - تضحك مو بسيطه انت داعشي
حسين- هههههاي من يتفوج انت واحد ثاني رد وانت شنو نجاوبك هسه حتروح وي جماعتك
- هههه ضابط عبد رضا موجود وياكم
- لا مومن فوجه
- زين ظابط علي رزاق
- لا
- عمي ضابط عمر محمد الاتحاديه وين
- احنا سرايا السلام ضحكت انت جندي مهزوم منهم
- حسين- هههه اي بجيت وكعدت بالكع اشكر الله ولك صارلي سنه و6شهور عباس علي ملازم اول اخويه جان ملازم بالمركز بس من صار التطوع الا يجي توسلت بي مقبل شاطر ومتفوق دائما بمجال الشرطه والجيش لهذا ورغم صغر عمره جان25جان وصار ملازم
- الجندي- سيدي تعال هنا هذا واحد من الحشد
- حسين- ملازم اول عباس يصير اخويه
- الضابط- وينه لعد
- حسين- استشهد ودفنته بايدي تحررت الضفه اكدر انزل لاهلي وعدي امانه من الموصل ويايه لازم اوصلها لعين كاوه
- الضابط - راجعين باذن الله باجر همرات 2حررنا الطريق لتخاف كول يالله انت سبع لتبجي والله طلعت من حلك الموت
- حسين- بس الله اليدري رحت للبيت دارين لبسي نقابج باوعت عليها بعين مدمعه
- دارين- حررونا
- حسين- بجيت حوديج لخطيبج
- دارين- نصيت كفيت ووفيت مقصرت انقبض كلبي صعدنا الهمرات وودعنا الحجيه وعمر وبكر وودعو حسين جان معلمهم كلشي الحمد لله اخر فتره سيطرو همه عالبستان
- الحجيه- شوكت مايعجبكم تعالو وابقو يمي
- دارين- بجيت بجي من كلبي عاللي حعوفه يوميه مفاركه عزيز شون دنيازهاي وصلونا الهمرات ويانا 8نسوان لمنطقه قريبه على كركوك ومناك رجعنا صعدنا لعين كاوه وي البيش مركه اباوع لحسين يعرف نص العالم بقينا هناك بعين كاوه يومين اخذ من ضابط فلوس والظابط دلاه على بيتهم اذا رجع يوديها الفلوس لاهله وبالفعل نزلنا بفندق يومين
- حسين- باعي ارتاحي انتي اني رايح ادك اسمه بالحاسبه هسه يطلع بسع
- دارين- ماشي طبيت سبحت ونمت لان هلكت من الطريق حسين مراد يضيع دقيقه وحده بليل حسيت وحسين بعده مو موجود شوي وسمعت صوت المفاتيح كعدت عدل
- فات ضحكلي يله كومي لكيته
- دارين- صدك وكفت يله نروح نزعت نقابي بقيت بالحجاب ضل يباوع بعيني حسين-متشوقه تشوفي مو
- دارين/ انت هم تريد اروح على اهلك اني هواي تعبتك
- حسين- لو مااهلج جان اني هسه ميت
- دارين-الحمد لله بقيت اباوع بعينه وهو هم دمعت عينه
- حسين- يله يابه يله وديتها للمكان مالته شقته دورت باسماء الناس الساكنين لكيت اسمه باعي
- دارين- اي والله صعدنا للطابق مالته دك الجرس حسين وره شوي مره لابسه بنطرون وتيشرت فتحت الباب
- حسين- العفو طه موجود
- البنيه- طه طه تعال حبيبي عليك خطار
- دارين- باوعت لحسين متعجبه
- حسين- شنو الفلم
- دارين- مادري يمكن تزوج
- طه- تفضلوً منو باوعت للبنيه مدري وين شايفها
- دارين- معرفتني رفعت حاجبي
- طه- مااعرف وين شايفج
- دارين- البنيه جانت واكفه وراه اني بت عمك
- طه- لا بربج دارين شجابج مو كالو كتلوهم كلهم
- دارين- هذا الجندي نقذني
- طه- انداريت على مرتي هاي الكتلج عليها
- مرتي- يعني شتسوي هسه تزوجت
- طه- تفضلو تنهدت باوعت لبت عمي وللولد الوياها ونصيت حاير ومصدوم صدك جذب
- دارين- حاله تضحك مدرت بال بس وين حروح
- حسين- انصدمت الولد متزوج شون يله اذا ابوهنا تبقى بيت عمها
- طه- شونج وين جنتي
- دارين- تنهدت بحدود تكريت بستان وهذا من الحشد بقه يحميني لان ابويه نقذه
- حسين- انت ابوك ساكن عين كاوه
- طه- اهلي كلهم بالموصل بس اني هنا وبيت عميدالوحيدين اللي منعرف اخبارهم بس المتاكد منه عمي توفى باوعت لبت عمي
- دارين- انعصر كلبي نصيت ابجي مسحت دموعي باوعتله مبروك زواجك صار شكد متزوج
- طه- كلتها بخجل سنه
- دارين- مبروك ابن عمي واسفه قلقت وكت راحتك
- طه- وين حتروحين هساع
- حسين- ويايه اخذها للناصريه باوعتلها ماعوفج هنا لوحدج اختي ارمله اكعدي وياها فد بيت وماعدها ولد واني المسوول عنج
- دارين- هزيت راسي
- طه- المفروض تبقه هنا بس امكانيتي موزينه يله مطلع عيشتي
- حسين- اني هم اخوها وامانه عدي باوعتلها يله يابه نرتاح حتى الفجر نطلع
- دارين- مع السلامه وسلمت على مرته وطلعت صافنه
- حسين- طبعا مقهوره حقج
- دارين- ضحكت من كل كلبي اي حموت بجي هو اني بس هالمره شفته
- حسين- لا بربج ىاني عبالي تحبي ضحكت شكد فطيره يالكعبه امشي بابا امشي وصلنا الفندق طبيت سبحت مره ثانيه ونمت جنت جايب اكل وياي لفات
- دارين - نمت بطرف السرير بالكع بعدما اكلت جنت مرتاحه كلش حرجع وياه بس هو متزوج ميخالف المهم اشوفه دائما نمت والفجر كعدني كومي خويه
- حسين- من بعيد احاجيها جنت مرتاح لان حترجع ويايه يله خويه كومي بكلبي لهفه جبيره للبيت لاخويه لامي لمرتي وجهالي اوف الحمد لله ربي طلعنا بالسياره وصلنا كركوك ومن كركوك للتاميم لصلاح الدين لديالى لواسط لذيقار طلعنا الفجر وصلنا الناصريه ساعه 11بليل جنت هلكانه تعب وحسين هم السايق اخذ 1000000 مليون دينار
- حسين- دارين ابتسمت وصلنا هذا بيتنا كلبي طب للمنطقه كبلي جنت كلش فرحان وطاير نزلت دكيت الباب
- محسن- منوو
- حسين- لك محسسسسن هذا انه
- محسن- فتحت الباب صفنت وكعت بالكاع مصدوم حسين
- حسين- ولك شبيك انه حسين ولك كوم مياده مياده كوه حسست محسن صافن عليه والدمعه بعينه فتت ركض للبيت نسيت دارين
- دارين- سديت الباب وبقيت واكفه اخجل اطب اباوع على اخو صافن عليه كلعد على دجه الباب ملتفت عليه
- حسين- وينكم مياده بابا حبيبي مهجه
- مياذه- بابابابا
- حسين- حضنتهم ابجي تدمرت ببعدهم وين ماما صفنو بوجهي امي وين بيبيتج وين بابا
- مياده/ بابا راحت للجنه
- حسين- شنووو وكعت ماحسيت بروحي بعد هاي امي راحت مقهوره عليه
- مياده - صحت بعلو صوتي بابااااا
- دارين- حسين طبيت ركض للبيت شفته متخربط ركضت حسين فدوه باوعت للبنات يتباجن حسين البنات خافو الزم روحك اجه اخو شوي وخري اشوو اشووو
- دارين- وخرت شفته شاله برهاوت ايده وكعدت وجاب مي وغسله حس حسين باوعلي مسحت دموعي رجع راسه عالحايط
- حسين- راحت امي من ورايه مو محسن
- محسن- ماجاوبه ماخفي كان اعضم
- حسين- احجييييي صيحت
- محسن- خويه انت شتحجي جابولنا خبركم للباب وغراضكم وجنطكم وسوينا فاتحتكم 3ايام والوالده طتك عمرها متحملت
- حسين- شصار بيها امي ابجي واحجي كللي شصار بيها اوف يووووم ولك صارلي كومه انتضر شوفه عينها
- محسن- متحملت الخبر خويه الزم روحك بعدك مسامع شي تنهدت بحسره
- حسين- شكو بعد يمعووود كلبي ميتحمل
- محسن/ كوم اسبح واكلك لكمه باوعت عالبنيه هاي منو المنقبه
- حسين- تنهدت امانه خويه اخذي راحتج انتي بامان روحي وي البنات روى وين
- محسن- نصيت بالكاع يم اهلها
- مياده- بابا ماما موخوش مريه
- حسين- كعدت عدل قويت روحي محسن احجي من الاخير اني امي ماتت بعد ماكو اقوى منهالشي
- محسن- يابه طلعت وي واحد وشفتها وطردتها
- حسين- شنو شتكول انت
- محسن- هذا الصار عفت البيت وطلعت علمودها كلت مترهم ابقه وياها بنفس البيت اجرت بره البيت شو شفتها تمشي وي واحد طردتها وزاحت لاهلها وبناتك مقبلو يرحون فرجعت لهنا باوعتله صافن
- حسين- كمت اوكف دخت لزمت الحايط ركضت عليه دارين باوعتلها مبيه شي لتخافين روحي وي البنات كتلج
- دارين- اي اي عفته اخذتني بنته مياده الجبيره صف اول متوسط وفوتتني لغرفه حلوه مرتبه طلعتلي دشداشه ردن وفتت سبحت بحمام الغرفه وره شوي طلعت مشطت شعري كلش طويل هوه واصفر حالي حال الموصليات الشكر منهم لميته ولبست حجابي بقيت انتضر
- حسين- شراح اكتب وشراح اكول ميوصف احساسي فقدان وغدر والم طلعت من الحمام صحت محسن واجه لغرفتي القديمه اباوع عالاثاث صوره العرس فراشي التيبلامب تذكرت التفاصيل ابتسمت وارجع ابجي باوعت لمحسن خويه انت شونك
- محسن- تنهدت اني خطبت وحده حبيتها بس المصيبه وين هاي الوحده بت خاله امها لروى وصار شهرين عايفها ولا متصل بيها
- حسين- تنهدت بحسره محسن مشتاقلها
- محسن- خانتك حسين متفهم
- حسين- بس اشوفها دمعت عيني ولك بس اعاتبها
- محسن- كمت وكفت انت شبيك مكررررن اكوله خانتك
- حسين- اشوفها واتعارك وياها واعوفها بس اشوفها خليت راسي عالمخده اشم عطرها ملكيته دمعت عيني
- محسن- خويه فدوه لعينك اوكف على حيلك بناتك محتاجيك
- دارين- طلعت من الغرفه بثكل خجلانه واحس روحي ثكيله عليهم وصلت للمطبخ صارت بوجهي مهجه الصغيره
- مهجه-هلو خاله
- دارين- ابتسمت هلو باوعت لمياده اللي وكفت تكلي بالعشا اساعدج
- مياذه- لا ماريد خاله شكرا جزيلا
- دارين- وين حسين
- مياده- انتي شعليج من ابويه وين لكاج ابويه
- محسن- السلام عليكم
- دارين- التفتت عليه عليكم السلام ضل صافن بوجهي قاطب حاجبه
- محسن- هاي جابته بجمالها ضليت اباوع عليها تخبببل من الحسن
- انتي منين عرفج حسين
- دارين- نصيت ساكته وراها حجيت من الموصل همست
- محسن- وبعدين
- دارين-اا مااعرف بس هو كفلني اني ادري ثكلت عليكم
- حسين- طلعت شفت محسن مكابلها ويحقق تقدمت عليه اكعد خويه احجيلك
- وصلنا تلعفر وطب الفوج تكتلنا كلنا وصلنا اني وعباس تصوب ختلت بمكان جول وشفت اخوك سلمها دفنته وركضت لحد موصلت اي بيت لان جنت متصوب بكتفي دكيت الباب وابوها واخوتها مقصرو اشرت على دارين نضفو جرحي وطلعو الطلق وحموني تنهدت وانكتلو من ورايه كلهم وراها انهزمنا بتكريت وبقينا هناك سنه و3شهور تنهدت تعبت حيل
- دارين- جنت منصيه ودموعي تكت
- مياده- خاله لتبجين لو ماانتي جان صفينا لا ام ولا اب
- محسن- التفتت عليها الله يرحم اهلج لان لو ماهمه جان مبقه عدي اخ
- حسين- هاي امانه يمي دارو وخلوها بعينكم حالها حال مياده ومهجه
- محسن- ليش متوديها للمخيم همست قريب منه
- حسسن- راسن التفتت عليه خزرته ليش
- محسن- نصيت خويه البنيه لعابه واحنا شباب
- حسين- انت ملك دخل حتتزوج وتطلع واني ابات بره لو بالصاله وتبقه هي اكولك اخبار المحل والبنات تنهدت محسن شون شفت روى جانت فرحانه ويا
- محسن- اي مو عبالك جابرها لو هاي بارادتها االمحل حبيبي لزمته عامل وينطيني اجار شهري ومال اتعاب الشغل نكدر من باجر نطلعه ترجع للمحل
- حسين- نصيت كلبي معصور روحي تلوب خلو العشا اكلت لكمه وكمت مابيه بعد اشوف احد فتت للغرفه ضليت كاعد ادخن فكرت ارجع للحشد اتطوع
- دارين- اني اخذت لفه ورحت لغرفه البنات كملتها
- محسن- صعدت نمت دك التلفون الو
- الو هلو حبيبي ليش عيج هاملني اني شسويت
- تنهدت اني مااكدر ارتبط بيج اسف
- بجيت بحركه ليش اني شنو ذنبي شسويت خنتك اذيتك
- محسن اختنكت بعبرتي ايه والله احبج بس شون اجيبج وكرايبج خاينه
- مو اني الخاينه هي اني شعليه منها
- صح تنهدت طيني مجال
- محسن اذا عفتني اكتل روحي احبك مااكدر اعيش دونك
- هسه الله كريم منعرف الله شضاملنا عوفينا فتره
- مشتاقتلك همست مشتاقه تحضني مثل قبل
- بداخلي المشكله اني هم مشتاقلها تنهدت اذا تحبيني تحمليني
- اتحمل كلشي اخذ راحتك يله باي سديته ابجي
- مكدرت رجعت خابرتها حبيبي ايه كافي سكتي احبج وماعوفج اييه لتبجين عمري
- اي سكتت
- وين بوستي
- ههه احبك موواح
- اموت عليج تنهدت اني جاي باجر نحدد العرس تره حسين مميت رجع
- شنوووو صدك تحجي
- اسكتي اوف ربي سكتييي موت قهر مووت
- الله يساعده عرف بروى
- اي
- الله يساعده خاف يكرهني
- مالج ذنب انتي بس جتي ويا بنيه امانه اهلها كفلًو وماتو من وراه
- عزه خطيه جبيره
- اي تطلع بالعشرين يمكن اصغر
- خليتزوجها
- مااعرف والله هسه نشوف شيصير باجر جاي ونتفاهم على كلشي مشتاقلج
- مو بكدي
- دارين- نامو البنات
-
مكدرت انام بالي يمه شون وياه خطيه كمت طلعت من الغرفه على كيفي وكفت بالباب مالته شون اطب لو لا فتحت الباب على كيفي جانت ضلمه الغرفه واسمع ونينه بهدوء
حسين همست
حسين- فزيت التفتت معقوله جتي للغرفه ها دارين !!
دارين- اي همست مااعرف شجابني هنا تقربت من صمام الامان مالتي كعدت على ركبي باوعت بعينه ميت بجي الجكاره بايده
عفيه لتاذي روحك
حسين- كلشي انتهى دارين لو كاتليني وباقين اهلج هم اشرف
دارين- همست عدك ملاكين يردوك
حسين- هه ابتسمت باوعتلها شفتيهم شون حلوات
دارين- ابتسمت اي حلوات كلش ينحبون
حسين- تنهدت يشبهون امهم
دارين- مياده نفس جره عيونك
حسين- صح امي جانت تكول هيج باوعت عليها وانتي المن تشبهين
دارين- انت شتكول
حسين- تشبهين اخوج الجبير الطلع من ايدي الطلقه تنهدت الله يرحمهم ماانسه فضلهم
دارين- اني هم ماانسه فضلك طول عمري
حسين- بديت اتاثر بعينها وشكل وجهها وشفايفها وصارلي كومه بدون مره تنهدت درت وجهي عنها روحي نامي خويه اني هم حنام تصبحين على خير كمت نمت وتغطيت بفراشي
دارين- تصبح على خير رجعت نمت مرتاحه صار هواي ممامنه هالامان غفيت وكعدت الصبح سويت الريوك وكعدو البنات راحو للمدارس وحسين راح للمحل وي اخو بقيت وحدي نضفت البيت وكعدت انتضر وره شوي جوي البنات
مياذه- الله شون حلى نضيف البيت اليوم مراح ينكسر ضهري
دارين- مالج شغل بالبيت اني موجوده عليج بدراستج
مياده- حتتزوجين بابا قطبت حاجبي
دارين- ااا لا ليش
مياده- لعد شون تبقين هنا
دارين- والله ماادري ماعدي احد تنهدت
مهجه- ابقي يمنا انتي كلش حلوه
دارين- انتي هم كلش حلوه
حسين- رجعت الضهر فتت للبيت يا الله
سمعت مهجه تكول لدارين هاي شون شعرج صار طويل هلكد اني شعري هلكدوته
حسين- ابتسمت تخيلت شعرها ورجعت تذكرت روى اهوو ربي طلعها من كلبي
مياذه- هلو بابا اا بابا هاي ماما خابرت رادتك
حسين- شنوو خابرت
دارين- صفنت سمعت مياده شكالت لابوها طلعت جنت ماانزع حجابي بس من انام باوعتله لازم الموبايل صافن عليه
حسين- رفعت راسي شفتها تباوعني بالم متحملت نضره شفقه من احد فتت للغرفه دك التلفون راد ينكطع الا شوي بالكوه رديت
الو نزلت دموعي
الو حسين حبيبي
حبيبج منو ياخاينه
والله كلولي ميت
واذا ميت تزوجي مو تجيبين سمعت بناتج بالكع
مشتاقتلك ابجي واحاجي
روحي الله يوفقج بحياتج
اريدك اريد ارجعلك
مستحيل لزمج غيري مستحيييل
محد لازمني بس سوالف مو اول ولا اخر وحده اعتبرني مطلقه
انتي صدك تحجين
يعني شتريدني محرومه حنان صارلي سنتين متريدني احب واحس بحب
شنووو ولج انتي متستحين ولج سنتين الا شويه كلعد وي بنت ببت وشابه ولج مشفت منها شعره ولج انتييييي شنووو بناتج عرايس سنتين مصبرتي ولج حب سنين ضاااع صيحت شمرت التلفون واخذت السويج وطلعت من البيت وكفتني دارين- سمعته من صاح وشمر التلفون راد يطلع بالسياره وكفته
لتطلع حسين الله يخليك اوكف اوكف بس احاجيك الله يخليك
حسين- دارين عوفيييينييي صيحت
دارين- لالا ماعوفك تروح بالسياره مياده صافنه عليه
بس اسمعني انعل الشيطان كول نعله الله عالشيطان كووول
حسين- وخري عني تره حكتلها لروحي سحبت سجينه من المغسل مال مطبخ
دارين- لالا الله يخليك بجيت عفيه حسين ماعدي غيرك اذا صار بيك شي وين انطي وجهي بجيت بحركه
حسين- ذبيت السجينه بالسنك كعدت عالكرسي جسمي يرجف ركضت جبت كلاص مي اخذه من ايدي يباوع بعيني ويشرب المي تنهدت الحمد لله شسوي طيني من صبرج
دارين- فوت صللي واندعي الله يبرد كلبك
حسين- مايس كمت سمعت كلامها جرت من ايدي السويج باوعتلها خليت ايدي على راسها ومسحتها غمضت عينها
دارين- مسح راسي لان يتيمه وميدري صار كلشي بحياتي
مياده- من فات ابويه للغرفه سالتها تحبي لابويه
دارين- اخويه وابويه بس لتخافين
حسين- سمعتها من طلعت اتوضه تكولها اخويه وابويه بس مشايفتني غير شي تنهدت رجعت توضيت وصليت فعلا برد كلبي لزمت قران امي شفته مخليته على صفحه بيها ايه ولاتحسبن اللذين قتلو في سبيل الله امواتا بجيت وكعدت اقره
مياذه- بابا حبيبي صار الغده
حسين- اي يابه جيت كعدت اكل لعد دارين وين
مياده- اخذت اكلها وفاتت للغرفه
حسين- ليش متتغده ويانه قطبت حاجبي كمت رحت للغرفه دكيت الباب
دارين- تفضل
حسين-هاي اني
- اي تفضل
- ليش متاكلين بالمطبخ ويانا
- لا هنا ارتاح اكثر صفنت عليها فتت للغرفه كعدت كدامها احد ديضايقج
- لا والله كلش مرتاحه ودااتصرف براحتي
- ماشي يله اخذي راحتج عفتها وطلعت اكل بالمطبخ
- محسن- السلام عليكم شونك خويه المحل فتحته مووو عاشت ايدك صاير فدشي
- حسين/ اي اليوم كلبته عالبطانه منو هاي الحلوه الوياك
- محسن- اقدملك خطيبتي ابتسمت باوعتلها هذا حزام ضهري
- حسين/ اهلا بيج بيناتنا تفضلي مياده بابا صبي الغده
- مياده- اي بابا هسه
- حسين- تغدينا سوه كلنا ونضحك ونسولف وجنت متحمس بعرس محسن بعد شهر ونسيت دارين
- دارين- طلعت اساعد البنات بالترتيب وره الغده شفتهم ملمومين
- السلام عليكم باوعت عليهم صفنو حسيت نفسي ثكيله كلش
- حسين- وعليكم السلام يابه مرت اخويه هاي دارين هاي وحده من بناتي
- ايه- من رفعت راسي وشفتها اخترعت من حسنها باوعت لمحسن مصدومه هاي شون باقيه هنا ومحسن افندي يبات بالبيت
- اهلا وسهلا
- اهلا بيج باوعت لمياده ماعدج دراسه
- مياده- عدي كومه بس داانضف المواعين
- دارين- روحي اقري اني انضفها
- مهجه- خاله خل اساعدج
- يله تعاي مسحي الكاونترات اغسل بالمواعين حسين كلسا يباوع ويدير وجهه وايه ابد مشالت عينها عني تباوع وتتحسر راحو الولد بالصاله وبقت ايه ومهجه بالهول كبال المطبخ تقربت ايه
- ايه- انتي مبقه احد من اهلج
- دارين- انكسر الماعون بايدي وانجرحت اخذت الكنينس وضليت امسح ويفور الدم
- ايه- اسفه اعتذر
- دارين- لا مو يمج طلع حسين شتف الدم يفور
- حسين- لج هاي شنو ركضت جبت المعقم والبلاستر والكطن
- دارين- خويه مابيه شي
- محسن- ميصير لازم يتعقم ماشاء الله ايدها ثلج هاي لو اخويه ياخذها والله تخبل شوي نسوي تحسين نسل
- دارين- اخذ ايدي عقمها وخله الكطن والبلاستر يباوع بعيني قاطب حاجبه
- حسين- خو متاذيج
- دارين- لا والله كملت الشغل وفتت للغرفه يم مياده تمددت
- ايه- محسن بعد متبات هنا
- محسن- ليش يابه
- ايه- مااا اغار مااتحمل
- محسن- شفتيها شون تكطع
- ايه- محسن حكتلك يربي
- محسن- انتي متربعه بكلبي ولج محد ياخذ مكانج كل النسوان يمج نكره
- ايه- تنهدت مطمانه احبك مشت الايام عادي واني كمت اتعارك كل يىوم وي محسن من وراها روحي تلوب اريد اتزوجه حتى ميبقه وحده خاف تغوي شي كلشي اتوقع واني اغار على محسن
- دارين- الا يام مشت سريع مر سبوعين على جيتنه واني من يجون الولد ابقه بالغرفه مااطلع واكلي بالغرفه
- حسين- اليوم مطلعت وابد مشفتها يوميه اشوفها لمحه هيج شي قليل
- محسن- خويه عدي حجي وياك
- حسين- كول
- ليش متتزوج دارين
- لا ماريد اجبرها
- شتجبرها اعقد عليها وفضها وين تلكه احسن منك
- اي طبعا عمري 33وهي21الفرق اولا ثانيا عدي عرايس 2ومو شايفتني رجلها شايفتني اخوها
- دارين- طلعت اشرب مي سمعت يحجي وي اخو
- محسن- خويه الناس اكلت وجهي ميصير تبقه هنا وهي محرمه علينا افتهم
- حسين- تنهدت شسوي فهمني اخاف عليها تغيب دقيقه عن عيني ومتامن الا ويايه
- دارين- دمعت عيني فتت للهول عليهم باوعت لحسين انصدم من شافني
- حسين- دارين! نصيت من عيونها مبين سمعت كلشي
- دارين- اني ماريد تتاذه من ورايه
- محسن- اني اعتذر بس الناس تحجي
- حسين -معليج منه معلينا بحجي العالم باوعت بعينها تكسر الخاطر
- دارين- اعقد عليه اني قابله بيك ماالكه مثلك رجال
- حسين- صفنت عليها بلعت ريك تخيلت روحي وياها يمكن اموت رجعت تذكرت روى
- محسن/ ها هاي البنيه وافقت شتريد بعد
- حسين- تنهدت باوعت بعينها امشي احاجيج وحدنا ممكن
- محسن- اني صاعد انام ايه خبصتني كلسا داكه
دارين- اي تفضل
حسين-.تنهدت تطلعين للحديقه
دارين- اي عادي
حسين- شلت كراسي 2واخذتها للحديقه كعدي
دارين- تونا كاعدين خله ايده عالباكيت
خويه فدوه لعينك لتدخن موزين
حسين- ضليت صافن طلعت الجكاره من حلكي ورجعتها تنهدت ليش تخافين عليه كلته وبعدني منصي
دارين- انت الوحيد البقالي بهالدنيا من بعدك وين اروح
حسين- باوعتلها شون اتزوجج وانتي شايفتني اخوج واني شايفج بنتي وامانه عدي
دارين- من كال هيج سكتت هو هم شايفني مثل بنته ردت اكوله اني معجبه بشخصيتك خجلت بقيت ساكته منصيه
حسين- اني اطلع من البيت ابقى ابات بالمحل
دارين- شون تبات بالمحل مايصير نعقد بس عالورق كدام العالم انت تعرف نيتي واعرف نيتك كلش زين
حسين- باوعت بعينها وبعدين شون اذا جاج احد اذا عجبج تتزوجين
دارين-نكولهم بس عالورق
حسين- هزيت راسي من غير مااحجي نصيت دك تلفوني باوعتني قاطبه حاجبها
دارين- ليش مترد
- هاي روى تحسرت
- ليش مترجعها انت تحبها
- غلطت
- الانسان معرض للغلط كم سنه انت وياها طلع من عدها هالشي
- لا تنهدت
- رجعها وارجع لحياتك هي لو ما عبالها انت ميت متسوي هيج ومن حقها تحب
- ماادري باوعتلها
- بس اذا ترجعها كولها احنا بس عالورق حتى متغار مني
- هزيت راسي شون ارجعها وهي حاجيه وطالعه وي غيري
- المسامح كريم انطيها فرصه ام بناتك هاي تستاهل
- اتمنى اسوي الدتكولي بس مااكدر الناس تاكل وجهي
- تره الناس متفيدك محد يتاذه غيرك
- صح هسه نشوف شون تصفى
- رد عليها
- الو
- حبيبي
- شتردين تنهدت
- اريدك احجي وابجي ارجعلي
- طيني مجال تره اني تزوجت باوعت لدارين تقبلين برجال متزوج
- اي اي اقبل باي شي المن تزوجت المصلاويه
- اي
- عرفت زين اذا رجعتني نكعد فد بيت
- اي اكو اعتراض
- لالا هاهي بس ردني حموت هنا ببعدك
- ماشي سبوع واجي عليج
- احبك
- ممم سديت التلفون بقيت صافن منزل راسي باوعت لدارين
- دارين- احس روحي كلش ثكيله وداضوج بس وين اولي مبقى غير ابن عمي لو ماخذه عناوين عمومتي خوالي ببغدا تندمت
- حسين- وين صفنتي باوعت بعينها
- دارين- مبقالي احد غيرك انت شنو ذنبك
- حسين- تقربت منها واهلج شنو طنبهم من وراي يتكتلون
- دارين-هزيت راسي اي شوكت نعقد
- حسين- هسه اذا تردين بدلي نروح
- دارين- صار رحت بدلت وطلعت جان ينتضر بالمطبخ من طلعت ضل يباوع عليه
- حسين- متاكده من قرارج
- دارين- ميصير ابقه هنا بدون عقد
- حسين- يله امشي طلعنا وصلنا المحكمه فتنا عالقاضي
- القاضي- بنتي باعي لزوجج وكولي ورايه
- دارين- باوعت عليه صارت عيني بعينه كلت الكاله القاضي وتذكرت كل المريت بي من اول مره شفته لحد هاي اللحضه غمضت عيني مزلت دمعتي
- حسين - باوعتلها صفنت شون مجبوره هاي رددت كلام القاضي وطلعنا كعدت بكافتريا وطلبت عصير باوعت بعينها تره هسه اكدر الغي العقد
- دارين- ليش هلكد حملي ثكيل
- حسين- لا والله بس انتي مجبوره
- دارين- منو كال مجبوره
- حسين- دمعتج تحسرت ونصيت
- دارين- من خليت عيني بعينك تذكرت اول مره تسد حلكي حتى ماصيح بسرداب بيت ابوي تنهدت تذكرت من انهزمنا مركض ونرتاح ونرجع نركض تذكرت من وكفنا بباب ام عمر شون جنت لازمني من ايدي قوي خايف عليه تذكرت من صخنت وهجمو داعش لاول مره وحضنتني بالسرداب وتذكرت من رجعنا تذكرت صلاتي وراك احاجي منصيه رفعت عيني لكيته يبجي بهدوء ويمسح دموعه
- حسين- تحجي واتذكر كل تفصيل تاثرت كلش
- دارين- هسه منو الديتاثر عرفت ليش نزلت دمعتي
- حسين- هزيت راسي اي لزمت ايدها مراح اعوفج لحد مااامن عليج كوني على ثقه
- دارين- لمس ايدي بحنان ذبت بلمسته واثقه من هالشي ابتسمت وراها عقدنا سيد ورجعنا للبيت
- محسن- متكلولي وين جنتو ضل بالي
- حسين- عقدنا مثل مكلت باوعتلها وراح ارجع روى حتى يكون بعلمك
- محسن - شنوو وهاي ليش
- حسين- هالشي راجع الي عفته وفتت
- محسن- انتي خليتيها بباله مو
- دارين- نصيت تره اخوك محتاجها ويحبها
- محسن- مو عقدتو بس خليذيميللج يكوم يحبج وانتي هم الله ناطيج خلقه مناطيها لاحد
- دارين- كلبه يمها عوفه ينطيها فرصه
- محسن- اوووف براحتكم بس حتسويلج مشاكل تره
- دارين- اتحمل كلشي لخاطر هو يرتاح خطيه متدري شون حار بيه هناك
- محسن- اهلج هم ماقصرو
- دارين- فتت ارتاح للغرفه تذكرت ابن عمي همزين اخذت رقمه عمومتي يخابرو يعرف شي عنهم هاي يخابرني بلكن اكدر ارجع وي واحد منهم بس غير يبينون جنت مقرره حجابي مانزعه وابقه البس شي مستور حسين كلي الغرفه اليم الدرج تصير الي وحدي مجان عدي اعتراض ابقه وي بناته بس ماريد اعترض راحته اخذت التلفون مالته بعدما استاذنت واتصلت بابن عمي
- الو هلو طه اني دارين شونك الله بخليك لازاني كلش مرتاحه باوع هذا رقم حسين تزوجت اني اي بلي هو تزوجني شوف اسمعني اي احد من اهلي خوالي هاي تعرف عنهم شي اتصل بيه هنا اي ماشي الله وياك
- حسين- ليش متمتحنين خارجي
- دارين- شون ادرس صدك
- حسين- والله امتحني مال ثالث متوسط خارجي
- دارين- تكدر تسويها
- حسين- اي اليوم اجيب كتب وباجر ابلش بالمعامله انتي تعتبرين نازحه متطول وكت
- دارين-خله بيه حماس كلش جبير ضحكت من كلبي مكيفه
- حسين- ضحكتها تريحني وترد عافيتي بدينا تحضيرات عرس محسن الااكل والحنه وهالسوالف هي بدعت بالاكل ووكفتلنا وكفه ماننساها الها حالها حال اهلها بيوم حنه الولد بقت بالغرفه ابد مطلعت بعدما كملت كل الشغل فتت ابدل ملكيت هدومي البنات راحو بيت ايه للحنه هي مقبلت تروح تخجل عفتها براحتها ضليت ادور ملابسي رحت لغرفه البنات دكيت الباب
- دارين- تفضل دخل حسين جان لابس نص ردن فانيلته وبجامه يخبل جسمه وضخامته تذكرت من حضنني بالسرداب من جنت مريضه ابتسمت ونصيت
- حسين- ابتسامتها ونضرات عيونها حلوه -- هدومي ماكو شفتها تكوي بقميصي هاي يمج واني ادور
- دارين- اي يله البس لزمت القميص لبسته مثل مجنت البس ابويه دكمتله دكم القميص والردن
- حسين- مااخفي هالشي تاثرت والا شوي اجرها واحضنها
- دارين- عدلته للقميص وفات لاحمام لبس البنطرون الضاهر عجبه يلبس بغرفتي لزمت الرباط اربطه اله ممد ايده اطول مني كعد عالسرير باوع بعيني بديت اربط واعدل من الزم قميصه وانفضه واعدله يباوعلي بحنان كملت وبط الرباط وعدلته عطرته ولزمت الستره يباوعلي ويطول نضرته غذه روحي بعيونه كملت رجع ليوره باوعني
- حسين- ها شوني تره خوش شاب ابتسمت
- دارين- زينه الشباب ابو علي ابتسمتله ضل يباوع بعيوني
- حسين- تنهدت اكلتي شي همست
- دارين- اي اكلت ليضل بالك روح وي اخوك خطيه
- محسن- لك حسين هاي شنو منو ربط الرباط الك ولك مداااعرف
- حسين- اا دارين ربطته
- محسن- خويه فدوه لعينج ربطي الي
- حسين- لاااا صحت وفضحتني عيوني امشي هسه محمد صديقك يربطه
- دارين- تمددت مبتسمه يغار عليه من اخو قفلت الباب ونمت تعبانه كلش شغلو الديجي بالحديقه خليت المخده على راسي ونمت لل9 الباب اندكت منو
- حسين- اا اني
- دارين- عدلت حجابي وفتحتها ها محتاج شي
- حسين- تعاي اكلي طبيت للغرفه خليت الاكل
- دارين/ هاي سنو غادي مي
- حسين- مو ركصت نصيت مبتسم يله خلناكل
- دارين- تاكل هنا
- حسين- اي دخت خل ارتاح من الهوسه خو ممضوجج
- دارين- االا عادي بدينا ناكل الله هاي شنو عاشت ايدي
- حسين- غير بره صار مذابح عالجداري عاشت ايدج باوعت بعينها هاج هاي حصه الطاهي نطيتها لكمه بيها لحم قطعه مرتبه
- دارين- اني كلش نحسه وايده كلها دهن بس ملعبت روحي دااخذها من ايده
- حسين- لا يابه هاي كبل للحلق من ايد لايد وهاي كلها دهن هاج هاج
- دارين/ فتحت حلكي علكيفي اكلتها تلامس اصابعه بشفافي كهربني رفعت عيني باوعت بعينه شفته بلع ريك درت وجهي راسن كلبي راد يوكف كمت ماباوعله
- حسين/ حركتي جانت كلش غلط اني دااتصرف على طبيعتي لازم احسبلها حساب حتى لو صارت مرتي اني تدمرت وهي هم تاثرت ماريد تاخذ فكره انه اني دااستدرجها كملت شون مجان يله محتاجه شي
- دارين- لا سلامتك غسلت ورجعت نمت صافنه كلسا اتذكر الحركه واذوب غفيت لل11 سمعت صوت البنات اكيد جتي امهم اليوم لازم اطلع لبست حجابي وطلعت
- مهجه- خاله ماما باجر تجي
- مياده- اي حتجي باجر ويانا
- دارين- ليش مجتي اليوم التفت عليه حسين
- حسين- لا متفقين باجر
- دارين- كيفها براحتها حلوه الحنه صارت ايه طلعت حلوه
- مهجه- اي بس انتي احله منها
- حسين- باوعت لمحسن ضميت الضحكه بس ماحملت بعد طكيتها
- محسن/ شكو عليك ههه خرب حضي عيب مهجه معوده دير بالج تحجين هيج تره انكتل والله هههه
- دارين- لا والله ايه دمها كلش يلعب تنحب
- محسن- ها شوف لتكول عليها زريكه بعد
- حسين/ يمعود تكعد بصف دارين يصيرون حليب وككو
- محسن- ميحتاج تكعد يمها ههههه
حسين- اي عفيه زين بس سوال انت مفكرت بخلقتك انت اجكم والنوب هي هم شحتخلف خرب عرضك
محسن- ممفكر بهالموضوع عزه بس لا يجون جنهم بيت كطيوو
حسين- وداعتك لتسطرهم وفد افريقي ههههههه
باوعت لدارين خربانه ضحك ووجهه صار احمر
ووجع حتموتين
دارين- سكتت نصيت
حسين- رحت انام باجر روى تنام يمي شكد مشتاقلها بس غصه بكلبي خيانتها ميخالف جرح ويداوي الزمن نمت وثاني يوم تهيانه لزفه محسن وخلصنا منه وديناه للفندق
دارين- نضفت البيت وراهم خليته يلمع حتى من تجي مرته ترضه عني
حسين- تلاكيت وي روى بالعرس ابتسمتلها هي هم ضحكتلي رجعنا لاهلها اخذت غراضها وطلعنا للبيت البنات ويايه جنت مرتاح بس بعدها الغصه تخنك بيه وصلنا ونزلنا
روى- هاي شنو باب الحوش كله طين
حسين- مو هاي متطلع للباب محذرها
روى- ديله عيني مو هي هم انجلينا جولي
حسين- لج يا انجلينا جولي يااخبارها دفوتي وشوفي بعينج
روى- حسين تره ضوجتني
حسين- انتي هم مامقصره فتحت الباب فوتت السياره ودخلنا المطبخ جانت دارين واكفه بالمطبخ تسوي العشا التفتت علينا
دارين- انقبض كلبي من طبت اختنكت بس ابتسمتلها نضرات الحقد واضحه بعينها اهلا وسهلا بيج ببيتج
روى- ضليت صافنه فلعه كمر موهيج يابه روحي احتركت هلو باوعتها من فوك ليجوه باوعت لحسين تحسرت تعرف تختار
دارين- الله يسلمج انتي هم ماقاصره
روى- ممم
حسين- شوفي روى مشاكل ماريد هاي مو امي واكولج ميخالف مره جبيره هاي مرتي يعني حالها حالج فهمتي حالها حالج
دارين- فهمت هزيت راسي تقربت بوستها
كوه باستني
حسين- باوعت بعين دارين ها يابه سويتي عشا
دارين- اي سويت بس صمون ميكفي
حسين- هسه اجيب روى ماوصيج
روى- هاي شبيك
حسين- جبت الصمون وجيت تعشينا واخذت روى ورحت للغرفه
دارين- من دخلو وسمعت صوت ضحكها تفتفت كلبي مااعرف ليش داغار
حسين- تقربت منها بلهفه صار كومه ممتقرب منها او من اي مره
روى- اي حسيين
حسين- لج اش خرب عرضج بناتج موجودات فضحتينا
روى- متريد اونسك
حسين- اي بس مو هيج علكيفج بناتج يفتهمون مو صغار
دارين- خليت المخده على راسي كوه نمت بس بصراحه بجيت هواي الصبح كعدت طلعت من الغرفه البنات جانو يبدلون سويتلهم لفاتهم مثل كل يوم
حسين- كعدت الصبح اني الحلاقه افتحها ب10
فعلى راحتي بس جان عدي مسواك جل ودهونات وكريمات لازم من السوك المسكف فمن وكت لازم كعدت جانت روى بعدها نايمه اذا الليل كله كاعدين عوضت بيها سنتين بس كلسا اتذكر من كللي محسن شفتها تمشي ىي ولد كوه ارتاحيت كون هسه فقدان ذاكره يصير عدي
وانسه كلشي كعدت طلعت من الغرفه بعدما غسلت بحمام الغرفه لكيت دارين دتسوي ريوك البنات مهجه يمها تسولف وياها وهي تحاجيها واعلمها ابتسمت
صباح الخير
دارين- بلعت ريك اخاف اندار عليه صباح النور خويه
حسين- خويه!بداخلي متندار عليه من احجي شبيها هاي راحو الجهال للمدرسه وسدت الباب دتروح لغرفتها همست دارين
دارين- وكفت ملتفتت عليه تنهدت
حسين- شبيج اليوم حاجيتها بحنان
دارين- مبيه شي صار كدامي نصيت بسرعه جانت عيني مدمعه
حسين- شوًباعيني
دارين- عفته ورحت للغرفه
حسين- رحت وراها فتت كبل من قافله الباب معناها ملابسه الحجاب اذا منقفوله معناها لابسه فتحتها انفتحت دخلت
التفتت عليه اكو شي ضوجج
دارين- لا بس عوفني اريد ارتاح
حسين- ليش شنو تعبج تقربت منها جيف روى جتي
دارين- لالا مشتاقه لاهلي
حسين- الله يرحمهم حاولي لتقهرين روحج واي سي تحتاجي احوج بالخدمه
دارين- اي باوعت بعينه جانت كلها حنان نيال روى عليك بداخلي
حسين- طلعت ورحت للمطبخ اكلت وتذكرت ليله البارحه الجامعني بروى جنس فقط ماكو مشاعر مدااتاثر نفس قبل بكلبي جسمي فقط المتاثر يمكن من وره دارين او يمكن بسبب الخيانه مااعرف شوي وكعدت روى
روى- صباح الحب حبيبي
حسين- هلوو يله اني حروح للشغل شوي ويجي محسن سويلهم غده
روى- اي من عيوني شفته طلع من البيت رحت للغرفه مالتها اشوف شجايبلها مجايبلها من غراض
هلو ضرتي ههه بس بالاسم
- اهلا تفضلي
- افتر بالغرفه واحاجيها وادور بالمجارير وبالكنتور وهي ولا يمي كاعده وكدامها كتب هاي شنو الكتب
- داادرس خارجي
- دكومي هسه مو وكتها العرسان حيجون مضفي البيت وسوي غده جسمي مكسر مال البارحه الليل كله منمت موتني حسونه ميت مره خطيه ديعوض
- دارين- رفعت نضري باوعتها نصيت الله يوفقكم
- وفقنا حبيبتي وسمع دعوتج يله كومي عالبيت طلعت عالبيت وهي بقت بغرفتي
- ضليت ادور بغرفتها ماعدها غير كم هدمه والكتب بس طلعت وفتت لغرفتي رجعت نمت كعدت وره شوي سكعت صوت سياره محسن كمزت لبست كلبيه مال عرايس وطلعتلهم هلهلت
- محسن- يعني ماكو هيج كاشه روحي منها وكارهه خاينه ماعدي تمكانيه اطلع وحدي بس مااكدر للاسف خايف على ايه تختلط بيها لان موراحه
دخلنا وشفت دارين
محسن- ها خويه شونج
دارين- عالخير خويه الله يباوكلكم ويوفقكم
محسن- يسلمج الله اريد استكان جاي مصلاوي من ايدج
ايه- اني هسه اسويلك خزرته لمحسن
دارين- نصيت وعفتهم فتت للغرفه الاكل جاهز والبيت نضيف
نمتلي ساعه
روى- فاتت بعد مطلعت ومحسن سرب جايه وصعد نام انتبهت على بت خالت امي ماراضيه عليها مثلي
ايه هاي دارين مكهونه من جوه ليجوه
ايه- اكوت منها لو عدها ذرت شرف ماتبقى دقيقه بالبيت وي الزلم ميعرفوها يمكن حسين شبع بيها يله عقد عليهاولو ما احنا محجي ميعقد عليها
روى- اليوم شفتها فوك يم غرفتكم مدري شدارت بالعتبه شكلها تسوي سحوره
ايه- عزه بعيني ولج بس لا تصير مشاكل اني وي محسن شون نكسحها الهاي بله فهميني
روى- نتعاون سوه ونهججها
ايه- ماشي بس لتسوينا مشاكل اوف صعدت يم رجلي ومسحت العتبه بخل حضنته ونمت
دارين- طلعت من الغرفه اشرب مي واكل متت جوع تلاكيت وي روى
روى- ها شنو بس تنامين جنج دجاجه
دارين- مجاوبتها بس جسمي نمل من الخجل
رحت عالجدر صبيت وكعدت اكل
روى- فتت من يمها والله يابه ادين بالماعون واصابع بالعيون
دارين- كملت ماعوني وفتت للغرفه كعدت اصلي هاي شون صدك حكمل كل حياتي هنا شون رجعت ادرس بعد شهر امتحانات اني راسن داالكف مو بصعوبه الكتب الجايها حسين بيها الحل واكو بعضها ببطنها ملازم اكعد اقره بيهن
وافتهم سمعت البنات طبو مهجه طبت يمي هلو خاله
هلو مهوجه بستها شونج اليوم امتحنتي
اي كلش زينه
وره شوي صاحتها امها مهجههه تعالاي
دارين- كانما جهه معاديه اني صار الليل طلعت اسوي عشا شفتها لابسه دشداشه كلش حصر زين محسن شون كدامه هيج اوي اني شعليه
دارين- ام مياده شتحبين اسوي عشه
روى- باوعتلها ودرت وجهي سويت خاتون سويت كباب تكلاه
دارين- اكلي
روى- اي كلي توني غاسله حسين ميجب يشم بيه ريحه تكلاه
دارين- صار بديت اكللي واخلي بالماعون صاحت بيه هو هذا هم تكلاه صوتها كلش عالي من تصيح ارجع ليوره اخاف
روى- شنو شعدنا عضم
دارين- والله هيج اكلي وميصير بس شو هالمره يمكن مخليه طحين هواي
روى/ يااااا تعلميني
دارين- لا العفو همست ونصيت
محسن- صياحها واصل لواس الفرع كالعاده نزلت ركض هاي شكووو
روى- باوع شيوت حرمت الكباب
محسن- ام مياده البنيه صارلها سبوعين يمنا اطيب اكل اكلته بحياتي من ايدها وحسها مطلع هسه حتكوم تخربط ومن جيتي سبحان الله
ايه- يمعود محسن كاضيه اليوم كله بس نايمه وروى تفتر مثل المصرع مو كدامي باعي حبيبتي انتي بعدج شابه لازم تلزمين البيت وي ضرتج مو تشوفين نفسج حلوه تنغرين تره جمال الاخلاق يغلب كل جمال
دارين-رفعت عيني اباوعلها فتحت حلكي دمعت عيني
محسن- باوعتلها عرفت فاريها عليها تنهدت تعاي خويه تعاي كيدكن عضيم
دارين- جرني محسن للحديقه
محسن- كعدي خويه احاجيج باعيني من الاخير هاي العقرب روى مخليتج ببالها لان تدري بيج زواجج هالورق صيري سبعه وخلي زواجج مثل العالم والناس وخلفيلج طفل تصيرين انتي ام البيت مثلها
دارين- منصيه ويحاجيني حجيه صح بس اخوك شايفني بنته واني اخجل منه مجاوبته كمل حجيه وراح
دارين- كمت فتت للبيت نضرات روى وايه كارهيني حيل فتت لغرفتي نمت من وكت اليوم من انقهر انام
حسين- فتت ب9تعشينا وباركت لمحسن وكعدنا نتعشى سوه لعد وين دارين
روى- نامت
حسين- ساعه 9كمزت رحت للغرفه فتحت الباب مقفوله
يعني نايمه
رجعت لروى شبيها مريضه
لا بس نايمه اليوم الشغل كله فوك راسي وهي كضتها نايمه
حسين- تعبت باوعت لمحسن غمزلي من كملنا عشه كعدت ويا شنو فلمهن
محسن- والله خويه مسوين شده ياورد عليها اخذها حته تكون حالها حال ام مياده محد يكدر يحاجيها
حسين- تنهدت لا ياب اني عقدت عليها حتى محد يلغي هاي مثل اختي وهي حاسبتني اخوها خل تكمل دراسه ضليت افكر بيها بالي يمها جتي روى كعدت بصفي --
روى حبيبتي ديري بالج هاي امانه عدنا تره
روى- شمسويتلها اني تره شايلتها بعيني كلشي محاجيتها هي كضتها نوم عبالك جاها خدامه للبيت
حسين- تره اذا عرفت انت المسويه المشكله ترى اردج لاهلج
روى- هاي شنو حسونه اهون عليك كعدت بحضنه
حسين- كومي ولج ليجي احد شو صايره متستحين خاف يجون بناتج محسن دكومي
دفعتها مرت الايام واني كمت ماشوف دارين غير كل يومين مره صدفه وبسرعه تفوت للغرفه حتى متسلم ومن اروح وراها تقفل الباب ادكها متفتحها
دارين/ مرت ايام صعبه عليه الصبح انضف واخلي الغده واتريك وافوت للغرفه ابقه للضهر اطلع قبل ليجي حسين واخو وارجع للغرفه بس اقره المشكله وين جنت اسمعها تحجي بالتلفون الصبحيه من يطلع حسين جنت اسمعها تحجي وي ولد اسمه كرار وكلامها ويا فد شي يحوف معليه اني مو شغلي
حسين- تعبت من كد ماحاول اريد احاجيها وهي مو يمي دائما الباب مقفوله صار 3ايام مشايفها متاكد انه روى من وراها اكعد الصبح البيت يلمع والاكل على نار هاديه شاورت مياده مره كتلها منو سوالج ريوك كالت خاله دارين وراها رجعت للغرفه مر شهر على رجعه روى وتني مرتاح جنسيا بس مشاعري ابد ماعدي وياها بديت ماانسجم ىهي تجذبني بلبسها ومكياجها ودلعها كل هذا واني كوه اقترب منها مشاعري يم دارين تعبت
محسن- اليوم مداومت نزلت الصبح اشرب جاي راسي مسطور شفت دارين دتغسل بالطرمه ها خويه الله يساعدج
دارين- همست هلو دافوت ركض للغرفه خاف مرته تشوفني تسمعني كلام ياذيني
محسن- ها وين شنو اذا حضرت الشياطين غابت الملائكه قطبت حاجبي شبي وجهج اصفر وجوه عينج اسود انتي مريضه
دارين- هزيت راسي لا ورحت للغرفه
محسن- هاي شبيها تتهزم فتت للحمام الجوه اني عدي حمام فوك ابد مافوت بالجوه بس صارت بعد فتت جانت سنطه كلش سمعت همس بالتلفون هاي منو توقعتها دارين لان توني شفتها والباقي نايمين من فتحت قفل الحمام انسدت وحده من البيبان ملحكت اشوف ياباب منهم غرفه دارين لو روى انسطرت
ايه- روى كامت تاذيها لدارين كلش اكثر من ما توقعت طلعت من اللعبه وكمت مااتدخل اسوي شغلي اللي هو بس العشه ومواعينه واصعد مالي خلك وكاحتها اني محسن يحبني ماريد يكرهني والبنيه لحد هسه مشفنا منها شي شو اول ميجون الولد تنهزم
دارين- باجر تبدي امتحاناتي التمهيديه وهمزين طلع موقع امتحاني بمدرسه مياده لان هي جابت اسمي فرحت كلش مستعده حييل الها وفرحانه
حسين- التهيت بشغل المحل كبرته وجبت عامل ويايه وترميم وديكًورات وكذا نسيت حتى البيت كمت ارجع نصاص اليل محد كاعد اكل لكمه وانام كبل
دارين- كمت اطلع الصبح وي البنات وره ماكمل شغلي خطيه ايه نطتني صايه مالتها كلتلي ماريدها لبسي هاي بالمدرسه كيفت وتشكرتها
ابد مالي علاقه بالولد بس كاعده بالغرفه لو اقره لو اصلي كملت الامتحانات وجوابي احسن من ممتاز خطيه مياده هي ثاني متوسط واخر يىمين كالت لامها عدي امتحانين بعد وهي مكمله الامتحانات داومت على مودي خاله ماعوفج وحدج انتي كلش حبابه حسين صار شهر مشايفته ولا سامعه صوته ولا سائل عني نوبات اسمع دكه الباب ماافتحها اعرف بي هوه
حسين/ اليوم جيت من وكت اخيرا كملت المحل دخلت المغرب سبحت وطلعت باوعت على غرفتها اليوم لازم اشوفها
روى دارين بالغرفه
اي كالت لحد يكعدني اريد انام عوفها خطيه
لازم اشوفها
تعال احاجيك انت شنو متحرش بيها
لا ليش قطبت حاجبي
باوع كتلها ليش من يجي حسين تفوتين كلتلي لان ماريد يقترب مني ويصير زواجنا صدك خلي هيج شايفني اخته وهو كل ميشوفني يبصبص عليه واني امانه عده اريد اكون حياتي واتطلك منه
حسين- نشف دمي تذكرت اخر مره من لبستني هدومي بعرس محسن معقوله اكيد صح لان روى شمعرفها بكل هالمعلومات واني حاسبها اختي وهالسىالف محاجيها بس اني وياها ويمكن محسن
روى- ايه كايلتلي انه مصاير بينهم شي وكايلتله اني مثل اخته وعقد عليه بس حتى العالم ميحجون بعد اني فبركتها وسويت دراما بيها وجه حسين تغير
حسين- حسيت روحي مو كد الامانه هاي شون دتشوفني منهاي متطلع من الغرفه كرهت روحي كلش هيج مرايدتني وضايجه مني
محسن- شكيت بوحده من نسوان اخوتي راسي انسطر اكوله اخاف عليه ضربتين عالراس توجع
خل اناكد يله شون اتاكد اشد كامره تسجيل ضوئيه تصير صغيره متبين بس شوكت اشدها فد يوم من يطلعون اشدها او الفجر منطول هواي لزك ومكان مخفي فوك الملحق يم الجدوره
دارين- باقي شهوين عالنهائي عفيه حسين لايسال عليه لايكول ابد هيج مو يمه روى اخذت كل عقله الله يهني روى كلتلي كايللها عليه بدت اميل اله وعافني خاف افهمه غلط انه هو شايفني اخته بس والله حتلو حاسبني اخته هم يسال مشتاقتله لاكذب ممشتاقه ولا شي اصلا اخاف اشوفه وابجي احسه كل اهلي
حسين- نايم بالفراش بس افكر بيها روى نايمه بصفي ليش هيج كالت والله جنت احس من عيونها مايله الي مشتاق لصوتها
دارين- طلعت من الغرفه جانت ساعه 4الفجر جعت كلش فتحت الباب وطلعت
حسين/ سمعت صوت باب غرفتها انفتح كمت طلعت احححم
دارين- فزيت من سمعت صوته من سمعت صوته داارجع للغرفه
حسين- صرت وياها وجه بوجه منصيه داسد باب غرفتي تعدتني ركض لزمتها من ساعدها جريتها تعاي همست باوعت بعينها بقيت اجر بيها من ايدها وصلت للمطبخ علكت الضوه هديتها كعدي داحاجيج
دارين- كعدت منصيه صوته رد روحي والنوب لزمني من ساعدي كمت ارجف
حسين/ واكف وهي كاعده اباوع عليها منزله راسها ليش مدتطلعين جنت مشتاق لخضار عيونها يذكرني ببستان ام عمر
دارين- دراسه همست
حسين- اسف اذا تحرشت بيج انتي مثل اختي وماعدي شي وياج تره غير انج امانه
دارين- رفعت راسي باوعت بعينه دمعت عيني يعني كلام روى صح كلتها بداخلي
حسين- شفت وجهها تخبلت شبي وهج شبيها عينج شو باعيني رفعت وجهه لزمت حنكها ليش هيج شاحبه وجوه عينج اسودقطبت حاجبي يوجعج شي احجيي
دارين- هزيت راسي لا
حسين- تنهدت مدتاكلين مو
دارين- لا دااكل
حسين- شوفي دارين منا وهيج الضهر من ارجع اشوفج كاعده كدامي تتغدين ويانا وتتعشين هم مال تبقين بالغرفه ميصرفلي واني محاسبج غير اختي اذا تردين اوديج يم اختي الارمله بس عيالها عدهم ولد شباب وانتي ماشاء الله اخاف عليج
دارين- لا ماريد اطلع من الغرفه عفيه روى تضوج الله يخليك خليني براحتي كمت اتوسل
حسين- اهااا هنا تكمن المساله روى شعليها
دارين- خويه روى تغار عليك حقها لو اني بمكانها هم اغار عليك واسوي اكثر دمعت عيني على اساس مدااحترك هسه
حسين-اني افهمها
دارين- بداعت مهجه بروح امك عوفني براحتي اني هيج مرتاحه
حسين- شكد عناديه لخاطر الله تنهدت شونج بامتحانج مياده كالت كلش زينه
دارين- ابتسمت اي زينه
حسين- مي بارد ونزل على كلبي من ضحكت
باعي اريد كل يوم اشوفج ولو مره وحده اطمن عليج
دارين- ماشي يوميه هيج وكت اشرب مي وارجع اصليً مااريد روى تشوفني وكت جيتك
حسين- شمسويتلج روى قطبت حاجبي
دارين- ممسويه شي بس اخاف على مشاعرها
حسين- زين ماشي منا وهيج هالوكت اطلع اصلي بالهول واشوف بعد حجتج شنوو
دارين - هاهي اترخص
حسين- اوكفي تعاي هاج رحت هالبوفيه طلعت 100000من القاصه اللي بالهول هاج هاي خليها جوه ايدج تحتاجين شي
دارين- مامحتاجه عفته دافوت جرني لزم ايدي قوي خزرني هاي شبيج
حسين- تره زهكتيني تنهدت اخذيها وضميها لتسوين هيج
دارين- اي اخذتها ايدي عفيه عافها ومكانها صار احمر
حسين- باوعت بعينها هيج زين سويتيني عصبي امشي غسليها مي بارد
دارين- ماشي ركضت للغرفه ضميت الفلوس بالجرار وصليت ونمت
حسين- هسه يله ارتاحيت بعدني خايف عليها روى كمت كل اسبوعين يله اقترب منها وهم موعاجبني بس هي تجيني تتدلع اكول خطيه مشاعري ناحيتها بردت كلش ومن اريد انعش كلبي اتذكر عفة دارين وجمالها
محسن- مثل ماقررت شد كامره لان حتى على البنات وعلى ايه خايف منتبه ايه دائما فوك نادرام ماتنزل الا بوجودي اكيد اكو سبب
ومن اسالها تكولي هنا احس ارتاح اكثر وهاي دارين هم متطلع اكو عله هاي روى هججتهم شنو من بشر هاي ماريد اضلمها بعدني ممتاكد مزلت الصبح ب6شديتهازمطولت لزكه تلزك تسجل مال يوم كامل ثاني يوم اشوفه وامسح التسجيل ويرجع يسجل دااصعد شفت دارين طلعت من الغرفه من شافتني فزت
محسن- شبيك خويه شايفه جني صح اني اسمر بس مو هالحد اخوف هه صباح الخير عليج
دارين- صباح النور رجعت فتت للغرفه محسن -ليش هالحد صايره انطوائيه الله اليعلم صعدت لايه ورجعت نمت
دارين- اليوم تقصدت مااطلع الفجر ماريد اشوفه سمعته طلع من الغرفه ورجع دك بابي ورجع فات لغرفته كمت بالسبعه مثل كل يوم حضرت الاكل ونضفت ورجعت نمت بعدما تريكت البنات عطلو نص السنه واني بس اقره
حسين- اني اعلمج تتهزمين مني مو تواعدنا ليش تخلين بسيطه دارين
مياده- ماما رغم هي امنا بس جانت قاسيه علينا مدايره النا بال حايره بالمشاكل والتلفون والقال والقيل لعد عدي ام وغير وحده تسوي اكل وتكويلنا هدومنا وتغسلها ليش شنو ذنبها اني صغيره مااعرف احجي اسكت واخاف من امي
روى- كعدت الصبح وطلعت لكيت الريوك جاهز والله لو ممنضفه جان طيحت حضها
كوم حسين حبيبي حضرتلك الاكل
حسين- اي كمت رحت للمطبخ واكلت وسولفت شوي وي البنات وروى وراها رحت للمحل بلشت شغل
روى- من طلع رحت للغرفه يله خاتون كومي
دارين- ايدفتحت الباب نعم ام مياده تردين مني شي
روى- اي تعاي اريد تعجنين كليجه
دارين- بعيني دااعجن نزلت ايه
ايه- هلو دارين صار كومه مشايفتج جتي بوستنيً
دارين- هواي تغيرت ايه من عرفت نيتي جتي قريبه مني عفيه ايه اريد اشتري ملابس ماعدي
ايه- اي بعيني شنو تردين امشي ويايه للسوك
دارين- ماريد اطلع
ايه- حقج هسه الفرع كوله يجي وراج انتي بالمدرسه وخط وي البنات وابو الخط سائل محسن يكوله تنطوها محسن كله مرت اخويه شننطيها
دارين- ماشي زين عفيه ردت دشديش هاي دتشكك واريد جبه
ايه- ميخالف اجيبلج
دارين- شكرا تسلمين كلش حبابه انتي الله يرزقج نونو من محسن يشبهكم
ايه- فدوه لكلبج دعوه يتيمه
روى- وانتي منيلج فلوس قطبت حاجبي
دارين- اا حسين نطاني
روى- شوكت شفتي لحسين
دارين- عفيه لتصيحين منا العالم
روى- جيبيهن هاي فلوس بناتي احجي شوكت شافج تقربت منها جريت حجابها
ايه- وخري عنها روى هاي شبيج دفعتها قوي
روى- رحت لغرفتها فتشت لكيت ميخ بالجرار تخبلت ميه كامله ابن المشعوله واني بالقطاره ينطيها
تعاي احجي وين شفتي
دارين- والله البارحه بالصدفه شافني كلي هاج خاف محتاجه شي اخذيها ماريدها بس لنصيحين ىلتسويله مشكله
روى- شسوالج ونطاج ميه رخيصه صيحت
دارين - جنت مكمله عجن غطيت العجينه ورحت للغرفه وصياحها وعياطها لذاك الصوب
ايه- صعدت فوك ابجي واخاف احجي شي هاي تخوف توكعني بهبيه
فتحت الكنتور عدي جبه جديده طلعتها وعدي دشاديش عريضه عليه مال جهازي هم طلعتها مزلت دكيت الباب
دارين- منوو
ايه- اني فتحي
دارين- منزلت مني ولا دمعه ابد بس القهر بكلبي فتحت الباب نطتني ايه غراضها مقبلت اخذها مكدرت اني ابويه جان كلش مرتاحه حالته ومدلله كلشً مااكدر اقبل شفقه احد
ايه- يعني انتي مثل اختي لو عدج اخت وتنطيج متاخذين منها
دارين- اخذ بجيت متحملت حضنتني وعافتني وصعدت اني كعدت اكمل دراسه جتي مهجه اكو درس مفاهمته علمتها وراحت صارت ب7كمت سويت الكليجه وحضرت العشا تبقى ايه تكلي اخذت لفه ورحت نمت ففلت الباب كعدت بليل افوت للحمام شفت ورقه جوه الباب جريتها مكتوب ب4اذا مطلعتي اشوفج شي مشايفته حسين
كلبي وكع بين رجليه شككت الورقه رجعت نمت حسيت ب4على صوت الاذان اندكت الباب كم مره مدرت بال كملت صلاه ورجعت نمت خفت من تهديده ومردت يزعل عليه بس احاف من لسان روى اكثر
محسن - نزلت ب6مجان عدي مجال اشوف اليوم كله خليت غير رام وضميت الرام الاول من افرغ بالدوام اشوفه
حسين- اليوم هم مطلعت مشتاقلها ومتحلفلها كعدت ب10ووى- حبيبي هاي سويتلك ةليجه اخذ وياك للشغل صارت طيبه
- داتعبج روى عاشت ايدج
- الف عافيه حبيبي
- دارين- طلعت من راح
- روى- يله خاتون تعاي ركبي تاخر الوكت
- دارين- اي صار
- روى- البارحه خو مطلعتي والنبي اسبيج واسويلج فضيحه ذيج المره خو مسوالج شي
- دارين- علشنو حبيبتي شو رجلج يباوع على طولج
- لا ميسوي شي مثل اخته اني روى- ممم اي يله كدامي فضيني انتي هنا خدامه لان ماعدج احد واحنا من لا جاره ملفيج
- دارين- ادري ياعيني متشوفيني انصف وافوت حالي حال الخدم واي شي يعجبج اسوي
- ايه- اسمعها واتكطع
- دارين- لازم انلوكلها اريد اعيش وين انطي وجي اذا انطردت كملت الشغل ورجعت ادرس بقه شهر للامتحانات وصار سبوع حسين مشايفني ولا شايفته بس اسمع صوته
- حسين- رجعت من الشغل فتت للبيت روى
- - ها عيني
- تعاي صيحي دارين
- شرايد منها
- ووجع صيحيها
- متريد تكول من يجي حسين ماريد اطلع
- هي هيج كالت
- اي ليش
- تكول خلوني براحتي
- المشكله نفس الحجايه حجتها الي هم كلتلي خليني براحتي -- ماشي تنهدت هاج هاي كلاده الج
- روى- والها شجبتلها
- حسين- انتي شبيج صرررع بس تصيحين يكولون شكرا انتي شعليج منها
- روى- بناتك احق من النازحه
- حسين- وكفت على حيلي ماحملت دارين مو نازحه مرتي مرتي حالها حالج
- روى- مو مرتك حسبه اختك
- حسين- حتلو كدام الله مرتي انتي متتدخلين البنيه حابسه روحها بالغرفه ومخلصانه منج
- روى- متدري من تطلع شتسوي وويامن تحجي بالتلفون
- حسين- شنوووو
- روى- هيج هيج
- حسين- احجييي
- روى- مااعرف روح اسالها اني معليه عدي بنات الله يطلعها بيه
- حسين- منيلها تلفون
- روى- اني ادري منين دتجيب الفلوس باوعتله بطرف عيني
- حسين- ركضت للغرفه معقول اشترت تليفون بالفلوس دكيت الباب قوي فتحي
- دارين- فزيت اي جيت مومثل كل مره علكيفه يدكها فتحتها ها شبيك
- حسين- فتت وسديت الباب تقدمت ناحيتها بقوه وينج البارحه واول البارحه وقبلهاااا صيحت
- دارين- عفيه حسين خليك بحياتك وخليني اشوف حياتي
- حسين- وين الفلوس الطيتهياج
- دارين- ااا اشتريت
- حسين- كمت ادور بالغرفه مخليت سم مدورت بي ملكيت اي جهاز
- دارين- علشنو تدور
- حسبن- تلفون
- دارين- ماعدي وروح ابويه دمعت عيني شاك بيه عدي شي
- حسين- كعدت تعبان تنهدت تنفسي سريع نصيت رفعت راسي دارين الله يخليج واثق من عفتج وطهارتج بس اذا عدج شي احجي
- دارين- كعدت كدامه على ركبي اني حسين اني تتوقع مني هالشي ولك اني وياك مسويتها اسويها وي غيرك
- حسين- اني مثل اخوج تنهدت دمعت عيني اني احبها والله احبها واخاف تفكر تفكير بغيري
- دارين- اذا تريد يوميه فتش وقبل لتطلع اقفل الباب عليه
- حسين- تنهدت لا ماعدج شي روى كذابه بس والله اذا مطلعتي الفجر احاجيج اكلب الدنيا عليج
- دارين- والله اطلع بس لا كلشي تصدك اني اذا ردت يصير شي فبالحلال ويطلبوني منك انت اخويه مو هيج باوعتله بعيون كلها استله اريد يصرخ بكلي لا مو اخوج اني احبج مثل ما داخلي يصرخ احبك ليش اكذب على روحي تفكيري ليل نهار بي نايم يم مرته واني اتفتفت واتكطع بقينا نباوع واحد بعين اللاخ طولت النضره
- حسين/ لو ماتدير وجهه اجرخا واحضنها طلعت للغرفه مالتي نمت حتى اكل مااكلت وطلعت العصر وجيت ب12بليل جان البيت صنطه نايمين كلهم فتت للغرفه سبحت ونمت انتضر الاربعه بفارغ الصبر ولا جن اليمي مره والله ودكت الاربعه كمت من فراشي طلعت على كيفي مالي خلك لسان روى فتحت الباب صارت بوجهي ابتسمت
- دارين- رحت للغرفه لحكني وسد الباب ورايه قفلها خفت من قفلها شلت هم خاف هاي تكعد
- حسين- التفتت عليها تنهدت تقربت منها رجعت ليوره شبيج اكعدي داحاجيج
- دارين- اي كعدت كدامه عالطابوريه
- حسين- اي احجيلي شونج
- دارين- زينه
- حسين- احجيلي كلشي
- دارين- كمت طلعت كتبي هاي دااقره وطلعت هدوم النطتنياها ايه هاي ايه طتني ملابس منها
- حسين- ليش اخذتيها مكفت الفلوس
- دارين- لا شسمه صفنت درت وجهي
- حسين- دارين ششتريتي بالفلوس باوعتها
- حسين- دارين ششتريتي بالفلوس باوعتها بحيره
- دارين- مو روى احتاجت للجهال ونطيتهيا اني ممحتاجه
- حسين- خرب طبعا شكيت تنهدت شون وياج ليش هيج ضعيفه انتي
- دارين- حسين ماريد تطلعوني منا ماعدي غيرك وين اروح دمعت عيني
- حسين- لزمتها من وجهها بعصبيه محد يطلعج اطلعهم كلهم وماطلعج لج افتهمي
- دارين/ لا والله عفيه لتسويلي مشاكل خليني عايشه
- حسين- جوج خطابه تقبلين
- دارين- اش اسكت لتكول لاحد عفيه تروح روى تجلبلي وتزوجني خومكتلهز
- حسين- متردين تتزوجين تقربت منها صاير اعصاب
- دارين- باوعت بعينه لا ماريد اريد اكمل تعليم همست
- حسين- هزيت راسي ماشي اندكت الباب بقوه
- روى- فتحيها فتحيها بواكه الرياجيل
- حسين- اششش فتحت الباب وقزر قط وزقنبوت شرايده
- روى- بله متستحي عايف مرتك بنصاص الليالي ورايح لهاي متخجل بناتك بطولك
- حسين- سدي حلكج لا اشكه ممسوي شي غلط مرتي هاي
- روى- لك بابا انت عليمن تضحك عليه عليها بس هي لو مابت زنا متقبل نفسها
- حسين- متحملت ضربتها واشدي صاحت دارين لا لا عفيه الله يخليك كومتها
- روى- وخري بواكه الرياجيل
- حسين- لج بابا خرب اطلعي بره اطلعي الهرانام يمها انتي وحده خاينه فوكاها لسانها شطوله بت الكلب طلعتها وقفلت الباب
- دارين- اطلع روحلها كمت ارجف الله يخليك اطلع بجيت روح عليها روح
- حسين- هاي شبيج تبجين تقربت تبتعد وترجف لج بابا شبيج
- دارين- حسين والنبي تاذيني اخاف منها اطلعلها
- حسين- منو ياذيييج تقربت اكثر هاي شبيج دارين امنتي بيه من جننا يم داعش تخافين من مره والله نزلتي من عيني لترجفين لزمت ايدها ليش خايفه احجي شمسويتلج جسمها يرجف وتتوسل بيه اطلع صفنت عليها اوك حطلع لتبجين كافي باوعتها بحنان دموعج تاذيني تحسسني بضعف وعجز اني ماديت امانه اهلج اللي بركبتي لج بابا اهلج ماتو من وراي اطلعها وماطلعج
- دارين- روح روح اخاف والنبي
- حسين/ بسسس صحت بيها حطلع سكتي طلعت ولزمت روى والعباس واللي سماه عباس اذا صار بالبنيه شي لا اسحلج الناصريه كلها
- روى/ وخر عني ودير بالك تقربلي تتهزم مني وتروحلهز
- حسين- بالعه ىالنبي لج بابا من جيتي كتلج متزوج بعد على ورق مو ورق مو شغلج
- محسن- احمم الله يساعدهم شو مصايح من الفجريه شكو باوعتلها
- حسين- تنهدت ماكو شي يسممون البدن لبست وطلعت بقيت بالمحل ىحتى تريكت هناك
- روى- صفنت شسوي شسوي صوبنت بالصابون حافات الطباخ فورت مي بالجدر وخليت الجدر عالنارحتى من تجي تركب يتزحلك وينجب عليها بلكن تحترك بت العاهره رحت للغرفه كلت بهدوء كومي ركبي اني طالعه
- دارين- استغربت من الهدوء همست اي طلعت وكمت عالبيت ممصدكه وحدي جلفته جلف وجيت لكيت مي ديفور عالنار هاي شنو الكدر يمكن خلته للتمن توني اخلي ملح وادير التمن اطبكه وكع المي على رجلي احتركت كمت اصيح وخربت الالم الشفته دمار
- ايه- ولاول مره سمعت صيحتها هاي هي مو العركه ركضت جوه عليها لكيت رجلها مبطبطه ومحروكه تخبلت اول تالي ام بيت توكع جدريه ركض خابرت حسين اجه ركض خطيه يرجف شابها وكبل للمستشفى
- حسين- تون بالطريق كله اباوع لرجلها بس لا يصير تسمم يارب سترك دخلنا للطوارء وجتي دكتوره نيمتها عالسديه تعضعض باصابعها الم عرفت حيكشطوه درت وجهها عليه ابتسمت بالم تتذكرين بالبستان من جننا نكعد ناكل
- دارين- اي اتذكر ابتسمت شذكرك بيه دموعي نزلت اني بيا حال خليت نص جسمها بحضني ولزمت ايدها تذكرين من جانو يهجمون الدواعش ونختل بالسرداب
- دارين- اي اي ايتسمت اه اه اي ي عفيه وخرها ماريد كشطو البطابيط واني حسيت روحي حموت حموت لازمني حسين يباوعني وتجري دموعه وي دموعي كملت الدكتوره وغطو الجرح حضني حسين خلص انشاء الله ماكو شي
- حسين- اباوع بعين الدكتوره
- الدكتورة-زوجها
- اي
- تفضل ويايه خليها ترتاح
- طلعنا دكتور بشري
- باوع هو الحرك من الدرجه الاولى الحمد لله احنا كشطنا وعالجنا انشاء الله ميلاهب ويصير تسمم وي كورس العلاج ورجلها تقريبا اربع اصابع احتمال تبقه اثر بس الطب تطور كم جلسه ليزريه يرجع كلشي لمكانه
- محسن- فتحت الرامات بوكت فراغي شفت بلاوي اولا التلفون مينزل من ايد روى وماكو صوت مااعرف ولد او بنيه التحاجي وثانيا كل الشغل تشتغله دارين وثالثا شفت من اخذت فلوس دارين هاي سمعت لان بصياح هذا والباقي سخيف بس شنو لمحت خمس دقايق شاعريه بين اخويه والمصلاويه اوف يخبلون ولك خويه هاي مستواك ومثل بياض كلبك الطيبون للطيبات الله يعدي سرهم
- روى- دخلت شفت الجدر مو عالطباخ وايه دتمسح ها شو انتي
- ايه- سكتي غير احتركت وانجب المي عليها
- روى- هاي حوبتي اي وتالي
- ايه- شتالي خابرت حسين اجه عليها
- روى- طيح الل صبغج مكيفه بروحج شكو خابرتي احد صخم وجهج وكلج خابري عوفيها تموت بت الزنا
- ايه- مدرت بال عفتها وصعدت
- روى- بلكن تنشل وين الله خابرت حبيبي اني بقيت على علاقه بي حبيته كلش وتعلقت بي بس اهلي من بقيت عدهم دمروني فرجعت احسن من قبل لحسين بس كرار ماعوفه امكانيته ضعيفه وميكدر يخطب بس دائما اخابره احاجيه واطلع ويا مااكدر امنع نفسي هو حب حياتي وكل هاي وماريد احد يشاركني بحسبن لان تقل المصاريف واني هسه ام البيت واحب غيره واغار عليه الا اهججها للمصلاويه انفقت وي كرار بفد مصيبه تخلي يطردها وهو الممنون كللي اني امخمخها كيفت كرار عيشته عليه دائما مصروفي كله اله احبه ومااتخلى عنه
- حسين- بقينا بالمستشفى كاعد يمها حست
- دارين- حسين
- حسين- ها عيني
- دارين- ليش بقوني مو ةملو العلاج
- حسين- تحت المراقبه ابتسمتلها الدكتورات كامو يجون يتفرجون على حسنج
- دارين- هه بطرانات
- حسين- واني من نمتي لحد هسه اتفرج عليج
- دارين- قابل مشايفني باوعت بعينه
- حسين- تنهدت اي مشايفج لزمت ايدها لو صاير بيج شي جان كتلت نفسي
- دارين- اسم الله عصرت ايده انت الامان بالنسبه الي مالي غيرك انت كل اخلي اخويه وابويه
- حسين- ذبت بعصره ايدها تقربت من كامت تعدد وبعد بس ذوله
- دارين- كل اهلي اخاف تصير شي بيني وبين روى تطردني لو توديني للمخيم هي ام بناتك الله يخليك لتتقرب مني بعد
- حسين- هزيت راسي ماشي
- محسن- سمعت السالفه من ايه وجيت ركض للمستشفى الله يساعدهم شنو هالعصافير الحلوين يابه سلامات قلقتينا
- دارين- تسلم محسن رحم الله والديك
- حسين- منين عرفت من مرتك
- محسن- ممم يابه عاشتزايدج عالكليجه التخبل
- حسين- التفتت عليها انتي سويتيها 😳
- دارين- اي بالعافيه
- حسين- ايا بت القندره كالت اني سىيتها
- محسن- حبيبي اكعد افهمك ضم عضلاتك لغير وكت مرتك كلشي متسوي الريوك والغده والعشا كله مرتك بسدايه تكلي هسه اني ذيج هم يرادلها زفه خوش طرمبخ عدي المهم تنضف قبل لتكعدون من ال6 وتركب وتفوت لان ست الحسن امرتها واخذت الفوس النطيتهيا وعراك وهوسه ومذله وبناتك كله براسها وحجي يلعب تلروح
- حسين- ليش متحجين ليش
- دارين- متسوه تره
- محسن- لج بابا بازمه عليج لزمه تخافين منها هالخوف
- دارين - ابتسمت لازمتني من ايدي التوجعني باوعت لحسين
- حسين- تخافين اطردج ماطردج لتخافين مو قشمر اني
- دارين- المره من تغار تكلب الدنيا الاربده منكم الله يخليكم الله يخليكم كانما كلشي مصار حسين مثل متفقنا متتقرب مني وانت ابد متحاجيها
- محسن- بداخلي بس خل الزم شي ملموس وبسيطه عود اي لا ماحاجيها اي حقها الضره مره
- الحمد لله حالتها مبيها مضاعفات طلعنا من المستشفى سندتها عليه مجرد تلامس جسمي وي جسمها يرجفني وهي هم تتاثر مبين من عينها التلمع وصلنا وديتها لغرفتها
- روى- غير تنتبهين شنو زعطوطه
- محسن- رجاءا احترمي نفسج باه لغوه زايده واي مشكله نوديج لاهلج مو عيب الجيران كلها تسال الفجر شصاير عدكم المصايح لذاك الفرع
- حسين- روى اي صوت يطلع منج متبقين هنا
- بعد من صدك لعبت نفسي منها كمت اكرهه واكره كذبها
- روى- سكتت بس بداخلي محضرتلج مصيبه تسوه عشيرتج بت الكلب عفتهم وفتت لغرفني لبست احلى سيت نوم ومكياج طوخ فات حسين باوعلي قطب حاجبه ولف راسه ونام تخبلت اني يعوفني بسيطه اله اذلك اريد اشىف وجهك شون تبجي واحضن بيه نمت
- دارين- كمت انام بحجابي لانه مااكدر امشي وكلسا جاي حسين وبعدني لحد هسه منازعه حجابي منه وابد هو مناقش مااعرف شون حتصفه خليها على الله
- حسين- الصبح رحتلها للغرفه ها شونج اليوم
- دارين- كلش زينه الحمد لله
- حسين- مياده بباتي انتي ومهجه ديرو بالكم عليها تره خاله تحبكم
- مهجه- اني هم اموت عليها
- مياده- سلامتج خاله اداريج بعيوني شتريدين كولي
- دارين- فدوه لحلكج باوعت لحسين مبتسم مرتاح يله طالع اني في امان الله انداريت على مياده تريك ابوج
- مياذه- اي خاله سويتله جاي وجبن
- دارين- رجعت نمت تعبانه مال علاج
- روى- كعدت ب10بنات اليوم نروح بيت جدكم
- مياده - ماما شون نعوف خاله
- روى-ايه يمها يله كومو بدلو جان ببالي اوديهم لاهلي وارجع وي كرار انطك صوره الها ويا بالفراش وارسلها على حسابه ماكو غير حل جنت محسبه حساب مخدر الها ولايه خليته بمي البراد اللي بالمطبخ
- اجيت لدارين محتاجه شي قبل لنطلع
- دارين- عفيه بس مي مهجه خل تجيب اذا متصير زحمه عليج
- روى- دزيت بيد مهجه دولكه خلته يمها هو اصلا كلاص واحد ينيمها 4ساعات مرايده غير ثواني
- ايه- ها وين رايحين
- روى- لبيت اخلي اجي العصر دير بالج على دارين
- ايه -هو باقيه يمها طلعو وسديت الباب وراهم ها حتنامين خل اتريك واجي هنا يمج
- دارين- اي حنام لا براحتج ممحتاجه شي تره
- ايه- لعد من تحتاجين بس صيحي اني بالمطبخ
- دارين- اشكرج جنت خايفه من روى ليش هلكد هادئه وراحت لاهلها شنو فخخت البيت لا يابه مو هالحد شون تفكير مال مراهقين شربت مي لان كلولي لازم هواي اشرب مي جريت كلاص ونمت غفيت
- ايه- بقيت بالمطبخ سويت ريوك وكعدت ااتريك الدنيا حاره اروح واجي عالبرادمال مي تمددت انام بالمطبخ عالقنفه مردت اصعد خاف دارين تحتاج شي
- روى- وره ساعتين رحت للبيت بقه هو بالباب خابرت حسين
- حسين- لعد شوكت تجي
- حسين- ب4 ليش اكو شي دارين بيها شي
- روى- لالا ننتضرك عالغده عبالي
- حسين- لا تغدو وشيليلي صبي لدارين هم
- روى- بعيني الله وياك ادري بمحسن طالع خفر اليوم فتت لكيتهم نايمين والنومه نومت اهل الكهف تعال كرار دخلته من تاكدت انه ماكو احد بالفرع وفوتته لغرفتها ركض نزع قميصه وتمدد بصفها بس المصيبه لابسه حجاب يله هي حته مني لابسه حجاب
- حسين- واني وبالشغل دك تلفوني
- الو اي تفضل اني حسين
- تذكر قبل سنتين عائله كفلتك بالموصل ونقذتك من ايد داعش وختلوك
- اي منو انت انت طه
- ههه عدنا امانه يمك اني اخو دارين سلمان تذكرتني
- لا لالا بربك عايش
- اي عايش انه واخوي حمدان اخذونا الدواعش وسجنونا وهسه الضفه الغربيه حرروها وطلعنا انت وين بالضبط كلبي ديفور على اختنا وعرضنا
- لتخاف بالحفظ والصون تنهدت بعدها على حالها دليته عالبيت وكللي يريد يستقر بالناصريه وماجر بيت هو واخو والده ووالدته صفوهم لان ضلت امه مجلبه بالولد متنطيهم ضربوهم اطلاق ناري اللي سمعناه
- حسين- حجم الفرح مينوصف تمنيت اشوف دارين شحيصير بيها تواعدت ويا العصر يجي لان جان بالطريق بعد مواصل الناصريه اخذ العنوان من ابن عمه طه كاعد صافن وتذكرت كل التفاصيل اجتني رساله صوره من رقم غريب عالفايبر فتحتها الصدمه الكبرى دارين يمها شاب نايم منو هاي تذكرت متطلع بس للمدرسه تخبلت ركضت للبيت طبيت روى- كملنا شغلنا رجعت البنات ورجعت يله دزيت الصوره واكفه عالطباخ اريد اشوف شحيسوي دخل مثل النار صاح بعلو صوته دارييين
- دارين- فزيت بس راسي مسطور حيل نعم همست
- حسين- هذا منو جسمي يرتعش والله من عرفت بروى مو هيج تاذيت اني شبيه النسوان تخون خرب حضي لج احجي لتسكتين منين تعرفتي عليه علموده كمتي متطلعين من الغرفه مو
- دارين- تبنج حلكي مكدرت اجاوب بس عيوني تجري تقرب مني خنكني احجي ياعفيفه يابت الاصول واني لمسه متخليني المسج علموده مووووو علموده
- تنهدت تحبي تردين تتزوجي منو هذا ليش ساكتتته ضربني راشدي حسيت طبله اذني انشكت
- حسين- كومي حضري هدومج روحي اخوتج جايين كومي الله يلعنج كومييي
- دارين- دايخه وبالكوه احجي اساسا عبالي كل هذا حلم اخوتي كلت اخوتي
- حسين- اخوتج خابرو باوعتها ببرود هدات على غفله اخوتج مكاتليهم
- دارين- الحمد لله مبيه حيل ابد كمت وكفت بالكوه امشي واسمعه يصيح وحده عار وانخدعت بيها ويدعي على روحه وصلت المطبخ ابتسامه روى الحقيره ونضرتها توضح كلشي وصلت الحديقه كعدت عالدجه مياده طلعت بصفي اسمع التكسر جوه شوي واندك الجرص طلع حسين يركض فتح الباب
- اخوتي من شفتهم خربت بعد مابيه حاى ابجي حسيت غسلو وجهي واني بحضن سلمان ومياده تغسل وجهي تبجي عليه
- سلمان- شبيها باوعت لحسين
- حسين- اخذها وروح اعتقد كفيت ووفيت لهنا لحكت عليا جان كتلتلها خلاص
- سلمان- باوعتلها واثق بتربيه ابويه رحم الله والديك خويه كمنا صعدنازالسياره البنيه الغسلت وجهه بس تبجي فدوه لا الله تخبل حمامه عبالك كعدت دارين ليوره وحمدان حاضنها يبجي طلعنا بالسياره للبيت اللي اجرناه كعدتها عالكاع فارغ مبي شي بس فرش بدت تحس على روحها
- دارين- سلمان بجيت بحركه طلعت قهر سنتين ونص هو هم يلجي وحمدان حاضننه كلنا نبجي
- سلمان- بس كوليلي شصاير بيج
- دارين- اكعد احجيلك كلشي حجيتله الموضوع كله
- سلمان- باوعت لحمدان مع الاسف هاي لعبه نسوان ميخالف باجر نطلكج حنبقى يومين هنا بعدين نرجع
- دارين- ابويه واني دافيهم
- سلمان- اي الجيران ومنضفين البيت ومرممي خطيه بحيث من طلعنا رحنا بتنا بي
- دارين- امتحنت خارجي ثالث
- سلمان- اي صدك
- دارين- ونجحت
- - بقه النهائي بعد شهر
- سلمان -نبقى هنا وره الامتحانات مرجع عدي فلوس تكفي الج واهس تكملين دراسه
- دارين- اي الي الله يخليك
- سلمان- اي حبيبتي كملي الفلوس الجوه ايدي امي نفس المكان جريت الطابوكه لكيت الذهب والفلوس اخذناهن وركض خابرنا طه نطانا رقم الولد وخابرنا ودلانا ابو التكسي الجابنا هو اندل المكان البيت دارين لتقهرين روحج هم العزاز راحو
- دارين - اي صح
- سلمان- اكولج منو هاي السمره الجانت تبجي عليج
- مياده بنته
- ها خطيه مبينه حبابه
- كلش
- شكبرها هاي
- صف ثالث متوسط
- الله يستر عليها باوعت لاختي ابجي وتبجي ويايه حمدان مسكت تدرون منصدكه انتو يمي كلشا اكول دااحلم
- محسن- رجعت من الخفر وحجتلي كلشي ايه ممقتنع لليل حسين البيت كله مفلشه ايده متشككه ولافها باقي بغرفته ومحد يتقري يمه لان اعصاب البيت يكهرب اخذت الكامره الفجر وصعدت بديت انفرج من الصبح شفت العينتين بيدها صابونه وتصوبن الطباخ وترست المي الحقيره وبعدين شفت اصرنجه بيدها تترسها محلول من قاروره وتخليدبالبراد همزين كسره حسين وشفت من كامت تخابر الطمغه الكبرى الولدالجان طالع وياها فوتته للبيت عزه عليه ومرتي نايمه بالمطبخ الناقص شرف باوعلها عرفت كلشي نزلت بنصاص الليالي دكيت الباب بقوه عليهم
- حسين- جنت كلعد احرك بروحي جماره وره جكاره دك الباب قوي فزيت صاح حسييين
- ها
- اطلع احاجيك
- مبيه حيل روح
- تطلع لو طبيت هي على شرفي مخافت كوووم وياي
- سحلته وكعدته بالمطبخ نطيته الكامره بيده كملزالتصوير اغمى عليه انتضرنا الجهال يداومون وصدك طلعو الصبح خبرنا الشرطه وجوي شوفنا كل التصاوير الهم اخذوها للمخفر وضلت تبجي وتتوسل صارت قضيه شرف ومحاوله قتل
- حسين- وكفت على حيلي واثق من دارين بس شون حرجعها دك تلفوني
- الو كلتها بدمار اعصاب وتعب
- سلمان انه حسين اريد اشوفك تكدر تتفضل للبيت
- حسين- اي دليني واجيك
- اي خوش دليته نص ساعه وهو يمنا جان مبين عليه التعب كعد ويانا بالهول ودارين جوه كضينا الليل بواجي وكحاضن نمنا على فد فرشه ممصدكين
- حسين- كول سلمان محتاج شي عيوني الكم
- سلمان عكدت حاجبي مو حجيدالبارحه ها
- اني اسف مرتي طلعت كله منها ومصوريها واليوم انسجنت
- اختي تريد تتطلك
- مم حقها شوكت ترجعون
- فد شهر تكمل اكتحانات لان سالفه النقل صعبه هسه والفلوس العندي تكفي سهر او اكثر
- زين شراح تشتغلون من ترجعون الموصل
- والله اخوي يشتغل بمحل ابوي مواد انشائيه واني معاون صيدلي لان خريج معهد صيدله
- ممم الله يوفقكم تنهدت صيحها ممكن احاجيها
- لامتكدر تطلع تعبانه رجلهاتاذيها
- ممم لعد كولها هالحجايتين تنهدت ترى حسين ميطلكج واني اسف
- ماشي باوعتله تكول شلتها بكفوف الراحه لحد البارحه مشكور وماقصرت لو ماانت اختي من داعشي لداعشي
- اي واحد بمكاني يسوي نفس الشي يله اترخص ها صدك كولها مياده مشتاقتلج وبس تبجي عليج
- ابتسمت سوكت متريد تجي تشوفها هله بيها
- هزيت راسي بالم اعتذر مره ثانيه اترخص
-
-
سلمان- حمدان وصله شوهاي ضل بالي عليها كامت تصخن اذا بعدها اوديها مستشفى من وره الحرك
حمدان- اي روح وانه جاي وراك
سلمان- ها حبيبي شونج
دارين- مادري الحمد لله بس بردانه
- اروح للصيدليه اجيب بعد مضادات ودهون راجعلج
- ماشي
- تعاي شوبي هاي الحبايه
- شكال حسين
- تنهدت يكول ماطلك
- ليش
- طيبي وراها انتي حاجي بالحسنى بس خطيه تره يقهر متدمر من وره الصار وديكابر واعتذر اكثر من مره وتوسل يشوفج واني مقبلت
- ماريد اشوفه دمعت عيني لزمت وجهي مكان اصابعه
- اوك لتبجين هاهي جاب كتبج شوي طيبي ورجعي درسي تره اني كلش فرحان بالهلخطوه ومتفائل لان نضره الحماس البعينج متاكد انج حتبدعين
- دارين- اي انجح واوصل باذن الله
- كال مياده مشتاقتلج كتله شوكت متريد تعال جيبها
- شكلك هواي مهتم
- اي يخبل شكلها من جانت تبجي رقيقه
- اسكت سوت شغلات حتى تساعدني مصايره ومومن النوع التجامل وتتلوك لا بحزم وشخصيه مثل ابوها
- هاااا مثل ابوها والله الشهاده لله فضله ماانساه طول عمري رغم اخر يوم جانت الخاتمه سوداء بس كلش ممنون منه الحمد لله وهذا ابن عمج الناقص حرامات التعب مال ابوج بي
- خطيه تزوج شيسوي
- ولج تبقين يمه مو الغريب يتورط بيج مع الاسف والله يله هسه تعركين عود بدلي
- اي ميخالف
- حجيببلج شوربه سويتلج اني وحمدان خطيه ممصدك كلسا يجي يباوعلج ويرجع يطلع منو يصدك رجعت لمتنا الحمد لله ربي تربيه ابوج وتعبه
- الحمد لله
- حسين- رجعت للبيت فتت لغرفتها معصور كلبي عصر هاي اني صدك هيج سويت ضربتها وطردتها وجماله اكولها ماطردج اطردها الها وماطردج خوش وفيت الها بقيت اتخيل روحي بمكانها شحست من هيج كلتلها وطردتها اوف ربي شكد انذلت رفعت راسي للسما حلم ترجع بعد اتذكر كلامها انت كل اهلي اوف الللله ربي دخيلك حلها من يمك البنيه اريدها وانت تعرف نيه كلبي وشكد تاذيت وانه جندي من جنود المهدي هيج يصير بيه انذل كدام العالم وياخذون ام بناتي الشرطه بس اني مالي ذنب وطول عمري مااهتم لحجي العالم ليش مهتم هسه المهم اني ماشي صح وبما يرضي رب العباد خطيه مهجه شبعت قهر على امها بله مياده جبيره وتفهم بس هاي شفهمها الله يهديهم ضليت اتصفن نعلت الشيطان وكمت فتحت شيردون يحجون العالم خليحجون مغلطان اني واستحي
- محسن- ضل بالي على اخوي عدي خواتي بس بغير محافضه بحيث حتى من تزوجت مكدرن يجن شون اعوفه واطلع الحمد لله طلع من الغرفه مبدل ها شمسك طالعه اليوم
- اي الحمد لله استعاديت نشاطي يله ذبني بدربك للمحل
- تفتح
- لعد شعدي هنا
- مياده- بابا ميخالف اروح لخاله لو ميصير
- لا بابا يصير تنهدت البسي اذبج هناك
- ركضت لبست جبتي وحجابي ورحت وياهم
- سلمان- اندكت الباب منوو
- اني
- جيت فتحتها صارت بوجهي السميره وي حسين
- حسين- ها ياب الله يساعدكم
- سلمان- هله ياب هله ابتسمت
- شون صارت دارين
- والله البارحه كضتها صخونه ويزالمضادات وهاي فكت
- الحمد لله يابه هاي مياده خبصتني تريد تشوفها اكولك عدك شغل لو كاعد حاليا
- لا والله كاعد
- تجي تشتغل وياي بالحلاقه اريد عامل يساعدني
- اي شكو بيها من باجر اجيك
- تعال هسه شعدك
- اا لا اختي ادير بالي عليها
- مياده يمها كيفك بعد
- لا باجر من الصبح اخابرك دللي ابو النكسي واجيج
- متفقين كول لاخوك هم ميكفيني واحد
- ماشي مشكور
- لا ياب شنو السالفه
- مياده- طبيت للبيت وراها كلسا يلتفت ويبتسملي شون يخبل اشكراني والعيون ملونه كلبي وكف من نضرات عينه
- تعاي تفضلي دارين جتي مياده
- دارين- تعاي مياده ركضت لحضني ضلت تبجي بخنيك ابد مشفتها تبجي اليوم خطيه وضع امها دمرها
- كافي حبيبتي
- خاله تعبت منها ومن سوالفها والله خطيه بابا البارحه لو تشوفين حالته يبجي مثل الطفل خجلان يروح يتسوك يكول شيكولون عليه
- شعلي هو مغلط
- خاله بابا البارحه بات بغرفتج وللصبح يبجي لتعوفينا
- مااكدر والله لازم ارجع انداريت على الولد عفيه قنعها بابا يحبها والله
- سلمان- الله ذب عليه الضحك كمت بس ابتسم مثل الفطر
- مياده- شبيك تضحك قرده كدامك خاله هذا اخوج شبي
- دارين- هو هيج فطير روح سلمان خزيتنا
- سلمان- اي رايح اجيب شي يناكل وارجع غداج يمنا اليوم
- اي شكرا باوعت لخالتي اني ادير بالي عليج
- دارين- شكرا بس مبيه شي تره باعي درسي زين كافي السنه الراحت جان مفروض هسه انتي ثالث
- اي صح اي حدير بالي هالسنه مسيطره
- سلمان- كبر اللي يلفني بس اضحك النوبه البنيه جديه مثل ابوها ماعدها هالطلطه باه هاي وضعيه كلما اشوفها اخرب ضحك مو حقها تكول قرده كدامك ههه لازم اثكل شوي
- دارين- شونها مهجه وايه
- مياده- مهجه مو زينه بس تبجي على ماما وخاله ايه حامل ههه
- دارين- فدوه تستاهل ايه مشت الايام واني كمت اطيب والحرك الاثر مالته بده يروح وبعد 4ايام اماحاناتي سلمان وحمدان اشتغلو بمحل حلاقه حسين كمت ماشوفه لحسين ابد ميجي
- سلمان- هاج جدولج عكبه امتحانج مستعده
- دارين- اي جاهزه
- حسين- وكت فراغي جنت ادخل الحديقه بس لو تدرون شسوي سويت سرداب هههه 4درجات نزلته ونزلت عالدرج متسلق ورد وترسته زرع يعني من انزل منه امشي عالورد كلما ارجع من المحل اكضيها لل2اشتغل بي مربع مو كلش جبير يكفي نفرين الكلع كله ورد ناعم متسلق ياسمين ابيض ووردي مكشوف عدي امل ترجع دارين مع العلم الرفض الرافضته مو طبيعي ولحد هسه مشايفها صار شهر اشتياقي الها مو بس اشتياق ندم والم وكاره روحي لان احس روحي زمال
- دارين- مستعده لامتحاني كلش بس خايفه حسين نطيت مجال اكمل امتحاناتي قبل لنرجع للموصل انهي كلشي فهمني سلمان انه نرفع دعوه واذا مااجه اصلا يصير طلاق ونرجع للموصل جنت مبرده كلبي بس مشتاقتله كلش عانيت هواي ويا بحبه بعذاب مرته بس هو كلبه حنين كلش
- امتحنت اول امتحان وثاني مياده كامت تجي دائما عدنا وكل متجي سلمان يترزل منها وهو حبه يكبر
- سلمان- هلو ميمي
- مياده- شنو ميني بزونه اني اسمي مياده
- سلمان- يعني كل متجين ترزليني
- احجي عدل مثل الناس اعاملك عدل
- صار
- خاله وين
- نايمه روحي كعديها مياده متروح من ايدي اخذها اخذها عاجبتني رزاننها وجديتها بس كون ينطيها اذا اختي تطلكت
- حسين- كملت امتحانات حسب ماكالت مياده اجاني تبليغ طلاك جنت متاكد سلمان يله مراح تداوم
- اي استاذي جاي
- خوش رحت للمحكه وكت التبليغ وفهمت سلمان ماله دخل باخته واذا مطلكتها لازم يداومون لحد ماتاخذ نتيجتها ويطلعون دخلت للباحثه الاجتماعيه جانت تنتضرني دارين متت اريد اشوف وجهها اندارت روحي ذابت ردت اوكع رجليه رخت كعدت عالكرسي كمت اعرك هي منصيه احس الزمن وكف
- دارين- متوقعت هيج حتاثر من شفته كلبي كام يوجعني صاحو اسمنا اجينا كعدنا
- كامت تسال الباحثه صار شكد متزوجين
- حسين- من احجي صوتي يرجف عدلت النبره كلت بحزم احمم 6شهور
- وتريدون تتطلكون
- باوعتلها بحقد ماريد اطلك اني هي التريد
- دارين- اساسا زواجنا بس عالورق اني جنت امانه عده من يصير الوكت اللازم ارجع لاهلي
- الباحثه- ممم انت شنو رايك
- حسين- اني ماطلكها متمسك بيها
- دارين- باوعتله خازرته
- الباحثه- هسه عوفو الامور على هالوضع شهر وتعالو
- حسين- اني حصعد للضفه اليسرى للموصل مااكدر اجي بعد شهر ماريد انطي حجايه وارجع بيها
- دارين- باوعتله بقلق حتلتحق
- حسين- اخ كلبي حاجتني اي كلتها بحزم
- الباحثه- تفضلو بعد شهرين يناسبك
- حسين- ممنون كمت وكفت باوعتلها عدلت بنطروني ومشيت خطوتين حسيت بيها تمشي ورايه العيون اللي بالمحكمه كلها عليها التفتت اريد اشوفج قبل لا التحق
- دارين- نصيت شوكت تلتحق همست
- حسين- 4-7 بدون ماباوعلها كبريائي ميسمحلي اتوسل بس لازم اعتذر تنهدت شفت سلمان يتقدم غمزتله اشرتله روح
- سلمان- شفت دارين واكفه عيونها جنها راح تبجي حسين ماكو منه صح الفرق الهمري ب11سنه بس محد يعتني باختي ويخليها بعينه مثلها واختي تحبه بس متاذايه من اخر مره عفتهم ورجعت للمحل هو يرجعها
- حسين- دارين منصي واحاجيها ماريد اباوع عالخضار مال عيونها واضيع
- دارين- نعم
- حسين- اني اسف مكدرت احافظ عليج
- دارين/ لا مو ذنبك
- حسين- لعد ليش تنهدت ليش تردين تطلكين
- دارين- هاهي خلصت مهمتك
- حسين- جريتها امشي
- دارين- وين سلمان حيجي
- ميجي رجعته كتله روح للمحل صعدتها للسياره واخذتها للبيت جان فارغ لان محسن ومرته بيت اهلها والجهال وياهم بيت خالت امهم
- دارين- وين جايبني اهوو حسين همست
- حسين- باوعتلها بغضب ودرت وجهي نزلت من السياره جيت يم باب البيت سديتها ورجعت فتحت الباب الها تنزلين لو نكضيها بالسياره نترت بيها
- دارين- اي نزلت فات للبيت فتت وراه سد الباب
- حسين- نزعت حذائي وهي هم نزعت شون صارت رجلج
- دارين- طابت
- حسين- تحكج مو
- دارين- نوبات هسه ليش جينازهنا
- حسين- اريد احجي براحتي مراح اسوي شي لتخافين
دارين- مخايفه منك
حسين- جريتها للغرفه مالتها سديت الباب
دارين- البيت مبي احد
حسين- كل احد ماكو رفعت حاجبي تقربت منها باعي دارين اني ماطلكج خليها ببالج
دارين- ليش فهمني مو هذا اتفاقنا
حسين -والله رجعت عن الاتفاق اني تنهدت ماطلكج احجي وماباوع بعينها
دارين- اني حالي حال اختك او بنتك
حسين- انيييي مو اخووووج ولا ابوج صيحت هذا الحجي نقشمر بيه على روحنا جننا من نشوف روحنا نضعف ومنسيطر على مشاعرنا شخبصتيني بييييه صيحت بصوت بحيث صار صدى جريتها قوي حضنتها
شدتحسين بحضني همست مثلما سلمان يحضنج ساكته متجاوب بقيت احضن بيها مشتاقلها شاورتها حضنيني بله داشوف مثل مياده من تحضني احس مقبلت شلت ايدها خليتها على كتفي خليتها تحضني بالقوه
دارين- رحت بيده انتهيت كمت مااكدر احجي وهو يهمس باذني
-مدااحس انتي مياده دااحس بيج غير شي عصرتها بحضني انتي حلالي دارين شميت عطرها همست ومااعرف شون طلعت اني احبج من جنت بالبستان مال ام عمر بعدتها ردت اشوف عيونها الذبلت الله عليج شدتحسين من دااحضنج متاكد مثلي
دارين- نصيت واحس وجهي صار دم
حسين- احجي مو تعبت والله تعبتني دنيتي واريد بحضنج ارتاح ادري جبير عليج وعدي بنات كبار ومطلق وانتي بنيه وتخبلين اذا شفتي نفسج مرايدتني علمود هالشي والله هسه اطلك
دارين- هزيت راسي لا
حسين- شنو لا كلبي راح بهزت راسها
دارين- تنهدت مو علمود هالشي بس لان ضلمتني
حسين- همست دمعت عيني مو اعتذرت منج
دارين/ اي هاهي
حسين- كعدت على ركبي وهي عالسرير كاعده خليت راسي على رجلها دارين ماريداضلمج ويايه شفتي عيشتي وتعرفيها تقبلين تشاركيني همي وبسمتي
دارين- سكتت رفع راسه باوعلي هزيت راسي اي كمت امسد بشعره غمض عينه نزلت دمعه من عينه بقه مغمضها مشلت ايدي بقيت اتلمس مثل الطفل الضاربي ضلم ثكل جسمه حسيت بي غفه من تغيير صوت نفسه دك التلفون سلمان اخذته من جيبه
الو هاخويه هه لا فد ساعع ونجي طالعين اي تغدو وطفي الطباخ ماشي الله وياك
حسين- سمعتها ابتسمت رفعت راسي لزمت ايدها تعاي اشوفج شي
دارين- شنو
حسين- غمضت عينها شاورتها عادي انزعج الحجاب انتي حلالي وحموت اريد اشوفه مياده تكول اصفر ومي
دارين - اي نزعت الحجاب
حسين- من جرت القراصه تخبلت اللهم صل على محمد وال محمد معقوله الله حازه صبري بيج
دارين- نصيت ابتسمت رجع خله عصبه على عيني
حسين- جريتها للحديقه نزلتهاالدرجات وسديتها فوكانه بالسلايد طبعا دخلنه حفاي شاورتها نزعي الجبه شلابسه جواها
دارين- دشداشه نص ردن
حسين- ممم نزعي فتحت الدكم مال جبه وشمرتها بره السرداب اباوه بياض ايدها وزندها وجسمها يخبل بلعت ريك همزين معصبه
دارين- شوكت حفتح ريحه طيبه مال ورد ضحكت متحمسه
حسين اجيت من وراها حضنتها وفتحت العصبه شهكت
دارين- الللله يخبل فد شي اروع مايكون ماشايفه هالشي بحياتي سرداب من الورد انداريت عليه حضنته سمعت اهاته
حسين- تنهدت اه ه ه ه دارين لتعوفيني اتلمس شعرها على طول ضهرها دمرني هاي مااخذها بس اباوع عليها وانام
دارين- ضحكت من كل كلبي يخبل
حسين- بلعت ريك اول مره اسمع ضحكتج متصورين شون مرتاح بقيت اتلمس شعرها نطلع بيت وحد لو نقسم البيت اني ومحسن لان اريد دائما اشوفج هيج احبج دارين من اول مكعدنا بالبستان احبج
دارين- نصيت مبتسمه اني هم جنت ارقبك من تشتغل وتضحك
-ادري كلشي من شباك المطبخ واني اتقصد اجيب الحجيه واوكف يم الباب مال مطبخ واسولف وانكت حتى تضحكين
-عزه شكد عيب جنت منتبه عليه
- اي منتبه
- اني محسيت بامان بس وياك
- - اني وياج احس روحي كامل غيرج حسسني بنقص برجولتي تنهدت بعدت ردت ابوسها لزمت وجهها تلمسته تقربت منها غمضت عينها
- دارين- عفته يتصرف براحته معترضت
- تقربت اكثر الدم ني عدم رفضها راح امووت بستها ارجف وهي هم ترجف احساس من العفه والجمال والرقه والعنف البيه بستها ممصدك روحي ابتعدت بقت مغمضه بقيت صاافن اتنفس سريع رجعت بستها برقه دك التلفون مو وكتك ها سلمان شبيك خبصتني شنوه اي ميخالفزايدهسه جايين
- دارين - صعدت درجات السرداب مبتسمه بدلع درت وجهي عليه
- حسين- لتباعين هيج تموتيني هذازاخوج كام يشمر خلنروح نتغده يمكم وراها نتفق اريد اسوي احله عرس
- دارين- بس ماخليك تلتحق
- حسين- تنهدت ماالتحق هو اصلا بعد شهر تتحرر كلها
- خلنسوي العرس بتكريت بالبستان حباب
- والله خوش فكره تعيشين هناك شرايج
- مادري كيفك
- لالا نروح دائما بستها من خدها يله خل نروح لبيتكم رحنا للبيت وطلبت ايدها من سلمان ووافق مبتسم وراسن كال اني اريد بنتك مياده
- حسين- قطبتزحاجبي بعدها صغيره بسدانت ماكو منك موافق بس خل اشوفها هي تقبل
- سلمان- ماشي بس اكعد بالموصل
- حسين- الله كريم هسه حددنا وكت العرس بعد سبوع نفسطيوم الحنه لبستها الذهب جنت فرحان كلش وياهو الي يشوفها يحسدني عليها جنت اغار عليها من الهوى نجحت حبيبي ومرادت تكمل بعد سوينازالعرس بس مو بالبستان مرهمت خطيه محسن فرغلنا البيت وطلع 3ايام دخلنا للبيت وشلتها طببتها للغرفه جانت مفاجئه نغيير الغرفه والصبغ بنضرات عيونها الفرح مشايفه قبل خله كلبي يرفرف
- داري مثل مجانت تكولج الحجيه حبيبي اني هسه رجلج لتخجلين مني
- مااخجل منك
- احبج وخايف عليج مني اني شون حسيطر وهالجمال كدامي
- واثقه بيك لان تخاف عليه
- اموت عليج تنهدت خايف من نفسي طفيت الضوه لان ادري بروحي من حشوفها واشوف جمال بشرتها حموت وااذيها تقربت منها ونزعتها البدله ضلمه نزعت بدلتي اخذت ايدهاخليتها تلمست صدري وضهري بديت ارجف همساتها احبك حسين اموت عليك موتتني عيشتني اروع احساس صغيره ولعبت بيه طوبه نمت عليها من حسيت بترافه جسمها ونعومته كمت اكزكز على اسناني تلمست شعري حبيبي علكيفك ويايه رخت كل اعصابي اي عمري كملت رغم المها جانت هادئه بس تون بهدوء واني اتكطع كاره روحي ماريد ااذيها ونفس الوكت الاثاره البيها ممار بيها قبل لحد ماكملت العمليه الف ياعلي اسف اذيتج
- دارين- خلصت فضت
- حسين- اي حياتي بستها من خدها برقه مسحت دموعها يمه حبيبتي تبجي انشاء الله اموت
- دارين- لا عفيه لتحجي هيج اخاف عليك
- حسين- شغلت التيبل لامب خل اشوفج فد شي فتحت الجرار طلعت علبه صغيره
- هاي شنو
- هاي قبل 4شهور جبتلها للمتسمى وحده والج وحده مكدرت انطيجياها صارت مشاكل كلاده نازكه مكتوب بيها انت الامان
- دارين- اخذت الورقه قريت شكاتب بيها كاتب لقاء خمس دقايق الفجريه يعوضني عن يوم كامل بدون عيونج ههه تخبل لبستها بعد ماانزعها انت اشجع واحد بالدنيا واذا صار عدي منك جهال حكون اسعد لان تعرف شون تحافظ عليها حصونك طول العمر لان انت اكثر شخص كامل شفته بحياتي رجولتك وامانتك جديتك وي سمارك غيرتك وقسوتك وحنيتك كلها تعجبني
- حسين- كلهاي حسين ممعقوله كلهاي اني دمعت عيني
- بس اسمك روايه كامله احبك ابو علي احبك حضنته وره شهر اخذنا البنات وسلمان وحمدان وابه ومحسن ورحنا للبستان صاير يخبل عمر افندي خله عينه على مهجه وهي بعدها 2متوسط وكمنا كلزفتره نروحلهم يوم 23-6-2018 تحرر اخر شبر من الموصل اول شي سواه حسين ومحسن راحو زارو قبر عباي خطيه محسن تدمر من شاف القبر وحسين هم كعد يحاجي شصار وراه واحنا نبجي عليهم رجعو سلمان وحمدان واخذ زوجته مياده جان طاير بيها اخويه شوي خفيف وهي رزنه يكملون بعضهم وحمدان خطبناله بت عمي اللي رجعو للموصل بنو بيتهم والعالم رجعت شبعت مذله بغير مكانها امثالي هواي وره شهرين حملت بعلي واخذت سونر طلع ولد خطيه كصه حياته يتمنى الولد وروى صار عدها عقم وره مهجه شون راح يفرح رجع بليل جنت خاتله بالسرداب ومكطعه كومه ورد مخليته بماعوه ومهجه وصيتها تكوله ماما بالسرداب
- حسين- داري وينج
- دارين- جنت فاله شعري ولابسه ثوب يخبل نزل اول درجه طشرت عليه الورد ابتسم فز
- هاي شنو شكو ههههه مخبله احبج ابتسم
- حتكوم تحبني اكثر
- اكثر منهالشي
- اي
- ليش ترديني اموت
- لا احبك لتعوفني كمت اتنعوص
- تدرين تسكطيني من تتنعوصين
- ماا
- حضنتها قوي شنو سبب هالحب شكو اليوم عيد ميلادي لو شنو هه
- اخذت ايده خليت بايده حذاء مال ولد صغير اخذته من ايه لان عدها بنوته
- هاي شنو لا هذا جبير عليه فتحت عيني باوعتلها فتحت عيني شنو حامل نفسي تسارع ولج حامل
- اي صار 4شهور ضحكت ومببين عليه اليوم رحت وي ايه اخذت سونر طبعا سوري مكتلك طلع بيه علاوي عااا
- حسين- كعدت عالدجه بعد مبقت رجوله ضميت وجهي بيدي ابجي
- اي حسونه حبيبي لتبجي كمت ابجي ويا عفيه لتبجي اني ردت افرحك
- انتي متدرين شسويتي لج دااحسي روحي كااااامل صيحت لج انتي كملتيني جرامات سنيني ضاعت دونج حضنتها احبج دارين انتي سبب سعادتي
- وانتي صمام اماني وعزتي ودلالي احبك كملت قصتنا على خير وسلام العبره منها اليوم عالامانه وايجاب صيانتها احلى مابالدنيا من الله يعوضك صبرك وتعبك بهديه وتكون على شكل انسان مخلص تنسى وياه تعب كلبك وضياع سنين عمرك شكرا لكل من قرا وتعلم وسافر معنا الى الحدباء بخياله الف تحيه للقراء
وشكرا تحياتي
الكاتبه المتواضعه مريم السعدي----
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!