رواية قصص رومانسيه الفصل الثلاثون 30 - بقلم الحساب مغلق

🔞

للكاتبه فردوس عبد اللطيف

انا سهى عمرى 14 سنه ماما طبيبه نسائيه وبابا طبيب عيون نعيش ببغداد بمنطقه 14 رمضان نسكن بيت فخم ونحن 4 فقط اخى مخلد اصغر منى عمرة 10 سنوات

ماما عدهه بالحديقه بانيه غرفه خاصه لعلاج مريضاتهه غير دوامهه بالمستشفى والعصر بالعياده وهذة الغرفه خاصه للعمليات المشبوهه مثلا عمليات ترقيع للفتيات اللواتى تخطىء وتريد الزواج وعمليات الاجهاض

ماما مشغوله على طول اليوم ومن تجى للبيت بس للنوم وبعض الاحيان يتصلون بيهه حاله طارءة يعنى تمر ايام وما اشوفهه وبابا مسافر على طول يمكن نشوفه كل شهرين كم ساعه وهم باله وتفكيرة مو يمنه

بقينا على يد الخادمه هى الى تعلمنه  وهى الى تربينا وهى الى توكلنا وما نتعلق بيهه لان كل فترة تتغير الخدامه لان ماكو مخلصات

اخطر مرحله للفتاة هى سن المراهقه وخصوصا

لوحده مثل وضعى لا ام ولا اب ولا اخت ولا اخ

عندى صديقه بالمدرسه حالتهه الماديه ضعيفه وابوهه متوفى وامهه تشتغل منظفه بمدرسه

كنت اجيبهه بيتنا وانطيهه من ملابس واوكلهه ونلعب ونقضى وقتنه

فد يوم بالمدرسه صديقاتنا يحجون عن افلام الفيديو الاباحيه واشلون شايفينهه

من باب الفضول والفراغ طلبت من صديقتى ان تجيبلي فيلم اباحى ما فكرت بان هذا الموضوع غلط ولا اكو بالبيت من ينصحنى كنت انا اربي نفسي ورة يومين جابت الفيلم اشتريته منهه

الفلوس عندى مو مشكله شكد اريد ماما ما تقصر وياي

جبت الفيلم وخليته بغرفتى طلبت من صديقتى

احلام بنت الفراشه ان اتجى وياي للبيت ونتفرج الفيلم

كتلهه كولى لامج راح تباتين عدنه

جتى احلام وبقينا لحد مانام اخوى لؤى

عندى تلفزيون بغرفتى وجهاز فيديو وشغلنه الفيلم بنات بسن المراهقه ونشوف اول مرة هيج امور

اسفه للجراء ترددت بكتابه هذة القصه ولكن اود ان افيدكم باحداث واخطاء  صديقتى وبدينا    اول مرة  هذه الامور

مما  انسى عقلى واتصرف       

حبايبي ورد اسم اخى مخلد هو بالجنسيه واحنا ندلعه بالبيت لؤى اعتذر لانى متعوده بالبيت اصيحه لؤى

استمريت بتصرفاتى ويه احلام اكثر الاوقات تقضيهه يمنه بالبيت وصارت وحده من العاءله كل هذا لان ماما تريد تحافظ على من الجو الخارجى واى طلعه من البيت ممنوع

خلصت السنه الدراسيه ونجحنا بس معدلاتنه ضعيفه ماما رزلتنى لان ملتهيه وماتدرسين وبعد ترى اطرد احلام انى تخبلت احلام هى روحى احبهه شنو تحرمنى منهه اغار عليهه مثل الى تغار على زوجهه

بابا راد ياخذنه سفرة الى عمان نكظى العطله هناك طلبت منه ناخذ احلام ويانه ما قبل

رحت لعمان مثل الوحده الى مفاركه زوجهه كد ما تعلقت بيهه طول الوقت ضايجه اصدقاء بابا هوايه ويعزمونه ونطلع سويه صحيح غيرنه جو بس الى يحب واحد ويفاركه لو يروح لاحلى مكان مايحس بطعمه بدون الى يحبه وحبنا انى واحلام مثل حب بين ولد وبنيه نفس المشاعر بس محد يحس ويفتهم ويعرف شذوذ العلاقه الى بينا

يمكن هذه عقوبه من رب العالمين لماما طلعت بي

كظينه شهرين بعمان ضجت وطلعت روحى اشتريت هدايا لحلومه ورجعنا لبغداد

الله كانهه سنين مو شهرين

اول ما وصلت اخذت السايق وركض لاحلام

جبتهه واجينه للبيت ضحكتى رجعت وحجيتلهه على سفرتنه وبقينا لحد ما صار

صار ه طبيعى مثل الاكل والشرب بس بالبدايه كنت اتضايق من نفسي لكن بمرور الوقت صار شي حلو وممتع

هوايه شباب يحاولون يتقربون الى ولاحلام لكن انى ما اباوع ولا احب اتقرب لاى شاب

عندى حلومه وبس

داومنه بالاعداديه مرحله جديده بدت توجيهات الماما لازم اشد حيلي واتقوى من اصير بالسادس حتى اطلع معدل واصير مثلهم دكتورة

وانتو شحصلتو من حياتكم اشو كظيتو عمركم تدرسون وبعدين كظيتوه تلمون فلوس وعفتونه انى واخوى وحدنه لا عطف ولا محنه مشاعر جامده ما احس فد يوم ماما حظنتنى او باوعت على لبسي او سمعت مشكلتى طول الوقت مشغوله

مرحله الاعداديه تختلف البنيه تتجاوز المراهقه وتكون اكثر اتزان بالاعداديه حتى المشاعر والاحساس يتغير بس انى لانى محرومه من حظن البيت الدافىء ماتغير عندى شي بالنسبه لعلاقتى باحلام بالعكس صرت احبهه وتعودت عليهه وما اكدر استغنى عنهه واغار عليهه حتى لما تتكلم ويه اى طالبه ويانه وتتشاقى اغار ابقى ضايجه وما اقبل تتمضحك ويه البنات

اكو ولد يوكف كبال المدرسه وعينه على احلام هى كانت جميله وعدهه جاذبيه ظل يوميه ياشر الهه لحد ما شمرلهه رساله وانطاها رقم تلفونه صارت علاقه حب بينهه وبين خليل هو

هم طالب بمعهد وحبهه انى شكد حاولت امنعهه من خليل لكن هى حبته وكلتلى ما اعوفه وشنو تردين منى كافى عوفينى اعيش حياتى اريد اعيش مثل الناس احب واتزوج

كتلهه هذا يلعب عليج ويريد يتسلى

ما اقتنعت

كمت اغار عليهه ما اريدهه تروح لغيرى

بس هى ما تسمع الكلام

لحد ما واعدهه يخطبهه بعد ما يتخرج هنا انى تخبلت كلت راح تروح منى حلومه

تغيرت على هواى متقبل تجى عدنه وتحاول تتحاشانى وتبتعد عنى

انى ضجت

فد يوم كتلهه اليوم عازمتج بيتنه

بالبدايه رفضت بس قنعتهه واجتى وياي

عندى سوارات ذهب كتلهه لبسيهم وامشى نروح لغرفه ماما الخارجيه الى تفحص بيهه مريضاتهه

سويت عصير خليت بي حبابي فاليوم 10 حبايتين وشربت وداخت

نيمتهه على السديه وطلعت جبت دبه البنزين مال المولده وفرغته بالغرفه وحركت الغرفه

ركض اخذت فلوس وملابس وانهزمت من البيت

ما اعرف وين اروح

اول شي ابتعدت عن بيتنه كلت خلى اروح لبيت احلام

هلو خاله اشلونج وين احلام

يمه وينهه على اساس يمج

لا خاله من طلعنه من المدرسه رحت وحدى

بس راح اكلج فد سر

كولى يوم ظلت المرة ترجف

خاله احلام تحب واحد ويمكن انهزمت وياه لكركوك

يمه صخام ولج احلام هيجى تنكسين راسي وتنهزمين

ظلت المرة تلطم وداخت لاتكدر تحجى ولا تبلغ على اختفاء احلام

بقى الخطوة الثانيه وين اروح

رحت للكراج وصعدت بسيارات للشمال هناك محد يعرفنى

وصلت لاربيل ما اعرف ولا اندل

اخذت تكسي ورحت للفندق اخذت غرفه كلى ولو ممنوع انت بعدج قاصر بس راح اساعدج واخلى الغرفه بغير اسم

كتله شكرا عمو انى عندى مشكله وجاى ادور على ابوى عنده فقدان ذاكرة ويكولون هنا شايفينه

اها سهى كل الى ببالهم سهى الى احتركت لان اخوهه لؤى والخدامه كانو طالعين وميعرفون بالى صار اجو لكو الحريق والاطفاء الى الجوارين اتصلو بيهم علما طفو الحريق لكو جثه مفحمه شافو السوارات كل الى ببالهم سهى الى احتركت بس ليش  ومنو وياها ابحدهه منتحرة صار تساؤلات بس محد يعرف

خيم الحزن على البيت واجه الاب وبقو الام والاب بصدمه بدو يحسون بخطاءهم لكن بعد فوات الاوان بتهم صارت شاذه وقاتله وهاربه

شيفيد الندم وشتفيد الفلوس ما ترجع سهى

بنتهم الى ضاعت وغواهه الشيطان

سهى فى اربيل

بقت محتارة كم دوب تبقى على هالوضع لازم تدور على شغل

وصت ابو الفندق كلهه ما محتاج

كلهه اكو ملاهى ليليه يحتاجون بنات وممكن تشتغلين وتنامين عدهم يوفرولج سكن وشغل

اخذت عنوان كم ملهى بالبدايه ترددت لكن ماكو شغل للعربيه غير هذه الشغله

لكيت ملهى محتاج بنات تكعد مع الزبون ويفتح لها مشروب

بس شرطت عليه ما اطلع ويه الزبون خارج

كلى اكو غيرج

جابولى ملابس خلاعيه ودونى للصالون صبغت شعرى ومكياج تغير شكلى الى يشوفنى ميعرفنى

بقيت فترة اشتغل يجون اشكال والوان من خارج كردستان هوايه يحاولون يتقربولى لكن انا كارهه حتى نفسي

كلما اتذكر احلام واشلون سويت بيهه هيج وليش

وين كانت حياتى قبل وين هسه

كنت انسانه محترمه شسويت بروحى

اشتغلت ارذل شغله واهلى عبالهم ميته

ورة سنه كنت بسوك اربيل اتمشى ويه وحده من البنات وابوى وجه كبالى

انهزمت اخذت تكسي

لحكنى اخذ تكسي واجه لزمنى من وصلت للملهى

لزمنى ولج عبالج كلبي مصدك انو انت متى

لا كلبي يكول انت عايشه

خفت احجيله اخذنى لبغداد للبيت عبالى انست قصه احلام او امهه صدكت كلامى

اثارى امهه مبلغه الشرطه ومراقبين بيتنا وينتظرون  جعتى

بس وصلنا للبيت بقيت كم يوم مابين فرحه امى واخوى والكل فرحان برجعتى

سالونى لعد منو البنيه الى احتركت بالغرفه

كتلهم جنا نلعب انى واحلام وصار الحريق وهى جوة وانى احتاريت وخفت وهربت

اعرف ما اقتنعو بكلامى بس فرحتهم برجعتى خلتهم يتغاضون عن السؤال يخافون لا اهرب بقو مكابلينى

اجوى الشرطه بعد ما سمعو برجوعى

قبضو على وبدا التحقيق

جبتهه منا لفتهه منا

وبجى وتمثيل بس ما تعبر عليهم

بدو يضغطون على وكلى الضابط انت قاصر يعنى ما عليج اعدام بس سجن الاحداث اعترفى احسن الج

بس انا بقيت مصرة انو كنا نلعب وشغلنه المولد وكب الحريق من البنزين

حولونى للمحكمه

اهلى ما عافونى وكلولى محامى عنده علاقات قويه ويه القضاة وانطو فلوس لام احلام خلوهه تتنازل ولانى قاصر صار الحكم بس الحق العام ومخفف لان جابو تقرير طبي على اساس انى مريضه وخفت وهربت والى صار قضاء وقدر

حتى سجن الاحداث ما حسيت بضوجه كانو اهلى يدفعون فلوس وكنت مدلله

ورة 3 سنوات طلعت اهلى اخذونى وسافرنه لعمان اشترينه شقه وكعدنه ماما عافت عيادتهه واخذت اجازة من المشفى بدون راتب

تريد تعوضنى وتشوف وين الخلل

بس انا بداخلى ما ناسيه احلام كلما اتذكرهه انقهر واكول ليش حركتهه لو باقيه عايشه كان تزوجت وعاشت حياتهه بس الندم شيفيد

والعذاب الى جاى احس بي ماذينى

احلم بيهه مرة تلومنى ومرة تريد تحركنى وابقى اصرخ لحد ما يصحونى واشوفه كابوس

علاقات بابا هواى تقدملى شاب وضعه تعبان بس اهلى يردون يزوجونى ويخلصون منى هذا الى حسيته صرت عبىء عليهم يخافون يبقونى وحدى

اضطريت اقبل بالعريس الى كلشي ميعرف عنى

بس مجرد بنت فلان واشترو بفلوسهم لانه مفلس

يعنى زواج مصلحه.... سوولى حفله ولبسونى بدله عرس وحلاقه وخبصو نفسهم ما مصدكين يخلصون

تزوجت وعشنا بشقه اجروهه اهلى النه ورجعت ماما لشغلهه ببغداد

بقيت بعمان ويه زوجى اسماعيل

صحيح هو بس يريد يرضينى لكن انى نفسيتى ما تتقبل الرجل صارعندى حاله مرضيه

واعتقد ما الهه علاج

جبت اول طفل ولد سميته احسان

بس زوجى ميعرف عن الماضي اى شي

وانا عايشه بعذاب الضمير

طلع اسمنه لجوء لامريكا وسافرنه بالبدايه انطونه سكن ومصرف وراها لازم نشتغل ونعيش

اشتغلنه اثنينه وعلاقتنه رسميه لانى ما احب ان يتقربلى

بس باقيه وياه من اجل ابنى ولا اضطر ارجع لاهلى لان بامريكا حريه ميكدر يعترض اسماعيل يعنى حقوقى محفوظه

اهلى بقو ببغداد واخوى يداوم بدروسه بس هو احسن منى شاطر ومؤدب

بس انى اذيت نفسي واذيت صديقتى

فد يوم كعدت الصبح شفت مثل الورم بصدرى

اتصلت بماما كلتلى فورا راجعى دكتور

راجعت دكتور سوالى فحص طلع عندى ورم سرطانى بصدرى

تقبلت الموضوع اكيد هاى حوبه احلام وامهه وحبيبهه حرمتهم منهه

سولى عمليه وشالو الورم

لكن لكو اكو بمناطق اخرى يعنى ما كو فايده ايامى معدوده وياريت ربي يغفرلى واحلام تسامحنى

سامحينى امى سامحنى ابى سامحنى اخى

اذيتكم

سامحنى ابنى وزوجى الى كنت معاك قاسيه بعض الاوقات

الكاتبه فردوس عبد اللطيف

آٍلـЕиdٍـًنًـهًـآٍيـٍـٍة