رواية قصص رومانسيه الفصل الثالث والأربعون 43 - بقلم الحساب مغلق

اسمي حنان من كربلاء ابوي بعثي كبير اتزوج امي وهي صغيره غصبأً
عليها وعلى اهلها لان جانو اهلها من التبعيه الايرانيه
وشافت أنواع العذاب منه ومن اهله وبعدين سفر خوالي وخالاتي على الحدود مات جدي من شاف اثنين من ولده كتلوهم كدامه بيبي بعد فتره ما تحملت ماتت من القهر بقت 3 من خالاتي وخال واحد كانو صغار
انكطعت اخبارهم نهائيا بقت; بس خاله وحده ساكنه بالنجف زوجها دكتور ومن عشيره كبيره ماكدر احد يوصل لخالتي بس تسوي اقامه كل 6 اشهر بدائرة
; بحي السعد حالها حال كل التبعيه الباقين يعني كفاله اما امي ضلت اتون ايام وليالي
; وحملت بيه وماعدها إتصال بأحد من اهله لحد ماجابتني ودخلت مستشفى خابرت خالتي من تليفون المستشفى سألت على اهلها كلتلها عرفت عنهم معلومات واصلين يم عمامي بقم وامها وأبوها ميتين جدي اصله من قم وعندهم املاك
هناك وسولفت امي ظلمها لخالتي كلتلها خالتي يومين وضروري تخابريني حتى اهزمج لايران طلعت امي من المستشفى للبيت بس ضلت تضرب ابر يم جيران بيت جدي مره علويه حبابه لحد يومين وراحت امي للعلويه طلبت منها تخابر لخالتي
;العلويه تعرف قصة امي وهي كلش حبابه وخيره ومقهوره على امي خابرت امي لخالتي كلتلها بعد اسبوع تنهزمين بمكان معين بكربلاء
وهي تجي ويه زوجها والمهربجي هم عنده 3 عوائل راح يهزمهم لايران
; طبعا ماكلتلكم امي جانت كلش كلش حلوه وجماله مو طبيعي وحتى عماتي ونسوانهم شكد يكرهونه بس يشهدون بجماله وطيبتها وندارتها وحتى ابويه يكولون جان يحبها بس يكتلها لان تبجي
; على اهلها ومحد يكدر يحاجيها كدامه بس هو يتفنن بضربها ومن يطلع يبلشون بيها نسوان عمي خدمه وكتل لان احله منهن وهمه بنات عمهم لعمامي وبيت جدي كلش محلوين سمران وسمان وخشوم يعني حشى خلقة الله عبيد استغفر الله
جان اليدخل لبيت جدي يكللهم شنو هذا الكمر على امي ابد مايلوك لبيتكم
خالتي جانت معلمه وانفصلت لان تبعيه اما زوجها دكتور وكلش شبعانين إلى درجه بيوت و اراضي المهم امي خذت أوراقه واخذتني وأنهزمت امنتها خالتي عند عائله من النجف ويه المهربجي; وراحت بالطريق لاكوهم البعثيين وأنهزمت الناس بس امي بعدها مريضه لان حديثة الولاده
ماكدرت تركض كامت تنزف وانطتني للرجال المهربجي وصته يرجعني لخالتي وانطته الهوية
; والعنوان المهم كله ختلنه بين الجبال والشجر مااعرف حسب ماقصولي القصه لحد ماعبرو وعافو امي المهربجي عنده جماعته على الحدود إيرانيين سلمهم العوائل ورجع لكه امي ميته وناس بدو طاميها حسب ماكالو لكوها مضروبه طلقات وأثار ضرب وركل برجليهم ونازفه هوايه وميته فرجع المهربجي
; لخالتي طبعا بدون رضاعه ايام بس ينطيني مي وشكر فشبه الميته خالتي عندها ولد كبير و2 بنات والصغير زيد اصغر مني ب4 أشهر دخلت بيه مستشفى اسبوع ورضعتني ويه ابنها لحد ماتحسنت طبعا بفتره آلامي طلعت ابويه كلب الدنيا وسجن خالتي وزوجها يومين وأدخلت عشيرت زوج خالتي
وطلعت خالتي
وكان يوميه جايب الحزبيه على بيت خالتي وسحول كدام الناس بس ماحصل نتيجه اتخبل على امي كام حتى يبجي ويشرب بشكل مو طبيعي وهنا طلع الحجي امي بايكه الذهب مال ابويه ونسوان عمي و فلوس ابويه مبلغ كبير ومهزومه ويه واحد عشكته برأس ابويه وفعلا اختفى الذهب والفلوس
اما خالتي تكول امج حتى كروه ماعده ومالابسه حلقه ولا قطعة ذهب المهم هده ابويه عن خالتي شويه ولأن غير محافظه ارتاحوا منه
اما خالتي شاع الخبر جابت توم اني وابن خالتي بس على اساس جانت تخاف من العين لان اني ضخمه وحلوه وزيد ناعم ما بين الفرق اتعلقت خالتي كلش بيه وزوج خالتي مات عليه اني الصغيره يموتون عليه اما ابن خالتي اكبر مني ب8 سنوات يسميني بنتي مالتنه ونهار كله شايلني وخالتي ترضعني ويه زيد مرات تنطي زيد ممه بس اني رضاعه طبيعي تكول يتيمه خاف تتمرض كنت حلوه ولسان مخبله البيت بسوالفي لحد مصار عمري 5 سنوات
اسجلت بالروضه وهنا بدت المشكله جانت خالتي تتعارك ويه زوجها تكله سجله باسمنه ميقبل يكول حرام ميجوز نغير اسمه عرف ابويه اني موجوده شغل الحزب والعشاير حتى يأخذني وفعلا أخذني من خالتي اتخبلت عليه وكامت ادك وتلطم وزوجها يبجي وكال تؤم زيد ماتت وسوه تعزيه وقرايه نسوان
وخالتي تمرضت عليه اما ياسر تكأب وتمرض على فراكي أخذني أبويه مو حب بس حتى يأذي امي بكبره حسب ميكول ذبني على بيبي بيت جدي وعمي الزغير موجودين وياها ونسوان عمي الباقين
.
.
.
أما ابويه عنده فلوس هوايه مشتري بيت ومزوج مدرسه جبيره بالعمر صاير عنده 2 ولد وهم مراويه الويل بس ماعده احد تشردله ضاله&
; وياه كام كل مايشوفني يكلي بت العجميه امج ك..... شردت ويه رفيجها ويكتلني بس بيبي تخلصني منه وتكلي من يجي ابوج اختلي عنه لاتطلعين بحيت من اسمع صوته عندي رعب طبعا العيشه عند بيت جدي دمار نسوان عمي يسمني بت العجمبه امج مو خوش مره امج حراميه باكت ذهبنه واني ابجي على بابا وماما الي همه خالتي وزوجها كلش تأذيت من دلال إلى ضرب وجوع وغلط بس بيبي شويه زينه ولو هنه العجايز يحبن الفلوس
وكان عمي الصغير حباب يسولفلي على أمي يكول جانت امج كلش حبابه تاخذ من ابوج فلوس وتنطيني وتوكلني وتغسلي كلش دارتني
اني : لعد صدك امي هيج يحجون عليها
عمو : والله ماادري يعني مااصدك تسوي هيجي اني جنت صغير بس جان ابوج حتى يجويها ويموته كتل احتمال سوت هيجي حتى تخلص من ضيم ابوج
عمي جان كلش شاطر وجان يتعارك على مودي وسجلني بالمدرسه ويشتغل بالعطله ويشتريلي ملابس ويوديني للمدرسه ويجيبني ويقريني يكلي صيري شاطره لاتخلين احد يذلج كملي وتخرجي& وتعييني
خالتي ابد مابطلت ماخلت احد ماوسطته حتى توصلني وماكدرت لحد ما صار عمري 9 سنوات صار السقوط والكتل والحزبيه شردت والعشاير كامت تركض وره ابويه لان كتل ولدهم كام يهددونه بالكتل وكام يبيع باملاكه وينطي فصولات بقى ماعدنه شي كاعد بالبيت ويشرب ويتعارك ومرته معيشته براتبه صار عنده 3 ولد وصلت مرته سن اليأس لان هيه اصلا جبيره اما اني يوميه اتحلم بخالتي وزوجها وياسر خالتي من عرفت جتي تركض بس ابويه رفع عليها دعوه اذا وصلت لبيتنه فقرر تجي مره بالشهر تشوفني ولوحدها وتنطي
; مبلغ كلش جبير ولأن خالتي تحبني وعدها فلوس وافقت طبعا خالتي رجعت للوظيفه وكامت ازور أخوها وأخواتها بإيران كمت اني كل شهر انتظر خالتي
تحبني تجيب الاكل والملابس والحلويات وكلشي ومن تطلع تجي بيبي ومرت عمي ياخذنه مني كلشي ما حصل اما بالمدرسه كلش شاطره وكل سنه اولى ومرت عمي تكتل بناته شوفن بت العجميه اشطر منجن نجحت وانتم رسبتن وعمتي بنفس المنطقه مال بيت جدي كانت خياطه ماهره وعدها صالون وشويه حبابه احسن من عماتي البقيه علمتني كلشي بس اخيط
وتنطيني نص فلوس من اوصل للبيت بيبي تأخذ نصهن ومرت عمي نص يعني لواحصل فلوس ملابس وقرطاسيه لو لا اما ابويه يجي كل شهر يأخذ الفلوس&
; من خالتي ويروح
ابد ما سأل عليه جعت تمرضت نجحت ماله علاقه يكول اكرها من اشوفها اذكر امها
.
.
.
.
كبرت صرت بالمتوسطه وصرت كلش حلوه وكل التشوفني تخطبني بس يسولفن قصة امي الكاذبه ويعرفون ابويه بعثي سكير تشرد الناس مني
كام ابن عمي الوياهم يحبني ويتألف حجي عود اني احبه وابن عمتي هم يحبني ويتحارشون بيه بس اني مانطيهم عين ابد بيبي علمتني الحرام والعيب
; واليصير والميصير اسويه
والصلاه والصيام كمت اتجنبهم كلش ومرات اكل لعمي الصغير يرزلهم لو يضربهم جنت كلش مداريه عمي فدائما يكلي هسه اتخرج واعوضج عن الذل والقهر واني دائمآ احلم بهذا اليوم شوكت يجي;لحد ماطلع طبية
بالبصره وكعد اقسام داخليه بعد ماعندي احد يحميني يشبعوني كتل وجوع واهاين شفت القهر أنواع اشوف الناس بالعيد واحترك منهم ليش اهاليهم مدلليهم واني عندي ابو بس يتيمه راح أختصر هوايه شغلات حتى ماتملون
كنت اخيط ليل ونهار حتى اسكت الناس عني ومايضربوني لحد السادس كمت اقره خالتي دخلتني دروس خصوصية
وبالكوه آلحك من الخياط طبعا غصبا لان مرت عمي تموتني تريد فلوس مني فلازم اخيط وادرس
اما ابويه يوميه جايبلي رجل لو سكير لو جبير من أصدقائه التحافه بس خالتي تنطيه فلوس وعمي الصغير يوكف بوجه يبطل لحد مانجحت من السادس خالتي بالاتفاق مع عمي الصغير ملة الاستماره على كليات النجف حتى ارجع يم خالتي
وطلعت وكامت المشاكل تزيد علية
اني اروح يم عمتي اشتغل بالخياط والصالون
; وزوجها كلش عينه وسخه اشكال يسمعني الحجي
فدوه تخبلين سبحان ربح شلون متفنن بخلقج انتي وامج واني اتجنبه لان كلش عينه قذره لحد ما يوم ولده طالعين وبناته نايمات دزتني عمتي اجيب غراض الصبغ من البيت وهيه صالونها نفس البيت دخلت البيت اخذ الغراض اشوف احد جرني لغرفته وكام يتوسل بيه بس انام وياج لج اليل كله مكابل عمتج الهايشه اتمناج بمكانه لج ليش ماتنطيني وجه شبي والله اريحج هسه وارتاح وانطيج كلشي تردين اعوف الهايشه واخذج يا غزال واني ادفع بي وصيح
وابجي
وهو لازمني باثنين اديه وبطرك الشورت واني ملخت صدره باضافري عمتي شافتني اتأخرت جتي ورأيه سمعت الحجي وشافتني املخ بي وبناته إجن يركضن طبت عمتي خلصتني منه وكالتلي روحي بس لاتحجين لأحد رحت واني ارجف وابجي طبعا هذا الموقف صار من صالحي طلعت بالشارع وجان أشوف ابنه التحفه
هلا شعندج
ماكو بس اريد اروح
هاا تجين نروح المنتزه
لا ما روح شعندي
اريد احجي وياج اني احبج واريد ازوجج
بكلبي ياربي خلصت من ابو طلعلي هو
عفته وركضت للبيت
ابن عمي الكبير يحبني ونيته صافيه بس اني مااريد ازوج اريد اكمل كام فاتح امه بالموضوع سمع ابن عمتي تعارك وياه وصارت بوكسيات وهم حجه ويه امه وامه ميته
; قهر من سوالف ابوه اجتي لبيبيتي هي ومرت عمي كالله حنان تسوي مشاكل بين الولد وطلعت عين زوجي كام ما يجي للبيت ولا ينام يمي لازم تزوجيها طلعت مثل امه جانو من يشوفون امها رجولتنه تكول شوفو باله هاي مره والعجميه مره
فقررن&; يزوجوني لكرايبهم مخبل أدخلت خالتي وراحت لابويه كالتلي انطيكم مبلغ كبير وتزوجها لأبني يعني يكفي يشتري بيت بدل الإيجار
سمعت مرت ابويه كيفت هي كاعدبل الإيجار&; كالتله احسن ماياخذه اي واحد وكلشي مانحصل على الاقل كل فتره اروح اجيب منه فلوس هي فقيره وتحب اخوتها كلش اقتنع ابويه بس نعقد بكربله صارت المشيه وخطبوني وما اعرف منو العريس وشلون شكله وعقدوني على واحد صوته مخنوك وماشفته بس سمعت اسمه ياسر ابن خالتي وبعد مااعرف كلشي خالتي إجت وبوستني

بوستني خالتي
وكالت لاتجيبين شي اني اجهزج واسبوع وارجع اخذج وانطتني فلوس بايدي واتفقت ويه ابويه من تاخذني تسلمه الفلوس وراحت اني فرحت يعني ماشايفه العريس ولاشايفني بس اهم شي يم خالتي راح اخلص من الظلم وحتلو أجل الخلفه لمن اتخرج وهوايه احلام احتمال يحبني مثل قبل من جنت صغيره واحتمال اني هم احبه لان اكيد حباب مثل خالتي
اوووف اووف
مو كلشي نتمناه يصير
المهم سوتلي عمتي شعري و جسمي ولبستني من محله بدلات واخذت فلوسي طبعا وسولي; حنه صغيره بين بنات عمي ابن عمي كام يبجي علية اليوم السابع واجت خالتي جايبه الفلوس انطتهن لابويه واخذتني اتمنيت ابويه يودعني& مثل بقية; البنات بيوم عرسها; بس ماكو رحت عليه أودعه دنكت على ايد ابوسه& سحب يده ودار وجه وعافني
خالتي صاحتني وطلعنه بس هي وزوجه وبنته; الكبيره الدكتوره رحت مقهوره من ابويه بس فرحانه راح اعيش ويه خالتي ويه ياسر الطول عمري أحلم بي بس ماعرف شي عنه هسه ياترى شنو مخلص وشلون شكله وهوايه اسأله بالي اكيد راح اعيش مدلله مثل قب
المهم وصلنه فتحو الباب ولد اسمر ناعم مرتب كلبي حيل رف عليه كالت خالتي هذا اخوج بالرضاعه زيد كام سلم عليه وبوسني اني استحيت كال خالي هذا اخوج حلال يسلم عليج
وبعد ماكو خاله وخالو ترجعين مثل قبل بابا وماما اما سحر الدكتوره كالت اني راح انام لان باجر خفر دخلنه البيت مستغربه وين العريس اشو ماكو بس استحي اسأل كال زوج خالتي اني رايح للعياده تحتاجون شي كالت خالتي سلامتك كال حبيبتي بابا تردين شي كتلها سلامتك اجه باس راسي وراح بكلبي يا ربي اول مره واحد هيجي يعاملني بقيت وي خالتي كالت حطيت سريرج ويه سحر وباجر اخذج اجهزج ملابس بيت وكليه يعني ماجابت طاري عرس يله اني شبيه افكر بالعرس يجوز يردون يسون حفله المهم كالت اتعشي وروحي نامي بس اهم شي اسمعي كم كلمه راح اكلج بيها احنه هنا اهم شي الاحترام والامانه والصدق زيد راح يسافر ويه ابو لمصر يدرس طبيه و رشا مزوجه تجي كل جمعه وسحر لو دوام لو نايمه وياسر خط احمر لاتوصلين يمه ولاتسلمين عليه حاولي اذا موجود اجنبيه منا لمن تجيج قسمه زينه وافرح بيج هنا اني انصدمت من كلامه وخفت بس خالتي كل شويه تشمم بيه وتبوسني حسيت بس خالتي فرحانه بيه&
; المهم تعشينه ورحت لفراشي دخلت خالتي كالت
هذا كنتورج بي ملابس من جنتي صغير يوميه اطلعهم اشمهن وارجعهن وعندي امل ترجعين تدرين لو ماراضعه ويه; زيد الصايع (طبعا اللقب مالته) جان هسه زوجتج اله وسفرتج وياه بس مالي قسمه أحويج&
; طول عمري وبوستني وطلعت ضليت صافنه ليش هيجي تحجي وليش ياسر شبي
; شويه وكعدت سحر كالت اكيد انتي خايفه وتحسين روحج غريبه هسه تتعودين اصلا بيتنا مثل بيت الاشباح فارغ بس امي وهم لو دوام لو طالعه بزياره لو عزايم ويه صديقاته رادت تنام رجعت كالتلي اكلج اني مااحب احد يحوص لو يشخر لو يسوي صوت اني غثيثه بالنوم كلتلها صار ( بكلبي&; اكللها اني وين شايفه هيجي ) طبعا بيتهم قصر و كولش جبير وحلو وتجيهم خدامه كل جمعه وسبت وعندي جربايه وكنتور ومرايه تجنن اني اصلا جنت نايمه بل هوال والرايح والراد يسحك عليه المهم نمنه وكعدت الصبح تريكنه ورحنه لسوك خالتي اشترتلي كولشي&
مخلتني ادفع شي ; ما قبلت بس هي تكلي ميخالف اريد تطلعين احلى وحده بالجامعة واريد افرح امج بكبره رجعنا خالتي ركض طبخت ردت أساعده ما قبلت كالت حالج من حال سحر كولشي لا تكيسين بس توسلت بيها كلتلها اخاله حبابه لاتقيديني خليني براحتي اتونس بالشغل كالت ماشي بس كون ماياثر على دراستج&
;شويه اجه خالي سلم وبوسني من راسي وكال لخالتي هذا النذل مراجع للبيت
خالتي عوفه يمل ويرجع المهم عقد وبعد خلي بكيفه
اسمع خالي بس لو اعرف شنو عاجبه بيه حتى سمعة اهله مو شي
اني ضليت فاكه حلكي شنو مجبور
شويه جتي رشا عنده 2 بنات يجنن ركضن عليه يبوسني ويكولن بيبي دائما أطلع ملابسج وتبجي عليج تكول بنتي باكه الحرامي مني
اما رشا ردت اسلم عليها شفتها تباوع كالت هاي بت الحزبي
خالتي عاطت بيها وخالي كاللها تحترمين لو اعيد ترباتج زعلت واخذت أطفاله وطلعت
اني متت قهر شنو هاي المشاكل معقوله مامكتوبلي افرح بيوم
اجه زيد طبعا يريد يسافر بعد ايام كال حنون لاتضوجين شويه شويه عوديهم عليج بعدهم ميعرفوج دار وجهه على ابو وامه كاللهم اليوم يجي ياسر كتله اريد اشبع منك كم يوم قبل لا اسافر فرجاء لحد يحجي وياه الردتو&
; منه نفذه بعد ميحتاج تحاجوه لو تزعلونه بعد
بليل اجه ياسر يمع يمه يهبل كلبي وكع بالكاع من شفته يمه صدقه يخبل لو يسويها صدك ويزوجني حتى الكليه اعوفا صدقه يجنن طبعا بدون مبالغه يشبه تيم حسن هذا الممثل السوري $
دخل سلم على اهله وخزرني وصعد لغرفته اني متت خوف بليل نمت وحدي لان سحر خفر ضليت افكر بيبي وبيت عمي و خالتي ولدها المهم ثاني يوم جتي صديقة خاله معلمه جيرانهم
; بصف بيتهم وطلعت بتهم مقبوله نفس القسم طب اسنان وعنده ولد ماادري جبير عنده محلات مال دهن
للعلم خاله كالت للناس بنت اختي طالبه وكاعده عدنه محد يدري اني زوجت ابنهم
وبتهم اسمه زينب صدقه تخبل صارت مو بس صديقه اخت وصرنه كلش صديقات لو اروح لبيتهم لو تجي يمي وندرس سوه نلبس سوه ونقره كل&
يوم
وسولفتله كولشي عني صارت كاتمة أسراري اما اخوها انعجب بيه كولش
بس اني مو يمي اما خالتي توسلت بيها تشتريلي مكينه وعلى فراغي اخيط بيها وشترتلي وكامن صديقاتها وكرايب زينب يخيطن عندي حطيت مكينتي بغرفت زيد فوك لان زيد وخالي سافرو واستقرو بمصر لان
خالي ميكدر يعوف زيد لان صايع حسب ميكولون اما خالتي فماتت عليه كمت أساعده بالبيت وتموت على طبخي وحلويات وخيطت اله ملابس بيت ونوم وحفيت إله كمنا نطلع سوه زياره وسفرات بالمدرسه ويه صديقاتها واخيطلها على الموديل وسحر صرت صديقته وكاتمة أسراره اما رشا فمن ولدت جتي للبيت كمت اتقرب شويه شويه منها طبعا ولدت بنص السنه فمتفرغه الها&
كمت اغسل لنونو وابدله وإداري أطفاله وابدلله لان عمليه ومن رادت تروح سويتله معجنات وكلشي صدك نسيت وياها كولشي وكامت تحبني واعتذرت مني وصبغتله
وميشت شعرها حتى زوجها كالله طالعه عروس طبعا طلعت طيبه بشكل وحبابه وكامت& تموت عليه اما ياسر فشفت منه معامله وكره حتى عند عمامي ماشفت منه يصيح عليه ويأمر عبالك خدامه فد مره سألته
اني شنو سويتلك كال بسببج اهلي جبروني احط ايدي بيد ابوج الحقير النذل وابويه اول مره بحياتي يضربني واني راح ازوج الاحبه واخليج خدامه عدها حتى شافتج وكالت مبينه خوش خدامه ههههههه&
; متت بجي وقهر ياربي شلون بيه للعلم اني ماكطعت بيبي كل اسبوعين اروح جمعه وسبت وعمي الدكتور ينطيني فلوس ويرجعني ويكلي همزين خلصتي ميدري شكو وبيبي تسال مصار عندج&
حمل وتدعيلي وتكلي همزين ارتاحيت من همج
رجعت سحر باليل شافتني ابجي كالت شبيج اني مو صديقتج سولفتله كالت لاتخافين اصلا صاحبته سمعته موزينه وهي موحلوه ومصادقه دكتور جامعي كلها تدري بي بس اخويه الغبي ميدري&
; يجي يوم ويعرف عنها كلشي
ويعوفها شويه طمنتني المهم اجتي فتره اسمع خالتي دائما تتعارك ويه ياسر وتكله ميخالف اسكت لا تسمع اني احجي وياها بس ماعرف شكو وتجي خالتي تحجيلي على المايصير&
وحرام واحد يمد ايده على حاجة غيره اذا احتاجيتي شي كولي كتله والله ماما مامحتاجه اصلا عندي رحمه من الله والحك اقره واخيط لاتشيلين همي المهم صادف خطوبة بت عمي وعندي خياط مال بيبي رحت لكربله حضرت الخطوبه وخيطته
وعمي الدكتور وصلني الكراج وانطاني 100 الف وصلت لبيت خالتي فرحانه بالخطبه تونست وعندي فلوس طبيت للمطبخ خالتي كاعده سلمت ردت السلام وهي مدنكه شويه نزل من غرفته ياسر يركض اخذ مني الجنطه فتشه طلع الموبايل والفلوس واجه عليه ضربني كال وين بقيت الفلوس حراميه نكسه مثل ابوج وعمامج اصلج قذر وتبقين تحنين لاصلج خالتي مادافعت
عني مدنكه كمت من الكاع كتلهم شنو سويت كال ياسر دائما تبوكين مني وامي تسكتني بس هسه
مبلغ جبير وياه الهويه شمخططين ويه ابوج وعمامج مكفاج امي طلعت اختي من البيت وباعته حتى تنطيه لقاتل اهله رحت على خالتي كعدت بالكاع خاله والله ماخذت شي
كالت خالتي لعد هاي الفلوس منيلج اني : انطاني عمي 100 والباقي خياط وصالون
ياسر : كذابه حراميه اجه ضربني برجله
; بطني وكعت بالكاع&
خربت ذبت خالتي عليه ماي كعدت مااكدر اجر النفس واحلف محد مصدكني بعدين خالتي كالت يمه مو ذنبه عاشت ويه ناس طبعا هذا عدهم مو غلط اني انقهرت كمت من الكاع كتلهن علمتني بيبي كل الحلال وعمري ما سويت الحرام والله عشت كل عمري محرومه من كلشي وعايشه بذل وخوف وجوع بس عمري ما سويت شي يغضب رب العالمين دخلت سحر كالت شكو هذا الصياح ابن جيرانه ام زينب واكف يسمع حجه ياسر وغلط وسب اهلي كالت سحر مو كلتلكم عوفوها هاي السالفه صار شكد ويايه مافد يوم شالت حاجه حتى كم مره اختبرتها لكيته ضامتهن بكنتوري خالتي كالت اني هم ماراح مني شي
اني انصدمت كلها تدري واني ماادري
ياسر طبعا ماتبوكجن لان مبينه هي بس اني عود فوك وهي ماتصعد يم غرفتي حدها لغرفة زيد محد يشك بيها
اذكرت وعده الي كلي ارجعج منين ماجيتي
كلتلها خاله والله هو سواها مكيده وياي كال اله اندمج
سحر شهدت على كلامه
.
.
.
.
كام يعيط ويشتم اني متت خوف دك فوني كال ياسر هذا عمج انطاني وفتح سبيكر اريد اكله تعال خلصني انقذني كلت الو كال عمي وصلتي
اي عمو بس ..
عمو لاتجيبين طاري اني انطيتج الفلوس لان زوجتي الدكتوره تضل تتعارك واني مالي خلك المشاكل اصلا قدمت على لجوء بامريكا وراح اسافر يمكن
عمو واني وين اروح وابجي
كال خالتج وزوجج موجودين ودعني وسده احس نفسي اختنكت منو يخلصني
ضلو يباوعون عليه كالت خالتي شوكت اخر مره دخلتي غرفته كتله مره وحده بس من صعدنه اني وياج رتبت الغرفه ودنينه الجربايه للحايط كالت سحر يجوز واكعات انت دائما تشمر بغراضك ركضت خالتي فوك وصاحت ياسر يدور وياه صعد نص الدرج ورجع اخذ موبايلي وفلوسي كال حتى ماتنهزمين اله اخيسج بالسجن بت ابو العرك وصاح على سحر كلها اذا طلعت أكلب البيت باوعت عليه سحر كالت لاتخافين متأكده انت بريئه ومحد يكيسج راح ابدل واجي
اني متت خوف ماريد جامعه ولا راحه اريد ارجع خدامه عند عمامي ولا هذا القهر لبست عباتي وأنهزمت طلعت مااندل وين اروح ولا جايبه فلوس ولا فوني شلون يا ربي ساعدني
لكيت ستار اخو زينب واكف اجه جرني ودخلني كال ادري وسمعت كلشي وزينب هنا كتله اريد كروه اوصل بيها لبيبي كال تدللين بس خل يهدئون واني اوديج بيدي
الصبح كتله وين زينب غير الموضوع
اذكرت كالت رايحه لديوانيه ابات كم يوم عند خوالي خفت اني كمت ارجف باوعت اكو بالحديقه مشروب ونركيله وهو عيونه حمر وريحته شرب وكام يقترب مني ويكلي اني احبج وراح ازوجج واخلصج منهم ومحد ياذيج متت خوف كتله ميخالف بس خل اكعد اخذ نفس واريد مي راح يجيب مي ركضت للباب الكبيره مفقوله ركضت للباب الصغيره مفتوحه بس بالكوه انهزمت لان اجه ورايه طلعت بالشارع اركض ولازمه بطني مااكدر محنيه من الألم من ضربة ياسر شفت سيارة سحر وياسر ماموجوده كلت اكيد يدورون عليه حتى يسلموني للشرطه وماعندي احد يخلصني
ركضت للشارع يا ربي وين اروح ماعندي احد ولافلوس فكرت اروح لصديقاتي اقسام داخليه ابقى; للصبح واروح لكربله لبيبيتي صار المغرب الشارع فارغ وشتا بارده صفطت سياره يمي متت اريد اتنفس مااكدر كلت هاهيه بعد
;درت وجهي لمرقد الإمام علي كتله ياعلي أدركني يتيمه ومظلومه خلصني من هذه الشده نزل رجال لزم ايدي كال تعالي وين رايحه شلت راسي شفته ياسر كتله والله ماخذت شي عوفني ابجي واصيح ياعلي أدركني من اذكره أشبع بجي
;كال اسكتي لاتفضحينيه اصعدي ما قبلت وكفت سياره ثانيه درت وجهي شفت خاله وسحر نزلت خالتي تركض عليه اني انهزمت ركض ياسر لازمني و خالتي اشبك بيه وتبجي وتكول خاله انتي تربيتي انت بنتي
خاله والله مو اني وروح امي ماخذت شي ابد
خاله انت بريئه لكيناهن كلهن جوه الجربايه بين الحايط وأخذتني صعدت ويه سحر سحر بس ادردم على خالتي وياسر
ظلمتو البنيه شنو تكولون لله
وصلت للبيت وكعت بلا اكل من الصبح وخوف وضربه بطني كمت ازوع دم من الدفره مال ياسر سحر كامت تصيح حرام عليكم لأن
; ماعده احد اشتريتوها جاريه عندكم والله
حسابكم عند ربكم عسير خالتي تبجي وياسر جاب مغذي وادويه ضليت 3 ايام يله كدرت اكوم ماعافوني ابد حتى رشا واطفاله يمي خالتي مكابلتني وتبجي تمنيت عندي احد ويوكف بوجه ياسر ويكوله ليش ويأخذ حقي منه بس الماعنده سند شيسوي والله اكتب وابجي بس امير المؤمنين مأقصر
صار موقف وكف سيارته باب الصيدليه مالته جتي سياره البلديه وصعدت فوكاها خلتها خرده سيارته مستوردها من بره حتى بلا أرقام اجه يلطم مثل المره بس خالتي كالتله هاي حوبة اليتيمه المهم اجتي زينب تشوفني وسولفتله كامت تبجي كالت ستار حابس نفسه بالغرفه وبطل شرب وكلي اذيتها وكنت مو بوعي بس ماعرفت شنو سوى كتلها ميخالف اني ماحجيت لأحد ولتجيبين شي يم خالتي لو ام
ثاني يوم لكيته&
; واكف بالباب راد يحجي مانطينه مجال طلعت زينب من البيت كالت اليوم الخط ميجي وستار يوصلنه ماقبلت اني اروح وحدي ماقبل وكف سيارته وكال انتي مثل زينب عرضي ماعوفج وحدج&; باوعتله صفح
اني اسف موبوعي اريدج اسامحيني انتي احلى شي بحياتي وراح أتغير
; على مودج صعدت الطريق كله عالك فيروز ويباوع بالجامه ويضحك من نزلت زينب سد الباب ردت انزل قفل الباب كتله; هااا مو على; اساس تغيرت
ستار . حجايتين وانزلي
اني . شكو احجي بسرعه

ستار::
ااني احس روحي اليوم انولدت من جديد عمري ما حبيت مثل هذا الحب
اني.......ليش لازم هوايه حاب
ههههه مو مثلج ولا بجمالج انت خبلتيني اليوم اخابرج
لا طبعا والله اذا خابرت اكل لبيت خالتي واسويها عجه ظلمه عليك
ترى اني ماتهدد
واني ما اخاف وجربتني
اموت على المؤدبه
يله افتح الباب
باب كلبي فتحته بس الج وقفلته وضاع المفتاح
نزلت شفت سيارة الخط واكفه لج زينب مو هاي سيارة الخط
ههه شسوي اليل كله يتوسل ويبوس لج ولله يحبج وراح يدللج
بس يشرب ماريد اعيد مأساة امي
لاتخافين يحبج راح يتغير ويصير محبس بايدج تكدرين تغيرينه
بداخلي يمكن هو الراح يصير سندي ويحميني طول عمري أحلم برجال سبع يحميني وخاصه وره ماضربني ياسر
رجعت للبيت افكر بكلام زينب شفت ياسر شلونح حنان طبعا اول مره يسلم عليه
الحمد لله
اني ااااااني توقعت راح يعتذر بس ماكو
اي شنو شردت
لا ماكو بس ردت اكول شنو مسويه غده
لان اني كمت اطبخ الصبح واطلع
طابخه مركة سبيناغ وتمن
راح ابدل واجي اتغده بين ماتجي سحر
صبينه وكعدنه اني وسحر وياسر طبعا خالتي بالدوام ضهري
ياسر هوايه تغير وكام يحاول يحجي وياي اما صديقته انخطبت وهو ما يعرف لان;
جان زعلان وياها حسب ماعرفت هو عادي يلتقوب بالمخزن مال الصيدليه وينام وياها بس الفتره الأخيره&
صارت شريفه تريد تزوج استاذها&
; كمنه تقريبا نتريك سوه ونتغده يوميه ومرات اشوفه بالكليه لا ن هو يداوم أستاذ ويدرس ماجستير
اما ستار
يحاول يتقرب بتليفون لو يمر الكليه بس ماانطيه مجال ويلح يريد يخطب سولفت لزينب انو ياسر عاقد عليه لان ابويه مايقبل اكعد عدهم يعني مو كل الحقيقه بس قسم منه فكالت من تتطلكين
نخطبج
لحد ما يوم صادف سبت اجتي خالتي كالت راح اروح للمدرسه عندي شفهيات للعصر يله اجي وسحر اليوم خفر
اي ماما شنو رايده
اريد تطبخين وديرين بالج على ياسر كلش مصخن هو من ينشل ينام بالفراش
عزه شراح اسوي>
كمت سويت ريوك ولبست حجابي وصعدت دكيت الباب ماكو رد دكيت اكثر ماكو دخلت لكيته نايم وعركان ومسخن ويرجف كعدته ماقبل رحت جبت مي وخاولي وغسلت وجه واطرافه صحصح
حنان .: ياسر شبيك اجيبلك شي تاكله
ياسر ؛ لاماريد اريد تاخذيني للحمام تجه عليه وصلته للحمام وطلعت شويه ودك الباب اجيته كال حطيلي كرسي جوه الدوش حطيتله
افركيلي شعري بشامبو اريد الصخونه تطلع من جسمي ولو ازحمج واني مااستاهل تخدميني
لاتكول هيجي انت ابن خالتي مااكدر اكله اخويه لأن
; عاقد عليه صدك غسلتله وبدلتله مو كل ملابسه لان استحي بقى بالشورت
وجنت كلش مرتبكه حسيت بشي بداخلي ماادري شبيه يمكن حب الطفوله رجع ماادري انتبهت على حجابي وكع بحضنه ردت أخذه كال عوفي اتبلل جنت ضافره كصيبه شعري كلش طويل من اليف جسمه توكع علي يكوم يلعب بيها اني لابسه دشداشه فانيله وردي فاتح وجواها ملابس داخليه وردي من وكع ماي عليه لزكت الدشداشه على جسمي وصارت شفافه بينت ملابسي الداخليه كان نهاية الشهر 3 يعني حلو الجو حسيت يباوع عليه بنظرات خبيثة
; وكام يتعمد يذب عليه مي حتى اكثر تلزك ومن اغسله يتتلمس
بجسمي اني ضجت هو حس بيه وخر عني بس سوه روحه متخربط بدلتله
وطلعته كال نزليني جوه نزلته وركضت ابدل اشوف بالمرايه ملابسي مخازي استحيت اطلع اتاخرت كام صاحني 😄
حنان ماكو ريوك ركضت
ريكته ودزني على دوه من غرفته اخذه وخلط ابره كال اضربيني استحيت
لاتستحين اني زوجج يعني حلال😊😊
مااعرف شنو صار بيه يله ماادري شبيه رحت سويتله شوربه وصبيت غده صاحني كال اليوم شراح اتسوين
اسوي دولمه
طيبه اكيد لان طبخج كله; طيب
هههه انت متاكل منه ياسر ؛ هلا هاي ليش عود
حنان ؛ انت مريض تأ شوربه
ياسر ؛ عندج غمازات تبين من تضحكين
حنان ؛ يكولون على امي الله يرحمه
ياسر ؛ اي انت هوايه تشبهيها
حنان ؛ يعني حلوه لو لا حجيتها واستحيت
صفن عليه شويه وكا ل انت مو بس حلوه قمت الجمال وعندج شامه بصدرج الايمن وبفخذج اذكرج من جنتي صغيره اسبحج وياي بس بالشورت 😊
استحيت رحت ركض للمطبخ هاي شنو ما يستحي كملت غده طفيت وصبيتله شوربة الدجاج وجيت كال انت وكليني مابي حيل
تره كوله صخونه مو معوق بالحرب
تردين تعوقيني والله امي وصتج عليه لازم توكليني هو كاعد على القنفه واني كعدت كباله وكمت أوكل بيه هو يباوع على عيوني وشفايفي وينزل الصدري ارتبكت وكعت الخاشوكه حاره على صدره صاح اخخخخ
ركضت جبت كلينكس وجيت بصفه
اني اسفه مسحت ركبته وصدره جان كاعد على القنفه واني واكفه جرني حيل لصدره وراد يبوسني بس دفعته كتله هاي شنو وعفته ورحت انقهرت
منه ليش يسوي هيجي
اجه ورايه للمطبخ اني اسف حنان اني اذيتج هوايه اني مااستاهل تداريني اني سكتت
انت اكيد حاقده عليه وكارهتني من ذاك اليوم التهمتج بيه واذيتج بالحجي
لا اني كلبي ميعرف الحقد والكره دائما بيبي تكول خلي كلبج نظيف لاتوسخي بالحقد وبعدين اذا كل الاياذيني احقد واكره تلكاني ماحاجي احد 😁
يعني هوايه ماذيج ناس تعال سولفيلي أخذني من&
; ايدي ورجعنه لصاله كعدني كباله وهو تمد سولفيلي من يوم الرحتي من عدنه لحد مارجعتي لبيتنه كعدت اسولفله بس كلشي حجيتله هو يسمع ويتافف من ابويه ومن كل الاذوني وحسيته انقهر عليه
ورحت صليت وتغدينا سوه ورجعت اسولف لحد مارجعت خالتي المغرب طبعا خالتي خبيثة دائما تسوي هاي السوالف المهم كلشي سولفنه وهو سولف شبي متخربط
تدرين اني احب وحده
ادري
وانخطبت لاستاذي
ادري
وكنت اصرف عليه
ادري
وانام وياها
ادري بمخزن الصيدليه
هاي شنو مسويه برج مراقبه عليه
لا بس كولها معلومات معروفه بكل الجامعه والمستشفى وكانت اصلا قبل ويه غيرك نفس الشي بس مرات من انحب مانشوف سلبيات النحبه
جنت اسمع واشوف بس مااصدك من انام وياه ملهوف من اكمل أكرهه أحسه رخيصه
اتحبه
مااتصور بس مجرد اتونس وافرغ رغبتي وبس
درت وجهي استحيت من كلامه
تدرين اول ما نمت وياهه جانت مو بنيه وكرهته وعفته سنه بس رجعتله لأن
تونسني
اني راح اكوم اقره ياسر ؛ حنان انت هم حبيتي
لا طبعا
ليش
حرام بيبي تكول وعيب وابوج يذبحج
وتدري ابوبه شكد يحبني ههههه
ضلينه
; أسوالف للعصر لحد ما اجتي خالتي
هلا بشري شكو ماكو
سلامتج ماما شكو
ولج ياسر كلبه رهيف طالع على خاله الجبير يموت على النسوان
هههه واني شكو اروح اقره احسلي
طبعا نسيت اكللكم ستار يوميه يسمعني لو يدزيلي غزل
بليل اجتي سحر اجتي وسولفتله على ياسر وعلى ستار كالت ايسي;
من ياسر اخويه واعرفه
; مايتغير يضل طول عمره نسوانجي فجلبي بستار لان يحبج وعنده استعداد يتغير ضليت افكر بكلامها بعد فتره صارت الامتحانات كملت وعزموني على خطوبة بت عمي لان صرت عزيزه عند عمامي لان هداياي ثكيله رحت ويه زينب حفيت وصبغت شعري وشسورتلي صادف خميس خالتي دوامه عصري لان مديره دائما تروح للمدرس وسحر خفر وطلعت دخلت للغرفه حضرت ملابسي وجربت ثوب مفضوح كلش بدون ردان الصدر كصة كلب حمره وقصير كلش واني بيضه وشعري مفتوح سرح كلت خلي اجرب مكياج اشوفه حلو خليت حمره ومكياج اسود على العين وطلعت اخلي الدجاج بالفرن للعشه وفرحانه
; بخطوبة عذراء بت عمي حبابه جانت بدون علم امها تنطيني اكل وتسبحني وتدرسني وكفت على السنك اركص واشتغل خلصت شغل وذبيت الدجاج بالفرن و غسلت ايدي درت وجهي انصدمت شفت ياسر واكف منتجي على الحايط ولابس تراك ومبتسم
اتفاجأت بي
حنان؛
; شوكت اجيت
ياسر ؛ اصلا ما طلعت
حنان : عبالي محد بالبيت وركضت للغرفه اريد البس
جرني من ايدي حيل وحصرني للحايط وكام يبوس حيل بخشونه من شفايفي لمن انكطع نفسه طبعا اني مامستوعبه الموقف لمن عض شفتي كمت ادفع بي بس هو ثكيل واضخم مني مااكدر وارجف
; هوايه بعدين كمت اصيح كمت حيل اصيح كافي كاااافي حس على نفسه وابتعد وكام يحك بمقدمة راسه كلي روحي بعد لاتلبسين هيجي حتلو محد بالبيت ركضت واني مصدومه للغرف قفلت الباب ورحت على المرايه
صافنه على صدري وجهي احمر من لحيته واذكر الموقف بين فرحانه لا احس بشي غريب بداخلي وبين مقهوره اول مره واحد يقترب مني اذكرت الفرن معلوك بس شلون استحي اطلع لبست وضليت رايحه راده بعدين سمعت صوت السيارة طلعت لكيته طالع اي همزين استحي ويمكن اخاف ماادري شلون جان شعوري
المهم لليل مااجه نمت طلعنه الصبح اني و خالتي هي راحت ازور الإمام واني رحت لبيت جدي

هي راحت للامام واني
رحت لبيت جدي طبعا بيبي كيفت بيه وهم سالتني ليش يابيبي لسه ماكو حمل
; اكللها يريد يدرس ماجستير ( هو اصلا كمل) واني اريد اكمل دراسه دراستي صعبه المهم كملت الحفله وطبعا كلها عيونها عليه لان بيضه وحاطه مكياج توب ولبسي توب بدون
; مبالغه اني على امي حلوه بس بيت جدي كلش محلوين سودان وخشومهم كبار ووو محلوين جانت عذراء كلش فرحانه وسوينه مكياجه اني وعمتي طلعت زينه كملنه واجه عمي الدكتور صاير عنده ولد حبيبي لونه ككو على عمي ضليت 5 أيام بعدين خالتي كالت تعالي كافي انريدج اشتاقينالج وحتى نكمل جوازج نريد نسافر لايران لخالاتج وراح يجي ابو ياسر من مصر هو و زيد اني فرحت وصلني ابن عمي للكراج ومناك رحت للنجف طبيت خالتي تبوس وسحر تكلي يابذات ماصدكتي تعوفينه بعدين نزل ياسر كلي
; شلونج حنونه ويضحك ضحكه خبيثه متت من الخجل اذكر الموقف مالته واستحي
حنان ؛ الحمد لله ورحت لغرفتي سولفت لسحر على العرس وكتله يوم الالج كالت يارب هي تحب دكتور وياها بس هو من الجنوب وحالتهم كلش ضعيفه ومفكر ياخذ البورد ويطلب لجوء فخالتي رافضه زواجها
اجتي باليل زينب لج شنو نسيتينه
لا والله بس التهيت وبعدين مو جاي نتخابر
لج اني اذا ماشوفج مااشبع منج وبعدين قيس ابن الملوح ميت على شوفتج لج شوفيلج حجه وتعالي لبيتنه خلي يشوفج
لا مااكدر لج لاتنطي امل اخاف مااصير قسمته
شنو ولج انت متحبيه والله ماادري هو حباب والأهم
اريد الازوجه يكون يحبني مو شرط احبه
لج متيم بيج حتى الشرب عافه والنركيله وكلشي
الله كريم انطيني فرصه هسه حتى مااكدر ازوج علمود الدراسه
ثاني يوم كعدت بس خالتي بالبيت نظفت وطبخت للعصر اجه ياسر تغدينه وكل واحد راح لغرفته ظلييت اغسل مواعين شويه وصاحلي ياسر كلت
يارب شكو اول مره يصيحلي لغرفته ماادري طبعا كمت ماالتزم بحجابي كدام ياسر لأن
خالتي وسحر يكولن حاره وهو زوجج كدام الله رحت صعدت طبيت لكيته كالب الكنتور وملابس بس بنطرون
حنان : هاي شكو ليش هاي الهوسه
ياسر : ادور على قميصي النيلي
حنان اي اني غاسلت وكاويته ردت اطلع سد الباب وحصرني بين الباب والحايط
حنان : شكو ياسر بعد لاتسوي الشي السويته
; ذاك اليوم ماحب هاي السوالف طبعا بداخلي ارجف وذايبه ماادري ليش احبه بس احس نفسي اريد احضنه واباوع الصدره يخبل يالله شلون بيه وخر وكا ل انسي اذا ماتردين وذاك اليوم شفتج حلوه ماكدرت الزم روحي انصدمت نزلت وافكر يعني مو حاس بشي اتجاهي بس مجرد تسليه مثل اليتونس وياهن بمخزن الصيدلية
المهم خابرت زينب كالت باجر نروح للروان تره نتأخر
;كتله ماشي بس أبلغ خالتي بس منو يأخذنه كالت ستار يأخذنه ويرجع رحت بلغت خالتي كالت روحي يمه تونسي ماريد اشوفج يوم ضايجه دائما اريدج فرحانه بوست ايدها ورأسه وحضنته ورحت بدلت وحطيت ملمع شفه وكحل وبدلت وطلعت رحت لزينب لكيت ستار مبدل ويمسح بالسياره سلمت كال وعليكم السلام اليوم الكحل يخبل عليج انت حليتيه مو هو حلاج
اشكرك بس وين زينب هسه تجي إجت سلمت واخذنه للروان افترينه شويه اشو ستار ماراح شويه كال تعالو خل نتعشه ضليت واكفه شنو هاي لا عفيه شلون اريد ارجع ضلو مصرين دخلنه المطعم الروان طلب; مشاوي
; شويه كالت زينب رايحه للحمام وتاخرت كلش اما هو فدنه كرسيه بصفي وكام يتغزل اني كل شويه ادير وجهي ماحبيت كلامه كال شبيج كتله لا بس تدري اني على ذمة ياسر شلون هذا الحجي كاال اني احبج اطلبي الطلاق واني ازوجج شويه رفعت راسي شفت ياسر كاعد ويه جماعته يسولف ويضحك دار وجه شافني كامن عيونه تجدح نار كام اجه عليه كال وهو ساد اسنونه شعندج هنا ستار وكف كال اني جبته ويه زينب واني اريد اخطبها اجتي زينب
كالت اني عزمته كاللهم كافي محاجي وياكم دار وجهه على ستار كله مره ثاني استحي على نفسك هذه زوجتي وعيب عليك تباوع على عرض الجيران جرني من ايدي وصعدني للسياره طبعا مااحجيلكم الرجفه الصارت بيه والله بردت واحتريت سوه ضل الطريق ساكت وصلنه كال انزززززلي فتحي الباب خل ادخل السياره نزلت فتحت الباب ورحت ركض لخالتي ختلت وراها ضل يدك هورن ما فتحت الباب الجبيره نزل فتحه ودخل اجه خالتي وكفت بوجه كالت اني كلتلها اطلعي
ياسر : حضرتها عاشكه ابو الدهن السكير براسي مااحترمت البيت الهيه; بيه ولااحترمت الطرطور العاقد عليها شنو شتهيتي رجال عادي اني اونسج ماعندي مانع خالتي كالت استحي شويه واحترم نفسك; صارت مشاده كلاميه; بين خالتي وياسر; خالتي اخذت ياسر وصعدت فوك يتناقشون اني ميته خوف منه على حايره من تصرفه ياتره غيره شرف لو حب لو مامعقوله
اجتي سحر وسولفتله كالت والله يااختاه; صاير ياسر ماينعرف حتى جماعته حايرين بيه يكولون صاير عاشق بس منعرف منو وحتى المخزن ترسه بضاعه ومايستقبل بيه احد
. يعني سحر معقوله اني
ماادري بس ورا وراه لمن مااعرف منو هاي بس انتي ديري بالج منه
شويه نزلت خالتي كالت ماما بعد لاتكرريها واذا يريدج ينتضرح ولو اشوفه مو ملائم الج انت دكتوره وهو بلا
; شهاده اني بداخلي ماريده بس اخاف انطرد اقلها رجال يحميني طول عمري أحلم بيت ورجال يحميني وعائله دافيه; بس ما انكر حبيت ياسر ضل ياسر مايحجي وياي وضلينه واحد يجنب الثاني اما ستار دائما اصده زينب تجي يمي اسولفله على معاملة ياسر; تهون عليه
فد يوم واكفه بالمطبخ وهو يشتغل بالحاسبه على الميز ومتجاهلني دك فوني طلعت زينب كالت باجر بحث بالكليه
حنان : منو ياخذنه
زينب : ستار
سديته كال منو ياخذكم وهو مدنك راسه ويشتغل كتله ستار كال ماكو داعي اني اخذج
كتله وانت ليش تغار
رفع رأسه ابتسم وهز راسه باستهزاء
تجرأت رحت يمه كتله انت شرايد مني
كام وكف كبالي ضعت اني بس بقيت واكفه ماريد ااحسسه; اني خايفه كال اني رجلج وضل يباوع الصدري وركبتي كال هسه اكدر اخذ كلشي منج احتمال اسويج ام
خزرته احترم نفسك عود من اتصير رجال اني اصير ام
صارن عيونه دم كال لسانج اله اكصه وراح اراويج منو الرجال شالني اخذني للصاله طبعا محد بالبيت ( بله اني مو كد احجايتي شكو الغي
ذبني على القنفه وشك ثوبي و
كمت اصيح سد حلكي توسلت مفاد كمت ابجي بنحيب صحت ولج ماما لحكيني وبجبت عافني وكام لبس ملابسه وكلي بعد لاتحجين كلام اكبر منج يله كومي لا اغير رأي واراويج منو رجال
;كمت اركض للغرفه وابجي بدلت واباع آثار أصابعه على حلكي وركبتي شويه دخل للغرفه وكفت ورجعت لوره كال لاتخافين ماسويلج شي بس اذا انتي تحبين ستار وتردين تتطلكين عادي اطلكج بس تره مايفيدج سكتت كال فكري واني موجود
كملنه جوازاتنه ورحنه على ايران اني وخالي وخالتي وياسر وسحر وزيد وصلنه لقم فترينه على خالاتي وخالي واحد يعني مينحبون مثل خالتي ام ياسر بدون مبالغه احسهم ماشاربين ماينه ولا شامين هوانه فماعدهم الملوحه العراقيه وخفت الدم
طبعا وحده من بنات خالاتي متت منه ردت اكفشه ام عطوب الصفر لابسه ربطه نص شعرها من كدام طالع كلساعه رايحه يم ياسر وهو يقهر بيه يسولف ويضحك وياها احسه لو منطيها ياسر مجال اكثر جان نامت بحضنه
بعدها رحنه لمشهد زيد ماخله شبر ماخذني بي بحيث نطلع الصبح ما نرجع غير نص الليل كلش تونست وهو يباوع ويسولف عن البنات كتله لعد عندهم حق يصوحولك الصايع كال اذا اني صايع لعد ياسر شنو سرسري وكمنه نضحك
أخر يوم اجه زيد الصبح يكرص بخدودي واني نايمه كال كافي نوم اليوم اخذج لمول كلش جبير يخبل راح تتونسين وتاخذين هدايه لصديقاتج لان باجر نرجع كمت بدلت وتريكت وطلعنه كتله اريد ازور وداعيه لامي وصلني الإمام زرت وكفت بره انتضرته ماكو اخابر عليه مايرد كمت ابجي
طلع مخابر ياسر منطي العنوان وكايله مخابرينه جماعته ورأيح ولازم يروح لأخته واكفه
ياسر مفكر منو يجوز سحر اجه ياسر شافني كلي هاي شنو ليش تبجين
كتله هذا الصايع عافني وخفت مااندل
كلي يله تعالي خابرني كلي روح يجيبها
كتله لعد شنو راح نرجع للفندق
كال لا راح اشتري هديه لجماعتي;لعد اني هم اريد
يله امشي
اي بس اني جوعانه
يله تدللين
رحنه تغدينه ورحنه اشتريته وتونسنه ل12 بليل يله رجعنا ماخله مكان مراحله وكلش فرحت لان ويه ياسر
رحنه للفندق فتح الباب ظلمه وكلهم نايمين رحت ادور على النقطه حتى اعلك الضوه هو سد الباب بسرعه وركض جرني بسرعة وحضني اني ماادري شبيه بس حسيت روحي رجعتلي باسني واني بصراحه ماكدرت أقاوم اتجاوبت وياه وحضنته حيل كام يستراح ويرجع يبوس ودفعني عل القنفه لحد ماحسينه انعلك الضوه وخالي كال هاي شكو ياكاع انشكي وبلعيني كال ماتستحون ياسر اخذ مرتك وروح لغرفتك مصير بنص الصاله
اني متت من الخجل ركضت لغرفتي ويه سحر نايمه مااحس غير ياسر كتله شكو كال تعالي لغرفتي غير ابويه كال كتله روح عفيه ماكو هيج شي ما قبلت اروح وياه كعدت سحر وطلعته من الغرفه ثاني يوم رجعنا للبيت
مشت الأيام وبدت الدراسة
.
. لحد ما يوم دك موبايل خالتي اسمع خالتي تكول لا حوله ولا قوة الا بالله العلي العظيم
;
كالت هسه نجي سدت التلفون صاحت حنان راح انروح الكربله وانت هم ياسر يمه محسوب زوج بتهم; ماما شكو كالت ابوج متخربط وطالبج شكو ماما احجي كله ابجي ماما صدك عدل احجي كالت اي يمه رحنه على بيت ابويه خالتي مشتريه بيت حلو وصغير لكيت عمامي مجمعين وابويه مدد للقبله وكوه يحجي كال اريد بنتي وياسر وخالته وحدهم طلعوا; وسدوا الباب كال بنتي سامحيني هوايه ظلمتج واذيتج حتى من بعتج لخالتج; مثل الجاريه كمت; اشهك بالبجي كال تعذبتي هوايه وانذليتي هوايه ادري خطبج جيرانهم وادري ياسر زوجج على الورق ومارايدج بس على مود البيت المهر اني سجلته باسمج خلي يأخذه ويطلكج وشوفي حياتج ربيتي جوه الايدين بس طلعتي احسن تربيه امج حبيتها هوايه بس ماكدرت أسعدها واني مالي يد بمقتل أهلها بس جنت اكشخ كدامكم ماخذ ني الغرور وانجرحت كرامتي من امج عافتني ما حبيت قبله ولا بعده مره . ام ياسر ما قصرتي ويه بنتي بس اني بري من دم اهلج ابريلي; الذمه وحلالج عند بنت اخيتج اخذي وياسر ادري بيك ماتريدها ادري بيك حتى ضرب تضربه تره هوايه انذلت من كل الناس وأولهم اني لاتضلمها; تره يتيمه ياسر كله هاي مرتي ومااعوفه طلعت بره ابجي ما تحملت صحيح ماشايفه منه حنان بس جنت دائما ادعي الله يهدي و منتظره يجي يوم ويحن عليه ورا يومين ابويه توفى كملت الفاتحه و خالتي كالت يله عندج دوام ماتتوقف الحياة شوفيني هوايه فقدت من اهلي بس مامتت; عماتي كامن يذبن حجي ومرت ابوبه طردتني لا ن سجل البيت باسمي رجعت ويه خالتي بس ضليت فتره طويله ابجي اما ياسر ماعافني ضل وياي حتى يداوم وياي ويوصي; الدكاتره عليه حتى يعيدولي الامتحانات لو يساعدوني بيها ويوصلني وياخذني للكليه لان فتره عافني الخط أخذني للبيت ضل يسولف وياي انت ليش مقهوره هو ولا مره حاضنج لو حان عليج شنو شفتي منه حتى تموتين عليه
حنان جان عندي امل يرجع لي ويحسسني بحنان دائما ادعي بكل صلاه بالهدايه حسيت نفسي بلا سند كال واني وين سكتت ما ردت اكله انت تعطف عليه . من رجعت للبيت الكل نايمين كال تتعودين; وتنسين اوكي
اني اوكي ردت اروح صاحني حنونه اريد اطلب منج شي كول شنو
اريد اريد احضنج اذا تقبلين
بصراحه جنت محتاجه لهذا الحضن اجيت اركض لحضنه; حسيت بأمان كلش ردت انام نسيت نفسي
ياسر احم احم شنو حلو حضني وخرت كتله اسفه تره اول مره احضن احد كال ادري احس بيج انظف شخص شفته بحياتي بقيت اني وياه حلو المعامل بينه نجحت من الثاني رحت الثالث بالعطله كلي كافي اسود و خالتي حجت عليه; فكيت حزني لبست ثوب قصير ماروني وحفيت ونزلت شعري اجه هو كام يصوفر لك هاي شنو اني ما تحمل هيجي على كيفج وياي كمت اضحك كام حضني دفعته عافني وصعد كال اريد جاي عندي شغل فوك جيبي لي الجاي سويتله الجاي وصعدت لكيته لابس برمودا وعاري; الصدر كمت; ارجف حس بيه مرتبكه; ردت اطلع سد الباب وحصرني كال تعالي اريد اطلب شي
شنو احجي اني احبج وانتي سكتت بكلبي اموت عليك كال ليش ساكته متحبيني احجي
يعني سكوتج تخليني احضنج كام يبوس حسيت دفعني على الجربايه تره لسه صورت جسمج بالي ابد مافاركتني ومن يوم البستج ماكست وحده غيرج راد يتمتع اكثر دفعته كال ماترديني انتي مرتي تره; ارتبكت كتله لا بس كال كافي مااريد اسمع بس لاتلوميني على الراح اسوي طلعت ابجي احبه بس مااكدر اريد اطمأن اكثر اخاف لان اخاف يريد بس يتونس; نزل امبدل وطلع ضليت منهاره للوحده بليل ومااجه; لازم احجي وياه اني احبه بس اريد زفه وبدله مثل باقي البنات دخلت الغرفه حسيت بصوت سيارته وصعد لغرفته انتصرت شويه وصعدت دكيت الباب كال اتفضل دخلت لكيته داير; وجه يريد يعلك ملابسه باقي بالشورت اجرات وكفت كتله اريد احجي وياك كال خير دار وجها شفت صدره وركبته طبع ازرك مال بوس وحمره; بصدره ولماعي بوجه اذكرت يجوز سوالهن مثل ماسواليي وأكثر كتله انت شكد قذر شنو هاي القذاره كال شكو تغارين انطتني الاريده مو مثلج لج اني زوجج ومامحصل منج شي
;كتلة اني مو مثلهن اني انظف من انو واحد قذر مثلك يكيسني ضحك كال والله كاتلتج الغيره وراح للجربايه اتمدد كال شنو ردتي تحجين بكلبي ردت اعتذر واكلك اني احبك بس اريد زفه وعرس والتريده انطيكياه بس الحمد لله مااستعجلت وحجيت باوعتله اريد اطلكني كال روحي حنان تره اني متونس اليوم لاتضوجيني ودار وجهه لجهه الثانيه
كتله شنو اضوجك كوم حاجيني ابو البنات ابو المكسرات هو ضحك بصوت كال تره انت ميته قهر شوفي اني هسه نمت ويه اثنين وعندي طاقه بعد اذا تجين انام وياج
صرت عصبيه لك انت ابد ما تستحي حقير لك اني مو زباله مثلك

كام وكف كال لا تخليني امد أيدي; عليج روحي اني حالف مااضربج لا تخليني افقد أعصابي وهذه غيرتج لو منطتني مااروح لغيرج اني هزيت ايدي ونزلت وميته قهر وصلت للغرفه حطيت راسي جوه المخده وشبعت; بجي كعدت سحر شكو منو مات كتله كلبي مات وحبيت
كالت ولج شكو احجي ووين جنتي بس لا 😑
سولفتله على كلشي
كالتلي هو بصراحه ما ردت اكولج
خير شكو بعد
كالت سمعت من المراقبين الخليتهم لخاطرج طبعا (تقصد حبيبها وجماعته ) انه صاير مومثل قبل ويه البنات كايللهم خاطب واحب خطيبتي
لعد شنو هذا الديسوي
شوفي حنونه هو مو بيوم وليله يتغير اخويه واعرفه مفشلني بالمستشفى بمكسراته اذا تحبي اصبري عليه بس بيعي ثكل ولاديريله بال مو جنج ثوله من تشوفيه تفكين حلكج ضحكت ونمت او حاولت انام ضليت متجاهلته وما عليه بي يحاول يثير غيرتي يخابر بنات كدامي اني مادايره بال وميته بداخلي بس مامبينه حتى من يريد شي مااجيبه اكله لو عندي امتحان لو مالي خلك وكمت من اشوفه اروح يم زينب لو اصعد بالسطح يم شباك غرفته اسولف ويه زينب من الحايط لو على ولد الجامعه لو على أستاذ ويانه ميت عليه هو يموت لو يصيحلي يكلي كافي لااحد يششوفج
طبعا خالي وزيد رجعو والتهيت ويه زيد ضحك وشقه وسوالف واحضان لان هو اخويه بس افندينه ميت قهر
كلي زيد حنونه تره ياسر يحبج بس هو من النوع اليكابر
اي واني شاسويله خلي يكابر
يعني متحبيه لج باعي بعيوني خل اشوفج صدك لووتكذبين
اني اضحكت كتله والله اموت عليه بس هو مكسراته هوايه
زيد رايح كايله اشوفه اتغير وكام يتعمد يطخ بيه لو واكفه عل السنك يطبك عليه من وره ويسوي روحه دياخذ حاجه من فوك السنك اني ذايبه على ريحته بس مكابره المهم اخر شي متحملت كمت اعيط بي
;خابرت زينب كالت اصعدي اريدج بالسطح طبعا اني دائما معطره ومكحله وحاطه الوردي بشفايفي لان بيضه ميلوكلي المكياج القوي صعدت كالت زينب لاتزعلين بس ستار يريد يشوفج اني رجعت شلون هيجي لج زينب
;
ستار كال شلونج حنونه اني رجعت لوره اريد افوت للبيت لان بلا حجاب مااحس اله واحد جرني حيل وعاط بيه لج فوتي لا اكسرج وحسابج بعدين اني متت ادور باع لستار لك انت متستحي اذا بيك حظ انزل واراويك الزلم شلون
;كله اني نيتي صادقه وياها
لك احترم نفسك
; هاي التحجي عليها زوجتي واذا شفتك واصل يمه اله اكسرك افتهمت كام يعيط اني بغرفة ياسر ميته خوف شويه واجه عيونه نار كال ياشريفه شلون تقبليها على نفسج هيجي تسوين حقيره ضل يغلط ويفشر ويهدد
اسمعني والله ماادري زينب خابرتني ضل يعيط ويغلط وكال بعد مترحين ويه زينب لج اني عفت كل المكسرات على مودج هو يحجي ويصيح هدور اني كتلني
; الضحك
حضرتج ليش تضحكين
هههه شفت شلون راح تموت من الغيره
لج مو بس اموت اموت وأموتج اذا غرت عليج
وليش يابه
لج احبج لج اموت عليج واجه يشبك ويبوس واني بصراحه متونسه اموت عليه شفته راح يسوي شي اكبر
دفعته كال ها شكو
كتله عندي شرطين
شنو عمري انطيجياه بس خل نزوج راح اموت
ههه الأول تعوف البنات وماتخوني ابد والثاني اريد زفه وبدله وهوسه اني اول زواج قابل يوميه متزوجة لو ماخذني ارمله
لج اسويلج زفه الدنيا تحجي بيها والبنات احلفلج ما عليه بيهن بس انتي وكام يحلف اني فرحت
;
صدك جهزت واشترالي غرفه تخبل وكمت مااخلي يشوفني اريده يشتاقلي وطلعت اميره بالبدله وهو تخبل كلساعه يبوس ويشبك وابو يصيح بي ودخلنه باب الغرفه كام يبوس كتله وخر خل افوت شبيك مشايف
. لا مشايفج دخلنه تعشينه مااكذب عليكم يعني مو كلش خايفه; لان عندي ميانه وياه وهو خبره بهاي السوالف  هو باسني براسي وطلع النيشان لامه طبعا خالتي ما مصدكة ابنه راح يقبل بيه
غسلنه ونمت; بحضنه ضل يسولف ويبوس للصبح ويحجي انو هو يحبني من جنت طفله; وانقهر مني لان رحت وحاول ينتقم مني وانو اول مره بحياته يحب بهذه الشكل ومن هاي السوالف طبعا كلش تونست وياه وهو يحبني ويموت عليه وره شهرين طلعت حامل وصارلي 3سنوات اني حامل😅 اجيب ومن الاربعين احبل بالثاني صارو ولد 2; وبنوته بطني; بس مشكلتي كلش اغار عليه وهو هذا السبب الوحيد الزاعجنه يحبني وابد مخاني ولا مد ايده عليه قبل شهر تعاركت وياه لكيته واكف ويه طالبه عنده تسولف وياه واني متت رجعت للبيت وتعاركت وتجاوزت عليه بالكلام هو شال ايده راد; يضربني اني نزلت دموع; هو شافني عافني وطلع لوضاربني ولامتجاهلني كام ميجي للبيت لو يجي متاخر وينام بالصاله اني متت جان عليه سادس انتضرته اجه بدل وراح ينام بالاستقبال كتله ياسر اني اسفه بعد ماعيده هوسكت كتله ياسر والله اموت بدونك ماحجه اني مو بنتك وزوجتك وحبيبتك هم ماحجه ياسر حباب حاجيني صارك 17 يوم متجاهلني ماتشتاقلي حتى بطني احس موتتني من الوجع راح نام اجيت فتحت ايده ونمت بحضنه كمت ابوس بيه هو ما تحمل جرني وكام يبوس زيد مخلي موبايل على الشحن دخل كال ولكم ماتستحون مو عدكم غرفه ماتكولون; اكو ناس حدايق محرومه كله ياسر انجب لك انت ليش مادك الباب
اي مو اني داخل غرفتك اصور الاستقبال مكان عام وانتم شكو تمشون وطشرون حبجيات والله هسه اروح اكعد امي اخليها تزوجني هسه بعد وكت الساعه ب1 ونص
كمنا لغرفتنه
بعد ماعدتها
; يعني مو كلش كلش يعني عدته بس على الخفيف اموت علي واغار مو بيدي
اني هسه سادس كليه والحمل كتلني بس ياسر ينجحني بالواسطة 😊
عمامي ابد ماكطعت وياهم حتلو ميريدوني بس صلة رحم اما بيبي قبل لاتموت طلبت ابريلها; الذمه وانطتني صره بيها ذهب امي كالتلي الطمع أخذني وهذا ذهب امج ومن طلعت ماخذت وياها ولافلس يعني امي انظلمت وهي عايشه وهي ميته اما عمي الدكتور وزوجتها الدكتوره سافرو لامريكا وعاشو هناك
;مرت ابويه ماكطعت عنه دائما اساعدها اخواني مو شاطرين بطلو ويشتغلون بالصناعي بعت ذهب امي وجعلته صدقه على روحها وزوجت اثنين منهم وفتحتلهم محل عفتهم كاعدين بيتي الي سجله باسمي اما مرت ابويه انطتها الدوله عرصه باعتها وبنت بزراعي وكعدت ويه اخويه الزغير
اما ستار فدائما سكران ونضرب بسيارته وصار مقعد وزينب حبيبتي ابد ماكطعت وياي مخطوبه لابن خالته بالديوانيه وكله كاعدين اني وياها ابد منتفارك بالبيت و الدوام
اما زيد نقل للعراق يدرس طبعا هو ونسة البيت وخالي فتح العياده مره ثانيه يموتون عليه واني هم احبهم ودائما يوكفون وياي ضد ياسر عبالك اني بتهم وياسر نسيبهم
اما سحر تزوجت التحبه وطلع تدرجه بالبصره كلش اشتاقله وأموت عليها هاي اختي الحبيبه
اما رشا صارت عدها 2 ولد و2 بنات تجي جمعه وسبت تخبص البيت بس تحبني وتحب جهالي
اما خالتي قدمت استقاله وتربي أطفالي طبعا أطفالي يكولولها ماما وخالي يكلوله بابا اما اني يصيحولي حنونه ويسوري لابوهم هههههه كلش متبراين منه
اما اني هذا شهري حامل بنوته وكلش احب ياسر حبيبي اخذ الدكتوراه وحلو وانيق والبنات يموتون عليه واني حقي اغار عليه بالبيت اني مد لله والمحبوبه الله عوضني عن الذل والقهر الشفته بحياتي الحمد لله على كل حال والله يحفضلي عائلتي يارب
.