رواية قصص رومانسيه الفصل الثاني عشر 12 - بقلم الحساب مغلق

  (للكاتبه ريتال الشامي )

مساء الخير .. اني كرم مواليد 1986 ظابط تحقيق بااحد سجون النساء صار سنه من من اتوضفت بهذا المكان وشفت العجايب والغرايب والمصايب و و و .. اني جبير اهلي وعندي اخ ازغر مني اسمه امير . واخوات 2 زينب وزينه .. يوميه يجيبون سجينه جديده وتهمتهه لو دعاره لو سرقه لو قتل لو تشتغل ويه العصابات واليوم اني كاعد بمكتبي اندك الباب ... اتفضل

الضابط .. سيدي  وصلت المتهمه شوكت تبدي ويه بلتحقيق كرم .. انطيهه مجال اجر نفس وبعدين نشتغلهه تحيقات

الضابط .. سيدي هذني مصيبه مو مال احترام           

كرم .. شنو تهمتهه

الضابط .. قتل

كرم .. دقايق وجاي فوتوهه الغرفه التحقيق

نجي للمتهمه والي هي بطله القصه |مرحبا اني يارا

مواليد 1994 احنه اربع بنات وما عدنه اخ اني الجبيره

ازوجت ابن عمي واني بعمر 14 سنه واول ما فتحت عيني ع الدنيه عليه وعمري ما عرفت شباب غيره وهو جان بلنسبه الي اخ وصديق وحبيب وزوج هو جان كل حياتي بقيت سنه وياه وصار عندي تؤام اولاد .. حسن وحسين ..

اني ملتزمه بلحجاب والصلاة واحب اساعد الناس دائماً

كرم .. دخلت الغرفه التحقيق جانت محجبه ومدنكه راسهه ع المكتب سلمت عليهه رفعت راسهه .. لا لا اكيد جذب شنو هاي دخيلك ياربي ممعقوله . كلمه تموت قليله بحق جمالهه . صح جانت جوه عيونهه ازرك وجهه اصفر وتعبانه بس تكتل . عيونهه زيتوني طوخ وخشمهه وحلكهه ما اعرف شلون اوصفهن

يارا.. سمعت الباب انفتح وصوت ولد سلم رفعت راسي انصدمت هاي شنو توم اكروز شديسوي هناا جان الولد نسخه من توم اكروز الجسم الشعر الطول الشكل

كرم .. جريت الكرسي وكعدت اكبالهه هي دنكت . حعرفج بنفسي اني المحقق كرم راح احقق وياج وانشالله اساعدج بس لازم تحجين الحق وتساعديني

يارا .. بينهه وبين نفسهه يارب تعرف بيه وتعرف بلعشته ساعدني يا ربي يا رحيم اوكف وياي

كرم .. شفتهه ساكته ومدنكه راسهه وشفت عيونهه بقت تمطر ادموع بس لازم ما اصدك ادموع التماسيح هي حالهه حال غيرهه راح تبقهه تتبجبج حتى اصدكهه  .. شوفي عيني هاي الدموع متعبر عليه ساعديني حتى اساعدج اوكي تبقين تتبجبجين تركب التهمه براسج وتروحين بلرجلين . اول شي كولي شسمج وشكد ويا مواليد

يارا .. اسمي يارا مواليدي94

كرم .. هسه اوكي شنو قربج من المغدور وليش قتلتيه

يارا .. بدموع ما اعرفه ولا شايفته من قبل اي قرب ماكو

كرم .. لعد شيسوي بيتج وليش قتلتيه

يارا .. ذكرت هذا اليوم والدموع بدت تنزل لا ارادي بدت تذكر بيوم الطلع عمار زوجهه من البيت وهي سبحت حسن وحسين ورضعتهم لي عمرهم ميتجاوز العشر اشهر ونيمتهم وفاتت للحمام وبعدهه اوف يا هذاك اليوم

كرم .. بنتره وبعصبيه احجي شبيج ما عندي غيرج هنااا احجي بسرعه وبدون متعبيني

يارا.. اخذت نفس وكالت راح احجي بس ساعدني اطلع منا لين بابا عنده ضغط وراح يضيع من ايدي مثل ما ضاعو اطفالي

كرم .. احجي الحق وبدون لف ودوران واوعدج اساعدج

يارا .. طلع عمار من البيت واني بديت اغسل الاطفالي واحد بعد الثاني وابدل الهم ورضعتهم ونامو فتت للحمام اسبح وسمعت صوت بلبيت وصوت نشغات الجهال البست وطلعت شفت ولد يدور بلخانات هسه عليه وركض خله ايده ع حلكي وبده يظرب بيه ودفعني ع الجربايه وصعد فوكاي وبده يظرب يبوس بيه واني ادفع بيه ميفيد  وبقه يشكك بملابسي وبهل الاثناء جان اكو مزهريه فوك راسي جريتهه وظربته بيهه ع راسه هو فقد بس جان بيه نفس ركضت ع اطفالي الي بلغرفه الثانيه اريد اخذهم وانهزم فتت للغرفه

وشفت الي ما جنت متوقعته

كرم .. جانت تحجي وعيونهه تنزل دموع بدون انقطاع جنت متعصب منهه لين ما افتهم شي منهه من كد ما تبجي بس اكو شي بداخلي يكالي هاي الملاك انظلمت ولازم اتحمل حتى اساعدهه .. اشفتي احجي

يارا .. اطفالي اثنينهم مدججين والدم مغركم

كرم .. انصدمت . منو منو امدججهم

يارا .. هو هو نفسه الحرامي

كرم . وبعدين كملي

يارا .. من شفتهم هيج اخذت سجين وبدون ما انتبهه ع نفسي ركضت ع الغرفه البيهه الحرامي هو جان فاقد بقيت اظرب بيه بكل مكان بجسمه ما خليت مكان بجسم ما فوتت السجين بيه

كرم .. بلعت ريكي . وبعدين

يارا .. ما اذكر شنو صار كل الذكره فتحت عيني اني بلمستشفى

كرم .. بس ممكتوب يمي هيج . المكتوب يمي عشيقج جان واجه ايهددج يفضحج اذا ما انطيتيه افلوس وكتلتيه

يارا .. حتى اذا جان عشيقي وكتلته حتى استر ع نفسي شلون انقتلو اطفالي

كرم .. اجوز انتي قتلتيهم حتى تبرين نفسج

يارا .. اكو ام تقتل ظناهه الطالع من كلبهه

   

كرم. . سجلت اعترافاتهه وكلبي جان مصدكهه ما اعرف ليش .. صار ع دخولهه للسجن شهرين  والتحقيق بعده جاري والحد الان وطول هل الفتره جنت اراقبهه متقربت من وحده من السجينات ولا كعدت ويه وحده دائماً منعزله وتبجي وجانو الضباط يوميه يجون للمسجونات ينامون وياهن وهن جانن راضيات وفرحانات الشغله . وحتى العجايز نفس الحاله

يارا.. صار ع الحادث اربع الي بقيت شهرين بلمستشفى وصار شهرين بلسجن . ومن فتت ع السجن شفت العجايب الضباط ويه السجينات والسجينات وحده ويه وحده . العبان نفس من جان يجي الليل ويبدن هنه بيناتهن اني جنت اغطي راسي بلبطانيه واسمع صوتهن النكس وابجي والعبان النفس الي صير عندي مماره ع احد عشت ايام الله لا يكتبهه الحد .. والحد هذا اليوم عمار مبين ممعقوله صدك الكلام الي حجو عليه

الصبح كعدت وبدن السجينات يكعدن ويسون ريوك النفسهن  السجين 1 . تعالي اكلي ويانه

يارا .شكراً ما اشتهي

السجين 2 . يول ليش ما تشاركينه للياتنه

السجين 3 البارحه واحد من الضباط شافج اتخبل عليج كالي جيبيهه للطريق والج والهه اقوه هديه

يارا.. الصمي انتي وياهه لا قسمآ بلقران ابتلي بيكم

السجين1 .ابقي انتي الخسرانه يجي يوم وتحوصين اله كولنه نضحك عليج

ضحكن السجينات اما يارا . بدت بلبجي جوه الغطه مثل كل مره . السجانه الي ع الباب . يارا يارا ... عندج زياره

دخلت يارا الغرفه الزياره . وركضت ناحيته حظنته حيل وبدت تبجي وتحجي عمار راحو اثنينهم راحو عمار ليش مجيت ومسئلت .

عمار ..يارا اكعدي اريد احجي وياج .... يارا تفضل

عمار . يارا اني ما اتحمل حجي الناس والي صار الهذا السبب ما اجيت طول هل الفتره وجنت افكر اخذ قرار .واليوم اخذت القرار واجيتج بس قبل لا اجي جنت بلمحكمه وطلكتج . يارا من كال طلكتج حسيت الدنيه صارت سوده بعيني وما بقيت اشوف ولا اسمع ما حجيت اي شي هو راح واني انهاريت كعدت وبقيت اصرخ من كل كلبي

كرم .. جنت واكف من وره الشباك وشفتهه حظنته وبعدين شفته راح وهي بدت تصرخ هي جانت تصرخ واني كلبي ينعصر عليهه ما اعرف ليش

يارا .. صار يوم جديد واني عيوني مبطلن بجي ومشافن النوم وطلعنه بلساحه وجانو ديوزعون غده جان مركه فاصوليا وتمن ..

كرم .. طلعت من المكتب شفتهه كاعده وحدهه بلشمس والماعون بيدهه تقربت منهه مساء الخير رفعت راسهه وعيونهه ظربتهه الشمس اويلي ياربي شنو هل المخلوق

يارا .. مساء الخير./ كرم ليش متكعدين يم البنات دائماً معزوله وحدج ./ يارا . ماكو بت اوادم هنا حتى اكعد يمهه

كرم .. انصدمت من ردهه عرفت شتقصد اني اعرف بلي يصير وحاولو وياي اصدقائي اروح اخلص الليل وياهن بس تلعب نفسي منهن .. اي ليش متاكلين . / يارا ما احب الفاصوليا / كرم بس اكثر من جاي يسون فاصوليا شتاكلين لعد // يارا ما اكل //كرم اوكي اني حروح وهذا الاسبوع حيطلع حكمج بلمكمه شدي حيلج

يارا . هو انسان مثقف وحلوو بشكل وكل السجينات معجبات بيه ويتمنن ليله وياه بس من فتت الحد هسه مشفته اجه ع وحده لا حجه ويه وحده احسه تلعب نفسه منهن .. فتت للغرفه . وفاتن ورايه اثنين من السجينات

السجينه 1. اكول اتبيع علينه ثكل ومسويه نفسهه بس هي وبس وهي ظامنه احله واحد اهنا / السجينه 2 . اويلي شلون كدرت تقنعه وهو شايل خشمه توم اكروز

يارا . انت وياهه اني اشرف منجن ومنه واذا حجيتن مره

الخ وياه اقتلجن وتركتهن واطلعت

قررن والتفقن يفوتن اثنين من الضباط . هذول مكسرين وسوالفهم مكسره وشكو شي طايح حظه بيهم

اجه لليل والكل نام هنه يعرفن يارا تفوت للحمام بلليل من اينام الكل . كامت يارا وفاتت للحمام بدت تنزع وبقت بلملابس الدخليه وفاتو عليهه اثنينهم

كرم .. يوميه اطلع بلسبعه بلليل اليوم بقيت عندي شغل بعده مخلصان والحد الساعه بلوحده واني بلمكتب وسمعت صوت اصريخ قوي وصوت ضرب ركضت ادور ع الصوت وجان افوت للحمام واشوف يارا بلملابس الداخليه واثنين من المنتسبين فوكاهه وهي تصرخ ودفع بيهم . بهاي الحظه ما اعرف صار بيه حسيت الدم جمد براسي وبقت عيون تجدح نار . بدون شعور سحبت المسدس وظربت طلقات ع الشبابيك كامو اثنينهم سحبوهم المنتسبين الي اجو وياي خلو كلبشات بديهم واني ركضت ع يارا غطيتهه بلشرشف وبقيت اظرب بيهه راشديات وهي تبجي بكل قوتهه

يارا .. فتت للحمام واول منزعت فاتو اثنين عليه وسحبوني للممر وبدون يضربون بيه ومشبكين اديه يردون يختصبوني وفجئه صار صوت رمي والاثنين سحبوهم مني وكلبشو ايدهم واجه واحد غطاني رفعت راسي جان المحقق كرم جان صاير نار وعيونه تجدح غضب ويرجف اول ما رفعت راسي ظربني وبده يظرب بيه يظرب الحد ما انغمه عليه

كرم .. اني اعرف بيارا ومراقبهه ما عدهه هي شغلات وتصلي ودائماً تتجنب الكل وما تختلط بوحده تخاف ع نفسهه بس من شفته بهيج منظر ما اعرف صار بيه وليش هيج صار ادمرت وفقدت ليش ما ادري ممعقوله اغار عليهه  كرم .. احجو شجابكم للحمام وجنتو اسون احجوووو

المنتسب 1 ..من شفت المحقق كرم بهاي العصبيه وعيونه شرار خفت وبقيت ارجف بعمري مشايفه هيج

المنتسب 2 . اجيت اب   و   ل   ع نفسي من كد ما شفت اعصابه

كرم .. ويه منو احجي .. جابووو انته وياه لو هسه كل واحد اخلي طلقه براسه وانتهه الموضوع

المنتسب 1 . برجفه سيدي هي دزت علينه

المنتسب 2 يبلع ريكه هي دزت علينه

كرم .. من كالو دزت علينه ما اعرف صار بيه حسيت بدوخه بس لازم اتأكد .. واذا دزت عليكم شعدهه اصرخ هااااا

المنتسب 2 ما اعرف سيدي هي دزت علينه وبعدين بدت اصرخ

المنتسب 1 . احنه من شفناهه اتصرخ ضربناهه ليش تلعب علينه وهي حتى افلوس اخذت

كرم .. اطلعو من وجي اخذوهم للتوقيف لا ادفنهم هنا

ملازم فراس الصديق المقرب من كرم .. كرم تره مصختهه شنو انته غريب ع هذا السجن اشو كولهن جاي يشتغلن بهل السوالف الظباط والكل ماخذين راحتهم وياهن وحتى بيناتهن هنه .

كرم .. بس يارا غيرهن انته تعرف بيهه وتعرف بخلاقهه

فراس .. اي اجوز حبت هل الوضع ولا تنسى العاشر القوم اربعين يوم صار مثلهم وهي هم ابنيه وصار 6اشهر اهناا كامت اشوف وتتعلم

كرم .. بعصبيه احترم نفسك فراس لا اكسر راسك بلقران شلون تسمح النفسك تقارنهه بيهن

فراس .. اكو شي ما اعرفه شنو هل الاهتمام وهل الغيره انته تحبهه

كرم .. بحسره طويله جيبلياهه خل احقق وياهه

فراس .. كرم الابنيه مريضه فقدت جوه ايدك وكوه يلا فتحت عيونهه عوفهه ع باجر

كرم .. بحزن شيصبرني الباجر ما اتحمل

يارا .. فتحت عيوني اجت يمي مره بعمر 40 سنه صار اسبوع من فاتت للسجن بعدهي نظيفه وملتزمه وما تختلط بااحد ما اعرف شنو تهمتهه بس امبينه بت ناس

حنان .. الحمدلله ع سلامتج شلون صرتي

يارا .. الحمدلله / حنان هذا عصير اشربيه / يارا شكراً لا ما اريد مثل متعرفون يارا متاخذ شي من الي يمهه بلسجن تخاف / حنان لا تخافين هذا جابه المحقق كرم كالي انطيجا

يارا رفعت راسي شفت كرم واكف بره شافني اباوع اشرلي اشرب العصير اخذ الكلاص من حنان وشربته

حنان / اكول شنو العلاقه البينج وبين المحقق / يارا ماكو اي علاقه / حنان منو يكول / يارا ما اعرف من سئلتني كلبي بقه يدك بسرعه وارتبكت / هاا اشو ساكته / يارا شتردين احجي اكيد حالج حال البقيه مصدكين / حنان يارا اني صار اسبوع اهناا والي شفته هو مهتم بيج ونظراته الج متنوصف اني متأكده يحبج / هه منو يحبني هو محقق واني مجرمه هو شاب واني مطلقه / الحب ميعرف هيج سوالف / يارا بس اني ما احبه احب عمار زوجي اقصد طليقي / حنان صدكيني تحبيه متحبين غيره ولو ما هوه مجان بقيت طول هل الفتره هناا ومتحمله بعدين من تنامين وتغمضين عيونج اتشوفين منو كرم لو عمار ومن تختنكين تذكرين منو كرم لو عمار اصحي بابا / يارا من حجت حنان هيج حسيت الدنيه رجعت اليه وحسيت اكو امل اني اعرف بنفسي معجبه بيه بس جنت خايفه انو ميتقبلن

كرم الليل صار شطوله عليه وبقيت احسب دقيقه دقيقه الحد ما اجه الصبح وصارت بلتسعه دزيت عليهه

يارا .. كالو تعالي للتحقيق عرفت هو حيحقق وياي ما بقت ايه ماقريتهه ما بقه دعاء ما دعيته فتت للغرفه جان واكف ومنطي ظهرهه للباب   مجان لابس لبس الدوام

جان لابس فانيله سوده نص ردن بنطرون اسود كابوي

كرم حسيت بيهه فاتت درت عليهه جانت تعبانه وعيونهه يلمع بيهه الدمع وخايفه ترجف

يارا باوع عليه وعيونه نار وعصابه مبينه حكط من شفته هيج بطني بدت تلوي بيه اول مره اشوف احد هيج عصبي

كرم .. اي ست شكد انطوج وليش دزيتي عليهم وبعدين بدلتي مرديتهه اكو غيرهم زيد المبلغ

يارا .. فتحت عيوني من كلامه خذا جاي يحجي

كرم .. مو وياج انتي هيييي

يارا .. احترم وعيب هل التهايم اني مو من ذني التعرفهن صح قتل وصح عشت بلسجن 6 اشهر بس هذا كوله ع مود اطفالي . ومستحيل يجي يوم انزل نفسي الهيج رذيله اني اخاف الله بكل خطوه اخطيهه

كرم . تقربت منها اني اتقرب خطوه وهي ترجع اني اتقرب وهي ترجع الا ان انظربت بلحايط خليت اديه ع الحايط وهي نحصرت بين اديه .اي اذا مو مثلهن شسوين طالعه بهذا الوكت من الغرفه وعرفهم انتي طالعه وشلون نزوعوج

يارا . بده كلبي يدك سريع وجسمي يرجف ونفسي بده يعله .والله ما اعرف شعرفهم اني طالعه

كرم .. بصياح وشمطلعج بنص الليل هاااااا

يارا . تبلع يريقهه اني يوميه هيج وكت اطلع اسبح

كرم . نفسهه صار قريب مني وجسمهه يرجف وعطرهه بخشمي ما اعرف صار بيه نسيت التحقيق وتقربت عليهه اكثر شبيج ترجفين خايفه مني

يارا من تقرب عليه حسيت اني بغير عالم وبنفس الوقت خفت منه لين جان عصبي وفاقد اعصابه

كرم . احجي شبيج

يارا . وخر مني لا الم الناس عليك

كرم . جريتهه من شعرهه وكع الحجاب شعرهه ذهبي والحد خصرهه وريحتهه اتموت ما اتحملت المنظر اتقربت اكثر وبستهه من ركبتهه بكل قوتي وكل العصاب الجنت بيهه ذبيتهه بلبوسه

يارا . جرني من شعري وكع حجابي وانحل شعري بين اديه فجئه ما حسيت اله مجلب بركبتي وبكل اعصاب 

يارا.. اخ اخ وخر مني شبيك

كرم . هي حجت واني رحت الغير عالم فقدت صعدت ع حلكهه وعبالك ظامهه الهه

يارا . خربت بيده اريد اخلص نفسي منه وبنفس الوقت الاحساس الاني بيه محاسته قبل

كرم . فتحت عيني شفتهه مغمضه عيونهه وذايبه بيدي بقيت اشم بيهه وابوس بيهه وهي منتهيه متكدر تقاوم

فراس . فتحت الباب انصدمت من المنظر شنو هاي

كرم . انفتح الباب وياريته ما منفتح

يارا . حسيت الباب انفتح واريد افتح عيوني ما اكدر دايخه

كرم . شفتهه دايخه ومتكدر تسند نفسهه وبدون حجاب وشعرهه محلول خفت عليهه من فراس دنكت ع حجابهه

البسته الهه وسندهه كعدتهه ع الكرسي

يارا.. متت من الخجل من فات فراس حسيت الدنيه كولهه وكفت شراح يكول عليه

كرم .. عرفت بيهه خجلت من فراس ائشرت اله طلع وراه هي كامت من الكرسي بدون متباوع عليه طلع سريع اني بقيت واكف مكاني واذكر من راحت بين اديه واذكر الاحساس الي حسيته وكلبي شلون يدك جان فات عليه فراس شنو هاي سيدي ضحكنه وياك شبيك تضحك وحدك

كرم .طايح الحظ غير ادك الباب قبل متفوت

فراس . والله الي ادري بيه جنت تحقق ومتحلف اليوم اطيح  حظهه ما ادري جنت مسوي جو رومانسي

كرم.. بينه وين نفسه خرب هي طيحت حظي مو اني طيحت حظهه

يارا . رجعت واني كالي ارجف وعيوني ما اعرف تبجي من الخوف من الفرح من الندم

خلص هل اليوم واجه اليوم الثاني وجنه كولنه البساحه وجان وكت الغده جنت واكفه اباوع شنو الاكل . يو خرب همات فاصوليا . رحت كعدت وجابو ماعوني جان مغطه بخبزه خليته ع صفحه

كرم شفتهه خلته صفح رحت عليهه هلوو

يارا .بدون ما اباوع عليه عرفت صوته وبده جسمي يرجف وذكرت الصار البارحه محجيت بقيت ساكته

كرم .. ادري متحجي لين السويته بيهه مو شويه .. يارا تره غداج يختلف مو مثلهم فتحيه وشوفي

فتحت الماعون شفت جايب تكه بديت اكل وهو يباوع عليه من بعيد / كرم شفتهه اكلت فتت حظرت اوراقهه لين راح تطلع باجر .. شلون حفارك عيونهه يمكن اموت شلون افاركهه صار 6 اشهر مغايبه عن عيني

يارا .. اجه الليل والكل نام انفتح الباب كمزت شفت كرم دخل وبده يتقرب عليه سويت نفسي نايمه .

كرم . جانت نايمه فدوه الربهه اجنن ملاك خليت ايدي ع شعرهه وتقربت من نفسهه شميته بعد مكدريت بستهه من حلكهه كمزت يديت حلكهه

يارا. الزم شعري واني بين الخايفه وبين المشتاقتله بعدين دنك عليه باسني كعدت سد حلكي

كرم . اششششش لا تفضحينه اني كرم كومي اريد احجي وياج / يارا .. شتريد / كرم كومي كتلج / يارا كمت وياه جان لازمني من ايدي قوي ويمشي سريع بس بدون صوت يارا . شتريد احجي / كرم . باجر حطلعين انتهت قضيتج وطلعتي براءه / يارا اي اعرف / كرم ما اكدر بدون شلون بيه / يارا وشنو المطلوب مني // كرم لا ممطلوب شي منج اني المفروض اصرف /يارا خلصت يلا تصبح ع خير

كرم .. جريتهه وحضنتهه قوي وبستهه من راسهه يارا اني احبج تقبلين تزوجيني / يارا انصدمت من كلامه معقوله بهل السرعه / كرم اني حبيت من اول يوم فتي بيه عليه

يارا . حسيت بكلبه شلون يدك / كرم يارا شتحسين اتجاهي يارا رفعت راسي عليه هو جان طويل اني همات احبك

كرم هي كالت احبك واني فقدت ،،،،،

صار الصبح . وراحت ع بيت اهلهه ولليل جبت اهلي قابضن واجيت اخطب . وافقو اهلهه لين جانو يعرفوني طول هل الفتره اني وياهم معفتهم

وبقينه مخطوبين شهر ونص بين ما رتبت وضعي وحظرت غراضي  وهي هم تكمل غراضهه . مشت الشهر والنص ع نار واعصابي تفووور

واجه اليوم المنتظر

يارا .. رحت ع الصالون والبست البدله البيضه ولا عبالك لابسه قبل احس اول مره معرسه واجتي الزفه ياااااااي طلع توم يجنن بلقاط فديته

كرم . شفتهه واني ذبت اتملخ طالعه ملاك مو مره ورحنه اخذنه صور وطلعنه للبيت وخلص العرس وفتنه للغرفه يااااا شعور ما بعده شعور .. الحدايق اعذروني ادري بيكم انجرحتووو هههه

وخلص اليوم وصارت ملكي وهسه هي حامل بشهر الثامن وبيهه بنوته وعيشتهه احله ايام .وعيشتني احله ايام

واني حامل وهو ممقصر وياي ويموت عليه وانشالله ابقه اسعده الحد اخر يوم بحياتي

              خلصت ع خير