أجرام باوع عليه والبقيه مدنكين وجدي منتضرني احجي
"اردفت بصوت هادئ ودموعي ينزلن"
_ماريد اشوف لا جمال ولا ابويا بحياتي كلها ومجيبون سيرتهم ابد
"اردف الجدي"
_يجرالج بويه
جمال باوع عليه وعيونه حمر دم
عفتهم ومشيت للمطبخ
رحت كعدت ع الميز دنكت اشهك وابجي
رفعت راسي ونصدمت
من شفت إجرام واكف يم باب المطبخ ويباوع عليه
"مسحت دموعي واردفت"
_محتاج شي؟
_ايي
_ شنو؟
"صفن بعيوني لحضات بعدين دنك وحمحم "
_احم جدي يكول خلتحضر ملابسها راح نروح هسه للبصره
"هزيت راسي وراح اجرام "
"بقيت صافنه وره وحجيت بكلبي"
_شلون راح اعيش وياهم
"رحت حضرت ملابسي ورحت لغرفت امي نزلت دموعي وكمت اشهك ومخليه ايدي ع حلكي علمود محد يسمع شهكاتي اخذت صورها وكم قطعه من ملابسها "
طلعت من الغرفه رحتلهم للصاله اني وجنطتي باوعو عليه من فوك لي جوه
"حجه اجرام بصوت عالي كمزني "
_ هيييج ترحيين
صفنت علي وجمال ضل يباوع عليه وعيونه حمره
"اردفت بصوت هادئ"
_ليش مو حلو لبسي
"اردف جدي"
_بنيتي البسي حجاب وتعاي
هزيت راسي ورحت ركض جبت شال واجيتهم
"باوعت ع أجرام واردفت "
_هاهيه هييج
باوع عليه وخزرني احس خزرته شلتني
كامو كلهم واجه يمي برهم ضحك واردف
_حيشيبون راسج
_صفنت علي شو هذا طكها بضحكه
"واردف "
_اشاقه حبي
أجرام باوع علينه وخزرنه وعاط
_امشيي برهم
_باوعو ولد عمي البقيه وابتسمو رديت الابتسامه الهم
وطلعنه كلنا خمس سيارات جايه ضليت صافنه بيا هي اركب
"صاحني جدي "
_تعاي بنيتي وياي
_تمام
_رحت ويا صعدنا بسياره اني وره وهو كدام صعد واجرام هو ليسوق باوع عليه بلمرايه ابتسملي اني دنكت
مشت سيارات
وانب ارتجيت ع لباب وغمضت عيني واحجي بكلبي
_مسار عالم جديده متعرفيها شلون راح تصير حياتج حتبقى جحيم معقوله يطلعون مثل ابويا ويقيدوني وياذوني يارب ساعدني وكون وياي واحميني
مشت سياره اهوايي اني غفيت
حسيت ع جدي يصيحلي من جامه
_مساري بنيتي كومي اكلي
_ابتسمتله لا جدي ماشتهي تلعب نفسي اذا اكل وسياره تمشي
_ هاج اشربي شويه مي
ابتسمتله واخذت المي وأجرام يباوعلي بلمرايه
شربت مي وانطيت لبطل الجدي جدي رجع صعد بسياره
"حجه أجرام "
_مسار شكد عمرج ؟
_20
_مبينه اصغر من 20
_ايي
_تدرسين ؟
_سادس اعدادي بس تركت
_ليش؟
_من امي توفت خرب واهسي
_ اها زين
"حجه جدي "
_انت حلوه عليمن طالعه
ضحكت من كلي هيج واجرام حجه
_جدي يجوز ع امها
_ايي جدو اني اشبهه امي
_اي مو اكول ابوج النذل جنه مجرم
_اتلاشت ابتسامتي من جاب طاري ابويا
وأجرام باوع عليه وغير لموضوع
_مسار اريد احجي وياج بموضوع
_ايي تفضل
_راح ترحين انت محرمه علينه من هيج الحجاب ماريده يوكع من راسج واهناك كلنا عايشين بيت واحد لا تجاوز مسموح ولا اعناد ماعدنا مره صوتها عالي او تلاسن احد مفهوم ؟
_ هزيت راسي
واهم شغله
_ من تردين شي تطلبين مني ومن جدي غير شخص مطلبين منه واي شخص ينطيج شي متاخذي لو برهم اجاج وكلج هذا جدي او أجرام دزلج يا متاخذي لحد متتأكدين مني مفهموم ؟
_مفهوم
"اردف جدي"
_بنيتي ترحين واعرفج عليهم وانشاءالله تحبيهم كلهم وهم راح يحبوج ويشلوج ع روسهم ولا تحسين نفسج غريبه وتتقيدين مفهوم بابا
_اي جدو
سياره مشت اهواي وكفن سيارات لان مزدحم الطريق انداريت وره وشفت عمامي وراننه واكفين
باوعت من شباك شفت دراجه بيها شباب
باوع علي ولد وسوه بأيده هلاو اني سديت جامه ضل يباوع عليه ويحجي ويا صاحبه
اشو ماحس أجرام فتح باب سياره ونزل ركض جر واحد من دراجه ضربه بوكس ع وجهه جدي ضل يباوع علي ماحجه كلمه واني اباوع عليهم وكلبي يدك سريع نزل برهم ولد عمي البقيه يجرون بأجرام وأجرام يصيح
_ولكم عوفونيي لكم اكسركم والله كوووا...
ناقصين تتحشرون بعرضيي احركم اليوم
ولد عمامي يجرون بي وهم يرجعلهم دماهم دمي العالم التمت برهم لزم واحد كسره تكسر وجدي
كاعد يباوع عليهم حتى ما نزل
كسروهم للولد
عافهم أجرام وصعد ولد عمامي وعمامي رجعو صعدو بسيارتهم
"صعد اجرام مخنزر وعصبي عيونه حمر دم "
حجه بصوت عالي
_ بعدنااا بسم الله
حجه جدي
_عاشت ايدك
_جديي بكل عين صلفه واكفيين ويباوعون علييهااا
_كافي اهدئ
_اني جمدت حتى ماكدر احجي
"عاط اجرام علييه"
انت ليشش تباوعييين من ال...
كبل بجيت وكمت اشهك
حجه جدي
كافي بنيتي
"عاط اجرام"
_ جدييي بعدنا بسم الله راح تنطييي مجاااال مووو
رجع عاط جدو ع اجرام
_لككك لتعلييي صوتكك علييه لا اكسرك لتشوف نفسك شفت نفسك جبير وترفع صوتك عليه
استغفر أجرام وفرك وجهه
_ اسف جدي مو قصدي
_كافي أجرام
سكت اجرام وكام يباوع عليه بلمرايه ويخزرني
اني خنست وضليت مدنكه راسي
"اردف جدي يحجي ويا اجرام"
_أجرام ابني
_ها جدي
_جهزتو الغرفه المسار
_ايي جدي كلت للبنات يجهزنها
_خوش
صار هدوء مشيت سياره اهواي ولبقيه ورانا دخلنا بستان شكبره كله شجر وزرع وكفت سياره يم بيت أو قصر لان كلش جبيره مساحته
"اردف جدي"
_مسار وصلنا انزلي
نزلت ونزل جدي وأجرام وعمامي
جدو كمشني من ايدي وابتسم رديتله الابتسامه وعمامي ولولد مبتسمين بس أجرام مخنزر
مشينه يم الباب فتحوها ثنين زلم ابتسمو للجد
"وأردفو سوا"
_اتفضلو
مشينه للطرمه نسوان وبنات واكفات
"اردف جدي "
تفضلي بنيتي
تقدمت الهم باوعت عليهم بنات ثنين مخنزرات
حجه جدو ويأشرلي عليهن
هاي عمتج سندس
وهاي عمتج خديجه
وهاي عمتج صبريه
رحت بوستهن هن حضنني وكامن يبجن
اتقدمن يمي بنات ثنين بوسني
" اردفت وحده"
اني سورى بنت عمج حميد
وحجت ثانيه واني سيرين بنت عمج علي
ابتسمت الهن وجدي حجه
فوتوها جوا خلترتاح
فوتني البنات الاثنين وعماتي وراي يمشن هن ولبنات لبقيه فتت كعدني بصاله ونسوان يباوعن عليه من بعيد
قدملي ميي
وكعدن يمي هن وعماتي
سورى : كلش جنت متحمسه اشوفج
سيرين : اني هم والله
سندس : بنيتي لتستحين من عدنا احجي
ابتسمتلهم وحجيت
جنت اتمنى اشوفكم واتعرف عليكم
خديجه : وهسه شفتينه وإنشاء الله ويا مرور الوقت تعرفينا
ابتسمت الهم وكعدت مدنكه وهم يباوعون عليه
شويه ودخلت مره جبيره بلعمر تحجي بصوت عالي وخشن
_ وينهاااا
حجت خديجه
_هاي يمه هايي
رفعت راسي الها تقدمت يميي وكامت تبجي وتحجي
_يمه عمت عيني خفت اموت وماشوف بزر حسين
اردفت سندس
كومي بوسي بيبتج
كمت بستها وحضنتني َوتبجي واني مثل الأطرش بزفه
كعدنا وكعدن يسولفن وياي واني ع كد سؤال وياهن َوتعبت ونعست واستحي احجي
شويه ودخل جدي وأجرام وبرهم وعمامي
كعدو واني مدنكه محجيت كلمه
"اردف جدي"
_مسسار بنيتي انشاء الله مرتاحه
" رفعت راسي وابتسمت "
_اي جدو
صاح جدو ع سورى وسيرين
_ تعالو يابه اخذتها الغرفتها
_صار
_كمت وياهن صعدني فوك ولبيت يمكن فندق دخلني للغرفه وحجت سورى
هاي غرفتج صار يومين نرتب بيها
حجيت بصوت هادئ
من شوكت مقررين تجيبوني؟
_صار تقريبا شهر من مقررين بس مصار مجال
سيرين : ارتاحي هسه انت ونامي وباجر نحجي ماشي
_تمام
طلعن وسدن الباب باوعت ع لغرفه حلوه واكبر من ذيج غرفتي وبيها حمام رحت لميز باوعت ع شكلي بلمرايه وابتسمت واردفت انشاء الله يحبوج ويطلعون عكس ابوج
رحت طفيت الضوه ومددت ع جربايه تذكرت امي ونزلت دموعي وكمت اشهك بصوت
استمريت ابجي وغطيت راسي شويه واسمع صوت حركه بالغرفه
رفعت الغطه واشوف خيال كلبي وكف وكمت ارجف توني داعيط وايد سدت الحلكي
يتبع .....
من تصعد القصه اكوم انزل بارتات أطول وصوتَو للقصه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!