رواية قيود تعيقني الفصل الخامس وثلاثون 35 - بقلم مريام

مسار :- اجراممم شبيككك ترااا مو حل

اتقدم يمي وصاير بركان ع لحضه ينفجر

أجرام :- صوت ما اريد مسار وبدلييي ع سريععععع

مسار:- لتصيحححح عليه

أجرام :- اشتغفرللله ربي استغفرلله ربييييييي

مسار :- شبيك اهدئ

أجرام :- بدلي وبعد ما اعيد

مسار :- ترا جابر خوش جابر ويحبها

أجرام :- بس اهله زباله ليشش مو اخوو الي هو ابن عمج راد يغتصبج

مسار :- اخو مو هو

أجرام :- سيرين فاهيه يأذوها

مسار :- يا فاهيه هي غير بيوم الكتلتني سبوع جسمي يوجعني

ابتسم وكفخني ع راسي

أجرام :- اني كلت ما اعايد

رحت لبست وخله تلفونات بجيبه نزلنا وصلنا الباب مال ديوان ونور بيدهل ايمان وتشهك

نور :- لتعوفني إجرام لتعوفني مالي غيرك اني

ذبت نور بلكاع وكامت حضنت أجرام وتتوسل بي

أجرام :- كافي بويه روحي بدلي للجهال وتعاي وياي

ابتعد مسحت وجهه وأخذت فهد

سيرين ماكو نزل برهم من فوك

اجه حضن أجرام أجررام دفعه

أجرام :- وخررر من يميي

برهم :- والله مو قصدي اجرام انت تعرف اني حاسبك ابويي مو اخويي والله ماعندي غيرك

يحجي وينزلن دموعه واجرام مخنزر

برهم :- اجرام اموت والله لو رحت والله اموت كافي ايمان عافتني وراحت لتعوفوني كلكم اني منو الي

يحجي بحركه حتى كام يشهك اني اباوع علهم ودموعي ينزلن

كمت ايد أجرام اتوسل بي

مسار :- حباب أجرام

أجرام :- يلااااا نوررررر

برهم :- اجرام لا فدوه لا

نزلت نور بيدها جنطه لبست ايمان

وبرهم كمش ايد أجرام ويبجي

برهم :- خوييي والله غلطت من حجييت هييج والله غلطت ما استاهل هييج تعاقبنيي لاتعاقبني هيييج صعب هلعقاب والله لتروح لتروحووون

اخذ ايمان من ايد نور ويبوس بيها ويبجيي

اجرام وكعت دمعته مسحها بسرعه وطلع

اجرام :- ورايي يلا

باوع عليه برهم بنضرت توسل رحت حضنته وهو يبجي مثل طفل

برهم :- مسار مو قصدي وروحها الايمان مو قصدي

مسار :- كافي حبيبي هو يهدئ ونرجع والله

برهم :- لا ما يرجع بعد والله

اجه صوته من بره

أجرام :- يلااااا عااااد

حضنته نور وباس فهد

وطلعنا ركبنا بسياره يمشيي سريع وماعرف وين حنروح

مسار :- وين حتاخذنا بلا

أجرام :- صاحبي عنده شقه كاعد بيها

مسار :- نكعد يمه ؟

أجرام :- لاااااااا شسالفههه كافييي مسار اسئله

مسار :- لا تصيححح عليهه

أجرام :- سهله مسار سهله

نور:- شبيكم انتو هم كبيتو

مسار :- استغفرالله ربي صوجيي احجيي انيي صوجيي

أجرام :- اييي انجبي

سكتت وحييل ضوجنيي وصلنا يم شقق نزل وشال الغراض واحنه نمشي وره مثل دجاجه وفروخها

وصلنا الشقه طلع مفتاح من جيبه فتح الباب ودخلنا الشقه نضيفه واثاث بيها

نور :- اخاف اححجي ويا

مسار :- دخل يولي

نحجي همس اندارلي فجاه مخنزر

اجرام :- شكلتي ؟؟

مسار :- ها لا ماكلت شي

جهال نامو وكمنا نشوف الشقه اجرام انطانه رمز النت

أجرام :- اني طالع اتسوك اكتبولي شجيب

نور كتبتله بورقه

أجرام :- لباب تندك لحد يفتحها ابد

مسار :- تمام

طلع وكعدنا اني ونور وحده صافنه ع ثانيه كمت اجيب مي رجعت لكيت نور صافنه

مسار :- هييي شبيج

باوعت عليه ونزلت دمعتها

نور :- مشتاقتله مسار حيييل مشتاقتله ليش سوه هيج ؟

مسار :- ادري بيج حبيبي

نور :- مادارتاح ابد والله ما دارتاح احس احس روحي كاعد تطلع مسار كسرني يا فشلتي كدام اهلي اذا عرفو شخص الي تركتهم علموده خانيي

كامت تشهك وتبجي بصوت حتى فهد كعد اجه بحضنها ويمسح بدموعها

حضنته وكامت تبجي واني ابجي وياها

تلفوني اتصل شفت مريم متصله عليه رديت عليها

مريم :- هلاو گلبي

مسار :- هلاو حبيبتي شلونج

مريم :- زينه گلبي انت شلونج شنو جنتي تبجين شو صوتج متغير

مسار :- لا حبيبتي ما بيه شي

مريم :- نور يمج

باوعت ع نور مسحت وجهه وكلتلي انطيني تلفون

نور :- هلاو مريومه

مريم :- هلاو نوره شلونج

نور :- بخير حبيبتي انت شلونج

مريم :- اني زينه شنو شبي صوتج انت هم متغير جنتو تبجون

نور :- لا حبيبتي ما بيه شي

فتحت كامره نور ابتسمت ومسحت وجهه

مريم :- شو تضحكون عليه انتو

نور :- لاحبيبتي بس ضايجه شويه وبجيت

مريم :- اها اكلج

نور :- كولي حبيبتي

مريم :- البارحه شفت عمو ادهم يم بيتنه

نور باوعت عليه بصدمه

نور :- صدك والله

مريم :- ايي والله جنا اني ومصطفى جايين من المحاضره وشفته وحاجاني

نور :- شكلج

مريم :- سئلني عليج كلي شلونها كاعد تحجين وياها كتله شكو ليش انت مو يمها كلي لا بعديين راح

نور :- اها

مريم :- احجولي شبيكم صح صغيره اني بس ترا افهم كلش زين

نور حجتلها كلشي

مريم :- يجوز امه او امج لان عمو ادهم اهوايي يحبج انطي فرصه يبرر يجوز ضام شي عليج يريد يسويلج يا مفاجأه

مسار :- اني هم كتلها بس ما صدكت

نور :- يعني شسوي مد ايده عليه وحتى ما حجه 40 يوم لا محاجيني ولا اجه للبيت اصلا

مريم :- ماعرف والله ربي يهديكم

مسار :- ايي والله

نور :- ايدج شلون صارت

مريم :- زينه اكدر احركها بس مصطفى ابد ولا يحركها

نور :- اويي حبيبي إنشاء الله يتعافى

مريم :- اميين حبيبتي بوسيلي فهودي وايمان عليج الله

نور :- صار حبيبتي

مريم :- يلا عمري اخذو راحتكم

سدينا منها كلش محبوبه شكد ما احجي بحقها قليل صغيره يطلع عمرها تقريبا 16 بس فاهمهه كلشش

نور :-. كلش احبها مرييم احسها ملاك والله

مسار :- اني هم احبها كلشش

فهد :- اني هم اعبها

نور :- كواد ع ابوك والله

ضرب نور راشدي فر رأسها فر

فهد :- عييييب مامييي

خربت من ضحك وكعت بلكاع دخل اجرام شافني خربانه من ضحك بس يريد يفهم نور دمعتها بعينها وفهد مخنزر

أجرام :- وجععع شكد تافهه

مسار :- ههههههههههههههه

فهد :- بابا توف ماما تول بابا دواد
( بابا شوف ماما تكول بابا كواد )

اجرام :- شيكول ؟

نور :- مايكول شي

جرته نور وخزرته

سوينا عشه محد اله نفس ياكل

ولل12 فرشنا بصاله وكلنا نمنا

نور نيمت جهالها يمها ووتغطت واني نايمه بصف أجرام

خفت من البيت ماعرف ليش عطت اريد مي اخاف اكوم اصلا اجيب وأجرام مخلي ايده ع عيونه

شقه ضلمه كمت اقرا ايات قرأنيه سحبت كلاص مي واسمع طكطه شرب ورجعت ركضض حتى اجرام حس

أجرام :- شبيج شبيج

دخلت لحضنه وحضنته قويي

مسار :- تخوف شقه

أجرام :- دنامي نامي

حضنيي قويي ما اجاني نوم ولا هو نام رفعت راسي فتح عيونه

أجرام :- دنامي بويا

مسار :- ما يجيني نوم انت متنام ؟

أجرام :- هم ما يجيني نوم

مسار :- نور راح تكعد كوم نروح للمطبخ نسولف

أجرام :- انت مو تخافيين وهسه اجيتي ركض

مسار :- مو انت وياي ما اخاف

نحجي همس كام وكمشني من ايدي دخلنا للمطبخ وسدينا الباب وعلكنا الضوه وكعدنا ع الميز

مخليه ايدي جوه وجهي وصافنه علي وهو يدخن

أجرام :-, ما شايفه حلويين ؟

هزيتله راسي بمعنى لا

أجرام :- بربوك وعلي

خزرته وحجيت

مسار :- لا تكول بربوك ترا اني هم افشر

رفعلي حاجبه وسحب اخر نفس من جكاره طفاها وحجه

أجرام :- ايي مسار متعلمه فشار ؟

مسار :- ماكو واحد ما يعرف الفشار

أجرام :- طالعه عينج

مسار :- حبيبي يمك كلشي تعلمت

أجرام :- يعني هسه تعلمتي مني كلشي ؟

مسار :- ايي والله

غمزلي وضحك

أجرام :- لعد شوفيني شتعلمتي

مسار :- اقصد شبيك يعني الفشار

كام وكف واجه كومني وسحبني اله قوي جسمي طخ بجسمه

أجرام :- ما تعلمتي غير شي ؟

مسار :-, ها لا يعني شتعلم

أجرام ؛- ولا شويه تعلمتي ؟

مسار :- لاوخر نعست

أجرام :- قربج وعطرج يخدرنيي

ابتسمتله عيونه كوه مفتحها قربت شفتي ع شفته طبعت بوسه خفيفه وابتعدت

أجرام :- شسويتي بيه بس شسويتيي

مسح شفته بشفتي بدون ما يبوسني گلبي دكاته ينسمعن حطيت ايدي ع صدره وبسته

شويه وابتعدت عنه حسيته كام يميل

مسح وجهه ورفع شعره

أجرام :- خرب بأهلججج شسويتييي بيه

ابتسمتله ورجعنا لفراشنا نمت بحضنا ونور بسابع نومه

حسيت صبح ع ايمان تبجي نور نايمه ما حست

كمت شلتها سويتلها ممه رضعتها ورجعت نامت ولا واحد حس منهم

فتحت فوني لكيت رساله من ادهم

:- بالي يم نور شلونها ؟ ليش طلعتو من البيت

كتبتله

:- هسه صار بالك يم نور تدري حرامات تحبك كل هلحب والله وما يخصك تمام

دزيتله رساله ورجعت نمت كعدت صبح نفسي لعبانه كلشش سوينه ريوك شفت البيض وركضت للحمام استغرغت

اجاني أجرام خايف

:- شبيج حبيبتي

:- ماعرف بس نفسي كلشي كاعد تلعب

اخذني كعدني ونور جابتلي ميي شويه وراح لعبان نفس حتى ما تريكت

مريم تصلت عليه جاوبتها

مريم :- مسار حلمت بيججج

مسار :- دكولي صباح الخير صباح نور سلمي ههههه

مريم :- ههههههه صباح الخير حبيبتي شلونج

مسار :- بخير حبيبتي انت شلونج

احجي واجرام يباوع عليه ومبتسم هو هم يحب مريم

مريم :- زينه و حلمت كاعد تشترين ملابس مال اطفال

مسار :- هههههه صدك والله

مريم :- ايي والله ويمكن حامل حسب تفسيري للحلم

مسار :- ربي يسمع منج

حجينا شويه وسدينا

نور :- مسار صدك يمكن حامل

مسار :- عزاااا اييي والله لك إجرام صار ب3 اشهر ما جايتني

اجرام يباوع عليه بصدمه كمت ابجي ودزيته يجيبلي مال حمل وطلع ايجابي فرحتي ما تنوصف

دموعي ما عرف شلون ينزلن واجرام كلساع حاضني وبايسني

أجرام :- رايح بشغله شويه واجي

طلع وخابرت مريم بشرتها وكلش فرحت شويه واجه أجرام سوينا غده وكعدنا نتغده

أجرام :- احممم اني مسوي شغله مفاجئه الجن

مسار :- ايي شنو هيي

نور :- هلا مفاجئه الي هم

أجرام :- مسار حضري نفسج 2019/1/1 عرسنا

باوعت علي بصدمه

مسار :- احنه مو متزوجيين ؟

أجرام :- عجبني اكرره وحيكوم بقاعه

انصدمنا من كلامه ونور بس تريد تعرف المفاجئه مالتها شنو

اجه الموعد وما نعرف منو راح يجي ومنو لا مثل الاطرش بالزفه رحنا للصالون ولبست البدله مرتيين حسيته شي تافهه بس ماجنت متوقعه هلشي حيكون سبب بفرح نور

اجه اخذني لابس قاط اسود وطالع يجنن نور وجهالها وياي ما فاركونيي

وصلنا للقاعه عالم اهوايي مين اجويي ماعرف كلشي ما فاهمه سوو النا دخوليه كلش حلوه والقاعه تجنن وعالم ما اعرفهم ابد

شفت مريم واخوها انصدمت اجتيي ركض حضنتني

مسار :- يووووو هايييي شنو دتصدمونيي بس كلولي شكوو

مريم :- هههههه اني هم ماعرف شكو والله بس عزمني أجرام هههههه

حضنت نور وبوستها

شويه واجرام كام وكف ويحجي بلمايك ونطفت الاغاني

أجرام :- اعرف بيكم مستغربيين بس اني حبيت اجدد هلشي علمود افرح مرتي وغير اشخاص

اندار ع نور وحجه بصوت عالي وكله رجوله

أجرام :- اريدج تكونين مستعده لهل شي الي راح تشوفي هسه

هزت راسها بس احسها خايفه

دخل رجال ومره جبيره كامشها ادم نور باوعت بصدمه عليهم ونزلت دموعها رادت ايمان توكع من ايدها اخذتها اني

كامت تمشي وتعثر وصلت يمهم خلت ايدها ع وجهه الرجال كمت ومشيت يم أجرام

اجرام :- امها وابوها ذوله

اني فرحت شحال لو هي

كامت تبوس بايد ابوها وبوجهه وأبوها يبجي راحت ع امها حضنتها وتشهك كمت ابجي اجتني مريم اخذت ايمان من ايدي

.
.
.
.
نور :- كسرت ادهم وخيانته الي كسرتنيي حيل يا فشلتي كدام اهلي من يعرفون الشخص الي عفته علمودهم كسرني

صدمنه اجرام من كال اريد اعيد عرسي وكلي مسويلج مفاجئه ما توقعت مفاجئته حتغير حياتي

من شفت امي وابويي كداميي بعد كل هلسنين ما عرفت شاسوي وشتصرف رحت يمهم كمت ابوس بأبويا وهو يبجي واني ابجي

رحت ع اميي حضنتها قويي وكمت اشهك بحضنهاا حضنتها قويي وسمعت صوت أجرام

أجرام :- كافيي يلا شنو ما تردون عرسي يخلص هههههه

كمشني ابويا حضنيي ورحنا كعدنا وانضار العالم علينا

حضنوني وابوي يعتذر مني صارت عيني ع ادهم اجاني كعد بلكاع وكمش ايدي ويحجي

ادهم :- والله اسف وذيج المره جنت احجي ويا امج والله ما ردت اكلج بيومها

كمت اشهك وابوي وامي يبجون ويحضنون بيه

اجرام :- يلاا كافيي بجيي حتى عروستي بجت

ضحكت علي وبدت الاغاني وجان احلا يوم بحياتي هذا

.
.
.

مسار :- اتمنيت برهم موجود بس ماشاءالله تحققت دخل هو وسيرين وجابر أجرام حضنهم صدك صار فلم هندي ع كولت ادهم

حييل فرحت وسيرين اعتذرت منيي وأجرام موافق ع خطوبتها بجابر

مريم واخوها واحد كامش ايد الثاني ويبتسمولي بدت الحفله وركصنا اني وأجرام وجان صدك يوم حلوو حييل

كملت الحفله واجرام حاجز فندق النا والادهم ونور

مسار :- من شوكت مخططت لهل شي

أجرام :- بليل اسولفلج

وصلنا للفندق ونور ما تقبل تعوف امها وأبوها وكعدت تبجي وادهم كللها نرجع للبيت

وصدك رجعو للبيت واني واجرام صعدنا للفندق

نزعت البدله ودخلت سبحت وطلعت ابتسملي اجرام ونزع ملابسنا ودخل يسبح

طلع من الحمام نشف شعره واجه يمي

مسار :- بس اني اعرس مرتيين

أجرام :- ههههههه الخاطر نور كل هذا

مسار :- احجيلي حباب

أجرام :- شوفي قبل شهر تقريبا عرفت ادهم عنده تواصل ويا أهل نور رحتله للفندق وكلي اني حاولت اراضي اهلها وترجع الاهلها وأني ما خنتها جانت امها

وصدك طلعت امها وتفقنا اعرس علمود ناس تعرف اهل نور

وبرهم اجه راضاني وما كدرت اكسر بخاطره وانطيته موافقتي الخطوبت سيرين وجابر بس متعيش ويا اهله

وهاي كل سالفه

حيل افتخرت بانو عندي رجال مثل اجرام متوقعت اكو هيج انسان ابد يحجي واني مبتسمه

كمل كلامه وبسته من شفته بوسه طويله

أجرام :- لو ادري هييج جان اني الصالحت نور ويا اهلها

حضنته وجانت احلا ليله واحلا يوم فرحت نور ما انساها بهذا اليوم ابد واني هسه بشهر ال٥

.
.
.
.
نور :- كالو حجزنه فندق الج والادهم ما رضيت ردت ابقى ويا اهلي ورجعنا البيت جدي وجان يوم كلش حلو

نمت بحضن امي وابوي حتى جهال ذبيتهم ع سيرين جان احلا يوم واحلا ليله بعمري

نمت حسيت بعدها ضلمه كمت من يم امي وابوي صعدت فوك

لكيت ادهم نايم وبحضنه ايمان سحبتها نيمتها بفراشها حس عليه كام

ادهم :- نور

مارديت علي غطيتها زيين داطلع من الغرفه جرني من ايدي

ادهم :- احبج

نور :- ليش هيجج سويت

ادهم :- ردت افاجئج

نور :- ايي تمام

حضنيي قويي بادلته وبعديين ابتعدت عنه

نور :- اريد انزل يم امي وابويا

باسني وابتعد نزلت نمت بنصهم للصبح

ما فاركتهم لحضه وابوي بيده فهد وامي ايمان ويبوسون بيهم

نور :- ماما ويين فراس ؟

ام نور :- يمه مسافر عنده شغل

هزيتلها راسي وشويه واجوي أجرام ومسار وبرهم كلساع حاضن اجرام لمتنا كلش حلوه وحددو عرس سيرين واني وادهم رجعنا طبيعين

.
.
.
.
مسار :- اني هسه بشهر الثامن واجه موعد عرس سيرين حفله بسيطه صارت وأجرام ما رضى اروح للزفه حاملي صعب حييل وجنت مهدده بالاسقاط وكلهم بالهم عليه ما يخلوني اسوي شي

وبرهم حياته مثل ما هي ما اتغيرت ابد لسه لابس اسود ع ايمانه ويوميه بليل يبجي عليها وما اتخطاها ابد

وعمي علي ومرته عايشين بعييد عنه وما نشوفهم حتى بعرس سيرين ما اجويي

حياة نور وادهم مستقره ولدت عمليه واجاني احلا ولد

يشبهنيي كلش وسمينا محمد وأجرام طاير بي

ومريم شالو من البصره عاشو بغداد وع تواصل وياها

2022/11/6

محمد :- ماما جوعااااان

مسار :- ايي ماما لحضه بس اكمل شغل البيدي

محمد :- راح اروح اشتري

مسار :- خلي فهد يشتريلك

نضفت الغرفه وطلعت نور كوه تمشي من وره بطنها ضحكت عليها

مسار :- ههههههههه شوكت تجيبين جنج بطريق ههههههه

نور :- خرب دنجبي مسار لا تضحكين عليه

نزلت جوه واجه فهد يركض وبيده محمد فحطان من البجي

فهد :- ماما حموديي وكع

اخذته الحضني اسكت بي وجهه متعور

اجه ابو شاله باسه وانطاه فلوس يلا سكت

اجه ادهم من شغل صبينا الغده

ادهم :- برهم الكواد حييل مشتاقله

أجرام :- ايي والله اني هم

مسار :- ترا صارله سنتين بدبي ما ناوي يرجع ؟

أجرام :- يكول بس سنتين اكمل شغلي واسلمه واجي

ادهم :- والله عمي زيين

فهد :- يابه يردوك بلمدرسه

ادهم :- اني ماروح بعدك بكد زري وتسوي مشاكل

فهد :- اني اقصد بابا أجرام مو انت

فهد نسخه عن أجرام رغم عمره 6 سنوات بس عنده تصرفاته كلهن مثل أجرام

أجرام :- صار بابا

باوعت ع تاريخ وشهكت

اجرام :- شبيجج

مسار :- عيد ميلاد مريم ال19 اليوم

نور :- اني عايدتها هههههههه

ادهم :- شبسرعه كبرت ذيج المره جانت بكد زري

أجرام :- هيي البنت بسرعه تكبر خابري عليها كامره خلي نعايدها

اتصلت عليها عايدتها كتلها لولد يردون يعايدوج لبست شالها واخذ الفون أجرام

أجرام :- كل عام وانت بخير تحقيق الاماني

مريم :- فدوه الكلبك تسلم

ادهم :- هااا ام عطوببب كل عام وانت بخيررررر انشاء الله تحقيق الامانييي

مريم :- عموووو لتكول ام عطوببب

اجرام كفخ ادهم وعايدنا حتى اخوها التؤام سدينا منها صعدت فوك اريد اسبح

جرني اجرام من ايدي ودفعني ع الكنتور

مسار :- لا يجي محمد

اجرام :- مشتاقلج زيتونتي

مسار :- انيي هم حييل مشتاقتلكك

باسني من شفتي وندك الباب ابتعد عني ودخل فهد

فهد :- بابا اريد فلوس

أجرام :- اخذ من الجراره اليمك

فتحها واخذ خمسه وطلع

مسار :- ما سئلته شيسوي بيها

أجرام :- ما يحتاج فهد صح صغير بس ما يسوي شي غلط

ابتسمت ودخلت سبحت طلعت بدلت الحمودي ونمت تعبانه كلشش الله يساعد نور جايهه الثالث

بيوم ب12 ونص بليل خابرتني مريم

كام اجرام كعد استغربت اول مره تخابرني بهيج وقت اجرام كلي جاوبيها

اجاني صوتها تبجي وتشهك كوه تطلع الكلمه منها

مريم :- ما ما مسار مات مات راح

كمت كعدت مفزوعه وأجرام بس يريد يفهم شكو فتح اسبيكر

أجرام :- منو المات مريييم شبيج احجي

مريم :- مصطفى مصطفى كتلو كتلو

باوعت ع اجرام مصدومه وهيي تشهكك

أجرام :- منو الكتله من الكلج مات وين انتي احجيي

مريم :- ضربو بگلبه طلقه ضربو مات

مسار :- منو الضربه

ما اسمع بس صوت شهكاتها انكطع الخط اجتي نور وادهم وفهد انجمعنا

نور :- اتصلي عليها حبابه بالي يمها والله

مسار :- ما كاعد تجاوب

ادهم :- طبعا مجاوب هسه هيي بحال تحجي ويا احد

فهد :- خطيه مريومه ما تستاهل

كامو الغرفهم وواني الليل كله ما نايمته بالي يمها تؤامها وحييل اقراب البعض

صارت ب12 ضهر اتصلت عليها ما جاوبت كل ساعه اتصل

وب1 بليل جاوبتني صوتها كوه ينسمع

مسار :- ها حبيبتي شلونج

مريم :- شلوني يعني وراح اخوي وحزام ضهري

مسار :- كلنا ع هلطريق حبيبتي

مريم :- مسار مسار ما شفتي شلون وكعع مسار احس الطلقه بگلبي اريد اموت روحي كاعد تطلع

وهي تبجي واني ابجي حتى أجرام حس واخذه يحجي وياها

أجرام :- بابا تعذبي هييج ما يصير اقريله قران صلي صلاه الوحشه اله

مريم :- بعدهم ما مشيعي بأجر يجيبو ماخذي للتشريح

أجرام :- عرفتو منو قتله

مريم :- صديقه. الحيوااان

أجرام :- اعتقلو ؟

مريم :- راح مسلم نفسه

كوه تحجي عاد كتلها روحيي نامي ارتاحيي سديته منها ونمت

ما اتصلت بيها غير ورا يومين جاوبتني بنت خالها كالت مريضه حتى ما تكدر تحجي

تحسنت حالتها وما تحجي قليل اجرام كال اذا بقت هيج يصير بيها حاله نفسيه ما عده

اقترحنا عليها اني ونور تكتب او تلتهي بشي وكلنا اتوسلنا بيها وهي من زمان جانت تكتب وأجرام كللها مصطفى يفرح اذا شافج مرتاحه

محد كدر يتخطى موتت مصطفى المات مغدور بيد اعز صديق ع گلبه

والهنا تنتهي قصتي فرحنا وحزنا سوه ادهم وبرهم مو ولد عمي لا اخواني واعز اجرام حبيبي وابويا وصديقي وكلشي ونور اختي وصديقتي عوضوني عن كلشي شحجي بحقهم قليل ♥️♥️🥺

وجمال متزوج مروه بنت ام علي وكل فتره يجوني وصار عدهم ولد وسيرين بنيه ولد

________

والهنا تنتهي قصه قيود تعيقني الي كتبتها بعز حزني وقهري وجعيي موتت اخويا كاسره گلبي اتمنى تدعوله برحمه اخويي مات مغدور وكدام عيونا

💔💔💔💔💔😭

_______________________

جان البارت الاخير بس مراح اكطع وياكم والابطال وافقو يكونون ع تواصل وياكم ع الانستغرام

حساب الانستا :- mream_.98