رواية قيود تعيقني الفصل الحادي وأربعون 41 - بقلم مريام

نيار :-

أمَس لمن درت ظهرك
عفتني تراب ،
لو ماخِذني بجيوبَك
أمَس مِثل الطفل چَني
تذبني و أرجَع لثوبك
مَنو مَثلي يحَبك حَتى بعيوبك ؟

______________________________________

في الماضي :-

امي فكرت بكلام برهم اني اتخبلت بيومها حتى صياح صيحت ع امي

:- يمهه شنو تنطييين ايمان بدون ما يجيب اهله خلي يجيب مشيه ويجي ترا ماكووو هيييج والله ماكووو برهم خوش برهم ويستاهل واني اعرفه اكثر منكم بس ايمان لازم تكون خطوبتها مثل اي بنيه

احجي وايمان ساكته ومدنكه

الحجيه :- نيار عاد من يجي يمنه العالم من يحجون علينه

هزيتلها راسي

نيار :- هاهيه يمه براحتج

عفتهم ورحت بلغرفه وامي خابرت برهم بعد ما اجه ب4 ايام

علاقتي برهم حيل بارده مو مثل قبل كل ما اتصل علي يحجي وياي بزايد خمس دقايق ويسده

بيوم كال راح اجيب سيد واجي بهيج يوم وجانت حالتي يوم عن يوم تسوء اكثر ضعفت ملامح وجهي بهتت سواد جوه عيني من وره سهر

بس كل هذا وبجيت ! لا دمعه ما نزلت مني بقيت ضامه بگلبي

اجه يوم خطوبت اختي عزمت صديقاتي وهي كذالك رحت اشتريتلها احلا فستان بسوك

وجبت حلقه البرهم ضحكت عليه اجهز اختي الحب حياتي ههههههه

رحت للبيت جهازتها وفرحتها ما تنوصف كعدت امكيجها

نيار :- همزيين راح تزوجين علمود اخلص منج ههههه

ايمان :- هههههه لا متخلصين مني وراج وراج

نيار :- هههههه اتمنى الله يخليج الي للأبد يعمري انت

ايمان :- حبيبتي

كملتها وحضنتها وبستها

ايمان :- ايي وانت يلا مكيجي

نيار :- هسه خلدخل اسبح

هزتلي راسها واخذت ملابس ودخلت للحمام روحي طلعت احس خلاص صبري خلص

والله صعبه والله العظيم صعبه حيل شعور جان حيل يأذيي وبشكل مو طبيعي

سبحت وطلعت مالي واهس اصلا بس هاي خطوبت اختي وتؤامي  لو مو اني وياها اوكف منو يوكف

هي راحت وي امي يجهزون الصاله

طلعت فستان بيجي مابي اي فصال بس اردانه تول وعريض

حطيت مكياج خفيف  وضفرت شعري وطلعتتلهم دخلن البنات حاولت اهواي ما ابين حزني وضعفي الاحد

صابرين :- ولج نيار جان يشوفج انت وبرهم عبالج واحد يحب ثاني والله توقعت يخطبج انت مو إيمان

ساره :- اي والله انصدمت من كلتي ايمان اتوقعت برهم راح ياخذج الج

ابتسمتلهم وقدمتلهم مي

نيار :-, كلشي قسمه ونصيب واحنه اصدقاء بس

شويه وسمعت صوته اجه من بره

شسوي ! وين اروح ! راح يدخل شخص الي احبه يخطب اختي

كلبي أحسه راح يطلع من مكانه اجتي ايمان كعدت ودخل برهم

ما حطيت عيني بعينه ابد ولا خليت فرصه تجي واحجي ويا

صاحني بس شنو ! ضعت اخاف اروح واضعف تنزل دمعتي بقيت متردده بين اروحله وبين لا

:- ولج فضيها

رحتله انطاني فونه طلب مني اصور

بده شيخ يعقدلهم بس اخخخ ع شعور اخخ ع لوجع وي كل كلمه يحجيها الشيخ اعصر گلبي بأيدي واطلب من الله يهون علي

كمل شيخ وبدت الهلاهل كمت اضحك بعلو صوتيي من ضيمي

شغلن البنات اغاني وكمت اركص اضحك بصوت عاليي عليت صوت الاغاني حييل

وبديت اركص من قهري من وجعي ما ردت اخرب هليوم

برهم يباوع عليه اشرلي بمعنى شبيج ابتسمتله وبقيت اصفك واهلهل

كومت ايمان وبرهم وبرهم ما شال نضراته عنها

نيار :- يلا يلا خلخذلكم صور

وكفو وبديت اخذ صور الهم واضحك

برهم :- تعاي يمنى خلناخذ صور سوه

رحت يمهم واخذولنه صور

برهم حضن ايمان ما اتحملت بعد طلعت اركض رحت وره البيت ونار بگلبي

اعصر گلبي بيدي واردد

:- هون يالله هون مختنكه يارب يارب ساعدني يارب

شويه اتنفست ورجعتلهم البنات رايحات

برهم :- شنو وين رحتي

سكتت عنه وسئلت امي

نيار :- يمه شو البنات راحن

الحجيه :- اي والله كالن اتاخرنا

هزيت راسي وكعدت المل الهوسه وبرهم وايمان كاعدين ديسولفلون

نضفت وايمان راحت بدلت واني كعدت يم برهم وامي دتسوي عشه

برهم:- ليش احس بيج شي

باوعتله مبتسمه

نيار :- احساسك غلط

برهم :- عيونج نيار اشوف بيها حزن

ضحكت وملت راسي وهو مركز بعيوني

نيار :- بلعكس كلش فرحانه اني صديق طفولتي وصديق عمري صار رجل اختي ما اضن راح احزن

ابتسملي

برهم :- نيار صح فرحانه النه بس احس غير شي متعبتج شوفي نفسج

نيار :- اذا قصدك ع ضعفي اني مسويه دايت

برهم :- وعيونج شوفي سواد جواهن ملامحج باهته حيل منو متعب صديقت عمري منو

ركزت بعيونه يعرف هو المتعبني ؟ يعرف جرحه هو ضيعني يعرف ؟

نيار :- واذا كتلك منو شراح تسويله مثلاً

برهم :- ما اخلي لحضه عايش راح اتعبه اعدال التعب تعبه الج

دنكت وجريت حسره شكت گلبي

برهم:- تحبين ؟

رفعت راسي باوعت علي ودنكت

برهم:- نيار ميلوكلج الحزن

نيار :-وانت منو كلك حزينه يجوز تعبانه صح بس حزينه لا محد يستاهل احزن علمود لو جانت روحي بي

عفته وكمت رحت للغرفه نزعت ملابسي ولبست دشداشه

صاحتني امي ع لعشه

نيار :- ما أريد الف عافيه كلش تعبانه والله راح انام

رجعت للغرفه تحت انضارهم ما نمت بس بقيت مغمضه بقيت اهواي بفراشي فزيت ع ايمان حضنتني

وتحجي بكل هدوء

ايمان :- ما تحجيلي شنو بيج بس اني تؤامج واحس بيج تعبانه حيل  ادري بيج ما نايمه بس يجي يوم واعرف سبب حزنج

سكتت عنها وهي نامت فتحت فوني صبح برهم كومه دازلي

:- فراشه كعدي ايمان

:- ولجج شنو نايمه

:- ولججج نيره مشتاق الايمان كعديها

دزيتله اوك

وكعدت ايمان

نيار :- برهم مشتاقلج يكول خلي تكعد اريد احجي وياها

ايمان :- هسه شويه حبابه

عفتها ورحت غسلت وبدلت وطلعت للشغل ذاك انطردت منه وهسه اشتغل عامله نظافه بعياده

ب5 العصر كملت شغلي هلكانه ميته تعب وكذالك ابقى بدون اكل

رجعت للبيت شفت سياره برهم واكفه يم بيتنه دخلت لكيته كاعدين هو وامي وايمان كاعدين يشربون جاي

نيار :- سلام عليكم

ردو :-. وعليكم السلام

الحجيه :- الله يساعدج يمه

ابتسمتلها

داروح للغرفه وكفني صوت برهم

برهم :- بدل وتعاي نطلع صار ساعه منتضريج

انداريتله وابتسمت مجامله

نيار :- لا ما أروح روحو انتو اني توني رجعت من شغل وتعبانه ارد انام

قبل لا يحجي عفته ودخلت اخذت هدوم ورحت اسبح طلعت من الحمام طالعين حتى أمي وياهم

صبيتلي اكل اكلت شويه وكمت غسلت الماعين وطلعت بره بلحديقه كعدت ورفعت راسي للسماء

ومثل كل مره اطلب من الله يهونها علي حرام عليه

حرام عليه عاشكه رجل اختي حرام عليه بكل ليله افكر برجل اختي

برهم اي الشخص الوحيد الي حبيته هسه رجل اختي

اريد ابجي بس ماكدر احس ع ساعه انفجر من كثر الكتمان

صار اهواي كاتمه اهوايي والوجع يوم عن يوم ينهش بداخلي وديبين انكساري اكثر

دخلت جوه نشفت شعري  ورجعو من بره جايبلي اكل وياهم بس ما اكلت بقيته بلعلاكه

برهم حيل متغير وياي بشكل مو طبيعي اهتمامه بيه تغير ! كلامه وياي اتغير ! اكثر من مره اتخربطت جان حاله حال اي شخص بس يتحمدلي بسلامه ولا جن صديقت عمره اني

كاعدين بصاله كلنا امي راحت نامت فتحت فوني أكلب بي وبرهم مدد وراسه بحضن ايمان تلعب بشعره

عيوني مركزه بلفون بس بالي يمهم

برهم :-, احبج

ايمان :- اني هم احبك اهواي

برهم :- شو مسويته صامت نيره

باوعتلهم عيونهم مركزه عليه

نيار :- ها

ايمان :- شو ساكته

نيار :- لا داباوع فلم

برهم :- ربي يهديج

غلست عنهم وكام يشاقه هو وايمان ويخلي شعرها ع وجهه

كمت شربت مي ورجعت يمهم كعدت. بس حيلي يرجف ايدي ترجف شفتي ترجف

برهم :- ايمان قبل الي يشوفجن انت ونيار ما يفرق بينجن تدرين

ايمان :- اي صح نفس الوجهه وجسم حتى نفس شامه البارزه الي بلخد

برهم :- ههههه صح بس اني افرق وجهه وركبتها لنيار شاماته اكثر

ايمان :- اي صح

برهم :- بس هسه شنو كامو يفرقون بينكم نيار كلش متغيره ملامحها باهتهه وضعفانه حيل

نيار :- احسن علمود محد يخربط بينه

برهم :- مشتاق النيار القديمه

ابتسمتله تك خد ورحت للغرفه جبت شاحنه اول ما دخلت عليهم ابتعد عن وجهه ايمان

اني كبل انداريت.

نيار :- اسفه مو قصدي والله

برهم :- احم لا عادي ترا ما جنه نسوي

شي نار اشتعلت بكلبي

حجيت بغصه

نيار :- لا يلا اعوفكم براحتكم

رجعت للغرفه اريد ابجيي اريد اعيط ما كدر

شلت دولكه كزاز ركعتها بلمي وشلت كزازها قويي بايديي وضغطت علي دم بقى يجري من ايدي

بس جان هذا الألم ولا شي بنسبه للوجع الي بگلبي

اجوي يركضون برهم بسرعه اخذني جوه البوري يغسلي بأيدي

برهم :- غير تنتبيهن يا نيار صار عمرج 21 سنه ولساتج فاهيهه هاي هسه تكوم تموتج وتبقين تبجين وتزعجينا وشراح يخلصنه

نيار :- هه لا اطمئن مراح ازعجك جريت ايدي منها ودم يجري منها اجتي ايمان لامه الكزاز ذبته واكمشت ايدي

ايمان :-, غير تنتبهين

نيار :- مصار شي اصلا مديأذيني

ايمان :- دباعي الدم اليجري برهم راح جاب كطن اخذت الكطن بأيدي الثاني وجريت ايدي منهم ورحت بلغرفه

داويت الجرح وبقيت بفراشي مغطيه راسي ومغمضه بس كاعده مرت ساعتين او ساعه واجتي ايمان نامت بصفي

رفعت ايدي وباستها اخخخ حنيتها اخخ بس ما تستاهل اخت مثلي ابد

مرت 3 اشهر اني وبرهم بس سلام وهو حتى بوجهي ما يباوع

بس ايمان حالتها تعبانه احسها ذبلانه مره كاعده يمها وركضت للحمام لحكتها لكيتها تستفرغ دم بس ما رضت احجي

واصريت عليها

بيوم جانت بلجامعه واني جنت بلشغل فا طلعت ماكو سيارات ومو مال ارجع مشي دنيا ضهر اتصلت ع برهم

مره ومرتين و3 جاوبني

نيار :- هلاو برهم شلونك

برهم :- هلا بخير

نيار :- اني يم العياده وماكو سيارات تكدر تجيني

برهم :- لا ماكدر توني رجعت من جامعه وارد انام

نيار :- اها تمام اسفه

سديته وانهضمت حيل منه وعوده وين ! حبه الي گأخت وصديقه وين !

جانت درجه الحراره 55 يمكن حيل جانت حاره حتى فلوس تكسي ماعندي رجعت مشي بحيث من وصلت البيت هلكانه ودايخه حيل

دخلت سلمت ع امي وكبل دخلت سبحت طلعت باوعت ع شعري وابتسمت اشتاقيت يلعب بشعري  اشتاقيت انام ع رجله

اريد ابجي بس بيا حضن ! يا شخص راح اشكيله همي ! يم منو افضفض !

نمت من تعب والحر كعدت ايمان نايمه يمي كمت لكيت برهم بصاله هو وامي

سلمت ورحت للمطبخ شربت مي رجعت امي ماكو كعدت بصاله بس بعيده عنه

برهم :- تعاي خلي احجي وياج

رحت يمه كعدت

نيار :- ها برهم

برهم :- شنو الغيرج عليه ؟

نيار :- محد غيرني عليك بس انت الي تغيرت حيل

برهم :- اي صح واني هم ملاحض تغيري عليج بس ليش مادري

مركزه بعيونه واحجي

نيار :- اي الحب يغير اكبر واحد وعاشت ايدك برهم وحيل شكراً ع كلشي

عفته ورحت للكاونتر طلعت مكص ودخلت للغرفه بسرعه

باوعت ع شعري وتذكرت بيوم جنت نايمه ع رجله وكتله هلشعر اكصه بس اذا اتغيرت عليه واذيتني وبطلت تهتم بيه ومتوكف وياي

غمضت عيوني وكصيته لنص ضهري نزلت دمعتي من شلت ضفيره بأيدي

رحت وكفت كباله باوع ع ايدي بصدمه وفاتح عيونه

شمرتها بحضنه وطلعت بره بلحديقه

اجاني عيونه حمر دم وضفيره بأيده

برهم :- بس ليش شمسوي اني شمسوي شوكت أذيتج

دموع بعيوني وكفن

نيار :- روح برهم فدوه روح من يمي

راح دخل جوه ورجع بايده شال حطه ع جتفي وجرني من ايدي وصعدني بسياره

نيار :-, وين تريد تروح

برهم :- اليومم كلشي راح تحجيلييي واذا ضميتي شي عليه متلومييين اله نفسج نيار

نيار :- ماكووو شييي احجييي ماكو شي عوفنيي بحالي

برهم :- اوكي انشوف

حرك سياره وراح للحديقه جنه نكعد بيها كل مره

نيار :-, ما انزل برهم ماكو شي احجي

اجه من صفحتي فتح الباب وجر ايدي

سحبني من ايدي دخلنا جوه وضفيره بعدها بأيده ما هدها ابد

راح للمكان جنه كاعدين بي من نمت ع رجله

خلاني كباله ويحجي بعصبيه

برهم :- بهذا المكان نيار بهذا نفسسهه كتيلي برهم بس اذا اذيتني وما وكفت وياي من جنت محتاجتك ومكسور كلبي راح اكص شعريي مووو نيار ؟

نيار :- اي

برهم :- هسه اريد كلشي تحجيلي وبهل لحضه

نيار :- تمام برهم راح احجيي راحح احجي كلشي

برهم :- ايي احجيي

صفنت علي ونزلت دمعتي وحجيت بشهكه

نيار :- اني جنت احبك وما زلت

ملامحهه بهتت بسرعه

برهم :- تحبيني ؟

ضربته قوي ع صدره بأيدي واحجي بشهكه

نيار :- ايي احبك ايي برهم احبك

برهم :- بس اني هسه رجل اختج شلون تحبيني

كمت ابجيي بصوت عالي واحجي

نيار :- لك برههمممم ليشش برهم ليششش برهم نار بگلبي والله نار بگلبي مدتفطى برهم شسوي شوف گلبي احس ع لحضه يوكف برهممم ناااار ناااار مشتعلهه اهناااا صار اهواييي

واشر ع گلبي وهو بس واكف يباوع عليه ما بذر اي شي منه

نيار :- حبيتك قبل لا تحب اختي برهم حبيتك قبل لا اختيي تحبكك حبيتك قبل الكل حبيتك واني عمري 17 برهم بسس شنوو كليي يلا بس شنوو

رحت حبيت اختيي واني جنت اتمناك كل ليله كل ليله جنت ادعي تحبني من جنت اشوف اهتمامك بيه وغزلك يصير عندي امل انو انت تحبني بس مو كأخت وصديقه بس

مراح تفهمني برهم مراح تفهممي شحجي شحجيي ما يوصف شعوري برهم الوجع العشته يأذي حيل والله يأذي برهم تحملت اهواي اتحملت علمود ما ابين حزني الكم بس ما كدرت اكثر

ليش بس كلي ليشش بلوقت الي جنت احتاجك بي وضايجه كمت ما ألكاك ليش بلوقت جنت ليل كله ابجي مشتاقتلك وارد احاجيك بس متجاوبني ليشش برهم ومن صبح اكلك وين جنت تكلي نايم بس انت جنت تحجي وي اختي وبلجذب ما كتلي

حضرت خطوبتك من اختي وكلت يلا الله يهونها علي شفت تقربك من اختي وكلت يلا رجلها ولزم ارضه بهل شي بس كل ذني دمرني برهم دمرني صرت عفت دراستي الخاطر انساك بس ما عفتكك كامت تمر ايام بدون ما نام

هاكك شوفف شوف وهو عيونه دم صارن

طلعتله ايدي ونزلت البدي عن ركبتي وطلعتله الآثار الزركه الي بجسمي شفت كل ذني بسبب حالتي نفسيه برهم ارد اموت تعبت والله تعبت والله

وكعت بلكاع ابجيي واشهك بصوت واردد

ارد ارتاح تعبت من الوجع

والله ارد ارتاح الوجع الي بگلبي ياكل بيه ليش يارب ليش

نزل برهم ع مستواي وكومني

وحضني بجيت بحضنه اهوايي اهواي بجيت بحضنه مادري شحجيت بس اهواي اشياء حجيت بحضنه ما اتذكر بضبط بس اتذكر

:- برهم تعبانه ارد اموت

يمسح ع شعري ابتعدت عنه مسح وجهي بأيده وكعدني ويحجي وياي بكل هدوء

برهم :- اروح اجيب مي واجي لتتحركين

هزيتله راسي راح يركض اجه فتحلي مي قدملي شربت وبعدني اشهك

لزم ايدي ويحجي وياي

برهم :- نيار مالي ذنب بكل هذا اني لتحمليني مسؤوليه هلشي ما جنت ادري بيج تحبيني وانت لزم تطلعيني من بالج اني احب اختج واني رجل اختج هسه حرام تفكرين بيه

نيار :- تمام

وخرت ايده عني ورحت صعدت بسياره اجه هو هم صعد بس ما حجه كلمه رجعنا للبيت اتلكتنا ايمان

ايمان :- شنو وين رحتو برهم مو اتصل عليك اني

برهم :- مادري جان بسياره التلفون

ايمان :- وانت نيار شبي وجهج ليش باجيه

راح برهم كعد واني بقيت واكفه

برهم :- جانت تحجيلي ع شي جان مضوجها وكامت تبجي

ايمان :- ايي وشنو طلع

برهم :- موضوع تافهه خلي يولي

باوعت علي ضحك وكام حضن ايمان استحقرته حيل

دخلت للغرفه وي طبتي عاطت ايمان طلعت ركض

ايمان :- لجججج عزااا شعرجججج انت مخبلهههه هااييييي ليششش نيااار

نيار :- خرعتيني شبيج

ايمان :- ليش كاصه شعرجججج من رحتي انتبهت عليج صدككك تحجييين

نيار :- ايي وبعديين يطول مو تدريين بشعري اكصه اصبع يطول ١٠ اصابع بلشهر

ايمان :- لا نيار زين وين وديتي

نيار :- شمرتها بشارع

ايمان :- غبيه

ضحكت ورحت دخلت للغرفه

نيار :- برهم يشوفه موضوع تافهه بس تمام يريدني انسى ههههه صار برهم صار

طلعت رحت للكاونتر اخذت سجينه حاده ودخلت اركض للغرفه لان برهم جان واكف يم المغسله

بس ما أضن شافني

دخلت للغرفه فرحانه يعني راح اخلص من هل عذاب والوجع

حطيتها ع ايدي ودخل برهم للغرفه فاتح عيونه بصدمه

ما تقرب مني حجه بهمس لا احد يسمع

برهم :- هاي شدسوين ذبي البيدج ذبيي لا تجي اختج

نيار :- اطلع برهم خليني اسوي شي يريحني

برهم :- عبالج ترتاحين الله يعاقبج

نيار:- لا اريد ارتاح عوفني امشي اطلع

ديقرب مني يسحب سجينه وجان اشكها

دم كام يتطافر من ايدي هو ركض بسرعه سحبني اله بنفس لحضه سحبني بيها الحضنه فقدت وكعت بين ادي
.....................

نيار  كلش تشبهه اسراء بيلجينش كلش كلش تشبه والله بس نيار مليان شامات وجهه وركبتها وطبعا ايمان الله يرحمها هي ونيار كلش يتشابهن بس ايمان وجه بس شامه وحده بي وهي بخدها ❤️

________________________________

شو اكتب بهل بارت ودموعي ينزلن 💔💔🥺

حسابي الانستا :- mream_.98