لا صدّ قلبي صد من دون رجعة الفصل الثامن وثلاثون 38 - بقلم sajeda🇹🇷

بيت ضاحي بن فهيد \ جناح نايف

حست راسها ثقيل .. ماتقدر تفتح عيونها .. مسكت راسها وهي تهمزه

وتحاول تفتح عينها ببطء .. افتحت عينها بهدوء .. في البدايه ماأستغربت

أي شي .. لكن بعد ماكل شي بدأ يرد لذاكرتها .. جلست بسرعه ومسكت

راسها اللي تألم من سرعة الجلوس

لين هالحين كل شي طبيعي .. ماألتفتت جنبها .. قامت من السرير وهي

مغمضه عيونها من الوجع .. اصدمت في التحفه اللي جنب السرير

وطاحت .. افتحت عينها .. واشتغلت اللمبه بسرعه

صدت والعيون تلاقت في بعضها .. بان في وجهها الخوف والرعب

وبان في وجهه التوتر والترقب

حاولت تفك الحبل اللي في يدينها .. وفمها المكموم .. والمكان المخيف

اللي تعيش فيه .. سرداب صغير .. تحت بيت .. مستحيل يخطر في بال

أحد .. ان فيه تحت إنسانه .. ذاقت الويل وهي تحاول تثبت براءتها

المكان فاضي .. مافيه إي شي ابد ؟؟

ألتفتت شافت حافة إطار الشباك .. صحيح مستحيل يفي بالغرض .. لكن

يقوم بالمهمه .. ركضت له وهي تتصبب عرق .. عيونها غائره .. ووجهها

مليان كدمات وضربات .. شعرها مبعثر .. ومليان غبار

بسبب اللي يصير لها كل ليله .. حاولت تفرك يدينها تشق الحبل

وتفرك .. ودموعها تصب .. كيف إنسانه تبذل مجهود بدني .. وهي أكثر

من اسبوع عائشه على مويه فقط

ولا تدري لو فكت الحبل وتحررت منه .. بتنجح في اللي تسويه ولا

بيت ضاحي بن فهيد \ الصاله

دخلت البيت وهي تشوف البيت هدوء .. وخالي تماما

توجهت للمطبخ .. شافته جالس وسرحان

تحنحت – احم

رفع عينه ناظرها – زين انتس جيتي .. ( صدمها وهو يقول ) كنت

أفكر فيتس

استغربت وقاحته .. ناظرته بطرف عينها .. وقف وهو يعرف وين

وصل تفكيرها – لالالا لاتفكرين فيني بهالصوره بس بس

قربت هند منه – يعني عشان ابوي وامي ميتين تضرب ميانه معي

على فكره روحتي معك للسوق والله لخاطر خلود اللي بكت عندي ترجاني

لاتفكرني ياولد العم سهله .. وينقص علي بكلمتين

فهمته غلط – لالا هند فهمتيني غلط

وقفت وتكتفت – اها ,, وش وراك أجل

فارس صدمها – ابيتس تسوين قهوه عشان ضيوف جدي .. امي

نايمه وقهوة الشغاله ماهب زينه

انحرجت من تفكيرها اللي تتمناه داخلها .. تمنت البارح وهي تقول الكلمه

اللي مستحيل تقولها من خاطرها وتقول مستحيل أخذ من هالعائله

إلا انه تبيه يتكلم يقول شي .. بس سكت وهاذا الشي بكاها ونزل

دموعها وراسها في مخدتها

ابتسمت له بإحراج ولو انتبهت لكلمته وهو يقول ( كنت أفكر فيتس

في هالموقف .. كان فهمت هو وش يقصد بالضبط )

جلس على الكرسي .. وهو يناظر فيها .. وهي تتحرك حوله وتسوي

القهوه .. ألتفتت عليه ولقته يناظر فيها .. يوم ناظرته صد

انقهرت منه – عنده أحد

فارس – من

كملت شغلها – جدك

فارس ناظرها – وليش ماتقولين جدي .. ماهب جدتس انتي بعد

وهي تكمل شغلها – لا ماهب جدي .. ومستحيل اقول له هالكلمه اللي

مايستاهلها ( ناظرت فيه ) اعطف عليه ممكن .. بس اني احترمه

مستحيل

سكت عنها .. سوت القهوه وضبطتها سألته – تبي شي بعد

إبتسم بشكر – لا شكرن بس فيه تمر ( تذكر ) لالا خلاص سمعت

ان سلطان جايب لوازم القهوه والتمر وجايب العم حمزه يجهز

القهاوي هناك .. بس قهوتس بناخذها

سكتت عنه وصدت تسوي الفطور للجميع .. وهو أخذ الدلال وطلع

رجعت خطوات للخلف ووجهها مليان خوف ورعب .. وهو يراقب

الموقف بتوتر

حست انها بتموت وهو يمشي بإتجاهها صرخت فيه - لاتقـــــــــــــــــرب

وقف مكانه وناظرها .. وهي صرخت – افتح لي الباب

مشى للسرير وجلس

صرخت فيه – افتح البـــــــــــــــــــــاب

ألتفت عليها وناظر فيها .. وناظرت فيه .. وقف ومشى لها

ناظرته بخوف وهي ترجع بخطوات للورى وقالت بنبرة ترجي

وهي ترجف – افتح الباب دخيلك

رجعت لين لصقت في الزاويه .. وهو ساكت ويناظرها .. حطت يدينها

على وجهها تحميه – ابعــــــــــــــــــــــــــــد

حاول يرفع يدينها عن وجهها .. وهي تصرخ مثل المجنونه – فكني

فكنــــــــــــــــــــي

حس بالخوف من صراخها .. خاف ان احد يسمع صراخها القوي

وفكها وقال يهديها – خلاص خلاص اسكتي

قالت بصراخ وهي ترص نفسها على الجدار – ابعــــــــــــــــد ابعــــــــــد

بعد وقال – طيب ناظري فيني

وهي مازالت على وضعها – لالا ماأبي

نايف بقهر – ساره ناظريني عشان افتح الباب ناظريني

رفعت يدينها عن وجهها وناظرته

نايف وماسك نفسه – ليش تشكيني في المحكمه !! ماهب تزوجنا

وسترت عليتس هاااااااااااااااااااه

حست انها بتموت .. مختنقه .. سمعت اصوات بتجيها

صب قلبها .. بسرعه ركضت لمكانها .. وهي تحاول تخبي

يدها .. من الحبل اللي قطعت جزء صغير جدا منه

انفتح الباب .. ناظر فيها .. وهي منزله راسها .. قرب منها

فك اللصقه من فمها .. قال بقهر – هاه يالحيوانه ماراح تتكلمين

وهي من حياها الفطري منزله راسها .. ماتبيه يشوف وجهها

صرخ فيها وهو يجر شعرها – انطقــــــــــــــــــــــــــــــي

بان في وجهها علامات الإلم .. بس ساكته ماتتكلم

طلع جواله ودق رقم وقال – أمير جهز منك اللي طلبته .. الليله

التنفيذ ( وناظر فيها )

جرها بشعرها وخلاها تناظره وتكلم من بين سنونه – الليله

بتودعين الدنيا .. وريني ضويحي وش بيسوي لتس

دمعت عيونها من الإلم .. وترك راسها بقوه .. خبت يدينها

يوم وقف تفل عليها وطلع

يوم طلع وقفل الباب ركضت للشباك .. وقامت تبذل مجهود قوي

وحال لسانها يقول (قريب أطلع ياضاحي وبتعرف اني برئيه

وبتعذرني )

بيت سلطان \ الجناح

ناظرها بقهر وهي ساكته من عقب هوشتهم .. ماتتكلم

طلع شماغه من الدرج وهو يقول – جهزي الشناط .. بنسافر

هالإسبوع .. انا نقلت شغلي خلااااااص

رفعت راسها مصدومه وبخوف – لا اترجااااااااااااااك

ألتفت عليها – لاتحاولين نوره .. هالمكان ماينفع لنا .. بنروح

وشرط ماحبيتي الناس هناك نرد

دمعت ووقفت وجت لعنده ومسكت يدينه بترجي – تكفى سلطان

دخيل غاليك ماابي اروح

ناظرها سلطان بحزن ومسك وجهها – نوره مالنا مكان هنا

خلااااص .. بنجي هنا زيارات بس

فكته وراحت للسرير تبكي .. ناظر فيها بحزن .. مجبور .. هالقرار

هو القرار الصحيح .. خواتها تجرئن وراحن المحكمه .. بكره

ان اجلست معهن وش بيسون في عقلها .. وهو يحبها لان

عقلها نظيف مو مثل شيخه العوباء .. اللي مايدري صقر كيف

متحملها لهالحين

طلع تاركها .. وهي ماتت قهر .. وبكت بقوه .. كيف بتترك خواتها

وتروح مكان وناس ماتعرفهم

رفعتيدينها عن وجهها وناظرته

نايف وماسكنفسه – ليش تشكيني في المحكمه !! ماهب تزوجنا

وسترت عليتس هاااااااااااااااااااه

هزت راسها بالرفض بقوه .. وحطت يدينها على أذانيها – ماشكيتك

قال بقهر واضح – الا شاكيتني يالبقره

صرخت في وجهه بقهر وعصبيه – قلت لك ماشكيتك ماشكيتك

انقهر من صراخها ومشى لها وجر يدينها عن أذانيها وصرخ

عليها – ليش تصارخييييييييييين

ناظرته بخوف وعينها في عينه .. حاولت تجر يدينها منه .. بس

هو موثقها بزياده ويناظر عيونها

استسلمت له وناظرته ودموعها تصب – اكرررررهك

حس ان هالكلمه جرحته بقوه وقال – اكرهيني على كيفتس

عمرتس ماحبيتي .. بس حقي بطلعه من عيونتس .. اجل تجرأين

وتشكيني يالداشره

تفلت على وجهه .. وهو انصدم باللي سوته .. جرها بشعرها

بقوه ودزها للسرير وهي تصارخ

صرخ بقهر وهو يأخذ مناديل يمسح – ياحيوانه كيف تتجراين

هاااااااااااااااه

مشى بيفتح الباب وهو مكشر - تبين تطلعين هاه .. خيسي في ذا

الغرفه يالخايسه

اما هي حاطه راسها في المخده وراصه نفسها بقوه وتصيح

اللي يصير فيها موت بطـــــــــــــــــــــــئ

بيت ضاحي بن فهيد

دخلت وضحى وشيخه البيت .. شافن في الصاله صقر

ومحمد وموضي وابو محمد وريم وسعد ومنيره

وضحى – السلام عليكم

الجميع – عليكم السلام

صقر يناظر في شيخه .. وهي صاده عنه .. كان جالس جنب

ابوه .. وبينهم مكان وسيع .. وهم متحلقين على القهوه حقت

الضحى

في هالإثناء نزل نايف بقهر وهو ساكت مانطق بحرف .. طلع

من البيت وهو معصب

وقفته منيره – نايف نايف

وقف لها – هلا يمه

منيره بتسائل – وينهي ساره

ناظر فيهم – ساره رقدت توها رقدت .. قايمه أخر الليل

وتقول مانامت زين .. لحد يزعجها

ابو محمد – وش صار في جدك

نايف – هذاني رايح له هالحين .. بتروح معي

ابو محمد – إن كان مسموح زيارته روحت معك

نايف هز راسه بالرفض – لا لين هالحين .. ممنوع الزياره

بحاول المغرب تدخل عليه

منيره – ياحول لهادرجه حالته خطيره

نايف – لا بس خايفين يتضاعف التعب عليه .. مانبي حد يزعجه

لين نتأكد انه بخير

هز ابو محمد راسه .. وهو طلع

ناظرته شيخه بقهر عقب ماطلع .. جت بتروح لفوق تدور ساره

بس صوت صقر وهو يناديها

وقفها – شيخـــــه

وقفت وألتفتت عليه وناظرت فيه يعني وش تبي

صقر – سويلي شي أكله ماأفطرت

منيره ناظرت فيه مستغربه توه أفطر معهم – ماأفطرت تو

ناظرها صقر – لا ماشبعت انا ماتعشيت امس من الحره

وقفت شيخه – وش حرته

فجرها – وسميه تبي الطلاق

انقهرت من كلمة الحره ( يعني مقهور ) .. ناظرت في عمها

يعني ناظر ولدك

ابو محمد انتبه لنظراتها – وش محتر منه .. ابوها مكلمني يهاوش

طرح وجهي

مط صقر عينه منصدم – متى

ناظرت بقهر ردة فعله .. وناظرت في الموجودين

ابو محمد بقهر – يقرصني في الحكي .. دق ينشد عن جدك

وكأنه يتعوذ من خطبتك له بين الريجيل

عصب صقر – ولد أبوي

ضحكت بسخريه تقهره وراحت .. ناظرها بقهر

ناظر ابوه – وش قلت له انت

ابو محمد – وش اقول .. انكسحت مالي وجهه

صقر وقف مقهور .. ومشى للغرفه الجانبيه وسكر الباب عليه

تكلم فيها قرابة النص ساعه .. وطلع لهم

شاف شيخه وهي جالسه في مكانه وتتقهوى

ناظر فيها وهي ماهب معبرته .. طلع بعصبيه وسكر الباب

وراه بقوه

هز ابو محمد راسه بأسف

قالت منيره – الله يهديه ويصلحه

دخل المجلس وهو مكشر .. من إستقباله له

ابو وسميه – والله ياصقر .. انا يوم عطيتك بنتي قلت بيضمها

ويحافظ عليها .. اللي سويته ماهب من المراجل

انقهر صقر – وش مسوي انا

ابو وسميه – بنتي جايتني اتلى الليل ودمعها على خدها

ماهب ولد ابوه اللي يضيمها وانا حي

انقهر صقر وكبت في صدره لايرد إحترام لشيباته – طيب

وينهي هي نبي نتفاهم .. انا مدري وش قايلة عني عندك

قام وهو يقول – انا بناديها ونبي نشوف

بعد فتره دخلت وسميه ورى ابوها اللي يقول – تعالي يابنتي

وسميه ناظرت في صقر بنص عين وتكتفت – ماقلت لك ان

السالفه انتهت على التلفون

صقر اللي بحلق فيها – انتي خليتيني اتفاهم معتس

وسميه بعصبيه – وش تفاهمه .. جايبها نص بيتي وتسوي

حركاتك وتبيني اسكت

انقهر منها وناظر في ابوه يدرس ملامحه ان كان خبرته عن

ذا العلم الخاص .. بس كان ابوها منزل راسه وساكت

احتراما له – وسميه ادحري إبليس وبنرجع لبيتنا

وسميه تكتفت – مانيب راجعتن معك لو تحب السماء انا

مهينه وبوسط بيتي ( بكت ) – انا تطلقت من ذاك لانه قفى

امه .. تباني ارجعلك وانت قفى شويخان

وقف وصرخ – اعقبـــــــــــــــــــــــــــــي

خافت وسميه من صرخته

صرخ في وجهها بعصبيه – ماني برجال اللي تحكمني مره

انتي انهبلتي تقولين ذا العلم

ناظرها ابوها نظره شينه ( صقر معروف بقوته ماتحكمه مره )

صرخت وبكت وهي تقول – تبي تنكر انك تهاذي إبها حتى وانت

صاحي .. وف نومك وحلمك .. يابن الناس انا ابي رجال يضمني

ماهب يأخذني يأدب حرمته

ناظرها بعصبيه

وسميه كملت وهي تناظر ابوها – ياأبوي ماهب مقصر علي

اكذب ان قلت قصر .. بس هالرجال يهاذي بحرمته حتى وهو

معي .. انا حرمه وأغير .. ماأقدر أكمل الباقي معه وهو يموت

بمرته بهالصوره

عرق وتوتر وسكت .. مايقدر ينكر .. كيف ينكر انها وهي في

حضنه ويهمس لها يتخيلها شيخه .. كيف ينكر ان صورة شيخه

ماتفارق عيونه .. مايبي يظلمها وهو يلمح زولها شيخه .. وغنجها

له شيخه .. ودلعها شيخه .. وإحساسه المجنون يوم يهمس يقوله

لشيخه .. كل شي فيه تثيره يناظر بعيونه شيخه

بلع ريقه وقال – وش تبين هالحين

وسميه بتصميم – ابي ورقتي .. انا أكره الريجيل الضعوف

قالتها له ( بقوة عين .. ناظر فيها وناظرته بقوه )

نزل عينه وقال وهو يوقف – ورقتس بتوصلتس .. الله يوفقتس

مع اللي يستاهلتس

وطلع تاركهم .. اما هي اجلست على الإرض تبكي .. تندب

حظها اللي علقها بهالرجل المجنون في حب زوجته

بيت سعد بن فهيد \ الصاله

كلهم متحلقين حول الغداء إلا ضاحي اللي جالس وحاط يده على

خده .. صاروا يقولون ارجع .. لان عصبيته أثرت على الشغل

التفكير وين راحت اذبحه .. خايف انها تكون مظلومه ويقتلونها

ولا يخلونها أسيره ويطلبون فك رهائنهم اللي عندهم .. ولا

مجرمه

ناظرته عمشاء رحمه لحاله – قم ياولدي .. تعال تغدى

وقف وهو يقول – لا ماأشتهي .. بروح للمستشفى .. فارس

بلحاله هناك

الجده اللي جالسه وتهلل – ونايف وينه

ضاحي – يقولون مناوبته العصر .. بروح له يمكن أقدر

أشوف جدي ويسمحون بالزياره

ابو فهيد – والله ماظنتي بيسمحون بزيارته .. حسبي الله بس

الجده وعمشاء سكتن .. وهن بداخلهن مستنكرات سواة بنات

ناصر الشينه

بيت ضاحي بن فهيد

دخل البيت معصب .. وسكر الباب بقوه .. الجميع ناظروا فيه

وعيونه تدور على وحده

شافها واقفه تناظر فيه .. مشى لها وسحبها بيدها

صرخت شيخه – فك وش تبي هييييييييييه

وهو لاحياة لمن تنادي .. يسحبها ومعصب

ابو محمد يصارخ – صقــــــر صقــــــــــــــــر

سحبها ولا معبرهم .. وهي وقفت بثبات في نص الدرج وناظرته

بعصبيه وتكتفت – وش تبي انت

صرخ بوجهها – امشي بالطيب لاسحبتس

انقهرت منه – وش تبي .. انت انهبلت

جرها بقوه – انا المهبول اللي اسمعتس

ركبت الدرج منيره بتفزع .. بس هو جر شيخه اللي في النهايه

ماعارضته ومشت بالطيب .. بتعرف وش وراه

دزت يده عنها ومشت بإتجاهه الغرفه .. افتحتها ودخلت .. ووقفت

وتكتفت تناظر فيه وهو يقفل الباب – خير

قرب منها وهو يتحداها بنظراته – هالحين تلمين عفشتس

ترجعين البيت

مطت عينها مصدومه

عرقها ينطف .. وشعرها مبهذل .. وشفايفها جافه .. وهي

تحرك يدينها بقوه تحاول تنتهي من الحبل .. اللي باقي له

كثير .. حست بالخنقه والحر .. تحس انها بتموت في إي

لحظه .. فجأه داخت .. وطاحت على ركبها من التعب

تحس انها بتودع الدنيا .. بس ماتبي تغمض عيونها .. تبي

تنتهي من اللي تسويه .. لازم ضاحي يعرف برائتها .. اللي

بتقدمه له .. يفيد انها كانت تحاول تنقذ اللي تنقذه .. هالوطن

غالي عليها .. وأوراق مهمه طاحت في يدينها .. أوراق

العصابه مادروا عن أهميتها بهالصوره .. أوراق بتكشف

ناس مهمين .. وماسكين مناصب قويه .. ناس وجودهم

خطر على الدوله .. تبي تتخلص من اللي مقيدها .. تبي ترجع

وهي توضح له انها .. شافت الموت عشان تقدر تعيش وتثبت

هي من تكون .. للإسف غمضت عيونها .. وغطت في داومه

عميقه .. ماتدري متى تصحى منها .. او تموت وتنتهي وهي

ماقدمت اللي في يدينها

جناح سعد

تجهز الشنطه وهي تقول بحزن – وبتطول

سعد اللي يلبس لبس الطيران – لا ثلاث ايام بالكثير

تركت اللي في يدها وقربت منه

مسكت وجهه من عقب اللي صار وسوته فيه .. وهو يالله

يسولف معها .. زعلان منها كثير

همست وعينها في عينه – لو تسألني وش كثر أخاف اني

أفقدك بقول ويمكن تنهبل اني اخاف أفقد كل عزوتي

إبتسم على جنب ونزل عينه يزر البدله .. رفعت بيدينها

وجهه وهي تدمع – انا غبيه صح

ناظر في دموعها وهز راسه بالرفض – لا ليش

ضمته بقوه وبكت – لاني أخاف أكون مثل أعز وحده عرفتها

وهي تولد ماتت .. انا أخاف أولد وأموت

رفعت راسها وناظرته ودموعها تصب – قل انك تحبني

استغرب كلامها وإسلوبها الجديد – احبك وأحبك أكثر من

نفسي بعد

ضمته بقوه وهي تقول – الله لايفرقني عنك

إبتسم من إسلوبها الجديد ووخرها عنه – آميييييييين ولا أنتي

بس الناس يحتروني تأخرت

رجعت تضمه بقوه – خلهم ينتظرون وش وراهم

ضحك بقوه وهو يبعدها – أبدن ماوراهم بس أنا وراي

خط طويل .. ابعدي

بعدت وهي ساكته .. شافته أخذ شنطته يسحبها وقال – وش

تبين هديه من الصين

إبتسمت وهي تقول – ابي سلامتك بس .. عندي سلامتك

بالدنيا كلها

إبتسم لها وطلع

مطت عينها بعصبيه – وليش إن شاءالله .. وينهي حرمتك

فجرها – طلقتها

مشى وجلس على السرير .. وهي ماهب مستوعبه اللي يقوله

معقوله طلقها – طلقتها

صقر ناظرها بقوه – شيخه انا ماطلبتس انا أأمرتس .. لمي

عفشتس بنروح بيتنا

ألتفتت عليه بقهر – مره واثق برجع معك .. لا وأمر بعد

وقف ومشى وتكلم من بين سنونه – ايه أمر .. انتي حرمتي

شيخه ضحكت بسخريه – وينهي ذا الكلمه يومك تضرب وتهدد

في المستشفى وبتجيب الولد .. وينه الولد (وضحكت بقوه تقهره)

مسكها بكتفها بقوه وقال بحرقه – الولد ابيه منتس انتي انتي

ياشيخـــــــــــــــه

العصر \ المستشفى

الجميع ألتم على نايف اللي قال يبشرهم – ابشركم جدي صحى

جدي قام

فارس ضحك – احلللللللللللللف

نايف إبتسم – والله .. دق على ابوي خله يجي .. وانت ياضاحي

خل فهيد يجيب عمي .. جدي يطلبهم

مسكه سلطان – نايف متأكد جدي بخير

نايف ناظر فيه – ايه متأكد .. ليش تسأل

سلطان بخوف – خايف انه يودع ويبي يشوفهم

نايف هز راسه بالرفض – لا تطمن بخير .. كل شي تمام

بيت سعد بن فهيد

تدق الباب بقوه عليه .. وهو ميت نوم

انقهر من الدق المتواصل والإزعاج قام وهو ينافخ .. فتح

الباب شاف أمه – انتي وش تبين برقــــــــــــــــــــــد

عمشاء تلته مع بجامته – رح اذلف غسل لايشم فيك أحد ريحة

هالزفت .. ابوك بغى يجي وانا قلت اللي بصحيه .. وضحى وين

حك شعره المبهذل وهو يدخل وأمه تتبعه – عند خواتها

عمشاء وهي ماسكة خشمها – حسبي الله ونعم الوكيل .. عمشاء

بتموت والسبه ذا الهباب اللي تشربه .. فهيدان والله ان ماتركته

ان اعلم ابوك وجدك

ألتفت عليها – لالا يمه وش فيتس .. تراني ماشربت امس

الكاس حق سيافوه الحمار انكب على لبسي

صرخت في وجهه – تحسبني ورع تلعب علي يالتسذوب

زفر بقهر – افففففففففففففففففف

عصبت عليه – لاتأفف اذلف تروش .. وامش ود ابوك جدك

صحى من غيبوبته

مط عينه – غيبوبه ليش جدي مريض

انقهرت عمشاء – خلف الله عليك ايه مريض بغى يموت ليته

انت وتريحني منك

عصب وهو يدور منشفته – هذا اللي فالحه فيه الدعاء

عمشاء – من حر ماأونس حسبي الله ونعم الوكيل .. الناس

أكلت وجهي كل العربان خابرة اللي تهفه .. هفيت سم

صرخ عليها – اوهوووووووووووووه علينا خلاص روحي

لاخلصت نزلت .. ماعندتس غير المحاضرات اللي فجرت

راسي ( دخل الحمام وسكره بقوه في وجهه أمه )

طلعت وهي تدعي له بالصلاح .. وان ربي يعين وضحى عليه

شافته يركض يركض يركض .. وهو ماسكها وتتعثر معه

وتطيح .. ويحاول يسحبها عشان ماأحد يمسكهم .. وهي

تبكي وخايفه وتصرخ فيه – بيمسكونا والله بيمسكونا

قالها بتصميم وهو يوقفها ويثبتها – ماراح يمسكونا لاتخافين

انتي بس ساعديني .. ساعديني نور .. ساعديني

ساعديني .. ساعديني .. ساعديني .. ساعديني .. ساعديني

ظلت تتكرر عليها هالكلمه كم مره .. وهي تفر راسها يمين

ويسار .. صرخت بقوه وصحت من حلمها .. وضاحي اللي

يساعدها .. نزلت دموعها .. وهي تتذكره .. قالت بتعب

واضح وشفايف مقطعه وريق ناشف – ساعدني ضاحي

تكفى ساعدني حبيبي

جاه التلفون وهو في المستشفى – مبرووووك تخرجت

صرخ بفرحه – احلف قل والله

قال صديقه – والله فارس والله .. ونسبه ترفع الراس

خذت 4,53 منت سهل والله

ناظر في الموجودين وهم منشدين للمكالمه – اليوم بطوله

كله أخبار زينه .. ابشرك جدي صحى

ضحك صديقه – والله مبررررررررروك تستاهلون سلامته

والحمدالله على السلامه

فارس بوناسه – الله يسلمك ,, مشكور بسام اردها لك

يالخوي

ضحك بسام – تردها لي تعشيني الليله

فارس ضحك – ان حصل عشيتك وفي اغلى مطعم بالرياض

بس ماقلت لي انت كم نسبتك

بسام بقهر – تحسبني دافور مثلك خذيت 3,60

فارس – زوينه

بسام – مااااااش بس يالله تمشي الحال

فارس – خلاص هالحين بندخل لجدي .. أكلمك شوي

بسام – اوكيه فمان الله

فارس – فمان الله

قرب منه سلطان وهو يضحك – نجحت صح مبرووووك

ضحك فارس – الله يبارك فيك

سلم عليه ضاحي – مبروك .. هاه كم جبت

فارس وهو مبسوط - 4,53 تقدير ممتاز

ضاحي – شاد حيلك مشاءالله

وصل في هالإثناء صقر ومعه ابو محمد .. علمهم فارس

بنجاحه ومبسوط .. الكل فرح له

صقر – منت بسهل ثرك

فارس ناظره بنص عين – قالولك فارس

ابو محمد اللي ماهب مركز معهم – وين اخوك بندخل على

جدك

فارس – تو كان هنا .. يمكن راح يشوف مرضى غير جدي

( طلع جواله ) بدق له هالحين

دق عليه وجاهم نايف – هلا جيتوا

ابو محمد – ايه دخلنا على جدك

أقبل ابو فهيد في هاللحظه .. قال نايف – يالله ادخله انت

وعمي بس هو ترا يقوم ويرقد .. يمكن يهاذي وماتفهمون

هرجته لاتخافون

ابو محمد – ماعليه

ابو فهيد – متى صحى ابوي

نايف – قبل ساعه .. مادخلت حدعليه .. لاتطولون في الجلسه

تراه بيتعب

ابو فهيد – زين زين

مشوا معه ودخلوا لقسم العنايه المركزه .. فتح الباب

ووقفوا يناظرون في ابوهم .. اللي صدره عاري .. والإجهزه

في صدره .. على طول نزلت دمعة ابو محمد وابو فهيد .. طلع

نايف عنهم ياخذون راحتهم

شاف فهيد معصب في وجهه قرب منه – وش فيك .. شكلك

مانت بمروق

فهيد يهمس له – امي مطلعه عيوني .. تخرب جوي .. ذبحتني

بنصايحها اللي مالها داعي

ناظر فيه – سياف وينه

فهيد – راقد في شقتك

عصب – انا كم مره قايل لحد يرقد فيها هااااااااااااه

انسمعت اصواتهم

صرخ فيه فهيد – وانا وش يخصني قله ذا الحكي انت

نايف – انت ملازمه اربع وعشرين ساعه عطال بطال شقتي

لعاد تجونها انا وزوجتي بنجي فيها

فهيد عصب – وليش تجيبها فيه خلها عند بيتكم

مسكه نايف – انا قررت هالقرار .. انا وحرمتي بنسكن شقتي

وانتم لموا قشيشكم واذلفوا

انقهر فهيد – لاتصير ورع وتسويها

مشى نايف ولحقه فهيد .. والجميع يناظرون فيهم

فارس هز راسه – يالله ثبتهم ياكريم

صقر ناظر فيه – امي درت

فارس هز راسه – لا بسويها مفأجاه لاوصلنا البيت .. وبسوي

حفله كبيره تخرجي وسلامة جدي

ضحكوا كلهم وقالوا – على القوه بو ضاحي

صقر بفرح له – ابشر بالهديه اللي تبيض الوجهه

استانس فارس – تكفى ابو ضاحي وش هي

طلع مفتاح سيارته الجيب لكزس أخر موديل .. فارس مط

عينه – من جدك

صقر ضحك – تستاهلها

سلطان – اجل انا مفأجتي بتعجبك .. بس ماهب الحين بعطيك

إياها في حفلتك

انحرج فارس – ماهب لدرجه خلاص عاد

ضاحي – كل تكاليف الحفله علي .. وحطها في أفخم إستراحه

في الرياض

ضحك فارس – خلاص لاتحرجوني

صقر ضحك – وش عليك اخوانك اربعه وضاحي وسلطان

ستتنا .. يعني هدايا نص جمله

فارس بفرح – ماتقصرون والله .. مير ماندري عن القعيطي نايف

بيعطي ولا .. من خشته تعرف ماوراه شي

ضحكوا كلهم

قربوا من ابوهم .. اللي عينه شاطحه لفوق وساكت .. وكأن

على راسه الطير .. حبوا راسه

ابو محمد – الحمدالله على سلامتك يابوي

وهو صامت لايتكلم

قرب ابو فهيد – طلعت من الشر إن شاءالله

وهو صامت لايتكلم

ناظروا في بعض منصدمين من صمته الغريب