الضـــياع،، هل هو ان لا تعرف الطريق الصحيح .. ام هل هو ان تحس انك وحيـد في مكان لا تنتمي له ،، هذا تماما كان احسـاس خالد..
كان يحس انه في مكان غريب عليه و بين ناس غريبه لا ينتمي لهم... خالد كان لابس بدله رسميه في حفله، كانت الحفله تضم انواع و اشكال مختلفه من الناس، رجال و نساء، كان الشراب و نساء بلباس فاضح في جهه قريبه، اشروا له يقتـرب، خالد خاف ،، الضعف كان سبب هو خوفه خاف يضعف، ابتعد عنهم ابتعد باسرع ما عنده بطريقه لا توحي انه خائف قرب من طاولات دائريه مصفوفه على شكل قوس و سحب له كرسي جلس مع مجموعه من التجار علشان يبدوا صفقتهم،، نعم صفقتهم و هي سبب وجوده في مكان مثل هذا: نبدأ؟ (Shall we begin?)
رد عليه واحد من الرجال و هو ينفث دخان سيجارته الكوبيه في وجههم بكل وقاحه معتاده منهم: ننتظر أشفورد!! ( we are waitimg Ashford
خالد: واين هو اشـفورد؟ (And where is Ashford?)
اشر الرجل لاشفورد اللي كان يراقص وحده بروحوهم في القاعه الكبيره: فتاه جديده!! ((New girl
خالد رفع عينه و توسـعت، اشفورد حوط يده الكبيرتين، يده القذرتين اللي لمست انواع و انواع من النساء حول بـنت شقرا لابسـه فستان احــمر منفوش مثل الاميـره، صرخ باعلى ما عنده: سااااااااااااارا!!!
ركـض خالد لهم وسط صدمه و دهشت الكـل، ارفع يدك القذره عنها........ قرب خالد اكثـر و كان على وشك يسحبها من اشفورد لما قبضوا عليه حراس اشـفورد: اترك ساااارااا؟؟؟؟
ردت البنت و هي تلتفت لجهته معطيته فرصه كبيره لتفحص وجهها : منو سارا؟ هااا يا خالد؟
خالد حس بالدم كله ينسحب من جسمه و نفسه انقطع لما انتبه على وجه البنت اكثر و على الشامه في خدها : هنااادي؟؟؟
اشـفورد حوط يده حولها و هو يبتسم بقذاره : سوري خالد!! انت اخذت مني حبيبتي سارا و الحين جا الوقت اللي اردها لك و طبعا باخذ حبيبتك منك !!
خالد حـس بالضعف و بالدموع تنزل من عيونه في اللحظه اللي ثبتوه فيها الحراس على الارض و يراقب هنادي تمشي مع اشـفورد بعيد عنه و دخلوا لغرفه و بدا الضحك.. خالد : لااااااااااااااااااااااااااااااااااااااااااااااااا اااااااا
-
-
-
فتح خالد عيونه بخوف و هو يتصبب عرق و يتنفس بسـرعه، التفتت جنبـه لقى هنــادي نايمه بهدوء و ايده حول صدره كأنها تبحث عن الامان، خالد تذكر اللي صار و زفر، بعد ما شافوا اشفورد هنادي ارتعبت منه و على طول ركبوا الطياره للسـعوديه، اول ما جلسوا نامت هنادي على طول، اضطر ساعتها خالد ينقلها لمقصورته الخاصه و يرتاح هو هما...
خالد مد يده بهدوء و خفه علشان ما يصحي هنادي سحب جهاز المناده و اتصل على الكابتن: كم بقى على الوصول؟
الكابتن: اربعون دقيقه سيدي!!
خالد قبل لا يغلق الجهاز: اوكي...
خالد التفتت لهنادي و هز جسمها الصغير برقه و خفه:هنادي!!
هنادي فتحت عيونها العسـليه ورجعت غمضتها بعد ثانيه: اهه ؟؟
خالد ابتسم على تصرفها الطفولي نزل راسـه و باس خدها بلطف، الشيء اللي خلها تفتح عيونها بقوه: خاااااااااااااالد؟؟؟
خالد بابتسامه: صباح الخيـر اميـرتي!!
هنادي كانت متنرفزه من حركته مع انها خلال شهر العسل طلبت منه ملييييون مره ما يكرر هالحركه، التفتت حولها وسألت: احنا وين؟
خالد رجع ظهره و تنسد على تاج السرير: الطياره، مقصورتي الخاصه..
تلفت هنادي و تأكدت انها نفس الطياره اللي كانوا فيها خلال رحلاتهم: ما شفتها المره الي فاتت!
خالد: لكن نمت اول ما صعدنا!! و تركتك لاني خفت اصحيك،، بس طبعا خلال القوت اللي قضيناه مع بعض عرفت اني ممكن وانتي نايمه اسـوي اشـــــــــــــيااااااء من غير ما تصحين..
هنادي حمرت بقوه : خاااااالد!!!
خالد و هو يحط يده على خدها: ياا قلب خالد!
هنادي نزلت عيونها لحظنها و قررت تغير الموضوع كالعاده حتى بعد قضت شهر كااااامل معه لحد الحين تستحي من كلامه: اه .. متى نوصل؟؟
خالد: مستعجله؟
هنادي بتردد: بصراحه.. أي .. اشتقت لاهلي!!!
خالد غمض عيونه و حط اصبع على جبهته: في كل الحالات لما نوصل بنروح لبيتنا نرتاح و نروح بكرا!!
هنادي بصدمه : مستحيييييييييييل انا مشتاقه لهنم كثير ... خالد تكفى ارجوك...
خالد فتح عيونه و بس ما حط عينه بعينها: هنااادي ما يصير تروحين لبيت اهلك على طول.. امي ايش تقول..
هنادي نزلت راسها و هي تقول في نفسها: و الدليل انها ما سلمت علي يوم صباحيتي و لا اتصلت او جاملتني بمسج طول فتره سفري!
خالد حط يده تحت ذقنها و رفع وجهها علشان تصير عيونها في عيونه: حبيبتيح لبيتكم على طول ا راح نوصل نسلم على اهلي و نروح لبيتكم على طول ولا ما تبين تاخذين الهدايا اللي شريتيها لاهلك معك؟
هنادي بردت فعل طفوليه: يووووو نسيت الهدايا اصلا انا لو ادخل البيت من غير الهدايا ، مها و منال يطردوني..
ضحك خالد على تعليقها، و فرح لانها نست سالفه اشفورد، و كان يتمنى هو هما ينساها، بس الظاهر انه شيء مستحيل..
جهاز المناده اشتغل و تكلم الكابتن : بقى نصف ساعه على هبوط الطائره يرجى من جميع الركاب العوده الى اماكنهم...
هنادي قامت من الفراش و بسرعه بس خالد سحبها مره ثانيه لحضنه: خالد الطياره بتنزل!!!
خالد بخبث: اصلا مافي في الطياره غير المضيفين و حرسي اللي ما تحركوا من مكانهم من اول ما صعدنا هم قصدهم !! يااااللي نايمين في العسل في غرفه النوم !! وقفوا شغلكم او خلصوا بسرعه و ارجعوا لمكانكم !! بس بطريقه لبقه..
استحت هنادي و ركضت للحمام بسـرعه تغسل و تلبس قبل لا ينزلون في الرياض..
-
-
-
في بيـت بوتركي و تحديدا في مكتب بو تركي كان في حديث و مشادات عاليه بين بوتركي و احـمد..
بوتركي بصراخ: انا كم مره قلت لك انســـى هالفكـره!!!!!!
احمد و هو يحاول يضبط نبرة صوتها و ما يعليها: مستحيل!!!
بوتركي عصب من رد ولده: المستحييييل هو اني اخطب لك وحده مثل هذي!!!!
احمد: ابيـــــهاااااااا..
بوتركي: ايش اللي تبيه فيها، لااااااا اصلا و لا سمـعه و لا فلوس فـوق هذاااا مشوهه!!!!
احـمد كان بيرد : انـ......
بوتركي: ما كفااني تركي اخوك و ولدعمك اللي ساترين على متحملين اخطاء العالم و ساترين على بنات بوسـعود الـ#######
احمد انقهر من الكلمـه: اســتغفر اله!!!!! يبـه ماايجوز هالكلام!!!!
بوتركي و هو يضحك: ههههههههههههههه منو يتكلم!!!! انت نااسي يااا محترم روحتي لبيت اللي ما تتسمى و طلبي يدها من ابوهاااااا معناها ايش؟؟؟؟؟؟؟؟؟؟؟ اعتراف صريح منك بان كل اللي صار لها بسببك!!!!!!!1
احمد: و هذا اللي انا ابيه!!!!!
بوتركي: وهذا اللي مستحيل اسمح فيه!!!
احمد: بس انا ابيها!!!!و راح اخذها لو ايش يصير!!!!!!!11
بوتركي وهو يراقب ولده اللي عطاه ظهره و مشى لجهت الباب: احمــــد!!!!
وقف احمد من غير لا يلتفت و اعطى ابوه الفرصه يقول تهديده: انا طلعت من هذا الباب و انت مصر على قرارك، لا انت ولدي ولا انا اعرفك و راح اظل طول عمري متبري منك و اخذ منك كل اللي عطيتك اياه..
احمد غمض عيونه و كمل للباب و هو يقول في نفسه: وهذا اللي هي تبيه!!!!
التفتت لابوه و عطاه نظره حزينه : مع السلامه يا يبه!
طلع احمد و هو تارك ابوه وسط صدمه كبيــــــــره ابدا ما توقع احمد بينفذ تهديده، كان كل مره يعيد فيها طلبه ينتهي النقاش عند هذا التهديد يوقف احمد بعدها .. الغريبه انه هالمره ما اهتمت حتى مع التهديد!!!!! و اصر على قراره..
كمل احمد طريقه خارج بيت اهله اللي عاش فيه سنين الى وجهه لا يعرفها، ومصير مجهول، كان كله في سبيل ارضاء ضميره و التخلص من الهم و الالم اللي عاشه الاسابيع الطويله الماضـيه، دخوله في الدين و التوسع فيه، حسسه ايش كثر كان قذر و منحط، كيف كانت حياته كلها لهو و اثام، و اللي اخرها كانت ســعاد اللي ناويه بدورها تنتقم لكل اللي أذاهم احمد او تسبب في اذيتهم...
الحوار اللي صار بينهم من شهر تقريبا حط خط فاصل و جديد بين حياته السابقه و حياته اللي قررها !!
قبل شـهر:
سـعاد: بس عندي شـرط!!!!
احمد: اطلبي اللي تبينه..
سـعاد: شــرطي هو ان ابوك و اهلك كلهم يخطبوني من اهلي و بشكل رسمي!!!!
احمد انصدم من طلبها: بس ااذا........
سعاد بسعاده: بس سويت هذا راح يعرف الكل بحقيقتك، وانك خطفتني!!!!
احمد و هو منزل راسـه: ادري!!! انا مسـتعد اوضح كل شيء لاهلك و اخطبك رسمي،، لكن ابوي ما راح يوافق!!!
سـعاد بخبث: وهذا هو المطلوب!
احمد: رفض ابوي هو المطلوب؟
سـعاد: شرطي هو ان تخسر اللي خسرت انا!!!! ان كنت فعلا تبي تتزوجني لازم يخطبني ابوك، و طبعا هو بيرفض فان ظليت على قرارك راح يعصب و احتمال يطردك من البيت و تخسر الثروه و المال اللي اعطوك الحق تتحكم في حياتي و حياة غيري!!!1 هذا هو شرطي واللي مستحيل اتخلى عنه الا في حاله تنال ابوك العزيز و خطبنيو اعاد لي اهلي و شرفي بدل لا تفقدهم انت!!!!!!!
احمد انصدم من ردها و القسوه اللي تملكتها طلع من غرفتها بهدوء و بدأ رحلته في سبيل تحقيق شرط سعاد اللي انتهى في النهايه بالرفض.. وتحقق مطلبها!!!!-
-
-
-
حبيبي .. حبيبي
حبيبي صباح الخير .. صباحك ورد وفل ولوز
يا عمري صباح النور .. يالله اصحى غنت فيروز
الشمس طلعت يا زين .. وانته مغمض العينين
من تصحى تشرق ع الدنيا .. مو شمس واحده شمسين
حبيبي .. حبيبي .. حبيبي .. حبيبي صباح الخير
---
طول الليل اتأمل وجهك .. وما تقبل هالعين تنام
نريد نشوف عيونك اصحى .. صرنا نغار من الأحلام
الشمس طلعت يا زين .. وانته مغمض العينين
من تصحى تشرق ع الدنيا .. مو شمس واحده شمسين
حبيبي .. حبيبي .. حبيبي .. حبيبي صباح الخير
---
اتحجج واتحرك يمك .. متقصد اطلع اصوات
حتى تحس بيا وتصحى لي .. واخذ بوسات وشمات
الشمس طلعت يا زين .. وانته مغمض العينين
من تصحى تشرق ع الدنيا .. مو شمس واحده شمسين
حبيبي .. حبيبي .. حبيبي .. حبيبي صباح الخير
صحت على رائحه العود اصوات حركه غريبه، فتحت عيونها و ما لقت عيونه قدامها، تنهضت من فراشه و شافته عند المرايا كان لابس ثوبه و يحاول يركب الكبك..
هنادي في نفسها و هي تراقب وسامة زوجها الكبيره: يجنن!!! بس راح اشتاق لشكله بالجنيز!!!!!!!1
قامت من فراشها و ركضت لجهته: على ووووين؟؟
التفت خالد لها و ابتسم: بسلم على امي و بعدها بروح للشركه..
هنادي عبست بشكل طفولي، وصلوا للبيت الفجر و الكل كان نايم قرروا ما يزعجون احد و صعدوا لجناحهم يكملون نومتهم و صحوا على الظهر: سلم على امك بس لا تروح الشركه.
خالد ابتسم و حط يد على كل خط: حبيبتي، ما اقدر!!! صار لي شـهر مهمل الشـغل، ورامي كل شيء على راشـد المسكين...
هنادي: من اللي قال انك رميته عليـــه!!!! اصلا هو كان يكلمه 24 ساعه،،، احســـه زوجتك الثانيه مو وكيل اعمال.
خالد ضحك على تعليقها و ضرب جبهتها بخفه: شعور متبادل ، حتى ريم و اسماء كانوا مضايقيني!!
هنادي تحركت اصابعها لا اراديها للكبك و بدت تلبسه اياه برقه و هدوء: بس انت لازم ترتاح..
خالد سحب يدها الناعمه لشفايفه و باسها: راحتي في شغلي، ولا تنسي ان زواج تركي و اسماء بقى عليه ايام و لازم افرغ له جدوله..
هنادي ابتسمت على تذكرت الشغله وببساطه ردت: اوكي..
خالد نظر لها بخبث: الحين راحتي ما عادت مهمه لما جبت طاري اسوم و تركي...
هنادي ضحكت عليه: انت اللي تبي تروح..
خالد رد عليها بابتسامه غاضبه: المهم بتنزلين معي؟
هنادي: لا برتب اغراضي و بعدها انزل.
خالد: اوكي وانا ببلغ الشغالات يجهزون لك فطور..
هنادي ابتسمت له ببراءه و خالد ما قدر يقاوم طبع بوسـه سريعه على شفايفها و طلع مستعجل تاركها مصدومه وراه..
-
-
-
-
في مدرسـه اسماء:
كانت الصدمـه موجوده في اغلب اقسام المدرسه و اغلب مدرساتها اللي عزمتهم اسماء على العرس، و طبعـا في مدرسات تجاهلتهم اسماء و ماعزمتهم للعرس خل يموتون قـهر...
نـاديـه: مستحيييييييييييييل ما اصدق.. اليوم اول ما صحيت من النوم قعدت اقنع نفسي انه كان حلم!! كااااابوووس !! أي شيء بس يبعدني عن فكرة ان اسسييمووو الدبه بتتزوج تركي الـ... المليونير المزيون!!!!!!!
دلال بعصبيه اكثـر: انا لماااا سمعت ان اختها تزوجت خالد الـــ انصدمت بس بعدها اقنعت نفسها انها حلوه و اكيد ماخذها تسليه ...... لكن اسيموووووو!!! مستحيل لا جمال و لا أي شيء ثااااني!!
ناديـه: تصوري!!! تركي ولد عم عبير!! يتزوج اكبر اعدااااااائي!!!
دلال باستغراب: عبير؟؟
ناديـه: أي عبيـر الـ... اللي كانت في قروبنا لما سافرنا ماليزيا السنه اللي فااتت!!
دلال بتذكر: اهههههه عبير ذكرتها!! ......... هذي المليونيره تصير لخطيب اسماء!!
ناديه: مو بس كذا تصوري انه كانت زوجته و انفصلوا من سنين!!
دلال: حراااام ماعاد عبير حبوبه ما خلت شيء الا وشرته لنا..
ناديـه: لا وبعد علمت القروب لاماكن ما كان يعرفها و ماكنا بنشوفها لولاها!!
دلال: حرااااام وحده مثلها تقهرها اسيمووووو و تاخذ رجلها!!!
ناديه: لحد الحين عندك رقمها!!!
دلال أي عندي ليش؟
ناديـه: بصراحه انا احب عبير و ناويه اقدم خدماتي لها في سبيل ان العمى زوجها يرجع لها و يترك الشيفه اسيمووو..
دلال: كيف؟
ناديه: اتركي الموضوع علي..
-
-
-
انتـهت هنادي من ترتيب اغراضها في خزانتها و جهزت الاغراض اللي بتاخذها لاهلها سواء كهدايا او غيره من الاشياء اللي ما تبيه احد يشوفها عندها ... كانت اشياء محرجه اشتراها خالد لها من ايام التجهيز،، اكيـد اسماء بتفرح فيهم...
كان وقت الغدا تقريبا قررت هنادي تنزل و تسلم على خالتها و اهل البيت، ترددت تنزل بروحها، خايفه من هيفاء مع انها ما سوت شيء غلط في اخر لقاء بينهم بس حركتها كانت جريئه كان قصدها لا تنسي اني زوجته هما،، وعبير هذي اللي لحد الحين ما شافتها، ما جت الملكه صحيح كانت موجوده في العرس بس شافتها عدل و لا عرفتها....
لبست هنادي فستان اصفـر لنص الساق بشرايط حمرا ربطت شريطه حمراه بشعرها سحبت معها كم خلصه و نزلت الباقي بعد ما موجت اطرافه، حطت شدو سلفر و كحل اسـود و قلوس احمر و قررت تنزل لهم..
نزلت و هي خايفه من المواجهه لكن انصدمت من هدوء البيت و كان مافي احد .. ما عرفت ايش تسوي فقررت تنادي على جانيت رئيسه الشغالات..
هنادي بصوت مرتفع: جاااانيت!!!
ركضت جانيت لجهتها و هي مصدومه: يس مدام في شيء؟؟؟؟؟؟؟؟؟
هنادي باستغراب: ليش خايفه...
جانيت: لانك كنتي تصرخي!!!
هنادي: أي كنت بناديك!!!
جانيت: ليش ما ضربتي الجرس وانا اجي!!
هنادي: جرس؟
جانيت طلعت رمونتكرنترول فيه ازار بارقام: لكل وحده من الشغالات رقم معين، اول ما تضغطيه تجي على طول!!
هنادي: اهاااا ما كنت اعرف!
جانيت بابتسامه: مافي مشكله مدام هنادي!! كنتي تبين شيء؟
هنادي وكانها تذكرت: أي وين خالتي ام خالد و الباقي؟
جانيت و عليها نظره غير هادئه: ما في احد الكل راح المزرعه!
هنادي انقهرت في داخلها شوي بس ما حبت تبينه لجانيت: اوكي انا بروح غرفتي.....
مشـت هنادي شوي بس بعدها التفتت و كانها تذكرت شيء..: قولي للسايق يتجهز انا بطلع!!
جانيت : اوكي مدام!!
ركضت هنادي ببراءه على الدرج بما انه في نظرها مافي احد مافي داعي انها تتصرف بهدوء وعلى غير عادتها..
-
في جناح ام خالد، كانت ام خالد تراقب من الزجاج العاكس هنادي و هي تطلع من البيت مع مرافقتها و تركب المايباخ ..
ام خالد بعصبيه: شااري لها مايباخ خاصه فيها!!! بعد
هيفاء كانت جالسه عندها و تبرد اظافرها: قلت لك ساحرته، شفتي شلون عصب لما سالناه ليش ما نزلت تسلم معك!!!
ام خالد و هي تقلد نبره ولدها: يعني الوااااااحد ما يرتاح!!!!!!
هيفاء زفرت بقهر: اما ساحرته او لاعبه عليه!!!!
ام خالد: اففففف اصلا ما في غير هذا!! ولا خالد ولدي العاقل يتزوج عليك بنت عمه المزيونه !! وحده مثل هذي!!!
هيفاء كملت: وحده تركض بالبيت بهمجيه و تضرخ على الشغالات و كانهم عبيد عندها !!!! وحده راح تجيب العار لهذي العايله و تخلي العوائل اللي غارت منا سنين تتشمت فينا..
ام خالد: ان لو ما كنت خايفه على خالد يزعل ما كنت راح اروح لا عرسه ولا ملكته.... هذا ولدي الغالي يا هيفاء و ما اقدر اغامر بخسارته!!!
هيفاء بابتسامه هادئه: تطمني يا خالتي مثل ما تزوجها بارادته راح يطلقها بارادته، المهم نستمر بالخطه اللي اتفقنا عليها!!..
-
-
-
في بيت بو سـعود و تحديدا في غرفه سـعود اللي صار سـفره قريب، و تحديدا بعد يومين من عرس اسماء، سعود كان يتأكد من الاشياء اللي ناقصته علشان يروح يشتريها لما وصله المسج..
ربـي يحفظك و يحميك من كل شـر ...... طول غيابك زاد ان شاء الله تكون بخير و ترجع لي و تعوضني كل اللي فات...
سـعود صاحب القلب الطيب تقطع قلبه من كلامها... الرقم الغريب واللي كان ماسي كان من فتره يرسل له مسجات.. في البدايه كانت عباره عن دعاء عصـر الجمعه و الاثنين و اذكار و فضائل اليومين،، و مع استمرارها كانت توصله محاضرات دينه من الرقم،،، ظن في البدايه انها خدمه لكن هذي المسجات تحولت بعد فتره الى مسجات عتب و الم،، على الفراق.... استنتج سـعود منها ان صاحبه الرقم كانت ترسل لشخص تحبه مسافر بره و قبل لا يسافر وعدها بالزواج و هي ظل قلبها متعلق فيه و ترسل له بكل ادب رساله تتطمن فيها عليه و تحتوي في نفس الوقت شوقها و حبها له..
سـعود لما فهم الموضوع بطريقته ما حب يرد و يبلغها انها غلطانه و انه كان طول الوقت يقرا رسايلها لحبيبها في الوقت اللي كانت فيه تظن ان حبيبها يتجاهلها.. قرر يتركها على حالها و يقنع نفسه انه ماهو خسران شيء،، لكنه في نفسه كان ما يبي هذا الشعور اللي كان يشعر فيه لما يقرا رسائلها يتوقف...
-
-
في الطابق السفلي كان الوضع مختلف حييييييييل اسماء كانت في قمه غضبها...
اسماء: اطلعواااااااااااا براااااااااااااااااااااااااااااااااااااااااااااااا اااااااااااااااااا
مها ركضت لها و مسكتها و هي ترمي الاشياء اللي قدامها بعنف في الغرفه: هدي شـويي اسماااء!!
اسماء وهي لسة معصبه: شلووون تبيني اهدااا ما تشوفين شنووو جايبي لي!!!!!!!
دانه و بدور و اسرار كانوا زايرين اسماء يباركون لها قبل العرس و جايبن لها هدايا..
دانه: ليش ايشفيهاا هدايانا مو عاجبينك..؟؟
بدور بنفس نبره دانه: و لا يمكن ماهي من مستواها!!!
اسرار قررت ما ترد ما كانت ناويه تشترك معهم بهذي المهزله بس دانه و بدور اجبروها علشان يجننون اسماء..
منال: اسوم حبيبتي هدي شـوي Take it easy!!
اسماء: مسحيتييييييييييل انت تشوفين ولا عميه وحده جايبه لي كتاب "قاتلات الازواج" و وحده جايبه لي كل اجزاء مسلسل" الزوجات اليائسات" و الاخيره اللي عبالي انها عاقله (اسرار) جايبه لي ادويه مضاده للاكتئاب لا وبعد مكتوب مخصص للزواجات الغير سعيدات!!!!1
بدور و هي تهمس لدانه بصوت مسموع لاسماء: بصراحه معذورين قاعدين نشوف مستقبلها المشرق!
ودانه بدت تضحك: هههههههههههههههههههههههههههههههههههههه
اسماء كانت بتطقها بس مها ومنال مسكوها: ياااا قليلاااات الادب حتى حريم الحق متولي ( مسلسل الحق متولي المصري للي يعرفون )) هداياهم لشريكتهم كانت ابرك منكم!!!!!!!!!!
دانه: ههه انا كنت قايله خل نجيب لها باروكه و نعال و ادويه للجرب احسن ما طعتوني ههههههههههههههههههه
اسماء: بعد!!!!!! اطلعوا برااااا
مها: اسماء حدك عاد لهني وخلاص، صديقاتي ما ينطردون!!!
اسماء: امحق صديقات..
بدور: حلوووين و نهبل... احسن منك الله يعينك يااا تروك عليها!!
اسماء بدت تصارخ وترميهم بهداياهم لما ... مر سـعود من ورا الباب المسكر وسمع صوتهم... : ليش الصراااااااااااااااااااخ!!!!!!
اسرار شهقت لما سمعت صـوته وهي تقول بنفسها: يارب يتهور و يدخل بالغلط يارب يدخل..
منال قررت تتصرف: مافي شيء سـعود!! كنا نلعب !!!
ارتاح الكل لما شافوا ان ظل سـعود تحرك لبعيد عكس اسرار اللي ضاق خلقها انه مشى و ما دخل...
ثواني و انفتح الباب بقـوه: مفااااااااااااااااجـاه
انصدم الكل و مدت اسماء و بدور ايدهم لطرحاتهم بيتغطون اما اسرار ما تحركت على فكرهم انه سـعود قرر يدخل متجاهل ان صديقات خواته موجودين!!
الصدمه تبدلت ابتسامه امتلت الوجوه لما انتبهوا منو الشخص اللي دخل..
اسماء و منال و مها : هنووووووووووووووووووووووووود
ركضـوا كلهم كل وحده لجهه و حضت اختها اللي اشتقت لها : وحشتووووني!!!
اسمــاء: انتي اكثر ياا قلبي!!!!
بدور و دانه و اسرار قربوا و سلموا عليها و هنا انتبهت مها على شيء: هنوود ايش هالعبااايه الكشخه؟؟
هنادي كانت لابســه عبايه راس لكن كانت مشـغوله بكريستال ذهبي على الاطراف و نازله منها شرايط ذهبيه منثور الكريستال عليها من ورا الذيل..
هنادي ابتسمت لها: طلبها لي خالد من محله في الامارات عاجبتك؟
مها بتهور: اييييييي عطيني اياهاااااا
منال: بس انا ابيــــــهااا بـعد!!!!!!!!!!!!
مها سحبت العباه من هنادي و قعدت تركض وهي ماده لسانها لمنال: لاااااا انا شفتها اول و انا اخذهااااااااااا
منال: بس انا اكبـــــــر منك ولازم تطيعيني!!!!!1
مها : لاااا اصلا التوأم مافي شيء بينهم اسمه اكبر و اصغر وما راح اعطيك اياها..
وظلوا يركضـون و صديقاتهم يشجعونهم و يراهنون منو اللي بيفوز ...
اسماء سحبت هنادي معها و ركضت لغرفتهم و قفلت الغرفه: ابي اعرف كل شيء و بالتفصييييييييل!!!
هنادي حمرت صحيح هي مو من عادتها تخبي شيء عن اسماء بس سؤالها كان جدا محرج: امممم ااي امي وينها؟؟
اسـماء عصبت لانها غيرت الموضوع و ردت ببرود: راحت السوبرماركت!!
هنادي تلفتت حولها: اههه.... تصدقين وحشتني غرفتنا!!
اسماء عصبت زياده: هنااااااااااااااادي!!!!!!!!!!!! ليش تتجاهلين سؤالي!!!!!!
هنادي بخوف و هي تصطنع البراءه: أي سؤال!!!!!!!1
اسماء : حبيبتي انتي الحين صاحبه الخبره و من واجبك تعلمين اختك عديمه الخبـره؟؟
هنادي: أي خبره؟
اسـماء بخبث: انتي اتعرفين أي خبره!
هنادي حمرت كثير و نزلت راسها حييييييل: ا.. ان.....
اسماء ما تت من الضحك: ههههههههههه شكلك يهبل انا متأكده لو كان خالد موجود الحين ما كان راح يقدر يقاوم!! على طاري خالد هو اللي جابك؟
هنادي : لا السواق و المرافقه!
اسماء: وليش ما جا هاااااااااااا؟؟؟
هنادي: راح للشركه يقول مسكين تروووك كل شي على راسـه..
اسماء بشهقه: وه فديته !!!
اسماء قربت منها و قرصتها: اييييييييييييي
اسماء: احسـن تستاهلين انتي و السيد خالد قاعدين شــــــــهر براااه عايشين في العسل و تونسوون اعماركم و حبيب البي تروك الشغل ماخذ كل وقته حتى اتصالاته قلت بسبتكم!!!
هنادي: ماهو ذنبي ثانيااا خالد قال انه بيفرغ جدوله علشان تسافرون شـهر العسـل !
اسمـاء بفرحه: وناااااااسه... انا بطلب منه يوديني كل الاماكن اللي رحتي لها من غير استثناء..
هنادي : بس يا اسـوم ....... ( وقفت هنادي و كانها تذكرت شيء..... تذكرت اخر محطه لهم و الرجال العجوز و طريقه كلامه معها )
اسماء بخوف: هنادي ايش فيك؟
هنادي حاولت ما توضح لاسماء اللي فيها، وابتسمت: مافيني شيء خل نزل يمكن امي رجعت..
اسـماء حست ان اختها فيها شيء لكن ما حبت تضغط عليها و عدت الموضوع اكيـد بتقولها عاجلا ام اجلا.. قررت تغير الجو اللي توتر و قرصت خد اختها : ناااااااااااااااااعمين حلوين للبوس صح.......... ما قالك خالد هذااا؟؟؟
هنادي حمرت من كلام اختها و لحقتها على الردج، كانوا يتسابقون بتهور لما...، ام سـعود: هناااااااادي؟؟
وقفت هنادي مطاردتها لاختها و ركضت لجهة امها و رمت نفسها في حضنها: وحشتيييييييييييني
ام سـعود: انتي اكثـر يااا بنتي، شلونك حبيبتي!!
هنادي بدموع حاولت ما تظهر: الحمد لله زينه بشوفتكم ،، انتي شلونك يا الغاليه.؟؟
ام سـعود: الحمد لله.......... بشريني رجلك شلونه، ليش ما جا معك؟
هنادي: زين، راح الشـغل علشان ما يتعب تركي اكـثر و بيمرنا بعدين...
ام سـعود: حيا الله في أي وقت....... هنادي اسماء ايش سوت لك علشان تركضين وراها كذا؟
هنادي حمرت و ماردت:........
فقررت اسماء تتدخل و تفك اختها من الموقف المحرج: عادي يمه كنا نلعب.
عصبت ام سعود لفت على بنتها: لا اشوفك تسوين مثل هالاشياء مره ثانيه ...
هنادي بخوف و استغراب: ليش؟
ام سعود: لانك ما عدتي بنت و ممكن تكوني في أي لحظه حااامل..
هنادي حست الدنيا تدور فيها ووجها ولع نار من الخجل في الوقت اللي كانت فيه اسماء و مها ومنال اللي دخلوةا الغرفه بعد ما طلعوا صديقاتهم يضحكووووون، مهاااا: خخخخ شلون حامل لووو؟؟
منال: بصراحه اسماء عادي اتخيلها ام هنادي لاااا ههههههه
حمرت هنادي زياده في الوقت اللي عصبت فيه ام سـعود: وليش ما تكون حامل هااا؟؟؟ ماهي حرمه عند رجاال؟؟
اسماء حست ان هنادي راح يغمى عليها في أي لحظة ركضت لجهتها و سـالتها بضحك: هي يا زوجة المليونير قصدي الملياردير ووووووين هدااايااانا؟؟؟
مها ومنال و كانهم ذكرواا: ايي يااا حلوه وين هدايانا؟؟ لا تقولين نيسيتهم؟؟
هنادي حمدت ربها على انقاذ اسماء لها في مثل هالموقف اللي ما اعتادت عليه: ثواااني،، مليســااا (( مرافقه هنادي )) طلعت مليسا من المطبخ اللي دخلت من اول ما وصلت هنادي: نزلي الاغراض اللي في السياره..
هنادي بدت توري كل وحده الاشياء اللي شرتها لهـا ارتسمت البسـمه على وجوه الكـل و فرحوا اولا برجعت اختهم الغاليه و ثانيا بالهدايا لســــــاعات غير طبعا الصور اللي كانت توريهم اياه بكاميراتها ..
مها: واااااااااي خالد يجنن انا لو انه زوجي اظل لاصقه في طول اليوم من غير ملل..
منال: خخخخ لا يا عيوني لو انه زوجي انا كان سـويت اشياء و اشياء من غير تردد خخخخ
اسماء: ووووووع تروك حبيب البي احلى منه الف مره..
مها: نعم مالت على تروك الشايب ثانيا انتي ايش هالغرور اللي نازل عليك من اخذتي تروك هذا الشيفه!!
اسماء : منووو الشيفه..
منال: انتي و زوجك ههه..
اسماء نقزت بتطقهم بس وقفتها هنادي: بـــــس وثااانيه انا ما اسمح لكم تتكلموون عن زوجي مره ثانيه كذااا
مهااا: واااي تكلمت الثاانيه ههه
ام سـعود قطعت الموضوع: هنادي ما كأن زوجك تـأخر؟
هنادي شافت الساعه و انصدمت ان الوقت تأخر و طبعا هي ادعت انه من العجله نسـت موبايلها في البيت فما تقدر تدق عليه و الحقيقه انها ارسلت له رساله تقول فيها انها بتنام عند اهلها.: شكله ماهو جاي بعاقبه و بنام هناا..
ام سـعود عصبت من ردها: لاا يا هنادي ما يصير..
هنادي: بس يمـه...
ام سـعود: من غير بس،، خالتك ايش تقول.. وحتى ان كان خالد يحبك ما يصير تتركينه و تنامي في بيت اهلك و انتوا توكم متزوجين..
هنادي قررت تتحجج باي شيء ما تبي ترجع البيت: بس انا ما شفت سـعود..
ام سـعود: سـعود رايح يسهر عند ربعـه و ما راح يجي الا متأخر.. البسي و روحي لبيتك...
هنادي: يعني لبسي ماهو زين؟
ام سـعود: لا مافيه شيء بس لازم ترجعين لزوجك بشكل غير اللي شافك فيه..
ظهرت نظرت حزن سريعه على وجه هنادي لثانيه انتبهت لها اسماء بس قبل لا تتبدل بابتسامه: ان شاء الله
صـعدت اسماء و راها و لقت هنادي تطلع لها قميص برتقالي و مع جينز..
اسـماء: تقدرين تخبين عن الغبيات و عن امي بس ابدا ما تقدرين تخبيني عني شيء هنادي انتي فيك شيء!!
هنادي: مافيني الا العافيه بس..............
اسمـاء:بس ايش؟
هنادي غمضت عيونها بحزن: خالتي تتجاهلني!!
اسمـاء انصدمت: نعم؟؟
هنادي: قبل لا انسافر رحت بسلم عليها قالوا لي انها تعبانه و نايمه و انا كنت متشوقه اشوفكم فما اصيرت اليـوم لما نزلت لها لقيت الكل طالع المزرعه و تاركيني في البيت لحالي مع الشغالات... ما قدرت اتحمل و جيتكم اغيـر جو.... اصلا انا ملاحظة انها كارهتني من يوم الملكه
اسمـاء قربت من اختها و ضمتها: ما عليك منها... هذي حرمه كبيـره و شيء طبيعي تزعل منك و تنحاز لزوجة ولدها الاولى و اللي عايشه معها اكثر من خمس سنين..
هنادي: ريم قالت لي نفس الشيء ...
اسماء بتأفف: وايش قالت ريم بعد..
هنادي: تقول ما عليك منهم ،، اهم شيء رجلك يحبك و الباقي مصيرهم متقبلين وجودك عاجلا ام اجلا..
اسماء ابتسمت وهي تحضنها مره ثانيه: وانا اقولك هما نفس الشيء........ و الحين لازم نزينك!!!
هنادي استغربت: نعم؟؟
اسـماء: ياا حبيبتي هي تتجاهلك علشان ما تقهر زوجة ولدها .. بس احنا نقدر في وقت واحد نحببها فيك و نقهر هذي هيفاء............
هنادي وهي تتصور ان لو اسماء هي اللي صديقه ريم كان صاروا ثنائي خطير على المجتمع: شلون؟
اسماء بضحك: انا اعلمك!!!
-
-
-
-
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!