رواية لا تغيرت قل لي دنيتي وش تكون ! جثةٍ و إدفنوها داخل ترابها الفصل السادس عشر 16 - بقلم Misoo

صـداع الم في المعده ثقل في الجفون .... الخ من الاوجاع كان اللي تحس فيه هنادي اول ما فتحت عيونها بعد ليله طويله كانت نومتها فيها عباره عن غفوات ما تدوم اكثر من 10 دقايق، انتهت بنومه شبه طويله من الساعه 9 الى الساعه 10، حسـت هنادي بحريه من جهه خصـرها، ايد خالد اخيرا اطلقت سراحها ، حركت هنادي عيونها و بعدها وجهها للجهه اللي جنبها و مالقته في المكان اللي ما فارقه طول الليله السابقه,,
هنادي: افففففففف و اخيرا
بعد ثواني عرفت هنادي السبب او الشيء اللي صحاها من نومها القليل، في جرس للجناح و احد كان يضربه من فتره، من غير تفكير سحبت هنادي روب قميصها اللي كان المفروض تلبسه و بعد ما ربطته مشت للباب استغرب هنادي من وجود شاشه جنب الباب تعرض الاشخاص الموجودين على الطرف الثاني..هنادي في نفسها: لهدرجه خالد حذر حتى في بيته..
فتحت هنادي القفل الالكتروني اللي شافت خالد يقفل الباب فيه و القفل العادي، ما كانت عارفه اللي ورا الباب بس من لبسهم الموحد عرفت انهم الشغالات..
هنادي بعدت عن الباب و سمحت لثلاث شغالات بالدخول، الشغاله اللي في المقدمه: صباح الخيـر مدام، انا جانيت رئيسه الخدم في البيت، وهذي جوزي و ميرنا المسؤولات عن خدمتك الخاصـه.
هنادي بابتسامه تعبر عن سعادتها بشيء في حياتها ما حملت يتحقق: اهلا وسهلا.
.................: بصراحه طلبت منهم يحضـرون الفطور لكم لاني متأكده اكيـد جوعانه..
انصـدمت هنادي لما تقدمت صاحبه الصـوت، الانيقه الجميله ... الطوييييييله .. وقربت منها و سلمت عليها
هـيفاء: الـــــف مبروكـ ... انتي ما تعرفيني بس انا اعرفك زين
هنادي كانت عارفه منو هيفاء بس كانت الصدمه مانعتها من الرد/ هيفاء: انا هيفاء بنت عمـك زوجـــك .... و زوجته الاولى..
هنادي ابتسمت لها و هي منزله راسـها: اهلا وسهلا..
لما نزلت هنادي راسـها انتبهت هيفاء اللي كانت منقهره ان هنادي طالعه لهم بروب القميص،، ان هنادي كانت لابسه الروب على بيجاما..، هيفاء في نفسها: الظاهر انه ما صار شيء و انا اللي حاره عمري طول الليل ...
هيـفاء و هي تأشر للشغالات : جهزوا الفطور على الطاوله..
هنادي ما كانت ابدا مستعوبه اللي قاعد يصير هيفاء تتصرف معها على انها ضيفه و ماهي أي ضيفه!! ضيفه مهمه جداااااااا،، اشرفت على ترتيب الاكل على الطاوله بطريقه انيقه و اهتمت باشياء بسيطه الورود و طريقه وضع الاكواب، جهزوا كل شيء و استأذنوا هيفاء بالانصراف، وقفت هيفاء في انتظار انظمام هنادي لها قرب الطاولة، هنادي كانت خايفه من اول لقاء لها مع هيفاء المره اللي سرقت منها زوجها و انها بتسبب لها مشاكل مالها اول و لا اخر بس طلع خوفها و كل اعتقداتها خطأ.
ابتسمت و قربت منها : مشكوره، ليش تعبتي نفسك..
هيفاء و هي تتأمل الغرفه : مثل ما قلت لك، كنت اظنك جوعانه لاني ليلتي عرسي من الحيا ما اكـلت شيء بس اللي اشوفه شيء ثاني..
هنادي انحرجت لما شافت اطباق الاكل اللي طلبها خالد بالليل في مكانها و العلب مرميه بطريقه مهمله: أه اه ...
ابتسمت هيفاء بطريقه خبيث لما سمعت صـوت باب غرفة النوم يتبطل: عادي حبيبتي مايا اختي دايما ترمي الاكل بعد ما تخلص منه مثل الاطفال (( ضحكت و هي تقول) اراهن ان غرفتك في بيتكم ما هي مرتبه مثلها هههههه...
هنادي انحرجت و نزلت راسها في نفس الوقت، خالد: هيفاء..؟؟
هيفاء ابتسمت لخالد اللي كان لابس بنطلون بيجاما بس و حاط فوطه قصيره على رقبته يسمح بطرفها شعره المبلل، مشت ناحيته بكل ثقه و هدوء وهي تتميل بجسمها الطويل و عطت خالد حضنه سريعه : الف مبـروك يا الغالي...........
حركت وجهها قريب من خده و همست بصوت مسموع لهنادي قبل ما تطبع بوسه على خده: وحشـــتني!!
بـعدت هيفاء عن خالد المصدوم من تصرفها و مشت لجهه الباب التفتت و على وجهها نظره برئيه و هي تقول: اه نســيت منــــك المــــــــــــــــــــــــــــــــــال و منــــــــهاااااااااا العـيييييييييييييييييييييييييييييييييييييييياال (( وشددت على كلمت العيال ))
هنادي ما تدري لي قلبها قعد يعورها و هي تراقب هيفاء من مشت لخالد لحد ما طلعت من الغرفه و النظره المثيره و الابتسامه ما غادروا وجهها.. ما قدرت تتحمل اللي يصير قدامها مشـت لغرفه النوم بعصبيه و بسرعه، خالد: هنادي..
هنادي تجاهلت خالد و كملت للغرفه بس وقفتها يده اللي مسك زندها فيها: اكلمك؟
هنادي و هي ما منزله راسها : ايشتبي؟؟
خالد و عيونه متوسـعه من العصبيه: ليش معصبه؟
هنادي كانت مقهوره من تصرف هيفاء حتى و ان كانت زوجته ما هو من حقها تسـوي شيء مثل هذا قدامها في اول يوم لها معه : ماني معصبه، بس تعبانه و برتاح!!!
خالد شدعلى يدها و عاد بهدوء نظرته ما فارقتها : هنادي!!!!!!
هنادي حاولت تسحب نفسها منه: اتركني!!
خالد تمسك فيها و عاد اسمها لكن بنبره اعلى و اغلض: هنااااادي!!
هنادي صار صوتها احد و اخفض: ارجوك اتــــركني.....
خالد مد يده الثانيه لذقنها و رفعه لفوق و في اللحظه اللي صارت عيونها في عيونه حس بدموعها تنزل على ايده، وشفايفها تهتز واتمتم باحرف غير مفهومه، حس خالد لحظتها انها مقهوره في نفسـه: هيفااااااااااء
سحب خالد هنادي بيده اللي ماسكه زندها لحضنه وضمها لصدره، لو بيده حوطها بيده و خباها عن الدنيا كلها...
خالد و هو يحس بدموعها على صدره العاري: هنادي....... لا تهتمي لها،، بالنسبه لي انتي اهم مليون مره منها..
هنادي تذكرت كلمتها (( منها العيـــال)) وخافت : بس...
خالد مد اصبعه لشفايفها: اشششششش... انسي اللي صار و تذكري انك بس الاميـره اللي سكنت في قلبي من اول مره حاطت عيني عليك...
هنادي ابتسمت رغم الدموع اللي تنزل من عيونها و حطت عيونها في عيونه، خالد كان محاوط يده حولها بقوه و بحذر كانه خايف على جسمها الصغير يتكسر من قوه جسمه الضخم.. حمرت خدودها يوم حست ان نظرتها له طولت ونزلت عيونها: ممكن تتركني..
خالد بابتسامه: افطري اول..
هنادي بخجل: ابدل و اتروش اول...
خالد : اوكي اجل خذي راحتك وانا بنتظرك..
هنادي: مافـي داعي..
خالد: لا يا عمري شلون تبيني افطر و فاتح الشيهه ماهو قدامي..
هنادي بنصف ابتسامه: اجل انتظرني...
كانت في طريقها للغرفه بس هنادي رجفت لما سـحب خالد خصلها من شعرها الطويل و قربه من شفايفه و قال قبل لا يطبع بوسه عليه: ممكن تفتحين لونه؟
هنادي: بس انا مفتحته؟
خالد بعيون تفكر في شيء ثاني: ابيه فاتح، خصل ذهبيه طويله و مموجه اطرافه ..
هنادي توسعت عيونها من طلبه: ليش؟؟
خالد بابتسامه سحرتها: احسـك بتكونين احلى من الحلى اللي انتي فيه ان صار ذهبي، ابيك تكونين جمييييييله جمال يحطم كل حاسد و حاقد عليك، جمال يأسرني لما انظر له و ياخذني لعالم اكون فيه اسيـر تحت رحمت عيـونك يا قلبي..
هنادي داخت و وقف قلبها كلامه، ابدا ما تعودت على الكلام الحلو و هالمره الكلام ينقالها شيء ما هو طبيعي..: ا ان .. شــ...ــاء اللــه في اقـــ...رب فرصـــ...ــه
خالد بابتسامه تخفي الحزن اللي في باله: راح اكون في الانتظار يا بعد عمري..
-
-
-
في المستشفى:
كان يمشي في ممرات المستشفى بهدوء و صمـت اعتاد عليه خلال الايام القليله اللي فاتت ، كل يوم و في نفس الوقت قرر يزورها، كل يوم كان يتمنى فيه تتقبله و ترضى تكلمه و تريح ضميره و باله..
طق الباب و سحبت سعاد غطاء تغطي الجزء الظاهر من خلف الضماد، كانت عارفه الشخص اللي ورا الباب اصلا ما يزورها احد غيره، هو نفسه الشخص اللي تسبب في انه الوحيد اللي يزورها..
احـمد بعد ما طق الباب و عطاها المجال تتغطى دخل الغرفه و عيونه في الارض.
سـعاد بعصبيه صارت تتكلم بسهوله بعد ما شالوا الضماد عن الجزء السفلي من وجهها لكن الحروق كانت مخيفه امر بسببها الطبيب بمنع المرايا عنها: نعم!!!!
احمد وهو منزل راسه: السلام عليكم..
سـعاد بنبره ساخر: الله لا يسلمك..
احمد: مقبوله منك...
قرب احمد منها رغم نظراتها الحاقده و اسلوبها السيء و جلس على الكرسي جنب السرير: فكرتي بالموضـوع!!
سـعاد: اعتقد اني قلت جوابي المره اللي فاتت ،،، علشان كذا وجودك الحين ماله أي داعي!!!!!!
احمد: بس انا.....
سـعاد: اتركني في حال....
احـمد مد يده ليد سـعاد المضمده، بس سعاد سحبها.: انا قصـدي شريف.
سـعاد بصعوبه: واضح!
احمـد: صدقيني يا سعاد انا ندمت و ناوي اعوضك عن كل اللي راح!!
سعاد : ههههههههههههه..
احمـد انقهر من حركتها : ليش تضحكين؟؟
سـعاد بقهر: مستخسر فيني حتى اني اضحك على اكاذيبك؟؟
احمـد: بس انا ما اكـذب،، ســعاد انا ابي اتزوجك على سنـه الله و رسـوله،، وناوي اعوضك عن كل اللي صار!!
سـعاد: واللي تسببت فيه انت!!
احـمد سكر عيونه و حط يد على جبهته: ادري اني السبب في كل اللي صار بس انا نا.و..
سـعاد قاطعته قبل لا يكمل: ناوي تعوضني؟؟ تعوضني اهلي اللي تبروا مني؟؟ ولا سيرتي اللي صارت على كل لسان و لا جسمي اللي تشـوه و كله بسببك انت و بسبب شهواااااااااااتك!!!
احمد: ان تزوجنا محد راح يقدر يمسك بكلمه،، واهلك مصيرهم يفهمون اللي صار و بيسامحونك، اما جسمك خلينا نتزوج وانا مستعد اوديك لاحسن دكاتره و استشاريين في العالم،، واكيد بيلقون له علاج..
سـعاد نظرت له بعيونها الحمرا و حست بقوتها و بضعفه و خوفه عليها، كانت امنيه من امنياتها بعد اللي صار انها تنتقم منه و تعذبه و يظهر انه هو اللي قاعد يسعر في تحقيق هذا الشيء: و ايش يضمن لي ان هذي ماهي لعبه من العايبك ...
احمد: اللي تطلبينه!!
سـعاد: أجل انا موافقه
احـمد بابتسامه رفع عيونه و التقت عيونه بعيونها: والله؟؟
سـعاد: بس عندي شـرط!!!!
احمد: اطلبي اللي تبينه..
سـعاد: شــرطي هو...........................
-
-
-
-
بعد الفطـور استأذن خالد اميـرته انه بينزل يسلم على امه و يجلس معها شوي، وان هنادي لازم تتجهز بيمرون على اهلها قبل لا يسافرون، طبعا خالد ما بلغ هنادي وين بيروحون ولما سـالته قالها انه سـر.. لبست هنادي بنطلون جنز غامق مع فستان بيج باكمام طويلة لين تحت الركبة فيه حزام كريستال ذهبي و محوطه اطراف الاكمام بالكريستال المنثور .. و كعب عاااااااالي بيج بكريستال ذهبي و دبلتها و اساور كريستال و ساعة سانت اونر الذهبيه و حطت شدو بني فاتح باطراف ذهبيه و ثقلت الماسكرا السودا و الكحل الاسود و القلوس الكركمي...
هنادي القت نظره اخيره على شكلها قبل لا تطلع لخالد اللي كان يناديها، بكل ثقه همست لنفسها : يااا انا يا انتي!!!!
حاله ابدا ما كانت كذا بعد اللي صار قبل الفطور، بس كل شيء تغير و تحسن بعد.......
-
قبل ساعه:
بعد اللي صار جلسـت هنادي بهدوء على طاولة الفطور، اولا حوارها البسيط مع خالد كان محرجها كثيييير من انها تجلس قدامه و تاكل كعادتها و ثانيا انها كل ما تذكرت هيفاء و شلون كانت واثقه وماهي مهتمه بوجوها و تتصرف مع خالد بحريه كانت تموت من القهر و تحس بشيء يعصر قلبها..
خالد: ليش ما تاكلين؟
هنادي صحت من سلسله افكارها : هاا؟؟
خالد عاد السؤال: هنادي فيكي شيء؟
هنادي: لا بس .... انا طبيعتي ما اكل كثـير
خالد ضحك على جوابها: واضح.. والدليل اكلك امس
هنادي انحرجت منه، دايما صايدها في أي شيء تقوله: قصـدي ان اكلي اللي امس سد شهيتي اليوم..
خالد: براحتك، بس لازم تاكلين شيء ... لان بنروح لاهلك بعد شـوي
هنادي بفرحه كانها ما شفات اهلها من سنين: والله!!!!!
خالد بابتسامه على براءتها: والله، بنزل لامي شوي و بعدها باخذك و نروح لها علشان العصر بنطير لشـهر العـسل..
سـعادة هنادي شبه تلاشت : بنســافر؟؟ وين
خالد عطاها نظره خبيثه و حرك اصبع: هذا سـر ..
هنادي: خااالد!!!
خالد: عيونه و قلبه..
هنادي استحت و قررت تسكت..
خالد مشى لجهتها و حرك شعرها بيده مثل الاطفال: اخذي راحتك باللبس متى ما خلتصي اتصلي علي اوكي!!
هنادي حست من هالحركه انه يعاملها كطفله، ليييييييش دايما يعاملها كطفله و لما تكون غايبه عن الوعي او مهتمه كزوجه!!!!
بعد ما طلع خالد ركضت هنادي لغرفتها و اخذت موبايلها فكرت بمنو تتصل و في النهايه استقرت على راي،، الشخص الوحيد اللي يفهمها و عنده خبره و ما تنحرج لما تقول لها...
هنـادي: الو .. ريم..
ريم بفرحه: صباحيه مباركه يا عروس..
هنادي استحت من كلام ريم و هي تقول بنفسها أي عروس: مشكوره..
ريم وهي تضحك: ههههههههه مو كذا يردون خخخخخ
هنادي: المهم تفي بالغرض!!!
ريم: هاا طمنيني شلون خالد..
هنادي: زين!!
ريم بصدمه: نعم!!!!!! بس زين؟؟
هنادي: أي زين و طيب ...و
ريم: و........
هنادي: ريم ارجوك خفي علي...
ريم: انا بفهم انتي شلون متصله... السيد خالد وينه ؟؟
هنادي: نزل يسلم على امه و بعد شوي بياخذني اسلم على اهلي لانا بنسافر العصـر..
ريم: واااااااوو بتسافرون وين؟؟
هنادي: ما ادري
ريم بصرااخ: ووووواي بعلك هذا غريب الاطوار .. محد يفهمه مثل ما يقول بعلي!!
هنادي عصبت: هي كلش ولا بعلي يا حلو
ريم بضحك: ههههه اهم شيء بعلك لووول... هنادي واضح من صوتك انك ضايقه..طلعي اللي في كبدك حيااتي.
هنادي من غير تردد رجعت الدموع و الشهقات لها: ماااا ادري يااا ريم مااا ادري..
ريم: يعني ايش ما تدرين؟؟؟ هنادي في شيء مضايقكك قوليه وريحي نفسك،، يمكن عندي الحل له..
هنادي: هذا شيء ماله حل!!!!
ريم: ليش؟؟؟؟
هنادي: ريم انت يتدرين ان خالد تزوجني لان امي طلبت منه و لانه كان يحب ابوي،، حاولت في الكم مره اللي شفته فيها اقنع نفسي اني رجعت احبه مثل ايام المراهقه لكن ليله العـرس........
ريم: سواا لك شيء؟؟ تكلمي!!!
هنادي: لاا، بس خفــت من غير تفكير فضخت القميص و لبست بيجاما!!
ريم فطست من الضحك: هههههههههههههههههههههههههههههههههههههههههههههههههه هههههههههههه
هنادي: تضحكين؟؟؟؟
ريم: واااي حرام وحده مثلك تتزوج المفروض يودونك الحضانه ،، يااا شيخه ليش ما طلبتي من خالد يتركك الليله بدل هالمسرحيه..
هنادي: ما ادري خفت...
ريم: هذا اللي مضايقك؟
هنادي: لا طبعا..
ريم: اجل ايش؟
هنادي: اليوم جتنا هيفاء زوجته الاولى وسوت حركات قهرتني..
ريم: ايش سوت؟
هنادي شرحت لريم اللي سوته هيفاء بالضبط و ريم حست من كلام هنادي انها مقهوره و غيرانه على خالد و اللي يدل طبعا على حبها الكبير له..
ريم: يعني انتي غيرانه من العجوز مرته..
هنادي: حرام ماهي عجوز.. وانا ماني غيرانه..
ريم بضحك: الا غيرانه، حبيبتي انتي اصغر منها بتقريبا عشر سنين يعني هي عجوز مقارنه فيك..
هنادي: والمطلوب
ريم: انتي احلى و اصغر منها، وحتى لو كان خالد ماخذك علشان العيال انتي تقدرين تخلينه يحبك،، يااا هنادي انا مخطوبه لعبدالله من كنت صغيره كنت لما اشوفه اموت من الخوف، بس من ملكنا و انا معيشه عمري بقصه حب مالها اول ولا اخر بس علشان اسعد نفسي مع ان عبدالله ما كان يزورني ولا يتصل ، انا اللي كنت ااتصل و ارسل له على الاقل في اليوم 8 رسايل ،، لحد ما علقته فيني، و الحمد لله وصلت للي ابيه...
هنادي: ايش اسوي.. يعني
ريم: مثل ما قلت لك انت احلى و اصغر منها !! و تقدرين تخلينه يحبك لا و يموت فيك،، ولا نسيتي ان هذا خالد حبيب القلب ايام المراهقه و الشباب هههههههههههه
هنادي استحت و هي تذكر ان ريم رغم معرفتها بحبها لخالد ظلت متمسكه فيها و تبيها لاخوها: مشكوره ريم ريحتيني..
ريم: في الخدمه باي وقت،، بس لا تطولين البسي و تعطري و حطي مكيييييييييييياج و اقهري العجوز..
هنادي ماتت من الضحك وهي تقولها: اوكي!!
سكرت هنادي الخط و بدت رحله طووووويله في اللبس و التعطر لخالد..
في نفس الوقت ... خالد كان في غرفه القعده يشرب شاي مع امه و هيفاء اما عبير فما كانت موجوده كالعاده..
ام خالد: زوجتك وين؟
خالد: في غرفتها تبلس و بتنزل نروح لاهلها
ام خالد بنفس: لازم تروحون اليوم لاهلها!! ليش ما تتغدون عندنا..
خالد: لازم تسلم على اهلها يمـه ،، قبل لا نسـافر..
هيفاء بعيون متوسـعه: بتســـــــاااافرون؟؟؟
خالد بنظره غاضبه: عندك مانع؟
هيفاء خافت وماردت عليه ،، لما تزوجت خالد، خالد عطاها مبلغ و قدره ... و الطياره تحت امرها تسافر وين ما تبي بس هو ما جاء معها متحجج بالشـغل،، لكن الشـغل بنظره ماهو مهم دامه مسافر مع حبيبة القلب..
ام خالد اللي ما عجبها الوضع قررت تقوم: بروح اصلي الظهر.. وانت روح المسجد !!!
خالد استغرب كلمة امه ((روح المسجد)) يعني ما تبيه يختلي بهيفاء : ان شاء الله يمه..
خالد تظاهر بالقومه لحد ما امه اختفت عن نظره، التفتت لهيفاء اللي حست بعصبيته و قامت بتصعد: الحركه اللي اليوم ايش معناها؟؟
هيفاء تظاهر بالبراءه: انا متعوده اسلم عليك مافيها شيء ثانيا انا زوجتك؟؟
خالد بنظره خبيثه: بالاسم فقط ( الحركه قهرت هيفاء) وان حاولتي تأذيني هنادي مره ثانيه راح يكون الطلاق اقل عقاب ممكن يجيك مني..
هيفاء انقهر و ركضت تبكي لغرفتها...
-
-
-
في بيــت بوسـعود:
مها ومنال يتهاوشون على اللابتوب كالعاده كل وحده تقول انه دورها..
مها بعصبيه: مناااااالووو يا الدبه خليني اشبك صديقاااتي منتظريني !!!!!!!!1
منال: أي صديقااات مالت عليك انااا طالبه من البنااااااااات تعليقهم على العرس ابي اسمعه بالتفصيل
مها: مالت عليك يعني انا ما ابي اسمعه!!!
منال: لا يااا عمري انتي تبي تسمعينه و تبين تكلميييييييين نااااااااس..
مها: جب مالك شـغل فيني خلي الابتووووووووب..
منال: لاااااااااا يعني لاا اصلا ان ما تركتيييييه بعلم امي عن سوااالفك.
مها: علميييها انا ما سويت شي غلط علشااااان اخاااف..
منال: ههههههه واضح..
اسماء دخلت و شافتهم يتهاوشون تأففت و قررت تقطع حوارهم المجنون: هييييييين انتي وياها امي تبيكم في المطبخ!!!
مها: ليش ان شاء الله..
منال انتبهت ان اسماء كانت كاشخه وحاطه مكياج: وليش كاشخه.
أسماء: تروك حبيبي البي!! بيتغدا عندنا^_^
مها ومنال في نفس الوقت: نعم!!!!!!!!!
اسمـاء: و ليش مصدومين عاشق و جاي يشوف حبيبته !!!
مها: عاشق!!!!!11 مالت قولي مليق سخيف بخييييييييييييييييييييييييييييييييل كل يوم يجي غدا و عشى ما بقى غير الفطووووووووووووووووووووور
منال: انا بفهم ما عنده بيت هذا كل يوم يجي ما يدرين ان تعبانين من العرس!!!!!!!!
اسماء: جب اللي تعبان ما يتهاوش على الانترنت من صباح الله خيييييييييييير!!!! قدامي على المطبخ قبل لا اعلم سـعود..
منال: اففففففف هذي مو عيشه!!!
مها: يعني ما عمره عزمنا و فوق هذا كل يوم يجي ياكل اكلنا !!!
اسماء: عافيه ان شاء الله... خلصوا الغدا وبعدها سوا الحلو اللي يحبه اوكي بااااااااااااي..

-
-
-
من ركبوا السياره خالد ما شال عينه من هنادي اللي كانت في قمه الروعه و الاناقه كان حاس انه متضايقه لان امه صعدت لغرفتها و تظاهرت بالنوم بس علشان ما تسلم عليها بس حب يسليها بسولفه ..
خالد: اميـرتي..
هنادي حركة وجهها باتجاهه لكن عيونها كانت تنظر لمكان ثاني: هلا
خالد: مشاقه لاهلك؟
هنادي بكل براءه: اكيـــــــد
خالد: اجل خذي راحتك معهم لان شهر عسلنا شهرين!!!!
هنادي بصدمه: نعم!!!!!!!!!!!!!
خالد بنبره ساخره: ليش قصــــير
هنادي بنبر ه طفوليه غاضبه: طووووووويل انا ما اقدر اعيش من غير ما اشوف اهلي كل هالوقت!!!
خالد عجبة الحوار و بدا يزيد: ههههه بتكلمينهم كل يوم بالتيلفون صوت و صوره!!
هنادي: لا تكفى خالد ما ابي اروح بعيد عنهم!!
خالد بابتسامه مسح على راسها: ما طلبتي شيء يا روحي نروح شهر خلاص..
هنادي: ما يصير اقل!!!
خالد: هنااااادي؟؟؟
هنادي خافت مثل الاطفال: اسفه!!
-
-
-
في بيت بو سـعود :
اسماء كانت لابسه فستان ابيض حرير بزخارف على اشكال ورود اسود و حزام اسـود اسود و رافعه شعرها كله و منزل خصل خفيفه من ورا...
تركي: صـورتي في العرس؟
اسماء : أي.. بس ما طلعوا..
تركي: بصراحه امس لما شفت عيونك الحلو، بغيييييت اموت علشان اشوف باقي وجهك شلون صاير اكيـد حلو..
اسماء: عيونك الحلوه..
تركي: بس انا لحد الحين زعلان..
اسمـاء: أسفــــه
تركي: اللي قاهرني يا اسوم انك ظنيتي فيني السـوء..
اسماء حست بدموعها تنزل: والله ما اعيدها بس ارجوك سامحني...تركي انا من غيرك اموت... انت ما تعرف انا اشكثر احبك!!!
تركي بنبره خبيثه تعلمها من ولد عمه: تحبيني؟؟؟
اسماء حمرت و خرت وجهها عنه وسكتت:........
تركي ابتسم و قرب منها: اموووت في اللي يستحون...
اسماء: تــ ـــركــ ـــي
تركي: عيونه و روحه..
تركي قرب من اسماء و كااااان ناوي شيء بس دخل سـعود وقفهم: السلام عليكم..
قام تركي و سلم على سـعود اصلا لما جا كانت اسماء بروحها في استقباله لان سـعود لسى ما قام من النوم..
سـعود بضحك: شلونك بعد التعب امس...
تركي: تعبااااان... بس ما قدرت اطول على الحبايب!!
اسماء نزلت راسها تخفي خجلها...،، سـعود : اسماء ترى بعد شوي بتجي هنادي مع زوجها... احسن لو تطلعين علشان بنقعد خالد هنااا..
اسماء انقهرت من طريقه كلام يعني ليش ما اكتفى يقول لها انهم بيجون و هي تطلع من نفسها!!!:: ان شاء الله..
طلعت اسمـاء و ماتت قـهر و هي تشوف وجوه خواتها اللي ميتات من الضحك.. عليها: ماااا كملت فرحتها بجيت العاشق هههههههههههههههههههههههههههههههههههههههههههههههههه ههههههه
اسماء قررت تتجاهلهم و نتنظر هنادي اللي دخلت عليهم بعد حمس دقايق بشكلها الانيق ..
مها و منال: واااااااااااااااااااو. هنادي ايش هالزين
هنادي بكل ثقه قربت منهم و سلمت بهدوء و مشت لاسماء و حضنتها بقوووووووه: وحشتيني!!
اسماء وهي تضحك: لااااا تخااافين مها ومنال قااموا بالواجب ، مثل ما انا متأكده ان خالد قام بالواجب معك!!!
هنادي حمرت من كلمتها و بعدت علشان تسلم على امها: شلونك يا بنتي..
هنادي: الحمد لله بخيـر يمـه انتي شلون؟ عسى ما تعبتي امس؟
ام سـعود: شـوي بس المهم انتي شخبارك؟؟
هنادي : الحمد لله!!! وحشتووووني.. كلكم.. ما ادري شلون بقعد شهر كامل من غير لا اشوفكم..
ام سـعود: ليش ؟؟؟
هنادي: خالد يبينا نسافر اليوم و بنقعد شهر كامل...... انا قلت له ما ابي بس هو مصـر ...
مها ومنال: ياااااااااااااااااااا حظك !!!!
اسماء ضربت كل وحده على كتفها علشان يسكتون و يخلون امهم تتكلم مع بنتها براحتها!!
ام سـعود: لا يا هنادي ما يصير كذاااا ،، هذا زوجك ولازم تطيعينه في كل شـيء،، ترى الرجال ما يحب المره
اللي تقول كل لاااا..
هنادي: ان شاء الله يمـه..
استمرت الضحك و السوالف و التوصياااااات و مر الوقت بسرعه كبيييييره تغدا الكل و شربوا الشاي و طلع سـعود ينادي هنادي علشان خالد ينتظرها في السياره.. طلعت هنادي وودعت خواتها بالدموع و ركبت مع خالد .....
-
-
-
حلقت في السماء طيارة خالد الخاصه متوجه لمكان هنادي كانت تجهله، هنادي استغربت لما لقت الطياره فاضيه مافيها احد، بس انصدمت لما عرفت انها ملك خالد و هو بس يسافر فيها حتى اهله مالهم حق يسافرون فيها من غير اذنه.. طلب منها تختار أي مكان تبيه، اختارت مكان بعيد عن اللي جالس فيه خالد بس خالد عاندها و راح جلس جنبها و سكر لها الحزام... طلع خالد كتاب و بدا يقراه بهدوء اما هنادي فضاق خلقها من الملل كانت ماسكه موبايلها تقرا رسايل قديمه لانه ما في خدمه في الجو طبعا فما تقدر تتصل باحد... قررت تكسـره بـسؤال..
هنادي: خالد احنا وين رايحن؟؟
خالد: ......................
هنادي هزت كتفه: خالد
خالد : طول ما انتي تقولين خالد ما راح ارد عليك!!
هنادي: ليش؟؟ هذا مو اسمك؟؟
خالد: بس اللي توها متزوجه ما تنادي زوجها باسمـه،،، تقوله ياا حبيبي،، يا قلبي،، يا بعد عمري.. انتي حتى فالموبايل مسميتني خالد!!!
هنادي حمرت: مــ....ــا اعــ...ـــرف
خالد سحب موبايلها و دور على اسمه و غيره الى }نـظــر عيـني{ و رجعه لها و على وجهه ابتسامه خبيثه، هنادي حمرت و دخلت موبايلها في شنطتها.. ولفت وجهها بعيد و رجعت نفسها حيل في الكرسي ....
ظلت تراقب الكراسي الفاضيه لدقايق حست بضباب قدامها و فجأء بيد على كتفها
خالد وهو يهزها: هنااااادي
هنادي فزت و الفتت له : هلااا..
خالد بابتسامه: وصلنا!!
هنادي: هااااااا..
خالد بلغها انها نامت ساعات متواصله و لان شكلها كان حيللل كيوت و حيل تعبانه تركها خالد وما صحاها لحد ما وصلوا: وين احنا..
خالد بابتسامه: في سويسرا!!
هنادي لفرحه: واااااااو
خالد: اول مره تجينها!!
هنادي: اصلا انا غير العمره و الطايف ماعمري طلعت من الرياض..
خالد مد يده لخدها الاحمر و مسح عليه: يا حياتي اصلاا انا ناوي اخذك بجوله على دول اوروبا!!!
هنادي عيونها توسعت من الفرح: والله!!!
خالد بابتسامه عذبه :والله..
طلعوا من المطار و ركبوا في السياره اللي كانت منتظرتهم،، هنادي كانت متضايقه ان خالد ماخذ حرسه معهم واللي كانوا معهم وين ماراحوا،، ما تدري هو ليش حريص منو ممكن يأذي شخص طيب و كريم مثل خالد..
وصلوا للفيلا خالد في سويسرا و اللي كانت فوق في الجبال و جنبها مزرعه اذهلت هنادي، كانت الفيلا مبنيه على طراز الاكواخ القديمه، دخلت هنادي لغرفتها كان ديكور الغرفه الواسعه من الخشـب و الاثاث كان قديم و فاااااااخر و جزء كبير بطول الغرفه كان عباره عن بلوكونه تطل على جبال الالب ال: احس كاني هايدي..
خالد: اصلا انا جبتك لهنا اول لاني اعرف ايشكثر تحبينها..
هنادي باستغراب: شلون عرفت؟
خالد عطاها نظره ساحره و هو مغمض نص عيونه اللي كان يحركها على شكلها الجذاب: سـر..
هنادي حمرت من نظرته الساحره و المتفحصة لها التفتت لباب كان واضح انه الحمام: بروح اتروش و ابدل..
خالد سحب يدها قبل لا تبعد و ضمها بحيث كان ظهرها ملاصق لصدره و حوطها بيده، هنادي حمرت و تصببت عرق: خ ــــاااالـــد
خالد و عيونه مغمضه: المـره اللي فاتت مشيتها بمزاجي... بس ما اعتقد اني اقدر امشـيها هالمـره خصـوصا و انتي بهذه الاناقه و هذا الجمال!!!
خالد لف هنادي اللي كانت ترجف و تنظر لعيونه: خاايفه!!
خالد رفع ايدنهم لرقبتها و خلاها عيونها في عيونه: طول ما انا جنبك يا حبيبتي ما راح اسمحلك للخوف يقرب منك و لا راح اخلي مخلوق يأذيك او يتسبب بحزنك... و راح احقق لك كل اللي تبينه(( خالد كمل في نفسه و هو مغمض عينه /: راح اعطيك كل اللي ما قدرت اعطيه سارا) فتح عيونه و راقب و جهها و هو يقرب وجهه منها ( في المقابل ابي اعيش معك الايام اللي ماعشتها معها) نزل خالد يده وحده لظهرها و الثانيه لتحت ركبتها و حملها معه لفراشهم اخيـرا........ كلمت احبك كان يطلقها في كل لحظه في كله ثانيه تكلم عن جمالها عن كل شيء يجذبه في و لكن في نهااااايه عشــــقهم و حبهم كان ممكن ينتهي بكاارثه، خالد بكل تأثر و هو ينظر لها بحب و تعب شـــديد: احبـــك والله احــــــــــــــبك و راح اظل طووول عمري احبـك يا ســــأأأ.... يااا سارقه قلبي..
هنادي ابتسمت بتعب على اللقب اللي اطلقه خالد عليها قبل لا تغمض عيونها و تنام بعمق و هدوء، خالد نظر لها بحزن و هو يحمد ربه انه تدارك خطأه و مانادها سارا.... : سااارا هنادي اخيـرا معي،، عندي ما راح اسمح لاحد يأذيها او يحزنها ..... راح اعطيها السعاده اللي انحرمتي منها... ... ارجوك ارقدي بسلام...
لا هوى قبلك.. ولا أمل بعدك
لا سما إلا عيونك.. ولا ثرى في وعدك
انتي كل الناس وحدك
من ملك ضحكة عيونك
وابتسام الفجر فيها
ما بقى في الدنيا ناس
ولا بقى أرضٍ يبيها
إنتي يا عمري الليالي
كلها قربك وبعدك
وإنتي كل الناس وحدك
أنا أحبك والله شاهد
روحي من غيرك تضيع
وإن حكى في حبي واحد
أتركيه إنتي الجميع
إظلمي قلبي بدلالك
وإنصفي منهو يردك
إنتي كل الناس وحدك



-
-
-
-
بـعد شـهر...
رحله خالد و هنادي كانت كلها عسـل في عسـل، هنادي فعلا حسـت انها غبيه لما صدقه كلام المسلسلات ان شهر العسل عباره عن شـهر بصل ههه.. خالد كان حنون طيب و رقيق في معاملته لها.. ما ترك عنها شـيء خلال رحلته في سويسرا، المانيا، النمسـا، ايطاليا، فرنسـا.. ما ترك أي شيء الا وشراه لها، كانت ان التفتت لشيء و هي تمشي في الطريق كان من غير تردد يامر الحارس انه يشتريه لدرجه ان هنادي صارت تكره تتأمل أي شيء في طريقها، لما تنظر بحزن للاطفال اللي يبيعون الجرايد و الورد و ملابسهم الممزقه كان يتجه لهم و يعطي كل فرد فيهم مبلغ.. كان يكره يشوف الحزن على وجهها.... بس في شيء ما قدر يمنعه الا وهو نظرت الغيـره اللي تملي وجهها لما يأشرون البنات على خالد، عربيات و اجنبيات بملابسهم اللي في نظر هنادي قله ادب، ونظرت الاحراج لما يبوسها و يشيلها على ظهره اذا قالت كلمت تعبت ، لدرجه ان هنادي صارت حذره ما تقولها...
كانوا في برج ايفل هنادي كانت واقفه جنب خالد و الحراس كانوا ياخذون لهم صـور: خالد ممكن تصورني بروحي!!
خالد: افف ابفهم شيء واحد ليش لازم كل صوره اصورها معك، تاخذين بعدها وحده لك بروحك!!
هنادي: علشان اوريهم صديقاتي في الجامعه،، لان اول ما راح نرجع على طول راح تكون الدراسه بدت ،، حبيبتي اسوم اكيـد بدت تداوم.
خالد: اه.
هنادي: و بصراحه كانوا البنات كل سنه يتكلمون عن سفراتهم و الاماكن اللي راحوا لها الا انا اتكلم عن سفرتي للطايف اللي صار لها سنين ...
خالد بخبث: وليش ما تروينهم صوري معك كذا يحترون اكثر..
هنادي فهمت قصده و هو غيرتها لفت وجهها بطريقه طفوليه و قالت له : لااا...
خالد: ههههههههههههههه.... في شيء ثاني تبين تشوفينه في باريس لان بصراحه كل الاماكن اللي اعرفها خلصت!!
هنادي: لااا
خالد: اجل وين تبين نروح بعد فرنسـا..
هنادي : لنـدن طبعا..
ملامح خالد تغيرت و هو يعيد: لندن؟؟
هنادي حلم حيااتي كان ادخل برج ايفيل و دخلته و الحلم الثاني اني ازور مدام تسو في لندن..
خالد لف وجهه بعيد: مستحيل!!!
هنادي مدت يدها لكتفه تسحب لجهتها: خالد تكفى!!
خالد ما لف عليها ما يبي يشوف وجهها: لااا
هنادي قررت تستعمل سلاحها السري: حبيبي قلبي تكفى!!
خالد اطلق زفره و التفتت لها: يوم واحد بس و بعدها نرجع الرياض اوكي..
هنادي حضنته : مشكووووووووور، الله يخليك لي..ولا يحرمني منك ..
خالد حاوط جسمها بيده: ولا يحرمني منك
-
-
-

  بدل الطياره ركبت هنادي و خالد القطار تحت الماء من باريس الى لندن طبعا اغراضهم كلها كانت في فيلا خالد في باريس بحجه ان خالد ماعنده فيلا في لندن، اول ما وصلوا راحوا لمدام تسو و بعدها لعين لندن و في شافت هنادي جرس بيج بين وفي اخر اليوم قرروا يروحون لمطعم فخم ياكلوا العشى فيه قبل لا يطيرون للرياض مع ان الوقت ما كان متأخر..
المطعم ما دخل مزاج هنادي ابـدا كان اقرب لملاهى منه لمطعم، كانت لابس الموظفات حيللل فاضح و الشراب في كل مكان، لندن فيها مطاعم اسلامييييييه كثيييره اكثر من الدول اللي كانوا فيها ليش خالد اختار هذا المطعم بالذات..
هنادي: خالد مافي مطعم احسن من هذا؟
خالد: في بس هذا المطعم لي ذكريات طويله في حبيت ازوره و اوريك اياه..
هنادي باستغراب: كنت تجي لندن كثير..
خالد: انا كنت ادرس طب هنا
هنادي بتفاجأ: طب؟؟
خالد : بس تركت الطب بعد موت ابوي و توليت تجارته..
هنادي بحزن: كان حلمك تكون طبيب؟
خالد و ينظر لبعيد: أي
هنادي: عااااادي انا يوم كنت صغيره حلمي كان اصير مغنيه ههههههه
خالد مات من الضحك عليها: مغنيه مره وحده هههههه..
هنادي عصبت من ردت فعله: أي فيها شيء!!
خالد: لا ما.......
خالد وقف ونظر لجهه بعيده ثانيه، الفتت هنادي و لاحظته ينظر لبنت كانت لابسه فستان منفوووش وتمشي جنب كذا بنت يتمايلون و يستعرضون باجسامهم البنت كان واضح عليها الخوف، اشر لخالد للبنت و خلاه تقرب كانت تحاول تتمايل و تسعرض بجسمها الصغير واضح ان عمرها اقل من 17سنه، اشر خالد لحارسه و عطى البنت فلوس، قربت البنت من خالد بتشكره مد يده و قال لها : GO home!!
هنادي انقهرت من حركته الحين هي قاعده قدامه بكامل اناقتها و احترامها يقوم ينادي وحده رخيص مثل هذي!!!!! قامت هنادي من مكانها و مشت بعيد: وين رايحه!!!
هنادي بعصبيه: الحماااااااااااام..
ركضت بتهور للحمام وعدلت كحلها اللي اخترب من دموعها اللي تجمعت في عينها .: الحقير!!!!! يفضل علي وحده مثل هذي!!!!
هنادي ما حست انها طولت الا بعد ما سمعت حارسها (( فؤاد )) اللي عينه خالد لها يضرب الباب: مدام هنادي فيك شيء؟؟
هنادي تأكدت من كشختها و طلعت من الحمام و مشـت لطاولتهم بس مالقت خالد: اكييييييييد راح لها!!!!
ما حبت تنهي رحلتهم عسـلهم الجميله بمشكله قعدت على الطاوله و قررت تتصرف بحكمه، هي تعرف شلون تأدبه، اكيد حزتها بيعرف انها زعلانه و بيراضيها..
واخيرا و بعد طول انتظار حست بيده على كتفها ابتسمت و مسحت نظرت الحزن من عينها و التفتت له: خـــالـ...
بس الصدمه هي اللي تملكتها لما شافت ان اللي مسك كتفها ما كان خالد، كان واحد ثاني.. رجال كبير شعره ابيض و اضح انه اجنبي و ينظر لها بنظره نصـها صدمه و نصها رغبـه .، دفعت يده عنها : اتركني!!!!
هنادي خافت يكون سكرااان لان الخمر مسموح عندهم : فؤااااااااد..
قرب فؤاد منها و دفع الرجال بعيد بس قربوا منه حارسين و جوا قدامه :You are really rude!! He just want to talk to her ! ( انت وقح فعلا، هو بس كان بيكلمها )
فؤاد: (to me she doesn't want to talk to him?) بالنسبه لي شكلها ما تبي تكلمه!!
الرجال العجوز: Kill him!!!!!!!!!
فؤاد انصدم من كلمة الرجال بس صدمته ما كانت تتقارن بهنادي اللي ماتت من الخوف: خااالد!!
................: ايش قاعد يصير!!!!
الرجال و حراسه التفتت لخالد و حارسه اللي رجعوا، هنادي ركضت لجهته و تخبت وراه..
الرجال العجوز: Mr: kaled, it been a long time) سيد خالد لقد مضى وقت طويل!!
خالد: Yeah but I was thinking about a new work between the two of us for a while) صحيح بس انا كنت افكر بشغل مشترك بينا من فتره!!
الرجال بابتسامه صفراء: wow, then I will not blame you for not visiting us!! واو اجل ما ارح الومك على عدم زيارتك لنا ..................... ( حرك الرجال عينه لهنادي اللي ورا خالد ) New girlfriend?
خالد بهدوء: no my wife!!
الرجال: oh then I'm sorry my lady, I thought you were someone else, someone I wanted to see again!! اذا اسف سيدتي كنت عبالي شخص ثاني، شخص اتمنى اشوفه مره ثانيه..
هنادي خافت و خبت وجهها في ظهر خالد: ابي اروح البيت..
خالد: اوكي الحين بنروح ،،، it nice to see you again جميل ان اراك مره اخر..
ودع خالد صديقه و مشى مع هنادي اللي ظلت ترجف لحد ما ركبوا الطياره للرياض، هنادي كانت ميته من الخوف في نفس الوقت خالد كان صامت و ما حاول يخفف عنها مثل ما يسوي دايما ، كان يردد كلمه وحده في نفسه: لييييييييييش ليششششششششش من بين كل النااااس!!!
-
-
-
-
في نفس اليوم صباحا في الرياض..
دخلت المدرسه اسماء بعبايتها المشغوله لغرفة المدرسات في المدرسه و فصختها بطريقه مهمله و كانها ما همتها رغم ان سعرها واضح انه غالي..
ناديه و دلال كانوا واصلين قبلهااا و كانوا جالسين و مستغربين انها ما دخلت تسلم عليهم و هم يتظاهرون انها ما شافوها كاالعاده.. كانت عيونهم على بدلتها الفخمه و ساعتها و دبللللللللللللللللتها!!!!!!
ناديـه: اسماء؟؟
اسماء التفتت لهم بوجهها المشرق اللي لاحظوا تغيره: اسفه ما شفتكم،، هاااااي..
دلال: ايش هالكشخه متغيره..
اسماء بدلع: والله تروك حبيب البي ما يحب اروح المدرسه اول يوم و اخر يوم لي فيها قبل اجازه الزواج الا بكاااااااااااامل اناقتي..
ناديه ودلال بصدمه: نعم!!!!!!1
اسماء: ليش ما وصلتكم اخبااار خطبتي من تركي الـ......... المليونير ،، عموما عرسي بعد كم يوم و بنزل اقدم على الاجازه،، ولاا تخافون ما نسيتكم هذي البطاقات،، رمت اسماء البطاقات بطريقه غير مهمته ..
ناديه و دلال توسـعت عيـونهم و ظهرت صدمه كبيييره على وجههم و هم يقرون البطاقات اللي رمتها اسـماء على درج كل وحده منهم..
اسمـاء: طبعا تعرفون قاعة سـارا المـلكيه اللي تملكها عائله الــ ...... ، عائلة زوجي.. اذا تبجون حياكم و اذا منتوا جايين حبايبنا كلهم بيجون و ما راح يضرنا شيء و لا يغير غيابكم شيء و لا راح يزيد ............. اهه يمكن اطابق الحلووو الغاليه ما راح تفضى بسبب غيابك شفاحتكم هههههههههههههه..
طلعت اسماء و بكل ثقه و بنشوه النـصر من الغرفه و تركت ناديه و دلال الحاقدااات عليها و اللي بدوا بالسب من اول ما طلعت ، بس اسماء ما اهتمت لانها واثقه أي كلمه بيقولونها ناتجه عن حقدهم و حسدهم لها !!
-
-
-
-
في فيـلا ضخمه في لنـدن..
دخل الرجال العجوز غير مكتثر بتحية الخدم اللي ما شافوه من فتره و ركض لغرفته الخاصـه، ركض للجدار و بمعنى ثاني للوحه على الجدار: ظنتي اني لقيتك اخيــرااا بعد كل هالسنين !!! لكن حتى وان ما كانت انتي رااااااح اخيلها انتي ياااااا ساااراا..
انهار الرجال على الارض كعاده بعد ما تكلم للوحته المفضل قرب من منه كبير الخدم علشان ينقله لغرفته: سيد اشفورد هل انت بخيـر.
اشفورد: انا بخيـــــــــر و سـعيد... شــهوووور لاا اياام و راح تعودي لي ياا سارا و هذي المره ما راح اسمح لك بالهروب مره ثانيه!!!!

حطني جوا بعيونك
شوف بيا الدنيا كيف
أحلا من شوقي وجنونك
لما جيلك يوم ضيف
والله واحشني زمانك
جلستك حضنك حنانك
يا منى روحي وقلبي
تعبت اداري فشتياقي
زحمة حولي ومنَي لاقي
وقت وفرصة للتلاقي
والله واحشني زمانك
جلستك حضنك حنانك
ودي أشيلك وأسافر
وأترك العالم وأهاجر
حتى تعرف لجل عينك
قد إيه أقدر أخاطر
والله واحشني زمانك
جلستك حضنك حنانك