الفصل الخامس

رواية لا يستحق الجزء الخامس 5 بقلم سولييه نصار لا يستحقرواية لا يستحق الحلقة الخامسة -أنتي عايزة تتطلقي …بترفعي عليا قضية طلاق للضر.ر !!! ز.عق فيا معتز وكان هيتهـ.جم عليا في بيتي …. مسكه زين أخويا وز.قه لحد ما خلاه لزق في الحيطة وقال : -أنت عبيط يالا هتمد ايديك عليها …على اختى …ده أنا اقطـ.عهالك… -زين خلاص سيبه … بس زين مبعدش وهو بيقول :

-أسمعني يا روح أمك بقا عشان مش هكرر كلامي ….هتطلقها وأختي هتاخد حقوقها وبعد عدتها هجوزها سيد سيدك …راجل بصحيح يكون بيخلف …بتكدب عليا يا أبن ***** وتقولي أن المشكلة من اختي وربنا لأندمك على كل دمعة نزلت من عينيها … وبعدين زقه جامد لحد ما وقع برا البيت وقال: -أقسم بالله يا معتز لو جيت هنا وقربت من اختي قبل ميعاد المحكمة هزعلك مني أووي وجناني كله هطلعه عليك …مفهوووم …

بلع معتز ريقه …هو كان عارف أن زين مجنو.ن وممكن أووي يند.مه على اليوم اللي اتجوزني فيه …وقتها حسيت بالقوة …حسيت ان اخويا في ضهري وعرفت اني كنت غلطانة لما بخبي عليه مشاكلي ..عرفت اني غلطانة لما فضلت معتز على نفسي…جيت على نفسي عشانه وانا بس اللي خسرت …بسهولة باعني …أنا السؤال الي كان هيجـ.نني لو مكانش العيب منه كان عمل فيا ايه هو وعيلته…بس الغلط الكبير عليا أنا …أنا اللي سمحت بالعبث ده !!!! …….

-يعني أيه رافعة قضية طلاق…لا لا يا ابني أنا هروحلها. ..مراتك بنت أصول …كفاية أنها كانت شايلاني ومش مخلياني أعمل حاجة عكس دينا اللي ذ.لاني في السن ده ….صحيح اللي تحسبه موسى يطلع فرعون … كانت دينا وقفة فوق جنب باب شقتها وسامعة الكلام وهي مبتسمة بخـ.بث وبتقول:

-فعلا ذ.نب ناس بتخلصه ناس …هما افتكروني زي الهبلة اللي اسمها حنان …الخدامة بتاعتهم ..بس انا دينا …لو كنت رضيت اتجوزت معتز لاني كنت هتجوز كده كده فالافضل هما يتحملوا مسؤولية احفادهم ويصرفوا عليا …وإن كنتي يا حماتي أفعى ..أنا أفعى أكتر منك … ابتسمت هي ودخلت الشقة بتاعتها …. تاني يوم … -يا بنتي هتخر.بي بيتك …هتخلي واحدة زي دي تسر.ق منك جوزك و….

-ايه يا حماتي مش ده أم احفادك …اللي كلكم قهـ.رتوني وخلتوها تتجوز جوزي …معرفش يعني دلوقتي متضايقة ليه ..أنا سيبتلكم الجمل بما حمل … قولتها لحماتي اللي جات عشان تحاول ترجعني. ..أنا عارفة انها مش عايزة ترجعني بسبب انها بتمو.ت فيا …اكيد دينا مطلعة عينيها ومش بتخد.مها وجاية للخدامة اللي هي أنا صح ….

سكتت فابتسمت وانا مقهور.ة جوايا…مقهورة اني عملت كده في نفسي …قللت من نفسي عشان يحبوني بس انا اللي خسرت ..خسرو وانا شايفة جوزي بيدوس على قلبي وكرامتي ورامي خاطري وجري يتجوز … -يا بنتي أنا … -من غير ما تبرري يا حماتي أنا عارفاكي كويس …بس أنا اسفة مش هقدر ارجع …أنا عايزة اكون أم وابنك مبيخلفش وده من حقي ! ………. -رفضت صح ؟

قالها معتز وقلبه و.اجعه…كان عريس جديد مفروض يكون فرحان بس اكتشف أنه د.مر حياته …خـ.سر حاجة حلوة بسبب دينا اللي طلعت انسانة مش كويسة…فضل يقارن بين حنان اللي كانت بتتمناله الرضا وبين دينا اللي تقريباً طر.دته النهاردة من الشقة واتخانقت معاه لانه صحاها تحضرله فطار ….كانت بتلوي دراعه أنها هتاخد عيالها ومش هتخليهم يشوفهم مرة تاني ..وللاسف ملهاش كبير …أهلها نفس تفكيرها ….

-للأسف يا ابني اترجيتها والله بس هي رفضت …المشكلة خايفة تقول انك مبتخلفش وتفضـ.حك في المحكمة عشان تكسب القضية. ابتسم معتز وقال بثقة : -مستحيل يا ماما …حنان بنت أصول مش هتفـ.ضح جوزها وتتكلم عليه ! في يوم المحكمة …. كانت واقفة جنب اخويا زين وإسراء المحامية بتاعتي وخطيبة زين …. حاول القاضي الصلح ما بيننا فعلا وحب يسمع أسبابي للطلاق … اتنهد وأنا بقف وبقوله :

-جوزي عقيم مبيخلفش يا سيادة القاضي وانا عايزة أكون أم ومعايا التحاليل اللي تثبت كدة!!