رواية لأجل من احببت سأكون قوية الفصل التاسع والثلاثون 39 - بقلم امل

راح اجيك🚶🏻🍃

    باب كلبك فكه حيل ❤️✨

          خاف اردمه بكثر😻

                 مامشتاقلك🙈

~~~~🎶🎶❤️🎶🎶~~~~

وصل جود للبيت وهوة يفكر شراح يلكه بالبيت يا اما جنه يا اما نار (بس والله والله اذا ملعوب الا احرك الخلفوها)

دخل بسرعه للبيت شاف الاضويه مطفيه:شنو السالفه..والله شكله ملعوب بس خلتني اجي جني مصروع
لفت نظره ضوه من تحت باب غرفتها يعني بعدهي كاعده توجه اله وفتحه بدون ميدكه
وهيه جانت واكفه تحط كحله يم الميز ومندمجه وفزت من فتحه الباب ووكع منها الكحل
سما حطت ايدها ع كلبها:يمه فززتني ..ليش ما دكيت الباب الله يسامحك ..ما ظنيتك راح تجي بهالسرعه

مارد عليها جود ولا باله يمها باله يم الي لابسته كان فوق الركبه وفي فتحات بالصفاحي ومن كدام فتحته جبيره والظهر مبين بالجامه بس خيوط والظهر كله طالع.. ظل مصنم مكانه وحس وجهه ظل ينضح عرك (معقول الجاي اشوفه ..مستحيل سما تلبس هاللبس وتحط هالمكياج حكي..بس علمودي انا!!يبوووي ع عيونها وي الكحله صايره عذااااب)
ظل واكف مكانه ليكول يخاف يتحرك ويطلع هاليشوفه سراب

سما ارتبكت من نظراته الكصتها كص بس حاولت تشجع نفسها وما تتراجع
تقدمت لجهته وحطت ايدها ع ايده وهيه ملاحظه صدمته :الله يساعدك..جوعاااان!!تبي احطلك عشه
هز راسه بهدوء غريب وحست نفسه بده يثكل:دقايق واحطلك العشه
رادت تطلع بس مسك ايدها وسحبها بحظنه وتكلم بصوت مبحوح وعيونه تمشي ع كل جسمها:جوعاان بس غير شي
وما انطاها مجال ترد دفعها ع الكبت وحط شفايفه ع شفايفها وضغطها ع باب الكنتور وهوة هايج ويبوسها بقوه ليكول جاي ينتقم لايام الاشتياق الفاتت وحرمته منها
جان ياكل شفايفها اكل وما انطاها مجال حتى تتنفس لمن حست روحها راح تختنك وضربت بيدها ع صدره بخفه وهوة ابتعد شوي وحط جبينه ع جبينها وهوة يلهث

سما صح ذابت اول ما تلامسوا شفايفهم بس لهفته القويه خوفتها وذكرتها باول مره اخذها بالقوه وشلون كانت قاسيه عليها حاول تحجي تلهيه وتحجي وياه عن عزيز ومخاوفها وليش سوت كلشي بالايام الفاتت بس جود منطاها مجال
ونزل راسه بركبتها وهوة يشمها
جود:افيييش يا ريحه ركبتج ترد الروح
ظل يبوسها بقوه المتها
سما وعيونها ذبلت:جود خل نحجي اول وبعدين ن

جود حس انها راح تخرب الموضوع مثل كل مره :اشششش ولا كلمه حجينه..حجينه هواي وهسه وكت الفعل
ورجع يبوسها بشفايفها بقوه وبدون مينطيها مجال حتى تبادله
سحبها اله ورفعها من خصرها وهوة نازل يبوس ركبتها ويتوجه للسرير
رماها ع السرير وهوة ينزل يمها
سما بخوف:جووود

جود هوة يرجع يبوسها برقه مره ومره بقوه مو جاي يسيطر ع روحه :لا تخافين ..خليج واثقه فيني

نتركهم شوي ونروح لغير اشخاص

ء~~🎶🎶❤️🎶🎶~~

مِنّ رُخـصة أمك ياوُلـفّ 😻

هـسَة أنـتَ صِرتّ وُلـيـديّ 🙊💜

~~🎶🎶❤️🎶🎶~~

بيت الجد بغرفه البنات
دخلوا حنان ونور ع اسراء بعد ما امها خذت شورها بخطبه حيدر لها وكلتلها بفكر

نور تباوع بمكر لاسراء:امممم يعني موافقه لعد ليش جنتي تبيعين ثكل ع اخوي
اسراء:شهالثقه بعدني ما وافقت
نور:عليه ولج احنه بنات ونعرف بعض..الي ما يعجبنه راسا نكول ويع مابيه غثيث وانا ابكمل دراسه ومن هالاسطوانه..واليعجبنه نبيع ثكل ونكول افكر عود يعني شوفوني ما ميته ع الزواج
حنان:😂😂😂خطيه احرجتيها..وبعدين صج لو كايله بسرعه موافقه مو جان كلتوا ماتستحي ميته ع الزواج والله ما عرفنالكم
اسراء:اكول انكلعوا من الدار ابي انام

جانت هالدار مليانه ضحك وفرح عكس دار ثانيه ماينسمع بس نحيب بدور  وهيه تتذكر توسل حيدر حتى يتزوج اسراء
وهمه اثنينهم كاعدين يم بعض هيه واسراء..بس جانت المشاعر مختلفه
اسراء ميته من الفرح وطايره
وبدور ميته من القهر وتتمنه تنشك الارض وتبلعه ولا تشوفه يتوسل بخطبه غيرها

بدور(ليش ياربي ليش..فتحت عيوني عليه وما باوعت غيره فليش تاخذه غيري..انزين ياربي اذا مو قسمتي ليش خليتني احبه وامشي وراه مثل الثوله اتانيه بس يطلب شي حتى اخدمه بعيوني ع امل يحبني واقل شي يسوي الي ويمدحني او يشكرني اطير من الفرح مثل الثوله واكعد ابني امال واكول اي ما بقه شي بده ينعجب بيه اكيد وراح يحبني عن قريب ..اخخخخ ياربي ساعدني ..شسوي يارب شسوي والله اموت ما اتحمل ..يارب مثل ما طببته لكلبي طلعه منه يارب )
كتمت نحيبها وغطت جسمها كله حتى راسها من حست ع حنان تفتح الباب حتى تطمن عليها وسوت روحها نايمه
وهيه حاطه ايدها ع حلكها وكاتمه ونينها

****
ام احمد جانت واكفه يم الباب اتاني احمد يجي وهيه رايحه راده تتحلطم واول ما طب انهدت فيه :انا مو كتلك ع الغده تعال بوس راس جدك واستسمح منه ليش للحين ما شفت وجهك

احمد يمسح ع خشمه:يمه لاهي وي ربعي والله وكيلج لو ما الفلوس جان ما جيت..يمه تخيلي جود وكف حسابي بالبنك وما اكدر اسحب فلس ..اكيد هالشيبه وره السالفه .. يمه لو تشوفين شلون متبهذل وربعي يتصدقون عليه..انا الي امشي واصرف عليهم بدون حساب الحين اتاني صدقتهم عليه

ام احمد:وانت هذا الهامك الجم فلس..روح تاسف منه وينحل كلشي..روح بسرعه تحرك قبل لا ينااام..هذا اذا ما نام جايلي متاخر حضره جنابك

احمد:اوووف زين ماشي

ام احمد:انتظر هنا وراح ادخل كبلك احاجي جدك واحنن كلبه وبعدين اصيحلك تحاجيه

دخلت للبيت وهوة ظل بره وكعد يتمشه بالحديقه وهوة يتافف وظل عشر دقايق وصاحتله امه واول ما دخلوا نكزته امه حتى يطيح ع راسه يحبه
وفعلا سوه التريده وحب راس جده:سامحني بعد ما اعيدها
الجد:مع اني بعدني شايل بكلبي عليك بس لخاطر امك هالمسكينه راح اسامحك..بس انا مابي كلام واعتذارات ابي افعال
احمد:شتقصد؟

الجد:يعني ابيك تحسن معاملتك وي المسكينه..وتعاملها كاي زوجه
احمد:بس هاي خبله..شلون ت
قاطعه الجد:لا بس ولا شي..يا اما تحسن علاقتك فيها وتعاملها مثل الخلق وتتقربلها لو مالك كعده بهالمكان
احمد راد يحجي بس امه سحبت زنده وهمستله يسكت وكلمت الجد:مثل ماتبي يا عمي

الجد:صيحيلي لهلمسكينه وابيك تعتذر لها كدامي
احمد بصراخ:نعممم اعتذر للخبله..هذا الناقص بعد
الجد وكف وطك بعصاه ع الارض:معاجبك الباب يوسع جمل
ام احمد خزرت احمد:عاجبه ونص ..وهسه انا بنفسي اصيحلها

راحت ام احمد واحمد كعد بعيد عن الجد وهوة يهز رجله بعصبيه من تحكم جده

وشوي ودخلت ام احمد ووراها سكينه الي باين النعاس بعيونها بس اول مشافت احمد فتحت عيونها بخوف ولبدت وره ام احمد

الجد:شفت حسبي الله عليك صرت رعب للبنيه
ام احمد:الله يخليك يعمي لا تتحسب ع ولدي..ماعندي غير هالواحد
الجد:مدام بس هالواحد ليش ما ربيتيه عدل .. دلعتيه لمن خرب وما كام يحسب حساب لاي واحد.. المهم اعتذر للبنيه وبوس راسها
احمد والشرار يطلع من عينه:بعدددد

الجد:بسرعه ماعندي الليل بطوله ..ابي انام
احمد اول ما تقدم لسكينه رادت تطلع من الغرفه من الخوف بس ام احمد مسكتها:لا يمه لتخافي مراح يسويلج شي..بس يريد يصاحبج..مو جنتوا زعلانين لازم تتصالحون

سكينه بخوف وهي تحاول تسحب ايدها وتباوع لعيونه الي كان فيها كلام غير عن الي جاي تكوله ام احمد:مابي اصاحبه..هوة يخوف..راح يضربني

ام احمد:مراح يضربج بس سمعي الكلام
احمد جانت عيونه شرار وبالكوه كاض روحه وجان يضغط ع اسنانه حتى يتماسك (ربي صبرني ع هالبلوه..معقوله انااا احمد ع سن ورمح هاي تكون زوجتي..ليش ياربي)

وصل يمها ومسكها من كتوفها حتى لا تهرب وباوع لعيونها كلها رعب وكلما يتقدم يبي يبوس راسها ترجعه ليوره لمن سحبها بقوه اله وباس راسها وهوة عافس وجهه ليكول منقرف منها  وبالكوه نطق هالكلمه:اسف

واول ما تركها شردت حتى بدون متباوعله او ترد ..صح هي خبله بس فهمت من نظراته انه نيته ماتبشر بخير

الجد:شوف البنت كيف مرعوبه..وبربك هذا اعتذار شوف نظراتك ووجهك ليكول شوي وتكفخها
ام احمد:المهم اعتذر..سامحه الله يخليك والله مكدر انام وولدي بعيد عني

الجد:ماشي راح اخليه هنا ..بس والله ثم والله لو ما حسنت علاقتك وياها لتشوف شي ما شايفه..وخل اسمع بس خل اسمع صوتها منزعجه منك ياويلك مني

احمد:انشالله راح احاول
الجد:مو تحاول الا راح تتحسن وياها وغصبا ما ع خشمك
احمد:تامر امر

طلع الجد وهوة التفت لامه بعصبيه :اوووف اووووف بس ابي اعرف منو حفيده انا لو هالخبله .. وبعدين هاي  حياتي وانا حر فيها ليش هالشيبه يتحكم بكلشي ..يمه ما احبها ما احبها شلون احسن علاقتي فيها بله .. يمه شفتي كشتها ليكول اسبوع ما امشطه ولا شفتي هدومها ..يلعن شكلها شلون راح اكابلها

التفت وشاف بدور كباله وواكفه تباوعلهم:نعممممم خيرررر شايفتني فرجه كبالج ..يله انقلعي لدارج ..عمه بشكلج انتي الثانيه
بدور باوعتله بانزعاج من اسلوبه وتركته وراحت

ام احمد:اهده يمه اهده وكلشي ينحل..وبعدين انته كلتها خبله كص عليها بجم كلمه ويمشي الوضع مو الا تحبها
احمد:الله يصبرني بس

*****

نرجع لعصافير الحب
جان جود حاضنها ومخلي راسها ع صدره
جود:ليش ضيعتي علينه ايام جان يمكن نعيشها باحلى مايكون..وكضيتيها عرايك وطلايب

سما وهي تسوي دوائر باصبعها ع صدره:جنت خايفه
جود:من شنو خايفه !!من عزيز؟ما يكدر يوصلج والحراسه موجوده اربعه وعشرين ساعه ميكدر يسوي شي
سما هزت راسها بلا:خايفه افكدك..عزيز ما راح ياذيني واثقه بهالشي بس راح ياذيك ..جود هددني شهرين واذا ما تطلكت يكتلك ومابقه شي ع الشهرين ما تدري شكد جنت خايفه وما ادري شسوي  مالكيت الا نتعارك واكيد راح تمل وتتركني ..بس انا مليت وانته ما مليت
تعبت وانا احارب عزيز وانت واحارب نفسي بالذات..متدري شكنت جنت احس روحي خبله..اسوي شي وبعدين اسوي نقيضه.لان كلبي يكول شي وعقلي يكول شي ثاني

جود مسك ايدها الي ع صدره:امشي وره كلبج ومعليج بالباقي..الكاتبه ربج راح يصير..وبعدين لا تخافين عزيز وابوه اجلهم قريب
سما رفعت راسها باوعتله :شتقصد!!شلون جلهم قريب
جود وعيونه تتحرك ع كل وجهها :معليج يجيج الخبر..اتركينه منهم وخلينه بليلتنه (قلب عليها وصارت هي تحته) انتي ليش ما ينشبع منج ؟؟؟

توردت خدودها وخجلت وهذا الي اخذ عقل جود وظل يبوس بخدودها وشفايفها

ورجعوا من جديد قليلين الادب😒

****

ثاني يوم الصباح كاعدين ع الريوك الحريم والرجال كلهم تريكوا وطلعوا ماعدا حيدر مكابل اسراء وكاعد
حاط ايده ع كلبه ويباوعلها بهيام
حيدر بصوت عالي وهايم:يماااااه
ام جود:هاااا
حيدر:احبهاااا
ام جود:انجب ولك
حيدر:قصدي عليج احبج يعني
طكله صفنه بوجها:يماااااااه
ام جود:هاااا
حيدر بذوبان:راح اموت
ام جود:اسم الله عليك
حيدر:يمااااه
ام جود:يبوووي
حيدر وعيونه ع اسراء ويحاجي امه..فتح قميصه شوي:شوفي كلبي تمرمر تمرمر

اسراء خجلت والباقين كل واحد كاتم ضحكته وبدور جانت ضاغطه ع الخاشوكه وبالاخير كامت لدارها ومحد انتبهلها كلها مندمجه وي الثنائي

حيدر:يمااااه
ام جود:وجعااااا
حيدر تنهد وهوة مبتسم بوجها: زوجوني لا اتهور
اسراء كامت بسرعه عن الاكل وطبت داخل
ام جود:حتى البنيه ما اكلت من وراك كوم انكلع للدوام
حيدر:اي غير اتانيها حتى نروح سوه
ام جود:شنو عيني شنو..لا عيني هاي ابوك منبه عليه ميت مره ما اخليها تروح وياك
حيدر باوع لامه بانزعاج:ليش يمه ليش ..مو كل مره انا اوصلهم شمعنه هسه
ام جود:لا عيني ابوك كال مدام خطبها بعد ماكو طلعه ولا حتى تكعد يمها هسه لو يدري بسالفتك جان جحتك
حيدر:يووو الواحد يخطب حتى ياخذ راحته لو يتقيد..بس ارد اعرف ابوي شفيه عليه ليكول يطلبني ثاررر...اييي عرفت هاي اكيد من جنت جاهل جنت حاشر روحي بينكم وما مخليه ياخذ راحته وهسه جاي يطلعه ضيمه بيه..انا ادري بحظي مجيم

ام جود:كوووم انكلع
حيدر:لا اتاني البنات يطلعون للخط واطلع وياهم
نزلوا اسراء وحنان ونور 
حيدر باوعلها بنفس الهيام:يماااااه
ام جود:عزه العزاني احجي
حيدر بابتسامه ثوله وهو ياشر ع اسراء:اررريدهااا
ام جود:راداك عزرائيل كول امين..شلعت كلبي
اسراء بخوف بدون متحس:لا تدعين عليه خاله دعاء الام مستجاب حتى لو مو قصدج
ام جود:استغفر الله ربي واتوب اليك
حيدر:يمااااه
ام جود كامت شالت الصحون وتركته
حيدر شوي ويشك قميصه:فديت اليخافون عليه انا..اذوووب انا..

بعدين باوعلها بنص عين:لعد عوبه ليش ما توافقين وتفضيها ارد ازوووووج

اسراء سمعت الهورن وطلعت تركض بسرعه (عزه هذا شبيه متخبل هنوب لا يحشم امي ولا امه ولا الكاعدين ..ولا المصيبه امي ساكتتله ع ابو خطب رسمي وهذا عينه صايره كويه)

****

كعد احمد ع صوت التلفون فتحه ورد بدون ميفتح عينه:الووو
عليوي:هلا بابو الشباب
احمد فتح عينه وشاف المتصل:شكو داك انت ووجهك😒
عليوي:افااا انا صديقك الصدوق هيج تحاجيني
احمد:مابقت صداقه لا انته ولا الخمه اليمك.. انا جم مره كتلك مخدرات ما اتورط فيها مجرد شرب وهذا حدي..تخلي الجلاب اليمك يخلطولي حبوب وي الشراب لييش

عليوي:وانا شعلي انته كلتها الجلاب ولا انا مالي ذنب.. يله فديتك لخاطر هالشارب امسحها بوجهي تعال نشرب الليله

احمد:جم مره كتلك انا بالليل ما اشرب من يوم صادتني امي وبطلت..اجيكم بالنهار اشرب وانام يمكم لمن اصحصح ياله اطلعوني من البيت

عليوي:يعني ننتظرك العصر
احمد:مدري اشوف..حسب الظروف
عليوي:اوك ع العموم انتظرك باي وقت تعال
احمد:اوك وسده

لعب بشعره ومسح ع وجهه يصحصح وشاف سكينه نايمه بالكاع بزاويه الغرف

كالعاده اول ما دخل البارحه ابتعدت للزاويه وبقت بيها صاحلها تجي تنام يمه بالسرير بس لا حياه لمن تنادي مكانت تجاوبه

راح يمها وهزها بخفه:هيييه انتي كعدي
سكينه فزت اول ما فتحت عيونها وشافته
احمد:كومي نامي ع السرير راح اطلع
وتركها وخذه هدومه وراح للحمام

غسل وطلع مالكها نزلت تحت يم امه لكاها وحدها
احمد:صباح الخير..وين البنات
ام احمد:صباح النور..راحوا للدوام..وانت شوكت اداوم
احمد رجع راسه لوره بكسل وسنده ع حافه القنفه:مالي خلك اداوم
ام احمد:لشوكت يمه..ابي اشوفك خريج و
احمد:اووف يمه نفس الاسطوانه ..انشالله اتخرج خليها للايام
ام احمد:والله ما ظنتي اذا انته كل سنه مسويها سنتين..شكلي اموت وانته بعدك..المهم زوجتك وينها
احمد:شدراني عنها
ام احمد:شلون متدري..روح يمه شوفها وين .. وراضيها بكلمتين وخلي جدك يرضه عليك
احمد:يمه شراضي فيها.. هيه اول ماتشوفني لو تنحاش لو تلبد وره احد او تنكمش ع حالها وما تحاجيني
ام احمد:ميخالف يمه هيه عقلها ع كدها وهذا الشي لصالحك..بسرعه ينكص عليها وبكلمتين ترضه وتتخسن العلاقه بينكم
احمد:بس يمه هذا مو زعل حتى ترضى..يمه هاي تخاف مني..يعني شلون تكسر حاجز الخوف والله صعبه

ام احمد:من ايدك مو كافي مسوي عملتك السوده ومغتصبها ولا فوكها مكفخها بليله عرسها ولا كملتها بصباحياتها من راحت امها وطكيتها طك لو كافر جان اسلم .
احمد بعصبيه خفيفه:تستاهل ..ماتسمع حجي وانا مالي خلك وهاي يرادلها طوله بال  وواحد يسايسها وانا ما احب هالشي
ام احمد:اي تكوم اطكها؟
احمد:اي علمود مره ثانيه تسمع الكلام.. مو كلما طكيتها تروح تشتكي لامها
ام احمد:والله انته ضايع وياك الكلام..والحين غصبا ما عليك تسايسها.. لو من البدايه ماخذها ع كد عقلها جان ما وصلنه لهالحد

احمد فر وجهه للجهه الثانيه وكان ما عجبه الحجي وكملت ام احمد وهيه اطبطب ع كتفه: يمه والله مرتك فطيره وطيبه ومن اهل الله ..بس اسمع كلامي وكوم احجي وياها كلمتين حلوات

احمد:انشالله يمه هسه كايم اشوفها وين
وطلع يدور عليها بالمطبخ وفوك وبالاخير لكاها بالحديقه تلعب وي الجهال واتوجه لهم واول ما شافته وكفت عن اللعب
احمد بابتسامه بالكوه يطلعها:هلوو يا حلوين..شلونكم
الجهال ردوا بس سكينه ظلت ملتزمه الصمت وتباوعله بخوف وحذر وحاولت تمشي بس احمد تكلم:لحظه شوي..ابي احجي وياج
باوعتله بخوف وراحت تبي تكمل طريقها بس احمد مسك ايدها وحاجاها بنرفزه:ابي احجي وياج..شفيج انتي
سكينه برطمت من اسلوبه وظلت تسحب ايدها منه:مابي مابي وخر عني

احمد:شوفي ولج جايج بالطيب وضاعط ع روحي حتى احجي وياج بادب فلا تنرفزيني واطلعيني عن طوري
سكينه دمعت عينها من صوته العالي:هد ايدي
احمد بصريخ بدون ميحس:ما اهدها وتاكلين تبن وتكعدين تسمعيني لمن اخلص فاهمه

سكينه خافت منه وظنته راح يضربها مثل كل مره لان كل المرات المعدوده ع الاصابع الي يكعدون سوه تنتهي بالضرب
خافت وظلت تبجي بصوت عالي مثل الجهال

احمد حار فيها شلون يسكتها:سكتي ولج ..هسه انا شسويتلج!!سدي بوزج شوي خل نتفاهم

وخاف لمن شاف جده من مسافه شوي بعيده  توه طالع من باب المطبخ الخلفي المطل ع الحديقه الهمه فيها
احمد ترك ايدها :هييه ولج سكتي ..والله ما اريد احجي وياج بس سكتي
لمن شاف جده انتبهلهم واجه باتجاهم قره ع روحه الفاتحه:لا والله رحنه فيها..هسه شيفهم الشيبه انوا ما سويتلها شي واني جاي اراضيها..هييه يا بنت..خررب يومج حتى نسيت اسمج..بس سكتي يرحم والديج ..دروحي ما كاضج بس فاركي عن وجهي

بس سكينه كانت متربعه بالكاع وتبجي من الخوف ..
مشكله احمد ماعنده اسلوب ودومه دفش..ودايما بدال لا يكحلها يعميها..وماعنده بس اسلوب الصريخ حتى لو جاي يصلح الوضع وسكينه ع كد عقلها ومجاي تفهم هالشي بس صريخه راعبها

الجد:انته شمسويلها..بسم الله تونه البارحه نحجي لو حجي الليل يمحيه النهار
احمد:والله والله ما سويتلها شي
الجد:انطم والله لاخلي الرجال يسحلونك ويذبونك بالشارع
احمد:كاعد اكلك ما سويت شي
ام احمد اجت تركض:شكو شصاير
الجد:شوفي ولدج مدري شمسوي للبنيه(مد ايده لسكينه يكومها)كومي يا بنتي تعاي
وسكينه كامت ولبدت وره الجد ودموعها بعدها ع خدها
احمد:يمه والله ما سويتلها شي..جنت جاي اتفاهم وياها بس ما حسيت الا كامت تصارخ
سكينه مدت برطمها:كذاااب جرني من ايدي وظل يصيح عليه
احمد:انتي انطمي ولا كلمه كل مشاكل من وراج يلعن الساعه الشفتج فيها ما يسوه عليه الجم الساعه الي
نكزته ام احمد:انطم(التفتت ع الجد) ياعمي والله هوة جاي يتفاهم وياها ويرجع الامور لمجاريها حتى كلي راح ادور عليها واصالحها بس يجوز هيه فهمته غلط
احمد:اييي اول ما اجيت ابي اكلمها هيه خافت ورادت تشرد..وكضيتها حتى افهمها وهيه فتحت حلكها وماعاد سدته الا لمن جيت..فانا شذنبي جاي اصيح عليه..هيه خبله وما تتفاهم
سكينه بزعل :انا مو خبله.. انته الخبل
احمد خزرها وهيه ضمت راسها وره الجد وكلساع اطلع بس عيونها تباوعلها بخوف وترجع تلبد

الجد:لا تخوزرها لا ابط عينك.. وكل هذا من عمايل يدك لو ما ضاربها جان ما خافت منك.. وبعدين اكو احد جاي يتفاهم وهيج يخوز ويصارخ..انته شوكت يصير عندك اسلوب وصير حالك حال الرجاجيل
احمد:انا رجال ومناقصني شي
الجد:الا ناقصك ونص..الرجال مو بشواربه ..الرجال بافعاله وكلامه الرزن..وانته ماشالله لا افعال ولا حجي مثل الناس

احمد فر وجهه وهوة يتافف وكمل الجد:شوف مثل ما خليتها تخاف منك..خلها تثق فيك وتحبك

احمد فر وجهه بسرعه لجده:نعممم😳..بالله هاي شلون اتفاهم وياها وبع
الجد قاطعه:مشكلتك هاي مو مشكلتي.(التفت لسكينه)دخلي داخل يا بنتي
وسكينه ما صدكت خبر وركضت لداخل والجد طلع من البيت
واحمد بده يدردم ويلعن وامه تهديه وتحاول تفهمه

****

سما بنص نومها حست احد جاي يلعب بشعرها وايد تمشي ع كل وجهها  تحركت بملل وبعدين حست الايد تنزل لركبتها وتمسح ع كل جسمها وبالاخير فتحت عيونها من حست بشفايف ع شفايفها
فرت وجهها بنعاس وبدت تتمغط وباوعت لجود فوكها يباوعلها بابتسامه هاديه:صباح الخير
ردت:صباح النور..هاي شجاي اسوي من صباح الله خير
جود:غير مشتاقلج
سما:يوو شمشتاق وانته ما نيمتنه الا وجه الفجر
جود:حقي والله ..اطلع ضيم الايام الي مرت وانا محروم..اشوفج تتمشين كبالي بكل مفاتنج ومحرم عليه المسج..وانتي طبعا ولا حاسه بعذابي وكل همج الطلاك..انا مصموط ابو ابوي
جود ظل يباوعلها بعيونها وسرح:للحين ما مصدك الي جاي يصير وانتي بين ايدي..ما تدرين عيونج شسوت فيني من اول ما شفتها وانتي مو حاسه ولا يمي

***➰➰❤️❤️➰➰**

والله آنه اخآف من العشگ
بس شجعتني عيونچ !!

**〰➿❤️❤️➿〰***

سما ضحكت: حاسه فيك لان نفسك.. وجنت انا هم اتعذب ..احبك وما اكدر اكربلك جنت جبانه
جود:عيديها
سما:شنو هيه
جود:اعترافج
سما استحت:ما اعترفت بشي
جود:لا سمعت كلمه احبك
سما فرت وجهه عنه:لا تتوهم
جود فر وجهه اله:لا سمعتها عدل..باوعي بعيوني(باوعتله بارتباك) كوليها
سما حطت ايدها ع صدره وحاولت تدفعه:كووم ابي اسوي ريوك ميته جوع
جود يكظ ايدينها ويقيدهم ويقرب وجهه يم اذنها:ماكو كومه لمن اسمعها
سما:ما اكولها وظل انته اول وتالي راح تكوم وتروح للدوام
جود:ماني رايح اليوم كاعدلج كعده
سما:شنو ما تروح..اكيد عندك شغل وينتظرونك ..يله كوم خل اسوي ريوك احسن ما تروح جوعان

جود هد ايدينها وكضها من خصرها ومد ايده حتى ياخذ التلفون من الكومدينه الي يم السرير وسما حاولت تشرد بس جود اخذ التلفون بسرعه ورجع كضها عدل ورجعها لمكانه:وين تشردين..اليوم مالج مفر
سما تضحك بخفه:حررام عليك ميته جوع ..البارحه ما خليتنه نتعشه وحابسني بهالسرير
جود وهوة يطكط بالنقال:جوعي شوي ما راح تموتين من الجوع..حسبي روحج صايمه ..اكو اشياء اهم😉

سما ضحكت :صيام واحنه هيج
سكت جود وحط التلفون ع اذنه
سما:منو تخابر
جود:اششش
سما تحاول تبعد عنه:انزين خلني اسوي الريوك علما تخلص
جود:ركدي لا اموتج ال..(سكت لمن رد سلطان ع التلفون ) هلا سلطان
سلطان:ما احاجيك ولا تحاجيني ..لعد هاي دكه تسويها بيه ..تخليني بنص الشارع وتروح وحتى محفضتي بسيارتك
جود:يوو والله نسيتك ..المهم بعدين نحجي بالسالفه اليوم مكدر اداوم انته تكفل بكلشي

سما ابتسمت بمكر ومدت ايدها تمشيها ع صدره باغراء وبعدين  حاوطت ركبته وسحبته من ركبته وقربته لها

سلطان:تحجي من كل عقلك انته نسيت اليوم اجتماع وصاحب الشركه جاي من سفر مخصوص لهلاجتماع

جود وخر السماعه عن اذنه نفسه ثكل  وهمس لسما:ولج كعدي راحه علما اخلص بس دقيقه
سما تقربت لاذنه وهمست:اتركني اروح وتفتك وتاخذ راحتك بالتلفون
جود رفع حاجب:تحلمين

تقربت وباسته برقبته قريب لاذنه وحست بجسمه شلون رجف جسمه من بوستها

جود ابتعد عنها شوي وصار كانه كاعد بس بعده فوكها ومن حس رادت تكعد وتتقربله دفعها وحط ايده ع حلكها من حس ع ضحكتها

ورجع التلفون ع اذنه وتغير صوته :سلطان دبر روحك وخلص..وانته دير الاجتماع انته كدها وكدود
سلطان ابتسم وهوة يسمع الحركات العنده بس ما سمع صوتهم وحس ع صوته الي تغير:ولك انته شكاعد اسوي😂😂😂
جود:انطم معليك..وباي
وسد بدون ميسمع رده
جود وخر ايده عن حلك سما:زين جذيه فضحتينه..اكيد حس ع الوضع مو طبيعي ..انتي ماتستحين هاي تصرفات تتصرفينها وانا جاي اتصل
سما تضحك:ههههه تستاهل كتلك وخر جوعانه ما تفهم
جود بخباثه:اي كملي الجنت تسوينه من جنت اتصل..صراحه عجبني بس مجان وقته
سما بارتباك:شكمل..ترى جنت اشاقه
جود وهوة يقرب الها ويبوسها:اي وانا هم احب الشقا بهالسوالف اكثر منج

سما:لا جود بربك خل ناكل وبعدين
بس جود لا حياة لمن تنادي  وما تركها الا لمن اعترفت وكالت الاحبك😉

****

الظهر

كعدوا يتغدون ووره الغده ام جود طلعت صور قديمه وبدوا يسترجعون الذكريات

ودخلوا البنات راجعين من الجامعه ووراهم حيدر  .. ولحكواع الصور وكعدوا بدون ميبدلون وندمجوا بالصور

نور:😂😂اسرائوا شوفي كفشتج والله اسطوريه 😂
اسراء رادت تسحبها منها:جيبيها عمه بعينج
بس حيدر سحبها قبلها:ههههههه انا مدري شلون حبيت هالكفشه قبل
اسراء تباوعله صفح:😒محد جبرك والله (التفتت لامها) يمه انتي ليش ما كنتي تمشطيني شنو قحط مشوطه..شو الجهال كلها مرتبه الا انا كفشتي واكفه
ام راكان:والله انتي ميفيد بيج تمشط..ارتبج منا واسويج جنج باربي اطلعين خمس دقايق للشارع تتعاركين وترجعيلي عبسي
نور:😂😂😂والله يا عمه قصفتيها
حيدر:يله كافي لحد يعايب ع حبيبتي..اصلا محد طيحني ع وجهي بحبها غير كفشتها فديتها ..اصلا حبيت عبسي من وراها
اسراء بالبدايه خجلت بس بنهايه جملته عصبت:😠هسه انته وياي لو عليه..يعني مقتنع مثلهم جنت اشبه عبسي..زعلت بعد ما احاجيكم😒

حيدر:ههههع لا كلشي ولا زعلج فديت كلبج..وياويله اليصيحلج عبسي.
اسراء:😠انته هم كلتها مثلهم شو كلساع كالب شكل
حيدر: هههههه لا والله بس اموت عليج وانتي معصبه..وانتي من الصبح احجي وياج وبس كاضيتها مستحه واشتقت للسانج الطويل فجاريتهم
اسراء بشويه خجل:لساني مو طويل

اما حنان فكانت مندمجه بالصور وشافت صور لجود بايام المدرسه وكان يمه سلطان والكشره شاكه الوجه ولبسه مبهذل وجانت كفشته جبيره وخصوصا البكله ابتسمت لا اراديا ع شكله وما تدري ليش ضمت الصوره بجنطتها بدون محد ينتبه

*****

سما بالمطبخ وهيه تسوي لفات جبن وكيمر ومربه وتباوع لجود بعصبيه
تقدم لها جود وهيه حاجته بعصبيه:لا تقرب مني بعد والا ادجك بهالسجين موتني جوع حرام عليك حتى الغده ما سويته من وراك..من غداي امس ظاله ..راح يصير بيه جفاف من وراك
جود وهوة يضحك:هههه ما راح اسوي شي بس باكل شوي ..وبعدين لا تاكلين وايد بس ركدي بطنج علما يوصل الطلب..من مساع دكيت عليهم ع الغده يعني ع وصول هسه

وكف ورها وهوة يمد ايده وياكل وصار كانه حاظنها
وشوي شوي بده يتقرب وحاوط خصرها وحط ذقنه ع كتفها وهيه تاكل ومندمجه

وشوي شوي بده يبوسها برقبتها صفح يم اذنها
وسما فطست ضحك وتبتعد عنه
جود باوعلها باستغراب:شبيج
ورجع باسها نفس المكان وهيه خربت ضحك وتحاول تبتعد بس ماسكها من خصرها:لا جود ههههه بربك اغاار هههههههههه
جود وهوة يرجع يبوسها عناد بنفس المكان ويضحك عليها:اكو احد يغار من هالمكان هههههههه
سما شوي واطيح بالكاع من الضحك لو ما كاضها جود من خصرها وشابكها من وره وبالكوه تحجي:هههههه لا هههه عفيه ههههع والله مكدر
وبالكوه ياله فكها من بعد محاولات قاسيه منها حتى تبتعد:يمه بغيت اموت من الضحك..لاتبوس هنا والله ما اتحمل
جود راد يتقرب منها بس شردت بسرعه وره الطاوله:لا بروح ابوك لا تبوسني منا..اغاار والله ..نهايتي اموت من الضحك من وراك

جود:ههههع لا تعاي ما ابوسج من يم اذنج
سما:لا ما اثق بيك
جود:اكلج شرايج نروح للدار علما يوصل الغده😉

سما:لا عاد مصختها ..انا كلش جوعانه ومو مال هيج سوالف
جود :دمشي مرتح تخسرين شي احسن من الكعده والانتظار
سما باوعت صفح:😒ما جنت اظنك هيج
جود كعد وحط رحل ع رجل:شلون يعني هيج
سما:يعني ما تشبع

جود طكها ضحكه:حلالي وبكيفي وترى حقي مشايف غير
سما سرحت بضحكته
جود وكف وتقربلها:شكلج حتى انتي مشتهيه ومستحيه
مسك ايدها وحاول يدخلها للغرفه
سما سحبت ايدها بسرعه:لالالا ما ادخل..انا مره جوعانه واذا دخلنه الدار بعد ما نطلع..نتغده وبعدين
جود :لا حول الله
اندك الباب
جود:😉من حظج اجه الطلب

وتركها وراح وجان فعلاجايبين الغده وكعدوا ياكلون

*****

العصر طلعت بدور للحديقه بعد ما جانت بالصاله وسمعتهم يخططون ويحددون يوم خطوبه حيدر واسراء
وطلعت مخنوكه وحبت تشم هوة وحست روحها راح تنفجر اذا ما حجت وي احد واتصلت ع سما
سما:الووو
بدور:اهلا سما..شلونج
سما حست بصوت بدور المخنوك وكامت طلعت للصاله:الحمدلله..فيج شي؟؟صاير شي
بدور بغصه:لا مصاير شي
سما:بدور شفيج؟؟صوتك مبين مو طبيعي
بدور بدت تنزل دموعها:سمااا شوكت تجين..محتاجتج صارلج فتره ماكو..الله يخليج تعاي اليوم
سما:بدور شصاير لا تخوفيني
بدور انهارت وكعدت ع كرسي موجود بالحديقه:سمااا راح اموت احس بغصه بكلبي
سما:سلامت كلبج حبيبتي شكو
بدور:حيدر خطب اسراء وجاي يحددون يوم خطبتهم..سما والله ما اتحمل اشوفهم مع بعض..انا من اشوفه يمها ويتمناها منه ويتمنه بس تاشر وهيه تددلل عليه احس كلبي ينمرد.. انا الجنت اتمنه بس يطلب شي حتى اسويه اله وارضيه وهيه تدلل عليه وهوة يركض وراها..ليش انا شناقصني!!ليش ما يباوعلي ومو بعينه اصلا (حطت ايدها ع حلكها تكتم شهكتها) سما معقوله انا مو حلوه او يجوز شعري ما عاجبه او يجوز ملابسي..والله مستعد اتغير عشانه بس يكول..ليش يتركني ويباوع غيري..(انهارت تبيكي) سما والله ما اتحمل كربهم بعد..بالكوه اكض روحي يمهم وما ابجي..بالكوه اتصنع القوه واضحك كبالهم وكلبي يتكطع الف وصله ..اتمنه عندي شجاعه واوجه واكله ليش ما تحبني .. شنو الي عندها وانا ماعندي.. اكدر اتغير علموده واصير مثلها

###💔💔###

حبني قشمرني بهله ومشتاقلك😓
حبني والعباس انا استاهلك💔😭

##🌸💔🌸##

سما:سمعيني حبيبتي القلوب وما تهوة..الحب مو بالكوه وكلشي قسمه ونصيب..ونصيبه انه يحب اسراء وانتي نصيبج راح يجي ويجوز احسن من حيدر بعد ويدللج..ويعدين تخيلي حيدر ياخذج وهوة ما يحبج تضنين راح يسعدج لا والله راح يكرهج باليوم الخذتيه وراح يطالع غيرج لان ما يحبج حتى يخلصلج فما تدرين وين الخيره.. ومو لان ما حبج تنقصين من نفسج..انتي الف واحد يتمناج..اذا هوة ميحبج غيره يتمنه ضفرج.. والانسان ترى ما يحب ع الشكل..لا الحب الحقيقي يحب روح الانسان ويكون الحب فطره ومو بيد الشخص .. لو كل واحد يتحكم بحبه ما جان احد اتعذب من وره الحب ..ونصيحه لا تغيرين نفسج علمود احد لان راح تتعذبين لو الشخص يحبج لذاتج بدون تصنع والا فمو لازم..لان من راح تعيشين وياه راح يكتشف كل الزيف والتصنع الواهمته اياه وما راح تعيشين سعيده بحياتج..خليج ع طبيعتج واكيد راح يجي احد يحبج لذاتج..انتي انسيه وعيشي حياتج وانتي بعدج صغيره والحياه كدامج عيشيها بطولها وبعرضها ومع الوقت حيدر يصير ماضي وتضحكين ع روحج شلون جنتي تبجين علمود شخص ماحبج

بدور وهي تمسح دمعه وتنزل عشره: الحجي سهل بس التنفيذ اصعب..شلون انساه وانا وين ما افر وجهي الكاهم كبالي ..تدرين اول مره اكره ترتيب بيتنه وليش جدي دمج الثلاث بيوت سوه.. اتمنه عندنه بيت خاص وما يدخله حيدر.. يجوز لو بعد عن عيني اكدر انساه..ولو اشك اكدر انساه..تدرين بعدني كاعده ع امل اكول بلكي يصير شي ويتركها ويحس فيني ويح...

حست اكو احد واكف وراها والتفتت وشهكت وكان

***
هلوووو
كل عام وانتوا بخير وعساكم من عواده
شلونكم شخباركم
اليوم طالعه والنت زفت يم بيت اخوي بالكوه فتح النت
وحتى ما راجعت البارت من زمان كتبت البارت وعفته.. وصراحه مابيه حيل اراجع لان لحد هسه منايمه متعوده ع السهر..احس روحي دايخه وامشي جني مكبسله ومجاي اكدر انام لحد هسه😴😴