تحميل رواية «لك ياذا الجمال اليوسفي» PDF

ي

رواية

فايفة بغيض و كال بغصة

... راح اخذج اخذج ما اخليج تصيرين الواحد غيري لو اعرف يگطعون ركبتي يدرة ..

كضني من زنودي جرني اله

ما يفصلنة غير جرة النفس

ارتعشت من جسمي لاصق جسمة

وارتعد كلبي

قرب راسة من أذني وهمس ... واذا هسة خذيتچ ..

دفعتة قوي ، انضرب ظهرة بالحايط

... صح انتَ مو خالي الحقيقي وما يربطنة دم بس خليتني اشوفك اب و اخ مو بس خال

لا تظن بيوم تشوف مني شي

لا تنسة احنة عشنة ع هذا الاساس انته خالي وانه بت اختك شنو تكول للعالم مثلا اذا ردت تخطبني وتتزوجني

معقولة تكول لعمي فاضل جاي اخطب منك درة الجانت عايشة وياي بت اخت !

يعني انته الهاي الدرجة صلف؟

كلماتي نزلن بمسامعة مثل السم ، ما رد عليه بس بؤبؤ عينة يتنقل ويوزع نظراتة ع ملامحي المقتضبة

عيونة جانت كلهة عتب و حزن وأنكسار

غص بعبرتة وكال ...

... مووو صلللف گلبي هوااا الصلف هواچ گلبي هوااا العينة صلفة وضليت اشوفج بعين كلبي

روحي

وقبلتي

وحبيبتي

ومهجتي

سعادتي

و وريدي

وكمري اليضوي ليلي يا اول سمرة تضوي

انه مالي ذنب، هوا دگلچ وارتعش عليچ، تمرد تمرد حد ما غلبني وخلاني اطيح كبال اسمج قتيل

ما جنت رايد غير تصيرين حلالي ونتشابك مثل الظفيرة

مني ومنج، ونصير أهل من صدك ما نجذب واحد ع ثاني مثل هسة

…لا تأذيني وتخوفني بكلامك ولا تحلم زيادة

من رخصتك

حر ...سهلة عليك تنطيني ظهرك

وانا لو شفتك جهنم بكل حيلي احضنك

مشيت بس كل ثانية التفتت اشوفة واكف يباوع ع خطواتي وانه ابتعد

والله حسيت بنار گلبة لفحتني

بحيث غمضت عيني وحطيت ايدي ع صدري ونزلت

كعدت بهدوء منصية راسي العب بالخيط مال ثوبي و رجعت بذاكرتي للماضي

امي وعد من تزوجت ابوي بسنة 1990 جان منفصل وعندة ولد الي هوا اخوي هاني عمرة 6 سنوات

ورة ما تزوج امي وعد بسنة رجع امي نهلة ع ذمتة

وحبلت بية بسنة 1991 وجابتني بنفس السنة

مواليدي 1991/3/3

الله ما كاتب الهة عمر مديد، جابتني عند القابلة ولادتهة الي جانت صعبة و انه ما اقبل اطلع مجلبة بأيديني وسنوني

يوم كامل تعبت كلش وبس ولدتني شحب وجهة و يبست، فاضت روحها و فارقت الحياة

طفلة عمري دقايق وصرت يتيمة الأم

عبالكم ما اكو حضن يلمني وشفاه تقبل الأمي حتى تختفي؟ لا ..اكو

جانو محتارين وين يخلوني بيبتي ام امي نهلة جبيرة بالعمر، ما تكدر تباريني

وهاني جان متعلق بيهة، ضل يمهة وانه اخذني ابوي الأمي وعد الجانت حامل برهف

هية ما كالت لا بالعكس، اخذتني بدفو أحضانهة تسويلي المميات وتشربني وتسهر عليه

ومن اتمرض تبجي عليه ، تشتري الرهف وتشتريلي نفس الشي اتطلعنة سوية وتلعبنة شوية ..

يعني جانت أم مثالية اليه

ربتني ويا رهف، وما فرقت بيناتنة ابد

بس ما رضعتني لأن صدرهة ما جان بي حليب

لو راضعتني جا هسة خالي حر ما اتجرأ وحط عينة عليه لأن احرم علي

هاني ضل يم بيبتي تحبة وما تقبل تنطي وانه طفلة ما اعرف شي غير وعد امي

وحتى من جانت تعصب مرات تضرب رهف راشدي تضل تبجي وتضربني راشدي ع كيف ابد ما اتعور

چانت تخاف الله بية لأن يتيمة وكلش ضعيفة ماتصير بية عافية عبالك وحدة جاية من مجاعة افريقيا

بالنسبة لهاني جان كل فترة يجي يمنة يجيبو ناس ما جنت اعرفهم ولحد اليوم ما اعرفهم

جان يحب امي ويسميها يمة بس يعز بيبي اكثر ومتعلق بيها وهي متعلقة بي لهذا السبب ضل يمها ..

ورة سنوات وقبل ولادة ترف اختي الصغيرة، ابوي انطاكم عمرة غرگ بالشط ومات ..

اذكر جنت طفلة صغيرة كلش اصغر من عمري

اسمع صريخ امي ولطمهة، وهي تملخ بروحهة

ونسوان هواي اجن هم يصرخن ويدكن

رهف حبست روحهة بالغرفة تخاف وتبجي وانه واكفة واباوع مفزوعة

رغم عمري 8 سنين بس عقلي اصغر بهووواي وما عندي اطلاع ع حياة لأن عايشين بعيد عن عمامي وخوالي ولا نروح لهذول ولا لهذول وبس كاعدين بالبيت ..

جنت ابجي بهسترية و واكفة ، واكو ولد شالني وطلعني من يم النسوان وانه ابجي اخذني للمحل اشترالي بسكت وعصير وكيك وخلاني اكعد بباب المحل اكل

ابد ما جان يحجي وشنو اكلة يهز راسة

ومن خلصت كضني من ايدي ورجعني للبيت، بعدين عرفت هذا اسمة ليث

3 ايام ضبط الناس تبجي وتصرخ ومن اكللهم وين ابوي

يكولون مات ..

ورة ل3 ايام طلعنة من هذا البيت وحطونة بسيارة لوحدنة امي جانت لابسة بوشية وجفوف سود

واسمعهم يكولون بنات المرحوم ومرتة

اخذونة لبيت جبير كعدنة بي واكو بي هواي ناس

نطلع بالباب ونشوف بنات و ولد نلعب وياهم ونضحك وهمة الاطفال جانو شنو يشترون ينطونة

بيوم ولادة اختي ترف، جنت طالعة اركض ودعمت بعمي فاضل مثل دعمتي بي من ركض وراي همام

رفعت راسي باوعتلة ببرائة وخايفة لان جان رجال عصبي وحواجبة معقودة دوم

كلي بصوت خشن ... وين طالعة بوية

... العب ويا الجهال عمو

هز راسة وكال ... هاا اولاد عمج

مسح ع راسي وكال روحي

طلعت شفت الولد يلعبون طوبة و البنات مسويات عزيمة حاطات لفات وكيك و عصاير وانواع الحلويات

رغم اذكر بسنة ل99 الناس ماعدهة وعايشة بتعب

كعدت يمهن وجانن ينطنة انه ورهف اكبر حصة

واكو بنية اصغر من عدنة بهواي انتفضت وكالت

... ليش تنطوهن هواي وانه شوية

البنية الجانت اكبر من عدنة بسنة وتلعبنة كلنا

خزرتهة وكلتلهة بصوت ناصي بس مسموع

... اششش عيب هنة يتيمات ...

رهف نفضت ايدهة من الاكل وكامت معصبة

كالت ... بعد ما العب وياجن انتن جلبات

عيبت عليهن وركضت للبيت

البنية حطت اصابعهة ع شفايفهة وكالت ... يااا يمكن سمعتني وزعلت

اجة ليث وسأل شبيهة البنية رهف تبجي

البنية شاورتة واخذ حصتهة وراح وداها الهة

و ورة شهرين بس، كعدتنة امي من نومنة چنة نعسانات و كالت وهية تبجي

... اششش لا تطلعن صوت امشن بناتي امشن

احنة لمينة شعرنة وكمنة، هية شايلة اختي الصغيرة ترف وانه و رهف وحدة كاضة ايد الثانية

طلعنة من الباب الخلفي

واخذتنة الدنيا ليل هية تكول نص ليل

بس ما اعرف اذا صدك نص ليل لو لا ..

وكفت تكسي ونزلت راسهة كلتلة

... شلونك خوية ما تاخذني للجمعيات

باوعلنة وكللهة ... وهذني البنات شيصيرن منج

وعد ... بناتي خوية، متعاركة ويا رجلي وطردني رايحة الأهلي

... صعدي خوية صعدي

صعدتنة بالسيارة وطلع بينة الزلمة وهوا كل شوية يسأل اذا محتاجات شي او لا

و اذا ماعدنة فلوس ينطينة هوا

وامي تكلة تسلم خوية ما تقصر الحمد لله عندي

من وصلنة لبيت خوالي جان خالي عدي بعدة ما عازل، هوا فتح النة الباب واستقبلنة

طبت امي تبجي وتتهامس ويا وهوا معصب

ومن يومهة صرنة ما نعرف شي

وليش امي انهزمت بينة من يم عمامي

عشنة بحرية و برائة وداومنة بالمدرسة القريبة

جنت دوم اشوف بنية بحديقتنة شگرة والعب وياها بس فجأة تختفي

واكول يمكن راحت البيتهم

و مرة جنت العب بالشارع واركض، فجأة طحت ع وجهي وتزلغت ضليت متمددة بالكاع وابجي

ما حسيت غير ايدين انتشلتني من الأرض وشفت واحد وجهة اسمراني وبنص وجهة جرح طويل قاسم وجهة نصين و كال بصوتة الخشن المرعب بالنسبة الي

... ع كيفج عمو ليش تبجين بله راويني تعورتي ؟

جان يحجي بأهتمام بس شكلة يخوف ..

هزيت راسي وعفتة وركضت وانه اتلفت بالضبط مثل هسة من انزل والتفتت علي

جان يمشي وراي فتت للبيت وسديت الباب وكعدت يم امي وزوجة خالي عدي بالحديقة

وما نحس غير ينفتح الباب ويفوت هوا نفسة علينة كتمت انفاسي وضليت ارجف

شفت امي طفرت و صاحت بصوت عالي

خوووية حرررر

وطلعو خوالي ع صوتهة

حضنتة وهية تبجي سلمت علي وتبوس بي وهوا ملامحة جامدة ما ينطي اي رد فعل

دقايق وفات خالي قصي وكال بفرح ... جنت منتظرك والله كلبي طار من نشرو خبر

صار عفو عام وانتظرت اتصال يجيلي بي خبر

يكول حر طلع من السجن

ابتسم بهدوء وسلم علي

چنة انه ورهف مصدومات ونتهامس ببرائة اطفال

... هوا السجن مو للأشرار

رهف .. اي هذا يمكن شرير شوفي مثل الكارتون بوجهة جروح

باوعلنة وأبتسم وكال

... بنات وعد

وعد ... اي بنياتي

دنك باس رهف وهية خافت ورجع باسني بس ضليت ارجف

يمكن جانت اصعب لحظة من تقرب هذا الشرير وطبع شفايفة ع خدي برهاوة

هنا تعرفت ع خالي حر

الجان يقضي ايامة بين القضبان

والمساجين

عرفت السجن سرق الوان حياتة سلفًا

وصارت غيمة سودة غامضة

تحجب ضوء القمر عن كل احبابهة

رجعني للواقع صوت كاتي الناعم و هي تطلب مني اطلع وياها للحديقة

... درة امشي للحديگة وياي

هزيت راسي بـ اي، رمقتة بسرعة و هوا ينزل من الدرج بهدوء مبدل ملابسة لابس دشداشة بيضة ناصعة ، يلبس بساعتة اباوع الايدة الحنطاوية مزينهة خاتم لون الحجر مالتة رمادي يلمع ..

رفعت عيني اباوع ع وجهة، فكة عريض

يحلق لحيتة ويخلي شارب كثيف مرتب مبروم الأطراف، وشعرة يحلقة ، اكرع

يجوز ما يكون بنظر الناس جميل، بس بعيوني ملاك و شكلة غريب بالأخص من سوة تغيير ع شكلة

وهوا بحلاقة لحيتة وشعرة ..وترك الشارب يزين وجهة، مو مثل باقي الرجال

طبعا اشوفة هيج من باب هوا عزيز ع كلبي و شما سوة يضل عزيز وغالي، وافضاله مغركتني

يكفي شالني ع امتونة، وتعب عليه وصرف عليه وزرع بكلبي الطيب

لبس نظارتة و كال و هوا يطلع من البيت ... رايح اعايد جماعتي اودعناكم ..

حجة هيج و هوا يعبر من يمي ، جر نفس عميق

شحيت نظري عنة و توقعتة يباوعلي من ورة النظارة ..

للعصر هوا ماكو واستنتجت غيبتة الهة اسباب

اولهة كلامي الجارح ويا مايريد يشوفني ويكعد يذكر شحجيت وشكلت

بس ما جان يوم عيد، احس حنجرتي جمرة

مقهورة و مهضومة من شني ما ادري ..

سحبت نفس تسلل عطرة لريتي فتحت عيني شفتة بالمطبخ

هذا منين فات فلك

فتح الثلاجة اخذ منهة مشمشة و كال ... اااااخ يااا چعب كلبي الك بكلبي حسرة شكبرها

بلحضة ردت اهجم علي واكتلة بس همست ... اش درة ع كيفج هسة ثواني ويطلع

حسيت بشي طاح بحضني نزلت راسي شفت مشمشة بحضني

حر ... هاي رايجة تحبينهة هيج انتي

وكفت الغصة ببلعومي ، ولك لا تهتم بية بعد والله مرمرتني ..

شلتهة من حضني و همست ... شكرًا ..

همزين طلع لأن جنت كاتمة انفاسي وبس طلع زفرت النفس الجنت حابستة بصدري

مد راسة من الباب و كال ... ولج سمنانة شنو يمي جنتي ما تاكلين؟

درة ... صدك سمنانة ؟

حر ... اي والله صايرة شحلاتچ ولج محلوّة من وراي

درة ... كاافي

حجيت ودرت وجهي عنة ، ضحك بثگل ورزانة وصعد لغرفتة و بعد ما شفتة

خابر سداد ع امي كلتلة خليهن

كال خوش باجر من الصبح اجي عليهن نريد نروح لسمان ابن داوود وانتي عمة معزومة مو ما تجين

كلتلة اشوف والله كريم و نهت الاتصال

احس روحي انضكيت

ما اريد اضل يمة ما اريد ليششش ربي ليششش

تنهدت بضيق

وصعدت للغرفة باوعت الوجهي بالمراية شو يكول محلوة

يعني قصدة حليانة عود صدك حليانة ؟

هوا صدك شوية صايرة بية عافية لأن عمة نجوى بس تعلف بية ليكول جايبة جاموسة تعلف بيهة علمود تسمنهة وتذبحهة ..

عود هية الجاموسة هم يذبحونهة وياكلون لحمهة ؟ انه تفكيري مال ثولان ..

طبت رهف ترعد وتضغط ع اسنانهة بغضب تفتح الكنتور وتكلب بأغراضنة القديمة و ترجع تدفر الكنتور برجلهة ..

... لج رهف سوادين شنو شالو عقلج وحطو بمكانة قندرة

رهف ... خررررر* بيك سداد

درة ... بي هذا البربوك؟

رهف ... ليششش قبل يخلينة هنا ليششش اوووف

درة ... منو ضوجج

رهف ... امج بعد منو موتتني تكول صهيب خاطبني منهة وتريد تنطيني اله

درة ... ع اساس ما جنتي كاتلة روحج حتى تحصلين نظرة وحدة من صهيب هسة صار كخة

رهف ... اي كخة كخة ما اريدة كوة خو ما كوة ما اريدة

درة ... و شتردين

رهف ... اريد واحد يحاول يكسبني ويكسب حبي

يحسسني انه مهمة بحياتة

مو لا أحد !

درة ... هسة انتي لا احد بحياة صهيب

رهف ... اي لا أحد ، انه جنت ثولة ومعجبة بي حقي ما شايفة حلوين

بس هسة ما يعجبني العجب

اريد واحد ع مزاجي ، اريدة خبل بعشكة هيج عشك معيدي مو هذا صهيب المايع

درة ... هسة صار صهيب مايع المهم كيفج هوا مو ثوب وتنزعينة بدام ما عاجبج لا توافقين

صعدت كاتي تكمز ... هررر عزمتنة ع عشاااااء هررر عاازمتنة

رهف ... هاك استلم وانه كالبة وجهي شلون اطلع

كاتي ... وعد كال بدلوووو بسرررعة وهلاا يا ابو هدود تفاهة ويا ابو هدود تفاهة

رهف ... علاء سعد شفط حتى الاجنبية

كاتي ... اي ءلاوي يهبل متبتب (مدبدب) وهلا يا ابو هدود تفاهة هلا هلا هلا

درة ...ها خوتي هاا

كاتي ...هااا درة هاا

درة ...كاتي بس گولي بلي بيج خير وتدللي

كاتي ...اسومة تفي لگلوب هدها (خدها) يشع ويا الروب

درة ...وايي ابو خد مشمشة

كاتي ...هلاني ومشة هلا هلا شتأنگ والبس يالون من اهجي ويا ابدي شلون

درة ...اي هلا هلا هزيهااا .. هلا

كاتي تهز خصرها وانه اهز چتفي

كاتي ...هلاني (خلاني) ومشة

درة ...وشتأنق والبس يالون من ابدي ويا ابدي شلون

كاتي ...سلاوات سلاوات نبدي شنقول

درة ...لا اله الا الله

كاتي ...والف السلاة ءلى الرسول

درة ..لا اله الا الله

كاتي ...وهذا لئبنة (لعبنة) ولا تكول مستهترين

درة ...استهتاررر

كاتي ...اريد ادبش دبش هلا هلا ..

رهف ...كااااافي هز ورگص وين ماخذچن حر الدين لأميركا هو كله مطعم يعشيچن

كاتي ...هلينا نتونس شبيك رهف كالب وشهك شنك بومة شا شلون ما نفره (نفرح)

رهف ...امشي بدلي كتكوتة

بدلنة ع سريع خليت رهف تحطلي شوية مكياج خفيف طلع وجهي حلو

... اكلج صدك حليانة بربج

... صايرة عسل وطالعاتلج خديدات تخبلين

هاي الكعدة كبال الصاكين ببيت عمي خلتج اتطكين

اندك علينة باب الغرفة

حر ... بننناااات

رهف ... فوت خالي

فتح الباب وطب وانه امشط شعري باوعلي و تحسر رهف ما حست ع شي لان لا هية تتوقع خالي حر ينظرلي كـ بنية غريبة و يحبني و لا انه جنت اتوقع ..

حر ... راح نطلع ليش اتأخرتن

رهف ... بس شوية خالي حباب وعيد وناس كتلة لازم نطلع بأبهى صورة

درة ... دقايق ونخلص

حر ... براحتچن ... لا تتأخرن بنات هم ياله ترة المطاعم مزدحمة خاف تردن اوكلجن لفات فلافل ههههههه

رهف ... لا دقايق وننزل

هز راسة وانه نطيت حاجيت رهف

... رهف امي قبلت اكص شعري ، كصي الي حد عنقي

باوعلي بسرعة بنظرة واحد تعبان وانطعن كلبة ويا حجايتي

رهف ... خوش من نرجع اكصة الج ..

هوا انه ما جنت اجذب لا احجي صدك لان توسلت بأمي وكالت كصي ما تدري راح ابترة بتر ..

لفيتة ولبست شالي ، جنت لابسة بنطرون اسود و قميص ماروني وبي قلب بيجي وشال وحذاء وجنطة لون بيجي ، ويا المكياج حسيت روحي صرت جميلة وقابلة ع شكلي

هاي ثالث مرة اقبل ع شكلي

الاولى بحنة هاني والثانية بعرسة والثالثة هسة ..

نزلنة و جان خالي حر وجهة محتقن و احمر وبس يزفر يريد واحد يكلة بز حتى يبطل ما يطلعنة ما اعرف شبي ..

صعدنة بالسيارة انه ورهف وكاتي ورة و امي يمة كدام خالي اسامة مو ويانة معزوم بحنة صديقة ..

بأعتبار ايام عيد والاعراس هواي ...

فرينة كومة مطاعم ما اكو طاولات فارغة وكل واحد يكول انتظرو

وخالي يجي يصعد مطنكر اخير شي اخذنة المتنزه البصرة العائلي

واشترالنة اكل ودخلنة للمتنزه

همزين حصلنة مكان نكعد بي ناكل وانه شفت سيارات التصادم وكلت الا اصعد

امي خزرتني وعضت شفتهة الي ... ولج عيييب

درة ... ما ماااا الااا اصعد اريد ادعم واحد الااا العب

حر ... امشي نلعب انه وياج

درة ... لا اريد وحدي يمة حبابة حبابة اريد العب بالتصادم

كاتي ... هتى انا اريد

حر ... يله امشن ثنينجن

اخذنة وكفة بالسرة راح خالي حر حاجة الولد وراح وكف جان سراهم اقل من سرانة و ضل واكف يم الولد من اجة دورنة

صعدت كاتي وانطت كرتهة وصعدت انه بوحدة وما احس غير خالي حر يدحس روحة يمي

حر ... وين تعرفين تسوقين انتي كلت اعلمج

بلعت ريكي و ارتج كلبي ، همست بصوت واحد طاكة روحة ... ارريد وحدي شبيك انتة

اشتغلت اللعبة وصارت السيارات تدعم بينة

حر ... دوسي بريك

دستة وافتر الستيرن

... شيلي رجلج شيليهة

شلتهة كض الستيرن وكال دوسي يلة ولا تشيلين رجلج

دستهة وتحركت السيارة يمين ويسار

ومن كثر الصدمات ضليت اروح يمين ويسار. ع حس الطبل خفن يرجلية

وانه ع صدمة ارتج يجسمي

لف ذراعة حول كتفي ولزمني وانه ادعم بكاتي و هية اتدردم بلغتهة كلشي ممفتهمة منهة ويا صوت الاغاني والصريخ

.... وين الكيرررر

حر ... منين اكوو گير بهاي

... ذيج المرة بيهة كير كضيتة وضليت اوديهة منا ومنا

حر ... لا متوهمة ماكو كير

قرب راسة مني و حجة بصوت طبيعي بس يغلفة الغضب ... اذا تگصين صبع واحد من شعرچ ابتر ايدچ وقد اعذر من أنذر ..

وكفت اللعبة ويا جمودي و نزلت بدون رد

نزل هوا يمسح بجبينة من العرك و طلعنة، راد يطلع من مكان الدخول وضحك و همس انثولت منا منا

رجعنة اتعشينة و طلعنة رحنة للكورنيش تمشينة شوية و اشترينة موطة وازبري كلينة ورجعنة للبيت الساعة بـ 11 بالليل ..

جان يوم حلو ابد ما انساه انحفر بذاكرتي ، ويا باقي ذكرياتي الصارت رماد

اتمنى هاي الأيام ما خلصت، ونرجع نلعب بالتصادم سوية ..

نمت بسرعة من التعب ورهف سمعتهة تتهامس بمبايل امي وتكول لواحد

... تعال من وكت طاكة روحي مالي خلك اضل هنا

و هوا يرد بعد ثواني تكلة ... اي مشكور ما تقصر تعبناك

عرفت هذا سداد ، رجعت غفيت ورة دقايق وجيزة فزيت من حسيت بأنفاس حارة تضرب وجهي

خفت افتح عيني ارتعبت

سمعت صوت الشباك انفتح بقوة والانفاس اختفت رفعت راسي شفت الشباك مفتوح والدنيا ظلممممة

وماكو غير نجمات متعلكة بالسما وتلمع

كمت ع كيفي باوعت جوة للحديقة شفت الاطفال الاثنين يحفرون بالحديقة بمكان واحد ، رفعو راسهم ورمقوني برمق مرعب ..

ارتجف بسببة كياني ..

سديت الشباك و رجعت قريت آيات ، حسيت احد خطف من كدامي ، و عيوني ضلت تتجول بارجاء الغرفة بخوف ..

ورة ثواني ضلت اذني تسمع اصوات مختلفة ضحكات وبجي و صريخ ..

حطيت ايديني ع أذني و كمت من مكاني مفزوعة ، فتحت الباب بهمة صار بوجهي خالي حر حاطلة كرسي وكاعد كبال باب غرفتنة يدخن و وجهة ع باب بحيث اول ما طلعت شافني ..

… درة بيچ شي

… خااايفة اكوووو جهال يحفرون بالحديقة

… وين!

… بالحديقة

… اسم الله الرحمن رجعي نامي متوهمة

… بنية و ولد يحفرون بالحديقة راااح انزل بعد ما اتحمل شفتهم بعيني

نزلت اركض ع درج و هوا وراي كضني من ايدي وجرني صعدني

... لا تصيرين مثلهم جاهل انه مو كتلج اكو بيناتنة وبين الجن حاجز مينشال الا بيوم القيامة

وكتلج بعد الله خالقهم من مارج من نار يعني مينشاوفون ، وهذااا الي تشوفينة كلة وسوسة لا اكثر ..

درة ... بعد ما اجي هنناااا تعبت من هذااا البيت

نترت ايدي منه و ركضت للغرفة رجع جرني قبل لا افوت

... لا تخافين انه راح اضل كاعد هنا للصبح كبال باب الغرفة

درة ...عادي اخلي الباب مفتوح لأن اخاف

ابتسم بهدوء وكال ... خلي

فتت خليت الباب مفتوح وتمددت غطيت راسي وأطمئن كلبي لأن هوا كبال الباب

امر غريب نتوقع من شخص حمايتنة، وهوا الجن اذا عندة سلطة عليه و يكدر يأذيني راح يأذي هوا هم

يعني وجودة ما اله فايدة

وبعدين هوا خالي كال مرة

الجن مالهم سلطان علينة هم اضعف من عدنة بهواي

كعدنة الصبح لكينة خالي نايم ع كرسي وهوا كاعد خطية

رهف زمت شفايفهة مستغربة و راحت تندسة

... خالي شعندك نايم هنا هاي شمسوي شكد امدخن

حر ... كعدت ادخن علمود غرفتي لا تثعول من الجكاير وغفيت يلة رايح اكمل نومتي

راح للغرفة واحنة نزلنة اتريكنة وصعدنة بدلنة وعدلنة نفسنة و انتظرنة سداد

اجة علينة واخذنة گبل لسلمان ابن داوود زرنة

جان فالح ويانة

واهل بارق امه وهمام ..

و بعدين اخذونة للشط ، يم جسر سعد

جان مكان اول مرة اروحلة بالهارثة

نزلنة فرشنة فراشنة و عمة نجوى حطت الجدورة

واحنة نلعب يم الشط

وابد ماكو ناس

والعالم الي يمرون يباوعون علينة مستغربين يمكن عبالهم احنة مخابيل ..

نمدد رجلينة بالماي ونضحك لأن بارد ويدغدغ

فالح لازم كاميرة ويصور بينة كلنا ، ويصور بعمي فاضل

وكل شوية يكلة فاضل باوعلي ابتسم طلع اسنونك

ويصورة ..

ويرجع علينة يكول صبايااا باوعلي

ويصورنة

فلك كاعدة بنصنة انه ورهف ..

عمة نجوى صاحت ... فلك رهف تعالن حطن الحلويات بصحونهن

كامت رهف قبل فدك و زلكت رجلهة بحافة الشط وطاحت ، صرخت بخوف

رهف ... يممممة ..

جانت لحضات تخوف، فزعنة كلنا و ارتجفنة

نزل سداد بسرعة و لحكة ليث

احنة نرجف ونبجي وهية تصرخ

يمممة يممةةة وترفع بايديهة تريد تسيطر وما تغرك

انه ابجي واشهك والطم ع خدي

فاضل ... كضوووهااا لا تغغغططططط

ثواني وغطت قبل لا توصللهة ايدين سداد او ليث

غاص سداد و لحكة ليث

وطلعو روسهم بسرعة ... ماكووووووووو مااااكووووو

كأن اكو حفرة وابتلعتهة ........

ي

رواية

بقلم ... فاطمة العبادي

لتنسون تصويت + تعليق بين الفقرات

قراءة ممتعة 🖤🖤🖤🖤🖤

كانت ثواني بس مرت علينة عبالك سنين من الخوف والرهبة ، تعبنة بكل معنى الكلمة

وصرخت بأعلى صوتي بخوف عليهة

نزل فالح وراهم ورجعو غاصو بس مادري شلون الله سبحانه وتعالى راد يخليهة عايشة

وبسرعة طافت بس وجهة ازرگ ..

كدرو يسحبونهة بس شكلهة جان يخوف ، ازرك وما بيهة حياة

روحي راحت مني وحسيت غيمة سودة نزلت ع عيوني و عمتني ..

سوالهة سداد الأسعافات الأولية، و قبلة الحياة ..

ضلت تكح و الماي ينزل من حلكهة ..

وحالتهة فعلا مزرية ، وتخوف بلحظة توقعت راح تموت ..

فاضل ... لا تكعدون واحد يباوع بوجه الثاني شيلوهة بسرعة شيلوهة اخذوهة للمستشفى ..

انه اروح وياكم يله

رهف حجت بصوت متقطع ... لا ... ما يحتاج .. زينة

ليث ... ولچ وگفتي كلوبنة

فاضل ... مالكم غرض بحجيهة وجهة ازرك اخذوهة

سداد ... موضوع طبيعي لان اختنكت هسة شوية ويرجع الدم الوجهة ..

ليث ... بس لازم ناخذهة للمستشفى احتمال رئاتهة تتأذى اذا ضلت هيج

نجوى ... ايي وشنووو متانين دخذوهة بسرعة تعاي فلك وياي سنديهة للسيارة

جابت عمة نجوى عبايتهة ولفتهة بيهة وسندتهة صعدتهة بالسيارة واخذت عباية مها لبستهة و صعدت وياهم وصعد سداد يسوق راد يروح ليث بس عمي كلة ارجع انه اروح

وصعد عمي يم سداد واخذوهة للمستشفى ..

واحنة شلنا مواعينة و حطيناهن بالسيارة نرجع للبيت خربت السفرة

سمعت ام بارق تكول ... بنات جعفر دومهن يخربن علينة ونستنة ، هنة البارحة بالمتنزه يتونسن واليوم خربن سفرتنة ..

فالح ... هوا حادث الله كاتبة تزلك رجلهة وتطيح البنية ، خو ما متعمدة ..

ام بارق ... اي متعمدة مبينة

فالح ... وين اكو واحد ما يعرف يسبح يشمر روحة متعمد بالشط شنو هذا الحجي

ام بارق بنص عين ... طبعا تدري وراها 3 زلم شمرو روحهم وراها واحد ورا الثانية ، كالت خلي اخرب عليهم وأذب روحي وهمة ينزلون وراي يطلعوني ..

ليث ... مها درة سفانة صعدن ، يله فلك

يحجي ويباوع الأم بارق بنص عين ..

صعدنة كلنا بالسيارات ورجعنة جان الطريق طويل تعبنة و خلگنة ضاج

فلك ... والله كلت ما راح تعدي ع خير هذول العالم بس يباوعون علينة ما يصدكون يشوفون ناس مرتاحين تضل عيونهم ثابتة عليهم ..

مها ... عين ما صلت ع نبي احنه متعودين ما تتعدالنة حتى بعرس هاني وفدك انتي اتخربطتي ..

فلك ...يله غدا الشر وتطشر ما صار شي زينة هية

ليث ... همزين ما طحتن انتن الثلاثة لأن الحافية تزلگ جا نطلع منو ونعوف منو وتروح وحدة منجن تغرگ

فلك ... انه اعرف اسبح

ليث ... الشط ماله صاحب فلك ، زلم معدلة ومتعودة ع سباحة يبلعهم

وهذا شط غميگ كلش ياما ناس هنا غرگو

وبي كوسج دوم يسحب الناس الي يسبحون

مرة ولد يسبح بي وجارة كاطع رجلة وطلع الولد مطوف ميت خطية

درة ... يمممة يمةةةة همزين ما جرهة

ليث ... اي جا شاف رهف حلوة ويكلهة تعاااي انتي لحمج حلو ويبيس بيهة ههههههههه

ضحكنة شوية و تشتت غيمة الحزن الي مستقرة فوگ روسنة ..

نباوع لفالح كاعد ويمة عمي ارفد ومرتة وفالح يباوعلنة ويسويلنة حركات علمود يضحكنة ..

وصلنة للبيت لكينة هاني يتريك بالمطبخ باوع علينة وكال

... زيارة مقبولة

ليث ... زرنة وندعينالك اختك غرگت

غص بلكمتة وضل يكح شرب جاي صرف اللكمة و كلة بفزع ... جذاااب لو غركانة جا طبيتو تلطمون

ليث ... ههههه جذب طاحت بالشط بس مابيهة شي اخذوهة ابوي وسداد وامي للمستشفى يتأكدون من سلامتهة خطية

هاني ... يا مستشفى؟

ليث ... شمدريني

هاني ... يله ما صار شي ، كمل شرب الجاي و صعد صاح فدك تعاي

لحكتة هية و انه وفلك ومها وسفانة رتبنة المطبخ و حطينة الاكل ع طباخ و رجعنة المواعين بأماكنهن ، عبر هاني من يمنة مبدل ولا كأنَ وطلع من البيت ..

خلصنة و رحنة سألنة ليث ما خابروك؟

ليث ... انه خابرتهم كالو نضل شوية بالمستشفى نتأكد من سلامتهة ونجي

مها ... يعني هية زينة ؟

ليث ... مو كتلج ايي ايي خاابرتهم .... حجة بنتر

هية ضاجت خطية نتر عليهة كدامنة كام من يمنة طلع ضايج، وبس يخنزر

حتى انه وفلك خفنة و كمنة دخلنة لغرفتنة ..

رهف ... مر كلشي كبال عيني مثل الكابوس عينً

جنت مختنكة وابتلع كميات جبيرة من الماي

ارفع ايديني وانسحب للقاع

مثل شعور الكوابيس المرعبة ..

من نقلوني للمستشفى چنت ابجي، احس مختنكة وبية رجفة

عمة نجوى جانت تقرأ ايات ع راسي وطريق المستشفى طويل

انه ما جان بية شي لأن سداد اسعفني ، بس انه بنفسي خفت لا يصير بية شي بسبب ثقل انفاسي

حالتي جانت كلش تمام ، بس احس ما اكدر اتنفس حطولي اوكسجين و ضليت بالردهة بس عيوني تتجول بأرجاء المكان ..

غمضت عيني ارتاح صارن حارات ، وكلبي يرجف مدري شبي ، اجت الممرضة شالت الجهاز و جيكت وضعي بعدهة كالت ... ما بيج غير العافية

كمت من فراشي ساعدتني عمة رجعت لبستني العباية و سديت دكمة بنطروني ماعرف ليش فاتحينهة .. فلك فلكهم بس لا شافو المستور ..

طلعت من الردهة وشفت عمي فاضل وسداد وهاني، هذا شجابة

تقرب هوا كال بجمود بس ما كدر يخفي الخوف والاهتمام الي واضحة بنظراتة ... الحمدلله ع سلامتج كلنة راح تموت و نخلص لسانهة الطويل ..

رهف ... لا تخاف أضل ع كلبك ما اموت و الله يسلمك

تحمدولي بالسلامة، و طلعنة للبيت ..

رجعت للبيت البنات بالمطبخ تحمدولي بالسلامة و صبو غدة

مرت الأيام انهمكنة بالدراسة ، وهذا جان اول اهتماماتنة بنات صغار ما نعرف شي غير لازم ندرس ونتفوق

بعدنة صغار ع حب يمكن الحجاية سهلة

بس الفعل صعب، من اكول راح اتمنة اعيش قصة حب

ويجي فارس احلامي التطبيق بالواقع يكون صعب عكس الأحلام ..

الهذا السبب عفنة كلشي و صار اهتمامنة بدراستنة فقط ..

سوولنة نقل بالمدرسة الي يدرس بيهة سداد وراح يسجل فلك بالمسائية لأن هي حولوهة مسائي و سوالهة استضافة بالمدرسة الصباحية ..

كال هوا ياخذنة و يرجعنة ويا

واذا مايكدر او يطلع متأخر احنة نروح قبلة لأن المدرسة قريبة نمشيلهة مشي ..

صادف اول يوم هوا يريد يطلع للتربية علمود فلك

فـ احنة بدلنة لبسنة زي المدرسة

صدرية نيلية وقميص ابيض وشال ابيض وحذاء ابيض

رتبت وجهي ولبست حجابي كامل

وهاي المرة الصيحة صارت ثنين

فلك و درة يصيحن يله أخرتينة

رشيت عطر واخذت حذائي بيدي طلعت شفتهن يتأفأفن بغضب و عاقدات حواجبهن

ليث ... عروس خو ما عروس يا عيني مو انتن رايحات مشي هم ياله تلحكن توصلن ..

باوعتلة بنظرة برائة و رمشت بعيوني

... شسوي غير اللبس يحتاج وقت

ليث ... انتن شبيجن بس تصيحن يله ويله خلنهة ع راحتهة عود انه اوصلجن

فلك ... لا دخيلك نريد نمشي نريد نشوف الشارع والعالم لا تحرمنة من هاي المتعة

ليث ... هوا صوجي انه اعرض عليجن خدماتي روحن خلن رجليجن تتكسر من المشي وتموعن من الحر ..

فلك ... احنه قابلين يله رررهف بس حذائج ساعة !

رهف ... شسوي غير اريد اشد القيطان وردة ! وتاخذ وكت

شديتة وكمت بنشاط ... خلصت يلة

درة ... بيهة الخير من خلصت العروس

انتبهت ليث باوعلي من فوك ليجوة بنظرة عميقة و جر حسرة ، جان يشرب جاي قبل لا يطلع لشغلة ، يشرب ويباوع عليه كأنما فيلم سينمائي وجاي يتفرج علي بتركيز وميريد يفوت منة ولا مشهد ..

لملمت روحي بروحي و طلعت قبل البنات كلبي يرجف ، ما اعرف ليش نظراتة تربكني

جان محاوطني بنظراتة و يقرا كل ذرة بية

هاي النظرات تخوف أي شخص الا انه ما خوفتني ع نفسي خفت ع سداد !

اعجاب سداد بية واضح عيونة تسولف الف قصة وتلقي الف قصيدة حب من تشوفني

احس الفراشات هيج ترفرف ع كلبة و كلبي ، بس مرات مو دوم ..

و خصوصا من البيت ما صار النه الأسباب مجهولة

هيج صاحبة كبل بطل يبيع

وانجبرنة نضل عدهم كل هاي الاشهر

جانت النتيجة هية حب سداد الصادق النابع من اعماق كلبة ..

ما اريد يوم يعرف نظرات اخو الي المو راحة ينقهر

حتى لو انه ما حبيت سداد بس تضل صعبة الواحد يعرف اخو حاط عينة ع البنية الي يحبهة

وسداد جان شفاف بحبة و الكل منتبه علي

ممعقولة ليث اثول و ما انتبه !

اذا همة عمة نجوى وعمي فاضل من يشوفون سداد كاعد قريب مني ويسترق النظر

يبتسمون من الأذن للأذن ويمكن يتخيلون درة وفلك الكاعدات بنصنة اطفالنة انه ويا..

فتنة لبناء المدرسة وسألنة وين صف السادس كالو لهسة ممحددين شلون يوزعون الصفوف ..

البنات هنا شحلاتهن واللبس كلة حصر اوف والاجسام رشيقة وانه غراضي شكبرهن حتى تفشلت

وفلك ما مهتمة رغم جسمهة نفس جسمي بس ما حاطة بالهة ويا الا انه اتمنة اضعف اضعف ياااربي وتالي وياي وتالي ..

احنة سداد جابلنة كتب من مدرستنة القديمة ودبر كتب لفلك

البنات استلمو وفاتو المدرسين والمدرسات انطو واجب

سداد مدرس اللغة العربية و استاذ فاقد مدرس الرياضيات ، جان رجل اربعيني اسمرررر بس ملامحة حلوة وكلشششش انيق ، لابس رسمي وشعرة مرتب ولا شعرة طافرة .. واللحية مسفطة

ماعت روح الطالبات وللأمانة انه منهن ، يشبه حسام الرسام بس هذا اسمر ..

سمعت صوت وحدة من وراي كاعدة حجت لصديقتهة بهمس

... انه درست علمود اصير سادس واستاذ فاقد يدرسني ههه فدوة شوف شحلاتة

... يمة كلبي تسرسح ..

استاذ فاقد ... راح اعتبر هذا الدرس درسي حتى لو مو الي ، انه استاذ فاقد مدرس مادة الرياضيات راح اكون وياكم طول السنة اتمنة اكون خفيف الظل وجيد بنقل المادة ..

كلنا همسنة ان شاءالله ..

درة ...ولج الكتب العندي مشككات وهذني الجدد ما يسون واهس راح ادرس بهذنيج القديمات

رهف ... درسي بــأالي يعجبج اهم شي الدراسة والمعدل

درة ... هزيت راسي بـ اي ، كملنة دوام طلعنة شفنة سداد واكف منتظرنة صعدنة ويا بسيارتة وطلعنة للبيت

سألنة ونبرتة يغلفهة الاهتمام ... شلون شفتن المدرسة ان شاءالله مرتاحات

رهف ... عجبتني صراحة وبناتهة يخبلن

سداد ... هسة انتي عفتي كلشي وركزتي ببناتهة هههه بس هنة صدك يخبلن

زمت شفايفهة وكالت بنبرة حادة ... انته مدرس لو مراهق وتباوع ع بنات ..

سداد ... جا شنو اغمض عيوني غير هنة اشوفهن واحجي وياهن شحلاتهن ..

دارت وجهة عنة بعد ما ردت ، عدل المراية وبس عيونة الملونة بينت يباوع بأتجاهة بمكر وكأن متعمد يثير غيرتهة و يوجر النار الراكدة بصدرهة ..

فلك ... انه عن نفسي حبيت كلشي

درة ... بعدني ممتعودة بس هية فترة واتعلم ..

سداد ... اي تتعودن ، وياجن مريم سمير ام عيون العسليات اتطيح الطير الطاير من سماه بوياي بوياااا من شفتهة اول مرة وتباوعلي برقة و الخجل مخيم على كل ذرة بيهة ، وحجت بصوتهة الترف

"العفو استاذ المديرة تريدك"

يمة يالترافه يمة وردة اذا تقسى عليهة بلزمة ايدك تتبعثر ..

رهف زفرة نفس قوي و كالت بحدة ... انتبه ع طريق وعوف مريم لا تگلبنة منو يفيدنة انته لو مريم حبيبتك من نتكسر .

ابتسم تك خد و علامات النصر اعتلت ملامحة

حس بنشوة الانتصار من نزل صوتهة الغيران بأذانة

دقت طبول الفرح بكلبة و حلقت فراشات الحب من حوله ..

وصلنة للبيت ، نزلنة صلينة و تغدينة

فتحنة كتبنة و بدينة ندرس ، رهف جانت تتذمر و ما عاجبهة و انه بالعكس وكعت بغرام كتبي القديمة والدروس ..

بالنسبة الفلك جانت هادئة كلش ، و ما تحجي لا زين و لا مو زين ..

هنا انقلبت من درة الى دودة الكتب ..

لا ليلي ليل ولا نهاري نهار ، حلم حياتي اصير مدرسة و ادرس اجيال تعجبني هاي المهنة .. وبعدين اتطورت وصرت اتمنه اصير دكتورة جامعية و ان شاءالله احقق حلمي ..

يوم بعد يوم تمر الأيام وامي ما جاي تحصل بيت ثاني ، بيوم سداد خلص دروسة و جان تعبان كلش

اجة للصف و لحكتة رهف كللهة انه راجع للبيت تعبان تكدرن ترجعن مشي لو ارجع عليجن

رهف ... لا بينة حيل نمشي وباجر جمعة يعني عطلة مسيطرين روح الله وياك

ردت احجي بعد و اسألة شبيك بس تلعثمت الحروف بين شفايفي نصيت راسي و مررت رجلي ع ارض بحركة دائرية ..

سداد ... محتاجة شي

رهف ... هوا الصراحة اي اريد اكلك ...

سداد ... مريم وراج

التفتت وشفتهة

رجعت باوعتلة بغضب دفين وبلعت الحجاية ردت اكلة محتاجة اعرف شبيك خو ما تعبان كلش

... باي روح يله

... اوكفي شبيج

... بية مرض روح المريم سولف وياها

... ولج اش لحد يسمعج هسة يكولون شعندة ويا الطالبة وانفصل

حجاها بتنبيه وغضب

... ان شاءالله يفصلونك وبعد ما نشوفك اوووووف شكد مكروه الخاطر محمد عود ليش ما طالع ع اهلك ينحبون ...

فك حلكة بصدمة وكال

... نارچ جاست گلبي

... عساهاا تحركك من راسك لجعب رجلك

... رايح رايح صارت تدعي بوجهي

عفتة و رجعت للصف اغلي و الدخان يطلع من راسي مثل صافرة القطار كضيت الكتاب وطريتة ع رحلة حيل

... حقير حقير

البنات بوعلي وصارن يتغامزن انه كبل كلبت الموجة ورجعت طريت الكتاب ... ما تنحفظ شكد حقير وصعب شنووو من منهج انته ما تنفهم اصعب من علم الذرة ...

درة ... ايقنت هنا ان رهف احتركت بنار غيرتهة ع سداد ، وصارت جمرة تچوي گلبة و روحة

اجارك الله يا سداد شكلهة راح تشن عليك الحرب

تزفر مثل التنين

يمة داخلهة غادي نار جمرة ..

ضحكت فلك وغمزتلي رديتلهة الغمزة و تقربت مني شاورتني

... هذولي الأثنين الهم مستقبل سوية و الظاهر راح يشيلون اهلي من ورة عركاتهم بالمستقبل

ضحكت بهدوء وشاورتهة

... اخوج چنة صينية بسبوسة والبنات يلتمن علي يردن يضوگنة و الاخت تغار

وتشن الحرب و تنزل سداد بالجلاليق تشمرة بحضن عمي فاضل ..

وتكلة ... اخذ ابنك ابو النسوان كلهن لاحگاتني علي انته شكلت الروحك من خلفت هيج ولد صاك .

ضحكنة و هية صاحت علينة ... خير يا طير شبيجن تتمضحكن ..

سكتنة انه باوعت بكتابي وفلك راحت كعدت برحلتهة تقرا وكل شوية تباوعلي دك الجرس و اجة مدرس الرياضيات چنة زنود الست، بالشوكلاططططة

كال السلام عليكم

ردينة عليكم السلام .. ابتسم وبرزت اسنانة الناصعة

كال استريحو

همزين ارتاحينة من ست سوزان

تخلينة نصيح لااا اله الااا الله

وتكعدنة نصيح محمد رسول الله

حتى الملحدة اتدخلهة للأسلام غصب ..

بدأ الاستاذ يشرح ، اكو بنية جايبة مراية اسمهة نسمة

رفعتهة وضربت بيهة الشمس عكست المراية وطلع الضوة بالحايط

هاي تجربة تعلمناها بالثاني متوسط بس ابد ما جربتهة و هية هية جاي تسويهة

تحرك بالمراية و نزل الضوة ع شعر الاستاذ و هوا يكتب كلنة ضحكنة

التفتت هوا و كال ... ضحكونة وياكم!

ما حجينة شي سكتنة

... هاي شنو صاير ليش ضحكتو بله انه بصفتي استاذكم اريد اضحك وياكم ..

ردت نسمة ... صار موقف استاذ ، احم محرج مال بنات و ضحكنة

هز راسة و كال بلا صوت انتم بداخل الصف لازم تركزون وياي انه وبس ..

رجع يكتب هوا يكتب التمرين ويشرح ويمسحة ويطلب من عدنة وحدة تحلة

ومن تكوم تحل ويا وهوا يشرح

وقبل هذا كلة هوا يكتبة ويشرحة قبل بيوم

بحيث يخلي الموضوع يدخل لدماغنة غصب ..

رجعت رفعت المراية وصارت تحركهة والضوة يتحرك ع حايط و هوا شافة التفتت وهية نزلتهة انتبه الهة بس سوة روحة ما شافهة وكال

... منو هاي التسوي الحركات الصبيانية هذي ؟

صرنة وحدة تباوع بوجه الثاني

صاح بغضب ... انتم جايين تدرسوووون لو تشاغبون منوووو سوت هاااي الحركات ..

ما جاوبنة ضلينة ساكتات ، لأن نسمة شرانية وتسوي مشاكل والي تفتن عليهة ما تسلم من شرهة ..

بس هية ويا الحباب وياهة تصير سمسم

بس اذا احد أذاها اتدوس بنص بطنة ..

حط ايدينة ع خواصرة ورجع سترتة ليورة باوع بتفكير رغم هوا يعرف كلش زين بسمة هي الي دتسوي هيج بس ما اعرف ليش ما حجة

اخذ المساحة ومسح السبورة و رجع باوع النة

كال بصوت صارم ... بدون نفس ما اريد اسمع ولا حرف هاي وحدة من عقوباتكم والي تحجي حرف واحد تنطرد

وطلعو اوراق واقلام عدكم امتحان شهري ..

ضلينة نتلاطم وصاح بصوت عالي

التحجي تنطرد واحسب الهة صفررررررر .

حجة بصرامة والتفتت ع سبورة

وحدة من البنات كلتلة استاذ والله بسمة هيج سوت احنه شنو ذنبنة

كللهة ... صفرررررر

يمة وهية بجت ، كتب الأسئلة وطلعنة اوراق واقلام

وضلينة بس نلطم جاوبت الي اعرفة كله

بس ما اعرف صح لو غلط

والبجي صار بفلس انه وحدة من البنات البجيت

همست رهف يحزن

... منين اطلبهة منك من صاحبك سداد

جان ناطينة بس 3 اسئلة مادري شلون يحط مية ع هذني لتلاثة ..

خلصت حل شفت رهف دمعتهة بعينهة و ما تعرف تحل خليتة يدور ومديت الهة ورقتي حطيتهة كبالهة واخذت ورقتهة

مسحت حلهة و ضليت احل بس حاولت قدر الامكان اغير خطي حتى ما ينتبه للتشابه ..

كامت رهف و سلمتة الورقة كللهة ... رهف كتبي اسمج

اخذت قلم من الطالبة وكتبتة .. انتبهتلة يقرا بالحل ويهز راسة بأعجاب

كال برضا

... رهف عفية الشاطرة عفية اعتبري روحج ناجحة بابا

ارتاحت نفسيتي باوعت لرهف تباوعلي بعيونهة بنظرة برائة ، ابتسمت وكملت حل هواي بنات سلمو الاوراق وانه بعدني احل

دك الجرس وكال الي مخلص يطلع ..

طلعن البنات وانة مستمرة احل ورة شوية خلصت وسلمتة الورقة

حطهة ويا باقي الاوراق بدون مينتبه الحمدلله ..

محاولة تغيير خطي أخرتني ...

رهف ... هاا جاوبتي

درة ... اي واعتمدت طرق مختصرة كلة في سبيل حلي عن حلج يختلف ويتبدل خطي .

رهف ... يممممة فديتتتتج عمري جعل الله لا يحرمني منج يدرة انقذتيني .

فلك ... ولكم اتطشر مستقبلي واتحطمت امالي ممجاوبة حسبي الله ونعم الوكيل

كعدت ع كاع تبجي

رهف ... اووو شبيج هوا مبين ما راح يعتمدة مجرد تخويف ، ممعقولة يظلم صف كامل بسبب طالبة وحدة

فلك ... اتدمرت انه اتدمرت راح ارسب كلشي ما مجاوبة والله اذا رسبت وانتن نجحتن ثنيناتجن

اروح اكلله استاذ درة بدلت الاوراق لان شفتجن

رهف ... هههههه لا يا فتانة

درة ... والله هوا استاذ فاقد اكبر بربوك ابن الكيكة

فلك ... ههههههه نذل الا اكول لسداد علي واخلي يحاجي المديرة

درة ... مض** هاي يكرم طاري الله ..

طلع الاستاذ ماخذ الاوراق وصار اللوم ع نسمة

وهية تتمضحك

دخلنة درس اخير و صارت حله

لميت كتبي وطلعت، فلك تنقل من السبورة و رهف تنزع حجابهة وتعدلة طلعت قبلهن كالعادة

بس ياريتني ما طلعت اليوم ..

باوعت من بين كل الناس اجت عيني ع خالي حر واكف يدخن ويباوع باتجاهي شافني ورفع صوت الأغنية

وانتشر صوت ياس خضر بأرجاء المكان و هوا يكول

مرينا بيكم حمد و احنة بقطار الليل

واسمعنة دك كهوة وشمينة ريحة هيل ...

وانه اكلة بكلبي

لا مرينا بيكم حمد ولا اريدنكم تجونة

الحطيتو خناجركم بالظهر عيب تگابلونة

حشو جروحكم بالملح ، ولا تعاتبونة ..

لا مرينا بيكم حمد ولا اريدنكم تجونة ..

اشرلي اروحلة شحيت بنظري عنة

نصة صوت الاغنية ودك هورن

باوعتلة باوعلي بنظرة معناها اذا ما تجين انزلچ .. يعني اتحداني

ردت اروح بس ترددت

شفت العالم كل واحد مشغول بروحة و رحت فتحت باب السيارة وكعدت يمة

... شلونك شخبارك خالي .. شددت ع كلمة خالي بلكت يحس ..

حر ... شلوني عكبچ لا ضلي لون لا ضلتلي عافية كلهن راحن وياج ، حتى انه ضعت مني و ما اعرف اخباري .

درة ... جاي من الجمعيات للكرنة علمود تگلي هذا الحجي ! شجابك ؟

حر ... مادري شفت روحي مريض كلش وكلت اروح للمستشفى فجأة لكيت روحي هنا أسأل ع اسم مدرستچ و صارلي ساعتين واكف منتظر طلعتج ..

درة ... روح حبوبي بعد لا تجي تسويلي مشاكل ويا عمامي

حر ... عمامج يعرفوني ، لا تخافين هسة لو واحد منهم شافني وياج ما يحجي شي انتي ربيتي وياي

درة ... وتالي وياك راح انزل

كض ايدي منعني

... لا تنزلين بروح ابوج عليچ كليلي شنو تردين وتقبلين بية ؟

درة ... تدري شنو اريد ؟ تمسح ذكرياتك من راسي امسحهن! امسحهن وانه اعيش وياك ع اساس زلمة غريب ما تربطنة مواقف أبوية

شنو گلتلك روحك من ركضت وراي مثل الجهال استغفر الله ..

حط ايدة ع صدرة وراسة ع ستيرن ونعقج كل وجهة متألم ..

... يمة شبيك خالي

حر ... گلبي يوجعني عليچ ..

درة ... بطلهن هاي السوالف مو الك للمراهقين خالي والله انته صاير مدري شلونك مراهق تصرفاتك مال زعاطيط والله حتى المراهقين ما يسوونهة

رفع راسة باوعلي بدون ما انتبه الوجهة كملت

... شكلت الروحك من جاي مكابل مدرسة وحدة اصغر منك بسنين وربيتهة ع ايدك

انته ما عندك احساس

حر ... درة!

درة ... صوجي انه حطيت ايدي بايدك وصحتلك خالي جان لازم من يوم عرفتك خريج سجون انتبه منك لان كلشي اتوقع من واحد جان بالسجن وما يقبل يذكر سبب سجنة

اذا ممسوي مصيبة شكبرهة ليش ينسجن

روح بابا روح لا تجي عليه روح العب ويا الي ابكدك ترة صغيرة عليك انه

حجيت ويا بكل جدية ، باوعتلة شفتة صدك ايدة ترجف ولون وجهة ازرك عبالك مابي دم

شهكت و حجيت بخوف .... شبييييك

حر ... انتِ درة نبتي بين ضلوعي ..

نزلي اريد اروح

درة ... وين ترجع صخام شوف شكلك

انطعن وجهة وكال نزلللي نزززلللييي نززززلييييي

يحجي وايدي ترجف نزلت من السيارة ارتجف

باوعلي بنظرة غضب وزم شفايفة بأسى و شخط السيارة وطلع ..

حطيت ايدي ع كلبي

امداني شكد وقحة انه امداني

تنهدت بضيق وباوعت ع بنات واكفات يدورون عليه بأنظارهن جن صخول ضايعة

ركضت الهن كالن بغضب وينج

درة ... اشتريت اقلام من المكتبة واجيت

رهف ... امشي اتأخرنة

مشينة وجانت الرجفة مسيطرة ع كل خلية بجسمي

شلون بي خاف يسوي حادث

بس ارمش ، تجي صورتة كبالي شلون شفايفة زرك و وجهة مطعون و ايدينة ترجف

شلون اذا سوة حادث شلون

بله اتخربط بالطريق وانگلبت بي السيارة ..

مية الف حسبة ببالي ، مادري يمتة وصلت للبيت وغسلت

كعدت ع جرباية ارجف

وايدي ع كلبي

ذكرت المبايل الضامتة بي رقمة

كمت دورت علي و طلعتة فتحتة لان مغلق و ما اسمع غير صوت عمي فاضل رج اركان البيت رج

يصيح بكل غضب و بأعلى صوتة ... بننننناااااتتتت فلللك ررررهف دررررةةةة تتتتتعااااالللن

طلعت ركض شفت فلك تنزل من الدرج مصدومة ورهف اكفة بباب المطبخ وسداد يركض ويلبس قميصة ويكول ... شصااايرررر ليش تصيح يااابة

ضرب عكازتة بالكاع بغضب و كال

... خابرني ابو عامر "من اقاربهم" و كال اليوم شفت وحدة من بنااااتكم طالعة ويااا زلمة غريب بسيارتة وتسولف وياااااا

سداد ... مخرف يمكن ما يسونهة البنات

فاضل ... منووووو منجنن كاعدة وياااا زلمة غريب

رهف وفلك وحدة تباوع بوجه الثانية وحتى هوا يباوع عليهن هنة وبس

يمكن بس انه استبعدني لان يعرفوني فقيرة

نجوى ... اعصابك يجوز مو بناتنة شبيك شنو قلة الثقة هاااي

فاضل ... ولج هذاااااا من صغرة يكرهنة ما يصدك يكض علينة الزلة

خااابرني يكلي رحت اجيب بتي وشفت وحدة من بناتكم كاعدة ويا زلمة غريب بالسيارة شنييي ماا عرررفت تكض بنية هالطولهة وتضبهة ...

سداد ... والله الا اسرت حلكة

فاضل ... اسكتتتت ، احجن فهمني فهمني شمسويات

رهف ... ممسوين شي عمو اساسًا بالروحة اخذنا سداد وفتنة ويا والي يفوت بعد ما يطلع من المدرسة

وبالرجعة تعبانات بس طلعنة رجعنة گبل هذا جذاب

درة ... لا مو جذاب صدك يحجي

التفتو علية كلهم ممصدكين ، باوعولي بصدمة كملت كلامي بسرعة ما اريدهم يضنون سوء

.... هوا شفت خالي حر وسلمت علي كال صعدي ليش واكفة ، صعدت يمة سألت ع امي وخوالي وشفت البنات طلعن ترخصت ونزلت

ردت اصيح الرهف تسلم علي بس كال عيب وياها صاحبتهة وراح

خابرو اذا متصدكون ..

فاضل ... وهوااا حررر شعندة يم مدرستجن .... حجاها وخصم عيونة بشك

ياربي هذا ما تضيع علي سالفة ..

درة ... والله مادري يجوز عندة شغل ، مالحكت اسألة هية دقيقة وحدة سلمت وسئلت ع امي وخوالي حتى مالحك يرد

مو النوب احقق ويا واشوف شعندة جاي وشعندة رايح، تكدر انتة تسألة وتكلة شعجب يم مدرسة البنات ..

سداد ... هذا هوا البنية سلمت ع خالهة

فاضل ... بمثابة خالهة

سداد ... نفس الشي مو صارلهة سنين عايشة وياهم

فاضل ... وين عايشة وياهم هية وعد عازلة بيهن فوگ ..

صدمني من كال عازلة بيهن فوگ ، شنو هاي الدوامة الأحنة عايشين بيهة

رهف ... اي بس ترة خالو حر جان بمثابة اب النه انه ودرة وترف ، يا ما ركض بينة و تعب علينة و هية تحسبة خالهة

فاضل ... ادري بهذا الحجي بس صححت معلومة سداد

روحن ارتاحن

حجاها وراح يمشي بهدوء لغرفتة

سداد ... وهذا الك*** ابو عااامر ما تخااابرة وتطيح حظة

فاضل ... طيحت حظة من هوا خابر لا تخاف

كتلة تخسى بناتنة ما تطلع منهن العيبة هذا خط يجيبهن جا سداد ما مداوم ...... و رزلتة رزالة زينة ..

فتت للغرفة لحكني البنات

رهف ... صدك خالي جاااي ترة هسة عمي يخابرة واذا طلع جذب عمي يفصم ظهرج

باوعتلهة بعتب

... وشتدرين بية انه اواعد زلم ؟

فلك ... لا ما تقصد هيج ندري بيج ماعندج هيج سوالف بس يجوز واحد مضوجج يجوز واحد من باقي اقاربكم

خوالجن مو عدهم شباب ؟

يعني اذا واحد منهم هوا الصاعدة ويا

وكلتي خالي حر

ويخابرون حر ويكلولة اليوم شفناك يم المدرسة

اذا مو هوا يكللهم لا ما جاي!

راح يستغربون ويرجعون يحققون وياج

شتكليلهم ابن خالي!

راح يستغربون

ليش جذبت من الاول!

ليش كاعدة بالسيارة يم ابن خالهة بالأسم!

وليش ما حجت

والف ليش

بالاخير تتوجه اصابع الرذيلة الطاهرة عليج

وتنفضحين يالمستورة

يكولون عاشكة

وهنا العاشكة عاهرة ..

لا تشوفين اهلي وعمامي يقبلون كعدة وسوالف وضحك ويا ولدنة

ترة ويا الغريب ممنوع

ونتحاسب اذا بس ابتسمنة

انه اكلج حتى تاخذين حذرج

درة ... ماكو داعي تكليلي اعرف هذا الشي وماخايفة من شي هوا خالي حر وعمي فاضل ما يحاسبني اذا كعدت وياااا

رهف ... لا اكيد همزين ..

تمددت غمضت عيني غفيت شوية وكعدت غسلت وجهي ورجعت ادرس ويا البنات

الى ان صار العشا وطلعنة نتعشة فلك ضلت تحجي لسداد عن الي صار بصفنة اليوم

وباوعت علينة وكالت ... ودرة حلت وخلصت طن حطت ورقتهة كبال رهف واخذت ورقة رهف حلت بيهة لروحهة

سداد ... خرب بيومجن والاسماء ?

درة .... ما جنة كاتبينهن هههه

رهف ... انه انصدمت من حطت ورقتهة كبالي بس يله الحمدلله هوا مدح ورقتي الحلتهة درة

سداد ... انتن مصيبة والله ههههه

درة ... لو فلك يمي جا غششتهة خطية

فلك ... متت من البجي والقرآن الكريم سداد احجي ويا مايصير هيج يسوي بينة بسبب طالبة وحدة

بعدهة ممكملة حجيهة وسمعنة صوت مبايل عالي ، التفتت صخام

صوت مبايلي هذااا وجاي من غرفتنة اتخزيتتت لان محد يعرف بي .......

ي

رواية

بقلمي ...

_______

ارتجف كلبي و ارتعش جسمي ، ما لكيت روحي غير ابتسم ابتسامة صفرة و اكللهم بضحكة

... هههه المبايل انطانياه خالي حر وكال علمود تضلن ع تواصل ويانة ويمكن هوا لو امي يخابرون .

عمي فاضل باوعلي بشك وكال ... كومي جيبي وتعالي نحجي ويا خالج نسلم علي

كمت وانقطعت المكالمة ، رحت شفت المبايل همزين انه احذف كل المكالمات

بأيدي ورجع دك .. فتحت خط وحجيت بهمس

هاا خالي همزين انطيتني مبايل من شفتك اليوم يم المدرسة ، علمود اتواصل وياك و ويا امي ..

حجيت وانه اطلع ، هوا لگفهة بسرعة و رد بس جان صوته مرررهق الى حد فضيع

... اي وعد تستحي تخابر ع مرت عمج ، وهسة راح احطلهة الرقم وتضل خابرجن علي ..

درة ... اي مشكور

عمي فاضل سوالي بأيدة حركة بمعنى جيبي

... عمو فاضل وياك

مديتلة المبايل ورجعت كعدت اكل حتى ما يشك بية واكون طبيعية

فاضل ... الووو ياهو حر؟

سكت سمع المقابل و رجع كال

... يا هلا ومرحبا شلونك شلون صحتك شخبارك

... ههههه البنيات زينات ردت اجيبلهن نقال بس كلت يلهيهن عن دراستهن ويلتهن يخابرن

... ههههه اليوم ناطي الهة يعني

... هاا خوش حجي بعدهة ما كلتلي شايفتك يم المدرسة وناطيهة نقال ..

... شعجب اليوم مااار صوبنة

سكت شوية وطولت صفنتة

ونوب كال

... الله يرزقك ... سلملنة ع اهل

الله وياك ..

سد الخط وشمرة بحضني

... لا تلتهن بي درسن

درة ... لا عمو شلون اعوف الكتاب ههههه

تنفست براحة اخيرا رجع كال ... شعجب ما كلتيلي ناطيج مبايل

درة ... عمو انته شفت روحك شلون صيحت جمدت الدم بعروگي

فاضل ... وانتي دامج تدرين بروحج ما مسوية غلط ليش تخافين و يجف الدم بعروكج ؟

الما مسوي غلط ما يخاف

درة ... عمو انه اهابك الهذا السبب ارتبك من تصير كبالي

هز راسة برضا و تلملمت سالفة المبايل ، لو ما فاهمهة هوا جاننن صارت مصيبة ونزلت ع راسي

وهسة صار المبايل مكشوف وعلني ..

ما انكر شلون خفت والدم ضل ينضخ بقوة و ارتجت كل اعضائي ..

خلصنة اكل و شربنة چاي ، وبعدين كمنة ندرس كل عادة ، ورا ساعات اجت فدك دكت الباب وفاتت

شلنة روسنة من الكتب وباوعنة عليهة بغضب لان عدنة كومة دراسة

فلك ... يبوووي شتررردون

فدك ... ابوية يصيح لدرة بالأستقبال كاعد ينتظرهة

رهف ... عزة بعينج شيريد منج عمي

درة ... وين ادري

فدك ما كلج شنو يريد مني

رفعت اكتافهة و قوست شفايفهة بمعنى ما ادري ..

رمشت بعيوني بخوف ومن طلعت رهف همست

... عمي فاضل دوم يعرف اشياء تخصنة احنه نفسنة ما نعرفهة

بلعت ريكي وعفت كتابي وكمت رحت لعمي فاضل دكيت الباب و فتت، جان كاعد وكاض بأيدينة عكازتة وعينة عليه اول ما فتت ، حاولت ما ابين خايفة حتى ما يلزم علية لزمة لو يحس بشيء غريب

أشرلي براسة ع مكان بصفة و رحت مثل العاقلة كعدت بي حجة هوا

... شلونج درة

درة ... زينة عمي الحمدلله

... شخبار دراستج سمعت عنج كلش شاطرة سداد يمدح بمستواج هواي

درة ... اي عمو الحمدلله احب ادرس وافهم بسرعة

... عفييية شلون حبيتي الدراسة هيج

ابتسمت وجاوبتة ... خالي حر جان يدرسني ويشجعني ويضل ينصحني ويرسملي المستقبل ع قمم النجاح بألوان زاهية ، علمود احلق و اوصل للقمة

فاضل ... للقمة؟

درة ... اي هوا هيج يكول انتي طير يحلق و وجهتة النجاح ، راح توصلين دامچ تحلمين

فاضل ... يعني هوا علمج تحلمين ليش ما علمج تحققين گبل

درة ... كال نحلم بالأول وبعدين نسعى لتحقيق احلامنه ..

اذا نحقق وندرس ونجتهد بدون حلم ما ننجح ..

فاضل ... خوش والله معلمج ومشجعج دراستج هية تفيدج ابتعدي عن باقي السوالف ترة ما تفيدج

وضيفي ع هذا انه هنا ولي امرج ، يوم الي تغلطين مرة ثانية ما راح اغفرلچ

و راح اعاقبچ بأسوووء شي ممكن يخطر ع بالچ .

كل الي يغلطون عندي يتعاقبون

ناري من تلهب تحرك الأخضر واليابس !!!

الحجي مو بس وياج ، ويا كل الموجودين هنا

من ابني ليث

لرهف .. !

انتي بالذات يتيمة الام والأب واخاف الله بيچ لا تخليني انجبر بيوم و اشمرج للنار بأيدي .. !!

درة ... بس انه يمتة غلطت ؟ علمود تكلي تغلطين مرة ثانية ..

فاضل ... غلطتي يوم الصعدتي يم حر وحجيتي ويا بموضوع لا يخص امج ولا يخص خوالج

وغلطتي يوم القبلتي المبايل بدون ما تجين وتكليلي ولا حتى كلتي الأختج وبررتي موقفج

حلو هسة الموقف الصرتي بي من جنة ع اكل ؟

درة انتبهي من اليوم وصاعد ..

شبكت ايديني بقوة وانفاسي اضطربت جاوبتة وانة كلشي بية يتلعثم

... عمو انه سالت ع امي وخوالي واذا متصدك سألة لخالي حر

فاضل ... روحي كملي دراستچ وخلي حچيي ترچية معلكة بأذنج ما تنزعيهة بس من تقررين الحداد ع روحچ ..

درة ... زين انته ليش هيج ما تتفاهم هاا لا تخليني مشدوهة وتعبانة كلي شنو صار

وبعدين انه بس سألت عن احوالهم انته ليش متصدك ولا تقبل تسمع مني

فاضل ... انه صدك ما جنت كاعد وياكم بس اعرف شني يدور براسج من وجهج ، حفظتج بأول يومين

انتي شفافة وكلشي بداخلج امبين ع وجهج

اكدر اقراج بكل بساطة ..

كمت ع كيفي وهمست بكلمات مبعثرة

... بس هاي المرة ما قريتني زين ، من رخصتك رايحة اكمل دروسي

فاضل ... اخذي راحتج بنيتي ..

درت وجهي وطلعت اجر بذيال الرهبة الصابتني و اصبر بروحي ما ابجي ، بلعت غصتي و فتت للغرفة

البنات رفعن روسهن و باوعلي بنظرة معناها

شنو راد منج

درة ... يكول سداد يمدح مستواي الدراسي و شلون لازم ادرس وانطاني عمو محاضرة ع المستقبل الزاهر وخلاني احلم و كال رجعي حققي .

رجعت ادرس بس اجذب اذا كلت بالي ويا الكتاب ومنتبهة

عقلي بوادي وعيوني بوادي ثاني

عيني ع كتاب وعقلي ويا خالي حر اريد اخابرة اسألة ليش مخابرني و شنو راد مني بس كلت خليهة بالليل ادزلة رسالة ..و اسئل شبي ..

شفت عندي موضوع مجاي افهمة بالعربي حاجيت فلك ... الموضوع ما جاي افتهمة دخت بله شوفي

فلك ... اذا انتي ما تفهمينة انه شلون افهمة ؟

باوعتلة شوية ورمشت بعيونهة بثول

فلك ... خلي اروح لسداد اكلة يدرسنة الموضوع هوا وانتي رهف فاهمتة لو لا؟

باوعت علينة بصفنة و كالت ... اي فاهمتة بس مو كلش بعدين اسويلة مراجعة

درة ... والله جذابة انتي مو زينة بالعربي ليش تكولين فاهمتة بعدين اذا فاهمتة فهمينة وياج احسن ما نروح لسداد ونشلع كلبة

رهف ... اوووف جذب جذب بس ما اريد اروح السداد استحي

درة ... بكيفج والله

رهف ... باعي من يفهمج حبابة رجعي فهميني الموضوع اعتبري روحج تراجعين

درة ... اي خوش امشي فلك روحي صعدي شوفيلنة صينية البسبوسة شتكول بلكت الله ماعدهة شي وتجي تفهمنة

وهاا اذا سئلج منو ومنو كليلة تلاثتنة حتى رهف ويانة

عادي خلي ينزل ونصدفة ههههه

فلك ... راح اصعد حضريلنة كلشي

رحت صعدت طلقة لغرفة سداد دكيت الباب دكتين وصاح تفضلللل

طرش أذني، فتحت الباب ومديت راسي

.... سدودي اخوي الغالي حزام ظهري ونظر عيني ماعندك وكت تفهمنة الموضوع ترة ما جاي نفهم محتاجينك حباب

سداد ... فلك عندي تصحيح اوراق ليش ما حجيتي مساع

فلك ... سداد حبوبي والله لا انه ولا درة ورهف فاهماتة وتلاثتنة محتاجاتك هسة

باوعلي بتفكير ورفع حاجبة ... يعني هسة رهف ، هم تريد افهمهة وياجن

فلك ... اي منتظرات جوة البنات

سداد ... خوش نزلي والحكج

فلك ... لا اضل يمك رجلي ع رجلك ما انزل وحدي

سداد كام للميز رش عطر وكض المشط وكال

... ولج خليني ابدل شنو ترديني انزل هيج

باوعتلة صدك لابس برمودة فوك الركبة وفانيلة داخلية خجلت و حسيت الخجل اعتلى كل انش بية

همست بخجل

... اسفة ما انتبهت

عفتة وسديت الباب و مشيت مريت من يم غرفة هاني وفدك وحسيت كلبي نغزني

جانت اصوات ضحكهم عالية و واضحة ، يتشاقون ويضحكون سوية ..

اختنكت وحسيت الهوى شح عني ، اختفت البهجة من ع وجهي وحل محلهة الحزن والانكسار الي جنت ضامتهن بين اضلاعي ..

فتحت الباب وفتت للغرفة شافت درة وجهي الحزين وكالت

... بس لا ما قبل

فلك ... لا لا راح ينزل بس شوية، انه ضجت لان بعدني ما مكملة وعندي هواي دروس

جنة دنحجي وسمعنة صوت فالح اجة

رهف ... استلم اجت العطلات

فلك ... اجت لميس ههههههههه

درة لميتي الكتب

درة ... اي هذني

رهف ... هذا اذا خلاجن فالح تفتهمن شي

فلك ... اطيح صبغة غير

امشي درة امشي هسة سداد ينزل

اخذنة كتبنة وطلعنة للصالة شفنة فالح جاي و ويا همام، رفع ايدة لوح لدرة و كال بصوت هادء

شلونج حلقومة ..

درة عقدت حاجبهة بأستياء و كالتلة بحزم وهية تبعد وجهة ... انه مووو حلقومة

فالح ... ولك يالأغم هاي ككوة مو حلقومة

همام ... حلقومة

فالح ... مالت عليك و على ويهك

نزل سداد من الدرج وصاااح بصوت عالي

هاااا النووواقيص هنانة اليوم

فالح ... اي جايلك بمصلحة اريدلك تحفلي وجهي

سداد رمش بعيونة بصدمة ورفع حواجبة

... شنو لازم عجبتك سوالف نستلة ، شعدك عدنة ولك ارجع الأهلك ..

فالح ... ولك اريدك تحفني وحمس الحمسك

فلك ... تحجي كل عقلك خبل ..

فالح ... شنو شايفتني لابسة دشداشة مشككة وشعري كوشة وارعص مو كدامج زلمة صاحي وشحلاتة ..

كعد وحط رجل ع رجل وحجة برهاوة

... يله حبيبي جيب البكرة وتعال اخذلي خيط عدل لحيتي

سداد ... كول اخذلي خيط من البداية شنو تعال حف وجهي ، اكعد تاني اريد ادرس البنات هنة اولى بخدماتي .

فالح ... اي عادي اكعد انتظر شعندي لا ماما ولا دادة

فلك ... سداد استعجل

فالح ... انتي شمالج وجهج يلطم جنج عجوز مضيعة صخولهة خاف مريضة ؟ .

ابتسمتلة مجاملة و همست بصوت مرهق ... ما تشوفني اصحة من الحمار و اطربك

شحيت بنظري عنة ، ما يدري بية انه معتكفة ع نفسي بمدائن الذكريات القاسية

وحتى الغصة صارت تبجي ع كلبي، الي شمرة الزمن قتيل على نواصي البؤس ..

ما يدري شكد دعوات وكعت من عيني دمعة قبل لا تنطقهة شفايفي مرتجية و منتظرة الأستجابة

وهسة انتهت .. وصارت ماضي ..

افكاري مشوشة، عواطفي مرهقة، تجربة حب من طرف واحد قاسية وشائكة

خضتهة وانه اتنفس الوجع بعمق

وطلعت منها ممزقة مهشمة، كل اجزائي المبعثرة هشة ..

تنهيدات ، آهات ، دموع تجول بجوفي تأبى الخروج

افرطت بحبي بجنوني بهيامي ، افرطت بحنيني واهتمامي

حتى صرت لا أبالي ..

كعدنة بالكاع احنة بسطنة بكتبنة وكعد سداد فتح الكتاب وصفن علينة

رفعنالة روسنة وصاح بصوت عالي

... يله رهف وينج

فلك ... رهف ما تريد تدرس تكول مفتهمة عوفهة تولي ويله درسنة ماعدنة وقت بعد

باوعلنة انه ودرة وفك حلكة

رمش بعيونة وجرر حسررة عميقة تعبر عن ميبة آماله ، لمينة شفايفنة ونزلنة روسنة ع كتب، فهم احنة سوينالة فخ علمود يجي يدرسنة بدون تذمر ..

بدأ يشرح النه وفالح حاط ايدة ع خدة وصافن ويانة ومن يكول فهمتن ؟

فالح يكول ... نعم استاذ عاشت ايدك

نرفع روسنة كلنا نباوعلة ويأشرلنة بمعنى كملووووا

كملنة دراسة وبعد ماعدنة شي طبكنة كتبنة ، وضلينة كاعدين

درة ... سداد باوع علينة وكال جيبلي خيط بنات

كامت فلك جابتلة بكرة واجت هوا كطع الخيط وسواه ع شكل مكص وضل ياخذ خيط لفالح يحطط لحيتة، هوا يحف وفالح يلطم ع فخذة

... احتركت صفحتك نستلة شلون من حطلي شمع اتذكر متت وجع وردت اصرخ بس هيبتي ما سمحتلي وكرامتي كلت تنمسح بيهة الكاع اذا صرخت ..

سداد ... يم نستلة تتحمل ويمي تصير رچيچ

جر حسرة وكلة ... انه يمكم اصير رچيچ كلش رچيچ .

سداد باوعلة واخذلة صفنة بوجهة جن جاس شي من لوعة فالح الما تنحزر

فالح ...اوي داده اوي نزول عليك فالح ، شني مورطك منو ضاحك عليك وكايلك اخذ خيط

فلك ...شگد جبان ، خليك رجُل قوي صلب

فالح ...شنهي يبا؟ رجل قوي صلب؟ شني هاي النوب عوفي الثقافة احجي مثلنة حجي معدان

گولي زلمة حوك ..

فلك ...شحجيت هسة نفس المعنى

فالح ...يبا انه معيدي ما افتح حچيچ مال مايعات

سداد ...سد حلگك

فلك ...گله سد منگارك لأنه لقلق مو بشر

سداد ...عيب لچ ابن عمچ هذا

فالح ...انته شلك شغل القاضي راضي بت عمة وتمون الا تحط روحك

همام ...اگلك فلوحيييي ...جر الحجاية جر

فالح ... عيوووون فلووحيييييي

همام ... يگولون الحلقوم صاير غالي

فالح ...لأن حطو علي ككو هههااهاااي

سداد ...سرسرية سكتو ولك فالح تقرب شبيك قوي گلبك صير زلمة لا تضل رجيج

درة ...امشي فلك نروح للغرفة

همام ...لالالالا حلقومة ضلي نشوفچ ، سولفيلي؟

درة ...شسولف؟

همام ... عن شعرچ الطويل مثلًا ...شهگت مصدومة وحطيت ايدي على حلگي

فالح گال بمكر ...وصلنة للشعر شدها ولك شدها

سداد ...هووووب هوووب خاب انته اصحة مني ومن ءفليح ، لو تسد حلگك لو تولي للأستقبال

همام رمش ببرائة وسكت .. والقران هذا صاحي لا مريض نفسي ولا شي

كملة وراح رهف مدت راسهة من الباب وكالت

لميس راحت يله تعالن كابلتنة وكعدتن ما تكولن اكو بنية هنا محتاجة تشرحلهة

سداد ... ما اجيتي افندية

رهف .... تأفأفت بضجر ودخلت للغرفة الوب ، ما فاهمة شي واريد درة ترجع تشرحلي

دقايق وفاتن يضحكن من جوة لجوة

... شبيجن شارگات الحلگ من الذان للذان منو سولف نكتة

درة ... لا خية محد هيج بيناتنة الموضوع مو يمج

رهف ... تعاي شرحيلي يله اريد اكمل دراستي

كعدت واجت شرحتلي الموضوع بسرعة فات العقلي فيت ، خلصت شرح وراحت كملت دراستي وراجعت

رتبت جدولي و كمت بالليل بعد ما الكل نام اخذت ملابسي وطلعت امشي ع للحمام .

سبحت ع راحتي بماي دافي حسيت اعصابي رخت ، ضليت جوة الماي لحد ما حسيت كل شي بية ارتخى ، لبست ملابسي و لفيت الخاولي ع راسي

وحطيت اطرافة ع رگبتي خاف اصادف احد ..

وبالأخص من حسيت بحركة يم باب الحمام حسيت واحد من الولد كاعد ، طلعت و فعلا جان سداد فاتح المغسلة و واكف ، شافني بالمراية و أبتسم تك خد

ارتفع حاجبة و باوعلي بمكر ، شحيت بنظري عنة وخليت ملابسي بداخل السلة

ما حسيت غير صار وراي

وهمس بصوتة العذب "شنو مزعلچ رهبتي"

رهف ... مخبل ... !!!

رديت بأستغراب من همستة الغريبة ..

سداد ... اتسألين المجنون كيف فقد عقله بين رفه جناحيكِ .

رهف ... هذا البيت مو المدرسة استاذ ... عيبت علي مديتلة لساني ومشيت بهدوء ما حسيت غير يلزم ايدي بسرعة وجرني، شهكت مرعوبة نزل راسة بسرعة طبع قبلة جوة اذني وابتعد

بس شصار بية روحي كلها راحت، كلشي بيه تلعثم

اتبعثرت الكلمات بين شفايفي و ارتعشت ..

جريت ايدي منة بس ما عافهة ضل كاضهة ومبتسم تك خد لبسني سوار بايدي وكضهة قوي عصرهة

جريتهة حيل ما عافهة ... ضليت ارجف

خجل ، خوف ، حب استغراب

كل المشاعر اجتاحتني بهاي الثواني ما حجينة شي جانت عيونة تسولف قصة بعدهة ما بدت ..

رعشت شفايفي، وقشعريرة بدني الخدران من قربة، وتلعثم رموش عيني اضطراب انفاسي المتصاعدة

كلها تسووولف .

النجمات الما شافن يشهدن ، الكمر الما شاف يشهد

نسمات الهوى الجانت تمر بيناتنة تريدنة نتقرب اكثر واكثر ونتشابگ بعمق ..

حسينة بخطوات ع درج عاف ايدي ومشيت بسرعة للغرفة بدون ما التفتت ..

ولا انه حجيت ولا هوا حجة اي حرف ، صوت عيونة كافي

تنفست كل نظرة بدرت منة

وهوا تنفس كل رجفة تسللت لجسمة من ايدي ..

فتت صافنة شلت المنشفهة وضليت امشط وانه ابتسم وحدي مثل المجنونة

نشوة الحب ، اكبر من كلشي جانت

نار الغيرة طفت

ونار العشگ وچرت

واخ يا گلب العاشگين من يچودر الليل ، نصير نتنفس عطرهم من بعيييد ..

رفعت ايدي باوعت للأسوارة ، جانت ذهبية يمكن ذهب لأن عليهة رقم ، شوية عريضة وبيهة احجار لونهن لازوردي ، شكلهة حلو نازلة منهة سلاسل ناعمة .

لزمتهة وصرت اتحسسهة بايدي و رحت فتحت الشباك ضربني الهوى البارد جمد اطرافي بس كلبي محتاج فضاء واسع يحلق بي

مو غرفة بأربع حياطين ..

حسيت كلبي فرد جناحاتة وراح يحلق مثل الفراشة يحتسي عبق الايام السعيدة .. بايام ربيعية زاهية ..

ابتسمت اساريري وانسكب الفرح بگلبي ، حطيت اييدي ع مكان البوسة جانت خطف بس احس شفايفة بعدهن يلامسن بشرتي ويقبلهن بهيام و ولع .

حسيت شي نزل ع راسي قوي صحت اووووي

درة ... و وجعوي و12 مرضوي سدي الشباك ونامي شنو سحير الليل ما تنامين خفاااش وسدي الشباك .

كمت سديت الشباك وانه ابتسم ما رديت عليهة ، تمددت بفراشي شالت راسهة وكالت بتساؤول وهية تشيل الغطة عني ... تضحكين خير

رهف ... فرحانة لان كملت دروسي .

درة ... عفية

عافتني ودارت وجهة نامت ، غمضت عيني وبعد احلامي سعيدة وطويلة غفيت، كعدت الصبح صليت وبدلت عدلت شالي ورشيت عطرر نزعت الاسوار ضميتة ولبست ساعتي بدالة

اريد اطلع وخجلانة، خدودي محمرة و عيوني تضحك

هسة اذا اباوع بوجهة انفضح ، سميت بأسم الله وطلعت شفتة يم السيارة باوعنة واحد بوجه الثاني وضحكنة

ياربي شكد شفافين احنة وكلشي واضح ع وجوهنة

همزين محد موجود بس انه ويا والبنات بالسيارة .

فلك دايرة وجهة ع درة ويسولفن

همست صباح الخير

حك حاجبة و رد ... صباح الورد والعسل والأسمر الي يموت وبوسة ترد الروح للميت .

رهف ... عيدهة مرة ثانية وشوف الا اخليك تتفل ضروس .

سداد ... اذا هيج راح اخلص كل اسناني واصير اثرم

بدل ماكول رهف احبج

اكلج رهف احبششش

... حبتك حية ام راسين هههههه

عفتة وصعدت بالسيارة، صعد اخذنة للمدرسة ، اول حصة لأستاذ فاقد

فات وكلنا جفلنة

طلعنة كتبنة وحل تمارينة وكعدنة عاقلات

دار ع سبورة يكتب اتجرأت وحدة من البنات وكلتلة ... استاذ شفت اوراقنة مال امس

فاقد ... شككتهن عدا ورقة نسمة ضلت ماخذة 10 وراح تنزل درجة الشهري الهة

نسمة ... بس هذااا ضلم استاذ

التفتت عليهة رافع طرف حاجبة وكللهة بحزم ... درس الج هذا حتى تبطلين حركاتج الصبيانية

نسمة ... اسفة استاذ والله ما تنعاد غلطة وسامحني عليهة .

فاقد ... افكر .

نسمة ... يعني تسامحني استاذ وما تنزلي ال 10 بدرجة الشهري .

فاقد ... الله كريم .

نسمة ... يعني ما تنزلهة استاذ اريد جواب شافي .

فاقد ... صفررر .

نسمة ... ابو فاضل عليك !!! .

ضج الصف بالضحك ومن بينة استاذ فاقد ضحك وكال

خلص راح اسامحج هاي المرة بس ثقي المرة الثانية احطلج 10 .

انتهة اليوم حالة من حال كل الأيام ، ويوم يتبع يوم ويوم يتبع يوم

والايام تمر طبيعية، امتحنة نصف السنة هنا امي كالت تعالن ضلن يمنة كل العطلة تونسن

انتفضت درة وكالت لا مستحيل ما اروح اريد ادرس

جانت ترجف و ما تقبل تروح

درة ... ما اريد اروح اريد اكعد ادرس عود من اكمل السادس اروح .

رهف ... اكلهة امي تريد تشوفج تكلي من اكمل السادس

درة ... عفتهة وكمت فتت للمطبخ يم عمة نجوى ومها وسفانة ما اريد اروح

حد هسة اتذكر ذيج الليل من طلعت رهف للحمام و خابرتة جان يرعد و يزئر بية كـ الأسد الغاضب ..

خلاني ارتجف وانام بصعوبة، كال بكل غضب

""دررررة اندمچ وحك كل ذرة حب الج بكلبي اندمچ""

خفت كلش و رفضت اروح ما اريد التقي بي ، بس من ضلت رهف تلح قررت اروح لان اضل البنية المشتاقة الأمها

لازم اروح اشوفهة ، ما اخذت جرعات صبر كبيرة تساعدني ع فراكهة ..والبعد ..

حضرت ملابسي ، وخليت رهف تحفلي وجهي

وكفت كبال المرايه فليت شعري وجبت المكص

لميتة وبترت شعري حد عنقي ..

شافتني رهف وشهكت مخروعة

... سويتي بووووي يالمصخمة بترتي بترررررر الله يبتررر راسج ولج الناس تكتل روحهة حتى تحصل صبع من شعرج ..

درة ... ما احبة رهف احس كلبي هسة ارتاح وانفاسي انتظمت من شفت وجهي بالشعر القصير .

فاتت فلك شايلة سلة الملابس وتدردم

... لميت كل الملابس هذا اتك منو اسود شافة سداد وكال هذا ثوب منو

كتلة مال رهف

كال .. هية شعدهة تلبس هذا الثوب مال النوم

كتلة شعليك بيهة هاي سوالف نسوان وعفتة ومشيت

رهف ... رمشت بعيونهة بخجل وراحت اخذت الثوب من بين كل الملابس و ضمتة بالكنتور

خدودهة صارن حمر

فلك ركصت بحواجبهة و ضلت تتغمز والنوب اتسعت عيونهة مثل الشافت شي خرعهة وشهكت مصدومة

... كااااااصة شعرررررررچ يممممةةةةة خطيبة حمووودي كاااصة شعرهة لحكي لحكي لحككيييي يبوووووو هضيمة هضيمة ..

درة ... الله ياخذني شبيكم عوفوني اريدة قصير

فاتت عمة نجوى ايديهة كلهة طحين وحجت بغضب

شبيج انكرصتي تصرخين شصااار يهي تكهربت

باوعت ع رهف وباوعت باتجاهي وعاطت

.... صخااااام الصخمج نجوى كااااصة شعررررج

درة ... اي عمة الله عليج مو صرت حلوة ؟

نجوى ... صرتي صخلة لاحسهة الطلي ..

ولج ااااخخخ كوون اكضج واموووتج اااخ اااخ والله ماخذتج لحمودي وصايرة جنتي ومسوية هيج الا ابتر راااسج ورا شعرررج ..

هزيت راسي بغرور وكتلهن ... اخبل صرت انتم مقهورين مني لان ما تكدرون تكصون شعركم

هزيت جتفي وحطيت قراصة بشعري وهنة صافنات علية ، لبست حجابي وضميت شعري بعلاكة حطيتة بجنطة ملابسي اخذة الأمي الي يمكن تشوفة وتنجلط ونركض بيهة للأنعاش ..

نجوى ... والله لو بتي الا افصمج ع هاي سالفتج

فلك ... چنتچ هية فصميهة شمتانية والله انحرك كلبي ع شعرهة

رهف ... بربوك ما تنكدر رعنة شلون كصتة ع الاقل لو رايحة للصالون .

ما رديت عليهن ، رحنة لخوالي ..طول الطريق ايدي ع خدي صافنة ع طريق .. احس كلبي معصور ومنتظرتني مصيبة ، حاولت قدر الأمكان اتجاهل هذا الشعور بس جان محاصر كلبي وضاغط ع انفاسي ..

وصلنة لبيت خوالي ، نزلت من السيارة ونزلت رهف وراي كضيت جنطتي بأيدي ورفعت راسي اعاين للبيت ، انفتح الباب قبل لا ندگة

اجت عيني بعين خالي حر ، فتح الباب ع وسعة وكال ... يا اهلا و سهلا ...

وبدأأأت حكايتنا.....

ي

حطيت رجلي بعتبة الباب ورفعت راسي التقتت عيونه ، بس حسيت واحد صب عليه ماي حار و فرفرت روحي .. هيج جان شعوري من التقينة و صارت عيني بعينة ..

سلم ع سداد ، وطلب منه يفوت يستريح ويتعشاااا بس سداد اتعذر وكلة عندي شغل لفوك راسي .. وراح

فاتت رهف قبلي وانه تعمدت ما افوت يمكن اريد استعجل بالمواجهة ..

باوعلي بأبتسامة هادئة يخفي وراها عواصف اذا اجتاحتني تهشمني ..

ابتسمت بوجهة مجاملة و حجيت بصوت خافت

... شلونك خالي .

حر ... الحمد لله تفضلي خالو .

حجاها بثگل عقدت حاجبي مستغربة هذا شبي و فهيت بوجهة ..

حر ... شنو جواج علچ ولزكتي هنا ههه امشي فوتي خالو لا تضلين واكفة هنا باردة الدنيا اليوم .

مشيت خطوات ثقيلة باوعتلة من جوة الجوة

لابس بنطرون اسود و بدي جوزي ، فوكهن كوت اسود حاطة ع اكتافة بدون ما يلبسة ..

رفع ايدة مسح ع شاربة ولحيتة شوية مطولهة ، وصعدهة مسح ع راسة الأكرع ، وباوعلي بنظرة عادية نزيت وحجيت حتى اضيع السالفة ..

درة ... شعجب متنازل عن شعرك من ذاك اليوم لهذا اليوم .

حر ... حسيت هذا الشكل يلوگ لواحد خريج سجون .

درة ... لا تضل تذب بسامير

وكف يم باب المطبخ وخلة ايدي بجيوب بنطرونة

... ضربچ بسمار؟ خاف عورچ .

درة ... ايييي اجة بالعظم .

حر ... مو ارحم من اليجن بالگلب .

درة ... اجن بگلبك ذاك اليوم .

حر ... زرفتي گلبي .

حچاها وتنهد بضيق ..

درة ... اجر وعافية ان شاءالله ..

باوعتلة بنص عين وفتت من باب المطبخ ع صالة شفت امي كاعدة تسولف ويا رهف

... وين صرررتي هسة تلحكين ع سوالف ويا خالج

دنكت سلمت عليهة بوستهة وبوست كاتي

جانت حامل بأول بيبي وبطنهة طالعة

... شلونج كتكوتة شلون البيبي .

كاتي ... انه زين ، البيبي مو زينة نازلة لدكتورة كال .

درة ... اووو كاتي لا تصعدين الدرج وهوا ما علي شي .

كاتي ... وعد كال لا تهاف ما مشلبة بلعش ...

وعد كالت لا تخاف ما مجلبة بعلج ...

درة ... دام الدكتورة كالت نازل البيبي ولازم تديرين بالج ع روحج نفذي وحافظي ع ضناج .

وعد ... شوف شوف صارت تفتهم عود

درة ... جا شعبالج

رهف ... نزعي حجابج درة نزعي خلي امي تشوف قصة شعرچ شلون حلووووة تخبل

قصة الصخل الملحوس من قبل الطلي .

درة ... رههههف

وعد ... شنو كصيتي شعرج

درة ... اي وانتي قابلة

وعد ... كتلج لا تكصينة هواي بله نزعي حجابج خليني اشوف شلون كاصتة ليش رهف تعيب

بلعت ريكي بخوف ومديت ايدي شلت الدنبوس وفتحت شالي رفعت القراصة ونزل شعري لحد عنقي

شهكت امي ولطمت ع صدرهة

اتسعت عيونهة وكأنها راح تكتلني

وما حسيت غير تصفكني ع راسي

... شمسوية بشعرج يالرررعنة شمسوووووية بي .

درة ... اووي يمة اوووي مو انتي كلتي كصي

وعد ... كتلج بس اطرافة يالرعنة تحجي وتعض بأصبعهة السبابة

ابتعدت عنهة شوية لأن راح اشبع كفخ و حجيت ... ما سمعتج من كلتي بس الاطراف ما تدرين بية صايرة طرشة والسادس كاضلة سوط ويجلد بية عبالك عدوتة ما خلة براسي عقل .

وعد ... اااخ بوية اااخ جعفررر بناتك راح يموتني بناتك فتني فت تعال الحكلي راح تموتني هاي الرعنة .

هزيت شعري وحركتلهن كتفي بمعنى عاجبني

وعد ... راح اكوم اجنزهة ولج انتي ما كضيتي اختج

كاتي ... واوووووو هلللوووو هلوووووو يشنن درة تشنن ساير ..

رهف ... شمدريني بيهة اصلا عمة نجوى انصدمت وكلتلهة مو حلو ليش كصيتي و انقهرت .

وعد ... ع طاري نجوى بيت خالج يردون يرحون العمامج يخطبونج منهم .

رهف ... لا حول ولا قوة الا بالله وتالي وياااا صهيب ابن اخوچ ما اريدة شوكت يفهم و انتي تفهمين .

شفت امي اتشتت انتباهة عني عدلت شعري بايدي گلبتة و فتت للمطبخ شرب كلاص ماي باوعت لروحي بجامة الكاونتر عدلت شعري يمة فدوة صار يجنن .

حسيت بواحد وراي واكف وراي وانه اباوع بالجام ، التفتت وتجمد الدم بعروكي من شفتة خالي حر واكف ويباوع بأتجاهي بصدمة و كل عروگ كصتة وركبتة ناطات و وجهة محتقن .

ما اعرف شنو نوع المشاعر الي اجتاحتني كل الي اعرفة انقهرت وخفت من نظراتة ..

حجة بصوت واحد مقهور ومتفاجئ بنفس الوكت ..

حر ... گاصة شعرررچ .

درة ... وانتة شنو جاي تشوف مو كاصتة ..

حر ... شلوووون تكصينة انه مو كتلج لا تكصين منه ولا صبع .

درة ... الشعر شعري مو شعرك انه بكيفي اريد اكصة اريد اخلي طويل اريد اصبغة انته شحارك كلبك .

حجيت بغرور ..

حر ... صايرة سزز ولسانچ اطول من القندرة سنين يمي عايشة ما حاجيتي واحد اكبر منج بهذا الأسلوب شو رحتي العمامج وخررربتي كلش .

درة ... اي خررربت انته شتريد .

حر ... مبين مبين حبيتي واحد مناك منهم

جا من جيلج وماعدهم ماضي و سوابق

حبي حبي حد ما تشبعين

ولعبي بكيفج

بس لا تنزيل الهذا المستوى

حجة بنبرة مال واحد كلبة صايررر جمرررر ...

درة ... يا مستوى

حر ... نفسة الهسة انتي بي ، ما علمتج هيج شو بله اريد اروح لعمج فاضل اكللة البنية راحت من يمي شحلاتهة وشحلاة اخلاقهة رجعتلي خربانة

درة ... اذا رحت وكلتلة هيج انه اكلله ع سبب الي مخليني احجي وياك بهاي النبرة الوقحة .

صك اسنانة بغضب وضل يرجف ، احتقن وجهة وزفر انفاسة بصعوبة رمقني بغضب و همس بغضب ..

... مهما يكون ما علمتج تحجين ويا الناس بهيج اسلوب حتى لو الغلط منهم انتي بأسلوبج جاي تبينين انچ انسانة ماعدهة ذرة اخلاق ..

ضليت صافنة بوجهة

حر ... روحي منا ... روحي ...

درة ... خالي

حر ... اتخلخلت اعظامج كون دكولي أيه كولي أيه

درة ... هههههههه اسفة اسفة

حر ... أربع حروف ما تكدر اتداوي جروح تنزف

درة ... لاه ! والحل

حر ... الدوة من انشربة شلون يندل مكان الوجع ويروحلة ؟

صفنت بوجهة ثواني افكر ، ورفعت اكتافي بمعنى ما اعرف ..

كمل هوا كلامة

... مثل الحروف التطلع من شفايفچ وين تندل گلبي وتركض علي .

درة .... ههههههه هسة الحجي مالتي ركض ع گلبك

حر ... ايييي روحي منا خالوو روحي منا .

درت وجهي مشيت للطابق الثاني حطيت جنطتي و عدلت فراشي كعدت باوعت بأركان الغرفة و اجاني صوت همس من وراي ..

... مشتاقيلچ ... !

التفتت اباوع شفت البنية و الولد انتفضت وكمت بسرعة ما اعرف شنو صار يم رجلي وعثرني طحت ع وجهي وصحت اااااااخ خاااالي .

رفعت راسي بخوف اباوع شفتهم كاعدين ع سرير رهف ويباوعون بأتجاهي

فاتت اختي ترف و اجت عيونهة ع مكانهم ، جان تصرخ بخوف مفزوعة يماااااا

اريد اكوم من مكاني احس ثكل ع رجلية بحيث ما كدرت اكوم ، غمضت عيني وحطيت ايديني ع عيوني وانه ارجف ..

انفتح باب الغرفة وخف الثكل من رجليني رفعت راسي شفت امي ورهف وخالي حر حجيت بخوف

... شفتتتهم والله بنية و ولد شفتهم ثنين هناااا كاعدين هنااا

احجي و أأشر ع مكانهة وترف شافتهم وصرخت وياي .

حر ... بسم الله الرحمن الرحيم حجاها وهوا يدنك عليه سندني ويكومني

غمضت عيني وصار صوت صريخ بأذني رجفت وكضيتة من چتفة بكل قوتي احتمي بي ..

باوعلي بحيرة و كال الترف

... شبيج خااالو شنو شفتي

حاجاهة ما حاجاني مبين يريد تكول ما شفت شي ويضيع السالفة

بس هية حجت ترجف وتبجي ... ولد وبنية يخوفون كاعدين هناااااك يباوعولي ماما يباوعولي .

رعد ... يم اسم الله الرحمن خاف مضرورات يمة بنياتي ، اجيبلهن المرية تقرأ عليهن .

حر ... اي وعد روحي جيبيهة بسرعة وشكد تريد انطيهة وخليهة تصعد للغرفة هم هنا تقرأ عليهة .

رعد ... بس امشو نزلو لا تضلون هنا امشو يمة دخيلك يا علي سلامًا قولاً من رب رحيم

بسم الله الرحمن الرحيم .

مشينة وانه اتلفت بخوف، احس اكو ناس محاصريني و يلمسوني كل شوية بخفة ..

كعدنة جوة بالصالة وامي جبكت العباية ع راسها وراحت للمرة بالنص ساعة واجتي المرية قرت علينة انه وترف و رهف كاعدة ع صفحة تباوع بخوف ..

اخذتهة امي و راحت صعدت ركضت وراهن ، فاتت للغرفة المرية وفجأة جمدت

باوعت بزاوية الغرفة جان اشوف البنية و والولد ضليت جامدة بخوف

همست خاله دتشوفيهم ..

هزت راسهة بـ لا بس هية عيونهة جانت عليهم مبينة او يمكن حست بوجودهم ..

ضلت تباوع ع ارجاء الغرفة مشت خطوات بأتجاه اسرتنة وفاتت بنصهن باوعت ع كاع ثواني اخذتلهة صفنة و رفعت راسهة باوعت الأمي .. و حجت

... الگاع بيهة دم .

حجت هيج وطلعت تفتر بالغرفة ركضنة انه وامي نباوع ماكو دم ولا شي ..

هية تفتر بالغرفة و فجأة وكفت باوعت ع حايط وكالت ... هنا مشتعلة نار .

وعد ... اي هاي الغرفة قبل احتركت .

... ما جاي اسألج انه ، جاي اشوف اكو نار هنا .

وعد ... شنو قصدچ خية ما فهمت احجيلي شنو تشوفين .

... النار ما تطفا اذا ما تحرك گلوب .

وعد ... دخيلك يا علي .

... راح اقرأ .

امي وجهة اصفر تفرك ايد بايد بخوف وكلتلهة ... ما افتهمت هسة هية مضرورة لو شنو

بناتي شبيهن شني يشوفن .

... اكو نار و دم بهاي الغرفة ، گلبين موچرات

ونارهن تجيسكم

فرغو الغرفة احسن لا يروحلكم عزيز .

وعد ... يمة اسم الله بعد ما اخلي البنات بيهة

المرة باوعتلي و كالت

... انتي معرسة

هزيت راسي بـ لا

... اشوف بگصتچ مهرين .

وعد ... يعني شنو تاخذ ثنين زلم

ابتسمت و كالت عقدين

ممكن لنفس الشخص طلعن خلني اقرا ..

طلعنة انة وامي وهية ضلت تقرأ بصوت عالي بالربع ساعة وطلعت

نزلنة خالي دفعلهة هواي رجعتهن واخذت بس 25 الف و راحت ..

كالت امي الحجي الخالي حر وصعدنة فرغنة الغرفة بس شنو انطك رجل برجل من الخوف والله كلبي طاح كدامي وضل يتلولح ..

نزلناهن بغرفة امي وهية اصرت ع خالي حر ينزل بس ما قبل مثل الطنطل ضل فوگ ..

جان فايت وكت وبعدنة ممتعشين خالي اسامة اقترح نطلع نتعشاا برة نغير جو بعد الصار

ما كلنا لا وكلنا ركضنة نبدل ونتعدل ولا عبالك هسة عايشين فلم رعب ..

لبست بدلة طويلة مال محجبات ، حطيت شالي ع راسي و شمرتة ليورة بأهمال احلى ..

طوخت الحمرة وامي صاحت

خففيهة .

التفتت باوعتلهة ورمشت ببرائة

... حبابة يمة حبابة

وعد ... درة خففي الحمرة عيييب يمة شيكولون عليج خوالج هاي مستهترة .

شلت كلينكس خففتهة شوية وكالت بعد

برطمت وكلت ما اطلع

طبت رهف وصاحت يله

... هاي شوفي رهف ممكثرة شحلاتهة

باوعت لرهف رفعت اكتافهة بغرور ورفعت انفهة دارت ولوحتي بايدهة بهدف تقهرني ..

دنكت انزع حذائي ... بطلت ما اروح روحو انتم

وعد ... بدون عناد درة والله اكول لخالچ حر عليچ

جانت تحجي بصوت عالي وهم منتظرين بالصالة سمعهة وكال شبيهة درة

وعد ... ما تريد تروح

فتح الباب وفات باوع علينه ثنيناتنة وهوا كاض يدة الباب بايدة حرك حاجبة بمعنى شكو ..

وعد ... ما تقبل تروح مسودنة .

حر ... تعاي درة امشي يله تعشي وتونسي غيري جو ما كافي الصار هسة انه الزلمة هد حيلي و قوتي .

درة ... ما اروح انه المن الله خلقني لو ملفوف الحبل السري ع ركبتي وخانكني وميتة والله احسن

امي رفعت ايدهة بملل ولبست عبايتهة ... حر حبوبي اقنعهة ما تسمع حجي بس منك

يمك تصير مسيرة .. الحجاية التطلع من حلگك تنفذهة عبالك ابوهة .

حجت اخر كلمة وشددت عليهة جن اتذبلة بسمار ..

طلعت وهوا واكف بالباب اشرلي براسة وكال

... تعاي شبيچ

درة ... تكلي مسحي حمرتچ

عقد حاجبة بتعجب و كال ... ما تردين تمسحين الحمرة عبالج انتي هسة حلوة واذا مسحتيهة يختفي جمالچ اعرف شنو تفكرين واعرف شنو احساسج

هذا انه كدامج بطفولتي يعيبون عليه ابو ذانات

عبالك همة ما عدهم ذانات ههههه جنت انغث واريد اصغرهن واجي الأمي متذمر ومعصب واصيح

يمة زغري ذاناتي ليششش كبار زغريهن .

جانت تضحك وتكلي يمة هاي خلقة رب الأرباب ما تتغير

وانه اكلها ... ليش خلقني مو حلو انه وحد عن الناس

هية ترد ... الله عادل ما يخلق واحد موحلو انته حلو وذاناتك حلوات بس الله يحبك وخلاهن مميزات

هسة انتي درة حلوة والله يحبج خلا شكلج مميز

سبحان الله كل ملامحج مميزة

بس انتي متعافية ع نعمة رب العالمين

فهمي من كلامي انتي حلوة ومميزة واذا مسحتي الحمرة ما راح يختفي جمالچ بالعكس لأن الحمرة ما ناطية شفتچ جمال انتي الزايدتهة حلاوة ومخليتهة مميزة .

دمعت عيوني ودرت وجهي بقهر ... لا تجذب علية انه مو حلوة

تشوفني حلوة لان الشاذي بعين امه اغزيل

حر ... لا والحسن المسموم حلوة احجي بصفتي مركز بملامحج يله لا تبجين فتيتي أفادي كافي امشي نروح

اسامة ... راح نروح احنة حر انته ودرة لحكونة والله متنة جوع

حر ... روحو

وعد ... لا انه اتانيهم

اسامة ... امشي وعد نتعشة بسرعة ونرجع انجيب الهم ويانة عشا اذا ما لحكونة واذا لحكونة نتعشة سوية ونرجع يله وعلي مصاريني جاي يلعبن مصارعة ابطني .

كاتي ... انا هم مساريني تلعب مسارعة يالااه وعد استعجل هبيبي .

اسامة ... اوووف ام اطفالي كتكوتي راح تموت جوع يلة وعد شبيج امشي بسرعة .

______

درة ... ما اقتنع انه بحجيك تضحك علية

وكف كبالي مكتف ايدينة و كال بصوت خافت

... كيفج تحمري حطي هذا المكياج كلة بس كوني ع ثقة ما راح يتغير شكلج

درة ... لا انه من احط اصير حلوة

... لا انتي من كاعج بنية عادية حلوة ما ناقصچ شي بس لان ماعندچ ثقة بروحج تشوفين روحج غير جميلة ومحتاجة تتمكيجن

مع العلم الشكل نفس الشكل

هسة شحطيتي انتي كحلة ومسكرة

وشوية بودر وحمرة

اذا ع كحل عيونج حلوة لا تحتاج كحل ولا مسكرة

واذا ع حمرة

شفايفج نفسهن نفسهن بس تغير لونهن

واذا ع بودر عبالك غاطة وجهج بجيس الطحين ومطلعتة اصلا مو حلو وجهج ع طبيعة اجمل بهواي ..

درة ... المهم انه انكسر واهسي انتم روحو ما اروح

حر ... اذا ما ترحين انه ما اروح كومي درة يله خالي شعندج بهذا العناد

تأفأفت وكمت اخذت الحمرة طوختهة فر جف ايدة وضحك ... امشي امشي فيوزاتج طاكة .

طلعت قبلة واشوف الصالة فارغة بقيت صافنة وارمش بعيوني تصفر

حر ... وينهم هذولي يمتة راحو

درة ... همة مو كالو راح يطلعون

حر ... اووو ما انتبهت اذا راحو لو لا وهسة احنة شمدرينة وين راحو

درة ... جا المن مشتري النقال لعوينة الخلفني غير علمود تخابر بي .

حر ... لسانج صاير يلدغ درة .

شحيت نظري عنة خابر خالي اسامة كلة هسة طلعنة الحكنة يله

طلعنة صعدنة بالسيارة وطلعنة وراهم بس ضوجة جانت حطيت ايدي ع خدي وجريت نفس عميق

زفرتة و كلت ... ضايجة

حر ... ارگصلچ ؟

درة ... لا تستهزء والله ضايجة وجوعانة

حر ... اكصلج من كلبي تاكلين

درة ... ويع كلبك ما اريدة

حر ... ما يجي بعينچ ابد .

حجاها بقهر

ضحكت من كلبي لأن يحجي ودمة محروك

شبيك انته بسرعة تضوج

حر ... انته ؟ درة انه يمج اصير مو انه

انتي تشوفين تصرفاتي وياج مثل تصرفاتي ويا باقي اهلي وناسي

درة ... طبعا لا ع حجي الحجيتة ذاك اليوم لو واحد غيري حاجي وياك هيج جا حطيتة كبال السيارة وسحكتة

حر ... جا سدي حلكج لا تكليلي انته شبيك بسرعة تضوج

درة ... خووووش الله خاااالي اوكف اوووكف موطة اريد موطة اشتريلي موطة

حر ... موطة بهالبرررد

درة ... اييييي حبوبي حبوبي اشتهيت موطة العباس عليك اشتريلي

صف السيارة

... خايبة ذاني اريدهة لا تصرخين شنو النكهة التردينهة

درة ... جيبلي بنكهة البيض

باوعلي بنص عين

... لا اشاقة جيبلي بالفراولة

حر ... تدللين .

راح نزل حجة ويا الولد ورجع اشرلي براسة

... نزلي يلة نكعد هنا حالنة حال العالم ناكل

نزلت مشيت بثگل عود انه شخصية وحاطة قلم الحمرة كلة ع شفايفي وطالعة حلوة ..

كعدت ع طاولة جانت خشب والمكان شكلة كلاسيكي حلو مرتب

كعد مقابيلي شبك اصابعة وحط ايدينة ع طاولة

... هسة رهف من تعرف تضل تبجي

درة ... ههههههه المكان يجنن خطية ياريتهة ويانة

... همة استعجلو الله يسلمهم

اجة الگرسون و حط الموطة گبالنة طريقة تقديمهة جانت حلوة ، وجان عدهم انواع الحلويات بس انه روحي تحب الموطة بهيج جو بارد .

ضلينة ناكل ونباوع ع عالم التعبر ، بس يتعدونة نكعد نشيل غيبتهم ، واحسهم هم بكلبهم هم يحجون علينة بس عادي هية هاي الدنيا انته تحجي ع ناس وهمة يحجون عليك هههه

عبرو ثنين بنية و ولد شباب واحد لازم ايد الثاني مبينين زوجين جدد من التصاقهم ببعض ونظراتهم

شكلهم جان حلو

... خالي شوفهم يجننون الله هوا يخبل احلى منها

رفع راسة باوعلي بخزرة ..

حر ...طاح حظج

... رجال متزوج وجاي يمشي ويا مرتة بس هوا احلى شلون ما احشهم .

حر ... حرام خالي حرام هسة احنة صارلنة ساعة نحجي ع طريقة لبسهم للعالم ما نحجي ع خلقة رب العالمين

درة ... بس انه ما عيبت كلت هووا احلى ما كلت هية موحلوة وهوا حلو

هز راسة برضا وكال وهوا يكوم

... قنعتيني يله امشي اسامة رمشلي مبين ما عندة رصيد ويريدني اخابر علمود نلحكهم للمطعم الراحو اله

كمت مشيت ورا طلعنة بعد ما دفع الحساب صدمنة من كلة 10 الف

طلع عشرة وحطهة كبالة وطلعنة

حر ... ابن الطحال قفصنة هنة موطايتين ما يسون الفين دينار حاسبلنة الوحدة ب 5 الله يقبل محمد

بس لو جا مكان راقي لازم يضرب بالعالي

درة ... لا هذا من النوع اذا شاف الزبون مبين جيبة ثكيل ينطي سعر غالي ويخلي يدفع مثل المطي

حر ... انعم الله عليج

درة ... شنو ليش شحجيت

حر ... لا حجيج صحيح

درة ... اي واذا تكلة شدعوة يكلك المكان راقي والكعدة وطريقة التقديم ومن هاي السوالف .

صعدنة بالسيارة وطلع المبايل خابر ع اسامة

كلة

حر ... هااا احنة صارلنة ساعة نفتر اندور عليكم ضيعناكم انتم وين يا مطعم

سكت شوية ورجع كلة

... خايب مادري صارلنة ساعة نفتر تيهناكم

سكت وكلة خوش جايلكم دقايق

اخذنة للمطعم فتنة شفناهم منزلين الاكل وياكلون

كعدنة طلبنة اكل وامي تخزر ع حمرة

جابولنة اكل انه ويا اكلنا و شربنة جاي وطلعنة .

رجعنة للبيت سهرنة بالصالة سوالف وضحك ونكرز حب اشتريناه بطريق الرجعة حد الساعة ب12 وربع

كالت امي كافي ليل شتا كومو نامو

كلنة كمنة

فرشت اسناني و مشطت شعري القصير وضليت اتأملة بالمراية شفت كلشي تمام

تمددت بفراشي سولفت شوية ويا رهف

وامي شخرت

بعدهة غفت رهف وضليت انه كاعدة ، النوم ما يقبل يزور عيني

بعد الصار ما اكدر ارجع طبيعية

كلشي بهذا البيت يخوفني ويرعبني

غفيت وفزيت من حسيت ايديني تتحسس رجليني من جوة الملابس

ردت احجي ونحطت ايد ع حلكي خلستني

وأعزلك سماريّ وهَيبتي وشُوگي وحَچي مهندَّم

أريد أفهم ، شنو البيّة عَلى عيونك المَا يرهم؟

.

.

...... حُر الدين .

غفيت وفزيت من حسيت ايديني تتحسس رجليني من جوة الملابس

ردت احجي ونحطت ايد ع حلكي خلستني ..

فكيت عيوني بخوووف وارتدم كلبي بجدار صدري بعنف ، ما اكدر اوصف المنظر الشفتة ، يمكن ما تصدكوني اذا اكلكم شفت البنية والولد ثنينهم حاطين ايديهم ع حلگي و عيونهم تنگط شرررر

وجوهم من دون كل الايام متغيرة ، الغضب يجري بعروگهم

همست البنية بفحيح ونبرة غضب

... ليششش طردتينة من غرفتنة .

ما ادري شنو اسوي ماكدر اصرخ احس مو بس خالسيني لا مقيدين كل اطرافي ..

رجعت غمضت عيني و فتحتهة شفت روحي بغرفتنة متمددة ع سريري نفسة باوعت بالاتجاه الثاني الشباك مفتوح و فراش رهف خالي ..

غمضت عيني ، اريد اتحرك ما اكدر كل اطرافي مشلولة ضليت ارمش بعيوني و اباوع ع سگف

انه ضعت من روحي ، ما اعرف شنو وصلني لهنااا ما اعرف شلون اجيت وشلون تمددت

كلشي ما اتذكر

غير الصار قبل شوية ، غمضت عيني وفتحتهة ميلت راسي وباوعت يم رجليني

شفتهم كاعدين ثنينهم كل واحدة ع جهة

غمضت عيوني بقوة و همست بخوف وصوتي يگطع اتلعثم ... ش ... شتردون .. مني ... انتوو ... منوو

ضليت مغمضة و منتظرة الأجابة حسيت بقطرات العرك تتسلل من وجهي و ركبتي وكل ذرة بجسمي و تنزل ع گاع ..

كل لحضة اكول راح اسمع جوابهم بس ما سمعت شي

لحظات غير مفهومة چنت بين الوعي و الا وعي ، ما ادري انه نايمة و احلم

لو الجاي اعيشة حقيقة

هذا كابوس لو وهم لو خيال

يا تُرى معقولة انه متت و هذا عالم البرزخ ..؟

اقل ما يقال عن هذه اللحظات هية لحظات مغادرة الجسم للجسد ، لأن حسيت كل اطرافي نتنفض و تنازع للبقاء بس مقيدة بنفس الوكت !!! .

سمعت صوت يمي بالغرفة ما كدرت اميزة ، شوية واختلطت الأصوات

ردت افتح عيني ما تنفتح ..

رجف جسمي من حسيت روحي جاي تنازع ، و تريد تغادر جسدي و مؤواها و تعرج للرب الرحيم ..

روحي تفر و تنازع ، حسيت بوجع بكل جزء من اجزائي

وخصوصًا بأطرافي ، الألم شديد

الله اعلم هوا وجع سكرات الموت و اني انازع و هذه المحطة الأخيرة من حياتي ..

ام هوا احساس عادي مصدرة الاوهام والوسوسة

او حلم ..

معقولة روحي راح تفارقني و تُقبض !

رجفة سرت بصدري و حسيت روحي وصلت للحلقوم .

سمعت صوت يم أذني يهمس بنبرة باكية

" اااخ خالي من عمري على عمرچ ربي طول بعمرهة و اخذ أمانتي "

بهاي الأثناء بدأ يرجعلي وعيي، ميلت راسي يمين صار جوة راسي چف ايد سند راسي و رجع اردف بفرح و فزع

"درررة بابا خالي تسمعيني ؟ فتحي عينچ"

أنيت بوجع مفرط و انه ارفع ايدي تتحسس كف ايدة وتحضنة بقوة ... متت انه متت .

شدد ع حضنة ايدي و همس ... لا اسم الله ع اسمج ما بيج غير العافية كومي فتحي عينج

مد ايدة جوة ظهري ورفعني كعدني حط راسي ع صدرة حضني وسندني بنفس الوكت ..

حسيت بدكات كلبة العنيفة ، هذا راح يوكف كلبة يرجف ..

رفع راسي و حط الماي يم شفايفي

... شربي شوية

اريد افتح عيوني لو احاول اشرب ماي ما اكدر

همست ... اريد ارتاح .

ما حجة شي بعد الماي وضل حاضني لصدرة

... شنو تحسين خالي ؟ شجابچ هنانة

أنيت بألم و فتحت عيني شوية الضوة أذاني خليت راسي بصدرة وشهكت

... خالي رجعني لبيت عمي هناك ما اشوف الاطفال

حر ... مو كلتلج المرية لازم تعوفون الغرفة انتي شلون تصعدين هاا

درة ... ما صعدت انه شفت الجهال خنكوني و غمضت عيني ، فتحتهة لگيت روحي هنا .

ما جاوب ضل يمسد ع ظهري بأيدة و يهمس ... لا تخافين ماكو شي هاي اسمهة وسوسة خلتج تجين لهنا بدون ارادتج .

درة ... ميتة خوف طفي الأضوية ما جاي اتحملهة .

حر ...لحظة

نزل راسي غطيت عيوني بايدي و كرفصت ع روحي

شال راسي وكال فتحي عينج طفيتة

خفت افتح لا ينوجع كلبي و ترجف روحي اذا طخني الضوة من بعد نومة غريبة و ليله مضلمة ..

فتحت عيني ع كيف ، حتى ضوة النجمات ما كدرت اتحملة رجف جسمي و غمضت عيني وانه ابجي بونين ..

حر ... باعي شوية شوية باوعلي ع ضوة الشباك يلة شوية شوية علمود يختفي الخوف

هزيت راسي ب لا حيل و همست ما اكدر ما اكدر لا تكلي فتحي عينچ خايفة .

زفر نفسة و ضل يتنهد بضيق ، حط ايدة ع عيوني و قرب راسة من يم أذني قرأ آيه الكرسي

وضل يرددهة مرة ورة مرة و يسمي بأسم الله

الى ان حسيت الحرب الواجة بصدري خمدت

غفة الخوف بكلبي واحساس الأمان فرد جناحاتة بسما صدري ..

اعظم دواء هوا القرآن ، يخفف كل اللامنه و صديقنة يوم لا ينفع لا مال ولا وبنون .

ضل يمسح ع راسي فتحت عيني طبيعي شفت وجهة قريب و عيونة تلمع رغم الضوة خفيف كلش

ايدة المحطوطة ع وجهي ترجف

حر ... درة شلعتي كلبي و الحسن المسموم خذيتي روحي بهاي سالفتج

طبيت لهاي الغرفة و ما احس غير اشوفج نايمة و تونين والحسن كلبي عصرني عليچ و ما اكدر انزل ادخل عليج وانتي نايمة يم وعد

كلت افوت لغرفتج هاي اصبر روحي بعطرج المچلب بالفراش ..

ما صدكت عيوني من شفتج كبالي گلبي گلي درة بيهة شي وشوفتج ما جانت بشكل طبيعي

ولچ درة شسويتي بية موتيني و فرفرتي گلبي

راح اقفل الغرفة واشمر مفتاحهة بالنهر حتى ما نلكا بعد ..

درة ... لو ما جاي يمي جا متت ، سمعت صوت ضحك كمت بسرعة ركض باوعت من الشباك و اشررت عليهم صحت بخوف خالي هذول جوة همة جوة شوفهم تعال شوفهم

ما حسيت بي غير وراي يباوع فك عيونة بصدمة شافهم والله شافهم بس كال وهوا يتدارك الوضع

ماكو شي درة ماكو شي بعد لا تصعدين لهنا .

بعدني عن الشباك وسدة ورد الستائر ، جرني من ايدي وطلعني من الغرفة

حضنت ايدة بخوف ... لا تضل هنا حتى انته انزل الخاطري خالي النبي عليك لا تضل هنا كلبي يضل يوجعني عليك .

صفن ثواني وكال لحظة

فات للغرفة جاب مخدتي و كال

... يلة راح انام جوة هاي جبت مخدة امشي ننزل هذا كلة راح اسدة الصخام الثاني .

نزلنة بس شنو انه حاضنة ايدة بقوة و همس بخوف ... امشي نطلع و شوفهم بعينك اذا ما تصدك

... خالي والحسن الوضع ما يخوف بس يرادلج ما تصعدين فوك

درة ... انه ما انام هناك اخاف خالي تعال نام يمنة الله عليك

حر ... وين يصير درة افوت انام يم وعد والبنات

تأفأفت و درت وجهي مشيت للغرفة التفتت شفتة حط المخدة مالتي ع قنفة و حط راسة عليهة تمدد و عينة تتبعني وانه افوت للغرفة

شلت بطانيتي ومخدتي الثانية بغرفة امي وطلعت حاطة المخدة جوة ذراعي و اجر بالبطانية شافني ورفع راسة ثنى ايدة و ضحك

... شسوين

درة ... انام يمك هنا انته خريج سجون الاطفال يخافون منك اسألني انه اول ما شفتك بطفولتي شلون خفت و بجيت منك .

صفك ايدينة و غمني

... ترديني احميج و تبسمرين بية .

حطيت المخدة ع قنفة و تمددت وتغطيت من رجليني الحد راسي

... صدك خالي سؤال بس جاوبني بصراحة

انته ليش جنت مسجون .

حط راسة ع مخدة وطلعت حسرة من نص گلبة

حط ايدة ع عيونة و ما جاوبني ..

ضليت اباوعلة و عيني تنزل ع صدرة اليصعد وينزل بقوة

اضطربت انفاسة تسارعت كلش

و شوية و حسيتة يبجي

ايدة حاطهة ع عيونهة و بس يهتز هزة مال بجي

خالي وضعة مو طبيعي فقد السيطرة ع روحة

مثل الطفل من يدخل بنوبة بكاء هوا هيج وضعة صار خفت كلش خفت علي

و حملت روحي مسؤولية الجاي يصير بي

شكد ثولة انه شكد ثولة ليش افتح جروحة ليش أأذي غبية و راح اضل طول عمري غبية ..

همست بنبرة اهتمام ... خالي ؟ بيك شي اعذرني ما ردت اضوجك لو افتح جروحك .

ما رد و دار وجهة انطاني ظهرة بقيت كاعدة اباوع علي تقريبا ربع ساعة و انتضمت انفاسة كمت تقربت منة باوعت ع وجهة مبين نايم غافي ..

رجعت المكاني غطيت راسي و دعيت الله كون ما زعلان مني لان حجيت هيج

بس هوا ما يزعل مني ادري بي .

كعدت الصبح ع صوت امي و هية تندهني

... شسوين نايمة هنا

فتحت عيوني و رجعت غطيتهن و غطيت راسي

... طفووووو الضووووة طفوووه لا تحجون خلونة ننام .

حر ... لا تصيحووون ... حجاها بنعس

وعد ... يااا هذولي شعدهم نايمين هنانة

اسامة ... عوفيهم وعد الظاهر يخافون

كاتي ... وعد سبيتلك شاي .

وعد ... خلي اكعد هذولي ولج درة كعدي فتحي عينج انه مو عفتج نايمة بالغرفة

رفعت الغطة وكمت بتذمر

... اي طلعولي الاطفال

وعد ... يا اطفال

درة ... الجنانوة

حر ... الله ع جمع جيرة بفرگ الدرسچ عربي .

درة ... يمة طلعو الي وصعدت فوك هنوب خفت نزلت نمت هنا

وعد ... و حر

حر ... حتى انه طلعولي وخلوني العب طم خريزة بعد محد يصعد فوك راح انسدة

انه انام بالدوانية عود .

وعد ... يمة دخيلك يا علي والحل حر والحل لا تخوفني

حر ... لا تصيرين خوافة نجيب الامرية تقرا ع بيت كلة و فضت راحت .

وعد ... حر هسة انته الله امكنك انته واسامة هم ليش ما تدور بيت ثاني هم بنائة حديث و هم اكبر واحلى ونرتاح من هذا الضيم .

حر ... اشوفلكم بيت وطلعو بي انه هذا البيت ما اطلع منه الا وانه مشيول جنازة ع چتاف اليحبوني .

وعد ... انته صاير كلششش لا أبالي الوضع يخوف هاي ترف شافتهم لا يروح يصير بيهة شي لو بعد فترة من تجيب كاتي يصير شي بالطفل

خصوصا الاطفال ماكو ع عيونهم حجاب ويشوفون هاي المخلوقات .

حر ... مو كتلج اشوفلكم بيت وطلعو انتم انه ما اطلع

كاتي ... هر اذا انتي ما تقلعين اهنة ما نقلع .

حر ... والله عاد بكيفكم العليه راح اسوي و الباقي يضل يمكم .

حجاها و هوا يتثائب ويكوم من ع قنفة كض ظهرة وصاح

... ااااخ تكسرت من هاي النومة ييمة .

وعد ... واخذ ما يجيك يَ حر .

مسح ع جبينة وباوعلي بأبتسامة ضحكت وعدلت شعري بأيدي .

كمت شلت فراشي وغسلت وجهي تريكت وياهم جان البيت عياط و صريخ ليكول كاعدين بسوگ مو بصالة عائلة محترمة .

كل عادة اتأخر خالي حر ومر علي صاحبة محمود وطلع وياه سوية .

امي اختلت بية و كرصتني من زندي و كالت بغضب وهية ترفع اصبعهة بوجهي بلغة تحذير

... اياني و اياج اشوفج ويا حر بوحدكم لو ترحين تكعدين يمة ، اذا شفتي بالشرق ترحين للغرب

ترة والله احرم عليجن طبت هذا البيت .

باوعتلهة متفاجئة و ضليت ارمش بعيوني بخوف

... ليش يمة ليش شمسوي خالي حر علمود تحذريني منة .

وعد ... لو ما شفتة حاط شالچ بكنتورة ويشمشم بي و يبوس بصورچ جا ما حذرتج منة .

درة ... شنو قصدج يمة

وعد ... ولج يمة هذا حر بعد ما يشوفج بتي صار يشوفج بنية غريبة و يحبج .

درة ... صخام الصخم وجهة و انتي شمدريج

فرت جف ايدهة وغمت روحهة ، قوت كرصتهة وقربتني عليهة وتحجي بهمس

... ولج الزلمة عاشگچ واصل المرحلة حاضن شالج ونايم ..

وذاك اليوم لو ما باب غرفتة مفتوح وانه عبرت شفتة يعاين ع صورة بتأني و يرفع اصابعة يتحسس الصورة و يرجع يبوسهة ويخليهة جوة راسة .. من طلع طبيت للغرفة و شفت الصور

جن كضتني كهرباء يوم الشفت الصور هنة صورچ .

شوفي اخوي واعرفة زين مؤدب وطيب وما يأذيج بس الشيطان شاطر كلشي ويصير

زلمة ارمل صارلة سنين وبنية شابة و عينة عليهة من يصيرون وحدهم شيصير ?

درة ... يوكع المحضور ..

وعد ... اي عفية ثكلي ثكلي ولا تصيرين يمة

جنت اباوعلهة بصدمة بعدهة همست

... بس يمة هوا خالي .

وعد ... حر دومة يكلي هاي البنية من الله ما اكدر اشوفهة بتچ و اشوفهة غريبة وامانة عندي

يعني الزلمة سبحان الله ما شافچ بحسبة بنتي لأن الله كاتبلة يعشگچ

بس لا انتي اله ولا هوا الج ..

انتي ويا مثل الماي والنار ، شايفة الفرق بين الماي والنار

نفسة بيناتكم

انتي قطرات الماي و هوا جمر

درة ... بس الماي من ينزل ع جمر يطفي

دمغتني ع راسي حيل وكالت

... ولج قصدي شوفي الاختلاف بين الماي والنار

نفس الاختلاف بيناتكم .

درة ... الله كريم

وعد ... والنعم بالله ، بس انتي ثكلي ولا توصليلة لان حر لو يموت روحة حدر رجلين عمج فاضل واخوج هاني ما ينطونج اله .

درة ... شنو السبب ؟

وعد ... شعندچ تسألين ع سبب ؟ خاف عاجبج الوضع

درة ... لا يمة هوا خالي .

رجعت توصيني وتحذر بية ومن كملت راحت ..

ابد ما جان عندي علم ان هاي العطلة راح تغير حياتي تغيير جذري

راح تقلب موازين حياتي و تخليني مثل التايهة

الماتندل دربهة

وراح اصير بنفخة هوى اتبعثر ..

نمت ليلي بهاي الليلة رغد ، ماكو اي هم ولا غم ولا عشگ حديثة ع شبابيچ الديرة .

طلعت بعصرية باردة ، شفتة كاعد بالحديقة و كبالة قوري جاي ، وستكاين

المسجل يمة مشتغل و هوا يكلب بي ثبت ع اغنية لكاظم الساهر

اغنية حبيبتي

كعدت كبالة هوا جان مبتسم تك خد ويباوعلي بتأني

... اصبلج جاي

درة ... لا انه اصب اخذت استكان حطيتة و خليت بي شكر

... بعد بعد حطي شكر هذا قليل

درة... تعز علية الشكر

حر ... اخاف عليج لا يصير بيج سكر

كثرة الشكر مؤذية للجسم .

ثاني ايدة وكاعد، صبيت جاي عينة ع استكان الي انملت تنهد وغمض عيونة

... عيونچ مثل الچاي تهدي الأعصاب .

درة ... هوا صدك شنو فايدة الجاي ؟

حر ... والله مادري بس انه من اشربة تهدأ اعصابي .

درة ... عليك بالعافية

رمشلي بعيونة وكال الله يعافيچ .

خطت الأستكان وجان يوصل كاظم للمقطع الي يكول بي

صغيرتي ان عاتبوك يومًا

كيف قصصتي شعركِ الحريرا

قولي لهم انا قصصت شعري

لأن من احب يحبه قصيرًا

باوعتلة بنص عين و شربت الجاي تحسر و شح نظرة عني

درة ... مخلصهة اغاني الأفندي

حر ... والله بيچ كتلة صايرة تنرفزين

سكتت بعد ما حجيت، باوعتلة من فوك ليجوة

ما اعرف شنو بي غريب

شكلة بعيني تغير ، مو نفسة الاولي

باوعت لوجهة عيونة و نزلت انظاري ع لحيتة و شاربة ، بعدين تفاحة آدم التصعد وتنزل وهوا يطنطن ويا كاظم

جريت حسرة بدون ما انتبه

عزة هذا احس جمالة يوسفي ...!!!

باوعلي ورفع حاجبة بمعنى شبيچ

هزيت راسي ب لا من الفشلة عفت الأستكانة و كمت ركض طبيت للبيت خجلانة .

انتبهلي اباوعلة اووو والله فشلة .. هسة يكول درة صايرة مستخفة ..

بس صدك هوا البربوك صاير حلو مدري بعيني حليان ؟

طبيت ع رهف لكيتهة تبسبس بالمبايل شافتني وسكتت

رهف ... اشرت الدرة تطلع كتفت ايديهة وارتجت ع ميز تباوعلي بشك

شلت المبايل من اذني وحجيت ... سداد جاي احجي ويا علمود درجاتنة بالدفاتر يكول درجة درة 89 .

درة ... صددددك

حجت بفرح

رهف ... اي والله روحي جاي اسألة ع باقي الطالبات اريد اشوف منو ناجحة ومنو راسبة

قوست شفايفهة ما عاجبهة وكالت ... رايحة رايحة

طلعت رجعت المبايل ع اذني و حجيت

... هاي درة فاتت علية

سداد ... اي سمعت صوتهة وليش تجذبين عليهة تكليلهة ماخذة 89

رهف ...ههههه مادري بعد هيج طلع وياي

سداد ... يمتة تردين للبيت بدونج فاهي وأضلم ومابي روح ، اسأل روحي كبل لا اخابر

انه شلللوووون جنت عاااايش البيت چنة گبر .

غمضت عيوني و اعتلى الخجل وجناتي و حلقت روحي بالعلالي ، رديت بهدوء و الخجل محاصرني ومسيطر ع كل ذرة بية ...

رهف ... الله يساعدك من اطلع من البيت .

سداد ... ما اخليج تطلعين يا رهف يوم التلكون بيت صدكي ما اخليج اتطلعين كبل اخطبج ترة للصبر حدود وانه زلمة صبر ماعندي .

رهف ... اي كافي لا تحجي هيج سداد اتوهدن

سداد ... هههههههههههه رجعي رهف باجر اجي اخذجن

رهف ... لا لا ما اقبل اريد اشبع من امي لا تصير اناني، بعدين انته شعندك تحجي وياي ما تستحي ها تخابر بنات العالم

سداد ... اذا ما اخطبچ هسة بس خليني اكوم اشوف اخوج هاني وين

رهف ... بحضن اختك تلگاه .

سداد ... طيح الله حظج اي والله .

ضحكت و حجيت بعجلة ... يلا باي وداااعًااااا وداعًا ..

نهيت الاتصال شلت المبايل حطيتة ع شحن ورتبت شعري بأيدي ، باوعت لكل وجهي بنظرة رضا

كرصت خدودي و حطيت حمرة خفيفة لشفايفي

يمة ابدي ابوس روحي

كرصت خدي وبوست اصابعي .

عمي حقة سداد يتخبل غير انه چني كيكة لو بيدي احط روحي بصحن وأكلني ..

تذكرت وحدة من تلميحاته الي داخل الصف ..

چنت ضايجة متنرفزة ،، مخلية ايدي على خدي واباوع بملل

هو يشرح بدون توقف .. چنت بذيج الفترة احبه بس مامعترفة بيني وبين نفسي

ولا هو معترفلي ، بس تلميحات بيناتنا ..

سداد ... بالكم يمي باباتي ، اقطع الكلام

كيف ، اسم أستفهام يستفهم به عن الحال ، وأعتقد هذا امر مفروغ منه

احنة بحياتنا هواي نسمع كيف ، ونعرف دلالتها من زمان

و متى ...اسم استفهام يستفهم به عن الزمن الماضي والمستقبل ..

راح اكتب بعض الامثله واشرحها وابين اعراب اسماء الاستفهام بالابيات ..

دار وجهة وضل يكتب باوعت شلون لازم القلم ويكتب برهاوة ، سبلت عيوني وغمضت عيني رحت بغير وداي

حسيت الدنيا وردية ، وگلبي ضل ينبض بسرعة

اسمعه يحجي بدون ما افهم أي شي صوته يسحرني وياخذني من عالمي لغير عالم

عالم خاص مابي قيود والحب بي لا يعتبر خطيئة

تنجمع بي گلوب العشاگ ..بدون تعب ولا عناء

فززني صوته فتحت عيني باوعتله ، رفع طرف حاجبه كأنه سور من الذهب

بلل شفته بطرف لسانه وگاال ..

سداد ...رهف المثال "متى يجمعُ الرحمن شملي بقربكم؟"

شنو أعراب متى

رهف ...في محل نصب مفعول فيه

سداد ...السبب؟

رهف ...سد... استاذ .. يجمع فعل تام

حجيتها بتعب وكأن نفسي ضاق ماعرف شبيه

سداد ... المثال الثاني ، ما جان مكتوب التفت ع سبورة وكتبه ..

"صباح الخير اهلًا كيف حالك؟ انا المشتاق عذبني خيالك"

اريد اعراب كيف

رهف ...صباح الخير اهلا كيف حالك ... مديت شفتي بتفكير ماعرفت الاعراب

جريت نفس وگتله ...كيف حالك؟ حالي زين الحمدلله كيف حالك انتَ؟

البنات ضلن يضحكن أبتسم وكمل ضل يشرح ويگلي كل شوية فتحي دماغچ زين ويبتسم ، اهز رأسي واشح نظري عنه بدون ما اردله الابتسامة حتى ما اخلي نفسي عرضه لشكوك الطالبات ..

ولو هوَ ماكو شي مضموم العيون تفضح راعيها لو عشگت ..

وعد ... لا تباوعين بالمراية هواي

نزيت و همست بيني وبين روحي ... بسم الله الرحمن الرحيم

خوفتيني يمة .

وعد ... جم مرة كتلج لا تصفنين علمود ما تخافين من واحد يحجي يمج

رهف ... ما صافنة بس دخلتي بدون صوت.

وعد ... امشي للحديقة خوالج كاعدين بيهة امشي نكعد يمهم .

رهف ... خوووش طالعة

لفيت شعري و طلعت فتحت الباب برجلي شفتهم كلهم متجمعين بالحديقة وكاعدين ذيج الكعدة الزينة لامهم خالي حر

كعدنة كلنا التمينة ناكل كعك و جاي و نسولف ونضحك صوت ضحكنة واصل لسابع جار .

مرات الأيام الحلوة بعصرياتهة، وقوري الجاي

ويا ضحكة وسالفة قديمة

نتمنة ندفع الباقي من عمرنة في سبيل نرجع لهاي الفترة ولو يوم واحد بس .

درة ... خمس ايام صارن و خالي حر يلح علمود يطلعنة يونسنة قبل لا نرجع بس امي ترفض رفض قاطع

اخير شي استسلمت و قبلت نطلع كلنا سوية ..

اخذنة خالي للريف بمزرعة صديقة، اتطل ع نهر ومليانة اشجار و نخل ، الجو جان رهيب

انه ورهف مثل الفراشات حلقنة

و اخذنة صور بكاميرة

كلنا تصورنة و صورونة فيديوهات طويلة لسوالفنة وضحكنة ..

الصورة لحضة سعيدة ، نحتفظ بيها طول العمر

ضحكة من الكلب ولمعة عين، وجه مابي أثر للحزن ، وناس عايشين بنص گلوبنة تشاركنة الضحكة و اللحظة

اتجمدت هاي اللحظة بعقولنة قبل الكاميرة

واحتفظنة بيهة بالبومات السعادة قبل البومات الصور .

حر ... تعاي درة لا تطيحين هنا .

ضحكت ومسح على رأسي ، گال تعاي

مشيت ورااا مثل المخدرة

رهف تصور فيديو ابتعدنة عنها وهية دنكت تحفظ الفيديو وتصور بترف اتعمقنة بنص البستان ، وصارت الأشجار محاوطتنة من كل الجهات ..

ضلينة نمشي ع كيف وهوا يكلي هاي شجرة كذا وهاي شجرة كذا و ع نخل

وهاي برحية و الثانية ديري ..

شفت شجرة جبيرة و اغصانهة نازلة للارض ركضت قبلة و كتلة وانه اضحك

... راح اتسلق الشجرة .

ركض وراي و كال بخوف وهوا يحذرني ... لا درة اغصانهة مو قوية اتطيحين وتتكسرين .

ما انتبهت الكلامة

حطيت رجلي ع اول غصن و هوا كضني من خصري انكسر الغصن جوة رجلي و طحت بحضنة ..

ظهري التصق بصدره حوطني بأيدينه وجرني حتى اكدر اوكف وما اتأذه ..

بسرعة ابتعدت عنة و هوا كذلك بلع ريك وكال

مو كتلج لا تصعدين

نزلت راسي وحجيت بحزن

... ما انتبهت والله .

كض ايدي و جرهة مشة وانه مشيت ورا

... امشي اخذج لمكينة الري هههه شوفي المكان هناك شلون يخوف .

جريت ايدي و حجيت بخوف ... لا اخاف لا تاخذني هناك

حر ...من شنو تخافين

درة ...من النهر اتذكر رهف من طاحت بالشط وجسمي كله يضل يرجف ..

وكف والتفتت علية اتقرب مني وباوع بوجهي ، توزعت نظرات عيونة ع ملامحي و حجة بتساؤول

... تخافين وانه وياچ؟

درة ... عمري ما حسيت بالأمان والطمئنينة الا وانه يمك .

صار قريب مني لدرجة انفاسنه تطخ وجهي ، نزل راسة لمستواي

وهمس بأذني

... اريدچ تحسين بالامان يمي ويم روحچ و بس .

لزمتة من زندة و غمضت عيوني حسيت برجليني رخن ، وبعد ما اكدر اضل واكفة اكثر

بعدت ايدي خجلانة ، يباوع لوجهي يتأملني

بلعت ريگي ، متوترة وخجلانة ، وخايفة ..

حر ...حاس بيچ تحبيني مثل ما احبچ بس تكابرين

درة ...طول عمرك تفهمني بدون ما احچي ، بس تعال گول شلون ننجمع؟ واحنة بيناتنة الف حاجز ............

كض ايدي و جرهة مشة وانه مشيت ورا

... امشي اخذج لمكينة الري هههه شوفي المكان هناك شلون يخوف .

جريت ايدي و حجيت بخوف ... لا اخاف لا تاخذني هناك

وكف والتفتت علية اتقرب مني وباوع بوجهي ، توزعت نظرات عيونة ع ملامحي و حجة بتساؤول

... تخافين وانه وياچ؟

درة ... عمري ما حسيت بالأمان والطمئنينة الا وانه يمك .

لزمتة من زندة و غمضت عيوني حسيت برجليني رخن ، وبعد ما اكدر اضل واكفة اكثر

بعدت ايدي خجلانة ، يباوع لوجهي يتأملني

بلعت ريگي ، متوترة وخجلانة ، وخايفة ..

حر ...حاس بيچ تحبيني مثل ما احبچ بس تكابرين

درة ...طول عمرك تفهمني بدون ما احچي ، بس تعال گول شلون ننجمع؟ واحنة بيناتنة الف حاجز .

عبالك سحبني من الوجود و اخذني لمكان ثاني

مثل المخدرة ، كل جسمي مرتخي

و عيوني مغمضة ما بية حتى افتحهن

، اشتم عطره وجسمه قريب مني حيل احس بانفاسه تضرب وجهي

يمكن راد يدخلني بين ضلوعة ، بس لزم نفسه عني قرب وجهة اكثر وباس جبيني

جانت بوسة عميييييقة ، تحجي الف سالفة ما گدر اللسان ينطقها ..

حسينة بحركة يمنة فتحنة عيونة وابتعد وجهة عن وجهي وضل يتلفتت باوعلنة الطلي وصاح مااااااااع ..

ضحك ورجع باوعلي حط راسة ع جبيني ورفع وحدة من ايدينة لزم وجهي وضل يتحسس خدي بأصبع الأبهام

انه منزلة عيوني بخجل

وكل ذرة بية تلعثمت ..

همس بصوت ذايب

... احبچ يَ عطري .

غمضت عيوني وضميت راسي بصدرة بخجل و كلبي يدك ابلعومي، كلي تخربطت من فوك ليجوة

كلي انتفضت

حضنة راحة راااحة

بعمري ما حسيت بالأمان بمكان ثاني غير حضنة

وين ما اروح انه غريبة لا عدهة بيت ولا وطن

بس بحضنة عندي وطن .

حر ... درة احجي لا تضلين ساكتة

لفيت ايديني حولة وحضنتة قوي

... ما اريدك تعوفني أبد ابد ابد بس يمك احس روحي الي وجود ومو غريبة

اذا انه بحضن امي احس بالغربة تصدك حر .

ضحك ع كيف و همس ... اااخ يا چعب گلبي يغديلچ حر فدوة من راسة لجعب رجلة .

ما حجيت شي عبالك مسلوبة الأرادة ، مد ايدة جوة الشال ع راسي صعدت الشعري تنهد بحزن وكال

... ليش كصيتي شعرچ درة وانه امنية حياتي اتوسد شعرچ وانام ، ليش كصيتي أمنياتي .

درة ... يعني انته تحب شعري ما تحبني انه .

حر ... ههههههه احب اسمچ ، احب شعرچ و عيونج وسمارچ وكلبج وروحج وشامة ايدچ انه اعشك حتى الثوب التلبسينة ..

وخرت من حضنة و ابتعدت خطوات ليورة حط ايدي بجيوبة وضل يباوعلي وهوا مبتسم و عيونة تلمع

... انته شكد ما تستحي ..

ضحك بصوت عالي وكال ليش ...

درت وجهي وكملت مشي ليكدام

كض ايدي وشبكت اصابعي بين اصابعة

... شلون تبوسني .

حر ... احس روحي ردتلي استغفر الله ولو هوا حرام .

درة ... انتة خليت بيهة حرام .

حر ... شسوي ما كضيت روحي انفاسج الحارة لامست صدري وجسمج صار بحضني وعطرج تسلل لرياتي وخلاني اخدر ، ما حسيت ع روحي غير اريد احضنج وابوسج ، بوسة الجبين احترام وحب ليش ضايجة منها

على اساس مابايسچ قبل والله يالله غير من تسلمين عليه تبوسيني واشيلج من تتمرضين ومرات احضنج شنو الجديد ..

درت وجهي ولميت شفايفي بخجل ، كبر يكبرني شكد مستخفة انه بس باسني سيست استغفر الله

حر ... دررررة

درة ... هاا

حر ... بوسيني ..

درة ... حررررر !!

حر ... صرت حرر مو كبل شوية خالي

درة ... هوا انته خليت بيهة خالي بس اوكف ، حجيتهة و وكفت حضنت ايدة ع صدري و باوعت بعيونة ... انته شتريد مني

عقد حواجبة باستغراب ... شنو اريد منچ ، الواحد شيريد من روحة ؟

درة ... ترتبط بجسدة حد الموت

حر ... بالضبط

نزلت راسي ومشيت وهوا يماشيني

حر ... لا تدوخيني شبيچ تندمتي درة انتي تحبيني بس ما تدرين بروحج

انتي معتبرتني غريب مو خال

والدليل اكثر من مرة تصيرين قريبة مني وتموتين خجل تنزل عيونج للكاع بعد ما تصعد

وتحاولين تخلين بيناتنة مسافات بعيدة حد ما تنسين الموقف .

درة ... بس بمواقف ثانية انته خالي .

حر ... انه خالج؟

درة ... لا

حر ... هذا هوا خلص لا تعذبين كلبي اكثر والله و رسولة شكد تحلفت بيج ع حجي ذاك اليوم من شفت طولچ كلت تنكص ايدي اذا اتأذيهة

بيومهة رشكتيني بنفط وشعلتي بية النار ، وضليت اتحلف و اتوعد

من شفتج نزلتي واجت عيني بعينج كلبي فرفح عليج مثل الطفل لمفارك امه وشافهة

هوا جان يتحلف ويتحلف بس من شافهة نسى كلشي وصار بس يريد حضنهة .

درة ... جنت خايفة منك كلت راح تأذيني ويمكن تضربني .

حر ... تنكسر ايدي اذا تنمد عليچ ولچ انتي تربيتي اعرفج من حركة كلبج حجيتي هيج واعرفج تخافين من عمج فاضل ما تردين ادخلين بمتاهة ما الهة مخرج .

فلتت ايدي من ايدة و لوحتلة بأيدي باي ..

ورجعت ركض يم رهف شافتني الهث كالت شبيج

... شبيه يعني ما تشوفيني اركض ركض

رهف ... وين خالو حر

... ضل وراي خالچ حررر جوعانة اريد شي اكلة .

رهف ... ذاك الاكل روحي اكلي منو كاضج ولو انتي من شفتج وشفتيني تصيحين جوعانة .

درة ... انجبي ام سداد انجبي ..

فكت حلكهة عفتهة وركضت ركضت وراي وصاحت

شنو قصدچ درة شنو قصدج شنو ام سداد

باوعتلهة و رفعت حواجبي الهة بمكر

... عليننننه رهف علينننه مو انتي اختي ولج متشاركة وياج نفس الرحلة و نفس الغرفة والكنتور وحتى الملابس

والافكار والنظرات .. كلشي بية بيج

انه لو عيوني تلمع من يجيبون طاري واحد احبة

راح تكون نظراتهن نفس نظراتج من يجيبون طاري سداد .

لا تنسين الغيرة الواضحة عليج من يحجي ويا طالبة حلوة و تفوقج بالجمال

وجهج يصير احمر والدخان يطلع من راسج

لو نظراتكم البعض من يشغل اغنية رومنسية ثنينكم تتسرسحون ولا عبالك انه وفلك وياكم بالسيارة .

رهف ... لا تحجين كدام امي حبوبة هية تكره عمامي لو عرفت احب ابنهم گبل راح تكلي

شلتج ابطني تسع اشهر وتالي تطلعين ع عمامج وتحبين واحد منهم ، والله لو زارعيني نطفة أبطن ركية ولا ابطن امي كل ما ارفض صهيب كالت شلتج ابطني تسع اشهر ما انطيج العمامج .

حركت كتفي بزعل و رديت

... شنو يمتة مفتنة عليج انه علمود هسة تكليل لا تحجين كدام امي .

رهف ... كلشي ويصير يجوز تستفزيني وتحجين بالشقة بس ما تعبر ع امي راح تعرف القصد شنو .

درة ... صااار صارر ما احجي تدللين بس هوا السبع خلي ياخذج ويفكنة .

ضربتني خفيف ع جتفي ورفعت اسوارتهة بوجهي

... هاي هدية منة

درة ... جذااابة ... حجيتهة بأعجااب وانه اشوف الأسوارة مزينة معصم ايدهة ومستقرة بيهة وكأن انصنعت خصوصًا حتى تزين ايد رهف .

رهف ... اي والله هوا كض ايدي ولبسنياه بدون ما يكول احبچ عرفت مشاعرة صوت عيونة جان عالي كلش يسولف درة يسولف بعيونة .

درة ... اووف جماااال جمااال يخبل الأسوار لج هذا ذهب لو لا .

رهف ... ترة مبين ذهب شوفي بي علامة هنا منقوشة و جواها مكتوب اسمي .

لزمتة بايدي ... نزعي خلي اشوفة حبابة

رهف ... لا مستحيل ما انزعة هذا هدية من حبيبي شلون انزعة .

حجت وهية تجر ايدهة تخليهة ورا ظهرهة ركصت بحواجبي الهة وضربتهة ع كتفهة

... خوش والله الحب يركص بعيونچ .

حجت بخجل وهية تعوفني ... درررة ! لا تحرجيني .

ضحكت وحضنتهة من ورة

... ولج بربوك تخجلين من اختچ ام الفصم .

رهف ... لاااا ههههههه ما اخجل

حر ... الله يثخن لبنجن وين ترف

باوعنة منا ومنا ماكو

انخمش كلبي من ما لكيتهة وخصوصًا بوجود نهر يذكرني بوكعة رهف

... ما هية خالي !!

ضلينة نتلفت ما شفناها عقد حاجبة بغضب

... رهف مو ضلت يمج غير تحطين عينج عليهة ..... حجة و هوا يشق طريقة بين الأشجار و النخل

رهف ... رايحة اشوفهة مناك

حجت واشرت ع اتجاه ثاني ركضت بي وانه ركضت بأتجاه النهر حطيت ايدي ضريت لعيوني و ضليت اباوع بأرجاء المكان

ما الهة أي أثر .

شفت حذائهة بحافة الشط واثر رجليهة يمة

ركضت بأتجاهة وانه ارجف بخوف دنكت شلت حذائهة لو بادن رجليني من الخوف

صرخت بصوت عالي

... ررررهف خااالي هذااا حذااائهة يمة اختي طاحت بااالشط يبوووووي خخاااالللليييي يباااااااووووو .

ولج رهف شلون تنزللللين ولج مو كتلج لا تنزلين لحكولي ررراحت ترف يبووووي

ابجي واضرب ع خدودي وعيوني ع شط تدور اريد اشوفلهة أثر ثاني .

اجت رهف تركض مفزوعة و فاكة حلكهة

وصلت يمي اخذت الحذاء من ايدي وانة الطم ع خدودي واصيح

... ولج طاحت ترف طاحت بالشط وماااتتت .

دمغتني ع راسي وكالت ... صدك عيني مو عليهة بس ما يعني انه طرشة

شلون تطيح وما انتبه عليهة

وهية حذائهة نزعتة و كامت تلعب بالطوبة بنعال و يمكن راحت بنص البستان .

درة ... لا ولج انتي ثولة اذا نكلج وين ترف ما تدرين بيهة راحت منا لو منا

طايحة وما تدرين بيهة انه ادري .

رهف ... لا تفاولين فال الله اخير من فالج

حجت وهية تباوع ع شط وتصيح

تررررف وينچ ترررف وين وليتي .

حر ... هااي جبتهة لا تصيحن عيب

التفتنة شفناه جاي ويا ترف كاضة طوبتهة بأيدهة

ركضنة باتجاهم كضيت ترف من طرف ثوبهة

... انتي شلون ترحين هاا وكفتي كلبي

حر كض ايدي شالهة وكال باستغراب

... شبيچ وياها رايحة هناك يم امج و كاتي كاعدة بنص البستان .

باوعت علي بخوف

... انته ماتدري عبالي غركت وماتت .

ضحك خفيف و حجة بهدوء ... بلا دموع درة لا تبجين مسحي دموعچ ويله راح اصيح الامج وكاتي

رهف ... يمتة اجت كاتي

حر ... كبل شوية جابهة اسامة

قبل لا يكمل التفتنة شفناهن يتمشن بأتجاهنة ويباوعن علينة بأبتسامة

ما اعرف ليش ما كدرت احط عيني بعين امي ونزلت راسي وابتعدت عن انظارهة

كعدنة و حطينة الاكل الجايبينة ويانة و ضلينة ناكل و نسولف و نضحك

هوا شال صحن حط بي اكل ومدة كدامي

رفعت طرف حاجبي باستغراب

كال بصوت عالي ... درة مصفنة من الهبطة اكلي هاي ترف مابيهة شي .

درة ... اكلت وشبعت الحمد لله و الشكر .

هز راسة برضا و خلصنة سفرتنة رجعنة للبيت تعبانين ارتاحينة سبحت وطلعت انشف بشعري القصير ، جان كاعد بالصالة رفع طرف عينة باوعلي و ابتسمت شفايفة ..

درت وجهي عنة ما باوعتلة بعد تمددت و كلت ... تعبانة راح انام شوية اريح راسي .

رهف كاضة المبايل تكتب و هزت راسهة بـ اي

يمكن تحجي ويا سداد برسائل

غمضت عيوني وضليت اتسائل

انه ليش ما منعتة ليش قبلت

ليش ما اشمئزيت مثل اول مرة من كلي يحبني

ليش ما خفت

شنو الي اتغير

معقولة خوفي لا أخسر مصدر اماني خلاني اتقبلة بس علمود اضل ويا !

اي هوا انه خبلة كلشي اتوقع من روحي

ما فاهمة روحي احس روحي متناقضة

و لو اجي بالعقل هاي علاقة ممنوعة و مستحيل اي فرد من افراد عائلتي يتقبلهة ..

لو بالكلب الدك بدون استأذان

فجأة شمرني بين ضلوعة لحر و خلاني امكث هناك

بامان وسلام ..

والله لو يرجع بية الزمن

ما جان رحت الغرفتة

ولا سويتلة كمادات باردة جان نزلت الأمي كتلهة

كله بسببي روحتي اله فتحت علينة ابواب ما تنسد بعد

الله وحدة يعلم بالمشاكل الراح تصير

لفيت راسي و غطيت بنوم عميييق ، عبالك وحدة لا عدهة لا هم ولا غم و عايشة مرتاحة

ما جن دخلت روحي بدرب وعر وكلة مطبات .

مثل الشجرة لحملت عدد كبير من الثمار

لدرجة ثقلت اغصانهة و صارت توكع واحد ورا الثاني

وتفقد رونقهة وجمالهة

هذا حالي ..

كعدت بالليل تعبانة ودايخة طلعت من الغرفة اعدل بشعري و غسلت وجهي

الدنيا ليل و ظلمة ولا اكو واحد كاعد

شكد فكور ما كعدوني اتعشة .

رحت للمطبخ فتحت الثلاجة طلعتلي جبن سويت لفة واكلتهة و رجعت اتلفلفت بفراشي

شفت المبايل اشتغل ضوة كمت سحبتة

كاتب رسالة

"شفتچ عبالي جني ام كوشة"

كتبتلة "والله الجنانوة داكين طابو ابيتك"

حر "اطلعهم الج هسة احجي طلاسم و يلتمون داير مداير البيت"

درة "ومنين متعلم هاي السوالف"

كتبت وانه اتسائل

حر "بالسجن شفت مشعوذ و علمني استحضر جن واسوي سحورة ، ما تشوفين روحج شلون حبيتيني سويتلچ سحر وسطرتچ سطر"

ما جنت اعرف هوا يحجي جديات لو يتشاقة

كعدت مصفنة دقايق

ما ادري شنو ارد

جان يدز

"تجين نكعد بالحديقة معمر اركيلة"

درة "دقيقتين"

ركضت مشطت شعري ورشيت عطر ، فتحت الباب ع كيفي و طلعت امشي بهدوء اخاف امي تصيدني

فتحت باب المطبخ شفتة كبالي امدد وثاني ايدة مرتجي عليهة و كاض القامجي

درة ... بس لا صدك مسويلي سحر شو جاي امشي وراك مثل المخدرة .

فك عيونة و ضحك بصوت عالي حيل ، و كال و هوا يثني ركبتة ويكعد ... انتي شنو من بشر والله محتار بيج ساعة ذكية ومحد يلحكج وساعة اثول منج ماكو .

حجيت بفهاوة ... شلون ؟

اشرلي ع مكان كدامة كعدت وحطيت ايدي ع خدي جاوبني

... يعني مرات تضلين تشمريلي بسامير لو تضايقيني بطريقة مال ذكيات مستحيل واحد غبي يكدر يذب هاي الكلمات و يحطهن بكلبك فيت

و مرات تصيرين فاهية وما تلكفينهة

يمعودة انه لو اسوي سحورة وهاي شغلتي جا هسة مخلف منج .

درة ... فهمتك ، انطيني اركيلة نفس واحد الله عليك

حر ... يعني ما تلعب روحج مني

درة ... لا خاف انته تلعب روحك مني

رفع حاجبة وكال "تؤؤؤ"

مدهة الي اخذت نفس منهة و جرهة بسرعة ، ذبيت دخان من حلكي بس الا شوية اختنكت

خلاهة بين شفايفة وباوعلي بمكر .

شوية و جر حسرة

... اكلج كومي نامي الشيطان فز براسي .

رمشت بفهاوة و حجيت بتساؤول ... شنوو .

حر ... يعني ما يصير تضلين كاعدة يم زلمة غريب وحدج وهوا يحبج

لا يفسد برائتج .

درة ... يعني اذا اضل كاعدة يمك هسة تفسد برائتي .

حر ... انه ما اسويهة كلش بس شوية

درة ... يله اذا بيك خير سويهة و افسد برائتي الخابصني بيهة ...

حجيتهة بضحك ما جنت اعرف قصدة شنو

طكني ع ايدي و كال بتحذير

... حسبي الف حساب للكلمة قبل لا تحجينهة ترة كل حرف يطلع محسوب عليج .

درة ... ما افتهمت .

حر ... شبيج اليوم هاي اللحم الوكلتنياه امج مال شنو ؟

درة ... ما ادري رايحة انام تصبح ع خير

حر ... اصبح عليچ .

درة ... بوجهك الخير خالي

حر ... تخلخلت اعظامج كون

عفتة ومشيت للبيت حذفت الرسائل و تمددت بفراشي

لشوية وسمعت صوت دبج من الحديقة شلت راسي و مشيت بهدوء للشباك

ما شفت شي بس صوت الدبچ عالي و واضح

ركضت ع اطراف اصابعي و فتحت الباب طلعت شفتة ع كعدتة بس عينة ع مكان الدبج ومبين مستغرب او مهتم

بس من شافني رجع وجهة طبيعي

ركضت علي بخوف ... صوت دبچ بالحديقة مناك خالي ما سمعتة

هز راسة ب لا

واسترسل ... لا ما سمعت شي تراوالج هاي من الخوف .

درة ... تؤؤؤ يا خوف انتة تضحك علية واذا تكول يتراوالي وماكو شي كوم وياي يلة كوم وياي نشوف بعيونة شنو يصير .

حر ... اخاف ما اروح .

درة ... يااااا

حر ... بله طلعلي جني شسوي حتى الفاتحة ما حافظهة

درة ... اوووو امشي وياي والله جاي اسمع صوت دبج ومتأكدة جاي تسمعة وياي بس مغلس

هز راسة ب لا

... كوووم يله

حر ... مااااا اخاااف هسة لو تنطيني فلوس الدنيا وشنو اتمنة هم ما اروح

لو يكلولي هناك طلع مارد من المصباح السحري وتعال و اتمنة .

كتفت ايديني بغضب و حجيت بعصبية

... بكيفك انه رايحة وحدي

عفتة ومشيت باتجاه الصوت طفر وراي وكضني من زندي رجعني ليورة

... مو مال خبال هسة رجعي نامي

درة ... لا والله ما ارجع اذا ما اشوف بعيني شنو يصير

حجيتهة ومشيت مشة هوا بس صار قبلي وكاضني

لفيت ايدي حول ذراعة بخوف

وصلت لمصدر الصوت بس هاي المرة شفت البنية تحفر بالكاع

تباوع بأتجاهنة بكل غضب و عيونهة تنكط شر

تمتمت بخوف وانة اضم راسي بزندة

... جاي تشوف الأنه اشوفة

لأول مرة يكون صريح وياي و جاوبني

... اي شفت امشي نفوت للبيت

مشيت خلاني كدامة وحضني علمود ما اخاف

فوتني للبيت

باوعت بوجهة ضايج وما طايق روحة وانه عيوني تجري دمع

... شنو بي هذا البيت

حر ... باجر وعد تجيب العلوية ترقي علي بكبرة

درة ... ما راح يفيد اكو شي غريب عجيب صح ما اعرف شنو بس انته تعرف

والدليل تتشرد من الاجابة دوم

اجة صوت امي من ورانة

... شتسوون

التفتت عليهة ابجي وهمست

... يمة شفت البنية انة راح اتخبل

وعد ... يمة اسم الله

سلاما قولا من رب رحيم

بسم الله الرحمن الرحيم

وين شفتيهة

يمة حر شوف النة حل

طكت ارواحنة

والله بلووة

حر ... ان شاءالله عن قريب نطلع من هذا البيت .

جاي نحجي و طرقت صرخت كاتي مسامعنة

ركضت امي باتجاه غرفتهم

وخالي حر ما تحرك

يمكن عبالة سوالف والدة او طلوك

مشيت وراهة

ورهف طلعت تفرك بعيونهة وتكول شكو ؟ شنو كاتي عدهة ولادة

مو بعد وكت

دخلت ورا امي شفت كاتي تبجي و ترجف

وتجاوب امي بخوف

... وعد هناا نايمة رجاله نايمة ع سدري تريد تموت اناا لونهة اسود رجاله هنا والله .

اسامة ... لو ما الصار هليام جا كلت حلم

كتكوتة شلون شكلة للرجال

كاتي ... هيش اسودة سغيرة نامت ع سدري تكول ما تسير ماما .

وعد ... يمة بعد ما اتحمل اضل بهذا البيت راح يوكف كلبي والقران

كاتي يعني رجل صغير شلون

كاتي ... اي سغيرة

تحجي وهيا تبجي بحرقة وألم وكل جسمهة يختض من الخوف ..

كاتي ... راه يموت انا و البيبي راه يموتنة يا ربي انا يهبك ويهب البيبي لا تموتنة هسة والله هاي زلمة تنكهر علينة تموت هم

اسامة ... هلو هلو منو كلج انقهر واموت

كاتي ... انتي ما تهبيني وتموتين اذا متت انا

حضنهة الصدرة

... اسم الله عليج ما يصير بيج شي راح نطلع قريبا منا لا تخافين كتكوتة .

وعد ... انه بعد مستحيل اضل هنا هذا البيت راح يسوي بية مرض لو جلطة

رهف ... حتى انه كلبي يرجف عود ليش البيت جاي يصير بي هيج

شنو بانين ع كبر لو شنو

حجت هيج وطاحت المزهرية بالكاع تفلشت

صرخنة كلنا وحطينة ايدينة ع كلوبنة

نباوع ع مكانهة اكو عيون جدحت وبعد ما شفنة شي

وعد ... يمة بسم الله الرحمن الرحيم حر حررر

حجت وهية تطلع من الغرفة يمكن تريد تكلة

انه هذا حدي بعد ما اضل

وهناك وجان نسمع صوت ترف اختي المفزوع بس قادم من برة و وفوكاها صوت طبة قوية

عبالك واحد طاح من مكان عالي ع كاع

هية ترف مو عفناها نايمة بالغرفة

شنو جاي يصير هنا؟ ....

ي

لنا نركض ع مصدر الصوت والخوف عامي عيونة ، انباوع محد لا ترف ولا غير ترف

ركضنة انه ورهف للغرفة لكينة ترف متمددة بفراشهة وفاتحة عيونهة تباوع علينة بهدوء ..

تقربت جريتهة من ايدهة وحجيت بخوف

... شبيج ولج

رهف ... ليش صرختي ترف

طبت امي تبجي وتكول الحمدلله هاي هاي مابيهة شي

هية تباوع علينة مستغربة

هزتهة رهف وكالت بخوف

... شنو شفتي وصرختي

ترف ... كلشي ما شفت ما صرخت انه بس كعدت من النوم وما لكيتكم والنوب اجيتن

حجت امي وهية تلتفت تباوع لحر وحجت ويا بنبرة غضب

... بعد هذا الشفتة كلة هم كول وسواس وبعدك ما مقتنع .

حك رگبتة و حجة بنبرة واحد مذنب

... باجر الصبح جيبي العلوية ولمو غراضكم اشوفلي بيت ايجار استأجرة ونطلع بي منا ع ما احصل بيت

وعد ... يمة ترفة شنو شفتي احجيلي يعيني

ترف ... يمة جنت نايمة ما شفت شي

حر ... يعني ترف ما صرخت اكو غلط هنا

سحب مبايلة من جيبة و راح للهول دقيقة وطلع شغل قرآن بصوت عالي

باوعتلة بحزن

و خوف، كل لشتي ترجف

ما اعرف شصار بية

موقف يخوف ايشل العقل

والله لو واحد منكم بمكاني يمكن مات من الخوف

لان انه شفت هواي اشياء غير الي همة شافوهة

كعدنة بالصالة كلنة واحد داحس روحة جوة الثاني

كاتي داحسة روحهة بحضن خالي اسامة وتحجي بنبرة بكاء

... انا ما يريد يموت هبيبي ولا يريد بيبي يموت .

اسامة ...اسم الله ع اسمج من الموت كتكوتي

كاتي ... هر بيتهة بي ناس ما يعرفهم انتي

اسامة ... اي اي. ع كولة درة جنانوة

كاتي ...سغيرة سودة رجاله انا شافهة .

اسامة ... عمت عيني عليچ دادة خوفتچ الرجالة ما تخاف الله .

كاتي ... والله شافها انا اسامه لا ذحكين عليه ادري بيش ما تسدكيني .

اسامة ضحك بصوت عالي وحضنهة بقوة حطت ايدهة ع بطنهة ، باوعلهة بعمق خايف عليهة بس مايريد يبين النة خوفة علمود نتطمن شوية ..

حر حط ايدة جوة راسة دقيقة دقيقتين وراح بسابع نومة ليشوفة يكول صارلة قرن ما ضايگ النوم ..

امي كاضة سبحتهة و عيونهة علينة واحد واحد

وتسمي باسم الله الرحمن الرحيم .

رهف ضحكت واهتزت اكتافهة حيل ... منو ومنو راح ي** ع روحة هسة .

امي خزرتنة بغضب ضحكت و حجيت بهدوء ... لج خاف انتي اول وحدة ، انه متعودة ع وضع ما اخاف ولا اخشى .

حجيتهة وسحبت عيوني بغرور

دمغتني ع گصتي حيل ... شلون ما طكن فيوزات عقلج انه سمعت ومصاريني طبكت ويا كلبي وراح اخذلي اسبوع ما انام من الخوف .

درة ... بله انتي زوربة هم لازم اصير نفسچ .

وعد ... وحمس اليحمسجن سكتن سكتن .

بلعت لساني وسكتت باوعت الرهف تمددت وحطت راسهة ع رجلي دقيقة ورة دقيقة وجان اغفى وانة كاعدة كعدة وراسي مرتجي ع حايط

هاجمتني الكوابيس والاحلام المرعبة ، بس شي طبيعي بالنسبة الي

حسيت بواحد يشيل راسي من ع حايط ويخلي مخدة بالطول ورا ظهري فزيت فتحت عيوني شفتة يعدل بالمخدة

ابتسم تك خد وهمس

... يافوخچ طبع ويا الحايط اكو واحد ينام هيج .

ميلت راسي ع مخدة وحطيت ايدي ع عيوني ما جاوبتة

شلت ايدي وهمست

... گلبي يوجعني من كثر الخوف شوكت نطلع منا خاف يكتلونة لو يخبلونة ذولي الجنانوة .

حر ... الصبح نروح لبيت قصي نضل عدهم هاي الكم يوم اذا ع بيوت ترة البيوت ضالة بكد الزبل حتى لو نأجر ايجار .

مررت ايدي ع شعر رهف و ما حجيت شي بعد، درت وجهي وتنهدت بضيق

ما حجينة شي

صار الصبح كمنة صلينة ستوني مكملة صلاة وكالت امي بحزم

... راح اخابر ابن عمجن يجي ياخذجن رجعن لعمامجن الوضع هنا صعب واحنة راح ننتقل من بيت لبيت شلجن بدوخة الراس

وحتى ترف اخذنهة وياجن تضل جم يوم منا ع ما نستقر ونجي ناخذهة .

درة ... لا والله؟

وعد ... اي والله

درة ... ما اروح انه ما اروح اضل وياكم ورجلي ع رجلكم وين ما ترحون اروح

حتى لو تتعنون للموت اتعنة وياكم .

وعد ... تف لهذا الفال من صباحيات الله ع موت

حر ... الموت حق ام رهف هسة شني ما راح نموت كل الدهر نضل عايشين ونربع .

امي تخصرت وكلتلة بقهر

... ما تدري الموت يأذي العدل مو الميت ؟

زم شفايفة بحزن وشتت نظرة عنهة ، مادري شبي عبالك حجايتهة لامست اعمق نقطة بداخلة ، جر حسرة ورجع يسبح باوعتلة

حس علية

رفع طرف عينة شافني وابتسم

درت وجهي عنة و حاجيت امي

... لا تكبرين الموضوع يمة انه ما ارجع العمامي هنا اضل و رجلي ع رجلج وين ما ترحين وياج

رهف ... حتى انه اضل وياكم اريد اتعرف ع جنانوة

حر ... اريد اعرف المطي المدرسجن عربي منين متخرج .... باوعنالة ثنيناتنة ومبين علي يسب ويشتم بالمطي الدرسنة عربي ..

ردت استفز رهف جان اكلة

... سداد ابن عمي فاضل مووودرس عربي وهوا يدرسنة اي شي ما نعرف يدرسنة خطية .

قطب حواجبة وزم شفايفة بغيض

رهف صارت تفور من كال

... مطي ما عرف يعلمجن الجمع شلون يدرسجن باقي المواضيع الصعبة .

رهف ... لا خالو هوا خوش مودرس بس احنة هيج نجمع

باوعتلي وكالت بغضب

انتي سكتي خشمج جنة مكناسة كهربائية هسة انتي تلحكينة بالتدريس .

درة ... اي واصير احسن منة شنو عبالچ ثولة مثلچ مليون مرة اشرحلج يلة تفهمين ، لا تنسين من امتحنة استاذ فاقد ضليتي وجهج فالت لو ما انه بدلت الاوراق .

رهف ... كال ذابهن بالزبالة اوراقنة وما راح يحسبهن لا تخافين ما نجحت بزودچ .

دارت وجهة مستائة

هوا كال

... لا تضوجين اختج درة هية ذكية بس ما عدهة اساس قوي بالدراسة مثلچ .

درة ... اي حتى المودرسة كالت .

وعد ... بعدجن تتناكرن كومن احنة بيا حال مو مال مناكرجن غبيات كومن سون ريوك يللله

نترت بينة طفرنة ثنيناتنة حضرنة الريوك و صبيناه

صحنالهم اجو كعدو تريكو

كاتي خطية مرعوبة وجهة مثل الليمونة اصفر

وشفايفهة بلون وجهة

شاحبات

اسامة ... راح يوكف كلبج كتكوتة شربي هذا عصير زبيب سويتة الج

كاتي ... ما يريد

حجت ودارت وجهة عنة

كضهة من فجهة و شربهة غصب

ضلينة نضحك و حر كال

... ناس ماعدهة مخافة الله .

اسامة ... خليك بروحك حر وخليني يم مرتي و وليدي

شلنة المواعين غسلناهن طلعنة جنط حطينة هدومنة النحتاجهن وبدلنة

حر راح لبيت خالي قصي قبلنة كال شوية وارجع اخذجن بس حضرن روحجن

ومناك امر للعلوة والنوب ارجع

ساعة

لا تخافن صيرن سباعيات

بدلنة وكعدنة ننتظر جان يندك الباب طلعت امي دقيقة وطبت فتحت الديوانية ، صوتهة عالي

تهلي وتمرحب

وهية تكول

هلا عمة هلا بيك تفضل

رهف عقجت وجهة وكالت بضجر

تلكينة صهيب جاي هذا ع حس الطبل خفن يرجلية .

درة ... وين الربط

رهف ... قصدي بكل عزة لطامة بس شم ريحة اجة مثل البزون اوف اوف

نفخت بضوجة

كرصتهة بزرهة

... عيب لا يطب ويسمعج

بعدين اذا صهيب لو صيوان ليش امي ما طبتة هنا ليش للدوانية

رهف رفعت اكتافهة و قوست شفايفهة بمعنى ما ادري ، ضليت اباوع ع باب

كمت تقربت حطيت راسي اتصنط

الصوت مو صوت صيوان ولا صهيب

لا هذا صوت ليث ، باوعتلهة وأشرتلهة بايدي لا

وكلت صهيب وصيوان بدون صوت

تعرف قصدي مو همة

كامت اجتي يمي حطت راسهة ع باب سمعت وعقدت حاجبهة مستائة

لا هلة هذا شعندة لافيلي

كرصتهة مرة ثانية وهمست بتحذير ... عيب ولج لا يسمعج شمسويلج خطية

رهف ... ما جاوبت درة لان مثل ميكولون اليدري يدري والمايدري يكول كضبة عدس

اذا هوا نظراتة محاوطتني

كلة نظرات حب واهتمام رغم جاي يشوف نار المشاعر المتأججة بيناتنة انه وسداد بس احسة مصر يضايقني بنظرة او كلمة ، يحاول يوصل بيهة لنقطة لا انه اريدهة واقبل بيهة ولا هوا يريدهة ..

بس شغلة عناد او تحدي

ضربت ع باب بنقرات خفيفة

وفتحت الباب فتت رفع راسة اجت عينة عليه

ما اتحرك ولا حجة شي

بس سلمت

رد السلام ب عليكم السلام وعدل كعدتة

امي حجت من يمهة تلم الموقف

وعد ... خابرت سداد يجي عليجن علمود ما ينشلع كلبجن ويانة بالنقل من بيت البيت

بس مادري اجة ليث

باوع الامي وابتسم بثكل جاوبهة ... سداد سيارتة خربانة و كال روح جيبهن .

حاصرني الغضب ، واحتقن وجهي

تقربت من امي كعدت و حجيت بضحكة

... يمة مو كنالج نتحمل النقل وياكم وبعدين شلون تنتقلين بيت ثاني و كاتي حامل واصلة وانتي وحدج وين تكدرين تنظمين البيت لو تنقلين الاغراض .

فهة وجه ليث لحضات و كال

... جا انتم لكيتو بيت ؟

وعد ... مو النة مالكينة حظنة فگر عوكس ويانة ، نريد ننتقل لبيت ثاني

بيت لحر اخوي واسامة

ليث ... ها جعلة عتبة خير عليكم انه موجود برسم الخدمة اساعدكم بنقل الأغراض

وعد ... ما تقصر ريتك سالم

صهيب وصيوان راح يجون

انه بس ماردت البنات ينشلع كلبهن خطية

هنة يردن يرتاحن لو ينكلن بالاغراض ويشتغلن

ليث ... اي صدك عمة بس امانة الله اي شي تحتاجونة انه حاضر .

وعد ... ما تقصر ابو الوليد ادري بيك صاحب نخوة و سبع

اريدك عينك ع بنات عمك

امانه عدكم ، تدري هنة بنات شابات والدنيا مو امان

لا تخليهن يرحن للمدرسة بوحدهن

ودير بالك عليهن ، هاي درة مرضهة غبر بسرعة تتخربط و تتعب

اذا تمرضت اخذهة للمستوصف ترة اذا تضل تتخربط عليكم .

ليث ... ههههه درة اذا انشلت تنسطر صرت اعرفهة والله يبعد عنهة شر الامراض .

ابتسمت مجاملة جان امي تكول

كومي كلي الاختج تحضر غراضهة وسوي ريوك الأبن عمج

ليث ... لا والله متريك من الصبح ابوي مشتهي باجة وامي سوتهة اله نص الليل الريحة طكت بخشمي وسلطنت ، كعدت الصبح تريكت بيهة شلون باجة ردتهة كدامج .

وعد ... هني ومري عمة ..الف عافية ع كلبك

عفتهم وكمت هاي امي من يمتة صايرة حنونة وتحب عمامي وشنو هذا الانقلاب الغريب

لو كايلي السمچ انكلب ناگة وصار يركض بالصحراء اصدك

بس مال امي تحب واحد من عمامي وتحجي ويا هيج لا هاي الما متخيلتهة ..

رهف ... كومي نشوف جنطنة امي مخابرة الولد يجون علينة

درة ... يا شنو هيج صرنة ثكيلين عليهة وتريد تشمرنة

رهف ... تكول ماريدجن تتعذبن بالنقل هاي امي مدري شبيهة بس تريد تذبنة ع عمامي

ترف ... انة ما اروح ما اروح

حجت بغضب وهية اتدير وجهة عنة

رهف ... ولا ترحين ضلي الجنانوة تكمز فوك راسج

ترف ... انام بحضن امي ما اخاف انتن خوافات

درة ... دخيلك ربي اهل هذا البيت هم الجنانوة ولازم الجنانوة نفسهم من يشوفون واحد من عدنة يصيحون سلامًا قولاًاااا من رب رحيم

ويكضون القرآن ويكعدون يقرون سورة البقرة .

رهف ... خوب من تخزرهم امج ايلمون چويلاتهم ويطفرون من البيت بكبرة .

حجيت بغضب وانة اسحب جنطتني وجنطة درة

ترف تجين ويانة لو تكابلين الجنانوة وتكعدين .

فاجئتنة امي من حجت من ورانة

ترف يمة ترحين وياهن لو تضلين يمي .

ترف ... ماما تخليني انام بحضنچ ؟

وعد ... يمة احطج بعيوني يابعدهن

حجت وهية تبوس بخدودهة

كتفت بغيض وغيرة وحجيت بحزم

... امشي درة احنة هنا غير مرحب بينة .

فات خالي اسامة للدوانية وصار يسلم وصوتهم عالي بعدين انقلب سوالف وضحك بيناتهم

واحنة كاعدين ع اعصابنة ونباوع الامي بغضب

وهية تباوع علينة بنظرة غريبة

اجة خالي حر

كال شبيجن مصفنات

درة ... اختك طردتنة هاي كدامك روح شوف ابن عمي كاعد جوة

احجي وأاشر ع ديوانية

قطب حاجبة وباوع الامي باستغراب

جاوبتة قبل لا يحجي

... حر ماريدهن ينشلع كلبهن ويانة ويتعذبن انته شتكول .

قوس شفايفة باوع ع رهف رجع باوعلي بتفكير

وكال ... بيهة وجهة نظر

اذا ضلن ويانة تنشلع كلوبهن خطية هنة وراهن بعد جم يوم دوام

من ضيم لضيم ! زين سويتي

بس لو كايلتلي انه موديهن عيب خابرتي عليهم .

وعد ... بعد خابرت سداد تعودت علي .

ابتسم نص ابتسامة وباوعلي بأبتسامة

صاير بس يوزع أبتسامات يمكن امي كشفت الصار لو عرفت المشاعر الي وجت بداخلي اتجاه اخوهة .

من ورة ابتسامتة فاضحنة يمة هذا ما يضم فرحتة كبل تطلع ع وجهة .

مشى للدوانية وهوا يباوعلي ، فات سلم وبعد دقايق طلع امي هنا جانت تلم بالاغراض

بس تريد تخلص كلشي

اشرلي براسة بمعنى لحكيني

مشى طلع من الباب و راح للترك ورا البيت

لحكتة بخوف وامشي بأرتباك

كل ذرة بية رجفت لهفة و خوف .

وكفت كبالة ارتجى ع حايط وميل راسة همس

... ماريدج ترحين بس ماريدج تضلين .

درة ... ادري هية حزورة لا تحجي هيج .

حر ... هههههه لا مو حزورة بس الشيطان اخاف منة كلش اخاف منة و يمج استهتر اصير ساقط .

درة ... هلوو همزين اجة ليث اروح يم عمامي اخيرلي من الكعدة يم ناس مستهترين .

حر ... هسة صرنة مستهترين

درة ... احتارينة وياك ساعة تكول مستهتر ويمي تصير ساقط والنوب ما عجبك كلامي انته شنو تريد بالضبط .

درة ... اريدچ ... حجة وابتسم بهدوء سبل عيونة وضل يباوعلي

اتلعثمت ورجفت اعضائي نزلت راسي و رفعت كتفي بخجل

وخرت شعري عن وجهي حطيتة ورة اذني

ايدي ترتج

ويا كلبي متضامنة ويا

كلبي نصب بصدري عرس .

حر ... انه بدونچ اتفطر .

درة ... حاجي امي اقنعهة تخلينة هنا وما نروح

حر ... لا لا درة روحي سمارچ والشيطان علية وانة بالعشك كلبي مو مثل ايماني ، ضعيف بسرعة انغلب .

درة ... رايحة رايحة اوي بس تردون تخلصون مني انته واختك كاعدة ع كلوبكم شنو

حر ... شوف هاي شنو يفهمهة بله

درة ... فهمت ماله داعي تحجي هيج فهمت

عوفني اروح ما اريد اضل واكفة هنا اكثر

لا تجي امي وتشوفني يمك تعاقني فلقة

حر ... هية وعد شبيهة صايرة مدري شلون تباوع علينة

درة ... اسألهة

وين اغراضك بعدهن بغرفتك الفوك

اريد اصعد الهة

حر ... شسوين بيهة

درة ... اريد اصعد اخذلي فرة بيهة حبوبي خليني اصعد

حر ... لحكيني بله

مشى ولحكتة شافتنة الست وعد امي العزيزة وعقدت حاجبهة بشك

كالت بتساؤول

وين جنتو

حجة هوا بنبرة طبيعية

... نسولف ع ضيم البارحة امشي درة راويني شلون تشوفين الجن من شباك غرفتجن

حجة وهوا يتخطاها ويصعد

انه سويت روحي طبيعية ولحكتة

حاط ايدي بجيوبة ويمشي عادي

فتح باب غرفتة و اشرلي براسة افوت

فتت باوعتلهة ع حطتهة التفتت باوعتلة بأستغراب لأن ضل واكف برة

... ما الك نية تفوت

حر ... علمود وعد تموتني يله هاي جبتج لغرفتي شنو تردين تسوين

ضحكت وشلت المخاد ماكو شي جواهن رجعت شلت الفرشة وهم مالكيت شي

عقدت حاجبي مستغربة

كال بمعرفة

بالجرار الاول بس مقفول

طلع مفتاح شمرة اجة بنص السرير

اخذتة وكعدت فتحتة وسحبتة ضحكت وطلعت الاوراق السود حطيتهن ع ميز

شفت هواي مكتوبات

بس اول مرة اشوفهن ، طلعتهن وشفت شالي و صوري جوة الشال

شلت الصور باوعتلهن وجهي يضحك بيهن واكثرهن من نطلع نصورهن

درت الصور

كل واحد كاتب وراها

عطري ..

درة ... انتة خبل و رب العرش

حر ... والمصحف محد خبلني بكدج شكد صارت وياي مصايب تشيب الراس بس ضليت محافظ ع ثكل عقلي من حبيتج استهترت .

درة ... زين شالي و صوري بشنو يفيدنك

حر ... اذا ما ابوس التصاوير واشم عطر الشال شيگضي الليل

درة ... بدونهن شتسوي

حر ... اكضي الليل ونه ع ونه وحسرة ع حسرة

حجاها وتحسر

درة ... كل مرة امر من يم غرفتك اسمعك تون شبيك

حر ... من الخنكة البصدري اون

اختنك عليج وانتي مو يمي

درة ... اي وهسة راح اروح وهذني ضمهن زين لحد يشوفهن شيكول عليك

حر ... يكول هذا هايم بذات الشعر القصير و البشرة السمراء ، سرقت منه قلبه

فـ اعطاها الروح هدية .

اعتلى الخجل ملامحي حطيتهن بالجرار وقفلتة

مشيت بهدوء من يمة واكف بالباب

حاط راسة ع جرجوب

اشرتلة بحاجبي يوخر

ما وخر

... ياااا اريد اطلع

حر ... كاضج طلعي هذا مكان

درة ... ضيك اذا اعبر منه احشر انه ويا بالباب

حر ... ااااخ ياريت والمصحف

حجاها وعض شفتة .

دفعتة من جتفة و عبرت ضل يضحك بس يريد يمد ايدة يكضني وشالهة ما كضني

نزلت لبست شالي عدلتة وتجهزت للرجعة

خلصت سوالف اسامة و ليث وصاحولنة نطلع

اخذنة جنطنة وطلعنة

ترف ما رضت تجي

شمعنى خلت ترف يمها واحنة اصرت نروح

يمكن ضايجة من سالفة حر

تخاف علية منه

صعدنة بالسيارة انعصر كلبي حاوطني شعور الخوف

باوعت ع رهف ما باوعتلي دايرة وجهة ضايجة

ليث حجة ... ان شاءالله تونستن

درة ... اي كلششش حرامات هسة رجعنة

ليث .. ان شاءالله نعوضكم احنة انه اطلعجن انتن والبنات

رهف ... لا مشكور نريد ندرس

باوعلهة بالمراية هية ما تباوع علي ضايجة

ليث ... درسي منو كاضج صوجي اعرض عليج خدماتي واكول اونسجن .

درة ... ههههه رهف ضايجة لان راجعين

ليث ... واضح .. حجة وهوا يباوعلهة بالمرايه

وصلنة للبيت سلمنة ع موجودين

وحطينة اغراضنة بالكنتور كبل رهف ضلت تبجي ودفرت الجنطة برجلهة

ضليت اباوع عليهة مستغربة

باوعتلي ونفجرت

... ضجت اريد اضل يم امي يعني انه يتيمة اب وهسة صرت حالي حال يتيم الأبوين

احس بالوحدة والغربة وانه بعيدة عنها

ما اريد اضل هنا .

درة ... انة هم نفسج بس شنسوي منا ع ما نحصل بيت ونطلع

رهف ... لا ما اريد من نحصل انه اريد هسة اريد اضل يم امي حتى لو هية مو زينة

وتترس بروسنة ع عمامي اريدهة انه

درة ... رهف شبيچ هية بس هاي الفترة وتعدي صبري حبوبة

ليش هيج تبجين شنو احد مسمعج حجاية

رهف ... معقولة ما شفتي سفانة شلون كلبت وجهة من شافتنة و تهمس بصوت ناصي

اجت رحمة الله

عود ما عاجبهة وجودنة

درة ... خليني اطلع اترس حلكهة تبن ، ردت امشي كضتني من ايدي

رهف ... اكدر اسوي قبلج بس عيب

درة ... شنو شايفتنة ماعدنة مكان يلمنة وذابين روحنة عليهم همة الجابونة غصب وهمة المايخلونة نروح الخوالي

والله عاد هاي مشكلتهم

يتحملونة ورجلهم فوك روسهم .

رهف ... درت وجهي وسكتت وكلبي مقهور

ما احب اعيش بمكان وانه غير مرحب بية

سفانة مدري شبيهة

كالبة وجهة علينة ، هية مو مثل مها

مها حبابة وطيبة

وانه عندي قاعدة ماخذتهة ثابتة

الما يحجي بلسانة يمكن يحجي بكلبة

الهذا السبب احس روحي ثقيلة عليهم هنا

رغم ما شفنة شي منهم

وهمة واحدهم كريم و خلوق

عدااا ليث طبعا ..

مر هذا اليوم عادي من بين كل الايام

ما شفت سداد للمغرب

جاي اطلع من الغرفة وهوا يفوت للبيت

شافني وضحك درت وجهي وفتت للغرفة

عفتة وراي مستغرب .

حتى سداد مالي خلكة اليوم طاكة براسي

كتبلي رسالة "طابكات اليوم عندچ"

رهف "أييييي لا تحجي وياي شي اكهربك"

شمرت المبايل وبعد ما رديت علي رغم دز رسائل هواي كاتب

رهوفة احبج موت

اريد اشوفج انه كاعد بالصالة تعاي كعدي كبالي اريد اروي عيوني بيج

ما عنيت عليج كمشتي

طلعي بروح ابوج .

كضيت المبايل و كتبت اله

... لا تدوخني ما اطلع .

عفتة وكمت حطيت شوية حمرة خفيفة ومسكارة رشيت عطر وعدلت شالي

طلعت فتحت حس رفع راسة شافني استغرب و ابتسم

فلك ... تعاي ولج شوفي انس المطي باس اسيل وهاي الزركة صورتهم .

رهف ... جذاااابة هسة يعوف ميرة الاثول .

كعدت كبالهة حطيت ايدي ع خدي وكتلهة بحزن

... هوا من الاول ردتة الأسيل واجت ميرة خذتة اوووف

كعدت يمها اتابع المسلسل و هوا مادري شيسوي

يمكن يباوع علينة مدري عليه

صارت تتنقل عيوني بينة وبين التلفزيون

راسة باتجاه التلفزيون وعيونة دايرهن علية

مبتسم تك خد

راح يصير احول الاثول وبعد ما اخذة

حطيت ايدي ع خدي عود بس غطيت وجهي متعمدة

ضل يحمحم

فلك ميلت راسهة و همست

... اخوي مدري شبي يحوس خطية يمكن دخلت دودة بظهرة .

باوعتلهة بنص عين و رجعت باوعت ع تلفزيون

شوية و كمت

ضل بس يدز رسايل

يهدد

ويتوعد

انة الج

ليش ما ضليتي كاعدة

كطعتي كلبي

عيوني شكلن

صرت اعور تاخذيني لو لا

كتبتلة ... شسوي بواحد احول وانه صاكة .

سداد ... ما تلحكيني .

ما كتبت شي

شوية ورة العشا تغير المود

كتبلي جبت علاكة ب15 الف تعاي للصالة نلتم ع فلم عائلي

ما طلعت حد ما اجت فلك صاحتلي

طلعت شفت هاني هستوة يفوت للبيت اليوم كلة ما شفتة

كال يمة الكشمة هنانة شجابج

رهف ... اجيت اعضك

هاني ... عبالي بس تنبحين و مو يم العض

رهف ... لا اعض دير بالك

فدك ... سداد انطيني من ذاك الككو

سداد ... روحي الرجلج يجيبلج جايه ع فليسات اخوج المسكين .

هاني ... امشي حبيبتي اجيبلج باكيت كامل كم فدك عندي بس هاي الوحدة

عيبت ع سداد بلسانهة دنك هاني اخذ ككو وكال

اجيبلهة علي

ضل يضحك وكال راح اجيبلج واجي

سداد ... عمي تعالو اكلو اشاقة وياكم شسالفة

هاني ... لا خطية صار هواي ممسوك الهة

سداد ... باخل ع اختي الخايس ولك ما تخاف ربك

حجة وغمة وذاك طلع يكلة ... هوا العندة مرة بطنهة مثل بطن اختك اسبوع ويكعد ع رنك

لو كاعدلة ع بنك

كعدنة احنة ع فيلم من اختيار سداد كوميدي مصري

شبعنة ضحك

والمصيبة عمي فاضل وعمة نجوى كاعدين ويانة

وصوت ضحكنة وصل لراس الشارع

وهذا السداد ملعون السلفة ما يكول منا ابوي وامي كل شوية يبصبص

كمت اروح للحمام

طلعت وجاي اغسل وصار ليث وراي

باوعتلة مستغربة ما جاب جيتة الا وراي شكد مزعج

سديت الماي ونشفت ايديني، ما حسيت غير صار كبالي

اجذب اذا اكول ما خفت

وكلبي ما صار يردم بجدار صدري بقوة

نظراتة وهوا بكبرة صاير مو راحة

سد علية الطريق وما يخليني اعبر

كتلة وخر شوية

ما وخر عني، رجعت ليورة

حجة بصوت ناصي

... اذا تاخذين سداد انتي ويا ثنيناتكم اذبحكم

اسوي عرسكم دم ..........

ما وخر عني، رجعت ليورة

حجة بصوت ناصي

... اذا تاخذين سداد انتي ويا ثنيناتكم اذبحكم

اسوي عرسكم دم ...

حجة بنبرة غضب قاطب حواجبة ويباوعلي بحقد دفين رمشت بعيوني ما مستوعبة الحجي اليطلع منه

حجيت بصدمة ... من كل عقلك تحجي ؟

رفع طرف حاجبة وأشر براسة ع صالة

... من كل گلبي احجي يم كلبي انسة حتى سداد يصير اخوي وانتي عرضي .

رهف ... ويع شكد انسان قذر انته وحقود ... حجيت بأشمئزاز .. فعلا جنت منقرفة ولعبانة نفسي من اسلوبة

ضل رافع حاجبة ويباوعلي

ردت امشي ورجع سد علية الطريق

رفعت اصبعي بوجهة وحجيت بتهديد

... توخر من كبالي لا ابليك وحق الاسمة علي

رفع حواجبة باستهزاء وكال

... شتسوين يعني

... شي ما يخطر ع بالك وخر ليث واتچفة شري ترة لو طبكن عندي اكوم الدنيا وما اكعدهة

وخر من دربي وخليني اروح

جتف ايدينة وارتجى ع حايط

... شو ما اخليج تعبرين الا تسوين الشي المايخطر ع بال والخاطر .

رهف ... انتة قليل رجولة ونفسك خايسة

شلون نفسك تقبل تحجي ويا البنية اليريدهة اخوك بهذا الاسلوب وتهدد تكسر فرحة اخوك .

ليث ... انتي الي قبل ما تصيرين الأخوي من اول يوم عتبتي بيت اهلي عتبتي كلبي وكعدتي بي

و مو من شيمي اخلي شي الي يصير الغيري .

رفع حواجبة بسرعة ونزلهن وابتسم بمكر سوالي مجال اعبر

بس جد جنت امبنجة هذا مثل الموت ويحوم داير مدايري ..

مشيت شوية گام اجة وراي يكول بصوت خافت

... هسة لو تسولفيلهم شنو حجيت هم ما اهتم

سكتت ما حجيت شي ، محد انتبه علينة و بالأحرى محد يتوقع يكون اكو سر او موضوع بيني وبين ليث

لأن هوا متزوج من جهة ، و من جهة ثانية يدرون بسداد يحبني وانه احبة شغلتنة واضحة مثل عين الشمس حتى امي حست

بعد مو ذولي الكاعدين وياهم .

هوا بس يتأفأف ويخزر بية تكول ماكلة عشااا

بس انه سويت روحي ما اهتم

واباوع سداد كل شوية يباوعلي مبتسم

ولا شك بليث ولا حتى التفت علي

خطية مأمن ويمكن حتى كايل اله انه حب رهف

بس هوا ناقص غيرة

اووف تنهدت بضيق

وعقدت حاجبي مستائة

كمت وهمست لدرة

رايحة انام نعست انه

سوتلي حركة بايدهة وهية مركزة بالفيلم

بمعنى اي روحي

شنو هذا العجز حتى ما كالت روحي بلسانهة لو باوعتلي

مشيت للغرفة تمددت

فليت شعري نثرتة ع مخدة وغمضت عيني حطيت ايدي ع عيوني لان اكو ضوة من الشباك ضايقني

هاجمتني ذيج كلماتة التقهر

عبالك تحفر بروحي حفر مو مجرد كلمات نزلت بأذني

جن جاب سهام وغرزهن بصدري

جريت حسرة طلعت من نص كلبي

وهمست ربي اجفينة شره هذا خبل ومستهتر

بعدهة غفيت بس نومة السودة

كل شوية اتحلم بي عيونة تنكط شر و وجهة حاقد يحجي باصرار يكول اذا تاخذين سداد اخوي اسوي عرسكم دم .. وافز مرعوبة ارجف

وارجع انام يمكن هاي اصعب ليله تمر علية بحياتي كلها ، حتى اخر مرة فزيت بيهة خايفة سحبت المبايل و كتبت السداد رسالة

... احبك انه سداد

انتظرت دقايق بلكت يكعد ويرد عليه ما رد كمت خابرت خليتة يدك وفصلتة دقايق و سمعت نقرات خفيفة ع باب غرفتنة ..

يمة عبالك فات الموت برجليني باوعت ع نقال الساعة بال 4 الا عشرة

وسداد ما مجاوب يعني مو هوا

متت خوف كمت ع كيفي جريت نفس عميق و مخططة بس يطلع ليث ادفرة واكلب الجو علي وافضحة الخايس المنحط ..

فتحت الباب و انه ارجف غرفتنة ضلمة وضوة خفيف قادم من الصالة صاير بظهر الواكف بالباب والخوفة بية منا

ما كدرت اميز شكلة بس عرفتة من هيئتة .

قبل لا انطق اسمة بخوف واحجي مد ايدة كضني من فجي بأيدة حسيت اصابعة انغرزت بوجهي .. بحركة سريعة تقرب باسني خطف صارت البوسة بين شفتي وخدي شفتة حارة كلش و همس بلهفة حارقة

سداد ... وانه هم احبچ .

رهف ... خبل خبل روح منا كافي ترد علية برسالة ما تخاف جايلي للغرفة .

سداد ... شايفتلج واحد خبل يخاف انا مجنون ولا على المجنون حرج ..

ردت اسد الباب حط ايدة فوك ايدي ومنعني تقرب وهمس

بوسيني ..

رهف ... بدون خبال سداد حرام روح روح حباب لا تكعد درة

سداد ... ما اروح الا تبوسيني انتي تحرشتي بية وكعدتيني من نومتي ما اعبرهة الج بسهولة .

وكفت ع اطراف اصابعي وبستة بخدة خطف و سديت الباب بسرعة ، وركضت حشرت روحي بفراشي وجهي سخن

كل مشاعر الدنيا اجتاحتني صرت كتلة من المشاعر بهاي اللحظة

رجفة خوف وعشك ولهفة رجليني خدرن وبادن

مجنون هذا مجنون ماكو براسة عقل مجنون ..

ماكدرت اغفة بعد عبالك دس بوريدي جرعات نار خلت كل جسمي حار نار .

للستة يلة غفيت وكعدت بل 7 نعسانة ابدي بس انام

جبرت روحي وكمت غسلت وساعدت فلك ودرة بتنظيف البيت وكعدت ادرس راح نداوم ما ضل شي

ع اقل اسيطر ع كم ورقة

فلك ودرة غارن مني وگابلني وكعدن ضلينة نقرا حد الغدة

وبس كملنة غسل مواعين رجعنة ندرس

جان ليش اكبر كوابيسي بس اشوفة اسوي نفسي ممهتمة وادير وجهي عنة

ما ادري بي هوا من النوع اليحط راسة براس المقابل وشكد ما شاف المقابل قوي يشد ويا اكثر في سبيل يكسر شوكتة ..

جنت كاعدة بالليل يم البنات باوعت ع مها وگتلهة بتساؤول

... مها انتم ليش ما تطلعون من هذا البيت ما شاءالله عدكم امكانية واحسن الكم .

مها ... وليش اطلع منا خية هنا احسن اذا ردت اطلع اخلي اطفالي يم عمتي و من اريد ارتاح همين و الشغل مو كلة عليه مساعدة ، اذا طلعت ما راح اكدر اوازن بين البيت والاطفال وليش

راح اهمل واحد منهم ع اقل

وما اريد هيج يصير .

رهف ... يعني هسة انتي ما هاملة ليث لأن الاطفال دوم يم بيبتهم وبس تطبخين يوم وتسوين شغلة ثانية بسيطة .

مها ... اي جا شلون عمتي تطبخ اكثر شي كدامج هاي بهذا الوكت انة تلكيني اسوي شيرة ارتب بغرفتي لو بملابسي وملابس رجلي

وبدل ما ينشلع كلبي الظهر بشغل البيت الماخلص انام وارتاح لو اسبح جهالي والعبهم

وبالليل بدل ما كل الشغل علية اسوي عشا وحدي واغسل مواعين وحدي وارتب وحدي جاي تصير عونة وتطيحلي شغلة بسيطة

اسويهة واصعد احضر روحي لرجلي ..

رهف ... بس باجر عكبة من يطلع ليث وفلك تتزوج تضلن بس انتي وفدك وعمتي هم تكبر خطية

ضحكت حيل وكالت

... انه وياج وفدك وان شاءالله درة هم تطبك ويانة

ضحكت بخجل و همست ... شنو قصدج

غمزتلي ورفعت حاجب

... علينة مو ما تطيحين من لسان سداد وبس يمر طاريچ الزلمة يفز .

سالفتة مبينة مكشوفة ذيييج هية مثل عين الشمس عيونة تصيح الأمة وابو وتكول احب رهف وادور عليهة بكل بنية تعبر كبالي .

خجلت كلش عضيت شفتي وانه مبتسمة ابتسامة خفيفة بعدهة حجيت

... زين انتي شتكولين انه وسداد نتراهم .

مها ... سبحان الله ليشوفكم سوية يكول مخلوقين البعض ها ولج وانتي تحبينة لو لا

حجت وضربت كتفهة بكتفي كضيت كتفي انه ما ادري شبية من خجلت صرت رچيچة كلش وبسرعة اتعور

... هاا اي و لا وانتي قيسي .

مها ... ماكو شي اسمة اي و لا لو اي لو لا

لو اكون او لا اكون ..

رهف ... يعني بنص الحب والمو حب شنو اكو

مها ... شنو

رهف ... قبول

حجيت هيج بس جذب انه احبة اموت علي ..

خابرت امي اتطمنت عليهة و ع وضع

مرت الايام اجة الدوام رحت اول يوم محضرة كلش دروسي والي وراهن مرتاحة و مطمنة

بسرعة فلك سبقتني وصعدت ورة يم درة

... هيو وين صعدي بمكانج

فلك ... حبابة احب اكعد يم درة واسولف وياهة انتي صعدي يم سداد .

باوعتلة واكف لابس سترة نيلي و امشط شعرة زين ولا شعرة طافرة والسترة انظف من مستقبلي حتى استحي اباوع علي اشرلي براسة اصعد

وانخصمت عيونة من ابتسم

يا يمة هوا ابتسم لو گلبي ذااااب وتبدة بالكاع مثل الماي

صعدت وهوا صعد شغل اغنية و طلعنة للمدرسة بسرعة وصلنة

جانن الطالبات متلهفات للدراسة لان فعلا ملينة من كعدة البيت 17 يوم

نريد شوية نطلع نغير جو

بس احنة مو 17 يوم بالبيت هم طلعنة اكو غيرنة ما يطلعن ابد .

ثاني حصة عربي طلعت كتابي ودفتري واقلامي وكعدت عاقلة منتظرتة

نسمة كالت بضحكة

... هنيالجن يا بنات عم استاذ سداد واختة ما تخافن منه مو مثلنة صاگرنة صكر

التفتت عليهة فلك وكلتلهة ... لا اصلا كلنا عندة سواسية و يرزلنة سوية و درجة وحدة زايدة ما ينطينة بالتصحيح يجوز ينطيجن انتن بس احنة لا .

نسمة ... تقنعيني هسة انتي ما تشوفين الأسئلة ؟

رهف ... لا ما نشوف الأسئلة والدليل درجاتي الزفت بالعربي و درجات فلك لو نشوف الأسئلة جا هسة التسعينات تتراكع بأوراقنة ..

البنات ايدن كلامي خزرتهة و حجيت بغضب

... حجيج ماله معنى وممكن يسببلة مشاكل هوا في غنى عنهااا .

درة ... كافي بنات سدو الموضوع شصار .

نسمة ضلت تخزر ليكول كتلتهة مو رديت عليهة

رمقتني بكل غضب

رادت تشرب من دمي

قبل لا ترد فات هوا للصف وكلنا وكفنا

سلم بهدوء و كال استريحو

سحب القلم و كتب ع سبورة 2011/2/2 ، الثلاثاء

اللغة العربية .. الدرس الثاني

و شال القلم ، مادري مرات الأقلام من تنشال و تتوقف عن خط الكلمات الحياة راح تصير بدون معنى وتتوقف القصة .

التفتت علينة و بدأ بشرح شفهي للموضوع ع غير عادتة بعد ما انهى الكلام

كال ... حبيت اليوم انطيكم فكرة عن الموضوع وباجر اريدكم محضرينة ونرجع نشرحة حالة حال باقي المواضيع ..

نسمة ... يعني اليوم ريست لعقولنة استاذ

سداد ... بالضبط

نسمة ... بس احنة محضرين استاذ ما نقبل تضيع علينة درس نشتكي بالأدارة وممكن يفصلونك لو سمحت نفذ واجباتك اتجاهنة بشكل مضبوط .

بهت وجهة ضل يباوع بأتجاها ما اعرف سبب كلامهة شنو رادت تقهرنة انه وفلك ودرة لو تحرجة

فتح القلم و حجة بنبرة جد وحزم ..

... حلو انتي محضرة تفضلي اقريلي القاعدة لأن انه ما محضرهة وما اعرف شنو عندي اليوم .

بهت وجهة و البنات ضحكن صاح ... بدون صوت

جان هية تكلة بكل صلافة ... مو هستوة شرحتة شفهي

سداد ... نسيتة انتي محضرة كومي انطيني القاعدة حتى نشرح يلة نسمة لا تضيعين علينة درس كامل لا تماطلين

نسمة ... انه ما محضرة زين لان ما فاهمة الموضوع و انتة واجبك تخليني افهمة قبل ما اطلع .

سداد ... جيد ما محضرة زين يعني محضرة نص ونص عادي اي شي تذكرينة كومي اقري و انه استمع واشرح .

ضلت ساكتة ما حجت شي ، حجة بأستهزاء

... لا عبالچ من تهددين تشتكين علية راح انفصل لو تهتز ثقة المدير بية وبأسلوبي وتدريسي

رابع سنة ادرس سادس و ما شاءالله عندي طالبات يطلعون كلة بالتسعينات و شرط نصهم ما حاطين مدرس خصوصي مثل حضرتج

يدرسون وياي وبس هنا بالدوام

واذا تحبين تشتكين ذيج الأدارة تفضلي طلعي روحي للمدير لو للمعاون اشتكي ، و نشوف منو بينة ينفصل من المدرسة

نسمة ... احس بنبرتك تهديد

حجت بنتر

كام رد عليهة ... اي نعم اهدد سوالفج هواي ومشاكلج لا تعد ولا تحصى وغياباتج اكثر من ايام الأسبوع بكل بساطة انتي الي تنفصلين .

سكتت بعد ما حجت شي بس صدك انه شبيت نار اتمنة اكضهة وامرعدهة تمرعد النذلة

تريد تحرجة كدامنة

كلت اله بصوت هادئ

... استاذ احنة ممحضرين اليوم تعرف اول يوم دوام ورة عطلة نصف السنة ما نحضر شي

وكل الاساتذة والاستاذات اليوم انطونة تحاضير الباجر .

نسمة ... من جذبج

حجت طالبة اسمهة زينب

... اي طبعا جنتي برة انتي واجو انطونة تحاضير واحد ورة الثاني باجر تجين تكولين ما ادري .

سداد ... اقطعو الكلام بنات باجر اريد تحضير واحتمال اذا ضل عندي وقت امتحنكم بالقاعدة امتحان يومي حضرو زين

وهسة نرفع الزحمة

ضحكنة و هوا طلع اجتي فلك كالت كومي كومي نشتري قبل لا يدك الجرس والحانوت يصير عزيز

باوعت لنسمة و كمت

ادري بفلك تريد اتطلعني علمود ما تصير مشكلة

كملنة اليوم والبعدة والبعدة نسمة شدت ويانة وصارت تتعمد تذبلنة حجي

بس احنة نضحك ببرود ومنجاوب

نستفزهة اكثر و اكثر

اذا كان الكلام من فضة ف السكوت من ذهب لا والله الناس هوا غير يمرعد المقابل تمرعد ..

درة ... نزلنة من سيارة سداد بدلنة و غسلنة والتمينة ع غدة

اليوم خميس وباجر جمعة

عمامي مسوين عزيمة للأهل والاقارب يعني بعد دقايق البيت ينترس عالم

وعينك وما تشوف ..

كملنة و كمنة ساعدنة شوية بترتيب البيت

عمة كالت روحن درسن بعدين تنشغلن

احنة والله دايخين ما درسنة نمنة شوية وكعدنة

سبحنة وحدة ورة الثانية و رتبنة نفسنة

لأن بعد دقايق الأفواج راح تتوافد زحمة يشوفون خلقنة مصخمة ..

طلعت ارتب شوية بالصالة وحطيت فحم للمبخرة وبخور ضليت افتر بيها نزل سداد لابس دشداشة بيضة تقرب مني .. بخريني

رهف ...شكلك متأثر بالمسلسلات الخليجية

سداد ... ههههه لا لج هاي بالديوان هيج نتبخر بخريني يله

تقربت منه اكثر ابخره عينه ما نزلت من عيني ، گال بصوت خافت

...يـَ بعد ناسي وطوايفي كلهم

رهف ...لا تخجلني سداد شيل عيونك

سداد ...واذا شلتهن ؟ عبالج يتغير شي هوَ غير انتي تارسة عيوني ترس وصورتج انطبعت ع جفن

كل ما اغمض عيني تجين گبالي

خوب عيونچ يسحرني ياخذني من الواقع

كل ما اشوفهن اتذكر بيت يگول

رجل وما استسلمت قبل لفارس

مالي امام عيونها مستسلم؟

أأعود منتصرًا بكل معاركي وامام عينيها البريئة اهزم؟

رهف ...حلاتها من تنهزم گدام محبوبتك الانتصار بالعشگ ماله طعم

سداد ...اي والله ، رفعتله طرف حاجبي

نجوى ...اللهم صل على محمد وال محمد

ابتعد عني بسرعة التفتت شفتها عينها علينا مبتسمة يمكن عبالها هاي صباحية عرسنة

لان فعلًا اشكالنة هيج اول شي كشختنة اني لابسة بيجي ومتعدلة وهو دشداشة بيضة

وثاني شي الانسجام بيناتنة

سبحان الله واحد راهم للثاني بطريقة عجيبة عبالك الله خلقنه البعض

حطيت المبخرة وفتت للغرفة يم درة ..

سمعنة صوت عالي اجة من الصالة

فالح ... ي اهل البيت سلام الله عليييكم .

نجوى ... هلا عمة عليكم السلام هلا خية ام فالح شلونج شلون صحتج

ومبينة طاحتلهة بوس وتمطك

انة اعرف العجايز من يكضن وحدة ع اقل عشر بوسات يله يهدن .

رهف ... اجة المزعج هففف

درة ... بالعكس فالح وردة و يونس

رهف ... يحشش علية ويضحك عليه دوم اضوج منة

فلك ... هههههه هسة يطلع حاط عينة عليج لأن اسم الله انتي منو شافج داخ يكول بس انتي مرة .

رهف ... افكس عينة اذا يحطهة علية .

ضحكنة احنة وطلعنة سلمنة ع امة واختة وابو وهوا شوية واجو بيت عمي اسد الله و بعدهة بيت عمي ارفد

فاتو بارق وهمام من الباب هذا شنو همام صاير احوال

شخصية ورزانة وثكل

معقولة متعالج وانه مادري .

سلم و اجت عينة عليه أبتسم بثكل و كعد ويمة بارق الي ما باوع بوجهي ابد

حقا غير انه رفضتة كبال امه لا اله الا الله طبعا هاي النتيجة

نزل هاني سلم عليهم كلهم عفس خشمة من سلم ع بارق و بارق كمش وجهة تكول شام ريحة خيسة

عاد هاني راد يطك عصر ايدة بالسلام ونترهة ..

بعدهة الامور بينهم متأزمة لأن هاني هوا الوصلنة الهاي المواصيل بكذبة وسالفتة التعبانة ..

اندمجوا الجماعة بالحديث النسوان يحجن والزلم يحجون وبعدهة انتقل الموضوع لهمام

جان يحجي عن دكتورة النفسي يكول ما احتاج عقاقير الحمدلله علاج بسيط و بديت اتحسن الموضوع كله بسبب عقلي

ضل بذيج اللحظة الحزينة و ما يقبل يرجع للواقع .

سألتة عمة شكد صارلك تتعالج شو مندري

جاوبهة هوا 5 اشهر وبعد بقالي تلث جلسات ان شاءالله

دكتوري بلبنان مو بالعراق اسافر كل مرة وارجع بدون ما احد يعرف حبيت اخليهة مفاجئة .

نجوى ... هم سمعنة بيك مسافر جم مرة بس ما دريت علاج يله ان شاءالله اجر وعافية عمة تستاهل كل خير انتة .

بارق ضحك وكلالة ... بس لا بعدك تشوف درة حلقومة .

هوا ابتسم وباوعلي بثكل ... ماكو فرق بينهن .

بارق بأستهزاء ... ماكو فرق ؟ .

همام ... عندي ماكو فرق ، انته ما تشوف درة وحلقومة بعيوني هههههه وضحك ..

ما عرفت قصدة بس عرفت اكو أن لأن هاني ضاج وطبك اصبع السبابة والوسطى وأشرلي گومي ..

كمت من مكاني راسمة ع وجهي ابتسامة مجاملة و مشيت للمطبخ

استحي اروح للغرفة هسة يگولون شبيهة هاي ..

لحگني للمطبخ شاف البنات مشغولات همس بصوت كلش ناصي ... ديري بالج من هذا همام ديري بالج ما اريد اشوفج بالمكان الي هوا بي

درة ... اي وين اروح اطير خو ما اطير هية كلهن ساعتين تلاثة ويروح .

هاني ... اي ساعتين تلاثة لا تكعدين بالصالة ..

تأفأفت بضجر و راح

عرضت مساعدتي ع بنات ورفضن لأن هنة مكفيات و موفيات

بس مها كالت خليج شوية ويكثر الشغل ونكربچ ويانة

كعدت اباوع عليهن واسمع كلامهن يحجن ع زواج سوالف مو حلوة بهمس بس انة فهمتهن وسمعت ضجت بس ما اكدر اكوم

فاتت عمة نجوى وياها حمودي و كالت يا عمة ليش بالمطبخ ما تكعدين هناك يم البنات

تنهدت بضجر وحطيت ايدي ع خدي و حجيت

... خبيطي ما يقبل اكعد يمهم يغار علية .

عقدت حاجبهة بتساؤول استرسلت بالكلام ..

... خبيطي حمودي

ضحكت هية وهوا هم ضحك جان تكول يوم المنى وتصيرين خطيبة حمودي

حمودي ... لا تطبين يمهم اغاررر كومي لبسي جواريب يلة وجفوف اذا عدكم بركع جيبولهة .. حتى اخوچ لا تسولفين ويا ما ارضى

نجوى ... يا يمة فدوة حبيبي وليدي

حمودي ... يمة لا تصدكين روحج نتشاقة وياج

درة ... اي نتشاقة عمة وين نروح ضوجة عاد نشاقة بيناتنة .

نجوى ... ان شاءالله تالي الشقة والضحك صدك يصير ..

تحجي بفرح ولهفة تتمنة ، انه وحمودي ضحكنة وسكتنة لأن صايرين هواي نسولف ونشاقة عادي بدون اي نية ..

مشت الساعة بضوجة اوف ومسوين لمة نسوان وزلم وانه اخاف اروح اخاف من هاني لا يرزلني هذا الخبل لو يفشلني

والله وجان تدخل عمة ام بارق للمطبخ باوعتلي بنص عين عبالك كاتلة ابوهة ..

واشرت بأيدهة بمعنى اتدني ليغاد

ابتعدت و هية كعدت حتى ما كلفت نفسهة تكلي اتدني شوية

عابت شنو هاي النفسية

جانت تحجي بغرور و تسولف لمها عن مطبخها الي سوتلة ترميم وأثثتة كلفها 9 ملايين

تكللهة ان شاءالله اجيب چنة تستاهل اكعدهة ابيتي التعبت بي مو وحدة بت فگر ما شايفة .. وحلوة جنهة وردة ..

جنهة تقصدني من تحجي باوعتلهة متفاجئة هية باوعتلي وكالت

اي شبيج باوعتيلي هيج همزين رفضتي بارق ابني يمة انه عبالي بيج شوفة طلعتي تفشلين حتى لو قابلة ما اخلي العرس يتم وطلگكم ، والصدك انتي مبين عليج بت فگر لا تلبسين لبس بي خير لا تحجين مثل البشر ..

ليكول بهيمة

هسة لو اختج رهف اي بيهة باب وجواب البنية لسان حلو و شكل احلى وما عاشت عاله ع عالم يضلون خوالهة وهي من دمهم ولحمهم عاد ما اخذ الأبني وحدة عايشة عاله

مثلج يعني عشتي عاله ع عالم ..

درة ... انعم الله عليچ عمة ورحم الله والديچ .

حجيت هيج و كمت بهدوء مشيت طلعت من يمهة و اسمع مها تكللهة

عمة ما يصير شبيهة البنية وتحجين عليهة هيج هاي عمة نجوى ابدهة تاخذهة الحمودي اليوم گبل باچر .

دمعتي بعيني و مهضومة طلعت احس الدنيا كلها ضلمت بعيني

اسمع فالح يكول درة ولج درية تعاي هنا نشوف السادس شعامل بيچ .

باوعتلة بهضم التفتن البنات عليه ردت اموت اختنكت الغصة وكفت ابلعومي فتحت باب الغرفة بنتر وجيتت بالغرفة ابجي وامسح بوجهي بشكل هستيري ..

هاني ... بارق كوم شوف منو سمم اختي .

بارق ... شنو ؟

هاني ... هههههههه تذكر شلون صار بحالك بيوم المهر ع اساس اختي الك

خلتك وجهك فاهي بنص الزلم ..

بارق قبض ايدة بغضب و كلة بنتر

... الغلط منك ونص اللوم والفشيلة صارت بوجهك .

... كل العالم الكاعدين يعرفون انه نيتي اجيب خواتي هنا وعندي عقدة من الخوال مثل ما اخوك جان عندة مشاكل نفسية ويحجي ويا روحة ويتذكر حلقومة

انة هم عندي مشاكل نفسية وعقدة من الخوال

محد يحط بية اللوم

بس اااخ شلون اصفر وجهك بذاك اليوم ههههههههه .

سداد ... هاني شذكرك

هاني ... أمه ذكرتني

بارق ... احترم نفسك لا اكوم اترس حلكك خ**

ليث ... هاني بارق عيب لا يسمعون ابوي وعمامي زحمة شنو زعاطيط انتم ..

فاتت ام بارق تربع جنها جربوع امدبدب وشحم جسمهة يهتز

ام بارق ... شمالكم صوتكم طالع شبيك بارق يمة

هاني ... والله عمة سمعتج تكولين ع اختي بت فكر وتفشل ومابيهة شوفة

كلت ابارك الابنج واكللة الحمدلله اختي رفضتك وفشلتك وخلت وجهك فالت جان تورطت بيهة ..

رهف ... ما حسينة غير بارق يطفر يهجم ع هاني ويهفة بوكس ابطنة بدون مقدمات او تهديد

كضة همام من امتونة

والولد كلهم طفرو يبعدونهم لان هاني ردلة الضربة بكلة

وصار عياط و مكافش ومشامر حجي

كلشي ما افتهمنة واحد يجر طول والثاني يجر عرض

سداد كاض هاني و فالح لازم صدرة ويدفع بي ليورة ويكول ... لا تخلوني افقد اعصابي واطگكم راس براس اخليكم اتفلون خنن .

جان يحجي عصبي بس والله حتى بعصبيتة يضحك

وليث كاض بارق واخو همام يكلة

امي استفزت اختة طبعا يدافع الاختة ويريد يسترجع كرامتهة بأي شكل

بارق ... منوو يكول .. حجة بصياح ..

همام ... شنو اطرش ما سمعتة ..

فلك ... يا ابو الغوث اغثنة يا علي ادركناا

يا ابو الغوث اغثنة يا علي ادركنا

فالح ... كافي خوفتو البنات شبيكم خطية خافن سودة علية وعمت عينكم كون .

فلك ... بنص المصايب وبكل جدية ويضحك خرب بيومكم فالح كضتني الضحكة ولج

رهف ... هاي ام بارق هسة اذا اكضهة اخليهة تزوع العافية من خشمهة ..

هدأ الوضع بس بارق طلع زعلان ويطبا مرض يولي الخايس لا هوا شعلي غير هاني استفزة

بس امه بدت

رهف ...طالعين بالدشاديش كيك يخبلون عيني هاي صابتهم

فلك ...فلك طر عينچ

هية صارت دوخة

نجوى ... ربك عمامكم طالعين بالشارع جا هسة انهبطو صلو ع نبي شبيكم عمة ما تسوى ..

هاني ... مو حالة هاي تكول ع اختي بت فكر وعالة ع عالم انه يم باب المطبخ وسمعت صوتهة شعلوة

نجوى ... يا عليمن عاله اسم الله احنة عمامهة غير بتنة هية من دمنة ولحمنة ليش ام بارق تحجين هيج

ام بارق ... ما كلت عليكم عاله

كلت عاله ع اهل وعد خطية جانو متحمليهة ..

رهف ... يمة فدوة لله اذا شايلة هم خوالي ما اجيتي من سنين وكلتي البنات بناتنة وجبتينة للكرنة وفضت راحت لو هسة صرتي حنونة ع خوالي .

ام بارق ... ولج بطول زري ولسانچ اطول من القندرة يم بنات جعفر امعذربات ما ينعاش وياهن ساقطات

هاااني ... حددددددددچ صرخ بغضب

وحتى همام ما قبل كال

... يمة الخاطر الله شبيچ ترضين واحد يكول ع بناتج ساقطات .

ام بارق ... لا بارك الله بالبطن النگلتك تصير ويا النسوان ضدي

زفر بضيق خنكت الولد خطية ضل محتار بيناتنة

اتدخلت عمة نجوى تهدي النفوس و سداد جر هاني طلعة ليث تقرب مني همس

... ليش تراددين عيب

باوعتلة بغضب ...معليييك انتة

ليث ... لا تصيرين فوصة عيب تراددين الاكبر منج

رهف ... لا تعلم الاخلاق اذا انتة محتاجهن

خلي النصائح الروحك ..

زم شفايفة بغضب راد يبلعني ..

نجوى ... وهذولي شبيهم يتخازرون بس لا راح يتعاركون

دخيلك ربي عين ما صلت ع نبي

خلي اطكطك حرمل ..

صدك ركضت طكطكت حرمل بس ليث راد يموتني بنظراتة الا شوية جان ذبحني بنظرتة

رحت للغرفة فتت شفت درة كاعدة وايدهة ع خدهة المشكلة كلهة ما طلعت

رهف ... احجيلي شصار

ضلت تسولفلي شنو حاجية وياها هاي الجربوع متت قهر ع اختي خطية والله اتمنة اكوم واذبحها لو ما كبيرة وعيب جان كضيتهة ونمت بمصارينهة ..

بس بعد ايدي هاني برد كلبي خلة بارق يفور يفور ..

درة مسحت وجهة وكالت ما اطلع يمهم يولون

بس كتلهة عيب ترة كلهم لاموها

طلعي نسوان عمامي وبناتهم كلهن هنا زحمة

عدلت وجهة وطلعت كللهم باوعولهة تكول مدري شنو

عاد هنا فالح كللهة

... يله بت عمي مسحيهة بشاربي وانة اعتذر بالنيابة عن الغلطان بس لا تبچين و تمردين كلبي انه ما اتحمل اشوف بنية تبجي ..

ام فالح ... هههههههه يمة انته دينك ومعبودك النسوان وعيون النسوان ..

فالح ...بالذات درية هاي وصلة من الچبد عزيزة اعز من شاربي

گلبو السالفة بضحكة وانسدت السالفة وتغير الموضوع

ويا الاذان عمتي كالت رهف يمة صار الليل راح تنزل البرودة ع ملابس صعدي نزليهن ..

صعدت ركض ماخذة سلة الملابس بأيدي

ردت اصعد بسرعة وانزل اخاف ليث يلحكني لان محمل علية وبس يريد يختلي بية علمود يرزلني لو يسممني

و فعلا لميت الملابس وجاي انزل حصرني يم باب البيتونة

وخرت وكتلة ... توخر من كدامي لا هسة اصرخ وابليك بلوة والله بعظمتة اسوي بيك الماصاير .

رفع حاجبة وكفت كبالة كتلة وخررررر

ما وخر

كضني من زندي حيل بس شصار بية اتزلزلت

قرب وجهة مني كال ليش تتجاوزين بحقي ..

رهف ... حضرتك تعلمني الاخلاق وانتة محتاجهن يعني الموضوع ينرفز لو بمكان ما جان تنرفزت ؟

ليث ... راح اكصة للسانج

رهف ... اوووو وخر يالبوخة انته بس حجي وخابص روحك .

كلت هيج لو انكلب جني علية حصرني ويا الحايط جسمة كلة لازك ويا جسمي متت خوف ورجفت كل ذرة بية ضليت ادفع بي واريد اصرخ

بس كلت اقاومة شوية اذا ما تزحزح اصرخ والله و ابلي ..

حط ايدة ع حلكي من حس بية راح اصيح وكال بهدوء وبرود مستفز

... يمة شحلاتچ وانتي بين ايديني وما تكدرين تقاومين ولا تسوين شي .

مد ايدة ع ركبتي من جوة الشال اصابعة لامست رگبتي شصار بية ضليت ارجف وانتفضت كل خلية بجسمي وحسيت بأشمئزاز

كال بهمس و هوا يضحك

... كل ما تعاندين وياي وتقاومين اكثر اثيرين اكثر انة اريدج رهف ماريدج لعب اريدج مرة الي انتي من طبيتي بيت اهلي وانتي صغيرة انة اريدچ

والله ما اخلي سداد ياخذج باردة امبردة ..

يحجي ويتلمس بجسمي طفرت دمعة حارة من عيني وهوا يضحك يتلذذ بأذيتي وانه اكثر نوع من البشر اكرهة هوا هذا النوع

لازك جسمة ويا جسمي

ويرفع ايدة ع ركبتي وينزلهة ع كتفي من جوة الملابس

ضليت انتفض واقاوم بس ما اكدرلة يا ناس هوا بنية جسمة قوية والله ما اريد قربة ولا اريد اشوف وجهة

انه احب اخو

ومن حبيت اخو حرمت كل الزلم علية ..

لزم سير حمالة صدرة ويضحك ببرود ردت اموت روحي فرفحت بين ايدي ، نزل ايدة وهية تتحرك ع سير حمالة صدري نزل راسة خلاه جوة شالي وبعد دشداشتي بأيدة ..

حط راسة ع كتفي شمة، وصعد يشم ركبتي ضليت ارفس و اون وابجي بحركة گلب ..

مقرف مقرف حط لسانة ع ركبتي وباسهة ردت اموت وصرت ابجي بكل حركة كلب وادفع بي عضيت ايدة وما وخرهة عن حلكي

بكل قوتي عضيتهة

بس هوا خدران ما يحس بشي ، ما يحس

غرز اسنانة بركبتي عضني هنا سكنت روحي وشبه فقدت

من وكفت مقاومتي هوا حس

وبعد راسة

باوع بوجهي وانة ابجي وارجف ، مد لسانة لعق شفتة و ابتسم بمكر وانتصار

ليث ...طعمچ يجنن هاي ركبتچ هيج صدرچ شلون ؟

شتكولين اجرب ..

سويتلة حركة براسي لا و اباوعلة بتوسل ..

ليث ... زين اضوك طعم شفايفچ ؟

رفستة برجلة ضحك وقرب راسة من اذني همس

... انه مو بس امنع علاقتكم انتي واخوي لا عندي استعداد احبلچ علمود اخذچ ثقي بمحمد اسويهة .........

في طفولتنا نخشى النوم ، خوفًا من الكوابيس ان تهاجمنا

عندما كبرنا .. صرنا نخشى فتح اعيننا خوفًا من تحققها ..

انضغط نفسي ، وروحي العزيزة صارت تفرفح لا ضلت دمعة بعيني ما ذبيتهة ولا ضلت حسرة ما جريتهة وخنگتهة ايدة المحطوطة ع حلگي ..

اول شخص فكرت بي و خفت منة وعلي هوا سداد

لو يعرف بأخو يحبني وهيج يسوي وياي شنو راح يكون موقفة؟

صعبة مو صعبة من تشوف انسان قريب منك اتأمنلة وتحبة وتحترمة يجي بيوم من الأيام يطعنك بظهرك غفل ..

رفستة برجلة ضحك وبرزت اسنانة الناصعة قرب راسة من اذني همس بخبث

... انه مو بس امنع علاقتكم انتي واخوي لا عندي استعداد احبلچ علمود اخذچ ثقي بمحمد اسويهة ..

غمضت عيني اشمئزيت و تكهربت من كلامة لدرجة بعد ما اكدر افتح عيني تعبت بهاي الدقايق لحد ما بية اضل فاتحة عيوني ..

العيش على قيد الخوف دقايق كفيل بأن يخلي اقوى انسان ممكن ينهار ويفقد سيطرتة ..

طبع قبلات متفرقة ع عيوني و باس دموعي بهدوء وهمس ... راح اشيل ايدي اذا صرختي ما انزل الا وانه محبلچ .

هزيت راسي بـ اي بدون ما افتح عينة حسيت بأيدة ارتخت ع شفايفي ويتعمد يتحسسهم قبل لا يشيل ايدة

حطيت ايدي ع شفتي ترجف وفتحت عيوني باوعتلة بخوف

دنك يلم الملابس من الكاع وينفضهن من التراب ويخليهن بالسلة بدون ما يباوعلي ..جر حسرة

ما اعرف صحوة ضمير لو ندم ، الي خلاه يتحسر

ضليت امسح بدموعي بسرعة وارجف رجيف مو طبيعي جريت نفس قوي داريت بي خوفي وسجنتة بصدري ..

رفع سلة الملابس وكال نزلي يلة اذا كلولج شبيج كليلهم عثرت وطحت ع سطح ..

ما حسيت غير رفعت ايدي وصفعتة ع وجها بقوة عقد حاجبة و الشرار ضل يتطاير من عيونة ..

اخذت السلة من ايدة و كتلة بغضب

... عسا نار كلبي بيك ما تتهنى بحياتك ان شاءالله لوثتني يا قذر .... لا تحسب الله ما يشوف الحوبة تبطي بس ما تخطي ..

تفلت علي و درت وجهي انزل ..

رجليني تنردم وحدة بالثانية ما ادري شسوي و شنو احجي ، توجهت الانظار الي

شكلي مبينة باجية ومبهذلة

وحظي صاررت مها بوجهي و سألتني بقلق ... ليش تبجين خية اسم الله

رهف ...عثرت وطحت ع وجهي لأن الضوة خافت وجنت مستعجلة

مها ... اسم الله الدنيا مغرب مو زين كون سميتي بأسم الله من طحتي وتعوذتي من بليس .

هزيت راسي بـ اي .. ومشيت

اتمنى يرجع بية الوقت ليورة و اكول اسم الله ع وكعاتي ، و اتعوذ ابليس

اتمنة ..

امنيات قيد الرجاء ينادي بيها كلبي يومية ويتمناها

اصعب شي واكبر غلط من نعيش برقعة الماضي و نتمنة يعود بينة الزمن حتى نصحح اغلاطنة او نتجنبهة

بدل ما نشتغل ع حاضرنا ومستقبلنة ونداري تصرفاتنة و ناخذ العبر من اغلاطنة السابقة ..

انه مو رهف انه صرت كهف مضلم كئيب مرعب .. بسبب ليث

وبداخلي اخفي وحوش قاتلة

ضلمت اقرب ناسي بسببي ..

و اولهم درة، من فاتت للغرفة شافتني افتح شالي وامسح بوجهي بشكل هستيري وابجي بحركة كلب

اتقربت مني وكالت

... شنو وين تعورتي ؟

ما جاوبتهة احس روحي ما اكدر احجي لساني انعقد والخوف اخذ حيفة من شجاعتي

رجعت سألت بخوف مفرط ونبرة الاهتمام مغلفة صوتهة ... ولج رهف شبيچ خوفتيني خاف صار بيج شي .

رديت عليهة بغضب وانه اصك ع اسناني ... لا تصيرين لزكة لا تصيرين لزكة ما بية شي انتي ما عندج احساس واحد ما يريد يجاوبج اجفي شرج ..

فكت عيونهة وحلكها و ضلت تباوعلي متفاجئة عبالك بس انه عندي جرح بداخلي

وشايلة هم

نسيت وراح من بالي ان كل واحد كبالي عندة جرح لو تعرى كبالي جان عرفت شكد الحياة نصفتني ، ومدتلي حبال الأنقاذ المتينة الي همة يتمنوهن ..

جنت مخيرة اكدر ببساطة اختار بين اروح لعمي واشكيلة عمايل ابنة او اختار المكوث بحزن وخوف واكتم الموضوع بداخلي ..

جنت مشتتة ، تفكيري اكثر شي بسداد اذا وصل الموضوع اله راح تصير مشاكل يابو مشاكل وتنسد سالفتنة قبل لا تنفتح حتى ..

قررت اصبر شوية وانتظر نفسيتي ترتاح بعدين اقرر احجي لـ عمي لو لا ..

حطيت ايدي ع خاصرتي وبقيت اقضم بأظافري بخوف مفرط و قلق ولعبانة نفسي من جسمي الي لمسة

اتمنة اصب ناااار ع جسمي واحركة وامحي اثار لسماتة منة ..

رجع انفتح باب الغرفة ردت اعيط بس بلعت لساني و سكتت من شفت عمة نجوى تفوت وتباوعلي بقلق بعدهة سألتني وهية تتقدم بأتجاهي وتتفحص شكلي بنظراتهة القلقة ..

نجوى ... مها كالت طايحة وتبجين خو ما تعورتي ؟ شيوجعج ..

دمعت عيوني و حجيت بكسرة ... اي عمة تعورت و وجعي راح يلوحكم ..

عقدت حاجبهة متسائلة و ما لكت جواب او يمكن ما فهمتني وضلت تفتر حولي تتفحص جسمي و تحجي بنبرة حنونة ... الدنيا مغرب انه شمالني صعدتج والنوب طحتي مو زين استغفرالله

بسم الله الرحمن الرحيم اعوذ بالله من الشيطان الرجيم الله يبعد عنج كل شر .

رهف ... واذا طحت المغرب شيصير؟

شهكت وحطت ايدهة ع خدهة ... اسم الله يتلبسج جن

رهف ... ويمكن يتلبسني الحزن .

نجوى ... بكل الأحوال هوا ضرر بس ان شاءالله ماكو شي لا تخافين انه من خوفي عليج احجي هيج .

ضحكت وكالت

... خطيبة ابني شلون ما اهتملج واخاف عليج لأن اذا اتأذيتي وليدي يتأذة وياج

اعرفهم ولدي من يعشكون مخابيل و واحدهم محبوبتة تصير دلالة

لو مسها الهوى يحس و يضل يرجف عليهة

وان جان يشوفهة تتأذى يتأذى وياها لا اضعاف

و ان دمعت عينهة طاح كلبة ابير القهر والضيم

اذا ضحكت ينبلج عندة الالهام ويصير يتفنن بشغلة و حياتة وعشگة .. و يضل يرسم أيامة ويلونهن بألوان ضحكاتهم ..

رهف ... عمة باگو الوانة غفل ..

عقدت حاجبهة و كالت ... ليش متشائمة يمة بعدج صغيرة والدنيا توهة تضحكلج ..

غوركت عيوني و سكتت لحضات، حطت اصابعهة جوة حنجهة و صارت تباوع علية بتساؤول خصمت عيونهة وصارت تدرس شكلي

مدت ايدهة حطتهة جوة حنجي ورفعتة ... سداد مضوجج ؟

هزيت راسي ب لا

نجوى ... چا شمالچ ..

رهف ... ما اريد سداد عمة ما احبة

نجوى ... ماكو شي جبر بس احنة ملاحظين انتي هم تردينة خوب عمج فاضل كالهة مبينين ثنيناتهم هاوين ويستحون يكعدون كبالنة تفضحهم عيونهم .

نزلت راسي وتنهدت بضيق ... لا احبة صدك احبة بس ما اريد اتزوج فكرة الزواج تخنكني ..

نجوى ... وليش تخنكج يمة ترة الزواج حلو

تأسسين بيت وعائلة

بس تحتاجين انسان يقدرج ويحترمج ويحسسج بمكانتج المهمة بحياتة او بالمجتمع

هاي انه جنت مثلج من خذيت عمج فاضل خلاني اغير رايي تردين الصدك

جنت اشوف وجودي مثل عدمة

بس من خذاني وصار يحسبلي الف حساب وخلة الناس تشوفني مثل ما هوا يشوفني

ناجحة و سباعية ، وحياتة ما تكتمل بدوني وانة مهمة بحياتة والعنصر الأساسي بيهة

كلشي تغير كل نظرتي تغيرت عن الزواج

وعلمت ولدي يصيرون نفس ابوهم

كون لو خذو مرة يعشكونهة

وان عشكوهة ما يشوفون غيرهة و يصعدونهة للعلالي

رهف ... مادري عمة خلي اكمل السنة ويصير خير

نجوى ... ان شاءالله خير ، الله كريم ..

رهف ... والنعم بالله

طلعت من الغرفة وهية تحجي بسرعة

شلون نسيت اكول لسفانة ما تكثر ملح ! بس لا اتفشل كبال العالم ...

ارتفعت اكتافي بتنهيدة و رجعت غمضت عيني وطبق رمشي المبلل بالدموع ع جفني المتقرح

من كثر ما بجيت بحركة وقبضت ايدي وفركت عيوني ، انطرحت ع سرير و عقلي لا يأبى النسيان ولو لثواني معدودة ...

اريد الصار يروح من راسي بس ثواني اريد ارتاح بس ثواني كلبي احسة يريد يوكف بس ماكو يا حيف بس يا حيف ليث يطلع منة هيج

وانة متوقعتة انسان ثكيل وزين وكلبة طيب

الي يشوف احترامة لزوجتة ودلالة الهة ما يكول يطلع منه هيج ولا حتى يشك 1% ..

قررت اتظاهر بالقوة واطلع اصير كبالة واحسسة ان اني ما خايفة منة ولا ما يهمني شنو يريد يسوي خلي يسوي

بس ارجع واكول انة عايشة ويا بنفس البيت ويكدر يختلي بية الف مرة باليوم ..

الزلمة اذا حط بنية براسهة وراد ايفرهد سترهة راح يفرهدة

لو مو تقفل ع روحهة غرفة، لو تجيب قوات سوات بكبرهة وتحطهة تحرس بباب البيت ..

خوفي من ليث فاق الحدود مو طبعي الخوف ، انة متعودة كوية وما اخاف

بس هذا نيتة ع شرفي

مو نيتة يضرب ويأذي مستعدة اتحمل

ولا حتى خطف وقتل وتهديد

هذا شرفي

كل هذني اتحملهن الا فقدانة ..

خصوصًا اني بنص مجتمع الشرف عدهم بين افخاذ النساء ، اذا نزلت قطرات الدم قبل الدخلة بأي طرررريقة كانت!!! ينزل الشرف وتتبدة الأخلاق، تنحط روس ناس بالطين وتنقطع رؤس ناس اخرى ، بس عادي اعضاء الرجال تكون متاحة للجميع

لان هوا رجل ! ..

كمت مسحت وجهي و جريت الكحل كحلت عيوني و حطيت حمرة خفيفة ابتسمت ابتسامة جذبية كبال المراية شفت شكلي زين ما يخوف .. و طلعت

حاولت انسى او اتناسة الصار

وصرت اتنقل بأرجاء البيت بكل خفة و غرور مثل فراشة حرة الوانهة زاهية

تمتص عبق الزهور، وتنثر الوان الربيع

بس نست وراها ايدين الصياد الناوية تفرهد جنحانهة و تنثر الوانهة بأرض الرماد القاحلة ..

ورة العشا سويت جاي وصبيت للزلم سداد واكف بالمطبخ بحلكة كومة حجي بس ما يكدر يحجي لأن فلك واكفة

هية حست ع روحهة وطلعت

اجة بحجة ياخذ الصينية ورفع ايده هفة ع وجهة وعض شفتة بأعجاب

سداد ... اويلي اسمر والعيون وساع امكحلة ياويلي يابوية ، الف رحمة ونور تنزل ع روحك عمي ع هاي الخلفة لو باقي عدل الا اشيلك ع راسي وافتر بيك حتى رجلك ما اخليهن يلوحن الكاع .

رهف ... مجنون ... ههههههه

سداد ... تنعتني بالمجنون ! الا تدري بسحر عينينها ارهقني الا تعلم ان سلاسة كلماتهة العذبة اذابت قلبي

اذبتِ قلبي عشقًا، و استوطنتي عرش قلبي ملكةً ......

جنت اضحك خجلانة و متفاجئة هذا بس احاجي شي يضل يألف بس فززني صوت ليث وهوا ينتر بي

ليث ... جيب. الجاي شمالك واكف بنص النسوان و ثول حتى ثول .... جان يحجي بغضب دفين

اتخصرت و التفتت علي سداد كلة ... شبيك بلعتني واكلتني اصبر يكمل الجاي واجيبة

ليث ... اريد اشرب ....

سداد ... روح للملاهي اشرب شعندك جاي للمطبخ

زم شفايفة بغيض وكال ... لا تخليني امسح البيت بوجهك سداد احترم نفسك ..

سداد ... شايفني كطعة مسح امشرشبة ، يا اخي روحي يكمل الجاي واجيبة واجي لا اتعبك ولا اتعبني

ليث ... اريد الجاي ينصب هسسسسة

حجاها وضرب الكاع برجلة ودفع صحن ع كاونتر حيل وطك

سداد ... شنو سالفتك ليث مفطوم خو ما مفطوم

ضل يزفر بغضب ويحجي بوعيد

... راح اجي اموتة وسيد سامي

ضل يحوم بالمطبخ فاير ، انه صافنة علي

ليث ... روح ولي انه اجيبة شوف ابوي خاف يريد شي وانتي اذا كمل صبي

حجاها وهوا يكعد رفع سروال التراك و ضل يباوع ع باب بغضب

سداد قوس شفايفة ما عاجبة و طلع

انة التفتت طفيت القوري و شلتة حطيت الاستكاين كبالة والشكر وجبت الچاي شايلتة بايدي حطيتة بطرف الطاولة وباوعت بعينة

رفع طرف حاجبة وباوع ع صالة ورجع باوعلي بسرعة رفع حاجبة مرة ثانية بمعنى شبيچ ..شنو

حطيت ايدي يم قوري الجاي و همست ... مكروه ، انعال برجلي ما اخليك ..

دفعت قوري الجاي وطيحتة بحضنة ، انكلب علي رأسًا ونزل الجاي من اسفل بطنة حد رجلي ، انعفس وجهة بألم بثواني و طفر من مكانة مفزوع وصاح بألم اااخ بوية

حطيت ايدي ع حلكي وكتلة ... غير تشيلة زين شلون اتگلبة ع روحك يا ليث انتة طفل خو ماا طفل

بس هذا كلة بسبب عصبيتك الزايدة ع شنو مادري ..

ليث ... خرب غيرتج بت الكواويد اااخ بوية ، شاف امة اجت تركض ع صوتة و مها والموجودين زم شفايفة بغيض وكال

انه اعلمج بسيطة

وجهة انصبغ احمر وروحة فرفحت من الوجع مبين كل معالم وجهة انعقجت وصاك ع اسنانة بغضب وألم بس والله ولا كسر خاطري ولا شي ..

نجوى ... يااااا ياااا بس لا الجاي حار شلون طاح عليك

ليث ... من شلتة انكلب مادري شلون ما منتبه

راح اصعد اغسل وابدل

نجوى ... ولك هدومك اتدخن من الجاي امشي للدكتور شي

ما رد عليهة وصعد يركض باوعتلي وكالت شبي

... عمة مادري شال القور شو ما حسيت غير صرخ التفتت لكيتة يكمز من الوجع لان الجاي هستوة امطفيتة كلش حار ..

سداد ... شبي ليث يصرخ

حجة واجت عينة ع كاع

... لا تكولين جافي الجاي الخبصني علي

رهف ... وازيدك من الشعر البيت چفاه ع روحة وحرگ روحة وجهة صاررر احمر فرفح خطية اووف كلة من تسرعة وعصبيتة ، خطية عمة لحگي شوفي ما يستاهل ليث ..

ضربت كف ايدي بباطن ايدي الثانية و زميت شفايفي بأسى ..

جبت وصلة ونظفت المكان نزل هوا و لحكة سداد فاتت مها عيونهة حمر دم من البجي

كتلهة ها شصار ليش تبجين

مها ... ولج متعور لو شايفة شصاير برجلي بلكوة قنعة سداد ياخذة للمستشفى يحتاج تعقيم وتضميد الحرك قوي ..

رهف ... خطية والله

مها ... هوا شلون احترك ما شفتي

رهف ... والله خية ما لحكت استوعب كلشي صار بسرعة بسرعة انه بنفسي انصدمت

مها ... هوا الله يسلمة مطيور ما ادري شبي يريد كلشي بسرعة ما ينطي صبر حتى الروحة اكيد جارة حيل و هل انچفة علي ..

رهف ... قضاء وقدر خية شتسوين حظة

يلة شما كان الحرق مؤذي يضل اهون من التحركهم النار وتاكلهم بدقايق بحيث ما يلكون شي باقي من ارواحهم غير رماد منثور اتطيرة نسمة هوى ..

مها ضلت تتأفأف وتحجي ع تسرعة وخبالة وانه بداخلي اضحك بشماتة

حركتة حرك

حتى خلف يمكن بعد ما يخلف انكطعت عندة ..

والله ساعات ورجع صدك يكولون متأذي كبل طفرت للغرفة بدلت وتمددت بفراشي ، كضيت المبايل الصاير علي عرك انة ودرة

وافقت تنطيناه ل11 ونص و من 11 ونص الهة

هية تلعب لعبة بي الهذا السبب اخذتة انه بالاول لأن مو دائما العب

كل عادة دزيت رسالة لسداد

"انه كلش مشتاقتلك بس هسة راح انام لا ادز شي خاف درة تشوفة عيب"

ورة دقايق كتب ... " نوم العافية ع عيونج الحلوة ياريتني المخدة واشتم انفاسج حد ما تنملي ريتي "

رجع كتب "يا يمة ياريتني الغطة واتمدد وياج من الطول للطول والامس كل انش بيچ"

ضحكت بخجل وما رديت ، وهوا بعد ما دز يمكن كال المبايل بيد درة

ردت اشوف رسائل من سداد حتى شوية انسى الخوف

بس وين هيهات حذفتهن وشمرت المبايل ع درة و غمضت عيوني

اول ما غمضت عيني عقلي ضل ايألف سيناريوهات

وكل واحد بيهن فلم رعب بحت

حتى الصار ويانة ببيت خوالي ما خلاني اخاف بكد السيناريوهات الي الفهة دماغي .

لا ضل موت ما تخيلت ميتة

لا ضل قتل ع ايد سداد ليش ما ادري وسداد شعلي هم ما ادري

وساعة ع ايد ليث

وارجع اتخيل عمي فاضل يكتلني بعوجيتة

والله لو يخلي براسي طلقة ولا يكتلني بالعوجية زعم توجع مبينة ..

والنوب من اتخيل انقتل ع نص واكطع الخيال لأن ما اعرف شيصير ورة ما اموت

وساعة اكول ليث ايشوه سمعتي ورة موتي ويجيلي العار وانقهر

واتذكر انه ميتة وبالكبر بعد شلي غرض بالعالم عسما يحجون بية 3 وجبات باليوم

غفيت بعد تفكير طووووووويل اخذ نص حيلي وهدة هد ...

درة ... اباوع ع رهف بس تتكلب ما ادري اذا نايمة لو كاعدة

طلعت كتابي درست شوية و رن المبايل برسالة

عرفتة هوا

اي ماكو غيرة

يراسل مرات قليلة وبهيج اوقات

صارلة كم يوم ممراسل لو مخابر اتوقعت اليوم لان باجر عطلة ..

شمرت القلم والكتاب ، طار العلم والقلم بالهواء

و ركضت كضيت المبايل فتحت الرسالة فعلا جانت منة ومحتواها

" مساء الخير "

اي طبعا ثكيل ، ما عندة سوالف مال املطلطين ويكعد يريد اخابر واسولف ويا لنص الليل

يا دوب كل اسبوع مرة لو مرتين يسمع صوتي ويطمن ويوصيني اهتم بنفسي ودراستي وصحتي ويروح .. بعد ما نختم المكالمة بقبلة ع سماعة المبايل وضحكة خجل مني ..

كمت رمشتلة لان ماعندي رصيد خلصتة ويا صديقتي امس نحجي بالدراسة وخلص

الرصيد بلوة

جان يخابر

حطيت الفون ع أذني وتحمحمت

سلم هوا بالسلام عليكم ليكول داخل ديوان مو جاي يخابر بنية يحبهة بنص الليل ..

رديت عليكم السلام

حر ... عاش من سمع هالصوت الحلو

درة ... يعني هسة انتة عشت ؟

حر ... انه من زمان تقمعني الدنيا وتشمرني قتيل ع جرف الهاوية و تمرين ابالي واعيشن ..

حسيت رهف كلبت شكيت بيهة كاعدة سكتت

وهوا ضل ساكت ما حجة شي

تمددت والمبايل ع اذني

استحي احجي ويا

بعدنة بأول الطريق ، هوا يبادر ويفتح حديث انة لا ما اكدر

ما جنة قبل نكعد نختم السوالف ونكوم

حر ... تدرين اليوم لكيت بيت للبيع راح اشتري قريب من شط العرب حلو وبنائة حديث

درة ... ايي؟

حر ... انتي شنو رأيج شنو تحبين ؟ البيت اريدج تعيشين بي وياي

درة انة اريد ابني احلامي وياج جنت اخاف احلم هسة لا حلمت وراح ابني

كليلي انتي تحبين البيت يكون بريف لو بالولاية

وين ما تحبين انتي انه اروح

سكتت ما حجيت، يحجي بنبرة واحد تعبان ومجاي يعرف يربط الكلمات ولا حتى يصنع جملة

تنهدت ولاحظت رهف هواي تتكلب كمت ع اطراف اصابعي فتحت الباب وطلعت البيت هادئ كلهة نايمة

ختلت جوة الدرج ورديت بهدوء

... اذا انتة هسة بديت تحلم انة استحي من روحي من اذكر الصار واذكر وين جنة و وين صرنة

حر ... النوب؟

درة ... اي والله فد اخجل حتى الروحي بالمراية ما اباوع، وكل ما ينذكر اسمك اصير كتلة من النار

من كد ما تتدفق الحرورة بدمي احس راح احرك الكاعد اكبالي ..

حر ... والله يدرة انه ازيد منج بس همة مايدرون احنة عشنة بذاك الشكل الخجلانين منة

درة ...بس احنة ندري ندري

حر ... هههههههههههه اي والله نسيت بس انة واحد كواد ونفسي دنيئة شلون اتجرأ اعشقج

شلون سويتهة

حاقد ع نفسي والله

تخيلي انة وصلت مرحلة اريدج وما اريدج

درة ... لا بالله ؟ ورة ما سلبت گلبي مني تكول ما اريدج

حر ...فدوة لله شكد خوثة لج خالووو اقصد متفشل من روحي متفشل

بنية اجيتي وصرتي بين ايديني، داريتج

وداويت جروحج، شلتج ع متوني

درستج و اهتميت باخلاقج وشخصيتج ودراستج

والي يسألني اكللة بت اختي و بت اختي

تالي اطيح هيج طيحة

كال بقهر وخنيك اااااااااااخ ويمكن عض اصبع السبابة

درة ... احسن شي لا انتة الي ولا انه الك محد يقبل كل واحد من عدنة يروح بدرب وبعد لا اجيلكم ولا انتة تخابر علية

حر ... هلو وهاي شنو النوب جديدة والمصحف انتي تمسلتين مااعوفج خالي لو يكطعوني وذر

ضحكت بهدوء وهمست ... عليك سوالف اتدوخ اكبر واحد ، جا ليش احبك انه لان خبل وتحبني بخبال

حسيت ايد انحطت فوك ايدي وسحبت المبايل ، اتجمد الدم بعروكي ورجفت اعضائي بلحضات

فكيت عيوني ع وسعهن بخوف وانة التفتت واشوف عمي فاضل يحط المبايل ع أذنة ...

أيتها الأنثى التي في صوتها

تمتزج الفضّة..بالنّبيذ..بالأمطار

ومن مرايا ركبتيها يطلع النّهار

ويستعدّ العمر للإبحار

أيتها الأنثى التي

يختلط البحر بعينيها مع الزّيتون

درة ...چانت صدمة بالنسبة الي، حد هسة اتذكر من انحطت ايد ع ايدي وانسحب المبايل شلون يبس الدم بعروگي وصرت عبارة عن سعفة ترجف بحضن الأعاصير ..

عمو فاضل ويحط المبايل ع اذنة وكل ملامحة يعتليهة الغضب ، حواجبة معكودة و عيونة انكلب بياضهن احمر ..

بوقتها لو يذبحوني ما يلكون قطررررة دم بجسمي

هوا من حط المبايل ع أذنه سمع صوت المقابل انعقد وجهة اكثر

صارت وشة بأذني بحيث حتى صوت حر الطالع من المبايل صرت ما اسمعة ..

الرجيف اخذ روحي واخذني ، رجليني صارن خيوط حجة عمي فاضل و ما اذكر بس هاي حجايتة بالمبايل گال لـ حر بنبرة عتب يعتليهة الغضب الدفين

... هية هاي الأمانة و تالي الثقة !

تتخابر وتتغازل ويا بنية بمثابة بت اختك بنصاص الليالي ، اكطع رجلها وما اخليهة توصل البيتك بعد

وان جان لسانهة طخ ع لسانك مرة ثانية اكصة ....

حجاها وسد النقال ..

ما ادري شصار بحالي بس هوا جان يباوعلي بغضب و يرجف من الأعصاب حضنت ايديني ودموعي تنزل مادري بيهة حجيت بتوسل وانة ارفع ايدي ااشرلة بحركة معناها "بس افهمك"

... عمو انه ... قاطعني وهوا يرفع ايدة ايسكتني

و حجة وهوا ايمدلي النقال ... كسري كدامي يلة

ضليت ارمش بعيوني مستغربة، حجة بغضب بصيغة امر ... كسري كدامي يلة

استغربت ليش هيج يسوي ليش مو هوا يكسر المبايل ليش يخليني انة اكسرة

اخذتة من ايدة بأيدين ترجف وطريتة بالكاع طلع صوت بس مو كلش قوي

واتبعثرت اجزائة

باوعت للمبايل وباوعتلة أشرلي بعينة ع مبايل و كال ... جيبي

نزلت ع ركبي شلت اجزائة المبعثرة جمعتهم بأيديني الترجف و كمت

فاضل ... رجعي جمعي المبايل وشغلي

همست بخوف هاا

زم شفايفة بغضب خفت وكعدت اجمع بالمبايل واشغل بي ما يشتغل

فاضل ... اشتغل لو لا

درة ... بس لحظة عمو ما جاي يشتغل هسة اصبر

فاضل ... حاولي اتشغلينة يلة

ضليت احاول بي ما يقبل يشتغل دموعي اتطيح ع شاشة وامسحهن بحرگة، ورطت روحي بمشاكل

عمي فاضل راح ينشب وياي راح يراويني المر مبين من ملامحة الغاضبة ..

هوا الغلط مني انه شلون طاوعتة لحر شلون مشيت ورا مثل المخدرة، شلون عريت مشاعري گبالة

شلون گلبي لامس گلبة واحتضنة

مو جان يعتكف ع نفسة بمدائن الغموض

اشطلعة من صدري وخلاه يركض ع صدرة بكل هاي اللهفة ..

شتمت روحي الف مرة بهاي الدقايق الكاعدة احاول افتح المبايل بيهن

دك نقال عمي فاضل بجيبة

رفعت راسي وبلعت ريكي بخوف ، مد ايدة طلع المبايل باوع ع أسم وانطة رفض بكل غضب

مبين هواااا! ادري ما يعوفني اواجه عمي فاضل وحدي

باوعلي وانه فزيت حجة بغضب

... جان استحيتي ع روحج انتي بنية حديثة

سكت رجعت ادوس بالنعال حشاكم ما ينفتح، باوعتلة بعيون تدمع وهمست ... والعباس خرب شسويلة ما يشتغل

فاضل ... طاح منج وانكسر النقال وانتي ما تدرين

رمشت بعدم فهم و عيوني تجري ، صارت الغصة واكفة بحنجرتي والحسرات تريد تطلع بس اخاف منه اخاف اجرهن

جن ملك الموت واكف فوك راسي مو عمي ..

فاضل ... گتلچ يوم الي تغلطين ناري اتحركج يدرة ماعندي احد يغلط هنانة

بس هسة راح اصطبرلج، جيف صغيرة وعقلج طايش

انطيج وكت، وفرصة

الفرصة ما تصير فرصتين

انتي بنية، احنة ماعدنة بنات ايعشكن ويتحاجن ويا زلم بالنقالات

درة ... بس هذااا حر

فاضل ... وشنو حر ع راسة ريشة؟ لو ملاك طاهر مطهر نازل من السماء

رفع اصبع السبابة وحجة بتحذير بنبرة قاسية وغضب ... لحر ما انطيج لو يضل اخر زلمة بهاي الدنيااااا كلهااا ، ديري بالج ترجعين اتجيييييبين اسم هذا ع لسااااانچ اكصةةةةة والله وأمان الله ان رجعتي وعدتتتتي الغلط لريد اعاقبج بعقاب ابجي السما والكاع ع حاااالج

ما اعرف ليش فار الدم بعروكي و حجيت بنبرة غضب الكلام الي اجة ابالي بوقتهة ..

... وشبي حررر مو عشت ويا واعرفة اكثر ما اعرف روحي، خوش زلمة وانه اريدة

ما حسيت غير جف ايدة ينطبع ع وجهي، ضربني راشدي حسيت عيني واذني طفن من عندة

رفعت وجهي والدم صار يفور بعروكي

وارجف خوف واعصاب بوكت واحد

ابجي من القهر

ولساني ايغرد من الغضب

گال بغضب مفرط ... ترفعين صوتج ع عمج علمود هذا المجرم خريج السجوووون الما يخاف الله، انةةة عمج درة فتحي عينننننج وشغلللي هذااا البراسسسسج لا اكسرررررر راسج اتكسررر ، حجة وهوا يضرب ع راسي بأصابع ايدة ..

... هذا الما عاجبك وطكيتني لان كلت اريدة اعرفة اكثر من ما اعرفك

هذا الغريب اعرفة اكثر من عمي

اذا اريد اسمع حجاية من احد ف ثق راح اسمعهة منة مو منك

لا تقارررن روحك بي عمو انتة وين وهوااا وين

هوا اهلي وناسي وانتة الغريب ..

كفخني حيل ع راسي بكل غضب وضربني بعكازتة ع رجلي رفعت ايديني حميت وجهي وشهكت بقهر

كملت كلامي ويا ... اذا تريد تحاسب الغلطان حاسب روحك انتم عفتوني يمهم شنو جنت متوقع الغلط يبدي منكم وينتهي يمكم لا هسة تصير حريص وتحاسب حر لأن يريدني لو تحاسبني جا اريدة

ما حجة شي ضل ساكت وانه اشهك واناشغ كلبي يوجعني وروحي تعبت من هذا الموقف

ما جنت حاسة ع روحي شنو حجيت

كضني من زندي وضل يهز بية و يحجي بغضب

... ولج انتي صلفة و گوية وحدة الغيرچ هسة تتوسل اسامحهة وتتعذر وتعترف بالغلط المسويتة مو تلاسن وتذب الصوج بعمهة اذا تجين ع الغلط الغلط من امج مو منةةة احنة ..

بس هين يبت جعفر، قسم بالله اذا مرة ثانية لسانج انمد اسوي بيج عمايل

ورجلج ما تخطي بيتهم بعد ، وان صار هيج بدون علمي اكسرهااااا ..

ردت احجي بس شفت رهف جاية باتجاهنة تفرك عينهة بنعاس وتباوع مستغربة بفضول وتسائل

سكتت وهوا شال ايدة

كالت بنبرة مليااانة نعس ... شبيج درة

فاضل ... انكسر نقالهة وكاعدة تبجي علي ، بويا هاي اختج ليش عقلهة مال جهال مو مثلج ؟ واعية وفاهمة

ابتسمت شوية وارتخت ملامحها المتشنجة ... لان تحب المبايل انقهرت يمكن يله فدواتج الف مبايل .

مشيت من كبالة بدون ما التفتت و اسمعة يكللهة

... همزين انكسر علمود تدرس ورة السادس اشتريلهة احلى مبايل .

رهف ... لا هية مو 24 ساعة ع مبايل تدرس تعرف توازن وقتهة .

طبيت للغرفة افور واحس الدم بعروكي نار حكيت كتفي وضليت اشغل بالمبايل ما يشتغل و دموعي تجري واسب واشعل بداخلي ، ضربتة للمبايل بأيدي ... حقير اشتغل تف عليك وكتك ادبسزز اشتغل .

فاتت رهف باوعتلي مستغربة و حجت ... وين عقلج درة هوا مبايل فدوة

درة ... اريد اخابر امي لو كاتي شلون اخابرهم واطمن عليهم .

رهف ... من نقال عمة نجوى نخابر

باوعتلهة بتفكير، لميت شفايفي للداخل وضغطت عليهم تذكرت انه ماعندي رقمة ..و رجعت ابجي

سحبتة من ايدي تريد تشغلة ما يشتغل فتحت الجرار وضمتة بي و حجت وهية تتوجه لفراشهة ... يلة فدوة انكسر الشر .

شالت الشال من ع راسهة وفلت شعرهة نثرتة ع مخدة و غمضت عيونهة ، دقايق و انتظمت انفاسهة و غطت بنوم عميق ..

وانة كلبي يرتج و بديت أنغمس بسراديب الخوف ، حسيت كلبي راد يوكف من فرط رجفتة

تنهدت بضيق ومديت ايدي امسح عنقي ، حجيت بداخلي بحزن ... انه اركض ورة الحزن لو الحزن يركض وراي ما اعول استوعب موقف و مشاعر جديدة تصير بحياتي ارجع انغمس بغيرهاااا ..

عشت نص مشاعر حياتي بمخيلتي مو بالواقع

واكثر مشاعر السعادة براسي

ما الي نصيب اكملهة بالواقع

تنهدت بضيق و حطيت راسي ع مخدة رفعت الغطة الصدري و حاصرتني الأفكار السودة

شنو وضعة هسة؟ شنو صار بكلبة من سمع صوت عمو رد علي ..

ادري بي يخاف عليه اذا مو ك حبيبة ك درة الرباها و كبرهة وعالج جروحهة

كلي مرة لو تاكلين بفادي اضل احبج و ما أأذيج

جا شكد يحبني حتى يكول هيج؟

شكد يحبني حتى يرد اسائتي الا بالأحسان

حتى ما يكدر يقسى علية

شلون ركض علية من عثرت من غصن الشجرة، لو شصار بي من شافني لامة روحي بخجل من مؤمل راد يعتدي عليه

شلون ركض علية ولفني وشالني بحضنة ، ويشدد بحضنتي لصدرة كل ما تطلع مني ونه ..

هسة اكيد يفور، و كلبة ضل يوجعة عليه وخايف

يجوز راح يضل يخابر بعمي فاضل حد ما يجاوبة ويتطمن عليه و ع حالي ..

اوووف ي درة هاي سواية سوايتج اكو وحدة تروح تخابر حبيبهة جوة الدرج ببيت متروس عالم

يعني اذا مو عمي فاضل ممكن سداد لو ليث لو عمة نجوى يشوفوني ..

غمضت عيني وجريت حسرة طلعت من اعماااق گلبي ، احتركت صفحتك يعقلي وكعتني بمشاكل انه في غنى عنها ..

الوكت يمشي وانة بس اتكلب النوم هجر عيني، الرجفة ماخذتني

لهناك ودك جرس البيت، رفعت راسي من المخدة باوعت ع ساعة ب2 الااا ثلث

يا خبل يجي النة بهيج وقت، سكت الجرس ورجع دك شسالفة، رهف شالت راسهة من المخدة تتثائب وكالت ... شنو صار الصبح شمسرع

درة ... لا ليل بعدة

دارت وجهة للساعة و كالت وهية تباوعلي بأستغراب

... منو جاي بهيج وكت ولج بس لا حرامي ، ما حسيت غير تطفر وتدحس روحهة يمي ترجف

درة ... وين اكو حرامي يدك الجرس شنو يسويلنة احماء ، لو يكول طلعو اسلحتكم راح ادخل صكوني يله .

دفعت الغطة و كالت ... كومي نشوف بالكاميرات

نزلت رجليني دالبس شالي وهية تلبس وسمعنة صوت بالهول رجعت رهف جيتت بالفراش و كالت بخوف تهمس وتخرط بخدودهة

... ولج طب علينة الحرامي طب .. يباااااو

لبست شالي و مشيت للباب ... ثولة شلون يطب بدون ما نسمع صوت كسر تحول سراب مثلا وفات من جوة الباب

فتحت الباب شفت عمة نجوى بالصالة و يمهة عمو ليث حجيت بتساؤول ... منو جاي بهيج وكت سمعت الباب وكعدت .

فاضل ... والله مادري يا خبل وعديم ذوق يجي بهيج وكت متأخر من الليل ..

نجوى ... ابو ليث خاف صاير شي عد اهلك

فاضل ... جا ماكو نقالات يخابرون بالأول

فات سداد بوجه مستغرب وبعيونة حيرة كال وهوا يباوعلي ويرجع يباوع ع عمي

... بوية هذا حر خال البنات بالباب يريدك بسرعة

لطمت ع صدري وشهكت و تبعتهة شهكة رهف من وراي التفتت شفتهة حاطة ايدهة ع حلكهة و كالت

... بس لا امي بيهة شي صخام الصخمني

مشى عمو بدون ما يباوع علينة و طلع رهف كالت لسداد ... ما كلك شصاير؟

سداد ... لا والله بس كال يريد ابوي يحجي ويا

رهف ... خلي اطلع اشوفة

سداد ... ويا صاحبة وين طالعة خليج هنانة ..

رهف ... زين حباب اطلع شوف شنو الموضوع اذا عرفت تعال گلي حبوبي لا تطول

باوعلهة بنظرة قلق، هوا مبين هم خايف عبالة امي بيهة شي

ما يدري المصايب يمي تبدي ويمي تنتهي

انة كلبي طاح بين رجليني و ضليت امشي وادفر بي برجلي على سوايتة الخايسة ..

مديت راسي من الباب مال المطبخ بعد ما طلع سداد اجة صوت عمة من ورانة

... لا تخافن ان شاءالله ما صاير شي

رجع سداد يمشي ويفر بكف ايدة ومقوس شفايفة ما عاجبة كنالة هاا بصوت واحد

باوع علينة وكال باستهزاء

... رحت يمهم وكفت باوعولي بنص عين وطردوني ليكول زعطوط واكف يمهم ..

رهف ... يعني امي مابيهة شي

درة ... لو بيهة شي جا حجو مو سر هوا رهف يجوز حر عندة موضوع خاص ويا ابوي او مشكلة

بس هوا خالج خبل اكو واحد يجي بهيج وكت

رهف ...يجوز صاير شي يا عيوني

باوعلهة وابتسم عض شفتة وغرز اصابع ايدة بين خصلات شعرة ورجعة ليورة

... سالمات عيونچ يَ كمشتي

خزرتة واشرتلة براسهة ع ورة باوع باوعت ويا شفت عمة نجوى مسوية روحهة ما تدري بشي ولا شايفة شي ولا سامعة شي وتعدل بطرف ثوبهة ..

شكلهة يضحك بس ما ضحكت انه بيا حال واضحك

فات هاني للمطبخ يتثائب وكال

... منو هذا شصاير كعدونة من عز نومتنة

سداد ... هذا حر بالباب

هاني ... شيريدددددددد بنص الليل

سداد ... امك ماتت

فك عيونة ع وسعهن وكلة بخوف ... العباس عليك؟

سداد ... ولك امك مو صارلهة سنين ميتة شمالك انتة ارجع نام حبيبي .. هذا خال البنات مو خالك

نجوى ...اسم الله شبيك الله يطول بعمر المرية

سداد ... يمة هية ميتة شبيج انتي مو امه ميتة

درة ... بالمناسبة امه هية امي الله يرحمها ..

صفن بوجهي ثواني، رمش بعيونة بتفكير و گال ... والله نسيت ام هاني نفسها امج الله يرحمهة برحمتة الواسعة ..

هاني حط ايدي بجيوب تراكة وكال ... وشيريد الأفندي بنص الليل

حجة وراد يطلع كضة سداد رجعة لمكانة ..

... هوا انه توة رحت يمهم طردوني عبالهم زعطوط اذا تروح انتة يسوولك ممية ويرجعونك ..

هاني ... ******* سافل ..

سداد ... مو منا خواتك ماكدر افشرررر ااااخ لو ما واكفات اااخ حجاها وعض اصبعة

... يا أبن الذي لم يتزوج والدتك وانجبك بالحرام

هاني ... وشعندك ناطي اختك لواحد ابن حرام ..

سداد ... كضيتني من ايدي التوجعني

رجعت تثائب و كال ب برود ... راجع انام بحضن اختك اذا صاير شي خابرني لا تدك الباب ..

حجة وهوا يفوت وسداد ضل وجهة فالت والله هاني كاض ولد عمي من ايدهم التوجعهم هههههه كل ما يحاجونة شي وكللهم يم اختكم ..

دقايق وفات عمي فاضل سألة سداد شنو يريد حر منك

فاضل ... شغلة ضرورية ما تتأجل حجينة بيهة وراح

سداد ... ليش ما خابرلك

فاضل ... خابر وانة كتلة تعال بس هوا كال الصبح من اجة ودك جرص البيت ما توقعتة هوا اجة

نجوى ... زين شنو السالفة

فاضل ... والله مادري انتي شتكولين ام الليوث ..؟

نجوى ... لا تستهزء بيه فاضل بس عندي فضول اعرف

فاضل ... يله رجعو نامو، يله ام ليوثي امشي انام تعبان

خلانة وجهنة فاهي و راح ، سداد باوع لرهف وهمس

... شنو تتوقعين حجو

... والله مادري اوف الفضول كتلني كتل

سداد ... اكتل الفضول اذا يوصلج رهوفة

درة ... شنو نسيت روحك انتة انا هنا واكفة يمكم

سداد ... شحجيت هسة جنج اخوج واكفلي مثل العظم بالبلعوم

رهف ... انتم تناگرو رايحة انام تصبحون ع خير مو نومة اليوم صارت انتقام اسود منين بدت هية علمود تنتهي بخير يمكن الصبح تكعدون ع خبر موتي

تحجي وهيا اتدردم و تتوجه للغرفة

لحكتهة وسداد صعد، متأكدة جاي علمودي والله ادري بي ما يعوفني

كلبي يكلي كل العالم تعوفج الاااا حر بنص الموت ويركض عليج

لو بجسمي خناجر هم يركض ع حضني ويفضل الموت بنار حضني ولا البعد والمكوث بجنة البعد عني ..

اووف ياربي اريدة اريدة والله اريدة

ابتسمت ويا روحي وتمددت

جعل محد غيرك يحبني ، يبعد امي وابوي ..

مادري منين نزلت الراحة ع كلبي وتمددت نمت المتبقي من ليلتي رغد ..

وثاني يوم الصبح من شفت عمي فاضل ع ريوك ولا عبالك صاير شي اتصرفت طبيعي وهوا كذلك نفسي

بس شوية وجهة ثكيل علية

انه هم الغلط مني حجيت ويا بهاي اللكنة بس شسوي عصبت

يضل حر من اهم الناس بحياتي واغلاهم لأن تعب عليه بكل معنى الكلمة تعب ..

رهف ...كاعدة اتريك ونزل ليث رفعت راسي باوعتلة لابس دشداشة ويمشي امشولخ عبالك واحد امطهرينة

كضتني الضحكة، حاولت اكتمهة ماكدرت

لميت شفايفي وارتفعت وجناتي بشكل لا أرادي

حسيت بي يخزر بية بس غلست سويت روحي ما منتبهة علي وبالي مو يمة ..

بس هوا شنو يريد ينفجر وكل شوية وصاح اااخ و اااخ من واحد ايطخة ..

ابنة طفر بحضنة وهوا كلة ... وخر بابا رجليني محتركات لا تجي بحضني

رفعت طرف عيني باوعتلة بمكر، انطاني نظرة تحدي وشال ابنة حطة بصفة ..

بيومهة كملنة ريوك وكعدت ادرس ..

ومر باقي اليوم عادي بين دراسة وبيت و اليوم تبعة يوم ثاني وثالث

الوضع هادئ

كل واحد ملتهي بروحة

اليدرس و اليشتغل والتعبان ومريض مثل فدك

جانت مريضة وصفرة صايرة، وفاتتهة الدورة

كللهة بعد تنزلين الصبح وما تصعدين لليل وديري بالج ع روحج مبينة حامل ..

فلك انطعن وجهة و صارت كلش حساسة و عصبية و اذا واحد ايطخهة تصرخ وتبجي بحركة كلب عبالك كص راسهة مو طخهة ..

انه فسرت تصرفاتهة هاي غيرة من اختهة

بيني وبين نفسي كلت فلك حسودة ما تريد الخير الأختهة لأن وين اكو وحدة من تسمع بخبر حمل اختهة هيج يصير بيهة

هاي عود بعدهة ممتأكدة

من تتأكد شيصير ..

واهلهة فسرو عصبيتهة المفرطة و بجيهة ع اتفه الاسباب بس ضغط الدراسة

هاني اخذلة فترة ضايج عبالك ما فرحان بحمل فدك بس بعدين فك وكل شوية يكول خلي اخذهة اسويلهة تحليل

و عمة تكله أجلهة كم يوم ..

وبيوم حس هسة اتذكرة صادف يوم ثنين راجعة من دوامي عصري وثاني يوم عندي صباحي

افكر شنو يخلص الدراسة الي ع راسي

همزين المدرسين والمدرسات بهذا اليوم يرحمونة وما يكثرولنة تحاضير ولا ينطونة امتحان ..

بس مع هذا تضل هواي دراسة

جنت هستوني جاي انزل من السيارة وانتبهت ع نسوان خوالي قصي وعدي واخت مرت خالي قصي ايطلعن من بيت عمامي وجاي يتوادعن ويا عمة نجوى ..

وعمة نجوى وجهة مطعون واحمر من وحواجبهة معقودة من الغضب ...

هنة شافنة انه ودرة بس طلعن كبل سون نفسهن ما انتبهن علينة

وعمة نجوى فاتت بسرعة للبيت من شافتنة

مشيت بسرعة سداد صاح شبيج طايرة

فتحت الباب وجيتت بالبيت حجيت وانه اوجه سؤالي لعمة نجوى

"نسوان خوالي شعدهن هنانة"

باوعتلي باستغراب وكالت ... شعدهن؟ محد نسوان خوالج منين

رهف ... هستوة شفتهن طلعن من البيت نسوان خوالي

نجوى ... لا يمة تراوالج هذني جاراتنة

رهف ... شبيج عمة ما اعرف نسوان خوالي انه ! مو شفتهن بعيني

نجوى ... يااا ليش اجذب عليج انة ؟ شايفتني جاهل واجذب شو مرة شكبرني اكبر من امج والشيب ماكل راسي شلون اجذب عليج

رهف ... لا عمة حشاج بس انه عبالي هنة

نجوى ... لا مو هنة متوهمة

جنت متاكدة هنة ممعقولة عيني تغشني بس سكتت

رغم الفضول بيومهة ما خلاني اركز ع شي ولا ادرس زين

او استوعب حجي اليسألني

حتى سداد گلي العصر تعاي للحديقة اشوفچ كتلة مابية حيل

احنة مرات نكعد جوة الشجر بالحديقة نسولف ويكضونة بالجرم المشهود وانة اطلع كتابي واكلهم جاي يدرسني ..

ثاني يوم بالليل اجتلي رسالة من سداد غريبة

تعاي ورة البيت اشوفج مشتاق لعطرچ

(طبعا بمبايل فلك يدرون نستخدمة سوية وفلك نايمة يعني عندي)

ضليت اباوع ع رسالة مستغربة

سداد من شوكت يطلب مني يشوفني بنص الليل! ويكول مشتاق لعطرج

اعرفة ما يسويهة ويكعد يحدد موعد بيناتنة بنص الليل

صفنت شوية ، رجع دز

لا تتأخرين بس دقيقتين انتظريني جوة الحلاوية "نخلة" جيبي المبايل وياج ..

صفنت شوية بالمبايل و بعدهة گلت ... يله سداد شيريد يسويلي مثلا اذا هوا يحبني ويخاف علية

كمت باوعت لوجهي بالمراية باوعت ع مكياج اخذت اكثر لون دخل بالي واحبة

حطيتة ع شفايفي و جريت كحل بعيني ادري بسداد يحب عيوني امكحلة

رشيت عطر و رتبت شعري وحطيت الشال بأهمال ع راسي ..

حسيت روحي جاي اسوي شي غلط بس من اتذكر سداد يخاف علية ويمكن بس مشتاقلي ويريد يشوفني وجهًا الى وجه اطمئن شوية ..

طلعت مثل ما كال وكفت جوة الحلاوية انتظرة، دقيقة ما طولت وطفت الأضوية

وماكو ضوة غير ضوة الگمر المتعلگ بالسماا

والنجمات التلمع .. بس مو ازيد من لمعة عيوني بفرحتي بشوفة سداد وحدنة .. حتى لو استمر هذا اللقاء ثواني معدودة

نظرة عيون شابة بيهة نار اللهفة وتلمع ، وشفايفي ترجف وكأن اول مرة نلتقي ونشوف بعض

قلوب تنتفض عشقًا، وانامل تتحاضن مرتعشة ومتلعثمة ..

واكفة انتظرة وكلبي من قوة نبضاتة تكول صار يدك بكل انش بية

هيج يرجف يرجف، ما يقبل يهيد

وعيوني متلهفة الشوفتة

أذني عدهة لهفة حارقة لسماع الكلمات لتتناغم و ترسم حبهة ع شفايفة ... وتذوب بيهن ..

ثواني معدودة و حسيت انكضيت من خصري ، كل ع بالي سداد

دفعني ع نخلة انضرب ظهري بكل قوتة بكرب النخلة حسيت انغرزت بظهري

رفعت ايدي بشكل لا ارادي كضيتة من قميصة بعدني ما مستوعبة الصار

بعدني بلهفة لقائي لسداد و انتظارة

بالظلمة الدامسة ، وجوة ضوة الگمرية .. همست ... سداد كسرت ظهري اشبيك .

حضني قوي ، شدد حضنتة ، شميت عطرة

مو سداد هذا

اعرفة مو هوا، نار انفاسة لامست اذني

شواربة تنغز بأذني، وكلماتة مثل العلقم مرمرت ريگي وگلبي ..

بصوت خدران همس ... وراح اكسر ضلوعچ بحضني ، انه عندي گلب ميت عليچ ، همس بصوت ناصي كلش ... وهسة سداد راح يشوف الحب العميق بيناتنة انه وياج ................