ريم : لوهان ..
انا قلتلك قبل كده الانسان ال هيحبنى او هحبه هيكون غير محظوظ
لوهان: وانا قلتلك هيكون محظوظ
ريم: لا ...غير محظوظ .. مسألتش ليه انا تعبت كده ؟
لوهان: مش عاوز اعرف المهم انك قدامى وكويسه
ريم حاولت تعدل من قاعدتها: لا لازم تعرف انا مين وانت بتتعامل مع مين انا مش زى مانت فاكر وشايفنى انا حياه تانيه خالص مخفيه ...
لوهان مستغرب من كلام ريم : ريم ايه الكلام دا
ريم طلعت موابيلها من جنبها وطلعت رقم غاده : خد الرقم دا وكلم دكتور غاده وهى هتعرفك كل حاجه ومستنيه تقولى احنا اصحاب بس
فى الحظه دى مريم وصلت وقامت معاها ريم ولوهان مش فاهم ريم عاوزه توصله ايه ....
حاول لوهان يكلم ريم يفهم منها وكانت بترفض تقابله او ترد عليه غير لما يتكلم مع غاده ..
فقرر ف يوم يسافر ل غاده لندن مش يكلمها فوون ... وكانت ريم حكت ل غاده ال حصل وطلبت منها تحكى كل حاجه لــ لوهان ... وصل لوهان لندن ومن المطار راح ع المستشفى ل غاده وكانت مستنياه بعد السلام قعد لوهان واتكلموا ..
غاده : ريم كتير حكتلى عنك وانا بشكرك ع ال عملته معاها
لوهان بخجل: لا داعى لشكر ..
انا جى لحضرتك افهم ال ريم مش عاوزه تفهمهولى
غاده : ريم طلبت منى اقولك كل حاجه فياترى عندك استعداد تسمع وهتفهم
لوهان: اكيد
غاده : اوكيه ..الحكايه بدءت من ....
وابتدت غاده تحكى للوهان عن بدايه مرض ريم النفسى وال كان بيحصلها من وهى صغيره ومعامله باباها والقسوه ال شافتها والالم ال مرت بيه والصدمات ال شافتها ف حياتها والحاله ال وصلت ليها ودخولها المستشفى وفتره علاجها وعلاجها ال لسه مستمر ...
لوهان بيسمع مصدوم من ال بيسمعه مش مصدق ان ريم حصلها كل دا ...
لوهان : كل دا حصل ل ريم وكانت لوحدها
غاده : انا مش سايباها وكانت دايما بتلاقى ناس كويسه بتشجعها جنبها
لوهان ساكت... غاده قامت وقعدت قدامه: لكن ممكن ريم يحصلها كده وترجع تانى لوضعها الاولانى
لوهان اتخض : ازاى وايه السبب
غاده : ريم حكتلى كل حاجه عن علاقتكم من الاول خالص من وقت ما رجعتلها السلسه وهى كانت بتحكيلى كل حاجه بتعملها وكلامكم ودا من منطلق انى الدكتوره بتاعتها وانى صديقتها ..بصراحه انا كنت سعيده بعلاقه الصداقه ال بينكم انها غيرت ف ريم كتير وف حالتها واتحسنت بشكل اسرع ودا بفضل وجودك جنبها وتشجعيك على انها تتغلب ع خوفها وانها لاقت شخص تحتاجه لانها عندها ممكن تقول مشكله اتجاه الرجاله .. باباها عملها عقده من صغرها وسبب المشكله دى ..الراجل الوحيد ال ف حياه كل بنت اول راجل فى حياتها سبلها علامه ف حياتها ان مفيش راجل يستحق الثقه ولا الحب وانهم قاسين معندهمش قلب .. علاقتها برامى اختلفت شويا لانه اخوها لكن غير رامى العلاقات كلها سطحيه اتغير الوضع شويا بظهورك بقيت شخص استثنائى ف حياه ريم مميز زى ما بتقول ... وجودك ساعدتها ف حاجات كتير كانت هتاخد سنين طويله واتقربتلك جدااا ... لكن
لوهان : لكن
غاده: لو كانت صداقه بينكم كان مفيش مشاكل وكنت شجعتكم وشجعتها لكن الموضوع مختلف معاكم .. العلاقه اتقلبت لحب ومشاعر .... انت حركت مشاعر ف ريم غيرك حاولوا ومقدروش عليها واقربهم امير
لوهان: خطيبها
غاده: لا مش خطيبها ريم بترفض فكره الخطوبه والجواز لانها مش مستعده وامير مستنيها ع امل توافق ... ريم كانت محتاج لحب يقويها ويساعدها ولاقته معاك وبالمقارنه بينك وبين امير ..امير اصلح ليها لااسباب كتير
لوهان: الدين
غاده: دا سبب غير الثقافه والعادات والمجتمع ... ريم مش مستعده يحصلها انتكاسه تانى وترجع ال عملنا ف سنين ف لحظه ...اعتقد انت فاهم قصدى
لوهان: لكن انا بحب ريم بجد
غاده : بالنظره ع الواقع بعيده عن الخيال ارتباطم ببعض غير صداقه مستحيل ... ولحظه انفصالكم هتحصل هتحصل دلواقتى او بعدين .. فاعتقد انها تحصل قبل ما تتعلقوا ببعض اكتر وتعانوا وريم تتعب ..ودا طلب منى ليك لو مش عاوز ريم تتعب تانى سيبها ...احنا مش ضامنين ايه هيحصل قدام لكن الحرص مطلوب لتجنب اى حاجه ....
قاعد لوهان ومن الكلام ال بيسمعه وان ريم معرضه تتعب تانى وهو يكون السبب حاول يستوعب مش قادر حاسس انه قدام امر مستحيل يتحقق وحلمه اتقلب لكابوس .... قام خرج من عند غاده وهو بيفكر هيعمل ايه ...!!!
مر 3 ايام ع رجوع لوهان من لندن بعد مقابله غاده وريم عرفت وكانت مستنيه منه مكالمه او رساله .. ومحصلش فكانت حست انه لما عرف خاف وبعد ودا أثر ف نفسيتها ...
فى يوم بعت لوهان رساله ل ريم ع الموبيل " ريم انا مستنيكى ف حفله بكره مع مريم وادمز ... وهقولك هناك قرارى النهائى عن علاقتنا .. ولما هقوله اقبليه مهما كان لانى مش هرجع فيه اطلاقا .. هستناكى "
قرات ريم الرساله وبعدها قلبها اتقبض ودمعه نزلت من عنيها حست بخوف لكن قررت انها تقبل القرار مهما كان ...
راحت ريم والحفله ابتدت وقبل ما تخلص كان فاضل اغنيه واحده لوهان مسك المايك وبيتكلم بالكورى ومريم بترجم ل ريم ....
لوهان: ف شخص قالى ان ال يقربله او يرتبط بيه هيكون غير محظوظ اطلاقا
انا بهديله الاغنيه دى وهغنيها بالانجليش وبعدها هغنيها بالكورى اوكييه ..انا كتبت كلمات الاغنيه دى ولحنتها ف يومين اتمنى تعجبكم وتعجب الشخص دا الاغنيه اسمها (Lucky )...
مريم بترجم ل ريم ومتفاجئه
ريم متفاجئه: ممكن يكون يقصدنى انا
الفانز هيصوا وابتدت الاغنيه
Being been in the same country
Talking in the same language
We’re so lucky, it’s such a relief
We’re so fortunate to have this kind of luck
There’s no better plot
The beauty of that day’s luck
To suddenly be graced with happiness, Lucky
Among billions of people I met you
I can call your name and I can hold your hand
Is the falling sunlight only shining on me? Can I be this happy?
You call my name and you lean on my shoulder
Is the sky’s sunlight only shining on you? Can you be that dazzling?
So lucky, my love
So lucky to have you
So lucky to be your love, i am. hmm
We like the same colors
We like the same movies, lucky
It’s a love that’s meant to be
We smile brightly in the photo, we’re a perfect harmony
I think I’m a lucky guy, it’s so good like we’re in a fairy tale of our dreams
Oh my god, it’s the best thing to hear
Her voice melts me like ice cream
She is picture perfect
Because you’re my first, because this song is about you
I’m smiling like this, so only you can see, are you looking at me right now?
I have a new dream, it’s to be one a better man
Because your eyes that look at me make me run once again more than anything else
So lucky, my love
So lucky to have you
So lucky to be your love, I am. hmm
وفى اخر الاغنيه لوهان : I love You Roma < 3♥
ريم واقفه مش مستوعبه الموقف لدرجه ان دموعها نزلت وقلبها دق بسرعه رهيبه وكانت هتقع ومريم مسكتها وحضناها وكان لوهان طول الاغنيه بيغنيها هو وفرقته بيشاور وبيص وبيغمز ل ريم ريم مكنتش مستوعبه الموقف ...
خرجت ريم مع مريم ..
مريم مذهوله : لوهان دا مجنون بجد مجنون
ادمز: بقى خارج السيطره خلاص اتمنى ميحصلش حاجه بعد ال عمله دا
مريم خبطت ادمز: دا وقته سيبهم يعيشوا اللحظه الجميله دى
بصت مريم ل ريم: يا بختك يا روما يا بختك اتكتبتلك اغنيه ليكى واتغنتلك ف حفله حضرها 10 الالف فانز وعجبتهم بجد احسدك
ريم دموعها نازله ..
مريم بتمسحهالها: ايه الدموع دى
ريم: مش عارفه بجد ال حصل دا حقيقى ولا بحلم
فى اللحظه دى سمعت صوت من وراهم : حقيقه وحقيقه مؤكده جدااا
ريم بصت لاقته لوهان مبتسم: اتمنى يكون ردى وصل
مريم: لوهان ..انت هربت ازاى من الهجوم ال بره دا
ادمز بيبص ل لوهان: لوهان لو عاوز حاجه بيعملها مبيهموش الناس
لوهان: الحاجه ال بحبها بس
مريم: اوكيه يلا بينا من هنا ولا هنكمل لصبح هنا
لوهان : تعالوا معايا فى مكان بعيد عن الصحافه والفانز نخرج منه ..لوهان راح مسك ايد ريم : يلا بينا
خرجوا من المكان ومريم اخدت ادمز ومشيت وسابت ريم مع لوهان ..اخدها وراحوا عند نهر الهان المكان ال كان فيه الكرنفال قبل كده لكن كان هادى
نزلت ريم من العربيه وواقفه ساكته راح وقف جنبها لوهان : بحبك
ريم دموعها نازله وبصتله مد ايده ومسحلها دموعها : مالك
ريم: ال بيحصل دا حقيقى مش بحلم
لوهان مبتسم: حقيقى
ريم: برغم ال عرفته
لوهان : برغم ال عرفته
فى الحظه دى افتكر لوهان لما كان عند غاده اخر كلامه
"فلاش باك "
غاده:انفصل عن ريم ودا طلب منى ليك لو مش عاوز ريم تتعب تانى ...احنا مش ضامنين ايه هيحصل قدام لكن الحرص مطلوب لتجنب اى حاجه
لوهان قام وراح اتجاه الباب ورجع تانى وقف : حضرتك قولتى احنا مش ضامنين بكره هيحصل ايه لكن عارفين هيحصل ايه دلواقتى ... انا بحب ريم ومش هسيببها بالعكس بعد ال سمعته بقى عندى سبب قوى اتمسك بيها وهو انها محتجالى وانا محتاج ليها اكتر فاانا مش هسيب ريم مهما حصل ... وطلب منى ليكى متعرفيش ريم انى قولت كده لانى هثبتلها بالفعل مش بالكلام وانا هتكلم معاها ....
اتفاجئت غاده من كلام لوهان ونفذت طلبه .....
لوهان مسك ايد ريم : انا اكتر انسان محظوظ ف العالم ل انى بحبك ولانك حبتينى انا .. انا بحبك ومش هسيبك ابدا ودموعك دى لازم تكون من السعاده .. واوعدك ال فات كان حاجه وال جى معاياا وانتى معايا حاجه تانيه ..امسكى ف ايدى ومتسبنيش ياريم لانى محتاجك اكتر ماانتى محتجالى ...
ف اللحظه دى ريم باصه للوهان ومش عارفه تقول ايه قلبها بيدق من السعاده ولوهان باصص ليها وللحظات قرب ممنها اكتر واكتر وباسها ف قورتها وضمها ف حضنه : بحبك ياريم ..بحبك اكتر مما تتصورى heart رمز تعبيري
ريم من اللحظه مش مصدقه نفسها ابتسم ودموعها نزلت من عنيها وبتلقائيه حضنته وف الحظه دى نسيت كل خوفها وكل الفروق ال بينهم وحست باامان وهى ف حضنه ...!!!
يومى كانت ف الحفله ولما سمعت الاغنيه واخر جمله اتاكدت ان لوهان بيحب ريم وقررت تلاقى طريقه تبعد بيها ريم عن حلمها وهو لوهان ....
رجعت يومى البيت وهى متعصبه ومتنرفزه ورمت شنطتها لاقت كارت واقع بصت لاقته كارت اتبعتلها مع الشخص ال بعتته يسأل عن ريم ف لندن وانها تكلمه شخصيا لانه هيساعدها اكتر من اى حد تانى ....مهتمتش بالساعه ولا فرق التوقيت اتصلت بالرقم ..
يومى: الو ..يومى بتتكلم
امير: امير معاكى
يومى: انت بعتلى الكارت دا و ...
امير: اعتقد كلام ف التليفون مش هينفع بكره الساعه 3 ف مطار انشتون هكون مستنيكى ف الكافتريا ف المطار هنتكلم وكل حاجه عاوزاها هتلاقيها
قفلت يومى وهى بتفكر مين الشخص دا وليه طلب يساعدها بشده ...
وصل لوهان ريم البيت وريم كانت سعيده وخايفه ف نفس الوقت
لوهان مسك ايديها الاتنين وباسهم : انا عاوز نظره الخوف دى تروح ملهاش وجود..متخافيش وانتى معايا
ريم: لا موجوده لان ارتباطنا ..
لوهان: هشششش خلينا ف انهارده وسيبى بكره لبكره تمام
ريم: اوكيه
لوهان: وبمناسبه بكره فانا مسافر يومين وراجع واول ماهرجع ف هنكمل ال بداءناه
ريم: اللعبه
لوهان: لا الحقيقه ... انا من اول ما بدءنا وانا بتعامل بال حاسه مكنش تمثيل ف هنكمل ال كنت مرتبه اعمله معاكى اتفقنا
ريم: اوكيه
لوهان باس ايد ريم : تصبحى ع خير
ريم: تصبح ع خير
وطلعت ريم البيت وهى مش مصدقه نفسها وحست انها عدت الحدود بمراحل ال كان مستحيل تعديهم .....ولوهان كان سعيد بالحظه دى ...!!!
تانى يوم راحت يومى تقابل امير ف الكافتيريا وكانت مستنياه هو وصل وراح ناحيتها
يومى بصتله : امير
قعد امير : اعرفك بنفسى انا امير قريب ريم من الدرجه الاولى
يومى متفاجئه: اهااا ... وكلمتنى ليه او معنى اصح بعتلى الكارت ليه
امير : لما بعتى شخص يدور ويسأل ع ريم انا قلقت لان ريم تخصنى وتهمنى شخصيا .... ولما سألت عنك عرفت انك من الناس المقربه ل لوهان والمفروض يكون ف بينكم ارتباط رسمى سمعت كده ..
يومى ملامح وشها متحوله: وبعدين
امير: انا عارف انك عاوزه تبعدى ريم عن لوهان انا هساعدك بشرط من غير ضرر ل ريم ولا لوهان ويرجعوا زى الاول ميعرفوش بعض ... لان اخر حاجه وصلتلى انهم شبه ارتبطوا واعلنها لوهان ف الحفله
يومى بانت عليها ملامح ضيقه: واضح انك عارف كل حاجه
امير بيضحك: ريم اه بعيد عنى وشبه مقيمه هنا بقالها سنه ونص لكنها مش بعيده عن عينى وكل تحركتها عارفها لان ريم حاجه مهمه عندى وبالنسبالى .. انا اخدت علاقتها بلوهان تجربه جديده وكوسيله تتقدم فيها ف حالتها وسيبتها تعيش يومين لكن هتوصل ل ارتباط ..لالالالا معتقدش انى هسمح واعتقد انتى كمان بتفكرى ف كده
يومى:واضح ان هدفنا واحد
امير باابتسامه : احنا مع بعض هنحققه اوكيه
يومى ابتسمت : اوكيه
رجع لوهان من السفر وابتدا وكلم ريم واتفق معاها هيقضوا يوم كامل مع بعض ويكملوا ال بدئوه ...
كانت ريم جاهزه وكانت فرحانه جدا لدرجه رنا استغربت لكن مركزتش المهم انها شايفه ريم مبسوطه وفرحانه ... نزلت ريم كان لوهان مستنيها ف العربيه وركبت معاه :
ريم مبتسمه: صباح الخير
لوهان: صباح اجمل ابتسامه
ريم: صباح مجاملات
لوهان: مش مجامله دا حقيقه ابتسامتك ببتدى بيها اليوم لالا يوم ايه باابتسامتك انا عايش
ريم اتكسفت: قولى هنروح فين وكفايه كلام
لوهان : اوكيه ..يلا بينا وهتشوفى
مشى لوهان وريم وراح ع برج نامسان وطلعوه
ريم: ايه دا
لوهان: ف حاجه كنت بتمناها اوى نعملها هنا انا وانتى
ريم بفرحه: هنط من ع البرج
لوهان بيضحك: لالا مش ناوى اموت انا مصدقت اعيش
ريم اتكسفت ومسك ايدها لوهان وشافت ريم اقفال كتير محطوطه ف السور
ريم: ايه كل دا
لوهان: هنا نجيب قفل وتكتبى عليه امنيه او طلب وتعلقيه وتربطيه هنا .. امنيتك تتحقق وحبك يكمل ..حاجه بيعملوها لتفائل
ريم عجبتها الفكره وراح لوهان اشترى قفلين ع شكل قلب وابتدا يكتب عليه بالكورى والناحيه التايه بالانجليش وريم كمان
لوهان كتب " احبك الى الابد ريم "
وريم كتبت " انا اتمنى اكون معك "
وراحوا علقوا القفلين جنب بعض ..لوهان: كده هتتحقق
ريم بتتنهد: اتمنى كده
راح لوهان شد ايد ريم وقعد يفرجها ع البرج والمحلات التذكاريه واشترالها حاجات عاجبتها وحلويات وشيكولاتات وايس كريم وريم كانت مبسوطه اوى ...
نزلوا من البرج وراحوا ع منطقه وسط البلد لوهان جاله تليفون بعد شويا يرد عليه شاف ريم واقفه عند محل بيعملوا اوشام وبيكتبوا ع ايديهم او رجليهم كده يعنى وقفت تتفرج لوهان شافها ...
لوهان: تحبى تجربى
ريم: لالالا مبحبش ارسم وشم ولا ال بيعملوا بيخلى جسمهم وحش ويخوف ..ربنا خلقنا ف احسن تقويم وجسم ليه نشووه احنا
لوهان معرفش يتكلم لانه اصلا راسم وشم ف دراعه و اغلب جسمه لكن ريم مشفتهوش ... ريم شافت واحده بترسم قلب ع صوباعها ..
ريم: جميل اوى القلب دا
لوهان مسك ايدها : تعالى نجرب هنرسم قلب زيها كده انا وانتى
ريم: لالالا
لوهان شدها ودخلوا المحل وطبعا ال بترسم بتتكلم كورى ولوهان مستخبى ف ال عامله ومش باين منه ملامح طلب منها يكتب اسم ريم ع ايده وريم عرفته منعته ...
ريم: عندى فكره احلى ايه رأيك نكتب حروفنا
لوهان: اوكيه
قعدت ريم والست سألتهم تكتب الحرف فين راح لوهان بسرعه شاور ع الصباع ال بيتلبس فيه خاتم الزواج وكتبت حرف L ولوهان كتب ف نفس المكان ف ايده حرف R ,,, وكان شكلهم حلو خرجت ريم بتبص ع ايديها وصباعها : جميل
لوهان بص هو كمان ع صباعه : جدااا
ريم: فعلا
راح لوهان مسك ايدها وباس الحرف المكتوب ع صباع ريم : انتى كده ملكى مفيش حد تانى هياخدك منى ..
ريم متنحه...:ها
لوهان : كده انا وانتى لبعض متحاوليش تفكرى ف شخص تانى . المكان الخاتم دا بتاعى انا كده اخدته
ريم ضحكت: يلا بينا
راحوا دخلوا مطعم ياكلوا وبعدها اشتروا ايس كريم وهما ماشين ريم بصت ع واحده خارجه ومعاها مجموعه فساتين افراح راح لوهان لاحظ بصت ريم شدها ودخلوا ..
ريم: بتعمل ايه وداخلين هنا ليه
لوهان: برغم ان الاماكن دى بالحجز لكن انا نفسى اشوفك بالفستان الابيض
ريم اتفاجئت: لوهان لالالالا
لوهان ضحك: انا مقلتش نتجوز ع فكره قلت بروفه فستان وعادى هنا
راح طلب من الموظفه تاخد ريم وتلبسها فساتين وريم فاقده الوعى لوهان ال بيحركها وابتدت تقيس ف الفساتين وكان شكلها تحفه وهى مستغربه شكلها بيهم لغايه ما ثبتت ع فستان كلاسيك سيمبل مش فيه شغل كتير بين جمال ريم ولوهان لما شافها تنح وقام وقف : واوووووووووووو
ريم اتكسف : جميل
لوهان: انتى غيرتى شكل الفستان خالص بجد بقى احلى بكتير
ريم اتكسفت راحت غيرت هدومها وخرجت بسرعه وهى مكسوفه ولوهان قعد يهزر معاها وكملوا اليوم وروحت ريم وفضل طول اليل تتكلم مع لوهان لغايه ما لوهان غنلها اغنيه ونامت ع صوته وبقى يوميا ريم تنام ع صوت لوهان واستغنت خالص ع المهدئات ....heart رمز تعبيري
استمر خروح ريم ولوهان لمده شهرين ولوهان بيسافر ومش بيطول وبيرجع علشان ميغبش ع ريم ......
فى يوم رجع لوهان من السفر وقابله جو وون
جو وون: ليو
لوهان: جون ازيك
جو وون فتح موقع ع النت : اقرا الخبر دا
لوهان بص لقى خبر عنه انه بيواعد بنت اجنبيه واهدالها اغنيه من شهرين ف حفله وفيها صوره واسم الاغنيه Lucky
لوهان : وفيها ايه ماكتير بيطلع اشاعات متركزش
جو وون: قبل كده بيتكلموا ع حاجه مش اكيده انما ال بيتكلموا عليها موجوده يا لوهان ..دول قاصدين ريم بص الخبر التانى بصور الحرف ال ع صباعك اثبت كلامهم
لوهان اتعامل عادى: جون سيبهم يتكلموا بكره هيلاقوا خبر تانى عن حد تانى وهكذا دا شغلهم
جو وون: انا بنبهك بس
لوهان: اوكيه ..
مريم كانت قاعده مع ادمز ف المطعم
مريم فاتح النت ..
ادمز..مش ملاحظ ان الاشاعات والكلام كتير عن لوهان بقاله فتره طويله من بعد الحفله من شهرين
ادمز: فعلا انا برضه لاحظت كده
مريم: غريبه ..الاخبار هنا بتبقى سخنه ف يومين وبعدين بيهدى
ويتكلموا ع حد تانى .. لكن المرادى مطولين اوى
ادمز: دا ال قلقان منه ان الموضوع يكبر
مريم: يكبر ازاى
ادمز: يعنى انتى مش عارفه ..ممكن تتأذى ريم الصحافه هنا مابتصدق ولو عرفت هى مين مش هيسبوها والضرر هيوصل لبيت عندها ولوهان هيتأثر ف شغله وحياته ..
مريم : اووبس كده ريم مش بس ال هتتأذى دا كمان رنا وجوزها
ادمز: غير لوهان . وكويس ان ريم مبتشوفش الاخبار هنا ولا متابعاها احنا ندعى ان الموضوع يفضل ع كده ميكبرش
مريم: ياريت
يومى كانت بتكلم ريم عادى ع فترات وكانت بتروح تقعد معاها ف المطعم ولوهان موصيها تهتم بريم ..... فى يوم ريم كانت قاعده ف المطعم يومى كلمتها وخرجت ليها ..وركبت العربيه
ريم: يومى مدخلتيش ليه
يومى بملامح وشها متغيره : عاوزاكى ف موضوع بعيد عن مريم
ريم قلقت: اوكيه
يومى: تعالى نروح نقعد ف مكان
راحوا قعدوا ف كافيه ..
ريم: فى ايه قلقتينى
يومى بملامح قلق: مش عارفه اقولك ايه
ريم: قلقتينى بجد
فتحت يومى اللاب معاها ع موقع اخبار شافت وبالكورى وريم متفهمش الكورى لسه بس لاحظت صوره للوهان ...
ريم: دا لوهان ...
يومى: دا خبر عنه منتشر ف كذا موقع
ريم: خبر ايه كويس ولا
يومى : بيتكلموا عنكم ..انه بيواعد اجنبيه
ريم : وعرفوا منين .. وغير كده فيها حاجه انه يعرف اجنبيه
يومى : انتى متعرفيش ثقافه المجتمع هنا ... الفنان او المغنى الكى بوب زى لوهان بيبقى ليه معجبين ولو ارتبط ببنت من بلده ومن نفس جنسه بيقلبوا الدنيا تخيلى انه مرتبط بواحده اجنبيه من بلد تانيه ودين تانى
ريم: انا علاقتى مع لوهان حاجه بينى وبينه
يومى : كان الاول لكن هى وصلت لصحافه والاعلام بقى لعالم كله
والضرر هيكون ليكى وللوهان لو كبر الموضوع لوهان شخصيه عامه يا ريم ...
ريم قاعده ساكته بتستوعب.. يومى لاحظت كده راحت تكمل كلام :
يومى : الاخبار دى لو استمر وطولت كده ممكن تأذى مستقبل لوهان ويضره ف مشواره الفنى ولوهان بيحب الغنا والموسيقى اكتر حاجه ولو اتحرم منهم مش هيكون سعيد ....
ريم بقلق :طيب انا اقدر اعمل ايه
يومى : مش عارفه انا حبيت اعرفك لان لوهان مبيهتمش بالحاجات ديه لكن هو علشان شخص يهمنى فانا عاوزه امنع اى حاجه تحصل وباباه يعرف وتكبر المشكله ... اوكيه ..يلا بينا
ريم متفاجئه بال سمعته لانها جاهله من ناحيه الاعلام والصحافه والاهتمام الكبير ال ف كوريا بالفنانين ويومى وريتها الاخبار ال طلعت ع فنانين تانين عملت ايه ف حياتهم وقلبتها والناس كرهتهم وف ادمروا نفسيا واتحرموا من حاجه بيحبوها ...!!!
قامت ريم مشيت مع يومى وفضلت طول الطريق سرحانه بتفكر تعمل ايه وتساعد لوهان ازاى ويومى لحظت كده وابتسمت ابتسامه خبيثه ريم مشافتهاش وصلتها وريم نزلت راحت المطعم عند مريم ولما نزلت ريم مسكت يومى موابيلها واتصلت ب امير
يومى: تمام لسه سايبه ريم وعملت ال اتفقنا عليه وانت عليك الخطوه الجايه وانا هحضر ال بعدها
دخلت ريم مبلمه مش عارفه تتكلم ولا تقول ايه مكملتش دقايق رجعت مشيت اخدت تاكسى وروحت ع البيت ....
ع بليل لوهان اتصل بيها وكان مستنيها تحت البيت زى العاده لانه رجع من السفر وكان عاوز يشوفها .. مقدرتش ريم تنزل برغم انه واحشها لان ملامح وشها هتكشفها ويومى طلبت منها متقلوش انها عرفتها حاجه فكلمته انها مش هتقدر تنزل وشويا بعتلها رساله وقالها افتحى باب الشقه ..قامت فتحته لاقت شنطه فيها حلويات وشيكولاتات زى العاده ال بتحبها ريم اخدتها وبعتتله رساله شكرا ع الشيوكلت heart رمز تعبيري........ تانى يوم نزلت تتمشى الصبح ف الطبيعى وهى قاعده حست بشخص جنبها وكان لوهان
لوهان: وحشتينى
ريم ابتسمت : وانت كمان
لوهان: قلت مينفعش مشفكيش يومين ورا بعض لانى هكون مشغول انهارده اوى فقلت اشوفك الصبح
ريم: عملت حاجه كويسه كنت محتاجه اشوفك
لوهان: وحشتك اوى كده
ريم بتضحك: يعنى شويا
مشيوا الاتنين وجابلها عصير الفراوله وقعدوا ..ريم: لوهان
لوهان: ايوه
ريم: الموسيقى والغنا عندك يعتبروه ايه
لوهان بسرعه: حاجه مهمه جداا ف حياتى بس طبعا انتى اهم
لريم: لا بجد
لوهان: بجد هما كل حاجه ليا بعملها بحبها ومفيش حاجه تانيه اعملها غيرهم..
ريم: ولو حصل حاجه وخلتك تبطل
لوهان بخضه: اوووووه معتقدش انى هعرف اتعامل مع الموقف لان مفيش حاجه تانيه ممكن اعملها لان الحاجه الوحيده ال بحب اعملها اتمنعت منها بس موصلتش لكده
ريم: الشائعات هنا بتطول مدتها ولا عادى
لوهان: لا عادى بتاخد وقتها وتروح ..انا اصلا مش مهتم بيها ولا بكلامهم
انا كتير طلعت عنى اشاعات وعادى بتتبخر
ريم: بس ممكن يضرك
لوهان بيضحك: محصلش ومعتقدش انها هتوصل كده
ريم: متاكد
لوهان: ايوه ..
بص لوهان ع الساعه: همشى انا لان عندى تصوير اعلان وبروفه لحفله بكره ..اشوفك
قام لوهان وباس راس ريم ومشى وريم بتفكر تصدق لوهان ولا يومى وتعمل ايه ....!!!
رجعت ريم البيت لاقت امير هناك ...
امير: روما صباح الخير
ريم اتفاجئت: صباح الخير ..جيت امتى
امير: حالا وراجع بليل قلت اشوفك واشوف ملوكه
ريم: كويس ..هغير واجى نفطر سوا
امير: اوكيه
خرجت ريم وقعدت تفطر معاهم كان امير ورنا قاعدين لان فريد نزل ع شغله ف السفاره ....قعدوا يتكلموا ف العادى ومره واحده امير فتح موضوع
امير: شوفتى الخبر ال حصل من يومين ف اليابان
رنا: خبر ايه
امير: ممثل يابانى ارتبط ببنت من عربيه والعلاقه وصلت لصحافه والكلام كتر عليهم
رنا: انا سمعت الموضوع دا من شهر
امير: انا كنت هناك الاسبوع ال فات ف اليابان وعرفت انه بعد الاجبار اعتزل لانه مستحملش وأثر ع مسيرته الفنيه والبنت اهلها شبه اطردوا من البلد بعد فضيحه كبير ..يعنى لا حافظ ع شغلته وسيرته ولا البنت
رنا: ياااه هما دول شرق اسيا كده دا هنا مبيسبوش اشاعه ف حالها انا بطلت اتفرج ع اخبارهم بقالى كتير علشان كلامهم يجيب احباط
امير: علشان كده الواحد لما يتقرب لمشهور ف بلد ثقافتها مختلفه يخلى باله علشان ميضرهوش ولا يضر نفسه ...ولا ايه ياريم
ريم سامعه الكلام اتوتر وخافت : ها
امير: اقصد لوهان يعنى ابقى حذريه ميغلطتش لان الغلط هنا بفوره مش بينسوا
ريم باصه قدامها: اوكيه ..اوكيه
فضل امير مراقب ريم وردود افعالها حس انه عمل ال عاوزه وانها اتوترت وخافت .....!!!
مر اسبوع وريم خرجت مع لوهان عادى مرتين تلاته وعرفت يومى قررت تاخد الخطوه الاخيره لان ريم مش عاوزه تسيب لوهان ....
سافر لوهان و ف يوم يومى طلبت من ريم تقابلها ضرورى لان ف شخص عاوز يقابلها ... استنتها ف العربيه واخدتها وف الطريق عرفت انها رايحه الشركه هتقابل ابو لوهان شخصيا ومقلتلهاش ع السبب ...
وصلت ريم المقر وشويا ودخلت يومى وريم وابو لوهان دخل :
يومى : مستر بارك يا ريم
ريم وقفت تسلم وهى متوتره مش عارفه فى ايه وقعدت
مستر بارك: اختصار لوقتك ووقتى هدخل ف الموضوع مباشر
ريم: اتفضل
فتح الللاب مستر بارك: اعتقد انك شوفتى الاخبار دى ..يومى قالتلى انها قالتلك عليهم
ريم بصت ليومى لاقتها بتحرك راسها ..
ريم: ايوه
مستر بارك حط صور قدام ريم: كنت متوقع منك خطوه ايجابيه لكن بعدها ع طول تخرجى معاه وتتصوروا كده وبصعوبه منعنا النشر ..يبقى انتى بتاكدى الاشاعات على لوهان .... والاذى هيطول الكل .. اعتقد ان زوج اختك فى السلك الدبلوماسى المصرى هنا ف السفاره واشاعه لو دى وصلت لهناك بصوره هتبقى فضيحه ليه ...انا عاوزك تتخيلى الموقف هيبقى ازاى وهيوصل ازاى لمجرد علاقه فاشله للاسباب كتير دينك ومجتمعك غير هنا ..
ريم سامعه الكلام ال زى الطوب وبتتماسك ..
مستر بارك: انا طلبتك هنا علشان اطلب منك معروف واتمنى متخذلتيش دا لو لوهان يهمك واسرتك كمان تهمك بعيد عن الانانيه ؟
ريم بتبصله: اتفضل
مستر بارك : اقطعى علاقتك ب لوهان وارجعى لندن لحياتك وسبيه لحياته هنا ... ع الاقل مش هيحصل ل اى حد ضرر هيعيش حياته ويكمل مشواره وزوج اختك هيكمل ف شغله من غير فضايح ولا كلام ....
ريم ساكته مش قادره ترد ...
مستر بارك: انا منعت نشر الصور دى بصعوبه ومش متوقع هقدر الحق لو حصل تانى ولا لا ... القرار ف ايدك ... اذى شخص ولا اذى مجموعه ...انا هحمى ابنى باى طريقه ..لكن مضمنش ايه هيحصل ....
ريم مصدومه من الكلام وطلبت تمشى ومشيت وهى مذهوله بال سمعته وان فريد ورنا دخلوا ف الموضوع وهتبقى فضيحه وضرر ليهم وللوهان ....رجعت البيت ويومى بعتت ل امير رساله one
رجعت ريم صدومه من ال سمعته والاذى ال ممكن يحصل لكل ال حواليها فريد ورنا وللوهان ..
اتصلت بغاده تساعدها كلمتها وهى منهاره حاولت غاده تهيدها واخر الكلام قالتلها : مفيش غير حل واحد ياريم كان المفروض يحصل من الاول ومينفعش يتأخر علشانك وعلشان ال حواليكى وبتحبيهم ...
ريم ودموع نازله من عنيها: اسيبه
غاده: هو دا الحل الوحيد فى الفتره دى واى تأخير مش لصالح حد
قفلت ريم وانهارت ف العياط لمجرد تخيل انها هتسيب لوهان خالص ...فضلت قاعده ف اوضتها والكل لاحظ تغييرها رجعت لهدوء ومبقتش بتنزل لا الصبح ولا بليل وقالت انها تعبانه وبتنام ....
مر اسبوع ورجع لوهان من السفر وقعد يتصل ب ريم مبتردش عليه وهى شايفه الرقم ومش قادره ترد وكل ما تبص ع رقمه دموعها تنزل من عنيها .....
كان لوهان بينزل الصبح ويدور عليها ف الحديقه مش يلقيها .راح المطعم عند مريم يسأل ع ريم قالتله مبقتش تنزل زى الاول ... استغرب لوهان من تصرفات ريم حاول يتصل بيها مردتش ...لدرجه انه فكر يروحلها البيت وفعلا راحلها واتفاجئت رنا بوجوده ودخلت لريم رفضت تشوفه بتلكيك انها تعبانه ....مر 5 ايام ع الحال دا ولوهان مستمر بالاتصال وكان دايما بيبعتلها
"وحشتينى "
"عاوز اشوفك"
" انتى فين كل دا "
"مالك ياريم قلقتينى "
" ردى عليا اطمن"
" ريم مش عارف اشتغل من التفكير "
" انا مزعلك فى حاجه "
" لو زعلانه انى رجعت متاخر عن ميعادى بجد انا اسف "
بتقرا ريم الرسايل ال ورا بعض ودموعها نازله من عنيها
ريم بصت ع الحرف مكتوب ع صباعها : انا اسفه يا لوهان .. انت وحشنى وعاوزه اشوفك ... لكن هقابلك اقولك ايه ... انا مش مستعده دلواقتى ...مش عارفه ازاى هسيبك وامشى ..مش عارفه ازاى اودعك .. مش عارفه ..مش عارفه
انهارت ريم من العياط وهى مش قادره تواجهه لوهان ...
لكن يومى بعتتلها رساله " ريم .. لوهان حالته النفسيه مش كويسه خدى قرارك باباه مستنى قرارك انتى اتأخرتى كتير وكل دا خساره لوهان مبيشتغلش اليومين ال فاتوا .... وضحى موقفك معاه .. بلاش تضيعى وقت ..مستر بارك مبيهزرش "
قرتها ريم وحاولت تتشجع وخصوصا فتحت اللاب لاقت الاشاعات مستمره والمرادى بتلميح باول حرف وعندها كام سنه معلومات ريم الرسميه ...مر يومين اتمالكت نفسها فيهم واتصلت بلوهان وقابلته ف المطعم عند مريم .. واخدته وخرجت ف حديقه قدام المطعم وقعدت هى وهو
لوهان بيمسك ايدها : وحشتينى ياريم فينك كل دا
ريم سحبت ايديها : كنت تعبانه
لوهان: من ايه
ريم: التفكير
لوهان: ايه بتفكرى فيه شاركينى
ريم بصت للوهان واتمالكت نفسها وشجعت نفسها وجواها بيتقطع من قرارها لكن هى شايفاه الصح : لوهان
لوهان: ايوه
ريم: هرجع لندن ومش هاجى كوريا تانى
لوهان: مفيش مشاكل انا هجيلك هناك
ريم سكتت لحظات: لوهان .. انا عاوزه اقطع علاقتى بيك
لوهان اتفاجئ: ايه ..ليه ..انا زعلتك ف حاجه
ريم : علاقتنا غلط من الاول وانا غلطانه انى استمريت فيها
لوهان: مش فاهم انا غلطت ف حاجه
ريم بتتمالك نفسها: ممكن تقولى اخر علاقتنا ايه
لوهان: ال انتى عاوزاه
ريم فكرت بسرعه ف عذر : ال عاوزاه ... هينفع نتجوز
لوهان: معنديش مشكله نتجوز
ريم: ازاى
لوهان:سهله مفيش مشكله وانا مستعد
ريم بصتله وقاطعته ف الكلام : انا الي عندى المشكله انه مينفعش انت مش مسلم وعلاقتى بيك غلط
لوهان: اه علشان انتى مسلمه عادى نتجوز مدنى
ريم : لا طبعا
لوهان : لو ع كده انا ممكن أأسلم سهله
ريم بصتله: هتأسلم علشان تتجوزنى بس
لوهان: وهو ف سبب تانى اقوى من كده
ريم اضايقت واتلكتت بالموضوع دا: لو حصل انا مش موافقه واه طبعا ف سبب ااقوى ربنا ...هتدخل الاسلام ادخل علشان ربنا وانت عاوز كده ومقتنع بكده ..الدين دا حياه عايشنها مش بااستهتار كده ..مش علشان واحده حبيتها مخلوقه زيك ممكن ف لحظه تموت ..هتعمل ايه وقتها هترجع لدينك ببساطه كده
لوهان: انا ممكن اعمل اى حاجه علشانك ومبعدش عنك
ريم: لا هتبعد يا لوهان لان ممكن اموت والموت هيكون سبب
انا وانت ارتباطنا ببعض مستحيل وانا ال عيشنا ف حلم لكن الواقع مختلف .... نعتبر الفتره ال فاتت ذكريات حلوه هنعيش بيها .. فارجوك سيبنى ومتكلمنيش تانى ودجى اخر مره نشوف بعض
لوهان بيحاول يمسك ايديها :ريم
ريم قامت وقفت: هو دا الحل يرضى الجميع وميسببش أذى ل اى حد وليك .... ولو قلقان عليا متخافش انا هقدر اسيطر ع مشاعرى وهتعامل معاها ..وانت كمان هتقدر ..اوكيه
مشيت ريم ..
لوهان: ولو مقدرناش
ريم بصتله..
لوهان: لو مقدرناش نتغلب ع مشاعرنا واحساسنا فضل هو هو
ريم بصتله ودمعه نازله من عنيها : هنقدر ..لازم نقدر
لان احنا نبقى مع بعض مستحيل هيحصل
مشيت ريم ودموعها نازله ولوهان قاعد مصدوم مش عارف ايه حصل واتغيرت كده ليه ....
راح ع المطعم يكلمها تانى لاقاها مشيت حاول يلحقها معرفش ..حاول يكلمها مردتش ...ف نفس اليوم بليل بعتلها رساله
" Reem ..
You are my SunShine ... I need You ...You are the one and the only .. please back dont go "
ردت عليه ريم "' It's Over Bye"
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!