رواية لقاء مستحيل ليآرا سمير الفصل الرابع عشر 14 - بقلم ملك صلاح

ريم بتضحك..

لوهان: بتضحكى ليه

ريم: قبل ما انزل كنت بتكلم مع مريم وبقولها هنطلع الجبل قالتلى انتى ولوهان مجانين علشان العبه وقالتلى ايه السبب انه بيعمل معاكى كده قلتلها علشان ...

لوهان قاطعها وباصص قدامه بالكورى : بحبك

ريم متفاجئه لانها سمعت كويس : ايه

لوهان بص ل ريم وبالانجليش : بحبك ... بحبك يا ريم

ريم واقفه اتصلبت من المفاجئه ومصارحه لوهان بحبه : لو..هان

لوهان اخد نفس: انا عارف ان انا عديت حدودى ومينفعش لكن دا حصل من غير ترتيب ... انا بحبك ومش مستنى منك تحبينى ف المقابل ..انا كفايه عندى اشوفك سعيده واشوف ابتسامتك قدامى واحس بوجودك معايا واسمع صوتك هو دا ال محتاجه بس ومش طالب منك لا وعود ولا حب مقابل .. انتى خليكى زى ماانتى بتتعاملى ..وانا مشاعرى هتعامل معاها بس بشرط متبعديش عنى ممكن ...

ريم متفاجئه وحست انها هتقع لوهان مسكها : ريم انا مصدقت انى لاقيتك ...حياتى اتغيرت بوجودك فيها .. ومش مستعد اخسرك .

واقفه ريم باصه للوهان وعلى وشها ملامح متفاجئه ومش عارفه ترد ل اول مره ريم حد يقولها بحبك ومتردش عليه ف وقتها وتقف ساكته كده ...
ريم جمعت نفسها : لوهان ..مينفعش ال بتقوله دا

لوهان: مش باايدى اتحكم عارف انى عديت حدودى معاكى لكن انا عديتها من غير ما احس ..غلطت لكن مش غلط انى احلم ..حلمى بسيط لمده شهر اعيشه معاكى وبعدها هتلاقينى عادى جدااا ومش هقولك الكلمه دى تانى ..ممكن تسمحيلى اعيش الحلم المؤقت دا اكمل الحلم ال استنيته كتير ..وزى ما اتفقنا هناكل النودلز السوداء باعتبار اننا سينجلز

ريم من كلام لوهان تاهت ومش عارفه ترد : ممكن ننزل

لوهان: اوكيه يلا ...

وريم نازله لوهان: ريم

ريم بصتله: ايوه

لوهان: انا مسافر لمده اسبوع لما هرجع قوليلى قرارك نكمل الحلم ولا نلغيه ونرجع لعلاقتنا العاديه ...لكن ارجوكى متاخديش قرار تبعدى عنى لانك انتى الشخص الوحيد ال قابلته وبقى قريب جدااا ليا وبعدك هيأثر فيا

ريم : يلا ننزل

ريم نازله ساكته ولوهان ماشى وراها بخطوتين ومتكلموش لغايه ما نزلوا وادمز شايف ريم ملامح وشها متغيره ولوهان كمان ...

مريم: ريم ..مالك ؟

ريم مسكت راسها: مصدعه اوى هطلع اوضتى ارتاح

مريم : ادمز ..انا طالعه مع ريم

ادمز: اوكيه

راح ادم ل لوهان ..ادمز: لوهان

لوهان : ادمز انا عاوز اقعدى لوحدى شويا ممكن

ادمز مقدرش يقول حاجه وسابه طلع اوضته ....

مريم مع ريم ف اوضه
مريم بقلق: ريم انتى تعبانه اطلب الدكتور

ريم: لالا انا منمتش كويس شويا هنام وهبقى كويسه

مريم: اوكيه انا جنبك لو عاوزه حاجه

ريم: لا انزلى كملى يومك انا لو احتجت حاجه هكلمك .. وشويا هنزل

مريم: طيب انتى جاهزه علشان الطياره بكره الصبح

ريم باابتسامه : عارفه متقلقيش انزلى انتى

مريم بقلق: اوكيه ..كلمينى لو احتجتى حاجه

ريم: اوكيه

نزلت مريم بعد اصرار من ريم وريم قعدت ع السرير بتحاول تستوعب ال سمعته وعلقت معاها جمله لوهان "الحلم" فعرفت ان اقتراح اللعبه دى مش مجرد لعبه بالنسباله لكن حاله بيعيشها بتخليه سعيد ...قعدت تفكر وتفتكر ومش عارفه توصل لحل ولا قرار ..للاول مره ريم تحتار تاخد قرار او تعرف تعمل ايه فضلت قاعده ع السرير سرحانه بتفكر وبتحاول تستوعب وتلاقى حل ....!!!

فى نفس اليوم يومى راحت الشركه تدور ع لوهان ودخلت ع الاستوديو وكان موجود هناك جو وون لوحده ..يومى: جون

جو وون اترسمت ابتسامه ع وشه : يومى

يومى: عامل ايه ..انت لوحدك هنا

جو وون : انتى معايا

يومى: لوهان فين مش عارفه اوصله من يومين لا ف الشركه ولا ف شقته وموبيله مقفول ..تعرف فين

جو وون: مسافر

يومى: مسافر .. جدوله مفهوش سفر الايام دى هو هيسافر بعد بكره

جو وون: لا هو مسافر جوه كوريا مش بره

يومى : فين

جو وون : جيجو

يومى: لوحده

جو وون بتلقائيه: مع ريم

يومى سمعت الاسم اتفاجئت: ريم ..مين ريم

جو وون حس انه اتسرع: هو انتى متعرفيش مين ريم

يومى : لا مين ريم

جو وون حب يلحق نفسه: ع العموم هناك معاهم مريم وادمز

يومى علاقتها وحشه مع مريم وادمز مش بتحبهم وهما كمان ومعنى ان لوهان معاهم ومعاهم شخصيه جديده دا حاجه زود فيها الشك والقلق ...

يومى بدلع: جون

جو وون: ايوه

يومى: مين ريم وعلاقتها ايه ب لوهان

جو وون: لوهان لما يرجع يقولك

يومى بتقرب من جو وون: لا انت ال هتقولى وهتقولى كل ال تعرفه ..انا يومى ها ..بليز

جو وون زى ال يومى سحرته وابتدء يحكلها ع اول معرفه لوهان ب ريم ف لندن ومقابلته ليها ف كوريا وموضوع السلسله وبدايه علاقتهم لغايه ما سافر جيجو معاها ...

خرجت يومى من عند جو وون: كل دا يحصل ف السنه ال غبتها ومحسش بحاجه ..واضح ان فتنى كتير ...!!

فضلت ريم قاعده ف اوضتها بتفكر تعمل ايه وتتصرف ازاى ..برغم انها ف المواقف دى كانت بتعرف تتصرف وردها بيكون جاهز مع اى شخص يعرض عليها الارتباط او يقولها معجب بيكى ..لكن هى فى حيره مش عارفه تاخد قرار .. فقامت تغير هدومها وتنزل ليهم وهى نازله ع السلم شافتها مرريم وهى رايحه اتجاه الاسانير علشان تطلع ليها ..

مريم: ريم

ريم: مريم

مريم: كنت لسه هطلعلك علشان نتعشى احنا مستنيك

ريم: اوكيه يلا

مريم: انتى نزلتى 17 دور ع السلم ليه

ريم: هما 17 دور محستش بيهم

مريم بتضحك: انتى متغيره من الصبح هو طلوع الجبل بيعمل كده

ريم : ها ها ها ..يعنى

مريم : طيب يلا بينا

راحت ريم اتجاه الترابيزه وكان لوهان قاعد هو وادمز بصت ل لوهان وراحت قعدت جنبه ..

لوهان: انتى تعبانه

ريم: لا ابدا صداع بسيط

مريم: اصلها منامتش كويس امبارح

ادمز: قله النوم غلط ع صحه الانسان

ريم: فعلا ..يلا ناكل

ابتدت ريم تاكل وباصه ف الطبق وهى جنب لوهان حاسه بااحساس غريب بيشدها ليه بعكس ما كانت متخيله ومتوقعه انها لما تشوفه تانى بعد ال قاله انها هتنفره وتبعد عنه ومش هتستحمل تقعد جنبه ...
بقت ريم مش فاهمه حاجه خلصت اكل واستأذنت انها هتطلع الاوضه علشان مصدعه ولاحظ لوهان انها متغيره ...

قام لوهان وطلع اوضته وشويا نزل راح البار وراح ليه ادمز ....ادمز: مش هتحكيلى ايه حصل

لوهان بيحرك الكاس قدامه : اعترفت ل ريم

ادمز: بايه

لوهان: انى بحبها ومش بمثل

ادمز اتفاجئ: لوهان

لوهان : مقدرتش امنع نفسى وخصوصا انى عرفت ان مفيش فرصه هتجيلى بعد كده هقدر اقولها بال حاسس بيه اتجاهها بعد ما عرفت انها مخطوبه

ادمز: مخطوبه ..مين ..ريم

لوهان: امير قريبها ال كان موجود قالى وعزمنى ع الخطوبه هتكون قريب .. انا حسيت انى لو مقلتش ل ريم انى بحبها هندم عمرى كله ندم مش هسامح نفسى عليه

ادمز عارف ان موضوع امير وريم مش صحيح ومفيش خطوبه لان ريم رافضه امير وعرف كده من مريم ..لكن ادمز حس بسكوته وانه ميقولش ل لوهان الحقيقه افضل حل يساعده انه يبعد عن ريم علشان ميضرش نفسه ....

ادمز: ودلواقتى مش ندمان

لوهان: مش عارف ..

ادمز: طيب هتعمل ايه

لوهان: القرار معاها انا سيبتها تقرر هى لكن ..

ادمز: لكن ايه

لوهان بيخبط ع قلبه: دا مش قادر يقتنع انها مش ليه وانها هتكون لواحد تانى ... رافض يصدق ومش قادر امنعه

ادمز: ريم ماقلتش انها بتحبك

لوهان بص ل ادمز: لكن انا بحبها وبحبها جدااا ياادمز

ادمز سكت ومتكلمش معرفش يقول ايه
ادمز: الوقت ..مع الوقت كل حاجه هتكون تمام

لوهان : اتمنى كده ..اتمنى كده ...

منمتش ريم طول اليل من التفكير وعمال تقول لنفسها : اكيد هو فهم غلط ... اكيد دا احساس مؤقت عنده وانا هفهمه الصح ..هو ميقصدش ال قاله اكيد وهى بتكلم نفسها حست بدقات قلبها اول مره تحس بكده قامت قعدت حاولت تظبط تنفسها مش فاهمه ال فيها دا من ايه ..حاله غريبه اول مره تحصلها ومش لقيالها تفسير ....فضلت طول اليل تطلع ف مبررات علشان متبعدش عن لوهان او معنى اصح تبعد فكره قطع العلاقه ...

تانى يوم الصبح جهزوا شنطهم وراحوا المطار وركبوا الطياره ومتكلموش غير قليل وطول الطريق ف الطياره نايمين او معنى اصح ريم ولوهان مغمضين عينهم هربانين من انهم يواجهوا بعض ... وصلوا وكانت ف عربيه مستنياهم بتاعه ادمز ركبوا ووصلوا ريم ومريم ....

نزل لوهان من العربيه ينزل شنط ريم

ريم باابتسامه: شكرا

لوهان: يو ويلكم

ريم : باى

لوهان: ريم

ريم: ايوه

لوهان: انا مسافر بكره لمده اسبوع .. جلسات تصوير وحفله ف نهايه الاسبوع ... هستنى منك رساله ...

ريم : اوكيه

طلعت ريم البيت وكانت رنا قاعده ومعاها ملك سلمت عليهم ريم وقعدت معاهم شويا وادتهم الهدايا ال اشترتها من جيجو وشويا دخلت اوضتها لاقت رساله من لوهان "انا وصلت البيت ..اتمنى تكون جيجو عجبتك "

ريم مسكت الموبيل وردت عليه " اكيد عجبتنى ونكررها قريب "

بعد ما بعتت الرساله بصت ليها واستغربت نفسها : ايه ال بعته دا .ويعنى ايه نكررها قريب ..ايه ال عملته دا
رمت التليفون جنبها وقعدت تفكر : هو ميقصدش اكيد هو ميقصدش

وهى بتكلم نفسها حست بدقات قلبها عليت خرجت ريم تلهى نفسها تقعد مع ملك ورنا وفريد وشويا دخلت تنام سمعت صوت رساله وكان لوهان " انا رايح المطار دلواقتى "
ريم ردت تلقائى "هستنى رسالتك لما توصل "
ريم: ايه ال بعمله دا وايه السرعه دى وايه هستنى دى .. اه ما احنا بنتعامل عادى اصحاب اصحاب

معرفتش تنام قامت طلعت ورق وقطعته ولعبت لعبه الاختيار وكتبت ف ورقه لوهان وورقه X ..طلعت فى اول مره لوهان كررت المحاوله وتغير ف الورق لغايه ما ملت بسكت الزباله جنبها ورق وكل الورق بيطلعلها اسم لوهان ...

فضلت سهرانه لغايه ما لوهان بعتلها رساله انه وصل راحت ردت عليه وحطت الموبيل جنبها ودورت ع علبه المهدى اخدت منه علشان تعرف تنام ودماغها تفصل ...

تانى يوم طلبت ريم من فريد يحجزلها ع لندن قالت عاوزه تشوف رامى ...فعلا حجزلها فريد وسافرت ريم لندن وقعدت مع رامى شويا واتصلت ب غاده اخدت منها ميعاد وراحت :
غاده: روما وحشتينى اشوفك ف شهرين ورا بعض انا قلت انك بقيتى مقيمه ف كوريا خلاص

ريم: ماهو مامى ورامى بيجولنا ع طول واقرب فرصه بجى اشوفك

غاده: ها طمنينى عليكى

ريم بملامح ثابته: غاده

غاده: مالك ...ف حاجه تعباكى

ريم: مش عارفه افكر حاسه انى مشلوله

غاده: ليه مالك

ريم: لوهان ..قالى انه بيحبنى

غاده اتفاجئت: قالك بجد ولا هزار

ريم : بجد ملامح وشه كانت حقيقيه اول ما قالى جسمى اتصلب مقدرتش اتحرك ولا اتكلم ...معرفتش ارد عليه وقتها زكملت اليوم هروب بالنوم واحنا راجعين متكلمناش مفيش كلام هقوله ليه وبعدين سابلى القرار

غاده: كملى

ريم: واكتشفت ان لعبه الارتباط هو كان حقيقى فيها مش تمثيل

غاده متفاجئه : لعبه ارتباط ...

ريم بصت ل غاده : انا صح مقولتلكيش

غاده: ومقولتليش ليه

ريم: انا قلت لعبه وخلاص

غاده : لا انت مقولتليش علشان كنت هقولك لا وانتى عاوزه دا

ريم بصت ل غاده :غاده انا

غاده قامت قعدت قدام ريم : لوهان لما قالك بحبك اتصرفتى ازاى هاجمتيه ..رديتى عليه ... قطعتى علاقتك بيه ..بعدتى عنه

ريم هزت راسها: ولا قدرت اعمل اى حاجه من ديه حسيت انى اتثبت ف مكانى ... حتى بعدها لاقيت نفسى بتعامل معاها زى الاول ولا حسيت بنفور ولا انى عاوزه ابعد عنه ومش عارفه اخد قرار اقطع علاقتى بيه ولا لا

غاده بسرعه : اقطعى علاقتك بيه

ريم بسرعه بملامح رفض : لا ...لا ...لا

غاده: قوليلى حاسه بايه الفتره الاخيره

ريم: مش عارفه بجد مالى انا اتعلقت بلوهان زياده بقى حاجه اساسيه فى يومى لو كلمته ومردش او بعتله رساله واتاخر ف الرد بفضل قلقانه لغايه ما يرد ..لما يقولى انه مسافر ويبعت يقولى كده بفضل صاحيه مستنيه رسالته انه وصل ...بقلق عليه وبحب اكون معاه ببقى ف سعاده محستش بيها وانا معاه .. لكن لما قالى بحبك ..قرار اقطع علاقتى معاه مش عارفه انفذه ..مش عارفه ليه ..

غاده بتاخد نفس وبملامح غير مرتاحه: علشان انتى كمان بتحبيه

ريم بصت ل غاده متفاجئه : بحب.... لوهان...لالالالا

غاده: بهدوء كده... كل ال حصل وكل ال بتحكيه ملهوش غير تعريف واحد حب ..لما تحبى تشوفى شخص واحد عن الكل وتفضلى تكونى معاه عن غيره حب...لما تسمحى لشخص يقربلك لدرجه انه يشاركك معاناتك وهو مش عارف دا حب ...لما تقلقى عليه وتفكيرك يبقى مشغول فيه لوحده دا حب ...لما تسمعى صوته او تكونى معاه تحسى انك معزوله عن العالم ومطمنه ومش عاوزه غير تكونى معاه دا حب . انه يكون امانك ف عز خوفك .انه يعترفلك بحبه وانتى مترفضيش وميبقاش عندك رغبه بالرفض واتعاملتى معاه عادى دا حب ..

ريم متفاجئه من كلام غاده ...

غاده:انا كنت شاكه فى الاول فى نوع علاقتكم انتى قولتى صداقه مميزه لكن ال عمله لوهان معاكى كان اكتر من صداقه وكان باين جدااا ...هو ساعدك تعدى مراحل كتير من غيره كنا هناخد وقت ...لكن متوقعتش انك تحبيه انتى كمان

ريم متفاجئه: لالالا اكيد انتى فهمتى غلط ال بينا

غاده: ال بينكم مشاعر وحب مفيش مجال لنكران ... مشاعر ساعدتك تتغلبى ع حالتك بنسبه كبيره ...مشاعر كنتى محتاجاها علشان تتلغبى وتكملى مشوار علاجك بيها ..كنتى مش لاقياها واتبعتتلك ... هى مش غلط علشان تتخضى كده لكن للاسف مع شخص غلط
ريم باصه ل غاده.. غاده: للاسف لوهان شخص صعب تكونى ف علاقه جاده معاه وانا بقولك من دلواقتى قبل ما تتعلقى اكتر بيه ... مينفعش ترتبطوا ببعض للاسباب كتيره اولهم الدين

ريم قاطعت غاده بتهرب من الكلام : انتى كبرتى الموضوع يا غاده ..علاقتى انا ولوهان هى صداقه مميزه مش اكتر هو ممكن فهمها غلط زى ماانتى فهمتيها غلط وانا هساعده يرجع لمفهوم الاوانى ليها ومش هسيبه

غاده : ريم.. نكران الحقيقه مش حل
قامت ريم بسرعه : انا همشى علشان متاخره ومسافره بكره

قامت ريم ومشيت ومن غير ما تكمل كلام مع غاده .. غاده ع صوره ريم ف الملف : اتمنى يا ريم تقدرى تعملى حاجه قبل ما الوقت يفوت لان هروبك ونكرانك بالحقيقه مش حل ...لان طوق النجاه ال انقذك لو ضاع هتغرقى تانى من الاول ..!!

خرجت ريم من عند غاده وهى بتحاول تنكر كل كلام غاده ع انها بتحب لوهان ومشاعرها حقيقيه اتجاهه وان ال بينهم حب مش صداقه وانه مينفعش و.. و..و.. ريم قررت ان ال بينها وبين لوهان صداقه وهتحافظ عليها ...قبل يوم الحفله بعتت ريم للوهان رساله
" اتمنالك الحظ السعيد .. فايتنج "

لوهان شاف الرساله فرح اوى بيها لانه كان مستنيها ...!!!

رجع لوهان من السفر وريم كانت رجعت كوريا واخدت قرار ان ال بينهم صداقه مش اكتر علشان لو كلام غاده حقيقى تبقى نهايه كل حاجه و هتخسر لوهان فقررت تتجاهل اى حاجه تانيه ... اتصل لوهان بريم لما وصل وطلب منها تنزل تقابله قدام العماره زى كل مره لما بيرجع من السفر علشان يشوفها وريم من غير تفكير لبست ونزلتله ...
ريم مبتسمه: لوهان

لوهان: ريم ..وحشتينى

ريم: وانت كمان ... ايه الاخبار

لوهان : تمام ...

كان ماسك شنطه فيها حلويات وشيكولاتات : اتفضلى
اخدتها ريم وع وشها ابتسامه : شكرا شكرا

لوهان باصص ع ريم : اعتبر ردك وصل

ريم قعدت ع ديسك : اقعد يا لوهان

قعد .. ريم باابتسامه : انا اسفه انى اتاخرت ف الرد بس كنت محتاجه ارتب افكارى .. واضح انك فاهم علاقتنا غلط لاننا اتقربنا لبعض انه حب و...

لوهان قاطعها: لا مش فاهم ..
انا اتكلمت عن احساسى اتجاهك الحقيقى انا بحبك

ريم سمعت الكلمه وهى باصله تنحت لحظات وحست بدقات قلبها هتعلى جمعت نفسها : لوهان ... انا هعتبر نفسى مسمعتش حاجه لا هنا ولا ف جيجو واحنا ال بينا صداقه مميزه بلاش نخسرها ونكمل زى مااحنا ابتدينا ..توعدنى

لوهان بص ل ريم: بعد لما مده اللعبه تخلص ...ممكن

ريم : احم ... اوكيه دا طلبك وانت علشان كتير عملتلى ونفذتلى طلباتى والفتره قربت تخلص احنا مش هنفضل مستمرين فيها كتير يعنى وانا بصراحه كنت بتمنى فرصه اردلك جزء من ال عملتهولى .. وانت حابب نكمل العبه دى فاانا موافقه بشرط بعدها توعدنى ان ال بينا صداقه بس

لوهان مبتسم: اوكيه وانا موافق

ريم بصت ع لوهان لاقته بيبتسم ابتسمت: اوكيه ..يلا تصبح ع خير

لوهان: تصبحى ع خير

مشيت ريم وملامح وشها من بعد ما كانت مبتسمه بقت متوتره وحطت ايدها ع قلبها حست بيه بيدق اوى : ايه ال قلته دا انا كنت نازله اقوله لو هيفضل كده نقطع علاقتنا علشان يفوق ..اقوم اهاوده ونكمل ايه ال بعمله دا وايه التوتر ال انا فيه دا ...

ولوهان واقف وحط ايده ع قلبه وابتسم وحس بسعاده والقلق راح : صداقه صداقه المهم انتى معايا مش هتسيبنى ......

اتعاملت ريم زى ما اتفقت مع لوهان ورجعوا تانى لطبيعتهم لدرجه ان ريم نسيت انها فكرت تقطع علاقتها بلوهان وعاشت ف حاله نكران الحقيقه انها بتحب لوهان هى كمان وبتكدب نفسها من خوفها انه يبعد عنها ..

واستمرت خروج ومقابلات لوهان مع ريم ومريم وادمز وادمز استغرب من تعاملهم ببعض بعد ال سمعه من لوهان لانه اتوقع ان ريم هتقطع علاقتها معاه لكنه شاف انها اتقربتله اكتر عن الاول ودا خلااه مش فاهم ريم عاوزه ايه ....!!

فى يوم ريم قاعده فى المطعم مع مريم واصحابهم وشويا لوهان جه قعد معاهم وهما قاعدين سمعوا صوت : مساء الخير

الكل بص اتجاه الصوت ..لوهان متفاجئ: يومى

يومى باابتسامه: ممكن اقعد معاكم

مريم بملامح غير مرتاحه : يومى ..بقالك سنين مبتجيش انا قلت خلاص مش هتيجى هنا

يومى باابتسامه: علشان اوبا مش كان بيجى هنا ..لكن هو هنا فاانا لازم اكون هنا يا ريمو

مريم : هاهاهاهاها

لوهان بص ل يومى: انتى جيتى ليه فى حاجه

يومى بدلع: اوبا ..هى دى المقابله مش عارفه اشوفك لا ف الشركه ولا الشقه ولا الاستوديو وعرفت انك بتقعد هنا اكتر الوقت

يومى بتبص ع ريم : مش هتعرفنى

لوهان : اها .. ريم ..اعرفك بــ يومى ...يومى .. اعرفك ريم

ريم باابتسامه: سمعت اسمك كتير من لوهان وحبيت اتعرف عليكى هاى

يومى بتضحك: انا بقى مسمعتش اسم خالص غير دلواقتى ومع ذلك احب اتعرف عليكى

لوهان حس بطريقه يومى غريبه شويا: يومى تشربى ايه

يومى: لا .. انا هاكل

ريم: الاكل هنا هيعجبك اوى

يومى بالكورى: واضح واضح

ريم مفهمتش بس ابتسمت .... كملوا القاعده ومريم ولوهان مش مرتاحين من وجود يومى لكن ريم بتتعامل بتلقائيه معاها لانها انسانه قريبه للوهان زى ما حكلها .... شويا ومريم قامت ولوهان قام يرد ع موبيل ...

يومى : ريم ..اسمك جميل

ريم: شكرا

يومى: واضح كده انك انتى واوبا اصدقاء بقالكم فتره

ريم: ممكن تقولى بقالنا سنه وشهور

يومى: اهااا لما كنت ف لندن بدرس

ريم: انتى كنتى بتدرسى ف لندن

يومى: لسه مخلصه جامعه السنادى

ريم: جامعه ايه

يومى:إمبريال كوليدج

ريم : دى نفس الجامعه ال اتخرجت منها

يومى: واوباا كمان اتخرج منها

ريم: صدفه حلوه اوى

يومى: لازم نكون اصحاب واضح ان فى حاجات مشتركه بينا

ريم: اوكيه

ف الوقت دا اخدت يومى رقم ريم وسجلته وريم اخدت رقمها ورجع لوهان ع الترابيزه ...

لوهان: بتتكلموا فى ايه

يومى: خلاص ريم بقت صاحبتى

ريم: دى حاجه تسعدنى اوى

لوهان ع قد ما فرح من الخطوه دى لكن مش مرتاح لتصرفات يومى الهاديه الغير معتاده .... قام لوهان ويومى يمشوا ولوهان راح يوصل يومى ..

لوهان: مفاجاءه حلوه انك تيجى ايتوان معانك قلتى انه مكان مش مناسب ليكى ومبتحبيش ادمز ولا مريم

يومى بابتسامه: اى مكان فيه اوبا بيروحه اكيد بيناسبنى ..بس انا زعلانه منك

لوهان: ليه

يومى: لانك معرفتنيش ع صديقتك المميزه ريم

لوهان: مين قالك انها صديقتى المميزه

يومى: ريم ... قالتلى صداقتكم مميزه

لوهان: اها .. مجاش وقت مناسب وكنت فعلا ناوى اعرفكم ع بعض

يومى ماسكه موابيلها: مش محتاج تعرفنا انا هتعرف عليها بطريقتى

لوهان: يومى ..ريم مش زى اى واحده اتعاملتى معاها

يومى بتضحك: مش هاكلها انا اطمن دى مميزه عندك يلا باى

لوهان: باى

نزلت يومى وهى بتفكر تتعامل مع ريم ازاى لان الشكوك زادت عندها لما اتكلمت مع لوهان عنها ولاحظت لمعه ف عنيه انه معجب ب ريم والموضوع اكبر من صداقه وان ريم خطر عليها ....!!!

مريم وهى راجعه مع ريم ..

مريم: اوووف انا مصدقت انى مش هشوفها تانى

ريم: مين دى

مريم: يومى

ريم: ليه مالها دى باين عليها لذيذه مبتسمه ع طول

مريم بتضحك: يومى ..لذيذه ..ماهو انتى متعرفهاش الله يكون ف عون لوهان معاها

ريم: مش لدرجه دى

مريم: ريم مش كل ال بيبتسم وهادى بيبقى كويس اوقات كتير بيبقى تعبان مستخبى ... ويومى يعنى المفاجاءات الغير ساره اطلاقا .... المهم خلى بالك من علاقتك بيها لانى شفت واخدين الارقام

ريم: اها

مريم: حاولى متقربلهاش اوى

ريم: متقلقيش عليا

ابتدت يومى تتقرب من ريم وتروح المطعم عند مريم وتقعد مع ريم وتتكلم معاها تقربلها ولوهان شاف ان يومى عاوز تصاحبها بجد فاداها الامان ميعرفش هى بتفكر فى ايه ..... فى يوم يومى بتتكلم مع ريم

يومى: ايه رأيك تيجى تسهرى معانا

ريم: : فين

يومى: فى كازينو بنتجمع احنا واصحابنا ..لوهان بيروح هناك كتير

ريم: لا معتقدش هقدر الاماكن دى بتبقى ضلمه شويا وغير كده انا مبشربش فهضايقكم بلاش

يومى : مبتشربيش وازاى انتى واوبا اصحاب مميزين ... الصداقه المميزه انك تكونى قريبه لصديقك صح

ريم: ايوه

يومى: وتشاركيك ف ال بيحبه

ريم: ايوه

يومى: واوبا بيحب الشرب وخصوصا شركاء الشرب ومسابقات الشرب

ريم افتكرت ف التخييم ان لوهان اقترح لعبه الشرب وكان متلهف ع الشرب وشرب بدالها

يومى: جربى يا ريم ودى حاجه اوبا هيفرح بيها انك هتشاركيه فى حاجه بيحبها

ريم بعد تفكير: لالالا لوهان عارف انى مبشربش مينفعش اشرب

يومى: خلاص تعالى اقعدى معانا شويا ..لوهان هيجى كمان

ريم: اممم اوكيه بس مش هطول

يومى: مفيش مشاكل ..هعدى عليكى عند البيت الساعه 8 اوكيه

ريم :اوكيه

قامت يومى ومريم جت لريم: هتروحى فين معاها

ريم: قالتلى عازمانى ف كازينو

مريم بقلق : وهتروحى

ريم: مش عارفه لسه

مريم باصرار : متروحيش ياريم ..يومى مبتعملش حاجه خير والنعمومه بتاعتها دى مش مطمنانى ... متروحيش

ريم: انتى فاهمها غلط ع فكره دى بنوته لذيذه
يلا علشان نروح

مريم: انا قلتلك انتى حره

مشيت ريم وروحت البيت .. يومى اتصلت بلوهان
يومى: اووبا هنتسناك ف الكازينو انهارده عيد ميلاد مايكل

لوهان: مش عارفه هحاول اجى لو مقدرتش اعتذريله نيابه عنى وموبيلى هيفصل شحن
ولسه بيكمل كلامه موبيله فصل شحن فعلا وهو كان ف الاستوديو ...

ريم حاولت تتصل ب لوهان تتاكد ع انه هيروح لان دا مكان متعرفش فيه حد وتليفون كان مقفول وبعتتله رساله ....

مريم راحت ل ريم ..رنا كانت قاعده بملك ... مريم: ملوكه القمر بتاعنا

رنا: خارجه ولا ايه

مريم: اها رايحه عيد ميلاد واحده صاحبتى قلت اجى اخد ريم معايا

رنا: اوكيه ادخيلها

دخلت مريم عند ريم الاوضه لاقتها نايمه ع السرير لان ريم كانت مستنيه رساله من لوهان دخلت مريم تقنع ريم تنزل ومعرفتش وقالتلها هتنام وقبل ما تخرج
مريم بصت لريم: مش هتنزلى مع يومى صح

ريم: احتمال كبير لا ...لالالا مش هنزل

مريم: تمااام هخلص بدرى واجى ننم سوا اوكيه

ريم:اوكيه

مشيت مريم وشويا يومى اتصلت بريم واقنعتها تنزل وان لوهان قالها انه هيكون موجود ...وفعلا ريم جهزت ونزلت وقالت لرنا انا هتقابل صحابها وفعلا ف الميعاد جت يومى وريم كانت لبسه ونزلت ... وصلوا المكان ويومى ماسكه ريم وبتشدها ودخلت والمكان كان ضلمه بس مش اوى
ريم: لوهان فين ؟

يومى: هيجى انا قلتله انك هنا وقالى جى تعالى اصحابى هناك اهم
راحت يومى لصحابها وعرفتهم ع ريم واغلبهم كوريين ...

قعدت ريم ف مكان ف اضاءه اعلى ... راحت يومى جابت عصير ل ريم
يومى: انا عارفه انك بتحبى الفراوله ..لوهان قالى

ريم: شكرا
شربت ريم العصير وحست بطعمه مختلف لكن كملته ولان ريم ملهاش ف الشرب كانت يومى حطتلها كحول ف العصير خلى ريم تسكر وابتدت الميوزك ويومى شدت ريم ترقص وريم مش حاسه بنفسها لانها سكرت بسهوله ... ف الوقت دا لوهان موبيله كان مفصول ..وهو ف الاستوديو حاول يتصل من تليفون الارضى ب ريم مردتش عليه قلق واتصل بمريم :
لوهان: مريم..هى ريم فين

لوهان : مبتردش ع موابيلها

مريم: ممكن تكون نايمه ..انا هكلم رنا وهشوفها

لوهان: اوكيه وخليها ترد ع موابيلها انا ف الاستوديو

قفلت مريم واتصلت ب ريم ومردتش اتصلت ب رنا وعرفت انها نزلت ..

مريم : اهاا صح انا هقابلها دلواقتى

رنا: متتاخروش

مريم: اوكيه
قفلت مريم بعصبيه : نزلتى مع يومى برضه يا ريم

اتصلت مريم بلوهان وعرفته ان ريم راحت مع يومى الكازينو وبسرعه نزل لوهان ع الكازينو لانه مكان ضلمه وريم هتخاف وان يومى ممكن تعمل مقلب فيها ومريم هتحصله ....كان وصل لوهان وبيدور ع ريم لاقاها بتتطوح قرب منها لاقاها اترمت ف حضنه :لوهان: ريم

يومى : اووبا انت جيت ..

ريم حبت تجرب تشرب وشربت وكاس واحد عمل كده فيها مكنتش اتخيل ان صديقتك المميزه ضعيفه كده

لوهان بصل يومى : لكن هى مبتشربش

يومى: مش عارفه

لوهان بنظره ضيقه ل يومى : هو دا ال اتفقنا عليه .. انا هاخدها اروحها
شالها لوهان وخارج بيها وهى مسطوله ريم ويومى واقفه مضايقه لانه شالها قدام الكل وال كانت متوقعاه انه لما يشوفها سكرانه مش هيقربلها ... فتحت عنيها ريم بشويش : لوهان ...انت جيت ..

حس لوهان انها هترجع راح سندها ع جنب ورجعت كتير لكن لسه سكرانه ومش فى وعيها وهى قاعده ع الرصيف ..

لوهان بقلق : اوديكى مستشفى حاجه تعباكى

ريم بتبص نص عين للوهان وابتسمت : لوهان

لوهان: ايوه

ريم قامت وقفت وماسكه ف ايده : انت باين فيك سحر لما بلمسك بحس باامان والخوف بيختفى لكن ف نفس الوقت قلبى دا بيدق بيدق بيدق بيدق

لوهان مش فاهم هى عاوزه تقول ايه : ريم مريم ف الطريق بلاش تتكلمى

ريم وهى سكران: ال بينا صداقه مميزه صح مش حب

لوهان: لكن انا بحبك

ريمحاولت تقف كويس وتبص ف عنيه : وانا كمان ...غاده بتقولى انا بحبك ...ههههه انا بحبك بقولها اصدقاء قالتلى لا بتحبيه ..قالتلى النكران مش حل لكن انا فضلت انكر لانى مش فاهمه ايه ال بيحصلى و مش عاوزه اخسرك ..مش عاوزه ابعد عنك ..انا مصدقت لاقيتك ..ف حياتى كلها وال عيشته معاك نسيته

لوهان سعيد من كلام ريم واعترافها وهى مش ف وعيها : ريم

ريم بصتله : لكن احنا اصحاب ..اصحاب بس ..
انا بقنع نفسى ان ال بينا صداقه وانى مش بحبك .. لانى بحبــك ..بحبــك

وريم بتكمل كلامها وقعت وهى بتتكلم شالها لوهان وكان نفس المشهد بتاع حادثه حديقه لندن ونفس احساس ال حسه وقتها لكن المرادى بزياده ركبها العربيه ومريم كانت وصلت ولاقوا انها لو روحت كده رنا هتقلق فاتفقوا تروح عند مريم البيت واخدتها مريم ف شقتها وعرفت رنا انها بايته معاها ورنا وافقت ...

تانى يوم ريم صحيت مش فاكره اى حاجه خالص غير ان كان قدامها عصير وبس سألت مريم ومريم حكتلها .... لوهان اتصل بيها يطمن عليها وردت عليه

لوهان: كويسه دلوقتى

ريم: مصدعه

لوهان: حد قالك تشربى

ريم: انا مشربتش انا كان قدامى عصير ومش فاكره غير انى صحيت دلواقتى

لوهان مستغرب : مش فاكره اى حاجه..اى حاجه

ريم بتحاول تفتكر : لا خالص .. هو حصل حاجه ..مش فاكره

لوهان ضحك: لا خلاص خلاص المهم ارتاحى وهكلمك تانى اطمن عليكى

قفلت ريم مع لوهان وهى مش فاكره حاجه ولوهان بيضحك لان ريم اعترفتله انها بتحبه وبتقاوح ومش فاكره لكن هو اتاكد ان مشاعرهم متبادله لكن ريم بتنكر دا ...!!!

يومى مرتحتش لعلاقه لوهان ب ريم وطريقته ف التعامل معاها.أتاسفت للوهان عن الموقف ال عملته ف ريم وقالت انه هزار بسيط ووعدته مش هتكرره تانى ..طلبت من شخص ف لندن تعرفه يجبلها معلومات عن ريم وعيلتها واى حاجه تخصها وبعدين تقرر هتعمل ايه وكانت زى الهدوء الذى يسبق العاصفه ...!!!

فى يوم لوهان كلم ريم وطلب منها تحضر حفله تنكريه حد من اصحابه عاملها عباره عن مسكات يبلبسوها يداروا وشهم وكان لوهان مستنيها هناك وكانت يومى واصحاب ليها هناك ...

وصلت ريم الحفله مع مريم وادمز ولبسه فستان اسود وشعرها مفرود وميكب لوهان اتفاجئ بمنظرها
لبست الماسك ووقفت تبص حواليها سمعت صوت جنبها : بتدورى عليا صح

بصت ريم لاقته لوهان لابس مسك ع عينه : لوهان ...بصراحه ايوه معرفش حد هنا غيرك ومريم وادمز مع اصحابهم معرفهمش وحاسه بقلق ومتوتره جداااا وسمعت عن الحفلات دى بيبقى ضلمه وحاجات وخايفه ..انا جيت علشان انت طلبت بس

لوهان مسك ايد ريم : طول ماانا موجود مفيش توتر ولا خوف

ريم حست بقشعريره فى جسمها وقلبها دق من لمسه لوهان ليها ...لاحظت ريم ان احساسها بيختلف عن الاول بالعكس بقى احساس سعاده لما لوهان بيمسك ايديها ..حاولت تنكر احساسها دا وشدت ايديها

ريم: يومى فين

لوهان ضحك لما لاحظ ريم اتوترت : هتيجى دلواقتى

ريم: انا عطشانه

لوهان: شاور لشخص ماسك صينيه فيها مشروبات

لوهان: اتفضلى ..متشربيش اى حاجه متعرفهاش دا عصير من غير كحول

ريم مسكت الكوبايه وشربتها من توترها مره واحده
ريم: يااه انا كنت عطاشه اووى
النور ابتدى يخف ريم تلقائى مسكت ايد لوهان
لوهان حط ايده التانيه ع ايد ريم: متخافيش دا عرض رقص كابلز

ريم : سورى مسكت ايدك و..

لوهان: مفيش سورى ال انتى عاوزاه اعمليه انا كلى ليكى مش ايدى بس
ابتدت الميوزك واول كابلز بيرقصوا وريم سامعه كلام لوهان وماسك ايدها بايده الاتنين وجسمها بيتنفض حاسه بحاجه غريبه وقلبها بيدق مش خوف احساس عازلها عن الدنيا ... بعدت نفسها وراحت تبص ع ال بيرقصوا خلصوا وصفقوا ليهم

لوهان: تحبى ترقصى

ريم بتضحك: لالالا مش هعرف بلاش احراج

لوهان: تعالى يلا ومتخافيش

ريم: بجد مش هقدر انا عمرى ما رقصت

لوهان: مش اتفقنا اانا نكمل المده ال اتفقنا عليها وكمان يومين هنروح ناكل النودلز مع بعض وانك هتسمع كلامى وتنفذى طلباتى وانا هعمل كل حاجه وانتى تسمعى الكلام

ريم: انا

لوهان مسك ايدها وراحوا وضم ريم ليه وابتدوا يرقصوا والميوزك شغاله لوهان باصص فى عين ريم وريم بتحاول تتجنب بصاته لانها اتوترت

ريم: لوهان بلاش تبصلى كده انا متوتره اصلا

لوهان: مش قادر مبصش ليكى ...ولا بقدر تكونى قدامى ومبصش عليكى.. حتى لما بتبعدى صورتك قدامى ف خيالى

ريم: لوهان

لوهان: انا حاولت كتير انكر احساسى اتجاههك مقدرتش جربت كل حاجه ومقدرتش ..واكتشفت وقتها ان حبك اقوى من اى حاجه وصعب اتغلب عليه او اتجاهله ..انا لاقيت ابتسامتى ف ابتسامتك وفرحتى ف اسمع صوتك وسعادتى ف انى اشوفك ووجودى ف انى المس ايديكى ...النكران موصلنيش لحل وصلنى لاجابه انى بحبك ...

ريم من كلام لوهان حست انها انعزلت عن الدنيا ومفيش غيرها هى ولوهان كلامه أثر فيها حاولت تقاوم مش قادره وحاولت تبعد عنه راح ضمها لصده اقرب
ريم : لو هان

لوهان قاطعها : انا مش عاوز اسمع كلام منك كفايه ال حاسه منك وال قريه ف عنيكى ...ريم ... بشكرك ع كل لحظه عايشها معاكى ..وع ذكريات هتعيش معايا وشكرا ع انك معايا دلواقتى وف حضنى ...وشايف ابتسامتك ووشك ولمس ايديك.. دا حلم كنت بحلمه من زمان واتحقق .. شكرا ع الاحساس ال كنت فاكر عمرى ما هحسه لانك علمتينى يعنى ايه حب لما حبيتك ... حبك فى قلبى هحافظ عليه للابد مهما كبرت وقابلت مش هحب حد زيك ...بحبك ‏‎heart‎‏ رمز تعبيري
استخدم لوهان اسلوب الهجوم ع ريم وميدهاش فرصه تهرب وريم سامعه الكلام متفاجئه من جرائته ليها وقلبها بيدق جامد وللاول مره ريم متخفش وهى مع شخص مع راجل ونسيت خوفها وتوترها ..

خلصوا الرقصه الكل صفقولهم وكانت يومى وصلت وشايفاهم وكانت نار ...راحت سلمت ع ريم ولاحظت علامات وشها متغيره مخضوضه شويا ولوهان انشغل مع اصحاب ليه واختفى عن عين ريم ...

ريم وهى واقفه واحده جتلها قالتلها لوهان عاوزها بره مستنيها ف اوضه ف ضهر الفيلا ... راحت ريم تلقائى تشوف لوهان ... قربت من الاوضه وكانت خايفه لكن متشجعه علشان لوهان وهى بتقرب بتنادى ع لوهان: لوهان ..لوهان
دخلت الاوضه دى واول ما دخلت الباب اتقفل وكانت الاوضه ضلمه جدااا

رجعت ريم ع الباب بسرعه تفتحه معرفتش قعدت تنده ع لوهان معرفتش
ف اللحظه دى الضلمه فكرتها بضلمه زمان وال كان بيحصلها قعدت تصرخ وتنده وقعدت ف ع الارض وضمت نفسها وحاولت تهدى معرفتش وحست انها مش عارف تاخد نفسها وفاجاءه اغمى عليها ....

لوهان كان بيدور عليها وسأل يومى قالتله انها خرجت تدور عليه خرج بره الفيلا بيدور عليها وكان وقتها سمع صريخ بسيط قرب من اتجاه الاوضه حاول يفتح الباب معرفش كسر الباب يشوف مين اول ما دخل لاقى ريم اغمى عليها ع الارض بسرعه شالها وطلع بيها ع اوضه وجاب دكتور وقالهم انها اتعرضت لصدمه عصبيه واداها مهدى مهتمش لوهان ايه دخلها الاوضه دى وراحت هناك ليه كان قلقه كله عليها لما شافها واقعه ع الارض وجسمها بينفض ..

دخل الاوضه عليها يشوفها لاحظ ملامح وشها مش مرتاحه ودموع نازله من عنيها وبتمتم كلام مش فاهمه وعماله تتنفض ووبتتنفس بسرعه ..قرب منها بهدوء ومسك ايدها وباصص ليها لاحظ انها هديت شويا لكن ملامح وشها لسه مش مرتاحه جه يقوم ويسيب ايديها ..ريم مسكت ايده ومسبتهاش راح قعد جنبها وماسك ايديها ومش عارفه مالها وليه هى عامله كده ..
لوهان حط ايده التانيه ع ايد ريم وهو جنبها : متخافيش واطمنى .. مهما كان ال بتحلمى بيه وشايفاها مرعب ..انا معاكى وهيختفى قريب واوعدك مش هيحصلك تانى كده ولا تعانى كده لانى هكون معاكى وههتم بيكى ومش هسيبك نامى وارتاحى واطمنى ... ‏‎heart‎‏ رمز تعبيري

راح باس لوهان ايد ريم وفضل باصص عليها وطول اليل فضل معاها وقافل موبيله ومريم معاه ف الاوضه وريم كانت بتقوم مخضوضه وبتصرخ وكان بيهديها وترجع تنام لغايه تانى يوم صحيت ريم بتبص حواليها لاقت لوهان نايم ع حرف السرير وماسك ايديها ...بصتله كتير وهى مش فاكره غير انها دخلت اوضه ضلمه .. ودموع نازله من عنيها لانها حسيت انها فعلا بتحبه لكن مينفعش علاقتهم توصل لكده ..ففكرت ف انه لو عرف حالتها ممكن يكون سبب يرجع عن موقفه فقررت تقوله حاولت تشد ايديها بهدوء صحى لوهان : صحيتى ..عامله ايه دلواقتى

ريم: تمام ..هو انا فين

لوهان: فى فيلا ال كان فيها الحفله انت تعبتى امبارح وخليتك هنا ومريم راحت تجبلك هدوم تانيه وجايه ..انا معاكى

ريم: اسفه لو سبب ازعاج او قلق

لوهان قاطعها: هششش ..متتكلميش المهم انك كويسه

ريم باصه للوهان ....
ريم : لوهان ..انا قلتلك قبل كده الانسان ال هيحبنى او هحبه هيكون غير محظوظ

لوهان: وانا قلتلك هيكون محظوظ

ريم: لا ...غير محظوظ .. مسألتش ليه انا تعبت كده

لوهان: مش عاوز اعرف المهم انك قدامى وكويسه

ريم حاولت تعدل من قاعدتها:لا لازم انا مين وانت بتتعامل مع مين ..انا مش زى مانت فاكر وشايفنى انا حياه تانيه خالص ..

لوهان مستغرب من كلام ريم : ريم ايه الكلام دا

ريم طلعت موابيلها من جنبها وطلعت رقم غاده : خد الرقم دا وكلم دكتور غاده وهى هتعرفك كل حاجه ومستنيه تقول اننا اصحاب بس