رواية لقاء مستحيل ليآرا سمير الفصل السادس 6 - بقلم ملك صلاح

امير باصص ع رنا وفريد: قوليلى يا ريم انتى مش غيرانه

ريم: هغير ليه

امير: انك تكونى مكان رنا وتعملك حفله كبيره و..

ريم قاطعته: لا لان مفيش سبب اغير

امير: بس يعنى هيجى يوم وهتكونى عروسه احلى عروسه دا حلم كل البنات انهم بيحلموا باليوم دا

ريم بصت ل امير: اه حلم كل بنت اليوم دا ..بس مش البنات الي لو ماخدتش المهدى قبل ما تنام بتحلم بكوابيس وبتصرخ دول حلمهم ابسط انهم يناموا طبيعى من غير منوم ولا مهدئات ...

امير سكت معرفش يرد ..

ريم: انا رايحه اشوف رامى ف اوضته لانى صدعت

دخلت ريم الفيلا وامير باصص عليها وفى نظرته ليها حيره

امير وقف ريم: ريم انا اسف بجد مكنتش اقصد ولا كلمه من ال سمعتيها كنت شارب ومش مركز خالص ضغط الشغل و..

ريم قاطعته وبتبتسم: امير الحقيقه مفيش هروب منها وانت مقولتش حاجه غلط انا فعلا بتعالج وبنام بمهدى وعايشه .. خد الموضوع ببساطه

امير لاحظ انها مجبتش سيره الفلوس والشركه : لا يا ريم انتى زعلانه وانا غلطانه وبعتذرلك اسف جدااااا

ريم : امير احنا فى خطوبه اغلى اتنين ف حياتنا ونفرح معاهم مش هتقضيها اعتذار ... انا مزعلتش واعتبرت نفسى مسمعتش حاجه اصلا وياريت متفكرش كتير ف حاجه مش موجوده ..اوكيه انا رايحه ل رامى ..

مشيت ريم وامير حس بان كلام ريم وجعه وحس قد ايه هو غلطان وكده بدايه خسارتها مش زى ماكان بيظن انه بيكسبها فضل باصص عليها لغايه ما اختفت من قدامه وبيفكر يصلح ال عمله ازاى وهو واقف واحد صاحبه من المعازيم قرب منه ...!!!!

صاحبه : هاى امير سرحان فى ايه

امير: انا غلطت غلطه مش عارف اصلحها ازاى

صاحبه بيضحك: غلطه وانت مستحيل ..

امير بص لصاحبه: لو عاوز تصلح موقف مع واحده وتخليها تنساه بتعمل ايه

صاحبه ضحك: دى بسيطه جداااا ..هدايا

امير: هدايا

صاحبه: الهدايا بتعمل معجزات وبتنسى اى بنت اى حاجه بتزعلها لانها بتعتبرها تقدير وانك فاكريها دايما ..غرقها هدايا

امير: اممم هدايا فكره مش بطاله ...

تانى يوم الصبح ريم كانت قاعده مع رامى ف اوضته ورجعت اوضتها دخلت لاقت علبه وجنبها كارت قربت منه وفتحتها لاقتها سماعات MP3 جديده وكارت مكتوب فيه Sorry وعرفت ريم انه من امير ....!!

مرت الايام و ريم بتروح ل غاده المستشفى جلسات علاج تعودها ع خروج من البيت علشان الجامعه وتهيئها لحياه الجامعه نفسيا بعيد عن خوف ولا توتر ....

جه اول يوم الجامعه وصحيت ريم وكانت جاهزه وواقفه قدام المرايه بتكلم نفسها ,,ريم بتاخد نفس وبتتنفس تهدى من توترها : اول يوم ف جامعه يعنى دراسه يعنى هنقابل ناس يعنى هنتعامل عادى يعنى مفيش خوف ولا توتر يعنى حدود انتى هتعمليها مش مسموح لحد يتخطاها غير بأذنك ..حياه جديده بناس جديده اتفقنا

الباب خبط كان عواطف: صباح الخير

ريم مبتسمه: صباح الخير يا داده

عواطف باابتسامه: ماشاء الله عليكى قمر طالع الصبح

ريم بقلق: قمر ايه ياداده داانا مرعوبه

عواطف راحت مسكت ايديها: القمر بتاعنا ميخفش ولا يترعب دا جمالك ال هيخوف ال حواليكى والبنات هتغير منك

ريم بتضحك: داده انتى ناقص تقولى انى ملكه جمال لندن المتحده

عواطف : انتى ملكه جمال حياتنا ودا الاهم

ريم حست بتحفيز داده عواطف وساعدتها تهدى من توترها راحت حضنتها: تسلميلى يااحلى داده ف الدنيا

عواطف: ويخليكى لينا يا احلى ريم ف حياتنا وبعدين يلا علشان تفطرى وتروحى جامعتك عاصم بيه مخلى العربيه جاهزه بالسواق

ريم: حاضر دقيقتين وهحصلك

خرجت عواطف وريم ع وشها ابتسامه ومبسوطه من كلام عواطف ليها شويا ونزلت ريم بعد عواطف وكان قاعدين ع السفره مامتها وامير

ريم: صباح الخير

مامتها: صباح الخير

امير: صباح الجمال

ريم: رامى نايم

مامتها : اها غلبنى ف السهر وكان عاوز يجيلك بليل بس انتى كنتى واخده العلاج ونايمه تعبنى ...دلعك ليه يا ريم انا بتعذب منه

امير: عملتيله ايه يا ريم

ريم بتضحك: ولا اى حاجه هو ال عملى حقيقى..وبعدين ع الاقل واحد فينا بيدلع .. قبل ما اخرج هطلع اوضته اخد بوسه تشجيع زى ما اتفقت معاه بليل

مامتها: ماشى ياستى

خلصت بسرعه ريم الاكل : انا هطلع اجيب شنطتى واعدى ع رامى وهخرج قولى ل السواق يا داده

امير بسرعه: سواق ايه انا هوصلك اول يوم

ريم: لا هعطلك وانت عندك شغل

امير: لا انا عامل حسابى ومظبط مواعيدى هوصلك وهروح الشركه انا

مامتها: طيب كويس ع الاقل امير يقلل من توترك شويا

ريم: اوك ..ثوانى وراجعه

طلعت ريم جابت شنطتها وعدت ع رامى باسته وهو نايم ونزلت ركبت العربيه مع امير وهى ف العربيه كانت ساكته وحاطه سماعات mp3 في ودنها امير حرك ايده قدام وشها لانها مش سماعاه: ايوه يا امير

امير: ايه يا بنتى انا بتكلم

ريم: سورى اصلى متوتره والميوزك ال بتهدينى شويا وتفصلنى عن توترى

امير:اممممم وانا روحت فين

ريم: نعم

امير: اقصد يعنى نتكلم مع بعض

ريم شالت السماعات: سورى بجد مااخدتش بالى كنت بتقول ايه

امير : انتى لسه زعلانه منى

ريم: ليه هو فى حاجه حصلت

امير: ع ال حصل قبل كده

ريم: ياااه يا امير دا من شهور انسى انا نسيت

امير :يعنى وعد خلاص

ريم: اوكيه

امير: طيب مش ناويه تيجى تزورينا ف الشركه

ريم: ملهاش لازمه يعنى

امير: بجد هيعجب الجو هناك الشغل والموظفين .. تعرفى انا عملت كام صفقه لوحدى من غير بابا

ابتدى امير يتكلم عن الشغل والبيزنس والفلوس والارباح بحماس اووى وريم باصه قدامها ومش بتتكلم وصلوا الجامعه ..

امير: لو احتجتى حاجه كلمينى

ريم :ثانكس ع التوصيله

امير : u are welcome any time

نزلت ريم وقفت شويا اخدت نفس ودخلت الجامعه وسط جو من الناس وشباب باانواع مختلفه واشكال مختلفه حست بكلام غاده ان الدنيا مش هى بس وفى غيرها كتير فضلت تفكر ف كلام غاده وانها لازم تجتاز العائق وبدايته الجامعه و اتشجعت ودخلت مدرج علشان تحضر اول محاضره
دورت ع مكان فاضى تقعد فيه لاقت مفيش فشافت بنت قاعده راحت تقعد جنبها وابتدت تتكلم بالانجليش

ريم: لو سمحت ممكن اقعد هنا

البنت باابتسامه: اتفضلى

قعدت ريم وجت تحط سماعاتmp3 لغايه ما المحاضره تبدا البنت بدئت كلام
البنت: هاى انا ساندى وانتى

ريم محرجه شالت السماعات : ريم اسمى ريم

ساندى: ريم .. انتى منين شكلك عربيه ؟

ريم باابتسامه : مصر .. مصريه ومقيمه هنا

ساندى باابتسامه: انا من فرنسا ومقيمه هنا مع اختى فرصه سعيده

ريم باابتسامه خفيفه : انا الاسعد

ساندى بتميل ع ريم ..ريم بعدت نفسها : مالك فى حاجه

ريم بتوتر : لالا مفيش

ساندى: بعد المحاضره ايه رائيك نشرب كافيه فى الكافتيريا انا عزماكى

ريم: مفيش داعى

ساندى: نو واى انا قررت وهنفذ ..بيس

ريم معرفتش ترد وابتدت المحاضره وخلصوها ونزلوا الكافتريا وقعدوا يتكلموا ولان شخصيه ساندى مرحه ريم ارتاحت شويا معاها خلصت ريم المحاضرات ال عندها وخرجت السواق كان مستنيها ركبت العربيه ورجعت ع البيت وكانت داده عواطف مستنياها تطمن عليها فتحتلها هى الباب : روما

ريم باابتسامه: داده وبتفتحيلى الباب بنفسك

عواطف: وفى اغلى منك عندى ..طمنينى يومك عمل ازاى

ريم اخدت نفس : تمام ..عدى كويس اه فى شويا قلق حصلى بس عدى كله تمام

عواطف باابتسامه: المهم انك بخير اطلعى غيرى عهدومك الغدا هيكون جاهز

ريم: مامى مش هنا ولا ايه

عواطف: لا خرجت هى ورامى

ريم: اممم اوكيه ... حضريلى الغدا فى المطبخ هقعد معاكم هناك

عواطف: ازاى مينفعش مدام حنان لو عرفت

ريم قاطعتها: هى فين مدام حنان وبعدين انا ال طلبت تمام ياداده

عواطف: تمام يا عيون داده

طلعت ريم ع اوضتها ورمت بعدها نفسها ع السرير تليفونها رن وكانت غاده اتصلت ب ريم تطمن عليها

غاده: روما .. ايه اخبار اول يوم كله تمام

ريم: بصراحه مكنتش متخيله هيعدى كده

غاده: عملتى ايه

ريم: حضرت محاضراتى وجيت .. صحيح اتعرفت ع بنوته اسمها ساندى
قعدت تتكلم وعزمتنى ف الكافتيريا واخدت رقمى ..انا مش مستوعبه بجد

غاده بتضحك : دى بنت طيب لو ولد كنتى عملتى ايه

ريم مخضوضه: نو واى مستحيل

غاده:اهدى كده وافهمى حاجه دى حياه الجامعه عيشيها وهتتعرفى ع بنات وولاد بالحدود الي احنا حاطينها

ريم: ومسمحش لحد يعديها غير بموافقتى

غاده: تمااام ومتخافيش يا ريم ولو فى اى حاجه غير طبيعيه حصلت مش تستنى ميعاد الجلسه

ريم: اوكيه

قفلت ريم مع غاده وغيرت هدومها ونزلت علشان تتغدى واتغدت فى المطبخ فعلا ...!!!

استمر الوضع مستقر مع ريم بتروح الجامعه واتعرفت على اصدقاء تانين
واتعاملت عادى وبقت الحياه طبيعيه ومفيش خوف ولا توتر من معاملتها مع الناس ...

فى يوم ساندى راحت ل ريم: روما

ريم: فى ايه ساندى

ساندى: فى نشاط بنعمله بنجمع تبرعات وبنروح بيها لجمعيات مختلفه للاطفال والحيوانات تحبى تيجى معانا

ريم سكتت لحظات: رايحين فين

ساندى: جمعيه Be Human جمعيه شامله لمساعده الاطفال بنروح ناخدلهم هدايا ونتبرع بمبلغ ونقضى يوم معاهم ايه رائيك

ريم وافقت وراحت معاهم فعلا اشتروا هدايا ووصلوا لمكان الجمعيه وابتدت ساندى تشرح لريم ع نشاط الجمعيه وراحوا عند مجموعه من الاطفال فى منهم علامات ضرب ع جسمهم و بيعانوا من نفسيه وحشه من ضرب اهلهم ليهم للاسباب الخاصه لريم للي حصلها حاولت تتمالك نفسها ومقدرتش تلاحق ع دموعها وحست بضيق تنفس وفاجاءه اغمى عليها
بعد ما فاقت ..

ساندى: روما انتى كويسه

ريم بصتلها: انا فين

ساندى حكتلها ع ال حصل : مكنتش اعرف ان قلبك ضعيف واتاثرتى اوى كده

ريم بتوتر: سورى بجد سوررى

ساندى: ولا يهمك يلا بينا نمشى

ريم :انتوا خلاص دفعتوا التبرع

ساندى: اها

ريم بصت ف شنطتها طلعت كل الكاش ال معاها وادتهم لساندى تحطهم لتبرع ... وخرجت روحت ع البيت وكلمت غاده وحكتلها الي حصل

غاده: الي انتى عملتيه دا خطوه غير متوقعه وشجاعه منك انك تقابلى الاطفال ف المكان دا الي ظروفهم كده ولانك اتعاطفتى معاهم مستحملتيش

ريم: غاده انا قررت اروح تانى هناك .. حاسه انهم محتاجين مساعده وانا هساعد ع قد ما اقدر ... انا عارفه هما محتاجين ايه اكتر من هدايا ..محتاجين ال يحس بيهم ويضمهم ويحتويهم اكتر من فلوس

غاده مبسوطه من كلام ريم وحست انها ابتدت تتغير للاحسن وتحس بغيرها ودا معناه انها بتخرج من عزلتها و ابتدتت تتحسن فعلا : لو دا الي عاوزاه ياريم اعمليه

ريم: هعمل كده وهتغلب علي توترى وخوفى ومش هنهار علشانهم

قفلت ريم مع غاده وغمضت عنيها ودموع نزلت من غير ما تحس من عنيها افتكرت الي حصلها زمان واستمرت الدموع لوقت لغايه ما داده عواطف دخلت وشافت ريم وريم رمت نفسها ف حضن عواطف تعيط وعواطف تهديها ...!!!!

مر 3 سنين وسافر فريد بعد ما اتعين فى السلك الدبلوماسى ورنا بتجهز نفسها تحصله ورامى بقى عنده 8 سنين وريم بقت فى سنه 3 واتأقلمت مع اصحابها ال منهم ساندى وفعلا استمرت بزياره الاطفال ال فى جمعيه Be Human مع اصحابها واوقات اكتر لوحدها وكانت ساعات بتاخد رامى لو مامتها وافقت يلعب مع الاطفال وكانت ريم بترجع مبسوطه اوى

فى يوم حنان وعاصم قاعدين ..عاصم لاحظ حنان وشها متغير

عاصم: مالك يا حنان

حنان: ريم بتصرف كتير اوى من حسبها

عاصم: بتوديهم فين

حنان بصت لعاصم: ياريت ع نفسها دا تبرعات وهدايا لجمعيه ال بتروحها وعلي الخدامين في  البيت ..اه انا كمان بودى تبرعات بس كل كام شهر او في السنه مره فى حفله ..لكن ريم شهريا بتروح اكتر من مره بهدايا كتير وبتتبرع بمبالغ كبيره

عاصم: فلوسها وهى حره  دا كويس انه ابتدت تسحب سيبها براحتها

حنان: ماهو انا سيباها وعاوز اكلمها بس خايفه من رد فعلها

عاصم: يبقى متتكلميش وسبيها ع راحتها تمام
حنان بعصبيه: تمام ياعاصم تمام

فى يوم رجعت ريم من الجامعه دخلت اوضتها بصت علي المكتب لاقت علبه من غير ما تفتح قالت : امير

راحت ناحيه العلبه وفتحتها لاقتها ساعه وكارت مكتوب : كنت عاوزه اديهالك بس لللاسف انا ميعاد طيارتى بدرى ومش هلحقك انا شفتها عجبتى وحسيت ان هى بتاعتك يارب تعجبك .. وهى بتقرا الكارت الباب خبط كانت عواطف

عواطف: حمد الله ع السلامه يا روما

ريم: الله يسلمك يا داده

عواطف: هديه من امير

ريم بنص ضحكه: هو فى غيره والمرادى ساعه او معنى اصح دى ساعه رقم 20 ال شافها وحسها بتاعتى فااشتراها وهى راجع من السفر ...

راحت ريم تفتح الدولاب وتحط العلبه مع علب الهدايا بتاعت امير الي مبتستعملهاش

عواطف: والله امير ذوقه حلو معرفش انا ليه مش بتستعملى ولا حاجه من ال بيجبهالك

ريم : ببساطه لانى مش محتاجها .. وبعدين الهديه بتبقى حريه الاستعمال يعنى استعملها ولا اركنها براحتى وغير كده انا مطلبتش منه هدايا هو ال بيرمى فلوسه ع الارض

عواطف: مفيش هديه جتلك وتعجبك حفالات عيد الميلاد منعتيها وقلتى مش بحب احتفل بيها وبيشترولك هدايا محافظه عليها في الدولاب بعلبتهم مفيش هديه عجبتك واستعملتيها

مسكت ريم سلسله ف رقبتها حرف R : دى اكتر هديه عاجبتنى ومش عاوزه غيرها

عواطف: هديه رامى

ريم: ايون حبيببى جبهالى وقالى متشيلهاش خالص وكفايه انه هو الي لبسهالى يا داده

عواطف: وهدايا امير

ريم: مش عارفه ليه مش مشدودالها يعنى عادى يمكن علشان كترها دا معدل كل شهر هديه او هديتين من كل سفريه بيسافرها ....

عواطف بتضحك: مش يمكن دى عربون محبه بقاله سنين بيلمح بيهم ليكى امير انا الي مربياه عمره مااشترى ولا اهتم بحد وجبله هدايا غيرك كده بجد

ريم بتضحك: محبه ..

عواطف: طيب فكرى كده .. رنا قربت تسافر ل فريد بعد ما استقر ف شغله ف السلك الدبلوماسى وهيستقروا ويعملوا اسره دى سنه الحياه يا حبيببتى ومش هتلاقى احسن من امير عارفك وعايش معاكى وعارف طباعك

ريم قاطعتها: وعارف حالتى وعارف علاجى وعارف ظروفى

عواطف اتحرجت: لا ماقصدش كده

ريم: انا اقصد .. امير يستاهل حد احسن منى فى حالات كتير
انا مش مهيئه نفسيا اعيش مع حد .. انا قعدت فتره طويله لغايه ما اتاقلمت مع الناس و التعامل معاهم وغير كده يا داده هسيبك انتى و رامى حبيبى لمييييين

عواطف حضنت ريم: يارب اشوفك احلى عروسه قبل ما اموت يا ريم بجد امنيه حياتى

ريم حضنت عواطف: تموتى ايه يا داده بعد الشر انا مقدرش استغنى عنك

عواطف: ولا عنك يا حبيببتى

وهما واقفين لاقوا كائن صغير داخل فى الوسط : وانا كمان عاوز حضن

ريم ضحكت بصتله : لا انت عاوز تتاكل
شالت ريم رامى واترموا ع السرير وقعدت تزغزع فيه ويهزروا وعواطف واقفه مبسوطه انها شايفه ريم بتضحك
شويا وريم نزلت راحت لغاده المستشفى فى ميعاد جلستها

غاده : ماشاء الله واضح ان الدنيا تمام

ريم: الحمد الله

غاده: ها قوليلى اخر اخبارك عامله ايه في جامعتك والبيت واصحابك

ريم: جامعتى ماشيه كويسه واصحابى لذاذ بنقضى وقت لذيذ مع بعض وعقول مختلفه وفي جنسيات مختلفه ولغات مختلفه بتشدنى فاانا مبسوطه بوجودى وسطهم ببقى في البيت دنيا وف الجامعه دنيا تانيه

غاده:ازاى

ريم: يعنى اونكل عاصم حاطط قاعده اننا في البيت نتكلم عربى ومنتكلمش انجليش غير بره البيت علشان رامى وعلشان احنا مننساش لغه الام

غاده بتضحك: دا كويس لان ف عائلات عاشت هنا ونسيت اللغه العربيه . ودراستك

ريم: دراستى بجيب الدرجات النهائيه لدرجه انهم هيطلبونى ادرس لطلبه

ضحكت غاده : اتغيرتى كتير يا ريم شوفتى الاختلاط والتعامل مع الناس غيرك ازاى

ريم: ماهو من نصيحتك اتعامل مع الناس بحرص وبحدود ...

غاده: والبيت الوضع مستقر مفيش حاجه بتضايقك

ريم: رنا بتجهز نفسها علشان هتسافر ل فريد علشان استقر خلاص ف بلد الي هو فيها وطبيعى مراته تكون معاه ويبدئوا حياتهم .. اونكل عاصم مشغول ف شغله ومامى الانشطه الاجتماعيه مع زوجات اصحاب اونكل عاصم شغلاها يعنى حفل تبرعات لجمعيه كذا .. حفله خيريه لحساب كذا
المهم انها مبسوطه وانا مبسوطه ليها ...

غاده: وامير

ريم بتضحك: بجد مش فاهمه او مش عاوزه افهم

غاده: ايه ال مش عاوزه تفهميه

ريم: مش فاهماه هو بيسافر كتير وبتفاجئ بوجوده من غير مااعرف ولاحظت الحاح وتلميح من الكل ان انا وامير نتجوز او يحصل ارتباط

غاده: هو ملمحش ليكى بحاجه

ريم: هو كنت الاقيه كتير بيجى ياخدنى من الجامعه لدرجه اصحابى افتكروه خطيبى وغير كده هو بقى اوفر اوى ف الهدايا .. بيجيب هدايا اكتر ما بشوفه شخصيا وبعدين فكره الارتباط مستبعده بس الزن حواليا حتى رامى بيكلمنى ع امير ...

غاده: حد يكره الهدايا

ريم: انا ... كميه الهدايا حساه اوفر بمناسبه او لا والكلام واحد

غاده: وبرضه مبتستعملهاش

ريم: لا ..فى الدولاب .. لدرجه انى بفكر اتبرع بيهم رغم انهم ماركات غاليه بس انا مش بستفاد بيهم وحاسه انه كتير

غاده: مش يمكن يكون بيعبرلك عن حبه ليكى بهداياه دايما بيقولوا الهدايا تعبير للحب

ريم بتضحك: حب ايه يا دكتور ..
امير فرد من العيله الي عايشه انا معاهم غير كده مش شيفاه

غاده: المهم انك بتعرفى تتعاملى مع اى موقف يقابلك

ريم: لما بحتار ورقه الحظ بتنقذنى

غاده: والفلوس اخبارها معاكى ايه

ريم: لاقيت مكان اصرفهم فيه الجمعيه .

غاده لاحظت ملامح حزن ع وش ريم : مالك ياريم

ريم اتنهدت: افتكرت يوم ما عرفت خبر وفاه بابا وانا في المستشفى والوصيه الي كتبها ان الفلوس دى هتعوضنا علي الب شوفناه والي عشناه معاه لكن تعرفى حاجه

غاده:ايه

ريم: انا مش بكرهه مش بكره بابا ..انا زعلانه منه بس..زعلانه منه انه حرمنى منه ..حرمنى من احساس الابوه الي مش عارفه ايه هو ..لما بشوف اونكل عاصم وهو ضامم رامى وحضنه ببقى نفسى اسأل رامى حاسس بـ ايه ..لما بشوف واحده من صاحباتى ف عيد ميلادها او خطوبتها وباباها حاضنها ببقى عاوزه اسأله حاسس باايه وهى كمان وبمنع نفسى .... انا زعلانه لانه وصل عندى احساس حرمان بورقه كتبها فيها ارقام بديل لحرمانه ليا منه وتعويض وهو ميعرفش ان ولا فلوس الدني هتعوضنى .....
مامى اقترحت علينا نحط ميراثنا ف شركه اونكل عاصم وناخد ارباح ويشغلنا الفلوس رنا ومامى واقفوا نيابه عنى وبسحب بالفيزا ومعرفش اصلا هما كام ولا بقوا كام انا الي بحتاجه بسحبه والجمعيه احسن مكان لفلوس دى علي الاقل اطفال محتاجينها ممكن تعوضهم عن الي شافوه وعايشينه وهما صغيرين لسه ميكبروش بعقده ولا بمرض نفسى مش سايبهم ...!!!

غاده: اوكيه يا ريم ....نقول كفايه انهارده كده

ريم: اوكيه

غاده : ماشى .. انتى كده بقالنا فتره بنتقابل والحاله مستقره الحمد الله

دلواقتى مش هتحتاجى معاد معين لجلسات يعنى خلاص براءه

ريم : براءه

غاده: هنغير العلاج لعلاج تانى نوع قبل النوم ونوع تانى يبقى معانا ف الشنطه وقت تحتاجيه

ريم: الكوابيس مش بتروح ..
انا لو مااخدتش المهدى قبل النوم مش بعرف انام ولونمت الكوابيس بتصحينى

غاده اخدت نفس : بصى يا ريم انتى حالتك استقرت وبقيتى احسن من الاول الكوابيس والضلمه علاجهم هياخد وقت اطول مع الوقت زى ماحاجات كتير اتحلت هيتحلوا ان شاء الله انتى كملى في الي بتعمليه وكملى مشوارك وهنوصل لنهايته ان شاء الله

ريم: ان شاء الله

خلصت غاده الجلسه مع ريم وعرفتها انها مسافره 6 شهور مصر اجازه هتزور اهلها وهترجع وهتبقى متابعاها بالموبيل خلصت ريم ورجعت ع البيت وملامح زعل علي وشها طلعت اوضتها غيرت وشويا راحت ع اوضه رامى لاقته نايم نزلت قعدت ف المطبخ مع داده عواطف وهى بتحضر العشا

عواطف: مالك يا روما

ريم: غاده مسافره مصر مع جوزها علشان تزور اهلها اجازه

عواطف: يا بختها

ريم: ليه بقى

عواطف :علشان مسافره مصر ومع جوزها وهتشوف اهلها

ريم بتغمز لعواطف شكلك عاوزه ترجعى مصر وبعدين يا داده شامه ريحه كلام مش مطبوخ عاوزه تقولى ايه

عواطف: بصراحه نفسى ازور مصر وبعدين بصراحه عاوزه افرح بيكى وتبطلى عند وتفكرى في نفسك

ريم بتضحك: لدرجه دى هو طلب شعبى ولا ايه كل الي في البيت بيتكلموا ف كده

عواطف مسكت ايد ريم طبطبت عليها: ربنا يريح قلبك وتلاقى البيت الي يضمك ويهنيكى مع ....

ريم: هتقولى امير

عواطف: بصراحه كنت هقول بس بجد ربنا يريح قلبك ويهنيكى مع الاصلح والي قلبك يختاره

ريم: قلبى دلوقتى حدد اختياره خلاص

عواطف: بجد .. ايه

ريم: نفسى اوووى في عصير فرواله ممكن

عواطف ضحكت: ماشى يا لمضه

ريم ابتسمت وحست ان وجود فعلا عواطف ورامى اهم حاجه عندها ...!!

فى يوم ريم نازله رايحه جامعتها ونزلت تفطر كانوا قاعدين ع الفطار عاصم وحنان ورامى قبل ما يروح المدرسه

ريم: صباح الخير

الكل: صباح الخير

رامى مد خده: هااااا

ريم باسته: صباح كل حاجه حلوه ايوه هو دا الصباح

حنان: نفسى اعرف ايه سر رامى معاكى يا ريم انا امه مش عارفه اسيطر عليه

ريم بتغمز ل رامى : ولا هتعرفى .. بيبى بقى خارج السيطره

عاصم : امبارح دخلت دورت عليه ف اوضته مش لاقيته ..كان نايم معاكى

رامى: كنا بنتكلم ف موضوع ونمنا

ضحكوا .. ريم : ايوه ايوه موضوع مهم

ريم موبيلها رن بصت كانت ساندى : اووبس انا اتاخرت يلا باى

رامى : رووما انهارده ميعادنا هتتاخرى

رووما: نو واى .. فى ميعادنا متقلقش المهم انت تكون جاهز

عاصم: ميعاد كل اسبوع

حنان: قصدك صداع كل اسبوع ....

(ريم كل اسبوع بتذاكر ل رامى وبتعمله امتحان لو نجح وجاب درجات عاليه بتنفذله اى حاجه يطلبها ولو حصل العكس بيتعاقب )

عدى اليوم وريم رجعت البيت ورامى راحلها اوضتها وابتدت الامتحان ليه

وصححت ليه الامتحان وجاب درجات نهائيه

رامى : هيييييييييييييه

ريم: بيبى شاطر يا ناس

رامى: انتى وعدتينى لما تذاكريلى هتعملى الي نفسى لو جبت درجات نهائيه فى التيست بقالى شهر بتعاقب كل اسبوع

ريم بتضحك: اطلب يا فندم  اى حاجه هنفذهالك

رامى : اولا نحتفل بنجاحى ها

ريم: تمام وثانيا

رامى : تخرجينى بكره الويك اند ومامى معاقبانى ممنوع خروج

ريم: اممممم انت كده هتدخلنا حرب عائليه

رامى : بليز يا رووما بليزز

ريم : اووووووووووك ننفذ الطلب الاولانى دلواقتى والتانى بكره

راحت ريم شغلت الللاب علي اغانى بصوت عالى

ريم: بيبى تايم تو بارتى

وابتدت تغنى ريم مع رامى ويتنططتوا ويرقصوا وكانهم لوحدهم ف البيت وف الدنيا .... عاصم كان رجع من الشغل ودخل وكانت حنان قاعده بتشرب شاى وبتتفرج علي التليفزيون

عاصم: مساء الخير

حنان: مساء النور

عاصم سمع الصوت : ايه دا

حنان بتضحك: بارتى العاقلين بلاش المجانين رامى وريم

عاصم بيضحك : ربنا يخليهم لبعض !!

خلصت ريم مع رامى الرقص والتنطيط ومن الهده رامى نام علي سرير ريم عدلته ونيمته ونامت جنبه
مامتها خبطت عليها وافتكرتها نايمه ..

ريم: مامى استنى عاوزاكى

خرجت ريم تتكلم مع مامتها ..
ريم: مامى انا هاخد رامى ونخرج بكره

مامتها: انا معاقبه رامى ياريم من الخروج في الويك اند

ريم: حضرتك معاقباه انا لا وبعدين انا وعدته

مامتها: انتى مدلعاه اوى

ريم: يعنى اعتبر دى موافقه .. تمام ميرسى تصبحى ع خير

قبل ما حنان تكمل كلام كانت ريم دخلت اوضتها .. دخلت حنان اوضتها وعاصم كان قاعد بيقرا كتاب

عاصم: مالك وشه متغير

حنان: مبعرفش اقول ل ريم لا علي حاجه

عاصم: حنان ريم كانت فين وبقت فين وبعدين غاده قالتلنا نسيبها ع راحتها منخنقش عليها في قراراتها حتى لو غلطت هى بتتعلم من غلطها وعلشان تبقى مسئوله عن حياتها

حنان: ماهو دا السبب الي شافته ريم مخلينى رابطه لسانى معاها وسايباها براحتها

عاصم: متقلقيش ريم عارفه بتعمل ايه كويس متقلقيش انتى شايفه بقت احسن كتير وعاوزين تخف نهائى ولا ايه

حنان: اوك اوك ..

تانى يوم الصبح صحيت ريم وكانت جاهزه راحت ل رامى كانت داده عواطف بتلبسه ... اتصلت ريم بساندى واتفقوا ان ساندى هتعدى عليها تاخدوهم
نزلت ريم ورامى بيجروا ع السلم .. قابلوا مامتهم ف وشهم

حنان: فى ايه براحه هتوقعوا

رامى: بسرعه يا روما جون ولارا مستنينى يلا

ريم بتضحك: سورى يا مامى اصل ساندى جت ومعاها ولاد اختها ورامى مستعجل

حنان: طيب خلى بالكم علي نفسكم مش كان السواق يكون معاكم

ريم: لا مفيش داعى ساندى هى ال هتسوق ومتقلقيش

حنان: طيب خلى بالك من رامى يبعد عنك و...

ريم: ايه يا مامى هو انا اول مره اخرج معاه لوحدى اطمنى انتى

خرجت ريم ورامى جرى بسرعه علي العربيه ودخل قعد جنب جون ولارا

والكل بيتكلم بالانجليش
ساندى : اتاخرتى

ريم: سورى ساندو

ساندى بتبص ع الكنبه ال وراها : ready

رامى ولارا وجون: yes we ready

ريم بصت ل ساندى : time to enjoying
شغلت ريم الكاست وعلت الصوت والجو كان شبه احتفال ف العربيه

راحوا ع حديقه كبيره معروفه وابتدوا الاولاد يلعبوا وريم وساندى يلعبوا معاهم ...
ساندى: انا هروح اجيب ايس كريم

ريم: اوك

ريم وهى قاعده شايفه تله كبيره بصت ع رامى واصحابه: متتحركوش من هنا انا راجعه

وساندى راجعه بالايس كريم

رامى: اوك

مشيت ريم اتجاه التله وطلعت وكانت عاليه اوى قربت منها بخطوات هاديه ووقفت علي حرفها ومن غير ما تبص تحت غمضت عنيها ورفعت راسها
وفتحت ايديها زى احساس انها هتطير ... فضلت كده شويا كانت ساندى رجعت بتدور ع ريم رامى قالها انها مشيت فى الاتجاه التله راحت ساندى تشوفها بتعمل ايه وهى بتقرب شافت حد واقف ع حرف التله وهى بتقرب لاقتها ريم اتخضت : omg ,romaaa

قربت ساندى من ريم وخافت انها تقع والتله اخرها بحيره ..
ساندى بقلق: رووما .. رووما

ريم فتحت عنيها ومن الخضه كانت هتقع راحت ساندى شدتها بسرعه ووقعوا الاتنين ..

ساندى: انتى مجنونه ايه ال عملتيه دا

ريم باصه ل ساندى: هو ايه حصل

ساندى: انتى عاوزه تنتحرى يا ريم ..عاوزه تموتى

ريم: هو انا كنت هنط

ساندى: كان ناقص واقفه ومغمضه وفاتحه ايدك زى ال بتسلم نفسها لموت

ريم بتضحك: انا مش قاصدى كده انا كنت واقفه عادى

قامت ساندى مسكت ايد ريم ووقفوا : روما متعمليش كده تانى انا كنت هموت

ريم حست ان ساندى اتخضت : متقلقيش يا بيبى انا لو هموت هموت لوحدى محدش هيشوفنى

ساندى خبطت ريم وريم خبطت ساندى وجريوا ناحيه الاولاد وقضوا يلعبوا كلهم مع بعض طلعوا ساندوتشات ياكلوا .. ريم شافت قطتتين صغييرين جنب شجره راحت هناك

ساندى: روما فى حاجه

راحت قربت لاقت ريم بتفضى السندوتشات بتاعتها وبتحطهم لقطط صغيره ..
ساندى : بتديهم اكلك انتى كده مش هتاكلى

ريم: عادى انا مش جعانه ..بصى شكلهم حلو ازاى

ساندى ادت ريم سندوتش: وانتى هيبقى شكلك احلى وانتى بتاكلى يلا

قعدوا يهزروا وشويا جون ورامى جم ناحيه ريم وساندى

رامى: عاوزين نركب عجله

جون: عاوزين نركب عجله

ساندى: لا انتم هتقعوا لا

رامى : اركبوا معانا

ساندى: فكره .. ونعمل سباق والخسران يشترلينا شيكولات

ريم: كل تفكيرك الاكل ..ماشى يلا

راحوا يركبوا عجل وكانت الي بيسوقوا ريم وساندى وقدامهم رامى وجون

وابتدوا السباق وهما ماشين .. رامى: روما اسبقى مش عاوز جون يسبقى

روما: امسك جامد ولننطلق

زودت ريم السرعه وهى ماشيه بالعجله ومره واحده قابلت فى وشها مجموعه شباب راكبين عجل وبيعملوا سباق وماشين بسرعه حاولت ريم تتفاداهم معرفتش مره واحده وقعت هى ورامى وقعدوا يدحرجوا وريم مسكت رامى وحضنته ولسوء الحظ اتخبطت فى راسها وحديده دخلت فى دراعها ونزفت دم كتير ...

اتلم ناس حواليهم ..وبسرعه راحوا ع المستفى
لان حاله ريم كانت بتنزف .... وفى المستشفى لاحظوا ان فصيله دمها نادره شويا وطلبوا متبرع ولاقوا متبرع ..ساندى اتصلت ب امير لانها محبتش تخض ام ريم وراح امير ع المستشفى كان رامى اتعرض لكدمات بسيطه لكن ريم الي كانت اصعب لانها شالت الخبطات واتخبطت ف دماغها من صخره والحديده الي دخلت دراعها وخلتها تنزف ..

امير بعد ما اطمن على ريم ورامى : هو فين الي اتبرع علشان اشكره

ساندى: مش عارفه مشفتهوش هما قالوا حد من ال جابوهم

راح امير يسئل الممرضه قالتله انه مشى رجع اتصل ب ام ريم وباباه وجم ع المستشفى ..

قعدت ريم يومين ف المستشفى ورجعت ع البيت تحت رعايه داده عواطف واحساس رامى انه السبب ريم سئلت علي رامى وراحتله الاوضه لاقته قاعد زعلان وبيعيط

ريم: بيبى بتعيط ليه وزعلان كمان

رامى بص ل ريم: انا عارف انك زعلانه منى زى بابى ومامى وامير لانى انا السبب فب تعبك والي حصل دا صح علشان اصريت تخرجينى ونركب العجله

ريم بتتمالك نفسها من التعب وبتضحك وراحت جنب رامى علي السرير : يا بيبى لو علي مين الي غلطان يبقى انا لانى اتهورت وزودت السرعه وما اخدتش بالى ان معايا بيبى القمر

رامى : لا انا الي غلطان

حضنت ريم رامى : متزعلش احنا الاتنين الغلطانين ماشى

رامى بيعيط: كنت خايف اوى عليكى يا روما

ريم حضنت رامى وبتضحك: خلاص كفايه عياط هعيط انا كمان ونغرق البيت

رامى بص ل ريم: اصل لما ملقتكيش لبسه السلسله بتاعتى قلت تبقى زعلانه

ريم حسست ع رقبتها : صح هى فين السلسله انا اخر مره فاكراها كانت ف رقبتى

رامى: تلاقيها ف الاوضه اسئلى داده عواطف
راحت ريم اوضتها تسئل علي السلسله مش لاقتها

عواطف: ممكن تكون مع امير لانه هو الي كان معاكى

ريم: ممكن بس امير مسافر لما يرجع

عواطف: ان شاء الله يلا ارتاحى بقى انتى لسه تعبانه

مرت سنه وجه يوم تخرج ريم من جامعتها وحضرت الحفله مامتها وعاصم ورامى وداده عواطف ورنا كانت مسافره لكن جت علشان تحضر حفله تخرج ريم وترجع لفريد تانى ورجعوا ع البيت عملوا حفله صغيره ليهم بس احتفال بتخرج ريم

عاصم: مبروك يا روما ع التخرج

حنان: مبرووك يا حبيببتى بنوتنى الحلوه اتخرجت

ريم: ميرسى الله يبارك فيكم

رنا: واخيرا اتخرجنا بعد كده علشان متقوليش مذاكره ولا اى حاجه

ريم بتبتسم..

رامى : انا اشتريتلك التورته دى بمصروفى مش كده يا مامى

حنان بتضحك: فعلا التورته دى بمصروف رامى قوليلنا عاوزه ايه هديه بقى

ريم : امممم ميرسى مش عاوزه

عاصم: لا ازاى قولي عاوزه ايه علشان نجيبه ولا نجيب ع ذوقنا
وامير سايبلنا خبر ان هديته هيجبها وهو جى من ايطاليا

ريم: بجد مش محتاجه حاجه .. عاوزين تجبولى هديه هاتوا ل رامى بدالى
انا هطلع اوضتى ...

طلعت ريم اوضتها ..حنان: انا عارفه انها هتعمل كده

عاصم: خلاص نعمل زى كل مره نحطلها فى رصيدها ف البنك وهى حره

حنان: اوك

طلعت ريم وشوية وباب الاوضه خبط ودخلت مامتها

حنان: هتنامى يا روما

ريم: لا قاعده شوية

حنان راحت قعدت جنب ريم ومسكت ايديها وضماها: جه اليوم الي شفتك فيه متخرجه كنتى زى القمر

ريم: ميرسى

حنان: ها ناويه تعملى ايه الخطوه الجايه

ريم: مفكرتش لسه

حنان :ريم

ريم: ايوه

حنان : انتى عارفه ان انتى ورامى ورنا اغلى الناس عندى واى حاجه فيها سعادتكم انا هعملها مهما كلفت ويهمنى اشوفكم سعداء ومبسوطين

ريم : واحنا كمان مهم عندنا تكونى سعيده يا مامى

حنان : وانتى عارفه انا بخاف عليكم اد ايه

ريم: عارفه

حنان: لا مش هتعرفى غير لما تجربى احساس الامومه

ريم: ان شاء الله

حنان: ودا هيتحس لما تتجوزى

ريم ملامح وشها اتغيرت : اتجوز

حنان: دى سنه الحياه يا حبيببتى ..دور اى واحده خلقها ربنا تتجوز وتخلف وتربى اطفالها وتفرح بيهم وانا بعمل كده وانتم هتعملوا كده .. رنا اطمنت عليها .. ورامى لسه المشوار قدامه طويل وعاوزه اطمن عليكى يا ريم  عاوزه افرح بيكى اشوفك فرحانه وسعيده

ريم بعدت ايديها : مامى الموضوع دا لسه بدرى عليه

حنان: بدرى ايه يا حبيببتى العمر بيجرى ودا احسن سن للجواز والاستقرار علشان ولادك متحسيش بفرق سن بينك وبينهم وانتى لولا الظروف الي حصلت ..المهم كان زمانك مخلصه دراسه بقالك كتير

ريم : احنا ف لندن مش مصر يا مامى بلاش التفكير دا

.. حنان : مصر لندن هو التفكير واحد بصراحه امير فاتحنى فب الموضوع بقاله فتره وانا مش هلاقى احسن من امير

ريم متفاجئه : امير

حنان: ايوه ..البيت كله ملاحظ وعارف ان امير مهتم بيكى ودا من زمان من قبل ما انا وباباه نتجوز وهو صارحنى عاوز يتقدملك رسمى

ريم : مامى ..انا مبفكرش فى امير زى ماانتم بتفكروا و ..

حنان قاطعتها: ريم يا حبيببتى ..امير اكتر شخص عارف ظروفك والي مريتى بيه وعارف حياتك اكتر شخص هيحافظ عليكى وهيراعيكى وهكون مطمنه عليكى معاه ..
هو فاتح عاصم وانا والرد الاخير ليكى .. انتى عارفه اننا مش هنجبرك ع حاجه بس انا بنصحك ك أم وبحبك ..صدقينى مش هتلاقى زى امير ...!!

ريم: انا ..

حنان: فكرى كويس وقولى ردك ..!!

خرجت حنان وريم ف ضغط تفكير ف حوار ارتباطها ب امير الرسمى والكل ابتدا يتكلم معاها مامتها ورنا وعواطف ورامى وعاصم وفريد ويقنعها توافق مش عارفه تعمل ايه ياترى كلامهم صح امير مناسب ليها ولا لا.. وارتباطها ب امير هيساعدها ف العلاج وتبقى انسانه طبيعيه لانه عارف وضعها ولا لا .. قعدت ريم  محتارة وبتفكر علشان توصل لقرار ...وامير اتصل ب حنان وعرف منها الي حصل وردود ريم ال شجعته انه يرجع بسرعه ف اقرب وقت من السفر ...!!!...

مر يومين وفى يوم ريم راجعه من خروجه مع اصحابها شافت امير

ريم: حمد الله ع السلامه

امير: الله يسلمك ..مبروك ع التخرج كان نفسى ابقى موجود بس الشغل وانتى عارفه

ريم باابتسامه: ربنا يوفقك ..انا هطلع ارتاح شويا

امير : انا جبتلك هديتى وحاططها ع المكتب يارب تعجبك وتقبليها

ريم: مكنش ليه لزوم يا امير بجد

امير: دى تختلف عن غيرها ..اطلعى وشوفيها

طلعت ريم اوضتها ومش كانت مهتمه بصت عادى لاقت علبه صغيره وعليها كارت فتحت العلبه لاقته خاتم وكارت مكتوب فيه " تتجوزينى "

وف اللحظه دى باب الاوضه خبط ودخل امير
ريم بصتله متفاجئه بال شايفاه .. امير : تتجوزينى يا ريم ‏‎