رجعت ريم مبسوطه رنا شافتها
رنا: ايه السعاده دى
ريم: مش هتصدقى يا رنا
طلعت ريم من جيبها السلسله: سلسلتى الي ضاعت ف لندن لاقيتها
ر
نا اتفاجئت: بجد ومتاكده ان هى
ريم: يعنى ال جبهالى هيكدب عليا ليه وليه دى بالذات وغير كده اتاكدت انها هى السلسله لان الحرف اللي مكتوب في ضهره اسمى واسم رامى
رنا: بجد حاجه غريبه والغريب الشخص الي لاقاها واحتفظ بيها المده دى
ريم: بصراحه مفكرتش كتير المهم انها رجعت .. انا هكلم رامى هعرفه انى لاقيت السلسله هيفرح اكيد ...
رنا بصت علي الساعه : يادوب تلحقيه قبل ما ينام راعى فرق التوقيت
ريم: صح هقوم اكلمه واخد شاور علي السريع
رنا شايفه ابتسامه علي وش ريم علشان لاقت السلسله : وانا مستنياكى هنا
دخلت ريم اوضتها واتصلت ب رامى فرحته بخبر السلسله وهو فرح انها لاقتها ... استمرت ريم تنزل كل يوم الصبح بدرى مع مريم واوقات رنا بتكون معاهم علشان مشغولياتها وحملها مكنتش بتقدر تنزل كتير فصدرت مريم ل ريم متسبهاش ومريم رحبت جداااا ومن اصرار مريم فكانت ريم بتنزل وريم لاحظت ان الجو مشجع ...
مر يومين ف نفس الميعاد ريم نزلت هى ومريم يتمشوا ف الحديقه من غير رنا وكانت ريم نزلت متاخر عن ميعادها
راحت المكان الي بتقعد فيه وكانت بتدور علي القطه وبتحطيلها الاكل وكانت مريم راحت تجرى وريم قاعده سمعت صوت من وراها بالانجليش : هاى
ريم بصت لاقته نفس الشاب : هاى
الشاب ابتدا يتكلم بالانجليش : صدفه تانيه
ريم حاولت تفتكر لانها مركزتش ف وشه وافتكرت : هاى
الشاب باصص علب القطه: واضح انك بتحبى القطط
ريم بتبص ع القطه: مش اوى بس فكره حد محتاجك وبتساعده دى كويسه مهما كانت انسان او حيوان او نبات
الشاب: اممم وجهه نظر مد ايده : لو هان وبيقلولى ليو
ريم : ها
لوهان بيضحك : امبارح متعرفناش علي بعض فحبيت يحصل تعارف
ريم بتردد مدت ايديها : ريم وبيقولولى روما
لوهان : اه السلسله بحرم ال r
ريم: امممم
لوهان: واضح جدااا انك مش من هنا .. عربيه... شرق الاوسط
ريم با ابتسامه: مصريه وهنا في زياره ل اختى
لوهان: كنت فاكر بتدرسى فى عرب كتير هنا لدراسه
ريم تلقائى : لا انا خلصت دراسه ..مبريال كوليدج في لندن
لوهان: بجد.. انا كمان كنت هناك ..انا كنت عايش ف لندن عمرى ورجعت كوريا من 5 سنين ..بس ال يشوفك يقول عمرك 21
ريم تلقائى : 24
لوهان: بجد....انا 27
ريم: اهلا بيك
لوهان قدر يجرجر ريم ف الكلام وعرف عنها معلوماتها الاساسيه وريم بصت ف موبيلها فراح لوهان بسرعه مد ايه : اصحاب
ريم متفاجئه وساكته ولوهان كمل كلام : بصراحه حاسس انك انسان جميله وشرف ليا اننا نكون اصدقاء .. انا بحب اعمل صداقات مع كل الناس حوالين العالم الاختلااط معاهم بيدينى احساس بالتعمق وفهم الناس وفى لندن كان ليا اصدقاء عرب من الامارات والسعوديه والكويت والاردن وسوريا ومصر قليلين افتقدتهم بصراحه لما استقريت هنا .... وبصراحه حابب نكون اصدقاء ممكن
ريم اتفاجئت من كلامه : انت فاجئتنى بالكلام دا ..انا بصراحه ...
لوهان قاطعها : انتى قولتيلى مش عارفه تعملى ايه ليا لما السلسله رجعتهالك .. هو دا طلبى المقابل وكمان مقابل حاجه ليا عندك ..؟
ريم متفاجئه : حاجه ليك عندى
لوهان: ايوه .. ومش عاوزها عاوز بس صداقتك ومش هتندمى عليها ؟
ريم متفاجئه وهى اول مره تقابله لما اخدت السلسله وايه الحاجه الي اخدتها منه: ممكن تقولى ايه هى وارجعالك
لوهان : اممم لو وافقتى ع صداقتنا هقولك
ريم متصلبه ومش فاهمه حاجه ...
لوهان بيضحك: اوكيه اوكيه ..هنعمل اتفاق لو اتقابلنا 3 مرات صدفه تانيه يبقى القدر بيجمعنا ولا مفر وتوافقى علي صداقتى وهقولك وقتها اوكيه
ريم متنحه من الطريقه وعاوزه تقفل كلام لانها عارف انه استحاله يتقابلوا تانى صدفه وحاسه انه بيكدب عليها علشان يتكلم معاها وقررت انها هتغير المكان ووقت نزلوها علشان متقابلهوش فوافقت : اوكيه
لوهان: همشى انا واشوفك ف الصدفه الجايه ..باى
ريم باصه عليه وهو ماشى بيلبس النضاره وبينزل الكاب ع عينه : شخصيه غريبه
مريم جت بعد شويا شافت ريم قاعده سرحانه وبتسمع mp3
مريم: سورى يا روما قابلت واحده صاحبتى واتكلمنا فتاخرت عليكى ..يلا بينا
ريم: مفيش مشاكل يلا .. مريم
مريم: ها
ريم: حصلك قبل كده وواحد جه يكلمك يعرض صداقته عليكى
مريم: صداقه ..امممم بتحصل عادى
ريم: بتحصل عادى
مريم:اه يا بنتى ..انتى عايشه ف لندن ومتعرفيش انه عادى
ريم:اه عايشه ف لندن بس محصلش ان واحد فاجاءه يطلب صداقه وميعرفنيش
مريم بتضحك: لا عادى هنا الشاب يتعرف علي البنت لو موافقه اوكيه ..رفضتى عادى ..فكرتينى بنفسى اول يوم ارتباطى
ريم: انتى مرتبطه ..
مريم باابتسامه: يس .. وهعرفك عليه قريب
ريم مش قادره تستوعب : يلا بينا اتاخرت ع رنا
مريم :يلا
مشيت ريم مع مريم وهى بتفكر في الي حصل اول مره يحصلها بالشكل دا
هى كانت ف لندن بتواجهه عرض الاعجاب ويطلب الارتباط وكانت بترفض
لكن طلب صداقه محصلهاش بالشكل دا والاتفاق الصدف ..قالت مستحيل هيحصل ومشيت مطمنه انها مش هتشوفه تانى ....!!!!
لوهان راح البيت ودخل اوضته يغير وياخد شاور وهو ف الحمام باب اوضته خبط ودخلت (يو مى ) بنت صديق مقرب وشريك ل ابو لوهان
يو مى: اوبا
(كلمه اوبا بتقولها البنت ف كوريا لولد لما يكون شخص قريب منها جدااا اخوها او صديقها المقرب او حبيبها )
لوهان : لحظه وخارج
يومى: اوكيه مستنياك
لوهان خرج من الحمام ولابس البرنس وخرج ف الصاله ل يومى : صاحيه بدرى انهارده
يومى: عرفت انك رايح تسجيل انهارده ..فجيت نفطر سوا
لوهان: وعرفتى تتطلعى بسهوله العماره
يومى مسكت جاكت وكاب ونضاره كبيره: طبعا مبنش منى حاجه
لوهان قرب من يومى ومسك خدها وبيقرصها: كان فين النشاط دا ف دراستك والذكاء دا ..
يومى : اوبا .. بتوجع ..الحركه دى بتضايقى بطلها بقى
لوهان بيضحك: لما تكبرى
يومى بتلف وهى واقفه: اكبر .. انا كبيره جدااا كمان
لوهان بيضحك: خلصى دراستك علشان تبقى كبيره
يومى: الدراسه ف لندن صعبه اوى
لوهان: الدراسه ولا خروجك وسهراتك..قلتلك اتنقلى جامعه تانيه اسهل
يومى بسهوكه: لا انا عاوزه الجامعه الي درس فيها اوبا
لوهان بيضحك: انا داخل البس
يومى: وهكون حضرت الفطار انا جبته معايا
لوهان: اوك
يومى: مستنياك ....
خلص فطار ونزل وصل يومى لبيتها وراح الشركه ودخل ع استوديو التسجيل هو وكان فيه تسجيل اغنيه جديده لفرقته .. خلص التسجيل وقف ف الشباك يشم هوا بص لاقى واحده بتاكل قطه وبتفتفت ليها الاكل
ف اللحظه دى افتكر نفس موقف ريم وطلع موبيله وفتح الصور الي صورها ليها وهى مش حاسه وقرب علي صوره وهى بتضحك وسرح دخل عليه واحد من اعضاء فرقته وصاحبه اسمه (جو وون )
جو وون: هاااى لوهان
لوهان: سرحان.. صاحبه راح خبطه ف كتفه : هاى
لوهان فاق: هاى
جو وون: سرحان ف ايه اكيد فى الاغنيه الجديده
لوهان بيضحك: اه فعلا
جو وون لاحظ الصوره ع الموبيل : مالك فى حاجه حصلت
لوهان : فاكر السلسله الب لقناها واقعه في لندن
جو وون: ايوه
لوهان مبتسم: رجعتها لصاحبتها انهارده
جو وون: omg .. ولاقيتها ازاى وفين
لوهان: صدفه غير مترتبه
جو وون: علشان كده حافظت عليها
لوهان: احساس انها هترجع لصاحبتها خلانى احافظ عليها
جو وون بيغمز ل لوهان : انت قولتلى انها عربيه حلويين بنات العرب
لوهان: واضح انها من الشرق الاوسط عربيه لانى سمعتها بتتكلم عربى
جو وون : من نظرتك حاسس بحاجه غريبه بتفكر فى ايه ؟
لوهان: فضول .. فضولى عاوز اعرفها عن قرب واكسب صداقتها
جو وون: ليه وايه المميز فيها عن غيرها ؟
لوهان: مش عارف يمكن لما ارضى فضولى هعرف السبب انت عارف لما بحط حاجه عاوز اعرفها ف دماغى
جو وون: مش بتسيبها لغايه ما تعرفها
لوهان: ايووه
جو وون: المهم انها اخدتها وكده نركز ف شغلنا بقى
لوهان : ok .lets go
رجع لوهان تانى يكمل ال بيعمله ف استوديو التسجيل ...!!!
مركزتش ريم ف كلام لوهان لانها فكرت كتير تشوف هى قابلته امتى غير مره بتاعه السلسله مش فاكره وهى عارفه اصحابها كويس والي شافتهم وهو اول مره تشوفه فا اتاكدت انه بيكذب عليها علشان يخليها تقبل صداقته وقررت تتجاهله ومتفكرش كتير ف كلامه ولانها راجعه لندن...
رجعت البيت اتفاجئت بوجود امير ..
رنا: مفاجئه
ريم: امير
امير با ابتسامه: ايه رائيك وحشتونى جيت اشوفكم
رنا: الي يسمع كده يقول هتقعد معانا يومين مش مسافر بكره بليل
ريم: حمد الله ع سلامتك
امير بيضحك: وحشتونى وعاوز اشوفكم
رنا: روما ..امير جبلك هدايا حلوه اوى في اوضتك
ريم بصت ل امير : هنا كمان هدايا
امير: اى مكان تروحيه يا روما ..مبقدرش امسك نفسى لما بشوف حاجه بشوفها انها لكى بشتريها ع طول
ريم باابتسامه: ميرسى لذوقك بجد ..بس كده كتير وبعدين انا راجعه قريب لندن كنت احتفظ بيهم لغايه ما اجى
امير: مش مهم المهم انهم وصلولك
ريم بصت باستعجاب علي تصرفات امير الي مبتخلصش ودخلت غيرت هدومها
قعدوا شويا .. وفريد رجع من بره وقعدوا يتعشوا سوا
فريد: بعد غياب الفتره دى من وقت ما جينا هنا مجتش ومقضيها تليفونات ياريت ريم كانت جت من زمان كنا نشوفك
امير بيضحك: يا حضره الدبلوماسى فين دبلوماسيتك ف الكلام مش الهجوم كده
فريد بيضحك: مش دا اسلوبك فى الحياه هاجم ومتصبرش
امير بيبص ل ريم: مطلعش ينفع مع كل حاجات ف حاجات محتاجه وقت
رجع بص ل فريد: انا عارف انك زعلان منى يا فريد ومقصر معاكم بس فعلا مشغول الشركه والمسئوليات الي عليا ..دى فلوسنا وانتوا سايبنها امانه عندى مينفعش استهتر بيها واول ما جت فرصه يوم اجازه قلت استغلها واجى اشوفكم
فريد: بيزنس ..بيزنس ..بيزنس ارحم نفسك عمرك هيضيع ف البيزنس
امير : الحياه ايه غير كفاح ومستقبل .. عاصم بيه مهدلنا الطريق وانا همهد الطريق ل اولادنا ولا ايه يا ريم
ريم حست بتلميح امير :ها.. ان شاء الله ودخلت نامت ريم وامير افتكر انه كده بيحاصر ريم علشان تستسلم ليه ...!!
سهروا كلهم اليوم دا وقضى معاهم اليوم كله وتانى يوم سافر بليل ع لندن .. قعدت ريم يومين مبتنزلش تمشيه الصبح... فى يوم ريم نزلت مع مريم ورنا يتمشوا في الصبح ..
وكانت ناسيه خالص موضوع الصدف وكلام لوهان كله وهى بتتمشى مع مريم ورنا وفى ودانها الهاند فرى بتسمع الاغانى وهما ماشين شافت شاب لابس جاكت ونظاره وزعبوط الجاكت علي راسه وطى قدامهم بخطوتين يربط الشوز وبص ل ريم وعرفته انه لوهان وعملها بصوابعه رقم 1 اتفاجئت ريم بالحركه وبعد ما ربط الشوز جرى يكمل رياضته ....
افتكرت ريم وعقبال ما جمعت كان مشى واختفى ...!!!
مر اسبوع ريم مردتش تنزل من البيت حست انه بينزل ف ميعاد علشان عارف انها بتكون موجوده فقررت متنزلش لغايه ما يفقد الامل واللعبه الصدف تخلص بقت فعلا تنزل فى وقت تانى ومش بتشوف لوهان .. فى مره وهى ماشيه مع مريم رايحين المطعم عند مامتها وباباها وهى قاعده معاهم وسط اصحاب مريم وبيتكلم منهم العربى والاجنبى والكورى
وبتبص عادى حواليها شافت لوهان قاعد ع ترابيزه وعملها بصوابعه رقم 2 وقام خرج .. الموضوع كله اصلا ضايق ريم وجت تقوم تخرج تلحقه قبل ما يخرج مش لحقته واتخنقت من تصرفاته...!!!
مريم: فى ايه يا روما
ريم: كنت بشبه على حد اعرفه ومش لاقيته
مريم بتضحك : هنا يخلق من الشبهه كتير عادى تعالى
راحت قعدت ريم شويا ومريم كانت واقفه مع شاب وشويا ندت ع ريم
ريم راحت ناحيتهم .. مريم ابتدت تتكلم بالانجليش
مريم: بما ان اللغه الوحيده الي هتفهموها انتم الاتنين من غير ما اقعد اترجم الانجليش هتكلم بالانجليش اعرفكم ببعض .. روما اجدد صديقه وجارتى .. اعرفك يا روما دا ادمز حبيببى
ريم حركت راسها: هاى
ادمز :هاى .. ريمو حكتلى كتير عنك الفتره الاخيره وفضولى حبيت اتعرف عليكى
ريم باابتسامه قصرت التعارف : وانا كمان فرصه سعيده .مريم انا رايحه اقعد
مشيت ريم وراحت قعدت وسابت مريم مع ادمز واقفين وشويا سلم علي باباها ومشى مريم رجعت قعدت ..
ريم: مريم هو باباكى ومامتك متقبلين فكره ارتباطك كده يعنى من غير ارتباط رسمى خطوبه كده يعنى
مريم: انا بابا وماما سيبهلى حريه اختيار شريك حياتى زى ماهما كانوا حرين واختاروا بعض ..وانا قبل ادمز ارتبطت كذا مره بس الفرق حبيت ادمز حقيقى وكل دا واهلى عرفين وقدامهم يعنى مش بعمل حاجه غلط ..الغلط لو مخبيه ..وادمز عاجبه جدا علاقتى باهلى وعلاقتهم بيه كويسه جدا احنا عايشن دلوقتى وسايبن بكره لبكره لما ربنا يشاء بخطوه خطوبه هتحصل ..
ريم: اصل باباكى مصرى واستغربت
مريم بتضحك: لالالا بابا يعتبر صاحبى هو مدينى ثقته وانا محافظه عليها ولما بحتاجه بلاقيه ..شخصيتى الي انتى شيفاها دى هو الي ساعدنى اكون كده ومحبوبه من الكل وصاحبه قرارى لانى عارفه انى لو غلطت هيقومنى مش هيعاقبنى ..انا بسمع عن ابهات تانيه بيعاملوا ولادهم معامله سيئه جدااا مش مصريين بالعكس هنا كمان اجانب وكوريين ..انا بشكر ربنا علي هديته ماما وبابا وادمز واكيد انتى يا روما
ريم حست بوجع من كلام مريم ووصفها لعلاقه باباها معاها بتسمع كلام عمرها ما حسته وحساه غريب عنها : فعلا فى ابهات من النوع التانى واولادهم بيعانوا باقى عمرهم
مريم لاحظت ملامح وش ريم اتغيرت : روما ..هو انتى محبتيش قبل كده قولى قولى متخبيش
ريم بتضحك : لا ابدا
مريم: اومال مين امير الي انا شفته عندكم ورنا حكتلى عنه وعنك كتير وهى بصراحه نمت معايا شويا قالتلى انه بيحبك وعاوز يتجوزك وانتى رفضتيه وهو مستنيكى .. حد يلاقى حد كده امسكى فيه كويس
ريم بابتسامه : علاقتى ب امير عيله فرد من العيله لا تخيلته ولا شوفته يكون غير كده ..وفكره الجواز مستبعده سواء ل امير او غيره حاليا
مريم مستغربه : في بنت مش تحب انها تتحب وحاجات الحلوه دى
ريم بتضحك: انا .. ويلا بقى علشان هتاخر ع رنا وعاوزه اكلم رامى قبل ما ينام
مريم : يلا بينا
قعدت فتره اسبوع منزلتش تمشيه الصبح بسبب انها تعبت جالها دور برد ففضلت في البيت فى يوم صممت مريم انها تنزل معاها كنقاهه من جو البيت ونزلت ريم .. تعبت ريم من المشى سابتها مريم تكمل جرى وترجعلها وهى قاعده وحاطه سماعات mp3 ف ودانها لاقت فب واحد قعد جنبها مهتمتش غير لما حرك ايده قدامها بصت لاقته لوهان
شالت سماعات من ودانها وابتدى الحوار بينهم بالانجليش
ريم متفاجئه : انت
لوهان: .. كده بقت 3 والاتفاق تم .. اصدقاء
ريم متفاجئه: انت بتتكلم ع ايه
لوهان: ع اتفاقنا اتفاق الصداقه مرت 3 صدف اهو
ريم اضايقت من الحركه دى وبتحاول تتمالك نفسها : اسفه
لوهان: ايه هو
ريم: الصداقه ال بتحكى عليها ..مش موافقه عليها
لوهان بااستغراب : ليه .. احنا اتفقنا وانتى عليكى دين وهتسديه كده ..ايه الاعتراض مش فاهم ؟
ريم بتتمالك نفسها لكن بتتكلم بحديه شويا : انا مش عاوزه صداقتك وبشكرك جداا انك حافظت علي سلسلتى ورجعتهالى والحاجه الي اخدتها منك عرفنى ايه هي وارجعهالك مش هتقول اوكيه دى حاجه ترجعك
لوهان بيضحك: انتى واضح فهتى غلط ..انا بطلب صداقه مش حب مش بعاكسك انا
ريم قامت وقفت: انا ماشيه
لوهان جه يمسك دراعها راحت اتنفضت وزقته: ايه ال بتعمله دا
لوهان اتفاجئ : مالك مضايقه ليه ؟
ريم انفجرت وبعصبيه : انا مش بحب اتغصب علي حاجه ..صداقه انا مش بعمل صداقه مع حد معرفهوش...انت عرضت وانا رفضت يبقى خلاص .. بلاش احساس انى متراقبه دا بيضايقنى وياريت ياريت منتقابلش تانى لو صدفه اتجنبها ..باى
لوهان واقف متفاجئ من طريقتها الي اتحولت وعصبيتها وفضل واقف لغايه ما اختفت من قدامه وهو حاسس انه مغلطش في حاجه يخليها تتكلم بالاسلوب دا وبالطريقه دى ....!!
روحت ريم وهى مضايقه من الي عملته وانها اتعصبت كده ومتكلمتش بهدوء دخلت اوضتها ومردتش علي رنا لما كلمتها ونامت ع السرير وسماعات
رنا دخلتلها الاوضه: ريم
ريم مش سامعاها قربت منها رنا خبطت علي كتفها اتفزعت : رنا
رنا: مالك فى ايه
ريم: رنا انا عاوزه ارجع لندن
رنا: ف حاجه زعلتك ف حد ضايقك عرفينى
ريم: لا مفيش بس انا زهقت وعاوزه ارجع ممكن
رنا حست بان ريم مخنوقه : اوكيه .. هقول ل فريد يحجزلك قريب
ريم: ياريت
خرجت رنا ومش فاهمه وريم مضايقه اتصلت علب غاده لاقت موابيلها مقفول فقررت متكلمهاش غير لما ترجع لندن افضل من كلام التليفون ....!!
لوهان هو كمان مستغرب وروح البيت يغير هدومه واخد دش ونزل راح الشركه ورجع البيت واتصلت بيه يومى تتعشى معاه حجزت مكان ومستنياه غير هدومه وراحلها وهو قاعد سرحان ومش بيتكلم يومى لاحظت : اوبا ..فى حاجه
لوهان: ها
يومى: انت كويس
لوهان بص ل يومى : يومى
لوهان: لو شخص طلب صداقتك هتوافقى ولا هتتضايقى
يومى: لو انسان كويس ويستحق صداقتى مفيش مشاكل لكن يكون عارف انها صداقه علشان انا هتعامل معاه علي مبدئها
لوهان: يعنى عادى مش تضايق ولو هترفضى
يومى: بالذوق ..اسلوب مؤدب هفهمه انه مينفعش والموضوع يخلص
لوهان: يعنى مش هتتعصبى ولا تضايقى
يومى بتضحك: هضايق ليه هو هيقولى بحبك دا عرض صداقه يا قبول يا رفض هضايق ليه انا.. بس ليه بتسأل ها قولى ها ؟
لوهان مسك الجاكت بتاعه : انا ماشى عندى تصوير الصبح
يومى شافته ماشى : اوبا ..
لوهان مسمعهاش ومشى رجع علي البيت ومش قادر يفصل تفكير ف الي حصل ....تانى يوم حضر جلسه تصوير اعلان وبعدها راح عند صاحبه (جو وون) ف البيت .. وهما قاعدين لاحظ جو وون ان لوهان متغير وسرحان
جو وون: ليو فينك ؟
لوهان بص ل جو وون: انا كنت اوفر صح
جو وون مستغرب بص ع الكاس ف ايده : اوفر .. دا اول كاس
لوهان: لا اوفر واوفر اوى كمان
جو وون لاحظ لوهان اتعصب: اوكيه اوكيه اهدى اوفر فعلا كده
لوهان: لكن دا مش سبب يخليها تتعصب عليا كده كان بهدوء ترفض مش صوتها يعلي وتتعصب وتترفز وتسيبنى واقف وتمشى ومتسمعنيش
جو وون بص ل لوهان: ليوو ..مين دى
لوهان :ريم
جوون: صاحبه السلسله
لوهان: ايوه .. عرضت عليها نكون اصدقاء لاقتها اتعصبت واتنرفزت ومعرفش ليه
جو وون: ممكن يكون اسلوبك ضايقها
لوهان: هو نفس الاسلوب الي بتعامل فيه مع كل شحص جديد احب نكون اصحاب مغلطتش انا .. ومفيش حد عرفته لا شاب ولا بنت واشتكو من اسلوبى
جو وون: اهدى يا ليو .. موقف وعدى مجتش عليها انت ليك اصحاب كتير يعنى
لوهان بص ل جووون وشرب : فعلا مجتش عليها عموما هى الي خسرت صديق مش هتلاقى زيه هنا
لوهان شرب الكاس : انا هروح البيت انام
جو وون: طيب استنى علشان عاوزاك في موضوع يخصك
مر اسبوعين وفريد كان حجز ل ريم فى يوم قبل سفر ريم بيومين كانت قاعده مع رنا بيتفرجوا ع التليفزيون
الباب رن وكانت مريم .. مريم: مساء الخير
رنا وريم: مساء الخير
مريم: سورى علي الازعاج بس كنت عاوزه ريم ف حاجه
ريم: خير
مريم ببهجه: جهزى نفسك كمان يومين هنروح رحله
ريم: رحله ..انا مسافره يابنتى كمان يومين لندن
رنا: اه فعلا مسافره
مريم: انتى بقالك فتره صغيره هنا ورنا قالتلى افرجك ع كوريا وافسحك والكامب جزء من الرحله المعرفيه ...ومفيش رجوع لندن غير لما ترجعى من الكامب وخلص الكلام ....
رنا: كامب ... تخييم الله
ريم: تخييم.. لالالا انا مليش ف الاماكن المقطوعه والضلمه لا وانا فعلا حجزت وراجعه لندن خلاص
مريم: قلتلك مفيش رجوع ...انتى عارفه المطعم عندنا بيبقى فيه جنسيات مختلفه عملت مجموعه صغيره مش كوريين اجانب فاتفقنا كلنا نعمل رحله ل اسبوع نقرب من بعض ونتكلم ونحكى ونلعب كتغيير عن جو المدينه يعنى ..وبما انك وافده جديده زيهم فانتى اسمك اول القائمه ومفيش رفض ولا سفر
ريم: بس انا مش بحب اتواجد مع ناس معرفهمش مش بعرف اتعامل
مريم: فى منهم تعرفيهم وبعدين انتى قولتى كده اول ما جيتى وف المطعم عند بابا حبوا قعدتك وفى منهم طلبوا منى اقولك بجد .. روما بقى هتطلعى انا جيت ابلغك بس مش اخد رأيك
ريم موبايلها رن وقامت ترد وكان امير:
امير: نايمه ولا ايه
ريم: لا خالص عامل ايه وانت فين في العالم كده
امير بيضحك: ف ايطاليا جيتى علي بالى اكلمك اسمع صوتك واطمن عليكى
ريم: الحمد الله كله تمام
امير: مبسوطه عندك
ريم: يعنى الحمد الله رنا كويسه وفريد كويس والايام بتعدى كويسه
امير: هتطولى عندك
ريم: لا كمان يومين راجعه لندن رامى وحشنى جداااا ومامى واونكل عاصم
امير: بس
ريم: هو انا اعرف غيرهم اها وساندى
امير اتحرج: كنت فاكر انى بوحشك
ريم: ها .. طبعا ياا مير انت واحشنا كلنا
امير: بس من كلكم انتى الي وحشانى ..
ريم لاحظت تلميح امير : امير احنا اتفقنا علي ايه
امير: اننا منستعجلش الخطوات ونسيب كل حاجه لوقتها بس دا مشاعرى وحاسه دلوقتى وطبيعى اقولك
ريم بصت ع الساعه: وطبيعى جدااا افكر رنا بميعاد علاجها دلوقتى علشان هنام ..تصبح ع خير
امير بيضحك: ماشى يا روما تصبحى ع خير
قفل امير مع ريم وبيضحك ..وكان قاعد معاه صاحبه مراد
مراد: لا تمام تمام ميتخفش عليك
امير بيضحك وقام ماسك الكاس وبيشرب: وهى سهله كده اسيبها وتقولى لا واسيبها .. استحاله اسيبها تخرج من ايدى
مراد: انت محاوطها علشان متبصش لغيرك ..
امير : اصلا هى مش هتلاقى حد يستحمل ظروفها غيرى ولو حد عرف انها عندها مرض نفسى وبتتعالج هيخاف يقرب ليها غير لو طمع بالي عندها وفى فلوسها ودا انا مش هسمح بيه .. وهى كده كده اى شخص بيقربلها بتقفل السكه في وشه يعنى في الاخر راجعالى
مراد: انت فعلا يتخاف منك
امير: ماهو استحاله اتعب واكبر ف الفلوس واشتغل ويجى حد غريب ياخدها علي الجاهز ...انا بعمل كل دا علشانى وعلشانها طبعا
مراد : مع ان ف بنات رجال اعمال تانيه يتمنوك انتى مش بتبصلهم
امير : ارتبط ببنت رجل اعمال وتيجى تقولى بعد فتره نتطلق وتاخد منى مبلغ كبير ..ليه ابص بره وانا معايا فلوسى ومعايا الي عمرها ما هتسئل عنهم ..وانا مرتب حياتى ع ريم ومفيش غيرها ..
مراد:بس علي كلامك هى رفضتك ورفضت عرض الجواز وعاوزاك صديق
امير بيصب كاس تانى لنفسه: هى تقوله الي تقوله وانا اعمل الي عاوز اعمله ... والشاطر ال يكسب وكلامه بيتنفذ ف الاخر
مراد : NO COMMENT
امير بيغمزله: ف صحتك
وكمل امير قعدته مع صاحبه يشربوا ويتكلموا ...!!!
قفلت ريم وخرجت شافت مريم اكلت ودان رنا رغى لغايه ما اقنعتها انها تقنع ريم تطلع معاهم التخييم ومترجعش لندن
مريم: اوكيه اتفقنا جهزى نفسك بعد بكره الصبح هنتحرك
ريم لسه هتتكلم .. مريم: Good night
خرجت مريم بسرعه .. ريم: مريم دى مجنونه
رنا بتضحك: والله عسوله وتتحب هى وعيلتها جدااا وحبيتك يا ريم علشان كده بتعمل كده معاكى مش رخامه
ريم: لا مش حساها رخامه بس يعنى انا مرتبه نفسى ارجع لندن ورامى هيزعل وخلاص فريد حجزلى
رنا: ع الحجز عادى نأجله ورامى هاتيله هديه حلوه وهو لو عارف انك هتنبسطى مش هيزعل ... اخرجى واتفسحى يا ريم ماهو انتى هترجعى لندن تقعدى في البيت لوحدك
ريم: بعيد عن كلامك دا .. التخييم دا معتقدش انى هروح
رنا: ليه
ريم: تخييم يعنى مكان بعيد وخيم وضلمه و..
رنا قاطعتها: متقلقيش مش زى ماانتى متخيله بالعكس مش بيكون ضلمه كده وانتى هتكون وسط ناس يعنى مفيش داعى لخوف وانا فهمت مريم ومريم فاهمه من الاول واكدت عليها وهى اكدتلى انك هتكون ف امان واهو تغيير عن البيوت يا روما
ريم: هشوف كده ....
بعد الحاح رنا وزن مريم ريم مكنتش عارفه تاخد قرار لعبت لعبه الحظ بالورقتين وطلع انها تروح التخييم حست ان اللعبه اتاثرت بزن مريم ورنا وجهزت في الميعاد وراحوا المخيم وكان عددهم 8 بنات وولاد وهى راكبه الاتوبيس شافت ادمز حبيب مريم وكام حد تعرفهم من المطعم كانوا بيقعدوا معاها
مريم: يلا بينا..الباقى هيجى بباص تانى
اتحركوا ووصلوا المكان وكان وسط جبال والمنظر تحفه وكان في مجموعه سبقتهم ابتدوا يعملوا الخيم ليهم ...نزلت ريم من الاتوبيس وهى بتتفرج حواليها وشايله شنطتها وع وشها ملامح توتر :
مريم قربت من ريم : روما عاوزاكى تنطلقى هنا اوك بعيد عن البيت بعيد عن دوشه المدينه بعيد عن اعملى ومتعمليش هنا وقت الحريه المطلقه
ادمز: براحه عليها هتخاف
ريم ابتسمت: لالا مش هخاف
مريم: تعالى اوديكى الخيمه الي هنام فيها انا متوصيه مسبكيش حتى في نومتك
مشيت ريم مع مريم راحوا علي الخيمه علي طول الب شاورلهم عليها ادمز
ودخلت حطت حاجتها وخرجت من الخيمه تشوف لو محتاجين مساعده وهى خارجه خبطت ف واحد لبس جاكت وكاب وزعبوط الجاكت ع الكاب مستخبى وشه واتكلموا بالانجليش
ريم : سورى
هو بيبص : سور...ريم
ريم اتفاجئت وبملامح ضيقه : انت
لوهان وقف متفاجئ لانه ميعرفش انها جايه
لوهان: انتى بتعملى ايه هنا
ريم وشها اتحول : انا جايه مع اصحابى ..انت بتعمل ايه هنا
لوهان لاحظ تغيير وشها: ايه البصه دى
ريم: هتقول صدفه دى كمان صح
لوهان: هى فعلا صدفه.. صدقينى صدفه انا متوقعتهاش
ادمز : ليو ..هات الخشب وتعالى النار هتنطفى
ريم متفاجئه : انت صاحب ادمز
لوهان: اها.. وع طول بنطلع مع مجموعات جديده تخييم كااشخاص كمرشدين وكده واتضح انك واحده من المجموعه دى ... استاذن انا
مشى لوهان وريم اضايقت انها شافته وهتقعد معاه اسبوع وهيرجع زنه تانى صدفه وصداقه وهى ما صدقت نسيت ... فكرت انها تتجنبه افضل ومتتكلمش معاه وتعتبره مش موجود وهو لما يلاقيها متجاهلها مش هيكلمها تانى ...!!
خرجت ريم ومشيت وقعدت جنب الي قاعدين واكلوا وكانت ريم بتاكل اكل معين مريم جايباه لريم لان فى اكل من الي موجود مينفعش هى تاكله ومريم ظبطت الاكل علي اساس كل واحد ينفع ياكل ايه وكل واحد غسل حاجته الي اكل فيها وناموا والمكان كان غريب بالنسبه ل ريم لكن واضح توصيات رنا لمريم كان فيه مصباح منور ف الخيمه محستش بضلمه ...
ريم: انا عارفه انى مضايقاكى بسبب النور دا
مريم بتضحك: لا عادى ..مش بيفرق معايا كتير بالعكس النور منور امان اكتر يلا نامى ....
حاولت تنام ريم ونامت متاخر ....تانى يوم صحيوا فطروا وعملوا تمارين الصباح وف الي اتمشى وقعدوا يلعبوا كوره وقعدوا يحكوا واتغدوا ..كل دا وريم ولوهان بيتنجنوا بعض بسبب اخر موقف بينهم جه وقت العشا واتعشوا خلصوا اكل وقعدوا حوالين النار علي الارض وكان في مارشيملوا كان بيحطوه ع سيخان وبيسخنوه ع النار وياكلوه وبيهزروا ويتكلموا
مريم بتبص ل لوهان وابتدت تتكلم بالكورى : ليوو .. بقالنا كتير مش شفناك التخييم الي فات مجتش ادمز قالى انك كنت مسافر
لوهان: انتى عارفه اول فرصه اهرب منها بنتهزها علي طول واهو هربت اسبوع معاكم
مريم: يا اهلا بيك .. كنت بشبهه عليك من قريب شفت واحد شبهك كنت فاكراه انت ومسلمتش عليا وكنت زعلانه .. لكن روما قالتلى حاجه ضحكتنى اننا شبه بعض فعادى نتلغبط ...
لوهان بص ل روما: لدرجه دى ها ها هاهاهاهاها
ريم لاحظت انه بيبص عليها بيتريق عملت نفسها مش شيفاه وهو اضايق انها اتجاهلته ..
مريم بصوت عالى : مينفعش نكون هنا وليو هنا ومنسمعش منه اغنيه
ادمز: وانا هجيب الجيتار بتاعه
وفعلا ابتدا لوهان يغنى اغنيه اجنبيه اغلبهم عارفينها والكل منسجم معاه وشويا ادمز اتكلم
ادمز بالانجليش : طبعا كلنا هنا عارفين بعض مش محتاجين تعارف ايه رائيكم نلعب لعبه والي هيخسر نحكم عليه
مريم فرحت : ايوه حلوه الفكره الي هيخسر هيبقى عقابه يغسل اطباق العشا والكوبيات ف الساقعه دى
الكل مع بعض: اوكييييه
ادمز: اكتبوا ف ورقه العبه ال هتلعبوها وهنشوف الاغلب ايه
ابتدا الكل يفكر وكتبوا وكل الاغلبيه لعبتين متساويتين لعبه الصراحه ولعبه لا اكذب
ادمز: دلواقتى 5 اختاروا صراحه و5 اختاروا لا اكذب
مريم:اكتب الاتنين ف ورقه وانا هختار اليوم هيطير كده وفعلا عمل ادمز الورقه واختارت مريم لعبه انا لا اكذب
مريم: لعبه انا لا اكذب علشان ال مش عارفها هى نرفع ايدينا الاتنين واننا هنسئل 8 اسئله علي عددنا كل واحد هيسأل سؤال للكل ونجاوب بصراحه من غير كذب الي عمل الحاجه يفضل رافع صوابعه لكن الي معملهاش ينزل صباع وهكذا واول واحد صوابعه ال 8 هتنزل يبقى هو الخسران ...
لوهان: بس دى عقابها شرب من غسيل الاطباق
مريم بتضحك: ممنوع الشرب هنا
لوهان : مره واحده بس ها ايه راى الجميع
الكل: اوكيه اوكيه مره واحده
مريم:اوكيه بعد اللعبه دى يلا نبتدى
ريم استوعبت اللعبه ... وابتدا بالدور كل واحد بيقول حاجه
1_انا كدبت علشان اجى ... ريم نزلت صباع وتلاته معاها
2_حصلت ع القبله الاولى .. ريم نزلت صباع
لوهان سئل متعمد
3_عملت حاجه مضايق عليها قريب ... ريم بتردد نزلت صباع واتنين معاها
4_قابلت حبى الاول .. ريم لوحدها نزلت صباع
5_ اخاف من الضلمه ... ريم واتنين معاها
6_باكل فرخه كامله .. ريم ولوهان وتلاته نزلوا صباع
مريم بتضحك: سؤالين وننتهى من اللعبه ومعروفه مين سؤالين جامدين ليندا ومارك
7_ نطيت ف المحيط ... ريم و4 نزلوا صباعهم
8_اقمت علاقه حميميه قريب ... ريم ولوهان ومريم وادمز واتنين تانين تزلوا صباع
لوهان قاعد يراقب اجابات ريم كلها ...
مريم بتحضن ريم: مبروووووك عليكى السقعه والبرد
ريم : الجو فعلا برد اووى ...
مريم بصوت : فى اختيار بيحصل هنا لو عاوز تنقذ صاحبك قول حصان الاسود
الكل ساكت .. ريم: خلاص عادى
لوهان بسرعه: حصان اسود
الكل بص عليه .. لوهان: مينفعش بنت تسهر والجو برد انا هغسلهم
ريم استغربت ولسه هتتكلم مريم لحقتها: ياااااااه اوكيه اوكيه وعلشان حركه الرجوله دى هنلعب لعبه المشروب بتاعه لوهان كجائزه ليه
الكل اوكيه .. ادمز: الوقت متاخر بكره نبقى نلعبها يلا علشان ننام
قاموا الكل وريم محروجه بصت ل لوهان وحركت دماغها زى الي بتقوله شكرا ولوهان واقف باصص عليها دخلت الخيمه
ريم: مش المفروض انا الي انفذ عقابى
مريم: سبيه خليه يتعاقب ع مصايبه
ريم: لا انا هخرج واغسلهم
مريم مسكتها: يعنى لو تعبتى رنا هتزعل منى انا لانها موصانى عليكى ..ياروما انتى امانه معايا نامى نامى ..هو مش هيحصله حاجه متعود ع كده ريم حطت سماعات mp3 ف ودنها وحاولت تنام بعد صعوبه ....
تانى يوم الصبح صحيت كان لوهان قاعد بيقرا كتاب اتجنبته
لوهان فى سره: مفيش شكرا انا غلطان .. قضوا اليوم حكاوى وكلام وبليل جت دور لعبه المشروب بالاغلبيه كتبوا اسمائهم كلها في ورق والي يطلع اسمه يشرب وكان لوهان اول واحد يختار .. اختار لوهان ورقه وفتحها واتفاجئ وكانت ريم
مسك الورقه وباصصلها ووراهم الورقه
ادمز: اووووبس باين القدر عاوز يعاقبك باى طريقه
ريم: بس انا مش بشرب كحول
مارك: دا مش هيسكرك
ريم: لا مش هقدر بجد اطلبوا اى حاجه الا دى
مارك بخبس لما عرف ان ريم بتخاف من الضلمه وحب ضحكوا عليها : اوكيه ... .. عارفه المكان الضلمه ال هناك دا روحى وعدى ل 50 وتعالى ريم بصت ع المكان كان فعلا ضلمه خافت وارتعبت وهى باصه لمكان: لالالالا لا
مارك: روما مينفعش كده احنا بنلعب
ريم : لا اطلبوا اى حاجه تانيه
ليندا: يا تشربى يا تروحى هناك
وقفت ريم محتاره وهى رافضه الاتنين واستحاله تروح ف المكان الضلمه وكمان تشرب
جسمها اتنفض ولوهان لاحظ بكده ولسه مريم هتقول حصان اسود ..نطق لوهان بصوت عالى
لوهان: حصان اسود
الكل بصله .. لوهان بيضحك: اللعبه فكرتى وبصراحه عاوز اشرب راح لوهان يمسك الكوبايه ...
ادمز : دى جوله من 8 جولات ..وانت ممكن يطلع اسمك
لوهان باابتسامه : مفيش مشاكل
بص لوهان ل ريم وحرك الكوبايه ناحيتها وشربها علي مره واحده وسط تشجيع الي قاعدين
ريم مستغربه من موقف لوهان وهى مش عارفه تتكلم ... لعبوها تانى ل 8 مرات فى التمانيه طلع اسم ريم 3 مرات ولوهان مرتين
ف 3 مرات بتوع ريم كان لوهان حصان اسود ليها مرتين ومريم مره
لوهان فعلا سكر وشالوه علي خيمته وريم مش عارفه تعمل ايه من مواقف لوهان دى قررت انها الصبح تشكره ....
تانى يوم صحيت دورت عليه كان خرج ف طلع الجبل مع الشباب .. فضلت مستنياه واتاخر وكانت البنات بتعمل الاكل وكان الخشب خلص ..
مريم: حد يابنات يروح يجيب خشب من عند الاشجار جوه الجبل هتلاقوها متقطعه
ليندا: هروح انا
ريم: هروح اجيب الرز من الخيمه
ليندا وهى ماشيه اتكعبلت وقعت شالتها ريم وقعدتها.. ريم: فى حاجه بتوجعك
ليندا: ايوه رجلى اووى باين اتلوت
ريم: خلاص خليكى مرتاحه هروح مكانك انا.. اوصفيلى المكان
ليندا وصفت ل ريم وسابتها ومشيت دخلت مكان الاشجار عند الجبل بعيد عن المخيم
مريم واقفه
ادمز رجع هو والشباب : لسه مخلصتوش الاكل احنا جعانين والجو ليل
مريم: النار هتنطفى وليندا لسه مرجعتش الليل قرب يليل معرفش راحت فين
ادمز: ريم فين
مريم: ف الخيمه ممكن بتترتاح
بص ادمز لاقى ليندا قاعده ..ادمز: ريمو.. ليندا قاعده بره
مريم خرجت : انتى قاعده هنا وانا مستنياكى فين الخشب
ليندا: روما راحت لانى وقعت رجلى اتلوت
مريم: راحت من امتى
ليندا: من وقت ما مشيت انا وهى وانا قلقانه اتاخرت ووصفتلها المكان كان زمانها رجعت
مريم بتتصل ع موابيلها سمعت جرس واحده من البنات : روما سايبه موابيلها هنا
مريم بقلق: الجو هيليل وهى لوحدها انا هروحلها
ادمز: هتروحى فين بدل ما ندور علي واحده هندور ع اتنين
مريم: الجو لو ضلم ريم مش هتستحمل لا انا هروح
سمع لوهان الكلام : فى ايه
ادمز حكى ل لوهان اتخض : خليكوا هنا انا رايح اشوفها
مريم: بسرعه
ادمز: مالك مرعوبه كده ليه
مريم بتوتر وخوف: روما عندها فوبيا من الضلمه بتنهار وقتها مبتستحملش
ادمز: اوووووووبس انا رايحه مع لوهان
كان الوقت ضلم ولوهان ماشى بكشاف وبينادى ع ريم وسط الاشجار مفيش رد ... وقعد يدور اتصل ادمز يطمنه انه بيدور الاتجاه التانى ومش لاقاها وهو ماشى سمع صوت تمته قرب براحه وبالضوء اتجاه الصوت
كانت ريم قاعده سانده ع شجره وضامنه نفسها وحاطها راسها
بين رجليها مخبياها : ريم ..ريم لسه هيلمسها لاقاها وقعت اغمى عليها ... بسرعه شالها واتصل ب ادمز ووصلوا وحطها ع السرير وعملولها الاسعافات لانها كانت وقعت واتعورت ... وكانت بتمتم ومريم ادتها علاجها علي طول ولوهان مش فاهم حالتها ولا التمتمه لوهان سمع مريم بتتكلم مع ادمز :
مريم: اكتر حاجه بتكرهها روما هى الضلمه غلطتى انى سبتها ..
ادمز: كويس ان ف دكتور معانا ف المجموعه اداها مهدى وقال الصبح هتبقى كويسه متقلقيش ...
مريم :ياريت
لوهان بص ع ريم وشايف ملامح وشها متغيره وهى نايمه وهما واقفين خرجوا وهو قعد فى مكان قريب من خيمه ريم وفضل باصص على الخيمه قلقان
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!