كان الوقت ضلم ولوهان ماشى بكشاف وبينادى ع ريم وسط الاشجار مفيش رد ... وقعد يدور اتصل ادمز يطمنه انه بيدور الاتجاه التانى ومش لاقاها وهو ماشى سمع صوت تمته قرب براحه وبالضوء اتجاه الصوت
كانت ريم قاعده سانده ع شجره وضامنه نفسها وحاطها راسها بين رجليها مخبياها : ريم ..ريم لسه هيلمسها لاقاها وقعت اغمى عليها ... بسرعه شالها واتصل ب ادمز ووصلوا وحطها ع السرير وعملولها الاسعافات لانها كانت وقعت واتعورت ... وكانت بتمتم ومريم ادتها علاجها ع طول ولوهان مش فاهم حالتها ولا التمتمه
لوهان سمع مريم بتتكلم مع ادمز :
مريم: اكتر حاجه بتكرهها روما هى الضلمه غلطتى انى سبتها ..
ادمز: كويس ان ف دكتور معانا ف المجموعه اداها مهدى وقال الصبح هتبقى كويسه متقلقيش ...
مريم :ياريت
لوهان بص ع ريم وشايف ملامح وشها متغيره وهى نايمه وهما واقفين خرجوا وهو قعد فى مكان قريب من خيمه ريم وفضل باصص على الخيمه قلقان ..
وهو قاعد سمع صريخ راح قرب اتجاه الخيمه ولان الوقت متاخر وبص حواليه ومكنش ف حد فمكنش ينفع يدخل خيمه بنات ...ففضل طول الليل قاعد سهران في مكان قريب من الخيمه مستنى يطمن علي ريم او يشوف مريم ......
فضلت مريم جنب ريم طول الليل وريم نايمه وبتصحى من الكوابيس بتصرخ ومريم تهاديها ولاحظت مريم ان ريم بتتنفض وهى نايمه يعنى مش مرتاحه في نومها قلقت خرجت ندهت علي ادمز والدكتور الي معاهم ف المكان
لوهان شافهم راح ليهم ودخل وشاف الدكتور وهو بيزود جرعه المهدى والمنوم علشان تنام حطلها ونامت ولوهان مستغرب من حالها وحاس ان الموضوع اكبر من خوفها من الضلمه ...!!
تانى يوم علي بعد الضهر فتحت ريم عنيها و بتبص حواليها مش لاقيه حد قامت حست بصداع ودوخه بسيطه وشافت محلول متعلق ليها وشافت محطوط لذق طبى علي خرابيش ف رجيلها ودراعها وقوريتها ..دخلت مريم تبص عليها ومعاه كوبايه عصير وطبق شوربه ..!!
مريم: ياااه اخيرا صحيتى
ريم: هو انا نمت كتير اوى كده ...
مريم: جدااا اكتر من 12 ساعه انا قلقت وجيت اصحيكى بس مارك قالى ان تاثير الحقنه علشان اخدتى اتنين نيمك اكتر
ريم بتبص ع دراعها: حقنتين هو انا حصلى حاجه امبارح
مريم مستغربه : معقوله انتى مش فاكره .. وكمان انتى ايه خلاكى تروحى تجيبى الخشب واليل كان قرب يليل ...
ريم افتكرت: ليندا مقدرتش وبعدين هى وصفتلى المسافه كانت قريبه مش بعيده
مريم: وايه اخرك بقى ... وماخدتيش موبايلك ليه
ريم بتفتكر : اها انا قلت مش هتاخر .. واصل وانا بجيب الخشب شفت فراشه حلوه اوى شدنى شكلها ومشيت وراها ومش حاسه
غير لما اتكعبلت ووقعت بصيت تانى ع الاتجاهات ازاى ارجع معرفتش فضلت الف لغايه ما لاقيت حواليا ضالمه ومعرفش ايه حصل هو ايه الي حصل
مريم لاحظت ان ريم مش فاكر ايه حصلها بعد كده ومحبتش تفكرها : حصل خير متقلقيش المهم انتى عامله ايه دلوقتى حاسه باى حاجه تعباكى تحبى نرجع دلوقتى ..الكل بره مستنى يجهز ونرجع
ريم حست انها خنقت ع الكل: لالالا انا الحمد الله احسن وكلها يومين وهنرجع مفرقتش والكل جى ينبسط بلاش يضايقوا ...
مريم: اشربى العصير دا ولا اقولك اشربى الشوربه افضل وانا هخرج اطمنهم وراجعه تكونى خلصتى
ريم: اوكيه
مريم خارجه .. ريم: مريم..
مريم: ايوه
ريم: هو انا رجعت ازاى صح
مريم: الشباب خرجوا يدوروا عليكى ولوهان لقاكى ورجعك
ريم : لوهان
مريم: اها ..وبصراحه كان باين عليه القلق طول اليل بيسئل عليكى وانهارده .. ابقى اخرجى طمنيه واشكريه
ريم: اوكيه
ريم: لوهان تانى .......
شويا وريم جمعت نفسها ووقفت علشان تخرج تطمنهم ومتكدرهمش خرجت الكل اطمنن عليها ولوهان واقف وشايفها كويسه فضل مكانه وابتسم لما شافها واقفه ...ريم بعد ما سلموا عليها بصت علي لوهان لاقته باصص ليها مشيت بهدوء وبتردد اتجاهه .. وابتدى حوارهم بالانجليش
ريم: هاى
لوهان: هاى
ريم: شكرا علي الي عملته امبارح معايا مريم قالتلى ....
لوهان بيبتسم قاطعها : مفيش مشاكل المهم انتى احسن دلوقتى ودا المهم
ريم : اوكيه اسيبك انا دلوقتى
لوهان: اوكيه
ريم لفت ظهرها ل لوهان وماشيه ..لوهان كان عاوز يتكلم سكت علشان متتعصبش عليه تانى ويتحرج قدام الي موجودين ... ريم حست بااحراج بسبب اول موقف والي عمتله مخليها مكسوفه منه فقررت تروح تعتذرله ع انها اتعصبت عليه ..رجعت تانى خطوتين
ريم: لوهان
لوهان بصلها: ايوه
ريم : احم .. سورى ع الموقف الي حصل منى قبل كده ف الحديقه لما اتعصبت واتنرفزت حقيقى مكنتش اقصد اعمل كده وكان لا ارادى
لوهان انتهزها فرصه: انتى بتتكلمى بجد
ريم : بصراحه حسيت انى اوفر وكان ممكن ارد بااحسن من كده سورى
لوهان ابتسم: اوكيه مفيش مشاكل اعتبريه محصلش
ريم باابتسامه: اوكيه انا همشى
لوهان لحقها قبل ما تمشى : وممكن نبدء من جديد
ريم بصتله: يعنى ايه
لوهان: يعنى طلبى هعتبر نفسى طلبته وانتى مردتيش لسه
ريم حست انها زنقت نفسها : انا ...
لوهان قاطعها: ريم ممكن سؤال ؟
ريم بصتله : اتفضل
لوهان : ممكن اعرف ايه السبب الى وصلك لنرفزه والعصبيه
ريم بتحاول تفسرهاله ببساطه: حسيت انى بتعرض لضغط واصرارك الزياده وترنى وانت بتقول صداقه وبالحاح وانا معرفكش انا ممكن اكون مختلفه بس انا باخد وقت لغايه ما اتعود علي الي قدامى وبعدين بنكون اصحاب انما فجأة كده .. وكمان صداقه بتتكون من مواقف واحنا منعرفش بعض ..اقصد موقف واحد جمعنا ف لندن وكانت معاك سلسلتي واخدتها..دا مش سبب قوى لصداقه
لوهان : اوكيه ..انتى قولتى ان الصداقه مواقف صح؟
ريم: ايوه
لوهان : انا عملت حاجه وحشه ليكى اقصد اذيتك ف حاجه
ريم: لا
لوهان: الصداقه لما تلاقى شخص في ازمه او مشكله وتحلهاله او تنقذه ولما يكون محتاج نجده وتنجده ... دا اكبر دليل علي انك تعرفى تختارى اصدقائك صح
ريم: ايوه
لوهان بخبث:انا من اخر مره لما اتعصبتى قعدت افكر وامبارح راجعت التفكير واستنتجت حاجه
ريم: وهى
لوهان : ابتدت معرفتنا ف لندن وكانت غير مترتبه ومعرفكيش اساسا ...وحافظتلك علي السلسله سنتين ورجعتهالك دى امانه صح
ريم: ايوه
لوهان: هنا ف التخييم كنت الحصان الاسود ليكى ومن غير ما تطلبى لانى حسيت انك محتاجه نجده ووسط الي موجودين .. ولما تهتى انا رجعتك واهو واقفه قدامى يبقى المواقف دى كلها تستحق تثقى وتوافقى علي صداقتى وانى استاهلها يعنى كل الي شوفتيه دا من غير ترتيب ولا تجهيز مش اكبر دليل انى استاهل صداقتك
ريم حست انها اتزنق من كلامه : انت كلامك صح لكن انا ..
لوهان: مفيش غير سبب واحد هو انك رافضانى انا شخصيا
ريم: انا معرفكش علشان اوافق او ارفض صداقتك
لوهان: اوكيه وكده اتحلت اعرفك بيا والموضوع يخلص اوكيه
ريم : ها
لوهان مد ايد : لوهان ويسعدنى نكون اصدقاء
ريم: ببساطه كده
لوهان : كعربون صداقه هنروح مكان بكره الصبح لو عاجبتك وانبسطتى اعتبر دا موافقه منك لو معجبكيش اوكيه مش هحاول تانى واعتبره رفض نهائى
ريم اتخضت: مكان ..مكان ايه
لوهان افتكر لما كانت ف لندن وحوارها مع ساندى انها بتحب الاماكن المرتفعه الي تحسسها انها قريبه من السما بتحس براحه ومتعه ...
لوهان: ايه رائيك ف مكان تحسى انك قريبه من السما
ريم اتحمست تلقائى: فين
لوهان شاور ليها ع جبل عالى : هنروح هناك
ريم بعيد عن اى حاجه اتحمست جداااا واترسمت ع وشها ابتسامه وهى بتبص علي الجبل...: بجد ..هنطلع الجبل
لوهان علشان عارف ان ريم بتخاف فعلا من الضلمه فحب يجبهالها بطريقه ميفكرهاش بالي حصلها ولا بخوفها : هو احنا بنتحرك اخر اليل اخر ساعه قبل الشروق لكن علشان الامان هنتحرك اول ساعه الشروق والمرادى مخصوص علشانك لان الكل هيروح الصيد ايه رائيك
ريم ابتسمت : اوكيه ..اوكيه
لوهان مبسوط لما شايف ريم بتضحك : لكن البسى هدوم تقيله علشان البرد
ريم: اوكيه
وهنا ندهت عليهم مريم : لوهان ..ريم .. الغدا
راحت ريم هى ولوهان يتغدوا وقعدوا قضوا اليوم ولعبوا واتكلموا وغنوا ودخلوا ناموا
وريم كانت صحيت ف الميعاد المحدد ..لبست تقيل زى ما لوهان قالها خرجت لاقت لوهان مستنيها ومفيش حد وافق يروح معاهم لان المجموعه كانوا مخططين يروحوا لصيد فطلع لوهان وريم الجبل وهما طالعين ف الطريق كان طويل فكانت ريم بتطلع لوحدها
لوهان: تحبى تمسكى ف ايدى اساعدك تتطلعى
ريم: لالالا شكرا انا هطلع لوحدى
فــ ريم كانت بتتجنب لوهان يلمسها وهو لاحظ كده واحترم دا وحاول فعلا ميلمسهاش علشان تحس انها ع راحتها ومش متقيده ...!!!
كملوا الطريق لغايه ما طلعوا اخر الجبل وكانوا فعلا فوق سطح الجبل
لوهان: وصلنا
ريم بسعاده : وصلنا اخيراااا
لوهان لاحظ ريم مبسوطه اوى : ايه رائيك ف المكان
ريم بتقرب ع الحرف وبتاخد نفس وبتبص للسما: مدهش مكنتش اتخيل انى ممكن اطلع جبل ..بجد ممتع ..انت حققتلى امنيه فى خيالى شكرا بجد
لوهان: u are welcome ..بس انتى فعلا مجربتيش ولا مره
ريم: ولا مره دى اول مره ليا ومبسوطه جدااا شكرا يا لوهان
لوهان حس بسعاده انه خلاها سعيده وشايف ابتسامتها ..وهما واقفين ريم غمضت عنيها وباصه لسما وفاتحه دراعها للحظات ..لوهان حب يسيبها تستمتع بالوقت لكن لاحظ انها بتمشى خطوات اتجاه حافه الجبل ..وقف يراقبها لغايه ما لاحظ انها هتقرب تقع راح شدها من دراعها : ريم
ريم حست بمسكه ايده زقته اتاخدت : بتعمل ايه
لوهان مخضوض : انتى بتعملى ايه كنتى هتقعى
ريم : انا ..
بصت ع نفسها لاقت انها قرب الحافه
ريم اتوترت: سورى ..بجد سورى
لوهان لاحظ تغير ف ملامحها حب يرجعها لمودها الاولانى : مفيش مشاكل انتى ليه بتغمضى عينك ممكن اعرف ...حد يغمض عينه عن الجمال دا كله متعى عينك بالنظر ليه ..بما انك هنا اول مره..انا دايما بحب اطلع تخييم علشان استمتع بالطبيعه دى
ريم: بجد مش عارفه مبحسش بنفسى
لوهان افتكر نفس الموقف الي كان ف لندن وغير الكلام : اها الطبيعه بتجذب اى انسان انا دايما بحب اجى التخييم واطلع الجبل هنا الاقى نفسى واصفى ذهنى من ضغوط الي حواليا وبرجع بنشاط وصافى الذهن لشحن الجديد
راح لوهان قعد وطلع من الشنطه اللي علي ضهره وطلع علبتين عصير فراوله وبص ل ريم : اتفضلى
ريم بصت وسكتت ..
لوهان: عصير الفراوله النوع الي بتشربيه ..حلال
ريم ابتسمت : ثانكس
قعدت ريم جنب لوهان ع الارض وبيستمتعوا بالهوا ويرتاحوا من الطلوع ..
ريم بصتله : انت عندك اخوات
لوهان: لا انا وحيد وانتى
ريم: رنا مقيمه هنا وقاعده عندها فتره اقامتى ورامى بس هو ف لندن مع مامى
لوهان: ياترى هما زيك كده
ريم بتضحك: لا احسن بكتيررررر صدقنى
لوهان بيضحك: معتقدش
ريم: بتقول ايه
لوهان: لا مفيش
ريم:امممم هو انت بتشتغل ايه ولا بتتعلم لسه
لوهان استغرب من سؤالها : انتى متعرفيش انا شغال ايه
ريم: لا هعرف ازاى احنا متكلمناش ف تفاصيل عنا
لوهان: هى مريم مقلتلكيش حاجه عنى
ريم: لا مسالتهاش ..وبعدين فى ايه هو انت شغال حاجه عيب
لوهان بيضحك: لالالا .. ..موظف فى شركة
ريم: بجد طيب كويس كنت عاوزه اقولك حاجه صوتك حلو جدااا ليه مشتغلتش مغنى ..انت وسيم وصوتك حلو وعندك قبول يعنى مؤهلات المغنى
لوهان لاحظ ان ريم جاهله خالص بموضوع المغنييين ف كوريا لدرجه انها مميزتهوش ومعرفتهوش
لوهان: ها ها ها لا دى هوايه انما شغلى الثابت موظف علاقات خارجيه بسافر كتيير تخليص ورق وعقود وكده
ريم:بالتوفيق ...
لوهان :ثانكس
ريم بصت قدامها وبتستمتع بالجو وع وشها ابتسامه ولوهان من غير ما يحس سرح ف ابتسامتها
ريم بصت ل لوهان وهو لحق نفسه : كفايه كده يا دوب نلحق ننزل هناخد وقت ولا ايه
لوهان: اوكيه ..لكن قبل ما ننزل مش تقوليلى رائيك الاخير
ريم افتكرت: تقصد ايه
لوهان مد ايده وقرب صباعه الخنصر ..ريم: ايه دا
لوهان: انتى بتنسى بسرعه اوى ...تعهد صداقه صباعك الخنصر مع صباعى ونتعاهد لبدايه الصداقه
ريم ابتسمت: شغل اطفال دا
لوهان بيضحك: وهو احنا كبرنا .. يلا ها قولتى ايه موافقه ولا
ريم وقفت تتردد للحظات وافتكرت كل مواقفه معاها وحست ان صديق اجنبى زيه زى اصحابها الي في لندن مش هيفكر ف حاجه اكتر من كده ومش هيفرق كتير وهو انسان كويس .. مدت ريم صباعها الخنصر
ريم ابتسامه: صداقه
لوهان : بما اننا اتعاهدنا بوعد الخنصر الي مفهوش رجوع
ريم: ولا كدب ولا خيانه
لوهان سمع كدب: وعلشان نبدء صح كنت عاوز اصارحك بحاجه بس توعدينى مش هتغيرى رأيك ..اوكيه
ريم: فى حاجه
لوهان: اوعدينى
ريم: لما اعرف الاول موعدش علي حاجه مجهوله
لوهان : الصدف ..كانت مترتبه ومش مترتبه
ريم: ازاى
لوهان: انا قابلتك 3 مرات صدف فعلا لكن مش ال3 ال كنت متفق معاكى عليهم
ريم: مش فاهمه امتى قابلتك 3 مرات صدفه
لوهان : احم .. مرتين ف لندن .. اول مره فى جمعيه be human
ريم: انت بتروح هناك
لوهان: انتى نسيتى انا كنت عايش هناك قبل ما ارجع كوريا من 6 سنين وكنت بروح دايما هناك العب مع الاطفال واجبلهم هدايا ولما رجعت كوريا اي وقت اكون ف لندن بروح هناك فشوفتك اول مره هناك ولاحظتك بس كنتى مبتتكلميش مع حد غير الاطفال ...
ريم : وتانى وتالت مره
لوهان شايف ريم رد فعلها ثابت ومش فاهم منه حاجه وقال يكمل والب يحصل يحصل : تانى مره بتاعه السلسله والتالته هنا ف كوريا ...
اقسملك انى ال3 مرات دول مكنتش مرتبلهم لكن القدر هو الي رتبها ..ولما شوفتك ف تالت مره هنا انتهزتها فرصه من القدر انى اتعرف عليكى ...
ريم ربعت ايديها : وال3 التانين ف الحديقه والمطعم .. كنت بتعرف ازاى
لوهان بصوت واطى: مين الي كانت معاكى في كل مره فيهم
سكتت ريم لحظات : مريم .. ..مريم كانت بتقولك صح ماهى كانت عارفاك وكدبت عليا ...
لوهان : لالالالا مش مريم صدقينى .. ادمز كان بيعرف من مريم وانا كنت بعرف منه بطريقه ما غير مباشره عن خط سيرك مع مريم ...
ريم سكتت ..
لوهان بيهزر: انا كنت مستعد اخليها 10 صدف وانتى كنتى هتصدقى بس مكنتش ضامن هتكونى قاعده كل دا ولا لا
ريم : والتخييم صدفه مترتبه ولا
لوهان : صدفه خالصه مؤكده انى مضيعيهاش تانى واقسملك انى مكنتش اعرف اصلا مين جاى لانى متعود كل مره اكون مع اشخاص جداد ومش بسأل مين ..لانى بنتهزها فرصه ليا ...!!
ريم سكتت لحظات وبصت الناحيه التانيه ...
لوهان بقلق: رجعتى ف وعدك ..ريم ..ريم
ريم بصتله وابتسمت: انا مصدقاك ..ولسه عند وعدى متغيرش
لوهان باابتسامه: اصدقاء
ريم باابتسامه: اصدقاء
لوهان ابتسم : اوكييييييه يلا بينا ننزل بقى ليدز فيرست
ريم: ثانكس
وهما نازلين قعدوا يتكلموا علي المناظر الي شايفنها واخدوا ارقام بعض وهما نازلين لغايه ما وصلوا المكان محسوش بالوقت من كلامهم وطول الطريق لوهان كان بيضحك ريم وضحكتها مغبتش وصلوا كانت المجموعه رجعت وكان فى واحد منهم ضرورى يرجع فااتفقوا تانى يوم الصبح يتحركوا واليوم دا وقعدوا مع المجموعه وقضوها هزار ولعب واغانى والكل نام واتحركوا تانى يوم الصبح ورجوعوا ع بيوتهم ..!!!
وصلت ريم البيت ورنا كانت مستنيه ... رنا: حمد الله علي السلامه يا روما
ريم باابتسامه: الله يسلمك
رنا: عامله ايه انبسطتى فى حاجه حصلت هناك ..
ريم قاطعتها: ايه يا رنا ما انا قدامك اهو صاغ سليم ..وفعلا كانت رحله جميله انبسطت جداااا
رنا: الحمد الله متعرفيش انتى قد ايه انا قلقت عليكى
ريم باستها: هدخل انا اغير
دخللت ريم اوضتها تغيير تليفونها رن وكان لوهان ..!!
ريم: الو
لوهان: حبيت اطمن وصلتى البيت ولا لسه واجب الصديق على صديقته يطمن عليها
ريم بتضحك: وصلت البيت وانت
لوهان: ف الطريق
ريم: اوكيه
لوهان: بكره هتنزلى الحديقه تتمشى
ريم: ايوه
لوهان: اقابلك هناك عازمك ع عصير هيعجبك
ريم ابتسمت : اوكيه ..باى
لوهان: باى
قفلت ريم وهى بصت ع الموبيل وضحكت : انسان مش طبيعى
رجع لوهان البيت وكان علي وشه ابتسامه وهو دخل الشقه كانت يومى قاعده مستنياه :
يومى: اوبا ..انت جيت
راحت ناحيته تحضنه ..
لوهان: برحه هنقع كده
يومى وهى حاضنه لوهان: وحشتنى وحشتنى ..طول الوقت قعدت زعلانه علشان مجتش معاك
لوهان: مش كان فرح صاحبتك ..كان حلو انبسطتى
يومى: كان هيبقى احلى لو كنت جيت معايا كلهم سالونى عليك قلتلهم طبعا مشغول في البوم الجديد وبيحقدو عليا
لوهان بيضحك: المهم انبسطتى
يومى: اوبا نتعشى انا ..
لوهان: اوبا عاوز يناااااااااام اتعشى انتى وامشى واقفلى الباب كويس
لسه هتتكلم يومى دخل لوهان اوضته وقفل الباب وهى اخدت شنطتها ومشيت ...!!!
تانى يوم الصبح نزلت ريم مع مريم للتمشيه الصبح والعادى ان ريم مش بتحب الجرى زى مريم فمريم سابت ريم ف مكان وراحت هى تجرى مع اصحابها ... وهى بتتمشى وحاطه سماعات mp3 ف ودانها لاقت ف وشها علبه عصير بصت ع الشخص لاقته لوهان .. شالت السماعات
ريم مبتسمه : صباح الخير
لوهان: صباح الخير .. انتى اتاخرتى ليه كده
ريم بصت ع الساعه لاقتها الساعه 7 : لا ابدا دا ميعادنا انت الي جيت بدرى
لوهان بيضحك: اه ممكن .. اشربى العصير دا طعمه لذيذ اوى ومفيد
ريم مسكت العلبه بتقرا الي مكتوب عليها لاقته بالكورى مش بالانجليش بصتله :دا نفس الي شربته علي الجبل
لوهان لف العلبه ووراها جمله halal حلال
ريم : سورى بجد لان ف حاجات مش ينفع لا اشربها ولا اكلها هنا
لوهان بيضحك : وهو دا حاجه تفوتنى انتى نسيتى ان ليا اصحاب عرب وعارف نظام اكلهم وايه ينفع وايه مينفعش ..فانا مش هضرك وعد الصداقه..ودا عصير مكوناته طبيعيه ومن احسن الانواع ومفيد ليكى وبنكهه الي بتحبيها الفراوله
ريم: اوكيه ..ثانكس
لوهان: ومتقلقيش مكوناته عصاير طبيعيه من غير اضافات ولا سكر بيشربوها الرياضيين يعنى
ريم: اوكيه ....نكمل مشى
لوهان: اوكيه يلا
وهما ماشيين لوهان كان لابس جاكت بزعبوط وكاب ونضاره شبه مش باين منه ملامح وهو بتعمد يدارى وشه
ريم بتضحك: انت متراقب
لوهان: ليه
ريم: انت مخبى معالم وشك خالص يعنى لولا صوتك مكنتش اعرفك ودا مش اول مره كل مره كده ..لكن ف التخييم كنت عادى
لوهان: لا عادى انا اتعودت علي كده
ريم: اها تعود
لوهان: انتى هنا بقالك كتير بتيجى كوريا كتير ولا دى اول مره
ريم: لا اول مره لان اختى قاعده هنا مع جوزها لانه شغال هنا وهى معاه وانا بقالى 15 يوم ومسافره كمان اسبوع بالكتير
لوهان اتفاجئ: بسرعه كده
ريم: انا جيت اطمن ع اختى واشوفها وخلاص
لوهان: وهتيجى تانى ولا خلاص
ريم: ع حسب الظروف مش عارفه لسه
لوهان:وخرجتى هنا روحتى فين
ريم: امممم مش كتير مريم كانت بتاخدنى نلف علي محلات ونشترى حاجات واغلب الوقت بنقعد في المطعم عند باباها فى أيتوان والرحله التخييم وبس دى ايامى ف كوريا
لوهان: ايه دا ..ازاى متلفيش وتخرجى وتروحى الاماكن السياحيه هنا بيجوا من العالم ويتفسحوا هنا وفى اماكن كتير اوى
ريم: لو ليا نصيب بقى ..مره تانيه
لوهان: عرفينى انتى وانا هظبطلك كل حاجه وفى اماكن هتعجبك جدا وانا واثق هتعجبك
ريم: هتبقى المرشد الكورى
لوهان: وممكن اليابانى كمان ونص صينى
ريم بتضحك: لا انا مسافرتش اليابان ولا الصين لسه بس لو سافرت ممكن افكر
لوهان: انتى بتتكلمى انجليش كويس جدااا
ريم: انا تعليمى من صغرى كان بالانجليش وغير اجتهاد منى كهوايه اتعلمتها ودرست ف لندن وعشت فيها 6 سنين وقابلت ناس من اغلب بلاد العالم فيعنى معايا فرنش والمانى واسبانى وايطالى كويس وشويا قليليين جدا اوووى يابانى وصينى والكورى مش بعرف اتكلمه ..مريم هنا هى المترجم وبتساعدنى كتير
لوهان: كويس جدااا
وهما ماشيين وبيتكلموا شافت ريم بنات ملمومين عند صوره اعلان لبرفان معين ومبهورين بيه جداااا بصت ريم علي الصوره ..ريم: ايه دا
لوهان بص لاقاها صورته اتلجلج: دا ..دا ..اعلان
ريم: اقصد يعنى حد مشهور هنا دا ولا ايه
لوهان بص ع ريم وشايفها فعلا مش بتعرف تميزه وابتسم : اها مغنى فى فرقه معروفه
ريم: اهاا علشان كده البنات هيموتوا عليه عندكم هنا البنات بيحبوا اوى الحاجات دى متابعين النجوم واخبارهم لدرجه سمعت ان فى بيراقبوهم بجد عقول غريبه
لوهان: دا تعبير عن حب .. بيحبوا شخص بيهتموا بيه يعنى لما بيبقبوا ف حزن ممكن النجم الي بيحبوه يهون عليهم ويخفف حزنهم .. هنا بيحبوا او معنى اصح طبيعه مجتمع هنا كده ومش بيحبوا الفنان الكداب او الخاين ..بياخدوا منه موقف لان حبهم ليه بيعتبره فرد من العيله والعيله هنا معناها كبير ....
ريم: اها ما انا سمعت كده بيقلبوا عليه ونقدهم قاسى اووى
لوهان: بس بيبقوا محفز لنجاح والشهره واوقات لسقوط
ريم بتضحك: بجد مش عارفه انا لو هنا عايشه هتعامل مع كده ازاى
لوهان بيضحك: بلاد الشرق الاوسط والعربيه فى كتير معجبين لنجوم كوريين يعنى الهوس موجود بس بطرق مختلفه ..
ريم : فعلا هوس والي انا شايفاه من الي بيتصوروا جنب بوستر بياكدلى بس تعرف عن قرب بيبشبهلك ...
لوهان اتوتر: مين ..انا لالالا خالص
ريم بتضحك: مش هتفرق كتير كلكم هنا شبه بعض فطبيعى يبقى شبهك او العكس
لوهان بيضحك ع ريم : يلا بينا
فضلوا يتكلموا وهما ماشين ولوهان يحكى ويضحك ريم
ريم : افتكرت كنت عاوزه اسألك ع حاجه
لوهان: ايه هى ؟
ريم: ايه الحاجه الي ليك عندى ومش عاوزها
لوهان سكت لحظات: الحاجه هى ...
ف الوقت دا مريم جت لاقت لوهان موجود
مريم: ليو
لوهان: ريمو
مريم: مكنتش اعرف انى هشوفك فى الفتره القليله دى كذا مره ورا بعض ايه مفيش سفر ولا ت...
لوهان قاطع مريم: الشغل اها الشركه اخدت راحه الفتره دى
مريم استغربت من رد فعله:الشركه واجازه
موبيل ريم رن وبعدت علشان ترد وكان امير
لوهان ل مريم: ريمو ريم متعرفش انى مغنى ومعروف انا قلت ليها انى موظف ف الشركه
مريم : ها .. موظف.. ليه ها ؟
لوهان: مش عارف خفت تعرف ..المهم ياريت متقوليلهاش انا كنت هقولها بس لاقيتها قالت انها مبتحبش المشهورين اشاعات ومشاكل وزحمه فهقولها بعدين
مريم بتضحك: اوكيه
ريم رجعت ولوهان: انا همشى بقى لان عندى شغل
ريم: اوكيه .. احنا انهارده هنتجمع في المطعم عند بابا مريم تعالى
مريم بتضحك: مين لوهان هيجى ايتوان وسط الناس كلها ويقعد زينا
ريم: وفيها ايه يعنى
لوهان اتحرج من مريم: قصدها انى مبحبش الزحمه وكده
ريم: حاول هتعجبك القعده بجد والاكل تحفه وانت جيت مره قبل كده
مريم: لوهان جه المطعم امتى دا ...
لوهان: هشوف هشوف ..ماشى يا مريم
مريم بتضحك: اوكيه مستنينك
لوهان مشى وريم لاحظت ضحك مريم: بتضحكى ليه كده
مريم: ها مفيش اصل لوهان من الاشخاص الي بشوفهم ف السنه مرتين بالكتير وفى التخييم بس غير كده مبيظهرش انما شكله كده الكل هيتفرج عليه
ريم: تقصدى ايه
مريم: لا مفيش .. بس علاقتك اتطورت اوى مع لوهان من الرحله والي اعرفه انك صعب تتعودى ع حد بسرعه
ريم: لا ماهو انا اعرفه قبل الرحله بفتره .. هو ال رجعلى سلسلتى
مريم متفاجئه: السلسله ال ضاعت من سنتين
ريم: ايوه
مريم: واضح اننا هنشوف ايام حلوه ..
ريم: يعنى ايه
مريم: يلا هنتاخر ع رنا يلا
فى نفس اليوم ريم كانت قاعده مع مريم وادمز واصحابهم الي بيقعودوا معاهم وهما قاعدين مريم كانت قامت وشويا ريم لاحظت شخص شبه مستخبى قعد جنبها اتخضت
ريم: مين انت
لوهان بيبص من تحت النضاره: ليو
ريم: ومستخبى ليه كده
لوهان : لا عادى دا تعود زى ماقلتلك
ريم بتضحك: بجد عاوزه اشوفك ف الصيف هتبقى عامل ازاى
مريم شافته ورجعت ع كلام ريم وبتبص ل لوهان: لا مش هتشوفيه واراهنك
لوهان: هتراهنوا عليا ..انا جعان اكلونى
مريم: اوكيه وعلي حسابنا دا شرف انك جيت
ريم: مريم مكبراها اوى ..عادى ماانا مش بحب اختلط مع الناس بس باخد وقت لغايه ما اتاقلم يعنى ..لو شفتينى من 5 سنين كنت هتلاحظي الفرق
لوهان بص ل ريم وهى بتتكلم وملامحها متغيره: لدرجه دى
ريم ملامح وشها متغيره بعد ما كانت بتبتسم ...
لوهان حب يغير الموضوع : اكلهم هنا حلو ولا اروح كل من مطعم تاني مريم هتسمنى انا عارف
ريم بتضحك: متقلقش هاكل معاك يا صديقى
لوهان: يبقى يا مرحب بالموت يا صديقتى
مريم جابت الاكل ولوهان اكل وقعد يهزر ويضحك هو وادمز ويتريقوا ع بعض وع مريم وريم حس بمتعه ف القعده ..رجعت البيت لاقت رساله من لوهان
""الاكل كان جميل انا سعيد انى سمعت كلامك وجيت وهتتكرر تانى يا صديقتى ""
ريم ردت عليه " يا اهلا بيك فى اى وقت يا صديقى "
لوهان "تصبحى ع خير "
ريم "وانت كمان "
ريم كانت مبسوطه ان لوهان غير مود السفريه ورنا نوعا ما حست بتغيير فيها الاسبوع الي كان فاضل قبل رجوع ريم لمصر كانت شبه مقضياه مع مريم ولوهان اتعود يروح المطعم ويقعد معاهم ويتكلم مع الوفود الجديده من الاشخاص الاجانب وقت ما بيكون فاضى او معنى اصح كان بيفضى نفسه علشان يقضى وقت مع ريم قبل ما تسافر ووسط الكلام ريم كانت بتقعد ساكته وكان لوهان بيدخل ريم ف الكلام تتكلم معاهم..
قبل ما تسافر بيوم كانت قاعده مع مريم وادمز واصحابهم وشويا لوهان انضم ليهم خلصوا القعده وقبل ما يمشوا ريم جالها تليفون امير قامت ردت
امير: وحشتينى يا ريم هترجعى امتى
ريم: بعد بكره ان شاء الله
امير: مستنينك كلنا متتاخريش علينا
ريم: فى حاجه حصلت مامى ولا اونكل عاصم انا رامى كلمته من شويا مقلش حاجه
امير بيضحك: لا متقلقيش بس وحشتينا طولتى
ريم: اهااا طيب وريم بتتكلم ف التليفون .....
لوهان: ريم هتسافر بعد بكره
مريم: اه هفتقدها كتير انا ..
مش قادره اخليها تقعد اكتر من كده محاولاتى فشلت بس هى وعدتنى هتيجى تانى ..
لوهان: اممم طيب ايه رائيك نخرج بره بكره وانا عازمكم ع العشا
مريم بااستغراب: وهو انت فاضى لدرجه دى
لوهان: هخلص كل حاجه عندى الصبح وع العشا نتقابل وندخل سينما
ادمز: ايه كل دا
مريم: وانا كمان مستغربه ايه كل دا ..عموما انا كده كده مع ريم بكره هننزل نشترى هدايا وحاجات ليها فهى معايا
لوهان: اوكيه وانا اخلص شغلى واكلمكم
مريم بصت علي المجموعه الي قاعده : مين فاضى بكره تلاته كانوا فاضين فاتفقت مريم انهم يتقابلوا ويخرجوا كلهم بكره
لوهان : كده بقت رحله مش خروجه
ضحكوا كلهم وريم جت قالولها ومكنش عندها مانع لكن محدش قالها علي السينما ...تانى يوم نزلت مع مريم ولفوا علي كام محل ووصلوا الشنط المطعم عند ابو مريم ورجعوا يكملوا لفهم وقابلوا ادمز واصحابهم ولوهان بعد شويا قابلهم وهو مستخبى كالعاده
لوهان بص علي الساعه: هنتاخر كده علي الفيلم
ريم اتفاجئت : فيلم .. فيلم ايه
مريم: اوووبس نسيت اقولك احنا هندخل سينما
ريم اتفاجئت: ها
لوهان: فيلم هيعجبك اوى
ريم حاولت تخلع علشان متتحرجش قدامهم : انا هتفرج ازاى ع فيلم كورى مش هفهم
مريم: متقلقيش دا فيلم اجنبى
ريم: اهاا ..لكن ياجماعه سورى معتقدش انى اقدر ممكن تروحوا انتوا وانا هستناكوا في اى كافيه
لوهان: مينفعش نسيبك كده مش هندخل
الكل: يلا يا روما فيلم حلو اووى
لاحظت ريم ان الكل عاوز يدخل حاولت تستجمع شجاعتها : اوكيه اوكيه
وصلوا للسينما ودخلوا قاعدوا اماكنهم وخرجوا الشباب يشتروا عصاير وفيشار ورجعوا وريم قاعده متوتره ...
مريم: مالك
ريم: مفيش مفيش
ابتدا الفيلم يشتغل والقاعه ضلمت حاولت ريم تتمالك نفسها لكن حست بانها مش قادره تاخد نفسها فقامت بسرعه وخرجت افتكروها رايحه الحمام لكن غابت خرج لوهان يشوفها فين لاقاها قاعده وسانده راسها ع ايدها ..
لوهان: ريم.. فى حاجه ؟
ريم بصتله وكان ملامح وشها متغيره وعنيها زى ال كانت بتعيط
ريم: لا مفيش
لوهان استغرب وقعد ع كرسى جنبها : هو الفيلم مش عاجبك الكل اجمع انه هيعجبك
ريم: في الحقيقه انا مش بدخل سينما خالص والافلام بتفرج عليها ع اللاب في البيت غير كده مش بعمل ..لان عندى مشكله مع الضلمه والاماكن الضلمه شويا وطبعا منهم السينما
لوهان: انا كنت فاكر ان السينما مفيهاش مشاكل مريم مقلتيش حاجه عنها لما اقتراحناها
ريم : ماهى متعرفش ..عموما ادخل كمل الفيلم وانا هقعد هنا
لوهان: مينفعش اسيبك لوحدك وانتى كده
ريم: لا عادى اصلها مش اول مره انا اتعودت شويا وهبقى كويسه
لوهان بيتلكك علشان ميسبش ريم لوحدها : اصلا الفيلم مش عجبنى مطلعش زى البوستر هقعد معاكى هنا ولا اقوم اقعد في مكان تانى
ريم بتضحك: مش كان عاجبك فى الاول
لوهان شافها بتضحك: ايوه هى دى الي انا عاوزها
ريم: ايه هى
لوهان: ضحكتك متختفيش
ريم ابتسمت ..
لوهان: هقوم اجيب حاجه نشربها اوكيه
ريم هزت راسها وقام لوهان جاب العصير ورجع قعدوا يحكوا واخد رقم ريم ف لندن وخرجوا باقى المجموعه وراحوا اتعشوا ووصلوا البيت كل واحد فيهم ...!!!
وتانى يوم سافرت ريم علي لندن دخلت البيت افتكرت داده عواطف وكانت بتدور عليها سلمت علي الخدامين وكان رامى مستنيها بلهفه ... طلعت تغير هدومها وهى طالعه عدت علي اوضه داده عواطف فتحتها ودخلت قعدت علي السرير وحسست ع المخده ودموع نازله من عنيها : وحشتينى يا داده
رامى دخل الاوضه: روما يلا علشان نتعشى مع بعض انا مستنيكى مسحت دموعها وخرجت قفلت باب الاوضه ودخلت غيرت وطلعت الهدايا الي جايباها للخدامين ولمامتها ولعاصم ول امير ورامى ونزلت ادتهم لخدامين الهدايا بتاعتهم وفرحوا بيهم وهى فرحت انهم فرحوا ...بعد ما اتعشت مع مامتها وعاصم ورامى طلعت اوضتها رامى خبط على الباب ودخل
رامى: روما
ريم: بيبى تعالى
رامى رمى نفسه ف حضن ريم: البيت كان وحش من غيرك متسافريش تانى
ريم بتضحك: المره الجايه هنسافر سوا اوكيه
رامى: اوكيه
ريم: عاجبتك الهدايا الي جبتهالك
رامى: جدااااااا
بص رامى ع رقبتها : وفرحت اكتر ان السلسله رجعت انتى عارفه انها تحويش اول مصروف ليا
ريم مسكتها: متقلقش مش هتضيع تانى وهما قاعدين عاملين يهزوا ويضحكوا ويحكيلها رامى عمل ايه الفتره الي سافرتها ريم
مامتها دخلت عليهم : رامى ميعاد نومك علشان السكول يلا
راح رامى نام ع سرير ريم واستغطى : هنام هنا انهارده مع ريم
حنان: رامى بلاش دلع ويلا
رامى قام حضنت ريم: هنام مع روما
ريم بتضحك : خلاص يا مامى سبيه ينام معايا هو واحشنى بصراحه
حنان: انتى بتدلعيه يا ريم اوى بصراحه
ريم: وهو انا عندى غيره
حنان باابتسامه: ربنا يخليكوا لبعض ويخليكوا ليا واضح انك انبسطتى عند رنا ..راجعه نفسيتك احسن
ريم: الحمد الله فعلا الجو والحياه هناك مختلفه
حنان: شجعتينى نسافرلها
رامى: وروما معايا من غيرها مش هسافر
حنان: اوكيه اوكيه ..متسهروش ونام علشان السكول
ريم: اوكيه..تصبحى ع خير
خرجت حنان ونامت ريم وهى حاضنه رامى وكانت الساعه 10 سمعت صوت رساله بصت تشوف مين لاقتها من لوهان
" اتمنى تكون الرحله كانت مريحه ليكى ومستنيكى قريب "
ردت ريم "اشوفكم قريب "
لوهان "مستنيكى
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!