قبل يوم العزومه بيومين كان يوم عيد ميلاد رنا فـرجعت ريم من المدرسه وبعد ما غيرت هدومها راحت اتصلت ب رنا ع تليفون البيت علشان عيد ميلادها لان موبيل رنا كان مقفول ومتوقعه انهم مش هيرودوا ف البيت علشان العيد الميلاد واتفاجئت ريم ان رنا الي ردت عليها :
ريم: رنا ازيك
رنا بفرحه: روما حبيببتى عامله ايه
ريم: الحمد الله ..وحشانى عامله ايه انتى وموبيلك ماله
رنا : فاصل شحن ..واناالحمد الله طمنينى عليكى عامله ايه
ريم: الحمد الله .. كل سنه وانتى طيبه
رنا بسعاده: حبيببه قلبى احلى كل سنه وانا
طيبه سمعتها انهارده
ريم بتضحك: بلاش بكش اكيد كل ال عندك قالهالك
رنا: بس مش كلهم ريم اختى وحبيببه قلبى
ريم : ماشى يا ستى هديتك هجبهالك واحنا جايين ف اجازه نص السنه
يلا اسيبك علشان معطلكيش عن حفلتك وتحضيراتها .. سلميلى ع خالتو ولمياء..
رنا : لالا مفيش عطله انا اصلا مش هعمله لاغيته
ريم اتفاجئت: ليه
رنا : اممم كنت عاوزه اعملهالك مفاجاءه بس باظت كده
ريم ابتسمت: هتيجى انتى
رنا : لا انتى ال هتيجى
ريم ملامح وشها رجعت تانى : هاجى فين
رنا: اتفقت مع خالتو حفله عيد ميلادى وميلادك هنعملها مع بعض لما تيجى
ريم: بس انا عيد ميلادى هيكون عدى
رنا: وانا هيكون عدى هنعمل حفله صغننه ليا وليكى ونطفى الشمع مع بعض .. ايه رائيك..؟
ريم سكتت ثوانى: ايه ال غيرلك رائيك كده من وقت ما روحتى عند خالتو
وبتعملى عيد ميلادك انتى ولمياء
رنا: ايه الرخامه دى عاوزه اعمل عيد ميلادى مع اختى فيها حاجه دى
ريم: لا عادى ..مامى عرفت ولا ايه
رنا : بصراحه كلمتها الصبح وعرفتها وكنت عاوزه افاجئك بس باظت المفاجاءه بس الي اهقدر اقولهولك انى هفاجئك بالحفله
ريم: ان شاء الله .. يلا هقفل علشان ورايا home work كتير
رنا : اممم ماشى ياعم الدحيح انتى ناويه تبقى دكتوره ولا ايه
ريم بتضحك: وهو ف ايه ف البيت هنا غير انى اذاكر يعنى
رنا حست بنبره ريم الحزينه وطريقتها: انا اسفه يا ريم
ريم: اسفه ع ايه
رنا بصوت حزين: انى سيباكى لوحدك بس انا مش كنت هقدر استحمل
ريم قاطعتها: خلاص يا رنا يلا كل سنه وانتى طيبه
رنا: وانتى طيبه
خلصت ريم كلام مع رنا اختها وريم حست بضيقه لان اختها وحشتها وبعيده عنها وافتكرت يوم ما رنا كانت ماشيه
"فلاش باك" من 3 سنين
ريم بتعيط وماسكه ايد رنا : رنا متسبنيش لوحدى هنا
رنا: ريم انا مش هقدر اقعد هنا مش عارفه اذاكر
ريم بتعيط: خلاص خدينى معاكى ..مش عاوزه ابقى لوحدى
رنا : ياريت ينفع بس بابا مش هيرضى ان احنا الاتنين نمشى
مامت ريم دخلت وقتها ومسكت ايد ريم وبتمسحلها دموعها: كده يا روما عاوزه تمشى وتسيبى مامى لوحدها ...
ريم: تعالى معانا انتى كمان ونروح نقعد هناك
مامتها: مش هينفع يا حبيببتى نسيب البيت كلنا.. رنا مش عارفه تذاكر وهى مش هتعيش هناك فتره المدارس وهتيجى تقعد معاكى فى الاجازه ومش هتسيبك لوحدك
رنا: ايوه يا ريم انا مش هسيبك لوحدك
ريم معرفتش تقول ايه راحت قعدت مكانها وشايفه رنا بتجهز شنطها وبتاخد اغلبيه حاجتها .. يعنى واحده ماشيه خالص مش فتره ....
وافتكرت ريم ان من وقت ما سافرت وهى مرجعتش البيت غير مرتين تلاته وان ريم ومامتها ال كانوا بيروحولها القاهره يعنى رنا استقرت ف القاهره وكل ما تسئل مامتها تتوهها لغايه ما استسلمت ريم لواقع انها لوحدها حقيقى ... اتنهدت ريم و بصت حواليها لاقت الشقه فاضيه حست بفراغ كبير وخنقه قامت بسرعه ودخلت اوضتها وشغلت اmp3 وفتحت الكتب تذاكر تهرب مش عاوزه تدى فرصه لحاله تسيطر عليها ...!!!!
جه يوم العزومه قريبه ابو ريم صفيه وكان الجو غريب اهتمام ابو ريم بالعزومه كان كتير اوى جاب طباخ وطقم خدم وطلب من ام ريم متعملش حاجه وتشرف عليهم وهى كانت مضايقه بااهتمامه اوى بصفيه وانه مبيهتمش بعيلتها زى عيلته ف العزومات دا لو رضى انها تعزمهم..!!!
كان يوم الويك اند وريم اجازه وقاعده فى اوضتها دخلت مامتها عليها لاقتها لابسه وقاعده ع السرير وبتسمع موسيقى
مامة ريم: روما انتى لبستنى
ريم: ايوه يا مامى هى الضيفه جت
مامة ريم: فى الطريق باباكى اتصل وقال هيعدى عليها يجبها وهيجى
ريم: طيب
مامة ريم قاعده: انا مش مستريحه لعزومه دى
ريم: ليه
مامت ريم: انا مش برتاح لصفيه دى
ريم : انا مش فاكراها
مامة ريم: مش هتفتكريها لانك مش شوفتيها اصلا هى اتجوزت وسافرت الامارات وجوزها اتوفى ورجعت مصر
ريم: وايه ال مش مريح فى كده ليكى يا مامى
مامت ريم بصت لريم وحست انها بتتكلم ف كلام مش ينفع تقوله لريم: لا لا مفيش هخرج انا اشوف الدنيا بره
ريم حست ملامح وش مامتها متغيره ومش عارفه السبب فرجعت قعدت زى ماكانت قاعده وبتسمع موسيقى ...!!!!
مر وقت وجرس الباب رن ودخل ابو ريم ومعاه صفيه قريبته
صفيه بتبص ع ام ريم وباابتسامه كبيره : حنان ازيك
حنان رسمت ابتسامه : صفيه... حمد الله ع السلامه
صفيه وام ريم الاتنين بيسلموا ع بعض من غير نفس .. ابو ريم: تعالى يا صفيه ادخلى البيت بيتك
صفيه قعدت ع كنبه الصالون وبتضحك: طبعا يا حماده مش بيتك يعنى بيتى
وبعدين بصت صفيه ل حنان: سورى يا حنون اقصد وبيتك انتى كمان واحنا عيله
حنان باابتسامه بارده: طبعا عيله
صفيه بتبص حواليها: ماشاء الله ع بيتكم روعه يا حماده مكنتش اعرف انك ذوقك حلو كده وبعدين اكيد ذوقك حلو مش كنت هتتجوزنى
ابو ريم بيضحك: طبعا طبعا
صفيه رجعت بصت ل ام ريم وبتضحك : سورى يا حنون اكيد انتى كنتى تعرفى ان محمد اتقدملى قبلك ولولا محصلش نصيب كان زمانى انا هنا
ابو ريم بيضحك: ماهو انتى هنا اهو يا صفصف
ام ريم لاحظت ضحك وهزار جوزها مع صفيه ومش شايفنها : انا هقوم اشوف الغدا جاهز ولا ايه
صفيه بصت ل ام ريم: هما البنات فين صحيح
ابو ريم: رنا ف القاهره عند خالتها الموجوده ريم اندهيها يا حنان
حنان بملامح ضيقه وبتحاول تتمالك نفسها : حاضر
لسه هتروح ل ريم كانت خرجت من الاوضه وشافت وش مامتها متحول اووى لسه هتسألها فى ايه سمعت صوت باباها اتنفضت وراحت اتجاه الصالون وسمعت ال مش مصدقاه ومستغرباه ضحك بصوت عالى بين باباها وقريبته .. قربت منهم ..
محمد: ريم يا صفيه
صفيه باابتسامه ضمت ريم : ايه القمرايه دى اكيد طالعه ل باباكى قمر
محمد: مش اوى يعنى يا صفصف
صفيه بتضحك: باباكى دا يا ريم كان مفيش بنت غير انها تقع فى شباكه كان فلانتينو العيله هههههههه
ريم واقفه مش مستوعبه الموقف الضحك والهزار العالى ال كان مرفوض فى البيت ومستغربه باباها ال بيضحك لانها نادرا لما كانت بتشوفه بيضحك معاهم او مع مامتها لكن شغال ضحك متواصل مع صفيه .. استاذنت ريم وراحت لمامتها شافتها واقفه ع جنب ووشها متغير ...!!
خلصت العزومه نزلت صفيه تروح وباباها عزم يوصلها لغايه البيت وريم بعد الغدا دخلت اوضتها وهى بتستوعب ال حصل ف اليوم دا لدرجه انها مش مصدقه غيرت وقعدت تذاكر شويا ولما خلصت قعدت ع السرير سرحت شويا ف ال حصل وبتراجع ضحك باباها سمعت صوت زعيق ..باباها رجع متاخر وكانت مستنياه مامتها وكانت خناقه على ال حصل وازاى يعمل كده ..
ريم مستحملتش الصوت راحت حطت سماعه الهاند فرى ف ودنها وعلت الصوت ونامت ع السرير علشان متسمعش الخناق ....!!!
استمر الخناق بين ابو ريم ومامتها لفتره بسبب قريبه باباها ال ظهرت
وريم بتحاول تتجاهل الخناق وان مامتها شاكه فيه وعزلت ريم نفسها عنهم ومفيش حد تتكلم معاه وتحكيله فااختارت تهرب بالميوزك وسماعات الام بى ثرى ....!!!
مرت امتحانات نص السنه وزى ما اتفقت ريم مع رنا انها هتسافرلها القاهره فى اجازه نص السنه وجهزت نفسها ريم وشتطتها هى ومامتها وكانت عربيه مستنياهم بسواقها هيبقى معاهم طول فتره تواجدهم ف القاهره
طول الطريق ريم حاطه الام بى ثرى فى ودنها ومغمضه عنيها لغايه ما وصلت ...!!
وصلت ريم ومامتها عند بيت خالتها و واستقبلتهم رنا ولمياء رنا قابلت مامتها بالحضن وحضنت ريم وريم كانت مبسوطه انها شافت رنا
لان اخر مره شافتها كان من 6 شهر من اجازه الصيف مكملتش يومين ورجعت ع القاهره ..قعدوا يتكلموا وسلامات لكن ريم حست بغربه مستغربه اللمه لان مش بيحصل عندهم فى بيتهم ويحصل تجمع سابتهم ريم وطلعت ع اوضه رنا ال هتنام فيها معاها وحصلتها رنا ..
رنا: نورتى القاهره يا روما
ريم: منوره بال قاعدين فيها
رنا : شكلك ماله انتى تعبانه
ريم: شويا حاسه بصداع
رنا: طيب نامى وارتاحى علشان بكره متقوليش صداع ولا اى حاجه ..تمام
ريم: ان شاء الله
خرجت رنا وريم كانت غيرت هدومها ونامت ...!!!
كان تانى يوم حفله العيد الميلاد وريم كانت فاكره انها حفله صغيره
مش هيكون فيها غير مامتها واختها وخالتها ولمياء بنت خالتها وجوز خالتها وبس لكن اتفاجئت بوجود عاصم قريب مامتها واولاده و زمايل رنا ولمياء ف النادى والمدرسه...
الزحمه خلت ريم مش مجمعه وحاسه بغربه فى وسط اهلها ومفيش حد انتبه ليها وكله مقضيها رغى ورقص وهيصه .. راحت قعدت جنب مامتها وهى قاعده مع قرايبها وبتتكلم
مامتها: ايه يا ريم قومى وهيصى مع رنا واصحابها
ريم : شويا كده لان رجلى وجعتنى
مامتها : براحتك يا حبيببتى
وريم قاعده سمعت حوار دار بين مامتها وقريبها عاصم :
عاصم: هو محمد مجاش ولا ايه
مامتها: لا عنده شغل وكده
عاصم بيضحك: عنده شغل ولا مش بيحب الحفلات ويشوفنا
مامتها اتحرجت: لا فعلا عنده شغل
عاصم: وانتى عامله ايه يا حنان واخبارك ايه اخر مره شوفتك ف الصيف لما كنا ف الساحل
حنان: تمام الحمد الله انت اخبارك ايه
عاصم: الحمد الله
بص عاصم ع رنا وابنه فريد : ماشاء الله رنا بقت عروسه انا حاجزها لفريد
حنان بتضحك: لسه بدرى ع الكلام دا يا عاصم رنا فى تالته ثانوى ولسه قدامها جامعه ومستقبل مش هخليها تعمل زى مهما حصل
عاصم: متقلقيش ان شاء الله هتكمل دراستها وهتبقى احلى عروسه عروسه ابنى
بص عاصم ع ريم : وريم ل امير كده بناتك اتحجزوا
حنان بتضحك: انت مصدقت حجزت واكدت الحجز وانا مليش كلمه
عاصم: انا بعرفك علشان متتفاجئيش ولا ايه رائيك يا ريم
ريم مخضوضه :ها
عاصم بيضحك: مالك اتخضيتى ليه كده
حنان حضنت ريم: ريم حاجه تانيه ياعاصم ماشاء الله عليها ممكن تقول مابتاخدش دروس وبتذاكر لوحدها ودايما من المتفوقين حبيببه مامى
عاصم: ربنا يفرحك بيها وبااختها
حنان: يارب
ريم مرتحتش ف القاعده مامتها بتتكلم وبتضحك مع عاصم وقرايبها ورنا مشغوله مع اصحابها ومع فريد وامير ولاد عاصم ومفيش حد منتبه ليها ولا بيسألها مبسوطه ولا لا ...
خالتها لاحظتها واقفه ع جنب :
خالتها: روما قربى يا حبيببتى وأنبسطى مع البنات
ريم: حاضر
عملت نفسها مبسوطه ووقفت ومن غير ما يحسوا طلعت الاوضه وشغلت MP3 وطلعت روايه تقراها وفصلت نفسها عن الجو ال خانقها ..خلص العيد الميلاد ولاحظت رنا غياب ريم طلعت دورت عليها ف الاوضه لاقتها قاعده ع السرير سانده راسها ع ضهر السرير وحاطه سماعات mp3 فى ودانها وبتقرا ومش حاسه بيها .. قربت منها تخضها
رنا: بخ
ريم اتخضت: يخرب عقلك يا رنا
رنا: بتعملى ايه هنا
ريم : صدعت شويا
رنا: وال يصدع يسمع اغانى .. مامى قالتلى انك نايمه كويس انك صاحيه
ريم: ليه فى حاجه
رنا: وحشتينى يا روما وهنقعد نرغى مع بعض
غيرت رنا هدومها وطلعت جنب ريم ع السرير : ها يا حبى احكيلى بقى اخبارك ايه
ريم : الحمد الله كله تمام
رنا: احكيى انا عارفه كله تمام
ريم: انتى عامله ايه انتى ثانويه عامه بتذاكرى ولا ايه
رنا : الحمد الله كله تمام وانتى عامله ايه ف المذاكره مع انى مش محتاجه أسالك يا عبقرينو
ريم ضحكت نص ضحكه: عبقرينو
رنا : يا بنتى انا غيرانه منك انتى من المتفوقين من غير درووس ومن صغرك كده وكمان بريفكت فى الانجليش والفرنش انا لغايه دلواقتى باخد درووس فيهم وفى الاجازه كمان علشان ابقى كويسه احنا فى مدارس المواد كلها بالانجليش لكن فرق عقول انا اعترف ..انما انتى ماشاء الله عبقرينو احنا اخوات بس الفرق شاسع ف الاستيعاب انا عارفه
رغم انى اختك الكبيره لكنى انحنيلك ...
ريم باصه ل رنا وشايفها مبتسمه : ياريتنى كنت زيك
رنا مفهمتش قصد ريم : لا يا بنتى انتى مش حاسه بالى انتى فيه اسكتى لتتحسدى
حست ريم ان رنا بتتكلم ع حاجه وهى تقصد حاجه تانيه
ريم اخدت نفس : انتى مبسوطه من قاعدتك هنا يا رنا
رنا تلقائى ومبتسمه: جدااااا
ريم فضلت باصه لرنا وفرحتها ورنا لاحظت كده : اقصد يعنى قاعده مع خالتو ولمياء وكده
لسه بيكملوا كلامهم خبطت ع الباب لمياء ودخلت: بتعملوا ايه
انا جبت طبق الجاتوه دا نفترسوا واحنا قاعدين وننم
رنا: يابنت الايه ايوه بقى
قعدوا يتكلموا وريم قاعده ساكته بتسمع لكلامهم وراسمه ابتسامه خفيفه ولاحظت ريم كلام لمياء ورنا كان كتير ع فريد وامير ..شويا ولمياء قايمه تروح اوضتها تنام...!!
لمياء: بكره بقى يا بنات ميعادنا الساعه 10 الصبح متنسوش
رنا: لا متقلقيش هنكون جاهزين
لمياء: ال مش هلاقيها لابسه ولا صاحيه هصحيها بطريقتى
رنا بتضحك: لا متقلقيش تصبحى ع خير
لمياء: نايتى نايتى
ريم بتبص ل رنا: فى ايه الصبح
رنا: بكره طول النهار احنا معزومين انا وانتى ولمياء ع خروجه
ريم: مين ال عازمنا خالتو
رنا مبتسمه : لا فريد وامير
ريم مستغربه: فريد وامير وماما وخالتو معانا
رنا : ايه يا ريم هو احنا طالعين رحله عائليه احنا الخمسه بس
ريم متنحه: لوحدنا
رنا: مش هنتخطف ع فكره
ريم متنحه ..رنا: مالك
ريم: هو عادى تخرجوا
هو انتى يا رنا كنتو بتخرجوا مع فريد وامير عادى
رنا: يا بنتى عادى دول كانوا بيجوا يقعدوا معانا ماهو فريد كان بيذاكرلى انا ولمياء اوقات وامير
ريم: هو فريد قولتى بيدرس ايه هو وامير
رنا: انتى نسيتى .. فريد فى سنه 3 اقتصاد وعلوم سياسيه
وامير فى تانيه تجاره انجليش
ريم: وعندهم وقت يجوا ويذاكرولكم هو انتم مبتعرفوش تذاكروا لوحدكم
انا فى اولى ثانوى اهو ولغايه دلواقتى بذاكر لوحدى من غير دروس
رنا بتغمز لريم: انتى عبقريه العيله يا روما قولتلك وبعدين يعنى ..
لاحظت ريم ملامح وش رنا متغيره ومبتسمه ..
ريم: وبابا
رنا: ماله بابا بينا دلواقتى
ريم: بابا لو عرف هيعملنا مشكله
رنا : بابا هيعرف ازاى وليه ولو حصل خالتو مش هتديله فرصه
ريم مستغربه من كلام رنا وجرائتها وانها مش خايفه من باباها : طيب تصبحى ع خير يا رنا
رنا: ها .. وانتى من اهله اشوفك الصبح بقى
ريم بصت جنبها وفتحت شنطتها وجابت الهديه : كل سنه وانتى طيبه
رنا بصت وفتحت العلبه وشافت السلسله فرحت اوى : حبيببتى يا روما وانتى طيبه يا حبيبتى
قامت رنا فتحت الدولاب وجابت علبه وادتها ل
ريم: كل سنه وانتى طيبه يا حبيببتى هديتك جبتها وحافظت عليها
ريم فتحت العلبه لاقتها mp3 احدث نوع واغلااهم: ميرسى
رنا: يلا ننام بقى علشان نصحى بدرى
ريم :ان شاء الله
تانى يوم الصبح رنا بتصحى ريم ريم مثلت انها تعبانه
ريم بصوت تعبان : رنا مش هقدر انزل معاكوا بطنى وجعانى اووى
رنا: ليه كده
ريم: انا هنام شويا وهبقى كويسه اخرجى وانبسطوا انتو
رنا: تحبى نكلم دكتور ولا تروحى لمستشفى ؟
ريم: لالالا هرتاح وهبقى كويسه يلا انزلى انتى
رنا بملامح زعل : يا خساره كان نفسى نخرج سوا عموما هتتعوض ف يوم تكونى كويسه ماانتى مطوله فى القاعده شويا
ريم: ان شاء الله
نزلت رنا وعرفت لمياء وكان فريد مستنيهم فى العربيه هو وامير
وركبوا ومشيوا وريم كانت باصه عليهم من الشباك ومستغربه ازاى رنا بتقدر تعمل كده وتخرج مع فريد وعادى ... وهى حاسه بخوف ورعب من فكره ان باباها يعرف وعقابه علشان كده مثلت المرض ومراحتش معاهم ..!!
بعد ما مشيت رنا ولمياء كانت ام ريم واختها قاعدين يتكلموا وبيشربوا شاى
وفاء: حنان
حنان: ايوه
وفاء: مش ملاحظه ان ريم متغيره اقصد يعنى مش زى البنات
فى العيد الميلاد امبارح كانت دايما بعيده عنهم ويا قاعده جنبك ولوحدها طلعت الاوضه هى ع طول كده ؟
حنان: ف البيت ع طول كده ف اوضتها بتذاكر ومعاها mp3 بتاعها وبتقرا او فاتحه اللاب.. هى طبعها هادى مش بتحب الاختلاط
وفاء: دا مصطفى بيقولى انها مردتش تسلم عليه
حنان: بجد مااخدتش بالى
وفاء: وعاصم كمان مسلمتش عليه باايديها وفريد وامير مقربتش منهم
انا لما كنا ف المصيف لاحظت كده بس مش لدرجه دى انها بتتجنب
انها تبقى موجوده فى مكان فيه رجاله او شباب هى بتتعامل ازاى ف مدرستها
حنان: هى ف مدرسه كلها بنات واغلبيتهم مدرسات
وفاء: بس انا مش مرتاحه
حنان: انتى هتقلقينى ليه
وفاء: هو انا هقولك بنتك عامله ايه انتى عايشه معاها
حتى مخرجتش مع البنات وقالت انها تعبانه لكن هى كويسه
حاولى تقربى لبنتك يا حنان وشوفى مالها لو مش هتعرفى وديها لدكتوره تشوفها
حنان بعصبيه : انتى تقولى دكتوره وهاجر تقول دكتوره هى مجنونه ولا ايه
وفاء: مجنونه ايه انا بتكلم علشان مصلحه بنتك
واضح جداا ان بنتك مش عايشه سنها وملا مرحلتها ومنعزله
حنان تجاهلت ملاحظات اختها : يا جماعه قلتها مليون مره بنتى انطوائيه ودا طبيعتها مش مرض يعنى ... وبعدين بنتى وانا ادرى بيها متركزوش هى زى الفل مش فيها حاجه ..!!
وفاء : افتكرى انى نبهتك
حنان مسكت فنجان الشاى وبتشرب واهملت كلام اختها ...!!
مر الوقت ووصل فريد وامير رنا ولمياء لغايه البيت
رنا باابتسامه مكسوفه : ميرسى اوى ع العزومه يا فريد بجد انبسطنا
فريد باابتسامه: انا كمان انبسطنا جداا ولا ايه يا اامير
امير ماسك موبيله : ها اه جدااا
رنا: برضه هتمشوا من ع الباب كده
لمياء بسرعه: تعالوا نقعد جوه شويا
فريد: مره تانيه انتوا ارتاحوا واحنا هنجيلكم بكره نطمن ع ريم ال هربت من العزومه
رنا باابتسامه: ان شاء الله
فريد: سلام
رنا ولمياء فضلوا واقفين لغايه ما مشى فريد وامير والاتنين اتنهدوا مع بعض وبصوا لبعض وضحكوا ..وفى الطريق امير فتح كلام مع فريد !!
امير بيبص ع فريد ومركز وهو بيسوق وفريد لاحظ
فريد: الاسهل اديلك صوره مالك بتبصلى كده ليه
امير: اصل وانت بتتكلم مع رنا حسيت ان فى قلوب بتقع من عينك وانت تكلمها
فريد ابتسم : مش فاهم
امير : على امير برضه انا كنت فاكر علاقه عائليه وتعدى من توصيه بابا لينا
لكن انا ملاحظ انت عديتها يا برنس
فريد بيضحك: هو باين اوى
امير اندهش: ايه دا يعنى ال انا ملاحظه بقالى فتره طويله وبكدبه فعلا
انت بتحب رنا
فريد ابتسم وهز راسه
امير : وهى
فريد باابتسامه : اممم انهارده صارحتها ولاقيت رد فعلها انها هى كمان
امير: ياهووووووو ..ايوه بقى يا فريدو انا شكيت لما قلت عاوز تتمشى واخدت رنا قلت الحكايه فيها قلوب ...وهتقع واقف صحيح
فريد استغرب من كلامه: نعم يعنى ايه كلامه
امير: يعنى مصنع من اكبر مصانع لقطع غيار السيارات وتوكيل سيارات
غير الاراضى و...
فريد قاطعه: انت بتتكلم فى ايه انا لما فكرت ف رنا فكرت علشان رنا مش علشان ال عند باباها
امير: اه صح رنا الاهم
فريد : بطل سخافه والتفكير المادى دا ف حاجه اسمها مشاعر
امير : امممم طيب قولى رائيك علشان انا محتار
فريد: فى ايه
امير: مصنع ولا شركه استيراد وتصدير
فريد: مش فاهم
امير: ريم ولا لمياء محتار بينهم ماهو انا لازم اختار معان السكه مفتوحه ف اتجاه لماء ع البحرى فبفكر اكمل فيه ولا انضم ليك وتبقى اليله بتاعتنا كلنا
فريد ركن العربيه وبص ل امير بصه غضب : امير فوق كده ايه كلامك دا
ال بتتكلم عليهم دول بنات وبنات ناس واهم من كده قرايبنا يعنى لو غلطت ف واحده مش هتعرف تصلح ال عملته ولا بابا هيعديهالك ... مينفعش تحسب وتقارن كده قلتلك ف حاجه اسمها مشاعر
امير : وانت ورنا
فريد: انا مرتبتش لـ احساسى ل رنا ال لاقيت نفسى مشدود ليها وبهتم فيها ولا فكرت عندها ايه ولا هتاخد ايه انا فكرت فيها بس امير لاحظ عصبيه
فريد :مالك متعصب كده ليه انا بهزر معاك الله
فريد: مينفعش تهزر ف الحاجات دى لكل حاجه ليها حدود فاهم
امير : اوك اوك يلا بينا نروح بقى
فريد شغل العربيه ومشى وامير ولا اكنه سمع حاجه وفضل يقارن بين ريم ولمياء فى دماغه ....!!!
طلعت رنا ع اوضتها وهى مبسوطه وفرحانه اوى ومن فرحتها نسيت ان ريم كانت تعبانه ودخلت عماله تمايل نفسها وتغنى ريم كانت قاعده ع السرير بتقرا كتاب كالعاده وحاطه الهاند فرى فى ودانها بصت لمنظر رنا
اتخضت .... شالت السماعات : رنا
رنا شافت ريم راحت رمت نفسها ف حضنها: ريم روما اختى حبيببتى
ريم: مالك
رنا: انا فرحانه فرحانه فرحااااااانه
ريم: طيب كويس بس ايه ياترى ال فرحك كده
رنا ووشها كلها بيضحك وفرحانه: فريد
ريم: ماله
رنا: فريد يا روما قالى انه بيحبنى
ريم اتفاجئت: ايه؟
رنا قامت بتتحرك ف الاوضه: انا اسعد واحده ف الدنيا انهارده
ريم مخضوضه ومش بتتكلم ... رنا قعدت جنب
ريم : انهارده قالى انه بيحبنى وانا ......
ريم ملامح وشها متغيره قاطعتها : وانتى ايه
رنا :كنت هقوله وانا كمان بس مقدرتش واتكسفت اوووى
رنا لاحظت ملامح ريم ال متغيره: مالك يا ريم
ريم مخضوضه: بابا .. بابا لو عرف يا رنا
رنا : يووووووه بابا بابا بابا .. بابا ملوش اى علاقه بيا انا قاعده هنا وعايشه هنا وهفضل هنا وهخرج من هنا ع بيت فريد ان شاء الله
ريم مخضوضه من الكلام : رنا
رنا هدت نفسها: ريم يا حبيببتى انا قررت زمان من وقت ما سبت البيت وجيت هنا انا خلاص دى حياتى وأقلمت نفسى ع كده وماما عارفه ومعرضتنيش وصعب انى ارجع تانى لحياتى الاوانيه وابعد عن فريد
ريم متفاجئه: صعب تبعدى عن فريد لكن عادى تبعدنى عنى
رنا لاحظت كلام ريم وملامح حزن ع وشها : لا اقصد يعنى
ريم قاطعتها :ماما عارفه بكلامك دا انك مش هترجعى الاسكندريه تانى
رنا حست انها غلطت انها قالت كده حاولت تصلح ال قالته : ااقصد يا ريم
ريم : وعارفه علاقتك مع فريد
رنا هزت راسها: وخالتو كمان عارفين انى بحب فريد وملاحظين اهتمامه وتصرفاته وكده
ريم مش لاقيه كلام غير انها اتاكدت انها لوحدها ومع الوقت بيثبت انها لوحدها رجعت تحط سماعات الهاند فرى
رنا حاولت تغير مود الكلام : امير بيسلم عليكى وزعل اوى انك مجتيش
ريم مردتش ع رنا وباصه ف الكتاب
مسكت رنا ايديها: مقولتيش رأيك ايه طيب
ريم بصت ل رنا وشالت سماعات من ودانها : انتى قررتى واختارتى وماما وخالتو عارفين ربنا يكمل فرحتك
حطت ريم سماعات الهاند فرى وعلت الصوت ومسكت الكتاب ورنا حست انها كانت اوفر ف الكلام مع اختها وغيرت رنا هدومها وخرجت وريم فضلت باصه ع الكتاب ف ايديها لكن مش بتقرا ودموع نازله من عنيها ومش عارفه دا سبب ايه انها فعلا لوحدها ولا لان اختها مش حاسه بيها ومشغوله بدنيتها .. نزلت رنا قابلت مامتها ومعاها طبق شوربه وطالعه بيه
رنا: لمين دا يا مامى ؟
مامتها: ل ريم علشان متغدتش كويس فعملتلها شوربه خضار خفيفه علشان معدتها
رنا افتكرت ان ريم كانت تعبانه الصبح ونسيت خالص تسالها عامل ايه: يانهار نسيت خالص
مامتها: نسيتى ايه
رنا: هاتى هطلعلها انا هاتى
خبطت رنا ع الباب وكانت بتفكر تصالح ريم فتح الباب بتبص ع السرير لاقت ريم نايمه قربت منها ندت عليها لاقتها نايمه اضايقت لانها نايمه وهى زعلانه منها وخرجت تانى لكن ريم مش كانت نايمه وقتها كانت بتهرب ...!!
تانى يوم الصبح ع الفطار نزلت ريم واتعاملت عادى ورنا لما شافت كده محبتش تفتح كلام ف كلام بليل واتعاملت عادى ...
رنا : خالتو فريد وامير جايين يتغدوا معانا انهارده
خالتها: ايوه يا حبيببتى لمياء قالتلى ينوروا
خلصت ريم اكل وقامت قعدت معاهم شويا وشويا سحبت نفسها ودخلت قعدت ف البلكونه بتسمع شغلت mp3 وبتقرا ف الكتاب مر الوقت وهى مش حاسه >> وصل فريد وامير ودخلوا وكانت رنا متشيكه وفرحانه انها شافت فريد وفريد كمان >> كانت لمياء لسه منزلتش تسلم عليهم سئل أمير ع ريم قالتله رنا انها ف البلكونه فقام راح ليها يسلم عليها ... قرب منها لانها من السماعات ف ودنها مش حاسه بحاجه راح خبط ع كتفها وبتلف تبص مين شافت أمير اتخضت ووقعت من ع الكرسى
حاول أمير يقومها قعدت تزق ايده وقامت لوحدها
ريم مخضوضه ومتوتره: أمير
أمير باابتسامه : ازيك يا ريم انا قلت اجى اسلم عليكى
ريم متوتره: حمد الله
امير شايف ريم متوتره فطلع من جيبه شيكولاته : اتفضلى عرفت من رنا انك بتحبى الشيكولاته
ريم بصت ع الشيكولاته : ها .. .. طيب انا خارجه ماما بتنادى
أمير أستغرب انه مسمعش حاجه وطريقه ريم وخروجها من البلكونه
لمياء كانت نزلت اتخبطت ف ريم وهى طالع أوضتها سألت ع أمير ودخلت البلكونه رغم أستغراب أمير بتصرف ريم الا انه لما قابل لمياء اتعامل عادى
لمياء: امير
امير بص ع لمياء: لمياء ايه القمر دا
لمياء مكسوفه: ميرسى
شافت لمياء الشيكولاته : انت جيبهالى صح
امير بيضحك : شكلها فعلا من نصيبك
وقف شويا مع لمياء وخرج قعد ف الصالون مع فريد ورنا وبيبص ع السلم يشوف ريم وهى نازله ومش شايفها .. ريم ف أوضتها من الخضه وحركه أمير وتريتها دخلت عليها مامتها
مامتها: مالك ياريم ف حاجه تعباكى
ريم :ها ..لا مفيش
مامتها: طيب يلا علشان الغدا
ريم:حاضر
حاولت تجمع نفسها ريم ونزلت قعدت ع السفره من غير كلام
فريد: ازيك يا ريم
ريم باصه لطبق : الحمد الله
رنا مستغربه من تصرف ريم ..
رنا بتضحك: اصل ريم اختى خجوله وكده
الاكل تحفه يا خالتو
امير طول ماهو قاعد باصص ع ريم عينه منزلتش عنها ....
خلصوا الاكل وقعدوا فى الصالون ريم حاطه سماعات الهاند فرى ف ودنها وأمير فضل باصص عليها رغم ان لمياء مفصلتش كلام وكلهم عاملين يضحكوا ويتكلموا الا ريم ودا ال لفت انتباه أمير وام ريم وخالتها
قعدوا شويا ومشيوا وأمير وفريد وهما راجعين
أمير: فريد
فريد:ها
أمير: هى ريم كده ولا متعمده تتصرف كده
فريد: نعم
أمير: مش ملاحظ انها ساكته ومش بتختلط ف الجو يعنى ولا بتتكلم
فريد: متركزش هى ريم خجوله وأنطوائيه يعنى دى طبيعتها
أمير : اهاا طبيعتها
فريد: ايوه طبيعتها وحاول تنام بدرى علشان الصبح بابا راجع من لندن وهتيجى معايا نجيبه من المطار
أمير: ما السواق يجيبه ياعم
فريد: أميررررر
أمير: تمام يا فندم هثبت حضور حاضر
ووصل امير وفريد بيتهم .. ورنا قاعده جنب ريم ع السرير والابتسامه مبتغبش عن وشها لانها كانت بتكام فريد شات ع الموبيل ..وريم نايمه وسماعات الهاند فرى ف ودنها عايشه دنيتها ..!!
مر يومين وفى يوم ام ريم بتتصل ب ابو ريم حست ان صوته متغير وعرفت انه تعبان قفلت معاه وجت اختها وفاء قعدت معاها يشربوا كوبيتين شاى
حنان: اناهسافر انهارده يا وفاء
وفاء: يا بنتى مفيش حاجه متقلقيش كده انتى مكملتيش أسبوع ع بعضه
حنان بقلق: لا محمد لما كلمته صوته تعبان عنده نزله برد جامده مش هينفع اسيبه كده
وفاء: مش طمنك وقالك انه كويس
حنان: لا برضه مش مطمنه انا بعد الغدا هسافر
وفاء: بس الجو وحش انا سامعه انه فيه مطره فى اسكندريه
حنان: انا هسافر بالعربيه من هنا لغايه البيت ان شاء الله مش هيحصل حاجه
وفاء: خلاص سيبى ريم تكمل الاجازه معانا
حنان : لو عاوزه مفيش مشاكل
فى الوقت دا ريم كانت نازله من أوضتها وسمعتهم
مامتها راحتلها وهى طالعه تجهز شنطتها: روما يا حبيببتى انا راجعه الاسكندريه هطمن ع بابا علشان تعبان وراجعه
خليكى هنا انتى كملى الاجازه يا حبيببتى تمام
ريم بسرعه: لا يا مامى هاجى معاكى انا عاوزه ارجع بيتنا
خالتها: كده يا روما مش عاوزه تقعدى مع خالتو
ريم : هرجع مع مامى وهى راجعه
مامتها :خلاص ال يريحك يلا نجهز حاجتنا
ريم حست انها تسافر اضمن من انها هتعمل حاجه هتتعاقب عليها من باباها هاجس العقاب مسيطر عليها مخليها دايما فى حاله توتر
وانها مش مرتاحه لجو البيت عند خالتها ....!!
ركبت العربيه ريم مع مامتها وهما داخلين من بوابه الاسكندريه الجو كان وحش ومطر جامد
ريم: هو بابا عارف اننا راجعين
مامتها باابتسامه: لا يا حبيببتى هنعمله مفاجاءه
ريم حطت سماعات الهاند فرى ونامت طول الطريق
وصلوا عند العماره وطلعوا عند الشقه : روما هندخل براحه علشان منزعجش بابا لو نايم
روما: حاضر
فتحت ام ريم باب الشقه بشويش ودخلت بهدوء سمعت صوت غريب
قربت اتجاه الصوت واتـفاجئت من ال شافته ...!!!
حنان مصدومه: ماشاء الله
ابو ريم اتفاجئ: حنان ...!!
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!