ادمز: ليو
لوهان: ها
ادمز: انت فيك حاجه متغيره صح
لوهان: ازاى
ادمز بيبص للوهان: اهتمامك بريم غريب طريقه اهتمامك بواحده اول مره اشوفك كده
لوهان اتلجلج: صديقه وضيفه فى بلدى يعنى اسيبها
ادمز : صديقه وضيفه..
انت ليك صديقات كتيره وبيجيوا مش بتفضى نفسك مخصوص علشانهم ولا بتعملهم رحلات ولا خروج برغم انشغالك ال كلنا عارفينه سفرك وتصويرك وحياتك ال انت عايشها هنا
لوهان حب يغير الموضوع وبيهزر: متشغلش دماغك تعالى نشوفهم بيعملوا ايه
مشى لوهان ادمز مسكه من دراعه ...
ادمز بص ل ريم: بصراحه انت عاوز ايه من ريم
لوهان بص ع ريم وشايفها بتضحك وفرحانه اتنهد: بحبها
ادمز اتفاجئ: بتقول ايه
للوهان بص ل ادمز: متسألنيش ازاى وامتى وليه لانى معرفش ...
انا بعد تفكير ومحاولات كتير عملتها علشان اتاكد واقول بيتهيألى وصلت لنتيجه واحده بس هى بحبها بحب ريم heart رمز تعبيري
ادمز بيجمع: لوهان ..
لوهان: اول مره شوفتها حسيت بحاجه غريبه ..ولما اتكررت الصدف وكل مره بحس بنجذاب اتجاهها وانا معرفهاش ولما اتكلمت معاها قولت السبب فضولى واحساسى دا هيروح ويختفى لكنه زاد عن المتوقع انا دايما حاسس بحاجه بتشدنى ليها وانى اشوفها واكلمها واسمعها احساس مختلف محستهوش قبل كده .. احساس انها محتجالى وانا محتاجلها احساس مقدرتش اوصل لوصفه او لمعنى ليه لاقيت ملوش غير معنى واحد انى بحبها ..
ادمز متفاجئ: لوهان انت فاهم كلامك دا معناه ايه
لوهان بياخد نفس: بحبها بجد ...
ادمز وقف قدام لوهان:لوهان.. مينفعش ال بتقوله دا للاسباب كتير
اهمهم ريم مسلمه ودينهم مبيسمحش بالعلاقات ال كده غير مع ال من دينها وانت مش من دينها ..وغير اختلاف الثقافات والعادات .. انت ف مشكله لو بتتكلم بجد
لوهان : اولا انا بتعامل مع ريم انها انسانه اتخلقت وعايشه زى زيها مبفكرش فى اديان ولا عادات ولا تقاليد مدام مش بغلط ولا بسبب ضرر لل قدامى وانت عارف كده كويس .. وبعدين انا عارف كل ال بتقوله دا و متقلقش دى مشكلتى وانا هحلها
ادمز: وانت واثق انك هتحلها حاجه من الاتنين ..ياترجع عن ال بتفكر فيه وتفضل اصحال يا تبعد خالص دا علشانك وعلشانها يا لوهان فاهمنى
لوهان باصص ل ريم: اكيد ليها حل مفيش مستحيل متقلقش
ادمز: انا عاوز انبهك ع حاجه لو ناسيها .. علاقتكم مينفعش تعدى الصداقه لان ال عرفته من مريم ريم بتبعد عن اى شخص يعدى حدوده معاها وبتخسره لان المسموح عندها صداقه بس .. وانت صاحبى وتهمنى زى ماهى تهمنى امرها .. وانت كده فى طريقك لخسارتها .. ريم المسموح معاها صداقه بس ... راجع نفسك تانى وحافظ ع الخط ومتعدهوش علشان هتعديه مش هتكسب دى خساره
لوهان سكت مش عرف يرد ع ادمز وتليفون ادمز رن وبعد يرد
كلام ادمز خلى لوهان يتصلب مكانه لانه فكر فى كل دا ومقدرش ينكر او يقلل احساسه اتجاهها انه بيحبها وبص ع ريم :اكيد فى حل المهم مبعدش عنها
ريم شافته شاورتله ابتسم لها وراح ناحيتها ..!!
بسرعه اتمالك نفسه وبروحه المرحه : ها بتعملوا ايه
كملوا باقى اليوم ورجعوا ع البيت كل واحد فيهم ... ولوهان عرف ريم انه مسافر علشان عنده جدول حفلات بره كوريا وهيبقى مشغول بسبب جدوله لكن هيفضل ع اتصال معاها .....
سافر لوهان ورجعت ريم بعد ما كملت الاسبوع ل لندن ورجعت لحياتها العاديه ....!!!
مر شهر ع رجوع ريم للندن ورجعت لحياتها الروتينيه قاعده ف اوضتها وحاطه سماعات MP3 ف ودانها يا فوق السطوح واغلب الوقت رامى معاها ... فى يوم وهى قاعده موابيلها رن وكان رقم لوهان :
ريم: لوهان
لوهان: اخبارك ايه تمام
ريم: تمام وانت
لوهان: انا فى لندن
ريم بفرحه: بجد من امتى
لوهان: اممم من ساعتين بالظبط وقاعد وراجع بكره بليل فياترى هقضيهم لوحدى وهتسيبونى
ريم بتضحك: لا طبعا رامى هيفرح اوى..ساعه بالظبط ونتقابل ف الحديقه العامه
لوهان: اوكيه
ريم قفلت وكانت فرحانه راحت ل رامى تقوله لبسوا ونزلوا بسرعه شافتهم حنان
حنان: مالكم مستعجلين كده ليه ؟
رامى: رايحين نقابل اصحابنا يامامى
حنان: اصحابكم مين ال مستعجلين علشانهم كده
ريم : اصحابنا اتعرفنا عليهم ف كوريا جايين زياره مفاجئه وقلنا نشوفهم قبل ما يرجعوا
حنان: اها ..اوكيه طيب خلى بالكو ع نفسكم
رامى: اوكيه
ركبت ريم ورامى مع السواق وراحوا الحديقه ودخلوا . اتصلت ريم تشوفه موجود فين وصفلها المكان وكان المكان ال شافها فيه لصدفه التانيه وراحت ...
ريم باابتسامه: لوهان
لوهان : هاى ريم ... هاى رامى
رامى اترمى ف حضنه: وحشتنى كتير لوهان.. مبسوط انى شوفتك
لوهان: وانا كمان مبسوط اكتر انى شوفتك وشوفت ريم
ريم بتبص حواليها ...
لوهان: دا المكان ال شوفتك فيه تانى مره
ريم : ياااه ..انت بثبتلى انك مكدبتش
لوهان: ولا عمرى هكدب عليكى لان ال بينا اكتر من صداقه
ريم : مش فاهمه
لوهان : لما عملتى الحادثه انا ال وديتك المستشفى بنفسى وهناك كانوا محتاجين دم فاتبرعتلك بدمى والمكان دا ال لاقيت فيه السلسله
ريم متفاجئه: انت ال اتبرعتلى بالدم
لوهان بص لريم ومثل انه ضعيف: من وقتها وانا حاسس انى تعبان اخدوا دم كتير منى
ريم بتضحك: بجد ..تحب تاخده تانى
لوهان بالكورى: انا مستعد اديكى اكتر من دمى لو احتجتيه
ريم: بتقول ايه مش فاهمه
لوهان: بقول يلا بينا نتمشى ونشم هوا
رامى بيشد لوهان : تعالى نركب عجله ..ريم مبقتش تحب تركب عجله بسبب حادثه حصلتلها
لوهان بص ل ريم: بجد..مش بتحبى تركبى الدراجات
ريم: مش اوى .. بخاف يحصل حاجه وافقد السيطره وكده يعنى فالاضمن اتجنبها
لوهان: لا دا خوف مش تجنب ... واجهى الحاجه ومتخافيش
لوهان مد ايده : امسكى ايدى ومتخافيش انا مش هسيبك
ريم باصه ل لوهان وكلامه مأثر فيها
لوهان:ومتقلقيش لو احتجتى دم هتلاقينى موجود
ريم ضحكت : مش هنوصل لكده
رامى: تعالوا نركب احنا التلاته عجله واحده ايه رأيكم
لوهان: اوكيه ..يلا ياريم
رامى مسك ايد ريم وشدها: يلا يا ريم ..
وركبت ريم مع لوهان ورامى العجله وكان رامى ف الاول وبعده لوهان وبعده ريم وهما ماشيين ..
لوهان: فين الخوف دا بقى دى منتهى السهوله والسلاسه ياريم الحاجه ال بتخافى منها واجهيها وبعدها اعرفى النتيجه واحكمى على نفسك ..بلاش اسبقيه الحكم ع حاجه مجهوله ..المجهول ف بكره ..احنا عايشين انهارده
ريم سامعه لوهان وابتسمت حست براحه من كلامه : اوكيه
وابتدى لوهان يهزر ويضحك مع رامى وريم وبعد ركوب العجله اشتروا ايس كريم وقعدوا شويا ..
رامى: لوهان انا عازمك ع السينما بكره ايه رأيك
لوهان بسعاده: موافق طبعا
رامى: لوهان تعالى وعيش هنا معانا ..ريم مبتدخلش سينما خالص تعالى علشان ندخل مع بعض مش احنا اصحاب
لوهان بص ع ريم: طبعا احنا اصحاب وعلشان احنا اصحاب ريم هتدخل معانا
ريم: لالالا بلاش انا
لوهان: قلنا ايه نجرب زى المره الي فاتت ..مفيش خوف ف القاموس بتاعنا
رامى: ايوه مفيش خوف
ريم بصت ع الساعه : طيب يلا يارامى اتاخرنا
لوهان : اوكيه.. وهستناكم بكره ف المول
رامى: اكيد .. اشوفك بكره
ريم مشيت هى ورامى ركبوا العربيه ورجعوا ع البيت وكانت مبسوطه انها شافت لوهان.... تانى يوم جهزت من بدرى ورامى ونزلت ومامتها مكنتش ف البيت ..وهما خارجين قابلوا عاصم وهو داخل
عاصم: ع فين كده
رامى: داخلين سينما وهنتعشى بره
عاصم متفاجئ : ريم هتدخلى سينما
ريم بكسوف: مش اوى ..بحاول اتغلب ع خوفى وبجرب ف السينما
عاصم: دا حاجه جميله اوى ..استمرى وان شاء الله هتتغلبى
رامى: يلا ياريم
عاصم: يلا روحوا ومتتاخروش اتمتعوا
ريم: اوكيه باى
وصلت ريم ورامى وكان لوهان مستينهم ومجهز التذاكر والفيشار والحاجه الساقعه ..
رامى: انا ال عازمك
لوهان: انا وانت ايه مفيش فرق مش احنا اصحاب
ريم: بس كده كتير
لوهان: دى حاجات بسيطه علشان ننبسط يلا الفيلم هيبدء
ريم بتاخد نفس ومتوتره ..
لوهان مدلها ايده : هاتى ايدك وخليكى معايا
ريم تلقائى مسكت ايده ودخلوا قعدوا وفضلت ريم ماسكه ايد لوهان وحاولت تبقى طبيعيه ولوهان باصص ل ريم وع وشه ابتسامه مبصش ع الشاشه خالص سعيد انه شايفها وماسك ايديها ...
خلص الجزء الاول وريم اتكلمت مع رامى انها هتخرج بره وطلبت من لوهان يفضل مع رامى لما الفيلم يخلص ..وخرجت استنتهم ف الكافتيريا بره وخلص الفيلم وخرجوا وهما مبسوطين ... وراحوا اتعشوا وكملوا اليوم وروحوا ع البيت بدرى علشان رامى ورجعت البيت ريم ولوهان رجع الفندق وراح المطار يرجع كوريا ...!!!
غاده رجعت من السفر اتصلت بيها ريم وحجزت معاها ميعاد وراحتلها المستشفى ,,,
غاده: سورى يا روما حظك جه معايا لما نزلنا اجازه مصر اهل عماد كانوا عازمينا نقضى الاجازه معاهم ف الاقصر
ريم بتضحك : عادى المهم الاقصر عامله ايه
غاده: بتسلم عليك وحتشبسوت بتقولك ابقى تعالى بس ف الشتا الصيف لا هتتشوى بجد
ريم بتضحك: لالا شكرا
غاده: ها طمنينى عليكى وايه الاخبار الحلوه ال قولتيهالى ف التليفون بجد بقيتى تقدرى تقعدى ف الضلمه وكمان ماشاء الله وشك منور اغيب شهرين ارجع الاقيكى منوره كده
ريم بتضحك : متحرجنيش بقى يا دكتور ...لا مش ضلمه ضلمه.. مكان اضاءه خفيفه زى السينما ..الحفلات يعنى من هذا القبيل انا بدرب نفسى ان كل حاجه تكون تحت السيطره ..انا عاوزه اخف هو دا هدفى وبشتغل عليه
غاده مبتسمه: دا حاجه جميله خالص انتى بتجرى مش بتمشى خطوات قوليلى بالتفصيل ال حصل
ريم باابتسامه: حكت موقف السينما وكلام لوهان فى كوريا ولما جه لندن
غاده : كويس
ريم: صحيح هضحكك حصل موقف وابتدت ريم تحكى لغاده موقف الحفله ال راحتها مع امير وال حصلها هناك لما تخيلت لوهان والموقف عدى ....
غاده مراقبه طريقه كلام ريم وحست بااختلاف : اممم باين لوهان شخصيه مثقفه انتى متاكده انه بيغنى مش دكتور نفسانى
ريم بتضحك: انا شكيت كذا مره بس ال شوفته اثبتلى العكس انسان عادى عايش حياته بس الحياه معاه مختلفه ضحك وهزار ونشاط وكل حاجه نفسى فيها اجربها بيشجعنى عليها هو ال شجعنى ف السينما ولما روحنا الملاهى رغم انه بيخاف من المرتفعات طلع معايا وعملنا قفذت الثقه ورغم انشغاله بيفضى ويكون معايا شبه يوميا فتره اقامتى ف كوريا بشوفه يا الصبح يا بليل .. ولما برجع لندن مكالمات ورسايل وشات بجد الوقت معاه ليه احساس مختلف وببقى مبسوطه وانا معاه وبقضى وقتى معاه .. بجد انا سعيده انى قابلته
غاده باصه ل ريم: واضح من طريقه كلامك عنه انه مميز
ريم باابتسامه مشرقه: جداااا
غاده حبت تغير الموضوع علشان تعرف حاجه : وامير ايه اخباره معاكى قولتيلى ف التليفون انه رجع يزن تانى وف الحفله قال انك خطيبته
ملامح ريم اتغيرت ولاحظت غاده كده واخدت نفس جامد وطلعته: مش لوحده مامى كمان .. مش قادر يستوعب فكره ان انا مش عايزه ارتبط ولا اتجوز .. طريقتهم فى الاجبار وان امير الوحيد المناسب ليا دى مضايقانى ..انا افضل اقعد لوحدى احسن..وهو مش قادر يستوعب افتكر لما يحطنى قدام الامر الواقع انا هوافق ع طول ..لكن احساسى هو هو امير لا ...
غاده حست بعصبيه ريم وهى بتتكلم عن امير عكس الابتسامه المشرقه ف وشها وهى بتتكلم عن لوهان : انتى قابلتى حد تانى مناسب ليكى يعنى شايفاه مناسب
ريم سكت لحظه: لا مش حكايه قابلت ولا لا انا جواز وعيله مش قادره اتقبلها.. انا مش نسيت ال شوفته فى بيتنا زمان .ازاى ابنى بيت وانا شايفاه هينهار قدامى بيا قبل ما يبقى بايد ال قدامى.. ثقه انى ابنى بيت معدومه ...
غاده: نومك عامل ازاى وكوابيسك
ريم: لسه بنام والسماعات فى ودنى والنور شغال وباخد العلاج قبل ما انام وايام بتحصل الكوابيس وايام لا بقت ع فترات
غاده: امتى مش بيحصل الكوابيس يعنى لما بتقل
ريم: اممممممم لما بكون عند رنا ..قليل اوى يحصلى وساعات بنسى العلاج وبنام..انا بقول يمكن علشان ببقى مهدوده من الخروج وكده برجع انام ع طول
غاده متفاجئه من التغيير : قوليلى بقى الدكتور لوهان صوته حلو ع كده
لاحظت غاده ملامح ريم اتغيرت وابتسمت : جداااا والميوزك بتاعته جميله
غاده : قوليلى ياروما فى حد عرفتيه من اصدقاءك بتبقى مبسوطه وانتى معاه كده او بتحسى ال حساه وانتى مع لوهان
ريم من غير تردد : لا خالص ..هو يعتبر الوحيد ال ببقى مطمنه وانا معاه ودايما بيساعدنى من غير ما بطلب ... وبيستحملنى لما بتحول واتعصب ...يعنى مبيبعدش عنى محسسنيش انى غير طبيعيه ..مسألش ايه مشكلتى ومع ذلك بيحاول يدور ع حل معايا .. شخص مميز فعلا هو شخص مميز
غاده: طيب خوفك او عدم راحتك مع الرجاله عموما لسه موجود يعنى مبتحبيش حد يقرب منك ويلمسك
ريم تلقائى: .. امير حاول كذا مره يمسك ايدى بعدت عنه وكنت بتجنبه كل مره يحاول ... لوهان اول ماعرض عليا امسك ايده علشان الضلمه يعنى حسيت براحه وامان وانا ماسكه ايده مخفتش ودا استغربتله فى الاول لكن كان احساس مريح ليا ... انا قلت ان دا معناه انى ابتديت اعرف اتعامل وحسيت فى تقدم
غاده: ريم هو لوهان مكانته عندك ايه ولوهان شايفك ازاى ؟
ريم: امممم صديق مميز اتعرفت عليه وهو برضه شايفنى صديقه مميزه هو قالى كده ولاقيت الوصف مناسب لوضعنا واتقبلته وحقيقى انا سعيده بمقابلته
غاده: بس مش حاسه بحاجه تانيه ؟
ريم: لا ..هو فى حاجه تانيه
غاده سكتت لحظات: لالا مفيش المهم انك مرتاحه ونفسيتك بتحسن
ريم :الحمد الله
غاده : مستنياكى ف ميعادنا الجلسه الجايه
خرجت ريم وغاده ع وشها علامات حيره من علاقه لوهان وريم غاده بتتنهد وبتبص ع ملف ريم: اتمنى يكون صديق مميز بس وال فى بالى يكون مجرد وهم لانه لو حقيقى كل ال اتبنى ف سنين هيتهد ف لحظه ...!!!!
مر شهرين وريم مسافرتش كوريا لكن لوهان كان دايما بينتهز اى فرصه ويروح لندن يشوفها يقضى يوم ويرجع ... فى يوم حنان كلمت رنا ففرحتها انها حامل لكن الدكتور طلب منها متتحركش علشان ميحصلش اجهاض تانى فطلبت منها تبعت ريم تقعد معاها فترح حملها وطبعا ريم فرحت انها رايحه وهتكون مع مريم واصحابها والاخص لوهان ...!!
ريم وبتجهز شنطتها دخل رامى وهو زعلان ..
رامى: هتسافر وتسبينى يا ريم
ريم حضنته: حبيبى مقدرش اسيبك انت عارف انا مبقتش اسافر غير بيك معايا بس المرادى مينفعش تيجى معايا لانى هطول هناك علشان رنا تعبانه وعاوزانى معاها
رامى بيعيط: لا خدينى معاكى
ريم: والسكول ... انا اتفقت مع اونكل عاصم ومامى انك تيجى ف الاجازات وتقعد معانا وهما وافقوا ..بس انت اتشطر وبلاش كسل ها
رامى: هتوحشينى يا ريم
ريم: وانت كمان يا بيبى والله
جهزت ريم شنطتها وتانى يوم سافرت وكانت مريم مستنياها ف المطار قابلتها وروحوا ع البيت الشغاله فتحت الباب ورنا كانت قاعده قدام التليفزيون وبتقوم ..
ريم: لالالا خليكى مرتاحه
رنا حضنت ريم: روما حبيببتى نورتينى انا عارفه انى تقلت عليكى وخليتك تيجى
مريم: تقلتى ايه دا احلى حاجه انك جبتيها معانى مكنتش هقصر معاكم يا رنا
رنا: طبعا يا حبيببتى ..ريم الفتره المرادى هتطول هتقعدى 7 شهور وممكن سنه معايا
ريم حطت ايديها ع بطن رنا: مش مهم اد ايه المهم انى اسمع كلمه خالتو وانا موافقه اقعد العمر كله بس تقومى بالسلامه وتملى البيت دا ولاد وبنات
رنا: الدكتور محرج عليا متحركش كتير علشان حركتى هى ال أثرت ف الحمل الاولاانى
ريم: متقلقيش اى حاجه محتاجاها انا هنا اهو
رنا: ادخلى يلا غيرى هدومك وارتاحى
ريم: اوكيه وراجعالك تانى
رنا: مش ملاحظه يا مريم ان ريم اتغيرت عن اول مره جت هنا بقت بتضحك ع طول وبتتكلم والابتسامه مبتغبش عن وشها ..بجد من بعد داده عواطف مشفتش ريم كده غير وهى مع رامى غير كده مكناش بنشوفها .. دى كانت سنين مبتتكلمش وكانت بتقول كلمتين بالعافيه
مريم: عيب يا رنا ..انا موجوده ال يعرفنى انطقه ..يلا اسيبكم ترتاحوا
رنا: اوكيه يا حبيبتى
خرجت مريم وريم موابيلها رنا وكان لوهان كلمها واطمن انها وصلت بالسلامه وانه مسافر بره كوريا وهيرجع كمان اسبوع وقفلت معاه ...!!!
رجع لوهان من السفر وكلم ريم
ريم: لوهان
لوهان بالكورى : وحشتينى
ريم: بتقول ايه مش سامعه
لوهان:بقول اشوفك انهارده الساعه 5 عند مريم ف المطعم
ريم: اوووبس مش هينفع انزل لان رنا تعبانه شويا وقاعده معاها
لوهان حس بضيقه بعد ما كان فرحان : اهاااا طيب بكره
ريم: معتقدش انى هنزل اليومين دول مش هقدر اخرج واسيب رنا وفريد مسافر ..انا جايه هنا علشان ابقى معاها
لوهان: اوكيه ..هبقى اطمن عليها منك اوكيه
ريم: لرحله كانت كويسه والحفله
لوهان: ممتعه مش انتى بتتمنيلى الحظ السعيد دايما بيبقى معايا
ريم بتضحك: مجامل اوى
لوهان : ريم
ريم: ايوه
لوهان بالكورى: وحشتينى اوى
ريم: بتقول ايه ..مسمعتش
لوهان: هبقى اكلمك تانى اوكيه..انا هنام دلواقتى
ريم استغربت انه قفل بسرعه: باى
شويا وهى قاعده بتتفرج ع التليفزيون وبتقلب بالريموت موابيلها رن وكان امير ..بصت ريم ع الاسم واترددت ترد بس هى عارفه لو مردتش هيتصل ع رنا ورنا نايمه فردت عليه :
ريم: الو
امير: ازيك يا روما وحشتينى
ريم : الحمد الله يا امير انت عامل ايه
امير: تمام ..مشغول اوى ف الشغل اوى ادعيلى
ريم: ربنا يوفقك
امير لاحظ ريم سكتت: انتى بتعملى حاجه معطلك
ريم بصت حواليها: اها ..كنت بعمل عصير ل رنا علشان تاخد العلاج اصل ميعاده دلواقتى
امير : اوكيه هسيبك تعمليه وهكلمك وقت تانى
ريم: اوكيه ..باى
وقفلت ريم وحطت الموبيل جنبها وشويا رن وقبل ما تبص ع الاسم : يووووه يا امير
بصت ع الاسم كان لوهان استغربت انه اتصل تانى : لوهان ..ف حاجه مش انت نايم دلواقتى
لوهان : ممكن تنزلى 5 دقايق بس
ريم : انزل فين
لوهان: قدام العماره ف الجنينه ال قدامها انا قاعد مستنيكى 5 دقايق ومش تتاخرى
ريم متفاجئه: بجد . اوكيه
قامت بسرعه لبست الجاكت وبصت ع رنا لاقتها نايمه و نزلت بسرعه وراحت الجنينه ودورت لاقت واحد مستخبى ف كاب وزغبوط جاكت عرفت انه لوهان قربت منه : لوهان
لوهان: هاى ريم
ريم: انت جيت هنا ليه ف حاجه
لوهان: بصراحه كنت عاوز اشوفك ل5 دقايق بس
ريم بتضحك: 5 دقايق ليه
لوهان: لانى مسافر بكره وهغيب اسبوعين وكنت مرتب هشوفك انهارده واشرب معاكى العصير دا واديكى دا
طلع لوهان من شنطه عصير فراوله ال بتحبه ريم والشنطه فيها شيكولاتات هى بتحبها ..ريم: واووووووو كل دا ليا شكرا يا ليو بجد
لوهان شاف ابتسامه ريم وفرحتها: انا همشى بقى اوكيه
ريم: بسرعه كده
لوهان: ال جيت علشانه خلاص اخدته
ريم: اخدت ايه
لوهان: شوفتك وشوفت ابتسامتك بجد كنت مفتقدهم
ريم باصه للوهان ...
لوهان: يلا اطلعى علشان رنا وانا هروح اجهز علشان السفر
ريم: اوكيه
لوهان: ريم فى حفله قريب تحبى تحضريها
ريم: اكيد
لوهان: اوكيه هعرفك الميعاد امتى
ريم: باى
وقف لوهان لغايه ما ريم طلعت ل العماره ركب العربيه واتنهد وخبط ناحيه قلبه وشغل العربيه ومشيت .... وطلعت ريم مبسوطه بالشيكولاتات ال بتحبها والعصير ال لوهان اشتراه ليها ولوهان اول شخص يشترى لريم حاجه تفرح بيها غير رامى .....!!!
كان فى حفله للوهان ساب تذاكر ل ريم ومريم ومجموعه منن اصحابهم يحضروا وريم حضرت وكانت اول مره تحضر حفله ف كوريا وعجبها الجو والبانرات وحب الفانز لاعضاء الفرقه
ريم ل مريم: الجو دا مختلف اوى ايه كل دا
مريم: دى نوادى معجبين لكل عضو ف الفرقه ..لوهان ليه نادى معجبين بيحضروا الحفلات تشجيع لعضو ال بيحبوه وبيبقى سعاده ليهم لما يشوفوه
ريم: اها انا كنت بسمع عن الحفلات دى ف لندن بس مفكرتش احضر
مريم: هنا بقى مختلف اغلب الاغانى بالكورى هحاول اترجمهالك
ريم: اوكيه
ابتدت الحفله وريم واقفه مع ال بيشجعوه وشافت لوهان ل اول مره لايف بيغنى وكانت منبهره بيه ولوهان شاف ريم اتحمس اكتر وغنى كتير ومحسش بالتعب وكان بيبص ع ريم اوقات كتيره .. خلصت الحفله معرفوش يوصلوا ل لوهان ..رجعوا ع البيت ولوهان كلم ريم
ريم: الحفله كانت ممتعه جدا برغم مفهمتش الكلام لكن مريم حاولت تفهمنى
لوهان: علشان انت كنتى موجوده الحفله كانت مميزه
ريم بتضحك: لو الفانز بتوعك سمعو هيزعلوا منك
لوهان بيضحك: لو عرفوكى مش هيزعلو
ريم: يلا نام وارتاح ونتكلم بكره
لوهان: بكره انا مسافر هكلمك لما اوصل اوكيه
ريم: اوكيه..
قعدت ريم مع رنا وفريد كان مبسوط بوجود ريم معاها لانه بيسافر كتير ورغم ان لوهان كان فعلا مشغول بسبب الالبوم الجديد وترويجه وسفره الكتير والحفلات كان دايما ع اتصال مع ريم وقبل كل حفله يبعتلها
"اتمنيلى الحظ السعيد "
ترد عليه ريم "فايتنج"
(فايتنج كلمه تشجعيه متداوله فى كوريا لتحميس والتشجيع )
وكان لما يخلص حفله يكلمها او يبعتلها رساله ..وكان بيحاول مبيتاخرش ويرجع كوريا علشان يشوف ريم ويقعد معاها ولو مقدرتش يشوفها كان بيتلكك باى حاجه بشيكولاتات وايس كريم يشتريه ليها ويروحلها عند البيت لمده 5 دقايق ويمشى المهم انه يشوفها ...وكانت ريم بتشجعه يهتم بجدوله ..... كانت ريم بتخرج مع مريم بس مش كتير ساعه او اتنين وترجع علشان رنا كانت مش بتتاخر وكانوا اغلب قعدتهم ف المطعم عند ابو مريم مع اصحابهم وطبعا لوهان لما كان بيجى بيظهر ف اوقات متاخره ومستخبى كالعاده !!
مر ال 6 شهور ريم قاعده مع رنا ورامى كان بيجى ع فترات مع حنان وعاصم يشوفوا رنا وريم ويطمنوا عليهم ويرجعوا ف اجازات قصيره جدااا ..وكانت ريم اغلب الوقت قاعده ف البيت مع رنا لانها شبه مبتتحركش كتير علشان الحمل وقليل بتنزل تقعد مع مريم ف المطعم ولوهان بيسافر ويرجع من حفلاته وتصوير الاعلانات ال تخصه والمقابلات ويقابل ريم مع اصحابهم والوقت ال ريم مبتقدرش تنزل فيه كان لوهان بيقابلها قدام العماره ويجبلها شيكولاتات والعصير ال بتحبه ويديهولها ويمشى.. وريم ع طول مع لوهان بيتكلموا ع الموبيل ورسايل مع بعض وشات .. وغاده ع طول بتتصل ع ريم تاخد منها تقرير واى جديد بيحصل علشان شكوكها وقلقانه ع ريم ..
غاده: فى حاجه جديده حصلت
ريم: مالك ياغاده بتكلمينى اكتر ما بكلمك وبتسألى نفس السؤال.. وبرد نفس الرد مفيش جديد وانا الحمد الله كويسه جداا جداا جداا متقلقيش
غاده: ماهو دا ال قلقنى
ريم: انى كويسه
غاده:انه يكون ف حاجه وانتى مقولتليش عليها
ريم بتضحك: لا صعبه ومش هيحصل متقلقيش انتى
غاده: اوك يا ريم هستناكى لو فى حاجه متستنيش لما ترجعى لندن كلمينى ع طول
ريم: اوكيه
وقرب ميعاد ولاده رنا وكان ف شهر 12 وفاضل شهر ع ميعاد ولاده رنا وكان فصل الشتا بدء بقاله فتره ..اتفقت مريم مع اصحابهم وادمز انه يخرجوا يقضوا يوم كامل بره المدينه ع الجبل يتزحلقوا ع التلج ويقضوا يوم وراحت اتحيلت ع ريم ورنا وافقت انها تروح لانها مكنتش بتخرج وفريد قالها انه هيكون مع رنا اليوم دا وفعلا بعد محايلات اقتنعت ريم انها تخرج وكانت عارفه انه لوهان مش فاضى ومسافر ... تانى يوم الصبح مريم اخدت ريم وركبوا العربيه وطلعوا ع الجبل ريم رغم الجو كان تحفه الا انها حاسه ف حاجه ناقصه بس مبينتش دا لل موجودين .. وهى واقفه لاقت شخص خبط ع كتفها : ريم
ريم اتخضت وبصت : لوهان
اترسمت ع وشها ابتسامه ..
لوهان: انا قلت استحاله يوم زى دا اسيبك لوحدك
ريم: كنت لسه بفكر فيك وبقول ياريت تكون موجود تخف من ضغط الشغل
لوهان: وانا سمعت كلامك وحسيت بيكى وجيت
ريم باابتسامه: بجد حاجه جميله اوى
لوهان : انتى واقفه كده ليه تعالى نتزحلق ع التلج زيهم
ريم: انا مبعرفش هقع
لوهان مد ايه: تقعى وانا موجود مينفعش يلا
راحوا مكان ال هيتزحلقوا منه وريم ماسكه ايد لوهان
ريم: انا خايفه
لوهان: متسبيش ايدى ومتخافيش يلا 123
ونزولوا وكان المكان زى المنحدر وريم بتصرخ من الحركه وبتضحك ف نفس الوقت وهما نازلين راحوا وقعوا واترموا الاتنين ع الارض وناموا ع ضهرهم وقعدوا يضحكوا ع الموقف وريم كانت بتضحك من قلبها ..لوهان بص ع ريم وهو مبتسم وشايفها بتضحك اوى وكان ماسك ايدها وهى جنبه مسبهاش وريم ماسكه ايده ومركزتش تسيبها ...فضل باصص عليها
ريم لاحظت بتبصله ...
ريم: فى حاجه ولا ايه
لوهان راح شاور بايده ع السماء : ضحكتك شفتها مرسومه ف السماء فكنت بقارن
ريم : تانى مجاملاات ماشى
لوهان :ريم
ريم بصتله: ايوه
لوهان بالكورى وبيتنهد : بحــبك heart رمز تعبيري
ريم اخدت بالها انه اتكلم كورى: بتقول ايه
لوهان: بقول يلا بينا هنفضل نايمين ع الارض
ريم: لوهان انت بتضحك عليا كل مره بتكلمنى كورى ومش بفهم انا هتعلم كورى
لوهان بيضحك: وانا كمان اوقات مش بفهم بتقولى ايه لمريم هتعلم انا عربى
ريم: فكره تعالى نعلم بعض ايه رأيك
لوهان: اوكيييه .. فكره نرتبها مع بعض
ريم: اوكيه
سمعوا صوت اصحابهم قاموا وراحوا وكملوا اليوم هزار وضحك لغايه ما روحت البيت ريم وكانت مبسوطه وفريد ورنا لاحظوا كده وكانوا مبسوطين انهم شايفين ريم بتضحك ....!!!
مر شهر وجه ميعاد ولاده رنا ووصلوامامتها ورامى وعاصم ل رنا علشان يحضرو ولادتها جه يوم الولاده وجتلهم بنوته سموها "ملك"
ريم شاليها : ملوكه ايه القمر دا
رنا: شبهى ولا شبه فريد
ريم: شبه رامى طبعا
رامى : طبعا طبعا
الكل ضحكوا .. ريم: ربنا يباركلك فيها وتشوفيها احلى عروسه
رنا بصت ل ريم: لا انا بدعى ربنا اشوف خالتها الاول لانى واثقه انها هتكون احلى عروسه
حنان: ياررررب
عاصم: هاتى البنت الوحشه دى ال كبريتنى
ريم: اتفضل يا جدو
عاصم: ماشاء الله ولا حول ولا قوه الا بالله
رامى مين وفريد مين دى كلها انا
ضحكوا .. فريد : امير بيسلم عليكى يا رنا وبيباركلك وبيعتذر انه مقدرش يجى لكن فى اقرب فرصه هيجى يشوف ملك
رنا: الله يسلمه
ريم بتلعب مع ملك وعاصم شايلها ..
عاصم ل ريم: انتى نفسك فى بنوته ولا ولد يا ريم
ريم : مش فاهمه
عاصم: بصى ملوكه قمرايه ازاى دى نعمه ربنا بيرزقنا بيها
ريم : طبعا يا اونكل واحلى نعمه
عاصم: وانتى مش نفسك يكون عندك بيبى زى القمر دا
ريم سكتت .. عاصم: احلى لحظه لما تسمعى كلمه ماما صدقينى
ريم بصت ل عاصم وبصت ل ملك وحسست ع وشها براحه : احلى لحظه مفيش شك.. لكن قبل ما اسمع الكلمه دى ياترى هقدر اوفر ليها حياه طبيعيه علشان تطلع طبيعيه من غير مشاكل نفسيه زى مامتها
عاصم سمع الكلمه ..: ريم ربنا قادر ع كل شئ يغير حال فى لحظه
ريم: ونعمه بالله لكن انا مش هجازف علشان لحظه فرحه وسنين غامضه معرفش مخبيالى ايه وذنب ال هتيجى او هيجى ع الدنيا ايه لما يبقى عندى ثقه فى نفسى انى هقدر احميها هاخد الخطوه دى
عاصم مش عارف يرد وحنان سامعه واحساس تانيب الضمير انها
تجاهلت ريم من صغرها لغايه ما وصلت لمرحله دى ...
عاصم: ربنا يطمن قلبك وتشوفى دايما الاحسن ربنا كريم اووى ياريم
ريم مبتسمه: ونعم بالله
رامى : يلا اكبرى بقى يا ملك علشان تقوليلى يا خالو
ريم بتضحك: يلا يا ملوكه اكبرى بسرعه
اسبوع وسافر عاصم ع لندن علشان شغله .. وبعده ب اسبوعين
سافرت حنان ورامى ...فى الوقت دا كان لوهان مسافر لشغله وكان دايما ع تواصل مع ريم ع الموبيل والرسايل والشات وكانت ريم بتطمن عليه وع حفلاته ... مر شهر ع سفر لوهان وريم قاعده مع رنا وملوكه ومريم كانت بتقعد معاهم نزول ريم كان قليل حست بعدم رغبه انها تنزل .. عدم وجود لوهان سبب فراغ عندها لانها اتعودت ع وجوده ....
فى يوم وهى قاعده فاتح الللاب وجايبه فيديوهات حفلات لوهان ال اترفعت ع النت .. وبتتفرج عليه برغم اغلب الكلمات مش فاهمها لانها لسه مأتقنتش الكوري لغايه ما نامت
تانى يوم نزلت تعمل رياضه بتاعتها مع مريم وهى قاعده وحاطه سماعات mp3 فى ودانها حست بحد قعد جنبها وسعت شويا لاقته بيقرب منها .. وشويا طلع علبه عصير فرواله ال دايما بتشربه وبتحبه اتفاجئت ..
ريم بتوقف الاغانى وبتبص ..: سورى ..لوهان
لوهان شال النضاره شويا وغمزلها : هو فى حد غيرى يقدر يعمل كده
ابتسمت : انت جيت امتى
لوهان : من ساعتين وصلت من المطار غيرت هدومى وجيت
ريم: فهمت دلواقتى ليه امبارح لما كلمتنى كنت بتاكد عليا هنزل الصبح ولا لا
لوهان : يعنى كنت اجى المشوار دا وانا من 3 ايام مبنمش ومش الاقيكى
ريم: ويلكم باك ..طولت المرادى كتير
لوهان: المهم انى جيت ومعاكى ..مش هتشربى العصير ولا ايه
ريم مسكت العصير ومبتسمه : اوكيه
وقعد لوهان يتكلم مع ريم شويا ومشى علشان عنده ميعاد ف الشركه
مريم رجعت شافت ريم ماسكه العصير وبتشرب وهى مبتسمه وبتسمع اغانى
مريم: ايه السعاده دى ..
ريم: ها خلصتى
مريم: ايوه يلا بينا
ريم: يلا بينا .. ونسيت ريم تقول ل مريم انها قابلت لوهان
وهما ماشين .
مريم: احنا نطلع نغير وناخد شاور بسرعه وننزل
ريم: ليه
مريم: بكره الفلانتين وعاوزه اشترى هديه ل ادمز
ريم : اهاا الفلانتين .. اوكيه
وراحوا ع البيت وبعد ساعتين جهزت ونزلوا ودخلوا محل ساعات
مريم: ايه رائيك فى دى
ريم: جميله
مريم: طيب رائيك فى دى
ريم: جميله هى كمان
مريم بصت ل ريم: بليز يا ريم ساعدينى عاوزه اجيب هديه كويسه
ريم: انا بساعدك اهو ..والهديه لما تكون بسيطه هتكون احلى
مريم : انا عارفه كده .. بعد الفلانتين هنا مختلف شويا وبما انى انا وادمز نعتبر كوريين علشان نصنا كورى .. فبنحتفل زى كوريا ما بتحتفل
ريم بتضحك: وايه الاختلاف بقى
مريم: يعنى انا هشترى هديه قيمه ل ادمز علشان هو يشتريلى هديه اغلى
ريم: وهو هيعرف ازاى هيجبهالك بعدين
مريم : اه صح انتى متعرفيش ..
هنا الفلانتين 14_2 البنات هى ال بتشترى هدايا للاولاد
ويوم 14_3 اسمه يوم الابيض الولاد بيشتروا هدايا لبنات ال اشترولهم هدايا وفى يوم 14_4 دا بقى لغير المرتبطين تعبير عن حزنهم انهم سينجل فى مطاعم نودلز بالفاصوليا السودا ال انتى اتخضيتى لما شوفتيها بيعملوا تخفيض ع سعرها فبيروحوا لبسين اسود ياكلوها كتعبير ع حزنهم يعنى انهم مااخدوش هدايا
ريم متنحه ل مريم .. مريم بتضحك: صدقينى زى ما بقولك كده
ريم: اول مره اعرف المعلومه دى
مريم: هنا ف احتفالات لمناسبات كتير وطول ماانتى موجوده هتشوفى
المهم يلا نختار هديه ل ادمز علشان هديتى ال هيجبهالى
ريم: اوكيه ..
اشترت ريم مع مريم الهديه ورجعوا ع المطعم قعدوا شويا ولوهان اتصل ب ريم
لوهان : روما سورى بجد مقدرتش اجى
ريم: مفيش مشاكل المهم انت كويس
لوهان: جلسه التصوير مطوله لكن متاخر فمش هقدر اجى
ريم: مفيش مشاكل
لوهان: هتعملى ايه بكره
ريم: بصراحه مفكرتش ادمز ومريم بيقولولى اخرج معاهم لكن انا حساها مش مناسبه اخرج معاهم وبكره الفلانتين يعنى
لوهان : فكره نخرج انا وانتى معاهم ونغلس عليهم
ريم بتضحك: ايه الشر دا وبعدين انت مش كنت قايل عندك حفله
لوهان : لا الحفله يوم15 مش 14 وبعدين انتى سينجل وانا سينجل ونتفرج ع الناس ال بيحتفلوا
ريم بتضحك : اوكيه
لوهان: اشوفك بكره باى
ريم: باى
تانى يوم نزلت ريم ومريم وقابلهم ادمز ولوهان وركبوا العربيه بتاعه ادمز
ونزلوا منطقه فيها محلات وقعدوا يتمشوا فيها ويتفرجوا ..
لوهان: انهارده يوم البنات
ريم: يعنى ايه
لوهان: يعنى الولاد هياخدوا هدايا البنات انهارده
ريم: اها .. ويوم 14 الشهر الجى البنات هتاخد الهدايا
لوهان: انتى تعرفى ..
ريم: مريم حكتلى ع القصه وع يوم السينجل النودلز السودا
لوهان بيضحك: ايوه ايوه انتى عارفه كل حاجه
ريم: بجد المجتمع هنا تحفه فى مناسبات غريبه يعنى ف لندن مفيش غير الفلانتين بس والكريسماس والاعياد الوطنيه اعيادكم ومناسبتكم كتيره بصراحه
لوهان: السعاده .. المناسبات يعنى سعاده وبهجه بصى حواليكى شوفى السعاده ع وشوش الكابلز ووشوش البياعين ..كل حاجه وليها سبب
ريم بتبص: فعلا
لوهان بيبص ل ريم وهى بتبص ع الناس نظره حب ..ريم بصتله: لوهان
لوهان فاق من سرحانه: ايوه
ريم: عاوزه ايس كريم
لوهان : اوكيه نشترى ايس كريم بالفراوله
ريم بتبتسم: ايوه ايوه
لوهان ضحك وراح محل الايس كريم واشتراه وراحوا قعدوا ع ديسك يتفرجوا ع الناس
ريم : لوهان
لوهان: ايوه
ريم: انت مش بتتضايق من ربطتك دى نضاره وكاب وزعبوط الجاكت شبه مستخبى
لوهان: لا بالعكس حاسس انى براحتى وغير كده مفيش حد بيبص عليا .. بالعكس لو مكنتش عامل كده مكنتش هعرف اقف دقيقتين من الزحمه والناس ومش هعرف اكون معاكى ودا صعب عليا يحصل
ريم: انت فعلا مبتحبش الشهره
لوهان: لا بحبها بس ليها حدودها انا انسان وعاوز اعيش فى غيرى عايش علشان الشهره لكن انا عايش علشانى ودا سبب وجودى ف كوريا
ريم: وجهه نظر برضه
مريم وادمز كانوا جايين من بعيد ريم بصتلهم وهى بتبتسم وهما بيهزروا مع بعض
لوهان شافها .. لوهان: ريم
ريم بتاكل الايس كريم : ايوه
لوهان: انتى مجبتيش هديه لحد لولد بتحبيه ؟
ريم بتاكل الايس كريم : امم لا جبت طبعا
لوهان اتفاجئ: مين ؟
ريم بسعاده: طبعا رامى هو فى غيره
لوهان حط ايده ع قلبه ...
لوهان: ريم
ريم وبتاكل الايس كريم : ايوه
لوهان: ايه رائيك نلعب لعبه
ريم ومشغوله فى الايس كريم : الصراحه تانى اوكيه
لوهان: لا نرتبط
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!