رواية لقاء مستحيل ليآرا سمير الفصل الثالث عشر 13 - بقلم ملك صلاح

لوهان: ريم

ريم بتاكل الايس كريم : ايوه

لوهان: انتى مجبتيش هديه لحد لولد بتحبيه ؟

ريم بتاكل الايس كريم : امم لا جبت طبعا

لوهان اتفاجئ: مين ؟

ريم بسعاده: طبعا رامى هو فى غيره

لوهان حط ايده ع قلبه ... لوهان: ريم

ريم وبتاكل الايس كريم : ايوه

لوهان: ايه رائيك نلعب لعبه

ريم ومشغوله فى الايس كريم : الصراحه تانى اوكيه

لوهان: لا نرتبط

ريم سمعت تنحت وهى ماسكه الايس كريم وكان هيقع ..
ريم ضحكت : اعتقد مسمعتش كويس بتقول ايه

لوهان حاول يغير لهجته لهزار: لعبه .. بما انه الايام دى اعياد حب وهدايا
تعالى نمثل اننا مرتبطين لغايه شهر ابريل وناكل النودلز مع بعض مش احنا سينجلز ..

ريم بتضحك: لعبه وتمثيل يعنى نمثل اننا مرتبطين

لوهان: نتعامل زى المرتبطين كتمثيل مش حقيقى متقلقيش

ريم بتضحك: بتهزر صح ..انا عارفه انك بتهزر معايا

لوهان: لا انا بتكلم بجد .. واهو نبقى زينا زى ال حوالينا

ريم بتضحك: فرضا لو وافقت
للاسف هتبقى لعبه بايخه وتمثيل فاشل ...!!

لوهان: ليه؟

ريم: لانى معرفش اصلا المرتبطين بيتصرفوا ازاى حضرتك انا مرتبطتش قبل كده ومطلوب امثل انى مرتبطه لالالا انسى

لوهان متحمس : انتى متعمليش حاجه انا هعمل كل حاجه ها قولى موافقه ومتقلقليش فى ابريل هناكل النودلز مع بعض ونختمها واعتبريها تجربه وحاجه مختلفه هنعملها اوكيه

ريم بصتله وبتضحك:انت بتتكلم بجد .. لوهان انا عاوزه اقولك ان الارتباط فكره مرعبه بالنسبالى لالا انسى

لوهان: روما دى لعبه اعتبريه تمثليله بينى وبينك بس مش بتحبى الالعاب المرعبه وانا بوافقك فيها مع العلم انى بخاف من المرتفعات والالعاب دى اعتبريها لعبه واهو نشوف هنبقى فاشلين ولا ناجحين
لوهان فضل يقنع فى ريم ..

ريم مش عارفه تهرب : اوكيه اوكيه ثواانى
طلعت ورقتين من شنطتها وكتبت فيهم YES_ NO
ريم بثقه :دى طريقتى لما بحتار لما بختار حاجه لعبه الحظ ..هرمى الورقتين دول وال هتقول عليه الورقه ال هختارها انا هعمله اوكيه

لوهان بملامح مش عاجبه الحركه : ايه شغل الاطفال دا

ريم: بليز متتريقش انا ع طول بعمل كده ..مش عاجبك اوكيه بلاش وانسى بقى ال قولته وخلينا كده ونروح الملاهى احسن

لوهان بسرعه: اوكيه اوكيه اعملى ال انتى عاوزاه

ريم : عاوزه اقولك انا جيت كوريا فى الاساس بسبب اختيار ورقه واغلب اختياراتى بتبقى من الورقه

لوهان : اوكيه اوكيه اعتذراتى لورقه

ريم ضحكت : مستعد

لوهان: ايوه

ريم قفلت ايديها ع ورقتين وبصت للوهان: 1 ..2 ..3
ورمت ريم الورق ولوهان ف حاله ترقب واختارت ريم ورقه ولوهان مسك التانيه
ريم: ال هتظهرلى هنفذ ال فيها اوكيه

لوهان بترقب : اوكيه

ريم بتبص ع لوهان وملامح وشه قلق وبتضحك: انت قلقان ليه كده

لوهان: ريم بسرعه يلا

ريم : اوكيه ..افتح ورقتى ولا افتحها انت

لوهان بقلق : انتى .. لالا استنى انا هفتح ورقتى ..لالا افتحى انتى

ريم بتضحك: اوكيه ..1..2..3
فتحت ريم الورقه من غير ما لوهان يشوف ومكتوب فيها YES ورسمت ملامح حزن: ياخساره

لوهان بملامح يأس : اوكيه خلاص

ريم: مش تفتح ورقتك

بيفتح لوهان ورقته لاقاها مكتوب فيها NO
بص ل ريم وبملامح فرحه ع وشه: موافقه يعنى موافقه

ريم بتضحك: انت مبسوط اوى ...دى لعبه لو كانت حقيقه كنت هتعمل ايه

لوهان: احنا فى دلواقتى يعنى موافقه ومفيش تراجع لمده شهرين وهنبتدى من انهارده

ريم: انهارده .. ايه الاستعجال دا وبعدين انا مشترتيش هديه ليك مش هو انهارده هدايا البنات ل الاولاد

لوهان: هديتى وصلت واخدتها

ريم: انا مش اديتك حاجه

لوهان بالكورى : انتى هديتى

ريم: لوهان تانى كورى

لوهان: بقول موافقتك ع العبه دى هديتى

وقعدوا يضحكوا وقرب منهم مريم وادمز .. مريم: ايه السعاده دى والضحك

ريم بتضحك: لوهان زى البيبى بيفرح بالعب اوى

مريم: لعب ليه كنتم بتلعبوا ايه من غيرنا ها

ريم : لا احنا العبه ال هنلعبها انتوا مينفعش تلعبوها لانكم اصلا عايشينها

ادمز: قصدك ايه ؟

لوهان بسرعه مكنش عاوز ادمز يعرف : دا سر

ريم باابتسامه : لا مفيش سر دول اصحابنا .. لعبه الارتباط هنمثل لمده شهرين اننا مرتبطين وفى شهر 4 هنختم العبه بالندولز السودا

مريم بتضحك : ياربى شغل اطفال حقيقى الغيره وحشه

ادمز باصص ع لوهان: لعبه الارتباط

ريم: فكره اهو تغيير صح يا لوهان

لوهان لاحظ بصات ادمز واتوتر: اه ..انا رايح اجيب كافيه حد عاوز

ادمز بسرعه: انا جى معاك

قعدت مريم مع ريم وعمالين يضحكوا ...
مريم: انتى بتتكلمى بجد هتعملوا العبه دى

ريم ببساطه : اه عادى

مريم: ولو قلبت بجد

ريم: لالالا مستحيل ...ومتقلقيش انا ولوهان عارفين حدودنا كويس انا مبفكرش فى الارتباط وهو عارف وغير كده مش هينفع لو ارتبطت بيه ودى حاجه مطمنانى انى مش هخسر لوهان .. هنجرب ونوع صداقه وتعامل اصدقاء مختلف ..مغامره جديده

مريم: انتى وهو مجانين

ريم بتضحك: انا عارفه ودا اكتر حاجه عاجبانى فى علاقتنا

... وادمز وقف مع لوهان
لوهان بيبص ع القايمه: بتحبها كريمه كتير صح

ادمز مسك ايد لوهان وبصله: ايه ال سمعته دا

لوهان بيتوه ف الكلام : ايه غيرت قهوتك

ادمز: لا ريم

لوهان اتوتر: عادى زى ما سمعت

ادمز: عاوز تقنعنى انك هتلعب لعبه لمده شهرين وهتاكلوا النودلز وترجعوا عادى... انت مصدق نفسك ....هو دا الحل ال قلت عليه ..انا لما لاقيت علاقتكم مستقره الفتره ال فاتت انا قلت انك حطيت حدود ورجعت عن تفكيرك وعقلت ..!!

لوهان اخد نفس واتنهد وبص ل ادمز: ادمز

ادمز بعصبيه قاطعه : انت كده بتغلط غلطه كبيره وهتخسر ريم للابد

لوهان بعصبيه قاطعه : ادمز انا بحب ...ريم بحبها بجد ومش تمثيل ..انا حاولت كتير اعمل زى ماقلت ارجع تانى لمكانتى الاوانيه لكن انا لاقيت نفسى من الاول كده وكل مره بتعلق بيها اكتر ..

ادمز: بس غلط ال بتعمله دا

لوهان :دا مش حل دا حلم اتمنين اعيشه وعارفه انه صعب ...انا ممكن اعمل اى حاجه وافضل مع ريم .. انا عارف ان ممكن فى اى لحظه ريم هتختفى لـ اى سبب من الاسباب مجهوله معرفهاش واقربهم لو عرفت انى بحبها ..ادمز انا عمرى ماحسيت بال حاسه مع ريم ول ريم مع اى واحده عرفتها .. مش غلط انى اعيش حلم صغير لمده صغيره اننا مع بعض حتى لو تمثيل انا موافق المهم اكون معاها ..انا ملقتش طريقه غير كده افضل جنبها من غير ما تشك فيا لانى حسيت انى مش قادر اتحكم ف مشاعرى وهيبان ...

ادمز: هتتعامل مع مشاعرك ع انها لعبه وهى هتفهم كده ؟

لوهان: مش مهم هى هتفهم ايه المهم انا حاسس بايه وال حاسه مش قادر انساها ولا اتغلب عليه .. انا عاوز اكون جنبها باى طريقه المهم مخسرهاش ...

ادمز: لوهان انت

لوهان قاطعه: متكملش انا عارف بعمل ايه والنتيجه هتحملها.. ياريت حقيقه مشاعرى اتجاه ريم تحتفظ بيها ومتطلعش لغيرنا ..ويلا اطلب قهوتك

ادمز مش عارف يعمل ايه ولا يرد يقول ايه طلبوا القهوه وراحوا لريم ومريم
وقعدوا يتمشوا ولوهان اشترى شيكولاتات ل ريم مع حاجات صغيره عاجبت ريم لغايه ما روحت البيت ريم وهى مش مصدقه وبتضحك ع كلام لوهان ...!!

بتفتح ريم الدولاب لاقت موابيلها جه رساله فتحتها لاقتها من لوهان
"بكره اول ميعاد لينا لوحدينا الساعه 4 هستناكى بكره عند مطعم ابو مريم
ريم: ا"وكيه "

قفلت ريم ومش مش فاهمه ايه هيحصل بس فرحانه وحاجه جديده ومتعرفش السبب موافقتها برغم توترها من فكره الارتباط لكن فكرت فيها انها لعبه فعلا وهتجربها ....!!!

تانى يوم نزلت ريم مع مريم وراحت معاها مطعم باباها وقعدت هناك .. الساعه 4 لوهان بعتلها رساله انه مستنيها بره خرجتله لاقته واقف بالشكل المتخفى بتاعه راحتله
ريم: مدخلتش ليه وليه هنخرج لوحدنا ؟

لوهان: المرتبطين مبيخرجوش ومعاهم جيش بيبقوا لوحدهم علشان يقربوا لبعض

ريم بتضحك: بجد.. انا معرفش الكابلز بيعملوا ايه مش قلتلك هتبقى لعبه فاشله

لوهان : اسمعى كلامى وتعالى معايا وهوريكى انا الكابلز بيعملوا ايه ..انا قلتلك سيبيلى نفسك انا هعمل كل حاجه

ريم بصتله بقلق: لوهان

لوهان ضحك: لالالا مش زى ما افتكرنى حاجات هتعجبك
مد لوهان ايده وبتردد مسكت ريم ايده ومشيوا ركبوا عربيته نزلوا عند موول كبير ودخلوه وطبعا هو متنكر وريم مش فاهمه حاجه وبتسمع كلامه ..:

ريم: لوهان احنا رايحين فين

لوهان: سيبيلى نفسك

دخل ريم ولوهان لعرض سيرك كان جميل وريم انبسطت اوى ولوهان طول العرض باصص ع ريم وابتسامتها وسعدتها بال شايفاه ..خرجوا اتمشوا شويا واشتروا ايس كريم واتعشوا ووصلها لغايه البيت ....

لوهان: ايه رأيك انبسطتى ؟

ريم: جدااا ..كانت خروجه حلوه شكرا ..بس مفيش داعى كنت توصلنى انا كان ممكن اركب تاكسى وارجع البيت لوحدى

لوهان: لالالا.. مينفعش وانا معنديش حاجه

ريم ماسكه شنطه : شكرا اوى ..وشكرا ع الشيكولاتات ال اشتريهالى

لوهان: يو ولكم
ريم مشيت خطوتين ورجعت : لوهان

لوهان: ايوه

ريم: هنبدء امتى دروس تعليم الغه

لوهان بيضحك: متحمسه اوى

ريم: انا ممكن اتعلمها ع النت انا اغلب الغات اخدت كورستها ع النت بس بماانا هنساعد بعض ..اوكيه مفيش مشاكل وكمان علشان عاوزه اعرف بتقول ايه بصراحه ..مبحبش اكون جاهله

لوهان: اممم اوكيه هعرفك جدولى الفتره الجايه نرتبها انا مش مسافر الفتره دى ..يعنى موجود ف كوريا

ريم باابتسامه اوكيه ..تصبح ع خير

لوهان : تصبحى ع خير
مشيت ريم ولوهان ركب العربيه بعد ما اتاكد من ريم طلعت ...!!!

فى يوم اتفقت ريم ولوهان يخرجوا لوحدهم زى الاتفاق وقعدوا ف كافيه وريم مطلعه ورق .: ها نبتدى انا ولا انت

لوهان باصص ع ريم : هبتدى انا ..انتى جاهزه

ريم: ايوه

لوهان مسك ورقه وقلم وفتح اللاب معاه وابتدا يعلم ريم الحروف الابجدايه وينطقها وريم وراه ...وابتدا الموضوع دا يخرجوا ويقعدوا ساعتين يذاكروا لبعض ...فى يوم وهما قاعدين وبيقولها كلمات الترحيب والالقاب والترتيب الطبقى .... دخل ع الكلمات المعبره عن المشاعر ..

لوهان بالكورى عرفها معناه : وحشتينى

ريم رددت وراه ... راح قال بالكورى : بحبك

راحت ريم ردت وراه ...لوهان: يعنى بحبك

ريم حست انها سمعت كلمه شبه دى وشبه وحشينى من لوهان بس مش مجمعه ....

راحت بصت للوهان راح كرر الكلمه بالكورى : بحبك جداا جداا جداا

ريم تنحت لما سمعت كده وفضلت باصه للوهان مش عارفه فى ايه وايه ال بتحسه دا ... موابيلها رن انتبهت ومسكت الموبيل وكانت رنا

شويا ورجعت ع البيت وبتراجع ريم ال اخدته مع لوهان افتكرت لحظه لوهان وهو بيقول "بحبك جدا جدا جدا " ونظرته ال اختلفت عن المعتاد ... حاولت تفكر لكن منعت نفسها لانها مش عاوزه تفهم لوهان غلط .....!!!

لسبب غير معروف لريم لما غاده كلمتها محكتلهاش عن موضوع لعبه الارتباط والحاجات ال لفتت نظرها ...... استمر الوضع وخروح ريم ولوهان لوحدهم لما بيكون فاضى بقلق من ادمز ومريم مش فاهمه سبب اعتراض ادمز لانها شيفاها تسليه ل الاتنين ...!!!!

مر شهر وقرب يوم الابيض فى يوم خرجوا ريم ولوهان وراحوا وسط البلد يعتبر واتفرجوا ع المحلات ووقفوا عندمحلات هدوم كابلز (ثنائيه)
ريم: حلووين اوى هو دا لتؤام

لوهان بيضحك: تؤام ...
لا دا الكابلز بيشتروا حاجات شبه بعض يلبسوها تحبى تجربى

ريم : لا انا بسأل

لوهان مسك ايد ريم : تعالى ندخل

ريم مخضوضه: احنا

لوهان: احنا مش مرتبطين ودى حاجه بيعملوها هنا الكابلز يشتروا حاجه زى بعض ويلبسوها يلا سيبى نفسك
دخل المحل واختاروا جاكتين لبسوهم ودخلت ريم تقسيهم وخرجت شافت لوهان قاس التانى هو كمان

لوهان شدها قدام مرايا: ايه رائيك

ريم مكسوفه : حلويين اوى بس كده الناس هتتفرج علينا انا هغيره

لوهان مسكها : متفكريش ف الناس فكرى ف نفسك وفيا وفى الحظه دى ...احنا بقالنا فتره كويسين وال بنعمله ميفرقش عن المرتبطين بيعملوه وهما دا طبيعى .. كملى بقى تعالى ناخد صوره ذكرى

لفت ريم ولوهان صورها معاه صوره سيلفى ودخلت ريم قاست الباقى واتصورت معاه صور مختلفه واختاروا جاكتين احمر فى اسود عاجبوهم لبسوهم ومشيوا بيهم وعدوا ع محل احذيه ريم عاجبها شوز بيج من غير ما تقول لوهان شد ايدها ودخل المحل واشتروا اتنين نفس الموديل واللون ليه وليها ولبسوهم .....

ريم بتبص ع نفسها وع لوهان وبتضحك: احنا فعلا مجانين

لوهان: الجنان معايا ليه طعم تانى يلا ... وراحوا ياكلوا سندوتشات
لوهان: الاكل دا ينفع تاكليه حلال مش من الممنوعات انا سئلت وهيعجبك

ريم : ع ضمانتك

لوهان : ع ضمانتى ..
ريم قضمت قضمه من السندوتش عجبها كملت اكله ولوهان كمان
خلصوا اكل وخرجوا وهما ماشين اشتروا ايس كريم و كان فى العاب موجوده تتلعب بعملات

لوهان شد ريم : تعالى

راح حط عملات ولعب هو وريم.. وريم مفصلتش ضحك ع لوهان ولوهان سعيد انه شايفها سعيده وهما ماشين بص ع الساعه وشد ايديها : يلا بينا

ريم : ع فين تانى

لوهان: السينما

ريم: لا مش هقدر انا لسه ..

لوهان قاطعها ومد ايده: امسكى ايدى وغمضى عينك وعدى ل 1 2 3 وفتحى وهتقدرى

ريم بتوتر: لوهان لالا بلاش بجد مش هقدر وهتضايق نفسك معايا لا

لوهان: متقلقيش انهارده اليوم ليكى ومفيش فيه اى ضيقه ليا

ريم بتوتر : لوهان

لوهان مسك ايدها : امسكى ايدى ومتسيبهاش وهتقدرى

ريم بعد تردد وافقت ودخلت ..ريم: فيلم كورى هو انا بفهم كورى انا لسه مبتدئه مش لدرجه ادخل فيلم

لوهان بيضحك: فيلم هيعجبك اوى وانا هترجمهولك كله

ريم بتضحك: هتتعب كده

لوهان: لا خالص

دخلوا وقعدوا ..ريم: محرج اوى الحكايه دى هما الكابلز بيلبسوا كده هنا

لوهان: ايوه اغلبهم كده ...ودا عادى ع فكره متقلقيش
هقوم اجيب فيشار والعصير وجى
قام لوهان وريم قاعد بتمالك نفسها علشان تتغلب ع خوفها وتتفرج ع الفيلم تليفونها رن وكانت رنا : روما انتى فين

ريم: فى السينما انا قلتلك انا خارجه مع اصحابى

رنا: طيب متتاخريش علشان نتعشى سوا فى مفاجاءه

ريم: مفاجاءه ايه

رنا: تعالى بس ومتتاخريش وهتعرفى

ريم: اوكيه

لوهان رجع ومعاه الفيشار والعصير : اتفضلى عصير الفراوله ال بتحبيه

ريم: شكرا ...

لوهان: مقولتليش مبسوطه انهارده

ريم بتضحك: ع الرغم ان ال حصل انهارده والفتره ال فاتت من وقت ما بدءنا العبه ميفرقش كتير عن ال بنعمله ف العادى غير الهدوم دى واننا لوحدنا .. بس مبسوطه بجد ...شكرا يا لوهان

لوهان بيهمس: انا ال اشكرك انك وافقتى اعيش معاكى الفتره دى

ريم: ها

لوهان : الفيلم بدء ...
ابتدا الفيلم ولوهان مسك ايد ريم وريم بصتله وغمضت عنيها وعدت وفتحت براحه وحاولت تتنفس كويس :قولى بيقولوا ايه اتكلم اشغلنى عن توترى

لوهان بص ع الشاشه وابتدا يترجم ليها الاحداث وبيبص ل ريم وريم بتتفاعل مع ترجمته مشهد دراما ومشهد لذيذ وبيضحك ومشهد حب ..

وقت الاستراحه النور اشتغل ريم طلبت تخرج بره خرجت وقفت ريم ف الهوا تاخد نفس لوهان بقلق خاف ليكون ضغط عليها : انتى كويسه

ريم بتتنفس : كويسه ..كويسه

لوهان: لو مش قادره ممكن منكملش عادى

ريم بصت للوهان: لا هنكمل الفيلم انا قررت
وهو يوم محسوب علينا واحنا فى مود ارتباط يعنى يستحن نكون فى مود كويس ولا ايه دى قواعد اللعبه ومش عاوزه اكون انا سبب بواظنها

لوهان بيضحك: انتى بتتقمصى الشخصيه

ريم: طبعا علشان اعرف اتعامل

لوهان : اوكيه

ريم: يلا بينا ندخل

لوهان: يلا

دخلت ريم وقعدت وابتدا الجزء التانى وهى ماسكه ايد لوهان وهو ابتدا يترجم ليها الاحداث ....فى مشهد الاخير البطل بيعترف لبطله فى مشهد رومانسى ..ريم: الله جميل المشهد متسيبش حرف ها

لوهان بص ع الشاشه وراح بص لريم وابتدا المشعد وابتدا يترجم كلام مش من الفيلم كلام من عنده :بيقول اول مره شفتك فيها حسيت بحاجه بتشدينى ليكى عينى كانت متبعاكى فى كل حركه وحاولت امنعهم مقدرتش ولما قابلتك تانى وشفت ابتسامتك احساسى زاد عن الاول ومقدرتش اتحكم فيه ولما اتكلمت معاكى حسيت براحه وطمائنينه فى صوتك كنت مفتقدهم من سنين ...

فى الحظه دى ريم حست بحاجه غريبه قشعريره وبصت للوهان لاقته باصصلها وكمل لوهان كلامه وهى باصاله :لمسه ايديك دنيا تانيه بحسها ..لو مهموم بيروح التعب ..ولو حزين بحس بالفرح ...صوتك موسيقى عذبه مسمعتش زيها ..ضحكتك شروق شمس فى ليله غيوم بتنور حياتى....
زمان لما كان بيقولولى بتتمنى ايه كنت بقول "اعيش" لكن لما قابلتك وقالولى بتتمنى ايه قلت" اعيش ليكى لانى عايش بيكى " ‏‎heart‎‏ رمز تعبيري

ريم متصلبه وهى بتسمع لوهان راح لوهان قال اخر كلمه "بحــبك "‏‎heart‎‏ رمز تعبيري
ريم حست بطريقه لوهان اختلفت ف الجزء دا عن الاولاانى وحست انها اتاخدت وومتصلبه فى اللحظه دى سمعت صوت ال بيتفرجوا بيهيصوا لان البطل باس البطله بصت ع الشاشه كان المشهد خلص والفيلم خلص بسرعه خرجت من القاعه وهى حست بقلبها دق بسرعه وحست بحاجه غير طبيعيه قالت انه علشان قعدت كتير ف الضلمه ...

لوهان خرج: ايه رأيك ف الفيلم

ريم : ها .. كويس كويس

لوهان: يلا بينا

ريم: ع فين

لوهان: انا قلتلك سبيلى نفسك

ريم: لوهان ...
انت ازاى ترجمتلى اخر مشهد من الفيلم وانت مبصتش ع الشاشه

لوهان اتلجلج لكن مبينش: ببساطه لانى شفته قبل كده مرتين
اومال اختارته وندخل ليه ؟

ريم : اهااا ..طيب يلا

لوهان: تحبى تروحى ف مكان بعد السينما نتمشى ع نهر الهان ولا ..

ريم: لالالا هروح البيت علشان رنا كلمتنى وعاوزانى

لوهان : اوووكيه مفيش مشاكل .. المرات الجايه كتير

ريم: انت متعبتش ...كفايه كده

لوهان: احنا اتفقنا لغايه شهر ابريل وناكل النودلز مع بعض

ريم: بجد ..

لوهان: انا قلتلك سيبيلى نفسك وانا ال هعمل كل حاجه

ريم: تعرف ان لو قلتلهم انى دخلت سينما فيلم كامل مش هيصدقوا بجد انت عملت انجاز معايا شكرا

لوهان: انا ال بشكرك

ريم: انا معملتش حاجه ليك علشان تشكرنى

لوهان: لا عملتى وكتير وانتى مش حاسه

ريم: عملت ايه

لوهان سكت لحظات: انى بشوف احلى ابتسامه

ريم بتضحك:لالالا اعتبرها معاكسه

لوهان: ريم ..انت مش لمعاكسه انتى تتحبى
ريم اتصلبت وتنحت ..

لوهان لاحظ انه هيتقفش كده راح ضحك وغير اللحظه : بس الولد كان فقر الصغير شوفتى كان بيعمل ايه

ريم فاقت: اها جداااا كان لذيذ

لوهان حب يهرب بص ع الساعه: ايه دا اتاخرتى ..رنا مستنياكى

ريم افتكرت: صحيح كنت ناسيه ..يلا بسرعه
لوهان ابتسم وركبوا العربيه ووصلها لوهان لغايه البيت ونزلت هى وهو

ريم: شكرا ع اليوم الجميل والحاجات الحلوه ال فيه

لوهان: يو ولكم فى اى وقت وفى حاجات تانيه معملنهاش

ريم: انت عليك التخطيط وانا عليا التنفيذ صح

لوهان بيضحك: صح

ريم: اوكيه ..تصبح ع خير

لوهان: تصبحى ع خير

مشيت ريم ولوهان واقف وقلبه بيدق بسرعه حط ايده ع قلبه: اهدى اهدى
راح ركب عربيته ومشى ....

طلعت ريم الشقه عند رنا ودخلت: مساء الخير
بصت ريم لاقت امير قاعد وعرفت ان دى المفاجاءه : مساء الخير

رنا : مساء الخير ..اتاخرتى

ريم منبسطتش لما شافت امير : سورى ع تاخيرى بجد

رنا بتبص ع ريم وهدومها و ال هى لابساه: ايه دا انتى مكنتيش لابسه دا وانتى نازله

ريم اتلجلجت: اها ..
اصل ال كنت لابساه وقع عليه عصير اشتريت واحد تانى

رنا بتضحك: ال يشوفه يقول عليه بتاع كابلز علشان نص القلب دا المرسوم
ريم بتبص لاقت انه واضح فضحكت: كابلز ايه يا رنا كابلز قال انا يمكن علشان معرفش عجبنى اشتريته

امير: ذوقك حلو يا ريم

ريم: حمد الله ع السلامه

امير: انا قلت اجى اقضى معاكم يومين واشوف ملوكه واشوفك

ريم : بجد ..كويس جدااا

امير : انا مستنيك نتعشى سوا

رنا: كلنا بصراحه وفريد جوه ف المكتب غيرى هيكون العشا جاهز

ريم: اوكيه

دخلت ريم اوضتها لاقت رساله من لوهان انه وصل البيت ...

لوهان اول ما دخل شقته لاقى النور مولع بتاع الليفنج روم
بيقرب : هو انا نسيت اطفى النور قبل ما انزل
قرب من مفتاح الكهربا يطفى لاقى صوت من ورا : اووووبا

بص لاقاها يومى : يومى ..انتى جيتى امتى
يومى: الصبح وروحت ع الشركه قالولى انك عند جلسه تصوير
روحت مش لاقيتك ورجعت ع هنا استناك نمت مكانى وصحيت ع صوت الباب وهو بيتفتح

يومى حضنت لوهان: اوووبا وحشتنى اوووى طول وانا ف لندن كنت بفكر فيك وبفكر اوبا بيحب ايه ..اوبا عاوز ايه .. واستنيت يوم الفلانتين زى كل سنه وجبتلك انا هديه هى متاخره شهر بس انا قلت اجى اديهالك مش ابعتهالك ..اتفضل ..وانا كده فضتلك رسمى هتلاقينى معاك وف وشك ع طول

لوهان بيضحك: زى كل سنه ..كذا مره اقولك متجبيش هدايا

يومى: انا يومى هدايا مختلفه هتعجبك انا طلبت تتعمل مخصوص

لوهان حط العلبه جنبه: شكرا ع الهديه

يومى:مش هتفتحها

لوهان: لا بعدين

يومى بملامح زعل: اوووبا عاوزه اشوف تعابير وشك لما تشوفها

لوهان بيضحك: اوكيه

مسك لوهان بيفتح العلبه لاقى جواها برواز منقوش عليه اسم لوهان ويومى وجواه صورتهم اخر مره اتصوروها

يومى باابتسامه: ايه رائيك

لوهان: جميله

يومى: حطها ف اكتر مكان بتقعد فيه

لوهان: الحمام

يومى بزعل : اووووبا

لوهان: حقيقى لما بصحى من النوم بقعد فى الحمام اكتر وقت مش بكذب

يومى:مكان غيره عاوز صورتى تتحط ف الحمام

لوهان : ماهو انا مبقعدش كتير ف الشقه

يومى بتبص حواليها لاقت ترابيزه فى الليفنج : هحطها هنا علشان كل ال يدخل يشوفها

لوهان بيضحك: حطيها مكان ما انتى عاوزه

يومى بصت ع الجاكت: اوووبا ايه الجاكت دا ؟ كابلز

لوهان اتفاجئ : جاكت ..كابلز ..لا طبعا

يومى: صاحبتى وحبيببها اشتروا واحد زيه وشفت صورهم زيه بالظبط بشكل نص القلب دا ...متاكد انه مش لـ كابلز

لوهان اتلجلج: لا خالص ..انا تيشيرتى وقع عليه قهوه لاقيته فى الاستوديو لبسته ممكن يكون بتاع حد نسيه هناك ..

يومى بنظره شك: بتاع حد .

لوهان غير الموضوع : قوليلى عملتى ايه ف جامعه نجحتى

يومى : اممم انا خلصت امتحانات وجيت ..دى كانت اخر سنه فضلت هناك ف لندن اخلص جامعتى علشان ارجع وابقى فضيالك

لوهان:انتى اتعشيتى انا جعان

يومى : انا مستنياك نتعشى سوا

لوهان: اطلبى ال عاوزاه عقبال ما اغير هدومى

يومى: اوكيه دخل لوهان اوضته يغير

ويومى واقفه بتفكر لانها مش اقتنعت : جاكت حد تانى اممممم هعرف

فى البيت عند ريم قاعده تتعشى مع امير وفريد ورنا

رنا: مقولتش ملك شبه مين

امير: شبهى طبعا

فريد: كده ضمنا بنتى هتعنس

رنا: بعد الشر ..
ملوكه هتبقى احلى عروسه لمامتها ولخالتها مش كده يا ريم

ريم كانت سرحانه: ها..ايوه

فريد: امير بيقول ملك شبه ايه رائيك

ريم: لا هى شبه رامى من الاخر وقفل الكلام لان رامى لو سمع كلام غير كده ممكن يجى هنا يخطفها
الكل ضحك...

رنا: بس مفاجاءه حلوه ياامير

امير بيبص ل ريم: وحشتونى قلت اجى اشوفكم مش بتسئلو عليا قلت اسئل انا

فريد: ماهو انت عامل فيه رجل الاعمال الوحيد ال مش بيفضى

امير: والله يا فريد الشغل مبيخلصش وانا بهتم بكل حاجه فيه

رنا: بصراحه انت مجتهد ف شغلك اوى يا امير زى اونكل عاصم لغايه دلواقتى بيحب يعمل كل حاجه بنفسه

امير بيبص ل لريم: مستقبلى وببنيه علشان ارتاح انا وصاحبه النصيب

رنا لاحظت: يارب نسمع خبر حلو قريب من صاحبه النصيب

ريم حست بتلميحهم: ربنا يرزقك بواحده تستاهلك يا امير

امير : هى موجوده بس لو تبطل عند

فريد حس ان ريم بتتضايق من التلميحات غير الكلام : جبتلنا ايه معاك

امير: جبتلكم هدايا وطبعا منستش روما

رنا بتضحك: اوعى تكون نسيت هديه الفلانتين

امير: دا انا ظبطت جدولى اجى فى الفلانتين علشان اديكم الهديه

وريم طبعا بس معرفتش لكن جبتهم طبعا
ريم: شكرا اوى ع الهديه مفتحتهاش بس ذوقك معروف يا امير

رنا: تحب تقضى اليومين ازاى

امير: مش محتاج تنظيم ..هقضيهم معاكم ومع ريم وبالمره اتعرف عن اصحاب ريم ..رامى شكرنى فيهم جدااا ودايما يتكلم عليهم

ريم تنحت: اصحابى

رنا: فعلا يا امير مجموعه جميله غيروا من ريم كتير وساعدوها تتحسن ع طول بقت مبتسمه وبتضحك وبتخرج ...ايام ماكانت مش بترضى تنزل من اوضتها ربنا ما يرجعها ايام

امير: فرصه اشوفهم واشكرهم بنفسى اعتقد اسمهم ادمز ومريم ولوهان صح

رنا: ريم كل يوم بتنزل تعمل رياضه ف الحديقه قريبه من البيت ومعاه مريم وبتروح اغلب الوقت تقعد ف مطعم ابو مريم ..ممكن تروح هناك هتلاقيهم

امير باصص ل ريم : مكان ما هتكون ريم انا معاها ..اوكيه ياريم

ريم باصه ل امير بصه عدم راحه: اوكيه ...

تانى يوم منزلتش ريم تتمشى لان امير عاوز يفكر معاها فقعدت .. كلمها لوهان وعرفته انه هتكون ف مطعم ابو مريم ومش هينفع يخرجوا زى ما مرتبين علشان ف ضيوف ولوهان اخد الموضوع ببساطه وعرفها انه عنده جلسه تصوير واحتمال يخلصها متاخر ....

نزلت ريم مع امير يتمشوا شويا وشويا راحوا منطقه ايتوان اتمشوا فيها وراحوا المطعم عند ابو مريم ..مريم شافتهم سلمت عليهم وقعدتهم وقعدوا مع مجموعه ريم تعرفهم ...طلبوا اكل واتغدوا وفضلوا قاعدين يتكلموا .... شويا وهما قاعدين لوهان وصل حب يعمل مفاجئه ل ريم ...دخل لوهان المكان وبيبص عليهم شاف ريم وجنبها شخص غريب ولاحظ ريم بتبتسم نص ابتسامه ..قرب منهم : مساء الخير

الكل :مساء الخير ..ليو

ريم ابتسمت: ليو

امير بص ل لوهان لاحظ انه لابس جاكت زى ال كانت ريم لابساه : انت لوهان سمعت عنك كتير من رامى

ريم: اعرفك لوهان صديقنا ... امير اخو رامى عيلتى وفي  اللحظه دى موبيل ريم رن وكان رامى وخرجت ترد عليه ..هز لوهان راسه رحب بيه وامير وشد كرسى وقعد ولوهان من النظره الاولى مش ارتاح ل امير ..وامير حس بتغيير ف ملامح ريم لما لوهان وصل وابتسمت ...

امير: لوهان

لوهان: يس

امير باابتسامه: سمعت عنك كتير لدرجه انى حبيت اتعرف عليك

لوهان: فرصه سعيده

امير: احب اعرفك بنفسى بشكل ادق واكمل ال ريم ما لحقتهوش ..

لوهان باابتسامه: اتفضل

امير: زى ما قالتك ريم انا عيلتها وخطيبها

لوهان اتفاجئ: خطيبها

لوهان: وهنعزمك ع حفله خطوبتنا قريب سمعت ان صوتك حلو

لوهان من المفاجاءه رسم ابتسامه بالعافيه مش مصدق لان ريم مجبتش سيره امير خالص : اكيد ..اكيد

مسك امير مج النسكافيه وبيشرب وع وشه ابتسامه وباصص ل لوهان ولوهان ع وشه ملامح مفاجئه .... قام لوهان وأستأذن ومشى وهو خارج خبط ف ريم ...

ريم: لوهان رايح فين

لوهان بتوتر :فى حاجه مهمه عاوز اعملها ..هاكلمك ..باى

ريم ملحقتش ترد عليه : باى

دخلت ريم وسألت ايه حصل مكنش فى حد عارف كملت قاعده وخرجت هى وامير وروحوا ع البيت ولاحظت ريم ان لوهان مكلمهاش ولا بعتلها رساله ..اتعاملت انه مشغول ومبعتتلهوش ... فى الوقت دا لوهان كان مستنى ريم تبعتله تسأل عليه لكن ملقاش وابتدء يصدق انها انشغلت مع امير ال هو "خطيبها " وفضل سهران تانى يوم لوهان ومنمنش باصص ع الموبيل ......!!!!!

تانى يوم لاحظت ريم ان لوهان مبعتلهاش حاجه فبعتله
"لوهان ..انت كويس ..ابعتلى طمنى عليك "
فضلت ماسكه الموبيل تستنى يرد مردش سمعت صوت رنا : روما يلا امير مستنيكى

ريم: اوكيه ..جايه

خرجت ريم كان امير مستنيها : هنروح فين انهارده

ريم باابتسامه: معاك الدليل ومعانا السواق فريد سايبه يوصلنا ل اى مكان عاوزينه ..انا مش خبره اخرى ايتوان

امير :اوكيه يلا بينا

نزلت ريم وبتبص ع موابيلها ملقتش رد من لوهان .....راحت اماكن مع امير وكانت مش مبسوطه لكن رسمت ع وشها ابتسامه مجامله ...كان ل امير مقابله ف فندق راحت معاه ريم وقعدت حطت سماعات MP3 ف ودنها وباصه ع الموبيل وفاجاءه جتلها رساله من لوهان
"سورى ريم كنت مشغول وسافرت الصبح ضرورى لما ارجع هكلمك انا كويس مش تقلقى ..استمتعى بوقتك "

ريم اطمنت لما شافت الرساله وشويا امير خلص وراح مكان ماهى قاعده حط ايده ع كتفها راحت ريم اتخضت وبعدت نفسها: امير

امير بيضحك: اكيد انا ولا مستنيه حد تانى

ريم: خلصت

امير: ايوه ويلا بينا نتغدى انا جوعت اوى

ريم: اوكيه ....

راح امير وهما ف الفندق طلب الاكل واكل من منظره غالى جدا :
امير: انا طلبتلك اغلى الانواع هتعجبك

ريم بتبص ع الاكل: كتير ياامير احنا مش هناكل كل دا

امير: مش مهم ..المهم انه يعجبك

افتكرت ريم وهى بتاكل مع لوهان ف الاماكن العاديه والسندوتشات بعيد عن البهرجه برغم انه مشهور لكن عايش ببساطه ...
خلصوا اكل وريم مااكلتش وقاموا ... ريم: نرجع ع البيت

امير: لا فى مكان تانى هنروحه

ريم: فين

امير:هتعرفى يلا

حاول يمسك ايديها بعدت عنه ومشيت لوحدها فتحت باب العربيه وركبت وصلوا لمول ونزلت وكان امير حاجز تذكرتين لسينما
امير: انا سمعت انك بتدخلى سينما عادى ومن زمان نفسى ادخل معاكى وسمعت ان الفيلم دا كوميدى

ريم بصت ع البوستر وللحظات وافقت تدخل السينما ..اول ما دخلت وقعدوا والنور اطفى حاول امير يمسك ايديها لكن هى حست وربعت ايديها ..شويا واتوترت ومكنتش قادره تتنفس ووبصت ع امير شافته بيتفرج ومش ملاحظها
ومحبتش تبان انها مريضه خصوصا قدام امير

افتكرت كلام لوهان وتخيلت لوهان مكان امير وغمضت عنيها وتخيلته وللحظات توترها خف وحست انها اتغلبت بفضل لوهان فضلت متخيله ومدت ايدها مسكت ايد الكرسى ع انه ايد لوهان وامير انتهز الفرصه وحط ايده عليها اتخضت واتفزت من مكانها ...:امير

امير: مالك

ريم : انا هخرج مش قادره
لسه امير هيكمل كلام ريم خرجت وامير وراها وطلبت انها تروح البيت وروحوا ع البيت وتانى يوم سافر امير ...!!

مر يومين ولوهان قل اتصاله بريم وبقت رساله واحده وريم حست بفراغ كبير وكانت مضايقه ولاحظت رنا وفريد ريم اتغيرت

فريد: هو ف حد ضايق ريم ..انتى يا رنا ولا امير ضايقها

رنا: لا خالص انا لا كلمتها ف حاجه وامير مكلمهاش ف حاجه تانى

فريد: غريبه دى كانت بتضحك ومبسوطه .ايه غيرها اليومين دول .

رنا: هى ريم بحالات وانا سألتها ف حاجه مضايقها قالتلى رامى وحشها وبتفكر ترجع لندن قريب

فريد: ال يريحها خليها تعمله متضغطيش عليها

رنا: اوكيه

قام فريد خبط ع اوضه ريم وريم مسمعتش ودخل لاقاها قاعده حاطه سماعات MP3 ف ودانها وقاعده جنب الشباك : احم ريم ريم

ريم حست بحد ف الاوضه بصت: فريد ..ف حاجه

فريد: اخرجى اقعدى معانا مدام قاعده لوحدك ومنزلتيش مع مريم نتفرج ع فيلم حلو اوى ..

ريم: اوكيه دقايق وهحصلك

خرج فريد وريم بتقوم موابيلها رن بصت لاقته لوهان ردت بسرعه
ريم: لوهان:: انت فين كل دا ولا رساله ولا مكالمه

لوهان بيضحك: اهدى اهدى كنت مشغول شويا سورى

ريم: مش عذر دا

لوهان: اممم واضح انى زعلتك جدااا

ريم بصوت زعلان: جدااا هو دا ال اتفقنا عليه

لوهان: اوكيه وانا مستعد اصالحك ممكن

ريم: ازاى شيكولاتات وايس كريم

لوهان : لا ..نقضى يومين فى جزيره جيجو دى هديتى ليكىفى اليوم الابيض 14_3 نسيتى

ريم بتضحك ومن غير تفكير : لا خالص اوكيه وموافقه

لوهان : جهزى نفسك بكره ومريم وادمز هيكونوا معانا

ريم: اوكيييه

قفلت ريم مع لوهان وخرجت وع وشها ابتسامه ولاحظ فريد الفرق ورنا لكن متكلموش ......

تانى يوم كانت ريم جاهزه عدت عليها مريم وادمز كان مستنيهم وراحوا المطار وركبوا الطياره وكان لوهان مستنيهم هناك ...طلعوا الاوض ونزلوا قعدوا وريم كانت سعيده اووى انها شافت لوهان وهو كمان ...قعدوا يلعبوا ويجوا ورا بعض وقضوا اليوم وبليل كان ف حدث المصابيح ( اكتبى امنيتك ف ورقه وحطيها ف مصباح وطيريه ولو وقع ع طول يبقى امنيتك مش هتتحقق ) قعدوا كل واحد يكتب امنيته لوهان بص لريم للحظات وابتدى يكتب "اتمنى السعاده كامله لريم بدون لحظه حزن "

ريم كانت بتفكر بصت ع لوهان "اتمنى السعاده ل لوهان "

وطيروا مصابحهم وفعلا طاروا وفى ناس مصابحهم وقعوا وفرحت ريم ان مصباحها موقعش ولوهان كمان ... كملوا القعده وطلعوا ع اوضهم وكان تانى يوم هو 14_3 ...واتفق لوهان مع ريم انهم هيطلعوا الجبل وفرحت ..

تانى يوم كانت جاهزه واخدها وطلعوا الجبل وصلوا لقمه : ريم بسعاده: ااااااو بجد منتهى الجمال

لوهان: سعيده ياريم

ريم باابتسامه: جداااا شكرا ليك

لوهان بيهمس: شكرا ليكى

ريم بتضحك.. لوهان: بتضحكى ليه

ريم: قبل ما انزل كنت بتكلم مع مريم وبقولها هنطلع الجبل قالتلى انتى ولوهان مجانين علشان العبه وقالتلى ايه السبب انه بيعمل معاكى كده قلتلها علشان ...

لوهان قاطعها وباصص قدامه بالكورى : بحبك
ريم متفاجئه لانها سمعت كويس : ايه

لوهان بص ل ريم وبالانجليش : بحبك ... بحبك يا ريم