الفصل السابع

رواية لقاء وهمي الجزء السابع 7 بقلم لي لي محمد لقاء وهميرواية لقاء وهمي الحلقة السابعة _سيبيني _لا لا عيب يا همس كده عايزة تمشي برده قلت بدوخة من آثر الدم اللي نازل مني: _عايزة أعمل أي حاجة تبعدني عن وشك ضحكت بـخبــث وهي بتشد شعري جامد لدرجة وجعتني : _ده آخر حاجة هتشوفيها هتبقى وشي وأنا بموتك تفيت الدم اللي كان على شفايفي وقلت : _ده لو ليكي عمر فكيني _لا دخل الراجل في نفس الوقت وقال ببرود : _أهلا يا همس

_لا أهلا ولا بتاع خليني أمشي بقولك مسك خصلة من شعري فضربت راسي براسه حركة كان عمر علمها ليا : _قسما بالله لو إيدك اتمدت عليا تاني هقطعها مسح الدم اللي نزل من مناخيره ومسكني جامد من شعري وجعتني الحركة بس مبينتش وضحكت : _ده طريقتك صح؟! ما عشان انت مش راجل ااااه صرخت أكتر لما ضربني بالقلم جامد ودم الجرح اللي في راسي زاد وتمتمت : _حيوااان قعد على كرسي وحط رجل على رجل بكل برود وقال: _متعرفنيش صح؟ أنا صاحب أبوكي

برقت مش عشان هو صاحبه..عشان قال أبويا دموعي لمعت وقلت: _ب..بابا؟ &&&&&&&&&&&&&&&&&&&&&&&& عند مازن كنت داخل أوضة بابا أصحيه ببسمة بعد ما رجعت من عند واحد صاحبي: _اصحى يا إسماعيل أنا جيييت مكلمتش أبو البت يا حاج لكن مفيش صوت فقلت بهزار وأنا بقعد جنبه وبهزه : _خلاص مش زعلان بس هتكلمه إمتى البت خللت جنبي مصدرش أي حركة أو أي صوت حتى فقلت باستغراب : _بابا ، بابااا قلبي وقع شيلت البطانية بسرعة لقيت وشه شاحب بس مبتسم صرخت

أكتر والخوف اتملك مني : _باباااااااا ، بابا رد علياا متهزرش بابااااا ماما على صوتي وقالت بقلق : _في إيه يا مازن دموعي نزلت بدون وعي وقلت بعياط كأني رجعت عيل صغير : _بابا مش بيرد عليا ، مش بيرد عليا يا ماما مش بيردددد زقتني وقعدت وهي بتضحك بدموع : _بس يا أهبل مش بيرد إزاي يعني ، إسماعيل.. اصحى يا حبيبي يلا الواد مازن جه أهو مش كنت بتسأل عليه فضل جسمه ساكن ، سكون أصعب حاجة في الدنيا عياطي زاد وقلت :

_بابا ، فوق عشان خاطري بابا متسيبنيش انت قلتلي هتفضل معايا مكنش ده وعدك ليا ماما حطت ايدها على وشه ودموعها نزلت بعد استيعاب : _إسماعيل ، إسماعيل انت بتهزر صح لو بتهزر والله ما هزعل إسماعيل متخلينيش يتيمة مرتين انت وقفت معايا يوم موت أبويا متعملش فيا كده ، اسماعيل عشان خاطري لاا وبصتلي وصرخت وكفوفها بتترعش : _كلم اخوك بسرعة كلم اي حد ، إسماااااعيل

مسكت التليفون وأنا مش شايف حاجة من كتر عياطي ايدي بتترعش لدرجة إن التليفون وقع أكتر من مرة وعيني مش مفارقة أبويا كأني مش قادر ، خايف تكون آخر مرة أشوفه فيها خايف أصدق إنه…مات