الفصل السادس

رواية لقاء وهمي الجزء السادس 6 بقلم لي لي محمد لقاء وهميرواية لقاء وهمي الحلقة السادسة _إيه الصوت ده ببص لقيتها تقى مبتسمة بهبل وهي بتبص للكاتل بذهول وقالت : _أنا لسه بقرب لقيته فرقع طبيعي؟ سكتنا كلنا ، وقربت أنا وشاورت : _هو مش أبوكي قال محدش يقرب من الكهربا اللي على السطح؟ ها قال ولا مقالش؟ قلت آخر كلماتي وأنا بمسكها من ياقة التيشيرت فقال بتذكر : _آه تصدق صح ، طب هنقول إيه لامك بصلتها هدى من فوق

لتحت وهي بتقعد على الكنبة: _أصدق أقولها إيه مش هنقولها إيه سمعت ضحكة هادية ، حلوة لفيت لقيتها همس فقلت ببسمة: _هتضحكي كتير هنا زادت ابتسامتها فقلت : _هو عمر فين؟ _خلص أكل ونام هزيت راسي ببسمة وقلت: _زي بابا هو كمان خلص أكل ونام رجعت أبص لهدى لقيتها بتتخانق مع يزيد قربت وقلتله بهزار وأنا بشيله : _أنت مش هادي زي أختك ليه ها عايز أفهم ؟ ضحك وقال وهو بيحاول يفلت مني : _خلاص يا خالو بقى _كنت عايز إيه؟ _كنت بسأل على بابا

اتنهدت وبصيت لهدى المتضايقة : _يا حبيبي مش ماما قالتلك بابا عنده شغل؟ هز راسه وقال : _بس أنا عايز بابا قلت وأنا ببوس خده : _هيخلص شغل وييجي ، اتفقنا؟ _اتفقنا وشق الصمت صوت عالي وأغاني من عند شقة هند غمضت عيني بقوة وهدى مسكت ايدي جامد وهمست: _خلاص يا سليم تقبل إنها مش ليك بلعت ريقي بصعوبة وهزيت راسي بموافقة على كلامها في صمت تام ، قلبي كان بيتحرق بس فضلت أنسحب بسكات وقلت بتغيير للموضوع: _هنصلي العيد فين؟

_كالعادة في المكان اللي جنبنا تنهدت تقى وقالت : _يووووه بقى ما نغير يا جدعان بقالنا نفس الستة بنروح لنفس المكان انفجرت هدى من الضحك وكأنها عارفة السبب وقالت : _مهما روحتي هتشوفيهم قالت همس أخيراً وهي بتشارك في الكلام : _هما مين ؟ ربعت رجليها وبدأت تشرحلها: _بصي يا هموسة في فئة من البنات كده انتِ مش بتبقي عارفة هي راحة تصلي ولا راحة تعمل إيه؟

تلاقي حرفيا كيلو ميكاب على وشها ونص شعرها بره والمفروض راحة تصلي هموت واعرف بجد بيفكروا إزاي؟ اتعجبت همس ، وأنا كنت مستغرب أوي ردود أفعالها كأنها أول مرة تكتشف الحاجات دي بس قلت ممكن تكون عايشة في Egypt مثلا فجأة سمعنا صوت عمر بيقول : _همس انتِ فين؟ _أنا هنا أهو يا عمر قلت ببسمة : _فينك إيه يا عم بتنام بسرعة كده ليه؟ ضحك بخفة وهو بيسند ايده على كتف همس : _لما باكل بعد صيام دماغي بتتقل قالت هدى بهدوء : _كلنا كده

فضلنا واقفين بنراقب الشارع بصمت &&&&&&&&&&&&&&&&&&&&&&&&&&& تاني يوم العيد (همس) صحيت بنشاط بعد ما فضلت ساعة بقول مش هنام غسلت وشي واتوضيت ولبست عباية حلوة أوي كانت هدى جابتها ليل من ورا الكل عشان متحرجنيش بس أنا جوايا صممت اديها الفلوس بتاعتها لكن لما امسك قرش في ايدي صحيت عمر بفرحة ودموع لأننا أول مرة نعيش الأجواء دي _ايه يا همس _ايه انت قوم يلا عشان الصلاة _صلاة ايه؟ ابتسمت وقلت بغصة : _العيد تلقائي وشه نور وقال:

_مالك يا بومه بتقوليه بزعل ليه؟ مسحت دموعي اللي نزلن غصب عني وهمست : _أول مرة نصليها قوم بقى ، صحيح انت. بحثت بتتصلى إزاي ولا لسه؟ _لا بحثت وعرفت متقلقيش _حلو أوي قام بتكاسل غسل وشه واتوضى ولبس طقم من بتوعه ونزلنا ، وقابلنا في طريقنا هما ،، سليم وهدى وتقى تقى أول ما شافت عمر كالعادة اتكسفت ، مكناش فاهمين في إيه، بس ابتسمت على توهان عمر وميلا عليه وقلت: _اخوها واقف اتلم عشان لو لمحك مش عارفة هيعمل إيه؟

قلتها بضحك وبصيت لسليم ببسمة مش عارفة ليه كل لما بشوفه قلبي بيدق قلبي بيدق!!!!!! ايه ده ما هو بيدق على طول وقف سليم وقرب ٢٠٠ جنيه مني بعد ما وقفنا لوحدنا وقال: _عديتك بصتله باستغراب وقلت: _ليه؟ قال بحرج : _زيك زي تقى وهدى رفضت جدا لحد ما شوفت عمر بيدي عيدية لهدى وتقى اللي خدتها بالعافية، فوافقت وخدتها بخجل وخرجنا عشان الصلاة…و مخدناش بالنا أن في عيون بتراقبنا أنا وعمر من بعيد &&&&&&&&&&&&&&&&&&&&&&&&&& (سليم)

كنت ماشي جنبهم ببص لهمس كل شوية وأنا مش عارف ليه ، وفي نفس اللحظة حاسس بحاجة مش مريحة كأن في حد بيمشي ورانا حاولت اتجاهل الشعور ده بس مقدرتش وقفت فجأة ولفيت ملقتش حد فهدى قالت : _مالك يا سليم _مفيش يا حبيبتي ببص على همس وعمر بالصدفة لقيتهم نفس الموضوع بيبصوا وراهم ، فقلت : _هو في حاجة نطقوا هما الاتنين في نفس الوقت : _ها…لا..لا مفيش كملنا مشي لحد ما تقى مالت على همس وقالت:

_بصي أهي دي الاشكال اللي بكلمك عليها بيبقوا شبه عرايس المولد كدت ضحكت بخفة وهي بتبص وراها تاني فاتأكدت أنها حاسة نفس احساسي &&&&&&&&&&&&&&&&&&&&&&&& (تقى ) فضلنا ماشيين وأنا بشرح لها كل حاجة بضحكة ، وكل ما عيني تيجي في عين عمر اتكسف لحد ما فجأة لقتنا ماشيين جن بعض كنت مكسوفة أوي رغم إنه موجهش ليا أي كلام ملامحه كانت مخطوبة كأنه مش مرتاح ولأول مرة وجهت له سؤال : _انت كويس؟ بصلي شوية ابتسم بخفة وقال:

_اه يا طمطماية هانم اتكسفت لما قال كده وقلت : _اشمعنا؟ _بصي لنفسك وهتتعرفي ابتسمت بخجل أكبر لاني فهمته وهمست : _مش قصدي عموما بس في حاجة؟ قلتها وانا شايفة ملامحه اتقفلت تاني : _لا مفيش وصلنا الصلاة ووقفنا أنا والبنات جنب بعض وصلينا كنت حاسة بفرحة همس الكبيرة ابتسمت ولما جيت اسجد لقيت لساني فجأة ردد : _يارب اكتبه ليا مشاعري اتلخبطت مكنتش فاهمة في إيه إزاي ده طلع مني حاولت اتجاهل واركز في الصلاة على قد ما اقدر

&&&&&&&&&&&&&&&&&&&&&&& ( سليم) أول ما سجدت قلت حاجة واحدة : _يارب اجبر خاطري يارب .. يارب خلصت صلاة وأنا حاسس براحة ، بس عيني كانت بتدور على همس بقلق ، قلبي اتقبض فجأة وقلت لعمر: _تعالى نروحلهم مكنتش عارف سبب القلق اللي اترسم على وشه هو كمان بس كنت حاسس إن في حاجة انا معرفهاش روحنا ليهم فلقينا تقى واقفة هي وهدى بس ، فقال عمر : _همس فين؟ _معرفش والله هي قالت هتدخل الحمام االي هنا

وشاورت على مكان استغربنا وقلقنا فضلنا مستنيين وقت طويل أوي وهي مظهرتش بصينا لبعض بتوتر واتحركنا &&&&&&&&&&&&&&&&&&&&& ( همس قبل ساعتين) دخلت الحمام وطلعت كان في مكان مقفول شوية فقلت أعدي منه بدل الزحمة دي ، فضلت ماشية لحد ما حسيت بحركة ورايا قلت عادي يمكن مجرد احساس لحد ما صرخت صرخة مكتومة لما حد حط منديل على مناخيري كنت بعافر وبحاول أفلت بكل طريقة لكن مفيش فايدة كنت بعيط بقوة وانهيار وأنا حاسة إن نفسي بيروح لحد

1 2الصفحة التالية مدونة كامومنذ 5 ساعات 0 5 دقائق