الفصل الحادي عشر

يوسف اتعصب وقرب من آريان ومسكه من هدومه وهو بيقومه وهوووب اداله بوكس ـ مارو ... قلتها بصدمة وخوف عليه قمت من مكاني وانا بدي مازن لحبيبة ـ أنت ازاي يا حقير تقول ل اختي كده اتكلمت لمياء بخوف وهي بتقوم ـ مقالش يا يوسف... أنت عارف ان أيهم بيحب يهزر ـ لا أيهم مبيهزرش ... هو فعلاً قال كده يا چو قالها أوَاب بتسليه بصيت عليه بغيظ بس اتخضيت لما يوسف ضربه تاني ـ يوسف سيبه.... بابا ... يا بابا هيموت بين ايديه ـ حقه يا بنتي ...

مقدرش اقول حاجه انا مش فاهمه هما مبسوطين ليه ضربه تاني وقعوا على الأرض ـ يوسف... قالتها لمياء بخوف على آريان بصلها آريان بابتسامة ـ أنت كمان بتبتسم ل اختي كان لسه هيقرب منه بس انا وقفت قدامه ـ ابعدي أنتِ علشان مبعدكيش انا أوَاب قام وقف ـ يوسف حاسب على كلامك علشان دي بنت عمك برضو ـ انا مش هبعد كفاية.... مارو كان بيهزر وميقصدش اللي قاله ـ يقصد ميقصدش ميخصنيش ... تبعدي أنتِ قال كده وهو بيقرب مني

أوَاب جيه وقف قدامه ـ عصبيتك هتنسيك انها بنت ... وهتنسيك كمان أنها بنت عمك اهدى مارو قام وقف وهو بيبعدني من قدامه حاولت أقوامه بس هو بعدني ورجعني وراه بص ليوسف ـ أنت ضربتني علشان قلت ل اختك قمر .... ودلوقتي بقى عايز تقرب من اختي ـ ولاااا .... اسكت أنت خالص علشان ماجيش واديك علقه ـ تعالى هو انا بخاف كان لسه هيقرب بس أوَاب منعه ـ خلاص بقى يا عم ... مهما أن كان قريبنا برضو اتكلم عمو أيمن ـ خلاص يا يوسف ـ لا والله.....

قالتها لمياء بسخرية ـ هو ايه اللي خلاص يا يوسف انتوا سايبنوا يضرب في الواد ... وكأنكوا بتتفرجوا على فيلم ... وفي الاخر خلاص يا يوسف هو أخد لعبته منه ـ ماهو لي حق يا ليمو قالها عمو بمرح ـ ليه حق ده ايه .... يعني الراجل ميقصدش... قال ليه حق قال ـ وأنتِ بتدافعي عنه ليه بقى يا ست لمياء قالها يوسف وهو بيقرب منها بلعت ريقها بتوتر ـ لا انا مقصدش يا چو بس هو في النهاية ضيف يعني ميصحش ـ هو أنت هتضرب اختك كمان قلتها بغضب طفيف

بصلي وضحك ـ يا بنتي هو حد كلمك ... ايه اللي مدايقك ـ اللي مدايقني انك رايح جاي عمال تضرب في الكل ومحدش عايز يوقفك قلتها بغيظ ـ اه قولي بقى يا بنتي انا الكبير هنا .... محدش يقدر يعملي حاجه قالها وهو بيعدل ياقة قميصه ـ وحيات أمك قالها اونكل شريف ـ لا مؤاخذه يا كريمه ـ ولا يهمك يا اخويا ... ليك حق مترباش قالتها عمتو بلا مبالاة ـ اديله يا أونكل

ـ لا والله يعني من ساعت ما جيت وأنتِ عماله تدفعي عنهم لكن لحد ليا انا اديله يا أونكل قالها بغيظ مني اتكلمت بضحك ـ علشان تعرف تضرب مارو تاني ـ حبيبت قلب مارو قالها وهو بيحضني من كتفي بصله أوَاب بطرف عينه وهو بيمسك أعصابه علشان ميكملش عليه اتكلمت حبيبة بخوف مصطنع ـ خلاص يا عمو ... حقك عليا أنا..... سيبه ده أبو ابني ... ومحتاجة منه بامبرز ... وفلوس مين هيشتغل ويجيب فلوس كده ـ لا والله... هو ده اللي همك يا ست هانم

ـ ما تسكت بقى بحاول افك بينكم وأنت تقولي مش عارف ايه سابه اونكل شريف وهو عدل ياقة قميصه ورجع بص للمياء مره تانيه ـ حسابك لما نبقى لوحدنا بصيتله لمياء بغيظ ممزوج ببعض الخوف ـ مش هتبقى لوحدكوا خالص ... متتعشمش قلتها وانا بقرب من لمياء وبحضنها من كتفها ضحكت عليا وهو ضحك ـ يا بنتي هو انا ضرتك ضحكت ـ طب يعني خرشمتلي وشي ... وعمال تضحك عادي كده قالها مارو وهو بيقرب ولسه هيقعد ... اتنفض لما يوسف قال ـ ولاااا.....

بقولك ايه متخلنيش اجيلك تاني رفع أيده باستسلام ـ خلاص يا عم .... سكت قالها وهو بيمثل أنه بيقفل شافيفه قعد وانا قربت منه ـ هروح اجيب علبة الإسعافات علشان ادويلك جروحك دي ـ اوك يا قلبي قالها وهو بيبعتلي بوسه على الهواء ضحكت ودخلت المطبخ ـ انا اعصابي مبقتش مستحمله والله قالها أوَاب وهو بيمسح على وشه بغضب طفيف مافيش غير أيهم اللي سامعه اتكلم بهمس وهو بيضحك ـ طب يا عم روح اضربه ـ بصفتي ايه ... على الأقل هي أخته

قالها وهو بيضغط على أيده بغيظ ـ بس هانت ..... انا هوريله لما يبقى اسمها على إسمي .... هيشوف انا هتصرف معاه ازاي ـ والله الواد ده صعبان عليا قالها أيهم بضحك اتكلم أوَاب بضيق ـ ايوه صح ... علشان كده ولعت الدنيا من شويه ـ انا .... ده انا برئ قالها وهو بيشاور على نفسه ببراءة بصله أوَاب بقرف جبت العلبة وقربت من مارو قعدت جنبه وطلعت قطنه وحطيت عليها مكركروم وبدأت اعقم جروحه بعدها طلعت المرهم ودهنتله

مسك أيدي وباسها بعد ما خلصت ـ تسلم ايدك يا فيفي ـ تسلم يا حبيبي ـ استغفر الله العظيم..... قالها أوَاب بعصبية ونفاذ صبر بصيت عليه كنت مراقبة بطرف عيني كان عمال يفرك ومش على بعضه كان قلبي بيرقص وانا شايفه كده مش علشان شايفه بيتعذب... لأ انا مش كده علشان غيران عليا حبيبي وبعدين هو ايه اللي مصبره يعني ... ما يطلب ايدي ... اه صح ماهو طلبها .... بس لسه مطلبهاش قدام الكل فوقت من سرحاني

لما عائشة قالت بخبث ـ في حاجه يا سي أوَاب ـ ملكيش دعوة يا ست عائشة بصتله عائشة بغيظ وقرف ـ طب بصي على قدك بقى علشان مقمليكيش قالها أوَاب بتحذير اتكلم أيهم ـ طب جرب كده ـ افندم قالها أوَاب ل أيهم برفع حاجب ـ يا عم انا قلت حاجه.... صلي على النبي كده ـ عليه افضل الصلاة والسلام قلنها كلنا اتكلم بابا ـ والله انا زهقت منكوا انا داخل اتفرج على الماتش ـ خدني معاك يا اخويا دول عيال متتعشرش قالها اونكل أيمن

ـ وانا كمان جاي معاكوا قالها اونكل شريف بعدها مشيوا بعدها اتكلمت طنط إسراء ـ تعالوا احنا كمان نقوم في مسلسل تركي نازل جامد هيتعرض دلوقتي قالتها وهي بتوجه كلامها لطنط خديجه وعمتو بعدها قاموا هما كمان ـ الله هو انا جيت انتوا تمشوا قالها يوسف ـ علشان تعرف معزتك .... قلتلك محدش طايقك مصدقتنيش قالها أيهم وهو بينكش فيه ـ محدش طلب رأيك قالها يوسف ببرود ـ لأ ڤوندا طلبت ... مش كدا يا فيفي هزيت رأسي بضحك

مسكه أوَاب من قفاه واتكلم بهمس ـ عيد تاني كده اللي قلته اتكلم أيهم بخوف مصطنع ـ يا عم هو انا قلت حاجه... دي تاني مره تشكك في كلامي ... اعتقد زمايكه بيتكلم وأنت بتفكروا انا ـ تصدق شبه صوتك قالها أوَاب ببرود علشان يستفزوا ـ لا والله... وأنت سمعت صوته فين بقى ... قلي علشان اسمعه معاك قالها أيهم بغيظ ـ ما بقالي ساعه بسمعه مش واخد بالك ولا ايه قالها أوَاب ببرود اكتر اتكلم أيهم بغيظ وهمس ـ ماشي يا أوَاب ماشي.....

انا هسكت دلوقتي.... بس اتجوز اختك وهطلع عليك القديم والجديد اتكلم يوسف بنكش في لمياء ـ قومي يا لمياء شوفيلي اي حاجه حلوه اكلها واعمليلي قهوه بصتله لمياء بغيظ ـ مراتك جنبك قلها ـ الله ... في ايه يا ليمو وانا مالي قالتها حبيبه ـ مش جوزك يا قلب ليمو قالتها لمياء بسخرية ضحكت عليهم ـ طب خلاص تعالي يا لمياء وانا هجهز معاكي قامت لمياء بابتسامة ـ هو انا قلتلك قبل كده اني بحبك ـ تؤ قلتها بضحك وانا بقوم انا كمان

ـ طب يا قمر بموت فيكي ضحكت عليها وعائشة قامت تجري ورانا ـ استنوا يا خوانه خدوني معاكوا ـ بما انهم كلهم قاموا ف خد ابنك بقى يا حبيبي وعن اذنك قالتها حبيبة وهي بتدي مازن ليوسف وبتقوم وسط ذهول يوسف ـ يعني انا قلت كده علشان مقومكيش ـ وأنت عايزني اقعد وسطكوا ليه يعني يا حبيبي قالتها بعدها مشيت اتكلم أيهم بغيظ ـ منك لله يا أخي قومتهم ـ وأنت عايزهم في ايه يا سي أيهم قالها أوَاب وهو بيبص عليها بطرف عينه

ـ مش عايز يا سي أوَاب... مش عايز قالها أيهم بغيظ مكبوت -ـ جيتي ليه يا ست حبيبة كنتي خليكي في حضن جوزك شويه قالتها لمياء بنكش ـ الله وانا مالي انا بقى زعلانه منه بطلعي عليا ليه اتكلمت عائشة بخبث وضحك ـ لأ ماهو أنتِ مش فاهمه اللي حصل ـ ايه اللي حصل قالتها حبيبه بانتباه وهي بتضحك ـ دي متغاظه من اخوكي علشان ضرب حبيب القلب ومتغاظه منك علشان أنتِ في حضن حبيبك وهي لأ قالتها بضحك

مسكت لمياء الشوكه بعصبية ـ طب والله أنتِ قلة الأدب قالت كده وهي بتجري وراها عائشة لفت على رخامه وكل ما لمياء تيجي ناحيتها تقوم هي رايحه الناحية التانية كنا واقفين بنضحك عليهم انا وحبيبة ـ يا ستي فرهدت ... أنتِ مفرهدتيش قالتها عائشة بضحك وهي بتاخد نفسها ـ لا ماهو أنتِ محتاجه تتعلمي الأدب ـ بشوكة قالتها عائشة بسخرية قربت انا من لمياء بضحك ـ خلاص يا ليمو اهدي كده ـ طب عجبك يعني اللي بيحصل ده ـ ما هو معاها حق برضو

ـ والله قالتها وهي بترفع الشوكه قدام عيني ـ لا خالص ممعهاش مممعهاش قلتها بخوف مصطنع وانا ببعد عنها قعدنا نهزر وننكش بعض عملنا القهوة وكان في جاتوه في الثلاجه اخدنا وطلعنا بره لشباب -كنا قاعدين بنشرب القهوة وبناكل الجاتوه بس قاطعنا مارو وهو بيتكلم بصينا عليه بانتباه ـ انا دلوقتي يا يوسف عايز اتكلم بجدية ـ ليه هو انا كنت بهزر معاك قالها يوسف بسخرية ـ يا عم حقك عليا عارف اني غلطت وأنت معاك حق...

علشان كده كنت سايبك تضربني عادي ـ عايز ايه انجز ـ بما اني معرفش والدك فين وهتكلم برضو مع جدك بس انا.... ـ عايز ايه يعني انا والدي مسافر مش فاهم ـ طب ما تديني فرصه طب ـ اتفضل قالها يوسف بنفاذ صبر ـ انا طالب أيد لمياء منك بصينا عليه بصدمة وصدمة لمياء متقلش عننا اتكلم يوسف وهو بيقوم بوعيد ـ لأ ده أنت عايزني اقوملك تاني بقى و...