الفصل الثاني عشر

اتكلم يوسف وهو بيقوم بوعيد ـ لأ ده أنت عايزني اقوملك تاني بقى شدته حبيبة علشان تقعده تاني ـ اقعد هنا بقى ... هو بيقول هيشقطها ... بيقولك طالب أيدها ـ فهمي الله يسترك ... وشي وجعني قالها مارو وهو بيحط أيده على وشه ضحكنا عليه بس لسه لمياء على وضعها مش مصدقه اللي قاله و مصدومه ـ عايز افهم تعرف اختي منين علشان تطلبها على طول كده ـ مافيش يا عم انا شوفتها وقعتني على بوزي زي ما بتقولوا كده ....

ف مش هستنى كتير تطير مني ..ها قولت ايه بصله يوسف بتفكير بعدها بص على لمياء اتنهد ـ هسأل لمياء عن رأيها واكلم جدي ... وابقى اطلبها زي الخلق مره تانيه لما نديك ميعاد قام مارو بفرحة ـ لأ ده أنت تديني حضن بقى يوسف بصله بخبث ـ تعالى يا حبيبي تعالى في حضن اخوك شديت مارو ليا ـ تعالى هنا ... يا بني هيضربك تاني ... أنت مبتحرمش بصلي باستغراب ـ ليه يا فيفي ماهو طيب اهو اتكلمت حبيبة بضحك ـ والله أنت اللي طيب

-في صباح اليوم التالي كان يوسف وأيهم وأوَاب قاعدين في المكتب ـ كده كله خلص نكمل الباقي بقى في المكتب قالها أيهم بتعب وهو بيسند ضهره على الكرسي بصله أوَاب بسخرية ـ نفسي افهم ايه اللي تعبك ده احنا مبقالناش ساعه قاعدين ـ تعبت يا أوَاب تعبت ... وأنت مبترحمش يا عم ... خليك حابب الشغل اوي كده انا نفسي اتجوز واروح شهر عسل وادلع بقى بدل الخنقه اللي انا فيها بقالي سنين ـ وأنت مفكر لما تتجوز هترتاح ...

اسأل مجرب ولا تسأل طبيب يا سي أيهم قالها يوسف بتمثيل الغلب اتكلم أيهم وهو بيعدل قاعدته ـ الله.... ده هو أنت نفسك يوسف اللي قعدت تجري وراء حبيبه سنتين علشان تقبل بيك ... دي لو سمعتك ـ لا الله يسترك ... الواحد مش ناقص يا اخي ضحك أيهم ـ فينك يا يوسف يا بن سامر فينك ايام ما كنت بتحبها ـ طب ما انا مازلت بحبها وبعشقها كمان

قالها بهيام وكمل ـ بس هي اللي بيحصل في دماغها حاجات غريبة كل ما تشوف بنت جنبي تقلب ومحدش يقدر يسيطر عليها ـ بلاش أنت بلاش ... دي اول ما خلفت مازن جيت تشتكي أنها بتهتم بيه اكتر منك قالها أوَاب ـ اه ما ست هانم طول النهار تبوس فيه اقولها هاتي بوسه تقولي بطل قلة أدب عايزني اعمل ايه ضحك عليه أيهم وقرب منه وضربه بخفه على صدره واتكلم وهو بيرفع صوته ـ بطل قلة أدب يا يوسف... الاه... عايز بوسة ...

طب لو ابويا شافني يقول ايه يا قليل الأدب بصله يوسف بغيظ وقام من مكانه جري أيهم ورا أوَاب اتكلم يوسف ـ تعالى هنا ... علشان ونعمه ما انا سيبك انهارده سليم يا أيهم ـ استهدى بالله كده .... يا بني هو أنت جاي تستعرض عضلاتك هنا كل شويه تضرب في حد وكمل تاني وهو بيرفع صوته ـ صلي على النبي في قلبك يا سي يوسف ـ ولاااااا وراح لف علشان يضربه يقوم التاني لافف الناحية التانية أوَاب بزهق وصوت عالي ـ بس بقى أنت وهو صدعتنوني ...

اعملوا الهبل ده برا ـ جرا ايه يا سي أوَاب ليه الغلط ده قالها أيهم بضحك بصله أوَاب بقرف ويوسف كمان بصله كده بعدها قعد ـ تعرف ياض أنت متستاهلش ايدي توجعني عليك قعد أيهم وهو بيخاد نفسه ـ طب كويس ... يارب دايماً بقى مردش يوسف عليه وبص ل أوَاب ـ كنت عايز أسألك سؤال من امبارح ـ اسأل ـ هيكون عندك مشكلة لو وافقت على اللي اسمه آريان ده ل لمياء ـ وانا يكون عندي مشكله ليه ـ قصده علشان ديما يقولوا انك انت اللي هتتجوزها يعني

قالها أيهم وهو بيقزقز لب اتكلم أوَاب بجدية ـ بص يا يوسف أنت عارف ان امك وامي اللي قاله من واحنا صغيرين كده وانا مكنتش فاهم حاجه وقتها ولا حتى لمياء كانت فاهمه... ولما كبرنا عقلنا وفهمنا وكل واحد بقى عارف هو عايز ايه وأعتقد أنت شوفت امبارح أن لمياء ماكنش عندها اعتراض على اللي بيتقال علشان لو كان عندها ماكنتش سكتت اختك وأنت عارفها ـ معاك حق... وانا برضو هسألها واعرف رأيها ـ اسأله بقى يا معلم هو عقل وفهم وبقى عايز ايه

قالها أيهم بضحك وهو بيلعب في حواجبه ـ لأ ما هو واضح نظارته ودافعه عنها الست فيفي ـ يوسف ... قالها أوَاب بتحذير ـ اسمها ڤوندا ... ده حتى اسمها متنطقوش ـ هوبا على الغيران ضحك أيهم عليهم كمل يوسف بجدية ـ طب وأنت منتظر ايه يا أوَاب متطلب أيدها يا عم ـ انا فتحت عمي في الموضوع ده ...... بس منتظر اعمل حاجه مميزة ليها مش اكتر ـ ايوه بقى يا جامد محدش قدك قالها أيهم بغمزه ضحكوا عليهم -ـ أدخل

قالتها لمياء للي بيخبط على باب اوضتها دخل يوسف ـ حبيبتي فاضيه نتكلم ابتسمت لمياء ـ ولو مش فاضيه ... افضيلك مخصوص ابتسم يوسف وقرب منها وقعدوا على طرف السرير ـ طبعاً أنتِ عارفه الموضوع اللي جاي أتكلم معاكي فيه وطبعا علشان بابا مسافر ف انا هاخد مكانه واسألك أنتِ عايزه ايه اتنهدت ـ بص انا مش عارفه.... أنت عارف انهم ديما زمان كانوا يشبكوني ب أوَاب لدرجة اني كبرت متعلقة فيه .... بس مكنتش بشوف حبه ليا ...

مكنتش بشوف اهتمامه أو غيره أو اي حاجه من دول .... بس لما جت ڤوندا لحظت كل ده معاها هي .... الاهتمام... الغيرة.... لحظت حبه ليها ... انسحبت ما هو انا مش هكون لحد مابيحبنيش ـ ودلوقتي علشان اللي اسمه آريان ده باين عليه يعني أنه بيحبك هتوافقي ـ اقول الصراحه ولا هتتعصب وتضربني قفه من بتوعك ـ لأ انا هادي اهو قلتلك هتعامل زي بابا ـ والله قلقانه وخايفه من زي بابا دي ـ متخافيش يا حبيبتي متخافيش ـ ما هي حبيبتي دي مخوفاني اكتر

ـ ما تتكلمي يا بت ـ اهو كده بينت على حقيقتك كده مش خايفه ـ يعني ميعجبكيش العجب وربنا.... على رأي المثل ناس مبتجيش غير بالعين الحمرا ـ بس انت عينك عسلي يا چو ـ هديكي بالقفه لو منجزتيش ـ خلاص خلاص هكمل اتنهدت ـ بص بصراحه كده يعني انا حاسه بحاجه ناحيته ومرتاحه ليه اوي ... ف يعني معنديش مانع لو اتقدم ـ يبقى اجهزي... بليل قراية الفاتحة قالها وهو بيقوم من جنبها ـ بسرعة دي قالتها بتوتر ـ يا بنتي مش قلتي انك مرتاحة

ـ اه بس... ـ مبسش... واهو نخلص منك بقى علشان زهقنا بجد ـ أنت بتتكلم جد ـ هكون بهزر ليه يعني راح ناحية الباب وفتحه بعدها بصلها ـ الحقي بقى جهزي نفسك قالها بعدها خرج وهي واقفه مصدومه من اللي بيحصل والسرعة اللي هي فيها دي -في المساء قرأنا الفاتحة واتفقوا على كل حاجه وان الخطوبة هتحصل لما ينزل اونكل سامر من السفر كنا انا والبنات في المطبخ بنعمل قهوه ـ انا مش مصدقه السرعة اللي انا فيها دي بجد ـ ولا انا الصراحه

قالتها عائشة بضحك ـ الواد وقعتيه على بوزوه من اول نظره ... والله وطلعتي مانك سهله يا بت لمياء قالتها حبيبة ـ طب ايه مرتاحة قلتها للمياء ـ هو انا مرتاحة بس متوترة ـ عادي عادي ... هو كده في الأول قالتها عائشة. ـ المشكلة اني مكنتش بحس بكده مع أوَاب التوتر والخجل والكلام ده ـ علشان مكنتيش بتحبيه قالتها حبيبة كملت ـ الحب كده .... بتبقي مع الشخص ده بزات حاجة تانيه ... مبتبقيش عارفه رأسك من رجلك وأنتِ معاه ....

طب ده انا لحد دلوقتي لما يوسف يبصلي بنظرات حب ببقى مكسوفه كسوف زي اول مره بظبط ـ الله على النصايح الجامده... اهو ده فايدة أن يكون ليكي صاحبة متجوزه قالتها عائشة بهزار ـ طب ايه يا ست فيفي قالتها لمياء ـ ايه ايه ... مش فاهمه ـ انا دلوقتي اتقرأ فاتحتي ودي مخطوبة ودي متجوزه ... هتفضلي كده ولا ايه .... شكله سي أوَاب واقف مكانه مبيعملش حاجه ما تحاولي تجنني شويه يمكن يعترف ـ لا ماهو اعترف قلتها بتسرع

ـ اعترف ازاي بقى وانا معرفش قالتها عائشة وهي بتقرب مني ـ مش حكاية كده ... اقصد اتنهدت ـ اللي حصل أنه راح وطلبني من بابا وانا عرفت وبابا قالي فكري بعدها يعني قالي بحبك في سياق الحديث وكده وقال إنه هيتقدم تاني ـ اوبااااااا..... ايوه بقى قالتها حبيبة بضحك وهي بتصقف كانت لسه عائشة هتتكلم بس قاطعتها لمياء ـ يلا يا اختي أنتِ وهي نكمل كلامنا بعدين القهوة هتبرد ـ يلا يا عروسه يلا طلعنا بره وقدمنا القهوة وفضلنا نتكلم

وقالوا ان بكره معزومين في حفله كبيرة هيجتمع فيها رجال الأعمال وكده وطبعاً عائشة كعدتها هي اللي كانت متحمسة اكتر مننا كلنا -في الحفلة ـ الفستان طلع حلو اوي بجد قالها أوَاب ليا ابتسمت بكسوف ـ شكراً ـ بس تعرفي ندمت اني جبته والله بصتله باستغراب ـ ليه يعني ـ علشان بقى احلى عليكي وانا مش عايز حد يشوفك حلوه كده غيري نزلت عيوني من عليه بكسوف ـ وبصفتك ايه بقى يا سي أوَاب تشوفني حلوه ـ هقولك يا عيون أوَاب دلوقتي

بعدها مشي من جنبي بصيت عليه باستغراب الحفلة كانت في اوبن اريا كده راح وقف على الستيدج ومسك المايك ـ مساء الخير لكل الموجودين.... انا حابب اقول حاجه كده ..... انا وقعت في الحب... بنت بنسبالي انا مختلفة عن اي بنت عرفتها في حياتي أو حتى شوفتها ... بنت خلتني احس لاول مره في حياتي بأجمل احساس... بنت حركت مشاعري وغيرت كياني من اول ما شوفتها ... بنت لو قبلت دلوقتي أنها تتجوزني هكون اسعد انسان في الوجود

الناس بدأت تصفر واللي يسقف بعدها ساب المايك وقرب مني ومع كل خطوة بيقربها قلبي بيدق عشرة جيه وقف قدامي ونزل على ركبته وطلع علبه وفاتحها كان فيها خاتم من الألماس ومحبس شكلهم يجنن وبصلي وقال ـ تقبلي تتجوزيني يا اغلى من الالماس اللي معايا ده ..