الفصل الثالث عشر

تقبلي تتجوزيني يا اغلى من الالماس اللي معايا ده بصتله وانا مش مصدقه اللي حصل من شويه ولا اللي بيحصل دلوقتي ـ مش وقت صدمة خالص الصحافه بتصور وانا رجلي وجعتني قالها بصوت واطي انا اللي سمعته بس ضحكت عليه وانا ببص لبابا بصلي بابتسامة وهو رأسه بمعنى اقبلي بصتله تاني وانا بهز برأسي وبضحك ـ ايوه .. موافقة ضحك وقام وهو بيطلع الخاتم بصتله باستغراب ـ هو أنت هتلبسه ليا ولا ايه ضحك ـ عندك شك ـ لا يا حبيبي مافيش منه الكلام ده ...

لما تبقى حلالي تبقى تمسك أيدي قرب مني وبص في عيوني وقال بهمس ـ قلب وعيون وحيات ودنيا حبيبك الحلوه أبتسمت بكسوف منه ـ أوَاب ـ قلبه ـ ابعد علشان الناس بتبص علينا ـ ماهو ده اللي انا عايزه ... علشان يعرفوا مين اللي وقعت أوَاب شريف سالم محمد لأ ومحدش سمه عليه كمان ضحكت وهو بعد لما لقه طنط إسراء بتقرب منه وهي في إيدها شريطه حمراء وعلبه شبه العلبه اللي ماسكها واعتقد دي الدبله بتاعته

حط الدبله في الشريطه الحمراء وشاورلي علشان امدله ايدي مدتله ايدي وانا ببصله بحب الصحافة كانت بتصور والناس اللي موجودين منهم اللي بيصفر ومنهم اللي بيسقف مدلي أيده وانا لبستهالو بنفس الطريقة اتكلم واحد من الصحافة ـ عايزين ناخد صوره عائلية لو سمحت يا مستر أوَاب هزله أوَاب رأسه بماشي واجتمعت العيله كلها حوالينا واتصورنا -كنت قاعده في اوضتي بتفرج على الصور اللي بقت ترند خلاص شوفت الصورة العائلية

أبتسمت وشعور حلو اوي اجتاحني ..... مش عارفه حتى اوصفه وأخيراً حسيت أن ليا عيله كبيرة بتحبني حسيت اني بملك الدنيا وما فيها اما بقى عنه ده لوحده حكاية تانيه حكاية ايه ... ده خلص وقفل كل الحواديت والحكايات اللي في حياتي بسبب دخوله فيها مبقتش عارفه هو ممكن يعمل فيا ايه اكتر ما هو عامل بجد افتكرت بعد ما خلصنا الخطوبة ومروحين ـ عمي ممكن أخد ڤوندا بعربيتي

بابا أبتسم وقرب منه وحط أيده على كتفه وهو بيطبطب عليه ـ طبعاً لأ يا حبيبي اختفت ابتسامة أوَاب ـ ده ليه بقى ـ تقربلك ايه... يعني ببساطة كده هتركب معاك بصفتك ايه ـ عمي انا أتفقت معاك وقلتلك أن كتب الكتاب هيبقى بعد اسبوع مع الفرح ف ليه بقى هو انا بقولك هنتفسح ده هتركب معايا وهيكون معانا يوسف وحبيبة بصتله بصدمة من اللي قاله

لسه هتكلم وهعترض بس سمعت صوت يوسف ـ ومين قالك كده يا حبيبي انا عايز مراتي في كلمتين في عربيتي براحتي.... فاهم قلت ايه مراتي أتكلم أيهم بضحك ـ ألحق يا أوَاب ده بيتكلك على التاء ... عارف معناه ايه ... يعني بيغيظك ـ أسكت يا أيهم الله يسترك الواحد ما نقصك قالها أوَاب بضيق ضحكت على شكله راح بصلي بغيظ ـ أضحكي أضحكي يا اختي هو ده اللي فالحه فيه أتكلم يوسف بغمزه ـ بس متقولش يا أختي دي أنت لسه طالب أيدها ـ يوسف!!!

ـ نعم يا عمي قالها يوسف بابتسامة توتر ـ لم نفسك دي بنتي ـ حاضر يا عمي ضحكنا عليه وبابا اتكلم ـ خلاص لو يوسف و حبيبة معاكوا معنديش مشكلة ـ لا معلش يا عمي خلي أيهم هو اللي يروح معاهم انا عايز مراتي في كلمتين سر أتكلمت حبيبة بهمس ـ عايزني في ايه ـ لما نركب هبقى اقولك يا جميل اتكلم أيهم ـ الاه ... وانا مالي يا لمبي ـ خلاص يا أيهم احنا نروح معاهم قالتها عائشة وهي بتقرب علينا ـ إذا كان كده ف معنديش مانع يا جميل

ـ ولاااا.... ـ بقولك ايه انا ممكن ماجيش معاك عادي جداً بصلوا أوَاب بغيظ ـ ايوه كده ناس مابتجيش غير بالعين الحمرا ـ افندم!!!! ـ لأ مافيش يا حبيبي انا بعطس بس ضحكنا عليهم بعدها ركبنا كلنا عائشة ركبت معانا بس في مسافة بينها وبين أيهم ورا أتكلمت بعد ما أتحركنا ـ ايه حكاية كتب الكتاب والفرح اللي بعد اسبوع ده بقى ـ إيه يا حبيبي ماله بعيد أسبوع مش كده ـ هو ايه اللي بعيد ... ده قليل خالص يا أوَاب مش هنلحق

ـ يا حبيبي انا مش عايزك تشغلي بالك ب أي حاجه خالص ... كل حاجه هتبقى جاهزة... أنتِ بس نقي الفستان وسيبي الباقي عليا ـ طب ما على فكره عايزه انا اللي انقي البدلة بتاعتك ـ ده من دواعي سروري يا أميرتي أبتسمت وانا ببعد عيني من عليه وببص على الطريق بقاله ساعه بيثبتني وانا ساكته ... لأ بس كده كتير يا بن سميرة عليا يعني ـ بقولك يا ابو الاوابين ـ طب ناديني ب إسمي علشان مسيبكش على الطريق بس ـ الاه ...

هو ليه حاسس انك مش طايقاني لا بقولك ايه لو المعاملة بشكل ده يبقى هلم خدوني وهروح على بيت أهلي... طلقني.. ضحكت انا وعائشة عليه وعلى استفزازه ل أوَاب اما أوَاب ف بصله بقرف ـ ايه رأيك نعمل الفرح مشترك والواد آريان يتجوز معانا بدل التكلفة ـ الله... فكره حلوه اوي قلتها وانا بسقف بحماس ـ اه والله فكره جامده ـ هو ايه ده اللي فكره حلوه... وأنت زعلان اوي على التكلفة يا اخويا على أساس بيهمك يعني ...

أنا عايز اتجوز لوحدي ملكش دعوة ـ شوف شوف عايز يتجوز لوحد قال .... عايز يفرح وأحنا نضرب بوز في الشغل ـ الله ينور عليك ـ أوَاب ـ عيونه ضحكت ـ خلينا نعمل كده يا أوَاب... الفكرة حلوه اوي وعجبتني... بليز ـ ما هو يا حبيبي انا عايز اليوم ده ميتنسيش من حلاوته ـ كفاية إني إسمي هيبقى على أسمك ده بالنسبة ليا اكتر حاجه حلوه هتحصلي في حياتي بصلي وابتسم ـ اللي أنت عايزه يا جميل

ـ بس كفاية بقى أنت وهي بطني وجعتني .. وأنتِ يا بت أنتِ ايه الرومانسيه اللي طفحت عليكي فجأة دي قالتها عائشة بغيظ مننا ضحكت وانا بتبادل النظرات انا وأوَاب فوقت من تفكيري على خبط على الباب ـ أدخل فكرتها عائشة أو طنط خديجه بس اتفجأت لما لقيتها عمتو قمت من على السرير بتوتر أتكلمت وهي مازالت على الباب ـ ممكن ادخل ـ اه طبعاً اتفضلي دخلت وقعدت انا وهي على طرف السرير كانت بتحاول تنقي الكلام اللي هتقولوا وانا كنت ببصلها بترقب

ـ بصي انا مش عارفه ابدأ الكلام منين ... بس كل اللي جاي اقولهوك ... سامحيني يا بنتي على كل حاجه عملتها وعلى ايه كلمه قلتها جرحتك أو جرحت مشاعرك أبتسمت بدموع واخيرا... كده كل حاجه اتحلت مسكت أيدها وانا ببصلها بفرحة ـ مافيش داعي للي بتقوليه ده ... أنتِ عمتي ومافيش بنت بتزعل من عمتها اخدتني في حضنها أبتسمت وانا ببدالها الحضن خرجت من حضني ـ في الحقيقة انا عايزه أشكرك ضحكت ـ ليه ـ لأن الحقيقة لو مكنتيش موجوده...

ماكنش ابن خالتك ده موجود وماكنش هيسعد بنتي بطريقة دي خلاص الفرح بكره بس كل يوم بشوف أنه بيسعدها للمياء وان هي بتنام كل يوم والفرحة مش سايعها ومعتقدش أوَاب كان هيعمل كده معاها ـ مافيش داعي للشكر يا عمتو .... كل ده مكتوب وده النصيب أبتسمت وهي بتطبطب على عليا ـ بس طمنيني عليكي أوَاب بيزعلك في حاجه ـ مافيش أحن منه يا عمتي ولا هيبقى ضحكت وهي بتاخدني في حضنها وانا شددت من حضنها -كنت قاعده في الاوضه بتاعت الاوتل بعد ما جهزت

مستنياه بابا علشان يجيب الدفتر بتاع المأذون علشان أمضى لقيته بيخبط وبيدخل بص عليا وهو بيبتسم وعيونه لمعت بالدموع ـ والله لولا انك بتحبي الواد ده كنت رجعت في قراري قربت عليه وحضنته بدموع ـ متقولش كده انا مش هسيبك حاوطني ـ هو أنتِ مفكره اني هسمحلك تبعدي عني بعد السنين دي كلها دموعي نزلوا..بعدني عنه وهو بيمسح دموعي ـ هششش ... متعيطيش.. انهارده تفرحي وبس فاهمه هزيت رأسي وقلت ـ حاضر اداني الدفتر والقلم علشان امضي

اخدتهم منه ومضيت بعدها بصمت اخدهم مني ـ انا هنزل دلوقتي علشان اكمل بقيت الإجراءات وكمان علشان الواد الزنان اللي واقف مستني بره ده ضحكت عليه وقلت ـ ماشي قرب مني وحضني وطبع بوسه على جبيني ـ لو الواد ده زعلك في حاجه بعد كده تجيلي وانا مش هخليه يشوف وشك تاني هزيت رأسي وقلت ـ حاضر بحبه اوي وبحب حنيته وخوفه عليا طلع بعدها بشويه دخل وشافني قفل الباب وقرب عليا وهو بيقول ـ هو انا دخلت اوضه صح ولا ايه ضحكت عليه ـ شكلك كده

شدني لحضنه اتصدمت بس بعدها بدلته الحضن فضلنا على الحال ده شويه بعدها خرج من حضني ـ مهما فضلت في حضنك مش هشبع منك ابدا ابتسمت ـ مبقتش عارفه الرد المناسب ليك ايه بجد حاوط وشي وهو بيبص في عيوني ـ مش عايز رد ... وجودك جنبي مكفيني مسكت أيده ـ أنا بحبك ـ لأ براحه كده يا اما هلغي الفرح واخطفك ـ الاه ... هو انا قلت حاجه غلط قلتها بضحك ـ لأ يا حبيبي بس مش كده لما نسافر طيب قولي اللي أنتِ عايزاه

ضحكت عليه وانا بمسك جاكيت بدلته بعدله وبعدها قربته مني ـ البدلة هتاخد منك حته ـ أنتِ عايزه تجيبي أجلي انهارده انا عارف بعدت عنه وانا بقول بدلع ـ بعد الشر عليك يا حبيبي ـ تعالي ننزل الله يسترك ... لأن كده كتير بجد مسك أيدي وانا حضنت دراعه ونزلنا وبجد الفرح والقاعه كان شكلها ولا العصر الفيكتوري بدأت المزيكا وبدأ كل واحد يرقص مع عروسته

ـ مش عارف بجد اعمل ايه من ساعت ما شوفتك اول مره وأنتِ مدمراني ولا عارف انام ولا عارف اظبط حالي ... حاسس اني بحلم ... لأنك بين ايديا قالها آريان ل لمياء وهما بيرقصوا أبتسمت ـ انا اللي الدنيا مش سايعاني ... لأن واخيرا اتجوزت حد بحبه وبيحبني حضنها ولف بيها وهي فضلت متمسكه بيه اما بقى عن ثنائي المجنون ـ وأخيراً وأخيراً اتجوزت ضحكت عليه عائشة ـ ده اللي هو ايه يعني ... أنت كنت عايز تتجوز اي حد وخلاص ولا ايه

غمزلها ـ لا يا جامد ... انا متجوزش اي حد وخلاص ضحكت وقربت منه ـ بحبك يا أيهومي ـ قلب أيهومك أنتِ ولف بيها وهو بيقولها ـ أيهم ما بيعشقش قدك كنت برقص انا و أوَاب و شوفناهم ابتسمت عليهم أتكلم أوَاب بغيظ ـ هروح واضربه علشان يعرف يحضن أختي كده مسكته من جاكيت البدله ـ سيبك منهم دلوقتي وركز معايا بص في عيوني ـ من عيوني يا جميل ضحكت ـ تعرف يا أوَاب بجد حاسه اني بعيش أجمل أيام حياتي ....

بص على العيله كلهم مبسوطين وانا جنبكوا مبسوطه ـ ربنا يديم انباسطك يا حبيبي ـ ربنا يديمكوا في حياتي ... وانا هفضل مبسوطة كده على طول ـ ويديمك في حياتي يا أغلى حاجه في حياتي شدته ليا وقلت بهمس ـ أنا بحبك ـ وأوَاب معرفش معنى كلمة الحب غير مع ڤوندا نور حياته