الفصل الرابع

عمي انا طالب ايد عائش و لو وافقت يبقى بكره الخطوبه إن شاء الله والخميس الجاي كتب الكتاب عائشة فضلت بصاله بصدمة وشكلها يضحك واونكل شريف مش عارف يقوله ايه اتكلم أوَاب بضيق وغيره واضحة ـ وليه الاستعجال ده يا أيهم يا حبيبي ده أنت لسه بتطلب أيدها يعني احنا موافقناش بصله أيهم باستفزاز ـ ولا استعجال ولا حاجه يا أوَاب أنت عارف اني بحب اختك بقالي فتره بس كنت مستني اكون نفسي بنفسي واكون جاهز من كل النواحي

عائشة شرقت من صراحته وازاي قال بحبك بكل بساطة كدا روحت اديتها كوب مياه اخدته وشربته واحنا كلنا بنبص عليها اتوترت وحاولت تبعد عينيها عننا ـ احم ... انا شبعت ..يعني ... انا هقوم اشرب شاي ... قصدي هقوم ... اعمل شاي ... يعني قهوه ..عن اذنكم قالت كده ومشيت من قدامنا لا مشيت ايه ده جريت ضحكت عليها وأيهم ابتسم مسكه أوَاب من ياقة القميص ـ اهو علشان بحبك دي مافيش جواز

بصتله بغيظ ـ وده ليه بقى هو غلط يعبر عن مشاعره هو بيحبها خلاص يتجاوزها بصلي بضيق ـ وهو مين اللي اخوها ... ومين اللي هيقرر بصتله بتحدي ـ هي اللي هتقرر وعلى فكره بقى هي كمان ماي سيستر بصلي أيهم بضحك ـ حبيبتي حبيبتي يعني اهو اول داعم ل علاقتنا اهو ابتسمت بعدها بصيت ل اونكل شريف ـ وحضرتك ايه رأيك يا اونكل ـ أنا مش هلاقي احسن من أيهم اكيد بس الرأي رأي عائشة ـ يبقى على بركة الله قالها أيهم وهو بيعدل قاعدته ضحكنا كلنا عليه

واتكلم اونكل أيمن ابو أيهم ـ مع أن الواد مأخدش رأينا بس طالما العروسه عائشة يبقى مافيش كلام ـ خلاص يبقى نسأل عائشة ولو كده الخطوبة بكره قالها جدو وانا بصيت على أوَاب اللي كان قاعد بيبصلي بغيظ ابتسمت وحسيت بنصر ... معرفش ليه بحب اضايقه بس هو كده بقى انا بفرح -خلصنا اكل وانا روحت ل عائشة في الاوضه بتعتها بعد ما عملت الآيس كوفي بالكراميل اللي بعشقه وعملتلها معايا خبط على الباب ودخلت بعد ما سمعت ردها

ـ الجميل قاعد لوحده سرحان ليه قلتها وانا بقرب منها وبقعد قدامها وبديلها الآيس كوفي ابتسمت واخدته مني ـ تسلم الايادي يا قمر ـ تسلمي قلتها بابتسامة ـ ها بقى قوليلي قاعده لوحدك ليه ـ بحاول استوعب الصدمة وبصراحة بقى مكسوفة اطلع من الاوضه واشوفه ضحكت ـ هو بصراحة بقى أنتِ مشوفتيش شكلك ده وشك كان احمرررر ـ خلاص بقى يا فيفي الواحد لوحده مكسوف ـ طب خلاص يا قلب فيفي ... المهم عايزين رأيك ـ في ايه!!؟ قالتها بغباء

ـ لا ده مافيش خالص ... يا بنتي وهو هيكون في ايه ... عايزين يعرفوا موافقة ولا لأ قامت على سرير وفضلت رايحه جايه قدامي وهي بتتكلم ـ بصي انا مش عارفه يعني انا في الأول فرحت اوي ... بس مش عارفه ليه حاسه بخوف يعني مش خوف متوترة اوي ... مش عارفه اقول قرار قمت وقفت وحاوطت كتفها بأيدي وانا ببصلها بحب ـ أنتِ بتحبي هزت راسها بمعني اه ـ يبقى خلاص ليه الخوف اتنهدت ـ مش عارفه

ـ بصي هو ده ممكن يكون طبيعي مش عارفه لأني متجوزتش قبل كده ف ممكن يكون عادي ـ تصدقي ممكن .... خلاص أنا هصلي صلاة استخاره وأشوف قلبي مرتاح ولا لأ ـ ايوه كده صح .... بس بسرعة ل احسن العريس على نار وبكره الخطوبة ف ياريت الرد بسرعة ـ أنا مش عارفه ليه السربعه دي يعني ما براحه كده ضحكت عليها وبعدين قعدنا نتكلم شويه وبعدها سبتها علشان تنام وانا كمان اروح انام -خرجت من اوضة عائشة وكنت رايحه اوضتي ،بس وقفني صوت بابا

بصتله و روحت حضنته..... بجد مش بشبع من حضنه حضني بحب خرجت من حضنه ـ نعم يا حبيبي ـ كنت عايز اتكلم معاكي في موضوع مهم اتوترت ممكن فعلا يكون أوَاب اتكلم معاه وعمل اللي قال عليه انتبهت له لما اتكلم تاني ـ بصي يا حبيبت بابا أنتِ عارفه أني بحبك ومستحيل اغصبك على حاجه صح هزيت رأسي بمعنى اه وانا في قمة التوتر ـ طيب وعلشان كده انا طالب منك أنك تتحجبي ـ اتحجب !!؟ قلتها باستغراب ـ اه يا فيفي ...

بصي يا حبيبتي انا راجل وطبيعي الراجل أنه يخاف ويغير على أهل بيته انا مش حابب شعرك الحلو ده يبان قدام حد عارف ان لبسك حلو ومحتشم بس احنا محتاجين يبقى حلو اكتر وصدقيني شكلك مش هيبقى وحش إطلاقاً أنتِ جربي كده البسي ومش هتعرفي تقلعي تاني فضلت بصاله من غير ما اتكلم حاوط كتفي ـ انا مش حابب حد يبصلك نظره مش كويسه يا بنتي وده المفروض أنتِ كمان تحسي ب ده انا عارف ان روسين كانت سايباكي على راحتك بس أنتِ خلاص كبرتي

ـ بس يا بابا ... ماما اتحجبت لما اتجوزت ـ ما هو علشان انا اللي طلبت منها وكانت رافضة في الأول بس بعد كده حبيته حتى بعد ما انفصلنا هي مقلعتهوش ولا ايه ـ ايوه صح معاك حق ـ طب هتعملي ايه بصتله بتفكير ـ ممكن تسيبني افكر طبطب على كتفي ـ ماشي يا حبيبتي -دخلت علشان انام بس فكرت في حاجه عائشة كانت قايلهالي صلاة قيام الليل قد ايه هي حلوه وبتريحك من جوه وقد ايه ثوابها عظيم كنت محتاجه ارتاح ومحتاجة اتكلم مع ربنا شويه

قمت اتوضيت ولبست الاسدال بصيت لنفسي في المرايا لقيت شكلي حلو ومحتشم روحت صليت وفضلت اعيط وانا بصلي واول ما سلمت حسيت براحه غريبه بتسكن في قلبي كنت محتاجه ارتاح كده إن شاء الله هاوظب عليها قمت شلت المصليه ورجعت بصيت تاني على نفسي اتنهدت وانا باخد قرار مافيهوش رجعه بإذن الله -صحيت تاني يوم الصبح اخدت دش ولبست الاسدال و روحت على اوضة عائشة خبط وهي فتحتلي بالاسدال برضو ضحكت وقلت ـ صباح الخير

ابتسمت باستغراب من شكلي ـ صباح النور دخلتني اتكلمت ـ بصي انا مش عارفه ابدأها منين بس قررت اتحجب اتصدمت وحضنتني ـ ايوه بقى كده يا حبيبتي.... مبارك يا حبيبتي ابتسمت من ردة فعلها وبدلتها الحضن بعدنا عن بعض ـ بصي انا كنت عايزه فستان وطرحه طويلة من عندك عقبال يعني ما اشتري وكده وهرجعهم تاني متخافيش ضربتني بخفة على كتفي ـ متقوليش كده فاهمه... قال ترجعيهم قال ده أنتِ اختي يا بت

ابتسمت وهي اتجهت ناحية الدولاب وطلعت لي فستان وطرحه بصيتلي ـ بصي دول كنت اشترتهم جديد وملبستهمش من نصيبك بقى ... اعتبريهم هديه مني على قرارك ابتسمت واخدتهم منها بوستها من خدها ـ تسلميلي يا قمر ـ طب روحي والبسيهم بقى عايزه اشوف شكلك ايه -روحت الاوضه بتاعتي ولبست الفستان وجيت اجرب الف الطرحة معرفتش لقيت حد بيخبط بعدين بيدخل كانت عائشة بصيتلي بحب وابتسامة ـ تصدقي يا بت مزة ضحكت ـ بصي مش عارفه ألفها اعمل ايه

ـ ولا يهمك ... انا اعملها لك بس كده ابتسمت وهي لفتها خلصت وبصيت لنفسي في المرايا ابتسمت كان شكلي حلو مش زي كنت متوقعه حضنتني من كتفي وهي بتبص معايا في المرايا ـ شكلك يجنن ابتسمت ـ تسلمي يا قمر ـ طب يلا بقى علشان هما مستنينا علشان الفطار ومستنين ردي ـ مع اني عارفه ردك .... بس عايزه اسمعه يلا نزلنا على السلّم وكنت شايفه أوَاب واقف في اخر السلّم نزلنا و اول ما نزلنا أوَاب لف وشافني و