الفصل الخامس

لف أوَاب وشافني ابتسم وحسيته اتصدم برضو ـ أنتِ بجد اتحجبتي ابتسمت على ابتسامته وهزيت رأسي اتكلم وهو عيونه في عيني ـ تعرفي أنك كده احلى بكتير مش هنكر أنك حلوه .... بس... كنتي حوريه من غيره بس بيه بقيتي أميره نزلت عيوني من عليه بكسوف اتكلمت عائشة ـ أحم أحم... عايزين نعدي يا سي أوَاب حمحم بإحراج واتكلم بضيق وهو بيبعد علشان نعدي ـ اتفضلي عدّي يا ست عائشة اتفضلي

كتمت ضحكتي وعديت من جنبه وانا بحاول اتحكم في الشعور اللي امتلكني فجأة ده ومش عارفه افسره قعدنا علشان ناكل بابا اتكلم وانا قاعده جنبه ـ متعرفيش الفرحة اللي حسيت بيها قد ايه لما شوفتك بيه .. بقيتي قمرين يا قمري حضنت أيده بحب ـ وأنت متعرفش كلامك بيفرحني قد ايه ربنا يديمك نعمه في حياتي يا بابي ـ ويديمك يا عيون بابي اتكلم أيهم ـ مُبارك الحجاب يا ڤوندا ـ الله يبارك فيك يا أيهم مرسي قلتها بابتسامة الكل باركولي على الحجاب

بعدها أتكلم اونكل شريف ـ عايزين رأيك يا عائشة علشان نعرف نعمل الخطوبة ولا نفكس ـ أنا بفكر نفكس يا بابا قالها أوَاب باستفزاز وهو بيبص ل أيهم ـ وأنا كمان بفكر في كده قالها اونكل شريف بضحك لحظت توتر عائشة ـ طب هو انتوا بتاخدوا رأيها ولا بتقولوا رأيكم قلتها ببعض الهزار اتكلم بابا بضحك ـ معاكي حق... جرا ايه يا شريف ما تسيب البت تقول رأيها كلنا بصينا على عائشة اللي توترها زاد اكتر اتكلمت ـ يعني ... عادي...

قصدي مافيش مشكله... يعني الرأي رأيكم قالت كده وكانت هتقوم بس سمعت أوَاب ـ خلاص واحنا مش موافقين يلا على بركة الله خلاص يا أيهم يا حبيبي روح شوفلك عروسة تانيه بقى ـ هو ايه ده اللي يشوفلوا عروسة عايزني ارتكب في جريمة ولا ايه... انا موافقة طبعاً قالت كده بعصبية من كلام أوَاب وسرعان ما استوعبت هي قالت ايه حطيت ايدها على بوقها بصدمة وهي بتبرق جريت من قدامنا ضحكنا عليها انا وطنط خديجه وطنط إسراء

ابتسم أيهم وبص على أوَاب باستفزاز ـ كل يا أوَاب يا حبيبي علشان محتاج تتغذى علشان ورانا تجهيزات قد كده بصله أوَاب بضيق وهو عايز يقوم يموتوا من حركاته دي -ـ هما اتأخروا ليه كده مش هنلحق نجيب حاجه ومش هنلحق لتجهيزات قالتها عائشة كنا قاعدين في الصالون مستنين بابي واونكل شريف وطنط إسراء وخديجة وأوَاب وأيهم وبنت عمتو لمياء علشان هنروح نجيب الفساتين الخطوبة والبدل

أيهم كان مجهز الشبكة ودبل وكان حاجزهم عند الراجل بس قال إن لو عائشة محتاجه حاجه تانيه أو مش عاجبها زوقه ف تغير اللي هي عايزاه بصتلها بضحك ـ هو مش هما اللي اتأخروا الساعه لسه 11 الضهر ..هو أنتِ اللي مستعجلة اوي يا عائش بصتلي بغيظ ـ هو أنتِ بتتريقي عليا ـ مقدرش يا قمر والله قلتها بضحك قعدت جنبي وهي عماله تهز في رجليها ـ عائشة بلييز بس... أنتِ كده بتوتريني بجد ـ أووووف بقى ماهو ماحدش حاسس بالتوتر اللي حاسه بيه ...

ماهو دي اول مره اتجوز يعني معنديش خبره يعني ضحكت وحطيت ايدي على كتفها وانا بحاول اطمنها ـ اهدي كده وخدي نفس عميق ... مافيش حاجه مستدعيه انك تتوتري ... هتتجوزي شخص بتحبي وبيحبك ..وكل حاجه هاتمشي كويس إن شاء الله ابتسمت وحضنتني ـ بجد شكراً إنك موجوده يا فيفي بجد ـ ديما يا حبيبتي وف اي وقت خرجت من حضني ـ المهم نخلينا فيكي شويه عقبال ما يجهزوا استغربت ـ ازاي يعني مش فاهمه

ـ اقصد يعني ازاي قرارك في الحجاب عجب سي أوَاب اوي وازاي فضل يتغزل فيكي وازاي كمان كنتي هتموتي من كسوفك قدامه لدرجة أن ضربات قلبك كانت مسموعه وانا جنبك ـ أنتِ بتتكلمي بجد ..... هو فعلاً دقات قلبي كانت مسموعه قلتها بسرعه وتوتر من الموقف اللي اتحطيت فيه ـ يعني هو ده اللي سمعتيه من كل اللي قولته بجد يا ڤوندا ـ و هو أنتِ عايزاني اركز في ايه من اللي قولتي يا عائشة ـ في أوَاب مثلاً قالتها بابتسامة لعوبه

ـ وأنتِ بقى عايزاني افكر في أوَاب ليه يا ست عائش قلتها بضيق ـ يمكن علشان القلب بدق يدق بصتلها وانا مش عارفه ارد ماهو انا حاسه بحاجه فعلاً قمت من جنبها وفضلت رايحه جايه وانا بتكلم بتوتر ـ لأ هو الحكايه مش كده ... الفكره بس اني ممكن اكون اعجبت بغيرته وأنه غيور اوي على أهل بيته وده خلاني اشوفه راجل اوي و.... ـ و..... قالتها وهي بتقف جنبي وبتبسم ـ و بس قلتها بضيق وغيظ ضحكت ـ يعني مافيش حاجه هنا

قالت كده وهي بتشاور على قلبي ـ لأ مافيش ـ ڤوندا !! قالها أيهم وهو بيناديني ـ أيوه يا أوَاب حطيت عائشة أيدها على بوقها وهي بتبصلي ومتفجأه وبتضحك وهي بتهز في رأسها بصتلها وانا بتدارك الموقف ـ زلت لسان عادي كنا بنتكلم عليه .. علشان كده جت زلت لسان مش اكتر ضحكت وانا بصتلها بغيظ قرب أيهم علينا ـ ڤوندا بصله ـ ايوه يا أوَا.... احم ..قصدي أيهم ضحكت عائشة مره تانيه بصلها أيهم باستغراب وانا بصتلها وانا ببرق رجع بصلي تاني

انتبهت له ـ كنت عايز أسألك أنتِ خريجة ايه ـ ليه !؟ اتكلم بابتسامة ـ مافيش بس كنت بسأل عمي قالي أنه ميعرفش كنا بنفكر تشتغلي معانا واهو هننزل كلنا بعد الخطوبة علشان خلاص اجازه العيد خلصت ومكانش عايزين نسيبك لوحدك ابتسمت بحماس ـ فنون جميلة ـ طب كويس زي الفُل يبقى هنهريكي شغل لحد ما طلعي احسن التصاميم اللي عندك ضحكت ـ على قلبي زي العسل معنديش مانع ضحك ولقينا أوَاب بيقرب مننا بصيتله بتوتر

مش عارفه ليه من ساعت ما شافني بالحجاب والكلام اللي قاله وانا حاسه بحاجه غريبه إتجاهُ وبقيت بتوتر من وجوده معانا في نفس المكان وفي نفس الوقت مش ببقى عايزاه يمشي أو يبعد لاني بقيت احس بفراغ انا مابقتش عارف انا حاسه ب ايه بجد اتكلم ـ يلا علشان احنا هنروح بعربيتي ـ وانا هاجي معاكوا قلتها وانا ببصله بصلي وانا اتوترت ـ اه هتيجي عمي قالي كده هزيت رأسي وبعدت عيني من عليه -اتحركنا وروحنا الاتليه الاول

ـ يا جماعه بقى أنت وهو ايه مشكلتكم مع الفستان ده ما زي الفل و واسع اهو اتكلم أيهم ـ لونه ملفت ـ ملفت ايه بس يا أيهم ده لونه بيج غامق قالتها عائشة بعصبية ـ ولو برضو ملفت اتكلمت انا وانا لسه منقتش الفستان ولسه بدور على حاجه ـ يعني عايزها تلبس ايه بس أيهم في خطوبتها..... اسود ! ـ اهو... يسلملي بقك يا فيفي اتكلم أوَاب ـ خلاص هاتيه ماهو مافيش غيره و اهو ارحم من البينك بصتله بابتسامة ـ وأخيراً

اتكلم أيهم بغيظ ـ لحظه بس هو مين العريس ومين اللي هيتجوزك ..ومين اللي المفروض تسمعي كلامه قرب عليه أوَاب بطريقة تضحك ـ أفندم ... أنت عارف اني ممكن الغي كل ده رفع أيهم أيده لفوق ك علامة استسلام ـ خلاص يا ابو الاوابين منقصدش بصله أوَاب بقرف ـ نديني بإسمي بطل المسميات الهبله دي ـ من عيوني يا أوَاب يا حبيبي بعد عنه واتكلم بصوت يكاد يكون مسموع ـ أستنى أنت عليا بس اكتب كتابي ونطلع عليك القديم والجديد ضحكنا عليه انا و عائشة

وأوَاب بصله بضيق فضلت ادور على فستان لحد ما لقيت فستان واسع حلو ولونه برجندي طبعاً طبعاً أوَاب كان رافض ده وبعد محيلات كتيره ومعرفش انا بجد ليه بتحايل عليه وهو ماله بس يلا علشان ميقلبش والواحد مش ناقص قلنا نروح نشوف البدل عقبال ما بابي والباقي يجوا اتأخروا شويه بسبب الطريق كنا لسه هنخرج من الاتليه بس شوفناهم داخلين علينا واول ما دخلوا قربت لمياء من أوَاب بضيق وعصبية وقالت