رواية للخُلة رأي اخر الفصل الثالث والعشرون 23 - بقلم اورجانزا الطائي

قصة #للخُلة_رأي_اخر
البارت؛ ١٨
بقلمي: اورجانزا الطائي
.
.
.
.
.
.
.
.
.
.
.
.
.
.
.
. شافني  ابتسم  وتفل بالكاع لعبت نفسي.

تقرب علية گال
_ اضاعفلك الاجر على اليلة..
مشيت خطوتين رجع وراي هم تلمس خلفي..

التفتت علية ضربتة برگبتي بين رجلية.

صاح ودفعني  ماوگعت   اجو الي وياه  بهل وقت  طلع اسلام   حط الاغراض بالسيارة  وخزرني.

ماهتميتلة  حجة ويه اصدقاء الحكم   راحو على صفحة شو مااحس غير اسلام واكع بالكاع..

وهمة صعدو لسيارة وراحو..

رحتلة اركض  نصدمت بالدم الي يسيل من بطنة.

بلعت ريگي نزلن دموعي بسببي الي صار..

اخذت جهازة اول رقم صار كدامي صديقة مؤتمن..

اتصلت علية مارد مكالمتين والثالثة رد علية كمت وگفت قبل لايحجي حجيت
_مؤتمن الحگني إسلام ضربو وفاااقد الووعي

مؤتمن: ليش وين انتم هسة وشلون قتلو؟؟!
وحدة وحدة بان.

_تعال واسولفلك  ماعرف شسوي فدوةة

مؤتمن: اجيت اجيت بس وين انتم؟!

_يم ماركت  الي ورة البناية.

مؤتمن: ابقي وياي على الخط حاولي تضغطين على الجرح..

اريد فد شي اخلي على الجرح ماعندي..

دنكت علية  صار كدامي  نفس الشال صوف  رجالي جريتة من رگبتة  حطيتها على الجرح..

حجيت وية مؤتمن
_هسة شسوي؟!!

؛؛ حاولي ماتخلينة يغمض عيونه او ينام، لان مو بصالحنة..

همست بخفوت، ايي

ضربت على خدة  واحجي
_ إسلام تسمعن فلوسه واربع مدافعين من عنده ي اگعد..

ثواني وگفت  سيارة  مؤتمن سد الخط  واجة
 

حط ايدة  جوة رگبته گال
_ رجعي للبيت واني اخذه...

_لا مؤتمن  اروح وياه

شالة بالگوة صد علية گال
_ ماكو لا امشي كدامي لشقتي لعد حتى بطريقي.

رديت برفض قاطع
_مؤتمن گلت اروح يعني ارووح  ان رضيت او رفضت فلا تحاول.

هز راسة گال
_راسج يابس گلتلج  ما احتاجج..

زفرت نفس حجيت
_ماسألتك اذا توافق ردتك تجي وياي لا اكثر.
وراسي اليابس عاجبة لزوجي.

صعدة ورة   كعدت يمه راسة بحضني..

كمش ايدي  ركز بعيوني يفتح حلگة وعيونة  ويرتفع صدرة..

يضغط على ايدي بقوة حسيت العظم طك..

مؤتمن يسوق السيارة بسرعة  والطريق كله يتصل  اخر اتصال حسب ماعرفته دكتور گال
؛ حضر روحك باز  محتاج عملية متعرض لطعن.

واردف
؛  اي دكتور الملاكم باز  هسة بالطريق راح اوصل.

؛ اي اي احسن دز الموقع

؛ هاا يعني مامغير  ها هية بس دز الموقع للتأكيد.

؛ هلو.

سد الجهاز گال
_بان شلون  تعرضولة!!

دنكت صارت عيني بعين اسلام  رمش هز راسة باانفاس منقطعه وضغط على ايدي بقوة.

  بلعت ريكي وايئمت الة حجيت
_ إسلام يسولفلك.

غير الموضوع گال
_لاتخلينة يفقد.

مر وقت وگف السيارة نزل مؤتمن وفتح الباب  ينزل  إسلام.

نزلت وياه حجيت
_مؤتمن وين جايبة يمعود  غير تودينه للمستشفى؟!

ماهتم لكلامي گال
_انت تعرفين شئ واني اعرف شئ  باز مايقبل.

رديت علية بعصبية
_شبيك انت مؤتمن ندمتني لان حجيت وياك  غير  تودينه للمستشفى!!!

ماهتم واخذ إسلام  لداخل بناية  ضغط على  دكمة بيها  رقم ١٠ ثواني معدودة  طلعو مجموعة شباب.

صديت  على اسلام بخوف حجيت
_ وين جايبنة مؤتمن!!

اشر للشباب گال
_يونسف وينة؟!

رد علية واحد
_داخل ينتضركم.

گلبي يدك بخوف  بلعت ريگي  حجيت بگلبي
بس لا عصابات يشتغل اسلام..

مشى مؤتمن والشباب ساعدو ودو لغرفة رحت وراهم واضح انو غرفة عمليات؛!

حطو على سدية حجة واحد حاط كمامة على  وجهه ولابس ملابس عمليات.

_ مؤتمن.

صديت على مؤتمن هز راسة  گال
_يالة بان.

رديت بقلق
_وين!!

سحب نفس كمش راسة گال
_بداعة باز عليج لاكل شئ احجي  تردين بسؤال امشي وانت ساكتة

_ليش اثق بيك لهل درجة!! حتى اسلمك كل شئ غير اعرف شتسوي لو هية مهزلة ولعب؟!

  عقد حواجبة گال
_لله يصبر باز بس هذه اگولها، وامشي كدامي لاتخليني اوديج للبيت.

رفعت حاجبي حجيت
_مو هية هيتة  ماطلع منا رجلي على رجل اسل..

قاطعني و رد باانفعال
_ابقي  ابقي يم بااااز.

طلع   والرجال  اخذ مكص كص تيشيرت إسلام  من النص.

شكل بيده كانونة  وضرب ابرة بالوريد.

اخذ مكص ماعرف شنو بي كطن يمسح.

نضف دائر مدائر الجرح من الدم  اخذ محلول برتقالي لونه حط على الجرح.

اشوف اسلام شلون ضغط على جسمة  بحيث عاقد حواجبة  وعضلاته مضغوطة.

لعبت نفسي بحيث ماگدرت ابقى واكفة   بسرعه ابتعدت لان الجرح كلش جبير  مو مال سجينة..

طلعت صار كدامي مؤتمن يفتر.
شافني کال
_هاا شكو؟!

هزيت راسي كعدت بالكاع.
تقدم علية كعد كدامي ببعد خطوات گال

_شبيج ليش وجهج اصفر!؟

بالگوة حجيت
_ماببية..

زفر نفس وتنهد گال
_مابعد شئ ويطلع سلامات وموجديدة على باز يطلع ويرجع.

بلعت ريگي حجيت
_تعرف انت بهذه كلامك تخوفني بدل ماتطمئني  صرت مااعرف زوجي منو خاصتة بعد جيتي اليوم لبيتك..

تلمس خشمة گال
_اطمئني وحطي رجليج بمي بارد ماكو شئ من ناحيتي..

_لعد اكو من ناحية اسلام! 

غمض عيونه گال
_تعرفين شئ بان!

_شنو؟؟

حضن ادينه گال
_انتِ مملة ولحوحة ومستفزة لله يساعد گلبة شلون عايش وياج واني جنت مغشوش من اشوفج نقية وعلى نياتج بس طلع صديقي الي على نياته.

صديت علية بستهزاء حجيت
_ زين من عرفت ولعلمك لا قدم ولا اخر كلامك اتمنة تبعد عني لان كلش زين تعرف مااختلط بااحد غير زوجي.

هز راسة وابتعد.
نوب عايزني مؤتمن يگعد يتفلسف براسي  والله يالله

مر وقت طويل  طلع هه الي اسمه يونسف مدري يوسف..

وكف يم مؤتمن صد علية گال
_نجحت عمليتة،  وهسة اخذ للبيت يرتاح.

هز راسة مؤتمن  دخلت اريد اشوفه.
وكفت يمة واضح صاحي منايم لان يون بصوت واضح..

كمشت ايدة   تمسك بيها بخفة عكس مساعه ضب عليها.

دخل مؤتمن شافة گال
_ ابتعدي راح ناخذه..

رديت بسرعة
_ويننن

زفر گال
_لبيتكم.

ابتعدت عنة اجة مؤتمن ويونسف  شالو  اخذو للسيارة صعدو ورة.

كعدت يمه حاطة راسة على رجلية.
رجعنة مؤتمن للبيت.

طلعت اريد اسد الباب التفت گال
_ بان تقريباً نص ساعة يسترجع الوعي  مو تنسين ماتنطي الدوة وباجر امر اجيب البقية الي عندج بس مهدئ.

_اوك تعبتك.

ابتسم وهز راسة گال
_لعلمج باز اخوي الي مو ابن امي لاتتوقعين بس صديق وكفلي بااوقات اخوي تخلة عني.

تحمحم رفع ايدة سلم وطلع.
سديت لباب رجعت للغرفة  لگيتة صاحي وواضح علية الالم..

ابتسمت حجيت
_لو انت قوي ومااثر بيك البنج لو صديقك الصدوق شاخط اختار وحدة.

هز راسة گال
_راسي يوجعني كافي لغوة.

تخوصرت حجيت
_بشرفككك انت مريض لولا شو تتأمر فوك ما مقهورة عليك يعني؟؟!!

غمض عيونه بدون مايحجي.
غميت روحي حجيت بگلبي
-هو يطيح حضي ويحجي علية عادي استقبل بس هو مايحاجيني  اتخبل يووو شبيج تخبلتي

كرصت ايدي  طلعت من غرفتة.

رحت سبحت لبست الروب لفيتة وطلعت للصالة
مددت ضهري موتني ونعسانة.

مااحس غير نايمة.
مر وقت حسيت على صوت طكطكة.

التفتت على مكان الصوت اسلام واكف وموكع حوض سمك فارغ خالينه شكل.

تقدمت عليه كمشت ايده حجيت
_وين تريد تروح!؟

نتر ايدي غمض عيونه بقوة وصاح بية.
_رحمة ل الله  عوفيني اني اتصرف لاتدخلين ولا تلحين تعبتتت.

رفعت حواجبي حجيت
_اني الح واتدخل بيك!!

ما رد علية  هزيت راسي رحت للمطبخ طلعت مكناسة ومكرافة رجعت اله شمرتهن يم رجلية حجيت

_هذه هو يا زوووجي بعد مالي دخل بيك والي تكسرة تسوي بيدك اوك وهسة اكنس هل تطشر لان انت ماتحب لفوضى عود.

راد يحجي عفتة ورجعت للصالة مددت  ثواني صاح

_بان شيلي الكزاز لاتتخبلين وياي.

اسمع صوت تدردم بس ممفهوم.

رغم بالي يمة وقلقانة  بس كافي هواي نزلت روحي على مودة.

مر وقت ندكت الباب طلعت من كدامة وصلت قريب لباب صاح.

_ تعااااي لاتكفريني فوك ما مطيوح ابو الحظ من وراج.

رجعت حجيت
_شكوو يالكافر الي ماتهتمون ل الله فوك كل هذه منطيك عيشة يمكن غيرك يتمناها وانت تكفر واحتمال الشغل او الزوجه او الام..

قاطعني گال
_عمي انت همج الزوجه واني اكلج محد يلفيج غير الكو**الي مخليني اخليج كدام عيني.

_تصرفاتك تكرهني بيك للعلم.

هز راسة گال
_خوش ويالة يا هانم روحي بدلي مو طلعه للولد هيج.

هزيت ايدي ودخلت للغرفة اعصابي تلفت ويگلولي تعودي عليه من طيح الله حظ الي زوجني الة..

ثواني صفنت على روحي هو منو زوجنتي غير بابا شبج تخبلتي!؟

اخذت ملابس بدلت وطلعت  بس واحد يحجي اصرخ بوجهه وابو النكد موجود.

صار كدامي كاعد بالصالة وية اسلام يسولفون شافني گال
_هلا بخيتي شلون. الصحة..

ىفعت حاجبي حجيت.
_لعد البارحه ابوي من الناصرية يگلي

_لعد  شگد لحوحة ومستفزة لله يساعد گلبة شلون عايش وياج واني جنت مغشوش من اشوفج نقية وعلى نياتج بس طلع صديقي الي على نياته.

صد علية اسلام گال
_ليش ايش سبب  هل ادخل الغير منطقي!؟

ابتسم  مؤتمن گال
_ لان مريض.

عقد حواجبة گال
_مؤتمن انت صديقي واخوي الي مالة ثني وهي صديقتي وبنت عمي و زوجتي الي مالها بديل لو بكنوز الدنيا واذا صدك تهتم لخوتنة لاتندك بيها لان ماتوقع اسكت.

ابتسمت لكلامه عفته ودخلت لغرفتي.

ومشت الايام على هل منوال مايقبل اسوي اي شئ اله ومبتعد عني، رفعنة قضية على الحكم بمساعدة مؤتمن والقو علية القبض.

اليوم  راح فتح خياطاتة.
رجع مصحصح بحيث اول مادخل تعارك وياي.

كاعدة بالمطبخ اكل دخل عصبي  شمر السويج على الميز گال

_شوكت ناوية تداومين!!

صديت علية حجيت
_ منو يوديني!؟

عصر راسة گال
_الكو**الي كاعده يمه ليش ماتگليله؟؟

تلمست حنجي حجيت
_مو مريض انت

رفع راسة گال
_ياصبرك صبر ايووب، ولج يابة هذة دراستج مستقبلج والله خبلتيني.

_شبيك يا اسلام

_بان مستقبلج هذه والله العظيم سطرتيني.

ركزت بعيونة رغم التعب الي بيهن بس واضكة العصبية..
ماتحملت نزلن دموعي گمت بسرعة عفت الاكل.

رحت لغرفتي  مددت وتغطيت.
دموعي تنزل بهدوء.

ثواني حسيت بالباب نفتح سمعت صوتة
_خُلوتي

ابتسمت لمجرد سمعتها رغم ماعرف معناها..

كعد يمي واردف بهدوء
_مستقبلج اهم من حياتي بالنسبة الي اليوم اني يمج باجر مو يمج والدنيا مو امان والبنية مالها غير شهادتها..

رغم كلامة صح بس اني من ما داومت لان هو مو مال اعوفة رغم ما مسويتلة شئ.

وخر الغطة گال
_يالة يماي عيوني عيوني كافي بجي  مو زروف الجفجير بعد ما ينشافن لله وكيلج...

وخرت الغطة حجيت بعصبية
_والله كرهتني بعيووونييي يعني اكو من يتمناهن وانت تحجي عليهن ياعيوني اسمهن عيــون الريـم مو زروف جفجيرر.

باوعلي صفح گال
_عيون الجفجير مشاكستي.

هزيت  راسي والتفتت.

احتضني من خصري گال
_  خُلوتي،  ماي عيني الزعلان شلونه اليوم..

هزيت كتفي حجيت
_ وخرر  ابو خلوتي..

ضحك بصوت گال
_شبيج يماي العيــن تخبلتي عليـة.

_ها شنووو نوب تخبلتتت  شبيكك يا اسلام.

ضحك گال
_خُلوتي مشاكستي ماي عيوني يحلو بس جاوب.

صديت علية صار وجهي قريب علية حجيت
_گلي شنو معنى خُلوتي؟!  وليش تگلي مشاكستي؟!

ابتسم باس خشمي گال
_ مشاكستي لان انتِ وكيحة وجريئة بس بعقل و شفتج من رجعت من الحفلة متأخر تلكمين بالكيس بسرعة اجة بالبي مشاكسة..

وانما الخلُوة او الخُلة
هو توحيد المحبة ووضع المحبوب  بمكان مطلق غير قابل بالمشاركة ومن وقع بالخُلوة من بعد عذاب وشقاء اصبح الية كل شئ.

صفنت بوجهه حجيت
_وليش تنادين  بالخُلة  معقولة وصلت لهل مرحلة؟؟؟؛

  قلص عيونه گال
_لو ما اتأكد مااحجي.

بلعت ريگي حجيت
_منو يگول؟

قرب وجهه اكثر  باس عيوني همس
_وعبرت الخُلة وداعتج..

_بس مااحس..

قاطعني گال
_بعدي كل استفهام ببالج  فكري ب اسلام وبان..

بلعت ريگي حجيت
_إسلام

_ماي عينة واهله..

  غمضت عيوني براحه وحجيت
_اني أ..  يتبع 🖤

_توقعاتكم للبارت القادم.

وسبب تاخري بالبارت اخذت الجرعه الاولى من لقاح كوفيد 19.