رواية للخُلة رأي اخر الفصل الثاني والعشرون 22 - بقلم اورجانزا الطائي

تفاعلو على الفقرات..

قراءة ممتعة.

قصة للخُلة رأي آخر
البارت؛ ١٧
بقلمي؛ اورجانزا الطائي
.
.
.
.
.
.
.
.
.
.
.
.
.
.
لحضات وسمعت صوتة   شهگت وضحكت گمت بسرعة  ردت اطلع صار گدامي حضنتة وابجي.

باس راسي گال والله الة اكسرهم نفس ما كسرو بيج..

اخذني من ايدي وطلعنة من لبيت اجت ورانة بيارق فتح لباب صعدت.

شاف بيارق گال
_بيارق لهنا وخلص كلمن بطريقة..

صعد بالسيارة ساق  مسافة قريبة وكف..

اخذ جهازة اتصل..

ثواني گال

_ عوفو الهلا، بنتكم الكم ماريدها  تعالو اخذوها  ومؤتمن حسابة يمي.

سد الجهاز شمره    حط راسة على الستيرن..

اقل لربع ساعة  سمعت صوت شخط سيارة.
صارت عيني بالمراية شفت خالد نزل  دك الباب

صديت على آصف  تنهد وشغل السيارة..

الطريق كلة حاطة راسي على الجامة  ودموعي تنزل..

الف سؤال ببالي بس ماعندي الهن جواب..

احس راسي راح ينفجر من الالم.
ارتاكيت على الكشن وزدت بالبجي..

تنهد بدون مايحجي شئ.
وكف السيارة نزل فتح لباب مد ايدي گال
_ ليش هل گد ضعيفة  لاتسوين هيج خيولي هو الخسر.

ستهضمن  كمشت ايدة ونزلت.

تفاجئت صديت علية حجيت

_ بيتنة مو باعة ابوية.

ابتسم گال
_بس البيت بيتي واني مخلي بااسمج انتِ وبيارق..

نهه كلامه بتنهيدة..

ركزت بوجهه اريد اعرف ليش هيج سوة؟!

اخذ بيدي وفتح الباب دخلنة للبيت.

كعدت بااصالة  وهو واكف جرني من ايدي گال
_ گومي سبحي  ونامي يالة..

حضنتة حجيت
_والله مابية حيل اريد انام..

بتعدت عنه وكعدت.

ضحك گال
_شگد مايعة انتِ گومي ولج مو هيج اعرفج..

هزيت راسي گمت وكفت حجيت
_بس اني هيج..

عفتة ومشيت بخطوات بطيئة للحمام  بعدها تذكرت ماعندي ملابس  التفتت عليه حجيت
_زين والملابس؟!

زفر نفس گال
_تلبسين من بياق؟!

_اي عادي.

دخل للغرفة  ماطول وطلع.

انطاني تراك گال
_هاج هذة لبسي  بين ما باجر اخذج اشتريلج.

اخذتة ورحت للحمام نزعت البدلة بالگوة
شمرتها بالگاع  وسبحت..

غمضت عيوني تذكرت بااخر فترة شلون يحاول يغير شخصيتي..

بلعت ريگي  شهگت..

ماتحملت رجلية فد مرة  وكعت بالگاع..

اشاهگ وابجي اريد اطلع الهم الي بگلبي..

من وعيت ولحد هذه اليوم  احس بروحي نقص.
كل ماافكر اگول

ليش أبوية مايحبني؟!
ليش مذمومة بالبيت؟!
ليش ما حسيت بالطفولة
ليش مالگيت الام او الاخت الي تعلمني وتگلي اكو شغلات مايصير نتنازل عنهن قبل الوقت المحدد..

ليش مالگيت الام الي تاخذني لحضنها تخفف على الي صار...

مسحت دموعي وگمت وكفت  كملت سبح وطلعت.
لگيت الباب مردود مال الگلدور.

طلعت  برة بالحديقة الجو حلو.
تمشيت شوي وصلت يم آصف گاعد على الثيلة ويدخن..

كعدت يمة   حجيت
_شگد مدخن ماتگلي ترى حرام عليك هيج تأذي نفسك..

تنهد واخذ نفس  من الجگارة طلعة من خشمة گال
_شيصبر الروح ياريمي، تراه  الگلب مشتاك وملچوم من الي ساكنين بي.

دمعن عيوني على بحة صوتة..

باوعلي صفح  هز راسة سحبني لحضنة همس بحنان.
_ لاتبجين حبيبتي  هو الخسر مو انتِ..

غمضت عيوني ومددت حطيت راسي على رجلة..

غرس اصابعة بشعري گال

_باردة عليج هنا روحي نامي وتغطي زين حتى تدفين  فرشتلج بغرفتج القديمة...

هز يت راسي وحجيت.
_لامااريد..

_يعمودة دنيا ثلج..

غمضت عيوني غلبني النعاس نمت..
حسيت على آصف يگعدني.

فركت عيوني و گمت  دخلنة للبيت  تغطيت نمت..

صادف اليوم عيد الحب دخلت على الانستا لگيت بيارق ناشرة منشور

؛ كم هي مؤلمة تلك الساعات التي أحتاجك فيها ولا أجدك، وأبحث عن صوتك فلا أسمعه، وأرغب في الاتكاء على كتفك في مثل هذا اليوم فلا ألقاك..

وبالنهاية كاتبة:  عفت عيد الحب لليحبون من صدگ مو بس يحجي بدون فعل.

صديت على آصف حجيت
_اليوم عيد الحب تدري؟!

حجة بعدم اهتمام
_اي واذا  يوم نفس باقي الايام..

رفعت حاجبي حجيت
_شفت شنو ناشرة بيارق.

صد علية گال
_  عايفة عيد الحب  لليحبون من صدگ مو بس يحجي بدون فعل.

_اليوم مناسب حتى تعتذر منها وتصالحها..

ترك جهازه گال
_عقلج بي شئ انتِ معقولة على نياتج؟!
ولج بابا اخوها قبل ايام قليلة عافج بيوم  عرسج كدام الناس كلها وجايتني هيج تحجين!؟

  بلعت ريگي حجيت
_ليش تحاسبها على ذنب اخوها!!

_سكتي عني ريمي.

عافني وگام وصل للباب حجيت
_ لنفترض صار العكس وبدل ما مؤمن عافني انت عفت بيارق  معقولة يصير نفس الشئ!؟

ليش هيج آصف ترى انت اوعة من هل شئ  واعترف لنفسك الي سويته غلط لان هي تحبك وانت تحبها وحرام هيج ينتهي حبكم بعد ماتوجتو بالزواج..

بس اگلك تذكر شگد جنت تخطبها ويرفضوك  وكم مرة حجيت ويه ابوها  وتذكر من جنتو تحضرون لزواجكم شلون فرحانين..

وبيارق صارت الي صديقة واخت يااصف..

لاتسوي هيج وتعاقبها بذنب غيرها لان حرام تضلم گلبك  وگلبها..

شوف رغم الي صار وياي بس بيارق مالها دخل وحسب الي دااشوفه وياك انت ماتحبها لو تحبها من صدك ماتعوفها وتحاسبها على ذنب غيرها واتمنة بيوم الي ترجعها الك كون تعذبك ياله لان ماتستاهل وغبية اذا رجعتلك..

ركع الباب گال
_شوفي الفرق بينه اني اسوي لمصلحتج وانت شنووو تردين بس تحجين على آصف من الله اخذه وخلصكم منه.

والله والله لو مامسوي هيج جان انتِ من الناسس حجيتي وگلتي فضل روحه واخوها كسرني.

ولج افضل ابعدها عنيي ولا اذيه  ولج ريمي ماتعرفين النار الي بگلبي  سكتي وفگي ياخه عني..

لو شما اسويكم يبقى آصف  موزين وبس تردولة زله حتى تحجووزن علية.

مرت الايام و الاشهر..

واني مبتعدة عن آصف او بالاحرى متجنبة عصبيته..

بيارق دائما تتصل بية وعرفت خالو والدها صايبته جلطة  بيوم الي رجعت و هية حامل صار الها تسع اشهر.

وماتقبل تنطي علم ل آصف بحملها ماعرف شنو تنتضر..

گعدت المغرب  راسي يوجعني وبالي يم بيارق لان مختفية الها  10ايام...

اتصلت عليها هم ماردت علية  بهل اثناء   دخل آصف للبيت شافني ابتسم گال
_شعجب اليوم منورتني و كاعدة  تنتضريني.

مطيت جسمي حجيت
_ شبعت نوم  وكعدت.

كرصني من خدي  تنهد وابتسم گال
_  نوم العافية حبيبتي، يالة تجين نطلع برة نتعشة؟!

هزيت راسي حجيت
_اي اروح لان جوعانة..

_يالة لعد بين مااسبح حضري روحج.

راح للحمام يسبح  واني صعدت بدلت ونزلت.

كعدت انتضرة وهو بعده بالحمام.
اقل الربع ساعة  طلع من الغرفة واني عبالي بالحمام.

مد ايدة گال
_يالة گومي كملت.

كمشت ايده وطلعنة اخذنة لمطعم  نزل الاكل اكلنة  كملنة اكل ورجعنة بالطريق دگ جهازي.

فتحت خط مبتسمة حجيت
_هلو حبيبتي شلونج؟!

_ريمييييييي لحگونييي بابا ماااتتتتتت ومحددد يميي..

شهكت حجيت
_ وخالة وينن وانتِ هسة وين احجي.

ردت بصوت يشاهگ
_ امي مو يمي محد يميي  واني بالمستشفى  وحدي وية ابن عمي. فدوة تعالي..

صديت على آصف الي مركز وياي  حجيت
_آصف  بيارق ابوها ماتتت..

وگف السيارة  گال
_ شوككتت ومنو وياج؟!

نطيته الجهاز حجيت
_بيارق.

اخذة مني حجة  وشمرة علية گال
_ انعل ساعة الي حبيتج بيها..

_شبيك آصف.

رد علية بعصبية
_الحقيرة تسدة بوجهي..

  ضحكت حجيت
_والله عفية

خزرني گال
_سااس الخبث والحقد انتن تعرفين لولاااا

ضحكت حجيت
_ليش هيج يا اخوية حبيبي

ضرب الستيرن بيدة گال
_سكتي ريمي..

مرت وقت ووصلنة الناصرية وللحظ مانعرف اسم المستشفى اتصلت عليها  اخذت العنوان.

گلت ل اصف  زاد عصبية وصياح
_وهي شصخم بالمستشفى  لحد الان اخوانها وينن ابوهاا امها..

التفتت عليه حجيت
_شبيك آصف هية غير ابوها الميت.

ضرب على راسة واخذ جگارة  گال
_هو بقة عقل عندي من وراها..

اباوع علية شلون محترك دمة ويحجي بعصبية وواضح  علية يحبها..

وصلنة للمستشفى   دخلنة  صار كدامنه ابن عمها يريد يطلع  حجة وياه آصف اخذنه لبيارق  بس الولد ولا رفع راسة بوجنه.

دخلنة للغرفة  سوية  لگيتها تفتر بالغرفة وبطنها كلش جبيرة..

التفتت على آصف  واكف فاتح حلگة وعيونه بصدمة..

شافتني   اجت حضنتني وتبجي.

كعدتها على السدية  كامشة ايدي  وتشاهگ تريد خالد..

ماتحملت بجيت وياها..

صديت على آصف عيونة تلمع مدري مدمعة.

دخلت الدكتورة  شافتنة گالت
_ليش مخليها تگعد  عدها اعرض الولادة لازم تمشي شوي.

صديت عليها حجيت
_بس تعبت..

_ما يهم ماماتي وكفيها وخل تمشي شوي بين ماتصير ربع ساعة حتى افحصها..

هزيت راسي حجيت
_تكدرين تگومين لو اگومج..

_اگدر اگوم وحدي..

ابتعدت عنها  شگد حاولت تگوم بس ماگدرت ردت اگومها سبقني آصف گومها  صدت عنة وزدات بالبجي..

حسيت بيها تعاتبة..
حقدت على روحي لان اني هم السبب بفراقهم..

ابتعدت عنه رحت يمها مشيتها شوي  عصرت ايدي حيل وصاحت

_بعد ماااكدرر راح اولددد  عاااااااااا

  اني جمدت بمكاني ضليت لااخذ ولا انطي ماااعرف شنو اسوي.

ثواني دخلت الدگتوره..

جابو كرسي متحرك اخذوها  لغرفة نهاية الطابق..

كعدنة اني وآصف ننتضر وبس صوت الصياح اسمع عيني على آصف الي  ولا كعد منوسمع صياحها بس يفتر..

گمت وكفت يمه حجيت
_شبيك آصف مابيها شئ انشالله.

تنهد گال
_ شفتيها من رادت تگوم ماگدرت  لعد شگد اناني اني..

ابتسمت حجيت
_اي واكبر اناني شفتة بحياتي لان انت عاقبت بيارق بسبب اخوها..

رغم بيارق ابد ماوگفت وية اخوها.

باوعلي صفح گال
_هستوج اجيتي تحجين هل حجي!!
بس يا ريمي لو باقية وياي جان اكيد عاقبتها بمكان النذل..

واني ماريد اوصخ صفحتي يمها...

ريمي_بس انت بهل حالة وصختها لان بالوقت الي احتاجتك بي انت مو يمها..

و لو اني بمكانها فلا اقبل ارجع..

_اي بعد اخوج زوديها خاف هية ناقصه.

عفتة وكعدت.
نكطع صوت الصياح  وآصف وجهه صوفر..

مر وقت طلعت الدكتورة بيدها الطفل   تقربت علية رادت تنطينيا خفت وبتعدت..

ضحك آصف اخذه منها شافه.. باس راسة گال
_دكتورة بيارق شلونها

ابتسمت وگالت
_حمد لله زينة ربع ساعة ويطلعوها.
والف مبروك على الولد.

ابتسم بدون ميجاوبها.

تقربت علية الطفل يخبل مدبدب وشكله مزعوج.

ضحكت  راد ينطينياه ابتعدت عنة.

مر وقت طلعو بيارق.
ودوها بغرفة رحنة يمها  اخذت الطفل حضنته وتبجي..

مسدت على خدة گالت
_اني يتيمة وانت يتيم بس الفرق ابوي مات والله اخذة مني مو ب ارادتة عكسك ابوك عافنة من جنت ببطني..

كلامها وبحة صوتها كسر گلبي درجة بدون وعي بجيت.

صديت على آصف عاصر ايدة بقوة..
ركز عليها گال
_بس الي صار بسبب اخوج هو الي كسر اختي بيوم عرسها لو نسيتي ولو ميهمج  لو يهمج ما ضميتي خبر حملج عنة..

ردت علية بعصبية.
_ لاتشوفني بعين طبعك يا آصف ريمي تهمني حتى اكثر من اخوية الي جابته امي  وكافي فوك ماانت  تخليت عني تحجي هيج.

ضحك بسخرية گال
_اي واضح كلش  تهمج   ، ومنو فتح هل موضوع اني لو انتِ تنطنطين.

قطعت كلامهم حجيت
_بس آصف اني اعرف بحملها..

التفت علية خازرني
_ لعد حلگج بي عظم و ماتحجين؟!

_مو انت عفتها ومن اجيب طاريها تعوفني وتطلع وعفتك..

رد بعصبية مكتومة.
_هذه الي يمشي ورة مرة يطيح حضة ولج انت وين شايف خلقتج بالف يا علي يالة اشوفج على الاكل.

_اسفه  إصف.

بيارق_ قبل ايام خسرت ابوي خيمتي الي احتمي بيها  واليوم لو ما امي وخالد مو هنا فلا احي وية ريمي ولعلمك ما ميتة عليك اريد جنسيتك حتى اسجل الطفل ولو جنت ناوية اخلية بااسم ابوية بس الموت ستعجل واخذه مني خلاني احتاجك..

هز راسة گال
_لعلمج يا بيارق فراك العدل يموت مايموت..

عافنة وطلع بس اعصابة فد مرة.

بيارق تبجي  اجت الدگتورة گالتلها ترضع الطفل شو هاي ترضعة وتصيح.

_يوجع يوجع..

والله كرهتني بالحمل ووالولادة.

اخذت الطفل حطتة يمها.

اجت ممرضة چبيرة بالعمر شافتها گالت
_ييمة الاسود مايصلح وانتِ نفسة ذبي وعمره الاسود مايرجع الراحو..

حطت ادينها على وجهه وبجت 

مسدت على شعرها گالت
_يا عزيز راح وعافج ييمة بعدج بشبابج..

شهگت گالت
_خالة  ابوية صارلة عشر ايام مات شلون ترديني انزع الاسود ريتني وراه..

نصدمت لان توقعت اليوم..
اذن لهل سبب جانت مختفية.

ردت عليها الممرضة
_ييمة راحواي عزيزين بيوم واحد وثاني يوم راحولي تسع وهل تشوفيني كدامج..

صديت عليها حجيت
_ليش وشلون ماتو..

تنهدت گالت
_  اميمتي وجدتي ماتو موت الله وبيوم الثاني عايلتي راحو لكربلاء الفجرية ردمهم لوري  ومات خيمتي والسند الي الله طلعني من ظهرة و ابو بيتي ووليداتي  ثنين واخواتي ثنين  وعميماتي..

زادت بالبجي بيارق حجت
_وشلون تحملتي ابوي مات  واخذ حيلي كلة هو خيمتي وسندي بالحياه ماعندي غيرة..

باست راسها گالت
_ ييمة تعدي وتصير سوالف  هل تشوفيني ماشية كدامج بس الي بالگلب يبقه ومايدثرة التراب..

طلعت من الغرفة صديت عليها وحجيت
_ شلون مات خالو وليش ماگلتيلي؟!

عضت شفتها ودموعها تنزل شلال  حجت
_بسببي اني لو ما احجي ما مات..

_ليش شلون؟!

_تعاركت  وية امي لان تحجي وية مؤتمن  وابوي سمع وماقبل علية لان هو اصلا مايحجي وياه بس يگول مااحرم امج منه  لله ياخذ حگ البنية منه لو بعد الف سنة..

واني سولفتله السالفة هو اتصل بي  وحجه علية وگالة باجر افتح عيني على صوتك تجي تعتذر منها وتزوجها ومن حگ اخوها يرجع اختك طلعت سااس البلة  ومؤتمن رفض يرجع ماعرف ليش..

تخربط ونام مايقبل ياخذة خالد  ثاني يوم اتصلو على ابوي گالوله ابنك نسجن تهمه بيع مخدرات ابوي سكت لاحس ولانفس اخذة خالد للمستشفى  طلع ميت من هو بالبيت  صايبته جلطة بالدماغ وبالقلب..

طول ما تحجي بيارق  دموعي تنزل..

وهية گضت  تشاهگ وتبجي عيونها ولا ينشافن..

نوب تخرمش بوجهه وتصرخ بسببي اني مات لو مااحجي ما جان ماتت..

اكمش ادينها  تدفعني  تضرب براسها..

خوفتني بحيث ابتعدت عنها حاطة ايدي على حلگي وابجي والطفل يبجي.

بهل اثناء دخل خالد شافها هيج تقرب عليها راد يلزمها

ضربت الطفل بقوة بحيث جان يصرخ سكت..

يحجي وياها ويحاول يهدئ بيها وهي مستمرة  ولا گدر يلزمها..

اخر شئ ضربها راجدي  صوت مالته وصل يمي.

شهگت وزدت بالبجي   صد عليه گال

_نوب علية المخابيل شبيجن  بابا عقلن  

اشر علية بعصبية گال
_انتِ منو يمج  روحي للطفل.

بلعت ريگي حجيت من بين دموعي
_اخااااف والله..

هز راسة  راح  اخذه من السدية  حط اصابعة جوه رگبته  ثواني صد علية  وعلى بيارق.

اخذه وطلع..

بيارق فاقدة الوعي ماعرف من الراجدي من الانهيار..

دخلت الدگتورة گالت
_طلعي برة.

ردت احجي دخلن تلث ممرضات طلعني.

خالد بيده الطفل  فاتح لگماط ويمه دكتور ثاني..

ثواني حجة الدكتور
_انا لله وانا الية راجعون، طير من طيور الجنة الله يرحمة.

بهل اثناء دگ جهازي فتحت خط
_ صاحب هذة الرقم انطاكم عمرة سوة حادث.يتبع..

_توقعاتكم للبارت القادم

_ عيد حب سعيد للكل وربي يحفضلكم احبابكم
والسناگل ان شالله سنة الي تجي ربي يجمعكم بالي يهواه گلبكم.