رواية للخُلة رأي اخر الفصل الخامس والعشرون 25 - بقلم اورجانزا الطائي

قصة للخلة رأي آخر
البارت:ال٢٠
بقلمي اورجانزا الطائي.
.
.
.
.
.
.
.
.
.
.
.
.
.
.
.
...
_ليش ينادوك باز؟!

_ اول شئ لان قريب الي وداكة وشم.
وثانيا لان الباز عندة قوة البصر بالنهار او اليل.
وثالثا يسمو امير الجو لان يطير سرعة عالية
لان اسوق بسرعه
ورابعا انيق وذو كاريزما ومرغوب.

بدون وعي حجيت
_وهسة انت يعنب انيق ومرغوب وذو كاريزما؟!

رفع حاجبة گال
_عندج اعتراض ست بان!!!؟

_اي عندي لان بالاناقة كذبو عليك.

_ليش يعني

'لان انت تلبس الوان غريبة بس بتنسيق حلو..

حضن ادينة گال
_يعني تنسيق حلو!؟

_اي اكيد.

_لعد شلون دبرتيها تعترضين وتگولين تنسيق حلو؟!

ابتسمت حجيت
_لاتركز على كلامي..

كام وكف گال
_مو اگلج بس انطيج وجه تنچلبين علية تلوميني.

_لا والله شنو انچلب ليش شايفني؟؟!

والله يابنت عمي وزوجتي شايفج ملح املح حياتي

ستغربت حجيت
_وانت واثق اني ملح!
شنو هل غزل الجميل اللطيف؟!

ضحك وتنهد گال
_انت ولا ترضين..

رفعت حواجبي بثقة حجيت
_لعد شلون هسة متزوجتك!؟

باوعلي صفح تقرب علية باس راسي گال
تصبحين على خير يا وجة الخير كلة

ابتسمت طلع من الغرفة.

مددت و تغطيت كل شوي گالبة على جهه طار النوم من عيوني.

اخر شئ گمت طلعت من الغرفة.

صار كدامي بالصالة يتمرن بس البرموده..

يرفع جسمة باادينة ليفوك وينزل..

ابتسمت لشكلة تقريبا اغلب الشغلات الي تمنيتهن حاليا يتحققن..

بلعت ريگي حجيت.
_إسلام

ما رد.

رجعت ناديت بااسمة اكثر من مرة ما رد تمشيت بااتجاهة.

وكفت كدامة حاضنة اديني..

صد علية غمز گال
_ اشتاقيتيلي يول

گلبت عيوني حجيت
_ ماگدرت انام.

نزل الهدفون من اذانة گال
_ماسمعت عيدي.

رمشت حجيت
_مااحب اعيد اكثر من مرة.

ضحك گال
_من احترك عمج على هل راس اليابس ام زروف چفچير.

زفرت نفس بملل حجيت
_انت ليش هيج وياي ترة عيوني يخبلن كلش حلوات

بلل شفته گال
_چا غير زروف چفچير، شلون مايخبلن غير المخبل.

_اي عاد عيونك الحلوة يبعد چبدي

رفع حاجبة گال
_من مدح نفسة ذمها يا ست بان

گلبت عيوني حجيت
_هذه اسمها ثقة مو مدح فرق بينهن.

ماعجبة كلامي غير الموضوع

_اي باجر تداومين.

فتحت عيوني حجيت
_لا فدوة مابيه

رفع حاجبة گال
_نطيني سبب مقنع حتى ماداومين.

_مابية والله

اخذ المنشفة ومشة كدامي گال
_بس اني بيه حيل بهل حالة شلون؟!

اخذت نفس حجيت
_واني شعلية اذا انت سبع سباعي

التفت باوعلي صفح گال
_لان بجميع الاحوال انت طالبتي.

ارتاكيت على الميز حجيت
_منو يگول طالبتك؟!

_اني اگول عندج اعتراض

_اي ولله عندي

وكف ركز بوجهي گال
_اي ست بان غردي ليش معترضة ممكن اعرف اذا ماتصير زحمة.

_لان تعبانه ولله..

ابتسم وبلل شفته گال
_ يبعد التعب عنج يبعد الخُلة واهلها..

ضحكت وفتحت عيوني حجيت
_ تعرف شگد احب كلامك..

ميل راسة گال
_وكلامي هم يحبج.

_ماطول كلامك يحبني يعني ماروح باجر!

ابتسم گال
_اسبح واطلع واگلج تداومين اولا.

دخل للحمام متجاهل كلامي.
ضربت رجلي بالكاع رحت للغرفة.

ومشت الايام هل منوال لحد ما صادف رحت لدكتور وتعرفت على سكرتيرة والاحلى تداوم وياي.

علاقتي قوت بيها.

لحد ما اليوم رجعت من المدرسة وطبعا تفوقت ونتقلت للثانوية الي يدرس بيها إسلام بس بعدلي سنة ياله هو يدرسني.

هذه السنة خلصت ومارحت لاهلي لان نشغلت هواي بالدراسة..

اول مادخلت للبيت سبحت لان ميته تعبب طلعت من الحمام بدلت ورحت للصالة شافني اسلام گام وكف گال

_حضري روحج راح يجي مؤتمن.

هزيت راسي حجيت
_عليك الله إسلام مالكيت غير هل شخص تصادقة شو عديم الذوق وماحبيتة الصراحة.

رفع حواجبة گال
_هم ادقق بصديقاتج؟!

_لا اكيد.

تمشة من كدامي گال
_لعد يحلوة لاتتدخلين.

قلدت علية بحركات وجهي التفت علية گال

_يجي يوم اكرص بوزج الي يقلد.

ضحكت راح لغرفته واني غيرت تراكي لان ربع ردان لبست غيره وطلعت.

رحت للمطبخ سويت جاي وكعدت انتضره يصير دخل اسلام بيده التيشيرت يلبس بي.

شافني گال
_ بان الكيك الي لبارحة جبتة وين؟!

طفيت الطباخ وحجيت
_ليش شتسوي بي.

ترك المجر گال
_غير اطلع ضيافة لمؤتمن.

فتحت عيوني حجيت بستهزاء
_وهذة تمن ماعندة بالبيت وجايني انت تريد توكلة؟؟

رفع حاجبة گال
_ولج شنو هل كلام غير ضيف وجاي لبيتج تردي؟

_اي عادي بس ماتنطي من الكيك الي جبتة الي.

ضحك گال
_زعطوطة وربج.

هزيت اكتافي بدون مااحجي.

ندك لباب طلع اسلام شوي ودخل هوة و تمن كعدو بالصالة صبيت الي كوب جاي وحليب دخل اسلام شافني گال

_على الاقل عصير وين؟!

باوعتله صففح حجيت
_ هو تمن مو عوراقيي.

حضن ادينه گال
_على كيفج يابة نعوج بوزج

قلصت عيوني حجيت
_شعندك وية بوزي ممكن تجاوب.

تقرب علية ابتسم طرف شفتة گال
_عاجبني اتذوق..

رفعت حاجبي حجيت
_بس اني معاجبني.

بلل شفتة گال
_اي مو مشاكسة..

گمت وكفت حجيت
_عن اذنك يحلو اريد انام اعوفك وية تمن يفيدك..

هستوني مشيت خطوات سحبني علية احتضن خصري ركز بعيوني گال

_بس عاجبني استفاد منج مو منة..

بلعت ريگي حجيت
_ واني معاجبني..

دنك علية ركز على شفايفي نعقدن حواجبة بخفة حجة بهدوء
_ليش..

بلعت ريگي حجيت
_لان بعد وقت كدامك هوااي..

فاجئني با التهام شفايفي، بلعت ريگي ورمشت اكثر من مرة..

قاطعنة صوت تمن يگول

_باز وين صرت يمعود عندي شغل.

ابعدت عنه مسح على وجهه صد علية ضحك حط ايده على وجهه طلع صاح

_ ورب الاصنام مشايف حيوان وسرسري نفسك ماتكدر تلصم لو ماعندي شئ مهم ما اتأخر بس انت نذل احترك خالك على هل دكة.

ضحكت كعدت كملت الكوب وگمت ردت امشي من يمهم للغرفة واسمع تمن يگول

_ان شالله على هل نهاية الاسبوع اتزوج.

رد علية إسلام
_بس هيج حرام عليك تورط بنت الناس وياك..

_عوف الحرام والحلام على صفحة رحمة للملائكة.

رد علية
_والله يا مؤتمن لو ما اعتبرك اخ فلا انصحك وانت تعرف.

والنعم منك إسلام بس ما گدر بعد اريد اطلعها من راسي تعبت لدرجة لبارحة تخيل وصلت عندي اروح اسلم روحي...
.
.
.
..

دفع لممرضات وراح الها كمش اكتافها بيده دفعته وضربته بالسجينة بيدة..

شهكت وايده الدم يدير منها ..

شمرت السجينه بالكاع وتضحك وتصفك وتكمز بمكانها..

حضنها وهي تبادلة وتضحك..
صدمتني وفاجئتني.

كعدها على السدية اشر بيده بتلث اصابعة راحت الممرضه ضربتها ابرة شوي شوي هدئت ونامت..

طلع من الغرفه رحت وراه كعد گال
_ شفتي حالتها شلون متدهورة، ميحتاج اشرح الج
اختي هسة فاقده عقلها بين قوسين تخبلتتتتتتتت اله تتعرض لصدمة اقوى من الي متعرضتها ياله تصحى وهم مو اكيد..

زادن دموعي من كلامة..
عفتة ورجعت يم آصف الي مدد وصافن بالسگف.

گعدت يمة ولا صد علية.
مر وقت يالة التفت بدون مايحجي.

خلص اليوم آصف صافن ولايقبل ياكل شئ واني على گعدتي.

ثاني يوم خرجونة وحسب ماعرفت خالد دافع كل التكاليف..

رجعنة يم اهلي امي أُميمة من شافتني ضحكت ودموعها نزلن حضنتني وسلمت على آصف الي مامهتم الها.

طول الفترة الي بيها احنة يم اهلي هادئة.
مر تقريباً تلث اشهر والدي توفة رغم كلام اآصف علية بس فاجئني من حزن علية..

امي اميمة اجة خالي اخذها هي وميساء لسوريا.

واني وآصف وانس رجعنة لبغداد.
خلصت السنة واني وانس ندرس وآصف يدور على ابنة وزوجتة..
رغم اعرف ابنة مات بس ماريد اگلة لان وعدت خالد.

بيارق ماعرف ليوين وصلت حالتها بس اخر شغلة عرفتها خالد جايبها لهنا تتعالج.

رجعت من المدرسة بالطريق اتمشة وكفت سيارة نزل منها خالد تفاجئت لان من اخر مكالمة ردت اشوف بيارق ماقبل بعد مااتصل علية.

وكف كدامي گال
_ نو تردين تشوفين بيارق!؟

هزيت راسي حجيت
_اي صح..

اشر براسة على السيارة گال
_امشي كدامي بس اليوم اني بالعراق.

فتحت عيوني بصدمة حجيت
_صددك ليشش

ماهتم مشة كدامي صعد بالسياره رحت وراه
السيارة تخنك ريحتها جگاير تلعب النفس.

بس التاف من يم الشارع العام ووكف بقطعة نص الفرع.

نزلنة مشينة مسافة بسيطة نفتح باب البيت وطلعت بيارق الشعر مفتوح والثوب مشكوك من النص

ركض الها خالد حضنها دخلها للبيت رحت وراهم تجر بشعره وتخرمش بوجهه وتضحك ضحكة تخوف..

بلعت ريگي بخوف ردت ارجع صاح خالد گال
_دخلي وين طالعه

هزيت راسي رحت وراه دخل للاستقبال هداها وي گال الها

_بنيتي شوفي غزلانة اجت تشوفج..

باوعت علية صفنت بوجهي ابتسمت واشرت بمعنى تعالي لثواني التمست بيارق الي قبل سنتين.

تقربت عليها همس خالد

_لاتتقربين اكثر..

ماهتميت لكلامه لان واضح بيارق تحجي وياي..
وصلت قريب عليها بوستها.

كعدت بصفهه دك جهاز خالد اخذه وطلع.

باوعت علية ميلت راسها يمنه ويسرى ومبتسمة گالت

_ريمييي

خفت من نبرة صوتها هزيت راسي..

ضحكت بقوة نزلن دموعها كزت اسنانها گالت
_ اجيتيني؟!

بلعت ريگي ونزلن دموعي خفت گمت وكفت جرتني من ايدي كعدتني شهكت ودموعي اخذن مجرى..

عقدت حواجبها بخوف مسحت بدموعي من خدودي على كيف شوي شوي حسيتها خرمشت خدي..

كمشت خدي بجيت.

ضربتني راجدي وخنگتني بس دموعي تنزل مااكدر احجي

احس روحي تريد تطلع وضغط كلش قوي على صدري..

اسمع همساتها الحاقدة الي بدت تعلى..
_موتي موتي يموتي

ثواني وحسيت على خالد وخرها عني بس مو بسهوله درجة اكله راجدي وخرمشه بوجهه..

ضربها ابرة وطلعنة.

الطريق كله ابجي.

شسويتلها وهيج سوت بيه؟!

خالد كلشوي يلتفت علية يتنهد.

اخر شئ بلعت ريگي حجيت
_ خالدد

_همم

_باع من يوم الي التقينة بي بالمستشفى وعدتك مااگول لاخوية انو ابنة مات.
ولا اگول بيارق فقدت عقلها.

بس يا خالد مااگدر ماگدر مااگول لان اخوي ديتعذب كدامي سنه كاملة يدور عليها من مكان لمكان ماعاف منطقه مادورها..

وكف السيارة صد علية گال
_لحد الان مايعرف باابنة توفة وما گلتيله؟!

هزيت راسي بدون مااحجي..

صدي علية شو

رفعت راسي صارت عيني بعينة.

عقد حواجبة گال
_شنو المانع الي خلاج ماتحجين؟!

بلعت ريگي حجيت
_لان وعدتك مااحجي ومو من عادتي اخلف بوعد..

شبة ابتسم گال
_وهسة حررتج من الوعد.

ابتسمت بدون مااحجي.

وكف كدام بيتنة گال
_وهسة هم احررج من الكلام واني احجي ل آصف.

نزلنه من السيارة.

دك الباب طلع آصف شافني فتح عيونة مصدوم..

دخلت للبيت وراي خالد..

وكف يمه گال
_ عندي حچي وياك.

دخلنه للاستقبال
كعد خالد سولفلة كل شئ مرة وحده اشوف آصف الوجه صار اصفرر والحواجب معقوده والدموع واضحة بعيونة..

صد علية گال
_انت تعرفين؟!!!

هزيت راسي ودموعي تتسابق..

ضحك بصوت عالي گال
_ساعة متأخرة وين جنتي احجييييي

شهكت وبجيت اريد احجي مااكدر.

صد على خالد گال
_وياك جانت موو

رد علية خالد
_اي لان تشوف بيارق.

صد علية گال
_ومنو نعل ابو جهرتج مشوهه تشوه؟؟

رد خالد
_زوجتك.

ركع الباب بيدة طلع من البيت.

راح وراه خالد..

ضليت بمكاني ابجي واصرخ هم من الم وجهي وهم من الم روحي سنة كاملة عايشة وياه اكل واشرب وياه وبالتالي ماگلتله زوجتك بكذا مكان او گلتله فاقده عقلها او ابنكككك مات...

كلي اغلاط اي شغله اسويها ابديها بغلط وانهيها بغلط.

نزعت الحجاب وكعدت بالحديقة انتضره يجي.

اتصل على انس ماكو مايرد وآصف كذالك..
مر وقت واني اريد واحد منهم يرد صارت بالوحدة باليل ومحد يمي وثنينهم اجهزتهم مغلقة.

لثاني يوم گلبي واكع احسة اريد واحد يرد ماكو اخر شي ساعة خمسة العصر اتصلت على خالد هم مارد.

وية الغروب هستوه گال الله واكبر.
ندكت الباب

لبست حجاب وطلعت اركض نفس الخبلة..

فتحت الباب وليتني مافتحتها صار كدامي خالد وصديق آصف شايلين تابوت..

اني شهته حسيت بروده صعدت من رجلية لجسمي شهكت بصوت احسة جرح بلعومي ويه مارجعت ليوره وكعت على الحديدة مال المجاري..

بالگوة گمت دخلو التابوت للاستقبال ويصيحون لا اله إلا الله ، لا اله الا الله..

حطو بالاستقبال كمشتة واصرخ انت ياهو منهم ولك كسرررتتتت ضهررري ياااخووووي. انتتتت ياهههوووو منهممم ولكم ثنيكم يماا مااااا اخوية اجاااااااج يماامااما ديري بالج علية. يما ما احلفج بالله ديري بالج علية ولكم منووووو منهم آصف لو انس ولكم همم البقووولي من هل دنية ولكم اخووواااااانيبيي يااااالللله رجعووووي اخوووي..

يايمة بس لا آصف وراح زعلان منييي لو انسس گالي گليلي طماطة وعفته هم زعلااااانننن مني ولكم ثنينكم زعلانيننن ياهو منكم ياهووووو ماتحملت احس گلبي تلوع وخرت البطانية ماشوف شئ بياض ببياض..

صديت على خالد حجيت
_ياهو منهم كسر ضهري الوكفلي بعين الناس لو الي صار الي ونيس..

دنك راسة گال
_الله يرحمة..

سمعت صوتة فرفحت بجيت بالزيادة من شفته كدامي يايمةة يتبع..

توقعاتكم للباىت القادم.

بنات خل احجي وياكم بصراحة حاليا فتحت مجلة وهذه المجلة الوارد مالتها كلة لمؤسسة الاورام السرطانية وهل فتره كلشش مشغولة بيها لان نهاية هذه الشهر المفروض اودي المبلغ للمؤسسة وهو بعده ما كتمل.

ترى مايحتاج هل تجاوز الي تجاوزتو علية.