رواية للخُلة رأي اخر الفصل السادس والعشرون 26 - بقلم اورجانزا الطائي

قصة للخلة رأي آخر
البارت؛ ٢١
بقلملي اورجانزا الطائي
.
.
.
.
.
.
.
.
.
.
.
.
.
.
.
.
.
...

لبست حجاب وطلعت اركض نفس الخبلة..

فتحت الباب وليتني مافتحتها  صار كدامي خالد وصديق آصف شايلين تابوت..

اني شهته حسيت بروده صعدت من رجلية لجسمي شهكت بصوت احسة جرح بلعومي ويه مارجعت ليوره وكعت على الحديدة مال المجاري..

بالگوة گمت  دخلو التابوت للاستقبال ويصيحون لا اله إلا الله  ، لا اله الا الله..

حطو بالاستقبال كمشتة  واصرخ   انت ياهو منهم  ولك كسرررتتتت ضهررري ياااخووووي. انتتتت ياهههوووو منهممم ولكم ثنيكم   يماا مااااا اخوية اجاااااااج يمااماا ديري بالج علية. يما ما احلفج بالله ديري بالج علية   ولكم منووووو منهم آصف لو انس ولكم همم البقووولي من هل دنية ولكم اخووواااااانيبيي  يااااالللله رجعووووي اخوووي..

يايمة بس لا آصف وراح زعلان منييي لو انسس گالي گليلي طماطة وعفته هم زعلااااان مني ولكم ثنينكم زعلانيننن ياهو منكم  ياهووووو  ماتحملت احس گلبي  تلوع  وخرت البطانية ماشوف شئ بياض ببياض..

صديت على خالد حجيت
_ياهو منهم كسر ضهري  الوكفلي بعين الناس لو الي صار الي ونيس..

دنك راسة گال
_الله يرحمة..

سمعت صوتة فرفحت بجيت بالزيادة من شفته كدامي يايمةة راح السند مالتي..

گمت ركضت حضنتة وابجي واصرخ اريدهم يرجعون اخوية الي مافد يوم زعلني اريدهم يرجعون الوكفلي  بكل شئ اريده يرجع الي ضحة بحياتة على مودي.

وينك  يا اصف وينك عفتني ورحت ولك هيج هنت عليك ولك يا اخووي ارجعلي  اريدك..

شالني  انس وداني للغرفة   اتوسل بي اريدة يرجعلي اخوية..

كعدت بالكاع حاضنة رجلية..
اسمع اصواتهم.

مر وقت واني على هل حالة دموعي تنزل واشاهك واعاتب الله ليش اخذ امي وماستمتعت ولا حسيت بالامان من جانت عايشه  وهسة من اخذ اخوي الي ضحة بحياته على مودي..

معقولة اني نحس هيج.!؟
لو هذا حظي العاثر!!
لو نصيبي من الحياة!؛

كل الغلط مني لان اني نحس على الناس لان بسببي كم شخص توفة وكم شخص  تدهورت حالتة!!

دخلت مرة جيرانة  شافتني گالت
_اويلي عليج ييمة ماتهنيتي من صغرج،   بعد منو الج راح الي يدافعلج راح الي مدللج..

مجرد حجت هل كلام  موتتتني اضرب بروحي اريد اطلع هل الم الي بروحي..

اريد اطلع الحرارة الي بگلبي  احس مختنة اريدهم ليش هيججج ولج خاله  اخذذ  گلبيييي ولكم بعد منو الي ولكم راااح رااااح...

بدون وعي ركضت للاستقبال اريد اشكيلة مالكيتة طلعت للحديقة هستوهم سدو باب الشارع ركضت وراهم حاطينة فوك السيارة..

هستوني اريد اروحلهم مشو ركضت وراهم اريد يرجعونة الي.

كمشتني  جيرانة اخذتني لبيتها   بالكوة اخذ النفس مختنكة  وروحي مرمرة..

بناتها جيرانة  يمي كاعدات يردني اشرب مي مااكدر.

ماحسيت على روحي غير نايمة..
كعدت على صوت ابنهم يصيح

فتحت عيوني بالكوة يوجعني..

مجرد مر طيف آصف كدامي شهكت..

كعدت  مستغربة اني وين ومنو جابني هنا؟!!
ثواني تذكرت.

اريد اكوم احس جسمي مكسر بالگوة گمت وكفت.

مشيت للباب محد يمي  بلعت ريكي  وطلعت من الغرفه صارت كدامي جيرانة گالت

_ها عيني وين رايحة؟!

هزيت راسي  ومشيت طلعت لبيتنة ناصبين يمة چادر والزلم كومة واكفين  كلهم اصدقاء آصف..

ركزت بوجوهم اريد اشوف ولد خالتي ماكو احد..
متغربين عايشين ببلد غير بلدنة  رغم ناس ماعرفهم بس وكفو ويانة..

معقولة بسوريا هم هيج يصير؟!
معقولة لو خوالي هنا هم هيج ينجمعون..

لحد الان كلماتة يرنن براسي آصف لو يشعل الكم عشر شموع هم ماترضون علية..

راح آصف وراح سندي و دلالي..

شضامتلي الايام بعد؟؟!

هم يموت شخص عزيز هم اخسر!!!

هنيالها المقابر اخذتك يمها..

صار كدامي صديق آصف دنك راسة گال
_البقية بحياتج..

هزيت راسي مشة من كدامي حسيت على عتة ايدي..

دخلني للبيت كال
_لاتنسين انت بعتبار متزوجة وشتگول الناس اذا تشوفج واكفة وية صديق اخوج؟؟؟

غمضت عيوني حجيت
_ما الك دخل بية عوووفني.

عصر ايدي گال
_ مو بكيفج صيري ادمية لا وحق سابع سماء اذبحج واذبج للچلاب الجوعانة..

_ليش خاف جواعان  انت  ومادري؟!

ضغط على ايدي گال
_ اني الج الة اندمج على هل سخافة مالتج.

حجيت  بحقد كره اله
_انت اخر شخص يتدخل بية سمعتتت اكرهك اكرهككك ولو انت ميت ولا هوو ما خذ حقارة ابوك كلهااا.

ماحسيت  غير ضاربني  راجدي دفعتة وصرخت

_مالك دخل مالك دخللل  بدون وعي مني اضرب على راسي بقوة..

صاح بية گال
_مابقت يمي غير المخابيل..

قاطعنة صوت خالد.
_شبيك انس صوتك واصل ليبرة!؟

رد علية انس
_ تعال اسمع مرت اخوك كاعدة تسولف وية ليث بدون ما تگول هي على ذمة رجال.

عقد حواجبة گال
_ وهسة انت تحاسبها لان حجت وية صديق اخوها؟؟

وعلى يارجال تحجي انت.

رد علية انس
_اخوك شبيك نسيت ريمي مرت مؤتمن.

ضحك بستهزاء گال
_ومعتبرة رجال والله والنعم الطيور على اشكالها تقع شلون ثنين عاد.

المهم لعلمك ماطول سنة كاملة عايفة هسة تعتبر غريبة عنة.

وبدل هل خبالات مالاتك صير سند الها ولاتخليها تحتاج احد لاتاخذ دور الاخ السخيف.

عفتهم ودخلت لغرفتي   اشاهك اريد آصف يرجعلي..

مشت الايام ومرت الاشهر وفات ٦اشهر ل وفاة اصف..

اكدر اگول ابشع الاشهر الي مرت بحياتي انس سود حياتي.

ينومني بكتلة ويكعدني بكتله  والمصرف مالتنة كله من فلوس اصف.

لحد ما خلصن الفلوس  وتسودن علية مايقبل يشتغل يريد فلوس على الحاضر..

وصل حد يريديبيع البيت بس من عرف البيت بااسم بيارق واسمي تخبل زيادة يريدني اتنازل اله.

حتى ماگلتلة بيارق فاقدة عقلها لان شي اكيد ياخذ اوراق ويحوله بااسمه.

انس نسخه مستنسخة من ابوية واكثر هم..

وصل درجة يريدني اتطلك من مؤمن غيبابي   فرحت وگلت عندي اخ بي حظ.

وفعلا تطلكت من عندة غيابي وخلصت من مؤمن..

رجعت حرة بفضل اخوية.

يومين واجونة خطار   هناك وانصدم بالخطار رجال جبير  يطلع عمرة بالخمسين سنة.

وانس يريدني اتزوجة لان عندة  مجمعات سكنية.

هنا من صدك نزل من عيني وكرهتة واتمنيت من الله لو ياخذ انس ويرجعلي اصف.

لحد ما اليوم كاعدة بالهول.
دخل انس   عصبي وعاقد حواجبة  شمر سويج السيارة گال

_بيارق وين!؟

رديت بعدم اهتمام
_شمدريني اني غير يم اهلها..

تقرب علية ضربني راجدي صاح
_بيارق مخبلة وانتِ تعرفين ليشش ما گلتيي

غمضت عيوني حجيت
_  ماعرف..

دفرني برجلة گال
_لا تجذبين..

_گلتلك مااعرفف

ضربني براسي گال
_ اخوج السكط الگوا* الي حط كل شئ بااسمج واسم هل ك***

_لاتغلط عليها.

_اششش سرسرية  ام الولد

_ ليش تشوف روووحك بية.

رد ضربني گال
_انعل ابوج لابو ابوج  بنت الخ* سرسرية..

مسحت دموعي حجيت
_لاتغلط لاتغلط مو جنت ابنة الوحيد المعترف بي.

ضحك گال
_ اريد مصلحتج اني..

ما رديت علية  كمت من يمة
رحت لغرفتي سديت الباب..

مددت على الجرباية  احس روحي اريد اخووي اريد الي يخاف علية من نسمة الهوة..

گمت فتحت الكنتور   طلعت الاوراق من جوه المجر..

رجعت ذاكرتي قبل لايموت آصف.

جنت كاعدة بالغرفة دخل للغرفة بيدة فايلات ثنين.

كعد يمي گال
_ ريمي اريد انطيج امانة تبقى يمج لحد ما اموت..

ابتسمت حجيت
_لا اسم لله عليك حبيبي

مسد على راسي گال
_ريمي الموت حق على كل واحد.
وجيتي الج اريد منج تخفين هل مستندات.

ستغربت حجيت
_ليش

_هذة البيت  والمشتمل حطيتهن باسمج انت وبيارق وابني وانس.

بس امانة اذا الله اخذ امانتة ماتگولين المستندات يمي اذا ما تمر سنة على وفاتي.

وحصت بيارق وابني امانة بركبتج ليوم الدين.

تبقى حصة انس اذا بقى ادمي تنطي ورة السنة واذا لا  ضل على خبالاتة مشكولة الذمة. تنطينة ربع دينار.

_ليش تحملني هل مسؤلية ترة اني مو گدها والله..

باس راسي گال
_ لا انت گدها ريمي.

ضميت الاوراق بالكنتور  ورجعت كعدت بالكاع ليش هيج الحظ..

مرت الايام  و انس ازداد ضلم وصل درجة يريدني  اشتغل.

طلع من البيت بالستة الصبح.

نضفت وعزلت ندكت الباب طلع فتحتها  تفاجئت بوجودة شعجب اجة؟!

بلعت ريگي حجيت
_ليش اجيت؟!!

تحمحم  عدل سترتة  دخل للبيت  هستوني ردت احجي  صارت كدامي بيارق..

شهكت بخوف ورجعت ليورة خايفة..

ركضت بااتجاهي حضنتني وتبجي.

جمدت اخاف لا تسوي بية نفس هذاك اليوم..

ابتعدت عني گالت
_  راح وعافنة..

بس گالت هيج دموعي تنزل بسرعه بسرعه واشاهك اريد احجي.

مسحت دموعي  گالت
_لاتسوين هيج ترة اني هم خسرتة، وماتهنيت بي..

_اي بسبببي اني

حضنتني گالت
_لا حبيبتي انت شعليج الله يصلح حالة خربط الامة وراح..

نزلن دموعي حجيت
_تعبتت

مسحتهن وابتسمت حجيت
_ تفضلوو

دخلو للاستقبال  جبتلهم مي قدمت الهم.
وكعدت
تحمحم خالد گال
_ غزلانة اليوم اجينة نريد منج توقعين على كذا ورقة.

عقدت حواجبي حجيت
_ليش؟!

شابك اصابعة ببعض گال
_والدب  قبل لاينطيج عمرة وصاني حصة مؤتمن من الورث كلها تتحول بااسمج.

بس لله يرحمة ما لحك يشوفج ويحجي وياج..

وهسة اريد افض السالفة واخلص من كل شئ.

غمضت عيوني حجيت
_ بس اني ماريد من عدكم أي شئ..

خالد: هذه حقج لا اكثر ولا اقل.

  عقدت حواجبي حجيت
_ لا مالي حق يمكم لان ماتربطنة بينكم غير بيارق واخوية مات.. 

وضح على ملامحة  الانزعاج..

كمشت ايدي بيارق گالت
_ لاتحجين هيج مهما كان هذه طلب ابوي الاخير،  ولاتنسين انت اختي قبل كل شئ والي يربطني بيج هو آصف تأكد بحجم حبي ل آصف  تحول الج..

بللت شفتي حجيت
_حتى لو مالي حق يمكم.

ضرب على رجلة بخفة گال
_ليش؟!

ركزت بوجهه حجيت
_لان اني تطلگت غيابي من مؤمن وحاليا ماتربطني بي علاقة.

وهو اخوكم انتم  اعتبرو مصار شئ ورجعو علاقتكم بي نفس الاول واكثر..

صفن بوجهي گال
_شوگت تطلگتي؟!

_قبل فترة.

_ليش انت ماتحبي؟!

ضحكت بستهزاء حجيت
_لا والله ابدد اصلا كارهتة وحاقدة علية..

قطعت كلامي بيارق
_ ريمي تذكرين بيوم العرس مالي من جدة شافتج وگال انت تلوگين لخالد مو لمومن

ابتسمت حجيت
_اي اتذكر وكلامها خوفني كلش وبيومها عرفت عندج اخ ثاني.

ضحكت صدت على خالد گالت
_ واني دااستكشف اكو شخص صاير يدلع وكذا
وبالة مشغول..

خزرها گال
_اذا قصدج على غزلانة،  تره اعتبرها نفس بنتي هسة لو مزوج جان بنتي بعمرها  ومن اناديها غزلانة  اختصر اسمها.

ضحكت بمكر گالت
_انت منو يمك وعوف درب بنتي ترة اصف هم مشى بهل درب

ضحك گال
_لا وداعتج اصلا اني والزواج مانتوالم.

صد علية گال
_انت يامواليد غزلانة؟!

ابتسمت باانحراج حجيت
_١٩٩٩ ليش؟!

هز راسة گال
_  بعدج صغيرة..

ردت بيارق
_يابة شو لزكت بغزلانة ترة اسمها ريمي.

رد عليها
_ريمي لقب لان حسب ماسمعت هي تحب هل كارتون وآصف يناديها بي بينما اسمها الحقيقي غزل.

ردت بيارق
_ والله لو تبقى اخر وحده بالبشر ماناديها غزل  ولا احس بي يلوكلها خاصتة  هذيج الوحده اسمها غزل ايييععع

ضحك بهدوء گال
_ عفية بيارق  اذا حقدت على احد

باوعتله صفح گالت
_ضل بهل سوالف لبايخة مالتك

بهل اثناء ندك لباب گمت  طلعت فتحت لباب.
دخل انس.
دفعني ودخل للبيت  بالگوة يفتح عيونه  ويروح يمنة يسرى وريحتة لعبان نفس.

دخل من باب المطبخ  اخذ مي  شرب وراح لغرفتة 
شوي صاحني.

رحت وراه للغرفة  شافني ضحك   وكفت يم لباب.

تقرب علية گال
_تد ريين اححبب ج

_ليييي ش هييجج  عفتين يي 
هه ماعدي فلووس  بس ولله اح ببج.

تقرب اكثر كمش اكتافي گال
_ مس ررة  احب جج

دفعتة  بخووف حجيت
_شبيكك انسس  وخرر عنيي

جر الحجاب  وشمرة بالكاع  حط راسة بركبتي   صرخت ودفعتة بقوة.

طلعت من الغرفة للمطبخ.

بالكوة اخذ النفس، ثواني اجت علية بيارق وجهه اصفر.

كمشت اكتافي گالت
_شبيج؟!!

هزيت راسي بنفي

هزت اكتافي گالت
_ولج احجي شبيج مو خوفتيني ليش هيج ترجفين؟؟

حطيت ايدي على وجهي وابجي   احس روحي ضعت.

وخرت اديني گالت
_ ولج شبيج احجي مو خوفتيني عليج بروح اآصف احجي..

زدت بالبجي حجيت
_اريد اشووفة مشتاقتلةة والله.
ليششش عافني  وراح ليشش مو هو يگول انت كل هلي شوو عافني وحدي بهل دنيا!!

حضنتني گالت
_اني يمج لاتگولين هيج  يخسى الي يحجي عليج او يعوزج بشي.

بادلتها حجيت
_اريد اشوف اصف.

هزت راسها گالت
_هسة گومي بدلي اخلي خالد ياخذنة اله لان لحد الان من مات مارحت وشفتة..

ابتسمت هزيت راسي حجيت
_ايي ارووح.

گامت وگومتني گالت
_يالة روحي بدلي بين مااحجي لخالد

هزيت راسي حجيت
_لالا انت تعالي وياي.

ابتسمت گالت
_يالة لعد..

اخذتها وصعدت لغرفتي طلعت ملابس سبحت وبدلت لبست حجاب ونزلنة مرينه من غرفتها  شفتها صفنت  على لباب..

عفتها ورجعت لغرفتي طلعت مفتاح الغرفة  نزلت
جريتها من ايدها واخذتها للغرفة فتحت لباب ودخلت.

شغلت الضوة.

لحد الان فرشة العرس مالتهم موجوده على الجرباية ما شالها آصف واني مانطاني گلبي اشيلها..

والي يقهرني ريحة اللاخشاب بعدها.

كعدت بالكاع  ودموعها تنزل ضحكت گالت

_  ريحة الغرفه بعدها وانت رحت لدار حقك؟!!

  شهكت وگالت
_ احبةة

مسحت دموعها گامت فتحت كنتورها  شافت ملابسها  گالت

_ ويگلي مااحبج هو لو صدك مايحبني مامحتفظ بملابسي..

فتحت مجر گالت
_ حتى المكياج بعده ويگول مااحبج!

آصف چذاب  هو يحبني واني احس بي يحبني. 

ضحكت  حجيت
_اي ولله هو يحبج، تدرين گالي اني ماجبتها لان اعرف بروحي ا أذيها  واذا أذيها فا اذي روحي..

_اي هو هذه حبيبي

كمشت ايدها  تنهدت گالت
_ حتى طفل منه ماعندي قتلتة بيدي.

رديت عليها
_لاتحجين هيج لان جنتني منهارة وموحاسة على شئ..

ضحكت بستهزاء گالت
_قنعيني بهل كلام  ..

طلعنة من الغرفه بعد متقفلت لباب.

حجت وية خالد ما رفض  طلعنة واتصل على صديقة اخذ العنوان بالضبط.

مر وقت ودخلنة كربلاء.
اخر مرة اجيت من التقيت بمؤمن..

اخذنة للمقبرة الدنيا ليل.
وصلنة لمكان القبر  شغل اضوية السيارة  ونزلنة

اريد اشوف قبر آصف ماكوو.

صديت على خالد حجيت
_وين قبر اخوي؟!!

دنك راسة  ومشى كدامنة.
وكف يم مكان بي تراب.

رحنة وراه  وانصدم  حتى قبر ما بانيين اله بس التراب محطوط  بجيت ونمت عليهن اشكيله همي..

بيارق تبجي وتحجي.
_هاا يحبيبي ها يرووحي دفنووك  وبس التراب عليك ولك يعمري جنت تتخبل  من الضلمة تارس البيت اضوية هسة تاليتك بالضلمة..

تضرب على وجهه وتحجي
_ولك انت يااخوي   ليشش مابنيتله قبر ولك ليشش مو  هذة روحي من هل دنيا ولكم حرااام عليكم حراااام  تعرفون شنو حرااام..

حتى كتابة تبين هذه قبر ماكوو
بس تراب..

فوك التلث ساعات  يالة گمنة من يمة..

وكف يم  مقبرة  ثانية  نزل من السيارة

نزلنة وراه  وكف يم قبر صغير.

قريت الاسم وانصدم

؛غايب آصف خاكام.

جسمي رجف  كعدت يمه قريتلة الفاتحة.

وبيارق حاضنة القبر تبجي وتصرخ..

وخرت عن القبر تضرب بيدها بالقبر وتگول

_بيدي هذه موتك بيدي هاي  عساها بالكس عسى يومي قبل يومك بعد عمري حتى ماتهنيت بيك يبعد روحي.

ايدها  تعورت وهية فاقده تضرب بيها..

بالگوه شالها خالد حطها بالسيارة 
صعدت وراه  قفل السيارة وطلع بينة..

مر وقت ياله هدئت.

التفتت علية گالت
_منو سما غايب وليش هل اسم.

تنهد گال
_اني سميته

_ليش وابو وانت بيا حق تسمي؟!

صد عليها مصدوم من نبرة صوتها وكلامها
_ ابو سوه حادث وانت دخلتي غيبوبة وهو توفى حرت  شسمي  بس بالنهاية هو غاب عن هل دنية ولهل سبب انطيته هل اسم.

_ما حجة اصف

_لا ماحجة، اصلا ماعرف غير بيوم الي اجة عليج من  صحيتي.. يتبع..

_اسم آصف وابنه والدة الحقيقيات.

_توقعاتكم للبارت القادم

_تفاعلو على الفقرات.