رواية للخُلة رأي اخر الفصل الثامن والعشرون 28 - بقلم اورجانزا الطائي

قصة للخلة رأي آخر
البارت؛ ٢٣
بقلمي اورجانزا الطائي.
.
.
.
.
.
.
.
.
.
.
.
.
.
.
.
.
  ضحكت كعدت كملت الكوب وگمت ردت امشي من يمهم للغرفة واسمع تمن يگول

_ان شالله على هل نهاية الاسبوع اتزوج.

رد علية إسلام
_بس هيج حرام عليك تورط بنت الناس وياك..

_عوف الحرام والحلام على صفحة رحمة للملائكة.

رد علية
_والله يا مؤتمن لو ما اعتبرك اخ فلا انصحك وانت تعرف.

والنعم منك إسلام بس ما گدر بعد اريد اطلعها من راسي تعبت لدرجة لبارحة تخيل وصلت عندي اروح اسلم روحي لربك واخلص.

رد علية اسلام
_اي وربك يگلك  هلا بيك  تعال محجوز الك ركن بجهنم.

هز راسة گال
_استغفرالله  والله مو مال عيني واغاتي انت.

ضحك وگام وكف گال
_على كيفك راح ينگطعلك عرج.

هز راسة گال
_ الله يساعدها الي تاخذك..

_مهناية وامها داعيتلها

رد علية خاف قصدك داعية عليها.

رحت يمهم حجيت
_هلا.

رد من ورة خشمة
_هلا بيج.

عفتهم رحت للغرفة.
طلعت قصة قريت بارت واحد.

نعست سديت الهاز حطيتة جوة راسي ونمت..

ماحسيت غير على جكجكة بوجهي    فتحت عيوني مزعوجة..

صار گدامي إسلام  بين لنعسانة وصاحية گال
_رجعي نامي..

جريت ايدة نمت عليها

بعد ماحسيت غير على صوتة يگعدني.

_بان خُلوتي   شو يالة گعدي.

مطيت جسمي وگمت  بالگوه افتح عيوني حجيت
_وينن ليش تگعدني مو نايمة..

_صديقتج بالباب گومي شوفيها.

فركت عيوني حجيت
_صدددككك

هز راسة  بسرعة غسلت وجهي رحت للباب  فتحته ماكو احد..

  رجعت يم اسلام   لگيتة گاعد بالصالة  حاط رجل على رجل  وتاب بيدة..

وكفت يمه حجيت
_لعد وين غزل!!

رد بعدم اهتمام.
_انتضرتج شافتج ماگعدتي راحت..

تخوصرت حجيت
_وهي منين تندل لبيت؟!

گام وكف  عدل القميص گال

_بعد بكيفج تصدكين او لا.

ضربت رجلي بالكاع حجيت
_والله العظيم متقصد حتى اگعد بدون ماتشلع گلبك.

صد علية  ابتسم گال
_ بنص گلبي متربعة..

_هاا

ضحك وتنهد گال
_يالة باباتي روحي بدلي حتى نطلع ترى تأخرنة.

زفرت نفس براحة حجيت
_اوك هو انت تطرب على هل شغلة.

ضحك بستفزاز  عفتة ورحت  سبحت وبدلت مشطت شعري  طلعت.

لگيتة واكف بالباب بيدة جنطة اللابتوب  وجهازة والسويج.

شاف الساعة  صاح

_باان

تقربت عليه  حجيت
_نعم!

_نعم لله عليج، تعالي  يالة تأخرنة.

طلعت من يمة حجيت
_السيدات اولا.

قفل لباب گال
_ اي لان يذبنة بتهلكة..

باوعتلة صفح حجيت
_ ليش تشوفنة بعين طبعك يحلو انت..

صعد بالسيارة بدون ما يحجي حرف واحد.

ساق السيارة كل شوي يشوف الساعه ويدردم لحد ما خلصت الحصة الاولى گال

_هذه كعدتج من وقت وهيج اخرتينة لعد لو اگعدج متاخرة شلون بهل حالة.

_شبيك يا اسلام غير سبحت..

رد علية باانفعال
_اي مو ن...  استغفر الله 

ضحكت حجيت
_كملها شنو ال ن شو سكتت

باوعلي صفح گال
_ بعدج صغيرة مو مال  هل سوالف خاف احجي وتتقيئين علية..

عقدت حواجبي حجيت
_خبيييث والله، ذليتني يابوسة رجعي لمكانج

بس گلي شلون تنسة..

ضحك گال
_  انطيج طريقة تنسيني.

_اي والله تسوي فضل حتى اخلص من هل سمعة.

رد بثقة واصرار
_سوي احسن منها.

صديت علية اشر علية
_يعني قصدك ابوسك!!

ابتسم  هز راسة

رفعت حاجبي ابتسمت حجيت
_غالي وطلب رخيص، انطيك احسن منها درجة بعد الف سنة ماتنساها..

باوعلي صفح گال
_نشوف.

اي.

صف لسيارة گال
_يالة ست  هانم نزلي. 

رفعت خشمي حجيت
_تسلم

ضحك بصوت عالي  اخذ اللابتوب ومشى گدامي.
تقربت عليه   همست

_ تعرف السمائي كلش حلو عليك..

صد علية متفاجئ رفع حاجبة  ركز بوجهي ابتسمت  مشيت قبلة.

اسمع صوتة يگول
_مصيرج ترجعين وياي..

صديت علية  طلعت لساني  ضحك مسد على حاجبة.

دخلت للثانوية  صارت كدامي غزل تريد تطلع..

سلمت عليها حجيت

_هلا والله شخبارج.

ريمي: تمام وانت

_شتشوفين انت. 

ريمي: زينة.

_وين رايحة؟!

ريمي: طلبت اجازة.

_اها حلوو لعد روحي لا اخرج.

ريمي: لا عمري، بس انت  تأخرتي وخلصت اول حصة.

هزيت راسي حجيت
_اي عادي.

راحت غزل واني كملت طريقي..

ملل كضيتها وحدي بالگوة خلصن الحصص

خلص الدوام رجعنة للبيت.

ونفس الروتين المعتاد.

اخذت قطع ككو  وكعدت بالصالة،  اتابع فلم واگل.
دخل اسلام  كعد على طرف الكرويتة گال

_قيمي الفلم من عشرة يستحق اتابعة وياج لولا.!

ركزت على لفلم حجيت
_يستحق الف على عشرة.

گام وكف  طفة الضوة  واجة تمدد على على الكرويتة وراسة على رجلي..

دنكت راسي صاىت عيني بعينة.

ابتسم  عقد حواجبة بهدوء..
بلعت ريگي   مبتسمة..

شتت نضري عنة ركزت بالفلم وهو ايدة يمشيها على ايدي..

مر وقت واحنة على هل كعدة لحد ما ابتعد توقعتة يگوم بس عدل گعدته  وسحبني لحضنة.

ايده تبعد شعري عن رگبتي ويحرك اصابعة عليها..

صديت علية حجيت
_شگد خبيث انت.

ميل راسة  ابتسم بمكر بلل شفتة وعقد حواجبة بخفة..
_ منو يگول؟!

فتحت عيوني حجيت
_اني اگول.

قرب ايدة تلمس خدي گال
_تدرين الله ابدع بخلقج..

عضيت شفتي حجيت
_اهاا مو مشاكسة!

غمض عيونة بهدوة وفتحهن گال
_ مشاكسة گليبي وخُلوتي.
وسبحانة من ابدع   بتفاصيل  خباثتج..

ضحكه حجيت
_انت  عجيب غريب..

تقرب علية اكثر  حط راسة برگبتي  سحب نفس وزفرة ب آه..

غمضت عيوني مستسلمة لانفاسة ولمساتة..

ابتعد عني باس طرف شفتي  وعيوني.

حضنت رگبتة  ابتسم  تجرئت وتقربت علية طبعت بوسة  بطرف شفتة وابتعدت.

بلع ريگة والعرگ ينزل من گصتة ضحكت حجيت

_حمد لله ما داخل حرب شعندك هيج عرگان؟

_منو گال ما داخل حرب!!

رديت
_اني اگول، وين الحرب الي تحجي عليها.

رفع حاجبة گال
_ اشوفج الحرب!؟

صفنت بكلامة بعدين طخت ضربته على كتفة حجيت
_خبيييييييييث

ضحك بصوت شالني تمسكت برگبتة  حجيت
_ويين

باس خشمي گال
_لمملكتي.

رفعت حواجبي حجيت
_على كيفك سلطان سليمان..

ضحك گال
_ طايحة حظ وداعتج،  القصص غسلت عقلج.

_حاط گورك من گور القصص شعليك ياعيووونيييي

ماهتم لكلامي دخل لغرفتة طفة الضو  وتمشى للجرباية  نزلني ومدد وياي حضني گال

_اريد انام  تعبان حيل وباجر اخذج تشترين ملابس او الي تحتاجينهم  .

عدلت روحي وحجيت
_ليش؟!

تثاوب و  غمض عيونه  گال
_ لان عگب باجر عرس مؤتمن وانت اكيد وياي تجين
وباجر اخذج تشترين ملابس.

_وانت ماتشتري!

باس راسي گال
_اليوم طلعنة اني ومؤتمن حضرنة.

_تشتري بدون ماتگلي ليش؟!

_على الجايات.

همم، صدك مو گال نهاية الاسبوع شو عگب باجر هذه مكبسل؟!

ضحك گال
_الواضح انت مكبسلة لان عگب باجر نهاية الاسبوع.

ماهتميت ولا رديت غلست.

مجرد اشوف الضلمة انعس بحيث بس نام اسلام  نمت.

حسيت ثاني يوم  إسلام  ماموجود.

طلعت من الغرفة صار كدامي يتمرن عفية ولا يمل.

غسلت وجهي ورجعت يمة  شافني گال
_روحي للمطبخ محضر ريوگج.

_شكراً

رد باابتسامة
_دللي.

رحت للمطبخ صبيت جاي وحليب وكعدت اتريك.
خلصت گمت غسلت المواعين ورجعت للصالة

طلع اسلام من الغرفة مبدل

عقدت حواجبي حجيت
_وين رايح

عدل الساعه گال
_قصدج وين رايحين.

_اي وين!؟؟؟

_حضري روحج انتضرج بعدين تعرفين.

بان : خوشش،  ابتسم بدون مايحجي.

رحت لغرفتي طلعت ملابس بدلت بسرعة طلعت لگيتة يتصل  شافني اشر على لباب.

طلعنة من البيت وهو طول الطريق يتصل.
لحد ما صف السيارة نزلنة يم مجمع.

اشر على المجمع وختم الاتصال.

مد ايدة كمشتها ودخلنة،  شگد افتريت بس مالگيت شئ حلو.

اخير شي  اخذت سترة وبنطرون لون بيجي.
تغدينة بمطعم  وفترينة بالسيارة.

لليل يالة رجعنة للبيت..

بحيث من گد ماتعبانة بسرعة نمت.

ثاني يوم  كعدت متأخرّة  ومالي واهس اگوم.
كل شوي اشيل راسي اشوف الساعة وارجع انام احد مصارت بالوحدة نفتح لباب.

وخرت الغطة حجيت
_ميحتاج تگعدني لان گاعدة.

ضحك گال
_نوم الضهاري يكسر الاعضام گومي يالة نتغدة وصل الاكل.

انطيتة ايدي حجيت
_گومني.

ضحك وسحبني من ايدي.

رحت غسلت وتغدينة،  كل شوي اصد على اسلام احس بي شئ غريب بس شنو هو ماعرف..

ركزت بشكلة وانتبه على شعرة بحيث بدون وعي شهكت حجيت

_ليششش مزين شعرك

مسد شعرة گال
_تغيير.

_لاا ليش هيج والنبي ضوجتني شعرك يخبل ونناعم كلش حلو،  وهسة ابد مو حلو

گام وكف گال
_الي يحب يحب گلب مو يحب شكل يا ست بان لان الشكل زائل  بتقدم العمر.

_يوو اني وين قصدي وانت وين والله شعرك حلو.

_عيونج خُلوتي، هل ايام لله هاديج علية.

.  ابتسمت حجيت
_ترة ضجتت.

_اراضيج مو بالداعي تضوجين.

كملت الاكل  بس تفكيري كلة يمه ليش زينة وهو يحبة اصلا!

غسلت المواعين رجعت للغرفة لگيت علاكة على الجرباية فتحتها  بيها فستان على شكل سترة طولة فوك الركبة بااصابع.

ووياه سترابلس لون اسود وحذاء كعب بلون الفستان.

ضحكت لان قبل اشهر  عجبني هيج نوع بس مالگيناه..

اخذتهن ورحت ل إسلام.

فتحت الباب دخلت حجيت
_شكراً  كلش على هل مفاجئة.

ابتسم گال
_تلبسيهن بالهنا  واتمنة اشوفج بيهن اليوم.

_اصلا بدون ما تگول اليوم البسهم.

ضحك گال
_الحذر واجب خاف عندج نية ماتلبسين.

رجعت لغرفتي بدلت  كلش حلو  خاصتة على قياسي فيت.

حطيت مكياج خفيف برزت ملامحي  وحمرة لون احمر.

شعري سويتة بڤ من كدام ومن ورة شادته.

اخذت اخر شئ العطر رشيت منه جوة اذاني  وبرسغي.

افتريت گدام المراية  حبيت الشكل النهائي..

طلعت من الغرفة    لگيت إسلام يعدل بتيشيرتة.

لابس بنطرون جينز لون نيلي وسترة نيلي وتيشيرت ابيض.

انتبه لوجودي ابتسم مد ايدة كمشتها فرني  گال
_ اجمل مما تخيلت.

ابتسمت بدون ماارد علية.

غمض عيونه وتنفس گال
_اليوم المود انوثي..

صحكت حجيت
_ابدد مو مال اخلي من عطرك لان اصدقائك موجودين.

ابتسم گال
_ للعلم تأخرنة.

_خلصت ماعندي شئ.

طلعنة من البيت صعدنة  بالسيارة الطريق  كلة مبتسم كل شوي  صاد علية.

وصلنة مكان العرس

عبارة عن حديقة ومزينيها كلش حلوة.

وتمن وزوجتة كاعدين على الكوشة.

زوجتة كلش حلوة بيضة كلش وشعرها اصفر  ولنوب لابسة فستان العرس ابيض.

ولامبينة عروس لان الفستان قصير.

تمنيتها بالعراق الة ياكلن گلبها.

سلمنة عليهم ووكفنة يم ميز، العرس مال قرن الماضي صوت الموسيقى نعسني   والجو ملل

ماعرف شلون مر العرس على خير ورجعنة للبيت.

اول دخلت للبيت شمرت الحذاء كسر  رجلي.

دخلت للحمام سبحت وطلعت لافه المنشفة دخلت لغرفتي بدلت طفيت الضوة ونمت.

مرن هل ايام وإسلام يلح يريد يعزم  تمن واني شلون احبة عاد.

وكرهتة  بالزيادة من عرفت هو مشجع اسلام على الزيان.

اخر شئ گلتلة
_اذا تمن يجي فا  اعزم صديقتي.

_عزمي الي تردي بس بالمقابل  ابد ما تتضجورين.

اخذت القلم من ايده حجيت
_مااضمنلك.

_باان

_هااا يعيونها لبان.

_احترام صديقي من احترامي.

گلبت عيوني ححيت
_اوك بس بالعزيمة، اذا تجاوز حدودة مااضمن الك.

ضحك گال
_مشاكسة مايصير هيج، تقبلين احد يحجي عليج؟

_شسويلهم مااهتم لان اذا ابقى على كلام الناس مااخلص.
ذ
هز راسة وطلع.

حجيت وية غزل على العزيمة رفضت  عفتها على اسلام واكيد ماترفض.

نضفت البيت احس ضهري انكسر.

اخير شئ گملت دخلت للغرفة.

ثاني يوم حجينة وية ريمي  ووافقت.

باليل راسلتها وقريت قصة ونمت

كعدنة الصبح رحنة  جبنة غزل  ورجعنة للبيت.

سبحت وطلعت  كعدنة بالصالة ندكت لباب اجة اسلام جابب الاكل.

ودته غزل للمطبخ واني كل شوي اضوج اسلام ب تمن.

بين ما حضرنة الاغراض اجو، اخذت غزل وسلمنة عليهم

زوجة تمن دقتني  دق

نجمعنة كلنه على الاكل وغزل نست المي راحت تجيبة وتجي.

بس الي فاجئني اختفاء تمن.

شوي اجو ثنينهم نفس الوقت لوجوه ماتتفسر.

رغم غزل مبتسمة..

وتمن گال اريد التواليد شودا للمطبخ!!

هزيت راسي من هل افكار، صدك القصص اثرت بية.

ميلت راسي حجيت
_غزل اگلي لاتصفنين.

ابتسمت گالت
_هو دااگل.

صارت عيني على هل ثنائي الي گدامي  تسوي لفات وتنطيهياه وهو ياخذها مبتسم..

خلصو اكل  شلنة المواعين  صفيناهن بالمطبخ.

وغزل لحت الة  نغسلهن هسة.

گلتلها _لا

شو هاي عوفيني وروحي غسلي.

تقربت عليها حجيت
_راسج ياابس.

ضحكت گالت
_منج اتعلم، لايوم ولا يومين وياج شترديني مثلا!؟

قاطعنة صوت تمن يگول
_ لا خوش اذا تتعلمين منها  ربح المنتخب.

التفتت علية وحجيت
_  ليش معاجبك الضاهر!

ارتاك على الثلاجة گال
_عندج خصل اتخبل منهن اتمنة تغيريهن.

حضنت اديني وحجيت
_ ليش انت منو حتى اغيرهن لان تتخبل منهن اعتقد ما الك حق تتدخل بية اذا عجبك اسلوبي اولا هذه الشئ راجعلي.

مؤتمن:لله يساعدة بس هذه احجيها.

اخذ كلاص مي وطلع.

صديت على غزل مبتسمة

كرصتها من ايدها حجيت.
_المن هل ابتسامة.

صدت علية گالت
_الج ولله.

هزيت راسي  ورجعنة للصالة.

كعدنة يمهم واخذت جهاز غزل اگلب بالصور القديمة ايام الي جانت بالعراق..

مندمجة بالصور واحجي وية غزل عن تفاصيل الصورة.

هستوني گلبت الصورة  نذكر اسمي  صديت عليهن تمن كدامي مركز علية وزوجتة سألت

_ باز  عشقت  غيره  ل بان!؟

عضيت شفتي وغمضت عيوني.
زوجة مؤتمن  خربت الاول على التالي لان دفنة وغزل وصديق اسلام مايعرفون اني زوجتة..

صارت عيني على مؤتمن الي شكلة مصدوم   نزلت عيني للمكان الي يباوعلة.

على اديني جهاز غزل..

هستوني عدلت الجهاز اريد اشوف شبي هيج يباوع  .

جرت الجهاز مني غزل.

التفتت عليها وجهة اصفر..
.
.
.
.
.
.........

رجعنة للصالة كعدت يم بان بس نسينة المي رحت للمطبخ اخذت دولكة ردت اطلع صار كدامي مؤتمن حجة
_شتسوين هنا ومنين تعرفين إسلام وبان؟!

بلعت ريگي حجيت
_ما يخصك..

_لا يخصني وزيادة.

تنهدت ركزت بعيونة حجيت
_ابتعد عني روح لزوجتك ولو متعود على اخر حبة تختفي مو جديدة عليك مؤتمن.

صفن بوجهي حجة بهدوء
_ متغيرة..

گلبت عيوني اشتت نضري عنة حجيت
_ ماكو احد يبقى على حالة خاصتة اكتشفت عايشين بعالم يمثل الاهتمام وبعدين ياكل لحمك.

ابتسم طرف شفتة رفع حاجبة گال
_قصدي شكل وجسم مو تفكير لان بعدج تدورين خواطر..

عقدت حواجبي حجيت
_الافضل تسكت يا مؤتمن.

ميل راسة حجة بهدوء
_ليش؟!!

ضحكت بستهزاء حجيت
_فوكاها تسأل لو اني منك اصلا ماطلع من باب لبيت يا مؤتمن.

كمش ايدي گال
_لاتحكمين مسبق.

نترت ايدة حجيت بحقد
_ايدك وخرها لا وحق لا اله الا الله اكسرها.

صفن بوجهي گال
_هيج صار الحجي؟!

كزيت اسناني حجيت
_اي اذا عندك مانع الطخ راسك  ب اقرب حايط.

دفعتة وطلعت اجة وراي  بان عينها علية ابتسمت..

بس محد يعرف النار الي بداخلي.

كعدت يمها  احس راسي راح ينفجر من شدة الم

تقربت علية گالت

_اگلي تصفنين.

ابتسمت حجيت
_هو دا اكل.

اخذت كوب مي شربت  حسيتة وگف ببلعومي  تسوي لفة وتنطي.

نزلت الكوب مااگدر اكل  هو المي وگف ببلعومي.

اخذت نفس عميق..

ادعيت عدم الاهتمام، بس بداخلي اريد اتمعن بملامحة رغم بس شفتة تذكرت الي صار بينة بالسنوات السابقة..

اليوم والوقت الي ابد ما مناسب..

نزلن دموعي مجرد تذكرت نصائحة.
گمت بسرعة للحمام  سديت الباب ودموعي شلال ينزلن..

حاطة ايدي على حلگي اريد امنع صدور صوت
اختنكت بالگوة سيطرت على دموعي غسلت وجهي وطلعت صار كدامي مرتاك على الحايط وحاضن ادينة..

تنهدت ومشيت من يمة بس كلامة وگفني.
_محد يستحق دمعة من عينج، انت قوية ريمي، وابد لاتنسين بيوم من الايام كسرتج واذيتج وتركتج بيوم جنتي محتاجة وجودي وابد لاتنسين والدي وامي وابن آصف وآصف وجنون بيارق كلهن بسببي.

ماتحملت نزلن دموعي مجرد ذكر اسم آصف..
رجف جسمي حجيت
_ومفتخر!!!

دخل للحمام بدون مايجاوبني.

مسحت دموعي هفيت على وجهي  ورجعت شلنة المواعين  ردت اشغل تفكيري بشئ لان متأكدة اذا ابقة كدامة  انكسر زيادة..

لحيت على بان  نغسل المواعين.

نحطت بالامر الواقع وغسلت وياي.

_راسج ياابس.

ضحكت حجيت
_منج اتعلم، لايوم ولا يومين وياج شترديني مثلا!؟

قاطعنة صوت مؤتمن يگول
_ لا خوش اذا تتعلمين منها  ربح المنتخب.

ردت علية بان
_  ليش معاجبك الضاهر!

رد عليها بثقة.
_عندج خصل اتخبل منهن اتمنة تغيريهن.

ردت علية.
_ ليش انت منو حتى اغيرهن لان تتخبل منهن اعتقد ما الك حق تتدخل بية اذا عجبك اسلوبي اولا هذه الشئ راجعلي.

رد عليها
_لله يساعدة بس هذه احجيها.

ضحكت على كلامها، بس اريد اعرف ليش تضوج منة لهل درجة.

كملنة غس المواعين رحنة يمهم بالصالة  كعدنة مقابيل مؤتمن وزوجتة والحظ اليوم كل ما نگعد هم كدامنة..

بان اخذت جهازي تگلب بالصور القديمة.

وصلت لصورة بيها بيها اني وبيارق.

فاجئتني زوجة مؤتمن بسؤالها.
صديت على مؤتمن مركز على بان التفتت على بان  واكفة على صورة بيها اني ومؤتمن بيوم الحنة مال بيارق  اخذت الجهاز سديتة.

ضلت عين مؤتمن علية.

ماهتميت بس الف  نعلة نعلت روحي بيها.

جاوبها استاذ اسلام.
_ كل الي مر بحياتي اوراق محروقة عابرة بس هي خُلوتي.

ضحكت صديت على بان الي صافنة ب أستاذ إسلام

الكل صفن على استاذ إسلام.

ضحك گال
_شبيكم مضيعين شئ بوجهي ترة  بان معزتها خاصة.

رد علية مؤتمن
_كل بنت عم هيج معزتها  خاصتة اذا الوحيدة..

ردت بان
_ياماي عيني ابن عمو الحلو

ردت دفنة
_يعني بان حبيبتك!؟؟

جاوبها
_لا خُلوتي.

ردت علية
_اها زين.

ما رد عليها..
التفت على مؤتمن گال
_ايي يا مؤتمن سؤال زوجتك يرجع الك.
هم حبيت قبل ماري

تنهد گال
_ انت تطرب على وتر الحساس.

ضحك استاذ إسلام گال
_ سؤال عابر.

رد علية
_ تعرفني صريح  لا اخاف ولا اجامل.

رفع حاجبة گال
_اي جاوب.

ضرب على رجلة گال
_حبيت روح وحدة بس الحب كان من طرف واحد.

ردت علية ماري
_الي تزوجتها لوغيرها؟!

تنهد وابتسم گال
_اي هية.

رد ت علية دفنة
_يعني تزوجتها  وتگول حب طرف واحد  شلون هيج!!

مؤتمن: هي تصير اخت زوج اختي.
تزوجنة واقل من شهر كل واحد راح بحال سبيلة..

ضحكت بستهزاء حجيت
_ومتباهي بهل انجاز!؟؟

ابتسم بستفزاز گال
_هذا الشئ راجع الي.

ركزت بعيونة حجيت
_كثرت الذكور وقلة الرجال،  من المفروض تطم روحك وماتحجي بهل موضوع لان انت عايش حياتك ومتزوج..

رفع حاجبة گال
_ وانت ليش هيج محروك دمج،  ومنو گال عايش حياتي!

غمضت عيوني بدون ماارد علية.

فاجئتني دفنة بسؤالها
_واضح انت  مريتي بعلاقة حب فاشلة.

ابتسمت حجيت
_لا الف حمد الله ماحبيت بحياااتي ولا راح احب لان الحب بهل وقت خدعة حتى الطرف الثاني يحصل على غايتة، واني والحب مانتوالم.

لان اني من احب ابد ما اخدع احب بكل معنى الحب  بس بالمقابل مااحصل على هيج انسان.

رد علية استاذ إسلام
_ بهل وقت هل شي صاير بس اثابعج مو كلهن نفس الحجم.

ابتسمت حجيت
_بالوقت الحالي كل اصابعي سوة لان هذه محيطي.
ج نظم ذ

دك جهازي  فتحت خط حجيت

_هلا بيك  خالد.

صارت عيني على مؤتمن الي غص بالمي.

غمض عيونه وركز علية.

قطع انتبااهي صوت خالد يگول

_غزلانة محتاجج ٥٦طفل  والسكرتيرة  مااجت اليوم.
امر عليج لولا

شفت الساعة بالخمسة ونص حجيت

؛؛ اي  عادي ماعندي شئ عادي تعال.

؛؛ دزيلي العنوان.

؛ هسة اشوف استاذ إسلام.

صديت على استاذ اسلام حجيت
_بس اريد العنوان لان راح يجون ياخذوني.

ابتسم گال
_بعد وقت وهذة مامحسوبة جية نطلبج جية ونكعد وياج..

ابتسمت هزيت راسي

_  يم  ال*** شارع**   العماره  الارضية،  خل يجي من الباب الخلفي   يم  الباز للتاتو.

_سمعتى خالد؟

؛ اي اصلا هذه وينة قريب على العيادة ياله اقل الربع ساعه اجي.

_اوك انتضرك.

صديت على بان حجيت وگمت
_  يالة  اني اترخص.

كامت وياي  گالت

_ اي ام الزول خالد منو!؟

ابتسمت حجيت
_اقاربي.

تقربت علية همست
_ اقارب لو حبيب الگلب.

ضحكت حجيت
_لا والله بس اقارب.

باوعتلي صفح گالت
_ والعيون الي يلمعن  واللهفة!؟؟

ابتسمت حجيت
_وداعتج ماعندي شئ وياه.

دك جهازي خالد.
فتحت خط سدة.

يالة  بان اني رايحة.

سلمت علية گالت
_هو اني وياج اوصلج.

صديت عليهم حجيت
_مع السلامه.

طلعت اني وبان من الباب الخلفي اجة ورانة استاذ اسلام.

نزل من السيارة خالد شاف أستاذ إسلام  تقرب عليه مبتسم تسالمو..

إسلام: زمان على اخر مرة شفتك بيها دكتور خالد.

رد علية خالد
_ والله اشغال ابد مفارغ شغلي كلة بالعيادة يادوب ارتاح بالبيت.

رد علية إسلام
_لله يساعدك، بعدك هنا!

رد علية
_اي والله استقريت.

_ زين،  تعال تفضل ليش واكف.

رد علية
_لا والله على الجايات ماكدر اخذت استراحة مؤقتة.

صد علية گال
_يالة غزلانة.

ابتسمت هزيت راسي صديت على بان تحرك بحواجبها.

ردت امشي حجة أستاذ إسلام
_ خالد  شتصير منك غزل!؟

صد علية گال
_اخت او ابنة.

رد علية
_قصدي صلة القرابة.

ابتسم گال

_غزلانة نفر عزيز،  ومكانتها خاصة.
تصير اخت زوج بيارق.

صد علية أستاذ إسلام متفاجئ  گال
_يعني انت ريمي اخت آصف لله يرحمة؟!! يتبع

_توقعاتكم للبارت القادم.

تفاعلو وصوتو لان نزول لبارت يعتمد عليكم.

والبارت من البارحة باليل ساعه ثنتين ونص كمل بس الي اخرني  النت اتضح الواير مكطوع  واليوم غيرو.