رواية للخُلة رأي اخر الفصل السابع والعشرون 27 - بقلم اورجانزا الطائي

تفاعلو على الفقرات.
وابشركم من هل بارت بدت احداث ريمي..

قصة للخُلة رأي آخر
البارت ال؛٢٢
بقلمي اورجانزا الطائي
.
.
.
.
.
.
.
.
.
.
.
.
.
.
.
.
.
.
. التفتت علية گالت
_منو سما غايب وليش هل اسم.

تنهد گال
_اني سميته

_ليش وابو وانت بيا حق تسمي؟!

صد عليها مصدوم من نبرة صوتها وكلامها
_ ابو سوه حادث وانت دخلتي غيبوبة وهو توفى حرت شسمي بس بالنهاية هو غاب عن هل دنية ولهل سبب انطيته هل اسم.

_ما حجة اصف

_لا ماحجة، اصلا ماعرف غير بيوم الي اجة عليج من صحيتي..

ردت علية بعصبية
_ليش ماگلتولة ليش. ليشش

تنهد گال
_على الاقل واحد منكم صاحي.

شهكت گالت
_ بس ماات وانتم تضمون علية.

التفتت علية گالت
_وانت مو تحبينة ليش هيج ليشش تضمين عليةة

تبجي و تمسح بدموعها.

ارتاكت على كشن گالت
_ والله حرام عليكم هيج سويتو..

ضحكت گالت
_يعنييي هسة هو عبالة اني ماريدة واكرهه..

اي اي هسة يگول حرمتني من ابنيي.

شهكت بصوت عالي وضربت براسها گالت
_هسة هسة تودوني الة.

تنهد گال
_مو هسة على مرة الجاية..

گضت الطريق كلة تبجي وكف يم الكراج نزلنة.
رحنة للامام الحسين

دخلنة بعدنة بالباب سجدت بالكاع وتبجي.

النسوان تروح وتدخل يباوعون عليها.

دنكت عليها گومتها تشاهگ.

دخلنة ازدحام كلش.

تبجي وتمد بيدها بتجاه الشباك.

تشاهگ وتگول
_اذا تريدني ياحسيني قربني الك اجيتك اليوم يتيمة وارملة مالي والي..

تبجي وتصرخ يا حسيني يا حسيني..

والله ماا حس غير بيارق النسوان يجرن بيها لحد ما وصلت للشباك..

بالگوة وصلت يمها من الازدحام.

كاعدة بالكاع وتضرب راسها بالشباك.

بالگوة گومتها

النسوات يمسحن على راسها ويگولن
الله ينطيج مرادج واذا ماخوذ حقج الحسين يطلع حوبتج..

طلعتها من يم الشباك اجت ورانة مرة وكفتنة لابسة عباه راس ونقاب ضام ملامحها..

اخذت علك لفت بياق بيها

وريشة بيدها مسحتها بيها گالت
_ هذة دوة گلبج و لاتگولين يتيمة دام انت تعنيتي ل ابا عبد الله..

مجرد گالت هيج بيارق زادت بالبجي وحضنت المرة

ابتعدت عنها گالت

_نگعي طرف العلگ بمي وشربي.

هزت راسها وطلعنة من الامام صار كدامنة خالد شافنة عقد حواجبة.

تقربنة عليه وكف يمنة اشر على بيارق و گال
_ منين جبتي هذه.

باوعتلة صفح گالت
_ شعليك.

مشت كدامنه للبرادات اخذت كوب مي حطت طرف العلگ غمضت عيونها شربته صدت على خالد گالت

_يالة اريد ازور الامام. العباس.

اشر كدامة ومشى.

رحنة وراه دخلنة زرنه وهم سجدت بالعتبة.

زرنة وطلعنة.

اخذنة خالد يم كافترية جاب لفات وعصير.

اكلنة ورجعنة بالطريق...

الدنيا فجر.
الشبابيك مفتوحة والهوة البارد.

وكف نص الطريق شوية وصعد بيدة سفري صغير مال گهوة ريحتة ترست السيارة.

شايلها بيد والثانية يسوق..

مر وقت دخلنة بغداد وكف يم باب بيتنة.

نزلت بعد ماتشكرت من خالد.

بس فاجئتني بيارق نزلت وياي، وكف كدامها خالد گال

_وين بيارق!!

بدون ما تصد علية گالت
_اريد ابقى يم ريمي

عصر راسة گال
_ بيارق باجر اجيبج اليوم ترجعين وياي..

هزت راسها بنفي گالت
_ لا ابقى.

زفر نفسة بضيق گال
_دخلن ماطول واكف..

هزيت راسي اخذتها ودخلنة للبيت رجف جسمي.

فتحت باب الكلدور طلعت بنية مو كلش جبيرة شعرها مخربط والثوب قصير فوك الركبة..

فتحت عيوني بصدمة بلعت ريگي حجيت
_انت منو؟!!

ابتسمت وتقرب علية بوستني ورجعت على بيارق بوستها

_خالة اني مرت انس

من صدمتي شهكت حجيت
_ياا انس؟!

رمشت اكثر من مرة فركت ادينها گالت
_اخوج خالة..

اشرت على روحي حجيت
_اخوي اني؟!

هزت راسها گالت
_اي خالة.

ردت عليها بيارق
_خلخالة تخلخل ضلوعج وانس منين متزوج يالعثرة.

دمعن عيونها وستهضمت حجت
_لا اني مرتة سئلي هو رجلي لاتحجين هيج علية خالة..

هزت ايدها گالت
_ولج انت بعدج بگد زري وهيج تحجين ابوج وين امج وين الممية مالتج وين؟؟

شو هي حجت بيارق هذه روحي ركضي لداخل لبيت.

صديت عليها حجيت
_معقولة انس متزوج؟؟

غمتني گالت
_من اهمده هل عقل غبية يتزوج ومنو ينطي بنتة وهو كاعد وبعدة يدرس شبيج انت شوفي اابو السوس منين جاب مصيبة..

_شمدريني اني غير جنت وياج.

دخلنة للاستقبال كعدنة مر وقت واجانة انس عصبي وياه هذه البنية

شافنة گال
_منو حاجي وية مرتي.

ردت علية بيارق
_هلا بيك انس بس صدك شو ماعزمتني على العرس ليش هيج بذات..

نتبه الها فتح عيونة التفت علية خزرني وضحك گال
_ هلا بيج بيارق.

ردت علية
_هلا بالمهلي عيني بس شو ماجاوبت

رد بتلعثم
_هذة ميسر مرتي.

_شو ماحجيت ولا گلت شبيك يخوي وصدك عندك عقد منها..

رد عليها
_لا من تخلص الثالث اعقد..

بيارق: لعد منين اجت مرتك، بهل حالة هي مو مرتك وحرام تشوفها بهل شكل.

وانت ام رجلي استجني بنيتي بعدج طفلة.
وتعالي اهلج يعرفون انت هنا!؟؟

بجت گالت
_لا ماگاتلهم هسة رجلي يوديني مو هيج..

رد عليها
_اني شعلية انت روحي.

زادت بالبجي گالت
_انت گلت الي اجيبج وارجعج بيدي اهلج مايحجون لان رجلج اني..

بيارق_نفس ما جبتها لهنا رجعها انت..

عافنة ودخل جوة
والبنية لحكته.

هزت ايدها گالت
_البيت صاير مگو** ل انس ماتحجين ماتگولين انت لو ما انت الجبيرة.

دنكت راسي حجيت
_ماگدر والله..

_ليشش على راسج ريشةمثلا

_ماتعرفين انس والله يضربني.

_هااااا بعدة بطول زري ويضربج ولج عاب هل حلگ اذا صدك يغبية لطمي على حلگة وانعل ياهو اليطلعلة.

تنهدت حجيت
_هو منو الي يطلع شبيج انت.

ردت بعصبية
_ولج يالغبية بهذه سوايتة يمكن حتى يخلي الكواو** يعبرون عليج شبيج انت شنو هل عقل الي عندج.

ول اگلج هعوفي يعبرون عليج فكري بشغله اهم اذا اهلها عرفو شيسون لو طلع متمم كل شي منها .

كمشت راسي حجيت
_عليج الله لاتخوفيني زيادة..

بيارق: هذه دواء عندي بس انتضريني.

اخذت جهازها وگامت.

مر وقت رجعت مبتسمة.

كعدت يمي وانس اخذ البنية وداهة ورجع.

طول الوقت ساكتة.

ندك الباب هي راحت شوية واجت وياها خالد.

سلم علية وكعدو.

عيني على خالد وانس..

لحضات تحمحم خالد گال
_ممكن تعوفني وية انس عندي موضوع مهم وياه.

گامت بيارق گالت
_اي عيوني.

جرتني من ايدي طلعنة برة فوك النص ساعة يحجون بدون مااسمع الهم صوت.

رجلية وجعني من كد ما افتريت اخر شي صاحت بية بيارق

_ولج من فلك فلكج ماتگعدين صرعتي منعول الصفحة بفرتج هذه.

ضحكت گعدت يمها راسي يوجعني.

انطتني حب عين الشمس گالت

_اگلي لج سالفتهم مطولة.

هزيت راسي بنفي بدون وعي حطيت اصبعي بحلكي مااحس غير بيارق ضاربتني على ايدي.

عقدت حواجبي باالم نفتح باب الاستقبال طلع خالد
ابتسم بوجهي تلقائي بادلتة..

رجعت ل انس لگيتة يضحك واني جنت متخيلة الگاه مدماي..

كعدت يمة حجيت
_شراد منك خالد..

ابتسم گال
_ نسافر وياه.

فتحت عيوني بصدمة حجيت
_وينن؟؟

_ماليزيا مدري البرازيل وحدة منهن واني وافقت على نهاية هل شهر نسافر وبعد مانرجع هنا.

_ولبش هو بكيفك اني ما اسافر.

_ترة ماخوفتي ***ي وهذه قراري.

طلع من الاستقبال دخلت بيارق فرحانة.

كعدت يمي گالت
_ولج تخلصييين تعالي ويانة انتم بشقة واحنة بشقة وهم هيج تخلصين من سوالف اخوج.

_اخاف والله

بيارق_ليش؟!

_ ماعرف..

تنهدت گالت
_لاتخافين وتعالي ويانه وحتى خالد هو يسويلج جواز ويمهد الامور كلها..

يولي ترى اخذت الكلمة من الي بطول زري مااهتم بعد.

ضحكت حجبت
_شلون اخذتي كلمه من الي بطول زرج؟!

_مو انت تاخذين رأية وتخافين منه هذه هو.

مرت الايام والاشهر وخالد هو الي سوالي جواز وكمل كل الشغلات.

وهو انطاني شغل عندة بالعيادة..

اغراض لبيت بعناهن بستثناء غرفة آصف..

بيارق اخذت ميسر للدكتورة واتضح انس مامتقربلها..
كل هذه واهلها مايعرفون..

وهل فترة انس التهه عني.

اليوم طيارتنة الفجر.

رحنة للمطار كملو الاجرائات صعدنة بالطيارة الخوف يقرا الف..

احس ضغط على رجلية كلش قوي.
جسمي يرجف باالف ياعلي وصلنة لماليزيا..

اخذنة سيارة وللشقة..

انس مايقبل يدرس قافل.

اليوم اول يوم الي بالثانوية.

طبعا كلها فري الكلام والبس..

مشة اول يوم لابئس بي.

رجعت للبيت سبحت ونمت كعدت على صوت الجهاز فتحت خط.

_ الوو

_يالة من اول يوم شغل تأخرتي، انتضرج جوة بالسيارة استعجلي.

فزيت شمرت الغطة وكمت طلعت ملابس وتحجي وياه..
سديت الجهاز وبدلت بسرعة غسلت وجهي ولفيت الحجاب عدل طلعت قفلت الباب.

نزلت لگيته كدامي بالسيارة صعدت وسلمت علية.

ابتسم گال
_ لاتتأخرين مرة ثانية.

هزيت راسي بدون مااحجي.

وصلنة للعيادة صف السيارة ونزلنة.

العيادة كلش حلوة.

كلها العاب اطفال..

دخل رحت وراه گال

_اليوم عندي ٢٥ طفل راح يجون بااوقات متفاوتة.
ماريد صوت عالي ولا هوسة واهم شئ افضل يگون المرافق للطفل انثى.

رفعت حاجبي من گال انثى.
هزيت راسي ابعد افكاري..

شمر القلم ونطاني الاوراق گال
_ تفضلي واتمنة وياج كوب قهوة.

_اوك..

رحت للاستراحة بيها اله مال قهوة ماعرف استخدمها ضليت حايرة..

ثواني دخل شاب بمنتصف عمرة ابتسم اشر بيده.

بادلتة الابتسامة اشر على الالة هزيت راسي

ابتسم وسوة كوب قهوة اخذته منه تشكرت منه وطلعت.

وديتة لخالد اخذها مني وطلعت.
خلص اليوم من بعد تعبب..

استمرت ايامي على هل منوال

و تعرفت على بنية تصر اقارب استاذ عدنة بالثانوية بس كلش جريئة.

شگد جنت ابتعد عنها لان لسان بس لطافتها ووكفاتها وياي هن الي قربني الها..

خاصتة اني مالي علاقة بالطلاب واكو وحدة حطن گورها بگوري وبان هي تساعدني وتحجي عليها..

علاقتي كلش قوت وياها بحيث اكضي الوقت مراسلة.

حتى بالعيادة نتراسل بس رغم هذه هي ماتعرف بحياتي السابقة...

اليوم عزمتني بيتهم على غدة رفضت بس الاستاذ من عزمني خجلت ارفض..

تفقت وياها اروح الهم الظهر.

رجعت للبيت وهم نص ساعة ورحت للعيادة.
تفقت وية خالد باجر ماكدر اجي وياه.

للتسعة رجعنة لگيت بيارق مسوية اكل وجايبة النة.

ضلت يمنة بالساعتين وبعدها راحت.

راسلت بان على العنوان گالت
_دزيلي عنون شقتكم واني وإسلام نجي ناخذج الصبح حتى تساعديني.

_اوك ماعندي مانع، بس منو راح يتواجد؟!

؛؛ بس انت وصديق إسلام وزوجتة وبعد ثنين وحده اسمها دفنة والثاني مدري منو.

_زين خوش لعد انتضرج..

_اوك يحلو يالة طفشي اروح اكمل القصة.

ضحكت كتبت
_والله هل قصص يودنج بتهلكة.

؛ على كيفج ماي عيوني شبي اسلام مايگعد راحة

_ههههههه والله تمنيت استاذ يشوف هل مسج.

؛ واذا يعني شبيج انت ليش لهل درجة تخافين وياله طيري يحلوة.

ختمت المراسلة ومددت ثواني اجاني اشعار فتحته صورة

ضحكت رديت عليها
_بانو وداعتج مااقرة حتى لو دزيلي مقتطفاات

دزتلي ضحكة طويلة.

سديت الجهاز غمضت عيوني نمت..

حسيت الصبح على صوت المنبة.
سويت ريوك تريكنة وسبحت اخذت ثوب طويل ناعم لون ابيض.
وحجاب لون وردي.

اقل النص ساعة دكت علية واصلين.

نزلت وصلت يمهم سلمت عليهم وصعدت ورة.

لطريق كلة لازم تسوي حركة وتخلي استاذ اسلام يضربها على ايدها وهي تفتح عيونها علية يحجي عليها ويگللها

_شگد متباهية بزروف الجفجير دخيل الخلقج.

هي تميل راسها وترمش

هز راسة گال
_ماكذبت من گلت مشاكسة.

گلبت عيونها صدت علية گالت
_اگلك ياحلو انت تعرف تطبخ لو لا

ابتسمت هزيت راسي حجيت
_ اي اعرف الي تحبي.

صدت على استاذ اسلام رجعت صدت علية گالت
_ اني صفرر بالطبخ بس استاذنة العزييييز ممتاز بالطبخ درجة تاكلين اصابعج وراه.

ولهل سبب يا ماي عيوني انتم اليوم العزيمة تتلبس براسكم.

صد عليها گال
_اي مو تايهتلج البنية ماتسكتين موصي مطعم هو يحظر لا خلف الله على مساعدتج.

نفضت ادينها گالت
_قسم بالله يا عمري انت لو شخص احبة جان تعلمت اسويلة الاكل او اني اطلب بس هذه المزعج الاعوج ماعلية.

هز راسة بدون مايحجي شي

وصلنة يم بيتهم وگف السيارة نزلنة.

فتحت بان الباب دخلنة للبيت كلش حلو بس تصميمة غريب..

اخذتني لغرفتها كعدت يمها طلعت ملابس گالت

_ باعي حب لاتخجلين لبيت بيتج عسى ما تطردين اسلام عادي اروح اسبح واجي.

ابتسمت حجيت
_خايفة لا استاذ اسلام هو يطردج.

گلبت عيونها وراحت تسبح.

مر وقت واني گاعدة انتضرها تجي.

ثواني دخلت والوجة احمر واضح. عليها...

مشطت شعرها وگامت

طلعنة بالصالة لابسة برموده.
كعدنة نكنك لان ماكو شي ننتضر يجي استاذ اسلام لان راح يجيب الاكل.

نص ساعة كل شوي فازة من ورة بان ساعة تضحك صوت عالي ساعة تصيح يااا ساعة تصيح الله ياخذج كاتبة بطيخ

ضليت صافنة عليها شلون ساكن وياها الاستاذ ماعرف.

ندك الباب رحت فتحتة دخل استاذ اسلام بيدة السفريات اخذت منه ودخلت للمطبخ.

حطيتهن على الميز ورجعت يمهم.

وكف كدام بان گال
_ست بان گومي الولد بالطريق راح يوصلون.

زفرت نفس بملل گامت گالت
_ شگد غثيث

رد عليها
_ماسمعتج عيدي!

_ قصدي تمن غثيث

هز راسة گال
_هو يمج وهيج تحجين علية.

عافتنة وراحت اخذت البقية منه وديتهن للمطبخ.

ماطولت اجت وراي مغيرة ملابسها..

تفتح بالسفريات وتنافخ..

ندك الباب راحت هي، اسمع اصوات بس مافرزنت لان اكثر من صوت.

رجعت يمي كملنة الاكل گالت
_يالة غسلي ادينج حتى اعرفج على اصدقاء اسلام.

هزيت راسي مبتسمة.

غسلت اديني ورحت وياها شعور كلش حلو انو اتعرف واكون صداقات..

وصلنة قريب عليهم صار كدامي ثنين منطيني ضهرهم شاب ضخم ويمه بنية حاطة ايدها على كتفة وهو حاط ايدة على خصرها..

لابسة ثوب فوك الركبة لون احمر..

ماعرف ليش اجتاحني شعور غريب وگلبي ندسني..

تقربت علية بان تحجي بهمس
_شوفي تخاف علية لايطير وهو فيل شيطيرة الريل..

ماتحملت ضحكت على كلامها خجلت حطيت ايدي على وجهي..

وهي كرصتني لان انتبهو علينة..

حجت بان
_احمم اعرفكم هذه صديقتي غزل.

صديت عليهم مبتسمة بس سرعان مانمحت ابتسامتي..

جسمي رجف وبطني وجعتني وگلبي آه يا گلبي احس بي معركة..

ضليت صافنة لا اخذ ولا انطي واسمع صوت بان تعرفني عليهم..

بان: تمن اا قصدي مؤتمن هذة غزل وغزل هذة مؤتمن صديق إسلام وهذة اللحلوة اللزوكة زوجتة.

عيني بعينة هو واضح علية مصدوم بشوفتي..
بلعت ريكي غمضت عيوني استنجد القدوة بهل لحظة..

فتحتهن ابتسمت حجيت
_اهلا بيكم..

صديت على بان حجيت
_يالة نتغدة؟!

_اي احسن امشي.

رحنة للمطبخ اخذنة الاكل ودينا للصالة احس بعيونة تراقبني..

اخر ماعونين اخذناهن اني وبان اجت زوجة مؤتمن گالت

__تحتاجون مساعدة

ردت عليها بان
_لا عمري روحي يم تمن لايطير بعد وين تحصلينة..

ردت عليها
_نعم!!

رجعنة للصالة كعدت يم بان بس نسينة المي رحت للمطبخ اخذت دولكة ردت اطلع صار كدامي مؤتمن حجة
_شتسوين هنا ومنين تعرفين إسلام وبان؟!

بلعت ريگي حجيت
_ما يخصك..

_لا يخصني وزيادة.

تنهدت ركزت بعيونة حجيت
_ابتعد عني روح لزوجتك ولو متعود على اخر حبة تختفي مو جديدة عليك مؤتمن.. يتبع...

_توقعاتكم للبارت القادم.

_صوتو وتفاعلو على الفقرات لان البارت القادم ينشر على نسبة تصويتكم.