رواية للخُلة رأي اخر الفصل الحادي والعشرون 21 - بقلم اورجانزا الطائي

تفاعلو على الفقرات.
البارحة ولا حلو تفاعلكم ليش هيج؟!
رغم  داتنشر بارت يومي وطويل.

قصة #للخُلة_رأي_آخر
البارت؛ ١٦
بقلمي؛ اورجانزا الطائي.
.
.
.
.
.
.
.
.
.
.
.
.
.
.
.
فقدت التركيز  بحيث مااكدر حتى افتح عيوني..

مر وقت مااحس غير على  الم  ..

نفس  الي بحلم ويگعدو بحيث فزيت والدموع متجمعة بعيوني..

ماكو اي قطعة من الملابس علية..
ومؤمن معتليني  تقرب علية گال

_مبروك حبيبتي تم زواجنة..

حسيت واحد وضربني على راسي..
  فاتحة عيوني مصدومة من كلامة احس الدنيا افترت بية  ورجلية خدرن كلش  لدرجة ماحسيت غير على ضربات خفيفة على خدي و صوت بعيد  يحجي...

فتحت عيوني  غواش  غمضتن هن وفتحت وضحت الرؤية..

گومني  مسد على راسي گال
_قلقتيني عليج  شبيج ليش هيج فقدتي..

هزيت راسي بنفي حجيت
_اريد اروح للبيت..

رفعت روحي متمسكة بيدة..

كعدت   انتبهت على نفسي  لابسة الملابس الي نطتهن الي بيارق  وشعري اخضر..

نزلن دموعي حجيت
_ليش هيج سوييت..

حضني  وتنهد گال
_انت مرتي كدام لله لاتهتمين ومابعد شئ تلث اشهر ونتزوج واني ماهتم لهل خزعبلات..

ابتسمت من بين دموعي حجيت
_يعني مو حرام!!

_لا حبيبي مو حرام انت زوجتي كدام لله.

شبة اقتنعت بكلامة..

باس راسي گال
_اصيح لبيارق واجي..

هزيت راسي  بقبول.

طلع من الغرفة

حضنت رجلية  وجسمي كلة يرجف..

دقايق دخلت بيارق   شافتني گعدت يمي گالت شكو شبيكم؟!!

باوعلي  گال
_ اتممت زواجي من ريمي..

شهگت ضربت على صدرها گالت
_شنوووو  ولك شسوويت..

_شبيج  بيارق ترى هي زوجتي..

ردت علية بعصبية
_واذا زوجتك شبيك مؤتمن مايصير حتى لو.
واذا جنت لهل درجه مستعجل جان كدرت تسوون عرسكم ويانه،  او حتى ثاني يوم العقد.

_لاتگبرين السالفة هية نهايتنه نزوج..

بيارق:  مؤتمن عليك  الله افهم هذه الحياه مو بيد شخص لنفترض لا سامح لله نقصف عمرك وتوفيت او  شائت الاقدار وصار شئ ونفصلتو.

مؤتمن اكبر غلط سويته هذة.

مؤتمن: بيارق ردتج عون طلعتي فرعون..

بيارق: لازم امي على الاقل تعرف

مؤتمن: المن تحجين ل امي شبيج بيارق ترى زودتيها..

بيارق: لا مزودتها  ، وشنو يضمن من تزوجون  تگول اني اخذتها او احتمال بهل فترة تحبل او تموت او هواااااااااااااي احتمالات  مؤتمن زودتها واهلي نطوك مجال.

مؤتمن: طلعي من لسالفة، ولاتحجين لامي بعدين افهمها..

بيارق:  لا والله اله اگللها، ولاتگول مااثق بيك بس اني مااثق بالدنيا..

نزلت  بيارق ومؤتمن  يفتر..

حسيت بالخطأ الي سويتة وكلام بيارق وعاني.

قطع دوامة عقلي فتح الباب وخالتي  وجهه اصفر.

سدت الباب گالت
_ولك ستعجلت ييمة  شبيك وين يصير..

مؤتمن: يمة ترة مرتي ومامسوي شئ حرام.

بيارق:  عليج بروح عزيز گلبج يمة فهمي اخوي  الي سواه مايصير..

والي سواه خطا هذه الحياه مو امان ليش هيج سوة مو نشلع گلبي كد ماحجيت..

_اي ولله يمه الي سويتة غلط لان مايصير هيج تسوي لان مانعرف اذا باجر عايشين لولا..

وموعد زواجكم قدمو.

مؤتمن: لا عوفو على اليوم المحدد....

بيارق: لعد ليش ستعجلت من اخذتها  يااخوي.

رد عليها خالتي
_عوفيهم على راحتهم.

بيارق: وحق العباس ياامي  باجر مااحضر لزفة وخليكم تدكون بروحكم.

مستحيل اكدر اواجه آصف هو ثق بية  وعافها يمنة  وريمي نفس اختي واكثر مستحيييللل گلت.

مؤتمن: نهاية هذه الشهر بس لاتضلين تتنعوصين

بيارق: الكم للسبعة  كون بيوم السابع مالتي الزفة مالتكم  واذا صار غير هل شئ ل اگول لابوي والاصف.

مؤتمن: خبلة انت شنلحگ.

بيارق: محد ضربك على ايدك هذه الي عندي..

_حاجي بنتج الخبلة.

بيارق: اسلوبك شوي تره الي تحجي  وياها امك استاذ افندي.

هز ايدة بعدم رضه.

طول كلامهم دموعي تنزل كرهت روحي..

دنكت علية  گالت
_گومي وياي ريمي..

رحت وياها لغرفتها..
مددت قفلت لباب گالت
_لاتبجين يمعودة، والله اطيح حظة اليوم والصوج بي مو صوجج..

هزيت راسي حجيت
_اريد اروح للبيت..

بيارق: ياااا وين يمعودة ماترهم ولله لان ساعة تلاثة وآصف بثمانية يجي من بغداد.

ماحجيت شئ اكتفيت بالبجي..

ضلت بيارق يمي حاضنتني وتهون.

للصبح لا هي نامت ولا اني نمت..

التفكير اخذ حيز من دماغي.
درجة ماحسيت بطعم العرس.

مر ثاني يوم ساعة بالعشرة الصبح اجة آصف  اخذني..

مجرد دخلت للبيت  فقدت الوعي.
حسيت على صوت ميساء تصحيني..
فتحت عيوني  گمشت راسي  بألم حجيت 
_مابية شئ

گمت صعدت  مددت حضنت مخدتي  نزلن دموعي كرهت نفسي..

مر وقت واني على هذا الحالة..

گمت اخذت ملابسي  نزلت اسبح.
كملت طلعت.

رجعت للغرفة  عيوني مورمات  حتى اصف انتبه بس غلس..

ضغطت عليهن اريد الالم يخف.
مشطت شعري  مددت دگ جهازي  اخذتة بدون نفس..

فتحت خط حجيت.
_ هلو بيارق..

ردت
؛؛ هلا بيج حبيبتي  يالة گومي تحضري  مو ماتجين.

_مابية ولله جسمي متكسر وتعبانة عذريني.

؛؛ لا والله خل يولن هل سوالف  وحجيت ل آصف ترة..

گمت بسرعه حجيت بخووف
_صدددككك والله...

؛ اي شبيج غير تجين وية الزفة وحلفته  كون انتِ موجودة..

اخذت نفس براحة حجيت
_ان شالله  هو الزفة بيش الساعه تطلع.؟!

؛؛  بالاربعة،  وصدك تذكرت اليوم باليل امي وابوي ومؤتمن يجون يقدمون موعد الزواج مو ترفضين.

_اوك.

سديت الخط منها صارت عيني على ساعة تلاثة ونص  گمت طلعت ملابس بدلت  ونزلت.

لگيت امي وميساء مكملات ينتضرون آصف.

كعدت  يمهم اقل لربع ساعة اجن السيارات   طلعنة صعدت بوحده منهن..

اصدقاء اصف خبصو الدنيا بالهورنات..
وصلنة بيت   نزلو من السيارة اصدقاء آصف يدكون ويهوسون

_جان صاحبها  وخذااهاااا 
الجان صاحبهااا وخذاها..

نخبص الجو بالهوسات خاصة اصدقاء آصف يعرفون بي يحب واكثر من عشر مرات خاطبها وعذرهم بااخوها..

دخلنة للبيت الاغاني كلش عاليا..

شفتها گاعدة كدامي طالعة كلششش حلوة  بحيث عيني موگعت منها..

رحت سلمت عليها   ودكن وركصن گرايبهم
اقل الربع ساعة دخل ابوها سلمها ل آصف..

اخذناها وطلعنة  صار كدامي مؤمن.
دنكت وصعدت بالسيارة..

الطريق كله يوكفون ويركصون بطلعان الروح وصلو للفندق..

بعد تعب كلش طويل وصلنة للبيت.
صعدت شمرت روحي نمت ميتة تعب..

حسيت على ميساء تگعدني لان اجو اهل بيارق.
   بدلت ملابسي  وغسلت وجهي  لبست حجابي  ونزلت..

دخلت يمهم  خالي وخالتي ومؤمن و واحد وياهم  مرتاك على القنفة  ويحرك بااصابعة ينطي شبة لمؤمن بس شكلة عصبي..

بلعت ريگي حجيت
_سلام عليكم..

ردو كلهم بستثناءة.

كعدت يم امي صار كدامي.

  فتح حديث  هو وابوي  وطلب يقدم موعد العرس على هل تلث ايام..

بالبداية ابوية رفض وماقبل بس الي جاي وياهم اصر على هل ايام وبالاخير قبل..

رد عليهم ابوية لعد هي حنة هي زفة.

خالتي مقبلت بس اني وافقت بابا الرأي.

گالو على راحتكم.
ضلو يمنة  نص ساعة وراحو..
راسلت بيارق  على موعد العرس عگب باجر..

  مر وقت واني افتر بالغرفة ماعندي شئ اسوي..

ثاني يوم  حضرنة الاغراض والايام مشت بسرعة   اليوم رجعت من الصالون.

سبحت وصعدت لغرفتي تعبانة.
  مددت واخذت جهازي  لگيت مؤمن مراسلني  داز
؛؛ هلا معشوگتي شلون التحضيرات وياج خو ماتعبتي..

ابتسمت رديت
_لا ماتعبت واصلا ماسويت شئ كله امي سوتة..

؛؛ يبعد الروح والرية اي شخبارج  شصار وياج.

_مصار شئ بس لبارحه اجرت البدلات واليوم رحت للصالون وباجر زواجنة..

؛؛ تدرين تندمت لان تأخرت بالزواج.

_ليش

؛؛  لو مسوي وية آصف جان هسة انت بحضني وتحت جناحي،  ريمي

_هاا

؛؛ احبج وحق كل يوم عشتة وياج..
اتمنة من لله يجمعنة، اليوم قبل باجر.

مارديت لان ماعرف شنو ارد علية.
رجع دز رسالة

؛؛ ريمي

_ هاا

؛؛ تحبيني؟!!

بلعت ريگي وكتبت
_ ماعرف..

؛؛ بس اني اگول تحبيني..

_شلون

؛؛ من رجفتج، لمعة عيونج،  دگات گلبج السريعة،  واهم شئ صفنتج الماتخلص.

ضحكت  غمضت عيوني معقولة صدك؟!!!!!
_ مركز وياي.

؛؛ لعد شعندي غيرج حتى مااركز عليج.

_ ايي

؛؛ شنو ال اي؟!

_ماعرف..

؛؛ مو گلتلج من توكعين بموقف ماتعرفين تطلعين منة  انطي سؤال حتى تنگلب على الطرف المقابل وتطلعين منها بسهولة.

_ماعرف سوالفك، عوفني هيج..

؛؛ بريئة همهه ماتزعل احد..

_ ليش تشوفني بريئة؟!

؛؛  هو الصراحة ماكو احد عندة برائة بس  انت شگلج بريئ لابعد الحدود خاصتة ماتأذين احد وقياساً بية فا انتِ بريئة  لابعد الحدود..

_ تصدك مافهمت كلامك اذا هو مدح وو ذم.

؛ ههه معشوگتي، فاتنتي الصغيرة عوفي هل سوالف وگوليلي  اكثر شغلة حبيتيها بية.

غمضت عيوني  وتخيلت شگلة  اكثر شغلة تجي بالي _  الصدك من تلزم ايدي..

؛هههه گلتلج  بية مو اسويها الج.

_ عادي.

؛  همم لعدتردين  على الجايات اكثرهن

_ اي..

؛  احبج ريمي

_...

؛ ريمي!؟

_ هاا

؛ گولي احبك.

_ تأخر الوقت اريد اناام  تصبح على خير..

دز ضحكة طويلة وكاتب
؛؛ شردي  مصيرج باجر بيدي.

ضحكت  اخذت نفس براحة حضنت الجهاز نمت..
كعدت الصبح على صوت بيارق تگعدني.

مطيت جسمي بنشاط وگمت غسلت وسلمت عليها..
نزلت ركض بوست آصف  حضني گال

_يابوي اليوم اشوفج عروسة والله مامصدك شبسرعة كبرت ريمي..

  دمعن عيوني وحجيت
_بعدني ريمي ماكبرت..

ضحك گال
_ريمي يا ريمي  صدك ولج بعدج تابعين كارتون دروب ريمي؟!

_اي ولله ذكرتني  الحلقة الاخيرة ماشفتها..

ضربني بخفة على راسي گال
_ ولج لو مو الف مره شايفتة ماتملين

_لا والله ماامل احبة كلش

باس راسي گال
_يابة من تروحلج فدوة ريمي والي سووه الكارتون.

  غمضت عيوني بخجل حجيت
_والله احبكككككككككك

قطع كلامنة صوت بيارق
_ترة اغار

ضحك گال
_ للاسف ريمي روحي من الدنيا..

تخوصرت گالت
_واني شبقيتلي

_انت عيني الي امشي ومأمن لان مستحيل تكسر الثقة بيج.

ابتسمت حجيت.
_من فدوة الكم شگد حلوووين.

ضحكت گالت
_يالة يحلوة روحي بدلي  ونزلي نروح للصالون لان بالتلاثة لازم نروح للقاعة..

ابتسمت حجيت
_اوك دقايق.

صعدت بدلت ونزلت بسرعة گلت لامي  راح اروح گالت لله وياج.

صعدنة بالسيارة صوت الاغاني كلش عالي..

آصف يگول لبيارق نصي الصوت تگلة

_اني اخت الولد موش اخت البنية ماگدر..

باوعلها صفح گال الها
_ لعد خل ادفرج من لسيارة ماطول اخت الولد.

بيارق: يااا ليش عود

آصف: ميصرفلي هل كلام وداعتج

بيارق: روح لعد بعد مااحبك..

آصف : اي مو زعطوطة

وصلنة للصالون وهية مطنگرة بوجهه..

نزلنة واستلمتني ام الصالون   مكياج وتسريحة..

لبست البدلة فستقي فاتح  بيها نص اردات تول.

وهل مرة رفعت شعري كله.

للثنتين  رجعنة للقاعة.

مؤمن ينتضرنة لان ناخذ صور

اخذنة اكثر من خمس صور  وغيرت البدلة لبست البيضة.

اخذت صور  وحركات كلش جريئة.

اخر شئ حجت المصورة 
_ احتضن خصرها من وره

ومؤمن ماعول  حضني  من وره  حط راسة برگبتي گال
_احبج.

بلعت ريگي  بتوتر..

اخذت الصورة  وگالت
_رجاءاً  اوكفو مقابل بعض

صار كدامي  محتضن خصري  ر راسي على راسة ركز بعيوني گال

_سبحانة من صب العسل بعيونج..

ابتسمت  غمضت عيوني.

خلصت الصور  وگالت  اخذ راحتكم هذه اخر صورة..

بتعد عني رحت لغرفة التبديل  رجعت على البدلة الفستقية.

اجت بيارق گالت المعازيم وصلو ياله هسة دخوليتكم.

هزيت راسي  حجيت
_ماعندي شئ انتضركم..

ابتسمت گالت
_ ثقي يا ريمي كل الي دااسوي لمصلحتج ولله لاتحقدين علية لان خليتكم تقدمون موعد العرس..

_لا والله بالعكس  لمصلحتي هل شئ..

باستني گالت
_  اي وداعة بابا لمصلحتج انتِ قبل مصلحة اخوي ولعلمج حجيت وية خالد  خليتة يجي حتى يقدم موعد العرس بحجة  يريد يحضر العرس  وعندة سفر مهم..

ابتسمت حجيت
_فدوة لگلبج حبيبتي..

ابتسمت واخذتني طلعت وياها.

صار كدامي مؤمن يعدل بالسترة.

اخذ بيدي ودخلنة..

نصدمت بالدخولية  شارة اغنية كارتون دروب ريمي بس بصوت مغني..

صديت علية عيوني مدمعة  ماتحملت نزلن دموعي..

مررت بخاطري فكرة عبرت ظلت الذكرى
نسيت الحزن شوقا للغد الأفضل
دروب قد قطعتيها أفينا البعد أم فيها
نسينا عيبنا في الأمس لم نسأل
مررت بخاطري فكرة عبرت ظلت الذكرى
نسيت الحزن شوقا للغد الأفضل
دروب قد قطعتيها أفينا البعد أم فيها
نسينا عيبنا في الأمس لم نسأل
ريمي ريمي ريمي

نص الطريق اجت بيارق وميساء   يصفكن ويهزن بدينهن..

  اخذ بيدي يهزه   ضحكت  سحبني علية  حجيت
_احبككك والله

باس راسي بقوة گال
_يابعد عشيرتي واخيرا نطقتيها..

مر وقت والكل نجمع يركص..
ستأذن وطلع..

ساعتين ضبط الحنة.

احس رجلية صارن خيوط..
  كعدت على الكوشة  اجتني بيارق تگول
_يالة عروستنة گومي

_وينن

ضحكت گالت
_يعني وين غير تغيرين البدلة.

نطتني ايدها گمت وياها..

  لغرفه التبديل..
غيرت البدلة كعدت انتضر مؤمن لان گايل ل ميساء  يريد يحجي وياي..

نفتح لباب  دخل مؤمن شافني  ابتسم وتقرب علية حضني گال

_ اليوم اروع يوم بحياتي..

ابتسمت حجيت
_اني هم..

باسني من خدي گال
_احبج لحد اخر يوم بحياتي..

تنهد ورجع حضني  طول يالة بتعد  ضحك بخفة گال

_اريد اعترفلج بشغلتين..

ابتسمت حجيت
_الي هن!

تلمس خدي بااصابعة گال
_تذكرين من ضعتي بكربلاء..

هزيت راسي بقبول.

ابتسم عض شفتة گال
_هذاك اني..

فتحت عيوني بصدمة ردت احجي حط اصبعة على شفايفي گال
_ اگمل.

والي عبر على بيتكم ملثم گالج غمضي عيونج وحسبي من واحد للخمسين  اختفي  هذه هم اني.

بلعت ريگي حجيت
_لعد ليش من گلتلك انت گلت لا..

ابتسم  وتنهد باس عضمة رگبتي گال

_انتضريني ما طول واجي..

هزيت راسي بخجل حجيت
_تمام..

بنعد عني وصل باب الغرفه تنهدت حجيت بخوف
_لاتطول..

التفت علية  گال
اي اكيد.
  من اشهر انتضر هل يوم.

ابتسم واردف
_غمضي عيونج وعدي من واحد للخمسين تلگيني گدامج...

ضحك حجيت
_وعد؟؟

هز راسة گال
_وعد.

طلع من الغرفة  غمضت عيوني  والخوف تارس گلبي  حسبت من واحد للخمسين..

فتحت عيوني  وية فتحت الباب ابتسمت براحة توقعته هو بس طلعت بيارق..

تقربت علية گالت
_ وين صرتو طولتو ترة.

هزيت راسي حجيت
_مؤمن وين؟!

ستغربت حجت
_غير هنا جان اني اجيت اسئلج عنة.

بلعت ريگي بخفوف حجيت بس هو طلع..

  صفنت بوجهي ثواني گالت
_اوكفي خل اتصل على خالد..

نفسي سرد  وجسمي  احسة نار من الحرارة..

حجت ويه خالد باوعتلي فاتحة عيونها.

هزيت راسي بمعنة شگو

ركزت بعيوني گالت
_مؤتمن مختفي هو وسيارة الزفة،  يتصلون بي مايفتح خط مغلق..

ضحكت   حجيت

_خدعني نفس كل مرة..

دموعي زادن  ماگدر اتحكم بيهن..

 
كمشت ايدي گالت
_اهدئي ريمي.

هزيت راسي حجيت بضحك هستري
_وهمنييي

_ريمي  ماكو شئ هدئي.

ميلت راسي حجيت
_بس هو يحبني مايعوفني..

بيارق: اي طبعا مايعوفج بس اهدئي.

دگ جهازها فتحت  خط كامشة ايدي.

ردت: الو خالد گول شصار؟!

شهكت باوعتلي گالت
_لا تگولها  خالد وانت شمدريك مو خط مغلق!؟؟
؛؛ والله العظيم  اخوك نذلل وساقط اليوم اخلي ابوي يتبرى منة..

اخر شئ سمعته صاح بيها
_ولج اني شعلية اذا الكلب سافر، لاتحجين شئ هسة يگولون بيها شئ..

شهكت ودموعي نزلن  بعد ماحسيت  غير على صوت غريب..

فتحت عيوني  شفت خالد وبيارق  رمشت حجيت بتعب..

_رااح.

طلع خالد بقت بيارق يمي.
شگد حاولت تحجي وياي اني فاقدة دموعي تنزل واباوع للفراغ..

تفاجئت بروحي شجابني للمستشفى؟!
حجيت
_شلون اجيت هنا

_من جنت احجي وية خالد فقدتي الوعي   ومن عرف اجه هوه جابنه.

_وآصف.!

شهكت وبجت گالت
_آصف تحلف يطلگني..

صديت عليها حجيت
_ليش

_شنو ال ليش يا ريمي غير اخوي عافج بيوم زفتج..

ضحكت حجيت
_انتِ مالج دخل مستحيل يعوفج..

حضنتني تبجي ماعرف اذا تهون عليه لو لان آصف يريد يطلگها.

مر وقت  طلعوني من المستشفى ببدلة الزفة الي المفروض انزف بيها للفندق..

مسحت دموعي
صعدت بالسيارة..

نص الطريق حجة خالد
_نروح لبيتنه؟!

ردت علية بيارق
_طبعا اي  آصف مموجود مااجازف اوديها  لعيالي...

قاطعتهم بااصرار
_ودوني لاهلي.

صدت علية بيارق گالت
_على الاقل من يجي آصف اوديج.

هزيت راسي بنفي وحجيت
_بيارق  اريد اروح لاهلي.

هزت راسها وطلبت من خالد يودينة لاهلي
مسافة الطريق وصلنة

نزلنة باب البيت  ااصبح طلعت منا اضحك وفرحانه وهسة  ادخل الهم ببدلتي مكسورة من المفروض هو زوجي..

دگيت الباب طلعت ميساء عيونها مورمة.

شافتني حضنتني  مابادلتها  لحضن دخلت   للبيت
بيارق وياي.

ابوي عصبي  وامي اميمة  تبجي..

شهكت بدموعي وركضت لأبوية كمشت أيدة حجيت
_ أبوية گوللهم هو يحبني مايسويها،مو تگول الولد مايتعيب...

توقعت أبوية يحظني ويمسد على راسي بس اليصار دفعني..

احجي اريد يسمعوني محد اهتم من اهلي ضربت وجهي وابجي والله يحبني والله شبيكم انتم؟!

من كد ما صرخت صوتي تغير وراسي وجعني.

مااحس غير اجاني ابوية   ضربني راجدي.

دموعي زادت..

رجع دفرني بخاصرتي وكعت و صحت  بصوت يمكن  الجيران سمعوني..

هم الم روحي وخاصرتي.

جرني من شعري گال
_هم الج عين وتگولي يحبني؟!

هزيت راسي بقبول  شمرني بالگاع وطلع..

اشوف الشفقة بعيون بيارق وميساء وامي.

شهگت وغطيت راسي.

لحضات سمعت صوتة   شهگت وضحكت گمت بسرعة  ردت اطلع صار گدامي حضنتة وابجي.

باس راسي گال والله الة اكسرهم نفس ما كسرو بيج..

اخذني من ايدي وطلعنة من لبيت اجت ورانة بيارق فتح لباب صعدت.

شاف بيارق گال
_بيارق لهنا وخلص كلمن بطريقة يتبع..

..

_توقعاتكم للبارت القادم