رواية لم اخلق لرجل سواك الفصل الخامس وثلاثون 35 - بقلم ايزابيل

#بقلم إيـزابيـل
#لم اخلق لرجل سواك

حرامات التعب بكلب مفتوح لكل الناس انا رايد كلب بس الي شريانه انا رايد شخص يحبني بكلبه مو بلسانه انا رايد شخص يميزني بين كل الناس بس ينذكر اسمي يصيح يفلانه انا وايد شخص وفي وما يخون ومايرضى يشوف ادموعي اعلى خدي ذبلانه...

هذا هديه لروح وقسوور من وحده اسمهه الضل 😍😍

اسفه بنات والله تمنيت اكتب للاثنين جمانه وروح بس هيج اتأخر عليكم ف كتبت لروح بما انو هي اعلى تصويت

هذا هم من وحده من الحلوات😍
..
روح

وكأني طايره فوك  ووجسمي ضال عالق بين السما والارض كلشي بيه ساكت بس صوت نفسي
ينسمع فتحت عيوني بهدوء..

كلشي كدامي ابيض وجهي جسمي لبسي كله ابيض عبالك تلبدت بالغيوم.

بوضعيه النايمه ووجسمي كله متصلب ماكدر احرك اي عضو مني بس اباوع بعيوني حسيت بشيء يطلع مني..

نزلت عيني على بطني فراشه صغيره هربت من بين ملابسي ووطارت ردت ااحرك نفسي الحكهه والزمهه بس ماكدرت..

عبالك حبل ومشدود عليه هبطت بقوه  وسرعه ووضليت اصرخ ماجنت خايفه من الهبوط لان ماحس شعوري عبالك ميت.

بس نصدمت واني مستمره اصرخ وواباوع للفراشه شلون تتصعد ليفوك  وترفرف بجناحاتهه واني اهبط لجوه بس وين ماعرف
..
فزيت ووشهكت شلون الغركان ووطلع راسه من المي رفعت ايدي بهدوء ووفركت عيوني غرفه بيضه ووجربايه وملابس مال مستشفى.

ضليت اتلفتت يمنى يسرى واحاول اتذكر شصار
َ..
لحد بطني نغزتني ووحطيت ايدي عليهه تذكرت الي صار ونعاد كدامي مثل الفيلم..

رئساً عيوني غوركت رصيت على بطني بأيدي..
وين ذاك الاحساس؟ جنت بس احط ايدي على بطني يجيني شعور لا ارادي واحس بأبني حتى ولو كان لحمه صغيره.

بس هسه عبالك بطني فارغه نفتح الباب نزيت بخوف دخل قسور نكلبت ملامحي ووصعدت عندي العصبيه..

دائما جان من يوكف كبالي ضايج ووينافخ وورافع خشمه عليه بس هسه مو مثل كل مره يدخل عليه بيهه..

حسيته تعبان وقلق ومتوتر صحت
: شجابك مو رحت؟ شكو رجعت..

تنهد واجه كعد بصفي على الكرسي
: شلون صرتي

سكتت وماجاوبته درت وجهي صفح ألم ببطني مو معقول..

روح : هاي كله من ورا المسدس مالتك جان كتلني وكتل ابني..

فرك وجهه ووداره عني لعده ثواني وكأنو ديصبر نفسه ورجع باوعلي بعيون متغرغره بالدموع
: روح اني اسف

ضحكت بسخريه
: شنو الجديد حتى تعتذر

اول مره دخلت المستشفى جان نشك راسي ومتت
وثاني مره جان تعوقت ووتدمرت حياتي

والثالثه ردت تموتني اني وابني

الرابعه اموت لا محال

بلع ريكه وكام ووكف على حيله فتح اول زر من قميصه وويحاول يشتم الهوى يباوع عليه ووخاطره مكسور ووقهر بعينه..

ووشفقه

روح : شبيك تريد تحجي شيء؟ احجي وروح للبصره! لتخليني استغرب

رجع لمكانه ووجر ايدي خلاهه بين ادي الترجف وولزمهه بقوه : متوجعه

عقدت حواجبي بألم : اي شويه من بطني وماعرف شنو السبب

اجه يحجي بس نفتح الباب وودخلت الدكتوره تبتسم اجت عدلت الي المغذى وكالت : شلون صحتج

: بطني توجعني

: شيء طبيعي حبي

باوعت لقسور ووكالت : شتصير منهه

: زوجهه

رجعت باوعت عليه : حبي ماما بس اريد احذرج هالفتره مراح يصير عندج حمل اقل شيء سنه يلا تكدرين ترجعين تحملين لان انت حيل متأذيه..

جسمي رجف : يعني شنو مو..

صفنت شويه ووصرخت : شنووو قصددددج ابنييي وين لعد

باوعت القسور وورجعت باوعتلي
: ماما طرحتي

وجع تحرك بداخلي صعد لكلبي بزني ووأذاني..
عبالك كفختني على راسي مو حجت خشمي صارت بي حرگه قويه وودموعي هلت بقهر..

روح : شنو مات قبل لا اجي للمستشفى جان موجود جنت احس بي والله شسويتو احجييي وين وديتو ابني..

وخرت الغطى ووننزلت رجليه ركضت على قسور

روح : انت لمن صرت قريب عليه حسيت بي مو شفت بطني شلون كبرانه حاجيهه كول الهه..

ساكت ويباوع الي بقهر وهي هم ساكته
:شبييييكم نخرستووو وانت ارجعي اتأكدي اكيد بعده موجود بطني بعدهه جبيره شوفي..

وارفع بملابسي كام عليه لزم اديه الاثنين وجرني لصدره حضني بقوه ووضمني بين ادي
مي بارد وونصب على راسي صارلي شكد ما حاسه بحنيته هاي؟ اووووو مفتقدتهه حيل..

مسحت دموعي ورفعت راسي علي ومبرطمه
: انت مصدكني مو

الدكتور : طفلج توفه الله يرحمه وواحنه لفينا بوصله بيضه وذبينا الله يعوضج بعدج صغيره والعمر كدامج

حركت اعصابي حرك من كالت ذبينا وراحت بدم بارد طلعت دفعت قسور وركضت وراههه واصيح
: شنوووووو ذبيتيييي ابنيييي ويننننن..

جريت المغذييي ووشلعته قسور صار كدامي ويحاول يمنعني واني اشيل بروحي واركعهه بالكاع: لك وخر عني تكول ذبت ابنييي ذبته

لزمني من اكتافي ووصاح : مييت ميتت تعرفين شنو يعني ميت..

وكعت للكاع بجسد خاوي واعيط
: جذابين ووالله جذابين بعده موجود 

وولزمت بطني بثنين اديه كرفص كدامي وورفع ووجهي الي مليان دموع وواحمر بعد خصلات شعري ووهمس

: روح الطفل مات

هزيت راسي ب لا : ما مات اني احس بي..

كعد بالكاع ووجرني انتجه على الجربايه ووسحبني لحضنه صار نص مني بحضنه ووراسي علي صدره وورجليه ملامسه الكاع البارده..

لافني بقوه وويهمس بأذني
: اني اسف والله اسف كله بسببي اني دمرتج روح ووتراب ابوج ماجنت ادري بنفسي مشيت ورا عاطفتي..

باسني براسي ووبعد شعري باسني خلف اذني بهدوء واني صافنه وواتذكر كلام الدكتوره...

بقينه على نفس الحاله بالنص ساعه

بس عيوني يرمشن  شالني بين ادي وورجعني على الجربايه ..

وكعد بصفي يمسح على وجهي وشعري غطاني
..
بقه طول الليل كاعد على الكرسي وومكابلني..

واني عبالك تخيط حلكي مجاي اكدر احجي ولا انطق اي كلمه..

خلص كل الكلام ماكو ولا حرف يوصف احساسي ووجعي كارهه العالم كله طلع الصبح واني على نفس الكعده وهو نام ووفز توسل بيه انام بس اني حتى مارد ولا اباوع علي نظري لو للسكف لو للحايط وايدي مانزلتهه من بطني..
..
كال نطلع من المستشفى ماجاوبته

قسور : احجي شيء لخاطر الله

بلعت ريكي ودرت وجهي عنه ودموعي تصب على المخده راح سجل خروج وواجه..

قسور : كومي يلا

واجه رفعني عن الجربايه

قسور : بس انتضري اني طالع وانت بدلي ملابسج ووالحكيني..

فتح الباب ووطلعت شمرن نفسي شمر على الجربايه وووكعدت عاقجه ملامحي وحواجبي وصافنه مابيه احرك لا ايد ولا رجل..

ضل ينتضرني هواي لحد ما دخل ونصدم من شافني على نفس كعدتي اجه عليه بعصبيه ووصاح : روح شبيييج تخبلتيييي طفل ماصارله شهرين ببطنج راح تموتين نفسج..

رفعت راسي علي ووخزرته حاول يستفزني حتى احجي بس اني كلش ملصومه اضطر هو يلبسني ويمشيني للسياره ويصعدني..

واني تمثال وويحرك بيه
..
بالمستشفى اجر بروحي جر ماريد اطلع منهه وابني بيهه وعلى طول الطريق اصب الدموع..

وصلنه للبيت وبالعتبه تخربطت بين ادي ووكعت نصدم ودنك عليه رجع رفعني وويحاول يخليني استقيم بوكفتي...

بس ماكو عبالك رجليه تكرمت طببني هو للغرفه
...
بقيت على هل حال لا اكل لا شرب لا حجي وبس بجي خاصا بليل تهيج مواجعي..
اسبوع كامل هو انشل شل حاير بيه وصلت بيه يدخلني للحمام يسبحني لان جسمي كله دم..

وويحاول يوكلني بس ماحطيت ولا لكمه بحلكي

اجه كعد بصفي وواني نايمه على الجربايه
وصافنه للسكف : باوعيلي

درت وجهي علي بااوع بعيوني

: متتصورين شكد ندمان لان بجيت هالعيون في يوم اني اذيت روحي قبل لا اذيج

ابتسمت بسخريه بداخلي اتمنى اكله شنو صحى ضميرك بعد ما شوفتني انواع العذاب

قسور : ابوج من جنه صغار وواخذج نلعب يحط ايده على جتفي وويكلي ديربالك على روحي اذا صار بيهه شيء اموتك..

تمنيته عايش حتى يشوف شسويت بيج ويلومني يضربني يموتني مستعد لأي عقاب..

مسح وجهي رمشت عيوني بتعب كلامه ماجاي يأثر بيه ولا شويه اييي فعلا مات الشعور بيه..

قسور : اذا ربي قدرني ف ثقي بالله راح اعوضج عن كلشي صار...

همست بضعف : ماريد تعوضني اريد تعوفني

لمن حجيت حسيته ماصدك ووفرح كال
: احجي بعد شلون صرتي

غمضت عيوني بتعب
: عوفني هاهيه الي نكسر ما يتصلح مهى صار شتريد بشنو تعوضني ترجعلي ابني تكدر؟ تمحي الحضات الي بجيتني بيههه؟

برطمت : لك والله خطيه اني عذبتني ووكسرتني وودست عليه وولحد اخر كم يوم متأمله ترجعلي كل هذا ماصار بعينك بعتني بسهوله ووبكل مره تدير ضهرك ولا كأنو اكو بشر كدامك..

انت ماقدرتني وماراح اسامحك ليوم القيامه
درت ووجهي ووانطيته ضهري عصرت عيوني بالمخده حيل وابجي

بيوم بليل بعد ما مر اسبوع على حالتي..

هو نايم واني كمت غسلت ووتمشيت للبره باوعت على الهول ووتذكرت الصار سهم وصاب كلبي...

خسرت ابني بسببه محد غير مذنب ووراح اضل ادعي علي ليوم الدين لحد ما يرتاح كلبي ويبرد..

طلعت للحديقه ووباوعت للباب مردود مديت راسي الحارس ماموجود تنهدت ووغمضت عيوني..

هاي فرصه ماتتعوض مابقى يمه بعيد مستحيل اكعد ببيت يجمعني بي لبيت نعالي..

جنت لابسه تراك مستور فتحت باب الشارع ووطلعت اكو قلق بداخلي..

بس لو اعرف انجلط من الخوف ما ابقى يم واحد سفاح مثله اريد ارجع الامي ماريده..

سديت الباب ووطلعت امشي بالشوراع الضلمه افرع تتشابه ووماندل ولا اعرف منين اطلع..

امشي وواشخط بالنعال ووحدي ووبليل اضلم يخوف المايخاف واني وحدي ارتعش..

شكول غير الله يعيني على هل عذاب هذا..

ليش من دون البشر اني نكتب عليه اعيش هيج ماسأه يتيمه ام وواب ايي يتيمه ام هم...
وتالي اوكعلي بواحد مثل قسور يزيد همي همين

رفعت راسي للسما الصافيه ووحجيت
: بابا طمني ابني يمك؟ اذا يمك اني هم اريد اجي
تعبت من الناس الي تطعن بيه..وتأذيني

مو رافعه راسي ووامشي عثرت بطابوكه صغيره متروسه كزاز ووحده من الكزازات دخلت ببين الحلم ووالاضفر مال رجلي الجبيره..

متت وروحي طلعت حتى ماعرف وين اني بيا فرع وين صرت..

سمعت صوت جلاب نداريت جان اشوف جلب اصفر ضال جلد على عضم يلهث وويسيل العاب من حلكه..

بهالحضه روحي صارت عزيزه بحيث نشغت نشغت موت ركضت بكل طاقه عندي حتى نعالي ننزع من رجلي وهو سريع..

كل ما اسمع صوته اركض اكثر كمت اصيح
: ولج يمه قسورررر الحكلييي قسوررر راااح اموووت

المنطقه هادئه واريد واحد شريف يطلع يساعدني ماكو..

شكد ماتعبت جان وكف كلبي اناشغ وواركض...
كدرت اضيعه لان ادخل بفرع وواطب بفرع..

من شفته راح كعدت على الرصيف وجان اكو عمود خلفي انتجيت علي وتنهدت بتعب..

اتلفت يمنى ويسرى خاف يرجع يجي بقيت كاعده وحدي تقريبا توه جاي يطلع الصبح
السما لونهه غريب..

وسياره عاليه خطفت من كدامي بعدين رجعت بهدوء ووكفت كدامي مد راسه من الجامه وباوعلي
..
يتبع

🖤🖤🖤🖤🖤
ايزابيل