رواية لم اخلق لرجل سواك الفصل السادس وثلاثون 36 - بقلم ايزابيل

#بقلم إيـزابيـل
#الجزء الثامن والعشرين
#لم اخلق لرجل سواك
..

هاي منو تركص هيج 😂😂

كل ما اشوف هل بنيه اتذكر روح😁

ماعرف شلون افاتحكم ب الموضوع بس اني راح اغيب فد اسبوع لان راح اروح للشمال ف ماكدر انزل الكم والله اسفه وان شاء الله اعوضكم والبارت طويل 😘😘
..
جمانه

صدمتني امي من كالت ام اسعد وتريد تشوف انس

بلعت ريكي : ما اودي ماما

: ليش ولج احسن ياخذونه منج

جمانه : شلون ياخذونه وواصلا الحضانه الي مو بكيفهم

: جمانه بنيتي حضري نفسج باجر نطلع اني وياج للعماره نبقى يومين تلاثه يشوفون ابنهم وونرجع

: بابا اخاف يسوون شيء وويبقون ابني عدهم ووالله كلشي يطلع منهم

: اني وياج شحده اليوصله

كمت من مكاني ووذبيت نفسي بحضن بابا ووابجي
مسد على راسي ووباسني بكصتي عفتهم وودخلت لغرفتي اباوع الانس شلون نايم وداخلي يرجف علي

ذوله لا يخافون الله ومايعرفون لا عيب ولا حرام مستعدين كلشي يسوون في سبيل يسون الي براسهم..

مارجع البغداد اذا مو ابني وياي لزمت ركبتي مخنوكه تمددت على ضهري ووعيني للسكف ووالدموع مغرغره.

بهالعمر
ببدال ما احير بمستقبلي ودراستي حايره بأبني شلون احافظ علي واربي عدل وواخلي يشبع من حناني

ببدال ما اركض والعب وي الي بعمري صرت  اركض ورا ابني..

كلشي حكمه منك ولا اعتراض عليه بس ساندني ووعيني ووخليني اكمل هالطريق وهالامانه الي انطيتنياها بسلام مابيه اواجهه نهائياً
..
ثاني يوم رحت اخذت اجازه من الشركه وطلعنه بليل توه جاي ينبثق الفجر اني وبابا..

ابني طول الطريق نايم تعبني حيل وبهذلني كل شويه وعلك ايده ب الشال ووجره وهو نايم..
واضطر اعدله..

لحد ما تعبت كلش هلكني نمت ويا واول ما وصلنه بابا كعدنه فزيت وافرك بعيني ماشفت انس بحضني نجنيت رفعت راسيي لكيته بحضن بابا ويباوعلي ويضحك..

حطيت ايدي على كلبي ووميلت راسي واحاول اعبر عن الهبطه الي اكلتهه : بابا والله متت عبالي شو وين راح

ضحك وحط ايده على راسي خربط شعري من جوه الشال : ههههههه يعني وين يروح يابابا مو كتلج اني وياج وابنج وانت بركبتي..

: فدوه الكلبك حبيبي الله يخليك النه

باسني وكال يلا ننزل عدلت ملابسي ونزلنه جان دنيا الضهر بحدود ال ١٢

انس جان توه ديمشي بعده وهم يوكع كلت البابا نزلنه وواني الزمه علمود يتعلم يمشي..

نزله  هو ضل يضحك وويصفك واني ابتسم على حركاته دنمشي جان يفلت من ايدي وويروح يركض..

نفجعت ووجهي صار اصفر فوراً طبعا احنه مقابيل بيت اهل اسعد ووجنه نتمشاله بهدوء علمود انس..

وهو راح يركض للبيت نفتح الباب ووطلع وواحد لابس دشداشه صحراوي وعلى اكتافه غتره جوزيه دنك شاله بين ادي..

ركزت بي هذا همام شجابه بلعت ريكي ووبابا راح علي وواني ورا ووكفنه مقابيله..

رئساً عينه صارت عليه انس مكيف بحضنه ويهوس ويضحك جره بابا من ايده وومخنزر علي
تخطى ووراح دخل ليجوه واني لحكته..

وكفنه ب الحوش طلعت ام اسعد بابا نتر
: هذا شكو جاي هنا؟ تردون تبلونه بمشكله جديده لو شنو؟

:جاي يشوف اخته والله لو بيدي جان طردته بس هو دخل جالنه چول وويصيح ماجاي ميت عليكم اريد اختي اشوفهه واطلع..

كلناله مو هنا ماصدك كال  باجر اني مزروع هنا وواذا مالكيتهه حسابكم عسير..

اسمع وومصفصفه عزا بعيني ان شاء الله بابا شافه وهيج تكهرب لعد لو يدري اشتغل عنده شيسوي..

ام اسعد ركضت اخذت انس وتبوس بي ووتشمشم وومشتاقتلك يابن الغالي ودخلنه ليجوه طلعو استقبلونه ابوي راح يم الزلم ب الاستقبال واني بقيت يم النسوان..

كعدت مرة ياسين مروه يمي
: اي شلونج شخبارج جمانه

: الحمدلله بخير

: متغيره حيل وملحوه هيج فراك اسعد يسوي

خزرتهه : صدك تحجين ليسمعج احد شيكول بلا؟ الحمدلله والشكر

: وشحاجيه هسه اني قابل مجذبه وجهج يشع ولا عبالك زوجج ماصارله كم شهر ميت

: شنو كم شهر؟ راح تطلع السنه مالته

: اي وانت حتى اسود مالبستي

: الحزن مو بالاسود وبعدين ششفت منه زوجي كضاها خيانات الله يرحمه ويغفر اله..

عفتهه وكمت لان اذا ضليت كاعده اكثر احتمال تخليني ادچ نفسي من المغثه.

صعدت لغرف وحده من البنات بدلت ملابسي وانس جوه يم بيبيته شفت بنت عم اسعد صغيره عمرهه ١٢ سنه وصيتهه على انس خاف يلعب وي الجهال عينج علي اني راح انام شويه..

لان حيل تعبانه
..
كعدت ب٤ هوسه وونسوان وجهال هوايه وصايره كض اخوك لا يطيح كلت انزل اتغده وواغدي انس وواصعد لهنا مانزل بعد..

ووغسلت وبدلت ملابسي ونزلت لكيت انس منطلق يلعب وي الجهال وكل شوي وواكع على ركبه وخطيه جان لابس برموده رحت شلته
وشفت رجلي متزلغه فارت روحي صحت بيهم

: صدك تحجون واحدكم شكبره وهو طفل يلعب بينكم ما درتو بالكم علي شوف شصاير بي..

مو عطت عليهم واني شايله جان يركعني براشدي على عيني فكسهه تأذيت حيل ووالجهال كامت تضحك علي..

باوعت علي بنص عين
: ها حيووان من هسه بعتني

هو صافن ويضحك
..
رحت غديته وتغديت ووبقينه كاعدين يم ام اسعد حسب طلبهه شويه وصعدنه ضل يبجي ونط اله انزل العب وياهم  واني قافله مستحيل اخلي يطلع ويتعور من جديد
َ..
مر اليوم بسلام بابا شفته على العشه بس الوقت كله كاعد يمهم والفجر طلعو للصيد.. رجعو الصبح..

ب ٩ اني ماكعدت بس هنه كلهن كعدن يسون ريوك واكو بيهن طلعن للبستان بس اني بقيت
اني ووانس بالغرفه
..
لحد ما العصر تقريبا جنت ابدله توني مسبحته
سمعت صوت صياح كمت فتحت الشباك ووعفت انس لوحده ب الكاع..

شفت سياره همام طابكه ب الباب يعني اجه ووراح تنلاص زين همه ليش ماخابرو رهيب يجيب فاديه حسب ماسمعت طالعين سفره....

رجعت وجان اشوف انس لازم البودره وومغرك روحه بيهه تغرك عطت بي : لا يا ابن المطيه لك شمسوي

حتى شعره مكلوب ابيض ووجهه ومايزال يبتسم وويضحك ويرجع يدير على روحه بودره عصبيتي دفعته نشمر ليوره ووكع على ضهره اخذتهه منه..

ولزمته من ايده ورفعته عن الكاع نط من البجي
واني ما مهتمه اله روحي صايره بخشمي..

سبحته من جديد ووطلعت لبسته شلون ماكان وهو بعد يبرطم بسته بخده
: لتزعل حبيبي

وونزلت اركض وكف على الشباك مال الهول واباوع علي العركه الي ب الحوش ووالبنات كلهن مجتمعات بالشباك الي بالمطبخ هم يباوعن..
بس اني ماريد اروح يمهم.

همام : لمن احجي بوضوح واكلكم اريد اختي اشوفهه ماتجاوزت بحقكم ولا هنتكم صارلي يومين افتر عليكم واكلكم انطوني رقم رهيب اني اخابره واتأكده..

ياسين : دحترم نفسكَ ولا تصيح اختك مبتلين بيهه احنه طلعت هي وزوجهه ندز وراهه حراس مثلا

همام : احجي عدل لا اكسر سنونك بحلكك كلك خلك فرخ تطول لسانك على الاكبر منك محد يتندم غيرك..

ياسين عيونه صارت بكصته طفر على همام لزمه من ياخه قميصه : دنجب لك واطلع بره يلاااا كلك خلك تافهه ساقط دايح

حجه هيج لو ابتله على روحه گضه من ركبته وركعه ب الحايط رئساً كصته جرت دك ووكعله فشار ووغلط نفتح الباب وودخلو رهيب وفاديه..
انتبه همام عاف ياسين ووراح على اخته جرهه من ايدهه وواخذهه سحل..

رهيب ضل مصدوم وواكف
..
باوعت على انس خطيه خاف خليت وودخلت لجوه
..
فاديه

سمعت حركه ب البيت وصوت جامه نكسرت راحت روحي فورا كمت من فراشي ونزلت الغرف جانت جوه تمشيت بهدوء وومديت راسي من المحجر جان اشوفه واحد لابس اسود ب اسود وويتمشى بزوايه البيت..

كلت يمه عزا هذا حرامي

دارجع اصعد بهدوء وناويه اخابر رهيب جان يندار وولد يطلع عمره ب ١٧ سنه..

حجيت من ورا المحجر :منو انت شجابك؟

دنك راسه وحجه : اسف خاله بس الطوبه ووكعت هنا ووباب البستان مفتوح دخلت ادور ب..

قاطعته : وشلون تدخل هيج بدون استأذن ماكو حرمه للبيت

: ماعبالي اكو ناس لان صار اكثر من سنه محد يجي

حجيت بغضب
: ديلا لكيتهه للطوبه

: ااا لا مالكيتهه اذا تسمحين ارجع ادور بالبستان

: ماشي بس لا تدخل لهنا رجاءً

هز راسه بأي وطلع تنهدت براحه استغفر الله شلون خوفني شويه وطلع مابقى هوايه.. رحت كلت اسبح لان ميته حر ووابدل وانزل..

سبحت ولبست دشداشه قصيره ربع وشعري مامشطته خليته مفتوح ومبلل ينكط على ضهري يبردني

دخل رهيب ووهو يباوعلي ويباوع للخلف
: هاي ليش الباب مفتوح؟

: انت عايفه مفتوح وطالع

: صدك؟ ليش ماسديتي

باوعتله ببرود : نسيت ووكلت اخاف اصعد لفوك وانت تضل بالباب تدك

ماكتله على سالفه الولد شفتهه متستحق..
انطاني العلاكه وكال بس طكي البيض وسوي جاي
وجان جايب كيمر هم.. ويا صمون..

دخلت ايدي بالعلاكه ووقضمت نص من الصمونه وواكلتهه واني امشي..

مادري شلون انتبهلي بس صاح وهو يكعد على التخم : ليحرمج الاكل؟

ماجاوبته رحت كملت الريوك ووصحته عين عليه وعين على التلفزيون يباوع اخبار..

لحد ما صحت : استعجل ترا راح يبرد..
..
كعد مقابيلي تريكنه وكملنه وهو طلع للبستان..
وكفت اغسل ب المواعين واباوع اله من الشباك..

رفع بنطرون ووفتح قميصه ذبه بقه ب الفانيلا البيضه ووطلع للشارع نزل من السياره سنادين وورد ووبذور..

انتبهت علي يحفر بالارض وويدنك يطلع الورده منن السندانه وويزرعهه والبذور نفس الشيء..

اباوع على من الشمس عركان وجسمه ينكط مي..
تنزل من كصته تتسلل على خده وركبته..

ركض فتح الصونده ورش ووجهه ورجلي الي مليانه طين ووضل يسقي بيهن.. عفت البيدي ووصعدت للغرفه مقبوض كلبي.

ماكدر اضل مكابلته وكاعده اختنك من اشوفه وخاصا عيونه تذكري ب الي صار لان بالسياره واني اصرخ وواشهك يباوعي ب الجامه بعيونه الي جانت خايفه بوقتهه..
..
ضل للضهر هو يشتغل بي
..
مليت من البرود اتمنى حياتي ويا تنتهي بأقرب وقت تعبت واني اجهاد بشوفته،،

لا ارادياً دموعي نزلت مخنوكه كلش وواصله ويا حد النفاذ فتح الباب وودخل مسحت دموعي فوراً

تقرب عليه ووهمس بصيغه التعجب
: بيج شيء

دنكت راسي واردفت بحسره ووصوت متقطع مبين علي البكاء : لا لا زينه اني

تخصر ووبلع ريكه بقله صبر ودار وجهه صفح لعده ثواني ورجع نظره الي: ترا العيون تحجي كلشي..

رمشت طاحت دموعي : تريد الصدك؟!

اجه كعد مقابيله على الجربايه : اكيد

زفرت نفس : مليت من كلشي حياتي يم اهلي الي كلهه دمار ووضرب وغلط ماختنكت بيهه كد ماتعبت من البرود البينه..

اني ماريد تتقرب مني وبنفس الوقت اريد تنهتي هالمهزله مجاي اكدر انسى ذاك اليوم نحفر بدماغي حفر ضلمت نفسي وضلمت بهالزواج..

انت اكيد ماراح تكدر تتقبلني بعد الي صار ولا اني اكدر اتقبلك ف اتمنى تطلكني..

زفر نفس ووكال
: اني متقبلج بالي صار والي راح يصير لان مالج ذنب البرود بسببج انت بعدج مامتأقلمه على حياتج الجديده على الرغم صار النه اكثر من شهر..

نترت : ولا راح  اتأقلم اتمنى تفهم انو اني ماكدر اتقبلك..

وكف على حيله وقبل لا يندار حجه بسرعه
: الزمن كفيل بكلشي..

نزع الفانيلا ودخل للحمام غمضت عيوني بقله صبر ووانتجت على تاج الجربايه ياربي شوكت راح تفض..
..
طلب ملابس وكمت وديتهه اله بأدين ترجف..
طلع من الحمام ينشف ويباوعلي كال
: عاجبج نطلع

: لا تعبانه

: براحتج اني طالع امر على صديقي بهذا الفرع ديربالج على نفسج واقفلي الباب اني عندي نسخه..

: اوكي

...
بقيت الوحدي افتر مثل الطنطل احير وين اروح لحد ما قررت اطلع للبستان حطيت شال على راسي وبدشداشتي رحت.

مكتفه اديه وافتر واستنشق الهوى بكل عذوبه..
فريته كله فر اكو اسطبل مال احصنه

شفت حمامه وكفت على الباب القصير مال الاسطبل ابتسمت وتمشيت الهه بدون ماتحمس
بهدوء..

لزمتهه بين اديه ريشهه ابيض يجنن ضليت امسح على راسهه وخليتهه على خدي..

مشيتهه بهدوء على وجهي صار المنگار مالته على شفايفي دغدتني متت من الضحك..

قربت شفايفي يم اذنهه وهمست
: عود ادعيلي يم ربج

ووطيرتهه ضربت اجناحتهه بقوه واختفت ب السما بثواني
..
شفت اكو كوخ صغير مشيت اله فتحته بي غراض الزراعه منجل وگراك وباقي الاشياء بي ضوه خافت اصفر..

حطيت شعري ورا اذني جانت الكاع كلش نضيفه كعدت وتجيت ضهري للحايط..

سندت راسي على رجليه ووفكره تاخذني والثانيه تجيبني
..
لحد ما نفتح الباب بعد ما خلصت  قريب النص ساعه ب الكوخ..

دخل رهيب رفع طرف حاجبه : شتسوين هنا؟

ردت اكوم اشرلي بأيده بمعنى لا تكومين واجه بصفي

فاديه : ضجت واجيت لهنا

رهيب : مو كتلج نطلع؟

فاديه : مالي خلك الا شيء جنت بس اريد اكعد لوحدي

رهيب : شنو الي يريحج

عقدت حواجبي وباوعت اله

رهيب : شنو الي يريح نفسيتج؟

بلعت ريكي وتنهدت: ماعرف ماريد غير الهدوء لان تعبني الضجيج الي بداخلي.

سكتنه لدقيقه كامله رجعت كلت
: تتوقع اذا اكول الاهلي رهيب جان موجود بذيج السياره الي خطفتني يطلكوني منك؟!

رهيب : انت شتكولين؟!

فاديه : اني بحيره
..
خطفت دمعتي بسرعه على خدي تقرب عليه ومسحهه بقت اصابيعه تتجول على خدي لحد ما صارت بنهايه ركبتي وجرني بهدوء...

غمضت عيوني توقعت اذا كسر الحاجز الي بينه راح اتعود علي وراح انسى كلشي..
..
بس صارت ايده تتقرب على اجزاء من جسمي انتفض كلشي بيه ووروحي وجعتني وونفسي عله
جاني مقربني علي بحيث صايره بحضنه ووانفاسه بوجهي بركبتي وكل لمسه منه طعنه بكلبي..

لزمته من قميصه بقوه ووعصرت عيوني ابجي
بصمت من كد ما شاده ايدي علي انكطعت الدكمه.
همست :رهيب ابتعد

عبالك جان فاصل عني وعن الدنيا احاجي ميسمع او يسمع وويغلس ضليت صابره لحد ما نفجر كلشي بيه وصحت : وخرررررر عنيي
..

ودفعته ووكمت انزل بملابسي وواشهك فتحت الباب ووطلعت امشي واتعثر بكلشي كدامي...

بسبب الدموع كمت كلشي ماشوف واروح يمنى يسرى من ورى مشيتي الما منتضمه.

لحكني ووهو يصيح: فاديه انتضري فاديه

وصل ليمي ووكف كدامي ويلهث جرني من اجتافي نترت نفسي منه ووصرخت : لتلزمنييي

رهيب : اني اسف اعذريني والله ما جنت منتبهه على نفسي ولا عليج..

فاديه : وخر من طريقي

احجي بشهكه ووامسح بدموعي من الهبطه جسمي كله يرجف كوم كدرت اوصل للغرفه. ماتن رجليه واديه..

بس حطيت راسي على المخده نمت مدري تخربطت بس على الاكثر تخربطت لان بعد ماحسيت بأي شيء واذاني صوفرت..
..
ثاني يوم من الصبح رجعنه لان ماعرف منو مخابر رهيب طول الطريق اني اخاف اباوعله وواذا مد ايده الفد حاجيه يمي اضل ارعش
..
بس وصلنه نصدمت بوجود همام حتى مافهمت شكو بسرعه جرني من ايدي وطلعني لبره....

فتحلي باب سيارته وواشرلي بحاجبه اصعد صعدت وهو حرك السياره بأنطلاقه سريعه
..
روح

فتح باب السياره ونزل ليمي يركض غمضت عييوني بملل كرفص ليمي ولزم وجهي بثنين ادي : روح ليش هيج تسوين ليش

عطت : قسور عوفني

: مو بكيفج كومي يلا

لزمني من اكتافي وورفعني حاولت اتملص منه بكل طريقه بس لازمني بأحكام ضليت اصرخ
: قسور الله لا يخليك ولا يوفقك عوفنيييي ان شاء الله تحترك بنار جهنم مثل ما حركتني ابتعد يلا شنو صرت حنين.

حط كف ايده الضخم على شفايفي وعصرهم بقوه : ميخالف راضي بس امشي يلا..

فتح السياره ووذبني بقوه وسد الباب وصعد انفاسه نار وعيونه حمر..

عضيت شفايفي السفليه بألم وغمضت عيوني..

قسور : فهميني شسوي؟ مجاي اكدرلج! لو احطج بقفص تسوين الي براسج؟ لو طالعه من المنطقه منو يلكاج بعد ها

روح : بس اسألكم سؤال

قسور : انجبي ونلصمي حسابج بالبيت

روح : انت مو تكرهني متحبني وتعتبرني بنت شوارع شنو الجابرك تبقيني يمك ها اني ماريدك وانت متريدني خل نطلق

قسور : ينكص لساني قبل لا اكلج طالق وهسه صوتج ما اسمعه اششش

هزيت راسي واني اتوعد
: عبالك اسكت على الي سويته بيه اذا ما تاخد عقابك مايهدالي بال ولا يغفالي جفن..

تنهد ووضرب الاستيرن بقله صبر وصلنه للبيت
عفته ودخلت اتمشى بالبيت لحكني وودخل ذب السويج بتعب..

باوعت على الكاشي
: تتذكر هذا المكان؟ هنا انت وكعتني للكاع ورا الكاشيه هاي بكم سانتي متر انت جريتني من شعري..

تقربت على الحايط وحطيت ايدي علي
: وهنا بالضبط ركعتني وواجيت تكسر ضلوعي ووخليت المسدس ببطني

ووبعدهه وكعت للكاع لان اني حامل وبنيتي ضعيفه ماتحملت شفتني اتوجع كدامك درت وجهك ووطلعت..

اكيد تتذكر؟ واني مداحجيلك على احداث يوم واحد

ضحكت بتعب هههههه لا هذا جان يصير وياي بكل مره تنزل مجاز انت..

هذن العشر ايام جنت تذلني بيهن ذل لحد ما ينخر كلبي.

بعد شتريد مني لا حامل بأبنك ولا يربطنه شيء
ولا حتى الك ذره حب بكلبي شكو محتفظ بيه؟

اذا تخاف اروح ازني وانزل راسك ف لا تخاف حبيبي ماسويهه لو اعرف اطلع اچدي ب الشارع

ف اطمن وعوفني اروح لان تعبت والله تعبت وروح بابا اني انسان نفذ صبره.

ابوس ايدك عوفني

بجيت بقهر ووشهكت ذبيت نفسي ب الكاع يمه ووخليت راسي على حذائه
: مستعده ابوس حذائك ووالله بس طلكني..

كرفص ليمي ووحط ايده جوه حنكي ررفع راسي

مسح دموعي : لا اطلكج ولا اعوفج تروحين غير هذا كلشي مستعد اسويلج..

كعدت ب الكاع ودنكت راسي ب خيبه امل
: اني حياتي كلهه بيدك حالياً وماراح اكدر اطلب اي شيء مدامني سجينه تحت رحمتك

قسور : بطلي تكولين هذا الكلام ترا اكسر راسج

اجيت احجي بس لفتت انتباهي قطره دم نزلت مني علي الكاشي لوثت بياضه ضليت صافنه وحواجبي نعقدت لا ارادياً..

رفعت اصابيعي على خشمي وتحستت الدم رفعت وجهي علي شافني وتخبل

قسور : روح دم هذا شبيج

روح  كلت ببرود : ماعرف راح اموت يمكن

: انلصمي

طلع كلنس من جيبه ووتقرب عليه مسه من خشمي بللت شفايفي صار بلساني دم لعبت روحي..

لزمت صدري بضيق : اريد مي جر البطل من على الطاوله ووفتحلي القبق شربت شويه ووغسلت ووجهي ب الباقي تبللت ملابسي من ناحيه صدري..

خله الاكلنس بيدي وشالهه ثبتهه على خشمي
: بقيههه هيج

ورفعني من على الكاع بثنين ادي خلاني على الجربايه بهدوء وكال بقي راسج مرفوع.

دك موبايله طلع بره يخابر ب الهول بس اسمع كلشي : چايج باجر ماشي بس اطمن على روح اجي انت حضري نفسج.

ضحكت بسخريه يحجي وي قمر اي لعد ليش لا اكيد ديجهزون الزواجهم ويمكن حتى متزوجهه
يتهون قبق ولكه غطا..

رجع دخل ووتقرب مني وهو يخلي موبايله بالجيب الوره..

قسور : شلون صرتي

: مستحيل اكون بخير وانت فوك راسي

قسور : اني فوك راسج بكل وقت

: لعد موتي قرب

قسور : العدوينج ان شاء الله

استفزني كلش صحت واني اشمر الكلنس
: كافيييي تمثلللل كافييي قبل كم يوم مشبعني دك مسبه وضرب شغيرك؟ كعدت من الحلم..

دنك على الكاع شال الكلنس ووكعد بصفي على الجربايه وورجعهه على خشمي : اي تقريبا هيج شيء.

روح: والله اندمك ترا اذا انت تمشيك عاطفك ف اني مستحيل كلبي صار صخره من وراك..

قسور : اوكي يلا ندميني بس ديربالج على خشمج هسه لا ينسد شلون تتنفسين بعد..
..

روح : عوفني واطلع رجاءً اريد انطمر ان شاء الله بحق لا اله اله الله بعد ماكعد..

قسور : براحتج

كام طلع وقبل لا يسد الباب
: ديربالج تسوين تصرف شيطاني اني هنا ترا

وسد الباب حطيت راسي ونمت ضليت لليل يلا كعدت كمت من الجربايه وفتحت الباب ومديت راسي شفته كاعد على التخم بس بـ البرموده ويشرب نركيله

جوعانه وراح اموت بس مابيه اطلع واشوفه..لحد ماهو لتفلت عليه ووشافني جان يبتسم وويغمزلي ويحجي من مكانه : كعدتي

روح : وعساني لا كعدت على الاقل ماشوفك ولو تجيني على شكل كابوس همين

نفخ الدخان بوجهي ووندار اجاه اتصال ثاني وطلع ب الحديقه يخابر اني دخلت للمطبخ سويت لفه جبن ووطفرت للغرفه

ََ..
للفجر اني كاعده نايمه على الجربايه ووصافنه على السكف دخل للغرفه جانت بحدود ال وحده..

تقرب يمي كعد كال روح

باوعت علي

قسور : اني راح اروح الصبح ارجع اريدج منج شي

ماجاوبته

: تذكري  اي شيء يصيرلج راح يأذي ابوج بكبره  قبل لا يأذيج ف ديربالج على نفسج ولا  تحاولين تطلعين..

سكتت جان يزمخ بيه : روح

: ميخالف ميخالف

تنهد وكام سبح وطلع بنطرون اسود وقميص لبسهن ووكف على المرايه يباوعلي ويمشط بشعره ويلبس بساعته الذهبيه..

اخرر شيء كعد يم رجليه على الدوشك وولبس حذائه ووخله وراح والعرفته فاضل موجود على الباب
..
مانمت منتضره الصبح يطلع علمود اريح نفسي وضميري.. بس صارت ب ٧ كمت غسلت ووجهي  ودورت على فلوس ب الكنتور لكيت مال قسور اخذتهن
وولبست ملابسي ووطلعت..

دكيت الباب صار فاضل بوجهي كاعد على كرسي كام وكف على حيله : ها محتاجه شيء..

: اريد اروح للسوك واريد تجي وياي..

هز راسه وكال حاضر

: بس قبل لا نطلع اريد موبايل بس مو مالتك الي تستخدمه.

: شسوين بي؟

روح : ااا اخابر قسور

طلع موبايل صرصور من جيبه وخلاه بيدي
..
رحنه للسوك وواني امشى وهو وراي اريد اضيعه بس شلون مادري شفت محل بي هوسه نسوان..

كتله راح ادخل هو وكف على صفحه ويباوع حشكت روحي بين النسوان..
..
شفته لتفتت على ابو المكسرات الي بصفه ووي روچه النسوان خطفت ووطلعت اركض بتجاهه معاكس الوكفته..

اركض وماوكفته ولا ثانيه لحد ما طلعت من السواك ووصرت بنص الشارع العام..

ووكف سياره تكسي ووصعدت بيهه
..

: وين طريقج بنتي

تنهدت واني الهث : لمركز الشرطه

دفعت الكروه من الفلوس الي جبتهن لان حاسبه حسابي.. ذبني ببابه
..

ضليت واكفه بمكاني اباوع ووصافنه اسويهه لو لا؟

اذا ترددتي بعد ماراح تكدرين توكفين بوجهه..
ليش هو من جان يضربني ويأذيني ماتردد
ليش بس اني؟!
..
حسمت امري ودخلت بوجهي على الضابط وقدمت بلاغ كتله زوجي معنفني ويضربني حتى على الزواج غصبني هذا اسمه ووعنوانه..

شوفته الندبات الي بجسمي طلب اسمي اني هم..
انطيته عادي خل يكشفني وشنو ماخايفه...
..
طلعت من المركز وواجرت سياره للبيت ذبتني بالفرع وونزلت اتمشى..

جريت الموبايل الي اخذته من فاضل وخابرته
كال انت وين خبصت الامه عليج وتوني جاي اخابر استاذ قسور..

: لتخابر اني وصلت للبيت

اصلا اني اخذت الجهاز منه لهل سبب كلت من اطلع اخابره حتى ليضل يدور..

باوعت على بيتنه سياره قسور ب الباب بلعت ريكي وضليت واكفه بمكاني لحد ما اجه فاضل
ورحنه ثنينه سوه ضل يسألني شلون طلعتي ووين ندليتي

: ماعرف داروح للمحل الثاني لتفتت مالكيتك وواني ندليت طريق البيت خليت وواجيت..

: الحمدلله
..
دخلت للبيت صار قسور بوجهي ديلبس حذائي..

من شافني اجه عليه ركض وعاط
: وووووين جنتييي لج وين جنتييييي جان طار عقلي.

رفعت حاجبي ببرود : جنت وي فاضل بالسوك ذاك هو وروح اسأله.

دخلت للبيت ونصدمت بعمتي هدى كاعده...
بس شافتني ركضت عليه حضنتني وتبوس بيه..

نفجعت عزا تدري بزواجنه؟ ويعني هو جان يحجي وياهه وراح الهه علمود يجيبهه لهنا..

ضليت مصكوعه واني اخذت غيبته..

دخل قسور يرعد وويغلط عليه لحد ما عمتي عاطت بي : لكككك خبل البنيه راح تتسودن شبيك متكلي شبيك توهه خاسره ابنهه وحالتهه زقت تجي تزيد عليهه حضرتك برعونيتك..

روح : عمه تدرين؟

جان تجرني من اكتافي وتحضني
: هذا المطي ميضم عليه شيء

قسور : عمه

هدى: اشش ولا حرف يلا روح حضري نفسج

قسور : وين؟

هدى : روح راح تروح وياي للبصره وانت تبقى هنا

: شكو شنو المناسبه

هدى : لك امي البنيه تعبانه نفسيتهه بسببك تجي تكابل خلقتك شيصير بيهه؟ اني اصلا اجيت حتى اخذهه تبقى ليمي فد شهر ثنين

بعدنه دنحجي جان يندك الباب راح قسور فتحه دخل الضابط ويا كم جندي روحي راحت مني وللحضه تندمت وعيوني غوركت..

رئساً لزمو قسور ووهو مستغرب شكو وشكو

: عليك القاد قبض بتهمه تعنيف زوجتك قدمت البلاغ.. يتبع

🖤🖤🖤🖤🖤
ايزابيل