رواية لم اخلق لرجل سواك الفصل الثامن وأربعون 48 - بقلم ايزابيل

#بقلم إيـزابيـل
#البارت الثامن والثلاثين
#لم اخلق لرجل سواك
..
-تراقصت همومي على اوتار الكيتار وتنحت مخاوفي جانباً عندما اطلقت عنان مشاعري كاني اطلقت رصاصتاً فولاذيه دخلت قلب ذالك الساكن فسكِنَ قلبي...❤️‍🔥بقلم:الظل

روح

رفعت راسي وونصدمت بالخيال الطويل بلعت ريكي ووهمست: قسور شنو هذا؟
. قلص عيونه ووباوع وين اني أشر

:شنو

: باوع هذا خيال

كام على حيله وصاح : منوووو هنا

ماكو جاوب ضاج وطلعت روحه لان متأكدين اكو احد هنا بس ميحجي عاط :اطلع ابن القندره مو داحجي ووياك..

مد راسه من ورا النخله ووجان نشوفه عمي حسين نهضت على حيلي بسرعه بشهكه صدمه طلعت مني لا ارادياً

قسور ضل فاتح حلكه بصدمه هذا شجابه نص الليل هز راسه بأسف ووكال :خلف الله عليك ابن القندره مو

مسح ووجهه :ووشمدريني عمي قابل اشم ايدي عبالي علي ابنك لان هو دوم يجي للبستان بهيج وقت..

حسين: يعني بالحالتين اني قندره

ضحك : لا حشاك يابه اسفين امسحهه بوجهي

حسين : طلعت اشوف شغل الفلاح لان اليوم ما عجبني اباوعله يسحل بروحه سحل فا اجيت اشوف ووسمعت صوت هنا عبالي حرامي ساطي علينه..

ابتسم وواعتذر منه اندار عليه وغمزلي بمعنى تعالي ووفتحلي كف ايده حطيت ايدي بأيده جرني يمه وومشه وواني خلفه رفعت نفسي وكفت على اطراف اصابيعي ووهمست يم اذنه : مبين متقصد

همس بدون ما يباوعلي : وداعه شاربي متقصد وله وين اكو صاحي يجي يشوف الزرع بليل شافنه سود عباله هنود..

ابتسمت ووجلبت بذراعه اعبر بهدوء مستنده علي علمود ما اوكع
..
دخلنه نضحك وواني خربانه على سوالفه بحيث حسين بطني راح تنشك من الضحك دخلنه صارت قمر بوجهنه..
باوعت لقسور وَكالت
: ماشفت بابا طلع ووبعد مارجع كال رايح للاسواق وواتأخر

ابتسم : اي هسه شفته بيده علاكه جاي من الاسواق جوز ازدحام واتأخر..

باوعتله ووضحكت عزا بعينه على هل جذب قمر تباوع باستغراب خزرتني من ضحكت دخلنه للغرفه..
ذب نفسه على الجربايه..

شلت شعري بثنين اديه وحجيت
: اوي شلون ناس تألف الجذبه وتصوغهه بشكل مو طبيعي غير قابليه..

قسور : شبيج بابا جاي يشوف الزرع نجبي

:ههههههههه

دك موبايله جاوب ووصاح بصوت عالي من يمي فزيت
: لك هاااااا نذل

: انجب لك جذاب دنعل ابوك على هيج خلفه جايفه ولي لاتسمعني صوتك..

عقدت حواجبي ديتعارك لو يتشاقى لو شنو الموضوع!

: اي اي من لكه احبابه نسى اصحابه صار مرتين اعزمك وماتجي كاضيهه وي ذولاك الناس عمي مانريد شيء بس نشوف طولك.. لالا تجيني ما اريد اشوف ركعه ووجهك..

سد الخط تقربت كعدت بصفه على الجربايه
: منو شكو؟

ابتسم وسحبني ليمه لزكت بي،،،

: هذا صديقي حيوان ابن ستين حيوان اعزمه مرتين وومايجي يكلي ملتهي ادري بي خفارات ووشغله صعب بس اني احب اهينه..

:ههههههههه ليش هو وين ووتعزمه

:ببغداد من ننقل دوامي هناك تعاركت وي واحد ابو سيطره وتأذيت وومن اخذوني للمستشفى تعرفت علي مسربت مهيلك ولا جنه دكتور تكول هتلي ضارب ركن..

:ههههههههه يا

بلع ريكه بهدوء ووصفن بعيوني
:شنو هذا السحر البيج؟

لزمت ياخه قميصه ونزلت عيني عليهه اباوع على اصابيعي شلون تتمشى على اطرافهه ببطئ
: انت تشوفني هيج اني حالي حال اي وحده..

قسور: چا ليش من اباوع لعيونج اتنوم مغناطيسياً انت بالذات ووحدج ماشوف هيج جمال بعيون اي بنيه تسحريني بدلعج ووعقلج الطفولي وتصرفاتج الجامحه ووتأسريني بحركاتج ووشخصيتج كلشي بيج يعجبني لدرجه مرات احس انت هواي عليه..

باوعتله بحده : تتذكر من جنت تكلي وحده مثلج رخيصه شنو تشوف نفسهه عليه كلج خلك زباله وساقطه..

بلع ريكه ووبلل شفايفه : ايام مرت ليش تذكرينهه!

: مرت بس بقت محفوره بيه هيج منخوره بعقلي نخر،،

حاول يغير الموضوع كال
: روح باجر راح يطلع المهندس يشتغل ووراهه نأثث ألبيت بعدين ازفج لهناك

ابتسمت : تزفني؟

:ايي اني وعدتج تدخلين لذاك البيت عروس

نصيت بخجل
..
صدك ثاني يوم طلع المهندس ووقسور انشغل وويا البيت جان بصف بيت عمامي بيناتنه كم سانتي متر بس..
قسور بنه بالكاع مالته وومشتري من الحصه عمي الصغير
فصار جيبر ووحسب ما شوفني الخريطه غرفتين وصاله وواستقبال وومطبخ ووحمام ووطابقين الاثنين نفس الشيء..

جان بكل خطوه يجيي يستشيرني شكد تحبين مساحه الغرفه اسويلج بيهه بلكونه؟ الحمام خارجي لو داخلي..
وشلون تفصيله غربي لو عادي..

وواني ابتسم بكل مره وواطير من الفرح لان احس فعلا بيتنه وودنبني سوه باجازته ما يفرغ وولا شويه يضل ملتهي وي العمال وويروح ويجي وياهم وومن يلتحق الياس بمكانه..

عمامي جانو يشوفونه شلون متحمس ويصرف على البيت وويجيب احدث المواد بكل مره اباوع الهم الكه الغضب ووالغيره بعيونهم..

يموتوني وواغتاض منهم بودي اقتلهم يعني حلاله فلوسه لا باك لا نهب هذا تعب شغله ووسنينه شكو حاطين عينهم علي عود همه ناقصهم يعني..

افور من الاعصاب واكثر من مره نبهتهه ليحجي كدامهم ووهو مستهزء بالموضوع..

بس تبدي تشتغل العمال يطلعون كلهم يتسطرون يباوعون علي عمي حسين يحطله كرسي وكوب جاي وويكعد يباوع دكول فيلم

طبعا اني هالفتره كلهه ماروح للمحل الياس ملتهي ووباجازت قسور اني اصلا ماروح ووعمال اطبخ الهم ريوك ووغده خطيه اذا اعوفهم يبقون بدون اكل
َ..
ورا شهرين ونص شغل اجاني ووكال كمل هيكل تروحين تشوفينه بوقتهه دنيا لليل ككيفت وماكلت لا.

جنت لابسه تراك ربع ردن باوعلي ووخصم عيونه
:موعلى اساس راح تتحجبين؟

بلعت ريكي : اي صح بس موهسه

: ها چا شوكت؟ من يطلع يأجوج ومأجوج

: لا لا عن قريب عوفنه هسه منا الحجاب امشي نشوف البيت..

تنهد : البسي تراك استر من هذا

عكشت ملامحي: قسور دنيا لليل منو يشوفنه؟

تقرب وولزم حافه الردان : شنو منو يشوفنه رب الحلو باعي شكد ما قصير حتى الوشم مبين امشي بدلي ويصير خير..

رمشت عيوني بملل وورحت لبست تراك ردانه اطول طلعت من الحمام : ها رضيت

ابتسم واشرلي براسه بمعنى تعاي حطيت ايدي بأيده ووطلعنه جانو كاعدين ملتمين على بيبي يشربون جاي وكعك وويجذبون..

ماسلم عليهم حتى ما باوع بولا نظره طلع كبل واني ويا
ووصلنه للبيت يجنن تصميمه وولو هو بعده هيكل وممبين شيء بس شغله حلو ومرتب..

دخلنه لجوه جانو راشينه مي.. رفع بجامته قسور ووشكل الصونده ويرش بالحيطان كتفت اديه وتقربت منه
: ليش دترشه؟

: شمدريني همه كالو..

تقربت يم باب البيت وواني ابتسم
:هنا راح تلكاني وواكفه بكامل اناقتي ووجمالي بكل مره تنزل بيهه..

تمشيت للصاله :وهنا نخلي بلازما جبيره وونشوف فيلم سوه..

يضحك عليه وواني مسمتره اوصفله خيالي
:هذا المطبخ راح اطبخلك بي اكلات تجنن

كال بسخريه : دطكي بيضه طيبه بعدين اطبخيلي اكلات تجنن..

روح :كتب الطبخ موجوده وواتعلم..

ذب الصونده ووتقرب عليه حضن خصري وهمس يم اذني
: روحي ماريد هذا البيت يصير جهنم هذا بنيته حتى يصير راحه النه ثنينه..

حاوطت اديه على ركبته
: اكيد ماكو مشاكل بعد عمامي وراح نبتعد عنهم ووقمر ووراح اسويلهه عمل فتح قسمه بلكي تتزوج..

: ههههههههههه خرب غيرتج

: بقت شغله وحده ممكن تعكر علينه

عقد حواجبه ابتعدت ووربطت اديه وورا ضهري
: اله اذا انت سويت مثل ذيج المره مثلا تمنع عني الطلعه ووحدي ووتقفل الباب من تروح حتى محد يدخل عليه ببساطه لان متثق بيه ووتخليلي حارس يراقبني بحجه يحميني..

رفع طرف حاجبه : احنه متفقين تطلعين وي الياس بغيابي.

زفرت نفس : ووقفله الباب؟!

:لا ما اقفله بس توعديني متطلعين

تنهدت : وين اطلع مثلا! عندي احد يحبني ويشتاقلي وواروحله شو من الشغل للبيت ومن البيت للشغل ووانت توديني وتجيبي بأيدك ووتبقى مكابل المحل وكاعد وبأجازتك هم ماروح..

عندي اهل غيرك حتى اروحلهم؟! بس انت بحياتي اطلع المنو!

بس جان قصدي مسواك احتاج ملابس خوما اوصي الياس..
دمعت عيوني بس ما خليت الدمعه تنزل..

قسور : هسه شكو تبجين اني شحجيت

برطمت : لتخنكني ترا تعبت

ابتسم ووجرني من راسي حضني بقوه
: اني ثاق بيج بس اخاف عليج..

: لا انت متثق بيه ولا شويه

: دكافي هاي لان ماخليج تطلعين وحدج تكولين ماتثق بابا اخاف عليج اذا احد مسج بكلمه اطيح حضي وواطيح حضه
انت تدرين الولد الي ذبلج كلام شصار بي!

رفعت راسي ومسحت وجهي : شصار؟

:تعاركت ويا بالشارع ووردت استخدم المسدس وجان نفصلت وبعدين رحت الاهله ووالعشيرته وخزيته هناك خليته ينزل يبوس رجلي..

:هاي شوكت ليش اني مادري!

ابتسم : محد يدري

ورجع كال بضحكه : بابا يخلصون زلم البصره على ايدي اذا طلعتي وحدج.

ضحكت بقوه خدودي جانت مرفوعه كد ما ضحكتي قويه
تقرب وعضني من خدي  صرخت وودفعته
:ااااخ صدك تحجي

: اطيب تفاحه عاضهه بحياتي

تحولت ملامحي الحاده اله ابتسامه
: بعد لتعيدهه

: بنفس المكان لا

: ههههههههه قسور

تنهد بحسره طويله : اوف شكد احبج

: وليش اوف

: لان هواي دست على نفسي علمودج ووعلمود هيج لحضات وياج اكثر من قرار اني دعستهه بحذائي علمودج..

وعلمود ما تتأذين  وحدج ووصلت لمرحله أذيج منا اكعد أذي نفسي منا.

لمنن اضربج وواطلع للدوام جان يخابرني فاضل يكلي جاي تصرخ مادري شبيهه من جهه يرتاح ضميري ومن جهه كلب يوجعني.

مارجع للبيت بس حتى ما اشوف وجهج وواتذكر الي صار وأضربج..

بلعت ريكي بوجع وكلت برجفه : ااا يلا نرجع

يباوع لخدي وويضحك مدي شبي
: شنو تريد تعضي من جديد..

طلع موبايله وخله الشاشه يم وجهي باوعت على خدي احمررر وبي زراك ووطبع سنونه مبين..
: عزا عزاااا بعيني هاي شسويت

: دتعاي نسوي اثر بالخد الثاني شنو بس تك وواحد..

ضربته على صدره بانزعاج ضحك ووخله خصلات شعري خلف اذني : هسه شلون ادخل شكول الهم هجم عليه عتوي..

غمزلي : اي كولي الهم عتوي افترس البزونه

نترت : عتوي مشايف خدود
..
رجعنه فتحت النه الباب عمتي هدى من شافتني نصقعت
:شبيج ولج

باوعتله بخزره هي افتهمت فورا ابتسمت
: عمه الضاهر بعدك ممتعشي.

كال براحخ  وهو يخلي ادي بجيووبه
: شبعت الحمدالله

عفتهم ودخلت
..
بدت المرحله الثانيه بالبناء الكاشي والسيراميك والاثاث  ووجنه كل يوم نروح الصبح نختار نرجع بليل هلكانين
ننام بدون عشه اصلا من السياره للجربايه كد ما تعب...

ووقسور اخذ اجازه فوك اجازته ووكال بهذا الشهر لازم اكمله وصدك تقريبا كلشي كملو سيراميك كاشي صبغ
بيبان شبابيك بواري بقه بس الاثالث..

كال قسور بس كليلي شلون تردينه وواني والولد نرتبه..
رحت ويا وكتله على كلشي هنا تحط القنفات البردات على هذا الشباك غرفته هيج ترتبهه الكاونتر والطباخ سوه.

بقو اسبوع يرتبون بالبيت لحد ما كمل بوقتهه قسور ووكع مريض مصخن وفلاونزه بحيث اذا واحد يكله السلام عليكم يعطس...

اليوم كاعده اسويله كمادات
:والله منك كتلك نظراتهم تريد تاكلك من الحسد والغيره ووانت ولا كأنو كلشي تسوي كدام عينهم..

: لا هي هاي العايزه اختل ووببسكوت اكمل. بيتي..

: ديلا اكلهه
: بابا من التعب خرا بالفلاونزه باجر اكوم كالجبل لتهتمين جاي اتدلل عليج..

:حروح اجيب ووصله جديده وواجي

هز راسه بتعب ووغمض عيونه طلعت اريد اجيب من عمتي هدى لان ماعندي ووصل هي عدهه دشدايش قديمه كالت مالبسهن..

مريت من غرفه قمر وواسمع بجيهه ونوحهه اجاني الفضول اعرف شكو ووكفت خلف الباب..

قمر : لج يمه شسوي يعني يحبهه يحبهه باعي شلون بنالهه البيت طابقين وواثثه الهه كله من احدث ووارقى شيء بس حتى ما تبقى هنا وواحد يغثهه بحجايه..

: انت ثوله هو مو جان كدام عينج گبل لا تجي هاي بت الك** هسه تلكينهه مسويتله سحر امهه منو حتى هي شتطلع..

قمر : يعني اول مره اشوف رجال مايحب ياخذ ثنين نسوان هسه والله قابله اذا ثانيه عادي..

نهارت اعصابي دفعت الباب بعصبيه وودخلت صرخت بصوت عالي : ضلي احلمي حبي لو تموتين ميتزوجج شنو لزكه خوما لزكه خلي لنفسج كرامه شويه..

كامت امهه :وانت شنو وتتصنتين علينه امشي اطلعي لا اهينج وواهين امج بكبرهه.

روح : لتخليني اتجاوز عليج ووانت اكبر مني ترا اني لا استحي ولا اخجل وواذا نهديت محد يكدرلي ضبي بنتج ووعلميهه تحافظ على كرامتهه مو تروح تصير ثانيه اول وواخر مره احاجيجن مره ثانيه تشوفن افعال.

دفرت الباب ووطلعت شلون ناس مو مال تنطيهم وجههه
دخلت لعمتي كالت شبيج حجيتلهه كلشي كالت خيولن
شيكدرن يسوون ووقسور يحبج ومايبدلج بميه مره
..
اخذت الوصله وونزلت كعدت يمه على الجربايه ووابللل الوصله وواخليهه على كصته جسمه نارررر..

همس : بس اصير زين ننتقل للبيت

روح :ممستعجلين طيب والله كريم..

وله اكلك صير زين بسرعه لان بعد ما اتحمل ابقى بهذا البيت.

قسور : شكو

:ماكو

رفع طرف حاجبه ابتسمت : صدكني ماكو شيء.
..
التهيت ويا كلش اسويله شوربات واكل صحي ووهو ميقبل يكلي التشريب هو الي يرجع عافيتي..

صار وقت التحاقه وكتله ارجع اخذ اجازه بعد مابيك حيل
بس كال لا يفصلوني..

بيوم التحاقه الفجر هو يسبح واني احضر بملابسه..
طلع لبسهم واني ساعدته يلبس الرتب ابتسمت من شفت شكله وهمست :حقهه قمر تصخم ووتلطم روحهه هسه يلا عرفت اني محضوضه ووانحسد عليك..

غمزلي بطرف عينه : لعد شعبالج انت الله يحبج

: هههههههه لتنغر

تقرب دنك ووباسني خلف اذني وهمس
: اني الي انحسد عليج

ابتسامتي شكت حلكي راح وواني ضايجه لان راح يطول عشر ايام يلا يجي
..
خلصت الوقت وي عمتي خابرت قسور ووكتله راح اطلع وياهه اشتري ملابس ووهو ما عارض جان عندي فلوس من شغلي ما اخذت منه..

جنت ناويه اشتري ملابس سود اني لحد هسه حتى شعر ووجهي ووجسمي مشايلته ناسيه نفسي ووكلت اضل فتره منا لسنه علمود امي..

بالطريق حاجتني عمتي هدى
: اكلج ترا قسور خابرني كال اني عكب باجر جاي

: اي اعرف

: ترا ووصاني كال خل تأجر فستان وواني راح اخابر الياس هو يحضر كلشي الذبايح ووالكيك ويعزم الناس..

فتحت عيوني. :شكووو

: غير يريد يسوي حفله بسيطه الج

: اي بس مكالي هسه؟

:لا هو هسه خابرني

: حنه ووعرس!

: اييي

طفرت بنص الشارع ووصرخت
: بربج عمه

: ايي والله كال اليوم الي ارجع بي نسوي الحنه وثاني يوم العرس.

احس كلبي راح يطلع من مكانه : بس عمه اني حزينه

هدى :  يمه الحزن مو بلون وولا امج راح تزعل لو فرحتيلج شويه هو اني ماخذتج اشتريلج الوان وونأجر بدله حنه وزفه

نعقجت ملامحي : لا ماريد
:ولج شبيج الاسود لا راح يقدم ولا يآخر لاتصيرين عوبه افرحي هل كم يوم ترا ماتنعاد

جابت الطريق كله تقنع بيه لحد ما كلت الهه هاهيه ماريد اكسر بواهس قسور اشتريت ملابس الوان هذا بعتبار جهاز ثاني لان اني اصلا اخت فاضل اشترتلي اول ما تزوجنه..

ماخذتت بس ملابس بيت وطلعه وعمتي جلبت اله تاخذين سيت مال عرس ابيض كلت الهه ماريد..

كالت لا شلون ميصير ومايصلح

: عمه شنو قابل هسه راح نتزوج

:بس انت ملابسته ابد؟

: اي مالابسته

: چا انطمي وخليني اشوف شغلي
..
اجرت بدله زيتوني للحنه وبيهه كرستال يجننن ووذيلهه طويل ووللعرس بدون نفشه مقسمه على الجسم ووياهه طرحه طويله

جنت حيل متحمسه ووكلبي يدك بقوه رجعنه للبيت ووعمتي كالت اخذج لصالون هو يحفلج انت ماتسيطرين على نفسج..

خطيه جانت وواكفه ويايه ثاني يوم الي هو قبل الحنه بيوم الياس نخبص خطيه وماكو واحد يساعده لا عمامي ولا حتى ابو قسور هوجاب اصدقائه ووحضرو الحديقه لحنه الزلم وآجر شيف يطبخ الاكل ووشوفني موديلات كيك وواختاريت..

وجنت طايره طايره قسور خابرني بس جنت يم اسبح
ورجعت دكيت علي مجاوب قمر تمشي وتخزر بيه..
ََ..

قبل الحنه بيوم بليل رحنه للصالون اني وعمتي ووصلنه علي الي الحد هسه حاقد عليه حفيت ووجهي طلع جديد
وويلمع ورجعنه بـ ١١ بليل شفت الياس مخلي ديجي بالحديقه..

ابتسم بمكر : اكولك عادي تدخله بغرفتي!.

الياس :شتسوين بي؟

: اريده شويه حباب راح اروح وجيبه ووراي

: ادللي بس ديربالج علي مال صديقي

: من اخلص انت همين طلعه لان ثكيل ماكدر اجيبه اني
:هاهيه

همستلي عمتي :شسوين بي

تنهد بفرح وكلت الهه بعدين تعرفين جانت الحديقه منوره بالنشرات والاضويه الي معلكهه الياس دخلت للغرفه عمتي تريد تسويلي شيره..

روح : موهسه عمه بس اريد اسوي حفله وداعيه

: يا صخم الله ووجهج وداعيتيش ووصارلج قرن متزوجه

روح : لا بعتبار توني راح اتزوج هسه شبيج اخذيني على كد عقلي روحي صيحي البنات.

هزت ايدهه هنه اجن بس صاحتهن بنات عمو دريد ووقمر ووامهه وحبوبتي كلهن كعدن بغرفتي شي على الجربايه شي بالكاع..

شغلت الديجي وصحت : بيبي راح اخذ حفيدج مره ثانيه.
وثالثه وورابعه لحد ما اخلي يطبق الشرع بيه..

شغلت ساجده وولفيت الشال ووكومت بنات عمو دريد وويايه نركص ونضحك جان يوم من العمر وما انسى طلعت كل مواهبي بالركص..

بحيث جرتني عمتي هدى يلا كعدت بالكاع فحطانه... كالت مره عمو دريد : دخلي حيل الباجر والعكبه..

ام قمر نطت : اندري مامصدكه شبيج

سكتتت عنهه عمتي دتسويلي شيره مطلعه رجليه وهي مدنكه عليه :عمه على كيفج ترا جسمي حساس وماريده يطكع اكوم اتيهه بين طكع الشيره ووطكع قسور..

فتحت عيونهه بصدمه ووخزرتني وومره عمو دريد خربت ضحك وبيبي تهز بأيدهه ببتسامه..

اباوع القمر وجههه نكلب احمررر وعيونهه غوركت
...
ارتاحيت نفسياً ثاني يوم كعدت الصبح سبحت البيت مخبوص كلهم ووالناس جايه من الصبح..

دخلن عليه خالات قسور وواني دامكيج وامه ووياهن..
طبعا البارحه جانت نايمه ووما اجت..

باركلي وهيج

وحده كالت : لعد قمر شنو قضيتهه؟!

ام قسور : قمر هم مرته بس هو مستعجل على روح ويريدهه الاولى..

نطيت ووعطت : مرته شنو غير بس قرايه فاتحه؟!

: مو على اساس خاطبين

جاوبتهه وواني احط العدسه
: اني الاربعه ماكو مجال القمر

خالته الثانيه حجت :هههههه والله اذا تزوجهه تصير من الروس شلون يجمع بنات العم

ضجت منهن كلش بودي اشمرهن بره الغرفه
..
صار ووقت الحفله ووولبست البدله ووطلعت شعري خليته مفتوح كاعده بكل غرور وورافعه راسي بفخر صح الزواج مو شيء يفتخر بي وعادي مو اول ولا اخر بنيه.

بس اريد ابين الهم انو شما حجيتو بقمر ابقى اني الاصل.

هواي جايه ناس الياس ممخلي وواحد ما عازمه نسوان مثل النمل متجمعات والبنات هم صغار كبار حتى ماعرفهن..

يجن يباركن وواني ماعرفهن بس شكرا ووشكرا قمر ماشفتهه بس امهه كاشخه ووكاعده..

تأخر قسور حيل قلقت باوعت للساعه خمسه وونص..
هذني يردن يتعشن ووعمتي تكول اله يحنيج ووتكصون الكيك يلا..

ضجت فدنوب ووعمتي تهمس
:يمعوده لتكلبين خلقتج لا يخرب المكياج هسه يجي شبيج

: تأخر تأخر اخاف عنده خفر دادك عليه ميجاوب

تأفأفت :خل اشوف الياس

خطيه عمتي ابد ماقصرت فدوه العينهه واكفتلي وكفه
شوي وواسمع الهلاهل نخطف كلبي لا والله صار رعيد بي..
عضيت شفتي السفليه كلهه كامت.. شكو مادري..

من سمعت ضحكته بالممر عرفته اجه ووكفت على حيلي
دخل بالزي العسكري مستعجل وويباوع بالوجوه يريد يشوفني يمكن..

عاف الكل ووطلع من بين نص النسوان الي تهوسله وواجه عليه حضني ووباسني براسي همستله : وينك انتَ

: اعذريني والله صار عندي شغل لج شطالعه خرب اهلج بنت الاوادم اشتعل عمج حسين..

: احبك

باوع على بدلتي ووجسمي الي طالع منهه
: واني اموت على الزيتوني

مسح طرف حاجبه والتفت عليهن وحده من خالاته
: شبيك مستعجل جاي من الدوام عليهه كبل جان بدلت سبحت .

قسور : ماردتهه تنتضر اكثر مو مهم اللبس اهم شيء وجودي يمهه..

حجيت بدلع وحضنت ذراعه
: اصلا هيج احلى علي هو اله زي خاص خلي باقي العرسان يلبسون رسمي.

كعدنه ووكل شويه بايسني بخدي خله الحنه ووركصنه شويه ووطلع عمتي تكول هواي جايين ويا ضباط حتى حنه الزلم اكبر من حنه النسوان
..
توهم الناس ديتعشون وواني تعبت اريد اكوم اذب البدله
جان ام قمر تنزل تصرخ من الدررج
:الحكوووووووو. قمرررر انتحرت يمهةةةةة بتي حسين الحككككك
..
فاديه

لطشني بالحايط بحيث عيوني غوشت وراسي اهتز رجع جرني من شعري ويصرخ : لجججججج اني تضحك عليه وحده مثلللج ليششش بشنووو قصرررت ضربتج اذيتج عيرتجججج بالماضي.

بجيت :بس فهمني شكو

همس بفحيح غاضب: تتفقين انت وواختج علييي تردين تنتقمين، منييي انيييي..

شهكت عزا شمدريني بقيت ادفع بي بس اريد يفهم ماكو يضرب بيه وبراسي دخت كلششش همست
: والله فهمت غلط بس احاجيك اسمعني.

هز راسه بأسف : انت متستاهلين كل لحضه عشتهه وياج وكل دقيقه من حياتي انطيتهه الج..
ذبني بالكاع ووجر قميصه ووطلع بقيت مفرفحه بمكاني ووابجي وادك على راسي.

انتقمت من نفسي اني ما انتقمت منك لك اني الخربت عيشتي بيدي.شفت موبايلي مشمور بالكاع زحفت اليمه
وشلته والدموع متغرغره كوه ااشوف..

كالب الواتساب كلب ووقاري محادثتي وي رهف ووكلام هي دازته اليوم كلام مو حلو لا بحقي ولا بحقه.. خابرتهه واناشغ جاوبت بسرعه..

عطت : ارتاحيتيييي هسه ارتاحيتييي لج تزييين راسيي رهففف من وراااااج رحت بالرجلين الله اليعلم شراح يسوي بيه.

: شكو شكو خبلتيني ترا شصاير

: عرف كلشي

كالت ببرود ووسخريه : بعد احسن حتى يطلكج بسرعه

لطمت على وجهي : اي شيء يصيرلييي بسبببج انت اذا متتت اذا قتلني لو ذبحنييي خطيتي بركبتج

: شكو لج تايهتلهه ويذبحج باجر من الصبح جايه اخذج

غلقت الخط بوجهه ووارجف شلون بيه خرب حضي المصخم اطلع من مصيبه افوت بالثانيه..

بقيت مكرفصه على نفسي ودموعي عشره عشره اباوع على الجربايه وواتذكر حنيته وهدوئه معقوله هو نفسه!
حتى شعري بس احط ايدي علي يوكع من كد ما ملخه..

فتح الباب نزيت جكارته بحلكه ووعيونه حمرررر كعد مقابيلي على الجربايه وويهز برجله بتوتر..
:شجنتي ناويه تسوين

اني كاعده بالكاع ولامه رجليه الصدري هو مدنك عليه
سكتت

عاط : شجنتييييي ناووووووويه تسووووووين

صدري يصعد وينزل  تقربت علي بهدوء ووكفت على ركبي
ووتقدمت :بس اسمعني رهف هي..

ماخلاني اكمل جرني من شعري وولوه ركبتي حسيت العضم، راح يطك : رهف مو رهف وانت ماخذه دور الفطيره الي تمشي ورا كلام اختهه على العميانييي لج حتى الي يطلع عذررررر يحجييي عذرررر يصدق مو مثل جذبتج المكشوفه..

صاك على سنونه ووعبالك يريد يقتلني ياكلني بسنونه ومايرتاح : تضحك عليه وحده **مثلج بسيطه اني راح اخليج تنتقمين براحتج..

نزلت دموعي على ايده لزم ركبتي بأيده ووشالني يمه النفس نكططع خنكني ووجهي نكلب ازرك رفعني عن الارض حسيت راسي راح ينخلع شمرني بقوه على الجربايه نخضع جسمي
...
كحيت دنك عليه ووضربني على خدي بكفه ايده محبسه نخر فكي عاط : لج مجاي تطفى ناررررري اريدددد اموتج كلبه ساقطه،،،،

عطت بقهررر :موتنييي موتنييي هي بقتتت عليييك ياهو الاجه ووكفخنييي اذا مو بأيده فبلسانه ملييت ملييت..

حط ايده على حلكي ووهممس : اذا متسكتين تجنين على روحج، صوتج يكلي اضربهه وواكتللهه بعددد امشيي ولي من خلقتييي..

لزمني من طرف ثوبي وونزلني من الجربايه وواخذني سحل فتح، الباب ووشمرني حسيت بذاله بللتني مستحه ووفشله
طبك الباب بوجهي راسي ضل يفتر مادري بسبب الضرب لو شيء ثاني ماحسيت ع نفسي،غير وَاكعه ب العتبه يتبع