رواية لم اخلق لرجل سواك الفصل التاسع وأربعون 49 - بقلم ايزابيل

#بقلم إيـزابيـل
#الجزء التاسع  والثلاثين
#لم اخلق لرجل سواك

..
جنت مريضه البارحه وماكدرت اكتب

-وشربحت بعشرتك حته اخسر جانت عشرتك بس للمنظر لهنا انتهى كلشي الله وياك راحت عشرتك ويه الدفتر.ويالكلبك كبر مفتوح لايستر على البشر ولا يحمله بتابوت...بقلم:الظل♾
..
فاديه

مادري شلون وليش بس كل الي اعرفه قبل لا يغمى عليه
دموعي نزلت حاره حسيت بيهه تجوي خدي..
..
كعدت لكيت نفسي مشموره على القنفه الي بالغرفه..
رفعت راسي بثكل جبال عبالك واكعه فوكي.

عصرت عيوني الغرفه ضللللمه ووبس شراره الجكاره ضاويه
اباوع اله واحسهه اصدك مثال لكلبي حالياً .

همست بتعب : رهيب

تنهد ومجاوبني رجعت حجيت ببكاء
: والله فهمت الموضوع غلط والله

حجه بصوت واضح، وهو يصك اسنانه وويشدد على مخارج، الحروف :اششش صوتج اذا سمعته اعدمج

بجيت بوضوح عاط
: نجبيييي

نزيت بخوف ووعصرت ايدي بحكلي ماكدر اتحكم ببجيي فحاولت اخفي صوتي بأيدي..

رجعت راسي بهدوء على القنفه وضليت دموعي تتأرجح على خدي بسكون
..
كلبي يوجعني ووتعبانه حيل اني غبيه لان مشيت ورا رهف
مطيه دخلت بهيج تفاهه ووبالاخير نقلب السحر على الساحر

استحق كلشي لان جذبت علي ووهمته وولعبت بمشاعره
بلعت ريكي الغرفه هادئه طلع الصوت..

غمضت ووحاولت انام بس ماكدرت طارت كل غفوه بعيوني
تگلبت يمنى يسرى بحدود ال٦ الصبح يلا كدرت انام..
وهو كاعد جكاره ورا جكاره حتى مينطي مجال النفسه..

نمت هيج ساعتين حوالي ووفزيت على صوته يبدل يريد يروح للجامعه ردت اكوم اسويله الريوك واتريك وويا مثل ما اني وهو متعودين بس تذكرت الي صار ورجعت غمضت...

بكد ما متندمه على افعالي مقهوره من ردة، فعله متوقعته هلكد قاسي،،،،

ماكدرت اسوي روحي نايم رجعت فتحت بهدوء شفته كاعد على الجربايه وومدنك على قيطان حذائه والملازم بالكاع بصف رجله كمل ووشالهن وواخذ الاب كوت من على الجربايه ووطلع حتى بدون مايبوعلي بولو نص نظره
عبالك مالي ووجود شبح،،،

بس جان هادئ عكس بليل
..
ضليت كاعده ساعه ابجي ساعه الزم وجهي ووضهري بالم
واحط ايدي على شعري وواتكطع من اشوفه ينجر بين اصابيعي وويطيح على صدري...

نزلت من القنفه متكسرررره، خطره ماكدر امشي عضامي
تون عليه ووضهري موتني،،

وكفت كدام المرايه عيني زركه ووحاجبي بي جراحه ودم ركبتي مزلغه عصرت شفايفي بين اسناني بقهر.. وبجيت..
مشوهني ممخلي شيء صاحي بيه..

لزمت ميز المرايه ووسندت نفسي حتى مابيه حيل ابجي..
مادري استخطي نفسي لو الومهه لان كلشي صار بسببي..

تنهدت ورفعت راسي ووضهري واستقاميت بوكفتي تمشيت للكنتور ووسحبت ملابس دخلت للحمام وطبيت جوه الدوش
اباوع للكاع ينزل وي المي دم..
..
تمنيت المي مثل مديزيل الدم من وجهي يمحي الاثار والوجع لان فعلا ما جاي اكدر حتى اتحرك

كملت ووطلعت اسحل بروحي لفيت شعري بدون ما امشطه وتمددت على الجربايه باوعت بيهه..
متروسه تتن محترك نفضتهن بأيدي.. و جريت الغطه تغطييت...

رغم ميته نعاس بس ماكو نوم لحد ما ب ١١ تقريبا نفتح الباب ودخل ونفس الصبح حتى ما باوع بوجهي كمت على حيلي هو وواكف يفتح دكم القميص..

صرت خلفه قريبه من كتفه همست
: لازم نحل الموضوع!

ابتسم بسخريه وسكت

حجيت بنفس نبرت الصوت
: كتلك لازم نحل الموضوع

مجاوبني ذب القميص ووتمشى للكنتور قتلني ببروده لزمته من كتفه العاري وسحبته نصدم ولتفت عليه بغضب عاط
:شبيييج لججج

حجيت بعيون مدمعه وشفايف مبرطمه
: لازم نتفاهم

رهيب : على شنو نتفاهم على صخام وجهج خليني ساكت ولازم اعصابي ترا اذا نفجرت بوجهج محد يخلصج مني..

: بس افهمني

فلت ايده مني وودخل للحمام رجعت كعدت بنفاذ صبر باوعت الموبايل بالكاع طافي مابي شحن
كمت بحيل منهك وصلته بالشحن وورجعت المكانني..

طلع من الحمام ينشف بشعره كال بنتره ووصيغه امر : كومي صبيلي غده،،

جاوبت بتلئك: اا اني مطابخه عادي اجيبلك من طبخهم!

ربع بالكاع : ومنو يريد ياكل من ايدج اصلاً
رفعت حاجبي بعدم رضى
صبيتله غده ورجعت جان الموبايل ع اذنه ويخابر دنكت خليت الصينيه يمه بالكاع شعري ووكع على وجهي ووصار قريب على المواعين حط ايده على سماعه الموبايل وصاح
:شهل ثووول شيلي شعرج شكو مفرعه..

رفعت نفسي وماجاوبته ماكدر الم شعري لان راسي يوجعني ووعبالك مورم فتح مكبر الصوت ووخلاه بصفه وواندمج ياكل ويحجي..

:لك لا الدكتور نعل حض حضي بالاسئله مالته جايبهه من المريخ عبالك متحلف بينه..

: يعني راسب حجي

: لا ان شاء الله نندفر بكم درجه مساعده وننجح

: اي مساعده بربك شجاي تحجي

:دولي وجه الفكر من شفتك وشفتني تلطم

وسد الخط بوجهه حتى بدون ميسمع جوابه اني كاعده مثل التمثال واباوع علي نزلت راسي لحضني
: يعني بس خلي نفسك ماكني ولو مراح تكدر بس جرب ووشوف الاحساس شكد قذر بمجرد اتذكر نظراتك الي بذاك اليوم ووشلون اصرخ كدامك واستنجد وانت مهتم بسمعه ابن عمك انسى كل لحضه عشتهه وياك ووكل كلمه كلتهه وواكرهه وجودك..

انت ذكره سيئه من ذاك اليوم والانسان مستحيل يكدر يعيش وي ذكرياته يا اما يتخلص منهه ويرتاح لباقي عمره يا اما
يتأقلم وياهه وويموت على البطيئ..

دفع الصينيه بملل ورجع شعره بأصابيعه ليوره راد يكوم حجيت : لتبقى ساكت احجي اي شيء والله دتحملني ذنب ووشعور حيل مؤذي.

عقد حواجبه : مو انت مرتاحه بأذيتي بعد على شنو احملج ذنب مو انت ردتي هذا يصير ردتيني احبج ووبعدين اواجهه حقدج ونفرتج مني!

بجيت : اني ما ردت بس جنت مجبوره اسوي

كام على حيله ورفع ايده عليه
:باباااا لصيرين متناقضه قبل شويه كلتي انت ذكره سيئه واذا ما تخلصت منهه ما ارتاح..

كمت ووكفت بوجهه واحجي بتوسل وملامح تترجى شي منه بس ماعرفه شنو
: اي صح بس مو هيج..

تنهد وتنخصر بنفاذ صبر : لا اله الا الله يابه اسكتي كافي ماريد اسمع صوتج هاهيه الي ترديني يصير منا ووجاي اني زوجج بالاسم بس واذا تحبين اعوفلج الغرفه هم...

بس ماريد اشوف وجهج حاولي لتكابليني وتكعدين..

تخطاني بغضب راقد بين عيونه ووفتح الباب بقوه راد يخلعه طلع وعافه مرتاح..

كارههههه نفسييي ماعرف شريد ماعرف محتاره ومحيرته وياي.

توني دادنك اشيل الصينيه سمعت صوت صياح قوي خليت ونزل وكفت على الدرج شفت رهيب واكف على اول بايه ووكدامه رهف تعيط
: جايه اخذ اختي انت شكو ليكون مصدك نفسك زوجهه..

رهيب : اطلعي برا لاتخليني اتصرف تصرف مراح يعجبج

:لا والله فاددددديه فاددددديه

رفعت راسهه وشافتني نصدمت ووضربت صدرهه شهكت
: عزااا وصخام ولك شمسووووي بيههه ابن الحرااااام شلون تمد ايدك عليهه..

رهيب : ادبسززز ماعليج عتب ما استغرب من حيه مثلج كلشي تحجي صار ثاني مره اطردج هالمره اذبج بره بيدي..

رهف :افضحكك فضيييحه اذا متطلك وتخليني اخذههه لك بيا عين ووانت مزوركههه.

كلهه اجتمعت وويهدون بيهم ويحاولون يفهمون شكو واني ارجف كلي حتى خايفه انزل يمهم،....

رهف : فاديه تجين لو لا

ندار عليه وخزرني :اذا تطلعين بره البيت بعد مالج رجعه..
..
جمانه

رجليه رجفن ببرعب وبساعتهه يمكن الضغط صفر عندي
زفرت بصعوبه وواني اشوفه طالع من باب بيتنه وراكب سيارته امي باوعتلي ووعقدت حواجبهه..

دخلنه للبيت بابا وواكف بالحديقه يروح ويجي وويفرك براسه اول ماشافنه عاط بيه
:هذااااااا منين يعرررررررفج منييييين

رجعت للخلف بنزه : ااا منو بابا شكوو

: لا تستثولين اخو فاديه منين يعرفج

باعت ريكي : مادري
: چا شلون جاي يخطبج منين شافج؟ويكول احبهه.

حسيت ملك الموت راح يسحب روحي من كد هبطتي سواهه وفضحني كدام اهلي شكد كرهتك يا مصلحجي.

طاحت دمعتي امي لزمتني من ايدي ودفعتني للدخل وهمست بخزره : امشي طبي جوه..
دخلت للغرفه ذبيت انس ووفركت بوجهي يالله اذا عرف ابوي تصير مصايب مو مصيبه والانكس من هذا راح انزل من عينه..

انس يبجي بالكاع يريد يشرب حليب وواني ذهني شارد ووامسح بوجهي وربكتي ذبيت الشال بنتره بالكاع ووكعدت بصفه ابجي ويا وواسكت بي
: لك ماما اسكت والله تعبانه اسكت حباب

ماكو يشيل بروحه ويركعهه بالكاع عطت بي
: ماكوووو حليببب ماكوووو نجب

شفته مبرطم وويناشغ نكسر كلبي اهو هاي اني شسويت فوك مرضى اصيح علي وكف على ركبي ووجريت الممه من ميز المرايه جنت مخليتهه هناك..

شلته بحضنه ووحطيت المميه بحلكه سكت شويه بس اني ماسكتت دموعي تجري عشره عشره ولو يذبحوني قطره دم مايلكون بيه..

نفتح الباب ودخلت مره احمد وجهه مخطوف وهي واكفه بالباب حجت : جمانه شكو؟!

بلعت ريكي :مادري انت ما تعرفين شصار؟

:لا جنت فوك اسبح بجهالي وهسه نزلت هوسه ووصياح

:احمد وين؟ موجود!

: لا طالع بالشغل يمعوده عمي يصيح ووجههه مكلوب احمر راح ينجلط روحي شوفي شبي..

نعكشت ملامحي بحزن :داشرب انس جوعان بس ينام اطلع

هزت راسهه بشك ووطلعت يمكن لاحضت على وجهي شيء
بس شسوي خوفي باين وواضح وومرسوم رسم عليه..

انس ثواني ووغفه لان جان تعبان من الطريق والمستشفى
كمت خليته على الجربايه وطلعت اقدم رجل واخر الثانيه ووارعش مثل السعفه..

كاعد بالصاله وبيده كلاص مي ويشرب وومختنك وامي فوك راسه بس شافتني خزرتني وواشرتلي براسههه ادخل جوه
بس رفضت تقربت يمه وهمست
:بابا

رفع عينه راد يعيط بيه بس استغفر ومسح وجهه واشرلي اجي اكعد بصفه بللت شفايفي برعب وورحت يمه بيناتنه كم شبر.

تنهد : جمانه بنتي احجيلي منين تعرفينه

:بابا اني ماعرفه

: چا شلون يكول اني احبهه وماتهمني الناس شيكولون ومعليه بل عداوات ووالمشاكل المهم رايدهه هي..

هلكد مصر عليج اكيد يعرفج

عضيت شفايفي السفليه وافرك بأيدي
: اكو شيء صار وانت ما تعرفه

عقد حواجبه وملامحه خايفه وتترقب الكلام مني
: بابا اني لمن  كعدت يم ام اسعد وجان بدايه المشاكل والعرك اهل فاديه خطوفني بس محد يدري ووصوني ما احجي اسبوع يمكن يلا رجعوني وهو همام رجعني.

نهض بفزع واعصابه ترجف عاط
:ولج شوووكت هذا الحجي وليش ماكلتي اليييي!

تنفست بصعوبه: والله همه كالو الي

اشر على نفسه ويصيح بكل حيل.
: انيييييي بنتيييي تنخطففف وما ادرييي اني ينضحكككك عليه، لج شلون كدرتي تضمين ما حجيتي ما زليتييي من شنو خايفه منهم..

بجيت : والله كلت ياخذون ابني مني بابا

بلع ريكه ووجههه نسحب لونه ما نحس بي غير وواكع من طوله عطتت اني وامي بنفس الحضه ووركضنه علي وهو فاقد حاولنه نشيله بس ثكيل ماكدرنه..

كمت اكمز بتوتر وواصرخ بالبجي واعض بأصبعي
: يمة ابوي راح يموت من وراييي يمه فدوه كعديي يمه..

همست بعتب : كومي وياي

حاولت بس كوه نرفعه ويرجع يوكع من ادينه رغم هو موسمين بس عضمه خشن، نزلت مره احمد على العياط
شهكت وفكت عيونهه..

سوت الدرج شبختين واجت ساعدتنه حولنا من الكاع للقنفه
رحت جبت مي وكالونيا رشينه ووشممنا كعد فتح عيونه ووباوعلي عينه مدمعه نزلت نفسي علي حضنه ووخليت راسي على صدره وواشهك بالبجي..

جمانه : لو صايرلك شيء بسببي ماضل عايشه فدوه الكلبك بابا والله اني احبك ولله..

لزم راسي من ورا وكام ومسح علي رفعت نفسي عنه وامسح بدموعي كعد وصافن..

امي : اسويلك ليمون..

ساكت ماحجى شيء ربعت يم رجله وودنكت ابوسهه دموعي وكعت على كف رجله لزمني من اكتافي ورفعني
: والله يا بابا اني اخاف عليكم قابل اكرهك لو صاير الج شيء اني اتأذه موانت شلون تضلين ساكته هلكد جبانه ووخوافه وولج اني الي من عمرج سنه لحد هسه موصيج محد يسندج ويخاف عليج غيري لو شما غلطتي لو شما ارتكبتي اخطأ تعاي كليلي ولا تتردددين..

لفيت اديه على ركبته : واني هسه داعترف كدامك صح ضميت عليك بس شسوي خفت يدرون اني كايله الك وياخذون ابني..

هز راسه بتوعد : يصير خير

مافهمت قصده كام على حيله وراح غسل ووجهه ورجع
امي كالت اله ارتاح تمدد شويه..

ذب نفسه على التخم ووصافن وايده فوك كصته جرتني من زندي احس خلعته وواخذتني سحل للغرفه ويانه مره احمد
..
دفعتني ووطبكت الباب اول ما صار وجهي بوجهه جابتني براشدي شالت شعر وَجهي..

:المدير االي تشتغلين عنده هو نفسه همام مو؟

برطمت : مجنت ادري

سحلتني من شعري وتحجي بهمس تخاف ابوي يسمع
: هاي انت الي اكول عليهه رايتي الارفع راسي بيهه هيج يطلع منج ماتخافين على نفسج على سمعتج انت على الاقل عوفي ابوج خافي على روحج..

شلون تشتغلين عنده وواهله كتالين رجلج هاااااااا ماخفتي يتهمونج وياااا ولج شلوووون بييييج جمانه يامصخمه شلووون.

جريت ايدهه : وداعة انس مجنت اعرف هو المدير..
بلعت ريكهه ووذبتني بنتره ووكالت بتوعد
: بسيطه

رادت ترجع تضربني لزمتهه مره احمد
:على كيفج عمه عوفيهه كافي هي صغيره وماتفهم والضرب ميفيد بشى..

طلعت ووعيونهه تخزر بيه كعدت الطم ووابجي على حضي

: يمعوده بس فهميني شكو

: عوفني عوفيني والله راح اطلع اذب روحي جوه سياره وواخلص لو ما انس فلا احد يوكف بوجهي تعبت مليت زهكت شكد عمري ميه حتى امر بكل هل مصايب..
بلعت ريكهه وسكتت كلت الهه خليني الوحدي طلعت ووسدت الباب جريت جنطتي وطلعت موبايلي دكيت رقمه شويه وجاوب..

: تريد تحرك كلبيي انت لان رفضتك تريد تورطني وتفضحي.

همام : اني احبج

بجيت وصرخت : اييي وشنوووو الفايده لك احنه مستحيل نكون البعض ليش مجاي تفهمم مستحيل اني زوجهه الي اغتصب اختك اني مرته للي قتلتو شلون تحبني شلون فهمنييي..

همام : ميهمني اي شيء جمانه كلهه طز المهم انت

: عوفني ابوس ايدك

تنهد :شسوولج اهلج

: مسوولي بس راح ينتقمون منك انت يا اناني

غلطت الخط بوجهه وحضرته شويه ووسمعت صوت احمد يصيح عزا شوكت اجه ذبيت الموبايل وكمت مديت راسي من الباب.

اسمع بابا يكله: اذا ما هجمت العماره على راسهم فلا اتسمى باسمي امشي كوم بدل وتعال... يتبع
..
قصير البارت بسبب ضيق الوقت ولو انتو لو اكتب ٤٠٠٠ تكولون قصير فماكو فرق 😬
🖤🖤🖤🖤🖤
ايزابيل