رواية لم اخلق لرجل سواك الفصل الحادي وثلاثون 31 - بقلم ايزابيل

#بقلم إيـزابيـل
# الجزء الخامس والعشرين
#لم اخلق لرجل سواك
..
فاديه

دخلت عمليه بس بعده كلامه يرن بأذني وهو يكول سامحيني اذا معتبرتني غلطان بحقج..

حتى نسيت نفسي وونسيت خوفي من العمليه وخطورتههه كلشي جان شاغل عقلي بذيج الحضه هو كلامه..

والحمدلله عدت بخير َوطلعت بس ضهري يوجعني ووتارسينه لزكات ووشاش طبي..

حتى ماكدر انام علي احسه مورم طلعت بعدني تحت تأثير البنج اهذي بيني وبين نفسي وواشهك وابجي.

حسيت بأيده ينحط على كصتي ويهمس
:  مصخنه

: ماعرف ضهري يوجعني

:مشتعله نار

مابيه حيل احجي ولا اجاوبه غمضت عيوني وبقى هو يتلمس بوجهي ويقيس حرارتي..

يمكن جان محد موجود بس هو راح جاب الدكتور واجه كله شيء طبيعي بكمادات تروح حتى ماتحتاج علاج.

رهيب: يعني اكدر اطلعهه اليوم

: ايي طبعا

تقرب علي دنك راسه ووكال : نطلع لو تبقين ب المستشفى؟ لثاني يوم

همست بضعف : لا عادي نطلع

هز راسه ب تمام وكمل كل الاجرائات ورجعنه للبيت هو صعدني ب السياره ونزلني منهه دخلنه لجوه كلهه كاعده ووتباوع علينه وخاصا علي شلون ساندني ومعافني..

دخلني للغرفه عفت ايده ورحت اني ذبيت نفسي على الجربايه وودفنت وجهي بالمخده وونمت فورا

مابين النايمه والصاحيه اسمع صوت صياحه على زوجه ياسين وهو يهدد بيهه ويحذرهه تتقربلي مره ثانيه..

وهي بكل عين صلفه ترادد وتكله هي الي بدت تصيح عليه وعلى جهالي تكلي الوصخه تاكلين ووتشمرين..

ماعدهه لا ادب ولا اخلاق دكول تربيه شارع.. واني شسويتلهه دفعتهه وهي شو ذبت روحهه ب الكاع
مدري مياعه مدري لواكه ووجذب..

رهيب : دنلصمي ولا تخليني اغلط عليج واهينج اسلوبج هذا اسلوب حيوانات الانسان الطبيعي مايتهجم ويضرب وويسحل ويكتل هذا اسلوب الحيوانات..

ضلت تبجي وتدعي

خليت ايدي على اذني ووعصرتهن بقوه ووغمضت عيوني يلا كدرت انام
..
مرت يومين يلا كدرت اتحرك براحه وواتحكم بضهري ووافوت اسبح

العصر كاعده امشط بشعري توني طالعه من الحمام نفتح الباب وودخل رهيب..

نتجه على الباب ويباوعلي تلبكت حيل..

كال : شلون صحتج

:تمام

: يعني تكدرين تمشين

هزيت راسي ب اي

: كومي بدلي

كلت بتعجب : ليش شكو؟

:نطلع

صدمني تصرفه : ااا بس اني

: ماكو بس يلا كومي

ويباوعلي ويبتسم بلعت ريكي بهدوء وونزلت عيوني على المنشفه الي على رجليه شلتهه بتنهيده وورحت للكنتور اخذت ملابسي ودخلت ابدل وواصلا ماعرف وين راح نطلع وشنو المناسبه.

طلعت لكيته واكف يدكم قميصه رحت اخذت حذائي جانت كعب ناصي تقريبا خمسه سانتي متر وولفيت شالي من بعيد واني اباوع للمرايه لان هو واكف عليهه..

انتضرته يخلص ورحت مكانه رشيت العطر..

طلعت ستره لو بيج من الكنتور وصاحلي
: فاديه

نداريت علي لزمهه بأيده ووقربهه عليه..

بللت شفايفي بتوتر وورحت اخذتهه من ايده ووكفت خلفه ووارجف كلي..

من بعد الي صار اتخربط اذا اتقربت من رجال او حتى شميت عطره كوه سيطرت على نفسي..

رفعتهه وهو دخل ادي ساعدته يلبسهه لتفتت عليه ويبتسم : شكرا

ابتسمت بجفاء شبه ابتسامه صغيره لبس حذائه والساعه انتبهت علي كلش انيق وملابسه ووتنسيقه مرتب وواكثر شيء لبسه رسمي..

مدلي كف ايده ضليت اباوعله وصافنه ووكلبي يدك بقوه من ما انطيته ايدي وضليت رابطتهه ب ايدي الثانيه بقوه..

نزل ايده ووحطهه بجيبه وَمشى بقيت واكفه بمكاني استغرب رجع عليه..
: شبيج

ميلت راسي ووالدموع بعيوني حجيت بحروف متقطعه : اا اسفه

تنهد ببتسامه : عاذرج تعالي يلا

هزيت راسي وخليت جنطتي بكتفي ولحكته..
راح لسيارته الي طابكهه ب الكراج جان ناوي يصعدهه بس ماعرف شنو الوكفه فجاءه تراجع

ودخل للبيت كال انتضريني شويه جاب سويج سياره رواد ووصعدنه بيهه..

معقوله علمودي ميريدني ارجع اصعد بذيج السياره؟!
..
ووصلنه لمطعم ونزلنه سوه جانت اجوائه حيل رومانسيه وهادئه طول الوقت ساكته رغم هواي حاول يحاجيني بس بقيت اماطل ووكوه احجي الحرف..

ضل يضحكني ويحجيلي مواقف صايره ويا..
واني اضحك عليهه اكو بيهن اجامله لان مالي خلك كلش..

بس قسم منهن حيل ضحكني ووتونست شويه..
اكلنه ورجعنه للبيت وطول الطريق يسأل بيه
مرتاحه متونسه..

وويكلي اي وقت تشوفين نفسج بي ضايجه تعاليلي وعوفي الرسميه لا تعتبريني زوج صديق قريب اي شيء..

هنا ماكدرت اسكت حجيت بسخريه
: اني ممعتبرتك اي شيء غير الهاله السوادء الي مطرت مصايب على حياتي انت مموجود بحياتي اساسا وما اشوفك غير عدو..

كم ضحكه ووطلعه ووماعون اكل جمعنه ماراح يمسح الماضي ولا يغير مشاعري..

كلت هيج وودرت وجهي للجامه بقه مصدوم بس ساكت وماحجى شيء..

وصلنه للبيت اجيت انزل قفل البيبان ذب حسره طويله ووكال: حقج بكلشي ووفعلا اني غلطان ومن الطبيعي اكون هيج بنظرج انت ماكلتي غير الحق بس حاولي تغيرين من نفسج وتنسين الي فات لان الدنيا هيج مراح تمشي..

خنزرت علي بعصبيه
:اني من ذيج الحضه كلشي وكف عندي والحياه بطلت تمشي فما كو شيء جديد..

افتح الباب،،،

فتح الباب ونزلت اركض
..
جمانه

من فشلتي ماعرفت شسوي تلبكت درت ضهري فورا ووفتحت الباب وطلعت ضليت طول الطريق اغم بنفسي ووالعن واسب..

صوجي اني صوجي كبر لفني شكد دماغ سززز
بسرعه فتحت الباب عبالك واحد متحلف..

الحمدلله والشكر كعدت على كرسي المكتب بضجر ووانافخ..

ابد متوقعته من هالنوع بس مستغربت اغلب الشركات هيج،،،

ضليت اشتغل لحد ما اجت غزل تبتسم ووتعدل بشعرهه تحاجيني واني منزله راسي على الاوراق

غزل :جمانه شلونج
: الحمدلله بخير
: ليش مستحيه شبيج

: لا مبيه بس مركزه على الاوراق

: هاا ترا ماكو داعي تخجلين مني اننت مسويتي شيء غلط.

رفعت عيني عليهه: بصراحا اني اسفه مجنت اعرف

: ههههه عادي حبيبتي يلا نبدي شغل

ابتسمت وهزيت راسي ب اي كالعاده كل وقتي وياها اشتغل وتعلمني واليوم همام ابد مدز عليه

رجعت للبيت ووكل ماتذكر الموضوع اسبح بخجلي
..
ثاني يوم داومت وومرحت اله بوجهي المكتبي جان بوقتهه ديوزع اكراميات للموضفين ووكلهه مجتمعه يمه..

اني ما روح لان اصلا ماعندي راتب اول شهر من ثاني شهر ابدي استلم ووبوقتهه جان راتبي ٣٥٠
بس اجتني بنين كالت المدير طلبج ب الاسم تعالي..

: شنو شيريد

: تاخذين اكراميه

: بس ماعندي راتب؟

: مادري هو بذاته كال صيحو السكرتيره..

بلعت ريكي وورحت وياها ايد بأيد وواكف يم الي يوزع ب الرواتب وومخلي ايده بجيوب بنطرونه الكلاسك...

مريت من يمه وومنصيه راسي ب خجل.. واستلمت كلهه استغربت لان ممسويهه وي اي احد قبل..

تقيدت من نظراتهم رجعت لمكتبي واهفي على وجهي شديسوي هذا شديسوي
..
بأثناء الاستراحه جنت نازله ورايحه للمطعم..

شفته كاعد بسيارته السوده بمكان السايق ووبصفه كاعده غزل وويضحكون ومنطلقين...

بقيت واكفه بمكاني مادري شصابني عبالك تجمدت وهو صدفه رفع نظره ووباوعلي...

ابتسم وغمزلي بطرف عينه نثولت عفت السيارات والشارع العام والناس ووبقيت افسر تصرفه شنو معناها لحد ما دار وجه على الاستيرن وومشه بسرعه..

شنو قصده بهل حركه!

الهه هواي اسباب معقوله ديلاطفني صحاني صوت الهورن العالي دخلت اركض للمطعم وبقيت انتضر بنين..

تغدينه ورجعنه كل وحده لشغلهه،،،

واني ماره بالصدفه داخد الاوراق استنسخهه ثنين واكفات يتهامسون..

: اي لعد شنو معناه تصرفه اكيد مخلي عينه عليهه

: لا مستحيل

شنو المستحيل بابا هي صغيره وحلوه وارمله ووهو ناجح ووصاحب اضخم فروع ووشركات ومناقصه شيء شخصيه وجمال :

: باعي لتشوشين دماغي معقوله هلكد رخيصه وهي مبينه حيل متحفضه ومحترمه يعني متدري بي هو يوميه وي وحده؟

: شنو نسيتي قبل من جان يوضف شكو حلوه سكرتيره ورا اسبوعين تطش اخبار علاقتهم..
هسه انتضري فد اسبوعين يعوف غزل وويحط عينه على جمانه

..
كرهني بكد ما جنت محترمته والله لو موجود جان هسه رحت رجعت اله الاكراميه بس عادي باجر ارجعهه مستحيل اقبلهه بعد الي سمعته
وانبهه مايفضلني على اي موضفه لان البيني كافيني..نقهرت قهرهه مردتني مرد
..
رجعت للبيت ووحجيت الامي على الاكراميه طارت من الفرح وكالت يارب يرزقج من اوسع ابوابه وويوفقج..

ابتسمت ورحت بست راسهه وودخلت لغرفتي بقيت الفلوس بجنطتي حتى باجر ارجعهن ووضميتهه ب الكنتور..

كالعاده اخذت انس العب ويا واعوضه عن الوقت الي اكون غايبه بي اخذته ووطلعت للحديقه امي شويه وولبست عباتهه وكالت رايحه للسوك عاجبتني شيله ب ٤٠ الف اريد اشتريههه..

ماسألته منيلج ال ٤٠ الف لان توقعت بابا او احمد منطيهه غلست ووصيتهه تجيبلي وياها قميص حلو على ذوقهه..

: عندي ٥٠ الف ٤٠ شيله واذا لكيت قميص ب ١٠ اجيبه الج

: لا شنو قميص بعشره ووين اكو جيبي الي عطر على ذوقج او فد قلم حمره..

كالت هاهيه وراحت صار المغرب رجعت للبيت سويت عشه نواشف ونزلت رهف رادت تساعدني بس كلت الهه لا عينج على الجهال واني اكمل كلشي..
..
ثاني يوم كعدت شويه متأخره سبحت ووطلعت لبست كيلوت وردي وووقميص بيجي يصير قماشه جرجيت ووتوربان وولبست تراجي نازلات
لحد الركبه لون فضي..

وماما جانت جايبه الي قلم حمره لو احمر مات ولا مجربه اخلي هيج لون بس اليوم عجبني..
..
وصلت للشركه وبوجهي لمكتبه وهالمره دكيت الباب الفلوس مجرد حولتهن من جنطه لجنطه ابد ماشفتهن ولا كلبتهن..

صاح تفضل دخلت رفع راسه ووابتسم كال صباح الخير وورجع دنك..

: صباح النور

عاف القلم وباوعلي بتركيز
: اليوم ماعندج شغل هواي بس كم ورقه تدققيهه

: اااا مجايه علمود الشغل

رفع حواجبه الاثنين وودفع الكرسي بهدوء وكام ووكف ربط ادي خلف ضهره وتقرب علي بهدوء
: لا! كولي محتاجه شي

: اااا

طلع مني هالكم حرف وسكتت مديت ايدي للجنطه ووطلعت الفلوس ووخليتهه مقابيله.

: هاي الاكراميه

: شبيهه

: مابيهه بس اخذهه

:ليش هاي الج مو الي

: اعرف بس اني ماريدهه

: مو صدقه ولا تفضلت على احد هاي حق تعبكم

: البقيه مو اني

: اذا بالنسبه للراتب ف من الدفعه الجايه انت تستلمين

نفخت بضيق: كرمك وياي البقيه ديفهمو بغير طريق

رفع طريقه حاجبه ووتمشى داير مدايري
: وشنو الجديد همه اي سكرتيره تجي بمجرد ماتدخل مكتبي يفهموهه بغير طريقه ادي وضيفتج ومعليج ب الباقي..

طرحت نفس ووتمشيت بهدوء خليت الفلوس على المكتب وطلعت
..
اليوم جان شغلي كلش قليل مجرد كم ورقه كملتهن ومارحت لمكتبه لحد ما هو اجاني ونصدمت من شفته دخل لا ارادياً وَكف على حيلي..

كعد على الكرسي مقابيلي وكال
: اكعدي

: محتاج شيء استاذ

: لا لا بس حاب اشوفج شلون تشتغلين

توترت منه كوه كعدت ووبصعوبه اشتغل كل ساع واتحمحم وواكح ووهو صافن على اصابيعي شلون يكتبن وويشتغلن..

صاررت الاستراحه ووبقيت محبوسه ويا لان هو ماكام ف ضطريت اضل كاعده لحد ما اجت بنين..

وخطيه هي متحمسه وتريد تصيح بس نفجعت من شافته ضلت واكفه بمكانهه.

شافهه كام وكف على حيله : اخذو راحتكم جمانه عاشت ايدج حيل مطوره.

فرحني كلامه حسيت بثمره تعبي راح ووهاي استلمتني اكس مربع شيسوي ووشكو يمج

: هاي شدتحسين حبي شنو اول مره هو دومه ويومه يسوي كبسه على الموضفين علمود يشوف منو ديشتغل ومنو كاعد

كالت وهي تجر الكلمه
: اهاااا
..
رجعت للبيت سبحت ووطلعت الامي تمشطلي..
كمت ووكابلتهه وكعدت مدت ايدهه الجيبهه وطلعت ٥٠ الف ووحطتهه بحضني

: هاي شنو

: فلوسج مو اخذت من اكراميتج البارحه ورحت للسوك
ََ..
روح

كلشي جان يمر بحياتي يعلمني درس يقويني وويعلمني ويخليني اقوه..

ماضعفت غير يمه اني لحد هسه مستغربه شلون تغيرت شخصيتي هيج وين روح الي ميوكف بوجهه احد وين روح الي اكبر راس ميمشي كلمته عليهه..

شلون كد هيج يمحيني ويكوني من جديد بحيث قدمت اله كل التساهلات على طبق من ذهب..

لحد ما وصلت ويا لهل نقطه ضحكت بسخريه وومردت الحبوب بأيدي
: اذا متريد يكون الك اطفال مني ف ما مجبور تجيني ولا اني راح اقبل لان مامشي بكيفك  ولا لعبه عندك تتصرف بيه بالي يعجبك..

ذيج الملاهي متروسه رخاص روح الهن ممجبور تجي ليمي مو معناهه زوجتك شرط تكون بينه علاقه زوجيه..

عقد حواجبه بسخريه
: ليش حضرتج شمعتبره نفسج! شنو فرقج عنهن هنه يشتغلن علني وانت من جوه ليجوه..

ماجاي اشوف اي فرق؟ تتوقعين ماخذج لسواد عيونج مثلا..

كلامه هزني وورجف داخلني العبره ووصلت لبعومي من دون شعور رفعت ايدي علي وناويه اضربه لزمهه بسرعه البرق سيطر عليه بسرعه لان فرق الطول بينه سمحله يتحكم بيه لواهه لوره ضهري.

جنت قريبه علي او بالاحرى لازكه بي اباوعله بحسافه وندم وودمعتي نزلت! اي اي هلكد صايره رخيصه تطيح على اقل شيء..

: اضربنيي انعتني بهيج كلمات رش على جروحي ملح بكلامك بس ميهمني شايفه السما شكد بعيده فكره تتقربلي ابعد منهه.. لا تقارني بأحد وكلشي صار ندمت علي

: شنو الندمتي علي فيدوهاتج ووانت شبه عاريه التارسه موبايله لو صورج التافهه

مجاي افهم شنو الندمانه علي وانت ابسط شيء موثقته صوره وصوت..!

الندم هسه طلع لو شنو؟

لج بابا اني منج اطم روحي بأقرب حفره بس انت ك**ومستهتره ماكو شيء يكسر عينج..

زفرت نفس بقووه: ديلا اني هيج شتريد هسه اطلع بره ولتشوفني وجهك خليني محبوسه هنا افضل من ما اكعد وياك وتسسمني بكلامك

يباوعلي بغضب ووبوده يفترسني ضربني راشدي دار ووجهي صفح شمرني على الجربايه الي خلفي بقوه وسرعه..

ودنك اخذ شريط الحبوب الي وكع من ايدي

رجعت نفسي للخلف واباوعله بخوف انتحر اذا تقرب مني مجاي اطيقه كرهتهه كرهه العمى
ولو يبقى اخر رجال بالعالم بعد مستحيل يرفله كلبي.

اني هيج انسان يستغل الفرص حتى يذلني وويجرحني وويكسرني مستحيل اشوفه بعيني..

تقرب عليه دفعته برجلي : وخرررر لا اصرخ صرخه الم العالم كلهه هسه ووتعرفني شنو..

: دنجبي ادبسززز

لزم رجلي ووسحلني نومني على ضهري ووصار فوكاي مخنزره علي ووبودي ادفره بوجهه بس شسوي بكلبي الي بكل مره يدوس علي يرجع يفكر بي..

كلت اسحب نفسي منه بدون ما اقاومه واضربه
او اصيح

خليت اديه بهدوء على اكتافه صارت اصابيعي على الرتب الي ببدلته العسكريه وحجيت بعبره
: قسور والله مامستعده هسه ووعقلي مو براسي وتعبانه وروح هسه انت وواوعدك بالمره الثانيه ماراح ارفض وشتريد اسوي اسوي حتى الحبوب اشربه عادي اصلا اني ماريد اطفال..

ضحك بسخريه : وانت منو ماخذ رأيج؟

جر اديه بنترره عنه وولزمهن بقوه ورفعهن فوك راسي كلت مستحيل اسكتله هذا ابد مو مال تفاهم
.ضليت اجر بنفسي من جوا واوخر براسي يمنى ويسرى..

لزمني من فكي وثبت وجهي مقابيله بحركه سريعه طلع حبايه من الشرط وويحاول يخليهه بحلكي..

صكيت سنوني بقوه وحجيت بصعوبه
: لو تموت ماشربهه

ضل يباوعلي ووبوجهه حيف ووكرهه الي موطبيعي ضل مخلي الحبايه بين اصابيعه..

نزل راسه على شفايفي ووباسني بهدوء

رغم الشعور الي بداخلي بس قاومته لان ببساطه عرفت شنو غايته كل ضنه راح اتأثر ووااستسلمله حاولت ابعد عنه بس ماعافني ولا ثانيه..

حسيت انفاسي راح تنكطع وهو لاطش بيه..

ضل صدري يصعد وينزل بصوره كلش واضحه
ابتعد عن بعد ما مرت اكثر من دقيقه من وحشيته ووتعامله القاسي وياي حسيت بالدم ينزل من شفافي ويلامس حنگي..

بجيت بهدوء : بشنو اذيتك اني ليش تسوي هيج ليش دتعاقبني وتأذيني بأحساسي وومشاعري والله وروح ابويه اني ندمانه وجنت تحت تأثر الفقدان والحرمان من ابسط الاشياء ماردت مؤمل يروح من ايدي كمت اسويله اي شيء يطلبه..

مو كتلك مالي غيرك وانت الوحيد الي اكدر استند علي ليش تخيب ضني الي فات مات وواني لو بودي اقتل نفسي من الندم.

الانسان يغلط وو..

قاطعنه وهو يخلي الحبايه بحلكي صدمني جان مركز وياي ويستمعلي شلون هيج يغافنلي..

حطمني بتصرفي شهكت بقوه ووصرخت
:وخرررر عنييي اكرهك حقيررر

: ليش رافضه اتقربلج احجي مسويه شيء اكبر من الصور..

: لا بس مداطيقك كرهتك

ابتعد عني وونام على ضهره بصفي
: روح احجي ترا نفذ صبري..

درت صفح وودفنت وجهي ب المخده ابجي وواشهك حجيت بصوت ممتقطع : والله ندمت والله ليش مجاي تصدك تعبت واني احلفلك ووابرر الك ماعرفتك هيج ليش تغيرت ليش..

لزمني من كتفي ودارني علي خله اصبعه على خدودي وويمشي بهدوء رغم حركاته بس مداشوف بوجهه اي حنيه يباوعلي بجديه ووصلابه..

: اذا جنتي مكاني شراح تسوين فوك كل هذا انت معترفه قبل بعلاقاتج يعني ماكو مجال للشكوك
اذا كتشفت هسه منطيه نفسج المؤمل ماراح استغرب لان كلشي اتوقع منج.

ماكو احد بكدي حبج وخاف عليج صبرت  وسايستج لان ماجنت اعرف الموضوع وواصل لهل درجه صورج ذني اني اشوفهن بس بالافلام الاباحيه..

: اذا اختفيت من كدامك راح يرتاح كلبك

: ماتتصورين شكد

: لعد كتلني وواني قابله ومحلل وموهوب مسدسك موجود وطلقاتك موجوده وتكدر تكول هي انتحررت على الاقل اني ارتاح وانت ترتاح...

مسح دمعتي وكال : لو اكدر جان من ذاك اليوم ببدال ماحطهه برجلج حطيتهه براسج.

ضحكت بسخريه : يعني تعرف ذيج الطلقه ماراح تموتني بس راح تعذبني وتأذيني

هز راسه بأي برطمت  بعد خصلات شعري عن وجهي وهمس : ليش كرهتيني بهالجمال كله..

بعدت ايده عني
: شكد ماكارهني انت هسه بس مستحيل توصل لكرهي الك..

لف ايده على خصري ووسحبني اله صرت جوه ايده : تتذكرين ذاك اليوم الي كتلج بس احبج

هزيت راسي ب اي
: جانت اصدق كلمه اكولهه سابقاً قبل اكرهج..

باوع على صدري الي يصعد ووينزل بلهثه حط ايده على كلبي : من شنو خايفه

: منك

: انت متخافين ليش تتصنعين؟

: منو يكول! بشر اني مو حجر

: لو تخافين صدك جان خفتي قبل مو هسه صرتي بريئه ووشريفه وجبانه..

باوعتله بحده مستحيل كلامه يخله من الوم ووالبسامير والعتب..

: روح

رفعت عيوني علي

: تتصورين اذا عرفت احد قبلي متقربلج شنو راح اسوي..

: ما اتصور اي شيء لان دومك مسويلي سبرايز بتصرفاتك وشخصيتك بس  احتمال تضربني تجلدني والاقرب هو الموت..

: اذا اموتج راح اريحج؟

خلسني بكلامه حتى شكيت بروحي دفعته من صدره ووبجيت : قسور راح اتخربط والله كافي كافي شككتني بروحي داخاف من لا شيء..

لزم ووجهي بثنين ادي وومسح دموعه وهمس
: اشش صيري حبابه

نترت : عوفني ماريد

: مو على اساس طاهره ونقيه من شنو خايفه

زمخت: انت دتفهم الي اكوله لو لا ماكدر اتحملك يمي ولا اطيقك عوفني ابوس ايدك اعتقني تعبت
من العيشه بقلق ووياك.

خزرني ووجرني من ايدي احس خلعهه صار قريب عليه
..
رغم وجوده الي خانكني بس كلت الي شاك بي خلي يتأكد انو من ووحي خياله.. لان اذا رفضت

عباله خايفه من شيء معين رغم ما مجبوره ابرر اله بس حاليا ايي مجبوره لان ساجني بهل اربع حيطان ومتسلط عليه..

ووبعد هاليوم مستحيل ابقى يمه لو اعرف اصعد على السطح اشمر روحي اموت اتكسر اهم شيء اخلص..

كل حركه منه تدخل القلق بداخلي رغم ثقتي بنفسي بس خلاني اشك ايي كلامه ونظراته موتتني..

مرت اكثر من عشر دقايق وهو ما ابتعد عني..
خليت راسي على المخده وونزلت دموعي تتسابق
من سمع شهكاتي باوعلي ووصرخ بصوت عالي
: اطلعيييييي بره.. يتبع

🖤🖤🖤🖤🖤
ايزابيل